 |
((صدفة حب))
الجزء الاول حتي السادس والأخير
بقلم سماح نجيب
كامله على مدونة النجم المتوهج للروايات
فى مدينة الاسكندرية
كانت تجلس فى غرفتها وحيدة حزينة دموعها لاتجف بسبب خيانة اقرب الناس اليها
مديحة....تقى يا حبيبتى تعالى الاكل جاهز
تقى...... معلش يا خالتو مليش نفس
مديحة.....انتى هتموتى نفسك علشان ناس متستاهلش
تقى.....مكنتش اتوقع منهم كده
مديحة......انا يا ما حذرتك من خطيبك ده مكنتش مرتحاله ووافقت عليه بس علشان انتى بتحبيه
تقى ....يعنى يا خالتو ملقاش غير اقرب صديقة ليا
مديحة......هما الاتنين زبالة واتلموا على بعض
تقى.....انا حاسة بنار يا خالتو
مديحة..... ولا يهمك يا روحى بكرة يجيلك سيد سيده
تقى.....انا خلاص حاسة انى كرهت كل الرجالة
مديحة......ليه يعنى علشان واحد طلع واطى يبقى تميلى بختك بلاش عبط
تقىى...هو انا يا خالتو وحشة علشان يسيبنى
مديحة.....وحشة انتى مبتبصيش لنفسك فى المرايا دا انتى قمر
تقى....امال ياسر سابنى ليه
مديحة.....علشان اعمى القلب والنظر
تقى.....لاء وكمان عازمنى على فرحه شوفتى
مديحة.....اصل البجاحة ليها ناسها سيبك منه تعالى يلا كلى
تقى.....ربنا يخليكى ليا يا خالتو
مديحة....حبيبة خالتو انتى وروحها كمان
كان تقى يتيمة الاب والام وقامت خالتها بتربيتها وكانت خالتها وحيدة بعد وفاة زوجها وهى لم تنجب لذلك هى تعشق تقى كابنتها وتخاف عليها بشدة
تقى ......ممكن بس شوية وهاكل
مديحة....براحتك يا روحى بس بلاش عياط ماشى
تقى.... حاضر
ظلت تقى تفكر فى ما حدث وكيف ان خطيبها ياسر تركها من اجل صديقتها هبة وارادات ان تنتقم لكرامتها وفى لحظة مجنونة قامت بنشر اعلان على النت تطلب فيه خطيب وهمى
...........
فى شقة مصيفية فى احد الاحياء الراقية كان شابان يقضيان الاجازة الصيفية بعد انتهاء امتحان الكلية
باسم.....ايه يا كريم هتعمل ايه فى العربية اللى انت خبطتها دى
كريم.....مش عارف ولو رائد عرف هيحطنى فى العربية ويرمينى فى البحر
باسم.....عنده حق دا انت مصيبة متحركة
كريم.....اسكت بقى مش عارف اجيب فلوس منين اصلح العربية قبل ما ارجع القاهرة والفلوس اللى معايا متكفيش
باسم.....ولا انا ما تبعت تطلب فلوس من اخوك
كريم.....والنبى دا لو بعت لرائد مش بعيد ييجى يدينى بالجزمة وخصوصا انه كان مدينى مبلغ يكفينى الرحلة كلها بس انا صرفت معظم الفلوس
اثناء حوارهم كان كريم يتصفح الفيس بوك فوجد الاعلان
كريم..... ايه ده الحق يا باسم واحدة طالبة خطيب وهمى مقابل 3 الاف جنية ويكون حسن المظهر وسايبة رقم تليفون
باسم....انت هتعمل ايه
كريم.....هكلمها واقولها موافق واخد الفلوس اصلح العربية ايه رأيك
باسم.....انت مجنون يا بنى دا لو اخوك عرف هيطلع روحك ومتنساش انت تبقى اخو مين
كريم.....اعمل ايه يعنى ما انت عارف انا مقدرش اتصرف فى الورث بتاعى علشان رائد الواصى عليا انا ومرام
باسم.....انت بعمايلك دى هتخليه يديك ورثك وانتى عندك 60سنة مش 21
كريم....انا هكلمها واللى يحصل يحصل اهون ما رائد يعرف
قام كريم بالاتصال على تقى واخبرها بموافقته على الاعلان
تقى....حضرتك قابلنى فى مطعم .....كمان نص ساعة
كريم....اوك
.......
فى المطعم
تقى .....انت قريت الاعلان وعرفت انا طالبة ايه
كريم....ايوة خطيب وهمى يحضر معاكى فرح خطيبك الاولانى
تقى....بس انت باين عليك سنك صغير انت عندك كام سنة
كريم......19
تقى..... مينفعش انا عايزة واحد يكون فى العشرينات علشان انا عندى 22
كريم....متخافيش هو حد هيقولى ورينى بطاقتك ارجوكى وافقى انا محتاج الفلوس
تقى....خلاص ماشى الميعاد بكرة وبعد الفرح هديك الفلوس
كريم.....ماشى متخافيش انا هقهرلك خطيبك ده هو واهله
تقى....اوك ماشى
قررت تقى شراء فستان جديد واثناء خروجها من المحل كان بيدها عصير فاصطتدم بشاب وانسكب العصير على ملابسه
الشاب....ايه ده مش تفتحى
تقى.....انا برضو اللى افتح
الشاب...لاء انا ما انتى ماشية سرحانة امشى ازاى كده بعد ما بهدلتى القميص بتاعى
تقى....ازاى زى السكر فى الشاى
الشاب....ايه الظرف وخفة الدم بتاعتك دى
تقى....خلاص متوجعش دماغى خد دول100جنية اشتريلك قميص
الشاب.....100جنية الفلوس بتاعتك دى متجبش زرار فى القميص اللى بوظتيه ده ماركة غالية
تقى....ماركة غالية ليه ماركة حاسب عليا وانت لابسنى
الشاب....مش بقولك دمك خفيف وظريفة
تقى....براحتك تاخد الفلوس ولا متاخدهاش انا ماشية
تركت تقى الشاب وبعيونه نظرات نارية يود لو يقتلها على فعلتها
تقى....صحيح خالتو طلبت اشترى بيض علشان الكيك
قامت تقى بشراء البيض ولكن لسوء حظها اصطتدم بذلك الشاب مرة اخرى فتكسر البيض باكمله
تقى....عجبك كده كسرتلى البيض كله
الشاب....هو مفيش غيرك فى البلد دى كل شوية تخبطى فيا
تقى.....ما انت اللى ماشى تايه
الشاب....تايه وكمان بتغلطى والله لولا انك بنت كنت عرفتك مقامك
تقى....مقامى عالى وانا عارفة
الشاب.....اتمنى مشوفش وشك تانى يا آنسة
تقى.....القلوب عند بعضها يا ابو عضلات
.........
باسم....الحق يا كريم رائد جه برا ومدخن زى القطر
كريم....يا نهارى ليكون عرف بموضوع العربية
باسم.....دا لو عرف هيفرمك بحالته دى
كريم....انا هخرج اشوفه
كان رائد بداخل الغرفة يغير ملابسه
كريم.....حمد الله على السلامة يا ابيه
رائد.....الله يسلمك
كريم.....يع ايه الريحة دى
رائد.....اسكت متفكرنيش
كريم....هو ايه اللى حصل
رائد..... واحدة مجنونة خبطت فيا وقعت عليا عصير ومرة بيض
كريم....هههههه دا انت ناقص دقيق وتعمل كيكة
رائد بغيظ.....اخرس يا كريم
كريم.....انت كنت جاى اسكندرية ليه
رائد....كنت بخلص ورق الشحنة من جمارك المينا
كريم.....انت هتقعد ولا هتسافر القاهرة
رائد....لاء هرجع علشان مسيبش مرام لوحدها انا جيت اغير هدومى
كريم....ماشى يا ابيه
رائد....قولى يا كريم معملتش مصيبة جديدة
كريم....ها ابدا يا ابيه انا برضو بتاع الكلام ده
رائد....اما نشوف انا مسافر سلام
كريم.....مع السلامة
قامت تقى بتجهيز نفسها لحضور زفاف خطيبها السابق وقابلت كريم وذهبت الى الفرح
ياسر....تقى متوقعتش انك تيجى الفرح
تقى....ليه يعنى دا فرح اعز صحباتى معقول محضروش
هبة....معلش يا تقى مش عيزاكى تزعلى ان ياسر فضلنى عليكى
تقى....لا ابدا يا حبيبتى بالهنا والشفا على قلبك
هبة.....يا حرام يا تقى بس هتلاقى شاب زى ياسر تانى فين
تقى.....ليه يعنى اللى خلقه مخلقش غيره اه نسيت اعرفكم كريم خطيبى
ياسر....انتى اتخطبتى
تقى..... ايوه امال فاكر هعيش على ذكراك عمرى كله
كريم....اهلا يا عريس انا خطيب تقى وهى قالتلى انها جاية تحضر فرح صاحبتها فخفت عليها جت معاها
تقى.....ربنا ميحرمنيش منك يا كريم
كريم.....ولا منك انا مش عارف مين خطيبك الاولانى الحمار اللى يسيب القمر ده
ياسر.....انت بتقول ايه
كريم.....ابدا بس تقى قالتلى انها كانت مخطوبة قبلى بس مش عارف مين المغفل ده
كانت تقى تحاول كتم ضحكها بسبب كلام كريم
تقى....الف مبروك يا عرسان يلا يا كريم اتمنالكم حياة سعيدة
كريم.....يلا يا تقى علشان اروحك احسن حد يخطفك معلش اصل بخاف عليها من الهوا دى روحى روحى
تركت تقى ياسر وهبة وهم فى حالة من الغيظ والقهر ليس بسبب وسامة كريم وشياكته فقط وانما ايضا من كلام كريم
تقى.....انا متشكرة جدا يا كريم اتفضل الفلوس
كريم.....صدقينى لو مش محتاج الفلوس مكنتش اخدتهم انتى بقيتى فى غلاوة مرام اختى
تقى.....ربنا يخليك يا كريم
كريم.....انا عايز منك طلب
تقى.....اتفضل يا كريم عايز فلوس تانى
كريم....لاء انا عايز اخطبك بجد
تقى بدهشة ....بتقول ايه تخطبنى
كريم.....ايوة دى خدمة عايزها منك
تقى.....ايه علاقة الخطوبة بالخدمة نفسى اعرف
كريم....انا هقولك..........
