expr:class='data:blog.languageDirection' expr:data-id='1477310355715762718'>

القائمة الرئيسية

الصفحات

رواية صعيدي علمني الأدب من البارت الاول حتي البارت الخامس بقلم حنين عادل كامله علي مدونة النجم المتوهج للروايات

 


رواية صعيدي علمني الأدب

من البارت الاول حتي البارت الخامس

بقلم حنين عادل


• نعم ..عايزني اتجوز صعيدي يا بابا؟!!


..وماله الصعيدي يا بنتي ؟


• يرضيك بنتك الرقيقه الكيوت اللي تقول للقمر قوم وانا اقعد مكانك تتجوز صعيدي ..دا لما اضايقه هيضربني ويقولي اصل دمنا حامي ..


..وانتي تضايقيه ليه ..


• بلاش دي ده هيفضل طول النهار يقولي وه وه


..ليه كلب هوا ..


• ياسلام لو جولدن 


..ايه بتحبي الجولدن..


• اه بموت فيه ..استني انا مش هتجوزه يا بابا 


..ليه؟!


• ده هيجبرني اتغمغم والبس النقاب ويعملي فيها هشام الجخ ويقولي (طب لو عندك حته ماس هتخليها مداس للناس ولا هتقفلي اوضه عليها بميت ترباس ) يرضيك يا والدي..


..اه يرضيني ..


• طب ممكن اعرف ليه انا بالذات اللي اتجوزه وايه سر القرار المفاجئ ده ؟


..مش هاقولك ..


• يا والدي يا حبيبي ده هيبقي مقفل ويطلع عليا اللي عملته في 4 خطابي ..


..هتتجوزيه يعني هتتجوزيه .


 • يا بابا ده هيلبس العمه والجلبيه وهيحرجني قدام صحابي يرضيك ..


..ايه يا بت انتي مستعريه من الصعايده انتي ناسيه اني صعيدي اياك ولا ايه وانتي كمان وابن عمك شاكر اولي بيكي ..


• مش موافقه ها شوف هتجوزهوني ازاي وان الحيت عليا ههرب .


..لازم حد يربيكي من اول وجديد لاني غلطت لما دلعتك زياده خليتك مستهتره واهم حاجه عندك المظاهر ونسيتي الجوهر ونسيتي اني ابوكي خلاص انا موت ماعدش ليا كلمه   ..


• بابا يا حبيبي انت عالعين والراس بس مش جواز مره واحده خلي في فتره خطوبه حتي


..عشان تطفشيه زي اللي فاتوا ..


• انت تعرف عني كده..


..ايوه ..


• خلاص ايه اللي مخوفك بقا 😂


..طيب اعملي حسابك هنسافر البلد بكرة..


• وجامعتي انا مقدرش اقعد يوم منها انت عايزني اسقط


..واللهي نفس اللي بتتكلم بتعيد في تالته بقالها سنتين ..


• احم ..طب هنقعد قد ايه ..


..شهر ونحدد الفرح ..


بصوت واطي: كويس اوي دا انا اطفش بلد في شهر😈


..بتقولي حاجه ؟!!


• لا يا حبيبي بقول لا اله الا الله ..


..محمد رسول الله ..


انا روح بدر النمر طالبه في كليه تربيه اللي صراحه مش بروحها غير عشان اقابل اصحابي وبس مامتي متوفيه من وهيا بتولدني وبابا هوا اللي رباني انسانه مستهترة زي ما بابا بيقول بس ليها معني تاني عندي اخده الحياة ببساطه او بمعني تاني بكبر الجي وروق الدي مش عندي ثقه في حد ولا عندي ثقه في الحب ولا الجواز لاني حبيت واتجرحت بس بابا مصمم اني اتجوز  طفشت 4 عرسان والخامس جاي...

.........................

• خلاص  مصمم برده .


..ايوه 


• يا بابا بقي تدفن جمالي الفتاك ده في الصعيد


..جمالك ولا جمال عبد الناصر ههههه جمال ايه يا بت 


• جمال ايه ده انا عسل انا لا فلات ولا كيرفي وسط طويله ممشوقه القوام شعري بني وعنيا خضرا وبيضاء عايز ايه اكتر من كده ..


..هوا ايه اللي مشوقه ده دي حاجه كويسه..


• مشوقه اركب العربيه يا بابا ربنا يرضي عليك 😒


..وعليكي يا ختي.. كل دي شنط ده شهر مش سنه .


