نور الأسر بقلم نوران جمال البارت السابع عشر والثامن عشر والتاسع عشر والعشرون كامله على مدونة النجم المتوهج للروايات

نور الأسر

بقلم نوران جمال

 البارت السابع عشر والثامن عشر والتاسع عشر والعشرون

كامله على مدونة النجم المتوهج للروايات

البارت السابع عشر

في اليوم التالي 

استيقظ ياسين مبكرا عن الجميع فقرر الوقوف أمام البحر ، وعندما ذهب إلى البحر وجد رودينا تجلس على الرمال وفي يديها قلم رصاص و سكيتش رسم وبترسم فيه ، فقرر الذهاب لها وعندما اقترب منها شعرت هي به فقفلت الإسكيتش بتاع الرسم بسرعه 

ياسين بتساؤل: انتي قفلتي الإسكيتش بسرعه ليه..

رودينا بتوتر: مفيش عادي يعني ..

ياسين بفضول: ممكن اشوف رسوماتك..

رودينا بسرعه: لا مش ينفع..

ياسين بشك ولكنه قرر مجاراتها: طيب براحتك انتي بقي ايه اللي مصحيكي بدري..

رودينا: نفس اللي صحاك بدري ده غير اني بحب اشوف شروق الشمس..

ياسين بإستغراب: انتي صاحيه من قبل الشروق ..

رودينا : اه عشان مش جالي نوم ..

ياسين وهو يريد أن يتكلم معها اكتر : طيب انتي بتعرفي تجري بسرعه..

رودينا بإستغراب من ذلك السؤال:طبعا بعرف بس ليه..

ياسين بمرح : ايه رأيك نشوف مين فينا أسرع..

رودينا لحبها للتحدي " فهي اخت نوران هه":تمام يلا ..

وفعلا اتسابقوا وكان ياسين الأسرع ولكنه كان في آخر لحظه يتصنع البطئ حتي يتعادل معها ولا تغضب ، وعندما تعبوا

رودينا وهي تلتقط أنفاسها: أنا تعبت خالص أنا هدخل القصر... واستدارت وقبل دخولها من باب القصر قالت له : علي فكره انا عارفه انك أسرع مني وانا روحي رياضيه ومش هزعل ...، ثم دخلت القصر ..

ياسين بإستغراب: عرفت ازاي.. ولكن لفت انتباهه اسكيتش الرسم بتاع رودينا هي نسيته ففتحه وصدم لأنه وجد رسومات كثيره له

ياسين بفرح: واضح ان حبي ده مش من طرف واحد... ثم قرر أن يعطيه لها في وقت لاحق.

استيقظت نوران فوجدت اسر امامها 

نوران بفزع: علي فكره كده كتير أنا في مره قلبي هيقف مينفعش كده اووف..

اسر وهو يحاول كتم ضحكاته عليها فهي كان شعرها غير مرتب ووشها منتفخ لأنها لسه صاحيه من النوم 

اسر بضحك: علي فكره انتي لذيذه اوي وانتي صاحيه من النوم..

نوران اتكسفت جدا ووشها أحمر ونظرت للأرض 

ضحك اسر أكثر فسرحت نوران في ضحكته 

اسر بمكر: أنا عارف ان ضحكتي حلوه ..

خجلت نوران اكتر 

نوران بتوتر : انا كل يوم هصحي الاقيك في وشي كده ..

اسر بخبث: مش كل يوم بس انتي لو عاوزه مفيش مشكله ..

نوران بصوت مرتفع: اسرر اطلعع برره.، خرج اسر وهو يضحك فهو يدخل غرفتها قبل استيقاظها بفتره حتي يراها فكم هي جميله وهي نائمه كما أنه يحب النظر لشعرها ولا تسنح له الفرصه غير وهي نائمه.

اسر بضحك: بنت الإيه فيها حاجه مميزه بتخليني عايز افضل ابص ليها واسمع صوتها ...، ثم تذكر شكلها اول ما صحيت من النوم ولا لما خدودها احمرت من الكسوف ولما زعقت فيه عشان يخرج فضحك جدا.. 

كان الجميع في الأسفل فوجدوا اسر ينزل على السلم وهو لا يستطيع التوقف عن الضحك ..

هبه بفرح: واخيرا يا اسر شوفتك بتضحك بجد..

محمود: واكيد السبب نوران امتي بقي يعترفوا لبعض ويبطلوا عنادهم ده ..

ضحك سيف ويوسف وفهد وعمر ومليكه والاء وحنين وملك وريم واسلام جدا فهم يعرفون جنون نوران ده غير انهم بيتأكدوا من حب اسر لها .

نزلت نوران وتناولوا جميعا الفطار ثم نزلوا إلي البحر 

كانت نوران بتعوم ببراعه تحت نظرات اسر الخائفه من ان تغرق زي امبارح 

ومن مكان بعيد بعض الشئ كان ايهاب يشاهدهم عن طريق المقراب وهو ينوي تنفيذ خطته في المساء.

جاء المساء 

كانت رودينا تبحث عن اسكتش الرسم بتاعها فسمعت صوت الباب ، فتحت رودينا الباب وجدت ياسين يمسك اسكتش الرسم 

رودينا بتوتر: انت فتحته..

ياسين : بصي انا مش بحب اكدب فعلا أنا فتحته..

رودينا اتكسفت ونظرت الي الأرض .

ياسين لاحظ توترها فقرر أن يخفف عنها: انا كنت جايبه عشان ادهولك وانا اسف لأني فتحته متزعليش مني واعتبريني مشوفتش حاجه تمام ..

رودينا: تمام ...واخذت الإسكيتش وقفلت الباب وكل ده في ثانيه..

ياسين بصدمه: ديه مجنونه هههه بس بحبها وخلاص كلها كام سنه بس هي مش هتبقي لغيري ..

في غرفه نوران 

وجدت نوران تليفونها بيرن ولقته رقم غريب مش ردت ولكن ذلك الرقم كان يعاود الإتصال فردت 

نوران بإستغراب : الو مين.. 

