نور الأسر بقلم نوران جمال من البارت السابع حتى البارت الثاني عشر كامله على مدونة النجم المتوهج للروايات

نور الأسر

بقلم نوران جمال

من البارت السابع حتى البارت الثاني عشر

كامله على مدونة النجم المتوهج للروايات

 ٧&٨

البارت السابع

في قصر الجارحي 

كانت نجلاء وفاطمه يجلسون مع هبه وهند وصفاء يتكلمون عن امور عديده ثم 

هند بإبتسامه : انا انبسط جدا لما الاولاد بقوا كلهم اصحاب..

نجلاء بإبتسامه :فعلا تحسي انهم يعرفوا بعض من سنين..

صفاء بمكر : ايه رأيك انتي فيهم يا فاطمه ...

فاطمه بهدوء: طبعا هم اصدقاء كويسين جدا لبعض يعني في الاول كانت ملك ونوران بس الاصحاب اما دلوقتي عددهم كبر والصداقه كبرت وديه حاجه تفرحني انا ونجلاء عموما..... ،فأومأت لها نجلاء بمعني نعم. 

نجلاء بتساؤل: مالك يا هبه سكته ليه ...

هبه : لا اصل كنت بفكر في حاجه ...

صفاء وقد فهمتها : ايه هي قولي لينا ..

هبه : ايه رأيك نقسم الاولاد لثنائيات عايزين لما يتجوزا يتجوزا من بعض انا لاحظت ان عدد البنات كلهم هو نفس عدد الاولاد...

فضحكت نجلاء وقالت: وديه هنقسمها ازاي بقي ..

ضحكت هبه وهند وصفاء بسريه 

هند بمكر: بصي يا نجلاء كلهم اصلا مقسمين بعضهم عندك فهد والاء بيحبوا بعض وبيكابروا ..،فضحكت نجلاءثم قالت : واكيد مليكه وسيف بشوفهم كتير بيبصوا لبعض بس من غير ما التاني ياخد باله. ...

فأكملت هند : وبنحس كتير ان يوسف بيحب يتكلم مع ملك... فأومؤا لها جميعا بالموافقه ، فأكملت : و ياسين ورودينا من سن بعض فمش اتبقي غير اسر ونوران.... 

فقالت نجلاء بهدوء : بس احنا كده بنحدد هما هيعملوا ايه وده مينفعش لازم نسيبهم يختاروا ديه في الاول وفي الاخر حياتهم هما... 

هبه: مهو احنا قولنا كلهم بيحبوا بعض بس بيكابروا 

فاطمه: انا مع هبه بس نوران واسر مظنش ان هما بيطيقوا بعض اصلا يبقي هيحبوا بعض ديه هتبقي صعبه شويه هههههه..

صفاء بضحك: ولا صعبه ولا حاجه هما بدئوا ينجذبوا لبعض وده باين من عنيهم خاصه في الحفله كان واضح جدا ...

نجلاء: هم لو ليهم نصيب مع بعض ربنا هيسهلهلهم ...

هند: احنا بس نبقي نحاول نقربهم من بعض نبقي عملنا حاجه ،فوافقوا جميعا..... 

في الجنينه 

كان ياسين بيكلم رودينا 

ياسين: ايه بقي يا رودينا مالك ساكته ليه ...

رودينا : طب نتكلم في ايه ...

ياسين بإبتسامه :بصي مبدأيا كده احنا هنبقي اصحاب.. 

رودينا : رغم ان انا مش بصاحب صبيان بس طالما انت ماشي. ..

فرح ياسين جدا لانه علم انها تعامله معامله مختلفه وقال: تمام بتلعبي رياضه.. 

رودينا :اه سباحه وشويه كره طائره ..

ياسين :تمام يلا نلعب كره طائره ..، ثم ذهبوا ولعبوا كثيرا وهم مسرورين بسبب ذلك فهي اصبح قلبها يدق له ولكنها تقول لنفسها انها فقط تعيش سنها ولكنه عندما عرض عليها الصداقه فرحت جدا ووافقت فعلي الاقل هيبقي ليها سبب تكلمه اما ياسين كان فرحان جدا لانه هكذا يستطيع التقرب منها فهو استطاع ان يعرف ان ما بداخله اتجاهها هو الحب وليس شئ اخر لذلك فهو لن يستسلم الا حين يجعلها تحبه.... 

في شركه الجارحي 

كانت الساعه اتنين وهو وقت قهوة اسر فذهبت نوران لتعدها وقامت بوضع بودره فلفل شطه و مليين ..

ثم ضحكت وهي تنتظر ان تراه بعد المقلب فتوجهت لمكتبه وفتحت الباب 

نوران بإبتسامه : القهوة يا اسر.. 

فشاور اسر لها علي المكتب لتضعه عليه ،ولأنه كان مشغول في العمل فلم يسألها ان تذوقوا وعندما شرب منه لم يستطع التحمل بسبب الشطه الزياده ده غير ان قهوته ساده فشرب مايه بسرعه ثم 

وقف وقال بغضب وصوت جهوري يرعب: انتي حطيتيلي شطه في القهوه ...

نوران خافت جدا منه فهي لم تتوقع ان يغضب هكذا فهي ارادت اغضابه ولكن ليس لهذه الدرجه 

نوران بتوتر وخوف: انا انا ..ثم قالت بشجاعه مصطنعه : ايوه حطيت فيها شطه عشان انت عمال ت.. ولم تكمل جملتها حيث انه في لمح البصر كان يقف امامها ويمسك بزراعها بقوه

اسر بصوت مرتفع: عشان انا ايه ها انطقي... 

نوران مبقتش قادره تنطق وكانت تحاول منع دموعها من الهطول بصمت 

اسر عندما وجدها تكاد تبكي وخائفه منه الي هذا الحد حزن جدا من نفسه وزادت دقات قلبه فهو كان يحب ان يري خوف الاخرين منه اما هي هو لا يعلم لماذا تختلف عن الآخرين بالنسبه له 

نوران بهدوء: اسر ارجوك ايدي انت بتوجعني ...

اسر ساب ايديها وقال: اطلعي بره دلوقتي عشان مش تتأذي ،... فخرجت وهي تتمتم بغيظ.... 

فأتت الاء بالصدفه فوجدت نوران هكذا فقالت :نور مالك ايه الحصل.. 

نوران بغيظ: زعقلي جامد يا الاء... ،فأتت مليكه وحنين وملك 

فقالت ملك : طب زعقلك ليه يا نور اكيد في مصيبه او مشكله انتي عملتيها ..

نوران بغيظ: ده كله عشان حطيت ليه شطه في القهوه.. 

مليكه بصراخ: نعممم يا نوران شطه في القهوه وعايزاه يعمل ايه انتي غلطتي يا نور..

الاء: بس فعلا انتي الوحيده اللي عملت كده بجد مع اسر الجارحي ...

ملك بضحك: انتي مجنونه بس مكنتيش بتعملي مقالب كتير ويوم ما تعملي تعملي في اسر بس حقيقه يا دماغك الجهنميه ههههه، وضحكت البنات كلهم وضحكت نوران ايضا 

مليكه:بس انتي كان شكلك خايف اوي ده كله عشان كده ...

