أحببته رغم جبروته
بقلم مريم محمد
البارت السادس عشر والسابع عشر والاخير
كامله على مدونة النجم المتوهج للروايات
فهد وتميم بصدمة:رهففففف؟؟!!
فهد جرى عليها بقلب ملهوف
شالها بسرعة وجرى على عربيته
أما تميم فهو مش مستوعب اللي بيحصل
فهد حط رهف في الكرسي اللي ورا
وركب بسرعة وساق العربية بسرعة لأقرب مستشفى
بعد شوية
وصل فهد على المستشفى اللي ياسر اخوه بيشتغل فيها
اول ما دخل كانت دكتورة فريدة
واقفة بتتكلم مع الممرضة
فهد بصراخ:الحقونيييي بسرعة
دكتورة فريدة بصت على مصدر الصوت وشافت رهف
دكتورة فريدة بخوف:بسرعة يا جبرمين جهزوا غرفة العمليات بسرعة
بعد شوية
خدوا رهف على غرفة العمليات
وعملولها اسعافات أولية بسرعة
أما فهد فهو كان في عالم تاني
ومش مصدق اللي بيحصل معاهم
ودموعه نزلت تلقائي من كتر الخوف على رهف
ياسر شافه طلع يجري عليه وحضنه
فهد بوجع:انا السبب يا ياسر انا السبب.. لو حصلها حاجة انا مش هسامح نفسي أبداً
ياسر بحزن:مش هيحصلها حاجة ان شاء الله.. صدقني رهف أقوى من كدة بكتير
مامت رهف جت وهي دموعها مغرقة وشها
ومعاها حور وادهم كانوا مع سيا وهيثم
أما تميم فهو كان قاعد يفكر معقولة في حاجة بين فهد ورهف
مامت رهف بعصبية قربت من فهد وضربته بالقلم
مامت رهف:ارتاحت لما عملت كدة
ارتاحت لما دمر"تها حرام عليك دي مش لوحدها دي معاها ولادها
فهد مكنش عارف يستوعب الكلام
من كتر خوفه على رهف
فهد بصدمة:ولادها؟؟!!
مامت رهف بدموع:أيوة ولادها
هيثم بمقاطعة:خلاص يا ماما إحنا في مستشفى مينفعش الكلام هنا
مامت رهف:لأ خليه يعرف
خليه يعرف ان دول ولاده هو كمان
ولاده اللي مفكرش يسأل عليهم
لو بنتي حصلها يا فهد انا هقت"لك بإيدي دي...ده أنا مقدرش استغني عنها
بقلمي مريم محمد
فهد بدموع:انا عندي ولاد
قرب من سيا وهو مش مستوعب اللي بيحصل
فهد بدموع:اكيد دي حور
الجميع نظر إليها بصدمة ف كيف عرف اسمها!
فهد:متستغربوش رهف وعدتني لو جابت بنت هتسميها حور بس مش عارف بعد اللي حصل بينا خلفت وعدها ولا لأ...اسمها حور صح!
سيا هزت رأسها بالإيجاب
فهد بحزن:أنا اللي خلفت كل الوعود
هي استحملت كتير أوي.. وكل أذى اتأذ'ته كان بسببي انا.. كنت عارف هي اتظلمت قد إيه ومع ذلك انا جيت عليها وجر"حتها
ياسر:بلاش الكلام ده دلوقتي يا فهد
عشان خاطر مراتك اللي جوه دي
بعد شوية
خرجت دكتورة فريدة وهي بتجري عليهم
دكتورة فريدة:لو سمحتوا إحنا محتاجين ننقل دم دلوقتي حالاً
فهد بلهفة:انا جاهز يا دكتورة
مامت رهف بعند:لأ ده مستحيل يعمل كدة مستحيل دمك يتخلط مع دمها سامع مستحيل!
