جميع الروايات كامله

عشقها-المستحيل

الفصل السابع عشر والثامن عشر

بقلم زينب مصطفي

استيقظت عليا من النوم وهي تشعر بصداع شديد والم بعينيها المنتفختان من كثرة البكاء لتقول بتعب وهي تدلك جبينها بألم

= وبعدين بقى في الصداع ده لازم أقوم أستعد علشان مقابلة الشغل مش هفضل كده اعيط طول اليوم 

ليقع نظرها على مجله موضوعه بقلة اهتمام على السرير بجانبها فتترقرق الدموع بعينيها من جديد وهي تتناول المجله ليقع بصرها على صوره لسليم وجومانه تتعلق بزراعه بفخر وسعاده في حفل مالي اقيم من يومين وتحت الصوره اشاره لخطوبتهم وقرب زفافهم الوشيك

  لتنزل  الدموع من عينيها وهي ترمي المجله ارضا بعنف وتقول وهي تحتضن نفسها بحزن 

= انا مبقتش قادره استحمل ..الي بيحصل ده فوق احتمالي 

لتنهار ارضا وهي تبكي بشده ليمر بعض الوقت حتى استطاعت السيطره على بكائها وهي تنظر امامها بدون حركه وهي تستعرض كل ما مر بها من بداية معرفتها بسليم حتى اليوم 

لتقرر فجأه النهوض والاستعداد لمقابلة عملها

لتقول لنفسها بتشجيع

= يلا يا عليا قومي استعدي لمقابلة الشغل مش هتبقي فاشله في كل حاجه 

لتنهض وتتوجه للحمام للاستعداد لعملها الجديد

*-*-*-*-*

نزلت عليا من غرفتها وهي ترتدي جيب سوداء ضيقه تصل لركبتيها وبلوزه بيضاء انيقه وحذاء اسود ذو كعب مرتفع وترفع شعرها من الخلف على هيئة ذيل حصان منساب خلفها باناقه وهي تتوجه لغرفة الطعام

لتجد تالين ووالدتها قسمت هانم يتناولون طعام الافطار

لتقول عليا بهدوء

= صباح الخير 

قسمت هانم بابتسامه حنونه 

= صباح الخير ياحبيبتي اقعدي افطري

تالين وهي تغمز بعينها لعليا بشقاوه

= ايه لابسه ومتشيكه كده و رايحه على فين

عليا بأمل

= ان شاء الله رايحه أقدم على شغل ادعولي اني اتقبل

قسمت هانم وهي تشير لعليا لتناول الطعام

= إن شاء الله هتتقبلي هما هيلاقو واحده ذيك فين متخرجه بتفوق والاولى على دفعتها كمان..

لتضيف بتردد.. 

= بس يابنتي ليه تشتغلي في مكان تاني واحنا شركتنا فروعها ماليه البلد 

عليا وهي ترسم ابتسامه مرتعشه على شفتيها

= ملوش لزوم يا ماما حضرتك عارفه الظروف

ثم تتنحنح بحرج وهي تقول لتالين

= ممكن توصليني اصل هتأخر و مش هلحق اطلب تاكسي

لتفاجأ بصوت سليم وهو يتسائل 

= عاوزاها توصلك فين و هتتأخري على ايه

لتبتسم تالين وهي تجيب بخبث

= اصل عليا عندها مقابلة شغل وخايفه تتأخر عليها

ليعقد سليم مابين حاجبيه وهو يقول  باستنكار

= مقابلة شغل ايه الي رايحلها انا مش قلتلك قبل كده ان قرار تعيينك اتمضى واتعينتي في قسم الحسابات في شركتنا