نوران : مهو انتي مشوفتيش شكله وهو متحول كان شبه دراكولا او هيتحول للرجل الأخضر هههه...،فضحكوا اكثر ثم استعدوا للذهاب ،نوران لم تقل لهم انه كاد ان يكسر يدها فهي لا تحب ان تبان ضعيفه فكان غضبها يتزايد عندما تتذكر انها كادت تبكي امام اسر وامام الفتيات لذلك ضحكت معهم في الاخر ولكن الذي حيرها هي دقات قلبها التي زادت وارتفعت حين اقترب منها فقد قالت انه يمكن ان يكون من الخوف ولكنها في داخلها كانت تعرف انه من الحب ولكنها تحاول ان تنسي تلك الفكره. 

اما عند اسر كان غاضب ولكنه فجأه ضحك علي جنونها فهي حقا تفعل تصرفات غريبه حيث انها بعدما خرجت فتح اللاب توب وقام برؤيتها عن طريق كاميرا المراقبه واستغرب انها ضحكت في الاخر وكأن شئ لم يكن واستغرب اكثر حين لم تقول لهم كل ما حدث وبذلك عرف انها فعلا قويه وذات كبرياء عالي ولكن قاطعه صوت دقات قلبه التي تزايدت حين سمع صوت ضحكاتها فقال: فعلا اد ايه هي جميله ومختلفه.. ،ثم اكمل: واضح فعلا ان انتي بقيتي خطر عليا... .ثم استعد للذهاب الي القصر وعندما ذهب وجدهم جميعهم هناك. 

قصر الجارحي 

دخل اسر وسلم عليهم ثم ذهب وارتدي ملابس كاجوال "سبور" ونزل علي الغداء وهنا تذكرت نوران ان المليين التي وضعته في القهوه سيبدا مفعوله حين يأكل فبعدما اكلوا فجأه تألم اسر وامسك بطنه وذهب مسرعا الي الحمام 

في الخارج 

محمود بإستغراب :هو فيه ايه ليه تعب كده ...

هبه: لو قلنا ان المشكلة في الاكل كنا تعبنا احنا كمان.. 

نجلاء: يمكن شرب او اكل حاجه بره البيت عملت فيه كده ..

فهد: بس اسر مش بيشرب غير قهوته ...، فنظر الشباب والبنات الي نوران بتعجب 

مليكه بتوجس : نوران اوعي يكون اللي في بالي صح ..

فأومأت نوران بمعني نعم

هند بتساؤل:هو ايه اللي حصل ..

فتوترت نوران ولكنها شجاعه ولن تخفي ما فعلته وحكت لهم كل ما حدث ،ضحك فهد وسيف ويوسف وياسين وعمر جدا اما الفتيات فلم يتوقعوا ان تفعل كل هذا اما الباقي كانوا مصدومين من فعلتها فتوجه لها جمال وكان يريد ان يعاتبها ويزعقلها ولكن فجأه ذهبت هبه واحتضنت نوران وهي تضحك كما كان يضحك الجميع..

فقال محمود بضحك: تعرفي يا نوران ان انتي الوحيدة اللي عملت كده ههههه...

مراد : انتي فعلا مفيش منك اتنين هههههه...

ثم خرج اسر فصمت الجميع ثم ذهب الي غرفته دون ان ينطق فهو الأن لو بيده سيقتل نوران ..

إستغرب الجميع لانه لم يغضب مره اخري ونظرت كل من هند وهبه وصفاء الي نجلاء و فاطمه لبعضهم بنظره بمعني انهم كانوا علي حق حين قالوا انها ستكون علاقه مختلفه من نوعها ومسليه...

اما في غرفه اسر كان يضحك كثيرا فهي فعلا مجنونه مكتفتش من الشطه لا وحطت ملين كمان فقال : واضح ان هتحصل حاجات كتير بسببك يا نوران انتي الوحيده اللي قدرت تعمل كده معايا ...ثم نام وهو يبتسم.. 

في الاسفل ذهب كل من الجميع الي فيلته ونام ابطالنا "بإنتظار يوم اخر ملئ بالاحداث"

البارت الثامن 

البارت الثامن

تشرق الشمس مبشره بيوم جديد .

في قصر الجارحي 

يستيقظ بطلنا اسر بنشاط كبير للذهاب للعمل ويقوم بفعل روتينه اليومي ويتصل بفهد ويوسف وسيف وهذه المرة يتصل بعمر أيضا للذهاب للشركه مبكرا فاليوم سيتم عقد صفقه مهمه للشركه ، ثم يذهبون جميعا الي هناك. 

في فيلا جمال

كالعادة التي لا تنتهي تستيقظ نوران علي صوت والدتها لتذهب إلي العمل فترتدي نوران ملابسها وتذهب مع مليكه اما ملك فقد ذهبت مع الاء وحنين 

وعند وصولهم ذهبت كل واحده منهم إلي مكتبها لتبدأ في عملها اما نوران فتذهب لتعد القهوه لأسر وتتذكر اللي حصل امبارح فتضحك كثيرا ثم ذهبت وفتحت الباب وقدمت له القهوه 

اسر بغيظ:حطالي فيها ايه المرادي يا نوران عشان بس ابقي معرف الإسعاف والمستشفي يحجزولي غرفه...

نوران بسخريه : لا متقلقش يوسف معانا هيسعفك الا بقي لو احتجت عنايا مركزه ههه ده غير اني اصلا محطتش فيها حاجه فمتقلقش صعبت عليا امبارح....

اسر كان يعلم بأنها لم تضع بهم شيئا حيث أنه كان يراقبها ولكنه يريد أن يطول الحديث بينهما فقال 

اسر بإبتسامه جانبيه : يعني مخفتيش مني عشان مخلكيش تزعلي وكنتي هتعيطي" هتبكي" زي امبارح ...

نوران بعد أن غضبت :أنا مكنتش هعيط لا كنت بس.. ثم أكملت بتوتر :بسبب أن جالي صداع فجأه.. 

اسر بهدوء:تعرفي انك مش بتعرفي تكدبي عموما يلا اطلعي وخدي القهوه اللي بردت عشان ورايا شغل... ثم التفت الي الورق الذي يوجد علي مكتبه تاركا إياها تحترق من الغيظ 

فخرجت وهي تتمتم بكلمات غاضبه اما هو بعد خروجها مباشره ضحك كثيرا عليها خاصه حين سمعها وهي تتمتم بكلمات غاضبه فهو اعترف بأنه يحب الكلام معها ويحب عيونها البنيه مثل قهوته التي يحبها ولكنه رغم ذلك لم يعترف بحبه لها ..

في مكتب يوسف 

يوسف: بصي يا ملك النهارده طبعا انتي عارفه ان في صفقه كبيره هتم ولازم نبقي محددين هنقول ايه والورق كله لازم يبقي مظبوط تمام..

ملك بنشاط: تمام هعمله حالا ... ثم خرجت لكي تجهز الورق ،أما يوسف بعد خروجها 

قال بهيام : نشيطه ومرحه وذكيه وجميله يا تري هكتشف فيكي ايه تاني ....

في مكتب فهد 

كان يعمل هو والاء بجد فهم يعلمون مدي اهميه تلك الصفقه الجديده وطبعا مع نظراتهم المحبه لبعض دون أن يعلم الآخر .

في مكتب سيف 

كانوا يعملون في جو ممتلئ بالرومانسيه حيث كان ينظر سيف إلي مليكه بنظرات حالمه وهي كانت تنظر له أحيانا وأحيانا اخري تضحك عليه ...