دكتورة فريدة:مش وقت عناد
لو سمحتوا بسرعة يا جماعة
الجميع إحنا جاهزين واللي ذمرة
دمه تتطابق معاها هننقلها على طول
بدأت الدكتورة في عمل التحليل للجميع.. ولم يتطابق غير فهد
ف سحبت منه الدم
بعد أن اطمئنت بأنه لم يتناول اي شئ ملوث للدم الذي سوف تسحبه
بقلمي مريم محمد
بعد مرور بعض الوقت
خرجت الدكتورة من غرفة العمليات
وهي تحمدالله
الجميع بقلق:رهف عاملة إيه يا دكتورة؟!
دكتورة فريدة بهدوء:الحمدلله بقت كويسة وشوية وهتفوق ان شاء الله
بس بلاش ضغط عشان متتعبش
الجميع:تمام يا دكتورة
فهد خد الولاد وقعد يلعب معاهم
كأنه طفل صغير وكان بيبوس الولاد بحب.. مع اشتياقه الأكبر لحبيبة قلبه رهف
بعد شوية
الممرضة :المريضة فاقت وتقدروا تطمنوا عليها
بس واحد واحد
اول حد دخل كانت مامت رهف
بعدين سيا.. بعدين هيثم.. وهكذا
لحد ما بقى فهد
اول ما دخل بصت الناحية التانية
فهد بوجع:عارف انك مش عايزة تشوفيني وده من حقك.. بس بالله عليكي ما تعامليني بالطريقة دي
انا اتعلمت الأدب والله وبعدت عن
كل حاجة مش بتحبيها.. والله بطلت اشرب وبطلت اروح البا"ر.. وبطلت كل حاجة بتضايقك.. انا حياتي ملهاش لازمة وانتي مش معايا يا رهف...تعرفي ان حور شبهك أوي
رهف بصتله بتوتر وخايفة انه ياخد الولاد ويسافر
بقلمي مريم محمد
رهف بسرعة حاولت تقوم من مكانها
بس حست بدوخة وكانت هتقع بس فهد مسكها بسرعة وخدها في حضنه تحت ضربها ليه
بس بعد كدة هديت لما حست بدموعه ووجعه:خليكي كدة والنبي
بلاش قسوة تانية بلاش بعد كفاية والنبي وغلاوة الولاد يا رهف
والله العظيم بحبك انتي وعمري ما حبيت حد انتي الحب الأول والأخير
رهف بدموع وهي ماسكة فيه جامد:وجعتني أوي...وكسرت قلبي
اللي حبك حبيتك حب عمري ما حلمت اني احب حد الحب ده كله
ليه عملت عملت فيا كده.. لييييه؟!
فهد وهو يشدد من اختضانها:بحبك
بحبك وبس... بلاش نتكلم في اللي فات وحياة الحب اللي حبيتهولي
ياتري بعد ما دمي اتخلط في دمك
حبي موصلش لقلبك من جديد؟!
رهف بدموع:للأسف لسة بحبك
فهد وهو يشعر بدقات قلبه من شدة السعادة:والنبي جد!!
رهف:يا عم بقى أنا بقول كلامي مرة واحدة!
فهد وهو يقبل يديها بحب:والله بحبك ومستحيل ازعلك تاني
ويوم ما تزعلي مني تبقى اعملي اللي يعجبك
رهف بدموع:بحبك وامري لله
لسة ده بيدق لحبك انت.. مقدرتش انساك ومش هقدر... بحبك رغم كل حاجة حصلت ما بينا
فهد شالها وحطها على السرير بهدوء وباس رأسها بحنان وضمها لحضنه:هحطك في عيني يا رهف
ووعد قدام ربنا ان انا مش هزعلك تاني أبداً.. ورفع إيديها وباسهم بإشتياق.. قرب من رقبتها واستنشق
عبيرها اللي بيعشقه وكان عاشق متيم بحبها الذي سيطر على قلبه بأكمله
فهد بدموع:سامحيني والنبي يا رهف..وصدقيني هعوضك عن كل اللي فات.. بس انتي تسامحيني والنبي
رهف وهي تزيل دموعه بحب:مسامحاك يا فهد.. مسامحاك يا حبيبي وياقدري ونصيبي ♡♡
بارت صغون عشان خاطركم🤍✨
البارت 17
فهد بسعادة:يلا بقى قومي بالسلامة عشان اعملك احلى فرح في الدنيا كلها...عايزك ملكة في اليوم ده
ومش عايز الإبتسامة تفارق وشك أبداً يا رهف
رهف بدموع الفرحة:اقولك ان انا مش مصدقة اللي بيحصل.. ولا اقولك ان انا حاسة ان ده حلم
ولا اقولك إيه بس يا فهد؟!
