عشق الاسد حب بعد الاستئناف بقلم أسماء إيهاب الفصل السادس و العشرون حتي التاسع والعشرون والاخيره

عشق الاسد

حب بعد الاستئناف

بقلم أسماء إيهاب 

 الفصل السادس و العشرون  حتي التاسع والعشرون والاخيره 

استيقظت من حلمها الوردي 

عشق بنعاس و هي تتماطع : ياااااه حتة حلم دا لو كان حقيقي 

اسد و هو مغمض عينه : و اية رأيك لو كان حقيقة 

عشق و هي تنظر اليه بعدم تصديق ثم قالت ببلاهه : هو انت طلعت من الحلم 

ليجذبها اليه و يحتضنها و يقول : انتي مش بتحلمي يا عشقي انا معاكي و امبارح كان فرحنا 

و ثم غمز لها لتدفن وجهها بصدره و تضحك ليضحك هو و هو يزيح خصلات شعرها الشقراء حتي يري تلك العيون الخضراء 

لتنظر الي عيونه التي تشبه عيون الاسد في لونهم لتقول : هو مين سماك اسد

اسد : ماما سمتني اسد لما شافت لون عيني 

عشق : ازاي و انت بتبقي مولود مغمض اساساً

اسد و هو ينقل بصره بين عيونها و شفتاها و وجنتها الوردية : لا مانا كان اسمي عبد الجليل علي اسم جدو 

عشق بفم ملتوي : عبد الجليل و انا اتجوز واحد اسمه عبد الجليل 

ليصفعها بخفة ممازحاً و يقول : بقي مش عاجبك اسمي يا مقصوفة الرقبة 

عشق : يعني هو كان اسمك دلوقتي 

اسد : لا 

عشق : طب كمل

اسد : لما فتحت و لقت لون عيني كدا اصرت ان اسمي يبقي اسد بابا طبعا زعق اسم ابوه بقي و ماما عيطت و كانت هتسيب البيت جدتي بقي ام بابا قالتله خلاص يا عمرو مرتك تسمي ولدها كيف ما هي عايزة 

عشق بفرحة : هو باباك صعيدي 

اسد : مانا كمان صعيدي اشمعنا فرحانة بابويا يعني 

عشق : الله بقي يا اسودي دا زي بابايا و بعدين انت مقولتليش قبل كدا ان اصلكوا صعيدي طب استغلك بقي و اطلب منك طلب

اسد : مش طلب بس انتي تؤمري امر 

عشق : نروح عندك اهلك في الصعيد اسبوع كدا و لا حاجة 

اسد و هي يتلمس وجنتها و شفتاها : و عشقي بقي هتستحمل الجو هناك 

عشق : انا نفسي اروح هناك عشان خطري

اسد و هو يطبع قبلة سطحية علي ثغرها : حاضر يا حبيبتي

لتجد عشق هاتفها يرن لتنظر لتجد امها لتفتح عشق الهاتف بفرح 

عشق : ماما صباح الفل يا قلبي وحشتيني وحشتيني جدا 

خيرية بارتياح من نبرة صوت ابنتها : صباح الهنا يا حبيبتي انتي اللي وحشتيني البيت وحش من غيرك 

عشق و هو تجلس و تضم الملاية و تنظر لاسد : و انتي كمان القعدة وحشة من غيرك 

اسد بهمس : و حياة امك ماشي

خيرية : انتي كويسة كله تمام انتي و اسد كويسين 

عشق و هي تنظر الي اسد بحب : ايوة يا حبيبتي احنا تمام 

خيرية : ربنا يهنيكي يا قلب امك و يسعدك 

عشق : اللهم امين يا ماما

خيرية : طيب يا حبيبتي سلميلي علي اسد و خلي بالك من نفسك و من جوزك 

عشق : حاضر يا حبيبتي سلام يا قلبي

اغلقت عشق الهاتف و التفتت الي اسدها 

اسد و هو يقلدها : القعدة وحشة من غيرك 

لتتقدم منه و تقبله علي ثغره بامتنان ابتعدت و لكنه رفض ابتعادها و جذبها اليه ليكمل ما بدأت هي به 

****************************

طرق باب شقة خيرية لتتقدم مرام و تفتح الباب لانها تعلم انه مهاب 

مرام بقلق : مهاب اية اتقبلت 

مهاب بحزن : لا متقبلتش و شكلي هرجع اسافر تاني يا مرام 

مرام بدموع و هي تمسك يده : ايييية هتسافر و تسيبني

مهاب : مانا لازم اشتغل يا مرام 

مرام ببكاء : لا مش لازم عشان خطري يا مهاب متسبنيش 

ليحاول كتم ضحكاته و لكنها تراه

مرام بصدمة رقيقة : انت بتضحك عليا يا مهاب

مهاب بضحك : كنت عايز اشوف اوزعتي حبيبتي و هي زعلانة اني همشي 

لتجلس و تضع يدها علي وجهها و تبكي يجلس بجوارها و يضع يده علي كتفها 

مهاب بخوف : مرام مالك انتي بتعيطي حبيبتي ارفعي وشك 

مرام ببكاء : انت بتهزر يا مهاب انت عارف انا حسيت باية متستغلش اني مقدرش استغني عنك ماشي 

كادت ان تقوم و تتركه الا انه امسك يدها و اجلسها و قربها منه و قال : في اية يا مرام انتي اخدتي الموضوع جد بهزر معاكي مش هسافر و اتقبلت في الشركة 

مرام و هي تعاتبه : متعملش كدا تاني ممكن انا بجد مقدرش استغني عنك يا مهاب انت بجد بقيت حياتي

كاد ان يقبلها الا انها وضعت يدها علي شفتاه لتمنعه لتنظر لها بمعني ماذا هناك

مرام بخجل : ماما بتأخد شاور 

مهاب : بحبك جدا

مرام : طيب تعالي اوريك الصورة الجديدة اللي رسمتها

مهاب و هو يمسك يدها و يهزها : بقولك بحبك

مرام : طيب خلاص بقي 

مهاب : مش قايم غير لما تقولي 

مرام : بشرط 

مهاب : هتتشرطي كمان قولي يا ستي 

مرام : هتوديني الحديقة اللي روحناها قبل كدا و تمرجحني و تجيبلي نوتيلا و تيجي معايا مرة الكلية 

مهاب : من عيوني يا حبيبتي كل طلباتك مجابة 

مرام و هي تجذبه الي حيث الصورة التي رسمتها : طيب بحبك بقي يا هوبا 

*****************************

بتول تهاتف مروان 

بتول بشك : كنت فين يا مروان 

مروان : كنت في القسم 

بتول : و دلوقتي 

مروان : في القسم بردو

بتول : ماشي يا مروان 

مروان : في اية لية كل الاسئلة دي يا بتول

بتول : عادي بسأل

مروان : لا انتي شاكة فيا صح 

بتول : بص احنا اتفقنا منخبيش حاجة عن بعض فبصراحة كدا اه شاكة فيك 

مروان : اية يا بت الصراحة دي طب انا بخونك يا بتول

بتول : و انت فاكر اني هسمحلك تعملها تاني لا يا بابا انسي انا هطلعك من كل حتة 

مروان : لا و الله علي اساس اية دا انا سكتلك لما كنتي بتتغزلي في جمال الدكتور فاكرة

بتول و قد نست نفسها : يا بني دا حتة مز اية و الله انا دماغي دي محظوظة انها اتحطت عليها ايد المز دا 

