جميع الروايات كامله

 الحلقه التامنه والتاسعه

رواية جريمة عشق ٤  

(ميراث العشق)

🔹‏صيام_الستة_من_شوال🔸

فرصة ثمينة قالﷺ:

"من صام رمضان ثم أتبعه ستاً 

من شوال كان كصيام الدهر". 

قال النووي:

وإنما كان كصيام الدهر، 

لأن الحسنة بعشر أمثالها، 

فرمضان بعشرة أشهر، 

والستة بشهرين.

وقال ابن المبارك:

قيل:صيامها من شوال يلتحق 

بصيام رمضان في الفضل،

فيكون له أجر صيام الدهر فرضاً.

______________________________________

                       بسم الله نبدأ   .

أسم الكاتبة الحقيقي : شريهان ابراهيم.

الإسم الحركي للكاتبة : مريم نصار.

تمارا : شافت آريان جاى عندها وبتحاول تكون ثابته ... 

آريان : وقف قدامها وبص ف عينيها وقال . اذيك يا تمارا ؟

تمارا : بثبات . انا تمام . وحضرتك يادكتور؟

آريان : ابتسم بحب . دكتور مره واحده..

تمارا : طبعا مش حضرتك اتعينت دكتور ف الجامعه .. 

آريان : ايوه فعلا . بس ياترى دى حاجه حلوه ولا عاديه ؟

تمارا : لأ طبعا حاجه جميله جدا ومشرفه كمان . 

آريان : بمكر . افهم من كلامك ده إنك مبسوطه علشانى ؟

تمارا : بلخبطه . ا.ايوه . احم قصدى عادي يعنى . احم انت اخويا وافرحلك ..

آريان : بغيظ .. اخوكي ؟ 

تمارا : بتحارب جواها ومش عايزه تضعف . ايوه ايه اول مره تعرف انك اخويا ؟

آريان : بص ف عينيها وقال ف لحظة حب . بس انا عمرى ما اخدتك انك اختى ياتيما ..

تمارا : قلبها دق بقوه . وحست انها بتعمل حاجه غلط . وغمضت عينيها بقوه . وفتحت تانى بسرعه . وقالت أنا لازم امشي دلوقتي ..

آريان : تمارا لحد امتى هتفضلى تهربي منى ؟ 

تمارا : بتوتر . ا.اهرب منك ازاى يعنى؟ انت بتقول كلام مش مفهوم..

آريان : متطبقيش كلية الحقوق عليا ياتمارا . 

اظن انتى فاهمه كويس اوى انا بتكلم عن ايه؟ وبتمنى اللحظه الل انا وانتى نكون فيها لوحدنا عشان اصارحك بكل حاجه جوايا  . 

حتى لما بتصل اطمن عليكى مابتدنيش فرصه اقولك ع الل جوايا ليكي . 

تمارا انا بجد تعبان ومحتاج اتكلم معاكى . وكل ما أحاول انتى بتهربي .

. وبقول لنفسي خلاص يا آريان هي فاهمه كل حاجه . لكن هروبها منى ده معناه انها رافضه وجودي .

. لكن عينيكى بتقول عكس كدا . ولما وقعت ف التمرين ف النادى ورجلى اتجرحت لهفتك عليا اكدتلى احساسي اكتر .. ارجوكي ياتيما عايز اتكلم معاكى ..

تمارا : برجفه .. آريان لو سمحت .. انا مش فاهمه منك حاجه . وتتكلم معايا ف ايه؟ ولوحدنا ازاى يعنى؟ 

آريان : تمارا اوعى تفهمى كلامى غلط . انا مقصدش اننا نتقابل ف مكان لوحدنا انا اخاف عليكى اكتر منك. 

انا قصدى انى اتكلم معاكى مثلا دلوقتي اى نعم احنا مش لوحدنا اوى لكن الل يهمنى ان مفيش غيرك هيسمع الل جوايا ليكى .. وعايز اعرف رأيك وبعدها اخد خطوه والعالم كله يعرف انى...... وسكت ...

تمارا : بتنهج بسيط جدا . ومغمضه عينيها .. وحاسه إن رجليها مش شايلاها .. وعايزه تجري من قدامه . وقالت بتلعثم .ا.انا لازم امشي . وجت تتحرك .....شهقت بسيط..

آريان : مسك ايدها بسرعه . تمارا استنى ..

تمارا : شدت أيدها بسرعه ..وضهرها ل آريان وقلبها بيدق بسرعه كبيره ولسانها اتلجم ف نفس اللحظه ..

آريان : شاف ارتباكها .. انا آسف مش قصدى امسك ايدك . لكن انا عايزك تسمعنى .. وغمض عينيه واخد نفس عميق واتنهد . وقلبه دق بقوه ... وقال تمارا انا بحبك .وبموت فيكي وانتى عارفه من زمان جدا انك حاجه كبيره اوى بالنسبالى.. 

تمارا : سمعت اعتراف آريان اخيرااا ..الل استنه من زمان وحاسه انها هتقع .. وسامعه دقات قلب آريان ... وقلبها دق بصوت مسموع ل آريان..

آريان : فتح عينيه وشاف تمارا ضهرها ليه . ولف ليها ووقف قدامها . وفتح عينيه بدهشه . لأن تمارا وشها بقى احمر جدا .. وبتنهج بتوتر .. وقال تمارا تعالى اقعدى هنا وحاولى تهدى ..

تمارا : هزت راسها لأ.. ا.انا عاوزه ادخل ل بابي . 

آريان : . طيب ع الاقل اهدى . تمارا انا مقولتش حاجه غلط . انا اعترفت ليكى بحبى . وعايز اعرف ردك . ومع أنه واضح ..لكن هستنى ردك عليا إن شاله حتى ف رساله خاصه .

 المهم إنك توافقى لأنى بصراحه عايز أتقدم رسمي وتكونى معايا انهردا قبل بكره ..

تمارا : قلبها بيرقص سعاده ومبسوطه جدااا . وغصب عنها ابتسمت بحرج . وجريت من قدامه بسرعه ..

آريان : شاف ابتسامتها .. وقلبه دق بفرحه .. وضحك ع كسوفها وهي بتجرى من قدامه . وسند ضهره ع الشجره . وبص للسما وابتسم بحب وقال . والله بموت فيكي .. وربنا بقى يهديكى وتوافقى .. 

------------بقلمي مريم نصار

ف نفس الوقت..

ميرو : واقفه مغمضه عينيها وبتحاول تنظم دقات قلبها . وبتحاول تستوعب كل حاجه حواليها .. 

تيم : وقف قدامها . وحط ايدو ف جيبه . ايه يا دكتوره وصلتى لحد فين ؟

ميرو : فتحت عينيها ببطء .. وبصت ف عينيه بعشق واضح . ونسيت كل حاجه حواليها .. واتعمقت ف لون عيونه الخُضر الل بيخلوها تايهه ف عالم تانى .....ومردتش عليه ..

تيم : بص ل مريم وشاف نظرتها .. وبص ليها كتير . وبعدها قال مريم انتى كويسه؟

ميرو : بتوهان .. ها؟

تيم : ابتسم .. ها ايه؟ وصلتى لفين كدا ؟ انا واقف من زمان وانتى ساكته ..

ميرو : بلخبطه . ا.ابدا . ا.انا .. انا ساكته عشان...عشان... واتخنقت من نفسها لانها مش لاقيه مبرر أو حجه جديده .. وعيونها لمعت بدموع . احم ابدا ياتيم مفيش حاجه..

تيم : مريم ممكن متخبيش حاجه عليا .

. انا بصراحه من زمان جدا نفسي أسألك مالك . وايه الل غيرك اوى كدا .. انتى مكنتيش كدا .. فين ميرو الل روحها كانت مرحه وخصوصاً مع بابا آدم .. ومراد ومعايا انا كمان . فجاءه كل ده اتغير .. فين ميرو البنوته الشقيه ..

ميرو : بتكابر دموعها . احم كل واحد ليه فتره معينه وبيحس فيها بالنضج وبعدين احنا كبرنا.. يعنى انا معرفش انى اتغيرت غير لما الكل بدء يسأل مالك ؟فيكى ايه ؟ 

وهي ..  هي نفس الجواب مفيش حاجه .  واتنهدت بتعب . لأن فعلا مفيش حاجه .. ومسحت دمعه نزلت بسرعه قبل ما تيم يلاحظ .. وابتسمت بتمثيل . انت شكلك كدا عايز تضحك عليا وتكنسل الشوكليت بتاعتى انهردا . هههههه . وقلبها بيبكى ...

تيم : بص ف عينيها كتير جدا .. وساكت ..

ميرو : بلعت ريقها بتوتر وبصت بعيد وبتهرب من نظرته ليها ...

تيم : اخد نفس عميق . وهز راسه .. انا عمرى ما اقدر اكنسل يوم واحد وماجيبش ليكى الحاجه الل اتعودت عليها .انتى من عيلتى . قصدى انتى اختى .وطلع الشوكليت بتاعها اتفضلى ياميرو . اجمل شوكليت لاجمل مريم ف الدنيا ..

ميرو : قلبها دق بسرعه .. ومدت أيدها ..

تيم : حط الشوكليت ف ايدها .. وايدو لمست أيدها ...

ميرو : من لمست ايدو .. غمضت عينيها .. وجسمها رجف . 

تيم : ابتسم . تعرفى لما وشك بيتحول لل اللون الاحمر بتبقى جميله جدا .. ههههه ودي مش معاكسه ع فكره ...

ميرو : هزت راسها بدموع . شكرا ياتيم .. انا هروح اشوف مامي بعد اذنك .. ومشيت وهي مخنوقه من ضعف شخصيتها قدام تيم بالذات.

تيم : نده عليها وقال مريم ؟

ميرو : لفت ليه بحزن . نعم يا تيم ؟

تيم : هسالك واقولك تانى. انتى ف حاجه مخباياها عليا؟

ميرو : بشبح ابتسامه . ابدا وانا هخبي عليك ايه؟

تيم : متاكده ؟

ميرو : ايوه .

تيم : هز راسه تمام .. 

------------بقلمي مريم نصار

ليليان : ماشيه بسرعه ورا آرين .. يابت استنى هنا فرهدتينى ...ومسكتها من أيدها . اقفى بقى ايييه مش سمعانى كل ده؟

آرين : بغيظ عايزه ايه يالي لي . انا مخنوقه جدا . وعايزه اضرب اى حد . 

ليليان : ههههههه . يابنتى استهدي بالله كدا .. وبعدين هو انتى هتتجددى ع تيم .. طيب والله ياريت تيم يهتم بيا انا كدا .. ده بيخاف عليكى ياعبيطه ..

آرين : قبضت ع ايديها . ده مش بيخاف عليا . ده واضح اوى إن ف طار قديم عندو وعايز يخلص الطار ده فيا انا .. بصي يا لي لي . تيم ده انا متغاظه منه اكتر من اى حد ..

ليليان : ههههه طيب اهدى وبطلى نرفزه .. وتيم الل انتى بتتكلمى عليه ده انتى مبتستحمليش عليه حاجه .

. فاكره لما اتخانق مع واحد ف الجامعه بيعاكس مريم .. وراجع متعور ف راسه . انتى عملتى ايه وقتها؟ 

كنتى هتموتى من العياط ياعينى والخوف عليه ومنعتى الاكل عشانه.

 وبعدين تيم طول عمره مهتم بيكى ويعتبر انتى متربيه ع ايديه يعنى اخوكي الكبير ..

آرين : بدءت تهدا . واتنهدت تيم بجد حنين جدا يالي لي .

. وكمان طول عمره مهتم بيا وكمان ب مامي وبيخاف علينا جدا .

. بس ديما يقرر من غير ما ياخد رأيي . يعنى دلوقتي منعنى وخلانى اقطع علاقتى بصحبتى ف المدرسه .. انا عارفه انه صح . لكن بحس انه فارض نفسه عليا ...

ليليان : كشرت عينيها .. فارض نفسه عليكى؟ ازاى وانتى متعلقه بيه زى اخوكي الكبير ..

