 |
نور الأسر
البارت الاول حتي السادس
بقلم نوران جمال
كامله على مدونة النجم المتوهج للروايات
في احد الشقق في حي من احياء القاهره
تستيقظ نوران فزعه بسبب الدخول المفاجئ لوالدتها .
نجلاء بصوت مرتفع:نور يلا قومي بقي كفايه نوم الساعه بقت 12 الظهر....
نوران بنعاس :خمس دقايق بس يا ماما ...
نجلاء بحده :بقالك ساعتين بتقولي خمس دقايق انتي لإلا تصحي دلوقتي لإلاا...
فقفزت نوران من علي السرير قائله بمرح: ليه التهديد انا صحيت اهو...
فتخرج نجلاء وهي تضحك على إبنتها الكبيره.
فتصحي نوران وتعمل روتينها اليومي وتصلي الصبح وتخرج وتنظر في الساعه وتجدها العاشره صباحا .
نوران بضحك:ماما عمرها ما هتتغير تقولي اصحي بقينا الضهر وفي الاخر يطلع الوقت قبل كده...
ثم فجأه تلاقي عمر بيجري ورا رودينا عشان ياخد منها التليفون بتاعه .
نوران بسخريه وصوت مرتفع قليلا:ايه شغل العيال ده يلا عشان ماما بتنادينا عشان الفطار...
عمر بسخريه :عيال علي اساس انك مكنتيش بتجري ورا رودينا امبارح عشان تاخدي منها الشوكولاته ....
رودينا بضحك:عيب عليك يا عمر كانت بتجري ورايا عشان المصاصه اللي بالفراوله.... وتضحك هي وعمر بشده .
نوران بغيظ :يعني قصدكوا ان انا اللي عيله .....
وتقوم تجري وراهم بمرح وغيظ في نفس الوقت"نسيبها بقا تجري وراهم "
ونروح شركه الجارحي هنلاقي الموظفين بيعملوا علي قدم وساق وفجأه يقفوا منبهرين بسبب ذلك الذي دخل من باب الشركه نعم فهو اسر الجارحي الملقب "بالقناص" يدخل بحضوره الطاغي وثقته في نفسه وهو يسمع تهامس الموظفات علي وسامته وحين يدخل مكتبه يجد فهد يرحب به ثم يجلس اسر علي كرسي مكتبه ويتحدثون عن اخبار الشغل وفجأه يفتح الباب ويدخل سيف السيوفي
سيف:عندي خبر بمليون جنيه....
فيرد فهد بمرح :بكره يبقي ببلاش ،ويضحك هو وسيف ثم ينظرون الي اسر يجدوه ينظر لهم نظره اخرستهم.
اسر بهدوء :ايه اللي حصل يا سيف...
سيف بجديه : الصفقه نجحت مع الشركه الايطاليه ومضوا العقد...
اسر بثقه :كنت متأكد انهم هيوافقوا عشان لو موافقوش هيبقوا هما الخسرانين احنا من اكبر الشركات عالميا.....
فهد ببعض من القلق: يا اسر الصفقه ديه كانت مهمه بالنسبه لشركه الهلالي وانا مستغرب ان هيثم الهلالي ملعبش بديله المرادي...
اسر بهدوء: انا برضه استغربت من هدوئه بس هو مش هيعرف يعمل حاجه هو عارف كويس جدا اني اقدر امحيه من علي وش الارض ....
سيف بمرح : ايه جو ذئاب الجبل ده لا انا جعان وعصافير بطني بتهوهو احنا نروح ناكل احسن....
فهد بضحك : طب يلا عشان متروحش مننا ويحصلك حاجه ويقولوا اسر السبب ههههه.....
اسر وهو يقف :طب يلا عشان لو متحركتوش دلوقتي هتموتوا علي ايدي بجد هههههه....
فضحكوا وخرجوا جميعا من الشركه.
اما في احدي المستشفيات .
نجدهم ينادون علي دكتور يوسف السيوفي ليقوم بالعمليه فهو من افضل دكاتره الجراحه في مصر وعند انتهائه يأتيه اتصال من سيف بأنهم ينتظرونه فيذهب لهم.
في قصر الجارحي
الاء بنداء :يا ماما يا مامااا....
هبه "والدتها"بخوف :ايه يا الاء انتي كويسه مين مات...
الاء بضحك :كنت بجرب الاسم بس يا ماما....
هبه بصراخ : انتي اللي هتخلصي عليا يا الاء مش معقول اللي بتعمليه ده في حد يعمل كده...
الاء بضحك :بعد الشر عليكي يا ماما هما فين اسر وحنين...
هبه بهدوء :اسر في الشغل وحنين في الجنين ولم تكمل كلمتها بسبب صراخ الاء
الاء بصراخ: اعععع عفريت انصرف انصرف..
حنين بضحك: عفريت مين يا بنتي انا كنت برسم بس تقريبا كده رسمت علي هدومي مش علي اللوحه هههه..
فضحكوا هما الإثنان..
فتركتهم هبه وهي تضحك عليهم وعلي جنونهم وذهبت لتفتح الباب لهند ومليكه وياسين وسلموا علي بعض وكان الجو ممتلئ بالمرح حيث ان مليكه لا تقل مرحا عن حنين والاء.
في شركه الجارحي الرئيسيه "الرئيسيه قام محمود ومراد وفريد بتأسيسها ويوجد فرع تاني لها امامهم قام اسر وفهد وسيف وبعض من مساعدات يوسف فيوسف رغم انه درس الطب الا انه درس اداره اعمال ايضا وقاموا بتوسيع نطاق الشركه "
يجتمع محمود ومراد الجارحي و فريد السيوفي مع جمال عبد القادر ومحمد عبد العزيز .
محمود بهدوء: يا جمال انت ومحمد من افضل الموظفين في الشركه وليكم خبره كبيره ده غير انكم ساعدتوا في تقدم الشركه وعشان كدا احنا هنديكوا اعلي منصبين بعدنا...
مراد بإبتسامه : وده يدل علي ان احنا هنبقي اصحاب ...
فريد بإبتسامه :وبالتالي هنشيل التكلفه ما بينا خارج الشغل...
جمال بإبتسامه فرحه :شكرا علي ثقتك فينا واحنا هنبقي عند حسن ظنكوا....
محمدبإبتسامه : وطبعا يشرفنا ان احنا نكون اصحاب...
فريد بهدوء:اولا يا جمال مفيش شكر بين الأصحاب ثانيا يشرفنا احنا كمان انكوا تكونوا اصحابنا...
محمود بإبتسامه : وبمناسبه صداقتنا احنا هنعمل حفله صغيره عندي في القصر عشان نعرف العائلات علي بعض وهتبقي بكره بالليل...
فوافقوا جميعا ثم ذهب جمال ومحمد لتكمله عملهم وهم فرحانين بسبب الصداقه الجديده"جمال ومحمد طيبين واذكيه ومش طماعين وكانوا فرحانين فعلا بالصداقه لانهم كانوا بيحبوا مراد ومحمود وفريد"
فريد بهدوء : انا عمري ما كنت هوافق ان احنا ندخل حد جوا دائرة صداقتنا بس فعلا جمال ومحمد كويسين....
مراد بهدوء : انا كنت براقب شغلهم هما امناء جدا وطيبين واذكياء...
محمود بهدوء: انا مش هدخل حد جوا صداقتنا غير لما اعرف كل حاجه عنه الاول وهما فعلا كويسين وسيرتهم كويسه وصعب نلاقي زيهم دلوقتي...
