 |
رواية جريمة عشق ٤
(ميراث العشق)
الحلقه السادسه والسابعه
بقلم مريم نصار
دعوة جميلة قالها الشيخ الشعراوي:
اللهم إنّا نستودعك مقاعدنا في الجنة ، فاجعلها مقاعد صدق عند مليك مقتدر ، في أعلى جنات فردوسك الاعلى يا كريم يا واسع الكرم .
اللهم استودعناك محشرنا فاجعله تحت ظل عرشك يوم لا ظل إلا ظلك
اللهم إنّا نستودعك ميزاننا فثقله بما شئت .
اللهم إنّا نستودعك مدخلنا للجنة فاجعله بجودك وكرمك لا بعملنا يا أرحم الراحمين بدون حساب ولا سابقة عذاب ..
اللهم لا تشغل عقلي بما يقلقه و لا قلبي بمن لايرحمه و لا وقتي بما لاينفعه ..
ربي كن لي و كن معي واجعلني بك أقوى و بك أغنى ..
اللهم صل وسلم وبارك على سيدنا ونبينا محمد وعلى اله وصحبه اجمعين ..
آمين يارب العالمين ..
______________________________________
بسم الله نبدأ
عند محمد عزيز ..
محمد : واقف قدام المرايا بيسرح شعرو ..
نور : دخلت . وابتسمت اتأخرت عليك؟
محمد : اكيد طبعا . لكن المهم الولاد نامو ؟
نور : بتقلع الاسدال . تمارا بس الل نامت . لكن تيم بيراجع ع المنهج ..
محمد : ربنا معاه .. وإن شاء الله هيجيب درجات كويسه . انا واثق من ده .
نور : بتعلق هدوم محمد ع الشماعه . إن شاء الله ياحبيبى . ربنا معاهم يارب..
محمد : راح ع السرير .. تعالى بقى ارتاحي شويه . انتى صاحيه من الفجر ..
نور : حاضر . انا بجد نفسي انام اوى ..وراحت جمبه ع السرير ..
محمد : شد عليها الغطا . واخدها ف حضنه . وباس جبينها . يلا نامي ياروحي ..
نور : باسته من خدو برقه . تصبح ع خير ياحبيبى ..
محمد : بحب . وانتى بخير .
------------بقلمي مريم نصار
عند زين ..
ريتال : عند ليليان ف اوضتها وبتراجع معاها ..
ليليان : كفايه كده يامامي بليز . ٢٠ سؤال اصعب من بعض ..
ريتال : ايه بس يالي لي ما انتى ماشاء الله عليكي جاوبتى عليهم كلهم ..
ليليان : بتتاوب . ايوه ياروتي منا قولتلك حفظاهم والله . بس انتى بقى لازم تراجعى معايا مره واتنين وتلاته كمان ..
ريتال : خبطتها ع راسها يابت ياغلباويه انتى .. انا براجع وبتاكد عشان عايزاكي تففلى المنهج كله . ثم انا عارفه إن لي لي الجميله شاطره وقموره .. وهترفع راس بابا زين مش كدا يقلبى .
ليليان : اممم طبعا . لكن الأهم . وقبل اى حاجه.........
ريتال : قاطعتها . عارفه جدو آدم وناناه مريم .. اكيد طبعا دول أساس العيله ياروحي .. وإن شاء الله هترفعى راسهم وتجيبي مجموع كبير جدا...
ليليان : يااارب يارب يامامي .. ادعيلى بالله عليكى عايزه ادخل كلية هندسه ..
ريتال : لعبت ف شعرها . دعيالك ياقلب مامي . وكمان دعوات جدك وجدتك معاكي ديما انتى وأخواتك ...
ليليان : حضنتها انا بحبك اوى اوى يامامي ..
ريتال : ابتسمت بحب وضمتها لقلبها .. وانا بحبك جدا ياروح مامي .. يلا بقى علشان تنامى وترتاحي ..
ليليان : اروح اسلم ع بابا آدم وماما مريم . وكمان بابي حبيب قلبي . وأرجع انام ...
ريتال : بابتسامه ماشي ياحبيبتى . وانا هروح اطمن ع آريان ..تصبحي ع خير ..
ليليان : وحضرتك بخير ..
ريتال : خرجت ورايحه عند آريان ... وليليان رايحه تسلم ع باباها وآدم ومريم ...
------------بقلمي مريم
آريان : ف الحمام . فاتح نت بيكلم مازن صاحبه . وبيشرب سِجاره .. وكتب ل مازن . لأ لأ يامازن انا خايف ..
مازن : كتب . خايف من ايه ؟ هو حد هيشوفك ؟ وبعدين دى صورة بنت عاديه اتفرج عليها وبعدين امسحها عادى جدا . اسمع منى انا عايز مصلحتك ..
آريان : افتكر كلام جدو آدم ومريم عن الحلال والحرام .. وافتكر آدم مراد لما قاله إن مازن مصاحبك عشان فلوسك وكمان هيضيعك ..
مازن : انت يبنى مردتش عليا ليه انا هبعتلك صورة البنت . هي صاحبة زميل ليا اسمه احمد وهي بعتاله الصور بتاعتها وايه بقى البت جامده اوي يصحبى ..
آريان : غمض عينيه بحيره .. وجواه خوف من ربنا لانه عمره ما عمل حاجه زى دي . وكمان عيلته كلها محترمه .
. وهز راسه باراداه وكتب اسمع يامازن انا ماليش ف سكة البنات دى .. وبعدين ازاى واحده بعتا صور لواحد . وهو يبعتهالك . وانت تبعتهالى .. لأ انا بصراحه ندمان انى عرفتك يامازن ..
مازن : يا آريان متبقاش جبان .وانت شوف جسم البت واحكم بنفسك انت هتدعيلى يصحبى ..
آريان : اتخنق . انا مش عايز اشوف حد .. وانت المفروض تخاف من حاجه زي دي .. انت اكيد عندك اخوات بنات واستحاله تقبل عليها كدا ...
مازن : بهزار يعم فوكك بقى . بلا اخواتى بلا امي . المهم انى اتبسط وخلاص ...
آريان : بدهشه كبيره . ايييه؟ ا.انت بتقول ايه . اسمع يامازن انت مالكش دعوه بيا تانى . ولا عايز اعرفك تانى ...
مازن : اسمع بس انت زعلت ليه.؟ وبعدين ده انا الل بشتريلك السجاير . وانا الل مظبظ نص المجموعه بتاعتنا .
.وكمان ليك عندى خبر حلو . البت اسماء الل معانا ف السنتر هتموت عليك . وكلمتنى اتوسط ليها عندك .. وتتقابلو ف شقه ساعة زمن تقعدو مع بعض وتفرفشو وتدعولى ...
آريان : رمى السجاره ع الأرض بصدمه .. وقاله بغيظ انت لو قدامى دلوقتي انا كنت ربيتك وعلمتك يعنى ايه رجوله .
. مش معنى انى وافقتك اشرب سجاير ..يبقى هتاخدنى معاك ف طريقك . وانت فعلا شكلك كده عايز تاخدنى ف طريقك بس لأ .
. انا عمرى ما هسمح لنفسي ابقى كدا . انا حفيد آدم العدوي . وانت متعرفش يعنى ايه آدم العدوي يامازن .
وانا استحاله اعمل حاجه زي دي.. انت تبعد عني ومش عايز اعرفك تانى .. وقفل النت .. وحط الفون ع طرف البانيو .. واتغاظ . ومسح وشه بايديه وخايف..
ريتال : خبطت ع آريان .. ومردش . وقالت آريان . آريان . ايه ده هو نام ؟ وفتحت الباب ودخلت. وسريره فاضي .. وخبطت ع الحمام آريان ياحبيبى ..؟
آريان : اتصدم وقام بسرعه . ا.ايوه ياماما . ث..ثوانى وخارج .. وشال بسرعه السجاره ورماها وشد السيفون .. وفتح شباك الحمام .والستاره . ورش معطر جو كتير .. وراح عند الحوض . وفرش اسنانه بسرعه وغسل وشه . واخد الفون وحطه ف جيبه .. واخد نفس عميق وحاول يبقى ثابت . وخرج . احم ...
ريتال : كانت مبتسمه . لكن ابتسامتها اختفت . مالك يا آريان وشك اصفر ليه كدا ياحبيبى؟ .. وجريت عليه بلهفه انت تعبان . حاسس بحاجه ...
آريان : حاسس بالخوف . وانه ارتكب غلطه كبيره .. وهز راسه لأ ا.انا كويس ياماما متقلقيش عليا .ا.انا......احم . ا.انا كنت ف الحمام .وا...احم . انا عايز انام ممكن ؟
ريتال : تعالى ياحبيبى . تعالى نام وانا هقعد جمبك .. شكلك مش عاجبني يا آريان .. تعالى ياروحي ..
آريان : نام ع السرير وحط الفون ع الكمود . وجواه مخنوق ومحتار ...
ريتال : شدت عليه الغطا .. وبتمسد ع شعرو بحنان . مالك يا آريان؟ .. تعرف انت مش عاجبني بقالك فتره كبيره .
. حتى جسمك نزل شويه . وف االنادى اول مره تخسر ف المسابقه بتاعتك .
. وحاسه إن الاراده الل عندك قلت بكتير .. وكمان ماما مريم لامت عليا انهردا لما شافتك بالشكل ده .. وقالت معقول اغيب شهر عن البيت ارجع الاقي آريان ابن قلبى متغير كدا ؟
آريان : اتنهد بتعب . وغمض عينيه انا اسف ياماما .. واوعدك انى هرجع آريان حفيد آدم العدوي .. وهرجع للرياضه من تانى ..وهكسب زى كل مره .. وماما مريم هتكون فخوره بيا اوعدك ..
ريتال : باست جبينه .. وانا واثقه أنك قد وعدك .. وهتكون أحسن آريان ف العالم كله ..
آريان : بشبح ابتسامه . إن شاء الله . وغمض عينيه .. تصبحى ع خير ..
ريتال : وانت بخير ياروحي .. وقامت وطفت الإضاءه وخرجت ..
آريان : فتح عينيه .. واتعدل وبيفكر ف كل حاجه حصلت . ولوم جدته مريم لوالدته .؟
. وفعلا حاله بقى ف النازل من يوم ما اتعرف ع مازن ده .
. وفكر ف تهديد آدم مراد . وعارف إن آدم مبيخافش من حاجه . وكمان عندو شدة إقناع لجدو آدم غريبه ورغم صغر سنه إلا أنه محترف ف كل حاجه . واكيد تهديده هينفذه . واستحاله هيستحمل المواجهه بينو وبين جدته مريم ..
و آريان قام من مكانه وقبض ع ايديه بحيره كبيره . وراح فتح درج المكتب . وجاب علبة السجاير من تحت الكتب وبص عليها كتير . وكان متغاظ وقرفان من نفسه .. وكرمش علبة السجاير وقطعها بايديه . ورماها ف الحمام وشد عليها السيفون .. وخرج فتح الفون .. واتصدم من صورة البنت الل بعتها مازن ليه .. وفتح عينيه بعدم استيعاب .. وغمض عينيه بعدها . وخاف جدا من ربنا .. وحذف الصوره . وعمل حظر ل مازن .. واخد قرار ..انه يرجع آريان العدوى من جديد ..
زين : ف اوضته .قاعد ع الكنبه وفاتح اللاب توب . وبيسيڤ شغل مهم ...
ريتال : دخلت . وابتسمت انت لسه يازينى ع اللاب توب ..
زين : قلع النضاره . اعمل ايه ياروتى . صفقه مهمه جدا ..ما انتى عارفه .. المهم اتكلمتى مع آريان ولا اتكلم معاه انا ؟
ريتال : قلعت الاسدال .. لا اطمن ياحبيبى انا كلمته . وقالى اوعدك يا ماما انى هرجع زى الاول ..
زين : مط شفايفه بحيره . لو فضل ع كدا . انا هضطر اراقبه ..
ريتال : كشرت عينيها .. تراقبه؟ واحنا من امتى بنراقب ولادنا يازينى ..
زين : مدام ف المصلحه يبقى من دلوقتي ياريتال . والزمن بيتغير .. والناس بتتغير .. مستوى آريان اخر فتره معجبنيش ..
ريتال : شالت اللاب من قدام زين .. حبيبى متفكرش كتير . ولو أريان استمر ع كدا . اعمل الل انت بتقوله ده . اوكي . ويلا بقى علشان تاخدنى ف حضنك وننام بلييييز ..
زين : مسح وشه بايديه . اه والله ياقلبى عايز انام جدا .. يلا تعالى .. وقام . واخدها ف حضنه ..وباسها برقه. تصبحى ع خير ياروتى ..
ريتال : بحب . وانت بخير يا زينى
------------بقلمي مريم نصار
عند مراد ..
مراد : خبط ع ميرو بطريقه معينه..
ميرو : قاعده بتراجع . وضحكت بسعاده بابي . وقامت جريت فتحت الباب بسرعه .
