 |
توكيل زواج
من الحلقه العاشره حتي الخامسه عشر
بقلم هبه منصور
ندي .والله انا بعرف في الأصول كويس ومش هطلع ببدله رقص قدامهم يعني .
كامل وهوا يضحك علي كلامها .هههههههههه فعلا معاكي حق بس حلوه بدله رقص دي .
ندي وهي تضرب الارض بقدمها يباي مستفز وحملت الفستان وصعدت غرفتها.
وبعد وقت قليل صعد ورأها كامل ليذهب لغرفته لكي ينام .
في الصباح جهز الجميع للسفر وكانت ندي وهناء بسياره كامل ويوسف وابيه وامه في سياره اخره .
جلست هناء في الخلف ووضعت بجانبه علبه فستان الزفاف وجلست ندي بجانب كامل .
بقي نصف الطريق صامت هوا وندي حتي نامت هناء من الملل بسبب طول الطريق اما كامل فكان ينظر لندي بين الحين والاخر وكان الجو حر فمد يده لزجاجه الماء بينهم علي الكرسي في نفس الوقت كانت ندي تمسك الزجاجه فمسك كامل يدها وهياعلي الزجاجه .احسي كامل ببروده اطرافها في يده ورجفتها فأطبق عليها بشده ونظر لعين ندي فخجلت منه وسحبت يدها بسرعه والتفتت للشباك تنظر للطريق بينما هوا ضحك علي خجلها واكمل قياده بعد وقت كانت ندي غفت من تعب الطريق ورأسهاتهتز بسبب سرعه السياره فمالت راسها علي جانب كامل فنظر في المرأه لخالته وجدها مازالت نائمه فسحب ندي بعدوء ووضع رأسهاعلي صدره وأحاطها بيده وقاد السياره باليد الاخري ظلت نائمه اكثر من ربع ساعه وهوا ينظر لها فتن بجمالها وبرأتها لم يشعر بنفسه الا وهوا يرفع راسها ويمعن النظر لها وخطف قبله سريعه من شفههاالتي اثاره منظرها الشهي قبله لا تتعدي الثانيه كانت له ترياق الحياه ونور الدنيا بعد الظلام انتبه للطريق سريعا وركز اكثر علي الطريق ويده تضمها له يخشي فقدانها او يقظتهافتبتعد عنه .
فاق علي صوت خالته تنادي علي ندي ففتحت عينها لتجد نفسها بين احضانه نظر لها مطولا ثم فك يده من حولها ببطي لتعتدل في جلستها وتهندم ملابسها .
ندي اسفه ياكامل محستش بنفسي ازاي نمت .
كامل .وكان اول مره ينطق اسمه وكأنه اسم جديد يتزوق معانيه من بين شفتيها اعاده مره اخره كامل ولم يتحدث فظنته لم يسمعها فسألته .
ندي .اكيد دراعك وجعك انا فضلت كتير عليه .
كامل وهوا ينظر لها نظره عشق ولهفه وعينه تتابع حركه شفههاود لو توقف الزمن عند قبلته لها وتمني لو يكررها انتيه لها واجاب لا ابد موجعنيش متشغليش بالك .
احنا قربنا نوصل صح ياخالتي .
هناء .ايوه ياولدي السرايه باينه اهي جربنا عليها..
وصلو السرايا ونزلو جميعا بيت عائله الراوي .ودخل الجميع المنزل .
راجيه حمد الله علي السلامه يلا كل واحد يطلع يرتاح في اوضته .
هناء .لا احنا هنروح الدار لجل نجهزو حالنا ندي هتتزف من بيت ابوها .
محمود .معاكي حج ياهناء وصلهم يايوسف البيت.
كامل .بغيره واضحه..لا انا الي هوصلهم ارتاح انتا يايوسف تلقيك تعبت من السواقه .
هناء .يلا ياولدي تعالي .
كامل .يلا بينا.
وصلو بيت ناجي ودخلت هناء تتجول بنظرها في المنزل فقدت حبيبها ونصفهاالثاني فرت دمعه من عينها مسحتها سريعا والتفتت لندي .
هناء. ضيفي جوزك ياندي واني هطلع ارتاح منتاش غريب ياولدي الدار دارك .
كامل اتفضلي ياخالتي .