شخص غريب: أنا اللي هقتلك.. 

نوران برعب قامت بإغلاق المكالمه ولكنها وجدت رسائل ففتحت الرساله الأولي مكتوب فيها 

موتك علي ايدي يا نوران ، الرساله الثانيه الموت مستنيكي، الرساله التالته مهما حاولتي تهربي هعرف اوصلك..

أغلقت نوران الهاتف وبكت برعب فهي رغم قوتها إلا انها بنت ومن حقها تخاف في المواقف ديه 

سمعت نوران صوت الباب 

ذهبت وفتحته بخوف فوجدت اسر وبدون تفكير قامت بإحتضانه وكانت ممسكه به بخوف فهي وجدت الأمان به.

صدم اسر من ما حدث ولكنه لاحظ ارتعاش يديها 

اسر بقلق: نور ايه اللي حصل ..

نوران بخوف : ع عايز يق يقتلني أنا أنا خايفه اوي ..

اسر بهدوء: اهدي اهدي مفيش حد هيقدر يقربلك ايه اللي حصل براحه....

حكت له نوران ما حدث، 

اسر بغضب ولكنه الأن يجب أن يطمئنها فنظر في عيونها : هاتي تليفونك وحاولي تهدي أنا معاكي متقلقيش..

نوران نظرت في عيونه وتاهوا هما الإتنين في عيون بعض و بعد مرور دقيقتان تداركت نوران انها في حضنه فأبتعدت عنه وأعطت له الهاتف ، أخذ اسر ذلك الرقم الذي قام بتهديدها واعاد لها الهاتف 

اسر بإبتسامه ساحره: اهدي وكل حاجه هتبقي كويسه... وبحركه لا اراديه قام بتقبيل رأسها وذهب 

نوران بذهول: ايه ده هو ازاي يعمل كده... ثم تذكرت انها قامت بإحتضانه فقالت: غبيه يا نوران غبيه...ثم ابتسمت حين تذكرت قلقه عليها ونامت .. 

اما عند اسر 

اسر: انا ازاي عملت كده أنا بحس معاها بإحساس مختلف أنا اضايقت جدا لما خرجت من حضني كنت اتمني انها تفضل كده علي طول... فإستغرب طريقه تفكيره ، ثم تذكر ذلك الرقم الذي قام بتهديدها فتحول وجهه حيث اصبح وجهه مخيف جدا وتحول لون عيونه إلي اللون الكحلي الذي يشبه الأسود وذهب الي اسلام 

حكي اسر لإسلام ما حدث 

اسلام بجديه: هات الرقم وانا اجيب معلومات عن صاحبه..

اسر: مش هينفع اكيد اللي عمل كده رمي الخط واكيد مش عامله بإسمه ..

اسلام: طيب انت ليه خدت الرقم منها طالما مش ليه لازمه..

اسر: كان لازم اطمنها عموما لازم ناخد بالنا اكتر من كده ..

اسلام: عندك حق لأن ممكن مش تكون هي بس اللي في خطر ممكن باقي البنات كمان ..

في مكان آخر 

كان يقوم ايهاب بإعداد مسدسه لقتل نوران فوجد من اقتحم المكان

ايهاب بقلق:انت مين..

الشخص: انا اللي هساعدك في الإنتقام..

ايهاب: انت عرفت منين ..

الشخص: ده مش مهم انت عايز تنتقم من نوران وانا عايز انتقم من أسر فمصلحتنا مشتركه..

ايهاب بتفكير : بس أنا مش ليا علاقه بأسر أنا انتقامي من نوران..

الشخص بمكر: وانا هنتقم من أسر عن طريق نوران ..

ايهاب: انا لسه مش عرفت انت مين ..

الشخص بشر : هتعرف في الوقت المناسب المهم دلوقتي هقولك الخطه عشان ننفذ الخطه هي ...... تمام 

ايهاب بشر : تمام ...

" فيا تري مين هو الشخص ده وايه هي الخطه ، انتظروا"

البارت الثامن عشر

في اليوم التالي 

استيقظت نوران فزعه بسبب تلك الرسائل فهي لم تنام جيدا وكانت تحلم بالكوابيس وعندما استيقظت كانت تنظر حولها فهي كانت تريد أن تري اسر ولكنها لم تراه 

نوران بإستغراب : هو مش هنا..

فظهر اسر فجأه من الشرفه 

اسر بمكر: كنتي بتدوري عليا..

نوران بتوتر: لا وانا ادور عليك ليه ..

اسر بخبث اكبر: يمكن كنتي خايفه ..

نظرت له نوران وسرعان ما فهمت أنه يريد تذكيرها بما حدث امبارح لأنها قامت بإحتضانه عندما كانت خائفه

نوران احمرت خدودها وبتوتر شديد : ها انا أنا لا أنا كنت ..

ضحك اسر : خلاص خلاص انتي مش عارفه تجمعي الكلام ...، ثم تحول وجهه إلي وجه هادئ 

اسر بهدوء: حد اتصل بيكي تاني ..

نوران: لا مفيش حد اتصل...

اسر: تمام ...، ثم خرج من الغرفه 

نوران بغيظ : هو في ايه بيدخل فجأه ويخرج فجأه..

أما اسر في الخارج 

اسر بتفكير: كان عندي حق مفيش حد هيتصل يهدد من نفس الرقم...

أما خارج القصر 

نظر يوسف إلي ملك فوجدها تنظر إلي البحر بشرود

يوسف بتساؤل: ملك بتفكري في ايه..

نظرت له ملك 

ملك بهدوء: خايفه علي نوران احنا جينا هنا عشان ننسي اللي حصل وننسي موت هيثم وكلنا فعلا بقينا افضل بس انا قلقانه جدا علي نوران أنا دايما موجوده معاها وعمري ما لقيت مشكله ما بينها وبين حد ده هي كانت محبوبه جدا وبتبعد عن المشاكل...