مراد بإبتسامه : احسنت الاختيار فعلا وانا هبقي مبسوط من الصداقه ديه...
فأومأ له فريد ومحمود بموافقه
مراد بضحك : حلو موضوع الحفله الكل هيفرح ماعدا اسر هههههه...
فريد بضحك :ده فولا وانقسمت نصين من محمود ...
محمود بهدوء: اسر انسان جد بس معانا غير وانتوا عرفين كده كويس عموما يلا كل واحد يروح مكتبه عشان نخلص الشغل....
و عند مجنونتنا.
نوران بغيظ :يا ماما ابنك بيضربني وبيستقوي عليا...
نجلاء بضحك:انتي اللي جريتي وراه الاول...
نوران بغيظ: هو اللي اتريق عليا وقال عليا عيله ..
نجلاء بضحك:مهو في واحده عندها اتنين وعشرين سنه عايزه تاكل مصاصه..
عمر بضحك : اتنين وعشرين سنه ايه بس دي تبان اصغر من رودينا اللي عندها اربعه عشر سنه ...
وضحك هو ورودينا ثم سمعوا صوت الباب
فذهبت نجلاء لتفتح الباب لملك وفاطمه، وسلموا جميعا علي بعض ثم ذهبت نوران مع ملك الي غرفتها
ملك بضحك : مالك انا سامعاكي من قبل ما ادخل الشقه...
نوران بغيظ :بيضايقوني يا ملك يرضيكي كده..
ملك بضحك : طبعا يرضيني...
نوران بمرح: شكلك كده عايزه تضربي انهارده ...
ملك متصنعه الخوف : لا لا ميرضنيش ...
ثم نظروا لبعضم وضحكوا ثم تكلموا سويا في امور عديده..
"ملك صديقه نوران من الثانوي و ملك مش عندها اخوات فبتشوف نوران اختها دايما "
" فيا تري ايه اللي هيحصل في البارت الجاي عند ابطالنا...انتظروا"
البارت الثاني
في احد المطاعم الراقيه نجد ابطالنا يتحدثون في امور الشركه
يوسف بمرح: هتلاقي دلوقتي شريف الهلالي وابنه مش قادرين احنا خدنا صفقه مهمه منهم هههه....
اسر بهدوء: المفروض انه يكون عارف ان انا اللي كنت هكسب الصفقه مش هو وانا كتير حذرته قبل كده من انه يلعب بديله معانا...
فهد بهدوء: هيثم برضه علي قد ما بيخاف منك علي قد ما بيكرهك يا اسر...
سيف بهدوء: انت يا اسر تقدر تمحيه من علي وش الارض بس انت ليه مش عايز تعمل كده....
اسر بضحك: انا مش هلعب العابه واعمل زيه ده غير ان هو لحد دلوقتي العابه علي قده ومفيش قلق منه وكمان انا سيبه يسلينا بمزاجي ههههه....
فيضحك الشباب وتدخل مجموعه من الفتيات الي المطعم وهم يتهامسن عن وسامه ابطالنا وخاصه اسر "فبرغم من انهم جميعا وسيمين الا ان اسر لديه هاله من الثقه والوسامه تحيط به فهو لديه حضور يجعل الجميع يلتفت اليه "ثم يأتي تليفون لأسر يقول له والده بأن يعود هو والشباب الي القصر لانه يريدهم في امر هام فيغلق مع والده ويقول لهم ثم يعودوا جميعا الي القصر وعندما عادوا وجدوا الجميع هناك سلموا علي بعض ثم قال لهم فهد عن الصفقه الجديده التي ربحوها اليوم ففرح الجميع ونظروا لهم ولأسر خاصه بفخر فهم برغم صغر سنهم الا انهم متفوقين ومتقدمين دائما ثم قال لهم محمود عن صداقتهم الجديده بجمال ومحمد فوافقوا حيث انهم يعرفون ان محمود لن يدخل اي احد داخل عائلتهم او صداقتهم إلا ان كان يستحق ذلك. وقال لهم مراد عن الحفله فوافقوا جميعا ثم ذهبوا لتناول الطعام وطبعا لم يخلو الجو من مرح مليكه والاء وحنين وكانت هناك اعين تراقبهم بحب "فيا تري من هم"
في مكان اخر نجد رجل يظهر علي وجهه الغضب الشديد من ابنه نعم فهو شريف الهلالي
شريف بغضب: ازاي ده يحصل ازاي انت عارف هما خدوا مننا صفقه من اكبر الصفقات اللي كانت هتنقل مكانه الشركه ازاي تسيبهم يعملوا كده....
هيثم بغضب : والله يا بابا انا عملت اللي عليا وقدمت ليهم كل حاجه بس مش عارف ليه مضوا معاهم هما مش احنا....
شريف بغيظ: دايما كده دايما اولاد الجارحي والسيوفي متقدمين عنك عمرك يا هيثم ما قدرت تتفوق عنهم احنا لازم نخلص من اسر هو اللي مأسس الشركه لو خلصنا منه الشركه وهما هيضعفوا بس نعملها ازاي واحنا حاسين انه بيبقي متوقع كل تحركاتنا....
هيثم بشر: مصيره في يوم يبانله نقطه ضعف ونخلص منه...
شريف بغضب: خلاص اخرج بقا لما احاول الاقي حل للمشكله ديه ...
فخرج هيثم وهو غاضب ويتوعد لاسر ولعائله الجارحي والسيوفي كامله.
في شقه جمال
يعود جمال و محمد الي شقته لانهم يعرفون ان فاطمه وملك هناك فقال جمال لهم ان يجتمعوا لانه هناك خبر هام جداً فإجتمعوا جميعا
محمد بهدوء : في خبر حلو انهارده عرض علينا محمود وفريد ومراد اكبر منصبين في الشركه بعدهم وعرضوا علينا الصداقه وان احنا نبقي قريبين منهم...
فاطمه بفرح : فعلا خبر حلو..
نجلاء بإبتسامه : انتو كان نفسكوا تصاحبوهم بسبب انهم كويسين من زمان...
جمال بهدوء : دي حقيقه يا نجلاء واحنا انبسطنا جدا لما عرضوا علينا وكمان في حفله بكره في قصر الجارحي عشان نتعرف علي بعض اكتر ها ايه رأيكم....
عمر بإبتسامه : طبعا موافقين انا كان نفسى اصاحبهم فعلا من زمان...
ملك بهدوء : وانا كمان بس انا خايفه يكونوا مغرورين ومنعرفش نصاحبهم ...
محمد بهدوء: متقلقيش هما كويسين وبكره هتعرفوا ...
نوران بهدوء : فعلا بكره هنعرف عموما عايزين ننزل انا وملك ورودينا بكره نجيب فساتين ...فوافقت ملك
اما رودينا قالت بحزن : كان نفسى اروح معاكوا بس ماما بكره محتاجاني فمش هعرف اروح فإشترولي انتو...... ،فوافقت نوران وملك
عمر بهدوء : انا هنزل بكره اجيب بدله .... ،فوافقوا جميعا ثم غادر محمد وفاطمه وملك الي شقتهم "هما جيران"
في اليوم التالي تستيقظ نوران فزعه بسبب الدخول المفاجئ لعمر ورودينا
رودينا بمرح: يلا يا نوران عشان تروحي مع ملك تشتروا الفساتين يلا يا نور قومي....
نوران بنعاس: سيبيني شويه يا رودي...
عمر وهويتصنع التفكير : ماما قالت ايه يا رودينا قالت ايه اه لو نوران مقامتش لإلا هتقول لبابا لإلاااا....
فتقفز نوران وبغيظ: خلاص اهو قمت...