ندي .تشرب ايه ياكامل .
الحلقه الحاديه عشر.
بعد ذهاب هناء لغرفتها .
ندي تشرب ايه ياكامل .
كامل .قهوه مظبوطه لو ممكن .
ندي حاضر ثواني .
تركته وذهبت للمطبخ تعد له القهوه وظل هوا يتجول في ارجاء البهو يشاهد المنزل وأخذته قدماه للمطبخ حيث تقف حبيبته نعم فهي حبيبته واكثر كمان اخيرا اعترف لنفسه انه يحبها بل يموت فيها حبا متي احبها او كيف احبها لا توجد لديه اجابه محدده كل مايدركه الان انه عاشق متيم بنداه .
ندي وهيا في المطبخ ماسكه الفنجان وبتصب فيه القهوه جأء من خلفها فجأه بدون احداث صوت وتحدث فجأه مما فزعها وجعلها تسكب القهوه علي يدها .
كامل. بيتكم جميل اوي .
ندي .ااااه ايدي ااااه .
كامل ذهب لها بسرعه انا اسف والله مقصدي اخوفك فكرتك سمعاني .
ندي اااه ايدي ايدي اتحرقت .
كامل يلفها له ويمسك كف يده وينظر لها اسف مكنش قصدي بجد واخذها وفتح علي يدها الماء كان يقف خلفها ويحيطها بزراعيه يد تمسك كف يده والاخره تسكب عليها الماء برفق .
ندي وقد توترت من قربه منها خلاص ياكامل انا هغسلها مفيش داعي .
كامل وهوا يقرب فمه من اذنها .
كامل .هشششش اسكتي .
ندي شعرت بجسدها كله يرتجف من همسه حتي انها نسيت وجعها .اغلق الماء وترك يدها وامسكها من كتفها وادارها له لتقف وجهها في وجهه لم تقدر علي رفع عينها به فما يفعله يفقدها عقلهاواتزانها .
كامل وهو ياخذ كف يدها المصاب بين يديه ويقربه من شفتيه ويقبل اطرافه .نظرت له بصدمه مما يفعل .سألها بهدو .
كامل .في هنا اي كريم للحروق ولا اروح اجيب من بره .
ندي .ها لا اه في هنا وسحبت يدها وخرجت من المطبخ بسرعه ذهب خلفها فوجدها تدخل غرفه وقف علي باب الغرفه وكانت غرفه مكتب وبها مكتبه ضخمه تضم مئات الكتب .وهيا تفتح ادراج المكتب تبحث عن شي وبعد الوقتي اخرجت علبه اسعافات اوليه فتحتها واجلست علي كنبه في الغرفه بجواهاطاوله وبدأت تخرج منها شاش ومراهم فقترب منها كامل وجلس بجوارها واخذ منها العلبه .
كامل .عنك انتي سيبيها.
ندي .لا مفيش داعي انا هعرف اتصرف .
كامل انا السبب في الحرق ده يبقاانا الي اتكفل بعلاجه
صمتت وظلت تتابعه بعينها دون كلام اخرج كل مايحتاجه وسحب كف يدها اخذ الكريم وبدا بفرده بلطف علي كف يدها وبعدها اخد شاش مخصص للحروق ووضعه فوق الحرق واغلق العلبه ولا كن لم يحرر كف يدها من بين يديه .
كامل بتوجعك .
ندي .لا مفيش وجع هيا بسيطه اصلا وهتخف بسرعه.
كامل كنتي سرحانه في ايه لدرجه انك محستيش بيا .
ندي وقد تجمعت الدموع في عينها بابا وحشني اوي وأفتكرته لما كنت بعمله القهوه بإيدي وجبهالو هنا وهوا بيقرأ او بيشتغل وسالت دموعها علي وجنتيها اقترب كامل منهاومد اطراف اصابعه ومسح دموعها من علي وجههاوضع كف يده علي جانب وجهها واقترب منها يطبع قبله علي جبينها وهوا يقول ..
كامل ربنا يرحمه اكيد هوا في مكان احسن ادعيلوا ياندي وبلاش اشوف دموعك تاني علشان خاطري .