لم تسمع اي صوت لتنظر لتجدوا قد اغلق الهاتف بوجهها 

بتول : يا نهار اسوح هي بقيت كدا ماشي يا مروان 

*****************************

تقف في الردهة و تنظر الي المكان بتفكير 

عشق بتفكير : لو ادهنت الشقة دي و اتظبطت هتبقي فلة و الله

اسد و هو يحتضنها من الخلف : و اية تاني يا حبيبي

عشق : انا بتكلم جد يا اسودة 

اسد : مين قالك ان احنا هقعد هنا احنا جبتك هنا مؤقتا بس

عشق : لا مش عايزة اطلع من هنا هي بس عايزة تتظبط فيها حاجة و هتبقي جميلة و الجنينة كمان عايزة تتظبط 

اسد : يعني عايزة نقعدي هنا

عشق : ايوة يا حبيبي 

اسد : طيب احنا هنروح نقضي شهر العسل و هخلي مروان يظبط كل حاجة علي ما نيجي

عشق و هي تلتفت اليه و تحتضنه : طيب اسد ممكن اطلب طلوب صغيور خالص 

اسد : اؤمري يا حبببتي

عشق : مصطفي 

اسد و قد ابعدها عنه : ماله

عشق : تطلعه يا حبيبي

اسد : اعمليلنا غدا يا عشق جعان 

عشق : عشان خاطري يا حبيبي هو ماله يعني تدخله في حياتنا 

اسد بغضب : قفلي يا عشق مش كل شوية هتجيبي سيرة الاستاذ مصطفي علي لسانك يعني 

عشق : عشان خاطر عشق حبيبتك انا حاسة بالذنب اتجاه يا اسد بالله عليك 

اسد : نبقي نتكلم بعدين يا عشق 

عشق و هي تمسك يده : اوعد عشق دلوقتي 

اسد و هو يقبل رقبتها : اوعدك يا قلبي 

لتقبل يده و وجنته و تقول : ربنا يخليك ليا يا حبيبي

*********""***""***""*******

في اليوم التالي استيقظ اسد وجد عشق تجلس جواره تتأمله 

اسد بابتسامة : في حاجة يا حبيبتي

عشق بحب : حاسيت اني بحلم و اني هصحي مش هلاقيك 

ليجذبها اليه و يطبع قبلة سطحية علي ثغرها و يقول : و انتي مفكرة اني هتخلصي مني دا بعدك 

لتدفن وجهها برقبته ليشعر بانفاسها علي رقبته ليتنفس هو بصعوبة 

عشق : انا بحبك اوي 

اسد : اد اية 

عشق : اد ما اتوجعت في بعدك عني 

اسد و هو يداعب انفه بانفها : بموت فيكي يخربيت جمالك 

***************************

دلف مروان الي شقته بعد ان تحدث مع خيرية عن فرحه علي بتول و موافقتها بدندن 

ليرن جرس الباب ليذهب ليفتح الباب لكن 

مروان بصدمة : انتي ؟! انتي اية اللي جاب هنا 

عارفة انه صفير ان شاء الله هعوضه 

يتبع .......

الفصل السابع و العشرون 

مروان بصدمة : انتي ؟! انتي بتعملي اية تاني 

لتحتضنه تلك الواقفة امامه بقوة ليبعدها عنه بقوة 

مروان بغضب : انتي بتعملي اية و عايزة اية مني

المرأة : انا امك يا مروان انت بتعمل كدا لية 

مروان : انا مليش امهات انا امي ماتت يوم ما سبتني تاني يوم ما ابويا مات و سافرت ولا كأني ابنها 

والدت مروان : انا كان لازم اسافر عشان ادير الشركة بتاعت جدك 

مروان : بصي انا مش عايز كلام انتي تاخدي بعضك و تتفضلي من غير مطرود و متجيش هنا تاني 

والدت مروان : انا لسة عارفة ان خالك مات مكنتش اعرف 

مروان بسخرية : و انتي هتعرفي منين انتي فاضية تسألي علي حد 

والدت مروان بغضب : مروان اتكلم بادب مع امك 

مروان : يا ستي امي الله يرحمها متجبيش سيرتها و اتفضلي برا عايز ارتاح 

ثم اغلق الباب بغضب و ذهب و جلس علي الاريكة و هو يتنفس بصعوبة و من ثم بدأ بالبكاء و كأنه عاد الي يوم وفاه والده و خاله رحمهم الله لاول مرة يوجد شخص تيتم ثلاثة مرات يا لسخرية القدر ليفتح هاتفه و يبحث عن رقم بتول ويضغط اتصال و ينتظر دقيقة حتي ياتي الرد 

بتول : الو يا مارو ماما كلمتني و قالتلي انك كنت عندها

مروان و مازال يبكي : انتي فين 

بتول بقلق : في الجامعة مالك في اية 

مروان : محتاجك جنبي 

بتول بخوف عليه : مروان اهدي كدا يا حبيبي و قولي انت فين 

مروان : في البيت 

بتول : طيب انا جايلك حالا 

مروان : متتاخريش عليا يا بتول 

بتول : متقلقش يا حبيبي مسافة السكة 

خرجت بتول من الجامعة بلهوجة و استقرت سيارة اجرة و لا تفكر بشئ غير ان مروان ليس علي ما يرام 

وصلت الي منزل مروان نزلت من سيارة الاجرة و اعطت السائق اجرته و صعدت علي الدرج و تقف امام الباب و تفتح حقيبتها و تلتقط مفاتيح الشقة التي بحوزتها و تفتح الباب لتجده يجلس علي الاريكة و رأسه من راحتي يده لتلقي حقيبتها علي الطاولة و تجلس بجواره و تضع يدها اعلي كتفه 

بتول بقلق : حبيبي في اية 

مروان بتنهيدة : رجعت تاني

بتول : هي مين 

مروان : ما...

بتول : سكت لية مامتك 

مروان : ايوة 

بتول : ها اية اللي حصل 

مروان : محصلش ماشيتها 

بتول : لية يا مروان مهما حصل انت ملكش غيرها و هي ملهاش غيرك 

مروان بنرفزة : انا مليش غيرك انتي سامعة انتي و بس 

بتول : ايوة يا حبيبي انا معاك و دايما لكن هي بردو لازم تبقي موجودة معاك 

مروان بنفاذ صبر : انا جايبك عشان عايزك تبقي معايا لكن هتجيبي سيرتها كتير يبقي روحي

بتول بدرامية : اروح هونت عليك و طاوعك قلبك تقولي روحي اااااه قلبي 

مروان : تمثيلك اوفر و فيك اوي 

بتول و هي تسند ذراعها علي كتفه : طيب سيبك من اللي مضايقك دلوقتي و قولي عملت اية عند ماما 

مروان بغمزة : هنتجوز يا بت 

بتول بضحك : اخيرا يا واد هههههههه

مروان : انتي قلب الواد تعرفي ان الدنيا معاكي احلي بكتير احلي حاجة حصلتلي في حياتي انتي يا بتول 

بتول بمرح : يخربيت جمال اهلك يا شيخ

مروان : طيب قومي نروح ناكل في اي مطعم و اروحك

بتول : ماشي يلا 

*****************************

جلس اسد اعلي طاولة الطعام منتظر الطعام و عشق ثم سرح بخياله قترة و لم ينتبه الي عشق التي تحادثه

عشق : اسد يا اسد انا بكلمك اسددد

اسد بنرفزة : نعم نعم بتزعقي لية 

عشق بحزن : انا مزعقتش انا بس كنت بناديلك بس عشان تاكل بس انت كنت سرحان 

قامت من مكانها لكي تذهب ليمسك يدها 

اسد و هو يمسك يدها ليوقفها : راحة فين 

عشق بجمود : شبعانة هروح انام شوية 

اسد و هو يجلسها علي الطاولة امامه : انتي زعلتي مني انا اسف مكنش قصدي ازعقلك 

عشق : عادي يا اسد بعد اذنك 

اسد و هو يلمس وجهها : لا و الله مانتي قايمة يا ستي انا كنت سرحان في الشغل و كدا و انتي قطعتي افكاري 