.وبعدين انا مش شايفه إن تيم فارض نفسه ع حد . تيم شخصيه جميله جدا . كل الموضوع انه اتربى ع ايد عمتو لارين وبيموت فيها. 

.وهي امه التانيه ف من الطبيعي انه يهتم بيها وبولادها الل هما اخواته الصغيرين .. 

آرين : غمضت عينيها. طيب والسنتر .. تخيلى منعنى انى اروح سنتر مستر نائل تانى ..

ليليان : طيب ليه تيم عمل كدا؟

آرين : اتوترت . وبتفرك ف ايديها .. وسكتت..

ليليان : آرين انا سألتك ليه تيم يمنعك من سنتر مستر نائل ؟

آرين : اتحرجت ........وساكته...

ميرو : من وراها .. انا الل طلبت من تيم انه يعمل كدا ؟

ليليان . وآرين انتبهوا  ل مريم .. 

آرين : بزهول . ايييه؟ انتى يامريم؟ انتى الل قولتى ل تيم كدا ؟ 

ليليان : استنى انتى يا آرين اكيد ف سبب ؟ ممكن تفهمينا يا ميرو . عشان آرين تفهم وجهة نظر تيم ..

ميرو : قربت من آرين و ابتسمت بحب .. المشكله إن آرين عارفه السبب كويس .. والمفروض تفرح إن تيم خايف عليها..

آرين : بس ياميرو تيم مبيقوليش ع الل ناوى يعمله . كل مره يفاجئنى .. وانتى ليه قولتيله بس ؟

ميرو : مسدت ع حجابها . وقالت رينو ياصغيره .. انا لو كنت قولت ل خالو فهد صدقينى كان ممكن يقعدك من السنتر زى ما تيم قالك. 

. وكمان كان ممكن يكسر السنتر ع راس نائل ده ويقفلو خالص . ف انا شايفه انى اتصرفت صح ..

ليليان : ماتفهمونا ياجماعه . زفت نائل ده عمل ايه؟

ميرو : بحرج . بيتحرش بالبنات ف السنتر .. 

ليليان : شهقت وحطت ايدها ع بوقها . ايييه؟

ميرو : انا عرفت بالصدفه من زميله ليا ف طب . وليها اخت مع آرين ف نفس السنتر . 

.وزميلتى دي كانت داخله الجامعه ومخنوقه جدا . وبتعيط . 

.هي صعبت عليا وروحت قعدت جنبها . وحاولت اهديها . 

.وهي حكتلى ع كل حاجه .. وإن نائل ده بياخد ارقام البنات وبيدخل ليهم شات ويتكلم معاها ف الاول عادي جدا .

. ويفضل يشجعها ع الدراسه ويقولها انها اشطر بنت ف السنتر وهيساعدها فالامتحان وهينجحها اكيد .. والبنت تصدق نائل ده .

. ويطلب من كل بنت تروحله السنتر قبل وقت الحصه بوقت محدد .. ويتحرش بيها .

.وطبعا دي بنات ف اولى ثانوى ويعتبر صغيرين وف بنات كتير جدا مش فاهمين حاجه .

. ولولا سبحان الله اخت زميلتى دي عندها وعي .. وبعتت الشات لاختها .. واتفضح ع الموقع بتاعه كان استغل بنات كتير .

.يبقى انا اول ما اعرف لازم اتصرف . انا خوفت عليكى جدا يا آرين . وتيم اتصرف صح. 

ليليان : بتسمع ومزهوله وعينيها مفتوحه ع الاخر ينهار ابيض هي وصلت للدرجادى؟ تحررررش؟....

آرين : نزلت وشها ف الارض بحرج . انا عرفت بكل ده .. 

.وع فكره يامريم المستر نائل ده حاول يكلمنى وطلب رقمى .

. بس انا رديت عليه وقولتله انا لازم اقول ل بابي إن حضرتك عايز رقم فونى  .

. وهو مردش عليا .. ومن وقتها وهو بعيد عني . ميرو . انا متربيه كويس جدا وعمرى ما هسمح ان حد غريب يتكلم معايا مهما حصل . 

ميرو : ابتسمت . حبيبتى كلنا واثقين فيكى . وكفايه إن خالو فهد مدربك كويس وعارفه انك تقدرى تحمي نفسك .

. لكن يا آرين فكرى معايا كدا . السنتر دلوقتي اتعرف انه مكان مش كويس .

. وحتى لو البنت الل داخله السنتر ده مؤدبه جدا . الناس مش هيفكرو  فيها كدا ياحبيبتى .

. وبعدين احنا لازم نبعد عن الحاجه الل تجبلنا شُبهه . تيم خايف عليكي واتصرف صح .

. وع فكره تيم عمره ما فرض نفسه عليكى . ولا عمره فرض نفسه ع اى حد تيم مميز جدا.

.تخيلى كدا لو هو مسالش عنك تانى . بتهايئلى انتى هتتجننى ههههه .. انتو فعلا قط وفار زى ما لي لي قالت .

آرين : اتنهدت . عندك حق ياميرو .. تيم إنسان كويس جدا ..  

ميرو : ابتسمت بتمثيل .. اكيد إنسان كويس..

ليليان : كلام مريم صح يا آرين وبطلى تتنرفزى ع تيم . 

.أولا هو اكبر منك وماينفعش . ثانيا محدش طايل يختى .  كفايه الشوكليت الل بيجبهولك .  افتحى افتحى وهاتى حته .. اله بت ياميرو . الدكتوره فريحه قالت إنها هتعمل حلو .. هما اكلوه جوه ولا ايه ؟

ميرو : ضحكت . امم مش عارفه بس آركان و آريان مش موجودين حوالينا. وده بيأكد انهم جوه بياكلو الحلو ..

ليليان : طيب تعالو بقى ندخل نقتحم الفيلا ..

آرين : طيب روحو انتو . وانا هروح اعتذر ل تيم اوكي ..

ميرو : ابتسمت بحزن .. وهزت راسها . اوكي . 

 ليليان : متابعه مريم . وحست بخنقتها .. احم ماشي يا آرين بس بسرعه علشان تلحقو الحلو . يلا بينا ياميرو ياحبيبتى .. واتحركو ..

------------بقلمي مريم نصار

مريم : ماشيه وعينيها بتدور ع تيم ..

ليليان : ع فكره ياميرو .  تيم كان واقف وراكي وانتى بتتكلمى ع نائل . واكيد سمع الحوار كله ..

ميرو : بتوتر. احم والله امم طيب تمام . وده هيسيهل أنه ميزعلش من آرين ..

ليليان : انتى حنينه اوى اوى يامريم .. واخده طباع من طنط فريحه . وكمان ماما مريم ..

ميرو : ههههه وماتنسيش انى سعات كتير بقلب مجنونه وبكون عصبيه جدا كمان .. بس انا سيباكم تاكلو عيش ع رأي بابا آدم ههههه.

ليليان : بتنهيده .. ع فكره انا عايزاكى ف موضوع شخصي . بس لما نبقى لوحدنا اوكي ..

ميرو : شافت آرين واقفه مع تيم .. وهزت راسها بحزن كبير . اوكي ياليليان .. ودخلو الفيلا.. 

آرين : بحرج . تيم ع فكره انا معنديش مشكله انى مروحش السنتر تانى .

. انا اصلا كنت بفكر بعد الل حصل ده . اتكلم مع صحابى ونشوف سنتر تانى وبابي يتفق مع المدرسين.. بس انت ديما تفاجأنى بقراراتك دى ..

تيم : وياترى بقى قراراتى صح ولا غلط؟

آرين : بتنهيده . صح طبعا .. بس صعب انى ابعد عن صحابى كده مره واحده .. 

تيم : وانا مقولتش انك تبعدى عنهم . وانا معنديش مانع أنهم يروحو معاكى للمُدرسين الل انا هتفق معاهم عشانك .. 

آرين : بفرحه بجد بجد ياتيم .. يعنى اتكلم معاهم ؟

تيم : ضحك ع فرحتها . بجد يا آرين .. بس البنت إياها دى لأ فاهمه ..

آرين : بزعل ليه بس ياتيمو ما انت كنت كويس . والله البنت دى كويسه اوى ..

تيم : آرين . البنت دى حقيقي مش كويسه .. وممكن تاخدك ف طريقها .

. بصي يا رينو ياصغيره . انا هفهمك حاجه .. انا دلوقتي اهو طالب ف طب وليا مكانتى بردو . انتى مثلا شوفتينى ماشي ف يوم مع شاب ف سنى لكن لابس سلاسل بقى وخواتم وفاتح القميص  بصي من الاخر شوفتينى مع واحد فاشل جدااا . هتقولى ايه؟

آرين : فهمت قصده . خلاص ياتيم انا مش هتكلم مع البنت دى . ووعد بجد انى هبعد عنها خالص ..

تيم : ابتسم .. كدا بقى تبقى انتى آرين القمر الرقيقه الل بتسمع كلام تيم . ويلا تعالى ندخل جوه نشوف العيله بتعمل ايه؟

آرين : ابتسمت برقه اوكي يلا بينا .. واتحركو .. 

العشاء أذنت .. وآدم اخد الشباب كلهم وطلعو ع المسجد . ومريم والبنات صلو ف البيت .. وبعدها .. 

فريحه : عملت حلو بالمناسبه دى . وكانت مبسوطه جدااا عشان كلمت آدم ابنها . وكمان مرادها كلمها . وقالها انه هيكلمها تانى بليل .. 

وكل العيله قعدت مع بعض مبسوطين .. 

لكن تمارا قاعده مكسوفه وقلبها فرحان من اعتراف آريان بحبه ليها.. و آريان قاعد مبسوط وبياكل الحلو وعيونه عليها .

وتيم بيضحك مع العيله .. وميرو شارده ..

 و آركان بيهزر  . وليليان بتفكر ياترى تحن ع كريم الل مطلعه عينه وتكلمه ولا لأ ..

 و آرين بتضحك مع خالها زين وتالين .. ومحمد طبعا مهتم ب نور ..

 وآدم طبعا متابع عيون الكل . ونفس الوقت بيحاول يصالح مريم الل لسه زعلانه منه عشان مهمل ف صحته ..

. وصحة آدم دي خط احمر عندها .. وآدم طبعا من جواه مبسوط جدا ب اميرته ..  

واخيرا رينو عشق الفهد سرحانه ومنتظره الساعه ١١ مساءا بفارغ الصبر .. وف انتظار مكالمة فهد ..  

------------بقلمي مريم نصار

وبعد شويه .. 

محمد : استأذن . واخد نور وتمارا . ومشيو . وتيم قاله إنه هيروح الجيم . ويروح ع البيت

وزين وريتال . استاذنو وطلعو ع الجناح ..

وفريحه : استأذنت واخدت تالين تنيمها وهتروح ع الجناح .. 

ورينو : سلمت ع آدم ومريم . وطلعت اوضتها فوق . تاخد شاور وتصلى . و آركان طلع اوضتة آدم مراد .. 

و آرين طلعت اوضتها تنام لانها صاحيه من بدرى .. 

وآريان : سلم ع آدم ومريم . وطلع ع اوضته يفكر ف رد فعل تيما لما اعترف بحبه ليها..

وليليان . سلمت عليهم و طلعت ع اوضتها . ومحتاره تعمل ايه ؟

ميرو : سلمت عليهم . وطلعت اوضتها .. وحطت الشوكليت بتاعها ف الدولاب جمب مجموعة شوكليت كتيره وكلها من تيم ومحتفظه بيهم .. وطلعت المفكره وهتكتب عن احساسها الل كل شويه يكبر جواها ..

آدم : شايف زعل اميرته .وقام وطلع بيها ع الجناح ..  ولكن هيصالحها بطريقة عشق ال آدم .. 

------------بقلمي مريم نصار

عند السيوفى .. 

. طارق : قاعد ع السرير وماسك راسه بغيظ كبير ..  

رنا : هلكانه ضحك ع شكل طارق الل اتصل بالعيله كلها وعزمها بالاكراه ومتغاظ جدا من آدم . 

طارق : بغيظ كبير اااه لأ لأ لأ . الواد ده عدوي وبيكرهنى اااه . وبص ل رنا . انتى بتضحكي ع ايييه يختى انتى كمان هااا؟

رنا : كتمت الضحكه . وهزت راسها لأ مش بضحك ..