لتعقد عليا يديها فوق صدرها برفض 

= بس انا مش عاوزه اشتغل عندك واحنا اتفاقنا ماتتدخلش في قرارتي

ثم تعمدت ان تتجاهله وهي توجه حديثها لتالين

= هتقدري توصليني والا اخد تاكسي

لتقف تالين وهي تقول بحماس

= طبعا هوصلك استنيني دقايق وهجيب مفتاح العربيه

ليصيح سليم بغضب باسلوب اخاف تالين وجعلها تجلس مره اخرى بصمت

= تالين اقعدي ومسمعش صوتك

ثم يلتفت و يقوم بسحب عليا خلفه بعنف وهو يقول بغضب 

= وانتي تعالي معايا لما اشوف اخرتها معاكي ايه

لتقول والدته بدهشه وهي تنظر لتالين 

= هو أخوكي ماله.. كل الغضب ده علشان هتعمل مقابلة شغل 

تالين بهمس وهي تبتسم بخبث 

= ولسه يا ماما هو لسه شاف حاجه

في نفس الوقت 

يدخل سليم عليا الى غرفة مكتبه ثم يقوم باغلاق باب المكتب من الداخل

لتنظر عليا اليه بقلق وهي تقول بتوتر

= بتقفل باب المكتب من جوه ليه كده عيب وميصحش لو سمحت افتح باب المكتب

ليلتفت لها سليم بدهشه وهو يقترب منها

= نعم بتقولي ايه ..هو ايه ده الي عيب و ميصحش انتي ناسيه اني جوزك والا ايه

لتتراجع عليا للخلف وهي تقول بشجاعه مزيفه 

= لاء مش جوزي انت ابن عمي وبس.. واحنا اتفقنا على كده ودلوقتي لو سمحت افتح الباب علشان ألحق المقابله  

ليقترب سليم اكثر منها بخطر وهي تتراجع للخلف حتى استضدمت بالحائط ليقترب سليم اكثر منها و هو يضع يده على الحائط بجانب رأسها ويده الاخرى يضعها حول خصرها بخفه حتى اصبح يحيط بها تماما 

ليقترب وجهه من وجهها وهو يعقد مابين حاجبيه ويقول بهدوء خطر

= كنتي بتقولي ايه

لتبتلع عليا ريقها بتوتر وهي تقول بتحدي وشجاعه مزيفه

= بقول ان انا بنت عمك وبس.. وميصحش تقفل علينا باب المكتب بالشكل ده

ليرفع سليم حاجبه بتسليه وهو يمرر يده برقه على ظهرها صعودا ونزولا ليضيف بتأكيد

= انتي بنت عمي ومراتي.. انا بعديلك غلطك معايا في الكلام كتير عشان عارف الوضع الي احنا فيه صعب عليكي قد ايه.. فبلاش تختبري صبري عليكي اكتر من كده

لتتوتر عليا اكثر و هي تتجاهل حديثه وتقول بتحدي

= كويس ان انت فاكر الوضع الي احنا فيه لو سمحت 

انا كده هتأخر على الشغل افتح الباب

ليقول سليم بحسم

= مفيش شغل الا في الشركه عندي وده اخر كلام 

لتقول عليا باعتراض 

= بس.. 

= مفيش بس.. لأما تشتغلي معايا لأما مفيش شغل خالص 

ليبتعد سليم عنها قليلا وهو يقيم مظهرها

= وبعدين ايه كمية المكياج الي على وشك دي اتفضلي شيلي الي على وشك ده والبسي حاجه تانيه غير الجيبه القصيره دي علشان تروحي الشركه معايا 

لتضرب عليا قدمها بالارض باعتراض وهي تتزكر صورة سليم وجومانه بالمجله وخبر زواجهم الوشيك وتعود لتتخيل روئيتها لجومانه وهي بجانب سليم يوميا

لتقول بعصبيه وقد تحكمت فيها غيرتها عليه

= انت بتتحكم فيا كده ليه انا مش هشتغل معاك انا حره

انا هشتغل في المكان الي يناسبني انا مش عبده عندك هتتحكم في حياتي ذي ما انت عاوز 

ليضع سليم يده على كتفها محاولا تهدئتها

= عليا إهدي وبلاش جنان

الا انها نفضت يده وهي تنفجر بغضب

= انا فعلا مجنونه علشان قبلت اتجوزك في السر علشان ميراث انا مش عوزاه وانت مستعر مني وشايف اني مالقش ابقى مرات سليم بيه المنشاوي.. = انا اتجننت لما قبلت انك تخطب واحده غيري وانا لسه على زمتك ..واحده بتخرج بيها وبتسهر معاها وكل الناس عارفه انها خطيبتك 

دا انت حتى مبررتش ليا خطبتها ليه انا مش مهمه ولا ليا قيمه عندك علشان تبرر لي سبب جوازك منها حتى ولو بالكدب

وجاي تتجرأ وتقول انا جوزك.. جوزي في السر وابن عمي بين الناس بس انا الي استاهل المهزله دي لازم تنتهي حالا

لتنظر لسليم بتحدي

= طبعا  انت كل الي يهمك انك تتحكم في حياتي وخلاص

بس لعلمك انا مش هشتغل عندك وانا من دلوقتي الي هتحكم في حياتي هخرج واشتغل والبس الي يعجبني وانت ابن عمي وبس و مش جوزي 