رفعت عينها لوجهه تتأكد من كلامه ومن انه يتحدث لها وعندما وقعت عينها علي عينه صمت كامل ولم يقوي علي الكلام ولاكن قرب رأسه من وجهها وانفاسهم تتلاحق. واقتربت شفاههم من بعض وكاد ان يقبلها لولا انها تداركت امرها وبعدته عنها .وهبت واقفه .
نظر لها كامل بإستغراب فهي زوجته وماكان سيحدث من حقه .بل من حقه اكثر من ذالك لماذا انتفضت بهذا الشك .
فكر كامل ماذا لو كان في حياتها شخص اخر .اه ياالله ماذا لو كانت تحب اخيه يوسف فهوا يشك في الامر منذ وصوله فسألها .
كامل. ندي انتي في حد فحياتك ؟.
ندي وقد صعقت من سؤاله وظلت تنظر له بتعجب مما قاله الان .
ندي .نعم بتقول ايه .
كامل انتي سمعتي سؤالي بس لو تحبي اعيده اعيده اوك في حد في حياتك ياندي بتحبي حد يعني .
الحلقه الثانيه عشر.
كامل .في حد في حياتك ياندي بتحبي حد يعني.
ندا .انتا اكيد اتجننت ازاي تسمح لنفسك تكلمني كدا مين اداك الحق تدخل في حياتي بالشكل ده .
كامل .وهوا يقترب منها انتي ازاي تكلمي معايا كدا انتي اتجننتي صوتك ميعلاش عليا انتي فاهمه .والي اداني الحق انك مراتي ياهانم ولا نسيتي .
ندي .شكلك انتا الي نسيت نفسك انا مش مراتك انتا حتي متعرفش بالجواز ده فمتكذبش علي نفسك وتصدق الي بتقولوا ده .
كامل .ماشي ياندي مش هنسي نفسي تاني يابنت خالتي .
وغادر سريعا المنزل وركب سيارته وقادها بسرعه وهو يعيد كلامها بعقله. ويتذكر رفضها له .
دخل كامل البيت وعلي وجهه علامات الغضب .
محمود. وصلت مراتك ياولدي .
كامل ايوه ياحاج .لوسمحت ياحاج عايزك في موضوع .
محمود.خير ياولدي .
كامل .انا عايز اكتب كتابي علي ندي .
محمود .كتاب ايه ياولدي مكتابك مكتوب .
كامل لا ياحاج عايز اعمل اشهار في المسجد وانا الي احط ايدي في ايد عمها.
محمود .ماشي ياولدي نشهر هكلم ماجد واجولك .
كامل .ماشي ياحاج .
في بيت ندي .
جلست ندي تفكر في ما حدث وكيف كان يحاول كامل التقرب منها وبقيت تحدث نفسها .
ازاي اسمحله يتمادي معايا كدا بس انا مراته بردو وبعدين انا معرفش عنه حاجه ازاي يسألني وانا الي من حقي اسألوا السؤال ده يوه بقا وبعدين معاك ياكامل .
دق باب البيت وذهبت لتفتح الباب .
ندي .اتفضل ياعمي اهلا بيك .
ماجد.حمدالله بالسلامه يابنتي .
ادخل ياناصر ياولدي .
ناصر .كيفك يابنت عمي .
ندي .الحمدلله بخير ياناصر عاش من شافك بقالك فتره مختفي .
ناصر .محبتش ادايجك بوجودي جولت اسيبك تفرحي منغير عزول .
ندي .ياناصر انتا اخويا الكبير وانا بحترمك جدا وبعزك وبكره ربنا يكرمك بالاحسن مني ان شاءالله.
ناصر .ان شاءالله يابنت عمي وانتي من النهارده اختي ولو لزمك حاجه اني موجود ورجبتي سداده.
هناء وهي تنزل السلم .ياهلا ياحاج كيفك ياناصر .
ماجد .مرحب ياهناء كيف احوالك .
ناصر.كيفك يامرت عمي .
هناء الحمدلله ياولدي .
ماجد .محمود كلمني ياهناء وعايز يعمل اشهار في.جامع البلد وكامل الي هيحط يدو في يدي جدام اهل البلد .
هناء ومالو ياخوي لجل البلد تعرف ان ندي اتجوزت ولد خالتها .