يوسف : أنا كمان مستغرب بس أحنا واخدين بالنا منها وهي كويسه..، ثم احتضن يوسف ملك حتي تطمأن. 

امام البحر أيضا ولكن بعيد عن ملك ويوسف 

فهد: لؤلؤتي مالك..

الاء: مفيش بس قلقانه شويه..

فهد: قلقانه ليه واحنا معاكي..

ابتسمت له ثم قالت بحزن: قلقانه علي نوران و اسر ده غير موضوع سرين وموت هيثم مش قادره انسي..

فهد ابتسم لها 

فهد: نوران احنا كلنا واخدين بالنا منها وخاصه اسر وانتي عارفه اسر هيقدر يحميها أما سرين وهيثم احنا هنفضل ندعيلهم ومش هننساهم ده قدرهم يا الاء وهما دلوقتي يمكن مرتاحين عن ما كانوا عايشين كل حاجه وليها حكمه احنا بنعرفها في وقتها..

هدأت الاء من كلام فهد فهي فعلا عارفه اسر خاصه أنه القناص " هنعرف موضوع القناص ده كمان شويه"

أما في الداخل كان عمر وحنين يتحدثون في امور عديده فرغم قلق عمر الشديد على نوران إلا أنه يثق في اسر كما انه يريد أن يخفف عن حنين لأنها كانت مصدومه من خبر موت سرين بتلك الطريقه وقتل هيثم امام عينيها .

وعند سيف ومليكه في المطبخ 

سيف: مليكتي ..

مليكه : نعم ..

سيف : بحبك..

مليكه : وانا اكتر ..

فدخل مراد الجارحي 

مراد بغيره علي ابنته: طب كفايه كلام وخلصوا عشان الكل بره مستني..

احمرت خدود مليكه من الكسوف أما سيف نظر لمراد بغضب ، خرج مراد وهو يضحك عليهم فهو كان يعلم بحبهم لبعض منذ الطفوله وتمني لهم وللأخرين السعاده..

نزلت نوران وجلست معهم 

ريم بمرح: ايه رأيكم نخرج النهارده وناخد صور في اماكن مختلفه ....

حنين: فكره حلوه..

الاء: تمام حتي تبقي صور للذكري...

بعد تناول الطعام خرج جميع الشباب 

وذهبوا إلي اماكن مختلفه واخذوا العديد من الصور 

وكانت اجملهم لأسر ونوران 

الاء: الصور كلها حلوه خاصه صور اسر ونوران..

ريم: فعلا لايقين علي بعض جدا بس هي مشكله الطول اللي ما بينهم دي .. 

فضحك الجميع

نوران وهي تنظر لهم ثم نظرت لأسر: انا مش قصيره اوي علي فكره هو اللي طويل جدا ..

حنين: فعلا اسر اطول واحد في الشباب بس انتي يا نور أقصر واحده فينا ..

نظرت نوران لهم ببعض من الغضب والمرح ثم ضحكت 

فوجدت اسر ينظر لها 

اسر بضحك: لازم كده مش قولتلك أول ما جينا البسي كعب قولتي لا ..ثم قام بتقليدها.. انت كنت بتتريق على الفستان دلوقتي علي الطول ...

فضحك الجميع ومن بينهم نوران تاه اسر في ضحكتها فنوران لديها ضحكه مختلفه 

لاحظ الجميع ما عدا نوران ان اسر كان ينظر لها بحب واضح كما انهم لاحظوا التغير المفاجئ لشخصيته فهو لم يكن يضحك كثيرا اما الأن فهو أصبح دائما يضحك 

في تلك اللحظه اتي شخص لهم 

فهد: مستر إدوارد عامل ايه..

ادوارد: كويس ..

نوران: ايه ده انت بتتكلم عربي..

ادوارد بضحك: اه بتكلم عربي كويس جدا أنا والدتي كانت مصريه بس في الشغل بتكلم بالإنجليزي عشان ده شغل..

نوران اومأت بتفهم .

سيف بهدوء: بس احنا كنا فاكرين أنك هتسافر بعد الإجتماع..

ادوارد: حبيت افضل في مصر شويه وبما اني هنا انا عامل حفله صغيره كده في الفيلا بتاعتي واحب أنكم تكونوا موجودين..

كان اسر سيرفض ولكنه رأي أن الجميع يريد الذهاب فجميعهم يحبون الحفلات بإستثاء اسر 

اسر بهدوء: تمام النهارده بليل هنيجي الحفله..

ادوارد بفرح: وانا مستنيكم..

عاد الجميع ليرتاحوا قبل الذهاب إلي الحفله 

وكانوا يشاهدون الصور التي التقطوها اليوم كانت نوران تري الصور وقلبها يدق حيث كانت تتذكر اقتراب اسر منها لإلتقاط الصور أما اسر فكان يتمني ان تطول فتره التقاط الصور لكي لا تبتعد عنه ، أما باقي الموجودين كانوا ينظرون لهذا الثنائي العنيد وهم يتمنون لهم السعاده 

جاء الليل و تجهزت جميع الفتيات كما فعل ابطالنا وكانوا رائعين وذهبوا إلي الحفل 

دخل جميع ابطالنا وكانت أنظار كل من في الحفل عليهم خاصه علي ذلك الأسر فكانت نظراتهم بين الحقد والحسد والفرح، فكانت نوران غاضبه من نظرات الفتيات لأسر أما اسر كان غاضب من نظرات الرجال لنوران

كانوا جميعا مستمتعين بذلك الحفل 

في مكان قريب من الحفل 

ايهاب بشر: هما موجودين أنا هنفذ الخطه دلوقتي..

الشخص: مينفعش دلوقتي انت عايز تقتلهم..

ايهاب بشر: أيوه مش ده اللي اتفقنا عليه..

الشخص بمكر وشر: اه بس بعد ما اشوف نظره الإنكسار في عيون اسر في عيون القناص..

ايهاب بإستغراب: قناص مين ..