وانا عاوزه اتفاقنا الاول هو الي يتطبق اول لما اكمل الواحد وعشرين تطلقني ولو مش عاجبك كلامي تطلقني دلوقتي حالا

لينظر اليها سليم بغضب واستنكار

= انتي فعلا اتجننتي ايه الي بتقوليه ده.. جوازنا كان في السر علشان مكنتش اعرفك وعملت كده علشان اساعدك انك تاخدي حقك في ميراث ابوكي مش عشان كنت مستعر منك ذي ما بتقولي وانا عرضت عليكي اني اعلن جوازنا وانتي في المستشفى وانتي الي رفضتي

وكون اني بتحكم في حياتك ذي ما بتقولي فده علشان خايف عليكي مش عشان اتحكم في حياتك

وانا مبررتش ليكي خطوبتي من جومانه لان اسبابها متخصنيش لوحدي دي تخص جومانه كمان وانا استحاله اتكلم فيها حتى لو كان الكلام معاكي

لتشعر عليا بطعنات من الغيره المجنونه تسيطر عليها 

لتقول بحده

= وانا مش عاوزه ولا يهمني اسمع اسباب خطوبتك ليها دي حاجه تخصكم انتو الاتنين ذي ما بتقول انا كل الي عوزاه الطلاق دلوقتي او لما اكمل الواحد وعشرين اختار الي انت عاوزه

سليم وهو يحاول السيطره على غضبه

= عليا بلاش تهدي كل الي بينا اهدي وانا اوعدك ان كل شئ هيتحل

لتقول عليا باستفزاز

= احنا مفيش حاجه مابينا علشان تتهد.. 

ايه الي هيتحل هتفسخ الخطوبه مثلا والا هتعلن جوازنا وتبقى جوز الاتنين..

طيب اتفضل اتصل بيها وقولها انك هتفسخ الخطوبه علشان متجوز مني اتفضل مستني ايه

لتضيف بمراره

= طبعا مش هتقدر تعمل كده عارف ليه علشان انت بتحبها هي مش بتحبني انا وعاوزها هي تبقى مراتك مش عاوزني انا

وبتقولي اي كلام وخلاص علشان تراضيني بيه تراضي عليا مراتك في السر الي انت اتغصبت على جوازها والي انت شايفها مش لايقه بيك

لتضيف بمراره

= بس طبعا مفيش مانع انك تتسلى بيها شويه وتقضي معاها وقت جميل ماهو مش حرام ولاعيب ما انا في الاخر مراتك برضه

ليقاطعها سليم بقسوه وهو يضغط على كتفبها

= اسمعيني كويس مش سليم المنشاوي الي يسمح ان اي حد مهما كان مهم في حياته يتكلم معاه بالشكل ده

انا لو روحي فيكي اطلع روحي بايدي وانهيها بنفسي ومسمحش انك تدوسي على كرامتي بكلامك وتفكيرك المريض..

مش سليم المنشاوي الي يستغل بنت عمه بالطريقه القزره الي بتقولي عليها دي

انتي قلبتي كل الحقايق علشان تناسب الاوهام الي معششه في دماغك

عملتي خوفي عليكي تحكم عملتيني كداب ومستغل بستغلك بابشع الطرق دا غير كلامك اني بقضي معاكي وقت وبتسلى بيكي

ليذيد من ضغط يديه بعنف على كتفيها 

انا كنت بعاملك على انك مراتي ..مراتي الي بخاف عليها اكتر من نفسي

ومنعت نفسي من التمادي معاكي واني اخلي جوازنا فعلي الا لما اعملك فرح يعوضك عن الفرح الي مفرحتيش فيه مش عشان بتسلى بيكي وبقضي معاكي وقت جميل ذي مابتقولي 

لتحاول عليا الكلام الا انه منعها بقسوه 

= قبل ماتعترضي على كلمة مراتي انا الي بقولك انتي من دلوقتي يا عليا بنت عمي وبس

وان كان على الطلاق انا كنت اتمنى اني اطلقك وحالا بس علشان خاطر والدتك الي خدت مني وعد اني ارجعلك ميراثك وانا مستحيل اخلف وعدي معاها 

يعني انا الي هضطر اني استنى لما تكملي الواحد وعشرين وساعتها ورقة طلاقك هتكون في ايدك