في مكتب عمر 

كانوا يعملون في جو مرح حيث أصبحوا أصدقاء ويتكلمون كثيرا طبعا مع القليل من النظرات المحبه التي كانوا ينظرون بها لبعضهم دون أن يعلم الآخر .

اتي وقت الاجتماع مع شركه EMفهي شركه ادوارد مانويل 

في غرفه الاجتماعات 

يجلس كل من أبطالنا بجانبه مساعدته أو بالأحرى بطلته وحبيبته وامامهم يجلس ادوارد مانويل ثم يدور الحديث بالإنجليزية ولكني سأترجمه

فهد بإبتسامه : تشرفنا اليوم بمجيئك إلي شركتنا سيد إدوارد.. 

ادوارد بإبتسامه : لي الشرف أكثر ..

اسر بهدوء :هيا فلنبدأ في أمور الصفقه ، سيد إدوارد انت تعلم اننا سوف نصدر لك بعض من المشاريع ونستورد منك الحديد وسيكون كل ذلك بنسبه ستين بالمائة لنا وأربعون بالمائة من الأرباح... 

ادوارد بإعتراض : ولكن أنا هكذا سوف أئخذ نسبه اقل من الأرباح وسأدفع نسبه كبيره من المبلغ المطلوب فأنت سوف تعطيني ثمانيه مشاريع فقط امام ثلاثه أطنان من الحديد ..

نوران بهدوء: ولكن سيد إدوارد هل نظرت إلي المشاريع فأنت عندما تنظر لها ستعلم لماذا نفعل ذلك.. 

فنظر إدوارد إلي المشاريع وكان اربعه منهم من تصميم اسر ونوران وما تبقي من المشاريع قام بهم الآخرين فأردف بإعجاب حقا انهم رائعون خاصه هذان المشروعان هل يمكنني أن اعلم من قام بتصميمهم 

فأجابت نوران : أنا من صممت الثاني أما اسر فقد صمم الأول.. 

نظر لها إدوارد بإعجاب ثم قال : الآن علمت لماذا قلتم ذلك في البدايه والان هل يمكننا أن نعقد الصفقه ..

فتقدم عمر بالأوراق وكانت مرتبه بطريقه رائعه وذكيه فأعجب به الشباب فهو حقا ذكي ثم قامت ملك بعرض الشروط التي أعدتها بعنايه شديده وكانوا جميعهم لصالح الشركتين ثم انتهي الاجتماع بإعجاب إدوارد بهم فهو يقوم بعمل صفقات كثيره معهم ولكن هذه المره كانت صفقه رائعه بفضلهم جميعا وخاصه نوران فهو اعجب بذكائها وشخصيتها القويه كما أنه يحب ذكاء اسر فهو يستطيع أن يقلب كل الأمور لصالحه في ثانيه فكان إدوارد في سن الخمسون.... .

ذهب الجميع إلي مكتبه 

وعند دخول نوران مكتب اسر وقف اسر واتجه إليها ثم قال لها بصوته الرجولي الرائع :فعلا عجبتيني النهارده واتمني ان اشوفك كدا كثير... ، فتوترت هي من اقترابه وقالت بتوتر :شكرا... ،واستدارت لكي تذهب فخبطت في الكرسي وكانت ستقع لولا يديه التي امسكتها من خصرها فنظرت له وغرقت في عيونه الزرقاء التي تشبه البحر فكم تحبهم ،أما هو تاه في ملامحها فهو كم يراها جميله بتلك الخدود التي تحمر حين يقترب منها وتلك العيون البنيه التي سحرته ،ولم يأخذا بالهم من ذاك الذي يقوم بتصويرهم ثم قام بإرسال الصور إلي شخص ما .

فقال ذلك الشخص بابتسامه ماكره: وأخيرا لقيت ليك يا اسر نقطه ضعف هنهيك بيها ،نعم فهو هيثم الهلالي.. .

"يا تري ماذا سيحدث وماذا يخبئ القدر لأبطالنا سنعلم في الاجزاء الاتيه"

٩&١٠

البارت التاسع

اسر بمكر: نور..

نوران بشرود في عينيه: ها ..

اسر بضحك: ها ايه بس هههههه...

ففاقت نوران ودفعت اسر عنها وكان وجهها يشبه الطماطم..

فضحك هو عليها وهي خرجت وعندما خرجت لقت البنات مستنينها ولما لقوها كده 

الاء بمكر : ايه يا نوران مال وشك...

نوران بتوتر: ها وشي ماله ..

مليكه بمكر:نور اعترفي ايه اللي حصل ...، فحكت لهم نوران ما حدث ، فضحكوا وفي الوقت ده كل من فهد وسيف وعمر اتصلوا بالبنات ليذهبوا لهم فذهبوا بإستثناء ملك 

فلاحظت نوران أن ملك يوجد بها شئ

نوران بقلق : ملك في ايه انتي كويسه..

ملك بتوتر: أنا شوفت حد انهارده مكنتش متوقعه اني اشوفه خالص...

نوران بإستغراب : شوفتي مين... 

ملك: ايهاب الدميري...

نوران بصدمه : مين ايهاب وده ايه اللي جابه الشركه

ملك : لا ده بيشتغل هنا لإني شفت الكارت بتاعه بس هو كان خارج من الشركه ...

نوران بهدوء : عموما متقلقيش هو هتلاقيه بيشتغل هنا بس وخلاص...

ملك بحده: مقلقش ايه انتي ناسيه أن عمر كان ضربه آخر مره ولا أنه كان عاوز يضحك عليكي عشان يكسب الرهان مع اصحابه ...

نوران بهدوء : متنسيش ان أنا مسمحتش ليه أنه يقربلي وكنت فاهماه كويس...

ملك بقلق: انا قلبي مش مطمن...

نوران ببرود : كبري دماغك ميقدرش يعمل حاجه... ، فأومأت لها ملك بهدوء ثم ذهبت لمكتبها ،أما نوران كانت تفكر فيما قالته ملك وهي تطمئن نفسها وتتذكر ما كان قد حدث 

فلاش باك 

من سنه في الجامعه 

كانت نوران وملك متفوقين جدا في الدراسه وكانوا يتكلمون في جنينه الجامعه وفجأة تقدم منهم ايهاب الدميري 

ايهاب بإبتسامه : انسه نوران ممكن نتعرف.. ، نوران كانت تعلم بأنه فتي لعوب يحب أن يتسلي مع الفتيات 

نوران بحده : بس أنا مش بتعرف عن اذنك.... ، وذهبت هي و ملك ، وظل إيهاب واقف مكانه فأتي له أصدقائه فقال احدهم: ايه طنشتك أول مره تحصل يعني ....

ايهاب وهو ينظر بإتجاهها بشر: هوقعها متقلقش

وبعد فتره كان بيحاول يقرب منها بس هي كانت فهماه وعارفه أن هو رهان حيث أن ملك كانت سمعتهم وهم بيتكلموا عن الرهان وقالت لنوران وفي يوم من الأيام وكان الأخير بالجامعه فتقدم ايهاب منها وكان يريد أن يكلمها وحين ابتعدت عنه قام بإمساك يدها في وقت خروج عمر فهو قد اتي معها في ذلك اليوم فقام بضرب ايهاب بقوه إن إيهاب لديه جسد رياضي إلا أن عمر جسده اقوي وبعد ما ضربه عمر قال لها ايهاب بتوعد: صدقيني عمري ما هسيبك يا نوران وهتندمي... ، ومنذ ذلك الوقت لم تراه مره اخري .