((صدفة حب))
الجزء الثاني
كريم....تقى انا عايز منك خدمة
تقى....خير يا كريم
كريم....انا عايز اخطبك بجد
تقى....ايه تخطبى
كريم....ايوة
تقى.....ايه علاقة الخطوبة بالخدمة
كريم....انا هقولك
تقى.....اتفضل سمعاك
كريم.....انا من عيلة غنية اوى بابا الله يرحمة سابلنا ثروة كبيرة اوى واخويا رائد حافظ عليها وزودها وبقى هو الواصى عليا انا واختى التؤام
تقى.....انت ليك تؤام
كريم.....ايوة اختى مرام وطبعا منقدرش ناخد ورثنا الا لما يبقى عندنا 21سنة
تقى....لسه مش فاهمة انا داخلى ايه بالموضوع
كريم....ماهو انا لما اخطبك رائد يا هيزود مصروفى يا هيدينى ورثى
تقى.....يعنى انت عايز تخدع اخوك
كريم....لا ابدا بس انتى عارفة شاب فى سنى بيبقى محتاج فلوس وكده يعنى
تقى.....وتفتكر اخوك هيرضى انك تخطب
كريم.....انا هحاول معاه هو بيحبنى ومبيرفضليش طلب بس لما اعمل غلط بيقلب الرجل الاخضر
تقى.....هههه ولو عرف الحكاية هيعمل فيك ايه
كريم....هيدفينى ويفرق شربات على روحى
تقى....لاء يا كريم انا مش موافقة باين على اخوك شرانى
كريم....متخافيش لو اتخطبنا والدنيا زبطت خلاص هنفركش
تقى.....كريم انا حابة اساعدك بس انا مضمنش ردة فعل اخوك دا من كلامك باين عليه ولا زكى رستم
كريم.....ههههه زكى رستم طب ايه رايك مش انا قدامك اهو حلو ومقطقط هو احلى منى بكتير كمان انتى متعرفيش فى كام واحدة هتموت وتتجوزه
تقى.....ليه هو اخوك مش متجوز
كريم....لا مضرب عن الجواز بالرغم من انه عنده 32 سنة
تقى....ليه يعنى
كريم..... علشانى انا ومرام
تقى....للدرجة دى
كريم.....ايوة قال مش حابب يتجوز واحدة تشغله عنا
تقى...لا يا كريم انا خايفة
كريم....قولتلك متخافيش اقفى جمبى الله يخليكى
تقى....خلاص انت هتشحت
كريم....قولتى ايه
تقى....انا هوافق بس علشان انت وقفت جمبى بس اخوك يديك اللى انت عاوزة كل واحد يروح لحاله
كريم.....طبعا انا والله معتبرك فى مقام اختى انا هرجع القاهرة واقول لرائد واشوف رده لو وافق هاجى اخطبك
............
فى منزل رائد الرشيدى
كريم.....وحشينى اوى يا مرمر
مرام.....وانت كمان يا كيمو
كريم.....هو رائد فى الشركة
مرام......ايوة ما انت عارف مش بيوصل غير على الساعة 9
كريم.....كويس علشان عايزة فى موضوع
مرام.....موضوع ايه مصيبة جديدة من مصايبك
كريم.....اخس عليكى بقى انا كده
مرام.....لا ابدا يا حبيبى دا انت مصيبة بس
كريم.....بتقولى على التوينز بتاعك كده
مرام.....التوينز حجى فى المصايب والله ما قصرت
اثناء العشاء
كريم .....ابيه فى موضوع عايز افاتحك فيه
رائد.....خير
كريم.....انا انا
رائد....انت هتفضل تتهته كتير قول فى ايه
كريم.....انا عايز اخطب
رائد.....نعم يا اخويا عايز ايه
كريم.....اخطب مش عارف اخطب يعنى ايه
رائد.....قولى انت يعنى ايه
كريم.....اجيب دبلتين واحدة دهب وواحدة فضة العروسة تلبس الدهب وانا الفضة وناس تزغرط وناس تقول مبروك
رائد.....لا والنبى تصدق مكنتش اعرف المعلومات الهايلة دى
كريم.....قولت ايه يا ابيه
مرام.....انت بتتكلم جد يا ابنى ولا بتهزر
كريم.... بتكلم جد والله
رائد.....والعروسة ف اعدادى ولا ثانوى
كريم....لاء دى مخلصة كلية
رائد.....يا سلام وكمان اكبر منك
كريم.....مش بكتير دى كلها 3سنين
رائد.....انت عبيط يا حبيبى
كريم.....مليش دعوة لو مخطبتش تقى هشرب بنزين
رائد.....دا انا اللى شكلى هولع فيك وارتاح من عمايلك
مرام......جايز يكون بيحبها يا ابيه يمكن دى اللى تصلح حاله
كريم......اه صح زى ما بتقول مرام كده
رائد.....انت متأكد يا كريم ماشى انا موافق
كريم بفرحة ......متشكرا جدا يا ابيه
قام كريم بالاتصال على تقى لاخبارها بموافقة اخيه على الخطبة وقامت هى باخبار خالتها
تقى......خالتو فى واحد جاى يخطبنى
مديحة بفرحة.....بجد يا تقى
تقى.....ايوة هيجيب اخوه واخته وهيجوا بكرة
مديحة.....على خير ان شاء الله ربنا يكتبلك الصالح
........
وصل كريم واخيه واخته الى الاسكندرية وذهبوا الى الشقة الخاصة بهم قبل الذهاب فى المساء لخطبة تقى
مرام....انا هدخل انام دماغى صدعت من الطريق
رائد..... ماشى يا حبيبتى
كريم......هنزل اشترى بوكية ورد حلو كده ماشى
رائد.....خليك انت مع مرام هنزل انا وبالمرة اتمشى شوية
كريم .... ماشى
.........
فى منزل تقى
مديحة....حبيبتى انزلى اشترى جاتو وعصير علشان الناس اللى جاية
تقى .....حاضر يا خالتو
بعد شراء تقى ما تحتاجه كانت تفكر فى ما سوف يحدث هذا المساء ولم تنتبه لهذه السيارة التى لولا تحكم سائقها بها لكانت تقى فى تعداد الاموات
تقى بخضة.....الحمد لله ربنا ستر
رائد.....مش تاخدى بالك وانتى بتعدى الطريق
تقى......ما تبقى تسوق انت براحة شوية
رائد....ثوانى كده مش انتى البنت بتاعة العصير والبيض نفسى اعرف بتطلعيلى منين
تقى.....هو انت يا ابو قميص ماركة
رائد.... هو انتى على طول ماشية سرحانة
تقى.....خلاص يا بابا اتوكل على الله
رائد.....انتى عارفة نفسى افهم انتى بتطلعى زى عفريت العلبة منين
تقى .....عفريت فى عينك
رائد.....اتفضلى غورى من وشى
تقى.....لا والله على اساس انى ماسكة فيك ما فى داهية
رائد..... داهية تاخدك يا ام لسان طويل
ذهبت تقى الى المنزل وكانت تفكر فى ذلك الشاب الذى كلما رأته تتشاجر معه
استعد كريم للذهاب الى منزل تقى
كريم.....خلصت يا ابيه
رائد.....خلصت يا اخويا
مرام....يلا بينا عقبالك يا ابيه
رائد..... عقبالك انتى يا وردة ابيه
كريم ....يلا بقى هتفضلوا تحبوا فى بعض كتير
رائد.... اموت واعرف مستعجل ليه كده
كريم ....خير البر عاجله
.......