فهد خدها في حضنه وهو بيندم على كل لحظة اذا'ها فيها
فهد:أوعديني إنك تنسى كل حاجة
وحشة حصلت مني يا رهف
وانا اوعدك إنك مش هتشوفي فهد القديم ده خالص
رهف:اوعدك يا فهد...بس انت عملت إيه مع ميرنا ورامز؟!
فهد:متقلقيش أنا عملت حسابي قبل ما اجي عمر صاحبي منعهم من السفر واللي شكيت فيه حصل
تاني يوم وصلت فيه أمريكا كانوا هما رايحين يحجزوا تذاكر السفر لأمريكا برضو عشان يراقبوني
ويشوفوا إذا قدرت اوصلك ولا لأ
رهف بتساؤل:انت لسة متجوز ميرنا؟!.
فهد بضحك:معقولة اكون لسة متجوزها... متقلقيش أنا طلقتها
وصدقيني مفيش اي حاجة حصلت بيني وبين ميرنا وغلاوة حور وادهم
رهف:مصدقاك بأمارة صور الفرح
اللي مصر كلها اتكلمت عنها!!.
فهد:معاكي حق تزعلي بس صدقيني
انا مكنتش فاكر اي حاجة.. وكنت ناسي كل حاجة حصلت.. بس اول ما افتكرت روحت طلقت ميرنا
وبعدين خدت حقك من اللي اذوكي
رهف:عمي؟!
فهد:أيوة يا رهف
رهف:كفاية لحد كدة يا فهد انا عايزة اعيش معاك حياة هادية من غير خوف ومشاكل... عايزة اعيش معاك كل لحظة بعدت فيها عني
عايزاك تحسسني أن وحشتك زي ما انت كمان وحشتني يا فهد!
فهد بحنان:خلاص يا روحي اوعدك أن انا اول ما نوصل مصر هسيبهم
وهبعد عن كل حاجة ممكن تعملنا مشاكل
رهف:انا عايزة اخرج من هنا عشان مش بحب جو المستشفيات وبصراحة بقى أنا مش بقدر ابعد عن الولاد كتير
فهد:حاضر يا عمري هروح اعمل إجراءات الخروج وأول ما تبقى كويسة هنرجع مصر
بقلمي مريم محمد
خرج فهد وعمل إجراءات الخروج
وشاف تميم واقف مستنيه بعيد
فهد:انا آسف أوي يا تميم بجد آسف
تميم:ولا يهمك يا حبيبي.. المهم أن مراتك بقت بخير حمدالله على سلامتها.. خلي بالك منها يا فهد
رهف ست بمية راجل وتستاهل كل خير!
فهد:حاضر يا تميم
تميم ساب فهد وقرر يتمشى شوية
لسة بيخرج من المستشفى خبط في سيا
سيا وتميم في نفس الوقت:اسف.. آسفة
سيا:معلش كنت مستعجلة!
تميم بإبتسامة:لأ عادي ولا يهمك
اتفضلي
سيا:لأ مينفعش كدة.. انا اللي خبطتك يبقى لازم اعزمك على حاجة
تميم بإستغراب:ليه يعني؟!
سيا:هو كدة عشان متنساش الخبطة
وتبقى مميزة
تميم بضحك:بجد ده ولا إيه؟!
سيا:صحيح هو انت برضو تميم
صديق ياسر!
تميم بتساؤل:هو انتي سيا!
سيا بإبتسامة:اممم. يارب يكون قال عني كلام حلو
تميم:بس انتي اتغيرتي أوي
سيا:اعمل إيه بقى الولاد خلوني
اتجنن
تميم بتساؤل:هو انتي متجوزة؟!