مراد : ابتسم . ميرو قلبى عامله ايه دلوقتى؟
مريم : بابتسامه . انا كويسه يا بابي . اتفضل حضرتك . وايه شوب اللبن ده؟
مراد : دخل : وحط كوباية اللبن ع المكتب . ده يستى شوب لبن لبنوتى القمر . والشوب التانى ده لاخوكي دومي .
. مريوم بقى طلبت من زينب تطلع لكل واحد من احفادها شوب لبن . قولت انا ايه بقى . اطلع بنفسي اطمن ع قمرى الل وحشه ابوها موووت .. تعالى ف حضنى ..وفتح ايديه ..
مريم : ضحكت . واترمت ف حضن ابوها . حبيبى يابابي . ربنا يخليك لينا .. انا بحبك اوى اوى يابابي ..
مراد : طلعها من حضنه . وبيرتب شعرها . ومبتسم . وانا بحبك جدا ياروح بابي .
مريم : تعرف يابابي انا بجد نفسي متسافرش تانى .. الفيلا من غيرك وحشه اوي ..
مراد : ياروحي ده شغلى . والحمد لله . انى مبقتش اسافر كتير .. عارفه وانتى صغيره . كنت بسافر بالشهور .. المهم عامله ايه ف المدرسه .. ف حد من المدرسين بيضايقك؟
مريم : لأ كل حاجه تمام ..
مراد : بتنبيه .. اى حاجه تحصل . عندك تيم و آريان وكريم .. دول اخواتك .. لكن يامريم زى ما فهمتك . اخواتك وبس لا ف سلام بالايد . ولا هزار وضحك مع بعض .. مهما كان فاهمانى يابنتى ..
مريم : ابتسمت متقلقش يابابى . احنا كلنا تربية مريم الجزار . و آدم العدوي .. وكمان انا بنت العقيد مراد العدوي .اقوى راجل ف العالم كله .. السوبر مان الحقيقى .. انا بجد فخوره إن حضرتك ابويا ..
مراد : جواه احساس جميل . ومسد ع شعرها . تعرفي يامريم . انتى الوحيده الل مبعرفش اهزر قدامها كلامك بيجبرنى اكون عاقل ههههه . ربنا يكملك بعقلك يابنتى .
مريم : ميرسي جدا يابابي ..
مراد : باس جبينها . انا هروح اطمن ع آدم . اشربى اللبن . ونامي اوكي .. تصبحي ع خير
مريم : اتنهدت بحب . حاضر وحضرتك بخير .
مراد : اخد كوباية آدم . وخرج وقفل الباب . ومبسوط من هدوء بنته ..
مريم : ابتسمت بحب كبير . وقالت انا بحبك اوى يابابى . بجد أعظم اب ف العالم ..
مراد : خبط ع آدم . وقال ولا يا دومي ..
آدم : اتفضل يا بابا ..
مراد : فتح ودخل . طول عمرك مهزء . طيب قوم افتحلى الباب ..
آدم : بينشف وشه .. انا آسف جدا . كنت بتمرن ..
مراد : حط الكوبايه ع الكمود . وقعد وقال طيب اتمرنت كام ضغط انهردا .. تعالى اقعد ..
آدم : قعد ع طرف السرير جمب مراد .. اتمرنت ٢٠ ضغط ..
مراد : بس ؟ لازم تتمرن اكتر من كدا ..
آدم : اكيد . لكن الامتحانات قربت . وده الل شاغلنى ..
مراد : ماشي يانجم . اسمع بقى انا عندى ليك برنامج ف الاجازه ف بيت المزرعه. انا متأكد أنه هيعجبك ..
آدم : كشر عينيه بعدم فهم . برنامج ايه؟ انا ف الاجازه بتعلم الفروسيه والسباحه ..
مراد : خبطه ع كتفه ياض متبقاش مستعجل . وانت مبوز كدا ليه؟
آدم : ابدا . انا بس استغربت ايه البرنامج ؟
مراد : طلع مسدس من الخلف . وقال ده ؟
آدم : فتح عينيه بدهشه . بابا انت هتعلمنى النيشان .؟
مراد : طبعا . وانا عند وعدي .. انا مش ناسي لما طلبت منى انك تتعلم تضرب نار . بس انت كنت لسه صغير .. انا دلوقتي هعلمك واحده واحده .. وخصوصاً انى شايف فيك شغف كبير .. بس لو تفرد بوز امك ده ..
آدم : ابتسم .. عشان خاطرك انت بس ياحج ..
مراد : لعب ف شعرو . اصيل ياض .. المهم اشرب كوباية اللبن دى . ونام اتفقنا ..
آدم : اتفقنا .. شكرا يابابا ..
مراد : ع ايه ياض . ده انت ابنى وحبيبى وعايز اشوفك احسن واحد ف العالم كله .وقام وقف . انا هروح اشوف تالين اشطا. يلا تصبح ع خير .
آدم : ابتسم وحضرتك بخير ..
آدم مراد : قام . وحط الفوطه ع السرير . ونزل ع الأرض يلعب ضغط . وجواه شغف كبير انه يوصل لهدفه ..
مراد : خرج وراح يشوف تالين . وفتح عليها الاوضه بشويش . وكانت نايمه .
.قرب منها . وقعد جمبها ع السرير . وابتسم بحب كبير . ومسد ع شعرها . وقال سبحان الله كنت خايف ع فريحتى تخلف تاني .
. لكن حصل وسبحان الله ربنا رزقها بولاده سهله وانا كنت مخنوق ومعترض .
. لكن اول ما شيلتك بين ايديا حبيتك واتعلقت بيكي اكتر من اي حد . انتى شبه الملايكه ياتالين ..
أنا اكيد عامل حاجه حلوه ف حياتي عشان ربنا يرزقني بيكي انتى وأخواتك .
.وضحك بتريقه هو انا بعمل حاجه حلوه ههههه . اوبس . هششش ووطي صوته . وقرب منها وباسها من جبينها وشد عليها الغطا . وخارج ..
تالين .. بابا مراد؟
مراد : لف ليها . ايه ده انتى صاحيه ياتوتا؟
تالين : اتعدلت وبتدعك ف عينيها . امم انا صحيت وحضرتك بتضحك ..
مراد : رجع قعد جمبها . اسف ياقلب بابا .. يلا ارجعي نامي ..
تالين : تيته مريم وهي بتنيمني كل يوم بتقرا جنبي صورة الملك لحد ما انام . ممكن حضرتك تعمل كدا . واترمت ف حضنه ببراه وبتتاوب..
مراد : ابتسم بحب كبير . ومسد ع شعرها . عيوني ليكى يابوبناية قلب بابا . بس انتى ليه ديما بتقولى بابا وماما . وجدو وتيته . ليه مبتقوليش زي اخواتك ..
تالين : عشان انت بابا قلبى انا وبس . وجدو آدم جدو قلبى وبس . وانا بحب اقول كل حاجه صح . هو كدا غلط يابابا؟
مراد : بسعاده ضمها لقلبه بحب كبير . وباس خدها . يابت انتى عسل نحل . وسكر وكل حاجه حلوه . انتى كل كلامك صح ياقلب بابا . وانتى ومريم اختك . ف قلبى وبس . تعالى يلا اقرالك سورة الملك ونامي اوكي؟
تالين : اوكي . وحطت راسها ع المخده . وغمضت عينيها .
.. بابا حط ايدك ع راسي وانت بتقرا القرآن . وكمان اقرأ اول عشر آيات من سورة الكهف .عشان هسمعهم بكره لتيته .
مراد : بابتسامه .. حاضر ياحبيبتى . وحط ايدو ع راسها وقرا ليها ..
تالين : مغمضه عينيها وبتقرا معاه . لحد ما نامت واستكانت تماما ..
مراد : قلبه فرحان ب تالين لانها تصرفاتها كلها عاقله جدا . وشد عليها الغطا . وخرج
مراد : خرج .. ورايح ع أوضته ..
فريحه : اخدت شاور . ولبست طقم رقيق . وبتحط ميكب اب وكانت جميله جدا وفرحانه إن مراد رجع بخير ...
مراد : فتح الباب ودخل . وشاف فريحته . وقفل الباب وابتسم . ونده بحب فريحه . وفتح ايديه ..
فريحه : لفت بسرعه . وضحكت بسعاده . وجريت عليه بلهفه كبيره . مرادى ..
مراد : ضمها لقلبه ورفعها من ع الأرض . ولف بيها بسيط . وحشتينى اوى يافريحتى ..
فريحه : مغمضه عينيها . وانت كمان وحشتنى اوى اوى يامرادي .. انا السعاده رجعت لقلبى تانى بوجودك معايا ..
مراد : نزلها . وطلعها من حضنه . وبيتأمل فيها . انتى كل شويه تحلوى كدا ؟ ورجع خصله ورا ودنها .. وحشتينى موت يابت المستخبى..
فريحه : ضحكت بسعاده .. حمدالله ع سلامتك يامرادي ..
مراد : حط ايدو ع خدها . وقرب منها باشتياق كبير ..
فريحه : غمضت عينيها . وتاهت ف عشق المراد ...
------------بقلمي مريم نصار
عند آدم ..
آدم ومريم . قرآو الورد اليومي .
مريم : قلعت الاسدال . وراحت قعدت ع طرف السرير جمب آدم ..
آدم : تعالى ياروحي ف حضنى ..
مريم : نامت جمبه وحطت راسها ع كتفه . تعرف يا آدم . انا مبسوطه اوى . اليوم انهردا كان جميل الحمدلله ..
آدم : بيمسد ع شعرها . وانا مبسوط عشان انتى مبسوطه . وفعلا اليوم كان جميل . اللمه الحلوه دي . بتحسسنى إن الدنيا لسه بخير ..
مريم : تعرف يا حبيبى بتمنى ايه؟
آدم : ايه ياروحي .؟
مريم : رفعت راسها وبصت ف عينيه وقالت . بتمنى إن الناس كلها تتجمع ف الخير .
.نفسي الشر يقل . والناس تعرف انها دنيا دنيئه ومحدش واخد منها حاجه .
. بتمنى الفقير يصبر ع ابتلاء ربنا ليه . ويعرف إن ف مكافأه ليه ف الاخره . وانه اول واحد هيدخل الجنه .
. نفسي الغنى يتواضع ويعطف ع الفقير .. ومبيبصش ليه بنظرة كبرياء .
. نفسي الراجل يعامل زوجته ع أنها كائن ضعيف محتاج طبطبه ورحمه .
. ونفسي الزوجه تعامل زوجها بما يرضي الله ورسوله .
. نفسي الإبن يخاف ع امه وأبوه ويحبهم مهما طال بيهم من عمر أو مرض .
. نفسي الحما تعامل مرات ابنها انها زى بنتها .. وتعرف انها لما تعامل مرات ابنها كويس وتسعدها . السعاده دى هترجع لابنها ف الاخر . ويعيشو من غير مشاكل .
. نفسي مرات الإبن تراعي ربنا ف أهل جوزها .
. نفسي الدنيا تبقى جميله وهاديه . نفسي نرجع تانى لايام زمان..
. زمن الخير والبركه . نفسي اشوف واحس فرحة وروحانيات رمضان زى زمان . وفرحة العيد. والناس تسأل ع بعض والخير يعم ع الكل .
. والنفوس تبقى صافيه وجميله.. نفسي بجد ف حجات كتير يا آدم .
آدم : بيسمعها بتركيز كبير . وشاف نظره تمنى ف عينيها . وقال جواه. وانا نفسي احققلك كل احلامك يامريم .
. لكن صعب دى محتاجه لدعوه من القلب واستجابه من رب العباد .
. وابتسم ليها . وقال إن شاء الله ياروحي . ربنا يحققلك كل أمنياتك ..
مريم : حطت راسها ع صدره . واتنهدت إن شاء الله ياحبيبى ..
آدم : بيمسد ع شعرها . تعرفي بقى انا نفسي ف ايه؟
مريم : غمضت عينيها بحب . ايه يا آدم ؟
آدم : نفسي اسيب كل مسؤولياتي والمجموعه الشركات واسيب كووول حاجه . واقعد جمبك ليل ونهار ..
مريم : ابتسمت بفرحه .ورفعت راسها بجد يا آدم . طيب ياحبيبى ياريت تعمل كدا . مستنى ايه ؟ ابنك زين ماشاء الله عليه اثبت نفسه هو وريتال ف نفس المجال ...
آدم : باسها برقه . ايوه ياروحي لكن زين المسؤوليه كبيره جدا عليه من مجموعه و شركات ومصانع ومؤسسات وفروع اللهم بارك .
. لسه شويه عليه لما يتعلم كل حاجه .. انا مش عايز اسيبه ف نص الطريق .
.انا بس اطمن عليه أنه يقدر يواجهه اي مشكله ف الشغل . وساعتها بقى اسيب كل حاجه . واجري ل اميرتى وروحي ..
مريم : بحب . ربنا يوفقك يا آدم . ويسعدكو ياولادي انتو واحفادي ..
آدم : ويبارك ف الماستي ..
مريم : امين . ممكن بقى تاخدنى ف حضنك وننام ؟
آدم : طبعا . تعالى ياروحي .. واخدها ف حضنه . تصبحي ع عشق آدم ..