فى منزل تقى
كانت تقى تستعد للقاء اهل كريم عندما دخلت خالتها
مديحة.....بسم الله ما شاء الله زى القمر
تقى....شكرا يا خالتو جرس الباب بيرن هروح افتح
مديحة.....لاء انا اللى هفتح ومتخرجيش الا لما اقولك
استقبلت مديحة كريم واهله ولكنها ظنت ان رائد هو العريس
مديحة بابتسامة.....اهلا وسهلا اتفضلوا
رائد.....شكرا لحضرتك
مديحة....ثوانى انادى لتقى
كريم.....اتفضلى يا طنط
..........
فى غرفة تقى
تقى .....هما وصلوا يا خالتو
مديحة....ايوة وبسم الله ما شاء الله على العريس ايه ده حاجة تفرح طول بعرض بحلاوة بشياكة
لا تعلم تقى لماذا عندما اخبرتها خالتها بمواصفات العريس تذكرت ذلك الشاب الذى اصطتدم به
تقى.....عجبك يا خالتو
مديحة.....اوى يا روحى ربنا يجعله من نصيبك
خرجت تقى من غرفتها وذهبت لمقابلة الضيوف
كريم....تقى اعرفك ده ابيه رائد ودى اختى مرام
اصيبت تقى بالصدمة عندما رأت رائد
تقى فى سرها......يا نهار اسوس دا ابو عضلات اللى كل ما نتقابل نتخانق
اندهش ايضا رائد ان اخيه يريد خطبة الفتاة التى كلما رآها رائد يريد خنقها بسبب طول لسانها
تقى....اهلا يا استاذ رائد
رائد...اهلا بيكى يا انسة
مرام.....انتى امورة اوى
تقى با ابتسامة....شكرا دا انتى اللى قمر
مرام....اتمنى نكون اصحاب
تقى....اكيد وهنبقى اخوات كمان
استغرب رائد من انجذاب اخته الصغيرة الى تقى فمرام بطبيعتها هادئة ولا تحب الاختلاط بالناس كثيرا
مديحة.....نورتونا اتفضلوا العصير
كريم..... شكرا يا طنط ما تتكلم يا ابيه احنا جايين نشرب العصير ونمشى ولا ايه
رائد....حاضر يا حبيبى هتكلم
حضرتك عارفة احنا جايين نطلب ايد الانسة تقى
مديحة.....ايوة تقى قالتلى
رائد....حضرتك انا جاى طالب ايد الانسة تقى ليا
كريم باندفاع.....قولى موافقة يا طنط الفاتحة بسم الله الرحمن الرحيم
مرام ......استنى يا ابنى انت اطرش سمعت ابيه قال ايه
كريم.....هو قال ايه
مرام.....طالب ايد تقى ليه هو مش ليك انت
كريم بصدمة..... يالهوى انت قولت ايه يا ابيه
رائد .....قولت انى طالب ايد الانسة تقى ليا انا
اتسعت عيون تقى من الدهشة
رائد......قولتى ايه حضرتك
مديحة......انا معنديش مانع بس المهم رأى تقى
رائد.....ايه رأيك يا عروسة
كانت تقى فى حالة توهان لا تعلم ماذا يحدث
تقى ...ها انت بتكلمنى انا
رائد.....ايوة بقولك ايه رأيك انا طالب ايدك
تقى...............................
((صدفة حب))
الجزء الثالث
رائد....قولتى ايه يا انسة تقى
تقى بتوهان......ماهو ماهو
رائد.....هتفضلى تمهمهى كتير
مديحة.....هى بس مكسوفة اديها وقت تفكر
رائد......خلاص حضرتك فكروا وابقوا ردوا عليا
كريم بهمس لمرام......هو اللى حصل ده بجد ولا انا بحلم
مرام.....لاء بجد معرفش ابيه عمل ليه كده معلش متزعلش يا كريم
كريم فى سره.....انا مش زعلان الا على الخطة اللى باظت يا حظك المنيل يا كريم
رائد.....خلاص احنا هنستأذن يلا يا كريم انت ومرام
كانت تقى لا تنطق لم تستوعب ما حدث ذهب رائد واخوته الى البيت
مديحة.....يا سلام يا تقى عريس يشرح القلب
تقى بصوت واطى....دا هيشرحنى انا
مديحة....بتقولى ايه
تقى.....مفيش بس انا مش موافقة
مديحة....ليه يا حبيبتى هو ده عريس يترفض دا احسن من خطيبك الاولانى اللى كان شبه النملة الفارسى
تقى.....سيبينى افكر يا خالتو
.........
فى الشقة عند رائد
كريم....ليه يا ابيه عملت كده
رائد....اصل لما شوفتها عجبتى ومش هتنفعك لما تخلص جامعتك ان شاء الله ابقى اتجوز
كريم بتمثيل....... ليه كده يا ابيه تكسر قلبى الصغير ده مكنش العشم
رائد.....عم عشم مات
مرام....تمثيلك اوفر يا كريم
كريم.....بجد مش تقوليلى
مرام....انا والله العظيم ما انا فاهمة حاجة
رائد.....بكرة تفهمى انا داخل انام
مرام.....تصبح على خير
رائد..... وانتى من اهله
وجد كريم تليفونه يرن
كريم....ايوه يا تقى
تقى بغضب .....قابلنى بكرة يا كريم فى المطعم اللى اتقابلنا فيه قبل كده
كريم.....حاضر هاجى
........
فى المطعم
تقى..... قولى بقى هو إيه اللى حصل امبارح ده انت بتدبسنى فى اخوك
كريم....والله يا تقى انا ما عارف هو عمل ليه كده
تقى.....اكيد علشان ينتقم منى
كريم.....هو يعرفك
تقى ....اتقابلنا قبل كده وكل مرة بخناقة
كريم.....هو انتى البنت بتاعة العصير والبيض
تقى.....ايوة انا
كريم....يا سوادك يا قرمط
تقى....شوفلى حل احسن بكرة اسمك هيبقى فى صفحة الحوادث انت فاهم
كريم....قوليله انك مش موافقة
تقى.....قولت لخالتو بس هى متمسكة باخوك عجبها اوى يا سيدى
كريم.....حتى طنط مديحة يا رائد
تقى.....بتهيألى لو انا رفضت هى اللى هتدورله على عروسة
كريم.....ما انا لما سألته قالى انه معجب بيكى
لا تعرف تقى لماذا شعرت باحساس جميل عندما علمت ان رائد قال هذا الكلام
تقى......معجب بيا دا لو يطول كان زمانه قتلنى
كريم....اه الصراحة اليوم اللى انتى بهدلتى فيه هدومه كان هيرتكب جريمة
تقى.... شوفت بقى
كريم.....صدقينى يا تقى برغم اللى حصل انا مبسوط ان اخويا عايز يتجوزك
تقى.....مبسوط وانا هبسطك اكتر انا مش موافقة
كريم.....ليه بس ما انتى شوفتى ابيه رائد وسيم وامور ازاى
تقى....قوم امشى يا كريم احسن ما افتح دماغك
كريم....خلاص هحاول معاه انه ميتمش الخطوبة
تقى....اما نشوف
حاول كريم كثيرا ان يمنع اخيه من الزواج من تقى ولكن رائد اصر على موقفه
........
فى شقة تقى
مديحة ....قولتى ايه يا حبيبتى فى موضوع العريس
تقى.....قولتلك مش موافقة يا خالتو
مديحة.....تقى يا حبيبتى رائد راجل وهيحافظ عليكى وانا يا حبيبتى مش هعيشلك العمر كله وعايزة اطمن عليكى قبل ما اموت
تقى.....بعد الشر عليكى يا خالتو
مديحة.....قولتى ايه يا حبيبتى
تقى.....خلاص يا خالتو انا موافقة
مديحة بفرحة.....الف مبروك يا حبيبتى
تقى.... الله يبارك فيكى وربنا يستر
بالفعل تمت خطبة تقى ورائد
رائد بتحدى.....مبروك يا عروسة
تقى.....الله يبارك فيك
كانت تقى تنظر نظرات غضب الى كريم بسبب هذا المأزق
كريم....سامحينى يا تقى انا اسف
تقى....امشى من وشى الساعة دى يا كريم
مرام..... مبروك يا تقى
تقى....الله يبارك فيكى يا حبيبتى عقبالك
رائد.....ايه رأيك يا طنط مديحة نعمل الفرح الاسبوع الجاى
تقى....ايه الاسبوع الجاى
رائد.....ايوة علشان تيجى معانا على القاهرة
مديحة.....بس كده مش هلحق اجهز حاجة
رائد.....مش مطلوب منك غير انك تؤمرى
مديحة....تسلملى يا ابنى
رائد......ايه رأيك يا تقى نروح نشترى فستان الفرح بكرة
تقى باستسلام ......ماشى
خرجت تقى مع رائد لاختيار الفستان
رائد.....ايه رايك فى الفستان ده
تقى.....مش عاجبني
رائد.....هو مفيش حاجة عجباكى ابدا
تقى..... لاء
رائد.....وبعدين
تقى.....ولا قبلين
رائد.....انا مبحبش الاسلوب ده وانتى لسه مشوفتيش وشى التانى
تقى....اخدت فكرة
رائد.....طب انجزى واختارى فستان
قامت تقى باختيار فستان ولاحظت اعجاب الفتيات بالمحل بوسامة رائد ولا تعلم لماذا تضايقت من نظراتهم له
تقى......يلا المحل ده مش عاجبنى
رائد.....متجننيش معاكى بقى
تقى.....بقولك ايه ما تفضها سيرة وكل واحد يروح لحاله
رائد..... لاء تعالى نشوف محل تانى
اخيرا استقرت تقى على فستان وعندما قامت بقياسه كانت جميلة جدا وانبهر رائد بجمالها الذى زاده فستان الزفاف
تقى.....حلو ده
رائد....جميل عليكى
تقى بخجل..... شكراً
.......