الشخص خاف أن يقول لإيهاب أن اسر يكون قناص الداخليه فيخاف ولا يكمل معه الخطه: عشان هو قناص الإقتصاد صح ..

ايهاب: صح كده هنفذ بكره..

الشخص: تمام..

في الحفله 

كانت نوران تقف مع ملك وريم وفجأة تقدم شاب منهم 

نوران: افندم في حاجه..

الشاب بإبتسامه : ممكن ترقصي معايا..

نوران بهدوء: اسفه مش برقص..

الشاب مسك زراع نوران بحده: انتي عارفه انتي بتكلمي مين..

نوران بحده: أبعد عني.. ، وفجأه كان الشاب علي الأرض واسر فوقه يقوم بضربه لدرجه ان ذلك الشاب فقد الوعي..

فجاء إدوارد

إدوارد بتساؤل: اسر في ايه..

اسر بحده: مين الزفت ده ..

ادوارد: ده حسام القدري..

اسر قام برفع صوت وبحده : لو اي حد من الموجودين اتعاقد مع شركات القدري هيتمحي من السوق فاهمين...

لم ينطق أحد حيث أنهم كانوا خائفين منه أخذ والد حسام حسام إلي المستشفي ثم الي المطار فهو لن يظل لحظه واحده هنا فلا أحد يريد أن يتعرض لغضب القناص.

اما اسر قام بسحب نوران من يدها وركبوا السياره وكان يقود بسرعه كبيره ثم توقف امام القصر ونزل هو ونوران 

اسر بصراخ: ايه اللي حصل هناك ده ها..

نوران بخوف: والله كان عايزني ارقص معاه وانا رفضت..

اسر بحده: أنت ازاي مش تناديني في موقف زي ده ..

نوران بحده مثله: مش خدت بالي انا كنت فاكراه هيمشي ..، ثم قالت بصوت مرتفع: وأنت ايه اللي مضايقك ها ..

اسر: انتي مراتي..

نوران بحده: وهنطلق بعد ما ابقي في امان والموضوع ده يخلص..

امسك اسر زراعها : مفيش طلاق فاهمه انتي ملكي..

نوران بغضب كبير : أبعد عني انت بتعمل كل ده ليه ها ليه كل شويه تزعقلي وانا مش ليا علاقه باللي حصل ليه كل شويه تقولي انتي ملكي ها ..

اسر بغضب اكبر وصوت مرتفع: عشان بحبك لا عشان بعشقك عشان مش بقدر انساكي وكل ما أحاول انساكي الاقيكي قدامي انتي مسألتيش نفسك أنا ليه دايما بضايقك أو احرجك ببقي عايز اتكلم معاكي انتي عارفه أنتي ليه بتصحي تلاقيني قدامك عشان بتبقي واحشاني وببقي عايز اشوفك عشان انتي الوحيده اللي قلبي دق ليها..

نظرت له نوران وهي مصدومه هي كانت تعلم تأثير الغيره وانه سيعترف عندما يغار لكنها لم تتوقع ان يقول كل ذلك فلم تشعر بنفسها غير وهي تجري وتدخل القصر ثم تدخل غرفتها وتغلق الباب وتجلس على الأرض

نوران وقلبها يكاد يتوقف من سرعه دقاته : اعترف أخيرا قالها قال أن هو بيحبني... ثم ضحكت وهي تقفز.. اخيرا اخيرا بس انا ليه جريت غبيه اووف خلاص أنا هعترفله بكره ....ثم نامت وهي تبتسم..

أما عند اسر

اسر بصدمه: مجنونه هي ازاي جريت من قدامي كده.. ثم ابتسم واكمل.. بس عارف انها بتحبني وهخليها تعترف في اقرب وقت... ثم ذهب إلى غرفته ونام وهو يبتسم..

وصل باقي ابطالنا إلي القصر بعد اسر ونوران وسمعوا اعتراف اسر 

فهد بصدمه: ايه ده ده اعترف ..

الاء بفخر: مانا قولتلك هيعترف..

حنين: انا كنت فاكره أن نوران هي اللي هتعترف الأول..

عمر: نوران ذكيه وقدرت انها تخلي اسر يعترف ده غير أنها عمرها ما كانت هتعترف الأول ..

ملك بإبتسامه : المهم أن حد اعترف أخيرا ده أنا كنت هفقد الأمل ..

ضحك الجميع ثم ذهبوا إلي غرفهم وناموا وهم فرحانين بما حدث 

ذهب اسلام إلي اسر

اسلام بتساؤل: اسر انت نمت..

اسر بسخريه: ذكي اوي السؤال ده فرحتوا باللي حصل صح..

توتر اسلام ثم قال: ايه ده انت كنت عارف..

اسر: ما أنا عارف ان انتوا اللي متفقين مع حسام ده غير انكوا سمعتوا كل حاجه..

اسلام بتوتر: كانت فكره ريم والاء والله..

اسر بسخريه: عارف الأفكار ديه مش بتيجي غير من الاء..

اسلام بجديه: اسر انا كنت محتاجك في مهمه..

اعتدل اسر ثم جلس علي السرير

اسر بجديه: ايه هي..

اسلام: تهريب مخدرات ولازم نقبض عليهم ومفيش غيرك يا قناص اللي يساعدني..

اسر : تمام بكره الصبح نشوف الموضوع ده ..

اسلام : تمام بس هتوافق انت الوحيد اللي هتقدر تحل المشكله ديه وتقبض عليهم ده غير أن اللواء عايزك انت مخصوص..

اسر: ماشي انا هريح شويه وبكره الصبح نروح للواء..

اسلام: تمام.. ، وخرج اسلام 

اسر بإبتسامه: هنرجع تاني للقناص.. ثم وقف واخرج مسدسه من تحت المخده وجهزه ، ثم نام .