عشق و هي تنزل من الطاولة و تجلس علي قدمه : ماشي يا حبيبي لكن بصراحة مبحبش حد يزعقلي كدا 

اسد و هو يطعمها بفمها : خلاص بقي قلبك ابيض

عشق : ماشي 

اسد : ها مستعدة للسفر 

عشق : اكيد يا حبيبي بس هنروح فين 

اسد : المالديف 

عشق بفرحة : بجددد

اسد و هو يقرص انفها : بجد ممكن بقي نأكل و تقومي تحضري شنطنا 

عشق : من عيوني يا اسودي 

****************************

في منزل جهاد يطرق الباب لتفتح هي و هي تضع حجاب علي شعرها بطريقة بغير مهندمة و خصلات شعرها متمردة من خلف الحجاب و بيجامتها المحتشمة وردية اللون لتجد سيدة متقدمة بالعمر بوجهه بشوش و معها شاب طوله متوسط خمري البشرة نحيف بعض الشئ و ابتسامة لذيذة مطبوعة علي ثغره 

جهاد بحرج من ملابس المنزل التي ترتديها امام رجل لاول مرة : اتفضلي يا طنط اي خدمة 

قبل ان ترد يأتي من خلفها والدها : مين يا جهاد 

والد جهاد للواقفين امام الباب : اهلا و سهلا اتفضلوا يا جماعة 

دلف حمدي و والدته الي الداخل لتدلف جهاد الي امها 

جهاد لامها : ماما في ناس غريبة برا 

والدتها : مين دول يا جوهدة 

جهاد : و لا اعرف يا ماما و اول مرة اخرج لواحد بهدوم البيت و مكسوفة جدا 

والدتها : اه ما هو باين من خدودك ههههه

جهاد : كدا يا ماما ماشي شكرا اطلعي بقي سلمي عليهم و شوفي جايين لاية 

خرجت والدت جهاد الي الصالون و جلست جهاد بخجل و هي تنظر الي هيئتها 

جهاد : يا نهاااار انا فتحت الباب كدا 

ثم قالت بلامبالاة : عادي انا اعرفهم منين تلاقيهم عايزين بابا في شغل

**اما في الخارج**

والد جهاد : خير ان شاء الله 

حمدي : احم بصراحة يا عمي انا عارف اني جاي من غير ميعاد لكن انا شوفت انسة جهاد في فرح قريبة صاحبي و اعجبت بيها و مكدبتش خبر و جبت امي و جيت 

والد جهاد : ايوة يا بني لكن جهاد لسة في الكلية و انا معرفش عنك حاجة 

والدت حمدي : بص يا حاج حمدي ابني محاسب في شركة في الخليج هيخطبه و هو مسافر و في الاجازة الجاية تكون عروستنا خلصت و يتجوزه و ان كان علي انك متعرفش حاجة عنه اسأل عليه يا حاج 

ثم قالت لوالدت جهاد : امال فين عروستنا فتحتلنا و جريت 

والدت جهاد : هقوم اناديلها

ذهبت والدت جهاد فتحت باب غرفة ابنتها و قالت : جهاد قومي قومي بسرعة 

جهاد : في اية 

والدتها : البسي احلي طقم عندك و اخرجي بسرعة 

جهاد : لية في اية 

والدتها : عريس''عريس احسن من اللي قبله يلا انتي لسة واقفة 

جهاد : اعمل اية يعني

والدتها و هي تفتح خزانة الملابس و تخرج لها طقم من اللون النبيذي و رمتها علي السرير و اخذت يد جهاد و اوقفتها و قالت و هي تخرج من الغرفة : عشر دقايق و القيكي في الصالون 

جهاد : حاضر 

****************************

عشق بصراخ : اسسددد 

اسد و هو يدلف الي الغرفة : في اية 

عشق : البيت فيه حشرات تخوف 

اسد : طيب اهدي شوفتي اية 

عشق : اول مرة في حياتي اشوف صرصار بيطير 

اسد : هههههههههه كل دا عشان صرصار يا طفلة 

عشق : هاهاهاها انا غلطانة اني بستنجد بيك روح يا عم مش عايزة منك حاجة 

اسد : الحقي الصرصار وراكي

عشق و هي تقفز عليه و تضع قدمها حول خصره : عاااااااااااااااااااا

حملها عشق من خصرها و هو يضحك لتضربه علي صدره وتقول بعتاب : كدا يا اسد انا كان ممكن اموت فيها 

اسد و هو يتأمل عيناها الخضراء : بعد الشر عليكي 

عشق و هي تنام علي صدره : طيب انا خلصت الشنط لو رجعنا لقينا الحشرات و قرف دا هزعل بجد 

اسد : مانا قولتلك نروح الفيلا عند بابا و بعدين نشتري فيلا جديدة 

عشق : لا انا حبيت هنا اوي 

اسد : انتي مش هتنزلي ولا اية ضهري وجعني 

عشق و هي تحاول تنزل : انت قاصد ترخم علي قكرة 

اسد : خلاص خلاص خليكي شوية 

عشق : لا يا عم نزلني 

لياخذ اسد شفتاها في جولة طويل و هو يضغط علي خصرها قبلة ادمت شفتاها و هي تحاوط رقبته و تحتضنه اكثر ضاغطه بجسدها علي جسده لتسحب شفتاها ببطئ من شفتاه 

عشق و هي تنام علي صدره مرة اخري : السفر يا حبيبي

اسد و هو يلهث و ينزلها : يلا من هنا بسرعة بقي ماشي

لتخرج عشق بسرعة و هي تجر حقيبتها 

ليتنهد هو و يقول و هو يرقص بمرح : يا تاعبة كل الناس يا عشق

لتدخل هي رأسها من الباب و تقول : شكلك عبيط اوي هههههه 

تركض ليركض هو خلفها

**********************،******

حمدي و هو يتامل جهاد : ها يا جهاد قولتي اية

جهاد و هي تخرج من الغرفة : الرأي رأي بابا

حمدي : ها يا عم 

والد جهاد : سيبني بس يومين و ان شاء الله اللي في الخير يقدمه ربنا 

***************************

تقف مرام امام مقود النار و تعمل قهوة لها و تسرح و اذا فجأه تصرخ صرخة عالية مدوية مؤلمة تحمل وجع 

يتبع.......