يوم الزفاف اصر رائد على اقامة الزفاف فى الاسكندرية
تقى....عجبك كده فى المصيبة اللى انت دبستنى فيها
كريم.....مش عارف اقولك ايه بس خدى ده
تقى....ايه ده
كريم....شريط برشام منوم
تقى.....ليه عايزنى انتحر
كريم....مش للدرجة دى ابقى حطيه لابيه رائد فى العصير
تقى.....انت بتهزر يا كريم
كريم....ما انا ملقتش حل تانى ابقى اتصرفى انتى بقى
مرام....مالكم بتتكلموا بصوت واطى ليه
كريم....دا انا بقولها مبروك
مرام.....انتى زى القمر يا تقى وفستانك تحفة
تقى.....تسلمى يا مرمر عقبال عندك
رائد.....بتتكلموا فى ايه يا حبايبي
مرام....بقول لتقى فستانها جميل وانت يا ابيه قمر
رائد....تسلميلى يا وردتى
لاحظت تقى كيفية معاملة رائد لاخته الصغيرة فهو يعتنى بها جيدا
كريم....تعالى يا مرام نشوف الضيوف
مرام....يلا بينا
كريم...الحقى يا مرام شوفى مين جت
مرام ....مين
كريم.....نرفانا
مرام.....بتقول مين
كريم.....مش وقت طرشك يا مرام نرفانا جت
مرام.....وهى عرفت ازاى هى مش كانت مسافرة باريس
كريم.....لاء وشكلها جاية وناوية على مصيبة عينيها بدق شرار
مرام.....متخافش اوى كده انت عارف ابيه رائد بيعرف يوقفها عند حدها
كريم.....هروح اشوفها
اهلا نرفانا انتى ايه اللى جابك
نرفانا....انت بتقول ايه
كريم....قصدى انتى عرفتى ازاى
نرفانا بغيظ....ودى حاجة تستخبى عن اذنك ابارك للعريس
نرفانا.....مبروك يا عريس مبروك يا عروسة
رائد.....الله يبارك فيكى عقبالك يا نرفانا
نرفانا.....عروستك حلوة بس الصراحة فستانك يا عروسة بيئة اوى
تقى.....عاجبنى وعاجب رائد مش كده يا رائد
رائد.....تحفة عليكى عن اذنك يا تقى تعالى معايا يا نرفانا
بعد ذهاب رائد ونرفانا
تقى....مين دى يا مرام
مرام.....دى تبقى نرفانا باباها يبقى ابن عم بابا
تقى....اه تعتبر بنت عمكم يعنى
كريم....حاجة زى كده وعلى فكرة دلوقتى انتى بقيتى غريمتها
تقى....ليه بقى دا انا حتى اول مرة اشوفها
مرام....لانها كانت عمالة تخطط علشان تتجوز ابيه رائد
تقى....قولتيلى بقى
كريم.....متخافيش احنا وراكى
تقى.....انت ورايا يا كريم علشان توقعنى فى المصايب مش تنقذنى
كريم.....ما يبقاش قلبك اسود يا مرات اخويا
مرام....صحيح يا كريم انت قابلت موضوع جواز تقى من أبيه رائد ببساطة يعنى هو انت مش كنت هتشرب بنزين علشان تقى
كريم....ما هو انا لاقيت البنزين غالى
........
رائد ونرفانا
نرفانا.....يعنى انت بتتجوز اهو امال كنت عامل فيها مضرب عن الجواز ليه
رائد.....مكنتش لسه لقيت العروسة المناسبة
نرفانا.....وعروستك مناسبة
رائد...اكيد والا مكنتش اتجوزتها
نرفانا بحقد.....مبروك
رائد.....كريم
كريم....نعم يا أبيه
رائد.....هات حاجة لنرفانا تشربها
كريم....هى جاية شاربة لوحدها
رائد....بتقول ايه
كريم....ولا حاجة اجيبلك ايه يا نرفانا عصير ليمون ولا كركديه
رائد.....والله ايه اللى انت بتقوله ده
كريم....انت مش شايفها عايز اجبلها حاجة تروق دمها
نرفانا.....شكرا مش عايزة حاجة
بعد انتهاء الزفاف
مديحة....مبروك يا حبيبتى
تقى بدموع.....الله يبارك فيكى يا خالتو
مديحة....خلى بالك منها يا رائد دى اغلى حاجة عندى
رائد....متقلقيش دى فى عنيا
سافر رائد وتقى واخوته الى القاهرة
رائد....اتفضلى يا عروسة
تقى.....شكرا
مرام.....نورتى البيت يا تقى
تقى....دا نورك يا مرمر
كريم....يلا يا مرام نروح ننام انا تعبت
مرام....يلا تصبحوا على خير
تقى....وانتى من اهله
رائد....تعالى اوريكى الجناح بتاعنا
صعدت تقى الى الغرفة ودقات قلبها تتسارع فماذا ستفعل فرائد اصبح زوجها
رائد....نورتى البيت
تقى....شكرا
رائد....مالك خايفة
تقى....هخاف من ايه
رائد.....هنشوف يا ام لسان طويل
تقى....نعم بتقول ايه
رائد.....بقول الحقيقة مش انتى كنتى كل ما تقابلينى تطولى لسانك عليا
تقى.....قول كده بقى
رائد......الصراحة انا كنت ناوى ابوظ الجوازة لكريم بس لما لقيتك انتى العروسة فطلبت ايدك واتجوزتك علشان اعلمك الادب
تقى.....تعلمنى انا الادب
رائد....ايوة هخليكى تبطلى طولة لسان
تقى.....طب ممكن تجبلنا عصير نشربه اصل انا عطشانة اوى
رائد....ماشى
تقى فى سرها....يلا انت اللى جبته لنفسك مش خسارة فيك برشامة المنوم
رائد................
((صدفة حب))
الجزء الرابع
رائد.....انا اتجوزتك علشان اعلمك الادب
تقى....قول كده بقى
رائد.....ايوة لازم اخليكى تبطلى طولة لسان
تقى..... طب ممكن تجبلنا عصير علشان انا عطشانة اوى
رائد.....ماشى
تقى فى سرها.....يلا انت اللى جبته لنفسك مش خسارة فيك برشامة المنوم
رائد.......اتفضلى العصير اهو
تقى.....شكرا بس ممكن تقفل الشباك ده
رائد......حاضر ما انا شغال عندك
قامت تقى بوضع المنوم بالكوب الخاص برائد
تقى .....اتفضل العصير علشان يبقى عندك باور تعلمنى الادب
رائد......ايه الزوق ده كله
تقى.....هو انت لست شوفت حاجة دا انا كيوتة اوى على فكرة
رائد.....كيوتة دا انتى مجنونة
تقى......بكرة اعقل على ايدك
رائد......مش مريحنى استسلامك للموضوع
تقى......اصل معنديش طاقة للعند النهاردة
شرب رائد العصير
تقى..... بالهنا والشفا
احس رائد بثقل فى رأسه
رائد.........الله الله هى دماغى تقلت ليه كده
تقى.....مالك فى ايه
رائد..... مش عارف حاسس انى دايخ
تقى....طب تعالى اقعد على الكنبة دى
جلس رائد وخلال دقائق غرق فى نوم عميق
تقى......بالسلامة يا ابو عضلات يا خلاثى بيبى نايم يا خواتى
قامت تقى بتبديل ملابسها وذهبت الى السرير بعد ان اعطت زوجها المنوم
تقى.....كده الواحد ينام براحتة كويس انه نام على الكنبة مكنتش هقدر احركه
........