نام جميع ابطالنا وهم لا يعرفون ما ينتظرهم غدا 

" فيا تري ماذا سيحدث وهل ستستمر السعاده بينهم ومن ذلك الشخص الذي يساعد ايهاب ، كل ده هنعرفوا البارت الجاي، انتظروا"

١٩&٢٠

التاسع عشر 

في اليوم التالي 

استيقظ اسر وجهز سلاحه وذهب إلي غرفه نوران لقاها كالعاده نايمه 

اسر بهدوء: هتوحشيني بس هحاول مش اتأخر... ثم نظر اليها مره اخري ثم خرج من الغرفه ونزل الي الأسفل فوجد اسلام ينتظره

اسلام بإستغراب: هنروح دلوقتي .. 

اسر: اه دلوقتي يالا..

خرج اسر وإسلام وذهبوا إلي القسم ثم الي مكتب اللواء رحب بهم اللواء كثيرا ثم 

اللواء بجديه: طبعا يا اسر المهمه اللي جايه خطر في شحنه مخدرات كبيره هتتسلم ولازم نقبض عليهم وعشان هي خطر فأنا اخترتك يا قناص..

اسر بهدوء: تمام يا فندم بس ايه المعاد بالظبط ..

اسلام: لسه مش متأكدين النهارده الفجر ولا بكره ..

اللواء: وطبعا لازم تبقوا هناك النهارده بليل يمكن يكون ده معاد التسليم ..

اسلام: فين الفريق اللي هيبقي معانا ..

اللواء: في غرفه التدريب ..

خرج اسر وإسلام إلي غرفه التدريب ليتعرفوا علي الفريق الجديد .

في القصر 

استيقظت نوران وبحثت عن اسر ولكنها لم تجده 

نوران بإستغراب : غريبه هو مش هنا.. ، ثم ابتسمت حين تذكرت اعترافه لها وقررت الإعتراف هي الأخري عندما تراه ،

نزلت نوران الي الأسفل فوجدت الاء وحنين وملك ومليكه وريم

الاء بمكر: هو ايه اللي حصل امبارح أحنا خوفنا عليكي اسر كان متعصب جدا ..

نوران بإبتسامه وهيام : كل خير حصل كل خير ..

ريم بضحك: انتي مش معقوله ههه علي فكره أحنا سمعنا كل حاجه امبارح ..

نوران ووجهها قد أصبح لونه احمر: ايه انتوا سمعتوا ..

فأومأت لها الفتيات بمعني نعم.

ملك بسخريه: بس كان المفروض تقوليله أنك بتحبيه مش تجري ..

نوران بضحك: والله انا استغربت اني جريت بس هقوله لما ييجي هحاول اتكلم ..، ثم أكملت بمرح ..رغم اني بقف قدامه مش بعرف انطق غير لو بنعاند في بعض..

ضحكت الفتيات ثم تحدثوا في أمور عديده وخرجوا ليتمشوا علي البحر 

جلست نوران مع الاء بعيد قليلا عن الفتيات 

نوران بتساؤل: الاء كنت عايزه اسألك سؤال كده..

الاء: قولي..

نوران: هو مين القناص اللي بتتكلموا عنه ..

الاء بإستغراب: ايه ده انتي مش تعرفي ده الكل عارف ان اسر هو القناص ..

نوران بإستغراب: لا معرفش بس ليه بيقولوا عليه كده ..

الاء : اسر كان بيلعب رياضات كتيره ومنهم الرمايه ونظر اسر قوي جدا وكان دايما بيكسب بطولات فيها ده غير أنه معروف في الداخليه بكده ..

نوران بصدمه: داخليه ايه واضح اني معرفش حاجه عن اسر ..

الاء بهدوء: اسر مش درس الهندسه بس لأ هو كمان دخل الشرطه وكان بيروح مهمات كتيره وبيختروه هو بالذات ليها زي مقولتلك عشان هو كويس جدا في التصويب وكمان في الألعاب القتاليه وعشان كده هو ليه اعداء كتير مش في الإقتصاد بس ..

نوران : عشان كده الكل بيناديه بالقناص ده انا كنت فاكره انه قناص الإقتصاد بس ...

الاء: انا اتفاجئت أنك مش تعرفي عنه كده بس خلاص انتي عرفتي اه نسيت مش اسر بس فهد وسيف كمان في الشرطه وطبعا اسلام ..

نوران بتساؤل : هو اسر فين ..

الاء: تقريبا كده راح مع اسلام عند اللواء سمعت أنه كان عايزه ..

نوران: تمام ..

الاء: هو مش هيتأخر متزعليش ..ثم غمزت لها وضحكت وذهبت..

نوران بضحك : ههه اخت اسر هتبقي عامله ازاي هههه.

في مكان بعيد يقف ايهاب مع ذلك الشخص 

ايهاب :هنفذ النهارده ..

الشخص: أيوه أحنا هنستناها لما تخرج من القصر ونخطفها..

ايهاب: تمام ..

في غرفه التدريب 

دخل اسر بشموخ وبجانبه اسلام 

تفاجأ اسلام بوجود فهد وسيف

اسلام: انتوا ايه اللي جابكم مين هيبقي معاهم في القصر..

فهد: يوسف وعمر هناك ..

اسلام: صح نسيت ههه..

اسر بجديه: لازم نتدرب كويس مش عايزين اي خساره مفهوم . 

الجميع: مفهوم ..

في القصر 

تجلس نوران مع عمر 

نوران بتساؤل: عمر انت كنت عارف بموضوع ان اسر هو قناص الداخليه..

عمر : طبعا عارف ..

نوران: ازاي مش تقولي ها ..

عمر: كنت فاكرك عارفه ، نوران ..

نوران: نعم ..

عمر: بكره عيد ميلاد حنين وكنت عايز اجبلها هديه ..

نوران: صح انا نسيت الموضوع ده تمام هنروح نجبلها هديه يالا.

خرجت نوران مع عمر " للأسف لا تعلم ما سيحدث"

جاء الليل 

ذهب اسر مع اسلام وفهد وسيف إلي المكان المحدد وهم ينتظرون الشحنه وعلي استعداد للهجوم.