فيخرج عمر ورودينا
ثم تقوم نوران وتتصل بملك فتجدها جاهزه فتفطر بسرعه وتصلي الصبح ثم تنزل مع ملك
ملك بهدوء: ها هنروح فين...
نوران بهدوء :هنروح.... مول...
،فتوافق ملك ويذهبوا
ثم ينزل عمر ويذهب الي... مول ليشتري البدله
في قصر الجارحي
تنزل حنين والاء ومليكه ليذهبوا الي... مول ليشتروا فساتين "نفس المول اللي ذهب اليه عمر"
ثم ينزل اسر وفهد وسيف ويوسف ليذهبوا الي.... مول "نفس المول اللي ذهبت اليه نوران وملك "
"فيا تري ماذا سوف يحدث وكيف سيكون اللقاء بين ابطالنا ..."
البارت الثالث
بعد وصول مليكه والاء وحنين للمول كانوا يبحثوا عن فساتين واخذوا يتجولون كثيرا ثم عجبهم ثلاثه فساتين فدخلوا ليشتروهم ثم رن تليفون حنين فقالت لهم انها ستخرج عشان ترد عليه
خرجت حنين ولقت هبه مامتها بتتصل تطمن عليهم
هبه بقلق: انتوا فين يا بنات اتأخرتوا ...
حنين بهدوء: احنا خلاص اهو بنشتري الفساتين وجايين متقلقيش...
وقفلت مع مامتها ثم بتستدير لكي تعود لألاء ومليكه في نفس وقت خروج عمر من المحل اللي كان بيشتري منه البدله فخبط فيها
حنين بهدوء: انا اسفه مكنتش اقصد...
عمر : خلاص ولا يهمك انا برضه مخدتش بالي انتي كويسه. ...
فترفع حنين رأسها لكي تراه فينصدم عمر بجمال عيونها العسلي وتسرح هي في بحر عيونه البنيه ثم يعودا الي وعيهم حين تنادي الاء حنين فتذهب حنين مسرعه دون ان ترد علي عمر.
الاء : مين اللي كنتي بتتكلمي معاه لما كنت بناديكي...
حنين بهدوء : واحد خبط فيا بالغلط ..
الاء بمكر : وهو لما حد بيخبط فينا بالغلط بنسرح في عيونه.
فإتكسفت حنين وكانت بتبحث علي رد فأنقذها نداء مليكه لهم.
حنين بتوتر : انا عجبني الخاتم ده هروح اشتريه وسابتهم ومشيت....
مليكه بإستغراب: هو فيه ايه مالها متوتره كده...
فحكت الاء لها ما حدث فضحكت مليكه
مليكه بضحك : انتي احرجتيها جدا هههههه....
الاء بمكر: انا مش قصدي...
فنظرت مليكه لها ثم ضحكوا هما الاثنين
في نفس الوقت عمر كان معجب بعنيون حنين جدا وحس ان في حاجه بتشده ليها واتفاجئ لما دقات قلبه زادت واتمني ان يراها مره اخري.
اما حنين حست نفس الإحساس وكانت حبه انها تفضل تبص لعيونه "فماذا سيحدث بينهم"
عند نوران وملك في المول التاني
ملك بتعب: نوران انا تعبت احنا بقالنا ساعتين بنلف ..
نوران بهدوء : عشان ملقناش حاجه حلوه...ثم اكملت: بصي يا ملك الفساتين دول هيبقوا حلوين علينا ..
ملك بإبتسامه: عندك حق يلا نروح نشتريهم...
، بعد ما اشتروهم
ملك بهدوء: انا عاجبني الاكسيسوار اللي هناك ده امشي انتي عقبال ما اشتريه...
فأومأت نوران بموافقه وذهبت
كانت نوران تسير في المول وفجأه الشنط وقعت منها فزفرت بضيق وانخفضت عشان تحملهم فخبطت في اسر بدون قصد
نوران بألم : اه ايه ده انا اتخبط في دولاب ولا ايه ...
اسر بغضب : احترمي نفسك ايه دولاب ديه انتي اللي مش مركزه ..
نوران بغضب: هو في واحد محترم يكلم بنت بالطريقه ديه.
فنظر لها اسر من رأسها حتي قدمها وقال : هي فين البنت ديه ، انا مش شايف غير طفله بتتكلم انتي لولا صوتك مكنتش شوفتك اصلا ...
نورانبحده : انتي بني ادم قليل الذوق ...
اسر بغضب :انا قليل الزوق...
نوران بعند: وقليل الادب كلام...
فغضب اسر اكثر ،في وقت خروج ملك
حاولت ملك ان تهدئ الجو ولكنه كان مشحون بينهم
فخرج يوسف لان اسر تأخر عليه اتفاجئ من تلك الملاك ذات العيون العسليه وذهب لهم
وقال لأسر :يلا عشان الشباب عايزينك، فذهب اسر بغضب دون ان يرد عليه فإعتذر لهم يوسف وذهب خلف اسر ثم مشيت نوران مع ملك فلاحظت نوران شرود ملك فقالت لها : ملك انتي كويسه ...
ملك بتوتر : انا اه كويسه كويسه...
نوران بمكر: شوفتي اللي اعتذر مننا كانت عيونه جميله صح ...
ملك بهيام: جمليه جدا ...، فادركت ما قالته ونظرت الي نوران فضحكوا هما الاتنين ورجعوا البيت .
عاد اسر مع يوسف وهو غاضب
سيف بهدوء : مالك يا اسر مين قدر وضايقك....
فنظر له اسر نظره اخافته
سيف بخوف: اعتبرني ما قولتش حاجه ...
فضحك فهد و يوسف ثم قال فهد ليوسف بتساؤل :هو في ايه....
فحكي لهم يوسف ما حدث فضحكوا جميعا
سيف بضحك: اول بنتتقول لأسر الجارحي كده دي اكيد هيرو بقي ههههه...
يوسف بضحك: انت ما شوفتش لما قالتله انت قليل الذوق كانوا عاملين ازاي ...
اسر بمكر : سيبكم مني دلوقتي انت ايه رأيك يا يوسف في البنت اللي كانت معاها...
،فسرح يوسف لما افتكرها فضحك عليه الجميع ثم عادوا الي القصر لكي يستعدوا للحفله .
واخيرا جاء الليل وموعد حفلتنا
في شقه جمال
جمال بنداء : يا نجلاء يلا فين الولاد ..
فخرجوا كلهم من الغرفه
نجلاء بإعجاب : ربنا يحفظكم يا رب ..
جمال ببعض من الغضب : يلا عشان منتأخرش... ونزل قبليهم ، فضحكوا كلهم ونزلوا هما عارفين انه بيغير عليهم وغضب لما لقي نوران ورودينا شبه الاميرات
في شقه محمد
محمد بنداء :يلا يا فاطمه يلا يا ملك جمال كلمني وقال ان هو نازل ...
فخرجت فاطمه وملك وكانت ملك جميله جدا ثم نزلوا وسلموا علي بعض طبعا مع دعاء الامهات بأن يحمي لهم جميلاتهم.