فى الصباح
استيقظت تقى ووجدت رائد ما زال نائما على الكنبة دخلت الحمام وتجهزت للنزول ولكنها قبل ان تخرج من الغرفة ظلت تتأمل ملامح زوجها فكريم على حق فرائد شديد الوسامة
تقى.....هو ايه اللى انا بعمله ده اما انزل احسن يقوم دلوقتى
وجدت تقى كريم جالسا لوحده
كريم.....صباح الخير يا عروسة
تقى.....صباح النور يا خويا
كريم.....شكلك كده استعملتى المنوم
تقى.....اه طلع اخوك متجوزنى علشان يعلمنى الادب
كريم.....هو ابيه رائد كده ميسيبش حقه يبات بره
تقى......وبعدين دا لو عرف مش بعيد يعلقنى على باب البيت
كريم.....امال لو عرف ان انا اللى جبتلك المنوم دا هيدينى حقنة هوا وش كده
تقى.....ربنا يستر
كريم....تقى انا عايز أسألك سؤال
تقى.....خير
كريم بمكر.....هو انتى وافقتى تتجوزى ابيه رائد ليه انتى مش كنتى رافضة
تقى...ها علشان خالتو
كريم.....وحياة خالتو علشانها برضو
تقى.... تقصد ايه
كريم....انا شايف كده انك ابتديتى تحبى ابيه رائد
تقى.....بس يا كريم بس يابابا
استيقظ رائد من النوم وجد نفسه نائم على الكنبة وبحث عن تقى ولم يجدها
رائد.....راحت فين دى
قام بتغير ملابسه و ذهب للبحث عن زوجته
مرام...صباح الخير يا تقى
تقى....صباح النور
مرام....امال ابيه رائد فين
تقى....زمانه نازل دلوقتى
رائد....صباح الخير
كريم بلغبطة.. صباح النور يا ابيه كل سنة وانت طيب
رائد باستغراب.....وانت طيب بمناسبة ايه هو العيد النهاردة
كريم......اسف قصدى صباحية مباركة
رائد....الله يبارك فيك
مرام....صباح النور يا ابيه
رائد....صباح النور يا وردة ابيه
كريم....ابيه انا رايح النادى وهاخد مرام معايا
رائد....ماشى بس بلاش تمرين الملاكمة يا كريم
كريم..... ماشى
تقى بهمس لكريم.....انتوا رايحين فين وسايبينى
كريم....هنروح النادى شوية وهنيجى
تقى....انت بتسلمنى تسليم اهالى
كريم.....اسلمك ايه هو انتى اسيرة حرب
تقى....شكلى هخرجك على نقالة يا كريم
كريم....متخافيش ابيه مبيعضش
تقى....يا ظريف
كريم.....يلا يا مرام
مرام...يلا بينا
بعذ ذهاب كريم ومرام نظر رائد لتقى بحيرة
رائد.....هو ايه اللى حصل امبارح
تقى....محصلش حاجة ليه
رائد....علشان انا مش فاكر حاجة
تقى بكذب.....مفيش اتكلمنا شوية وبعدين انا كنت متوترة شوية وقولتلى خلاص انت هتسيبنى براحتى لحد ما اتاقلم على البيت وعليكم واديتنى وعد ان انت متقربش منى لحد ما اكون مستعدة نفسياً
رائد.....لا والله انا قولت كده انا مش فاكر حاجة
تقى....وانا هكدب عليك يعنى
رائد.....خلاص انا هعمل التمرين بتاعى فى صالة الرياضة وانتى اعمليلى عصير برتقال فريش وحضريلى الحمام
تقى....هو انا الفلبنية اللى انت شاريها
رائد....على فكرة ما بحبش اعيد كلامى كتير يلاشوفى قولتلك ايه
تقى.....حاضر من عنيا
بعد ذهاب رائد
تقى....انت شكلك هتصدعنى بس ماشى اما نيمتك تانى يا رائد
بعد انتهاء رائد من التمارين الرياضية كانت تقى وضعت نصف قرص منوم فى العصير مرة اخرى
تقى....كفاية نص قرص على ما اخواته يرجعوا
رائد.....فين العصير
تقى....اهو اتفضل بالهنا والشفا
شرب رائد العصير واحس بالنعاس مرة اخرى
تقى....يلا بالسلامة انا اروح اشوف حاجة اعملها
ذهبت تقى الى المطبخ
الخادمة.....تؤمرى بحاجة يا تقى هانم
تقى.....بلاش هانم بتجبلى حساسية
الخادمة....حضرتك عايزة حاجة
تقى....جاية اقعد معاكم اصل رائد نام هو انتوا بتعملوا اكل ايه ده
الخادمة....ده اكل صحى علشان رائد بيه بيحب يحافظ على صحته
تقى.... صحته ده ولا اكل العيانين بصى انا هعمل الغدا
قامت تقى بعمل اصناف عديدة من الاكل
عاد كريم ومرام الى البيت وجدوا رائد نائم
مرام....هو ابيه نايم هنا كده ليه
كريم فى سره ..... يخرب بيتك يا تقى انتى عملتى ايه تانى
مرام.... ابيه ابيه اصحى
تقى....انتوا جيتوا
كريم بصوت منخفض....انتى عملتى فيه ايه يا تقى
تقى...اديته نص قرص منوم
كريم....تقى انا مديكى المنوم للطوارىء مش شيكولاتة هو عمالة تديلة كل شوية
تقى....اعمل ايه ما كان عامل فيها سى السيد واعملى واعملى وانا مش حمل الفرهدة دى
مرام....تقى هو ابيه مبيصحاش ليه فى ايه
تقى....شوية كده وهيصحى متقلقيش
حضرت نرفانا الى منزل رائد ووجدته نائم
نرفانا....اهلا يا عروسة
تقى....اهلين
نرفانا ......هو رائد نايم ليه كده رائد اصحى انت نايم كده ليه ياروحى
تقى....طلعت روحك
استيقظ رائد من النوم
مرام....انت نمت هنا ليه كده يا ابيه
رائد.....هو انا كنت نايم
مرام....ايوة دا انتى حتى شكلك ما اخدتش شاور بعد التمرين
رائد.... نرفانا انتى جيتى امتى
نرفانا .....لسه جاية
رائد.....خلاص اقعدى اتغدى معانا
نرفانا... لاء انا جاية اقولك ان مامى عملالك حفلة بكرة بمناسبة جوازك
رائد....ملوش لزوم
نرفانا....ازاى مش لازم الناس تشوف مراتك
تقى فى سرها.....شافك عفريت
رائد....خلاص ماشى
نرفانا....سلام انا همشى علشان اشترى شوية حاجات للحفلة
كريم....انا جعان مش هنتغدى
رائد....هاخد شاور واجى
......
اثناء الغداء
رائد......ايه الاكل ده
تقى.....انا اللى عماله
رائد.....انا مبكلش اكل زى ده ليا اكل مخصوص
تقى....اهو اكلك اهو انا عملت ده علشانى انا وكريم ومرام
كريم....ادى مرتات الاخ ولا بلاش
مرام....الله الاكل شكله تحفة
تقى....بالهنا والشفا
رائد....بس هما بياكلوا اكل زى اكلى وانتى كمان هتاكلى زينا
تقى....هو احنا فى مستشفى دا انا كنت باكل عند زيكو تلوث اقوم اكل مسلوق
مرام....بليز يا ابيه سيبنا ناكل
رائد.....خلاص يا حبيبتى كلى
كريم...لو انا اللى كنت طلبت كنت لبستنى صنية المكرونة فى وشى
رائد.....ما انت عارف اهو صحيح ايه اللي فى وشك ده
كريم....ها ولا حاجة دى حسنة
رائد..... كريم ايه اللى فى عينك ده
كريم.....قرصة نحلة
رائد.....انت هتستهبل انت روحت تمرين الملاكمة تانى
كريم.....اعملك ايه ما انت مش راضى تمرنى
رائد.....قولتلك مش لازم تلعب ملاكمة
تقى....وانت ايه علاقتك بالملاكمة
مرام....انتى متعرفيش ان ابيه كان بطل ملاكمة وواخد جوايز كمان
تقى.... وكمان بطل ملاكمة روحتى بلاش يا تقى
كريم....علشان خاطرى يا ابيه مرنى بقى
رائد باصرار......قولتلك لاء
كريم....عارف لو ما مرنتنيش هحط لتقى سم فئران فى الاكل
تقى.....الله وانا مالى يا لمبى
كريم.....هو كده مليش دعوة
رائد..... متشغلش نفسك انا هسم تقى بمعرفتى
تقى..... اللى هيجى جمبى منكم هغزه بالسكينة انا شريرة
ابتسم رائد على كلامها
مرام....متخافيش انا معاكى
تقى.....تسلميلى يا مرمر
بعد انتهاء الاكل
كريم.....على فكرة يا تقى بكرة فى الحفلة حاولى تحطى اعصابك فى التلاجة
تقى.....ليه هو هيحصل ايه
مرام.....علشان نرفانا مش هتسيبك فى حالك
كريم....لاء وكمان طنط كاريمان امها انتى لسه مشوفتهاش
تقى.....ومالها دى كمان
مرام.....هى فيها تاتش من نجمة ابراهيم تعرفيها
تقى....نجمة ابراهيم اللى كانت بتطلع فى افلام زمان ريا
كريم.... ايوة هى دى يا شابة
مرام.....هتستفذك بأى طريقة
كريم....دا اونكل عدلى الله يرحمه مش عارف كان متجوزها ازاى دى لا تطاق
تقى.....انا دلوقتى عرفت نرفانا طالعة لمين
كريم....اقلب القدرة على فمها تطلع نرفانا لامها
مرام.....ههههههه يندلق الفول منها
تقى....والنبى انتوا عسل
مرام.....تعالى يلا نخرج نشترى ليكى فستان علشان بكرة
ذهبت تقى ومرام ورائد الى المول لشراء الفستان
رائد....انا هستناكم هنا فى الكافية على ما تخلصوا
تقى.... ماشى
مرام.... مش هنتاخر كلها 3 ساعات بس
رائد....هى نص ساعة وتخلصوا
تقى....ايه نص ساعة دا منلحقش ندخل من باب المحل
رائد....انجزوا
ذهبت تقى ومرام لاختيار الفستان ولكن سمعت تقى صوتا خلفها ينادى باسمها
تقى بدهشة.....ياسر
ياسر...............