ليتجه نحو الباب ويقوم بفتحه وهو يقول بتهكم مرير

= اتفضلي الحقي مقابلة الشغل علشان متتأخريش يا بنت عمي

ليتركها ويخرج بدون اهتمام 

لتنهار عليا في البكاء وهي تشعر انها قد خسرته نهائيا#عشقها -المستحيل

الفصل الثامن عشر

تقف عليا امام خزانة ملابسها بتردد لتختار فستان سهره رقيق رمادي اللون وتقرر ارتدائه في الحفل المقام بمناسبة توقيع عقد مهم للشركه الصغيره التي تعمل بها مع شركة سليم

لتتنهد وهي تشعر من داخلها برفضها الذهاب للحفل

فهي ترفض التواجد بمكان واحد يضم سليم وجومانه معا ولكنها لاتستطيع الرفض فصاحب العمل أكد على جميع العاملين بالشركه الحضور للحفل كما انه يعلم بقرابتها لسليم وعدم حضورها سيثير الاقاويل

كما ان هناك سليم نفسه الذي يعاملها برسميه ويتجنب الكلام معها الا في اضيق الحدود وتوقف عن التدخل في اي شئ يخصها 

لتفتقد الشعور باهتمامه بادق تفاصيلها حتى شعورها بتحكمه افتقدته.. افتقدت شعورها بوجود غلاف قوي من الحمايه يحيطها به ..افتقدت حنانه وقوته وشعورها بالانتماء اليه لترتعش وهي تشعر بمرارة الفقد

لتسمع صوت دقات هادئه على باب غرفتها

لتقول بصوت مرتعش

= ادخل 

لتدخل تالين وبيدها فستان داخل غلافه وكيس اخر مملوء باشياء اخرى وهي تقول بمرح

= انا الجنيه السحريه وجايبه لسندريلا الفستان الي هتروح بيه الحفله

عليا وهي تتظاهر بالمرح وتشير للفستان الذي اخرجته من خزانتها

= بس سندريلا خلاص هتلبس ده شيك ومريح في نفس الوقت

لتقول تالين باعتراض 

= لاء سيبك من الفستان ده خالص وشوفي ده

لتقوم باخراج فستان طويل احمر اللون رائع يتسم بالجمال والحشمه فرغم قصته الرائعه الا انه يتسم بعدم الابتزال اوالعري 

لتقول عليا باعتراض 

= لازمته ايه الفستان ده انا عندي فستان تاني اهوه 

لتقول تالين بمرح

= وفيها ايه لما يكون عندك فستان تاني  المهم انه يجنن واخر موديل واجمل من الفستان الي عندك 

والا خايفه من سليم متخافيش يا لولا

الفستان محترم ومقفول يعني مش هيعترض عليه 

لتقول عليا بحزن

= لاء خلاص سليم مبقاش يهمه البس متغطي والا البس عريان اي حاجه تخصني مبقتش تهمه

لتربت تالين على كتفها بتعاطف 

= مش انتي الي كنتي عاوزه كده وانا حزرتك قبل كده ان سليم صعب جدا من اي حاجه تجرح كرامته

وانتي متوصتيش مسبتيش حاجه الا لما قولتيها

لتقول عليا ببكاء

= يعني انا دلوقت الي غلطانه.. اي واحده حصل معاها الي حصل معايا هتعمل وتقول اكتر من كده 

بس هو طبعا ماصدق اني قلت كده علشان يخلص مني

بيعاملني بمنتهى البرود وتقريبا بيتجاهلني دا غير كل يوم سهر وخروج مع الست جومانه 

لتضيف بحزن

= انا مش عاوزه اروح الحفله دي انا مش هستحمل اشوفهم مع بعض انا مش رايحه وبكره ابقى اعتزر باي حجه وخلاص

لتقول تالين باعتراض وهي تسحبها لتقف وهي تقول باصرار

= انتي هتروحي الحفله وهتلبسي وتتشيكي وتضحكي وتنبسطي ومش عاوزه اعتراض ويلا علشان انا الي هجهزك للحفله 

لتغمز بعينيها بمرح

= ونخليكي ذي القمر علشان نضرب عصفورين بحجر واحد نجنن سليم وجومانه من الغيره هو من غيرته عليكي وهي من غيرتها منك

لتحاول عليا الاعتراض الا ان تالين لم تسمح لها لتبتدي في تجهيز عليا للحفل

بعدحوالي النصف ساعه 

عليا اصبحت جاهزه للزهاب للحفل برتدائها فستان السهره الذي زادها اشراقا وجمالا

لتقوم بفرد شعرها خلفها بأناقه ليتألق كشلال من الذهب اللامع

لتتنهد بحزن وهي تتزكر تحزير سليم لها بعدم ترك شعرها مفرود نهائيا

لتقول بصوت ضعيف وهي تتأمل صورتها بالمرأه 

= لو فردت شعري او لاء مش هيفرق معاه خلاص دلوقتي بقيت مش مهمه ومش فارقه معاه في حاجه 