باك .

خرج اسر من مكتبه ثم

قام اسر بمنادتها فهي كانت شارده وقال لها

اسر بهدوء: يلا عشان نروح... ، فنظرت له ثم احمرت خدودها حين تذكرت ما حدث فضحك هو ثم خرجوا جميعا من الشركه للذهاب ، أما اسر كان يريد أن يعلم لما كانت شارده ولكنه لم يسألها حتي لا تقول بأنه يهتم بها 

في شركه الهلالي 

هيثم ينظر للصور بفرح وينظر للذي يقف أمامه بإستغراب 

هيثم بإستغراب : انت ليه جايبلي الصور ديه اكيد مش لالله والوطن...

ايهاب بإبتسامه : ذكي وتعجبني أنا وانت مصالحنا مشتركه انت عايز تنتقم من اسر وانا عايز نوران...

هيثم: اممم اسمها نوران بس شكلها يعني مش قد كده.. 

ايهاب بضحك: لو شفتها في الحقيقة هتعرف قصدي.. 

هيثم بضحك: لا طبعا وديه تيجي اكيد هشوفها ده هي الوحيده اللي وقعت اسر وبقت نقطه ضعفه اقوم مشوفهاش طبعا مينفعش هههه، ثم ضحكوا هما الاتنين بشر وتوعد .

في قصر الجارحي

سيف بإبتسامه : مشوفتوش اللي حصل انهارده في الاجتماع إدوارد كان مبهور بتصميمات نوران وأسر جدا

لا ولا الشروط اللي ملك حطتها ولا العقود اللي عمر عملها لا كان عرض رائع وصفقه ناجحه ...

ففرح الجميع بذكائهم ثم ذهبوا لتناول الطعام وفي وقت ذهابهم كانت نوران تنزل من علي السلم فهي كانت في الطابق الثاني تكلم ملك وهي تنزل انزلقت قدمها فوقعت وكان ذلك في نفس وقت صعود اسر ولكنها شعرت بألم خفيف وكأن هناك جسد يحتضنها فنظرت وجدت انها قد وقعت علي اسر الذي كان يحميها بجسده

اسر بإبتسامه جانبيه وصوت منخفض ومكر : واضح أنك مش بتقعي غير وانا موجود او عليا يا تري انتي قصداها بقي ولا ايه... 

نوران لم تدرك نفسها الا وهي تبعده عنها ووجهها يشتعل من الخجل وسط نظرات الجميع لهم ووقفت وذهبت إلي الخارج بغضب وهي تخبط في كل شئ أمامها وكأنها لا تري والجميع يضحك عليها في داخلهم وبعد خروجها امتلئ المكان بضحكاتهم عليها ونظراتهم جميعا لبعضهم فهم كل مدي يدركون بأنهم ثنائي عجيب ، في الخارج 

كانت نوران تقف وهي تحاول تهدئه أنفاسها وقلبها الذي يشتعل كلما اقتربت من اسر او نظرت إلي عينيه وفجأة خرجت إليها مليكه 

مليكه: تعرفي يا نوران انا ارتحتلك قد ايه أنا والبنات لما شوفناكي حسينا أنك أختنا انتي وملك ..

نوران: وانا وملك كمان حسينا بنفس الاحساس ...

مليكه:هقولك حاجه ومتقوليش لحد ..

نوران بمرح: احكي يا شهرزاد.. ، فضحكت مليكه عليها..

مليكه بهدوء : تعرفي أن أنا وسيف بنحب بعض... فأومأت نوران بمعني نعم، فصدمت مليكه 

نوران بمرح: لا متتصدميش اوي كده ده الكل عارف ومستنيينكم تتجوزوا هههههه...

مليكه بصدمه: للدرجادي وانا كنت جايه علي اساس اني هقولك سر هههههه...

وفجأة خرجت باقي الفتيات 

فقالت ملك: وانا الصراحه يعني أحم بحب يوسف ...

نوران بضحك: ديه برضه حاجه عرفينها ايه الجديد ... فضحكوا جميعهم 

ثم قالت الاء: وانا بحب فهد... 

حنين : متبقاش غيري وانا بنجذب لعمر ...

نوران بإبتسامه : ربنا يحفظكم لبعض... 

الاء:يارب وانتي يا نوران...

نوران: الحقيقه يعني ساعات بحس بإنجذاب لأسر بس انتوا بتتكلموا في حب أما أنا لا..

ملك: بس انتي بتنجذبي ليه وقلبك بيدق ليه برضه يبقي ايه المشكله...

نوران بتنهيده: انتو كلكم بتتكلموا عن الحب الحقيقي اللي من الطرفين ، اما أنا بتكلم علي الانجذاب اللي من طرف واحد... 

الاء: عموما يا نوران انتي بتحبي اسر ومتنكريش ده لان كل اللي بيحصل بيقول كده ...

نوران بتهرب: طب يلا ندخل.... ، فأدركت الفتيات ان نوران تتهرب منهم فلم يضغطوا عليها هم يريدونها ان تعترف بمفردها ودخلوا إلي القصر 

تحاشت نوران النظر إلي اسر

أما اسر كان باله مشغول اولا بنوران وما يحدث بينهما ودقات قلبه التي تتسارع حين يري عيناها وثانيا باجتماع الغد فغدا سيكون اجتماع عمل مع شركه الهلالي..

"فيا تري ماذا سوف يحدث ...."

البارت العاشر 

ذهبت كل عائله إلي بيتها، ونام جميع ابطالنا فى هذا الوقت بإستثناء اسر ونوران حيث في غرفه نوران 

كانت نوران تتذكر جمله الاء لها حيث أنها قالت بإنها تحب اسر ،

نوران بنفي: لا لا أنا مش بحبه هو ممكن يكون اعجاب هو وسيم جدا ورياضي وقوي و ذكي وعيونه اه من عيونه اللي نفسي اعرف لونهم ايه ده ايه اللي انا بقوله لالا نامي نامي يا نوران... وفعلا من الإرهاق نامت 

اما في غرفه اسر 

اسر بتفكير: ايه اللي هي بتعمله فيا ده أنا بحب اشوف عينيها واسرح فيهم... ثم ضحك وقال: واضح أن الأسر بدأ يقع لا يقع ايه الأسر مش بيقع هو ممكن بس عشان الوحيده اللي بتتحداني وبتقف قصادي ايوه هو عشان كده ...واقنع نفسه بذلك ونام "نام اسر ونوران وهم ينكرون حبهم لبعض فهل سيستمر ذلك ام ماذا"

في الصباح التالي 

استيقظت نوران كالعاده فزعه ولكن هذه المره من عمر 

عمر بغيظ: ايه يا نور كفايه نوم انتي ناسيه أن ورانا اجتماع النهارده ....

نوران وهي تستيقظ بسرعه : صح صح روح انت وانا هاجي بسرعه ...

عمر: ماشي... ، وذهب أما نوران تجهزت للعمل وحضرت حاجتها وراحت الشركه ولكن في طريق دخولها صدمت بشخص.

نوران بحده: ايه مش تاخد بالك ...

فقال ذلك الشخص ببعض من السخريه : ايه ده نوران هانم ...

