 |
قاسي لكن عشقته
الجزءالاول
الفصل الاول حتي الفصل السادس
بقلم ياسمين جمال
كامله على مدونة النجم المتوهج للروايات
المقدمه
الحب شئ جميل عندما يكون متبادل لاكن يكون عبئا كبيرا لو بالارغام فلذلك كثير من العلاقات تفشل بسبب الاتفاق والحب والموده بين الزوجين ......وعند الاباء فانهم يرون مالا يراه أبنائهم ولاكن فى كثير من يخطئ
القسوة؛ الكره؛ العند مع من لا يحب ويتزوج بالاجبار لذلك هنتعرف ونرى مع بعض ماذا يحدث لابطالنا وهل مع العشره يحبوا بعض ام مازالت الاراء تدور حول فكر خاطئ انتظرونى فى اولى حلقاتى من قصه قاسى ولكن عشقته
.....................................................................
تعربف الابطال
عائله الشرقاوى
معتز :والد قاسى فى الثامنه وخمسين من عمرة صاحب شركات الشرقاوى ولكن معه شريك بالنصف
سها :والدة قاسى ف الخمسين من عمرها امرأه طيبه ولكن تخشى طمع الفقراء فى اموالهم
قاسى :شاب فى الثامنة وعشرين من عمره ؛شاب وسيم طوله معتدل ؛يتميز بجسده الرياضى و يتميز ببشرة بيضاء عيناه السوداء وشعره البنى الغامق ؛خريج كليه الهندسه ويعمل مع والده ف الشركه
احمد : هو الاخ الاصغر شاب وسيم طوله معتدل عيناه سوداء وشعرة بنى غامق خريج كليه ادارة اعمال فى ال٢٦ من عمرة يقول الحقيقه دائما يقف مع الحق يتميز بدمه الخفيف وهزاره وهو مريم ثنائى اخوى مضحك ويعمل مع والده
مريم :هى اصغر اولاد معتز فتاه جميله جدا طيبه القلب تسامح الاشخاص فى ال٢٤ من عمرها. عيناها سوداء وشعرها بنى جسدها صيرة بعد الشئ خريجه كليه الحاسبات والمعلومات تعمل ف الشركه
.....................................................................
عائله سالم
سالم :والد ندى فى الثامنه وخمسين من عمره
ندى :فتاه جميله تتميز بوجهها الملائكى التى تجذب من يرى اليها وبعينيها الخضراء وشعرها الكستنائى الذى يصل الى اسفل ظهرها ولكن تخفيه حجابها الذى يزيدها جمالا ع جمال وجسمها الممشوق وطولها المعتدل وهى فى الخامسه وعشرين من عمرها خريجه كليه الهندسه
..
سارة :الاخت الاصغر فتاه جميله نفس مواصفات اختها ندى ف ٢٣ من عمرها فى اخر سنه هندسه فسالم حرص ع ان يجعل ابنتيه يدخلون كليه الهندسه ولا يعرفون سبب اصراره ع هذة الكليه
هناء :عمت ندى تجلس معهم ف الشقه لأنها مطلقه عندها ٤٥ سنه
...........
باقى الاشخاص هنعرفهم من خلال القصه
.......
قاسي ولكن عشقته
الاول والثاني
قاسى ولكن عشقته
الحلقه الاولى
ف احدى الاحياء الراقيه ف شقه متوسطه الحال تجلس العائله ع طاوله الطعام
سالم :لسه ملقتيش شغل يابنتى
ندى :لسه يبابا
هناء (عمت ندى ):منا قلتلك دخلها تمريض تطلع تتوظف وتجيب فلوس اهوه دخلت الهندسه وقاعدة جمبك زيها زى الجاهله
ندى :بس ليا تقدير بين الناس وانا عاجبنى كده
هناء :اهوه خليكى كده
ندى :وانا عاجبنى كده
سالم :طب متروحى عند عمك معتز هيشغلك يبنتى
ندى :خلاص ابقى كلمو يبابا
سالم :ماشى يبنتى ادخلى ارتاحى
هناء :ميته هتخطبها لأبنى يسالم
كادت ترد عليها لتجد والدها يومأ لها بالدخول
سالم :بعد دخول ندى بنتى مهندسه وعايزاها للواخد دبلوم ازاى يعنى
هناء :ليه ان شاء الله مش راجل وهيصرف عليها وبعدين القريب اولى
سالم : تنسى الموضوع خالص فاهمه وتركها وغادر المنزل
............
ف غرفه ندى
ندى :سارة قومى يبت
سارة :عايزه ايه
ندى :الحقى عمتك عايزة تخطبنى لولدها
سارة :ولدها مين ده ان شاء الله دا كلهم دبلومات
ندى :هى قالت لبابا امتى هتخطب ندى لأبنى
سارة :وبابا عمل ايه
ندى :كنت هرد بس بابا اومألى وقالى ادخلى
سارة :اكيد هيوقفها عند حدها
ندى :يارب
.....................
فى فيلا الشرقاوى
معتز ::فين قاسى ياسناء
سها :راح الشركه هو ومريم
معتز :واحمد
سها :بياخد شاور
معتز :اطلعى قوليله خمس دقايق يكون هنا
صعدت سها الى الاعلى ودخلت غرفه ابنها وجدته امام المرآة يهندم ملابسه
سها :يلا عشان معتز مستنيك وقال خمس دقايق تكون عنده
احمد :ايه ونزل الى الاسفل مسرعا
سها :والله معلمهم الادب يامعتز
معتز :مرحتش مع اخواتك ليه
احمد :قلت اروح مع الحاج الكبير
معتز :والله لسانك هو اللى مهدينى يلا اركب
.............
قاسى :فين الورق بتاع صفقه امبارح
رانيا :وحشتنى يابيبى
قاسى : مش وقته يارانيا
رانيا وهى تقترب منه وتملس بأنامله ع وجهه
بس انت وحشتنى خالص متيجى النهاردة
قاسى ::هشوف وارد عليكى يلا هاتى ورق الملف
رانيا :من عنيا وقبلته من وجنته وخرجت
..............
دخل معتز الى مكتبه
دخلت السكرتيرة فى واحد بره عايز سعادتك بيقول صاحبك واكتر من الاخوات واسمه سالم
معتز : دخليه بسرعه ودخل سالم ليأخذه معتز بالحضن
معتز :وحشتنى ياسالم
سالم :وانت وحشتنى خالص يامعتز بس اسف جيت من غير معاد
معتز :والله ازعل منك والبعدين الشركه شركتك تيجى وقت ماأنت عايز
سالم :طب انا عايز اشغل ندى هنا بس طبعا كأنك انت اللى مشغلها
معتز :عايز اعرف ليه بتعمل كده
سالم :اخبار الشركه ايه
معتز :تمام الحمد لله كله تمام بس فيه ورق عايز امضتك
سالم :هاتو بالمرة امضيه طالما جيت
معتز :طب بس انا كنت جايلك بس طالما جيت افاتحك
سالم :خير
معتز :كنت عايز اخطب ندى لأبنى قاسى ايه رأيك
سالم : ع خيرة الله
معتز :الفاتحه وقرأوا فاتحه قاسى وندى
...........
عاد سالم الى المنزل
سالم :فين ندى يهناء
هناء :فى اوضتها
سالم :طيب انا داخلها
هناء : ف حاجه
سالم :كل خير
...