طارق : خبط كف ع كف . الواد مش مديلى فرصه انتقم منه . الواد انا قولت اعزمه واكسب فيه ثواب .. 

وبص ليها .. طيب منا لما فارس وفهد يرجعو هعمل عزومه كبيره .. اااه يامرارتك ياطارق .  

الواد ده عايزك تكبر قبل اوانك ..

رنا : مش قادره تكتم الضحكه اكتر من كده . وانفجرت ف الضحك . هههههه ههههههههه ياراجل حراااام عليك .. ارحمنى بطنى وجعتنى من الضحك ههههههههه ...

طارق : صك ع أسنانه بغيظ كبير . بت انتى ... انتى حد مسلطك عليا ؟ انا متغاظ وقرفان من ابن العدوي . وانتى نازله ضحك ايه يختى كلامى بيزغزك؟

رنا : ههههههههه .. والله يارب ماقادره .

طارق : بغيظ اكبر . اه يارب الوليه مش قادره خلاص . 

.مبسوطه ف جوزك والل بيحصل معاه يختى ... تبقى افرحي لما إبن العدوى يشلنى ولا يجبلى جلطه ..

رنا : الف بعد الشر عليك .. اهدا ياطارق مش كدا . انت دلوقتي عندك مشكله في ايه بس؟ ايه الل مضايقك ياحبيبى؟

طارق : يعنى انتى مش عارفه .. آدم الزفت اجبرنى ع العزومه ..

رنا : طيب وهي يعنى هتفرق معاك ف حاجه؟ 

طارق : لأ مش هتفرق طبعا ودول عيلتى ويشرفو ف اى وقت. بس انا محبش اعمل حاجه وانا مغصوب عليها .. الواد ده غصبنى انى اعزمهم . الواد عايز يموتنى يختى .. ااااه يانارى..

رنا : بعد الشر عليك ياطاروق ياحبيبى . وقربت منه . وحطت أيدها ع خدو . انت طارق السيوفي ومحدش يقدر يجبرك ع حاجه ابدا ..

طارق : اه يارنا . قولى كمان عشان عايز اهدا ..

رنا : كتمت الضحكه . احم . معاش ولا كان الل يخليك تعمل حاجه غصب عنك . وبعدين انت ورطت آدم برضو قبل كده كتير ف عزومات ومجتش من مره .. هو آدم بس بيحب بهزر معاك وعشان كمان عارف إنك تقدر تعزم بلد بحالها مش عيله بس ..

طارق : حط ايدو ع ايدها الل ع خدو . ايوه كمان يارنا . ادينى حنان من بتاع زمان ..

رنا : فتحت عينيها بدهشه . وهتموت وتضحك . وبلعت ريقها بصعوبه .. وقالت حنان اه .

طارق : ايوه يختى حنان .. عشان انسا الل حصل من ابن العدوي ..  ده انا اصغر منه وشعري شاب قبله .. ماشي يابن العدوى مااااااشي ..

رنا : بدهشه .. انت اصغر منه ؟

طارق : اه يختى عندك مانع انتى كمان ؟

رنا : ابدا ياحبيبى والله .. وبعدين شعرك شاب فين بس ياطاروق دول خمسه سته بس من الجناب وكمان شكلك قمر  . ده الل يشوفك يقول انك ف الجامعه ..

طارق : ايوه . عندك حق . وعشان كده الواد ده غيران منى انى اصغر منه ...

رنا : هتموت وتضحك . احم لأ وكمان انت اجمل منه بكتير ..

طارق : بكبرياء ايوه فعلا انا احلا منه . وهو عمل كدا عشان انا اضايق واعجز قبل منه .

. وانا اسد ف نفسي كدا ااه . ومش لازم اتهز قدام الواد ده .. اسمعى يارنا ..

رنا : نعم يا حبيب قلبي ..

طارق : بكره عايزك تطلبى من الشغالين يعملو جميع أصناف الاكل مالذ وطاب .. وبص قدامه ولما اشوف اخرتها معاك يابن العدووي...

------------بقلمي مريم نصار

عند محمد عزيز . 

نور : ف الاوضه بتغير فستانها ..

محمد : لبس بنطلون وتيشرت .. ورايح ع الحمام يتوضي علشان يصلي القيام هو ونور .

نور : حبيبى تحب اعملك اى حاجه قبل ما نصلى القيام ؟

محمد : وقف وابتسم لا ياروحي تسلمي .. انا بس كنت عايز أسألك عن تمارا .. انتى مش ملاحظه عليها حاجه؟

نور : امم فعلا ياحبيبى  طول الطريق سرحانه ومش ع بعضها ..

محمد : باستغراب . الل محيرنى انى عمرى ما شوفتها كدا ؟ وكمان عمرها ما خبت عليا حاجه ابدا ؟

نور : بتفكير . طيب تحب بعد الصلاه. اروح اتكلم معاها ؟

محمد : هز راسه لأ. انهردا يوم مرهق جدا . سبيها براحتها دلوقتي .. وانا واثق إن تيما هتيجي بنفسها وتصارحني بكل حاجه جواها كالعاده .. 

نور : حطت راسها ع صدره وغمضت عينيها بحب كبير ..

محمد : ابتسم وضمها لقلبه وربت ع ضهرها .

نور : تعرف يامحمد انا بحب اوى علاقتك باولادنا .. ع طول بتتعامل مع تيما كأنها زميلتك او صديقتك المقربه جدا .

. وده زود ثقتها بنفسها وصريحه ديما معاك قبل منى وده شئ جميل جدا.

 وتيم ع طول بيناقش كل أموره قدامنا مبيخبيش حاجه علينا .. طول عمره صريح وواضح لكن بقاله فتره مش طبيعي. وكمان انت وبابي أصدقائه المقربين .. انا بجد مبسوطه بيك اوى يامحمد . ربنا يخليك لينا ويبارك فيك ويديمك نعمه ف حياتنا ياروحي انت .. 

محمد : زاد من حضنها . حبيبتى انتى يانورى . ولادنا كبرو واتربو ع الحب والتقدير والموده والرحمه . ولما كبرو كنا ديما السند ليهم من بعد ربنا .. تيما بنتى وحته منك وحته من قلبى .

. لازم اخاف عليها واحتويها .. لازم اديها الأمان علشان لو واجهت اى مشكله ف اى وقت متخبيش علينا .

. وتعرف اننا ديما ف ضهرها وهنقف معاها ونساعدها ف اى قرار مهما كان .

. وتيم ده صحبى وابنى وعمري كله .. راجل بجد وقدر يحافظ ع جميع العلاقات العائليه من حبه ل رينو وفهد وكمان اهتمامه ببنات العيله كأنهم اخواته بجد . ومصاحب شباب العيله كلها صغير وكبير .. حتى آدم العدوي تيم ليه جزء كبير ف قلبه . تيم قدر يخترق قلوب الناس بالمحبه والاحترام .. اما تغيره ده اكيد ف سبب واكيد هنعرفه ..

أما انتى بقى يانورى .. انتى من ضلعى حاجه كدا جوه روحي نفسها .. وقفتى جمبى كتير جدا .. وعمرى ما اقدر انسى انك هونتى عليا كتير .. كتير جدا يانور . وقت وفاة ابويا وامي . بجد كان وقت صعب جدا لكن بوجودك جمبى . رضيت بالقضاء والقدر . وكأن جبل من الصبر سكن قلبى بوجودك جمبي .. ربنا يباركلى فيكى ياروحي .. 

نور : مغمضه عينيها وزادت من حضنه وقلبها بينبض بإسم محمد .. ويباركلى ف عمرك ياحبيبى .. 

الباب خبط .. 

نور : انتبهت . وطلعت من حضنه وابتسمت . وهمست اكيد هتقولنا مالها ..

محمد : ابتسم . اكيد .. ثوانى ياروحي . وراح فتح الباب .. وابتسم اهلا تيما تعالى ياحبيبتى .

تمارا : بتوتر . ا.انا اسفه يابابي لكن كنت عايزه...........

محمد : مسكها من أيدها . تعالى ادخلى واسفه ع ايه ؟ وقعد ع الكنبه واخدها جمبه . 

نور : قعدت جمب محمد .. 

تمارا : بحرج .. بصراحه انا ف حاجه حصلت معايا . وكنت عايزه اخد رأي حضرتك انت ومامي فيها .. احم و..وكنت بفكر اقولكم بكره . لكن مقدرتش اصبر اكتر . اسفه لو كنتو بتنامو وانا قلقتكم ..

نور : حبيبتى احنا مش هنام دلوقتي .. ومن امتى بنام قبل ما اطمن عليكى . وكمان لما تيم يرجع بالسلامه ..

محمد : بيمسد ع شعرها . وحتى لو نمنا وصحتينا . احنا تحت أمر تيما عزيز . ولا ايه وابتسم ...

تمارا : بدأت تهدى . ميرسي جدا يابابى . احم هوا...هوا بصراحه انا...كنت عايزه اقول ..... احم وسكتت ووشها احمر ومحرجه تكمل ..

نور : حست بيها . وقامت قعدت جنبها . وطبطبت ع ضهرها . ايه ياروحي قولى ماتتكسفيش .. 

محمد : مسك ايدها . وكانت ساقعه .. وتفهم توترها . وقال بهزار .. ايه الموضوع كأنه كدا عريس كالعاده صح ياتيما ؟

تمارا : بتوتر احم هزت راسها ايوه يابابي ..

نور : استغربت توتر تمارا .. وقالت جواها .. تيما ديما تدخل علينا وتقولنا ف عريس عايز يتقدم ومرفوض مقدما .

. بس دلوقتي تيما متوتره وعينيها بتلمع .. وفتحت عينيها ع الاخر بدهشه . معقول تيما تكون بتحب مثلا ؟ وانتبهت ع صوت محمد ..

محمد : بسعاده . اممم قولتيلى الموضوع فيه عريس .. طيب انا اعرفه ؟

تمارا : بلعت ريقها بتوتر . وهزت راسها ايوه يا بابي..

نور : بفرحه . وانا اعرفه ياتيما ؟

تمارا : هزت راسها بحرج كبير ايوه يامامي ..

نور : من قلبها دعت يكون حد من شباب العيله .

محمد : شاف الحب و الموافقه ف عيون بنته . واتنهد بزعل .. لأن بنته الصغيره فجاءه كبرت خلاص .. وقال . ممكن اعرف هو مين ؟

نور : مغمضه عينيها وقلبها بيدعي....

تمارا : قبضت ع ايد نور .. وقالت آريان إبن خالو زين .. 

نور : اول ما سمعت . شهقت بصوت مهموس وفرحت جداا ..

محمد : ابتسم بحب كبير .. وقال طيب ممكن تحكيلى الموضوع جه ازاى ؟ ولو محرجه منى ممكن  تحكي ل نور كل حاجه..

تمارا : هزت راسها لأ لأ يابابى . محصلش اى حاجه . الموضوع بصراحه . وبلعت ريقها وبصت ل نور وبصت ل محمد .. بصراحه آريان معجب بيا من زمان جدا .. بس انا عمرى ما ادتله الفرصه انه يكلمنى ف اى حاجه .. ونزلت راسها بحرج . بس انا كنت عارفه انه بيحبنى ..

محمد : رفع راسها .. ارفعى راسك فوق وانتى بتتكلمى .. وانا متأكد وواثق ف بنتى انها عمرها ما تعمل حاجه غلط .. والحب عمرو ما كان عيب ولا حرام .. والقلب بينبض بالحب بإرادة رب العالمين .. يعنى مش بأيدينا .

. لكن الل بأيدينا اننا نحترم ونقدس الحب ومنتهاونش ف اى لمسه أو نظره . ونتحجج بإسم الحب .. كملى ياروحي انا سامعك وموافقك ع اى قرار تاخديه ...

تمارا : ثقتها ف نفسها رجعتلها من تانى . بعد الدعم الل ابوها عطاهولها .. وقالت آريان بيحبنى بجد يابابي . وحاول كتير جدا أنه بس يلمحلى انه بيحبنى لكن انا كنت بحاول ابعد عنه لانى مش عايزه اتعلق بحد علشان كنت ديما خايفه من النصيب .