مريم : آمين يارب .. تصبح ع جنة مريم .. ونامت ع صدره . وابتسامتها ع وشها .. وبتدعي بقلبها أنه يديم عليها نعمة آدم ..
------------------بقلمي مريم نصار
بعد مرور فتره من الزمن ..
فيلا العدوي ..
رينو : رايحه جايه ف الليفنج ومتوتره جدااا.. يارب خليك مع ولادى ونجحهم يارب. انا مش قادره اصبر ..
مريم : جايه عليها . امسكى يارينو .اشربى العصير ده واهدى شويه ..انتى وترتينى اكتر منا متوتره .
رينو : انا آسفه غصب عني يامامي .. انهردا يوم صعب جدا علينا كلنا .
انتى عارفه نتيجة الثانويه العامه .
وكمان رودي هتجنن لأن چود ف تالته ثانوى وده الفيصل .
. وكمان مريم عزيز ابنها مصطفى ف تالته ثانوى
و اسر ابن ساره ف تالته ثانوى .
وحياة ف اولى ثانوي..
. آرين و آركان ف تانيه ثانوي
وكمان آرين و آركان . مش عيل واحد لأ دول الاتنين شهاده واحده. بجد اعصابى باظت .
وفهد مسافر مأموريه من شهرين واكتر .. ودلوقتي كل خمس دقايق يتصل . اهو شايفه بيتصل تانى .. ثوانى يامامي . وردت . الو يافهد ..
فهد : بقلق . ايوه ياحبيبتى . ها طمنينى حد جاب النتيجه ؟
رينو : لسه يافهد تيم لسه مرجعش ..
فهد : بحده .تيم ....؟ و آرين و آركان فين ؟ اوعي تقولى آرين مع تيم لوحدهم يالارين ؟
رينو : ممكن تهدى شويه .. آرين بنتك ف اوضتي فوق ومتوتره وخايفه . وتيم و آركان راحوا يجيبو الشهاده .
فهد : آرين خايفه ؟ طيب ياحبيبتى . انا هقفل واتصل عليها اطمنها ..
رينو : ياريت بجد يافهد . وجودك جمبها بيفرق كتير ..
فهد : مسح وشه بايدو . غصب عني يارينو . غصب عني والله .. يلا انا هقفل واكلمها .. وقفلو ..
مريم : امسكي بقى اشربى العصير ده وريحي قلبى ...
آرين : قاعده ع طرف السرير متوتره . وقامت قعدت ع كرسي المكتب .. وبتفرك ف ايديها بتوتر ..
تالين : قاعده معاها وهي حاليا ف اولى اعدادي . وقالت اهدى يا آرين . وانتي اكيد إن شاء الله ناجحه ..
آرين : قامت ورايحه جايه بتوتر . اهدا ايه بس يا توتا . انا خايفه وتيم أتأخر جدا . وبابي بعيد عني ف أهم يوم انا محتجاله اوى .
تالين : ببراه . ربنا معاه هو وبابا . انا صليت الضهر وكلمت ربي كتير اوى . وقولتله يارب خلى بالك من بابا وخالو فهد لأنهم بيدافعو عن بلدنا . ونيتهم خير . متقلقيش ربي ديما معانا وبيسمع لقلبى . انتى اهدى وقولى لاحول ولاقوة إلا بالله . وهتلاقي نفسك هديتي ..
آرين : قعدت جنبها ومسدت ع شعر تالين . وحوقلت وقالت لاحول ولاقوة إلا بالله .. إن شاء الله خير ..
ولحظه وفونها رن وجريت عليه . وقلبها دق بفرحه . بابي ؟ وردت بسرعه . الو بابي ..
فهد : قلب بابي ياروحي طمنينى عليكى ياحبيبتى؟
تالين : قامت وهمست ل آرين انا هروح الجنينه ل ماكس اوكي ..و فتحت الباب وخرجت ..
آرين : انا كويسه اوى يابابي . وكملت بدموع
. بس كنت محتجالك اوى ..
فهد : بزعل حقيقي اسف ياحبيبتى انتى عارفه انه غصب عني.. لكن انا ديما جمبك ف اى وقت ..
آرين : انا عارفه كدا يابابي .. وكمان غمضت عينيا زى ما حضرتك عودتنى . واتكلمت معاك كتير جدا . ووقتها حسيت انى كويسه اوى ..
فهد : ابتسم بحب . وانا كمان امبارح كنت عايز اطمن ع بنوتى الجميله .. وغمضت عينيا وكلمتك . بس انتى رخمه بقى صوتك واطى خالص وحاولت اسمعك بالعافيه ههههه..
آرين : ههههه انا صوتى رقيق ل مامي القمر ..
فهد : انتى كلك ع بعضك تشبهى مامي القمر . المهم ياروحي انا مش عايزك تقلقي ولا تخافى . كل حاجه مكتوبه هنشوفها اوكي ..
آرين : اكيد طبعا . وإن شاء الله النتيجه هتكون كويسه .
فهد : طيب تمام . مش انتى بتقولى مقفله كل الامتحان ؟
آرين : طبعا ماسبتش حتى ولا فتفوته صغنتته..
فهد : ههههه ولا فتفوته صغنتته خالص .. خلاص يبقى اطمنى ياروحي إن شاء الله النتيجه هتبهرنا كلنا ..
آرين : يارب يارب يابابى . انا صليت كتير ودعيت ربنا كتير جدا . وماما مريم قالت إن ربنا هيستحيب ..
فهد : اتنهد بحب . اكيد هيستجيب .. ربنا ديما معانا وبيوفقنا ع طول ..
آرين : يارب . بابي خالو مراد فين ؟ عايزه أكلمه ..
فهد : خالك مراد كان هيتجنن ويطمن عليكى انتى و آركان . لكن نزل شغل مهم . واول ما يرجع . هيكلمك اكيد .. جدو طارق وجدو آدم كلموكي ؟
آرين : ايوه . كل شويه يكلمونى . ومتوترين اكتر منى . وخصوصاً ماما رنا حبيبتي ..
فهد : هز راسه تمام ياحبيبتى ربنا يوفقك . انا لازم اقفل دلوقتي .. وشويه هكلمك خلى بالك منك يا آرين ..
آرين : بدموع . هتوحشنى اوى يا بابي ..
فهد : غمض عينيه بتعب . وانتى كمان ياروحي .. لا إله إلا الله ..
آرين : مسحت دموعها سيدنا محمد رسول الله.
------------بقلمي مريم نصار
ف شركة آل العدوي .
ف غرفة الاجتماعات ..
زين قاعد بيشرح ف الاجتماع .. وع يمينه آريان وهو خلص الجامعه . واتعين دكتور ف الجامعه . وكمان استلم شغل مع جدو آدم وزين .
وع شماله قاعده ليليان الل خلصت كلية الهندسه . وهي حالياً تحت التمرين وبتساعد زين وريتال ف مجال الأعمال ..
ريتال : ف مكتبها .. وبتابع شغلها ع اللاب توب ..
ف مكتب آدم ..
آدم : اتصل ع مريم وعايز يطمن ع النتيجه . وقالتله إن تيم لسه مجاش وقالها اول ما تيم يرجع تكلمه ع طول وتطمنه .. وقفلو
.. وبعد شويه .. الباب خبط .
زين : دخل . مساء الخير يا حج ؟
آدم : مساء الخير تعالى يازين ..
زين : واقف قدام المكتب .وقال الصداع عامل ايه دلوقتي ياحج العلاج جاب نتيجه ؟
آدم : سيبك من العلاج لكن انا الحمد لله احسن بكتير.
ها قولى احفادى عاملين ايه ف الاجتماع ...
زين : بفخر كبير . لا الحمدلله تمام جدا . آريان ماشاء الله عليه دماغه شغاله وعندو حضور كبير .. ولي لي ف التفكير حلو لكن ف الشغل مش اوى ..
آدم : ابتسم . واحده واحده عليها يازين .. وهي بتتسلى وتضيع وقت ف حاجه مفيده . وهتتعلم اكيد .
.اما الدكتور آريان انا واثق أنه هيكون ليه مستقبل جميل جدا إن شاء الله. المهم الاجتماع انتهى ع ايه ؟
زين : إن شاء الله ياحج .. اتفضل ده ملف كامل بدراسة الجدوى .
. ونفذت الشروط زى ما شرحت لحضرتك بالظبط .. وفعلا شافو إن الشرط الجزائي كبير . وانا رديت عليهم بثقه. وقولتلهم المجال مفتوح للجميع . وكتير جدا عايزين يشاركونا المشروع ده .
. وبعدها وافقوا ع طول . واتفقنا ع امضة العقود . اخر الشهر إن شاء الله ..
آدم : ابتسم بحب . وقال ماشاء الله عليك يازين .. ع بركة الله ..
زين : هههههه تلميذك ياحج .. المهم ياحج مفيش اخبار ع النتيجه . عايزين نفرح بقى.
آدم : إن شاء الله هنفرح .. ابعتلى بقى حفيدتى وحبيبتى لي لي . تقعد معايا ف المكتب ..
زين : ضحك . مدلعها انت ياحج . البت شافت نفسها علينا ..
آدم : حفيدتى تشوف نفسها ع اي حد . وامشي من قدامي ابعتلى حفيدتى ..
زين : ضحك بسعاده .. حاضر من عينيا ياحجوج . بعد اذنك ..
------------بقلمي مريم نصار
فيلا العدوي ...
ميرو حاليا ف اخر سنه رابعه طب قسم عيون .. واتاخرت سنه لانها عملت حادثه ف تالته ثانوى واضطرت تعيد السنه .( وهنعرف ال حصل بعدين)
ميرو : نازله من ع اول السلم . وسمعت صوت تيم عند باب الفيلا ووقفت مكانها..
تيم : حاليا ف سته طب جراحة . وبعد الامتياز هيختار قسم تجميل ...
تيم : داخل الفيلا بسرعه . وبيجري بفرحه . آرين . اريييين انتى يابت انتى فين؟ ..
رينو : جريت عليه بلهفه كبيره . تيمو . ها قولى ولادى نجحوا ؟
مريم : بتضحك ع لهفة بنتها رينو. يابنتى استهدي بالله . وبعدين الفرحه واضحه ع وش تيم اهو
تيم : بسعاده عندك حق ياماما مريم . وقال بسعاده . آرين فهد السيوفي نجحت والأولى ع المدرسه ..
ميرو : واقفه مكانها وقلبها بيدق اول ما شافت تيم الل بتعشق طيفه .. وفرحت ل آرين ..
رينو : حطت ايدها ع قلبها وغمضت عينيها بدموع الفرح .. الف حمد وشكر ليك يارب ..
آركان : دخل بسرعه . رينوووو قلبى قلبى.. ابنك نجح بس الاول ع الفصل بقى معلش تتعوض ..
مريم : ابتسمت بسعاده وفتحت ايديها تعالى ف حضنى ياروحي . الف مليون مبروك ..
آركان : حضنها . حبيبتى يا اجمل ماما وتيته وناناه ف الدنيا كلها .. بس اعملى حسابك مبروك من غير هديه كدا ماتنفعش ..
مريم : ضحكت بدموع عيونى ليك يا روحي . وهديتك جاهزه متقلقش ..
رينو : تعالى ف حضني يا آركان ياحبيبى .. وضمته لقلبها وعيطت الف مبروك ياروحي الف مليون مبروك ..
آركان : رينو ابوس ايدك بلاش دموع ..
تيم : لأ ودي تيجي؟ . متبقاش رينو لو ماعيطتش دي وراثه يبنى .. المهم فين آرين لازم ابلغها الخبر الحلو ده بنفسي .
رينو : مسحت دموعها . آرين فوق . هتصل عليها تنزل ..
تيم : لأ لأ . انا هطلع اخبط عليها وافرحها بنفسي .. واتحرك ..
ميرو : انتبهت وشافت تيم جاى عند السلم . وقلبها هيطلع من مكانه .. وبلعت ريقها بتوتر . وحاولت تنزل قبل ما هو يطلع لكن تيم أسرع منها .واتقابلو ف نص السلم ..
تيم : طالع وشافها وابتسم. ووقف اذيك يادكتوره مريم ؟
ميرو : اتوترت . احم ا. االله يسلمك يادكتور تيم انت اذيك؟..
تيم : الحمدلله انا تمام ومبسوط جدا لان آرين نجحت والأولى ع المدرسه كمان ..
ميرو : ابتسمت بوجع متدراي . ايوه انا سمعتك وانت بتتكلم . الف مبروك انا فرحت ليها جدا ..
تيم : ضحك الله يبارك فيكي . بقولك ايه تعالى معايا نقول المفاجآه دي للبت آرين .. ونشوف رد فعلها ايه ؟
ميرو : جسمها بيرتجف ..و هزت راسها حاضر . اتفضل .
. وجت تتحرك ومتوتره . رجلها فلتت من ع درجة السلم وكانت هتقع .. وصرخت بصوت واطي ..
تيم : مريييييم حاااسبى .. ومسكها من ايدها وشدها عليه بسرعه قبل ما تقع ..
ميرو : مغمضه عينيها وقلبها بيدق بسرعه كبيره جدا لانها كانت هتقع....