سمعت نوران صوت مألوف وتكرهه نعم يا ساده أنه ايهاب الدميري 

نوران رفعت رأسها ونظرت له ثم قالت: ايه ده ايهاب وأكملت بثقه وسخريه: أهلا... 

ايهاب بإبتسامه ماكره : وسهلا .. ،فتركته نوران وذهبت فهي قدرت أن تحدد أن ابتسامته كان ورائها شئ ولكنها لا تعرف ما هو.. 

ايهاب بتوعد في سره: حسابك بيزيد معايا بس اصبري عليا وهتشوفي مش انا اللي بنت زيك ترفضني...

اما نوران ذهبت إلي المكتب لقت اسر في الداخل فحضرت قهوته ودخلت إليه 

نوران: القهوه ..

اسر : حطيها هنا وشاور علي المكتب... ثم اكمل: جيتي متأخر ليه مش هينفع كده ...

نوران بهدوء: آخر مره عشان بس منمتش كويس... 

اسر بخبث وهو يقترب منها: يا تري كنتي بتفكري في مين بقي عشان متعرفيش تنامي... 

نوران بتوتر: مش بفكر في حد وابعد كده انت بتقرب ليه ...

اسر بخبث اكبر وهو ما زال يقترب منها: يعني مكنتيش مثلا بتفكري فيا ...

نوران بتوتر اكبر: وانا افكر فيك ليه متقربش قولتلك...

اسر بمكر: علي فكره انتي مش بتعرفي تكدبي او أنا اللي فاهمك زياده عن اللزوم.... ، وصل إلي نوران وقام بإحاطتها فكان ظهرها للباب ووجهها له فإزداد وجهها احمرارا وفجأة قام اسر بفتح الباب لفهد ويوسف وسيف وعمر وهمس لها بخبث : كنت عايز افتح الباب مش حاجة تانيه ....وابتعد عنها فخرجت نوران مسرعه فضحك اسر والشباب عليها 

فهد بضحك: انت ليه بتعمل كده فيها ...

سيف بضحك: اه انت ليه يا بتضايقها يا بتحرجها هههه... 

اسر بضحك هو الاخر: مش عارف ليه يمكن عشان بحب كده ههه بتبقي لذيذه وهي متعصبه ووشها احمر كده ...

يوسف بهدوء : يمكن عشان بتحبها يا اسر ...

توقف اسر عن الضحك ونظر ليوسف 

فهد: أيوه يا اسر يوسف عنده حق أحنا كنا بنشوف ضحكتك كل فين و فين أما دلوقتي انت كتير بنشوفك بتضحك ومبسوط ودايما بتكون نوران السبب...

فنظر اسر للخارج ولم يرد عليهم ففهموا أنه لا يريد التكلم في ذلك لكن بالنسبه لهم هم متأكدين من حبه لنوران ...

سيف بهدوء: ايه يا عمر مسمعناش صوتك..

عمر بغيظ : انتو بتتكلموا علي اختي عايزيني اقول ايه وانا ماسك نفسي عنكوا بالعافيه بس عشان عارف انكوا بتعتبروها اختكم ماعدا ...فنظر له اسر فقال عمر بمرح: اقصد بلا استثناء يعني.... فضحك الجميع عليه " عمر لا يحب أن يجلب أحد سيره اخته فهي خط أحمر بالنسبه له ولكنه يعلم بأن اسر يحبها وهي تحبه ولكنهم ينكرون"

فقال فهد: انهارده اجتماعنا مع شركة الهلالي ...

فنظر لهم اسر ثم قال: مش عايزين تهور وهناخده علي قد عقله لحد مينتهي الإجتماع ده فاهمين..، فأومأ الجميع بموافقه فإنهم قد قالوا لعمر علي عداوتهم مع عائله الهلالي ..

في الخارج

كانت نوران تتحدث مع الفتيات في أمور العمل 

ثم اتي موعد الاجتماع فذهبت نوران إلي اسر 

نوران بهدوء: يلا عشان ميعاد الاجتماع ..

اسر ببرود: فاضل دقيقتين..

نوران : مهو عقبال منوصل لغرفه الاجتماعات من غير منتأخر...

اسر ببرود : النهارده بالذات هتأخر ...

نوران بإستغراب : مش فاهمه... 

اسر: مش لازم تفهمي يلا فات خمس دقايق اصلا واحنا بنتكلم... . ثم خرجوا وذهبوا إلي غرفه الاجتماع كان الجميع هناك بإستثنائهم وكانت هناك هاله من الكراهية 

ونظرات كره بين أبطالنا وذلك الهيثم ووالده 

دخل اسر بشموخه المعهود وخلفه نوران وكانت اعين هيثم تراقب نوران جلست نوران بجانب اسر وبدأ الاجتماع

فهد: انهارده أحنا هنتفق علي أن أحنا هنديكم اربع مشاريع باحد عشر مليون جنيه ..

فقال شريف الهلالي بإعتراض: بس احدعشر مليون جنيه كتير اوي علي أربع مشاريع...

سيف بهدوء: مش كتير علي مشاريعنا ...

فقال شريف: المشاريع حلوه بس فعلا المبلغ كبير... 

اسر بشموخ وثقه: ده اللي عندنا براحتك عايز تقبل المشاريع أو متقبلش... ، كان كل هذا الحديث يدور تحت نظرات هيثم الوقحه وهو يتفحص نوران وكانت نوران متضايقة جدا بس فضلت الصمت حتي ينتهي الاجتماع ولكن في هذه اللحظه نطقت نوران من أجل الشركه وقالت 

نوران بهدوء: مستر شريف حضرتك شوفت مشروعاتنا وانا متأكده أنك مش هتلاقي زيها وأعرف أنك في مشكلة بسبب تدهور حاله شركتك والمشاريع ديه هترجع للشركه سابق عهدها ..

قال هيثم في سره: حلوه وذكيه وشخصيتها قويه عجبتني فعلا كان عند ايهاب حق رغم أنها مش زي ملكات الجمال اللي بنقابلهم بس بتجذب اللي قدامها كفاية أنها نقطه ضعف القناص"

ثم تدخل في الاجتماع قائلا : تمام موافقين على الصفقه والشروط ، فنظر له والده فنظر هيثم له بمعني أنه يعلم ما يفعل 

ثم أكمل قائلا : وبالمناسبة ديه في عشاء عمل هنعمله بليل في مطعم..... ثم وقف هو ووالده قائلا: بإنتظاركم.. ووقفوا جميعا ليسلموا علي بعض فأمسك هيثم يد نوران وكاد أن يقبل يدها ولكن فجأه وجد كف اسر يسحب يد نوران من يده ويشدها الي الخارج و هنا أدرك هيثم أنها حقا اصبحت نقطه ضعفه فهو قد لاحظ نظرات الكره من اسر والغضب التي زادت حين امسك يد نوران فهو قد ارتعب من اسر ولكنه لم يظهر ذلك وخرج الجميع من الشركه تحت استغراب نوران من ما فعله اسر إلا أنها كانت فرحانه فهي لم تتطمئن لذلك الهيثم وذهب أبطالنا إلي قصر الجارحي فهو أصبح مكان اجتماع الجميع دخلوا وسلموا علي باقي الاسره 

ثم تحدثوا وكان كل من ابطالنا يفكر حيث كان سيف ويوسف وفهد وعمر ومليكه والاء وحنين يفكرون فيما سيحدث في ذلك العشاء وخائفين علي نوران فهم قد لاحظوا نظرات هيثم التي لا توحي بالخير إلي نوران ولاحظوا أيضا غضب اسر 

أما اسر كان غاضب جدا فهو كان سوف يقتل هيثم لأنه كان سيقبل يد نوران ولأنه تجرأ ولمس يدها ونظراته الوقحه لها ولكنه امسك نفسه لأن الاجتماع كان لصالح شركتهم ولكنه يكاد يقسم أن من سوف يقترب من نوران فسوف يذيقه العذاب الوان فهو القناص الذي يخاف منه الجميع.