في القصر
كان محمود وفريد ومراد وهند وهبه وصفاء جاهزين ومنتظرين ابنائهم فينزل كل من فهد وياسين وسيف ويوسف واسر مع وسامتهم الساحره ثم تنزل كل من مليكه والاء وحنين فينبهر فهد وسيف بجمالهن
ثم ينتظروا محمد وجمال
بعد حوالي نصف ساعه يدخل جمال ومحمد وابنائهم فيصدم يوسف وملك برؤيه بعضهم وينبهر يوسف بجمالها و يصدم عمر وحنين ايضا برؤيه بعضهم ويفرح عمر بتحقيق امنيته ونوران ايضا انصدمت بأسر فهي لم تتوقع ان تراه مره اخري اما اسر كان يعرف انها ستأتي
فلاش باك
في المول بعد ان ذهب اسر وترك يوسف مع نوران وملك اتصل برجل من رجاله وقال له بأن يحضر له كل المعلومات عن نوران فهي الوحيده التي استطاعت ان تقف في وجهه وفعلا بعد نصف ساعه جائته كل المعلومات عنها وعرف انها ابنه جمال الذي سيأتي للحفله
باك
ولكنه انصدم من شكلها فهي كانت جميله بذاك الفستان. "كفايه صدمات😂 "
سلموا كلهم علي بعض وكل واحد عرف عن نفسه وكانت فعلا الحفله مثل حفله الاميرات والامراء حيث كانوا جميعا غايه في الجمال
فستان نوران

فستان ملك

فستان الاء

فستان مليكه

فستان حنين

فستان رودينا

بدله اسر

بدله يوسف

بدله سيف

بدله فهد

بدله ياسين

بدله عمر

محمود وفريد وجمال ومحمد ومراد بقوا اصحاب و واتفقوا جدا مع بعض وكانوا بيتكلموا مع بعض جوا القصر.
هبه وصفاء وهند ونجلاء وفاطمه بقوا اصحاب وحسوا انهم يعرفوا بعض من بدري وكانوا بيتكلموا في اول الجنينه .
عمر حب فهد وسيف ويوسف وياسين واسر واعجب جدا بذكائهم وخاصه اسر وبدمهم الخفيف وهما حبوه ووجدوه يشبهم كثيرا. في الصفات بس هو اكتر مرحا بقليل واصبحزا اصدقاء وكانوا بيتكلموا جنب البسين.
نوران وملك وحنين ومليكه والاء ورودينا حبوا بعض جدا وحسوا انهم يعرفوا بعض من سنين وكانوا قريبين من بعض في التفكير وكانوا بيتصوروا في الجنينه.
فأرادت نوران ان تكلم عمر وكانت ذاهبه له ولكن انزلقت قدمها فشدت اول واحد كان قدامها عشان متقعش ولحظها كان هو اسر ولكنه مكنش واخد باله فوقعوا هما الاتنين في البسين فبرغم من انها بتعرف تعوم الا انها معرفتش بسبب الفستان وكانت هتغرق فشدها اسر ورفعها خارج الماء فحضنته لانه الان طوق نجاتها
وكانت تحاول التنفس وتتنفس بصعوبه عند رقبته فتجمد جسده بسبب انفاسها علي عنقه وحين هدأت ابتعدت قليلا عنه ونظرت اليه فتاهت في بحر عيونه وتاه هو داخل قهوتيها وهو كان مازال ممسك بها وهي تلف يديها حول عنقه فزادت دقات قلوبهم وهما متناسيين ما يحدث حولهم وكانت هناك عيون تنظر لهم بصدمه واخري تنظر لهم بفرح وفجأه اتاها صوت والدها
جمالبحده وقلق : ايه ده ايه اللي بيحصل اطلعي يا نور من البسين ....، وهنا تداركت نوران ما يحدث فابتعدت عنه بسرعه بعد ان احمرت خدودها وكانت ستخرج ولكنها لا تستطيع فالفستان مبتل فخرج اسر من الماء واعطي لجمال الجاكت وذهب سريعا حتي لا يظهر لهم توتره وتأثره بما حدث ولكنه قبل ان يدخل الي القصر التفت فوجدها مرتديه جاكيته وكان يصل الي ما قبل ركبتيها بقليل فضحك و ذهب الي غرفته ليغير بدلته ولم يأخذ باله من العيون التي كانت تراقبه بفرح.
اراد جمال ان يذهب ولكن
هبه بهدوء: ازاي تمشوا والبنت بالمنظر ده هي دلوقتي هتطلع مع البنات تغير الفستان..
محمود : هبه عندها حق ده غير ان لسه فاضل بدري وعايزين نكمل سهرتنا
فكانت نجلاء ستعترض فقالت هند : خلاص بقا يلا كفايه نقاش... ،فوافق جمال ونجلاء علي البقاء قليلا
صعدت نوران مع البنات الي غرفه الاء واختارت لها الاء ومليكه احلي فستان موجود دخلت نوران
لتغير الفستان وشردت عندما تذكرت ما حدث ودقات قلبها التي زادت سرعتها ولكن افاقها من شرودها نداء ملك لها بقلق : نور انتي كويسه ..
نوران بهدوء : اه انا كويسه خارجه اهو ...وحين خرجت انبهر البنات بجمالها وضحكوا بفرح ثم نزلوا وانتظروها حتي تظبط حجابها وتنزل خلفهم
اما عند اسر كان يتذكر ما يحدث ويقول في داخله : انا ليه قلبي دقاته زادت كده مش معقول يمكن اكون لا لا مفيش حد بيحب حد بسرعه كده اه انا يمكن اكون اعجبت بعيونها ومرحها وضحكتها وخجلها ،ايه ده ايه اللي انا بقوله ده انا لازم اشيل الافكار ديه من دماغي... ثم ارتدي بدلته وخرج في نفس وقت خروج نوران فانبهر مره اخري من جمالها بهذا الفستان التي كانت فيه كالاميرات وهي انبهرت بوسامته فهي حتي الان لا تعرف تحديد لون عينيه وعندما ادركت انه ينظر لها خجلت واحمرت خدودها ونزلت اما هو تعجب من نفسه وما يفعله ثم نزل هو الاخر اليهم
وطبعا كانوا كلهم معجبين بجمالهم
فستان نوران الثاني

بدله اسر التانيه
ثم انتهت الحفله وودع الجميع بعضهم بعد ان اتفقوا ان يجتمعوا مره اخري غدا وذهب كل منهم الي بيته
"فيا ترا ماذا سيحدث غدا وهل سيعرف ابطالنا النوم اليوم ام لا "
توضيح بسيط "نوران وملك جيران " اما محمود ومراد وفريد " يعيشون في شارع ممتلئ بالقصور والفلات وهم يملكونها كلها "
البارت الرابع
بعد ذهاب جمال ومحمد ونجلاء وفاطمه واولادهم
ذهب كل من ابطالنا الي غرفته في غرفه اسر ،
اسر بيكلم نفسه : هو ايه الاحساس اللي انا حسيته ده ليه مقدرتش امنع نفسي من ان ابصلها بعد ما وعدت نفسي ولكنه وسط تفكيره افتكر شكلها وهي مرتديه جاكيته فضحك بشده ثم اراد ان ينام ولكن كل ما يغمض عينه تظهر له صورتها وتظهر عيونها له فيفتح عيونه ثم يغلقها فيراها مره اخري وعندما ارهقه التفكير استسلم للامر الواقع ونام وهو يري عيونها بعد ان اخذ قرار بأن يحاول عدم رؤيه نوران كثيرا. " ولكن يا ترا هل سيساعده القدر في ذلك"
في غرفه نوران كانت بتسأل نفسها: ليه ليه دقات قلبي زادت كده لما شوفت عيونه وقربت منه يمكن اكون لا ممكن اكون اعجبت بيه بس لكن مش حب ..