وريحة برفان تيم دخلت ع قلبها .. وسمعت صوت دقات قلب قريبه منها . وفتحت عينيها وجت ف عيون تيم لأول مره عن قرب وسرحت لثوانى .
. لكن بعدها انتبهت وشهقت بصوت مهموس لانها قريبه جدا من تيم . ورجعت خطوه وسحبت أيدها بسرعه ..
تيم : بلخبطه . مريم انتى كويسه ؟
ميرو : وشها احمر جدااا . ومحرجه واتوترت اكتر وقلبها بيدق بسرعه...ومش عارفه ترد ......
مريم ورينو و آركان . واقفين متابعين الل حصل ..
آركان : اووف الحمد لله . ميرو لو كانت وقعت من فوق الله اعلم كان ايه الل حصل ..
رينو : بقلق جريت بسرعه ع اول السلم . مريم حبيبتي انتى كويسه؟
مريم : واقفه بخوف .. جمب آركان وعينيها ع ميرو وحمدت ربنا إن تيم لحق حفيدتها .
. لكن مريم بصت ع ميرو كويس وشافت واتأكدت من الل كانت خايفه انه يحصل .. وفتحت عينيها وهمست مستحيل !!!
تيم : بقلق .. ميرو ردي عليا انتى كويسه . تعالى انزلى معايه . واقعدى استريحي ..
ميرو : متوتره وحاسه إن مشاعرها مكشوفه . وهزت راسها ايوه ا.انا كويسه . بعد اذنكم نسيت حاجه ف اوضتى .. وطلعت جري من قدام تيم ....
رينو : طلعت . تيم ميرو مالها ؟
مريم : لحقتها . ما انتى عارفه إن ميرو خجوله . وتلاقيها أحرجت انها كانت هتقع .. اطلعى مع تيمو يلا وفرحو آرين بالخبر ده ..
رينو : صح يلا ياتيمو تعالى معايا .. دى هتفرح جدا . ويارب فهد يتصل عشان افرحه بالخبر ده ..
تيم : هز راسه . تمام تعالى يلا .. واتحركو ..
مريم : قعدت ع الكنبه . وغمضت عينيها بتعب . وقالت يااارب متوجعش قلب احفادى يااارب ...
------------بقلمي مريم نصار
ميرو : جريت بسرعه ع أوضتها وقفلت ع نفسها . وسندت ضهرها ع الباب . وبتنهج . ورفعت أيدها قدام عينيها وكانت بتترعش بسرعه .
.وحطت أيدها ع قلبها الل بيدق جامد جدا .. وغمضت عينيها بوجع . ليه ؟ ليه قلبى اختارك انت ياتيم ؟ انا بحبك اوى . انا . انا بموت من قربك ل آرين .. وغصب عني مش بأيدي .
. ودمعه نزلت ع خدها . وجريت رمت نفسها ع السرير وعيطت بصمت كبير ....
رينو : خبطت ع آرين . رينو ياصغيره . البسي حجابك تيم معايا ..
آرين : قامت بسرعه البرق ولبست الحجاب . وفتحت الباب .ووقفت قدام تيم بلهفه .. تيمو انا نجحت مش كدا ؟
تيم : مط شفايفه ومثل الزعل .. وبص ل رينو بمكر ..وهز راسه واتنهد بتمثيل ..
رينو : كشرت عينيها .. وسكتت لأن تيم عايز كدا ..
آرين : شافت ملامح تيم .. وقلبها دق بخوف . وقالت بتلعثم .تي...تيم ا.انا .. قصدى انت جبت النتيجه مش كدا ؟ ارجوك عشان خاطري رد عليا ..
تيم : بتمثيل الزعل .. ايوه جبتها فعلا ..لكن للأسف يا آرين انتى ........
آرين : بصدمه كبيره هزت راسها لأ لأ .. وعيونها لمعت بدموع . وبصت ع أمها ..
رينو : صعبت عليها بنتها . هششش بس انتى نجحتى الف مبروك ياروحي . والاولى ع المدرسه كمان ..
آرين : شهقت بفرحه كبيره .واااااو وحضنت رينو بسعاده كبيره وعيطت بفرحه وهمست الحمدلله يارب ..
تيم : واقف بيضحك بصمت ...
آرين : طلعت من حضن رينو .. وكشرت عينيها ل تيم .
.وصكت ع اسنانها بغيظ كبير . انت بقى كنت عايز تلعب با اعصابى حرام عليك ياشيخ وقعت قلبى . قال دكتور قال . الل دخلك الطب ظلمك ..
تيم : هههه يابت هقصلك لسانك ده .. وبعدين انا بهزر معاكى يابت ..
آرين : بغيظ متقولش بت انا ليا اسم اوكي ..
تيم : لا طبعا اي حد يقولك اسمك عادى جدا إنما انا اقول الل يعجبنى ..
آرين : بغيظ شايفه يامامي ابن اختك . بجد انا مش عارفه اعمل معاه ايه؟
رينو : بسعاده . تيم اخوكي الكبير يا آرين .. وهو بيحب ديما يهزر معاكى ..
آرين : بغيظ بس انا بقى مابحبش هزاره . وكمان متحكم بطريقه اوفر جدا..
تيم : رفع حاجبه . اممم معلش ياحبيبتى . انا لو كنت وافقت ع البنت الل معاكى ف الفصل انك تصاحبيها كنت هبقى تيم القمر الجميل .. بس بعدها بقيت انا متحكم بطريقه اوفر مش كدا ؟
آرين : ع فكره بقى ياتيم . البنت دى طيبه جدا اوكي ..
تيم : بتحذير . اقسم بالله يا آرين لو شوفتك أو عرفت بس انك بتتكلمى مع البنت دي لا اتصرف معاكي تصرف مش هيعجبك ابدا ..
آرين : بغيظ .خبطت برجليها ع الأرض . انت مالك اننننت . يامامي بقى قوليله حاجه .؟
رينو : بتوتر . احم خلاص يا آرين مش وقته الكلام ده . احنا مبسوطين بشهادتك انتى و آركان .
. مش لازم تتخانقو انهردا . ارحمونى شويه ...
تيم : بص ل رينو . وابتسم بغيظ مكبت . كلامى مش هعيدو تانى . بنتك عايزه تتصاحب ع بنت مش كويسه وكل لبسها مقطع .
. وانصحيها بطريقتك بدال ما انا اتصرف بطريقتي . واتحرك خطوتين . ورجع تانى بضهرو . وغمز ببرود انا نسيت اقولك مبروك يا آرين باااى . واتحرك وبيضحك ع نرفزة آرين ..
آرين : بغيظ عاجبك . عااااجبك وعلت صوتها انا بكررررررهك ياتييييييم متتكلمش معايا تااااااانى ..
تيم : من اخر الطرقه . مش بمزاجك يارينو ياصغيره . هههههههه..
آرين : صكت ع أسنانها بغيظ كبير . انتى بتضحكي انتى كمان يا مامي . والله لا اقول ل بابي ها بقى ..
رينو : ههههه هتقوليله ايه ؟ تيم مش عايزنى اتصاحب ع بنت مش كويسه ..؟ ها
آرين : بلعت ريقها بتوتر . لأ خلاص تيم أهون بكتير من بابي ...
رينو : هههههههههههه....
تيم : نزل الجناح الل تحت .. وافتكر ميرو وهي بتقع . وهرش ف قفاه .. وراح خبط ع باب اوضتها . وقال مريم انا تيم . ممكن تفتحى ..
ميرو : انتفضت من ع السرير بسرعه.ومسحت دموعها وهمست تيم ؟؟ وجريت بسرعه تفتح . لكن وقفت مكانها .. لأ لأ انا مش هفتح .
. لأ لما يشوفني وانا معيطه كدا هيقول ايه ؟ لأ وكتمت بوقها بايدها وبتعيط بوجع .
تيم : خبط تانى مريم انتى كويسه؟ وبعدها هز راسه بتفكير . ممكن تكون نامت أو ف الحمام . ونزل ..
------------بقلمي مريم نصار
بعد شويه . كل العيله عرفت .واطمنت ع بعض . ومصطفى وچود نجحوا . وأسر وحياة نجحوا . وكانت الفرحه مضاعفه . وآدم اتصل ع طارق وبارك ل أحفاده .. وبعدها اتصل ع أشرف ويوسف . وكمان مالك وزياد وفارس ..
ورينو اتصلت ع رودي وباركت ليها وكانو مبسوطين جدا .. وكل العيله اتصلت ع بعض تبارك وتهنى ...
ف بلد عربي ..... ف نفس الوقت ..
فهد : رايح جاي . وماسك الفون ومخنوق .. اوووف يعنى كل ده بيجيب النتيجه ..
مراد : يبنى اهدا . اكيد الطريق زحمه . وانت عارف تيم حريص ف سواقته ..
فهد : قعد قصاده ومسح وشه بايديه . بجد يامراد موضوع الشهاده ده متعب جدا ..
مراد : انت هتقولى ؟ انت فاكر يوم شهادة مريم ف تالته ثانوى ؟
. ولا أولى طب لحد دلوقتي وانا قلبى مشغول عليها .هي وتالين.. ويمكن مريم بنتى هي الل وجعت قلبى بالذات ..
والل تعبنى اكتر آدم . واتنهد بتعب .. انا خايف ع آدم اوى يافهد ..
فهد : ربت ع رجله . آدم مش صغير يامراد . وهو اختار حربيه زى ما احنا اختارنا . بس انت وفريحه . وكمان مريم زودتوها معاه .
مراد : ما انت عارف السبب يافهد احنا خايفين عليه . وانت شايف يعنى احنا مستريحين ؟
فهد : لأ ... احنا الل تعبنا بس اننا بعيد عن العيله . لكن انا وأنت بنحب شغلنا جدا كمان ..
مراد : بصله . انت لو آركان طلب يدخل حربيه هتوافق ؟
فهد : ابتسم بتعب .. حصل يصحبى واتخانقت وزعقت معاه .
. وقالى انا عايز اكون ظابط زى حضرتك . يا اما طيار حربي ... واختك رينو عيطت وبهدلت الدنيا كمان .. لكن ف الاخر مش هقف قدام حلمه ..
مراد : بتنهيده .. واهو ده الل عملته مع آدم .. موقفتش قدام حلمه .. وربنا يسترها معاه..
فهد : إن شاء الله . وبعدين انت متقلقش ع آدم ماشاء الله لياقته البدنيه عاليه جدا .
. وكمان بيلعب تايكوند . وفروسيه وحريف نيشان .. يعنى قائد بدرجة امتياز . متقلقش عليه ..
مراد : ضحك .. الواد ده شبهك اوى اقسم بالله . ع طول بوزه شبرين قدامه وليه تحكمات غريبه.. ونكد سبحان الله اختك اتوحمت ع سحنتك ..
فهد : ههههههه وانت تطول ياض يكون عندك حد زيي ..
مراد : للأسف حصل يسطى .. وانجز اتصل كدا ع رينو وطمنى ع الولاد ...
فهد : اصلى بس العصر .. واتصل عليها ...
------------بقلمي مريم نصار
ف فيلا العدوي ..
تالين : ف الجنينه . واقفه قدام ماكس الكلب والجارد ماسكه كويس جدا .
وتالين بتحطله الأكل من بعيد . وخايفه . لكن هي بتحب ماكس ..
الجارد : تالين هانم لو تحبى حضرتك احطله الاكل انا . عشان آركان باشا ميقولش حاجه.؟
تالين : ببراه . لأ انا ها أكل ماكس . ومتخفش من آركان مش هيقول حاجه . وحدفت قطعة لحمه قدام ماكس وأكلها بسرعه ..
آركان : جاي من بعيد .وشافها . وضحك ع شكلها وهي خايفه . وقرب عليهم . ايه ياتالين بتعملى ايه؟
تالين : لفت وضحكت ببراه . انا سمعت صوت ماكس كتير . وعرفت أنه اكيد جعان . قولت اجبله اكل عشان حرام يفضل جعان كدا ..
آركان : مسك السلسله بتاعة ماكس . وقال للجارد روح انت .
الجارد : هز راسه تحت امرك ياباشا . ومشي .
آركان : نزل ع ركبه جمب ماكس . وقال ايه ياماكس عامل ايه انهردا؟
ماكس : رفع ايدو ل آركان . وسلم عليه .
تالين : فتحت عينيها بدهشه . وقالت ايه ده؟ ده بيسلم عليك ؟
آركان : ههههه . ايوه وبيسمع الكلام كمان . تحبي تسلمي عليه . ؟
تالين : اتخضت وطبق اللحمه وقع منها . وقالت بخوف . لأ لأ . يامامي ده ياكلنى ..
آركان : ههههههههه . لا متخافيش . ماكس عارف كل العيله . وميعملهاش معاكي . وتعالى متخافيش ..
تالين : بخوف لأ لأ شكرا . مش .. مش عايزه .
آركان : بيلعب مع ماكس . يابت تعالى والله متخافي . ده ماكس ع فكره بيحبك جدا .