لتشعر باليأس وهي تأخذ حقيبة السهره الخاصه بها وتتوجه للاسفل بعد توديعها لتالين

لتنزل للاسفل وتتوجه لسائق السياره الذي سيذهب بها للحفل 

لتقول بهدوء

= مساء الخير ياعم عبده معلش اتأخرت عليك ممكن ثطلع بينا قوام علشان منتأخرش

ليقول عم عبده بحرج

= هو حضرتك متعرفيش والا ايه سليم بيه طلب مني اوصل قسمت هانم للنادي ولما قلت له اني هوصل حضرتك للحفله قالي اروح اوصل قسمت هانم وهو هيتصرف

لتشعر عليا بالصدمه وهي تقول بتوتر

= ماشي يا عم عبده اتفضل انت

لتدخل للداخل مره اخرى والصدمه والغيره تسيطر عليها لتحدث نفسها بهمس

= طبعا اخد العربيه علشان مش عاوزني احضر الحفله مش طايق يشوفني ولاطايق اكون معاه هو والست جومانه في مكان واحد

ليقاطع صوت سليم المتهكم حديثها مع نفسها

= انتي بتكلمي نفسك خلاص اتجننتي

لتنظر له عليا بعنف لتفقد القدره على الكلام وهي تراه يرتدي بدله تكسيدو سوداء غايه في الاناقه

تظهره غايه في الرجوله والجازبيه

لتتنحنح عليا وهي تحاول الهروب من جازبيته

لتقول بعنف مبالغ فيه

= انا حره اكلم نفسي اشد شعري انا حره..

ليقاطعها سليم بصرامه

= عليا اتعدلي في الكلام معايا بلاش تخليني أوريكي الوش التاني

ليضيف بنبره تهكميه وهو ينظر لها بتقييم

= انتي ذي ما انا شايف خلاص جهزتي للحفله

لترد عليا بعنف

= اه ذي ما انت شايف جهزت بس العربيه الي هتدويني مش فاضيه فهضطر استنى لما اشوف تاكسي 

ليرد سليم ببرود وهو يتأمل غضبها الواضح بتسليه

= اه علشان كده كنتي بتكلمي نفسك

عموما انا خليت عم عبده يوصل ماما للنادي علشان عامل حسابي اخدك معايا في الحفله

لتصرخ عليا باستنكار

= ايه عاوزني اروح معاك انت وجومانه الحفله

ليقول سليم بسخريه وهو يتأمل غضبها الواضح

= وفيها إيه يا بنت عمي أظن احنا رايحين لمكان واحد ومش من الطببعي يروح كل واحد مننا في عربيه لواحده

ليتابع بتحدي 

= والا انتي عندك مانع يمنعك تيجي معانا

لتتلعثم عليا في الكلام وهي تهز كتفها بارتباك 

= لاء عادي يعني وانا هيكون عندي مانع ايه انا بس خفت لأتأخر على الحفله

ليبتسم سليم بسخريه وهو يشير اليها بالخروج 

= لاء متخافيش مش هتتأخري اتفضلي العربيه مستنيانا بره 

لتتبعه عليا وهي تشعر انها في قمة خوفها وتوترها 

ليقوم سليم بفتح باب السياره لها في الخلف لتدخل عليا ويتبعها سليم بالجلوس بجانبها 

وينطلق السائق بهم لبيت جومانه

جلست عليا بجانب سليم وهي تشعر بالتوتر وتحاول تجاهل جلوسه بجانبها بالنظرللخارج من نافذة السياره لتسمعه يتحدث مع جومانه وهو يخبرها انه في طريقه لاخذها بالسياره ليغلق الهاتف بهدوء

وهو يتجاهل الحديث معها وينشغل عنها بالحديث في هاتفه الجوال

ليدخل السائق الى فيلا جومانه ويقف امام الباب الداخلي للفيلا ويخرج سليم لملاقاة جومانه

امام اعين عليا لتشاهد جومانه التي ترتدي فستان سهره قصير جدا ذهبي اللون وتصفف شعرها القصير باناقه وهي تقترب من سليم وترتمي بين زراعيه وتقبله من وجنته بدلال

لتخفض عليا عينيها وهي تشعر بانقباض وألم في قلبها وهي تحاول السيطره على نزول دموعها الوشيك لتشعر بدخول جومانه السياره وجلوسها بجانبها ثم دخول سليم وجلوسه بجانب جومانه