دق سالم بابا الغرفه
سالم :ادخل
ندى :اتفضل يبابا
سالم :بسى يابنتى عايز اقلك حاجه
ندى :اتفضل
سالم :انا رحت لعمك معتز وفاتحته ف الموضوع بتاع الشغل ورحب وبعدها قالى انه كان هيزورنا وانا رحتله فافاتحنى ف موضوع
ندى :موضوع ايه
سالم :عايزك لقاسى
ندى :ازاى يعنى
سالم :مالك يندى خطبك لأبنه قاسى
ندى :وحضرتك قلتله ايه
سالم :قرينا الفاتحه
ندى :ازاى تعمل كده يبابا
سالم :يابنتى انا عملت كده عشان عارف مصلحتك وهو كويس وعمك اديكى شوفتيه كويس ازاى
ندى :مش شرط ولاده يكونوا زيه
سالم :قاسى ابن ناس ياندى وانا قريت معاه الفاتحه ومش هينفع ارجع ف كلامى الموضوع منتهى
ندى:اللى تشوفه اعمله يابابا
سالم :ربنا يخليكوا ليا يارب انتى وسارة
ندى :ويخليك لينا وخرج سالم من الغرفه وتركها
ندى ضمت رجليها الى صدرها واخذت تبكى ثم نهضت ودخلت دورة المياه تتوضأ وبعدها صلت صلاة الاستخارة لكى يهديها الله الى الطريق المستقيم
...............
فيلا الشرقاوى
ف تمام الساعة ال١٢ منتصف الليل دلف قاسى الى الفيلا
معتز :كنت فين ياقاسى
قاسى :خرجت مع اصحابى
معتز :كل ده مع اصحابك ليه انت من الساعه ٦ المغرب لحد ١٢ نص الليل مع اصحابك
قاسى :عادى يابابا
معتز :بكرا تصحى تكلمنى قبل الشركه عايزك ف موضوع ضرورى يلا اطلع
قاسى :حاضر يبابا
وصعد قاسى الى غرفته
..
الله اكبر الله اكبر
لا إله إلا الله
ندى :سارة يلا قومى عشان نصلى الفجر
نهضت سارة وتوضأوا وادو فرضهم واخذوا يقرأوا بعض ايات الله
...............
فى تمام الساعه السابعه صباحا
يدق قاسى باب مكتب والده
قاسى :ممكن ادخل
معتز :اتفضل ياقاسى اقعد يابنى
قاسى :خير يابابا
معتز :انت طبعا عارف عمك سالم
قاسى :ايوة فاكره ماله
معتز :عنده بنت مهندسه وزى العسل اسمها ندى
قاسى :عايزها تشتغل يعنى بس تلبس حلو مش لبس البيئه بتاع الناس دول
معتز :قاسى احترم لسانك
قاسى :اسف
معتز :اللى بتقول عليها كده هتبقى مراتك
قاسى :انت بتقول ايه مرات مين
معتز :مراتك انت
قاسى :ايه انا مستحيل اتجوز واحده زى دى
معتز :الموضوع مفيهوش نقاش النهاردة هنروح نخطبها رسمى وانا قريت الفاتحه مع الراجل ومش هرجع ف كلامى
قاسى :بس
معتز :النهاردة ياقاسى
غادر قاسى الغرفه بل الفيلا جميعها
معتز :لازم اجبرك ياقاسى هى دى اللى تأمن عليها بيتك وشرفك وعرضك مش البنات اللى ف بالك
............
فى الشركه
قاسى بعصبيه :هاتى الورق بسرعه
رانيا :حاضر
دلفت الى المكتب
رانيا :الورق يافندم. ليأخذه منها
قاسى :اتفضلى
رانيا :مالك ياقاسى
قاسى :وانتى مالك اتفضلى
خرجت رانيا من المكتب وهى تريد معرفة مايريده فهو اول مرة يعاملها بهذه الطريقه
...........
عبر الهاتف
معتز :السلام عليكم ياسالم
سالم :وعليكم السلام
معتز :ان شاء الله النهاردة هنشرفكم ف البيت
سالم :وانا ف انتظارك
معتز :الساعة ٧ ان شاء الله نكون عندك
سالم :تشرفنا
..............
سالم :ندى ياندى
ندى :نعم يابابا
سالم :عمك معتز جاى النهاردة مع العيله جهزى نفسك
ندى :بالسرعه دى
سالم :جهزى نفسك يندى
دلفت ندى الى الغرفه وعيناها مليئه بالدموع فهذه اول مرة يجبرها والدها ع شئ
............
الساعة السابعة
يرن جرس الشقه
فتح سالم ليجد صديقه الحميم معتز
سالم :اتفضلو دلف الجميع الى الداخل واتفاجأوا انها شقه فخمه الى حد ما
معتز :فين عروستنا
سالم :هروح انادمها
.......
سالم :يلا يندى الناس عايزينك
ندى :حاضر يابابا ودخلا الى الغرفة
انبهر الجميع بجمالها كان قاسى ينظر بعيدا ولم يراها
سها :بسم الله ماشاء الله قمر ياحبيبتى
ندى :شكرا ياطنط
سها :تعالى جمبى حبيبتى
معتز :ازيك يندى
ندى :ازيك يعمو
وجلست بجانب سها
مريم بصوت مهموس :دا ملاك ياض
احمد :ربنا يوعدنا
مريم :الواد قاسى ده غبى
احمد :واهبل حد يرفض الملاك ده
مريم :ناس لاقيه بتتبتر وناس نفسها حد يعبرها
وهنا دخلت سارة ومعها جاتوه
احمد :نسيبى جه
مريم :طب وانا
احمد :نسأل ابوكى لو عندهم اخ يبقى تمام
مريم :ههههههه
سها :بسم الله ماشاء الله عليكم بجد عسلات ربنا يحرسكم
استغرب احمد ومريم وقاسى طريقه والدتهم فهى تكره الطبقه المتوسطه فلماذا تعامل ندى هكذا
وبعد وقت من المرح والسعادة ع العائلتين
معتز :طب نعمل الفرح بعد ١٥ يوم
سالم :ان شاء الله
معتز :طب نستأذن احنا وحاجات العروسه هتيجى مريم تروح مع البنات تساعدهم وينقوا الفساتين
سالم :ع خيرة الله
وغادر الجميع وانتهى اليوم ع ابطالنا منتظرين يوم جديد
::::::::::::::::::::::::::::::::::::::::::::::::::::::::::::::::::: قاسى ولكن عشقته
الحلقه الثانيه
استيقظت ندى ع صوت سارة
سارة :ندى قومى بقا مريم جات
ندى :مريم مين
سارة :مريم اخت جوزك
ندى اعتدلت ف جلستها : ليه
ساره :عشان ننزل نجيب حاجتك ابت وغمزت ليها
ندى :لمى نفسك يابت وغورى من قدامى
سارة:منتظرينك بره
دخلت ندى الى الخلاء وتوضأت لتصلى صلاة الضحى وارتدت ملابسها وخرجت
ندى :ازيك يامريم
مريم :ازيك يحبيبتى يلا ننزل
ندى وسارة: يلا
وتوجهوا الى المول
........
فى فيلا الشرقاوى
معتز :الفيلا جاهزة ياقاسى مش كده
قاسى :ايوة
معتز :والشقه ف مصر جاهزة
قاسى :ليه
معتز :عشان مراتك
قاسى :وهى مالها بشقه مصر اخرها هنا
معتز : دى مراتك يابشمهندس ولما تسافر هتسافر معاك
قاسى :مستحيل هى تحمد ربنا ع انها هتعيش ف فيلا هنا ولوحدها كمان دى اخرها شقه رخيصه
معتز :احترم نفسك ياولد انت زودتها كلمه تانى عليها مش هتعرف ايه اللى هيحصل وتركه وغادر
سها :ايه اللى عملته ده ياقاسى البت حلوة وتشيل القمر وتقعد مكانه
قاسى :وانا مش عايزها وبلاش مبالغه زيادة عن اللزوم (فهو لم ينظر لها حتى نظره عابرة )ونهض وتوجه الى غرفته
سها :روح ياأحمد شوفه صعد احمد خلف قاسى ودخل الغرفه
احمد :ايه اللى انت عملته ده
قاسى :عملت ايه يعنى
احمد :طالما مش طايقها قبلت ليه
قاسى :بابا هو اللى غصبنى عليها وكلها كام شهر ولا سنه واطلقها
احمد :انت بتقول ايه هتلعب بيها حرام عليك ياخى
قاسى :انا مش هلمسها
احمد :لا الصراحه فجأتنى بجد انت انسان مفيش منك
قاسى :اتكلم كويس
احمد :انت اللى اتكلم كويس هى فيها ايه دا بنت زى القمر بس الوحش مبيشوفش الحلو
قاسى :اصلا تحمد ربنا ع اليومين الللى هتعيشهم وهى تستاهل حد زيها
احمد :تصدق عندك حق انت متستاهلش واحدة زيها هى فعلا عايزة حد احسن منك ميت مرة عشان يقدر الجوهرة اللى ف ايده وتركه وغادر
قاسى :الكل واقف ضدى بسببك والله لأوريكى النجوم ف عز الظهر
...................