تالين : بعدم فهم بسلام بيحبنى؟ وعرفت منين بقى؟
آركان : اهو بياكل من ايدك . ومهجمش عليكى اكلك ههههه .وقرب منها . هششش متخافيش ..
تالين : واقفه برعب كبير . وقالت جواها بسم الله الذي لا يضر مع اسمه شيء في الأرض ولا في السماء وهو السميع العليم ..
آركان : افتحي ايدك يا تالين . ماكس هيسلم عليكي .
تالين : برجفه . آركان انا خايفه ماكس حجمه اكبر منى ومنك شخصيا .
آركان : والله متخافي . وجمدي قلبك عشان الكلب هيحس بخوفك . يلا بقى دي آرين اشطر منك ع كدا .. يلا افتحي ايدك.
تالين : فتحت ايدها برعشه . وبلعت ريقها بتوتر..
آركان : يلا ياماكس . سلم ع تالين ..
ماكس : رفع ايدو وسلم ع تالين ..
تالين : مغمضه عينيها.. وحست بايد الكلب ف أيدها . وفتحت .. وابتسمت . وقالت واو . اي ده سبحان الله بجد ..
آركان : ضحك . شوفتى أنتى كنتى خايفه ع الفاضي . ودلوقتي ماكس هيقرب منك حطي ايدك ع راسه .
تالين : هزت راسها لأ لأ . كفايه انا خايفه بجد .
آركان : هشش اسمعى كلامى . وبعدين ياتوتا . دي الكلاب اوفى حيوان موجوده ف العالم . وفي بجد . . وقال يلا ياماكس .
ماكس : قرب من تالين ووقف قدامها ..
تالين : ابتسمت بخوف . ورفعت أيدها برعشه . ع راسه . وبعدها ضحكت بفرحه. ومسدت ع شعر ماكس . ولف حواليها بمرح ..
آركان : قام وقف وربع ايديه . ها ايه احساسك دلوقتي؟
تالين : بفرحه كبيره. بجد مبسوطه اوى . ماكس طلع يجنن بجد . وجابت اللحمه كلها وحطتها قدام ماكس . وبياكل وهي واقفه تمسد ع ضهرو . ومبسوطه ...
بعد شويه .. الكل اتجمع ف الليفنج ..
رينو : فونها رن .. وشافت رقم غريب وقالت باستغراب . ياترى رقم مين ده ؟
مريم : يمكن فهد يارينو يابنتى ..
رينو : لأ يامامي انا عارفه رقم فهد الل بيكلمنى منه . وغير كدا الل بيتصل ده رقم فون مصري .
آركان : هاتى انا هرد ع الرقم ده . واخد منها الفون . ورد بجمود . الوووو ..
: الو . اذيك يا آركان ..
آركان : بفرحه !!! .مش معقوووول -------------يتبع
الحلقه ٧
رواية جريمة عشق ٤
(ميراث العشق)
هل من حسنه؟ فضلا
1 - سبحان الله (3مرات)
2- الحمدلله (3مرات)
3- لا اله الا الله (3مرات)
4- الله اكبر (3مرات)
5- لا حول ولا قوة الا بالله (3مرات)
6- أستغفر الله (3مرات)
7- سبحان الله وبحمده (3مرات)
8- سبحان الله العظيم (3مرات)
9- اللهم نجني من عذابك يوم تبعث عبادك (3مرات)
______________________________________
بسم الله نبدأ
فيلا العدوي .. الكل اتجمع ..
آدم : رجع من الشركه مع ليليان و آريان .. وبارك للاحفاد . وقاعد جمب اميرته . وحاسس انها مش ع طبيعتها ..
محمد ونور وتمارا . وباركو للأولاد وقاعدين..
وكمان زين وريتال .. وفريحه قاعده وجمبها تالين ..
رينو قاعده وجمبها آرين و آركان وفرحانه بيهم ومنتظره اتصال الفهد..
تيم : قاعد وجمبه آريان وليليان والكل بيضحك ومبسوط ..
آدم : بص ع الكل .وكشر عينيه وقال ميرو فين ؟
تالين : انا خبطت عليها ومفتحتش قولت اكيد بتصلي العصر ..
فريحه : انا طلعت اطمن عليها . لقيتها نايمه يابابا ..
ليليان : بعدم فهم نايمه؟ ميرو مش بالعاده تنام دلوقتي ..
تمارا : تعالى يا لي لي نطلع نصحيها ونرخم عليها ..
مريم : بطريقه ملحوظه . لاااء . احم قصدى ميرو صاحيه من بدرى ياحبيبتى وقلقانه . انتو عارفين انها آخر سنه وشهادتها قربت. ولسه الماجستير ياقلبى ربنا معاها . وهي قالتلى انها مرهقه و هتنام شويه..
آدم : كشر عينيه بعدم فهم . وهمس ل مريم انتى كويسه؟
مريم : بزعل حقيقي ع حفيدتها . بصت ل آدم وهزت راسها بعدين ياحبيبى ..
آدم : فهم إن ف حاجه . وهز راسه ليها تمام ياروحي .. وبص للبنات . خلاص يابنات محدش يصحيها . سيبوها براحتها . وبص ل تيم .. وانت يادكتور تيم . شهادتك امتى ؟
تيم : ابتسم . إن شاء كلها اسبوع انا ومريم ..
نور : اااه كل ما ميعاد الشهاده يقرب ياتيمو اعصابى تبوظ اكتر ..
محمد : انتى الل موتره نفسك ع الفاضي وموترانى معاكى . ابنك ماشاء الله ف سنه ٦ طب .. وكل سنه بيرفع راسنا ايه بقى لأزمة التوتر وشد الاعصاب ده ؟.
آدم : محمد بيتكلم صح يانور يابنتى .. وسبيها ع الله ..
نور : ونعم بالله يابابي ..
ليليان فونها رن .. وكان كريم . واتوترت وكنسلت عليه ...
آدم : بص ل تيم . وقاله تيم.. انا عايزك تعدي عليا بعد يومين ف الشركه ..
تيم : بتردد . وبعدها اتنهد وقال حاضر يابابا . لكن اجيلك الساعه كام؟
آدم : بتفكير . خليها الساعه ٣ ..
تيم : تمام الساعه ٣ بالدقيقه هكون عند حضرتك .
آدم : هز راسه تمام ..
رينو : فونها رن .. وشافت رقم غريب وقالت باستغراب . ياترى رقم مين ده ؟
مريم : يمكن فهد يارينو يابنتى ..
رينو : لأ يامامي انا عارفه رقم فهد الل بيكلمنى منه . وغير كدا الل بيتصل ده رقم فون مصري .
آركان : هاتى انا هرد ع الرقم ده . واخد منها الفون . ورد بجمود . الوووو ..
آدم مراد : الو . اذيك يا آركان ..
آركان : بفرحه آدم مراد !!! .مش معقوووول .. اذيك يا آدم وحشنى اوى ياجدع . الشله مش حلوه من غيرك ..
الكل سمع اسم آدم . وفرحو جدا .. وفريحه عيونها لمعت بدموع ..
آدم مراد : ابتسم انا تمام انت اخبارك ايه؟
آركان : انا زى الفل .
آدم مراد : .احم شهادتك انهارده مش كدا ؟
آركان : لسه هيتكلم ......
رينو : شدت منه الفون . هات بقى ابن قلبى حبيب عمتو عامل ايه ياروحي انت ..
آدم : ابتسم بحب الحمد لله ياعمتو انتى عامله ايه؟
رينو : بسعاده كبيره . انا مبسوطه جدا ياروحي .. وانا عارفه انك عايز تطمن ع شهادة آرين و آركان .. وهفرحك واقولك إن آرين نجحت والأولى ع المدرسه ...
آدم مراد : ضحك بصمت وقلبه دق بحب كبير ... احم والله ..الف مبروك ..
رينو : الله يبارك فيك ياروحي . و آركان نجح والأول ع الفصل . بس حلو اوى نحمد ربنا ..
آدم مراد : الف مبروك ياعمتو انتى تستاهلى كل خير ياحبيبتى .. وقلبه بيسأل ونفسه يسمع صوتها .
فريحه : بلهفه . هاتى يارينو اطمن عليه ..واخدت الفون واتكلمت بعتاب ودموع . آدم حبيبى ونور عيني ..
آدم : بحب اذيك يا امي عامله ايه دلوقتى ياحبيبتى؟
فريحه : بعياط . انت وحشتنى اوى يا آدم بقالك شهرين غايب عني .
آدم مراد : بتنهيده . انا اسف يا امي انى زعلتك انتى وماما مريم منى باختيارى للحربيه . وكل مره هفضل اقولك حقك عليا .. لكن انا بعشق المجال ده يا امي . وابنك خلاص فاضل كام شهر.. ويبقى ملازم ف المخابرات العامه . عايزك تفرحي وتكونى فخوره بيا زي ما ماما مريم وبابا آدم فخورين بمرادك ههههه . لو سمعنى دلوقتي ..
فريحه : ضحكت بدموع . عمرى ما ازعل منك ياحبيب قلبي . وانا فخوره بيك ف كل حالاتك . ربنا يرجعك لقلبى بالسلامه ..
------------بقلمي مريم نصار
تالين : ماما عايزه اكلم أبيه آدم ..
آدم مراد . بلهفه هاتي تالين اكلمها ياماما ..
فريحه : حاضر ياحبيبي . خدى ياتوتا كلمي اخوكي .
تالين : اخدت الفون . وراحت قعدت جنب آدم
آدم : حاوطها من كتفها وباس ع راسها .
تالين قالت السلام عليكم يا أبيه آدم..
آدم مراد ابتسم من قلبه . وعليكي السلام ياروح أبيه آدم .. عامله ايه يا توتا ..
تالين : الحمدلله يا أبيه . حضرتك بخير ؟
آدم مراد : ايوه طول ما انتى بتدعي لاخوكي حبيبك انا هكون بخير ..
تالين : متقلقش يا أبيه انت هتفضل بخير ع طول إن شاء الله . انا بكلم ربي عنك . وربي هيحفظك . انا بحبك اوى يا أبيه ويارب ترجع لينا بالسلامه..
آدم مراد : اتنهد بحب كبير . قريب جدا هكون قدامك . بس ده سر بينى وبينك اوكي ..
تالين : اوكي يا أبيه . تيته مريم عايزه تكلمك ..
مريم : اخدت الفون . وابتسمت بدموع . السلام عليكم يانبض قلبى ..
آدم : اتنهد بحب . وعليكى السلام ياماما . والله العظيم وحشانى اوى اوى ..
مريم : كاتمه العياط . وانت ياروحي وحشنى اوى . انت كويس يا آدم . بتاكل كويس وبتنام كويس .؟
آدم : ضحك ايوه ياحبيبتى . ومتقلقيش عليا . ها قوليلى بقى . امبراطور قلبك فين ؟
مريم : مسحت دموعها وابتسمت . موجود جمبى . هيكلمك اهو . وعطت الفون ل آدم ..
آدم : ابتسم بتمثيل . السلام عليكم ياحفيدى الغالى ..
آدم مراد : وعليك السلام . عامل ايه يابابا . وحشتنى جدا ..
آدم : وانت كمان وحشتنى ياحبيب جدك . المهم قولى رقم مين الل بتكلمنا منه ده ؟ انا عارف أنه ممنوع ..
آدم : ده رقم واحد صاحبى لسه راجع من اجازه . وقبل ما يسلمه . اخدته منه اطمن عليكم .. بابا مراد بيكلمك؟
آدم : ايوه يا حبيبي متقلقش عليه . بيكلمنا كل يوم ..
آدم مراد : ابتسم ربنا معاه .. مريم اختى فين عايز اكلمها..
آدم : ابتسم .ميرو نايمه . وبعدين انت متصل عشان تبارك للناجحين ولا ايه؟
آدم مراد : بتوتر احم ايوه ... لأ ... قصدى انا اتصلت اطمن ع كل العيله ..
آدم : ابتسم .. من الل مشاعرو واضحه قدام جدو اكتر من اى حد ...
نور : قامت بسرعه بابي عايزه اطمن عليه بليز ..
آدم : حاضر ياحبيبتى . عمتك نور معاك اهي ياحبيب جدك ..
نور : اخدت الفون . الو آدم ابن قلبى حبيب عمتو انا ياناس .
آدم : هههههه والله وحشانى اوى ياعمتو ياقمر . عامله ايه ياحبيبتى ؟
نور : انا كويسه جدا الحمد لله ..انت ياروحي عامل ايه؟
آدم مراد : تمام زى الفل .. خالو محمد عامل ايه؟ وكمل بتنهيده .والدكتور تيم .. وتمارا ؟
نور : كلهم بخير الحمدلله .. خد بقى بارك ل آرين عشان منطولش عليك ياروح عمتك ..
آدم : هز راسه احم ماشي ياحبيبتى ...
آرين : اخدت الفون وابتسمت .. الو .
آدم مراد : غمض عينيه وقلبه دق بحب كبير ........
آرين : كشرت عينيها الووو آدم انت معايا ..؟
آدم مراد : اخد نفس عميق . ايوه يا آرين . احم انا معاكي عامله ايه؟
آرين : بفرحه كبيره انا كويسه جدا..انا نجحت يا آدم انا بجد مبسوطه اوى ..