ولكنها كانت تتذكر عيونه ولونها التي لا تستطيع تحديدها وكيف غرقت فيهم وايه كل الغموض اللي في عينيه ده فقالت : انا طول عمري بقدر افهم الناس واقدر افهم لغه جسدهم وعيونهم انا رغم دخولي كليه الهندسه الا اني بحب دراسه علم النفس فأنا بفهم الناس وبقدر اخليهم ميفهمونيش او يفهموني وقت مانا عايزه بس هو فيه غموض مشفتهوش قبل كده ..وعندما ارهقها التفكير نامت
في غرفه عمر
كان بيفتكر عيونها العسلي اللي سحروه كان بيفتكر قد ايه هي بتتكسف فهو اعترف لنفسه انه احبها ثم نام "ولكن هل سيعترف لها"
في غرفه حنين
احبت جدا ذكاء عمر ودمه الخفيف رغم ان ابناء عائلتها فيهم هذه الصفات الا انها تشعر انه يوجد فيه شئ مختلف يجعلها دائما تريد النظر له ثم نامت وهي تحلم به
في غرفه ياسين
كان مستغرب جدا من رودينا فهو وجدها مرحه وعاقله في نفس الوقت واستغرب لما حاول يكلمها وهي كانت بترفض فرغم انها في سن مراهقه الا انها لم تتأثر به فهو بعد عناء طويل استطاع ان يقترب منها ويكون صديقها فهو شعر بأنه يريد التكلم معها والوقوف بجانبها
اما رودينا فكانت معجبه به الا انها كانت تعلم بأنه مجرد اعجاب بسبب سن المراهقه ولكن لم تعرف انها بدايه حب حقيقي
في غرفه يوسف كان معجب بملك ولكنه قال : يمكن انه بسبب رقتها ومرحها الشديد... هذا ما كان يقنع نفسه به فهو لا يريد التسرع في اي قرار رغم انه كان يعلم انه بدأ يقع في حبها.
ملك : كانت معجبه بيوسف في وجدت فيه الرجل المرح والعاقل في نفس والوقت وكانت تتذكر عيونه الرماديه وهو ينظر لها ثم نامت وهي تحلم به.
سيف : كان يتذكر كيف كانت مليكه مثل الاميرات فهو دائما يريد البقاء معها والتحدث اليها فهو قد اعترف لها من قبل بحبه ولكنها لم ترد عليه في ذلك الوقت فهو كان يعلم انها كانت تحبه الا انه كان يتركها الي ان تكبر اكثر ويتأكد من حبها له وعندما لم ترد عليه وقت اعترافه فهم خطتها وقرر مجاراتها ولكنه كان يتعذب فعلا ببعدها عنه ولكنه لم و لن يستسلم او يبتعد عنها
مليكه : كانت تتذكر سيف حبيبها نعم حبيبها فهي كانت تحبه من صغرها ولكنه في ذلك الوقت لم يكن يحبها وعندما احبها واعترف لها قررت ان تتركه يتعذب قليلا ببعدها عنه ثم تذهب اليه وتعترف بحبها له فهي كانت تتعذب حين ترا نفسها تحبه وهو لا يشعر بها ثم نامت وهي تبتسم
عند الاء لم تستطيع النوم وقررت الخروج فوجدت فهد يقف في الجنينه ايضا فذهبت له لتتحدث معه فقالت : انت ليه منمتش لدلوقتي...
فهد :مش جايلي نوم وانتي..
فقالت له نفس الاجابه ثم ضحكوا هما الاتنين فسرح في ضحكتها وبحركه لا اراديه منه قام بإحتضانها فصدمت هي فقالت له :سيبني ،فسبها ثم جريت هي الي غرفتها اما هو كان يقول في داخله : لن اتركك فأنتي دخلتي قلبي وعقلي ولن اتركك الا عند موتي ،ثم ذهب لغرفته ونام اما الاء فكانت دقات قلبها لا تريد ان تهدا فهي كانت تحب فهد منذ طفولتها وصدمت حين احتضنها فهي لم تكن تتوقع ذلك ثم نامت وهي مبتسمه
في صباح اليوم التالي
استيقظ اسر ويوسف وسيف وفهد وذهبوا الي الشركه فاليوم هو اليوم الذي يذهب به يوسف معهم الي الشركه لمساعدتهم ولا يذهب الي المستشفي
وبعد ذهابهم فتحت هبه الباب لهند ومليكه و صفاء ونزلت حنين والاء ثم جلسوا مع بعض
هند: شوفتوا اللي حصل امبارح بين اسر ونوران...
صفاء : ولا لما سرحوا في عيون بعض كده ..
مليكه بضحك :اه فعلا تحسيهم راحوا مكان تاني كده هههههههه...
الاء : هيبقوا كوبل حلو جدا تخيلوا كده اسر الجد الصارم مع نوران المجنونه المرحه هههههه...
حنين بضحك: مش قادره اتخيل منظرهم هيبقوا نوع جديد كده ههههههه ...
مليكه :هيبقوا كوبل مفيش منه اتنين ...
هبه : نوران بنت كويسه وشاطره وذكيه ولذيذه وشبه البنات واحب ان هي تنضم لعيلتنا وتبقي لأسر ....
صفاء: المشكله دلوقتي هنخليهم يشوفوا بعض ازاي كل شويه عشان نقربهم من بعض ونوران لو هتيجي بالنهار اسر بيبقي في الشركه ونوران صعب تيجي بليل ....
هند :طب انا عندي فكره نقربهم بيها ..
فنظروا جميعا اليها بترقب فضحكت
وقالت : نوران امبارح قالت ان هي خريجه هندسه وواخده كورس في البورصه والشركه بتشتغل في الاتنين فاحنا هنخليها تشتغل في الشركه ....
مليكه : الشركه كبيره وبرضه مش هتعرف تتقابل كتير مع اسر ده احنا كده بنبعدها مهو ممكن حد تاني يعجب بيها صح ...،فنظروا لها واومأوا بالموافقه...
الاء : طب ما نخليها المساعده بتاعته بما ان الشغل كتر علي اسر ..
حنين: فكره حلوه بس نوران هتقبل ان هي تبقي مساعده انتي شوفتي هي كبريائها عالي جدا ...
فقالت الاء: هنقنعها رغم ان هي ذكيه وممكن تفهمنا الا ان احنا هنحاول وبرضه فرصه تبقي معانا هناك احنا كنا هنروح نشتغل في الشركه الفتره الجايه.....فوافقوا جميها.
هبه :طيب كده هنخليهم يشوفوا بعض بالنهار طب وبليل..
صفاء بتفكير: احنا الشارع بتاعنا كبير يعتبر كومبوند بتاعنا وعليه بوابه من بره فإيه رأيكم نخلي محمود وفريد ومراد يقنعوا جمال ومحمد ينقلوا ويعيشوا هنا...
فقالت هبه :فكره جهنميه واديها هتبقي بحجه الصداقه وهنبقي مع نجلاء وفاطمه. ...
فوافقوا جميعا ثم كلمت مليكه فهد وقالت له علي الخطه فقال للشباب ما عدا اسر ووافقوا فهم شافوا نوران مثل اختهم واحبوا ان تكون مع اسر وكان يوسف فرحان فهو سيري ملك كل يوم بهذه الخطه
ثم اتصلت هبه بمحمود وقالت له فوافق هو وفريد و مراد فهم ايضا احبوا نوران كابنتهم ثم قررورا تنفيذ الخطه فنوران ستأتي بعد قليل مع ملك ليقنعوها
"فيا ترا ماذا سيحدث وهل ستنجح الخطه ،انتظروا البارت التالي"
٥&٦
البارت الخامس
في شقه جمال.