سيا بضحك:لأ بس انا دايماً بحب العب مع الولاد..بس تعرف لما شوفتك غيرت رأيي
تميم:بالنسبة لأيه بالظبط؟!
سيا:بقولك ايه انا عزماك على الفرح
اوعي متجيش هزعل أوي
ومتنساش تجيب خاتم الخطوبة معاك.. وانا مواقفة من قبل ما تقول
حاجة!
تميم بضحك:هو انا قولت حاجة اصلاً.!
سيا بغمزة:يا راجل ده انت عشقت لون عينيا من ساعة ما شوفتني
اعترف بقى مش وقت كسوف
تميم يضحك:الفرح هيبقى امتى؟!
سيا:مستعجل ليه بس ده انا هخليك
تعيش أجمل وقت في حياتك
تميم:عشان اشوف اذا كنت فاضي ولا لأ؟!
سيا:امممم. لأ يا بابا هتكون فاضي
وحتى لو مش فاضي هتفضي عشاني!
تميم بضحك:عن إذنك بقى
سيا:استنى بس رايح فين يا تيمو
طب قولي هتيجي تخطبني امتي
عشان اعمل حسابي يا جدع!
تميم بصلها بضحك ومشى وهو عمال يضحك
عند دكتورة فريدة
دخلت مامت رهف وهي مش عارفة تتكلم ازاي
مامت رهف:كنت عايزة اتكلم معاكي في موضوع كدة يا دكتورة فريدة
دكتورة فريدة:اتفضلي يا ام رهف
مامت رهف بتوتر:فاكرة اليوم اللي سألتيني فيه عن رهف إذا كانت بنتي الحقيقية أو لأ؟!
دكتورة فريدة بقلق:أيوة فاكرة
خير في حاجة ولا إيه؟!
مامت رهف:بصراحة بقي رهف مش بنتي الحقيقية بس انا اللي ربيتها انا اللي كبرتها وعلمتها كل حاجة حلوة
بحبها اكتر من هيثم والله العظيم عمري ما عملت فرق بينها وبين هيثم.. ولا حسستها بكدة خالص
دكتورة فريدة بدموع:يعني رهف مش بنتك الحقيقية.. الكلام ده إن رهف ممكن تكون بنتي اللي معرفش عنها من 25 سنة
مامت رهف:بنتك.. هو انتي عندك ولاد غير تميم؟!
دكتورة فريدة وحكت لها كل حاجة
مامت رهف بتذكر:انا اليوم اللي خدنا رهف فيه من الملجأ وشوفنا إسم الشخص الذي بعتها الملجأ كان اسمه عمران الدمنهوري
بس منعرفش عنه حاجة!
دكتورة فريدة بدموع:يعني رهف بنتي اللي كنت في الملجأ... رهف بنتي انا
وطلعت تجري من المكتب
على الأوضة اللي فيها رهف
فتحت الباب بلهفة وجريت علي رهف وفضلت تبصلها بدموع
وحضنتها جامد
رهف بإستغراب:في حاجة يا دكتورة
دكتورة فريدة بدموع:انا امك يا روح قلبي انا امك الحقيقية!
رهف بصدمة:إيه اللي حضرتك بتقوليه ده؟! مامتي ازاي يعني
والست اللي برا دي إيه؟!
دخلت مامت رهف وهي مش عارفة تواجه رهف ازاي
مامت رهف بدموع:دكتورة فريدة بتتكلم صح يا رهف هي مامتك الحقيقية
رهف بدموع:وانتي إيه يا ماما
لما هي امي الحقيقية...انتي اللي عشت معاكي كل السنين دي كلها وفي الاخر متطلعيش امي الحقيقية
ايه اللي انا يسمعه ده
دكتورة فريدة:دي الحقيقة يا رهف
صدقيني أنا مامتك وتميم اخوكي
رهف بصدمة أكبر:ما تقولي حاجة يا ماما واقفة ساكتة ليه؟!