فى المول
فى كافيه
انتى عسوله اوى ياندى انتى وسارة
ندى :وانتى عسل حبيبتى قمر
مريم :هو انا حساكى زعلانه صح
ندى :هزعل من ايه
مريم بعدم اقتناع :طيب تعالو نكمل بقى
...............
مرت الايام على ابطالنا مر السحاب لم تتقابل ندى مع قاسى ابدا ومريم اصبحت صديقتها
.......
فى تمام الساعة ١١ ظهراً
سارة :ندى قومى يلا
ندى :عايزة انام سبينى شويه
سارة :ايه يبت قومى النهاردة فرحك
ندى :اعمله ايه يعنى
دلفت مريم الى الغرفه
سارة :مش راديه
مريم مسكت كوب الماء وسكبته ع وجهها
ندى :اااااااه ونهضت من ع الفراش مين عمل كده
مريم :قاسى
ندى :مين ده
مريم :يلههههوى البت اتلحست خالص يبت دا جوزك المستقبلى
ندى :اه افتكرت طب تعالى وحشتينى
مريم :لا عشان مش هينفع اغير باى
ندى :نفدت منى ودخلت دورة المياه وارتدت ملابسها وتوجهوا الى الكوافير
............
احمد :يلا ياقاسى عشان نشوف القاعة
قاسى :هو فرحك ولا فرحى
احمد :قاسى النهاردة الفرح يعنى انجز وبطل بقى
قاسى :هو فرح ليكم بس جنازة ليا
احمد :اعوذ بالله منك انا ماشى وانت براحتك
معتز وقد ظهر من عدم :استنى ياأحمد ونظر الى قاسى خلص وروح مع اخوك شوف فرحك وبعدها روحوا ظبتوا نفسكم وتروح تاخد عروستك وتروح القاعه فاهم يلا
نهض قاسى مع اخيه وذهبوا الى القاعه
..........
هناء :ايوة يابنى
خالد :ف ايه
هناء :ندى
خالد :يوووووه مالها
هناء :النهاردة فرحها
خالد :الحمد لله
هناء:مش هتيجى
خالد :ع حسب الشغل
هناء :ماشى سلام
خالد :سلام
واغلقت
هناء ف سرها طول عمرك اهبل حد ميحبش ندى دا ملاك وقمر يلا خدت نصيبها ربنا يتمملها ع خير
................
مريم :بسم الله ماشاء الله عليكى حبيبتى قمر
ندى :شكرا حبيبتى
المرأه التى تمكيجها :الصراحه انا بشتغل هنا ليا كتير ممرش عليا واحده حلوة زى كده وانتوا عسلات خالص مش محتاجين
سارة :شوفتوا انا حلوة من شهادة عالميه
ضحك الجميع
مريم:هتصل بالعريس يبجى
المرأه ماشى حبيبتى اوك
..
مريم :الو ياقاسى تعالى العروسه جاهزة
قاسى :تمام جاى
..........
وصل احمد وقاسى الكوافير واخبر احمد مريم انهم امام الكوافير
خرجت مريم وورائها ندى وسارة
انبهر الجميع بجمال العروس والفتيات فكانت ندى ايه من الجمال
قاسى :مريم فين ندى بصوت منخفض
مريم :هى دى
توجه لها قاسى واخذها الى السيارة وهو منبهر بهذا الملاك فكان مكياجها بسيط وجميله وفستانها الابيض الرقيق
مريم :طب كدا ف واحد مش هيركب
رامى :خلاص تعالى معايا
احمد : ماشى
ركبت سارة بجانب احمد والعروسين ف الخلف
ومريم مع ابن عمها رامى
(رامى شاب وسيم ومحترم جداااااا جسده رياضى خريج كليه الفنون الجميله )
............
سالم :هما اتأخروا ليه يامعتز
معتز :هتصل بيهم
...
معتز :ايوة ياأحمد انت فين
احمد :اهوه ف الطريق يابابا قربنا
معتز :ماشى ياأحمد بسرعه
احمد :حاضر
...............
رامى :ساكته ليه يامريم
مريم :لا عادى وابتسمت
رامى :طالعة ملاك النهاردة
مريم واحمر وجهها : ميرسى
رامى :ع ايه وليه الخدود احمرت كده
مريم :ولا حاجه
.........
وصل الجميع امام القاعه ودخل العروسين وبعد فترة اعطى احمد قاسى شبكتها والبسها اياها
واثناء الفرح
خرجت سارة لتحضر صاحبتها وسط انظار الجميع
واثناء سيرها اوقفها شاب
الشاب :ممكن لو سمحت اختى ف دورة المياه وعايزة حد ومش هينفع ادخلها
سارة : وانا مالى
الشاب :لو حضرتك تشوفيها عايزة ايه
سارة :ماشى وذهبت متوجهه الى دوره المياه لتجده يدخل خلفها ويغلق الباب
سارة :انت بتعمل ايه اطلع بره وفين اختك
الشاب : اختى مين دى مسرحيه يجميل
سارة :سيبنى اخرج
الشاب :بالساهل كده واخذ يقترب منها لتصرخ سارة مستنجده بأحد ولكن اقترب منها هذا الشاب وحاول تقبيلها ولكن هى دفعته وحاولت فتح الباب بين صرخاتها ليمسكها من الخلف محدش هيسمعك ياجميل
كان احمد يمر من امام دورة المياه وسمع صراخها وحاول فتح الباب وكسره بالفعل
ليجد هذا الشاب يحاول تقبيلها وهى تدفعه عنها بكل قوه ليمسكه احمد من ياقته ونزل به ضرب حتى عدم العافيه
احمد :اياك تفكر تلمسها تانى يا*****او تلمس اى بنت تانى يا***** فاهم دى قرصه ودن ياشاطر ماشى بس لو شفت خلقتك تانى هقتلك
وتركه وتوجه لهذه المسكينه التى ترتجف ودموعها تنزل ع وجنتيها
احمد :ايه اللى جابك هنا
سارة :ااا ......ن..ا
لتجد صفعه منه انتى ايه انطقى انتى متخلفه
سارة :تبكى بأنهيار ليأخذها ف حضنه
احمد :اسف ياحبيبتى والله عشان خوفى عليكى اسف
سارة :تبكى فقط لا ترد
احمد خلع جاكته والبسها اياه
سارة :ابعد عنى
احمد : سارة اهدى والله انا ضربتك عشان المنظر وخوفى عليكى
سارة :ابعد كلكم واحد
احمد :سارة مالك
سارة :انتوا عايزين منى ايه سبونى حراااام عليكو
احمد :سارة اهدى والله مهعملك حاجه
سارة جائتها حاله بكاء حاد وصراخ بااااااباااااا اتصل احمد برامى وامره ان يحضر سالم
جاء سالم ليجد ابنته وعندما رأته توجهت اليه واحتضنته
سالم :مالك حبيبتى
سارة :تبكى فقط
سالم :ايه اللى حصل ياأحمد
احمد :معرفش بس انا كنت معدى من هنا سمعت صراخها دخلت لقيت شاب ....وسكت
فهم سالم مايود احمد قوله
سالم :شكرا يابنى مش عارف اقلك ايه انت حميت شرفى وعرضى ربنا يباركلك
احمد :لا ياعمى هى اخت مرات اخويا وشرفى وعرضى بردوا
ابتسم سالم :ماشى يابنى
رامى :طيب الفرح
سارة :وهى تبكى :بابا متقلش لندى خليها تفرح وخدنى من هنا
سالم :حاضر حبيبتى ونظر لأحمد
سالم :احمد خد سارة البيت وتعالى
سارة :خائفه
سالم :حبيبتى متخافيش هو اللى نقذك وهو محترم مش هيعملك حاجه
سارة :ماشى بس مفيش حد ف البيت حد ييجى معايا
سالم :وحزن ع ابنته هنادى عمتك
سارة :لا
سالم :مالك يسارة خفتى ليه
سارة :لاااا لااااااااعمتى لاااااااااااااا
احمد :خلاص اهدى هوديكى عند دادة نعيمه
سارة :مين دى انت كداب مفيش حد اسمه كدا
سالم :سارة اهدى حبيبتى روحى مع احمد ومتخافيش واحنا مسافة السكه هنشطب الفرح واجيلك ع طول
سارة :ماشى وذهبت مع احمد وسط خوفها
.................