ندي وقد صدمها ماحدث .هذا هوا رد كامل علي كلامها له سيعيد عقد القران ويعلن موافقته علي الملا بزواجهم .
ماجد .الاشهار هيكون بكره ان شاءالله بعد صلاه العشاء .وحريم العيله هيجويباركولكم جهزو حالكم بجا يلا مع السلامه لزمكم حاجه .
هناء .تسلم يابو ناصر ربنا يفرحك بولادك.
ماجد .ان شاءالله جريب جوي هنفرحو كلنا .وغادر وعلي وجه علمات الغضب .
في طريق عوده ناصر وماجد .
ناصر .شوفت يابوي جعت تجولي كامل مش هياجي وهيرفض واديه هيعجد عليها بنفسه ويكوش علي كل حاجه .
ماجد .متجلجش ياولدي اني هحل الموضوع ده ولازمن ناخد كل الورث لينا.
ناصر .امانشوف يابوي .
ماجد.اعمل الي احنا متفجين عليه بس ومتنساش مشوار بكره والكتاب بينكتب .
ناصر .ماشي يابوي بس اكد علي حمدان اخوي.
كامل .عارف ونزل البلد يجيب المطلوب ياولدي .
ناصر .كدا تمام يابوي .
الحلقه الثالثه عشر .
يوم كتب الكتاب تجمعت نساء العائله بمنزل ناجي والد ندي .
وجاءت راجيه وذهب الرجال للمسجد لعقد القران .
ارتدت ندي عبائه استقبال لونهاذهبي.واسدلت شعرها ووضعت لمسات خفيفه من الكحل وملمع الشفاه .
جلست مع اهل البلد ولاكن لم يكن هناك مظاهر احتفال او غناء بسبب وفاه ناجي
الجميع يتحدث وكل مشغول مع الاخر. تاتي الخادمه لندي وتخبرها ان ناصر بالخارج يريدها في امر هام بخصوص والدها رحمه الله .
تخرج ندي للجنينه لتجد ناصر يقف بجانب البوابه ينتظرها اقترب منها حين رأهاتخرج من.باب المنزل .
ندي .خيرياناصر في ايه.
ناصر خيريابنت عمي متجلجيش .
ده عجد ستك ام ابوكي.وكانت موصيه انك تلبسيه في فرحك .
ندي وهي تمد يدها له .ماشي ياناصر هبقاالبسه.
ناصر.لا مش انتي بتجولي اني اخوكي اني هلبسهولك بيدي .
ندي .بس يعني .
ناصر.هتزعليني منك ولا ايه انتي مش بتعتبريني اخوكي اياك .
ندي .لا والله مش كدا.
ناصر .خلاص جربي البسهولك.
اقتربت ندي منه بحظر .وناصر اخرج العقد من علبته .ورفع شعرها بيده علي كتفها وهوا يقول شعرك حلو جوي يندي .ابتسمت ولم تجيبه .البسهاالعقد وبدون ما تشعر قرب رأسه منها وقبل اعلي رأسها برفق فلم تشعر به ندي وابتعد عنها وقال لها يلا جبل ماالرجاله ياجو من المسجد .
ندي .ماشي ياناصر تسلم ياخويا .
ناصر .تسلمي ياندي .
وغادر ناصر مسرعا وكان ينتظره اخاه حمدان اخذه وذهب .
دخلت ندي لمجلس النساء .
سالتها امها .كنتي فين يانتي .
ندي وهيا تحدثهاهامسه ناصر كان بيجبلي عقد ستي .
هناء .ستك عقد ايه ده .
ندي وهيا ترفعه لها ده ياماما
هناء.واه مش كان عمك جال من زمان انها بعته طلع دلوك كيف .
ندي .مش وقته بقا بعدين ياماما.
بعد وقت جاء عمها واولاده. وزوج خالتها واولاده يوسف وكامل ودخلو عليهم فقامت سلمت عليهم جميعا حتي وصلت لكامل فأوقفها قبل ان تعود للنساء .
كامل . استني هلبسك شبكتك الاول وأخرج من جيبه علبه بها خاتم قيم جدا ودبله وكوليه من نفس نوع وشكل الخاتم كان علي شكل زهرةالتوليب وبه لألئ حولها .
ندي .مدت له يدها بتوتر فألبسها الخاتم والدبله وجأء ليلبسها الكوليه فأوقفته .