. لكن زى ما حضرتك قولت مالناش سلطه ع قلوبنا .. واكتشفت بعدها انى انا كمان جوايا اعجاب من ناحية آريان . لكن بردو حافظت ع بعد المسافه بينا . لحد انهردا ف الجنينه .. كنت واقفه لوحدى وجه آريان يكلمنى .

. وانا كنت هسيبه وهمشي لكن طلب منى انى اسمعه مره واحده ويعرف قرارى النهائى عشان عايز ياخد خطوه صح .. واعترفلى انه بيحبنى .. وعايز يتقدملى . وانا بصراحه أحرجت جدا .  مردتش عليه ومشيت من قدامه .

. وطول الوقت بفكر اعمل ايه . وبصراحه محتاره جدا وكمان مبسوطه اوى وفرحانه انى ممكن تكون حياتى تشبه حياتكم . مبنيه ع الحب من الطرفين .. واعيش حياتي مبسوطه مع الإنسان الل اختاره قلبى .. لكن يا بابي القرار ف النهايه قرار حضرتك .. 

نور : ضحكتها منوره وشها . وقلبها بيرقص سعاده .. إن آريان ابن اخوها بيحب بنتها وروح قلبها .. وعيونها لمعت بدموع الفرح .. واستنت قرار محمد ..

محمد : ظاهريا مبتسم بفرحه. ومن جواه زعلان انها هتسيب البيت ف اي وقت ..  وبلع ريقه بغصه ف قلبه . وحط ايدو ع راس تمارا وحطها ع صدرو . وضمها لقلبه بحب كبير . 

.واتنهد وقال .. القرار الل انتى موافقه عليه انا كمان موافق عليه .. و آريان شاب محترم جدا ودكتور جامعي . وقبل كل ده يكفى أنه حفيد آدم العدوي .. مبروك ياروحي .. وطلعها من حضنه وباس جبينها .. وقال بصوت مبحوح كبرتى ياتيما ... 

تمارا : كان قلبها بيرقص سعاده . ونفسها تجرى تتصل ع آريان وتقوله انها موافقه .. لكن شافت زعل ف عيون ابوها وكمان صوته حزين . واترمت ف حضنه .. بابي انا مش عايزه غيرك انت ومامي ارجوك متزعلش ارجوك ..

نور : دموعها نازله بصمت وفرحه وزعل ومشاعر مختلطه .. 

محمد : طلعها من حضنه وضحك بتمثيل . ههههه ازعل .. انا ازعل؟ انا انهردا اسعد اب ف العالم كله .. عشان بنوتى الجميله كبرت . وكمان ربنا هيرزقها شخص بيحبها . 

تمارا : ضحكت بسعاده يعنى حضرتك مش زعلان ..؟

محمد : تؤ انا مش زعلان . وقولى قرارك ل آريان .. وسيبى الباقى ع ربنا ..

نور : ضمت تمارا بسعاده وعياط . بنتى وروحي وعمري كله كبرت .. انا بجد مبسوطه اوى اوى. وفرحانه انك هتكوني ف ايد امينه . ربنا يسعدك يارب ياروحي .. 

تمارا : طلعت من حضنها وباست ع ايديها . ارجوكي طيب ماتعيطيش .. انتى بتعيطى ليه . الموضوع لسه كلام . محصلش لسه حاجه ..

نور : ابتسمت بحب . وانتى فاكره إن جدك آدم لما يعرف . هسيبكم فتره كبيره مخطوبين؟ لأ ده اخرك شهر خطوبه والجواز ع طول .. 

تمارا : فتحت عينيها بدهشه وقلبها بيدق بسرعه كبيره جدا . ايييه؟ شهر ..

محمد : غمز ل نور . ومسك كتف تمارا . اهدى ياحبيبتي متوتره ليه ؟ لسه بدرى . وخالك مراد وفهد لسه بره مصر.

 . وآدم مش هيوافق تحصل اى حاجه غير ف وجود العيله كلها .. اهدى انتى بس ومش عايزك تفكرى كتير اوكي .؟

تمارا : وشها بقى احمر جدا . وهزت راسها بتوتر . احم . طيب ا.انا هروح ا.انام . احم تصبحو ع خير. وجريت ع اوضتها ومكسوفه جدااا .. 

نور : بسعاده كبيره حضنت محمد . حبيبى انا فرحانه اوي اوي.  بجد مبسوطه اوى يامحمد ..

محمد : ههههه يااااه لما بتقولى محمد دى . حرام عليكي يانورى ..

نور : ضحكت بحرج . وبعدين معاك بقى ؟

محمد : طلعها من حضنه . وضحك . وخطف بوسه رقيقه .. هاقولك بعد الصلاه اوكي . وغمز بصراحه انتى وحشانى جدا..

نور : اتكسفت . احم انا هروح اتوضى . وجريت من قدامه وقلبها مبسوط جدا..

محمد : ضحك بصمت وقلبه مبسوط .. وقال الحمد لله يارب . إن فعلا بنتى هتكون ف ايد امينه... 

------------بقلمي مريم نصار

تيم رجع البيت .. وخبط ع محمد ونور . وكانو لسه هيصلو . وسلم ع محمد ونور  وخرج . وراح ل تمارا كالعاده وخبط عليها.

تمارا : قاعده ع طرف السرير ومبسوطه جدااا .وانتبهت وقالت ادخل ..

تيم : فتح الباب ودخل بابتسامه. مساء الخير يا حبيبتي. 

تمارا : قامت بسرعه وضحكت مساء السعاده ياتيمو قلب اختك .

تيم : معاه كيسه كبيره وحطها ع المكتب.  وقالها مش قولنا بلاش تيمو دي ياتمارا . 

تمارا : بطفوليه اله بقى انت اخويا وحبيبي واقول الل انا عايزاه . وضحكت بمرح وقالت الكيسه دي علشانى صح صح؟

تيم : ابتسم . طبعا عشانك اومال انا كل يوم بجيبها عشان مين؟.  انتى اختى وبنتى وحببتى  . ولازم ادلعك . اتفضلى ياستي جبتلك كل حاجه انتى بتحبيها ..

تمارا : سقفت بفرحه ايوووه بقى . وفتحت الكيس . وقالت اممم شيبسياتى حبيبتى .  وشوكلاتاتى . وكانزاتي . واااااو ربنا يخليك ليا يا اجمل تيمو ف الدنيا ..يامدلعني انت ..

تيم : ههههههههه . اي خدمه . انما قوليلى بقى . شكلك مبسوط . واوعى تقولى عشان جبتلك الحجات دى . انا كل يوم بجبلك . لكن مبتكونيش مبسوطه اوي كدا ؟ ممكن اعرف السبب؟

تمارا : وشها جاب الوان . وبصت ف الارض بحرج وهزت راسها احم ممكن ..

تيم : طيب تعالى انا وانتى ندخل المطبخ . واعمليلي فنجال قهوه . واحكيلى اوكي ..

تمارا : هزت راسها حاضر . يلا بينا ..

------------------بقلمي مريم نصار

فيلا العدوي .. 

ليليان : ماسكه الفون ورايحه جايه ف الاوضه بحيره كبيره .. اوووف . طيب اتصل ؟ لأ لأ هيقول عليا ايه ؟ يوووه طيب ما هو قال اتكلم مع خالو يوسف .. تؤ بس بصراحه ياليليان انتى معذبه كريم معاكى .. تؤ بس بردو ماينفعش نتكلم ف الفون .

. تؤ بس هو عايز يشاركنى فرحته بموافقة عيلته عليا .. وقلبها دق بحب كبير وقعدت ع طرف السرير . وقالت بهيام . انا بحبك اوى اوى ياكريم .. ونفسي بجد اسمع صوتك .  وغمضت عينيها.. وقلبها انتصر اخيرا ع عقلها .. واتصلت عليه..

كريم : فاتح اللاب توب وبيراجع ملفات الشركه . ونفخ بديق حقيقي يوووه مش عارف اركز .. وقفل اللاب توب بنرفزه .

. ومسح وشه بايديه . وقال بغيظ .. فيها ايه يعنى لما اكلمها واطمن عليها؟

. ليليان معذبانى معاها من الاعدادى والله حرام عليكى ياليليان . 

.المشكله اننا اعترفنا لبعض بحبنا . ف الجامعه . ومن ساعتها كل ماتشوفنى تختفي من قدامى . كأنى هاكلها .. اووووف . وحشانى مووت.. 

وفونه رن . وجابه من جمبه بزهق .. وبص وفتح عينيه ع الاخر . وقام وقف بسرعه .. لي لي؟ ورد بسرعه الو .....

ليليان : رايحه جايه بتوتر . ووقفت اول ما سمعت صوته . وقالت بصوت مبحوح . ا..الو.

كريم : غمض عينيه . وقال ليليان؟ اخيرا بجد انا مش مصدق انك كلمتينى ..

ليليان : بنفس الصوت وقلبها بيدق بسرعه كبيره . اذيك يا كريم .

كريم : قعد ع السرير .. كريم مش كويس ياليليان من غيرك ..وبجد انا زعلان منك جدا .

ليليان : قعدت ع السرير . زعلان مني أنا طيب ليه؟

كريم : زعلان لانك بتعذبينى معاكى . محسسانى انى هخطفك .. ليليان هو انتى مش واثقه فيا ؟ ولا مش واثقه من حبي ليكى؟

ليليان : بنفي لأ طبعا ياكريم واثقه فيك جدا . لكن ده مالوش علاقه بالمبادئ الل اتربينا عليها . ياريت متفهمش تصرفاتى غلط ..

كريم : بتنهيده . اعمل ايه بس يالي لي . انا بحبك جدا وانتى عارفه كدا كويس وبخاف عليكى اكتر منك . 

.مافيهاش حاجه ع الاقل يستي كل فتره تحنى عليا وتطمنينى عليكى . من باب القرابه ع الاقل .. لكن ماينفعش كدا .

.انا آخر مره كنت عندكم .. عينيا دورت عليكى ف كل مكان .ولبست ف العمود . واول ما شوفتك .. انتى سلمتى علينا وبعدها اختفيتى ..

ليليان : احم . سورى ياكريم . مش قصدى والله . لكن انا بتصرف كدا غصب عني . بصراحه يعنى بحس إن كل الموجودين هيكونو مركزين عليا . وكمان بكون محرجه ..

كريم : محرجه؟ منى انا يا لي لي ؟ وكمان نفسي الكل يعرف .  انتى متعرفيش بسببك حصل ايه ؟

ليليان : بقلق .. حصل ايه ياكريم ؟

كريم : ههههه اهدى ياحبيبتى متقلقيش كدا انتى مش عارفه  جنان مصطفى يعنى .

. بصي يستى من اسبوع كدا  كنت نايم ف آمان الله .. وبعدين مصطفى البارد جه صحانى . 

.وقالى قوووم . قوووم وانت بتجرى ورا ليليان ليه؟ قومت مخضوض . قولتله ايه؟ ليليان ؟.

.انا بجرى وراها فين؟ قالى ف الحلم ياخفيف .. وضحك عليا . وقالى انت كنت بتتكلم وانت بتحلم ب ليليان وبتقولها خدى بس ياليليان ماتجريش منى خدى هقولك والله انا بحبك وعايز اتجوزك .. ومن ساعتها الواد ده كل مايشوفنى يتريق عليا وحاططنى ف دماغه عيل متخلف .. 

ليليان : بعفويه . هههههههه . مصطفى ده مش معقول  واد زى العسل..

كريم : سمع صوت ضحكتها ابتسم. ورجع بضهرو ع السرير . وقال أنا هتغاضى عن شكرك ف مصطفى قدامي عشان سمعت اجمل ضحكه قلبى بيدق بسببها..

ليليان : الفون كان هيقع من أيدها من الاحراج . ومردتش ........

كريم : بتنهيده .. ع فكره انتى وحشانى جدا يالي لي...

ليليان : بتوتر . لو..سمحت يا كريم...