آدم مراد : ابتسم بحب ع فرحتها . الف مبروك يا آرين ..
آرين : ضحكت بسعاده الله يبارك فيك . يلا بقى مش هترجع .. بصراحه تجمع العيله ناقصك انت وبابي وخالو مراد ..
آدم : قريب جدا هكون عندك . احم قصدى هرجع إن شاء الله .اجازه اسبوع ..
آرين : اممم اسبوع واحد بس؟ ربنا معاك يا آدم ..
آدم مراد : آرين ..
آرين : نعم ؟
آدم : احم ابدا . كنت عايز اقولك خلى بالك من نفسك ..
آرين : ابتسمت وانت كمان خلى بالك من نفسك لا إله إلا الله ..
آدم : بتنيهده سيدنا محمد رسول الله
------------بقلمي مريم نصار
بعد شويه .. فهد اتصل ع رينو ..
آرين : بسرعه البرق اخدت الفون وردت بسعاده ... الووو باااابي حبيبى ..
فهد : سمع صوتها فرحان .. وقام وقف وقال. يبقى نجحتى صح؟
آرين : ههههه طبعا طبعا .. ده انا آرين فهد السيوفي مش اى حد ههههه ايوه يابابي نجحت . نجحت وكمان الاولى ع المدرسه ..
فهد : ضحك بسعاده كبيره . الف الف مبروك ياروحي .. انا متأكد وواثق إنك هترفعى راسي ديما .. و آركان ايه الأخبار طمنينى ..
آرين : هو كمان نجح والأول ع الفصل ..
فهد : الف مبروك ياحبايب قلبى ..
آرين : ميرسي جدا يابابي . بس ع فكره انا مش هتنازل عن هديتى ..
فهد : ياروحي انتى تؤمري امر .. ولما ارجع إن شاء الله هعملك حفله ونعزم كل العيله .. قوليلى چود عملت ايه؟
آرين : بفرحه . چود نجحت ومصطفى وحياة واسر كلنا نجحنا يابابي .
مراد : شد الفون . هات بقى انت ايه نازل لوكلوك . اوعى .. الو رينو ياصغيره ياروح خالك انتى عملتى ايه يابت ؟
آرين : بفرحه خالو مراد وحشتنى اوى يا خالو بجد ..
مراد : طبعا يابنت فهد لازم اوحشك واكتر من ابوكي كمان .
آرين : هههههه بجد مبسوطه اوى انهردا ..كلمت بابي وحضرتك وكمان آدم ....
مراد : آدم ابنى ؟
آرين : ايوه ياخالو . كلمنا كلنا . وقال إنه قريب جدا هياخد اجازه اسبوع ...
مراد : هز راسه تمام . ربنا معاه . الف مبروك ياحبيبتى ..
وبعد كده مراد كلم آركان وبارك ليه .. وكلم كل العيله وسأل ع ميرو . وقاله انها نايمه .. وفهد كلم آركان وبارك ليه . وكلم باقى العيله . وقال ل رينو هيكلمها بليل ... وقفلو ..
عند السيوفى ..
طارق : قاعد وواخد چود وچواد جمبه وفرحان بيهم .
رنا : بسعاده .. بجد انا مبسوطه جدا انهردا . الف حمد وشكر ليك يارب احفادى الاربعه نجحوا ودرجات تشرف الله اكبر عليكو ياحبايب قلبى ..
چود و چواد .. شكرا ياماما رنا ..
طارق : وأنا فخور جدا باحفادي الحلوين . وعشان كده انا عازم آدم وعيلته بكره ع الغدا .
رنا : شهقت . بس انت مقولتليش ليه ياطارق اجهز كل حاجه ..
طارق : وانتى هتعملى ايه ياحبيبتى كل حاجه موجوده والحمد لله. انتى متفكريش ولا تتعبى نفسك .. وبعدين . رينو جايه بكره مع آرين و آركان وكمان فريحه وميرو وتوتا يقضو معانا بكره . انا قولت بما اننا هنتجمع يبقى آدم وام مراد وزين وعيلته يشرفونا هما كمان ..
رنا : بفرحه . طيب انت اتصل اعزم آدم . وانا هتصل ع مريم ..
طارق : حاضر يا حبيبتي .
رودي : خارجه من المطبخ وشايله صينية العصير ومبسوطه . اتفضلو احلا عصير لاحلى عيله عجب ول اجمل ولاد ف الدنيا كلها..
چود : تسلم الايادي يارودي . بقولك ايه هو فارس قلبى متصلش ؟
رودي : اتصل ياروحي . وهيطلع ع الفندق ويكلمك ده كان قلقان جدا عليكى انتى وچواد . بس الحمد لله اطمن عليكو ..
طارق : حط الفون ع ودنه .هششش اسمعوا . الو ايوه يابن العدوي ..
آدم : عايز ايه ياعملى الاسود . هو انا مش مكلمك قبل العصر وباركتلك . عايز ايه تانى ؟
طارق : انا عملك الاسود ؟ اومال انت ايه يانصيبى المهبب .
. وهعوز منك ايه ياخويا ؟ انا قولت لنفسي ياض ياطارق اعمل ثواب واعزم الل اسمه آدم ده عندك بكره ع الغدا اهو اخد فيك ثواب ..
آدم : ضحك بصوته كله . غدا مره واحده . انت قبضت المعاش يالا ولا ايه ؟ هههههههههه.
طارق : بغيظ ياض لم نفسك أحفادي قاعدين جمب منى يافصيل . وبعدين انا طول عمرى خيري عليك انت والعيله كلها. المهم تتنيل تيجى بكره
آدم : ببرود تؤ مش جاى ..
طارق : بنفاذ صبر انت ياض انت بتحب تنرفزنى وخلاص ..
آدم : ببرود . انا حر مش جاى ..
طارق : طيب يا آدم هتيجى وهنشوف ايه رايك بقى ..
آدم : ثوانى كدا ياطارق .. بتكلمى مين يانور؟ ماليكه؟ طيب تمام اوى قوليلها إن عمك طارق عزمك انتى وجوزك وولادك بكره عنده ع الغدا بمناسبة النجاح..
طارق : تنح وفتح عينيه بدهشه ..
آدم : ايوه ايوه قوليلها طارق هيتصل ع زياد . ايوه وكمان هيتصل ع عيلة الصاوي وعيلة عزيز .. طبعا ده طارق عمره صاحب كرم . اومال .؟
وخيرو ع العيله كلها.. وبعدين دول نجاح احفادو الاربعه .. ولا ايه ياطارووووق؟
طارق : فتح بوقه بصدمه كبيره . وبعدها صك ع أسنانه بغيظ كبير .. وقال يابن الل.........
آدم : بتحذير هااا؟ وبعدين انا مكنتش عايز اجي ياطاروق بس انت الل مصمم بقى تاخد ثواب ..
طارق : بغيظ مكبت منك لله يا آدم يااااعدووووي ....
------------بقلمي مريم نصار
بعد شويه .. ف فيلا العدوي ..
ميرو : صحيت واتعدلت مكانها وجسمها وجعها لانها نامت معيطه . ومسحت وشها بايديها . ورجعت شعرها ورا ودانها .. واتنهدت بزعل وحضنت ركبها . وسرحانه ف تيم.
. الل عرفت واتأكدت انها بتحبه من ثانوى .وع طول مهتم بيها .
. افتكرت مواقف كتير . وأنه يوم الحادثه لما ماهر خبطها بالعربيه عن عمد .. تيم شالها وجري بيها ع المستشفى . وغمضت عينيها وهي بين ايديه . وبعد ما فاقت ورجعت لطبيعتها سمعت من احفاد العيله إن تيم كان مصدوم والدم ع ايديه. وزعل ان السنه ضاعت عليها.
وافتكرت .. أنه جابلها شهادة تالته ثانوى وكان فرحان عشانها .
. وكمان ف اول يوم ليها ف الكليه . وأنه جه اخدها بنفسه من الفيلا . ودخل بيها الجامعه . وعرفها ع حاجه موجوده فيها .
. وهي مكانتش مركزه غير ف صوته وبس وقلبها بيدق بحب كبير ل تيم .
.واى مشكله تحصل معاها يكون تيم اول واحد يوقف جمبها .وديما كان يقولها انتى من عيلتى .
. وميرو احتارت ومش لاقيه تفسير لكل حاجه بيعملها تيم علشانها غير أنه حب .
لكن تيم بقالو فتره كبيره يقولها انتى اختى وده واجبى .
. واتنهدت بتعب كبير .. وقالت لنفسها . واخرتها يامريم ؟
.هتفضلى لحد امتى كدا ؟ تيم مش حاسس بحبى . وانا مش هقدر الومه أو أجبره عليا .
. والكل عارف أنه مهتم ب آرين .. بس الحب مش بمزاجنا .
. قلبى مره واحده لقيته بيدق باسمك ياتيم . وانا حاولت ابعدك عن تفكيرى وبهرب ف النوم من عشقك الل سكن دمي ..بلاقيك ف احلامى .
. ٧سنين بدارى احساس اللهفه الل جوايا ليك .. ٧ سنين بحاول أمثل قدام العيله انك اخ ليا مش اكتر .
. لكن خايفه ف يوم حد يلاحظ عليا ويشوف حبي ليك ف عينيا .
. ولحد امتى انا هرفض ف العرسان ع وهم عايشاه ف خيالى إنك ممكن ف يوم من الايام تكون من نصيبي.
.وكملت بوجع .. انا بحبك اوى يا تيم . ونفسي انساك . ودمعه نزلت ع خدها وغمضت عينيها ....
وقامت بتعب . وفتحت الدولاب . وجابت منه مفكره كبيره كاتبه فيها مدونتها وذكرياتها . ورجعت قعدت ع السرير . وكاتبه عنوان المفكره ب (ميراث العشق)
وفتحت المفكره. واخدت القلم. وكتبت. انهردا يوم مميز وهو شهادة آرين و آركان. احساس جميل جدا وانا نازله ع السلم وسمعت صوت تيم . مش قادره اوصف احساسي وقتها . حب لأ اشتياق برضو لأ .. ايوه هو عشق. عشقي ليه عدا المدى . اشتياقى ليه عدا كل حدود المشاعر المقدسه ف العشق . اول ماشوفته وهو داخل الفيلا . اتجدد شعور الأمل جوايا . ضحكته بترد فيا الروح .
تيم كان طالع يفرح آرين بخبر نجاحها. انا وقتها فوقت . وكنت نازله بسرعه. وحاسه إن دقات قلبى مسموعه للكل . لكن تيم كان اسرع منى واتقابلنا ف نص الطريق. ايوه اي مكان بيكون فيه تيم بيبقى بالنسبالي طريق .. وطريق طويل جدا. وقفت قدامه وقتها حسيت بلخبطه . اتوترت . حاسه إن رجليا مش قادره تشيلنى .
تيم قالى اذيك يا دكتوره مريم . وانا رديت عليه بحرج كبير . ايوه كنت مكسوفه. حسيت كأن ميا بارده نزلت عليا . ومش عارفه اتصرف ازاي؟
تيم : طلب منى انى اطلع معاه ونفرح آرين انا وهو . انا وافقت من غير تفكير . هههه وانا هفكر ازاى ؟ انا ف وجوده ببقى مغيبه. ايوه منا بحبه بجد .. لكن وقتها حسيت برعشه ف كل جسمي . وحسيت لو اتحركت خطوه هقع. لكن جازفت عشان شكلى قدامه . حاولت أخطي خطوه لكن حظي مكنش حليفى المرادي . ورجلى فلتت منى غصب عني . لكن تيم كالعاده أنقذني . ولاول مره اكون قريبه جدا من قلبه . يااااه ع قد ما انا كنت هموت من الاحراج الا انه احساس بالأمان والاستقرار لايوصف. حسيت بأمان كبير جدا وانا قريبه منه .. مش عارفه هو ده الأمان بجد ولا مجرد حرمان واشتياق ليتيم؟
فجاءه وقفت الأرض عن الدوران . كنت عايزه اللحظه دي تكون أطول من كدا . مش انى ف اكون ف حضن تيم لأ. انا اقصد لحظة الأمان. رفعت عينيا واول مره اشوف عيونه عن قرب . حسيت فيها بخوف حقيقي عليا. ايوه ماهو ده طبع تيم . بيخاف ع الكل .
انا فوقت من شرودي ف لون عينيه وقلبى مش راضي يسكت . وجسمي رجف .. ايوه هي لحظات صغيره . لكن شرح إحساسها ف سنين طويله .
بعدها حسيت اني مكشوفه للكل . حاولت اتكلم معرفتش . مكسوفه اوى متلخبطه . بحبه . حجات كتير مكركبه فوق بعض . ولقيت الحل الوحيد ف الوقت ده هو الهروب . كالعاده . هربت وجريت ع اوضتى . وبكيت كتير من اشتياقى ليه. وبس . ودي مدونة ميراث العشق انهردا. ويعالم بكره هكتب ايه ؟ ...... وقفلت المفكره وحطت القلم . وحضنت المفكره بتعب . ورجعت راسها لورا وغمضت عينيها ...