((صدفة حب))
الجزء الخامس
سمعت تقى صوتا من خلفها ينادى باسمها
تقى بدهشة.....ياسر
ياسر......تقى انتى بتعملى ايه هنا
تقى....هو اللى بيجى هنا بيعمل ايه
ياسر....مبسوط انى شوفتك
تقى....وانا بصراحة مش مبسوطة
ياسر....انتى بتعاملينى كده ليه
تقى....بعاملك ازاى يعنى عادى
ياسر....مكنش ده اسلوبك زمان
تقى....اديك قولت كان زمان وجبر
ياسر.....انا مش عارف انا عملت كده ازاى
تقى....ليه هى هبة مش كويسة معاك
ياسر....انا عرفت الفرق اللى بينك وبينها
تقى.....مبقاش يهمنى الكلام ده دلوقتى
اثناء حديثهم حضرت هبة زوجة ياسر
تقى.....هبة عاش من شافك
هبة....متشوفيش وحش
تقى....ما انا شوفتك اهو
هبة....طول عمرك دمك خفيف يا تقى
تقى.....مش اخف من دمك والله يا هبة
هبة.....امال خطيبك الحلو ده راح فين طفش هو كمان
تقى.....مش شغلك
هبة.....شكلك هتفضلى كده يا تقى من غير جواز
تقى....مظنش علشان انا فعلا اتجوزت
ياسر....اتجوزتى
تقى.....ايوة وثوانى هعرفكم على جوزى بس مش خطيبى اللى شوفتوه دا واحد تانى
تقى فى سرها.....وحياتى لاقهرك يا هبة اصبرى عليا
قامت تقى بالاتصال على رائد وطلبت منه المجىء
تقى ...احب اعرفكم المهندس رائد الرشيدى جوزى
الاستاذ ياسر ومدام هبة مراته معرفة من اسكندرية
ياسر....اهلا
هبةبغيظ......تشرفنا
رائد...... متشكر
تقى.....حبيبى معلش شوف مرام خلصت كده ولا لاء هى جوا على ما اودعهم
رائد.....ماشى بس متتأخريش عن اذنكم
تقى....لاء يا حبيبى انا جاية وراك على طول
بعد انصراف رائد لاحظت تقى نظرات كره فى عيون هبة
تقى.....ايه رأيك يا هبة فى جوزى مش يجنن بغمزاته دى وملكيش عليا حلفان يا هبة يا اختى دا بينور فى الضلمة من حلاوته
لو مفكرة نفسك تقدرى تغظينى انا يا حبيبتى اغيظ بلد بحالها سلام يا حلوين
بعد انصراف تقى
هبة......يابنت المحظوظة يا تقى انا نفسى اعرف بتعرفهم منين مش انا اللى حظى طلع اسود
ياسر..... الصراحة مش اسود من حظى يلا بينا
......
مرام.....انتى كنتى فين ياتقى
تقى....انا اهو خلصتى
مرام.....هدخل اقيس ده ماشى
تقى..... ماشى
رائد.....مين ياسر ده يا تقى
تقى......ده كان خطيبى الاولانى
رائد.....انتى كنتى مخطوبة
تقى.....ايوة وسابنى علشان صاحبتى
لايعلم رائد لماذا شعر بالضيق والغيرة انه لم يكن الرجل الاول بحياة تقى
رائد....معندوش نظر
لا تعلم تقى لماذا كلما تنظر الى زوجها تزداد ضربات قلبها وتشعر كأن فراشات ترفرف فى قلبها فهل صحيح انها بدأت تحبه
تقى.....خلصتى يا مرام
مرام .......حلو ده
تقى.....جميل عليكى
......
فى المنزل
كريم.....انتوا اتأخرتوا ليه كده
مرام......ايه يابنى فى ايه
كريم.....مش لاقى حد ارخم عليه
تقى.....لاوالله بتتسلى علينا
كريم.....انتوا احسن من كيلو لب تعالى بقى يا ابيه مرنى ملاكمة
رائد.....مش فاضيلك روح العب شطرنج ولا كونكت فور
كريم.....كونكت فور دا انت ناقص تقولى روح العب بلاى استيشن
تقى..... بحب البلاى استيشن تعالوا نلعب سوا
رائد.....ماشى وهنلعب فريق واللى يخسر هينفذ طلب للى هيكسب
تقى.....ماشى وانا موافقة
رائد.....خلاص انا ومرام فريق وانتى وكريم فريق
كريم.....بتعرفى تلعبى ولا هلاقى نفسى محكوم عليا وبغسل عربية ابيه رائد
تقى....متخافش لو خسرنا هنغسلها سوا
فازت تقى وكريم فى الشوط الأول
تقى....هااا احنا كسبنا
رائد.....لسه مخلصناش
فى اخر اللعبة فاز رائد ومرام
مرام ...برافو يا ابيه كسبناهم
كريم....حضرى يا تقى الجردل والفوطة
رائد.....ههههه بس انا مش عايزكم تمسحوا العربية
تقى....امال عايزنا نمسحلك الجزمة
رائد.....ابقى احكمى على كريم انتى يا مرام وانا هحكم على تقى
تقى.....احنا متفقناش على كده
رائد......على العموم انا هبقى احكم عليكى لما يجيلى مزاجى
غمز لها رائد باحدى عينيه فاحست ان وجهها اصبح احمر
تقى فى سرها .....هى فيها غمز كمان لاء كده مش هينفع
.......
يوم الحفلة
استعدوا جميعا للذهاب الى الحفلة
كريم.....استعنا على الشقا بالله
تقى.....هو احنا رايحين الجبهة
كريم......دلوقتى تعرفى يا اختى
مرام.....دى مش حفلة ليكى ياتقى دا هيتحفل عليكى
تقى....ابقى خلى حد كده ييجى جمبى وانا مش مسؤلة عن الضحايا
كريم.....ابقى ادينى رنة اطلب الاسعاف
رائد...يلا خلصتوا خلينا نمشى
نظر رائد الى تقى فكانت جميلة جدا وهى ايضا اخذت تتأمل زوجها فكان شديد الأناقة
تقى فى سرها..... وده بقى هيبقى غنيمة الحرب اللى انا رايحاها بس يستاهل ان الواحد يحارب علشانه هى امه كانت بتتوحم على ايه وهى حامل فيه على مربى على حلاوة على شوكولاتة على قشطة هو ايه اللى انا بقوله ده
كريم.....ايوة يا ابيه يلا بينا
رائد.....خد مرام معاك فى عربيتك وانا هاخد تقى
كريم ......حاضر يا ابيه
رائد.....يلا يا تقى
ابتلعت تقى ريقها
تقى....ححاضر
فى العربية كانت تقى تجلس بجوار زوجها وتشعر بتوتر شديد
رائد.....ساكتة ليه مش عوايدك
تقى.....هقول ايه
رائد.....انتى جميلة اوى النهاردة
تقى بخجل...ششكرا
رائد.....تقى ممكن أسألك سؤال
تقى....اتفضل
رائد......هو انتى عمرك ما حبيتى
تقى.....ايه لازمة السؤال ده دلوقتى
رائد.....مش عارف خطر على بالى
تقى.....الظاهر انى كنتى فاكرة انى بحب بس طلع وهم لانى حاسة دلوقتى انه ميهمنيش فى اى حاجة بالمرة
رائد.....هو مين ده
تقى....خطيبى الاولانى
رائد.....طب ودلوقتى
سكتت تقى لا تعرف ماذا تقول هل تقول له انه هو اصبح من يشغل تفكيرها وقلبها ايضا ام ماذا تقول
تقى....احنا وصلنا ولا لسه
رائد....بتهربى من السؤال على العموم خلاص قربنا
استقبلتهم كاريمان وابنتها وكان كريم ومرام على حق فنظراتهم غير ودية من ناحية تقى
كاريمان......اهلا رائد مبروك كده تتجوز من غير ما تقول
رائد.....حبيت اعملهالكم مفاجأة
كريم..... مفاجأة تجيب اجلكم ان شا الله
مرام.....ههههه وطى صوتك
كريم.....هو انتى سمعتى
مرام ..... ايوة المهم منبعدش عن تقى علشان محدش يضايقها
كريم..... ماشى
كاريمان.....ازيك يا عروسة
تقى.....الحمد لله يا طنط
كاريمان.....مبحبش الكلمة دى يا حبيبتى قوليلى يا كارى
تقى....حاضر يا طنط قصدى يا كارى
كاريمان....ازيك يا مرام قولتلك يا حبيبتى الحجاب مش لايق عليكى
احست مرام بالدموع تتجمع فى عينها فكاريمان وابنتها لايتركون اى مناسبة بدون ان يجرحوا احساسها
لاحظت تقى ذلك فردت بالنيابة عنها
تقى....مش لايق عليها ليه دا انا مشوفتش بنوتة جميلة كده فى الحجاب زى مرمر دى قمراية مش احسن ما تمشى وناسية هدومها