كريم : قاطعها.. خلاص بقى مافيش لو سمحت دى تانى .. انا اتفقت مع بابا وجدو أشرف .. وجدو قال . كلنا معزومين عند جدو طارق بكره .. ولو شاف فرصه مناسبه هيفتح كلام مع جدو آدم .. 

ليليان : ابتسمت بسعاده وقلبها بيرقص ومش مصدقه .. وضحكتها اختفت ايوه بس ....كريم؟

كريم : نعم يا لي لي..

ليليان : بقلق . بس انا مقولتش ل مامي .. وكمان ماما مريم . وانا مش عايزه حد يزعل مني لما يعرف ويتفاجأو بعدين ... اعمل ايه؟

كريم : بص ف الساعه وكانت ١٠ بليل . اممم فعلا عمتو ريتال ممكن تزعل. بصي يا حبيبتي . بكره اجازه .. انتى اتكلمى مع ناناه مريم وعمتو ريتال بكره الصبح قبل ما تخرجو للعزومه.. لأن دلوقتي ممكن يكونو نامو اوكي ..؟

ليليان : ابتسمت بحب . وهزت راسها اوكي حاضر ياكريم......

ف جناح آدم العدوي ..

آدم : كشر عينيه . وقرب من وشها .وصك ع اسنانه .   بتزعقى لجوزك يامدام .. -------------يتبع

الحلقه ٩

رواية جريمة عشق ٤ 

                                       (ميراث العشق)

اللهُمَّ ارزُقنا رِضاء النَّفس، وزكَاة الرُّوح، وزِينة العَقل، وطهَارة القَلْب واجعلنَا مِمَّن تزودُوا بالتَّقوىٰ، وفازُوا بالنَّجوىٰ، وتزينُوا بالدَّعوة، ونالُوا رِضاك والجنَّة. 

______________________________________

                       بسم الله نبدأ   .

أسم الكاتبة الحقيقي : شريهان ابراهيم.

الإسم الحركي للكاتبة : مريم نصار.

فيلا العدوي ..

آريان : واقف ف التراس . وحاطط ايدو ف جيبه . وباصص للسما وسرحان ف تمارا .. وفونه رن . وطلعو من جيبه . وابتسم بفرحه . ورد عليها .. الوو تيما ..

تمارا : قعدت ع طرف السرير . الو ..

آريان : بحب .. عامله ايه دلوقتى؟

تمارا : بحرج . الحمدلله كويسه..وانت ؟

آريان : انا دلوقتي كويس جدا جدا جدا..

تمارا : ابتسمت . يارب ديما كويس ..

آريان : خلاص يبقى يارب ديما تكونى معايا .

تمارا : قلبها بيدق . وقالت بتوتر . ا. آريان..

آريان : عيون آريان ..

تمارا : غمضت عينيها . واتوترت . احم . ا.انا اتكلمت مع بابي ومامي ..

آريان : بسعاده كبيره . هاا وافقوا صح؟ اجيب الخاتم بكره ؟

تمارا : ههههه . لا مش بالسرعه دى ..

آريان : وحيات الضحكه القمر دى .. توافقى وانا اخليها اسبوع واحد والماذون يكون قدامك . بس انتى وافقي ..

تمارا : ابتسمت بحب . لأ مش دلوقتي . انا اتكلمت مع بابي . وقولتله انى موافقه .. والباقى بقى عليك انت ...

آريان : حط ايدو ع قلبه ورفع راسه للسما . وقال اااه يقلبك يا آريان .. تعرفى ياتيما . انا عايز دلوقتي انزل واخد العيله وأجرى ع خالو محمد واقوله ابوس ايدك جوزنى بنتك الل مبهدلانى ف عشقها من ثانوى ده ...

تمارا : ههههه . وقالت بمكر .. ياااه من ثانوى معقول ؟

آريان : يامحاميه مقدما .. دا آدم مراد قافشنى من ثانوى .. وكمان الحج زين عارف .. وماما . وماما مريم ونص العيله عارفه. وفوق كل ده انتى عارفه قبل منهم .

. عارفه ياتيما .. انا ديما كنت بحب ابص لعينيكى .. كنت بروح ف عالم تانى خالص .. تمارا انا بحبك اوى..

تمارا : قلبها بيدق بسرعه كبيره . واتوترت . احم . آريان انا اتصلت علشان اقولك قرارى . احم . ممكن اقفل ؟

آريان : سند ايدو ع سور التراس . طيب ممكن تخليكى معايا شويه .. ومتقلقيش مش هقولك بحبك ..مع انى بعشقك . لكن هحاول . صدقينى ياتيما انا نفسي نتكلم مع بعض شويه.  ممكن ؟

تمارا : هزت راسها وابتسمت ممكن ..

------------------بقلمي مريم نصار

عند فريحه .. 

صلت القيام .. وبتقرأ ف الورد اليومي .. وخلصت . ورفعت ايديها ودعت كتير ل مرادها وآدم وميرو وتوتا .. وباقى العيله .

. وقامت وقلعت الاسدال .  وفونها رن وجريت عليه بلهفه .. وضحكت بسعاده وهمست مراد حبيبى . وردت بسرعه .. مرادي ..

مراد : بضحكه .. قلب مراد يافريحتى .. عامله ايه يا بت .

فريحه : بضحكه .. يامراد احنا كبرنا ع بت دى ..

مراد : كبرتى ؟ يابت ده انتى واتكت قلبى وطول عمرك جامده جمدان السنين .. وحشتينى اوى يابنت المستخبى ...

فريحه : بسعاده كبيره وانت كمان وحشتنى اوى يا مراد .  

.تعرف إن دى اجمل مأموريه انت طلعتها ف حياتى .. ياااه كل يومين نتكلم . ايوه اليومين بردو صعب عليا . لكن أهون بكتير جدا من الشهور الل كنت بموت فيها من الانتظار ..

مراد : بعد الشر عليكى ياحبيبتى . يابت بلاش بقى سيرة الموت دي .. انا من غيرك معرفش اعيش ياعم انت .. ادينى واحده سكر ..

فريحه : هههههههه . يلهوى ع قلبى انا . ارحم قلبى هحبك ايه اكتر من كده...

مراد : وحياة امك رانوش الغاليه . إنا ملاقي ف قلبى مكان من عشقك يابنت الوارمه انتى . يخربيت كدا . هاتى سكر يابت انجزى ..

فريحه : هههههههه . حاضر يا حبيبي . وبعتتله بوسه رقيقه بحرج كبير .  

مراد : يسلام . يلا .. اهي اى حاجه تصبرنى . ع ما اجيلك يامزة قلبى .. 

فريحه : بسعاده . مراد ..

مراد : قلبه قبل عيونه يابت ..

فريحه : بابتسامه. يسلملي قلبك وعيونك ياحبيبى . احم هو انت مش هترجع بقى .. بجد وحشتنى اوى..

مراد : بغمزه . وحياتك ياقلبى كلها اسبوعين إن شاء الله . وتلاقينى قدامك ياروحي ..  

فريحه : بزعل ايه؟ اسبوعين ؟ كتير اوى عليا يامراد ..

مراد : بتنهيده . عشان خاطر مراد مش عايز اسمع صوتك وهو زعلان .

. انا عايز ع طول اسمع صوت ضحكتك وهي بترن ف ودنى . عشان انتقم بقلب ميت ...

فريحه : ههههه . يلهوى بموت ف رمانسيتك.

مراد : لأ خلى بالك أنا ف الرومانسيه معنديش يما ارحمينى . ندوس ونعدى ع طول..

فريحه : هههههههه . قلبى ياموراد والله ..

مراد : حبيبتى يابت .  قوليلى بقى . ميرو عامله ايه ؟ و آدم طمنك عليه لما كلمك . كويس يعنى ؟ والبت توتا ؟

فريحه : الحمدلله ياحبيبى .ميرو تمام. وتوتا بخير وبتدعيلك ديما .  

.وكمان آدم طمنى عليه وقال إنه بخير .. وقال إنه عايزنى اكون فخوره بيه . زيك بالظبط..

مراد : ابتسم بحب . انا اكتر من فخور بيه ..  آدم ده سندى بعد ربنا .بس لو يفرد بوزه ده. 

فريحه : ربنا يبارك ف عمرك . ويخليك لينا وتفرح باولادك وتشوف احفادهم يارب ..

مراد : ابتسم . ويباركلى فيكى يافريحتى ..

فريحه : فهد اخويا عامل ايه يا مرادي؟

مراد : اهو متلقح ف الاوضه التانيه بيكلم رينو . 

------------------بقلمي مريم نصار

عند رينو .. خلصت صلاه وقراءة القرآن . وردت ع الفهد ..

فهد : نجمتى ..

رينو : وحشتنى ..

فهد : وانتى وحشتينى اوى .. 

رينو : مبسوط يافهد؟

فهد : ومين مايبقاش ف حياته رينو وميكونش مبسوط .. بس رينو ملك الفهد وبس ..

رينو : بسعاده : ورينو بين ايديك يافهد بس انت ارجع . 

فهد : قريب اوي ياروحي هتكونى ف حضنى ..

رينو : بتنهيده . تعرف الفرحه انهردا مكانتش كامله من غيرك .. وجودك بيفرق ..

فهد : ابتسم .. إن شاء الله هعوضك انتى و آرين و آركان لما ارجع .. 

رينو : إن شاء الله ياحبيبى .. وع فكره هيلينا بتسلم عليك . وبتقولك مبروك ع نجاح الولاد .

فهد : امم الله يبارك فيها .  وسفيان ابنها وبنتها كويسين؟ 

رينو : سفيان سافر عند جدو والد هيلينا يقضى الاجازه . وهيكمل دراسته ف ايطاليا ومش هيرجع دلوقتي .وبنتها بارى . ف ٢ اعدادي ..  

فهد : ربنا معاهم . بصراحه رعد قبل ما اسافر قابلته ف شركة آدم .. وسلمت عليه شخص فوق المحترم ومتواضع جدا ..

رينو : فعلا . رغم إن هيلينا دخلت شريكه معاه . وكبرت شركتهم . إلا أنهم متواضعين . 

فهد : ربنا معاهم .. المهم ياروحي آرين و آركان فين ؟

رينو : آرين ف اوضة نور نامت من شويه لانها صاحيه من بدرى وكانت قلقانه بخصوص النتيجه .

. و آركان ف اوضة آدم .. وع فكره ياحبيبى انا عايزه اقولك اننا كلنا بكره معزومين عند بابا طارق ..

فهد : ايوه عارف .. اتصلت ع ماما ابارك ليها ع نجاح چود و چواد . وقالتلى . 

رينو : تمام . بس برضو عايزاك تعرف إن بعد العزومه هنطلع انا وولادى ع شقتنا نقعد فيها .

فهد : بخنقه . تانى يارينو ؟ مش قفلنا كلام ف الموضوع ده .. قعاد ف شقه لوحدكو لأ مش هيحصل ..

رينو : ممكن تهدا شويه.واسمعنى وافهمنى لو سمحت . وع فكره دى مش رغبتى . دى رغبة آركان ابنك . وزعلان جدا منك يافهد ..

فهد : بدهشه . زعلان مني أنا طيب ليه؟ 

رينو : ايوه زعلان منك . واتكلم معايا وقالى بابا خايف عليكى انتى و آرين وانا موجود .. وكمان قالى هو انا مش راجل واقدر احميكي ؟

فهد : بتنهيده . يارينو ياحبيبتى . انا خوفى ده مش جديد عليكى .

. و آركان راجل وماشاء الله عليه يعتمد عليه ف كل حاجه كمان .

. لكن انا هكون مطمن اكتر وانتى عند آدم وزين . وبنتى مع مريم وابنى قدام عيون جدو .. ارجوكو قدرو خوفى عليكم .. الدنيا مبقاش فيها امان.

رينو : بتنهيده . ياحبيبى انا فاهمه كل ده . لكن يافهد لازم آركان يحس بالمسؤوليه . 

.هو عايز يشيل المسؤلية من دلوقتي ليه نعاند معاه . وبعدين الل نصيبه ف حاجه مهمه حصل هيشوفها . عشان خاطرى يافهد اسمع كلامى المرادي بس ارجوك .

. والله آركان زعلان جدا وواخد الموضوع بجديه ..