أما نوران كانت قلقه وهي تتذكر نظرات ذلك الهيثم لها ولكنها أقنعت نفسها أنها طالما بجانب أبطالنا فهو لن يقترب منها ..

وعندما حل الليل ذهب كل منهم إلي بيته ليرتدوا ما يناسب من أجل الذهاب إلي ذلك العشاء الذي سيكون ممتلئ بالأحداث

" فيا تري ماذا سيحدث هناك "

١١&١٢

البارت الحادي عشر

تجهز كل من أبطالنا للذهاب إلي ذلك العشاء الذي يكرهونه وتجمعوا في قصر الجارحي ونظر كل من أبطالنا إلي بطلته بذهول فهم كانوا جميلات للغاية 

فقال فهد بهيام : الاء انتي حلوه اوي كده ليه... 

فإتكسفت واحمرت خدودها فضحك عليها واخذها معه بسيارته دون انتظار الباقيه فضحك عليه الجميع أما عمر قال: حنين انتي فعلا زي الملاك.. فنظرت حنين إلي الأرض بكسوف ثم اخذها بسيارته 

أما سيف كان ساكت لم يقل شئ فقالت 

مليكه: وانا يا سيف مش حلوه النهارده ولا ايه ..

سيف بهيام: لو انتي مش حلوه يبقي مين اللي حلو بس ...واخذها معه بسيارته 

يوسف وهو ينظر إلي ملك بحب واضح : يلا يا ملاكي 

فضحكت ملك ثم ذهبوا فهم لم يعترفوا بحبهم لبعض إلا أنهم اصبحوا أصدقاء لذلك يتكلمون مع بعض بكثره 

أما عند الأسر فكان ينظر إلي نوران ببعض من الذهول والحب والإستغراب فهو كلما نظر لها لا يستطيع التحكم في قلبه فنظر بعيد عنها وشاور لها عشان تركب في سيارته ،فذهبت نوران ودخلت إلي السياره وهي غاضبه لأنه لم يقل لها شئ وكانت تلعن قلبها الذي يدق له وحده وكان طوال الطريق كان كل أبطالنا يتحدثون مع بطلاتنا ما عدا اسر ونوران حيث كان الهدوء يسكن السياره 

وصلوا جميعا إلي المطعم الراقي ونزل اسر من سيارته وتحرك إلي الداخل بشموخه المعهود وتلك الثقه التي لا تنتهي وليس لها حدود وكان يسير خلفه باقي الشباب والبنات وعندما دخلوا صدم هيثم بجمال نوران وكان ينظر لها بوقاحة أما نوران انقبض قلبها من نظرات ذلك الهيثم أما فهد وسيف وعمر ويوسف ومليكه والاء وحنين وملك ينظرون بخوف فهم الأن يرون نظرات اسر التي لو كانت تقتل لسقط هيثم قتيلا في الحال. سلموا علي هيثم ووالده ثم جلسوا وكان عمر غاضب بسبب نظرات هيثم لأخته وبدأ الحديث

شريف بإبتسامه : المطعم نور بيكوا..

فإبتسم الجميع بمجامله بإستثناء اسر ،

هيثم بإبتسامه : ونور بالذات بيكي يا نوران..

نوران بهدوء وبعض من الحده: لو سمحت يا استاذ هيثم تقولي انسه نوران مش نوران ومتشلش التكلفه ما بينا...

نظر لها هيثم بكره ومكر واومأ لها بمعني موافق فهي قد قامت بإحراجه ، أما اسر كان فرحان برد نوران علي هيثم ثم اتي العشاء واكل الجميع ثم استأذنت نوران منهم 

نوران بهدوء: بعد اذنكم بس هروح التواليت اغسل ايدي ...

ثم ذهبت مرت دقيقه واستأذن هيثم ايضا للذهاب ليرد علي الهاتف ثم ذهب تحت نظرات اسر وعمر الغاضبه 

ذهب هيثم ووجد نوران تقوم بإلتقاط الصور 

فلاش باك 

ذهبت نوران إلي الحمام وغسلت يدها وكانت مسرعه ثم عند خروجها لفت انتباهها جمال المكان فقامت بإلتقاط العديد من الصور للمكان 

باك

قام هيثم بالإقتراب من نوران وكانت نوران لا تشعر به وفجأة قام بوضع يده علي خصرها فإلتفتت نوران وبحركه لا اراديه سريعه منها قامت بصفعه حيث خدش وجهه بسبب الخاتم الذي كانت ترتديه في اصبعها ، ثم نظرت له بإستحقار وذهبت مسرعه أما هيثم نظر إليها بتوعد وشر وحين عادت نوران إليهم لاحظ الجميع أن وجهها لونه اصبح اصفر ويظهر عليها الخوف ، ذهبت نوران وجلست بجانب اسر وقامت بتقريب كرسيها من كرسي اسر حتي كانت أن تلتصق به فهي الأن خائفه ولا تعلم ما تفعل سوي أنها تجد الأمان بجانب اسر ، 

حين عاد هيثم لاحظوا ايضا الخدش علي وجهه فإنه لم يكن موجود قبل ذهابه فتحققت شكوكهم بأنه السبب في خوف نوران وفي تلك اللحظة لم يستطع اسر التحكم بنفسه اكتر من ذلك وهجم علي هيثم يلكمه ويضربه بقوه فرغم أن هيثم قوي البنيه ولكنه ليس بقوه القناص... ، حين وجد فهد أن اسر سيقتل هيثم كان يتمني ان يترك اسر يفعل ذلك ولكنه لا يريد أن يحدث لأسر مشكله بسبب ذلك اللعين، فذهب إلي اسر وحاول أن يشده بعيدا عن هيثم ولكن اسر لم يبتعد بل زادت قوه ضرباته لهيثم فهو يقوم بضربه وهو يري وجه نوران الخائف ويتخيل ما فعله لها لتخاف هكذا ليقوم بضربه أكثر وبقوه اكبر ذهب الجميع لتخليص هيثم من يد اسر وفعلا استطاعوا فعل ذلك بعد أن قالت نوران بخوف و بكاء : كفايه يا اسر ارجوك ..