اعجب رائد بدفاع زوجته عن اخته فالبرغم من سبب زواجه من تقى عن طريق التحدى الا انه احس ان الله ارسلها اليه حتى تصبح اخت لمرام وتصبح ايضا حبيبته
رائد.....فعلا مشفتش احلى من مرام وتقى فى الحجاب
كريم......وماله الحجاب يا طنط
كاريمان....ازيك يا كريم مش قولتلك بلاش طنط دى يا حبيبى
كريم.....اسف يا طنط
نرفانا......ايه الشياكة دى يا رائد
رائد..... شكرا يا نرفانا
كاريمان.....تعالى يا رائد فى ناس نفسها تشوفك
بعد ذهاب رائد ونرفانا وامها
تقى.... عندكم حق دى فظيعة
كريم .....شوفتى قال متقوليش طنط قولى يا كارى عاملة فيها صغيرة وهى دفعة احمد عرابى
تقى.....هههههه يخرب عقلك وانتى يا مرام ازاى تسكتى على كلامهم
مرام بحزن......هما على طول كده ودايما ابيه رائد كان بيدافع عنى هو وكريم
تقى....مش عيزاكى اى كلمة مش عجباكى تقبليها لازم تردى وانا جتلك اهو اللى هيزعلك يا جميل هشرحه
مرام ....تسلميلى يا تقى
كريم.....هروح اجبلكم حاجة تشربوها اصل كلامهم يسد النفس
لاحظت تقى ان رائد ينظر اليها ويبتسم فكانت تبتسم هى الاخرى حتى جاءت نرفانا مع مجموعة من صحباتها
نرفانا....ازيك يا عروسة
تقى من غير نفس....... كويسة
نرفانا......ايه الجواز حلو يا عروسة
تقى بصوت منخفض....لسه والله يا اختى مجربتوش
اه حلو عقبال عندك
نرفانا.....ماهو الصراحة اللى تتجوز رائد لازم تبقى مبسوطة واحد زيه مبيتكررش كتير
تقى.....اه ده من حسن حظى اخدت اخر نسخة نازلة السوق
مرام.....ابيه رائد ربنا بعتله هدية من السما اسمها تقى
تقى....تسلميلى يا قلبى
نرفانا......بقيتى تعرفى تتكلمى يا مرام
مرام.....حد قالك انى ناقصة لسان انا كنت بسكت من باب الاحترام بس الظاهر ان فى ناس بتفهم ده غلط
تقى.....عندك حق يا مرمر فى ناس كده جبلة بيحبوا يقللوا من قيمة الناس وهما ملهمش لازمة
نرفانا......دا انتى شاطرة فى الرد اوى
تقى.....اه دا انا اعجبك اوى
نرفانا ....وانتى لابسة حجاب ليه بقى انتى كمان انتى قرعة
تقى فى سرها.....انا قرعة يا بنت القرعة
هو اللى بيلبس حجاب لازم يبقى اقرع
نرفانا.....اكيد بيبقى شعرهم مش حلو فبيداروه
تقى....مين قالك كده الحجاب فرض ربنا امرنا بيه علشان الست تحفظ نفسها من عين اى حد وتبقى ملك لراجل واحد بس مش كل من هب ودب ينهش فيها بعينه
كريم.....خدى يا تقى عصير انتى ومرام ايه ده يا نرفانا ايه اللى فى وشك ده
نرفانا بخضة.....فى ايه
كريم.....روحى شوفى كده فى ايه بسرعة
ذهبت نرفانا لترى مابوجهها
مرام.....فى ايه يا بنى مفيش حاجة فى وشها
كريم....انا بوزعها لان شكلها كده صدعتكم
تقى ....دا انا عايزة باندول منها هى وامها شوف بتبصلى ازاى
كريم......سيبك منها انا زهقت وعايز امشى حفلة مملة
مرام......صدقت مجتمع قرشنات
تقى .....هو رائد من ساعة ما جينا اختفى فين
كريم..... مش عارف كان هنا هروح اشوفه
تقى......مرام تعالى معايا الحمام
مرام....يلا
اثناء ذهابهم لاحظت تقى نرفانا ورائد يتحدثان وسمعت نرفانا
نرفانا..... رائد حبيبى قولت ايه بقى فى الموضوع ده
رائد...............
((صدفة حب))
الجزء السادس والاخير
تقى..... مرام تعالى معايا الحمام
مرام....ماشى يلا
رأت تقى رائد ونرفانا يتحدثون وسمعت نرفانا
نرفانا.....قولت ايه يا حبيبى فى الموضوع ده
رائد.....معلش يا نرفانا مش هقدر مليش مزاج
تقى....ملوش مزاج هى عايزة ايه بنت طنط كركر دى كمان
مرام....تقى انتى بتكلمى نفسك يلا بينا
عندما خرجت تقى وجدت رائد وكريم فى انتظارهم
رائد.....يلا بينا علشان نروح
تقى....يلا
.......
فى العربية
كانت تقى تفكر فيما حدث وتتسأل ماذا تريد نرفانا من زوجها واحست بغيرة قوية كشفت لها انها وقعت فى حب زوجها
رائد.....مالك فى ايه
تقى....ماليش
رائد....فى حاجة حصلت
تقى.... أسأل نفسك
رائد.... أسأل نفسى على ايه
تقى....معرفش
رائد.....بلاش اسلوبك المستفز ده ماشى
تقى.....انا هسكت مش هرد عليك
رائد.....احسن برضو
وصلوا الى المنزل وصعدت تقى الى غرفتها وخلفها زوجها
كانت تقى فى قمة غضبها وتريد تكسير الغرفة باكملها ولكنها تمالكت نفسها بصعوبة
رائد.....فى ايه يا تقى اهدى شوية
تقى.....حد قالك انى مجنونة
رائد......هو ايه اللى حصل لده كله
تقى..... أسأل نرفانا هانم
رائد.....هى قالتلك حاجة
تقى....لاء انا سمعتكم يا رائد بيه
رائد.....سمعتى ايه
تقى....مش عارف ايه رايك ياحبيبى فى الموضوع ده لاء يا نرفانا مش هقدر مليش مزاج
ملكش مزاج لايه كانت عايزة ايه منك دى
ابتسم رائد عندما علم ان تقى تغار عليه
رائد.....تقى انتى بتغيرى
تقى....وانا اغير عليك بتاع ايه
رائد....ليه هو مش انا جوزك برضو
تقى.... عن اذنك عايزة انام
رائد....ما تنامى هو انا ماسكك
تقى.....هتفضل واقف كده
رائد.....عيزانى اعمل ايه يعنى
تقى.....مش عايزة منك حاجة
قام رائد بتغيير ملابسه
تقى....ايه ده انت بتعمل ايه كده عيب
رائد....هو ايه اللى عيب هغير هدومى
تقى....مش قدامى كده
رائد.....مش عاجبك متبصيش
تقى....انت قليل الادب
رائد.....انتى هتسكتى ولا اوريكى قلة الادب بجد
تقى....خلاص سكت
رائد.....ههههه مبتجيش الا بالعين الحمرا
قامت تقى بإطفاء النور ولكنها ظلت تتامل زوجها النائم على ضوء القمر
تقى بصوت منخفض.....يخرب بيت حلاوة اهلك
رائد.....سمعتك على فكرة
تقى.....ها انا مقولتش حاجة
رائد.....طب نامى
تقى....هى نرفانا كانت عايزة منك ايه
رائد....هريحك كانت عايزة نسافر شرم كلنا بس انا مرضيتش علشان عارف انها بضايقك انتى ومرام ارتحتى
تقى.....مش اوى تصبح على خير
رائد بهمس.....تصبحى وانتى حبيبتى
قامت تقى بتغيير بعض عادات المنزل وخصوصا الاكل
كريم......كفاية يا تقى احنا كده هنروح لدكتور تخسيس من كتر الاكل
تقى.....هتروح لدكتور سمنة ونحافة
كريم....لاء دكتور السمنة والكنافة
مرام....بس دا انتى طلعتى شاطرة اوى فى وصفات الاكل
تقى.....ايوه سبع صنايع والبخت ضايع
كريم.....ضايع ليه يا اختى انتى كنتى هتلاقى زينا فين
تقى....عندك حق والله انتوا احسن حاجة حصلت فى حياتى
مرام.....وابيه
تقى....ابيه ده خليه على جنب
كريم....الجنب الشمال ولا اليمين
تقى....دمك خفيف اوى يا ظريف
كريم....ما تيجوا نسافر فى اى حتة بدل الملل اللى احنا فيه ده ابيه طول النهار فى الشغل واحنا ومفيش دراسة وحرمنى اروح النادى علشان ملعبش ملاكمة
مرام....احنا نقول لابيه ياخد اجازة ونسافر شرم ولا الغردقة
تقى....لما ييجى هبقى اقوله
طلبت تقى من رائد ان يسافروا فوافق فهو اصبح متيم بها ولايرفض لها طلب وهو اصبح ادمانها تستيقظ باكرا لكى تراه قبل ان يذهب وتنتظره بشوق الى ان يعود ولكن لم يصرح اى منهم للاخر بحبه