فهد : نفخ بديق حقيقي.. ماشي يا لارين اعملى الل انتى عايزاه .. 

رينو : بزعل .. بقى كدا يافهد .. اوكي شكرا جدا..

فهد : شكرا ع ايه بقى ؟

رينو : بزعل طفولي .. عشان انت مسافر بعيد عنى .. والمفروض تتدلعنى ..بس اظاهر بقى الخناقات وحشاك ...

فهد : غصب عنه ضحك بصمت ع طريقتها . ايه يارينو القمر . كل شويه تصغري كدا . حرام عليكي والله .. 

رينو : بمكر .. اممم بس مش وحشاك كتير صح؟

فهد : هههه . طيب تعالى نبدء من الاول وسيبك بقى من كل ده وركزى معايا . هو انا مش وحشك ولا ايه؟

رينو : ههههه . انت ؟ دا انا هتجنن واشوفك قدامى . نفسي تعملهالى مفاجآه زى زمان واشوفك حقيقي قدام عينى ..

فهد : إن شاء الله ياروحي . كل طلباتك اوامر .. 

------------------بقلمي مريم نصار

ف جناح آدم .. 

آدم : صلى القيام وقرا الورد اليومي . هو ومريم ... 

مريم : خلصت .. وقامت قلعت الاسدال وعلقته ع الشماعه . ورايحه تنام .. وكل ده ف صمت تام ..

آدم : قام وشال المصحف حطه مكانه .. وراح قعد ع طرف السرير مكانه . ومستني يشوف مريم هتعمل ايه..

مريم : شدت الغطا عليها بنرفزه . وقالت  تصبح ع خير يا ابو مراد .. وغمضت عينيها وهي زعلانه ..

آدم : ابتسم . وهز راسه أمم ابو مراد ؟ طيب ماااشي . احم وحضرتك بخير ..

مريم : فتحت عينيها بدهشه . وهمست اييه؟ حضرتي؟ .. وبصت ع آدم .. شافته بيبصلها . واتحرجت احم . وغمضت عينيها بغيظ وسكتت..

آدم : رفع حاجبه . اممم . تمام . لو سمحتى حضرتك .. ممكن تقربي شويه عليا . عشان سقعان ..

مريم : عوجت بوقها . وهمست سقعات واحنا ف بداية الصيف . طيب . وقربت منه شويه صغيره ..

آدم : معلش يا أم مراد .. تقربي شويه كمان ..

مريم : نفخت بنفاذ صبر . استغفرك ربي . وقربت منه شويه صغيره .. وقالت بنرفزه ممكن بقى حضرتك تنام ..

آدم : كشر عينيه . وقرب من وشها .وصك ع اسنانه . بتزعقى لجوزك يامدام ..

مريم : غمضت عينيها بتعب . وبعدين معاك بقى . انا عايزه انام ..

آدم : بسخريه . اتفضلى ياباشمهندسه نامي .. نامي وانتى مزعقه لجوزك . خلى الملايكه كلهم بقى يشكرو فيكى .. 

مريم : اتعدلت وقعدت . وقالت بنرفزه.. عايز ايه يا آدم من بدرى بتلف وتدور ليه؟..

آدم : غمض عينيه بتريقه الله اخيرا اميرتى قالت اسمك يا آدم .

. مش مهم حتى لو من غير نفس بس انا راضي .. انت قلبك كبير اوى يا آدم .. اه والله . 

مريم : غصب عنها ضحكت .. ولفت وشها بعيد عشان مايشوفهاش...

آدم : قرب من ودنها وهمس .. من بعد العصر يامفتريه .. هريانى يا ابو مراد .. يابو مراد ..ماكانتش برشامه دي .. 

مريم : لفت وشها ليه . وكشرت عينيها بزعل . والله كل ده الل يهمك وبس .

. انى قولت ابو مراد .. طيب واهمالك ف صحتك ده مايزعلنيش؟ لأ انا بجد زعلانه أوى منك يا آدم..

آدم : مسك ايدها . خلاص بقى قلبك ابيض . والله انا كويس الحمد لله..

مريم : حطت ايدها ع ايدو . وبصت ف عينيه . وعلشان تفضل كويس اهتم بنفسك علشانك انت .. انت طول ما انت بخير . انا هكون بخير يا آدم ...

. انت مابتسمحليش انسي علاجى ساعه واحده .. وكل ده نابع من حبك ليا وخوفك عليا .. وأنا كمان واجبى انى اهتم بيك واشوف طلباتك واهتم بصحتك .

. آدم انت من سنتين تعبت ورقدت ف سريرك اسبوع . وانا كان ربنا وحدو الل عالم بيا .. وكمان ولادك كانو تايهين واحفادك كانو مرعوبين عليك .

. وابو فهد  .. كان ضايع من غيرك ..وكل العيله كمان .

.صعب علينا تعبك اوى يا آدم . بجد تعبك مميت لينا كلنا . وعيونها لمعت بدموع . ارجوك حلفتك بالله تهتم بنفسك يا آدم ..

آدم : بدهشه . مريم بس بس . ومسح دموعها..انا اسف ياروحي بجد . واخدها ف حضنه . واضايق من نفسه . مريم خلاص ارجوكي . الموضوع مش مستاهل دموعك دي . 

مريم : كلبشت فيه بعياط . بتهايألك يا آدم .. انا من غيرك ولا حاجه .. ارجوك خلى بالك من نفسك حلفتك بالله يا آدم ..

آدم : بزهول . وبعدم فهم .. طلعها من حضنه . ومسح دموعها. ومسك وشها بايديه .

. مريم انتى محسسانى انى عندى تعب بجد . ده ضغط واكتر الوقت الحمد لله بيكون مظبوط .. والفتره الل تعبت فيها دى . كانت عاديه جدا . 

.اى حد معرض للتعب ياروحي . وبعدين خلاص ليكى عندى ياقلب آدم يوميا هاخد العلاج .. بس ارجوكي متعيطيش والله الموضوع تافهه جدا . وباس جبينها بحب كبير . وضمها لقلبه . ومسد ع شعرها ..

مريم : غمضت عينيها بحب ف حضنه . واستكانت ..

آدم : ابتسم ع عشق ال آدم . وهمس احسن دلوقتي..

مريم : هزت راسها ايوه الحمدلله ..

آدم : طلعها من حضنه . وبص ع وشها وملامحها .. والكام شعره باللون الرمادي فوق جبينها . وابتسم .. طول عمرك قمر من اول يوم شوفتك فيه لحد دلوقتي ..

مريم : رفعت ايدها ع شعر آدم .. وابتسمت . ونزلت ايدها ع دقنه الخفيفه .. طول عمرى بعشقك ف شبابك وبقول انك كيان مريم .. وبعد ما ظهر اللون الرمادي بين شعرك الاسود ودقنك الل بتخطفنى.. وكياني زاد ف عشقك يا آدم .. 

آدم : مسك ايدها وباس عليها . وقال 

مهما يمر علينا من عُمر . لن يسرق أيّ منافس حبّي المؤكّد لكي  هذا المجد سيكون لشعرك الرّماديّ 

------------------بقلمي مريم نصار

تاني يوم ف فيلا العدوي . الساعه ٩ الصبح .. 

ميرو : نازله ع السلم .. وبصت ع الليفنج مالقتش حد . وراحت ع المطبخ . صباح الخير ياداده زينب .  

زينب : بتجهز الفطار . وابتسمت يسعد صباحك يادكتورتنا . وانا اقول المطبخ منور ليه ؟ اتاري ست الكل منوراه...

ميرو : ههههه . حبيبتى ياداده ربنا يخليكي ليا يارب . هو محدش نزل  من العيله ؟

زينب : لا لسه محدش نزل . ما انتى عارفه بقى يوم الاجازه سي آدم بيه بيصحى برحتو

تحبى اعملك كوباية اللبن بتاعتك دلوقتي . 

ميرو : بنفى . لأ لأ لأ . ارجوكي مش عايزه.  أنا هطلع اصحى البنات .

.  وخرجت من المطبخ . شافت رينو نازله ع السلم .. وابتسمت صباح الخير ع اجمل عمتو ..

رينو : ابتسمت بحب ونزلت سلمت عليها . صباح القمر ع اجمل ميرو ف الدنيا . عامله ايه  ياحبيبتى..

ميرو : بابتسامه . كويسه جدا الحمد لله . آرين لسه نايمه؟

رينو : تعالى نقعد . وقعدو . لأ آرين صحيت وبتصلى الضحى ونازله ع طول .. و آركان كمان .. 

ميرو : خالو فهد كلمك؟ وحشنى اوى بجد هو وبابي ..

رينو : بحب كبير .. كلمنى ياروحي وسأل عليكى امبارح كتير . وقالى أنه هيتصل ع فونك عشان يسلم عليكى ..

ميرو : هزت راسها وابتسمت .. اوكي ربنا معاهم ويرجعو لينا بالسلامه .. 

رينو : يارب ياحبيبتى . ورفعت راسها وشافت ليليان نازله .  

ليليان : صباح الخير عليكو .. وسلمت عليهم .

رينو.  وميرو.  صباح الخير يالي لي..

ليليان : قعدت بتوتر احم هي ماما مريم لسه منزلتش ..؟

رينو : تؤ . انهردا إجازة بابي . وبينزلو متأخر كالعاده .  

ريتال : نزلت . وبتتاوب . صباح الخير يارينو . صباح الخير يابنات وسلمت عليهم  .  

كلهم . صباح الخير ..

ريتال : قعدت .. عامله ايه يالي لي؟

ليليان : بلعت ريقها بتوتر . احم كويسه يامامي..

ريتال : وانتى ياميرو ياحبيبتى .. عامله ايه وفريحه فين ؟

فريحه : من وراهم انا اهو . ههههه صباح الخير يابنات وسلمت عليهم.. واطمنت ع ميرو . وقعدت .. وتالين سلمت وقعدت .

ليليان : بتجمع قوتها .. وبتاخد شهيق وزفير .. وقالت اسمعوا وركزو بقى انا عايزا اقولكم ع حاجه مهمه جدا وحصلت .. قبل ما بابي وبابا آدم ينزلو ..

الكل بص لبعضه .. ومش فاهم .. 

ريتال : كشرت عينيها .. ومسكت ايد ليليان . مالك ياليليان . وايه الل حصل ؟ 

ليليان : غمضت عينيها بقوه .. وقالت مره واحده . كريم ابن خالو يوسف كلم باباه وجدو أشرف وعايز يطلب ايدى .. ونفخت بقوه انها اخيرا قدرت تتكلم ..

كلهم بصو لبعض وفرحو ...

رينو : بفرحه .. بجد يالي لي؟ امممم يانمسه انتى .. أحكي وقولى بقى ايه الل حصل؟

ريتال : بسعاده .. وقالت بهمس .. كريم إبن اخويا ؟ وضحكت بصمت ع الخبر الجميل ده..

فريحه : بجد إخبار جميله جدا . ويارب يتمم بخير يالي لي كريم محترم جدا.. وبصت ع ميرو بنتها . وشافت ابتسامه حزينه ع وشها .. وغمضت عينيها بوجع . لانها عارفه إن بنتها مغرمه بتيم . واتنهدت ودعت بقلبها ربنا مايكتب عليكى وجع القلب يامريم يابنتى . ويريح قلبك ياروحي .. 

ميرو : ابتسمت بفرحه .. لكن للحظه تخيلت انها مكان ليليان . وبتقول تيم عايز يتقدملى .. وضحكتها اختفت وعيونها لمعت .. وانتبهت ع صوت ليليان ..

ليليان : يارب ياخالتو فريحه . ربنا يخليكي لينا يارب .. 

ميرو : الف الف مبروك يالي لي بجد فرحتلك جدا .. وقامت حضنتها بسعاده كبيره..

ليليان : ضمتها وف نفس الوقت زعلانه عشانها . واتمنت إن تيم يحس بيها .. 

رينو : اخلصي بقى احكيلى . يتقدملك عادي ولا ف اعجاب من الطرفين ولا ف قصه وكدا واحنا مش عارفين؟

ليليان : ضغطت ع شفايفها بحرج كبير . احم حاضر ياعمتو انا هقولكم ع كل حاجه ...........