لتقول جومانه بدلال وهي تستفز عليا عن قصد

= إذيك يا عليا

ثم تميل بدلال لتلتسق بسليم وهي تحتضتن زراعه بتملك

= مش تقول يا حبيبي ان عليا هتيجي معاك

لتلتفت لعليا وهي تقول بابتسامه صفراء

= دا سمير بيسأل عليكي علطول وفرح خالص لما عرف انك هتبقي في الحفله اكيد هتقابليه هناك

لتشاهد عليا توتر سليم الشديد عند سماعه اسم سمير

ليبعد يد جومانه بخشونه وهو يقول

= وسمير يفرح ليه لما يعرف ان عليا هتكون موجوده بالحفله

لتقول جومانه وهي تهز كتفها بطريقه موحيه

= وانا اعرف منين ابقى إسئله

لتقول عليا برقه وقد شعرت بغيرة سليم من سمير

= وهو كمان واحشني جدا كويس اني هشوفه في الحفله

لترفع جومانه حاجبها بخبث

= أنا متأكده انك كنتي عارفه انك هتشوفيه علشان كده الاهتمام ده كله بمظهرك مش كده

ليقاطعها سليم بعنف

= جومانه خلاص.. هنفضل طول الطريق نتكلم عن اخوكي

لتصمت جومانه بتوتر

وهو يضيف بصرامه والسياره تقف امام باب الفندق المقام به الحفل 

= يلا بينا وصلنا 

ليخرج من السياره وينتظر خروج جومانه وعليا 

لتضع جومانه يدها في زراع سليم وهي تتباها بخطوبتها من سليم

وتتراجع عليا للخلف وهي تشاهدهم بحسره وغيره لينتبه سليم لتراجع عليا للخلف

فيقوم بفك يد جومانه ويتراجع للخلف ويقوم بجذب عليا الى جانبه بدون ان يتحدث

وجومانه تسير بجانبه وهي تشعر بالغيظ والكره لعليا

ليدخلو من باب الحفل فتحاول عليا الابتعاد عنه ليميل سليم على إذنها وهو يهمس

= انا شايف ان شعرك مش مظبوط روحي ظبطيه في الحمام

لتمرر عليا يدها بارتباك على شعرها المفرود بروعه خلف ظهرها

= ماله شعري فيه ايه

ليضغط سليم اسنانه بغيظ وهو يتابع الهمس

= مفرود يا عليا شعرك مفرود

لتشعر عليا باحمرار وجهها وقد فهمت معنى كلامه

لتنظر اليه وتجد جومانه تقترب منه من الخلف وهي تحيط زراع سليم بتملك

= انت واقف كده ليه يا حبيبي يلا بينا علشان توقيع العقد

لتقول عليا بغيظ وهي تهمس لسليم بدورها

= انا شايفه ان شعري كده كويس ياريت تركز انت بس في شعر جومانه يا ابن عمي

لتتركه وهو يشعر بالغيظ الشديد منها وهو يشاهدها تبتعد وتندمج وسط الحضور

ليمر بعض الوقت ويندمج الجميع في الحفل وتحاول جومانه لفت انتباه سليم لها 

الا ان عيناه كانت تتابع عليا باستمرار واندامجها وسط زميلاتها في العمل

ليلاحظ اقتراب سمير منها وتبادله معها الحديث والضحكات ليترك سليم من يحدثه

وتقول جومانه بحيره 

= رايح على فين يا حبيبي

ليقول سليم بقلة اهتمام وهو يبتعد

= جاي حالا خليكي هنا 

ليقترب من عليا وسمير وهم يتحدثون ليستمع لسمير

وهو يقول بمرح

= اسمعي كلامي بس تعالي وانا هعلمك الرقص شايفه كل دول بيرقصو عادي ومش مكسوفين

وبعدين دي رقصة سلو عاديه ايه الي يكسف فيها والا خايفه من سليم تحبي اخدلك الاذن منه

لترد عليا وهي تضحك

= بصراحه انا نفسي اتعلم الرقصه دي بس اتكسف لتضيف بثقه 

= وبعدين مين الي قالك اني خايفه من سليم هو سليم ايه دخله في الي بعمله يروح يتحكم في خطيبته وملوش دخل بيا

لتقول فجأه بتحدي وهي تتركه وتتوجه لباحة الرقص 

= انا عاوزه اتعلم الرقصه دي يلا تعالي علمني

ليتبعها سمير وهو يضحك بمرح ليفاجأ بيد قويه تمنعه من التقدم ليلتفت فيجد سليم يقف خلفه وعيناه تموجان بالغضب الشديد 