ندي .لا استني هبقا البسه انا اصل لابسه ده .وهي تشير للعقد برقبتها .
كامل وقد احرجه الموقف امام الجميع نظر لها بغضب وأعطاها العقد في يدها وهويحدث نفسه .عقد ايه ده الي مش راضيه تقلعه من رقبتها ومتمسكه بيه كدا
محمود .ايه مش هتديها الدبله تلبسهالك ياولدي .
كامل .اه الدبله مع يوسف ياحاج .
يوسف وهوا يخرجها من جيبه اه صح نسيت هههههههههه اتفضلي ياستي المفروض انا الي البسها علي فكره هههههههههه نظر له الجميع بتعجب .فأضاف مش انا الي منقيهالك ياعم انا اولا بيها هههههههههه ضحك الجميع علي كلام يوسف الا كمال فقد اخذكلامه بجديه وتدايق منه .
ندي مدت يدها تلبسه الدبله وتركتها قبل ان تصل للأخر فقد خجلت من نظرات الجميع لها وقالت .
ندي. احم كملها انتا واخفضت رأسها في الارض فضحك عليها يوسف لأنه يعلم انها خجلت منهم فأنزعج كامل وظن انه منعها من ان تلبسه الدبله وزادت شكوكه انهم يحبون بعض .فأكمل لبس الدبله واتجه الرجال لغرفه الضيافه وجلسو جميعا يتحدثون ولاكن كامل بقي صامت يفكر فيما حدث وقرر ان يسال ندي عن سبب رفضها للبس عقده وعقد من الذي ترتديه .
الحلقه الرابعه عشر .
بعد ذهاب الجميع بقي كامل حتي يتحدث مع ندي فقد طلب من خالته ان يتحدث معها .
كامل .وهو يجلس بغرفه الجلوس ينتظر ندي .بعد وقت قليل دخلت وهي تحمل في يدها صنيه بها طعام .ووضعتها علي طاوله في منتصف الغرفه وجلست علي كرسي بعيد عن كامل بسبب خجلها منه .
ندي .اتفضل ماما حضرتلك العشا .
كامل .لا مليش نفس شكرا .انتي مالك قعده بعيد كدا ليه .
ندي ايه لا ولا بعيد ولا حاجه انا جمبك اهو .
كامل .وهوا يتحرك ليجلس بجوارها انتاكدا جمبي اومال كدا يبقا ايه .
ندي وقد اربكها قربه منها .فبتعدت عنه بعض الشي مما ازعج كامل .
كامل مالك في ايه .
ندي .مفيش حاجه ممليش بس مرهقه شويه اليوم كان طويل اوي .
كامل .معلش عقبال الفرح مبروك ياعروسه اظن كدا بقيتي مراتي بجد اهو.
ندي .ايه اه لا
كامل .مالك متلخبطه كدا ليه .
ندي مفيش حاجه ياكامل بس انتا موترني صراحه .
كامل .موترك اه بكره تتعودي بقولك انتي ملبستيش العقد ليه وعقد مين الي في رقبتك ده وازاي ترفضي وتكسفيني كدا قدام الناس .
ندي .اصل ده عقد ستي وكانت موصيه اني البسه في فرحي .
كامل .اه وليه ملبستنيش الدبله كويس .
ندي .احم. بصراحه اتكسفت كل الناس. كانت بتبصلي جامد واتكسفت منهم .
كامل .اتكسفتي دانا جوزك يعني من حقي انك تلبسهالي قدام اي حد محدش له دخل .
ندي .هوا انتا بتحقق معايا ياكامل من ساعه ماجيت وانتا عمال تسالني اسأله غريبه في ايه مالك .
كامل .ممليش انتي الي تصرفاتك غريبه ودايقتني فحبيت افهم بتعملي ليه كدا .
ندي وفهمت خلاص ممكن بقا تسبني ارتاح وقامت وقفت .
كامل .وهوا يسحبها لتجلس مره اخره مش لما اكل الاول .
ندي .بس انتا قولت انك مش جعان .
كامل وهوا ينظر لشفتيها جعت اصل بصراحه بيفتحوا النفس .