• يا سلام مش حاطه هدومي وشرباتي وفوطي وكريماتي وكتبي ومجلاتي ودفتر الرسم بتاعي ومشروباتي واللاب توب والايباد والتابلت ولو كان ينفع اجيب الرواتر كنت جبته 😐


.. وليه كل ده ..


• عشان احنا داخلين علي ايام سودة😢


..يا ساتر يا رب عليكي ..


بعد 4 ساعات ..وصلنا ..


..وصلنا يا بنت اصحي ..


• وصلنا فين يععع ...


..احنا هنا في سوهاچ ..


• يا بابا واللهي حرام عليك انا اعيش هنا جمب الجاموس والبقر ده استحاله 😭


..دي احب الاماكن علي قلبي بحس براحه نفسيه هنا ..


• يابابا والنبي ..


العربيه وقفت قدام بيت كبير ..


..يا عبده اركن العربيه.  


لقينا راجل ومراته واقفين مستنينا ...


شاكر: بالحضن ياخوي اتوحشتك كل دي غيبه .


..لو كنت اتوحشتني صوح كنت چيت وطليت عليا


شاكر: مشاغل واللهي يا خوي ..اذيك يا عروسه 


• اهلا يا عمي..


مرات عمي نزلت فيا بوس يعععع ..


مرات عمي: اذيك يا حلوه ده انتي زي لهطه الجشطه


قبل ما نخش كنت دايسه علي حاجه ريحتها مقرفه جدا تقريبا بيبي جاموسه ..مسكت بوقي مش قادره هارجع ..


• الحمام بسرعه بسرعه ..


..جوه علي ايدك اليمين..


طلعت اجري ودخلت الحمام بعد ما قلعت الشوز وجبت كل اللي في بطني ..


غسلت وشي وطلعت من الحمام ..


• بلد مقرفه ايه الغلب ده يا ربي ولسه اما اشوف العريس اكيد هايبقي يععع كل ما اتخيل العمه والجلابيه يعععع 


خبطت في واحد ومن شده الخبطه وقعت عالأرض  .


• ااه يا ضهري انا مش مرتاحه اساسا مش تبص قدامك يا اعمي ..


_اعمي.. يونس النمر تجوليله اعمي دا انتي ليله اهلك سوده ماهيطلعلهاش نهار واصل انتي مين يا بجره انتي ..


• باااااابا عاااا😭.....يتبع ....


ولسه اللي جاي تقيل مع كاتبه الجيل😎


ساعدوني في اسم مش لاقيه ليها اسم ماتنسوش 😂


او اختاروا ايه احلي اسم من دول ...


(روح النمر _عريسي الصعيدي_صعيدي علمني الأدب 😂).


لو التفاعل عدي ٥٠٠ هنزل التاني علطول الروايه فيها كوميدي كتير عشان افرفشكم 😂😘


تابعوني بقا عشان يوصلكم الجزء التاني ورأيكم قبل اي حاجه 💥


#بقلم_حنين_عادل

#البارت_الثاني 


روح: بابا ..عاااااااا😭


بيدخلوا يجروا علي صوتها ..


بدر: في ايه يا بنتي اذيك يا يونس يا ولدي


روح: الحقني يا بابا طالعه من الحمام خبطني وقعني عالأرض وقالي انتي عاميه وغبيه كمان انا اتهزقت من حته عيل بعضلات مايسواش يا بابا😭

بقلم حنين عادل..


يونس: انا يتقلي اكده وانت ساكت يا عمي طب انا هاربيكي من اول وچديد .


بيقرب مني وعلي وشه علامات الشر هوا ماله قلب الرجل الاخضر كده ماتحوش عني مش ابويا مثلا..


استووب ...

يونس شاكر النمر شاب طويل بعضلات عنده 28 سنه  وباقي المعلومات هتعرفوها في تفاصيل الروايه عشان ترسموا الشخصيه بنفسكم 


ماكانش قدامي الا حل واحد اجريييييييي.


روح: بتجري ورايا ليه يا بتاع انت 


يونس: بتاع ؟؟! هوا عيار واحد ويخلصني منيكي ومن طوله لسانك 😡


فضلت اجري وهاجري لمالا نهايه عشان ان مسكني هاينفخني ادعي عليك بإيه 😭

..........................