ليقول سمير بتوتر 

= في حاجه يا سليم

ليقول سليم وهو يضغط على اسنانه من شدة الغضب

= شايف اختك الي واقفه هناك دي روح اقف معاها وابعد عن عليا خالص 

ليقول سمير بتوتر وهو يبتلع ريقه بقلق 

= دا انا كنت هعلمها الرقص السلو بس مفيش حاجه تخليك تغضب كده

ليشير سليم ناحية جومانه 

= روح عند اختك ولو مستغني عن رجليك الاتنين ابقى روح علمها الرقص ذي ما بتقول

وفي نفس الوقت

عليا تقف بانتظار سمير  بقرب ضيوف الحفل المنهمكين في رقصة السلو على انغام موسيقى هادئه

لتفاجأ بسليم يقف خلفها وهو يقول بتهكم 

= واقفه مستنيه حد

لتبتلع عليا ريقها بتوتر وهي تقول بتحدي

= مستنيه سمير هيعلمني رقصة السلو 

ليبتسم سليم بسخريه وهو يجذبها خارج حلبة الرقص بهدوء 

لتتوتر عليا وهي تنظر حولها بحثا عن سمير

ليشير سليم برأسه ناحية سمير الواقف بقرب جومانه وواضح عليه قيامه بمغازلة فتاه تقف بجانبه

= سمير للاسف مش فاضي بيمارس سحره على قلوب البنات الي حواليه يعني مش فاضيلك  

لتقول عليا باستفزاز 

= خلاص مش مشكله ابقى اخليه يعلمني في وقت تاني

ليضغط سليم على اسنانه بعنف وهو يقول

= حسابك تقل معايا اوي عموما كلها ساعه ونبقى في البيت ونتحاسب

ليتركها وهي تشعر بالخوف والقلق

بعد انتهاء الحفل ومرور اكثر من ساعه على عودة سليم وعليا للمنزل

عليا التي كانت تشعر بالخوف والقلق من سليم اطمئن قلبها قليلا عندما مرت اكثر من ساعه على عودتهم للمنزل دون ان ترى سليم

لتقتنع ان سليم قد خلد للنوم وان كلامه في الحفل كان مجرد تهديد 

لتتنهد بارتياح وهي تلبس قميص نوم قصير ذو حملات رفيعه اسود اللون وتقوم بفرد شعرها وازالة بقايا المكياج عن وجهها 

و تتوجه للسرير للنوم لتغمض عينيها لتشعر فجأه بالتوتر بدون سبب

لتفتح عينيها بحده لتجد سليم يقف بجانب السرير وهو يرتدي بنطلون بيجاما اسود اللون وتيشرت حملات رمادي يظهر ضخامة عضلات صدره وزراعيه

لتحاول عليا الصراخ من المفاجأه ليضع سليم يده على فمها وهو يرفعها عن السرير بعنف وهو يمددها فوق قدميه و يحكم من امساكها 

لتجد عليا نفسها ترقد فوق قدميه ورأسها لاسفل وشعرها يسقط على الارض لتشعر بالزهول والالم وهي تشعر بيده تقوم بصفع مؤخرتها بعنف 

لتحاول تحرير نفسها اوالصراخ لكنها لا تستطيع فهو يكبلها بكل قوه لتنزل صفعه اخرى 

وهو يقول

=  دي علشان الكلام الفارغ الي قولتيه وبتقوليه لتنزل صفعه اخرى ودي علشان شعرك الي فرداه علشان تتحديني ثم تنزل صفع  قويه اخرى ودي علشان سمير الي واقفه تضحكي معاه وعاوزاه يخدك في حضنه علشان يعلمك الرقص لتنزل صفعه اخرى ثم اخرى وهو يعدد اخطائها  حتى شعرت بتخدر مؤخرتها من شدة الالم

ليرفعها فجأه ليجلسها فوق قدميه لتشهق عليا من الالم وهي تغلق عينيها ودموعها تسيل من شدة الالم والحرج معا ليستلقي سليم فوق السرير وهو مازال يحتضنها ويجعلها تستلقي فوق جسده و وجهها يواجه وجهه ليرفع وجهها اليه وهو يمسح دموعها بحنان وهي مازالت تغلق عينيها 