وبالفعل سافروا الى شرم
تقى.....ايه قلة الادب دى
كريم....فى ايه
تقى...انت مش شايف لابسين ايه
كريم....اجانب عايزة منهم ايه يعنى
مرام....هو ابيه فين
كريم.....بينشط السياحة
تقى.....قصدك ايه
كريم....انا ولا حاجة بس خير اللهم اجعله خير ابيه رائد فى واحدة اجنبية ماسكة فيه هناك
تقى.....فى ايه نهاره مش فايت
كريم.....اهدى يا تقى انتى شايفة السياحة واقعة متوقعهاش اكتر
تقى.....بس يا بارد
كريم.....الراجل معملش حاجة هو بس بيوصفلها مكان فى الخريطة اللى معاها
مرام.....خريطة ايه هى تايهة
كريم.....تايه فى حلاوته ههههه
تقى.....اخرس يا كريم
مرام....بس يا كيمو متعصبش تقى
تقى....ما هو طول ما اخوكى ماشى وفاتحلنا القميص وعضلاته دى هيلم علينا الخلق
كريم.....يا عضلاته يا حركاته يا تكاته
تقى.....كلمة كمان يا كريم وهرميك فى البحر
كريم.....انا خلاص يا ستى هروح اشرحلها انا المكان كفاية كده على ابيه
تقى.....غور يا كريم
مرام.....كملت يا تقى شوفتى نرفانا جت
تقى.....ماهى كانت ناقصة امها هى كمان
كريم....دا انتى بنت حلال امها جت هى كمان
مرام.....هى الرحلة قلبت غم ليه كده
نرفانا.....هااى ازيكم
تقى فى سرها....كنا كويسين قبل ما نشوفك انتى وامك
كاريمان......ازيكم يا حبايبى
كريم بصوت منخفض......حبك برص يا طنط
كاريمان.....بتقول حاجة يا كريم
كريم.....بقول نورتونا
كاريمان.....شكرا يا حبيبى
كريم....حبتك عربية نقل يا طنط
مرام......انتوا جايين ليه
نرفانا....وحشتونا جينا نشوفكم
مرام...ما احنا كنا هنرجع هنفضل هنا طول عمرنا
نرفانا.....امال رائد فين
تقى.... بتسألى عليه ليه
نرفانا.....اصلى مش شيفاه يعنى
كريم.....زمانه جاى
يبقى ييجى ويحط عليكم يا شيخة
فعلت نرفانا كل ما فى وسعها لجذب انتباه رائد ولكن قلبه اصبح موشوم باسم حبيبته تقى فقط
تقى..... كريم قول لاخوك يتلم هو وست زفتة دى احسن ما اطلبلها بوليس الاداب
كريم.....انا مش شايف ابيه عمل حاجة ماهى اللى مش عايزة تتهد فى حتة بنت سلطعون البحر دى
مرام...... الصراحة حاجة فى منتهى قلة الادب
تقى....انا هروح الاوضة دماغى صدعت
كريم....صدعتى برضو ولا ولعتى
تقى....اسكت احسن مش هيحصلك كويس
ذهبت تقى الى غرفتها لانها لم تتحمل رؤية نرفانا مع رائد ولكنها رأت باب الغرفة يفتح
رائد....مالك يا تقى فى ايه
تقى.....فى ايه
رائد....كريم قالى انك تعبانة مالك
تقى....مفيش شوية صداع
رائد....الف سلامة عليكى
تقى.... الله يسلمك هو احنا ممكن نرجع القاهرة
رائد....ليه فى حاجة ضايقتك
تقى....لاء مفيش عايزة ارجع البيت
رائد....تقى هو فى ايه بالزبط انتى متغيرة
تقى...قولتلك مفيش يا ابو عضلات
رائد.....هههه بقالى كتير مسمعتهاش منك وحشتنى الكلمة دى من شفايفك
احست تقى بارتباك شديد
تقى.....ماهو ماهو
رائد.....ماهو ايه يا واجعة قلبى
تقى...انا وجعت قلبك فى ايه بقى
رائد....فى انك مش حاسة بيا
تقى....قصدك ايه
رائد.....لسه مفهمتيش يا ام لسان طويل
تقى....لاء انا فهمى بطىء
رائد..... بحبك
تقى....انت قولت ايه
رائد....قولت بحبك وعارف انك انتى كمان بتحبينى نفسى اسمعها منك قوليها يا تقى
تقى....بحبك
رائد.....تقى فى حاجة عايز اعرفها انتى قابلتى كريم ازاى
روت له ماحدث منذ ان نشرت الاعلان لتطلب فيه خطيب وهمى حتى زواجهم
رائد.....ايه كريم عمل كده واخد منك فلوس كمان طب والله لاوريك يا كريم
تقى..... رائد علشان خاطرى بلاش تعمله حاجة
رائد.....كريم مبيبطلش مصايب بس محصلتش انه يعمل كده وانتى ازاى تنشرى اعلان زى ده
تقى....كنت حاسة ان كرامتى اتهانت فحبيت انتقم منهم
رائد......انتى عارفة انا هسامح كريم علشان حاجة واحدة بس
تقى.....ايه هى
رائد....ان بسبب اللى عمله قابلت اهم واحدة فى حياتى واتجوزتها
تقى بابتسامة.....بجد
رائد.....طبعا انتى بقيتى نبض قلبى وعشقى
تقى..... بحبك يا ابو عضلات
رائد.....يلا بينا نرجع على القاهرة
تقى.....احسن برضو علشان زهقت من نرفانا وامها وعمايلهم
رائد.....متقلقيش انا مش هخليهم يضايقوكى تانى
اصبحت حياة تقى مع رائد مليئة بالحب والعشق والغرام وزادت سعادتهم عندما علموا ان تقى حامل وسيصبحوا آباء
........
فى المستشفى اثناء الولادة
تقى....ااااااااه الحقونى هموت
رائد.....اهدى يا حبيبتى
مديحة.....اهدى يا حبيبة خالتو
تقى....مش قادرة حاسة انى هموت
رائد.....بعد الشر عليكى
تقى.....لو مت حسك عينك تتجوز هطلعلك من القبر انكد عليك عشتك
كريم.....ما تسكتى بقى واولدى وانتى ساكتة لميتى علينا المستشفى
تقى... اسكت خاااالص احسن ما اعضك
كريم.....ههههه واحدة سعرانة صحيح
تقى.... رائد خليه يمشى مش عايزة اقوم اقبض فى زمارة رقابته
مرام......اهدى يا حبيبتى ان شاء الله خير
وضعت تقى صبيا جميلا اسمته ((معاذ))
رائد.....حمد الله على السلامة يا حبيبتى
تقى....الله يسلمك يا حبيبى
مديحة....حمد الله على السلامة يا تقى حبيب قلب تيتة
تقى....تسلميلى يا خالتو
مرام.....عسول خالص يا تقى
كريم.....كويس هعلمه كل مواهبى الدفينة فى جلب المصايب
تقى.....لو عملت كده هخنقك
رائد.....ابنى حبيبى هيطلع عاقل
بعد مرور سنوات من الحب والعشق
معاذ.....مامى انا عايز اروح مع عمو كريم النادى
تقى....ليه
معاذ.....علشان فى ولد هناك ضربنى هروح اضربه
تقى....مين اللى قالك كده
معاذ .....عمو كريم
تقى...كررررريم
كريم.....فى ايه خرمتى ودنى
تقى.....انت بتعلم ابنى البلطجة
كريم.....هو اللى عنده مواهب اجرامية دفينة انا بس بنميها
تقى.....لو مسيبتش معاذ فى حالة هقول لرائد على المنوم فاكره
كريم.....بتبعينى يا تقى
مرام......منوم ايه
تقى.....هو عارف
مرام.....خلاص تعالى يا معاذ نلعب سوا
معاذ....يلا يا مرمر
مرام.....روح مرمر انت عسل زى ابوه
تقى.....اه منه ومن حلاوة ابوه
رائد.....ومالها حلاوة ابوه وصحيح ايه حكاية المنوم دى
كريم...... ها ولا حاجة عن اذنكم
رائد......مش المنوم ده اللى انتى كنتى بتحطهولى فى العصير برضو
تقى.....يا خبر انت عرفت
رائد.....عرفت من زمان لما لقيت شريط البرشام فى الدولاب
تقى.....وسكت ده كله
رائد.....انا الصراحة اول ما عرفت كنت هطلع روحك بس مقدرتش حبك اتمكن من قلبى خلانى مش قادر اتكلم
تقى......بحبك يا احلى ما فى العمر كانت احلى صدفة يوم ما قابلتك
كانت تقى تشكر الله انه رزقها زوجها ذلك الرجل الذى اصبح يمتلك قلبها وعقلها عن طريق صدفة غير مقصودة فكانت ((صدفة حب))
تعليقات
إرسال تعليق