ف القاعة
ندى :فين سارة يامريم
مريم :مش عارفه مختفيه هى والواد احمد تلقيهم طفشوا
وضحكوا وخرج العريس لكتب الكتاب ونهوا العرس سريعا
...........
احمد :سارة اهدى خلاص الواد اتأدب ومش هيقربلك تانى
سارة : تبكى
احمد :انزلى
سارة :نظرت حولها وجدت البحر ومكان لا يوجد به اشخاص كثير :انزل ليه ويبدوا ع وجهها الخوف
نزل احمد من العربيه وجذبها ووقف امام البحر
احمد :اتكلمى طلعى كل اللى هنا وشاور ع قلبها
نظرت له فقط
احمد :اصرخى بأعلى صوت قولى وجعك للبحر هيخفف من وجعك
سارة :ااااااااااااااااااااااااااه وبكت
احمد :اهدى اهدى
سارة :خدنى من هنا يااحمد مش قادرة
احمد :حاضر تعالى
واثناء الطريق نامت واخذها احمد الى الفيلا وحملها وادخلها غرفته ووضعها ع السرير ووضع عليها الغطاء وخرج من الغرفه
احمد :دادة نعيمه خلى بالك من سارة وجهزيلى اوضه انام فيها
نعيمه :ماشى يابنى حاضر وغادرت
وذهب احمد الى العرس وبعد فترة انتهى الفرح
سالم :خد بالك من ندى يقاسى اوعى تزعلها
قاسى :متخفش ياعمى واخذها وغادر الجميع
......
فى فله قاسى
دخل الاثنان الى فلتهم وتوجهو الى غرفتهم
قاسى :ادخلى غيرى واتوضى عشان نصلى
ندى :ماشى وبعد فتره خرجت ندى مرتديه اسدال الصلاة
وصلو معا وقال الدعاء وبعدها
قاسى :بسى يندى انا من الاول كده يبت الناس مخترتكيش ولا كنت اعرف شكلك اصلا وبابا هو اللى جبرنى عليكى وحطنى قدام الامر الواقع عشان كده اجوزتك عشان متقوليش حب وغرام والكلام ده كله انا مبحسش اتجاهك بأى مشاعر وده ميمنعش انى جوزك ماشى يبت الناس
ندى وهى تحاول منع دموعها :اللى تؤمر بيه
وقامت وخلعت سدالها
لينبهر بجمالها ويجذبها له وتبدأ حياتهم الزوجيه
...........
رجع سالم المنزل لم يجد سارة ليجرى اتصال بأحمد فأخبره احمد انها عندهم ف الفيلا واغلق سالم وتوجه الى الفله لكى يأخذ ابنته
...........
دخل الشاب ف إحدى الشقق ف منطقه عشوائيه
الرجل :مين عمل فيك كده
الشاب :اخبرة بما حدث
الرجل :ازاى يحصل كده انت عمرك متنفع ف حاجه خالص
الشاب :اعمل ايه قلتلك اجيبها هنا قلت لا هناك والبت قويه وصرخت وهو سمعها ونقذها
الرجل :امشى غور من قدامى
وبعدما خرج
الرجل :انا وانت الزمن طويل يسالم
.....................................................................
رأيكم وتوقعاتكوا حبايبى
الثالث والرابع
قاسى ..لكن عشقته
الحلقه الثالثه
وصل سالم فيلا الشرقاوى
سالم :فين سارة
احمد :ف اوضتى ياعمى
سالم :ماشى يابنى شكرا ليك
احمد :ع ايه بس دى شرفى واى واحدة عايزة مساعدة هساعدها
سالم :شكرا يابنى وصعد الى ابنته
دلف سالم الى الغرفه وجد صغيرته نائمه ليذهب لها
سالم :انا اسف يبنتى مقدرتش احميكى
وجلس ع الكرسى مقابلها
...............................
فى صباح يوم جديد
استيقظ قاسى ونهض
قاسى :انتى ياخم نوم قومى
ندى :نعم
قاسى :فزى قومى حضرى الفطار والبسى عشان اهلى جايين
ندى :حاضر
قاسى :لسه مقومتيش يلا فزى
ندى :انت بتكلمنى كده ليه انا والله مراتك مش من البنات اللى تعرفهم بتوع الليل لتجده يصفعها ع وجنتيها ومسكها من وجهها
قاسى :لو عليتى صوتك عليا تانى مش هتعرفى ايه اللى هيحصلك فاهمه وانتى اخر مرة تقولى انك مراتى فاهمه انا اللى اقرر وانتى بالنسبالى زيهم بالضبط فى الصبح الخدامه وف الليل ملكى فاهمه زيهم ؛ يعنى هى دى مهمتك هنا وتركها
ولفت نفسه ليغادر ولكن اوقفه صوتها
ندى :لو كنت فاكر انى ضعيفه فأنسى انا هقول لبابا
ليمسكها قاسى مرة اخرى
قاسى :ههههه مين ده ابوكى دا راجل كبير اوى وحيلته ايه من مكالمه منى احبسهولك ولو فكرتى تقولى لأى حد هحبسهولك فاهمه
وتركها ايضا
ندى :واطى
ليصفعها مرة اخرى
قاسى :عشان عايزة تتربى ياندى عشان تعرفى تتكلمى معايا ازاى انا قاسى الشرقاوى ودخلتى جحيمى استحملى وغادر الغرفه
لتضدم قدميها الى صدرها وتبكى
..................
احمد :مريم روحى شوفى سارة عامله ايه دلوقت
مريم :نعم ياأحمد
احمد :يلا روحى يبت
مريم :ماشى وغادرت
....
استيقظ سالم ليجد ابنته مازالت نائمه ليغادر الغرفه ويذهب الى الاسفل
معتز :تعالى ياسالم نقعد مع بعض
سالم :تعالى يمعتز وجلسوا ف غرفه المكتب
........
دلفت مريم الى سارة لتجدها تخترف كانت سارة تشاهد كابوسها وكان احد يجرى خلفها ليمسكها وهى تصرخ بأن ينقذها احد لتفوق وهى تصرخ اعاااااااااااااااااااااااا لترتجف أركان المنزل من صرختها
مريم :سارة مالك حبيبتى وهنا يدخل الجميع
سالم :مالك حبيبتى
سارة :باااابااا وتبكى
سالم :اهدى يحبيبتى خلاص
سارة :مش قادرة يابابا مش قادرة انسى
سالم:خلاص يسارة
سارة اتنبهت لوجود الجميع لتسكت ولم تتحدث
حزن احمد ع حال سارة وتوعد لهذا الشاب بأنه اذا رآه سوف يلقنه درس لم ينساه ابدا
معتز :مريم خدى سارة اوضتك والبسوا عشان نروح لندى
سارة :انا مش هقدر
مريم :ليه حبيبتى
سارة :انا مش عايزة انكد عليها روحو انتو
سالم :خلاص ماشى ياسارة
.......................