------------------بقلمي مريم نصار

عند آدم .. 

مريم : فتحت عينيها وشافت آدم نايم. ورفعت أيدها ع دقنه .. وابتسمت بحب .. وبدأت تصحيه آدم حبيبى ؟

آدم : ..........

مريم : آدم . قوم بقى الساعه ١٠ صباح الخير.

آدم : فاق وفتح عينيه . وابتسم صباح الخير يا روحي .. 

مريم : صباح الورد والياسمين ع عيونك .. قوم بقى ..

آدم : اتعدل .. حاضر يستى مستعجله ع ايه؟

مريم : الساعه ١٠ ورينو اكيد صحيت ونزلت من بدرى .

. وكمان زين وريتال وفريحه واحفادك .اللهم بارك يارب .. وانت عارف انهم مش هيفطرو غير بوجودك معاهم .. 

آدم : حاضر ياروحي... وللحظه افتكر .. وقال مريم .انتى امبارح طول اليوم مكنتيش ع بعضك وف حاجه مزعلاكي .. وانتى قولتى بعدين ؟ ممكن اعرف؟

مريم : بتنهيده .. مش وقته ياحبيبى . هاقولك بعدين ..

آدم : شاف ملامحها زعلانه .. ورجع خصلة شعر ورا ودنها . طيب ليه مش وقته ؟ انا انهردا اجازه .. وكمان بحب اسمعك . ممكن تقولى ايه الل مضايق اميرتى كدا ؟ وزعلانه ليه ؟

مريم : بحزن كبير.. انت كان عندك حق يا آدم . 

آدم : بعدم فهم ..عندى حق ف ايه؟

مريم : انت من زمان تقولى ميرو بتحب تيم .. وانا اقولك لأ . ميرو بتحترم تيم مش اكتر . وهما اخوات وبس .

. لكن امبارح بس اتأكدت إن كلامك كله صح .. انا شوفت العشق ف عيون ميرو .. مش حب وبس لأ ده اكبر من العشق يا آدم .

. انا دلوقتي فهمت سبب تغيير حفيدتى وسكوتها اكتر الوقت .. بتفكرنى بالألم الل عاشته رينو بنتى زمان .. وعيونها لمعت بدموع .. انا مش عايزه حفيدتى تعاني يا آدم . 

آدم : هشش اهدى ياحبيبتى . وانا عمرى ما هسمح لحفيدتى انها تعاني . 

.وانا بحاول اعوضها وأخرجها من الل هي فيه . لكن برضو هرجع واقولك حفيدتى اغلى من عيالى وانا لا يمكن ااقلل منها ابدا . 

.لازم راسها تكون مرفوعه ديما زي بناتك وبنات العيله .

. وكمان يامريم انتى عارفه إن كل شئ ف الدنيا دى قسمه ونصيب . ولو ليها نصيب ف تيم .. هتاخده غصب عن اى حد . 

.الل نقدر نعمله اننا نحتويها اكتر من قبل ...

وميرو قويه جدا وكمان عندها اراده كافيه انها تتعايش مع الواقع . ميرو مش ااقل منك ف القوه يامريم ..  

مريم : بصت ف عينيه بدموع. وسألته هو تيم بيحب مين يا آدم ؟ 

تحت ف الليفنج .. 

كلهم سمعو قصة كريم وليليان .. 

ميرو : ههههه حرام عليكى عذبتيه معاكى ..

رينو : شاطره يالي لي . ايوه كدا بنات العدوي مش اى حد ..

فريحه : ههههه اكتر موقف عجينى .ف يوم  كريم جه هنا .

. وماشي يدور ع حاجه . وبيلف حوالين نفسه . وفجاءه خبط ف عمود الصاله واتكسف منى هههههه سألته بتدور ع ايه ياكريم . 

.اتلخبط وقالى بدور ع الموبيل ماشوفتيهوش ياعمتو؟

. قولتله ايوه ف ايدك اهو ياحبيب عمتك هههههه . دلوقتي بس عرفت هو كان بيدور ع مين .. ههههه شاطره يالي لي .. 

كلهم ضحكو ...

ريتال : ضحكت بدموع الفرح. وضمت ليليان . الف الف مبروك ياقلب مامي . انا مبسوطه اوى عشانك ياروحي .. 

ليليان : بفرحه كبيره ميرسي جدا يامامي ربنا يخليكي ليا يارب ..

آريان : من وراهم .. وهتفرحي اكتر ياست الكل لما تعرفى إن ابنك قرر يخطب خلاص .. 

الكل : بص لبعض بسعاده كبيره ..

زين : نازل ع السلم .. ومين سعيدة الحظ دى يادكتور آريان ... 

آرين : نازله جري ع السلم .. وبتضحك ..وقالت بمرح  اكيد تمارا صح يادكتور آريان ؟

الكل .. بدهشه وسعاده ايييه؟ تماراااا ..

آريان : هرش ف قفاه . واستحلف ل آرين .. 

آرين : ههههههه . اعترف يادكتور آريان صح ولا انا غلطانه ؟

زين : صباح الخير للجميع الاول  . وسلم ع رينو . والكل وقعد جمب ليليان . وسألها ايه ياحبيبتى وشك احمر اوى ليه؟

ريتال : استنى بس يازين ارجوك . نشوف ابنك هيقول ايه ؟

زين : ههههه . طيب ماهي رينو الصغيره قالتلك اهي . 

.بتفكرينى ب رينو زمان.  فاكره لما اتقدمتلك ياريتال . والكل مستنى موافقتك ومفيش غير رينو الل خلتك تتكلمى اخيرا .. 

رينو : بسعاده . شاورت ل آرين وباستها حبيبت مامي الل هاتقولى بقى مين عايز يتجوز مين ف العيله ؟

آرين : حطت ايدها ع بوقها . نو نو يامامي . دي اسرار دوله .

. وبعدين انا قولت تمارا لان خلاص الدكتور آريان قرر ع اهم خطوه . وانا سهلت عليه صح يادكتور ...

آريان : صح ياصغيره .. احم بصراحه ياحج زين . انا عايز اطلب ايد تمارا . وياريت يعنى تفاتح بابا آدم ف الموضوع .. 

زين : بسعاده كبيره.  هز راسه تمام ياحبيبى . وربنا يتمم بخير . لكن قبل كل ده .. تمارا رأيها ايه؟

رينو : بخبث . ايوه صح مش ممكن تكون مش موافقه وابن اخويا يحرج نفسه؟

آريان : بتسرع . لأ لأ انا سألت تيما وهي موافقه.........احم .

آركان : من وراه . صفر بصوت مهموس اوووو تيماااا ايوه قووووولتلي .. 

الكل ضحك ع شكل آريان وهو متلخبط ومتغاظ من آركان .. 

آريان : ضربه ف جمبه اتلم ..

آركان : ااه . ايه ياعم انت . هو انا قدك . وكمل بمكر ..

وبعدين عندك قصة غرام ومخبى علينا كل ده؟ لأ لأ انا زعلان . حقيقي زعلان . قولى بقى حبتها من امتى ها . ها؟ وغمز 

آريان : صك ع أسنانه بغيظ.  اتلم عشان معلمش ع وشك ع الصبح ..

آركان : تعلم ع وشي ليه انت مفكرني مصطفى عزيز؟ قول قول.  متخفش والله مش هسيحلك وسط الشله هههههههههههه . آريان بيحب تمارا هههههه..

الكل ضحك عليهم ..

آريان : بصلهم . واتغاظ وقال لزين بعد اذنك ياحج . جري ورا آركان بسرعه ..

آركان : جري بسرعه وخرج من باب الفيلا .. 

كلهم بيضحكو . من قلبهم ع آريان و آركان..

آرين : بصت فوق .وضحكت بسعاده ..  بابا آدم وماما مريم نازلين اهم .. 

فريحه : ندهت يازينب لوسمحتى حطى الفطار ..

زينب : حاضر يا دكتوره.   

آدم : ومريم نزلو . وسلمو ع الكل . وقاعدين ع السفره يفطرو .. 

آدم . قاعد وع يمينه اميرته وواضح عليها الزعل ع ميرو . 

.وع شماله زين وريتال جمبه .. ورينو جمب مريم .. وفريحه جنبها وتالين. وميرو جمب ليليان وآرين . وآريان واركان جمب بعض .. 

آدم : ابتسم . عامله ايه ياميرو ياحبيبتى..

ميرو : ابتسمت بحب الحمد لله يابابا .

آركان : بابا هو احنا هنروح عند بابا طارق ازاى ؟ مين هيوصل مين ؟

آدم : انت هتركب مع آريان العربيه بتاعته ..

وخالك زين . هياخد  ريتال .. 

وتيم : جاى شويه كدا . وهياخد رينو وفريحه وتوتا معاه . 

آرين : كشرت عينيها طيب واحنا يابابا ؟

آدم : ابتسم . انتى ولي لي وميرو . معايا ياروحي .. ايه رايك؟

آرين : واااو جميل اوى...

مريم : اتفضل يا حبيبي . العلاج بتاعك ..

آدم : ابتسم . حاضر يا روحي .. تسلم ايدك. 

وبعد الفطار . زين طلب من آدم أنهم يتكلمو ف المكتب .. واخد آريان معاه . واتكلمو . وآريان شرح ل آدم كل حاجه بخصوص تمارا .

. و آدم هز راسه بدهشه ومثل انه مش عارف حاجه .. مع أنه عارف إن آريان وتمارا بيحبو بعض .. وابتسم .. وقاله سيب كل حاجه لحد ما عمك مراد وفهد يرجعو بالسلامه .

وبعد فتره . الكل لبس وجهز نفسه  ..و تيم جه وسلم ع الكل .. واخد رينو وفريحه وتالين ع فيلا طارق .. 

زين : اخد ريتال ومشيو .. و آريان اخد آركان ومشيو ..

------------------بقلمي مريم نصار

بعد شويه .

آرين : لابسه فستان زهرى جميل جدا عليها .

 وميرو لابسه فستان اسود رقيق وتحفه عليها.  ليليان لابسه فستان هافان لأن كريم بيحب اللون ده جدا عليها .  وقاعدين ف الليفنج من فتره .. 

آرين : قامت بزهق .. اوف بقى . احنا اتاخرنا جدا .. هو بابا آدم بيعمل ايه كل ده؟

ميرو : ههههه يابنتى اهدى . انتى عارفه طقوس بابا آدم .. لازم يروح اخر واحد مع اميرته .. 

آرين : صكت ع أسنانها بغيظ . ايووووه انا كنت ناسيه .. طيب وبعدين .

 . دي مامي وصلت من نص ساعه واتصلت عليا . ونص العيله وصلت هناك ..  

ميرو : متستعجليش .. تعالى بس اقعدى جمبى . وكلها ساعتين تلاته وبابا وماما هتلاقيهم نازلين هههههههه...

آرين : خبطت برجليها ع الأرض مكانها . وعيطت بتمثيل ببراة الأطفال .. ساعتين تلاته اعااااا...

ميرو : ههههه طفوليه انتى اوى يا آرين .. هي ليليان فين ؟

آرين : قعدت جنبها بغيظ . بتتكلم ف الفون مع  سي كريم ..

ليليان : ايوه يا كريم . طيب اعمل ايه هو بمزاجي؟

كريم : بغيظ مكبت . يعنى انا من الضهر واقف ف الجنينه ومستنى وصولك ف اى وقت .

. واول ما شوفت عربية اخوكي آريان قلبى فرح وقولت اخيرا هشوفك .. ومكنتيش موجوده معاه .. وعربية عمى زين بردو نفس الاحساس .

. وعربية تيم .. والله حرام شد الاعصاب الل انا فيه ده . ده انتى لو بتنتقمى منى مش هتعملى فيا كدا .. 

ليليان : ضحكت بسعاده كبيره وقلبها بيدق من حب كريم ولهفته عليها ..

. احم معلش يا كريم . بابا آدم قال إنه هياخدنا معاه ..ولسه منزلش لحد دلوقتي ...

كريم : مسح وشه بايدو بخنقه .. صبرنى يارب . ماشي يالي لي . واعملى حسابك انى هطلب ايدك انهردا . لما اشوف انا ولا انتى ..