خرجت نوران وعمر من المول ودخلوا السياره كان عمر يقود والوقت كان متأخر فكانت الشوارع لا يوجد بها أحد وفجأه ظهرت سياره لا نعرف من أين وكانت تطارد سياره عمر وعمر يقود بسرعه 

نوران بصراخ: عمر حاسب..

عمر بصدمه: هما ظهروا من فين دول.. ، وهو يحاول تفادي تلك السياره الغريبه ولكن فجأه كانت تلك السياره أمامهم ونزل منها ثلاثه رجال ملثمين 

عمر بحده: نوران متخروجيش من العربيه فاهمه ..

نزل عمر وكان يتعارك معهم بمهارة شديده وفجأه أصيب عمر برصاصه لا نعرف من أين أتت ولكن من حسن حظه كانت في كتفه ولكنه وقع علي الأرض بسبب ضربهم له أما نوران كانت تبكي وهي تري اخوها هكذا وفجأه ذهب إليها أحد الملثمين وقبل أن تصرخ كان قد وضع علي انفها المخدر ففقدت الوعي وقاموا بخطفها والذهاب، وكل هذا تحت أنظار ايهاب ، أما عمر كان لا يستطيع الوقوف وكان قلبه يتعذب لرؤيه شقيقته وهي يتم اختطافها فأخرج هاتفه من جيبه واتصل بيوسف 

في القصر كان جمال ونجلاء قلقين علي نوران فهي ابنتهم ويستطيعون الشعور بأنها ليست بخير وكانوا جميعا يجلسون سويا 

محمود بهدوء: اهدوا هي ان شاء الله هتبقي كويسه..

نجلاء بقلق: قلبي مش مطمن عمر أو نوران فيهم حاجه ..

وفجأه رن هاتف يوسف 

يوسف : ده عمر، ثم قام بالرد : الو عمر ..

عمر بتألم وهو يكاد يفقد الوعي: نو نوران خط خطفوها..

يوسف بقلق : ايه عمر انت فين ..

عمر بتعب : انا في شارع ...، ثم فقد الوعي .

وقف يوسف وذهب ناحيه الباب ليخرج وقال : الاء اتصلي بأسر حالا نوران اتخطفت..

الجميع بصدمه: ايه اتخطفت.. 

يوسف بحده: بسرعه مفيش وقت... ثم خرج ليذهب الي عمر ..

اتصلت الاء بأسر

في مكان التسليم 

كام اسر يشعر بألم في قلبه لا يعرف سببه وفجأة اتصلت به الاء 

اسر بقلق : الاء نوران كويسه كلكم كويسين..

الاء ببكاء: اسر نوران اتخطفت..، وهنا شعر اسر بالإختناق ، أغلق اسر الهاتف ثم ذهب وقاد سيارته إلي القصر دون ان ينطق بحرف واحد أما اسلام عرف ما حدث لأنه كان قريب من اسر وسمع المكالمه 

اسلام بحده: نوران اتخطفت ولازم نبقي في القصر ..

فهد بحده : ازاي ده ..

في تلك اللحظه جائهم اتصال من اللواء يقول لهم أن معاد تسليم الشحنه ليس الأن وانهم قاموا بالقبض علي واحد من العصابه وسيجعلونه يعترف بمعاد التسليم ..

ذهب فهد وسيف واسلام إلي القصر .

في القصر 

عاد يوسف ومعه عمر كان عمر فاقد الوعي وينذف 

فأتت ريم بسرعه وقامت بمعالجته لأنها درست الطب وكانت أصابه عمر سطحيه ولكنه نذف الكثير من الدماء كما انه كان لديه العديد من الجروح 

فاق عمر وجلس معهم ولكنه لم ينطق بحرف واحد 

، دخل اسر وخلفه اسلام وفهد وسيف 

اسر بغضب شديد: ايه اللي حصل ها كنتوا فين لما اتخطفت ما تتكلموا.. 

حكي لهم عمر ما حدث 

بكت ملك كثيرا علي صديقتها كما فعل الباقي 

اسر بتساؤل: ملك متأكده أن نوران ملهاش مشاكل مع حد افتكري كويس ..

ملك ببكاء: لا ملهاش.. ثم فجأه تذكرت ، اسر نوران كانت في مشاكل مابينها وبين واحد كان معانا في الجامعه وشوفناه مرتين فى الشركه ..

اسر: مين هو..

ملك: ايهاب الدميري...

عمر بصدمه : فعلا ازاي مفكرناش فيه ..

يوسف بتساؤل: ايه سر العداوه ما بينهم ..

حكت لهم ملك عن تلك العداوه..

حنين : يبقي عشان كده مكتفوش بإصابه عمر ضربوه تاني للإنتقام أحنا لازم نعرف مكانه قبل ما يأذي نوران..

اسلام: هنعرف ان شاء الله هنعرف ده غير ان البصمات بتاعت اللي قتل هيثم ظهرت .. 

سيف: طب ما تشوف هي بصمات مين..

اسلام: الرساله اتبعتت بيقولوا لإيهاب الدميري ..

فهد: أحنا كدا اتأكدنا أن إيهاب هو اللي خطف نوران..

يوسف: بس هو هيقدر يعمل كل ده لوحده اكيد في حد تاني بيساعدوا..

عمر بموافقه: فعلا اكيد في حد تاني المهم دلوقتي أن احنا نعرف مكان ايهاب ..

وفعلا قام اسلام بمكالمه أصدقائه وقال لهم ليبحثوا معه عن مكان ايهاب .. 

أما اسر فكان خائف جدا علي حبيبته وكان قلبه يؤلمه كثيرا عليها 

اسر بحده : هلاقيكي يا نوران ، ثم أكمل بتوعد وتحول لو عينيه إلي الكحلي الذي يشبه الأسود فمن يراه سيموت من الخوف: ولو اتلمست منك شعره ساعتها هيشوفوا غضب الأسر غضب القناص ...