نوران : ايه ده ماما مصحتنيش زي كل مره ولا قمت مفزوعه زي كل يوم هو ايه اللي حصل انا قلقت... وفجأه تدخل نجلاء .
نوران: طالما دخلت الدخله اللي تفزع ديه انا كده اطمنت ..
ثم تقول والدتها : ايه ده نوران بنتي انا صاحيه لوحدها هو ايه اللي حصل للدنيا مين مات ..
فقالت نوران بمرح : وداع يا دنيا وداع علي الباع ومكملشي الحياه بيك او منغيرك هتمشي...
،فنظرت لها والدتها ثم خرجت وتضحك علي ابنتها المجنونه كالعاده.
خرجت نوران من غرفتها واتصلت بملك لكي يذهبوا الي قصر الجارحي
نوران: يلا يا ملك عشان عايزه ارجع ليهم الفستان وعايزه اشوفهم وحشوني..
ملك :تمام انا اصلا كنت جهزه...
،ونزلوا هما الاتنين وذهبوا الي القصر فرحبت بهم هبه وهند وصفاء وهم ينظرون نظره جانبيه لمليكه والاء وحنين ليبدأوا بتنفيذ خطتهم فذهبوا وجلسوا مع بعض.
مليكه : وحشتينا جدا يا نور...
نوران بإبتسامه :وانتو اكتر والله...
ملك: وانا موحشتكمش ههه..
الاء بمرح :لا موحشتيناش هههههههه...
فضحكوا جميعا ثم
الاء: بصي يا نوران انتي متخرجه من هندسه صح ..
فأومأت لها نوران بمعني نعم.
فأكملت : واكيد انتي محتاجه تدريب علي الشغل فإيه رأيك لو تشتغلي معانا في الشركه نبقي قريبين من بعض وفي نفس الوقت بناخد خبره شغل ... ها ايه رأيك.
نوران بتفكير : اممم موافقه كده كده انا كنت عايزه اشتغل .
مليكه : تمام من بكره تروحي الشركه هتلاقي كل حاجه جهزه واحنا هنروح من بعد بكره تمام...
نوران بتفكير وشك: رغم اني حاسه ان في مشكله هتحصل او مصيبه مش فارقه كتير الا اني هجرب...
فإبتسمت مليكه وحنين والاء ثم قالت
الاء : وانتي يا ملك برضه هتشتغلي معانا بس زينا من بعد بكره اما نوران بكره عشان هما محتجاينها....
فوافقت ملك.
ارادت نوران ان تعيد الفستان ولكنهم لم يوافقوا فعادت به هي وملك ولا يعلمون ما ينتظرهم.
اما في القصر كانوا فرحين بشده من كواغقه ملك ونوران..
في شركه الجارحي
ذهب يوسف وسيف وفهد ليجهزوا المكتب لنوران وهم خائفين من رد فعل اسر
سيف :مش قادر اتخيل شكل اسر لما يعرف ان احنا هنجيبله مساعده ...
يوسف: المشكله الكبيره انها نوران دول مش بيطيقوا بعض. ...
فهد : انا متشوق اني اشوف رده فعلهم هما الاتنين ...
، ثم ضحكوا جميعا وغادروا.
في الشركه الرئيسيه
محمود : بص يا جمال انت بقيت صديقنا انت ومحمد واحنا بنحب ان احنا نكون مع بعض فإيه رأيك لو تنقلوا وتعيشوا في فيلتين من بتوعنا ...
جمال : ازاي يعني يا محمود...
محمد : مينفعش خالص اللي انت بتقوله ده...
فقال فريد: ومينفعش ليه انتوا هتشتروهم مننا بأقل سعر وبالتقسيط لو تحبوا حتي نبقي كلنا مع بعض...
مراد : ده غير ان احنا عندنا امان انت عارف ان البوابه مش بتتفتح بعد وقت معين باليل احنا بنحدده وفي كاميرات...
ففكر جمال ومحمد ووجدوا انها فرصه جيده خاصه وهم يعلمون ان ابنائهم اصبحوا اصدقاء لأبناء فريد ومراد ومحمود ،فوافقوا.
فقال محمود : وهتنقلوا بكره بمعني ان علي الساعه اربعه تكونوا سكنتوا...
ففتح جمال ومحمد فمهما من الصدمه
جمال : احنا مش هنلحق ..
فقال مراد : من بكره الساعه سبعه هيبدأ النقل وكل حاجه في الفيلتين جاهزين علي اعلي مستوي...
فإستغرب جمال وقال محمد : انتوا ليه عايزينا ننقل بالسرعه ديه واشمعنا الساعه سبعه يعني...
فريد : عايزين نعملها مفاجأه للاولاد وهنبعت صفاء وهند وهبه يساعدوا مدام نجلاء ومدام فاطمه...
ولم يسمحوا لهم بالتفكير حيث اتصل مراد بالعمال وحجزهم للغد. فوافق جمال ومحمد.
ثم عندما عادوا لبيتهم قال كل منهم لزوجته فوافقوا
ثم حل الليل ونام جميع الابطال ومنهم من يشعر بأن غدا هناك شيء سيتغير ومنهم من متأكد من ذلك ..
جاء الصباح وهو يحمل أحداث كثيره
استيقظت نوران فزعه مره اخري بسبب والدتها
نوران : ماما ممكن تسيبيني انام ولو ليوم واحد من غير ما تصحيني بالطريقه ديه...
نجلاء: كان نفسي يا بنتي بس كده هتتأخري علي شغلك في اول يوم... ثم خرجت .
قامت نوران وقامت بروتينها ثم ارتدت ملابس كلاسيكيه ونزلت لتذهب الي الشركه.
استيقظ اسر وابطالنا ثم ذهبوا الي الشركه وبعد ذهابهم ذهبت هند وهبه وصفاء الي نجلاء وفاطمه ليبدأوا بالنقل.
دخلت نوران الشركه وكانت منبهره من جمالها فهي اول مره تراها ثم سارت فقابلها فهد
فهد بإبتسامن: نورتي الشركه يا نوران ..
فقالت نوران : بنوركوا انتوا، هو بقي فين مكتبي ...
،فأخذها فهد الي مكتبها ولكنها لاحظت انه يوجد باب لمكتب اخر
نوران : هو بتاع مين المكتب ده ...
فقال لها فهد :هتعرفي لما تدخلي...
وتركها وذهب دون ان يضيف شيئا اخر.
فنظرت نوران وقالت :المكتب جميل جدا وذوقه حلو بس بالنسبه للمكتب اللي جنبه فهو يشبه مكاتب المساعدين ايه مساعدين انا جايه هنا كمهندسه انا مش فاهمه حاجه ...
فتذكرت كلام فهد بأنها ستفهم حين تدخل ثم استدارت وذهبت الي ذاك المكتب وفتحت الباب ودخلت فصدمت حين وجدت من ينظر لها بإستغراب وصدمه انه اسر الجارحي .
اسر بإستغراب : انتي ازاي تيجي هنا وتفتحي الباب كده وايه اللي جابك اصلا...
فقالت له نوران بعصبيه : انا جايه هنا عشان شغلي ...
اسر بحده :شغلك مين اللي سمحلك وانا مدير الشركه ديه. ...ثم توقف حين تذكر قلق فهد وسيف ويوسف وعرف انهم السبب ، فوقف وقال بهدوء : انتي حتي لو بتشتغلي هنا ايه اللي جايبك لمكتبي...