الفصل الثامن و العشرون 

اطلقت مرام صرخة مدوية و الزعر يملئ قلبها عندما وجدت النار تأكل لحم كف يدها 

لتصرخ مرام بزعر و استنجاد : الحقووووني مهااااااااااب الحقنييي

ليدلف الي المطبخ مهاب و خلفه خيرية بخوف ليخلع مهاب جاكته و يطفئ المقود و ظل يطفئ يدها بجاكته و عندما انطفئت جذبتها والدتها لاحضانها و هي تبكي 

مهاب بخضة و هو يتفحصها : يلا بسرعة علي المستشفي 

ليجذبها و يضمها بالجاكت و يركض بها الي الخارج 

*****************************

الطبيب و هو يلف يد مرام : الحرق شوه ايديها خالص 

مهاب : و العمل يا دكتور هي هتفضل تحرقها كدا 

الطبيب : الكريم اللي هكتبه دا للحروق و مفعوله حلو جدا و هكتبلك كمان علي مرهم تجميل عشان الحروق تروح اثرها 

مهاب و هو يأخذ الروشتة : شكرا يا دكتور 

خيرية : مرام حبيبتي يا بنتي ردي عليا

مهاب : مش هترد يا خالتي مرام فقدت النطق تاني لانها خافت

خيرية و هي توقفها و تسير معها : يلا يا حبيبتي

*****************************

يتمشيان معاً ماسك يدها بتملك كأنها سوف تهرب منه ثم اوقفها امامه و وضع تلك الوردة التي كانت بيده خلف اذنها 

اسد : بقت لايقة عليكي اكتر 

عشق و هي تبتسم بحب : عشان انت اللي حطتها يا حبيبي

ليمسك رأسها بين راحتي يده و قبل جبهتها بحب و اسند رأسه علي رأسها لدقيقة ثم قال : يلا بقي نروح نرتاح شوية عشان احنا هنا لاسبوع بس 

عشق : هو انت بجد يا اسد مسامحني

اسد : لا بضحك عليك و بعذبك و شوية و هطفي السجاير في ايدك 

عشق : بطل بواخة يا اسد 

اسد : عارف يا عشق لو قلبي مكنش مسامحك من الاول كان زماني دفنك تحت رجلي 

عشق بخوف و هي تتراجع للخلف خطوة و تبتلع ريقها بخوف ليتقدم اليها وهو يضحك

اسد بضحك : خلاص خلاص متخافيش اوي كدا بقولك لو مكنتش سامحتك 

عشق : يعني مسامحني خالص اومال كنت سرحان في اية امبارح خلاك تتنرفز عليا

اسد : عادي يا عشق و انا سرحان مبحبش حد يقاطعني 

عشق : طيب يلا بينا 

ليحملها و يركض بها و هي تضحك بمرح 

****************************

بتول : الف سلامة عليكي يا مرام 

اومات لها مرام دون حديث لتجد مهاب يربت علي شعرها بحنان لتنظر له بابتسامة رائعة 

خيرية من الخارج : بتول تعالي حطي لاختك اكل 

بتول بصياح : حاضر يا ماما

خرجت بتول و نظرت مرام لمهاب و اشارت له 

مهاب : مش فاهم يا حبيبتي عايزة اية 

اشارت له مرة اخري بمعني مش مضايق من شكل ايدي 

مهاب و هو يقبل يدها : اه لا يا حبيبتي مش مضايق دا حتي شكلهم جميل 

اشارت له هل تكذب 

مهاب : لا مش بكذب طبعا 

لتدلف بتول بصنية الطعام ليعدلها هو و يأخذ الصنية و يبدأ في اطعامها 

****************************

توجهه جهاد و والدها و والدتها و اخاها الاصغر و حمدي و والدته الي الصائغ 

حمدي : نقي اللي عايزاه يا جهاد انتي مكسوفة كدا لية يلا

جهاد بصوت منخفض و وجهه احمر : لا بس مش عارفة هات ماما ثانية كدا 

حمدي بضحك : تعالي يا ماما لجهاد 

لتاتي والدتها بجوارها و تنادي. ايضا والدت حمدي لنتقوا معها 

لينتهوا من اختيار شبكتها و يدفع حمدي تمنها و يتوجهه حمدي مع اهل جهاد الي منزل جهاد 

**************

حمدي : جهاد بصيلي

جهاد و هي ترفع رأسها : نعم !!

حمدي : وسعتي الفستان زي ما قولتلك 

جهاد : ايوة وسعته شوية صغيرين لان الخياطة قالتلي لو وسعت اكتر من كدا هيبوظ

حمدي : ماشي يا جوهدة يلا انا ماشي بقي عشان بكرا يوم طويل 

جهاد : مع السلامة 

حمدي بابتسامة و هو يعدل من قميصه : الله يسلمك 

****************************

مر اسبوع فيه عاد اسد و عشق الي المنزل ليجده تجدد بل اصبح افخم من القصور و الحديقة كما طلبت عشق زهور و خضرا و اصبحت تسر النظر اصبحت يد مرام علي ما يرام بعض الشئ تمت خطبة جهاد و حمدي و تأجل تحديد زفاف بتول و مروان حتي اجازة نهاية العام و اطلق اسد سراح مصطفي و امره بالسفر ومغادرة البلاد و بالفعل غادر البلاد

يقف في حديقة و ينظر كيف نمت الزهور و تفتحت و المنزل الذي احيته حبيبته من جديد حتي انها تمسكت به 

نظرت الي الحديقة وجدته مازال موجود بالاسفل لتنادي عليه بصوت عالي : اسددددد

التفت لها لتشير له بان يقترب ليقترب 

اسد : في حاجة يا حبيبتي 

عشق و هي تجلس علي سور النافذة : القطني قبل ما اقع 

اسد بخوف من ان يحصل لها شئ : عشق متستهبليش 

عشق : طب و الله ما بستهبل يلا القفني 

اسد : استني يا مجنونة اهدي يا حبيبتي انا هطلعلك 

عشق بمرح : طب عليا الطلاق مانت طالع انا هنزلك

اسد بذهول : عليكي الطلاق

لتقفز عشق بجنون ليحاوط التقاطها لكن وقع و هي فوقه و هي تضحك بمرح و هي مسندة يدها علي جانبه و هو يحاوط خصرها لترفع شعرها الاشقر الي الاعلي من امام عينها ليظهر عنقها الابيض الطويل ليتأملها و هي تضحك 

عشق بمرح : طب اقسم بالله انا بت جامدة اخر حاجة 

اسد بغضب و هو يقف و يوقفها معه بعد ان ادرك ما كانت سوف تفعله : انتي مستهترة يا عشق حد يعمل كدا

عشق بدلال : الله مبسوطة يا اسودي يعني مبقاش مبسوطة و ادلع علي حبيبي

اسد بابتسامة يحاول اخفاءها قدر المستطاع حتي لا تستهتر بما تفعل : لا ادلع بس مش بالاذي يا حبيبتي اطلعي فوق و اقفلي علي نفسك و كل ساعة مسيدج و اما اجي ليا كلام تاني

لتصعد وهي تضحك و تبعث له بقبلة في الهواء ليبتسم هو بفرح و يكاد يذهب الي عمله الا انها نادته مرة اخري فالتفت لها

عشق بهمس : بحبك 

ليذهب لها مرة اخري و يقول و هو يلتقط وجهها بين راحتي يده : و انا بموت فيكي يا مجنونة 

ثم يقبل رقبتها برقة و يتركها و يذهب 

****************************

مروان بعصبية : بقولك راحلها من البلد راحلها يا مدحت 

سمع الطرف الاخر ثم رد عليه قال : اتصرف راحلها باي طريقة اهم حاجة مشوفهاش تقريب مني تاني 

مروان بهدوء بعد ان سمع الطرف الاخر : ماشي انا معتمد عليك يلا سلام 

اغلق ليجد اسد واقف علي الباب مستند عليه و يتحدث : هي مين دي 

مروان بهدوء : حرم الاستاذ علم الدين الله يرحمه

اسد : امك ؟!