" فيا تري ماذا سيحدث ومن هو الشخص الذي يساعد ايهاب، هنعرف البارت الجاي، انتظروا."

العشرون 

في الفجر 

تستيقظ نوران ولكن وللمرة الأولي تتمني أن تستيقظ مفزوعه مثل كل مره علي صوت والدتها واخوها أو علي صوت اسر قلبها لكن للأسف فهي الأن تفتح عيونها وهي تري نفسها في غرفه مظلمه يضيئها نور القمر فقط لا يوجد في تلك الغرفه اي شئ وهي للأسف لا تستطيع الصراخ بسبب ذلك الشريط اللاصق 

نوران بخوف شديد: ايه المكان ده أنا مش شايفه حاجه..، ثم أكملت بألم: ورأسي وجعاني اوي.. ، ثم تأوهت بسبب ذلك الوجع..

نوران بتفكير: مين اللي خطفني انا مش أذيت حد قبل كده بل بالعكس بتمني للناس الخير أنا لازم اعرف مين اللي عمل كده ..،وفجأه تذكرت ما حدث لعمر وآخر مشهد شاهدته قبل ان تفقد الوعي هو عمر وهو ينذف 

نوران بأمل: يارب تكون كويس يا عمر ، انا لازم اهرب من هنا بس ازاي وانا متكتفه كده.. ثم سكتت وهي تحاول التفكير في خطه للهروب...

خارج تلك الغرفه 

نجد ايهاب يقف مع ذلك الشخص الذي لا نعرفه حتي الأن 

ايهاب بفرح : دلوقتي خطفنا نوران هنعمل ايه تاني.. 

الشخص بشر وتفكير: هنستنا اسر ..

ايهاب بإستغراب: هنستناه ليه أحنا مش هنقتلها..

الشخص بملل من ذلك الغبي:قولتلك قبل كده مش هقتلها غير قدام عين اسر فاهم قولتلك لازم اشوف نظره الضعف في عيونه..

ايهاب: بس انت بتقول انك هتقتلها أنا هعمل ايه..

الشخص بشر: هتعرف انت بس اصبر يالا نروح لنوران يمكن صحيت دلوقتي ..

اتجه الإثنين إلي تلك الغرفه ولا أحد يعلم ما سيحدث فيها...

في قصر الجارحي

نجلاء ببكاء: انا عايزه بنتي نوران فين ..

جمال وهو يحاول ان يتمالك نفسه: اهدي يا نجلاء أحنا بندور عليها ..

فهد بتعب وهو يدخل من باب القصر: احنا مفيش مكان مدورناش فيه وبرضه مش لاقينها...

الاء ببكاء: يعني إيه مش لاقينها..

محمود: طيب انتوا متعرفوش مكان ايهاب..

اسلام: لسه مش عارفين.. ، ثم نظر إلي اسر : اسر انت مش ناوي تتكلم بقي انت بتفكر في ايه يمكن نقدر نساعدك..

تنهد اسر وقال بتفكير: معاد اختطاف نوران كان في نفس معاد العمليه وطبعا ديه مش صدفه فأكيد صاحب العمليه ليه ايد في خطفها...

اسلام: وطبعا ايهاب مش ليه ايد في العمليه ديه اكيد كنا عرفنا .. 

عمر : ده اكيد ايهاب مش هيقدر يشتغل في الحاجات ديه ...

اسر: وده معناه ان في حد تاني معاه لازم نوصله بس المهم دلوقتي مكان ايهاب..

فهد: بس هما عملوا كده عشان ينجحوا العمليه ولا عشان يخطفوا نوران ...

عمر: واضح كده ان عشان ينفذوا العمليه لأنهم لو علي نوران كانوا قتلوها او اتصلوا بعد خطفها ...

ملك ببكاء: طيب دورتوا في بيت ايهاب او الأماكن اللي بيروحها ..

يوسف: اه بس مش لقينا حاجه توصلنا لنوران هناك..

اسلام: أحنا مراقبين التليفون و مفيش حل غير ان

احنا نستنا اي حد يتصل بيه عشان نوصلوا ...

في تلك الغرفه 

نوران تحاول فك ذلك الحبل ولكنها لا تستطيع ، وفي الخارج ،ايهاب: مش هتدخل معايا..

الشخص : لأ ادخل انت وانا هعمل حاجه بسرعه و اجيلك.. 

ايهاب: تمام..

وفجأه تم فتح الباب ودخل ايهاب لوحده

نوران نظرت إليه بصدمه فهي كادت ان تنساه ، 

ذهب إليها ايهاب وجلس امامها 

ايهاب بمكر: شوفتي اللي بيعاندني وبيتحداني بيحصل فيه ايه قولتلك قبل كده تبقي معايا وانتي اللي رفضتي واديتك فرصه تانيه وبرضه رفضتي فقولت اجيبك بالطريقه ديه ههههههه..

فك ايهاب الشريط اللاصق من علي فمها 

نوران ببعض من الخوف ولكنها لن تبين له ضعفها وخوفها فقالت بقوه: انت ليه بتعمل كل ده حرام عليك..

ايهاب بشر: قولتلك قبل كده انا خطفتك ليه..

نوران بقوه: عشان انا الوحيده اللي رفضتك صح انت عارف انا مش اتعاملت معاك ليه ..ثم نظرت لعينه وقالت بإستفزاز: عشان انت أقل من اني اتكلم معاك ..

ايهاب يحاول التحكم بنفسه ..

أكملت نوران بإستفزاز اكبر : ولا عشان عمر ضربك ومش قدرت عليه فخليت ناس تانيه تضربه وتخطفني عشان انت أضعف من أنك تقف قدامه اه ، تأوهت نوران بألم بسبب تلك الصفعه التي اخذتها من ايهاب..

ايهاب بشر: لولا أنه عايزك كويسه أنا كنت قتلتك دلوقتي ..

نوران بإستغراب وألم: هو هو مين ..