ليقول سليم بأمر

= افتحي عنيكي وبصيلي 

لتهز عليا رأسها برفض ودموعها مازالت تتساقط

لتشهق بصدمه وهي تشعر بسليم يمرر يده على مؤخرتها بحنان وهو يقول بمكر

= ايه لسه وجعاكي خليني اشوف كده

لتفتح عليا عينيها برعب وهي تحاول الصراخ

ليبتلع سليم صراخها وهو يلتقط شفتيها بين شفتيه لتقاومه عليا بالبدايه بعنف 

الا انها استسلمت اخيرا لطوفان مشاعرها و مشاعره لتهدء بين يديه وهي مازالت مستلقيه فوقه و هو يمرر يديه في شعرها ويعيد ترتيبه

ليمرر يديه على ظهرها بحنان لتنزل يده للاسفل وهو يدلكها برفق

لتنتفض عليا بين يديه محاوله منعه ليقوم سليم بضغطها لجسده وهو مازال يمرر يده بحنان على موضع المها ليقول بجانب اذنها بهمس حاد 

اهدي يا عليا وخليني اقولك كلمتين تحطيهم قدامك انا سكت على كل الي عملتيه وقولتيه رغم غلطه الكبير بس سيبتك تعمليه ذي شغلك في شركه تانيه مثلا طالما مفيش خوف عليكي منه لكن عاوزه ترمي نفسك في حضن واد اهبل عايش في دور زير النساء وتقوليله علمني الرقص 

لمجرد انك تتحديني فهنا لازم تفهمي ان الي شوفتيه مني دلوقت ميجيش واحد على الف من الي هتشوفيه لو اتكرر منك الي حصل ده تاني

لتشهق عليا بالم وهو يقوم بوضعها ع السرير ويتركها ويتجه للحمام الخاص بها

لتسمع صوت انهمار المياه ثم عودة سليم مره اخرى لتفاجأ به يحملها بحنان ويتوجه بها للحمام ثم ينزلها بجانب حوض الاستحمام المملوء بالماء الدافئ والصابون المعطر ليرجع شعرها وراء اذنها بحنان 

وهو يقول بهدوء 

= خدي دوش وخليكي في المايه شويه والالم هيخف انا هستناكي بره خدي الوقت الي تحتاجيه

ليخرج ويغلق الباب خلفه لتقوم عليا بخلع ملابسها والاستلقاء في الماء الدافئ الذي سكن من المها لتتنهد بارتياح ووجها يحمر بشده وهي تتزكر صفع سليم لمؤخرتها لتترقق الدموع في عينيها من الشعور بالخجل

  لتسمع سليم وهو يدق، على باب الحمام وصوته يقول بقلق 

= عليا انتي كويسه اتاخرتي كده ليه تعبانه والا حاجه.. ادخلك

لتشهق عليا برعب وهي تقوم خارج المياه وترتدي ملابسها بسرعه وهي تقول 

= انا كويسه وخارجه حالا

لتخرج من الحمام وتجد سليم يقف بجانبه ليجذبها اليه 

و هو يقول بحنان

= بقيتي احسن 

لتهز عليا رأسها بايجاب وهي تنظر للاسفل و تشعر باحمرار وجهها من شدة الخجل 

ليضمها سليم اليه بعشق وهو يقبل عنقها بشغف

وفجأه تسمع انسياب موسيقى ناعمه بالغرفه

ليقول سليم بجانب اذنها التي يقبلها بعشق

=  تعالي يا قلب سليم ليعلمها اولى خطواتها الراقصه وهي بين احضانها ليغرقها في جنة قبلاته ثم يعلمها بضع خطوات لتزوب فيه ومعه لبعود ويعلمها من جديد  ثم يقبلها من جديد حتى انتهت الموسيقى ورفعها هو لسريرها ليمددها بحنان داخل احضانه ويده تمر بحنان على جسدها واسفل ظهرها حتى هدأت انفاسها 

لتقول وهي بين اليقظه والنوم

سليم

لبقبل سليم اذنها بحنان وهو يقول

قلب سليم 

لتتنهد عليا بحب 

انا بحبك قوي اوعى تسيبني

ليضمها سليم لقلبه اكثر وهو يقول بعشق

وانا بعشقك يا عليا ومستحيل اني اسيبك او ابعد عنك

لتغلق عليا عينيهاوشعور بالامان يلفها و هي تستسلم للنوم ويقوم سليم باحتضانها وهو يغلق عينيه ويضمها اليه وكأنها اغلى مايملك في الحياه

تكملة الرواية من هنا

❤️❤️❤️❤️❤️❤️❤️❤️💙💙💙💙💙💙💙

بداية الروايه من هنا

تعديل المقال