------------بقلمي مريم نصار
ف الليفنج تحت . كلهم بيضحكو من قلبهم ع موقف آدم مع طارق ...
مريم : بتفكر ف ميرو .. و قالت لي لي ياحبيبتى انتى وتمارا ..
قالو .. نعم ياماما مريم ؟
مريم : عايزاكو تاخدو الغدا ل ميرو ف اوضتها . وصحوها واقعدو معاها وهي بتتغدى ..
ليليان : حاضر ياحبيبتى . تعالى ياتيما نروح المطبخ وناخد ليها الاكل ..
تيم : قام وقف بعد اذنكم هعمل مكالمه ل صديق ليا ..
كلهم : اتفضل ..
تيم : خرج ف الجنينه .. وطلع الفون واتصل ع ميرو ..
ميرو : مغمضه عينيها .. وسمعت صوت فونها . وفتحت وجابت الفون من ع الكمود بعدم إهتمام .. وفتحت عينيها ع الاخر . وقلبها بيدق .. وهمست تيم !؟ وايدها رجفت .. ا....ارد ولا لأ .. ومحتاره وقبل الرنه ما تفصل ردت بتلعثم . ا..الو ..
تيم : ابتسم الو . ايه يا دكتوره انتى مش عايزه تنزلى ولا ايه؟ ومال صوتك يامريم؟
مريم : قلبها بيدق . احم اء..اسفه ياتيم انا لسه صاحيه . احم صوتى عادي بس لسه صاحيه ..
تيم : انتى عامله ايه دلوقتى ؟ من ساعة موقف السلم وانتى حابسه نفسك ممكن اعرف ليه؟
مريم : ابدا مش حابسه نفسي ولا حاجه . انا بس كنت محتاجه استريح شويه ..
تيم : طيب ممكن بقى تفوقي كدا . ودلوقتي ليليان وتيما طالعين عندك ومعاهم الغدا . ممكن تتغدى وتنزلى عشان تقعدي معانا شويه .. احنا شويه وهنمشي . وعايزك تاخدى الشوكليت بتاعتك..
مريم : غمضت عينيها بحب كبير . حاضر يا تيم وشويه ونازله ..
تيم : تمام عشان نور وبابا سأله عليكى متتاخريش ..
مريم : بتعب هزت راسها حاضر مش هتاخر .
تيم : طيب انا هقفل مع السلامه ..
مريم : مع السلامه .. وقفلو ...
مريم : مسكت راسها وجواها .. حيره كبيره جدا .وقامت بسرعه خبت المفكره وسط هدومها فالدولاب ..
ليليان وتمارا .. طلعو ل مريم وقعدو معاها وحكو ليها ع كل حاجه .
.و إن آدم اخوها اتصل وكمان فهد ومراد . وحكولها ع موقف آدم مع طارق وضحكو من قلبهم ... ومريم أكلت معاهم .. وحاولت تتعايش وتداري عشقها جوا قلبها ..
------------بقلمي مريم نصار
بعد شويه .
ليليان : يلا يا ميرو البسي فستان حلو كدا عشان ننزل ..
مريم : هز راسها طيب ثوانى استنونى هنا . وراحت ع الدولاب وطلعت فستان بنى ..
تمارا : عارفه ياميرو . انا بحب اللون البنى ده اوى . ونفسي اجيب فستان بنفس اللون ده ..
مريم : حبيبتى يا تيما اتفضليه انا اصلا اكتر لبسي باللون البنى ..
تمارا : اتفضل ايه يابنتى ؟ ده تيم مابيكرهش قد اللون ده . ديما يقولى مابيحبش الشوكيلت ولا اللون البنى . اوعى اشوفك لابسه اللون ده ابدا .. خنقنى بجد ...
مريم : بدهشه ايييه؟
ليليان : عيونها ع مريم وقالت بخبث . بجد ياتيما ؟ بس الل اعرفه إن تيم بيحب اللون الأبيض مش كدا ؟
تمارا : جدااا . وبيحب الاصفر والاسود وبيقولى انتى جميله ف اللون الكشمير ..
ليليان : اممم دى نفس الالوان الل انتى بتحبيها ياميرو مش كدا؟
مريم : فتحت عينيها بدهشه وقالت بتلعثم . لأ ايوه .. لأ احم عادى يعنى ...
ليليان : رفعت حاجبها . طيب يلا بقى البسي وانا وتمارا هنسبقك ماشي .
مريم : هزت راسها تمام ... وخرجو.
ف الليفنج تحت .
محمد : شاور ل تمارا الل نازله من ع السلم . تقعد جنبه .. وقعدت . وقال المحاميه الجميله عامله ايه؟
تمارا : انا كويسه جدا يابابي ..
آريان : قاعد فاتح واتس وبيسرق نظرات ل تمارا ومتغاظ من تجاهلها ليه ؟
تمارا : رفعت عينيها وشافت آريان وعيونهم جت ف عيون بعض لثوانى .. وتمارا انتبهت ونزلت عينيها بسرعه . ووشها احمر .
آريان : قلبه دق .. وقال جواه نفسي اقولك انى بحبك اوى يا تيما ..
تمارا : قالت جواها . تؤ وبعدين بقى ف قلبى ده ؟
ليليان : جالها رساله خاصه ع الواتساب . وفتحتها .. وقلبها دق بسرعه كبيره .. وكانت من كريم .. وكاتب فيها .
. ليليان انا آسف انى رنيت عليكي لكن انتى وحشتينى اوى اوى .
. وكنت عايز اقولك انا اتكلمت مع بابا وصارحته بكل حاجه . وقولتله انى بحبك جدا ومن زمان . وعايز اخد خطوه واتقدملك .
. وبابا فرح جدا .. وقال إنه هيتكلم مع جدو أشرف ويحددو ميعاد مع جدو آدم وعمو زين .. ارجوكي كلمينى بليل هموت واسمع صوتك.
ليليان : قلبها هيطلع من مكانه .. ووشها كتلة طماطم .. وحاسه إن مفيش هوا حواليها .. وقامت برجفه .. وراحت ع الحمام . وحضنت الفون بسعاده كبيره .. وفرحانه جدا .. اخيررررا ياكريم اخيررااا . اااه لو تعرف انا بحبك اوى قد ايه؟ انا مبسووووطه اووووى ..
وسابت الفون .. وراحت تغسل وشها علشان تهدى.
آدم : بيهمس ل مريم . حبيبتى مالك انتى مش مركزه معايا انهردا ..
مريم : ربتت ع ايدو .. ابدا ياحبيبى انا كويسه ..
آدم : رفع عينيه وشاف ميرو . وقال حفيدتى التانيه اخيرا نزلت ...
مريم : رفعت عينيها وشافت ميرو . وكانت رقيقه جدا ف جمالها . وهمست ما شاء الله..
تيم : رفع عينيه وشاف ميرو . وابتسم .
ليليان : خارجه من الحمام وشافت ميرو و ابتسمت بخبث ورفعت حاجبها وقالت يبقى احساسي انا والبت چود صح ...
ميرو : نازله ولابسه فستان سماوي رقيق جدا . وحزام من الوسط . وحجاب رقيق .. وقالت السلام عليكم .
كلهم ابتسمو وعليكي السلام ..
فريحه : ضحكت بسعاده من جمال بنتها ميكس من مراد وفريحه .وسلمت عليها.
ميرو : سلمت ع محمد ونور . وجدها آدم وباست ع ايدو .. وسلمت ع آرين . وقالت مبروك يا آرين بجد فرحت ليكى جدا ..
آرين : ههههه الله يبارك فيكي يا دكتوره .. بس انتى بجد طالعه زي القمر وكيوت جدااا...
ميرو : بحرج . ميرسي مش اجمل منك ابدا..
رينو : ايه؟ انتى بتشيلى العين عنك بقى . اللهم بارك انتو الخمسه ماشاء الله عليكم بجد . ربنا يحفظكم ياحبايبى ..
ميرو : ميرسي ياعمتو . مبروك يا آركان ..
آركان : الله يبارك فيكي يا دكتوره . هديه ها ؟ انا بقبل فلوس عادي جدا ..
ميرو : ههههه ضحكت برقه .. من عينيا بس كدا ؟.. وبصت ع تيم بتوتر . اذيك يا تيم ..
تيم : هز راسه تمام ..
ميرو : باست تالين . عامله ايه ياروحي .
تالين : الحمدلله . انا خبطت عليكى لكن انتى كنتى نايمه .
ميرو : اسفه ياتوتا نمت غصب عني ..
آدم : تعالى ياميرو ياحبيبتى اقعدى جمبى ..
مريم : لأ ميرو هتقعد بينى وبينك .. معلش بقى ياحبيبى المرادي بس ..
آدم : مط شفايفه امممم. موافق طبعا .. دى حفيدتى الغاليه .. وكمان ليا مصلحه عندها هههههه ..
ميرو : قعدت بينهم .. وابتسمت بحب. حاضر يابابا عينيا ليك انجح بس السنادى إن شاء الله وأكمل الماجستير والدكتوراه.. واول كشف نضاره إن شاء الله هيكون لحضرتك وكمان ماما مريم . وع حسابى الشخصي ..
كلهم ابتسمو ...
ليليان : بتمثل الغيره . احم احم نحن هنا . ولا ايه؟
آدم : عايزه ايه ياغلباويه انتى ؟.. وبعدين يابت انتى معايا طول اليوم ف المكتب وآخر دلع . المفروض بقى ادلع باقى احفادى . ميرو الرقيقه وتيما القمر وآرين البوبونايه دى . وتوتا روح جدها ...
آريان : اوعدنا يارب ...
آركان : تؤ مش لينا يبنى الدلع ده ...
تيم : وبعدين معاك انت وهو . البنات لازم ليها معامله خاصه .. وبعدين انت عايز تتدلع يا آريان انت و آركان . يختى حلوه جميله؟
آريان هرش ف قفاه بحرج . و آركان بص للسقف وقال هو الجو حر انهردا ...؟
الكل ضحك ...
مريم : ومالو ياتيمو ياروحي .. وبعدين انا قصرت مع احفادى ف حاجه؟ ده تيم و آريان و آركان و آدم دول نبض قلبي من جوه .. وياخدو كل الدلع مش عيب ولا حرام ..
آركان .. سقف اووو . هو ده هو انا بموت فيكى من شويه ..
الكل ضحك ..
آدم : والله احنا مقسيمنها من زمان جدا .. انا عليا تربية البنات .. واميرتي عليها تربية الولاد .. وياريت بقى محدش يبصلنا .. وغمز ل ميرو . ولا ايه ياحبيبت جدك ؟
ميرو : بنفي . انت بابا آدم مش جدو ..
آدم : ههههههه ايوه صح معلش بنسى ..
آركان : قام وقف . بينا ياشباب نقعد ف الجنينه شويه . بعد اذنك طبعا يا بابا ؟
آدم : ومالو ياحبيب جدك .. خد اخواتك واتمشو شويه .. وبص ل ميرو تتمشي معاهم ؟
ميرو : رفعت عينيها تلقائيا ع تيم . واتنهدت وهزت راسها . لأ خلينى قاعده مع حضرتك..
آدم : حس بيها .. ومسد ع حجابها . قومي ياحبيبتى . اتمشي مع تيما ولي لي وآرين . صدقينى الأوقات دى مش هتتعوض ..
مريم : ابتسمت . فعلا ياميرو قومي ياحبيبتى وعيشي الفرحه مع اخواتك ...
ليليان : اااه يقلبك ياليليان .. الل محد قالك اتمشي ع سور الجنينه حتى؟.
ريتال : ضحكت يابت انتى ناطه ف كل كلمه كدا ...
ليليان : رفعت راسها بكبرياء . انا ليليان زين العدوي . ولازم يكون ليا وضعي اوكي يا روتى؟
زين : بدهشه .. روتي ؟ البت دى عايزه علقه..
آدم : فكر بس انك تيجى جمبها كدا وتلمسها؟
ليليان : بفرحه جريت حضنت آدم . حبببيبي حبيبببى والله بموت فيك جدااا يا أحلى بابا آدم ف الدنيا ..
كلهم ضحكو ..
زين : فتح عينيه وبص ل ريتال .. البت دى مجنونه رسمي ..
ريتال : ههههه خلاص بعد كلمة بابا . انت مش هينفع تقربلها .
. وبعدين ياحبيبى لي لي واضح عليها انها مبسوطه اوى . خليها تعيش حياتها وتفرح ..
فريحه : قامت وقفت . طيب ياحلوين . انتو اخرجو ع الجنينه وانا هعمل للعيله الجميله حاجه حلوه بالمناسبه الجميله دي .. وراحت ع المطبخ..
تيم و الشباب والبنات طلعو يتمشو ف الجنينه . وتالين طلعت ع اوضتها تراجع ع القرآن الل هتسمعه ل مريم ..
------------بقلمي مريم نصار
محمد : حج آدم انت اخدت علاج الضغط انهردا ؟
آدم : خاف من رد فعل مريم .. وهز راسه لأ..