بدر: ربنا يهديها انا اللي ربيتها وحدي غياب امها كان مأثر فيها عشان اكده عملت ام واب ودلعتها وماكانش بيهون عليا ازعلها او اضايقها لحد ما وصلت لكده مابجاش هاممها حد لجيت يونس اولي واحد بيها راچل وجيمه وهيصونها انا عارف انها هتغلبه..


شاكر: ربنا يجدم اللي فيه الخير


........................

بقلم حنين عادل

وقفت بعد ربع ساعه جري مابقتش عارفه انا فين مساحه خضرا كبيرة شكلها روعه في الجمال تبارك الخلاق فيما خلق ..


فضلت اتمشي فيها لقيت اسطبل خيول ...


روح: لأ انت جيت عالجرح بقا ..


جبت حصان ابيض وركبته وفضل ماشي كنت مبسوطه جدا انا بحب الخيول اخيرا لقيت حاجه في البلد دي احبها

...........................


دخل يونس البيت...


بدر: ايه ده يا ولدي فين روح؟!


يونس: هيا مش اهنيه؟! هيا هربت مني من كتير وفكرتها عاودت عالدار ..


بدر: لا راحت فين دي ماتعرفش حاجه في البلد .


يونس: ماتجلجش يا عمي انا هلاجيها 


شاكر: ما تجلجش عليها يا بدر يونس هايجيبها لحد عنديك.


مشي يونس يدور عليها وركب فرسه ..


بيدخل واحد من الحراس: يا حضرة العمدة يا حضرة العمدة ..


شاكر: في ايه يا مسعود 


..الهانم الصغيرة ركبت رهوانه..


شاكر: ايه مالجتش غيرها ..


بدر: مالها رهوانه دي 


شاكر: سريعه جوي وماحدش بيعرف يتحكم فيها 


بدر: استر يا رب 


بيمسك شاكر تليفونه وبيكلم..


شاكر : ايوه يا يونس بت عمك ركبت رهوانه انت الوحيد اللي عاتعرف توجفها.

..................


روح: عاااااااا الحقوني الحقوني اقفي بقا ارجوكي 😭


الفرسه بتجري بأعلي سرعتها وروح حاضناها وخايفه تقع ..


روح: حد يلحقني عاااااااا😭


بيظهر قدامها يونس بسرعه وبيمشي بحصانه جمب الحصان وبيمسك الحبل بتاع حصانها..


روح: عاااااا وقفها وقفها 😭


يونس: ما تخافيش هاوجفها ..


وبعد محاولات من يونس الفرسه مش راضيه تقف..


يونس: هاتي ايدك ..


روح: هاقع لو سبتها ..


يونس: ما تخافيش هاتي يدك ..


روح مدت ايدها ليه وفجأة شدها وركبها قدامه ..


روح : احم ...


يونس: انتي كويسه 


روح: الحمد لله 


يونس: متأكدة 


روح: ايوه .. كله بسببك اساسا


يونس: انا اللي قلتلك روحي اركبي اسرع خيل عندنا واللي محدش بيعرف يتحكم فيها


روح: لأ بس انت اللي جريت ورايا وخوفتني 


يونس: خوفتك تروحي تركبي خيل وبعدين ده اسلوب بنت انتي ايه معلوماتك عن البنات.  


روح: نفس معلوماتك عن .....روح بتفكير : لأ لو قلتيله حاجه تعصبه ممكن يحدفك من هنا ولا يعمل حاجه وحشه ويستفرد بيكي انا هاخده علي قد عقله واضحك عليه لما ينزلني 😈  


روح : ايه ده استني انت بتعرف تتكلم زينا 


يونس: ايوه بعرف اتكلم زيكم


روح: انا اسفه علي طريقتي معاك انا تلقائيه كده ودبش اعذرني ..


يونس بيهز دماغه .


روح: اه ..هوا انت اسمك ايه 


يونس: يونس...وانتي


روح: روح ..


يونس: هوا انتي ايه اللي جابك هنا ..


روح: بابا عاوز يجوزني واحد ماعرفهوش بيقولي ابن عمي 

 شاكر ده ..

 ‏

 ‏يونس: وانت ايه رايك 

 ‏

 ‏روح: انا نو واي طبعا اوافق عليه زي ما طفشت الأربعه اللي قبله هاطفشه (البت دي تاخد جايزة في الغباء)

 ‏

 ‏يونس: واللهي ..

 ‏

 ‏روح: ايوه عايزني اتجوز واحد معقد يعقدني ..