مروان بعصبية : تاني هيقول امي اطلع برا يا اسد 

اسد : طيب اهدي خلاص براحتك 

مروان مغير الموضوع : البيت عجب عشق 

اسد : دي طايرة بيه طير و عجبها موت 

مروان : طيب كويس بتول هتخلص امتحانات كمان اسبوع و انا متفق مع امها ان الفرح بعد الامتحانات جيت الهانم تقولي مجبتش حاجة معملتش حاجة 

اسد : ايوة ما هي كانت بتكلم عشق امبارح و هههههههههههههه

مروان : هو اية اللي هههههههههههه في اية

اسد : كانت عايزة تسيبك و خايفة تخونها تاني 

مروان بحزن : خايفة اخونها !!! هو انا وحش اوي كدا في نظرها يا اسد 

اسد : يا بني مش كدا هي بس لسة منستش اللي حصل 

مروان : طب اعمل اية 

اسد : حاسسها بوفاءك ليها يا مروان كلمها كل شوية متخرجش غير بيها و هي هترجع تثق فيك تاني 

مروان : حاضر ان شاء الله عايزك تنزل معايا اغير اوضة النوم و الديكور بتاعها و اعمل منديل كتب الكتاب بتقولي مش هقول موافقة للمأذون غير لما اعملها منديل كتب الكتاب شوفت الهنا اللي اخوك فيه بتتشرط عليا

اسد : يلا يا مروان مبروك هههههههههههه

مروان بتهكم : الله يبارك فيك ياخويا

*****************************

مرت الامتحانات علي خير علي بتول و مرام و هما الآن في انتظار النتيجة و يستعدون لزفاف بتول و خطوبة مرام 

            *************

عشق و هي تقفز علي الفراش و اسد نائم : يا اسد بقي عشان خاطري 

اسد : بطلي طنطيط يا عشق 

عشق : بالله عليك يا اسد عشان خاطري هما يومين بس و هرجع 

اسد : مفيش بيات عند مامتك يا عشق و لا ساعة واحدة مش يومين 

عشق : رخم اوي علي فكرة فرح اختي يا اسد عشان خاطري

اسد : لا يعني لا روحي براحتك عند ماما خيرية لكن بيات دا لا 

عشق : خلاص ماشي موافقة 

اسد بشك : موافقة كدا علي طول 

عشق ببراءة : طبعا يا بيبي 

اسد : شاكك فيكي بس يلا ماشي هعمل مصدق يلا روحي البسي عشان هوصلك قبل ما اروح الشغل و ساعتين و القيكي في البيت

عشق : لا روح انت و انا هبقي اروح براحتي ساعة ساعتين براحتي

اسد بحدة : يلا يا عشق 

عشق و هي تقبل وجنتي اسد : حبيبي اسودي يا ناس 

اسد و هو يضرب كف علي كف : اقسم بالله انتي اتجنيتي يا عشق

لتضحك عشق و هي تأخذ ملابسها و تذهب لارتدائها 

***************************

خيرية : يا بنتي متعمليش مشاكل مع جوزك  و روحي 

عشق : و لا مشاكل ولا حاجة يا ماما مش هيعمل حاجة 

بتول : بصوا بقي عايزاكوا تظبطوني انا هتجوز هتجووووازز 

خيرية : عييب يا بت 

بتول : الله مش عروسة و فرحانة 

مرام : لا انتي كدا مش عروسة انتي كدا مش مصدقة نفسك و لا اية يا ابلة 

عشق : تعالي انتي يا صغنن هتموتك 

             *************

مر اليوم و اتي الليل و عاد اسد الي المنزل متوقع وجود عشق 

اسد منادياً : عشق يا شوشو انتي فين 

فتح باب غرفهم و لم يجد شئ و ذهب الي المطبخ و طرق باب الحمام ثم فتحه و لم يجدها 

اسد بغضب : نهارك اسود يا عشق 

هاتفها اكثر من مرة ولاشئ ايضاً ليأخذ مفاتيحه و اشياءه و يذهب متوجهه الي منزل والدتها 

طرق الباب لتفتح خيرية بوجهه بشوش : اتفضل يا بني ازيك يا اسد

عشق بهمس و عيون مفتوحة عن آخرها : اسد سنتي سودا 

يدلف اسد تزامناً مع اختباء عشق خلف الاريكة ليراها اسد و يبتسم بجنونها الذي داهمها هذه الفترة و كأن زواجهم احيا روحها الطفولية 

اسد و قد جلس علي تلك الاريكة : امال فين عشق يا ماما 

خيرية : هشوفهالك جوا يا بني مش عارفة كانت هنا راحت فين 

اسد : الله يباركلك يا ماما شوفيها عشان نمشي 

تذهب خيرية لينظر اسد بطرف عيونه ليجدها تتسحب علي اطراف اصابعها من خلف الاريكة حتي تذهب للغرفة تتسحب تتسحب حتي وجدت قدمان امامها لترفع عينها لتجده يعقد يده امام صدره و يرفع حاجبه ثم اشار لها بيده ان تقف 

لتقف و تنفض ملابسها بطريقة وهمية و تنظر له بابتسامة بلهاء و تقول : اية دا يا اسد بتعمل اية هنا

اسد : كنت بتعملي اية ورا الكنبة 

عشق : ها لا دا دبلتي دبلتي الجديدة وقعت و كنت بدور عليها

اسد : و لقتيها

عشق : للاسف لا و الله زعلت عليها

اسد و هو يمسك اصبعها الذي يوجد به دبلتها : لا بجد ليكي حق تزعلي بتعملي اية هنا لحد دلوقتي يا عشق 

خيرية من خلفهم : انتي هنا يا عشق كنت بدور عليكي يلا هدخل اعملكوا عشا

اسد : لا يا ماما احنا ماشين و نيجي لحضرتك بكرا ان شاء الله 

ليسحب اسد عشق من يدها و يذهب بها الي المنزل 

اسد و هو يدخلها : اتفضلي يا هانم 

عشق : الله يا اسد مش في بيت ماما انا كنت في حتة غريبة يعني

اسد : انتي مفيش في دماغك حاجة انتي ابيض يا عشق و الله يا عشق لو حصلت تاني

عشق مقاطعة : مش هتحصل تاني خلاص بقي يا حبيبي 

اسد و هو يحتضنها : لما دخلت البيت و انتي مش فيه كان وحش اوي يا عشق

عشق بضحك : بس اية رأيك في طريقة هروبي منك ورا الكنبة 

اسد : ههههههههههه مجنونة 

ثم يحملها و يذهب بها الي غرفتهم حتي يتنعم بالنوم بجوارها و هي قريبة قريبة جدا منه 

استوب بقي

استعدوا للنهاية 

يتبع ........

الفصل التاسع و العشرون (قبل الاخيرة)

ها هي تلك الحورية الجميلة علي هيئة عروس برداءها الابيض الساطع المنفوش المغلق و محتشم و تسريحتها العالية و بعض الخصلات المتمردة مساحيق التجميل الرقيقة الهادئة كل هذا جعلها ملكة علي عرش قلب الملك تنزل ببطئ و هي تري اللهفة بعينه ان تكمل درجات السلم بسرعة 

لتصل الي محبوبها و تضع يدها داخل يده و تبتسم ابتسامتها الرائعة ليجذبها اليه و يحتضنها بشدة ثم يقبل جبهتها و يعطي لها باقة الورد و يأخذها معه الي حيث حفل الزفاف 

لينتظر مهاب اميرته الصغير حتي تنزل و هو يتأفف من تأخرها 

ليلتفت ليجدها تنزل مع شقيقتها عشق وجهها احمر بالكامل لا يوجد به الا كحل و احمر شفاه و فستانها الروز المجسم عليها و شعرها المموج الجميل و بجانبها عشق ترتدي فستان احمر ناري مجسم عليها ويوجد له ذيل منفصل عن الفستان و لا تضع شئ علي وجهها و ترفع شعرها بشكل جميل اعطي لها رونق جديد و جميل 