ليليان : ههههههه . معلش يا كريم متزعلش . قلبك ابيض بقى .. وكتمت الضحكه ...

كريم : اتنهد بحب .  انا بموت فيكى ياليليان ..

مصطفى : جه عليه . انت بتكلم مين ياكريم؟

كريم : بغيظ وانت مالك انت ؟ امشي روح العب مع چواد أجرى ..

ليليان : بتسمع وبتضحك ع نرفزة كريم ..

مصطفى : العب مع چواد؟ ليه وانا عيل صغير؟ انا رايح اولى جامعه ياكابتن . وعلا صوته ولا ايه ياليليان يابنت عمتى احببتى هههههههه....

كريم : مسكه من قفاه .. انت ياض رخم ومشاكس ليه ؟ ياض انا اخوك الكبير وممكن اعمل منك كفته امشي يلا من هنا ..

ليليان : بتضحك بصمت ..

مصطفى : طيب نزل ايدك . القميص هايتكرمش . وانا غلطان أنى ساكت عليك اصلا ..

كريم : بدهشه ..ساكت عليا انا؟ ياض متخلنيش اتغابى عليك .. 

مصطفى : رقص حواجبه .. طيب هات اسلم ع لي لي بنت عمتو حبيبتى ..

ليليان : هههههه ..

كريم : بغيره .. اقفلى ياليليان .. وقفل وعلق مصطفى من ياقة القميص .ايه لي لي دي ياض؟ وايه حبيبتي دي كمان؟ 

. انت بقى هتعملي فيها انك ماسك عليا حاجه ؟ ها؟ لأ احب اقولك انى هطلب ايد ليليان انهراد .. بس انت بقى من هنا ورايح هتنفذ اى طلب اطلبه منك ومن سُكات .. عشان بس تحترم نفسك وانت بتتكلم مع مرات اخوك المستقبليه ..

مصطفى : بغرور.  هأ . حبيبى ياكريم باشا احب اقولك انى لا يمكن أنفذ اى طلب تحت ضغط من اى حد . وبعدين يانجم انفذلك من سكات ليه؟ ماسك عليا ذله ولا قافشنى هههههه العبد لله واد مخلص ومفيش عليه اى جمارك .. 

كريم : بخبث .. قرب من ودنه . طيب قول وحياة چود كدا ؟

مصطفى : فتح عينيه بدهشه . وقال بلخبطه چو...احم چواد ؟ ماله چواد مش فاهم ؟

كريم : هههههههه لأ حلوه .. بس احب اعرفك انى عارف انك بتحب چود يادرش . ولم نفسك معايا عشان ماعملهاش معاك واخليك حديث العيله .. اشطا يانجم ؟ وعدل ياقة قميص مصطفى . وخبط ع خدو براحه اتلم ماشي ياقلب چود هههههههه .. وسابه ومشي ..

مصطفى : كشر عينيه بغيظ كبير .. اممم طلعت مش ساهل يابن يوسف عزيز .. وحياة چود  وكوثر .. لاردهالك   مااااشي .  

بعد شويه .. 

تيم : ف الجنينه . بيتكلم مع شباب العيله .  وقال ثوانى وراجع ياشباب .. واتحرك خطوتين . وطلع الفون واتصل ع آرين . 

فيلا العدوي ... 

آرين : قامت وقفت . بصو بقى يابنات انا هطلع اخبط عليهم ..

ليليان : ههههههه .. والله لو عملتى ايه حتى .. بابا آدم مش هينزل غير بمزاجه .. 

ميرو : ههههههه بابا آدم بينتقم من بابا طارق اكيد  ... بيحب ينرفزه ديما . واكيد بابا قاصد يتأخر عشان بيحب  يشوف رد فعل بابا طارق .

ليليان : هههههه وانا قولت كدا والله .. اقعدي بقى يا آرين . لسه بدرى ..

آرين : اعاااااا .. الساعه ٣ وبتقولو لسه بدرى . اهو تيم بيتصل عليا اهو ..

ميرو : قلبها دق . وابتسمت بوجع متدراي ..

ليليان : تلقائيا بصت ع ميرو .. واتنهدت بزعل عشانها ..

آرين : قعدت جمب ميرو . وردت الو .. 

تيم : بخنقه.. ايوه يا آرين انتو فين؟

آرين : لسه ف الفيلا ياتيمو ... 

تيم : طيب لو بابا آدم هيتأخر اكتر من كدا . اجي اخدكو ..

ميرو : سامعه صوت تيم من الفون . وغمضت عينيها بزعل ع حالها . والل وصلت نفسها ليه. 

آرين : ببراه . ياريت بجد ياتيمو . لكن انت عارف قرار بابا آدم .. 

تيم : طيب ياحبيبتى متزعليش نفسك . انا هتصل ع بابا آدم . لأن الكل موجود وعمى طارق متغاظ جدا .. 

آرين : اوكي ياتيمو . ميرسي جدا ..

تيم : ابتسم .. ماشي ياحبيبتى يلا مع السلامه..

آرين : باى .. وقفلت . وبصت ليهم .. تيم هيتصل ع بابا آدم ..

ميرو : ...........

ليليان : احم . والله طيب تمام .. 

ميرو : قامت وقفت . انا هطلع استناهم ف الجنينه . بعد اذنكم.  وسابتهم ومشيت..

آرين : بعدم فهم . هي ميرو مالها يالي لي؟ شكلها زعلانه . وكانت بتضحك من شويه ..

ليليان : بتنهيده .. ابدا ياحبيبتى مفيش حاجه . اكيد متوتره لأن النتيجه قربت ..

بعد لحظات آدم . نازل ومريم جمبه ..

آرين : قامت بفرحه يس . اخيرا .. وجريت ع اول السلم.  ايه يابابا كل ده .. ساعتين ؟

آدم : ههههه اعمل ايه بس ياحبيبتي . كله من مريومه هي ديما تأخرنى ..

مريم : بصتله بدهشه و كشرت عينيها .. انا ؟ وبصت ل آرين طيب تصدقى انى انا اعمل كدا ؟

آرين : بصت ل آدم . اممم ينفع مجاوبش هههه

آدم : ههههههههه حبيبت جدها .. ديما واقفه معايا ..

مريم : اممم مبروك عليك .. كفايه عليا حفيدى آدم الغالى ديما منصف ليا .. 

ليليان : اوبا بقى .وانا روحت فين يامريومة قلبى .. 

آدم : ههههههه. اهي اتفضلى ليليان اتحولت اهي ..

آرين : اوكي اوكي حصل خير يا جماعه . ممكن بقى بليز . بليز نمشي ..

مريم : بصت حواليها.  هي ميرو فين؟

آرين : مستنيه ف الجنينه ..

آدم : طيب يلا بينا .. واتحركو وخرجو ..

ميرو : شافت جدها آدم .. وقربت منه بحب كبير . ايه الشياكه والجمال ده ياحبيبى ..

آدم : حط ايدها ف دراعه التانى .. ايه رايك عجبتك ؟

ميرو : ههههه قمر بجد يابابا .. طول عمرك جينتل مان وجميل جدا ..

آدم : بص ل اميرته . وغمز . حفيدتك ماشيه ع العهد ..

مريم : بسعاده . طبعا دى بنت الغالى ..

آدم : فتح باب العربيه ل مريم وركبت جمبه .. والبنات ركبو ف الكرسي الخلفي . وآدم اتحرك . وطول الطريق . يتكلم مع مريم واحفاده .

------------------بقلمي مريم نصار

فيلا السيوفي ..

طارق : بفرحه .  منورين ياجماعه بجد . 

جاسر : بنورك ياحبيب اخوك . 

اشرف : كلفت نفسك ياطارق ..

طارق : بعتاب .  ياراجل عيب عليك الكلام ده .

زياد : طول عمرك صاحب واجب ياسيادة اللوا .

طارق : الله يخليك يازياد . والله انا مبسوط بلمتكو دي .. بس الل هيشلنى قريب ابن العدوي . الساعه ٣ونص . ولسه مشرفش . وبتصل عليه دلوقتي كنسل عليا .. 

زين : هههههه .. اكيد الحج ف الطريق . ومردش عليك عشان عارف انت بتحبه قد ايه ههههههه..

طارق : كشر عينيه . بحبه اوى . انت متعرفش نفسي اشوفه قد ايه .. 

محمد : هههههههه .. والله ياطارق . انا بحب علاقة الصداقه بينك وبين آدم . ميكس جميل جدا ..

طارق : ابتسم بحب . آدم؟ آدم ده كدا حاجه ملهاش وصف . عارف يامحمد ع قد ما بينرفزنى . ع قد انه مايستحملش عليا الهوا .  

تيم : ابتسم . ايه اكتر موقف حصل بينك وبين بابا آدم . وساب أثر جواك ..؟ 

طارق : يااااه ياتيم يبنى . مواقف كتير . كتير جدا ملهاش عدد .

. لكن الموقف الل مش قادر انساه .. حصل قريب . والل محدش يعرفه غير زين وزياد.  وانا معرفتش غير بالصدفه .. 

.إن أسهم الشركه بتاعتى وقعت خالص . وخسرت مناقصه كبيره بسبب واحد اسمه رؤوف الجبالى.

. وانا كنت مشغول بإجراءات المعاش .. وكنت ف اليوم ده راجع تعبان والجو كان حر اوي . قولت اعدي ع آدم قبل ما اروح البيت .. طلعت الشركه .. وقربت من مكتبه . سمعته بيتكلم بأسلوب تهديد

 ل زين و زياد . إن لو طارق عرف بالل حصل ده هيطربق الشركه ع دماغهم .

. وقال كمان انه دفع تمن الاسهم .. وهيعوض المناقصه . وهيرفع الشركه ويوقفها ع رجليها زى الاول واحسن .

. وأنه مش عايزنى اعرف عشان ماتعبش او اضايق خاف عليا لايحصلى حاجه. ساعتها حسيت احساس غريب جداً ..الل بسال نفسي .. هو ف كدا؟ 

بينى وبينك ياتيم . انا مدخلتش المكتب . لأ انا نزلت وركبت العربيه ومحستش بحرارة الجو .ورغم الخساره الل حصلت إلا إن طول الطريق كانت ضحكتى ع وشي وابتسامة رضا عجيب .. وكله يتعوض إلا صاحب وأخ وفي زى آدم العدوي . آدم اى موقف ليه يسيب أثر جوايا  .. 

تيم : بيسمع . وابتسم بفخر .. وقال جواه مش جديد ع آدم العدوي .. 

زين : قاعد بيسمع وكان مبسوط جدا .. وحاسس انه ربنا راضي عنه عشان رزقه ب أب وأم زي آدم ومريم . 

كلهم : ابتسمو بحب .

جاسر . مش جديد ع آدم . عمل حجات كتير جدا كفايه وقفته جمب ساره وماليكه . بجد ونعم الاخ ..

اشرف : آدم ده بجد حاجه جميله جدا . ربنا يبارك ف عمره.. ويديم عليكو نعمة الصداقه يطارق ياخويا .. 

زياد : بأمتنان . لولا آدم بعد ربنا انا مكنتش وصلت لل انا فيه دلوقتى .. 

محمد : ابتسم . ف اشخاص ربنا بيخلقها ويكون راضي عنها وينعم عليها بنعم كبيره جدا . ومنهم حب الناس للشخص ده . وآدم إن شاء الله نحسبه من الناس دي ..

كلهم آمين ... 

چواد : دخل يجرى . جدو آدم جه . جدو آدم جه .. 

------------------بقلمي مريم نصار

ف اوضة فريحه .  

ميرو : قاعده ... ايه ياليليان جبتينى ع اوضة مامى ليه؟

ليليان : قعدت قدامها .. علشان نتكلم بجد شويه .. لانى مبقتش قادره اشوفك كدا واسكت ..

ميرو : احم مش فاهمه نتكلم بجد ف ايه يعنى؟ تقصدى انتى وكريم ؟

ليليان : بصت ف عينيها لأ اقصد انتى وتيم .!! -------------يتبع

تكملة الرواية من هنا 👇👇👇

من هنا

تعديل المقال