يونس: تعرفيه ؟!


روح: لأ لسه ماشوفتش بسلامته 


 ‏يونس: وليه فكرتك عن الصعايدة معقدين ؟!

 ‏

 ‏روح: عشان الافلام والمسلسلات بتبين كده 


يونس: المسلسلات والافلام دي تمثيل مش واقع 


روح: بس انت غيرهم يعني مش لابس جلابيه ولا عمه ولا كده وبتتكلم عادي انت مش من هنا ولا ايه 


يونس: هوا مفهومك علي الصعايدة بيتاخد باللبس بس ولا ايه انا لابس عادي عشان جاي من الشغل انما انا بحب الجلابيه اللي مش عاجباكي دي وبفتخر بيها عمر الانسان ما كان بلبسه .


روح بتفكير: شكله مثقف وهيقرفنا 

 ‏

 ‏يونس: وصلنا اتفضلي.  

 ‏

 ‏نزلت من علي الخيل نست هيا وهوا انها كانت راكبه قدامه وقاعده علي رجله وكان ماسك الحبل بايد وهيا بالايد التانيه او كانوا بيستعبطوا وعاملين مش واخدين بالهم😂


دخلت روح ..


بدر حضنها: انتي كويسه 


روح: الحمد لله يا بابا.


شاكر: يا صفيه يا صفيه ..


بتيجي صفيه ..


شاكر: خودي ستك ترتاح في اوضتها 


صفيه بتاخد روح توديها لاوضتها ..


يونس دخل ..


بدر: كتر خيرك يا ولدي مش عارف من غيرك كان ايه اللي چرالها.


يونس: جت سليمه ياعمي ابوي ممكن نتحدت في المكتب 


شاكر: چول يا يونس عمك مش غريب 


يونس: ازاي يا ابوي تبجوا محددين كل حاچه وانا اخر من يعلم عيل انا اياك تجوزوني من غير ما اعرف..


شاكر: يا ولدي ..


بدر: استني يا خوي انا اللي هاتكلم..


يونس: اتفضل يا عمي ..


بدر: تعالي نتمشي شويه ..

......................


دخلت الاوضه لطيفه وفيها بلكونه فتحت الشنط وطلعت الهدوم وكل حاجه وحطيتها في الدولاب وخدت هدوم ودخلت عشان اخد شاور ..


طلعت ولبست برمودة عليها بلوزة كات و سبت شعري 


طق ..طق ..


روح: ادخل..


صفيه:............


روح: ايه هاتفضلي فاتحه بوقك كتير ايه ؟!!


صفيه: احم.. بدر بيه بيجولك الغدا چاهز تحت اتدلي يا ست هانم ..


روح: طيب روحي وانا جايه ..اف بقا ييه يابابا ..


خدت تليفوني ونزلت ...


كان يونس وواحد وعمي شاكر وبابا ومرات عمي قاعدين عالسفرة ..


نزلت عالسلم والكل بص عليا ..


يونس فتح بوقه ..


مصطفي: اوبا ...(مصطفي اخو يونس الصغير عنده 19 سنه )


يونس فاق من شرودة : ايه القرف اللي لبساه ده 


روح قعدت علي السفره بدون اهتمام: وانت مالك ؟!


يونس: وانا مالي ..انتي هتبقي مرتي وتقوليلي مالك 


روح: نااااعم ياالدلعادي انا مش موافقه ..


بدر: روووووح ..


روح: حاضر يا بابا..


بصت روح ل يونس بتحدي: طيب لما ابقي مراتك انما انت مالكش حاجه عندي دلوقتي فاااهم ..


بيخبط بايدة علي السفرة بعصبيه وبيقوم وبيمشي ناحيتها ..


روح بهمس: يارب استرها دا انا غلبانه🥺


يونس وقف قدامها: انتي جلتي ايه سمعيني اكده تاني  ؟!!


روح بتحدي: قلت انت مالكش حاجه عندي دلوقتي البس اللي البسه مالكش فيه وابعد عني عشان انا مش طايقاك ولا طايقه البلد باللي فيها ..


طااااااااخ ....صوت قلم نزل علي وشها ..خلي دماغها تلف من قوته حتي انها فتحت عينها كذا مرة ..


بدر قام وقف من الصدمه وكل اللي علي السفره ..