احمد :الو ياقاسى
قاسى :ايوة ياأحمد
احمد :احنا جايين دلوقت
قاسى :تمام واغلق قاسى الهاتف مع احمد ليصعد الى الغرفه
قاسى :قومى البسى جايين هما ف الطريق
ندى :وهى ترفع وجهها الذى تشوه :حاضر
قاسى وقد تفاجأ من وجهها ليحضر لها كريم مرطب :حطى ده نظرت له ندى بأستغراب
ندى :شكرا
قاسى بتعصب :قلتلك خدى ولا احطلك انا
اخذت ندى الكريم منه ونهضت ودخلت الى دوره المياه لكى تأخذ شاور
وبعدها خرجت وارتدت ملابس لأستقبالهم
قاسى :خلصتى
ندى :ايوة
وبعد عشرة دقائق رن جرس الفيلا
وفتح لهم قاسى ورحب بهم ودخل الجميع
سالم :سها :فين عروستنا
قاسى :هروح اشوفها
وخرج قاسى واخبرها بالدخول الان ودخلت لهم
سها :الف مبروك يحبيبتى
ندى :الله يبارك فيكى يطنط
سها :طنط ايه قولى ماما
ندى :حاضر يماما
هناء :مبروك يندى
ندى :الله يبارك فيكى ياعمتى
سالم :مبروك ياحبيبتى
ندى :الله يبارك فيك يابابا
سالم :خد بالك من ندى ياقاسى
قاسى:حاضر يا عمى
ندى :فين سارة
سالم :تعبت شويه حبيبتى ونامت ومصحنهاش
ندى :هى كويسه
سالم :ايوة متقلقيش حبيبتى
معتز :مبروك يولاد
قاسى /ندى :الله يبارك فيك يبابا /يعمى
معتز :عمى مين بقى قولى بابا
ندى :ماشى يابابا وبعد فترة من الزمن
جاء يغادر الجميع ولكن مريم واحمد قالو انهم سيجلسون مع ندى وقاسى بعض الوقت
وافقوا وغادروا وتركوهم
صعدت مريم مع ندى االغرفه وقاسى واحمد فى الاسفل
احمد :عملت ايه
قاسى :ف ايه
احمد :قلتلها ايه عشان ال
قاسى :دخلت عليها
احمد:ازاى تعمل كده يامتخلف حرام عليك
قاسى :معرفش وبعدين هى مراتى
احمد :كده مش هطلقها
قاسى :ليه يعنى
احمد :مش انت دخلت عليها
قاسى :ايوة وهى مراتى ومن حقى اللى حصل
احمد :وهى فين حقها
......
مريم :مالك ياندى
ندى :مفيش
مريم :ندى انا حساكى حزينه احكيلى حبيبتى انا اختك
لتبكى ندى وتحتضنها
مريم :مالك يندى اهدى واحكيلى
حكت لها ندى كل شئ حدث ف الامس والصباح
مريم :كل ده عمله قاسى
ندى :ايوة بس متقوليش لحد يمريم هو هددنى
مريم :ازاى
ندى :معلش متقوليش
مريم :لا مش هقول حبيبتى بس تحكيلى كل حاجه ومش تخبى
ندى :حاضر
مريم ف نفسها : هتخسرها يقاسى بعنادك وهتعرف قيمتها لما تضيع منك
لتفوق ع صوت احمد مناديا لها
مريم :ايوة ياأحمد
احمد :يلا نمشى وغادروا وتركوها مع قاسى
قاسى :كنتوا بتعملو ايه
ندى :هنعمل ايه يعنى
قاسى وهو يمسكها من يدها بقوة :لما اسألك تجاوبى عدل فاهمه
ندى :فاهمه
قاسى :كنتو بتقولوا ايه
ندى :عادى حكاوى بنات
قاسى :ماشى يندى واخذ شاور وكذالك هى وخلدو الى النوم
...................
مريم :الو يرامى ف ايه
رامى :عامله ايه
مريم :الحمد لله
رامى :وسارة
مريم :تعبانه خالص
رامى:معلش خليكى جمبها يامريم حاولى تهديها وتنسيها
مريم :حاضر
رامى : مش هتفرديها بقى
مريم :ازاى يعنى
رامى :خلاص يامريم سلام
مريم :سلام
....................................................................
رأيكم وتفاعلكوا حبايبى
قاسى...لكن عشقته
الحلقه الرابعه
فى صباح يوم جديد
قاسى :ندى ياندى
ندى :نعم
قاسى :اعملى الفطار
ندى :حاضر وغادرت
.............
مريم :سارة اصحى عشان تروحى الجامعه
سارة :الساعه كام
مريم :١٠
سارة:ايه ونهضت سريعا
مريم :مالك اهدى
سارة :المحاضر الساعه ١٢ وتركتها ودخلت دورة المياه لكى ترتدى ملابسها
مريم :مجنونه لما اروح اشوف الواد احمد
مريم وهى تدق ع الباب :ادخل
احمد :ادخلى
مريم :احمد صاحى
احمد :بس والنبى يامريم فيا اللى مكفينى
مريم :فى ايه ياعم
احمد :ندى قاسى وسارة وانتى ورامى خلاص مش قادر
مريم :مالك سميتنا كلنا ف ايه
احمد :قاسى هيخسر ملاك عشان غباؤه
مريم :هو حكالك ع اللى حصل
احمد :هو عايز يطلقها
مريم :ايه
احمد :هو غبى وانتى ورامى مجانين وهتخسروا بعض بسبب عنادكوا وسارة وراها حكايه ومش عارف اوصلها
مريم :حيلك ياعم اهدى وانت مالك بكل ده صحتك كل حاجه هتتحل متعمل نفسك ماشى وتاخد البت سارة ف طريقك
احمد :هى رايحه فين
ندى :الجامعه بتلبس هى
نهض احمد مسرعا عطليها لحد مأجهز والبسى انتى عشان الشركه
مريم :ههههه حاضر وخرجت
.............
ندى :الفطار جهز
قاسى :طب يلا نفطر
ندى :مش عايزة وذهبت لتخرج ملابس خروج
قاسى :انتى بتعملى ايه
ندى :هغير هدومى
قاسى :بهدوم خروج
ندى :يعنى هروح الشغل بهدوم بيتى
قاسى :شغل ايه ده
ندى :ليه انت متعرفش انى موظفه ف الشركه
قاسى :امتى ده يشاطرة
ندى :امبارح اتوظفت
قاسى :وانا مش موافق انتى شغلتك هنا تنضفى تكنسى تمسحى تطبخى وبس
ندى :ههههههه ده عند ام مشمش هشتغل هشتغل
ليمسكها قاسى بقوة وانا قلت لا يعنى لا
ندى بقوى تزيح يده
ندى :هشتفل ياقاسى ودخلت دورة المياه
قاسى :ماشى ياندى بتتحدينى اما وريتك
.........
نزل احمد الى الاسفل ليجد سارة تنزل بسرعه
احمد :سارة اهدى مالك
سارة :المحاضرة الساعه ١٢ ودلوقت الساعه ١١ وتلت
مريم :وهى تنزل من ع الدرج خلاص احمد يوصلك ف طريقنا
سارة :بس
احمد :تعالو
وركب احمد السيارة واحضرها
احمد :يلا اركبوا
جاء الاثنان يركبون ف الخلف
احمد :نعم ياختى منك ليها واحده تيجى هنا
سارة :روحى يامريم
مريم :لا روحى انتى وركبت سريعا ف الخلف
احمد :تعالى ياسارة
سارة :اوك
وركبوا وفرح احمد كثيرا وكانت مريم تكتم ضحكتها
..............
خرجت ندى لم تجد قاسى ف الفيلا جاءت تخرج لتجد باب الفله مغلق
ندى :ماشى يقاسى
..............