مريم : فتحت عينيها بدهشه . اييه؟ لأ ؟ آدم انا حطالك العلاج ف الشنطه قبل ما تنزل ع الشركه وفكرتك بيه مرتين انهردا ..
آدم : ربت ع ايدها حبيبتى انا عارف كل ده . بس انا كويس جدا الحمدلله . وبصراحه انا مبحبش العلاج ..
مريم : بزعل حقيقي . ومين فينا بيحب ياخد العلاج يا آدم .. بجد زعلتنى اوى منك .. طيب حافظ ع نفسك عشان خاطرك مش عشان حد تانى .. بلاش انا ..
آدم : بص ل محمد لازم تسأل يعنى ؟ اهي زعلت منى اعمل ايه دلوقتي ؟
محمد : ضحك . والله انا برئ . انا بطمن ع صديقى الغالى وجوز خالتى وأبو مراتي وحمايا العزيز . اظن ده سبب كافي جدا انى اسأل واطمن .. ولا ايه يانورى ؟
نور : طبعا ياحبيبى .. وبعدين انت كشفت لينا إن بابي حبيبي مش مهتم بنفسه ولا بصحته ..
رينو : بجد يابابى زعلتنا جدا .. حضرتك لازم تاخد بالك من صحتك . احنا مالناش غيرك انت ومامي من بعد ربنا . ارجوك حافظ ع نفسك. .
آدم : شاف الكل زعلان بجد .. وقال بدهشه . كل ده عشان برشامة الضغط .؟ وبعدين يا حبايبى انا محاافظ ع صحتى والحمد لله . رياضه كل يوم بعد الفجر انزل أجري انا وزين واحفادي ف الجنينه لحد الساعه ٧ الصبح . وبعد كده بدخل ع اوضة الجيم الخاصه العب رياضه مع احفادى . والحمدلله انا زى الفل .
مريم : سألته بزعل.. شربت قهوه ف الشركه انهردا ؟
آدم : غمض عين وفتح عين وبص ل زين .ومش عارف يرد ..
زين : رفع كتفه ف معنى ماليش دعوه ..
مريم : هزت راسها وقالت بتحذير . طيب قول انت يازين .. ابوك شرب قهوه ولا لأ؟
زين : رد ف ثوانى . مرتين ياماما . احم وبلع ريقه بتوتر ..
ريتال : همست ل زين . حرام عليك . فتنت ع بابا آدم يازينى .؟
زين : بينى وبينك. كدا احسن . عشان الدكتور محمد مانعه عن القهوه . وقاله مرتين ف الاسبوع وخفيفه كمان .. لازم مريم تشوف شغلها بقى ..
آدم : كشر عينيه واستحلف ل زين ..
مريم : فتحت عينيها بدهشه ايييه؟ مرتين يا آدم ؟
آدم : ابتسم بتمثيل . انتى عارفه ياحبيبتي إن فنجال القهوه بتاع الصبح ده الل بيظبط دماغى .. وانا صدقوني انا صحتى الحمدلله كويسه . وعشان متزعليش منى خلاص ياروحي انا هحاول اآقلل منها ..
مريم : ............ومردتش وزعلانه ..
نور : ع فكره يابابى متستوهنش بتحذير اى دكتور لحضرتك .. وياريت بجد تقلل القهوه ..
رينو : ندهت . عزيزه .. ياعزيزه .
عزيزه : جت بسرعه . نعم ياست الدكتوره ..
رينو : لو سمحتى ياعزيزه . ابعتى البنت الشغاله الجديده دي اسمها ايه؟
زينب : اسمها مياده يادكتوره ..
رينو : مياده . طيب لو سمحتى خليها تجيب جهاز الضغط من اوضتى فوق ..
عزيزه : حاضر ياست الدكتوره . واتحركت ..
آدم : ابتسم بحب كبير . وقلبه مبسوط من خوف عيلته عليه بالشكل ده ..
مياده : جابت الجهاز . اتفضلى يادكتوره.
رينو : شكرا يا مياده. واخدت الجهاز .
محمد : هاتى يارينو . انا هقيسله الضغط .. واخد الجهاز . يلا يا حج .. وقاس الضغط ل آدم .. وبص ليه ف نظرة عتاب . لأن الضغط عالى ..
مريم : ها يا محمد طمني . ضغطه مظبوط ؟
محمد : بصراحه . لأ . ضغطك عالى ولازم بقى نسمع الكلام ..
مريم : قامت وطالعه ع السلم ..
آدم : استغرب رد فعلها ..
نور : استلم بقى يابابي ..
رينو : بصراحه انا لو مكان مامي . همنع القهوه تدخل بيتى تانى ...
آدم : بص ل زين بغيظ . عاجبك كدا .؟ كله منك ياجبله ....
زين : بصراحه ياحج انا قاصدها . وبعدين حضرتك لازم تبطل شرب قهوه ..
آدم : طيب وحيات امك الغاليه دى لاشرب .........وسكت لأن مريم نازله. احم ..
زين : بخبث .ايوه ياحج كنت بتحلف بالغاليه انك هتشرب ايه ؟
آدم : بيعدل جاكيت البدله . احم هشرب ينسون .. اهو بينزل الضغط وصحي بردو مش كدا يادكتور ؟
الكل ضحك ...
محمد : ههههههههه ايوه ياحج صحى .
مريم : نزلت . ومسكت كوباية ميا . واتكلمت بزعل .. اتفضل يا ابو مراد .. وحطت الميا ف ايدو و البرشامه ف ايدو التانيه..
آدم : ابتسم من قلبه ع زعلها وطفوليتها .. واخد البرشامه .. تسلم ايدك ياروحي ..
مريم : ...........
آدم : بص ل زين . كله منك ياجبله يابجح ...
------------بقلمي مريم نصار
ف الجنينه ..
ليليان وميرو وتيما و آرين ماشيين مع بعض ..
ليليان : بصراحه ياميرو لون الفستان ده عليكى جميل جدا ..
تمارا : فعلا انا نادرا لما بشوف ميرو لابسه فواتح .. خليكى كدا ع طول ..
آرين : برقه . ميرو كيوت اوى وقمر ف اي حاجه ..
ميرو : ابتسمت بحب وعيونها ع تيم . وقالت ميرسي جدا يابنات . عيونكم الل جميله عشان كدا شايفين انى جميله ..
تمارا : عيون مين يابنتى بغمازاتك القمر دي ؟
ميرو : ههههه . ده ع أساس انك مش عندك غمازه ..
تمارا : هي غمازه واحده ف اليمين زي مريم الجزار وكان نفسي ف غمازتين زيك كدا . بس يلا بقى اهي حاجه تمشي الدنيا ههههه
البنات : هههههههههههه.
ليليان : احلا حاجه ف بنات العيله انهم كلهم بغمازات وموزز كدا .
آرين : شهقت موزز. ايوووه دي كلمة چود صح ؟
ليليان : ههههههه ايوه . بت فقر وعسل ..
آرين : فعلا كلها طنط رودي ودمها خفيف ..
تمارا : وكفايه جدو طارق العسل ده عايش معاهم . لازم يكونو دمهم خفيف ..
آرين : يابنات عندى سؤال محيرني جدااااا.
كلهم بصو لبعض . وقالو ف صوت واحد . اسئله تاااااانى يا آرين؟
ليليان : يابنتى ارحمينا انتى هريانا اسئله . وياريت ليها لازمه اصلا . دماغك فاضيه الله يكون ف عونك ياعمو فهد ..
ميرو : ههههه بس يا لي لي . أسألي يا آري . بس بجد ياريت يكون سؤال له معنى .
آرين : انتو أعداء النجاح ع فكره. وانا نابغه من نوابغ المجتمع . لكن يلا انا هتواضع وأسأل..
تمارا : أسألي ياست النابغه . معلش خدينا ع قد عقلنا ..
آرين ..ليه خمسه عدد حروفها اربعه؟ وليه اربعه عدد حروفها خمسه؟
كلهم بصو لبعض ببلاها . وملقوش رد عليها ... وضحكو بصوت عالى ...
تيم : سمع صوت ضحك البنات .. وبص عليهم .. وشاف آرين وميرو بيضحكو .. وهز راسه بضحكه ..
آريان : عيونه ع تمارا وسمع ضحكتها وابتسم تلقائي ..
آركان : فونه رن .. طيب ياشباب ثوانى كدا عشان ده المستر ممدوح اكيد بيتصل يطمن ع الدرجات . واتحرك بعيد ورد عليه ..
تيم : شاور ل آرين . تعالى ..
آرين : رفعت كتفها لأ مش جايه ..
تيم : قال جواه .. البنت دى عنيده بشكل . وانا هعدلها دماغها دي .. واتكلم . ثوانى يا آريان .. وراح عند البنات ..
آرين : شهقت يانهاري . تيم جاي عندنا ..
ميرو : رفعت عينيها وقلبها دق ..
ليليان : بمكر . بقولك ايه ياتيما . تعالى عايزه اخد رايك ف حاجه ..
تمارا : يلا بينا . وانتى يا آرين تيم اكيد هيزعقلك عشان نده عليكى وانتى ما سمعتيش كلامه .
ليليان : يلا بقى سيبك منها .. هما الاتنين عاملين زي القط والفار . واخدت تمارا وبعدت بعيد ..
ميرو : وافقه مع آرين .. وقلبها معدل دقاته بيزيد مع قرب تيم ليهم ..
آرين : نفخت اووف . بجد تيم ده خنقتى ف حياتى .. بليز ياميرو خليكى معايا اكيد هيبهدلنى ..
ميرو : ابتسمت بوجع . متقلقيش تيم عمره ما يزعلك ابدا ..
آرين : نعم ؟ ده بيتفنن ازاى يحرق دمي . انتى متعرفيش وقع قلبى وقت الشهاده ازاى ؟
تيم : جه . هو انا مش قولتلك تعالى عايزك ؟
آرين : بقولك ايه ياتيم مش لازم تحرق دمي انهردا .. انا ناجحه ومش حابه حاجه تنرفزنى اوكي ..
تيم : وانا لسه حرقت دمك يا آرين؟ انتى متعرفيش الجديد ؟
ميرو : واقفه وحاسه انها عزول بينهم ومحرجه ...
آرين : فتحت عينيها .. ايه بقى الجديد إن شاء الله؟
تيم : انا هتفق مع مُدرسين معرفه عشان تتابعى معاهم تالته ثانوى من قبل الترم ..
آرين : بغيظ مكبت . ايييه؟ يعنى ايه ده إن شاء الله .. انا بروح السنتر مع صحابى . وهروح معاهم ف تالته كمان .
تيم : ببرود . لأ مش هتروحي السنتر ده تانى . وكلامى منتهى ..
آرين : صكت ع أسنانها . واننننت ماااالك تتفق ليييه؟ ومن غير متاخد رأيي الشخصي وكمان رأي بابى ومامي ؟ انت عاااايز منى ايه ؟
تيم : بنفس البرود .. كل خير يارينو ياصغيره . سنتر الل اسمه نائل ده مش هتروحيه تانى ؟ واوعى تكونى مفكره انى معرفش الل حصل اوكي ياقمر ؟
آرين : بحرج . احم انت عرفت؟ و..وانا مالى بالل حصل هو انا الل كنت بتكلم معاه .. هو مجرد مدرس وبس ..
تيم : بصي يا آرين . انا لو شرحت لفهد قضية نائل ده مش بعيد يخليكى متروحيش اى سنتر تانى اصلا . ف اسمعى كلامى عشان مااعندش معاكى وتراجعى المنهج كله ف البيت .. وانتى عارفه إن كلامي ف الآخر هيتنفذ اوكي يا قمر ..
آرين : بغيظ خبطت برجليها ع الأرض .. انا عارفه انك هتحرقلى دمي . انا بكررررررهك ياتيم متتكلمش معايا تاااااانى ...
ميرو : بحرج .احم طيب انا هدخل اشوف مامي بعد اذنكم ..ولفت ضهرها...
تيم : استنى ياميرو عايزك .. وبص ل آرين . وطلع الشوكليت بتاعها . وقالها ببرود .اتفضلى ياحبيبتي احلى شوكليت ليكى ..
ميرو : سمعت كلام تيم .. ولفت بسرعه وقلبها دق بسرعه كبيره . وافتكرت إن الكلام ده ليها .. وبعدها حست بخيبة أمل كبيره . واتنهدت بزعل حقيقي .. وسكتت .
آرين : بغيظ شدت منه الشوكيلت ..هات بس اعرف انى لما اكبر هردلك كل الل انت بتعمله فيا. وسابتهم ومشيت ..
ميرو : واقفه مغمضه عينيها وبتحاول تنظم دقات قلبها . وبتحاول تستوعب كل حاجه حواليها ..
تيم : وقف قدامها . وحط ايدو ف جيبه . ايه يا دكتوره وصلتى لحد فين ؟
آريان : شاف تمارا واقفه لوحدها . وليليان بتصالح ف آرين المتنرفزه ...
تمارا : شافت آريان جاى عندها ...وبتحاول تكون ثابته ...
آريان : وقف قدامها وبص ف عينيها وقال -------------يتبع
تكملة الرواية من هنا 👇👇👇