طااااااااخ ... روح ردت ليه القلم وسط صدمات الكل 


يونس بعصبيه وايدة علي وشه: هاجتلك ..هاجتلك ...يتبع ..


ولسه اللي جاي تقيل مع كاتبه الجيل 😎


اللي بينشروا الروايه ياريت اسمي والغلاف عشان مازعلش واجيب ناس تزعل معايا😂


#صعيدي_علمني_الأدب😂 

#بقلم_حنين_عادل 

#كاتبه_الجيل

#صعيدي_علمني_الأدب😂 

#البارت_الثالث 


يونس بعصبيه وايدة علي وشه: هاجتلك ..هاجتلك ..


روح حاولت تبقي صامدة قدامه وتشجع نفسها ...


روح: انت فاكر انك هتضربني واسكتلك ده عند الحاجه ..


بدر: بس ياروح 😡


بيقرب يونس منها بعصبيه وهيا بترجع لورا..


وبيطلع مسدسه وبيوجهه عليها ..


روح بخوف: انت هاتعمل ايه 


يونس بعصبيه : هاجتلك .


روح: باباااااا ..


بدر: اهدي يا ولدي ..


بيعمر مسدسه وهوا مش شايف حاجه قدامه من عصبيته ..


روح: عمي شاكر ماسك قلبك ليه انت كويس؟!!


بيبص يونس علي ابوه بخوف وقلق ..


شاكر وهوا واقف بيبص علي نفسه وبيبص ل يونس : انا صحتي بومب الحمد لله ..


يونس بيلف : انتي 😡


مش بيلاقيها بتكون هربت من قدامه ..


بيطلع بعصبيه علي اوضتها وبيزق الباب برجليه بعصبيه مش بيلاقيها بيبص بيلاقي باب الحمام مفتوح...


بيدور عليها في البيت كله مش بيلاقيها ..


بينزل ل ابوها..


يونس: بتك فين يا عمي 


بدر: انا شوفتها بتتسحب وانت بتكلم ابوك كانت خايفه منيك استهدي بالله يا ولدي دا انت ماسك فرد..


شاكر: مايصوحش اللي عملته ده 


يونس: مايصوحش ؟!! وان حتت بت تضربني بالجلم ده يصوح فيه ايه يابوي.


شاكر: الامور ما تتاخدش اكده 


بدر: انا جلتلك هتتعب معاها ..


يونس: انا عايز اعرف راحت فين وهيا بالخلجات المايعه دي 😡


بدر: شوفها في الچنينه ..بس اوعدني ما تئذيهاش يا ولدي ..


يونس: ماجدرش بتك لسانها طويل وانا ماضمنش نفسي


بدر: اوعدني يا يونس دي يتيمه 


يونس: اوعدك يا عمي وربنا يستر ..


خرج يونس يدور عليها بعصبيه ازاي مرات النمر حد يشوفها كده وبيستحلفلها ..

.........................


روح: عاااااا كان عايز يموتني المجنون عشان قلم ابن الهبله ده انا كان مالي ومال الغلب ده ياربي وبابا سايبه كده طايح زي الطور الهايج 😭😭


لقت حد بيطبطب عليها ..


بتبصله ...


مصطفي: ههههه‍ههههه ههههههههه انتي من الناس اللي لما بتتضايج بتاكل صراحه شكلك اكده  نكته وانتي بتاكلي وبتبكي اكده😂


روح بلعت اللي في بوقها: انت مين يا خفه؟!!


مصطفي: انا مصطفي شاكر النمر اخو الطور الهايچ اللي كنتي بتتحدتي عنه مع روحك ..


روح: وعايز ايه بقا اخوك بعتك تموتني ولا ايه ؟!


مصطفي: لاه... انا عارف ان يونس اخوي عصبي بس انتي زودتيها چوي انتي ضربتي النمر اللي اهنيه في البلد الكل بيعمله الف حساب .


روح: ليه عامل فيها الخط اه اكيد مجرم وقتال قتله صح هوا باين عليه 


مصطفي: هههههه لاه مش مجرم ولا جتال جتله ..


روح: لا انا متاكده بقا .


مصطفي: انا جيت اصالحك لانك بت عمي وزي اختي ويعتبر من نفس سني فاكيد هنبجوا صحاب


روح: انت عندك كام سنه يا مصطفي ؟!


مصطفي: عندي 19 سنه وانتي ؟!!


روح: عندي 22 سنه ..


مصطفي: بتدرسي ؟!