فقالت له وهي متعجبه من هدوءه: عشان فهد قالي ان ده مكتبي وشاورت علي المكتب الذي يجب ان يكون لمساعد اسر ،فوقف وقد تمكن منه الغضب المفرط وخرج كالإعصار الي مكتب فهد فوجد هناك سيف ويوسف ايضا فتوجه نحو فهد ولكمه ثم الي سيف وكل هذا تحت انظار نوران وفجأه دخل محمود وقال : ايه المهزله اللي بتحصل هنا دي...
فجري كل من سيف وفهد ويوسف الي محمود يتحامون به" هم قد اتصلوا به بعد خروج فهد مباشره من مكتب نوران لأنهم كانوا يتوقعون ان هذا ما سيفعله اسر"
قال اسر: انا موافقتش انها تيجي تشتغل معايا وتكون مساعدتي. ...
فقال محمود بصرامه : بس انا وافقت ولا موافقتي مش كافيه يا اسر....
اسر بعد ان هدأ قليلا: بس انا مش عايزها تشتغل معايا...
نوران بعصبيه : ولا انا عايزه اشتغل معاك انا اصلا مكنتش اعرف اني هبقي مساعدتك ولا اعرف اني هبقي مساعده اصلا ....
محمود : انتوا بقي مش بتحترموا وجودي ولا ايه... فسكت اسر ونوران ،اكمل محمود : انتي يا نوران هتشتغلي مساعده اسر وانت يا اسر هتقبل نوران مساعده ليك احنا هنا في شغل مش هنا عشان نلعب ويلا كل واحد علي مكتبوا انتهي الكلام....
فنظر اسر بغضب الي نوران فوجدها تنظر له ايضا بغضب ثم نظروا هما الاتنين لسيف وفهد ويوسف فوجدوهم يكتمون ضحكاتهم فذهبوا وهما يتوعدون لبعضهم. بعد خروجهم ضحك فهد وسيف ويوسف ومحمود فهم الان تأكدوا من انهم سوف يضحكون كثيرا بسبب ذلك الثنائي.
عند اسر ونوران.
نوران بهدوء : بص بقي لا انا بطيقك وواضح ان انت كمان بس لازم نتأقلم علي الحال ده...
اسر بسخريه: وهو انتي بقي هتعرفي تشتغلي ..
نوران بثقه : طبعا ..
اسر بهدوء:هنشوف خدي الورق ده اشتغلي عليه ،...فخدتهم منه وخرجت وهي تشتمه بصوت منخفض ،ولكنه سمعها ونظر لها بتوعد بأنه سوف يتعبها في الشغل فهي لا تعلم كيف يكون العمل مع اسر الجارحي
في قصر الجارحي الساعه الرابعه والنصف كان الجميع هناك ما عدا نوران واسر وكانوا كلهم بيضحكوا بعد ان حكي لهم فهد وسيف ماحدث
اما في شركه الجارحي
كانت نوران مشغوله وتعبانه بسبب العمل الكثير الذي كلفها به اسر اما اسر كان يراها علي اللاب توب عن طريق كاميرا المراقبه وهو يقول : عنيده وعندها اصرار رهيب انا اديتها كل الورق ده عشان متقدرش عليه فأقدر اخدها حجه واطردها بس رغم تعبها الا ان هي مصره تكملهم كم هي جميله وهي تعمل ايه اللي انا بقوله ده ....
فقفل اللاب توب ثم وقف ونظر من زجاج مكتبه فكان يوجد حائط كامل من الزجاج الذي يطل علي النيل فهو كان في الدور الحادي عشر الدور الاخير وفجأه اتاه اتصال من والده يخبره فيه ان يعود فقد تأخر هو ونوران في الحقيقه هو لم يتأخر ففي العاده يذهب الي المنزل متأخر من كثره العمل وقال له والده ان يعيد نوران معه الي القصر فجميعهم هناك فوافق وخرج لنوران فتفاجأت بخروجه.
اسر بهدوء: يلا قومي عشان نمشي ...
نوران بحده :بس انا لسه مخلصتش ومش هروح معاك ،...فسحبها معه بالقوه ونزل الي الجراج وادخلها داخل سيارته وقادها الي القصر دون ان ينطق بينما نوران لم تتوقف عن الكلام والتذمر
نوران: انت واخدني معاك ليه متسبني امشي انا هعرف اروح لوحدي...
اسر بحده : ممكن تسكتي بقي صدعتيني انا واخدك عشان اهلك موجودين عندنا لكن غير كدا مكنتش هاخدك اصلا معايا ... فصمتوا هما الاتنين وعندما وصلوا
سلموا عليهم هناك ثم
قالت نوران: انا تعبت شويه النهارده هنروح امتي ...
جمال بهدوء: بصي يا نوران في مفاجأه وهي ان احنا ومحمد خدنا فيلتين هنا ونقلنا النهارده ...
فنظرت نوران الي اسر وقالوا سويا في نفس اللحظه: يعني ايه يعني هنشوف بعض كل يوم. ....
ثم نظر اسر لهم بغضب وذهب الي غرفته بينما
ضحك الجميع عليهم ثم لاحظوا ارهاق نوران فذهب كل من جمال ومحمد الي فيلته
"وانتهي اليوم الممتلئ بتلك الأحداث منتظرين اليوم التالي متمنيين ان يكون افضل "
البارت السادس
في فيلا جمال
كالعاده تستيقظ نوران فزعه
نوران بغيظ: يا ماما والله ما ينفع اللي بيحصل هتقطعيلي الخلف او هتجيبيلي ازمه قلبيه في يوم من الايام ... فسمعت صوت ضحكات فنظرت فوجدت الاء ومليكه وحنين هيموتوا من الضحك وملك كانت متعوده علي كده فكانت بتضحك عادي.
الاء بضحك: يخربيتك يا نوران ههههههه مش قادره ههههه...
حنين بضحك: ازمه قلبيه او ايه هههههههه...
مليكه بضحك :او قطع الخلف هههه انا متخيلتش انك بتبقي مجنونه حتي وانتي صاحيه من النوم....
ملك بضحك: لا اتعودوا انتوا لسه مشوفتوش حاجه ههههههه...
نوران بضحك : ايه انتوا كلكوا عليا ولا ايه وايه الدخله اللي انتوا دخلينها دي بتفكروني بالبوليس بيقتحموا مش بيدخلوا...، فضحكت الفتيات اكثر وعندما هدأوا
قالت نوران: انتوا بقي بدبسوني امبارح ومقولتوش ليا علي اني هبقي مساعده...
فنظروا لبعضهم
مليكه بهدوء:وفيها ايه مساعده يا نور مهو احنا برضه هنبقي مساعدين ليهم هناك...
نوران بهدوء: المشكله الاساسيه مش في ديه المشكله اني مساعده اسر ده تعبني امبارح في الشغل جدا وهو اول يوم ليا في الشغل ده غير الخناقات اللي حصلت امبارح من الاخر انتو ركبتوني المراجيح ....، فضحكوا البنات مره اخري وفي ذلك الوقت تذكرت نوران وقالت
نوران: هي الساعه كام...
ملك : الساعه سبعه ونص...
قفزت نوران من علي السريرةوهي تصرخ : سبعه وايه وعمالين تتكلموا معايا وانا بقول مراجيح ده اسر اللي هيركبهالي النهارده وعليها عرض لفتين بالصاروخ او قطر الموت.... ثم جريت وارتدت ملابسها بسرعه رهيبه ، والبنات كانوا يضحكون عليها
ملك بضحك: نوران اهدي لسه فاضل شويه علي الشغل...
نوران بإستغراب :شويه ايه المفروض ابقي هناك مع اسر او قبله لكن مش بعده....
مليكه بضحك : هو مش قال ليكي ولا ايه ..