ندي .هما ايه دول الي بيفتحوا النف...ابتلع كامل باقي كلامها بقبله رقيقه علي شفتيها ويده تجذبها تجاهه وهوا يتعمق في قبلته لها وبعد وقت ابتعد عنها وهوا يهمس بأذنهادول الي فتحوا نفسي من امبارح وانا بحلم باللحظه دي ياندي مبروك ياندي بقيتي مراتي وبموافقتي .
ندي وقد فقدت النطق بعد ما قاله كامل وفعله ولم تقوي علي الكلام فقت تنظر له بخجل .
كامل .مالك مش بتردي ليه عليا مش فرحانه ياندي بجوازنا .وقبل ان تنطق ندي جائت هناء .
هناء .ايه ياولدي مأكلتش ليه وكلنا مش عاجبك ولا ايه .
كامل .لا دانتو اكلكو ملوش وصف ياخالتي وهوا ينظر لندي بخبث فنظرت للجه الاخره .
كامل .معلش انا لازم امشي ياخالتي لأني اتأخرت يلا تصبحوا علي خير .
هناء .وانتا من اهل الخير ياولدي .
كامل وهو يمسك يد ندي تصبحي علي خير ياعروسه .
ندي .احم وانتا من اهلو .
كامل ابتسم علي خجلها وغادر مسرعا في العوده وهوا لايصدق ما حدث منذ قليل فهوا يحبها ويعشق قربها منه ولم يستطع ان يتحكم في نفسه امام جمالها خاصتا وهي زوجته حلاله الذي مني نفسه به كثيرا وأخيرا طاله ومن اجمل امرأه رأتها عينه فندي في نظره اجمل نساء العالم .كله .
دخل المنزل وهوا يدندن فقابله والده كامل تعالي ياولدي عايزك في موضوع مهم .
اما ندي فذهبت لغرفتها وهي لا تصدق ماحدث فكامل حب طفولتها اصبح زوجها تلمست شفتها مكان قبلته وابتسمت فقد انساها كل العالم بهذه اللمسه .ندي ياه ياكامل لو تعرف انا بحبك من امتا هههههههههه بس انا مش هقولك هسيبك كدا لما اتأكد من حبك ليا .
اما عند كامل ومحمود .
كامل .ازاي يعني ياحاج جواز مع ايقاف التنفيذ .
محمود .ياولدي ده كان شرط خالتك وقت ماتتأكد من انكو انتو التنين موافجين هتممو الجوازه .
كامل .وهيا ندي كانت رافضه الجوازه ياحاج هيا الي حاطه الشرط ده يعني .
محمود .ندي مكنتش تعرفك لساياولدي ومع الوجت هتتفجو اعتبرها فتره خطوبه وكلها كام شهر وتقررو .
كامل .كام شهر قد ايه يعني ياحاج.
محمود .يعني تلات شهور كدا تكون هيا خلصت دراستها السنه دي ولو شوفتواانكم موافجين بعض تنجل ورجها وتسافر معاك .
كامل .بس انا هسيب شغلي الفتره دي ازاي ياحاج مينفعش .
محمود .مكانك ممدوح ياولدي وانتا افضل معاه علي اتصال .
كامل ببعض الضيق .الي تشفوه ياحاج .بس هتفضل في البيت معايا ياحاج في اوضتي يعني مش هنبقا متجوزين وتنام في اوضتها وانا وعد مني مش هقرب لها الابعد ماتقرر بعد التلات شهور.
محمود .ماشي ياولدي واني عارف ان ولدي راجل ومتأكد من وعدك .
غادر كامل وهوا يفكر في الشرط واعتقد ان ندي من اشترطت ان يبقي زواجهم علي الورق هذه الفتره وبقي طوال الليل يفكر لماذا هذا الشرط .
الخامسه عشر.
مرت الايام الباقيه بهدؤء لا يحدث بها جديد غير تردد ناصر علي بيت عمه بشكل دائم وجلوسه مع ندي والتحدث معها في الجنينه بمفردهم لأي سبب .
جأء موعد الزفاف .