ليأخذ مهاب بيد مرام التي مازالت به بعض اثار من الحرق و يقبلهما ليسحب اسد عشق من خصرها و يخرج بها و يركبها سيارته 

عشق لاسد : اسد 

اسد : نعم يا قلبي

عشق : انا دايخة اوي و حاسة ان الدنيا بتلف بيا اوي 

اسد : لية يا حبيبتي مالك 

عشق : مش عارفة 

اسد : انتي اكلتي النهاردة يا عشق و انتي مع اخواتك

عشق : لا كنت مشغولة و ملحقتش اكل

اسد بغضب : و انا اما كلمتك قولتيلي كلت لية

عشق بكوميديا : انا بص انا انا بص 

اسد : ههههههههه يخربيت دماغك انتي اتهبلتي يا بت انتي

عشق بحب : هتصدقني لو قولتلك اني انا نفسي مش عارفة في اية حاسة اني رجعت لايام ما بابا كان موجود 

ليجذبها الي احضانه و استقرت علي قلبه لتمد يدها و تفتح اغنية (انت الوحيد) عمرو دياب و بدأت في الغناء معها و هو ينظر امامه مبتسماً 

- انت الوحيد اللي في قلبي وبقولها

مش قادر اخبي مقدرش اداري عليك 

حبي مقدرش اغيب عنك ثانية 

انت الوحيد اللي لقيته اجمل من 

اللي اتمنيته كل اللي فيك انا 

حبيته و بقيت بحبك حاجة تانية

يا حبيبي و انت هنا معايا الدنيا 

مش فارقة معايا انت حبيبي

و دا كفاية و انا قولتها لكل الدنيا 

اوقفت الاغنية و نظرت له بحب قبل ان تنزل من السيارة امام القاعة المقام بها الحفل دلفت معه بثقة واضعة يدها بذراعه 

عشق : لا اسد بجد انا دايخة جدا 

اسد و هو يتقدم من احد المقاعد و يجلسها اعلاه : طيب اقعدي و انا جايلك 

عشق و هي تمسك يده : هتعمل اية

اسد و هو يقبل باطن يدها : جايلك حالا يا حبيبتي 

بعد قليل جاء اسد و هو يحمل كوب كبير من المانجو و يعطيه لها : اشربي دا بسرعة 

عشق : كل دا 

اسد : ايوة و حالا و انا هروح عشان هبقي شاهد كتب الكتاب 

عشق : ماشي روح انت

***************************

بارك الله لكما و بارك عليكما و جمع بينكم في خير 

نطق بها المأذون بعد انتهاءه من كتب الكتاب لتقفز بتول بفرح وسط تزمر امها من افعالها ليتقدم منها مروان لتقفز الي احضانه غير عابئة باحد ليدور بها هو بسعادة هي حياته و حياته مقتصرة عليها فقط 

لتتقدم منهم عشق و هي تشعر بدوار كادت ان تقع عندما عنقلها ذيل فستانها الا ان هناك يد امسكت بيدها لتنظر لتجده رجل غريب لتسحب يدها فورا من يده و لكن قد فات الاوان و رآه اسد ليتقدم منهم بخطوات جامحة و يمسك عشق من خصرها و هو يجز علي اسنانه بغضب 

لتتحدث عشق بخوف : ك كنت ه‍ هقع يا اسد 

الشخص : ابقي خلي بالك يا انسة كنتي هتقع 

عشق : انا مأخ....

قاطعها اسد بغضب : ابقي خلي بالك يا مدام و انتي ماشية 

ثم يجذبها و يذهب من امام الرجل و يجلسها علي اقرب مقعد و يتحدث بغضب و صوت عالي حتي تسمعه وسط تلك الضوضاء : لما انتي تعبانة و مش عارفة تقوم بتقومي لية اساساً

عشق : كنت هبارك لبتول و مروان 

اسد بغضب و تحذير : متقوميش من مكانك تاني 

ثم ذهب ليعلن عن خطبة مرام و مهاب 

***************************

كان يضع يده علي خصرها و هي تضع يدها علي كتفه و يتمايلان علي الحان الموسيقي الرقيقة

مروان بابتسامة : مبسوطة !؟

بتول : جدااااا 

مروان : انا كنت سمعت حاجة كدا و عديتها بمزاجي

بتول : هي اية 

مروان : كنتي عايزة تسبيني 

لتتوتر بتول بشدة و تهرب بعينيها بعيد عن عينه

مروان : ههههههه هبلة اوي انتي كدا اثبتي ان كلامي صح ياهبلة

بتول : مروان انت زعلت 

مروان : طبعا 

بتول : انا اسفة و الله كلمة و طلعت و خلاص اسفة 

مروان و هو يقبل جبهتها بحنان : مش زعلان يا قلبي

انتهت الرقصة و جلس كلا من بتول و مروان ليصعد اسد و يعلن عن خطبة مرام و مهاب لتسلط الاضواء علي مهاب و مرام و هو يلبسها شبكتها

*************************

## ياريت كل الكابيلز يتفضلوا علي المسرح الرقصة الاخيرة 

مهاب لمزاج : هاتولنا كرسي نوقف البت عليها يا جدعان 

ليجد احد يضع له مقعد صغير ليرفعها من خصرها و يضعها علي المقعد و يضع يده علي خصرها و يبدأ بالرقص 

مرام بزعل : دا منظر يا مهاب 

مهاب : فيها اية يعني هنرقص ازاي وانتي اد رجلي 

مرام : شكرا شكرا جدا علي فكرة مأجبرتكش علي حاجة 

مهاب : بت اتلمي 

مرام : طيب ارقص و انت ساكت 

انتهت الحفل و ذهبت بتول مع مروان الي منزلهم وسط زفة جميلة 

وصل سيارة مروان امام العمارة التي يقتن بها مروان

بتول و هي ترفع يدها في الهواء : شيل 

مروان : اشيل اية قدامي يا حلوة 

بتول بحزن مصطنع : كدا يا مارو 

مروان و هو يحملها : اخرت صبري بتول هانم 

ليصعد مروان بها الي الدور الخامس و يقف امام الشقة و ينزلها و يقول بتعب : انتي كام كيلو يا بتول 

بتول : خمسين بس

مروان و هو يدخلها الشقة : يلا يا كدابة خشي 

لتدلف الي الداخل و هي تتأمل الشقة ليتقدم  مروان منها بابتسامة جاء ليحتضنه لكنها ابعدته و هي تقول : هغير هدومي 

مروان : خلاص روحي غيري و انا هغير في اوضة الاطفال 

بتول بخبث : هي اوضة الاطفال في سرير و غطا و كدا 

مروان : اه طبعا 

لتذهب بتول الي الغرفة و تغلقها بالمفتاح و تقول بصوت عالي : مارو حبيبي روح نام في اوضة الاطفال يا حبيبي و ابقي خلي البنات الزبالة بتوعك ينفعوك باي باي بيبي

ليضرب مروان باب الغرفة بقدمه بغيظ و غضب : بطلي هزار سخيف يا بتول و افتحي 

بتول : بطل بقي يا مارو تصبح علي خير 

ليذهب مروان و هو يعلن و من ثم يسبها سباب جعل من عيون بتول تتسع بذهول

****************************

اسد : يلا يا حبيبتي ادخلي ارتاحي و انا هجيبلك الاكل و اجي

عشق : لا انا هجيب الاكل

اسد و هو يسير بها الي الغرفة : يلا يا حبيبتي بطلي عند 

بعد ربع ساعة كان اسد بيده صنية طعام 

اسد : جبتلك احل.......