قاسى وقد وصل مكتبه
ورينى بقى هتيجى ازاى ياست ندى
وهنا تدخل رانيا
رانيا:صح الكلام اللى سمعته يبيبى
قاسى : سمعتى ايه
رانيا :انك اتجوزت
قاسى :ايوة
رانيا :اهئ اهئ
ليقوم قاسى ويمسح دموعها ويضع وجهها بين يديه
قاسى :بس انتى اللى ف القلب حبيبتى
رانيا :بجد قاسى
قاسى :بجد
رانيا وهى تقترب منه :طب اتجوزتها ليه
قاسى :غصب حبيبتى
رانيا :لمستها
قاسى :هى مراتى يعنى حقى
رانيا :يعنى لمستها
قاسى :عشان اأدبها
رانيا :كده ماشى واقتربت منه
قاسى :احنا ف الشركه
رانيا :بس محدش هيجى هنا من غير اذن
..........
امام الشركه
ندى تدخل الى الشركه
الامن :حضرتك ممنوع الدخول
ندى :ازاى انا مهندسه واول يوم ليا النهاردة عدينى
الامن :فين الكارنيه
ندى :اولا انا بشتغل هنا ثانيا انا مرات قاسى
الامن : ممنوع
معتز قد اتى فى هذه اللحظه
معتز :ف ايه ياندى
ندى :مش راضيين يدخلونى يابابا
معتز :انت متخلف
الامن :اسف حضرتك بس هى مش معاها كرنيه
معتز : دى مرات ابنى فاهم والشركه شركتها تدخل وتخرج براحتها
الامن :تحت امر حضرتك واسف يامدام
ندى : مفيش اسف
معتز :يلا ياندى
ودخلو الى الشركه واثناء سيرهم
ندى :فين مكتبى يابابا
معتز :بابا منك زى العسل
ندى :ميرسى
معتز :جمب قاسى عشان شغلكوا مع بعض
ندى :ليه
معتز :مالك
ندى :طب مشتغل معاك انت يابابا
معتز :لا مع جوزك
ندى :ماشى
معتز اهوه مكتب قاسى روحيله وشوفوا شغلكوا هو هيفهمك
ندى :ماشى
اتجهت ندى الى المكتب لتفتح باب المكتب
...........
احمد :سارة هتخلصى الساعه كام
سارة :ليه
احمد :عادى
سارة :الساعه ٣
احمد :ماشى
ونزلت سارة
احمد :اطلعى قدام ركبت مريم بجانب احمد
مريم :ايه الصنارة عمزت خاااااالص
احمد : ايوة والله جننتنى من اول نظره
مريم :تيرررريررارررااااااا
احمد :اخرسى يبت متشوفى نفسك
مريم 😳😳
احمد :اموت ف خدودك الحمر دول
مريم :امشى بقى هنتنفخ النهاردة من بابا
احمد :انا عن نفسى متعود عليها واتجهو نحوا الشركه
.......
فتحت ندى الباب لتجد رانيا قريبه جدا من قاسى
انتبه لها قاسى ليبعد رانيا
ندى :اسفه
رانيا :قلة ذوق صحيح ازا
ندى :مين دى يا ونظرت لها من اعلى الى اسفل
رانيا :انتى بتبصى كده ليه
ندى :ببص ع حقارتك متقول كده يابشمهندس انك عايز واحده من طيبنتك
ليقترب منها ويصفعها
قاسى :احترمى نفسك معايا
رانيا :تستاهلى اكتر من كده
لتصفعها ندى
ندى :دى عشان حقارتك معايا فاهمه اطلعى برا
رانيا :قاسى انت
ندى :اطلعى برا
رانيا :قاسى اتكلم
قاسى :اطلعى
جاءت تغادر رانيا
قاسى :مش انتى هى
لتتفاجأ ندى
قاسى :سمعتى اطلعى برا
ندى :لا مش هطلع عشان ده مكتبى
قاسى :مكتب مين
ندى :مش انت جوزى يبقى مكتبى
قاسى :انتى ايه معندكيش دم
ندى :مانا مراتك
قاسى :قصدك ايه
ندى :افهم زى مانت عايز
قاسى :مسكها من يدها بقوة انتى ايه
ندى :انا مراتك ياحبيبى
قاسى بغيظ :انتى عايزة ايه بالضبط
ندى :عايزة شغلى بس زعلت منك يبيبى كده تمشى وتسبنى وكمان تقفل الباب عشان مخرجش بجد زعلت
قاسى تركها وغادر المكتب ف غيظ ورأه احمد ومريم ليستغربا ويجدوا رانيا هى الاخر تخرج ليدخلو المكتب يجدوا ندى
مريم :ندى
ندى :مريم حبى واحتضنتها
احمد :ماله قاسى ياندى
ندى :هههههههههههههه
مريم /احمد :بتضحكى ع ايه قولى
حكت لهم ندى ماحدث
مريم /احمد :يابت ال لا معلم
ندى :ايوة يابنى
احمد :بس عرفتى تخليه يقيد شرار
مريم :طب خرجتى من الفلا ازاى
ندى :من الشباك
احمد :ازاى
ندى:فى شباك زجاج فى اوضه مكتبه
مريم :طب مهو مغلق مش بيتفتح
ندى :عادى كسرته
احمد /مريم :يخرب بيتك دا قاسى هيولع فيكى
ندى :مش فارقه
احمد ومريم :بس معلم
ندى :طبعا ليضحكوا وهنا يدخل رامى
رامى :بتضحكوا على ايه
احمد :تعالى شوف ندى خلت قاسى يطلع شرار
رامى :قاسى يطلع شرار لا لازم اعرف ازاى
وحكوا له وجلسوا يضحكوم مع بعضهم
.....................................................................
رأيكم وتوقعاتكوا
الخامسة والسادسة
قاسى لكن عشقته
الحلقه الخامسه
فى الشركه اثناء ضحكهم دخل قاسى منغاظا الى المكتب
قاسى :ايه ده يهانم قالبه المكتب مسخرة المسخرة بتاعتك مش هنا
ندى :ههههههه على الاقل احسن من ال اقول ....
ليمسكها قاسى من يدها بقوة احترمى نفسك
ندى :والله انا محترمه ومش بغضب ربى الهم والباقى على عبد الباقى
ليصفعها قاسى :وربنا قالك تهينى جوزك بامتدينه
ندى :انت مش جوزى فاهم مش جوزى انت بتاخد حقوقك ومش بمنعك عشان ربنا ميغضبش عليا غير كده انت ملكش حاجه عندى وطالما شايف حالك انت برا اهوه متعتقنى ياشيخ لوجه الله حراااااام عليك بقى انت لو كنت فاكر فقرى اللى يخليك تعمل معايا كدا فأنت متعرفش انا مين لو عرفت ممكن تكون زيى دلوقت فاهم ياقاسى احفظ الكلام ده سلام يا
وتركت له المكتب وغادرت
ميريم :هى قالت ايه مش فاهمه حاجه
رامى :متتعبيش نفسك حبيبتى هنعرف مع الوقت
احمد :فى سره انتو وراكم سر كبير اوى ياندى وكل يوم بيزيد ياترى انتى مين انتوا مش تصرفات عيله فقيرة ابدا
قاسى :كل واحد على مكتبه
وانتى يامريم قولى للهانم تيجى تشوف شغلها والا هتترفد وده احسن
.........
دخلت ندى الى معتز
معتز :مالك ياندى وشك احمر ليه
ندى :انا مش هشتغل مع قاسى يابابا
معتز :ليه بس ياندى
ندى :اهو كده
معتز :بس مفيش غير كده
ندى :لا فى وانا ..............
.................
سهام :كنتى غايبه ليه يابت ليكى اسبوع مش بتيجى
سارة :لا اصل ندى اتجوزت
سهام :امتى ومتعزمنيش
سارة :الموضوع جه بسرعه ياسهام
ليمشون وقرب خروجعم من البوابه وجدت سارة احمد بالخارج
سهام :شايفه المز ده يابت
سارة :اه وابعدى عنه
سهام :ليه
سارة :اخو جوز اختى اعملى نفسك مش شايفه
سهام :ليه
سارة :كده وتجاهلت
احمد مناديا لها
سارة :احمد
احمد :ايوة تعالى اوصلك اتشرفنا
سهام :تشرفت انا سهام
احمد :وانا احمد
سارة :اجبلكم عصير وشجرتين لمون احسن
احمد :طب تعالو عازمكم على الغدا
سارة :لا انا عايزة اروح
احمد :خلاص نروح انا وسهام
سارة :لا
احمد :ليه
سارة :خلاص هاجى
احمد :طب يلا ومال الى اذنها
احمد :شكلك عسل وانت غيران احب
سارة :كادت تتحدث ليمسك يدها لتبتسم سارة ابتسامه خفيفه لاحظها احمد ودخلو مطعم
الجارسون :اوامر حضراتكم
احمد :انا زى سارة
سهام :وانا
سارة :نظرت لهم وانا عايزة سلطه هه
ليضحك الجميع
.......................