في منزل ندي كانت تجهز نفسها ومعها من يساعدها من بيوتي سنتر مشهور بمصر جلبهم لها كامل وبعد انتهائهم كانت تقف امام المرأه تنظر لنفسها بإنبهار فستان طويل مجسم من الصدر حتي خصرها النحيل ويتسع من الاسفل ومزين من الصدر بزهور صغيره وفراشات مثبته عليه بشكل رائع وبحمالات عريضه تصل لربع الكم تقريبا مزينه بلألئ جميله ومن الاسفل قماش من الدنتل المنفوش منثور عليه لألئ بيضاء وطرحه طويله لأسفل ظهرها وشعرها مرفوع ومثبت بتاج رقيق وتتدلي منه بعض خصلات علي وجهها فكانت أيه من الجمال كان كل من رأها ينبهر بجمالها الأخاز .
هبطط للاسفل لتجلس مع النساء والرجال بالخارج احتفال بسيط جدا بسبب حزنهم علي ناجي .
انتهي الأحتفال .ودخل كامل كي يأخذ عروسه ويذهب بيت عائله الراوي وعند دخوله غطط ندي وجهها بأمر من امها وخالتها كان كامل رئع الجمال ببدلته السوداء وقميص ابيض وكرفاته سوداء وشعره الاسود يصل حتي رقبته فكان جميل جدا بطلته ذهب لندي ومد لها يده وسلم عليها ثم رفع الترحه عن وجهها يقف العالم عندما يري جمالها بقي ينظر لها من رأسها حتي اسفل قدمها بإنبهار ثم اقترب منها يقبل رأسها وهوا مغمض العين يتنفس عطرها كاد يجن من فكره بعدها عنه ومن شرطها اللعين وبقي يدعوا الله ان يفي بوعده لأبيه فمن امامه الان تذهب عقله بحبه لها وبجمالها
محمود .يلا ياولدي خلينا نروح هتنيك واقف كتير .
كامل .احم .يلا بينا يلا ياندي وأخذ يدها بين يديه وذهب بها ركب سيارته وفتح لهاالباب بجواره وركب وانطلق بها لبيت ابيه .دون كلام فقت ينظر لها كل ثانيه وهيا تعبث في فستانها ولا ترفع نظرها به.وصلو البيت ونزلت ندي وكامل وخلفهم باقي افراد الأسره وقد جأت معهم هناء .
اخذ كامل ندي من يدها وصعد السلم اوقفه ابوه حين ناداه .
محمود.كامل .متنساش وعدك ليا ياولدي اني مخلف راجل ميخلفش وعده ابدا .
كامل .وانا عند وعدي ياحاج تصبحوا علي خير ياجماعه .ندي وقد فهمت كلام عمها فطمأن قلبها بعد التوتر اللذي سببه لها كامل طوال الطريق بسبب نظراته لها .دخل كامل الغرفه واضاء نورها وأشار لها بالدخول .
كامل .ادخلي ياندي واقفه ليه .
ندي .احم .حاضر .
دخلت ندي وبقيت واقفه وكامل بحوارها فتره حتي تحدث كامل .
تحبي تغيري انتي الاول ولا انا .
ندي اي حاجه مش مشكله .
كامل طب انا هدخل اغير في الحمام وانتي غيري هنا علشان الفستان .
ندي .ماشي .
اخذ كامل بنطلون من القطن باللون الابيض وتيشرت نفس اللون وذهب للحمام خلع ملابسه واخذ دوش لكي يهدأ من مشاعره وارتدي ملابسه وبقي بعض الوقت حتي يتأكد من انها انتهت من تبديل ملابسها .
اماندي فقد خلعت الطرحه ودبابيس شعرها فسقط علي ظهرها وعندما حاولت ان تتخلص من فستانها لم تستطع بسبب الاربطه بطول ظهرها سحبت شماعه من الدولاب ولفت ظهرها للمرأه وجذبت شعرها للامام وبدات تفك الاربطه ولاكن لم تستطع .
خرج كامل وجدها تحاول التخلص من ربطاط فستانها ولكن لا تعرف .
كامل .اساعدك في حاجه ياندي .
ندي لا شكرا هحاول افكهم .
جلس علي طرف الفراش يشاهد محاولاتها الفاشله .ولم يشعر بنفسه سوا وهوا يتقدم ناحيتها ويلف ظهرها له وينظر لها في المرأه فخفضت رأسها للارض وضمت كفيها لبعض وصمتت فهي لم تستطع فكهم بمفردها .