فتوقف اسر حين سمع صوتها فهي الوحيده التي استطاعت إيقافه فإبتعد اسر عن هيثم 

ولكن عندما ابتعد اسر انقض عليه عمر وقام بضربه بقوه كانت تشبه قوه اسر فعمر قوي يشبه بقيه ابطالنا ولكن اسر اقوي بقليل منهم جميعا بعد مرور الوقت هدأ عمر وذهب الجميع إلي الخارج وركب كل اثنين سياره وعادوا مثلما ذهبوا ، كان عمر يقود السياره وهو غاضب ولكنه هدأ حين سمع حنين تقول 

حنين بهدوء: عمر اهدا انت وأسر ضربتوه جامد خلاص ارجوك اهدا عشان خاطري... ، فإبتسم لها عمر وقاد السياره بإتجاه قصر الجارحي 

في سياره اسر 

كان يقود اسر بسرعه كبيره في اتجاه القصر وهذا لأنه غاضب في حين أن نوران كانت خائفه جدا من أن تنقلب بهم السياره لشده السرعه ولكنه فجأه خرج من الطريق وتوقف بالسياره 

اسر بصوت جهوري مرتفع وهو ينظر إلي نوران بحده : عملك ايه الحيوان ده ها عملك ايه ردي..

نوران بتوتر وخوف: معملش حاجه ...

اسر بحده: متكذبيش عليا انتي السبب في الخدش اللي في وجهه.. 

نوران بتوتر: ااانا ااانا...

فقام اسر بإمساك يدها وقال: عشان كده الخاتم وقع منه الفصوص بتاعته ثم شد علي يدها حتي تأوهت نوران ثم قال: من غير كدب ايه اللي حصل ...

نوران وهي تحاول منع دموعها وتقول بتألم بسبب أنه يمسك يدها بقوه حتي كادت أن تكسر عظامها

نوران ببكاء: كان عاجبني المكان ووكنت بتصوور فجأه لقيتته بيحط ايده علي خصري... ، وعند تلك الكلمه أحمرت عيونه حتي تحولت إلي اللون الكحلي بدل من الأزرق الفاتح اللذي يشبه الأخضر ودون أن يشعر ضغط علي يدها اكثر فصرخت نوران متأوها ببكاء وألم فترك اسر يدها... 

نوران ببكاء: انت ليه بتعمل كده معايا ...

انخفض اسر حتي يصل لاذنها وقال بهمس وحده : عشان انتي ملكي واللي بيقرب من ممتلكاتي يبقي بيفتح عليه باب جهنم.... ، ثم ابتعد عنها وقام بتشغيل السياره وقادها نحو القصر دون أن ينطق ، أما نوران كانت غاضبه بداخلها فهي كانت تظن بأنه سيقول أنه يحبها ولكنه صدمها حين قال لها أنها من ممتلكاته لذلك قررت ان لا تسمع لقلبها مره اخري وان تجعل عقلها هو الذي يقودها 

" فهل سيستمر ذلك وستقدر علي ان لا تسمع لقلبها"

في قصر الجارحي 

بعد وصول الشباب والبنات طبعا بإستثناء نوران وأسر اللي اتأخروا، حكي لهم يوسف كل ما حدث 

جمال بقلق:كده يبقي نوران في خطر فقد قال محمود له هو ومحمد عن عداوتهم بشريف وهيثم وقد قالت هبه أيضا لنجلاء وفاطمه ،

مراد : طيب كده هنعمل ايه هيثم مش هيسكت وهيحاول يإذيهم... 

هبه: بس اسر والشباب هيقفوا ليه ومش هيسمحوله يئذي حد ...

محمود: عارفين يا هبه بس برضه الإحتياط واجب ده غير أن اسر كان النهارده فقد أعصابه امام هيثم وهو اللي كان بيقتله ببرودة وعشان كده هيثم هيحاول يإذي نوران بأي طريقه لأنه اتأكد باللي حصل ان نوران اصبحت نقطه ضعفه وعشان كده لازم نوران تبقي قصاد عيون اسر عشان يقدر يحميها و لازم ، ثم سكت.. 

جمال بتوجس: لازم ايه... 

محمود : لازم يتجوزوا ...

ثم سمعوا صوت اسر ونوران يقولون بعصبيه و بصوت واحد 

: نتجوز ده مستحيل ....

الثاني عشر 

صرخ كل من نوران واسر : نتجوز ده مستحيل..

نظرت نوران إلي اسر وقالت بصراخ وعصبيه : أنا مستحيل اتجوز البني ادم ده ده أنا بكرهه ..

اسر بحده: يعني أنا اللي بحبك..

نوران بعصبيه: بطل تنرفزني بقي ..

اسر ببرود : انتي اللي مش طايقه نفسك.. 

نظر كل الموجودين إلي بعضهم بيأس من أسر ونوران

قال محمود: هو انتوا هتتخانقوا قدامنا خلاص القرار اتاخد بكره الخطوبه وكمان يومين كتب الكتاب ..

فصدمت نوران لأنهم اخذوا مثل ذلك القرار من دون أن يهتموا برأيها ، فضحك جميع أبطالنا علي شكلها .

محمود: والموضوع ده مش لنوران وأسر بس لا ده للكل هنا ، فتوقف الجميع فجأه عن الضحك 

الاء: ايه الكلام إللي بتقولوه ده..

محمود: ده قرار نهائي ومافيش نقاش ودلوقتي كل واحد يجهز نفسه عشان الخطوبه بكره ، يلا يا هبه ، ثم ذهب محمود وهبه إلي غرفتهم وذهب الباقي إلي منازلهم .

في بيت جمال 

نوران وهي تحدث نفسها: ايه ده أنا كل ما أحاول أبعد عنه نقوم مقربين من بعض اكتر ، ثم تذكرت ما حدث حين قال اسر: انتي ملكي ..

نوران: هو شايفني شئ من ممتلكاته بس أنا مش هسمح بكده انا هروح اكلمه اخليه يغير رأيه ويرفض أنه يتجوزني أنا حتي مستغربه أنه معترضش ...

تجهزت نوران وذهبت لتقابل اسر

في قصر الجارحي 

دخلت نوران إلي جنينه القصر و مسكت تليفونها 

أما عند اسر كان يكمل ما تبقي من عمل وفجأة شعر بأنه يريد رؤيه نوران ولكن المفاجأة الكبري أنه وجدها تتصل به فضحك ثم أجاب 

اسر بهدوء: خير ..

نوران: انزل الجنينه أنا مستنيه... ثم اغلقت الهاتف

اسر بصدمه: ايه ده دي قفلت ده أنا محدش قدر يعملها قبل كده معايا ههههه كل مره بتأكد أنها مش طبيعيه...

نزل اسر فوجد نوران تنتظره 

اسر ببرود: نعم...

نظرت نوران له وقالت : أنا وأنت مش بنطيق بعض فإيه رأيك ترفض جوازنا وانا كمان هرفض ويبقي يا دار ما دخلك شر .. 

اسر نظر إليها نظره لم تفهمها نوران ثم قال : سبق وقولتلك أنك ملكي وانا مش بحب اكرر كلامي ...

نوران بعدم فهم وعدم تصديق: يعني إيه يعني انت هتوافق..

اسر بهدوء: أيوه هوافق ودلوقتي أنا ورايا شغل اعمله ومش فاضي ليكي... وتركها وذهب ..

نوران نظرت إلي مكانه بعدم تصديق : أنا بكرهك... ولكنها في داخلها تعلم أنها تحبه ولكنها ما زالت تنكر ذلك ثم ذهبت إلي بيتها ثم إلي غرفتها ونامت وهي تتمني أن يكون الغد افضل أما اسر كان ينظر لها من بعيد وهو يقول: انتي اللي قلبي بيدق ليها ومش هينفع اسيبك فأنتي دخلتي قلبي وأصبحتي ملكي منذ ذلك الوقت انتي خلاص يا نوران ملكي ملك القناص.. ثم ذهب ولم يستطع إنهاء عمله لتفكيره بها فقرر النوم .