مامت رهف:ما قولتلك بتتكلم صح
وانا مش امك انا صحيح ربيتك لكن مش مش اللي خلفتك.. بس عمري ما حسيت إنك مش بنتي ده انا بحس إنك حتة من قلبي يا رهف
رهف بدموع:وانتي كنتي فين يا دكتورة طول السنين دي كلها
دلوقتي بس افتكرتي أن ليك بنت تسألي عنها... للأسف انا معنديش إلا ام واحدة ومفيش غيرها هي ماما إيمان
دكتورة فريدة بدموع:متحكميش عليا إلا لما تسمعي اللي حصل الأول يا رهف
رهف بدموع:وهو إيه اللي حصل بقى؟!
دكتورة فريدة وقد حكت لها جميع ما حدث في الماضي
رهف بصدمة:ليه عمل فيا كدة هو انا عملتله إيه ده أنا كنت طفلة صغيرة
لا بتهش ولا بتنش... ليه حرمني منك ومن اخويا للدرجادي انا كنت مضايقاه أوي كدة...بس تصدقي ربنا عوضني بأم وأب وأخ مفيش منهم اتنين.. وحسسوني يعني إيه عيلة
وعمري ما حسيت ان انا غريبة
دكتورة فريدة:أنا كنت بموت كل يوم يا رهف لما اعرف اني مش هقدر اشوفك تاني بالله عليكي ما تقسي عليا وخليني اعيش معاكي
الباقي من عمري كفاية عليا اللي حصل منه عمري ما هسامحه على اللي عمله معايا وحرمني منك ده حتى مستناش وعمل اللي عمله
قربت من رهف وحضنتها بس الحضن ده مختلف حضن كله حنان
واشتياق وحزن على السنين اللي عدت من غير ما يشوفوا بعض فيها
رهف:خلاص يا ماما انا مسامحاكي
بس من النهاردة انا بقى عندك ماما فريدة وماما إيمان وحبكم في قلبي زي بعض
اقتربت منهم إيمان مامت رهف اللي ربتها وحضنوا بعض كلهم بحب
وطبعاً الكل عرف وتميم فرح أوي
وعاشوا وقت حلو أوي مع بعض
بقلمي مريم محمد
بعد مرور اسبوع
رجع فهد ورهف وباقي العيلة
وذهبوا إلى القصر
وجاء يوم زفاف فهد ورهف
داخل أجمل واكبر قاعات الزفاف
كانت رهف ترتدي فستان زفاف أقل ما يقال عنها أميرة مُتوجة ذات وجه ملائكي برئ وذات جمال نادر جداً
بعيد عن اي حاجة هي كانت قمر أوووي
ولبست حور فستان زي بتاعها
وكذلك أدهم لبس زي فهد
فهد بضحك:مالك يا رهف يا حبيبتي من ساعة ما وصلنا وانتي قاعدة مكسوفة!
رهف:ما الناس عمالة تبصلنا وانا مش بحب كدة يا فهد!
فهد:من حقهم يبصوا مادام شايفين الجمال ده كله قاعد قصادهم
رهف:والله!!
فهد وهو يقبل يديها بحب:خلاص بقى يا روحي هتعملي إيه يعني!
رهف:ولا حاجة...هو صحيح انت جبت إعلاميين ليه؟!
فهد :عشان العالم كله يعرف ان انتي ملكي وانا ملكك ومفيش حد يقدر يبعدنا عن بعض مهما يحصل
رهف بسعادة:قد كدة بتحبني يا فهد؟!
فهد بعشق:واكتر من كدة كمان يا روح فهد وقلب فهد
اقترب الجميع من رهف وفهد
وجذبوهم لمنصة الرقص
ليرقصوا على اغاني جعلت الجميع يتحرك ويرقص بسعادة مع ارتفاع الزغاريط في قاعة الزفاف
بقلمي مريم محمد
دخل تميم ومامته ودكتورة فريدة وباركوا لفهد ورهف اللي كانت فرحانة أوي بوجود عيلتها الكبيرة
ومامتها إيمان وفريدة
وكانوا فرحانين جداً
تميم:خلي بالك من رهف يا فهد
رهف دي اللي يزعلها يعني زعلني بالظبط
فهد:في عنيا يا تميم وانا مستحيل ازعلها دي روح قلبي والله
فريدة بإبتسامة:ربنا يخليكم لبعض
ويسعدكم يا حبايبي وتعيشوا مبسوطين انتوا والقمرات دول
وباست رهف وادهم بحب
وراحت قعدت جمب إيمان هي والأطفال
عند تميم وسيا
سيا بضحك:شوفت اهو انت جيت مقدرتش تفوت الفرصة وجيت عشان تشوفني
تميم بإبتسامة:بالظبط كدة
سيا:طب يلا بقى مستني إيه
مش المفروض يبقى معاك خاتم الخطوبة!