تلاشت ابتسامته و وقعت الصنية من يده عندما وجدها واقعة علي الارض فاقدة للوعي 

اسد بخوف : عشق 

ليذهب اليها و يحملها و يضعها علي الفراش و يحول افاقتها لتفيق تائهة 

عشق : في اية 

اسد بقلق : انتي كويسة 

اومأت اليه بمعني نعم بخير 

اسد و هو يضمها : قلقتيني عليكي كنت هموت ساعة لما شوفتك مغمي عليكي 

عشق و هي تمسد علي رأسه : معلش يا حبيبي انا اسفة انا فجأه دوخت كدا و مش عارفة مالي 

اسد و هو يحتضنها : لا لازم نروح بكرا نكشف عليكي 

**********؟****************

مهاب : لا يا خالتي هتعيشي معانا 

خيرية بدموع : لا يا بني انا مش همشي. من البيت اللي ريحة دياب فيه دا دا اللي مصبرني علي العيشة من غيره كانه حوليا نفسه معايا و انا لا يمكن افرط في اخر حاجة ربطاني بيه 

مهاب : خلاص يا خالتي بالله عليكي 

خيرية : خلاص يا حبيبي تيجوا انتوا تقعدوا معايا 

مهاب و هو يحك موخرة رقبته : نعيش هنا 

لتسمع مرام وهي خارجة من غرفتها بعد ان ابدلت ملابسها نعيش هنا 

مرام بفرحة : بجد هنعيش هنا مع ماما

مهاب : لا احنا لسة بنتكلم متشبطيش

مرام و هي تمد شفتاها دليل علي حزنها : طيب

خيرية بضحك : متزعلهاش يا مهاب 

مهاب : اية رأيك نقعد هنا 

مرام بطفولية : ايوة و النبي و النبي و النبي عشان خطري

مهاب بضحك : هههه ماشي نقعد هنا يا اوزعتي

*************************** 

في الصباح استيقظت بتول و خرجت لكي تعد فطور لها و لمروان تذهب متجهه الي المطبخ باريحة لتجد من يجذبها و يدخلها غرفة الاطفال ويغلق الباب بحركة واحدة من غيره حبيبها بالطبع

مروان بغضب : انا يا بتول تعملي معايا كدا بتقضريني 

لتنفجر بتول بالضحك مستفزة مروان : ههههههههههههههه بس اتفجأت باللي عملته صح

مروان : بطلي استفزاز يا بتول 

بتول بطفولية : احسن عشان تبطل قلة ادب يا قليل الادب 

ليحملها هو فجأه علي كتفه كشوال البطاطا و واضعها علي الفراش جاعلها تنكمش بخوف و خضة 

بتول بخوف : م مروان انا بحذرك اياك تيجي نحيتي 

مروان و هو يشمر علي ساعية : انتي اللي اختارتي مش بتنيميني يوم فرحي 

كادت ان ترد بعنف و تزجه لكنه احكم قبضته عليها و اخذها معه الي عالم هادئ لا يوجد به سواهم لتكون بتول ملكة علي عرش قلب الدنجوان المغرور

****************************

في المساء عاد اسد من عمله و يدلف الي منزله ليجده هادئ لا يوجد په صوت و ضوء خافض مشتعل في غرفة نومه ليذهب اليه ليجد بلونات كثيرة و بلون كبير مختلف 

و عشق واقف كملاك بفستان صيفي ابيض جميل لاق بها كثيرا تاركة شعرها منسدل بحرية و علي وجهها ابتسامة جميلة

اسد : اية الجمال دا و كل دا ليا 

عشق : طبعا يا حبيبي انا ليا كام اسودي هههههه

اسد و هو يحتضنها : قلب اسودك 

لتخرج من حضنه وتعطيه ابرة ليأخذ وينظر لها باستغراب : اية دا 

عشق بفرح : فرقع البلونة الكبيرة في مفاجاه حلوة اوي 

ليمسك اسد بالابرة و يغرزها بالبلون لينفجر البلون و يسقط منها علبة صغيرة ليأخذ اسد العلبة و يفتحها و لا يعرف لما قلبه سوف يقفز من مكانه هكذا 

لينظر لهذا الصور الابيض و الاسود و يقول بصدمة : اية دا 

عشق بسعادة و ابتسامة ملئة بالفرح و هي تتحسس بطنها المسطح و كأنها تحتضنه : انا حامل يا اسودي 

اسد بذهول و سعادة : احلفي 

عشق بضحك : و حياة ربنا حامل 

ليدور اسد حول نفسه بحيرة و كأنه تائه و من ثم ينظر لها و من ثم يحملها كطفلة بين ذراعيه و يدور بها جاعلاً من ضحكاتهم تملئ المكان بفرح و سعادة حقيقية حامدين الله علي هذا النعمة و السعادة الجديدة التي هبطت عليهم من السماء جاعلة كل ايامها فرح و سرور 

الاخيرة بكرا ان شاء الله 

اتمني اكون اتوفقت في الرواية وحبتوها ياريت كومنتات كتير علي الرواية عارفوني بس متحمسين زيي لاخر حلقة ولا لا

يتبع ........

الاخيرة (The End)

مرت ثلاثة سنوات و استمرت عشق الاسد و غيرته و عقاب اسد لها عندما تغلط حتي تقوي شخصيتها و ان تفكر بعقلها بعد انجابها ابنتها شغف فمعناه  و هو غشاء يحيط بالقلب  مراحلة من مراحل الحب و عمرها سنتان و شهرين اما الدنجوان المغرورفصار خاضع بالكامل لتلك الحورية بتول و انجبت تؤام يزيد و مليكة و عمرهم ستة اشهر

اما عن صغيرتنا مرام فهي اليوم تتوج ملكة علي عرش العملاق كما تلقبه 

تحمل ابنتها مليكة و تسير بها بالغرفة حتي تغفو ليدلف مروان و هو يقول بمرح و صوت عالي : اناااااااا جييييييت 

لتستيقظ ابنتهم بفزع و تبدأ بالبكاء 

بتول و هي علي وشك البكاء : حررام عليك يا مروان لية كدا انا مصدقت نامت عشان اروح لمرام البيوتي سنتر

مروان : و انا ايش عرفني يا حبيبتي | و اخذ الفتاه منها : حبيبت بابا و قلبه انا هنيمها انا 

بتول و هي تعطيه الصغيرة : خد و خليها معاك هي و يزيد و لبسهم و خدهم معاك و انت ماشي

مروان بصدمة : نعععم البسهم و اخدهم معايا الاتنين 

بتول : ايوة انا ماشية بقي يا بيبي باااااي

مروان و هو ينظر لمليكة : عجبك كدا ياختي

لتضجك الصغيرة و كأنها تفهم ما يتفوه به اباها 

********************************************

عشق : شغف تعالي البسي بقي يا حبيبتي عشان نروح لخالتو مرام 

شغف : ارام 

عشق : ايوة يا حبيبتي هنروح ل ارام يلا 

لتركض لها الصغيرة و هي تضحك لكنها وجدت والدها يحملها و يقفزها في الهواء عدة مرات ثم يقبلها 

عشق : معطلنا يا استاذ 

اسد و هو يقبل رأسها : لا مش هتتأخروا انا هوصلكوا بالعربية الاول 

عشق : ماشي هات شغف بقي عشان نلبس 

البست عشق ابنتها شغف و ارتدت هي الاخري فستان من اللون الموف الضيق حتي الخصر و ينزل باتساع و شغف ايضا ترتدي مثل امها ليخرج الاثنان لاسد 

اسد و هو يضع يده علي قلبه و يقول بمرح : اية الجمال دا انا من حقي مخرجكوش انتوا الاتنين 