في اليوم التالي

استيقظ جميع أبطالنا وهناك بعض السعاده في داخلهم 

وتجمعوا في قصر الجارحي 

عمر: النهارده هروح الجامعه عشان شويه ورق مطلوب مني اعمله..

حنين: وانا كمان... ثم وقفت هي وعمر وذهبوا معا إلي الجامعه...، وذهب الباقي إلي الشركه 

في الجامعه 

دخلت حنين وعمر معها 

عمر: أنا هاجي معاكي ...

حنين: تمام ،... وذهبوا هما الإثنان وقاموا بعمل ورق حنين. 

عمر: أنا هروح اشوف الورق بتاعي مش هتأخر خليكي مكانك متتحركيش...، فأومأت حنين بمعني نعم ثم ذهب عمر 

جلست حنين تلعب في هاتفها وفجأة وجدت زميلها يقف امامها 

علي: ايه ده حنين ازيك..

حنين بإقتضاب فهي لا تستلطفه ولم يكن لديها أصدقاء فهم جميعا كانوا يريدون ان يكلموها بسبب أنها ابنه محمود الجارحي فقط : الحمدلله وأنت... 

علي بإبتسامه : انا كويس....، ثم مد يده ليصافحها ،فمدت يدها فهي لا تريد احراجه وسلمت عليه 

في وقت خروج عمر فوجد شاب يمسك يد حنين. اشتعلت نيران الغيره في صدره فذهب وهجم عليه وقام بضربه ثم وقف وأخذ حنين وغادر ...

في السياره

حنين خايفه من عمر فهو كان متعصب جدا وهي لا تعرف السبب 

حنين بتوتر: عمر انت كويس... ، اوقف عمر السياره 

عمر بحده: لا مش كويس كنتي مسكه ايده ليه.. 

حنين: انا مكنتش مسكه ايده أنا بس كنت بسلم عليه ولا مينفعش اسلم ...

عمر بغضب: مينفعش يا حنين مينفعش تسلمي علي حد غيري مينفعش تكلمي حد غيري فهمتي.. 

حنين: ليه بقي ..

عمر: عشان بحبك... ، وهنا ارتفعت دقات قلب كل منهما

حنين بصدمه: انت بتحبني...

امسك عمر يدها ثم قال بحب: أيوه من اول يوم شوفتك فيه في المول وانا اتمنيت انك تكوني ليا معقوله مخدتيش بالك كل ده..

حنين: خدت بالي يا عمر بس بس كنت مستنياك تعترفلي ...

عمر : وانا اعترفتلك...

حنين: وانا بحبك... ، عمر كاد أن يحتضنها فمنعته حنين

حنين: لا لا يا استاذ عمر لسه بعد بكره ان شاء الله ..

عمر نظر لها بفخر: ماشي يا حنيني... وقاد السياره وهو فرحان وسعيد وهي أيضا كذلك

في المستشفى 

كان يجلس هيثم وهو مريض 

لأن وجهه كان مجروح وجسده ممتلئ بالجروح والكدمات

هيثم وهو يحدث نفسه ويمسك بصوره فتاه :وحشتيني يا سرين وحشتيني اوي... ولم يأخذ باله من دموعه التي بدأت في الهطول .

وحشتيني يا حببتي وحشني صوتك وحشتني عيونك اشتقت لكل حاجه فيكي بعد موت ماما ملقتش غيرك انتي انتي إللي حبتيني فعلا بابا دايما محسسني اني عاله عليه انتي الوحيده إللي حبتيني وانتي وماما الوحيدين اللي حبتهم متقلقيش يا حببتي هرجعلك حقك هرجعهولك وهنتقملك منه هنتقملك من أسر الجارحي رغم اني ساعات بحس اني غلطان وبظلمه بس مش هقدر اكدب عيوني....، فجأه دخل والده ونظر له وللصوره في يده

شريف بغضب: انت لسه بتفكر فيها ديه واحده لا عمرها كانت من مستوانا مش عارف ضحكت عليك وخلتك تحبها ازاي...

هيثم بغضب: متتكلمش عنها كده ...

شريف بمكر: انت لازم تاخد حقها من أسر متنساش أن هو السبب...

هيثم: هاخد حقها عشان اريحها ..."فيا تري ماذا حدث"

في الشركه 

في مكتب سيف 

سيف: مليكه حببتي ...

مليكه: نعم يا حبي...

فلاش باك

في جنينه فيلا مراد الجارحي

كانت مليكه تمشي و هي تفكر وفجأة وجدت من ظهر لها 

مليكه: عاااااا انت انت يا سيف في حد يعمل كده وقفت قلبي ...

سيف بهيام: سلامه قلبك...

مليكه بتحذير: سيف...

سيف: عيون سيف وعقل سيف وقلب سيف ...

مليكه بحب: بحبك...

نظر لها سيف بصدمه فهو لم يتوقع ان تعترف الأن 

سيف: ده بجد.... ، ضحكت مليكه ، ثم ضحك سيف 

سيف: انتي اجمل مليكه في الدنيا أنا بعشقك... 

مليكه: وانا كمان بس يلا امشي دلوقتي عشان الوقت اتأخر ...

خرج سيف وهو فرحان بذلك الإعتراف.

باك

سيف : تفتكري نوران وأسر هيعمله ايه... 

مليكه: نفس اللي انا بفكر فيه الإتنين مش عاوزين يعترفوا بحبهم لبعض ...

سيف: متقلقيش مصيرهم في يوم يعترفوا...، ثم تحدثوا في أمور الشركه.وطبعا لم يخلوا الحديث من مغازله سيف لها..

عند اسر ونوران

اسر يتحدث مع نوران عن أمور العمل 

اسر بهدوء: تمام كده تخلصي الورق ده قبل.. ،ثم ابتسم بخبث :قبل الخطوبه ...

نوران بعصبيه قليله: لا متقلقش هاجي مش ههرب يعني...

اسر بإبتسامه جانبيه : طيب خلصي الشغل وروحي عشان تلحقي تجيبي الفستان انتي والبنات يا عروسه..

نوران من بين اسنانها: مش هتأخر..

اسر : هو في واحده يوم خطوبتها تبقي مش فرحانه كده ..

نوران بسخريه وهي تعرف الأن بأنه يتحداها: ليه ده انا فرحانه جدا ده حتي الإبتسامه مش بتفارق وشي ...

اسر بخبث: طب ياريت دايما ومتتغيرش... 

نوران: انا خارجه عشان الحق اخلص الشغل... ،ثم خرجت وهي تتمتم بغيظ 

اسر: هههههه مجنونه وبتحب العناد... 

نوران: أنا بقي يا اسر مش هستسلم أنا عارفه انك عايز تضايقني بس مش هخليك تعرف تعمل كده ...ثم تذكرت أنه بالفعل يستطيع مضايقتها فقالت : علي الأقل هحاول .... 

في مكان آخر بالشركه 

دخلت إلي المكتب وجدت فتاه تحتضنه وهو لا يبدي اي مقاومه ، ثم عندما رأها نظر لها بذهول حين سمعها تقول انت خاين 

" فيا تري من هم وماذا سيحدث ، انتظروا"

تكملة الرواية من هنا 👇👇👇

من هنا