تميم بإبتسامة:وهو كذالك!
سيا:إيه يا عم اقولك عشر كلمات ترد عليا بكلمة كلمتين ما تاخد وتدي معايا في الكلام يا تيمو
تميم:ثانية واحدة
قرب من الدي جي وخد المايك
منه
تميم:بالمناسبة الحلوة دي انا حابب اطلب إيد الأنسة سيا من فهد قدام الناس كلها
سيا بسعادة:بجد يا تميم؟!
تميم قرب منها ونزل على الأرض
وطلع خاتم شكله حلو أوي
سيا بدموع السعادة:مش مصدقة والله اللي بيحصل ده؟!
تميم بضحك:موافقة ولا لأ رجلي وجعتني بدل ما ادخل الخاتم تاني؟!
😂😂😂
سيا بسرعة:موافقة طبعاً يا تيمو
ولبسوا الخواتم وبقت الفرحة فرحتين
تميم في المدة دي حس انه فعلاً مال لسيا أوي وبيحبها بجد
وان رهف كانت مجرد مشاعر عادية
لكن هو بيحب سيا بجد ♥️
سيا:انا كنت بهزر على فكرة
مكنتش عارفة إنك هتحبني يا تميم
تميم بحب:لكن تقولي إيه بقى انتي فعلاً خبطتيني.. خبطتيني ودقيتي على باب قلبي وهو فتح من غير مفتاح لأن انتي مفتاحه يا سيا
وقبل إيديها بحب
سيا بسعادة:عايزة اعمل حاجة بس مكسوفة!
تميم:إيه؟!
سيا:عايزة حضن قد الدنيا دي كلها.
تميم قرب منها وحضنها بحب
ومر اليوم بسعادة وحب وفرحة على الجميع
بعد مرور ثلاث سنوات
في القصر عند فهد ورهف
يوم عيد ميلاد حور وادهم
وتم عزومة الأهل وتميم وسيا اتجوزوا وخلفوا سيلا زي القمر
وبدأ احتفال العيد ميلاد
والأطفال كانوا فرحانين اوي
وتم تقطيع التورتة وسعادة الجميع
وتهنئة وفرحة فهد ورهف لأولادهم
بعد شوية
بعد مغادرة الجميع وجلوس رهف وفهد والولاء أمام التليفزيون
رهف بغيرة:وبعدين بقى انت عمال تبوس في الهانم من الصبح
وانا ولا كأني هنا!
فهد وهو يقترب من رهف ويحتضنها من الخلف ويقبل شعرها
بحب ثم طبع قبلة على عنقها ثم خدودها
فهد بحنان:معقولة بتغيري من حور يا رهف؟!
رهف:واغير من أي حد يقرب منك
فهد:لأ انا كدة هخاف منك بجد!
رهف:انا بس اللي تحبها وانا بس اللي تضحك معاها.. ايوة انا أنانية
فهد بضحك:وانا بموت في غيرتك دي يا روح قلبي
رهف بحب:وانا بحبك يا كل حياتي
وعاشوا في حب وسعادة وكملوا حياتهم وسندوا بعض في أوقات كتير... وفهد كل يوم بيزيد حبه لرهف زيادة وزيادة وعشقه الذي لن ينتهي.
شكراً ليكم يا حبايب قلبي على كل تعليق حلو واتمنى تكون النهاية عجبتكم يا قمرات♥️♥️✨
تمت
تعليقات
إرسال تعليق