عشق و هي تتحسس دقنه : دا علي كدا انا كان من حقي اخبيك من زمان 

اسد : بت يا بكاشة انتي يلا نمشي 

لتمسك شغف بقدم اباها لينحني لها و يحملها و يذهب بها و خلفه عشق 

*****************************

داخل البيوتي سنتر تجلس مرام بتوتر و الفتاه تقوم بعمل ميكياج لها لتدلف لها بتول 

بتول بمرح و غناء : النهاردة هكلم ابوك قالها و روحي راحت ياااني قالي دا خدودك كسفوكي لونهم برتقان 

مرام بفرح : بتووول حبيبتي 

بتول : مبروك مبروك يا عروسة مبروك 

مرام : الله يبارك فيكي يا توتي 

لتأتي من خلفهم ركضاً شغف 

شغف : ارام ارام 

لتنحني مرام و تحملها و تقبل وجنتيها المتكزة و تقول : قلب ارام 

بتول : نعم يا اخت عشق انتي و بنتك يعني مرام خالتها و انا لقيطة 

عشق : بتول الفاظك البنت بدأت تلقط كلام 

ثم تقول لمرام : مبروك يا صغنن

مرام : الله يبارك فيكي يا ابلة 

عشق لبتول : فين ولادك يا اخت 

بتول : سبتهم لمروان 

عشق : يا جاحدة سايبة اطفال ست شهور لابوهم 

بتول : هو اللي صاحة مليكة 

شغف : ايكة 

عشق : ايوة ايكة يا حبيبتي 

بتول : طيب يلا خلصه مفيش غير نص ساعة و مهاب يجي 

عشق : طيب 

****************************

عند الشباب دلف مروان و علي يده يزيد و مليكة 

اسد و هو يحمل يزيد : قلب عمو يا ناس اية يا بني اللي مخليك تشيل العيال كدا 

مروان : الهانم سبتهملي ال اية عشان صحيت مليكة لما نيمتها 

مهاب بضحك : تربيتي بنت خالتي حبيبتي 

مروان : اتلم يا مهاب لولا مانت عريس كنت قدرتك النهاردة 

مهاب : يلا يالا و لا تقدر تعمل حاجة

اسد : يلا يا هايف منك لية خلينا نلحق نمشي دلوقتي عشان نوصل في ميعادنا

مهاب : و الله مانا عارف لما نيجي نرقص هنعمل اية يعني في الخطوبة و حطيتها علي كرسي اعمل اية الوقتي بقي

مروان : مترقصوش يا مهاب هههههه

اسد : لا انا هتصرف يلا بينا بس

***************************

وصل مهاب و اسد و علي ذراعه يزيد و مروان و علي ذراعه طفلته مليكة الي البيوتي سنتر 

خرجت شغف تركض الي والدها تتمسك بقدمه و تخرج بتول و عشق معاً ليتقدم مروان من بتول و يعطي لها مليكة و ينظر لها بتوعد و يلتقط يزيد من ذراع اسد لينحني اسد الي شغف و يحملها لتتقدم عشق منه ليحاوط خصرها و يتقدم من سيارته ليأخذ مروان بتول الي السيارة و هو يقول : و رحمة ابويا لهوريكي يا بتول 

بتول : انت قلب بتول هصالحك صدقني

لتتقدم العروس بطلتها المبهرة من مهاب و هي خجله للغاية ليتقدم منها مهاب يقبل يداها و جبهتها 

مهاب : الف مبروك يا قلبي

مرام : الله يبارك فيك يا حبيبي

مهاب : بقالنا سنة مكتوب كتابنا بس حاسس في اللحظة دي انك بقيتي ملكي 

مرام بخجل : و انا كمان مكنتش حاسة اني مراتك غير دلوقتي 

اسد من خلفها فقد تأخره علي الزفة : يلا يا حلو انت و هي

***************************

طلي بالابيض طلي يا زهرة نيسان يا اميرة قلبي انتي سلمنا الامانة و اميرك ماسك ايديكي و قلوب الكل حواليكي و الدنيا تشتي عليكي ورد و بيلازان

دلفا الي القاعة و هي تضع اناملها داخل ذراعه وهي خجلة للغاية و هو فخور انه حاز علي قلب هذا الملاك 

جاءت الرقصة فجأه يرتفع المسرح من ناحية مرام فقط لتناسب طوله ليراقصها علي الحان الموسيقي الرقيقة 

خيرية و هي تحمل شغف من عشق : ربنا يسعدهم يارب 

اسد : يارب يا امي 

شغف : تيتة

اسد : اه يا حبيبتي روحي مع تيتة 

           **************

بتول : خلاص بقي يا مارو متزعلش

مروان : انتي عارفة اني بتلبخ بالعيال يا بتول

بتول : خلاص بقي يااااااه علي البوز مش كنت زماني اتجوزت يوسف و مفرفشة دلوقتي

ليمسكها من رسغها بقوة و هو يجز علي اسنانه : اعتذري علي الكلام الفارغ دا دلوقتي و الا قسماً بالله لردت فعلي مش هتعجبك

بتول بتوجع : اااه ااااه خلاص اسفة اسفة 

مروان : اتعدلي يا بتول ماشي 

بتول بدموع : حاضر 

مروان : لا حول و لا قوة الا بالله خلاص متعطيش انتي استفزتيني و دا رد فعل طبيعي

بتول : انا اسفة 

مروان : خلاص مسامحك بس لو اتكرر الكلام دا لينا موقف تاني تمام

بتول : ماشي

**********************\\\\\

دلف الي الحفل حمدي مع جهاد و بطنها المنتفخة فهي في اخر شهور الحمل 

جهاد : بتول فين 

حمدي : مش عارف لسة هنروح نسلم علي مهاب و مراته الاول و بعدين نشوف صاحبتك

جهاد : ماشي خد ايدي بقي عشان بطني مش مخلياني شايفة الارض ههههههه

حمدي : ههههههه هاتي ايدك يا جوهدة

********،****،******،********

عشق : فاكر يوم فرحنا يا حسب الله ههههه قصدي يا اسد 

اسد : فاكر كان احلي يوم في حياتي و لا عندك اعتراض 

عشق : ابدا يأ برنس

اسد : برنس دا شغف هيبقي عليها الفاظ منك و من بتول 

عشق : كدا يا اسد 

اسد : كدا وابو كدا اكذب يعني 

عشق : لا انا مش بقول حاجة قدام شغف خالص شوفت انا مامي مؤدبة ازاي 

اسد و هو يحتضن خصرها : احلي مامي شافتها عيوني 

عشق : ربنا يخليك ليا يا اسد ومتحرمش منك ابدا لا انت و لا شغف 

اسد : و لا يحرمني منكوا يا حبيبتي 

ليأتيهم صوت الدي جي و هو يقول : ياريت عيلة العروسة و العريس يتفضلوا علي البيست عشان نأخد صورة جماعية 

ليتجمع الجميع مهاب و مرام في المقدمة ثم اسد و عشق بجوارهم و اسد يحمل ابنته شغف و بجوارهم الجانب الاخر خيرية و في الخلف يقف مروان و بتول و كل واحد يحمل طفل و حمدي و جهاد الذي ناداهم مهاب لتكتمل الصورة هكذا و يتغلف هذه الصورة المحبة و المودة و الشغف والعشق 

تمت بحمد لله 

اتمني تكون عجبتكم القصة و ياريت كومنتات كتير تتكلموا فيها عن القصة كاملة و بشكركوا علي التعليقات و تفاعلكم علي الرواية و ياريت ريفيوهات عن الرواية اعرف رأيكوا 

الي اللقاء في الرواية القادمة