دلفت رانيا الى قاسى
رانيا :الحق ياقاسى
قاسى :ف ايه
رانيا :البتاعه مراتك دى
قاسى :مالها
رانيا :بقت زيك فى الشغل ف نفس المنصب
قاسى :ازاى يعنى وذهب الى والده
...........
قاسى :ايه اللى عملته ده يابابا
معتز :عملت ايه
قاسى :ازاى تحتها معايا هى لسه جديدة وتمسكها منصب كده
معتز :من حقها
قاسى :ازاى يعنى
معتز :الموضوع منتهى يلا على شغلك ندى هتبقى مكان هانى
خرج قاسى من المكتب مغتازاً ماشى ياندى اما وريتك
..............
فى اميركا يجلس شاب فى الثامنه وعشرون من عمره وسيم يتميز بجسده الرياضى بشرة بيضاء عينان خضراء وشعرة الاسود فى على احدى المكاتب الفخمه فى اكبر شركه للبناء فى الشرق الاوسط
اسلام :فين الورق
رقيه : اهوه حضرتك واعتطه اياه واثناء فحصه وجد خطأ
اسلام :ايه ده ياهانم عارفه الغلطه دى تخسرنا ملايين خدى صلحيها وشوفى شغلك
رقيه :حاضر يفندم
دخل محمد :ايه ياأسلام اهدى شويه
اسلام :والله ماناقص برودك الصفقه بعد ساعه والورق فيه اخطاء ومش جاهز
محمد :خلاص كله هسيبقى تمام وبعدين متذعقش ف حبيبتى وانا فى الشركه
اسلام :ههههه والله انت الوحيد اللى بتهدينى والبت ندى وسارة
تصدق :وحشونى خالص
محمد :وانا والله
اسلام :ندى اتجوزت قاسى
محمد :امتى
اسلام :من اسبوعين
محمد :الف مبروك
اسلام :الله يبارك فيك
محمد :الاصغر مننا اتجوز واحنا قاعدين
اسلام :طب انت لقيت بنت الحلال
انا :لسه مجتش بقى
محمد :لما نشوف اللى مقعدانا دى هتبقى ايه
اسلام :ملاك قلبى
محمد :اشطا من غير متقابلها
اسلام :اه قلبى بسقول كده وبعدين قوم شوف شغلك
محمد :لازم تقلب
اسلام :هههههههه
............................
رامى :مريم الحقى
مريم :فى ايه
رامى :ندى مسكت مكان هانى
مريم :ازاى
رامى:معرفش
مريم :والله وهتقوم الحرب
رامى : هههه واحنا نتفرج
مريم :ونجيب فشار
...........
دخلت ندى المكتب على قاسى
ندى :ازيك ياقاسى
قاسى :اقعدى واهه الشغل بتاعك
ندى :اوك ندى انتى يبتاعه اللى برا اعمليلى فنجان قهوى
رانيا :حاضر
ندى : الاحترام والا اخر يوم ليكى هنا
رانيا :افندم
ندى :قلت مرة مش هعيدها
رانيا :حاضر يافندم تؤمرى بحاجه تانى
ندى: شاورت لها بيدها لتغادر واخذت منه الملف لكى تعيد النظر به
ندى :من وجهة نظرى ........
واخذوا يتحاورو فى العمل
قاسى :تصدقى عندك حق انتى شاطرة اوى على فكرة
ندى :انا الاولى ع الدفعه
قاسى :بجد ومخدوكيش معيدة
ندى :الدفعه اللى بعدى كان فيها ابن دكتور وطبعا
قاسى :عارف
ندى :مين المهندس اللى مصممه عشان يعدله
قاسى : نعدله احنا
ندى :اوك
...................
مريم من خلف الباب
ايه ده دا زى ميكونوا حبايب
رامى : مش عارف بيعملوا كدا ازاى
احمد :كنت بسمع بابا بيقول ف ناس بتفصل بين العمل والخلافات الشخصيه وهما من الناس دى
مريم :فيها ايه لو كده على طول ويعيشوا حياتهم
احمد :قاسى مش هيعرف قيمتها غير لما تبعد عنه
مريم :وممكن يتضمر
احمد :ربنا يستر
رامى :لا دااحنا مصدقنا
.................................................................... قاسى ..لكن عشقته
الحلقه السادسه
قاسى :يلا مش هتروحى
ندى :ايوة
قاسى :نعم
ندى :مش هروح معاك هروح بعربيتى
قاسى :عربيتك
ندى :ايوة الجديدة اه نسيت اخبرك يلا باى وتركته وغادرت
قاسى وهو يجرى ورائها :استنى انتى بتقولى ايه
ولكن لم تعيره اهتمام وركبت عربيتها وغادرت
قاسى :ماشى ياندى اما وريتك
............
مريم :عايز ايه يرامى
رامى :عايزك يامريم
مريم :عايزنى ازاى يعنى
رامى :مريم انا بحبك
مريم :هاه
رامى :افهم ايه انا
مريم :معرفش
رامى :انتى ليه بتتهربى منى
مريم :علشان مش بحبك يارامى
انصدم رامى من جملتها
رامى :تمام يابنت عمى سلام
مريم :سلام
رأى احمد رامى وهو متعصب ويخرج من عند مريم
احمد :مالك يارامى
رامى :مفيش
احمد :حصل ايه بينك وبين مريم
رامى :خلاص اختك جاوبت على سؤالى
احمد :مش فاهم
رامى :احسن وتركه وغادر
دخل احمد الى مريم
احمد:ايه اللى حصل بينك وبين رامى
مريم :ولا حاجه
احمد :بقلك قولى اخبرته مريم بكل شئ حدث بينهم
احمد :انتى مجنونه هو بيحبك
مريم :وانا لا
احمد :انتى بتكدبى على نفسك وانا تعبت بصراحه كل واحد يعمل اللى عاوزه سلام
.................
معتز :الو يسالم عايزك فى موضوع
سالم :خير فى حاجه
معتز :هى ندى تعرف اللى بينا
سالم :لا
معتز :هى عارفه يسالم
سالم :ازاى
معتز :معرفش
سالم :طب انت عرفت ازاى
معتز :هى جاتلى المكتب وقالتلى .........
................
دخل قاسى الفيلا مستشيط غضبا ندىىىىىىى
ندى :وهى تخرج من المطبخ نعم
قاسى :وهو يمسكها من يدها :انتى فاكرة نفسك ايه انتى حشرة انتى عارفه بتلعبى مع مين هاه لو فاكرة ان كده هحبك تكونى غلطانه انتى اصلا ولا تسوى حاجه واسلوبك ده تخسنيه معايا ولما اكلمك تردى مش تمشى وتسبينى
ندى :وهى تنزع يده بقوة :عدينى لو سمحت عشان الفيلم
قاسى :ندى متعصبنيش
ندى :اوووف فى ايه هو انا كلمتك اوعى بقا
ليصفعها على وجهها ولكن تفاجأ عندما صفعته هى الاخرى
ندى :لو كنت فاكر سكوتى ده انك تتجرأ على طول انسى وافهم انك لو مديت ايدك تانى هيكون ردى رد القلم فاهم
ليمسكها قاسى من وجهها :انتى عارفه عملتى ايه والله لأوريكى المر لهوريكى الجحيم على اصوله يندى وانتى لازم تفهمى انى جوزك يهانم ولو نسيتى هفكرك وحملها وصعد بها الى غرفتهم واخذ يقترب منها
ندى :زاحته بقوة ابعد من النهارده ملكش حقوق عندى فاهم انسى من النهاردة واللحظه دى مش هتلمس شعرة منى روح للغندورة خد منها اللى عايزة بس انا لا
قاسى :ماشى يندى وترك البيت وغادر
لتقع ندى على الارض واخذت تبكى
...........