نوران بغضب: قال ايه مقاليش حاجه... فضحكوا كلهم
نوران بغيظ: بتضحكوا علي ايه ...
الاء بضحك: بصي النهارده من كل اسبوع الشركه بتفتح الساعه تسعه مش سبعه....
نوران بغضب وهي بتكلم نفسها وهي تتحرك في الغرفه ذهابا وايابا دون ان تسمح لهم بالرد:طيب هو ليه مش قال ليا لا هو قصدها هو كان عايز يضايقني من امبارح...
فنظرت ملك لمليكه وحنين والاء وجدتهم مستغربين اللي بيحصل فتقول بضحك : عشان كده قلت انتوا لسه مشوفتوش حاجه... ، فنظروا لها وهم يضحكون
حنين بهدوء: نوران كفايه بقي حركه دوختيني....
نوران بحده : حنين انا اكبر منك انتي بتزعقيلي ..
حنين بسخريه: لا واضح ان انتي اكبر..
الاء بضحك: المهم بقي احكي ايه اللي حصل امبارح في الشركه... ، فحكت لهم نوران كل ما حدث ، فضحكوا كثيرا عليها وعلي اسر فهم كانوا يعرفون انه سيغضب لذلك اتصلوا بمحمود لانه الوحيد هو وهبه اللذين يستطيعون الوقوف امامه ،ثم اتت الساعه الثامنه والنصف فخرجت البنات ليذهبوا الي الشركه.
في قصر الجارحي
استيقظ اسر وهو يتخيل رد فعل نوران ويضحك عليه لأنه لم يقول لها ان الميعاد اليوم الساعه تسعه ثم نزل وكلم اسر ويوسف وسيف لكي يستعدوا للذهاب للشركه وهو متشوق ليري رد فعلها فهو يعلم ان الاء ومليكه وحنين اخبروها بذلك ولكنه ايضا يعلم بأنها لن تفوت الامر ثم ذهبوا للشركه وعند وصولهم قاموا بتقسيم المكاتب وايضا تفاجئوا بوجود عمر هناك فرحبوا به
فقال عمر: انا هشتغل هنا معاكوا..
فرد عليه الكل وهم فرحانين لانهم يحبون عمر وانبسط اسر من ذلك فهو يعلم بذكاء عمر ..
تم تقسيم المكاتب
فهد ومساعدته الاء
سيف ومساعدته مليكه
يوسف ومساعدته ملك
عمر وحنين مع بعض بس من غير ما حد يكون رئيس التاني. وذهب كل منهم الي مكتبه..
عند فهد ، عرف الاء علي الشغل اللي المفروض تعمله وكان بيديها شغل قليل .
فهد : عرفتي هتعملي ايه..
الاء: اه عرفت ودلوقتي هروح اعمله فسمح لها بالخروج ..،وبعد خروجها
فهد بإبتسامه : واخيرا يا لؤلؤتي هنبقي مع بعض كتير عقبال بقيت العمر كله.... في الخارج
الاء بإبتسامه : انا بحبه وعارفه انه بيحبني بس لازم يعترف الاول بحبه ليا مش بحب التملك ده....ثم قامت بعمل شغلها.
في مكتب سيف
مليكه : فين الشغل يا سيف ...
سيف وهو سارحان فيها : شغل ايه ...،فنظرت له مليكه بغيظ
سيف بضحك: خلاص خلاص خدي الورق ده اشتغلي عليه... فأخذته وخرجت
سيف بهيام: اه علي اسمي منك يا مليكتي انا اعترفتلك فاضل انتي امتي بقي تحني عليا...
في الخارج ،مليكه: عيونه الخضر اللي مجنني دول... ثم تذكرت لما كان سرحان فيها فضحكت وهي تقول: ولسه انا هجننك يا سيف لحد متعترف قدام الكل بحبك ليا...
في مكتب يوسف
يوسف كان جالس هو وملك ويقول لها ما يجب ان تفعله واعجب جدا بذكائها وكان كل ما ييجوا عيونهم في بعض بيسرحوا فكان الاتنين معترفين بحبهم لأنفسهم من اول نظره ولكن لم يعترفوا لبعض بذلك فهي سوف تجعله يعترف اولا ويوسف كان يفكر بأنه سوف يعترف لها ولكن في الوقت المناسب
عمر وحنين "عصافير الحب هههه"
كان عمر يتوه في عيونها وينتظر دائما ان تنظر له لكي يغرق داخل تلك العيون التي قامت بأسره
وكانوا يتكلمون في امور الشركه احيانا واحيانا في امور اخري فهو يريد ان يكون صديقها الاول ثم يصارحها بحبه.
عند مجنونتنا و الاسر
نوران بغضب :انت ليه مش قولتلي ان المفروض اجي تسعه مش سبعه....
اسر ببرود:نسيت اقولك ...
نوران بغضب اكبر:يعني ايه نسيت ديه ..
اسر وهو يكتم ضحكته :يعني نسيت المهم
بصي يا نوران انا في حاجات مش قولتهالك امبارح اولا انا بشرب قهوه ثلاث مرات في اليوم مره اول ما باجي الشركه ومره الساعه اتناشر ومره الساعه اتنين ونصف..
نوران بهدوء: بس ده مش شغلي..
اسر بابتسامه جانبيه : لا ده هيبقي شغلك ولو مش عايزه تقدري تروحي لمحمود بيه وتقوليله انك عايزه تستقيلي ..
نوران بتحدي: لا واستقيل ليه مش انا اللي بتستسلم..
اسر بمكر: تمام متقطعنيش تاني ثانيا عندك الورق اللي هدهولك لازم يخلص في نفس اليوم الا لو انا قولتلك كفايه ثالثا متتأخريش في المواعيد رابعا مش هسامح علي اي غلطه حتي لو كانت صغيره خامسا تحددي مواعيدي وتكتبيها وتفكريني بيها
ولو لقيت حاجه تانيه هبقي اقولهاك...
نوران بغيظ: تقول ايه تاني انت ناقص تاخد كليتي بالمره ...
اسر ضحك في سره فهو قد سمعها فقال: بتقولي حاجه ...
نوران بإبتسامه جانبيه:لا خالص هروح اقولهم يعملوا القهوه ...
اسر ببرود:لا هتعمليها انتي..
نوران كانت ستعترض ولكنها قررت الصمود امامه : تمام عن اذنك...
وخرجت عملت القهوه ثم اعطتها له، فقال لها دوقيها
نوران بإستغراب : ليه..
اسر بهدوء: ممكن تكوني حطيتي فيها سم ولا حاجه ..
نوران اخدت القهوه منه وشربت منها ثم اعطتها له وقالت : اهو شربت منها هطلع بقي عشان اكمل الشغل...
بعد خروجها ضحك اسر فهو توقع بأن توافق علي الشروط بسبب عنادها ولكنه ايضا توقع ان تقوم بتسميمه من جنونها ثم شرب قهوته ، ثم جاء وقت الراحه ذهبت نوران وجلست مع الفتيات في مكتب الاء تحدثوا قليلا وقالت لهم عن شروط اسر فضحكوا كثيرا وكانت هي تريد ان تضربهم لانهم السبب في ما يحدث لها
ثم انتهي وقت الراحه وذهبت كل واحده منهم الي مكتبها وبعد جلوس نوران علي كرسي مكتبها جائت في بالها فكره لمقلب تنتقم فيه من اسر وما يفعله بها
"فيا تري ايه هو المقلب ده وايه ردت فعل اسر عليه"
تكملة الرواية من هنا 👇👇👇
تعليقات
إرسال تعليق