وفي تلك اللحظه دخل الغرفه شخص نوران لم تتوقع أبدا ان تراه هنا ..

نوران بصدمه اكبر : انت ازاي..

ادوارد بإبتسامه جانبيه: ايوه أنا ايه رأيك مفاجأه صح..

نوران وهي مازالت مصدومه : انت ايه اللي جابك مستحيل ازاي.. 

ادوارد بإبتسامه : لأ انتي ذكيه والمفروض تفهمي بسرعه ...

نوران بتساؤل: انا عملت ليك ايه ده أنا مش اعرفك غير من شهر ..

ادوارد: من الأخر انتي الطعم اللي عن طريقه هوصل للقناص..

نوران بحده: وانت مش خايف منه..

ايهاب بإستهزاء: هو قناص الإقتصاد بس مش قناص الداخليه يعني..

نوران بسخريه: لأ هو فعلا قناص الداخليه ..

وفي تلك اللحظه تحول وجه ايهاب فهو لن يستطيع الوقوف أمام قناص الداخليه 

ايهاب وهو ينظر إلي ادوارد: انت ازاي مش تقولي انا لازم اهرب من هنا...وهو يستدير ليخرج ..

ادوارد بشر:للأسف مش هتلحق ..واخرج مسدسه وقام بإصابه ايهاب في رأسه فسقط قتيلا..

صرخت نوران حين وجدت ذلك المنظر امامها ..

ادوارد بضحك: شوفتي بقي بس كان يستاهل..

نوران وهي تنظر له ثم لجثه ايهاب: انت ازاي كده انت شيطان حرام عليك ..

استدار ادوارد ليذهب وقبل ذهابه قال: علي فكره ايهاب هو اللي قتل هيثم وهو اللي أطلق النار علي اخوكي، اه اتعودي علي شكل ايهاب لأنك قريب هتشوفي اسر كده....، ثم أغلق الباب..

نوران وهي تبكي وهي تحاول ان لا تنظر لجثه ايهاب 

نوران بهمس: اسر انت فين .. 

وفي الخارج يجلس ادوارد مع رجاله وفجأه يرن هاتفه فيجد المتصل ابنه فيرد عليه 

ادوارد : مارك كل حاجه كويسه..

مارك: أيوه والشحنه قربت تدخل..

ادوارد: تمام قولي لو فيه اي جديد ..

مارك : تمام ..، ثم أغلق الهاتف وجلس وهو يفكر ..

في قصر الجارحي في الساحل

يجلس الجميع يفكر كيف سيجدون نوران وفجأه يدخل اللواء 

اللواء : عرفنا المكان ..

محمود : بجد ازاي..

اللواء: اسر قالي اتابع ارقام كل اللي تعرفوهم وفعلا لقينا اللي خطف نوران ..

نظر الجميع إلي اسر بفرح 

جمال: بس مين اللي خطفها..

اسر بحده: ادوارد مانويل..

نظر الجميع بصدمه 

فريد: ازاي ادوارد يعمل كده ..

صفاء: مش مهم المهم دلوقتي نلحق نوران..

هبه: فعلا يالا بسرعه ..

محمود بنبره لن تستحمل النقاش : انتوا هتفضلوا هنا انتوا والبنات ..، ثم خرجوا لينقذوا نوران .

وصل الجميع إلي ذلك المكان فوجدوه في الساحل وذلك من الأفضل كان المكان يشبه المخزن الكبير ولكنه ضعيف انه من الممكن أن يهدم ويوجد العديد من الرجال المسلحين 

اسلام بتسائل: أحنا هنهجم دلوقتي..

اسر بجديه: لا انا هروح ادور علي نوران وفي الوقت المناسب هديكوا الإشاره اللي هتبتدوا بيها تمام .. 

الشباب: تمام ..

نزل اسر من العربيه وذهب بخطوات خفيفه ثم دخل إلي ذلك المخزن فوجده كبير من الداخل ومتكون من العديد من الغرف فأخذ يدخل غرفه تلو الأخري يبحث عن نوران حتي وجدها ..

كانت نوران خائفه وتبكي وفجأه تم فتح الباب فوجدت اسر 

نوران بإبتسامه وهي غير مصدقه : اسر انت جيت..

ذهب اسر إليها مسرعا ثم قام بإحتضانها ولأول مره تبادله نوران 

اسر بحب وهو يحاول أن يطمئنها: أيوه يا قلبي أنا جيت.. ، ثم تبدلت ملامحه حين رأي وجه نوران المتورم بسبب صفعه ايهاب.

اسر بغضب: مين اللي عمل كده ..

نوران ببكاء : ايهاب ..

اسر بغضب: هقتله ..

نوران ببكاء أكثر: هو مات.. ثم شاورت الي الجانب فوجد اسر جثه ايهاب فقام بإحتضان نوران مره اخري 

قام اسر بإخراج مسدسه وإصابه رجل من الرجال اللي موجودين في الأسفل عن طريق الشباك وكانت هذه اشاره القناص وبدأ إطلاق الرصاص بين أبطالنا ورجال ادوارد.

نوران بخوف من صوت الرصاص: اسر انا عايزه امشي من هنا ..

اسر: يالا نخرج..

ادوارد: مش بالسرعة ديه ..

استدار اسر ووقف ووضع نوران خلفه وكان سيوجه مسدسه ناحيه ادوارد ولكنه وجد ادوارد يقوم بتوجيه المسدس ناحيته هو ونوران. 

ادوارد بسخريه: فعلا كان عندي حق لما خطفتها طلع ليها تأثير كبير وجيت بسرعه الصراحه عجبتني..

اسر بإبتسامه جانبيه: ولسه هعجبك لما اقتلك ..

ضحك ادوارد بشر : مش هتلحق.. ، وفجأه اهتز المكان بدليل أنه سيهدم .

"فيا تري ايه اللي هيحصل ، انتظروا"

تكملة الرواية من هنا 👇👇👇

من هنا