ركب قاسى عربيته وهو فى قمة غضبه فهو لم يتوقع منها هذه القوة فهى تحدته اخذ يتجول فى الشوارع لا يعرف اين يذهب ولكن وقف ووجد نفسه امام بيت رانيا .....
...............
دخل احمد الفيلا ليجد معتز
معتز :مالك ياأحمد متعصب ليه
احمد :مفيش يابابا
معتز :تعالى اقعد يابنى لي
جلس احمد بجانب ابيه
معتز :احكيلى بقى
احمد :بابا هو انت صديق عمو سالم من زمان
معتز :ايوة يابنى ليه
احمد :طب تعرف كل حاجه عنه
معتز :اكيد احنا اكتر من الاخوات
احمد :طب احكيلى كل حاجه عنه والسر اللى مخبيه
معتز :سر ايه
احمد :سارة وندى
معتز :بس متحكيش لحد يابنى
احمد :حاضر مش هقول لحد
معتز :تعالى اوضه المكتب
احمد :ماشى يلا بينا
معتز :مش دلوقت يابنى روح ارتاح وبكرا نتكلم
احمد :لازم
معتز :ايوة
احمد :ماشى يبابا تصبح على خير وقبل يده وغادر
معتز :ربنا يرضى عليك يابنى
سها :مالك يحبيبى
معتز :مفيش حبيبتى
سها :هتحكيله
معتز :انتى ايه رأيك
سها :احمد حقانى وعاقل متخفش منه
معتز :ماشى ان شاء هقوله بكرا بس هاخد رأى سالم ف الموضوع
سها :ولو موافقش هتقول لأحمد ايه
معتز :سالم هيرضى يلا عشان ننام
سها :يلا
...............
فى الفيلا كانت ندى مستيقظه منتظرة مجئ قاسى
وتنظر من البلكون
لتجد سيارته لتدخل بسرعه وتنام عى السرير
دخل قاسى الغرفه نائمه ليدخل دورة المياه ويأخذ شاوره ويخرج
قاسى :انتى يالى نايمه
لم تجيب ندى
مسك قاسى كوب الماء وسكبه عليها
ندى :اعاااا
قاسى :قومى اعمليلى عشا
ندى :انت مجنون
ليمسكها بقوة :احترمى لسانك ويلا قومى
ندى :انسان همجى
ليزيد فى ضغطه على يدها تأوهت ندى من وجعها
قاسى :يلا قومى
ندى :ماشى بس سيب ايدى
تركها قاسى ونزلت هى الى الاسفل لكى تعد العشاء له
.........
سارة :نعم يسهام
سهام :مالك يابت
سارة :مليش
سهام :بتحبيه
سارة :مين ده
سهام :احمد
سارة:انتى بتقولى ايه
سهام :هو ده اللى شوفته وهو كمان بيحبك
سارة:بجد
سهام :ههههه بجد انتوا الاتنين بتحبوا بعض متضيعهوش من ايدك
سارة :ازاى واش عرفك ده وجهة نظرك ممكن متكنش حقيقه
سهام :براحتك سلام
سارة :سلام
وبعد ان اغلقت الهاتف ابتسمت معقول يحبنى بالسرعه دى يااااه ولكن تذكرت شئ مما جعلها تكشر مرة اخره وخلدت الى النوم
......
دخلت مريم على فيس بوك لتجد رامى لم يفتح اليوم لتحزن
مريم :وانا مالى يفتح ميفتحش عادى براحته
قلبها :حرام عليكى ياشيخه انتى كسرتى قلبه
العقل :وايه يعنى ماهى مش بتحبه
القلب :لا بتحبه انا اللى بحس بالحب انت اش عرفك
العقل :الحب ده شئ وحش بيزل صاحبه
القلب :ده عند الجهله اللى زيك بس الحب ده شئ جميييييل وهى بتحبه ولم متصرفتش هتخسرة علطول
القلب :فى غيره
القلب :مش هتلاقى حد يحبها زى حبه ليها هو بيعشقها
مريم :خلاااااص بقى ايوة بحبه بحبببلك يارامى بس خلاص وتعيط
ليسمع احمد صوت بكاؤها
احمد وهو يدق على الباب :ممكن ادخل
مريم :مش عايزة حد سبونى ف حالى بقى
ليدخل احمد
مريم :قلتلك مش عايزة حد مش ناقصه تزنيبك ليا
ليأخذها احمد فى احضانه
احمد :حبيبتى انا اخوكى وعايز مصلحتك
مريم : بس خلاص كل حاجه ضاعت
احمد :لسه مضاعتش صلحيها قبل متكبر
مريم :ازاى
احمد :اتصلى بيه
لتنظر له
احمد :متخافيش اتصلى
اخذت مريم الهاتف واتصلت به ولكن لم يرد
مريم وهى تبكى مش بيرد
احمد :رنى عليه من عندى لترن عليه من هاتف احمد ولكن لم يرد ايضا
مريم :مش رادى هو عارف انى انا اللى برن من عندك ومش رادى يرد عليا
احمد :البسى بسرعه
مريم :ليه
احمد :نرحله
مريم :بس
احمد :انا اخوكى وصاحبك وحبيبك مش ابوكى يلا بسرعه
مريم :تحتضنه بحبببلك يااحمد شكرا خالص
احمد :طب يلا بسرعه
مريم :حالا وبعد ١٠ دقائق خرجت مريم
احمد :يلا
مريم :يلا وركبوا السبارة متجهين الى بيت رامى ولكن وقف احمد امام محل ورد
مريم :ف ايه
احمد :ثوانى ونزل من السيارة
واشترى بوكيه من الور الاحمر
احمد :خدى
مربم :ايه ده
احمد :ورد لرامى
مريم :ميرسى خالص يااحمد انت اعز واحن اخ ف الدنيا
احمد :طب يلا انزلى وصلنا
مريم :مذ هتطلع
احمد :لا اطلعى انتى وانا شويه وهطلع
مريم :ماشى
ولكن احمد توجه بالسيارة الى مكان ما
......
صعدت مريم الى شقه رامى ورنت الجرس
فتح رامى باب الشقه ليجدها مريم
رامى :مريم فى حاجه
اعتطه مريم الورد
رامى :ليه ده
مريم :بحبببببك
رامى :انتى بتقولى ايه
مريم : بحببببك
رامى:هو انا بحلم
مريم :لا حقيقه
رامى :اخيييييرا نطقتيها قوليها تانى
مريم: بحببببك لتتفاجأ بأن رامى يحتضنها بقوة
رامى :وانا بعشقك ينور عيونى
مريم :رامى الناس
احمد :يلهوى لازم اغسل عارى
ليترك رامى مريم
رامى :فى ايه ياعم
احمد :بتحضنها ياض من ورايا
ليحتضنها رامى مرة اخرى اهوه من قدامك
احمد :هههه طب سيب اختى ياض وانتى حسابك ف البيت لتخجل مريم من احمد
احمد :لا والله عتتكسفى منى
رامى :بس ياض متضايقش حبيبتى عايز ايه
احمد :جبت حلويات عشان المناسبه ابحبوة دى
رامى :مش فاهم انت عرفت منين
احمد :انا اللى جايبها ياهبل
رامى احتضنه :بجد شكرا ليك انت اكتر من اخ ليا
احمد :عد الجمايل انت وهى
ليأخذ اخته بيده الاخرى ويحتضنها ايضا
احمد :طب يلا ندخل بقى عشان سكان العمارة
رامى :يلا
يتبع
تكملة الرواية من هنا 👇👇👇👇👇👇
تعليقات
إرسال تعليق