روح: طبعا انا في كليه تربيه ومتفوقه دراسيا جدا 


مصطفي: اه يبقي ابوكي مايعرفش بجا اصلو جالي انك بتاخدي السنه في عشره هههههه


روح: اه يا كسوفي هههههه كويس عشان نبدا علي ميه بيضاء هههههههه


بيجي يونس علي صوت ضحكهم ..


يونس: والله عال انا ادور عليكي بالساعه وانتوا جاعدين بتتسامروا وبتضحكوا ومافيش حيا.


مصطفي: انا لجيتها بتبكي فكنت بطيب بخطرها 


يونس: يا حنين يلا علي اوضتك شوف مذاكرتك .


مصطفي: حاضر ..


في دقيقه كان مصطفي في اوضته


روح: استني يا جبان 😢


يونس بيقرب منها: حسك عينك اشوفك اكده تاني يلا علي اوضتك واتحشمي ..


روح بتفكير: اعاند واخد طلقه في دماغي ولا اندمه بالعقل تمام بالعقل ده انا هاوريك ..


يونس: يلا بزعييق ..


روح مشت ببرود وهيا بتغني : يا مصطفي يا مصطفي انا بحبك يا مصطفي ..


يونس بعصبيه: علي اوضتك يلا..


روح جرت وفي ثانيه بقت في اوضتها ..


روح: انا جيت امتي يخربيتك دا انا ماكنتش اعرف اني سريعه كده بس شكلك كده خلتني يجيلي فكره عسل هاطلع عينك بيها ههههههيييييي


روح قعدت علي السرير بملل قلبت في الفيس والانستا و كتبت خواطر علي اللاب..


روح: ايه الزهق ده ..


قامت شغلت اغنيه ياروح الروح مابعدك روح ونزلت رقص .

.........................


اوضه يونس جمب اوضتها من جمب واوضه مصطفي من الجمب التاني ...


مصطفي طلع من اوضته ورايح علي اوضتها وقفه صوت يونس..


يونس: رايح فين يا واد 


مصطفي: روح يا خوي مشغله اغاني وصوتها عالي جوي مش عارف اذاكر واصل


يونس: طب روح وانا هاجولها توطي الصوت 


مصطفي : حاضر يا خوي ..


دخل مصطفي اوضته 


وراح يونس يخبط علي اوضتها بس هيا من علو الصوت مش سامعه خبط كتير بس مش بترد ..


اخر مازهق فتح الباب ..وفتح بوقه 


كانت بترقص بطريقه مغريه وهيا مغمضه عنيها وبتردد ياروح الروح مابعدك روح وروحي تروح لرب الكون ماليش مثيل يا ورد جميل ياقمر الليل يا اجمل لون ماشفت النوم انا موهوم خطفني رموش عيونك دول..


بتفتح عينها وهيا بترقص بتلاقيه واقف بتتجعز بترجع لورا وكانت هتقع بتلحقها ايده قبل ماتوقع ..


بيتوه في عنيها الخضرا اللي لونها لون الزرع ..


روح: عجبوك ؟!


يونس بيفوق من شروده: هما ايه اللي عجبوني؟!


روح: عيوني اللي سرحان فيهم دول ..


بيتعدل وبيقف وبيعدل هدومه وبيقفل الاغنيه ..


روح: هوا من الادب يا محترم تدخل اوضه بنت كده من غير استئذان ..


يونس: صوت الاغاني عالي جدا كان فرح ولا ايه وخبطت انتي ماسمعتيش ..


خرج وسابها وهيا واقفه ..


روح: او كنت عامله اني مش سامعه ههههه قلمك اللي ضربتهولي ده هتتحاسب عليه يا ..يا نمر 

.........................

في الليل 


يونس في اوضته ونايم علي سريره..


يونس: ليه توهت في عينيها يا نمر كانك نسيت انها ضربتك كف وجلت منيك ليه اتضايجت لما لجيتها بتضحك مع اخوك اجولك عشان هيا هتبجي ملكك وانت مابتحبش حاجه ملكك تروح لغيرك او تعصي امرك انت النمر فوووج فوووج لازم تكسر غرورها وتخليها تخضع ليك وتعرفها مين النمر الصعيدي ..


..........................

في اوضه مصطفي.  


روح: عشان خاطري يا درش مش احنا صحاب


مصطفي: صحاب اه بس يونس مش هيرضي واصل


روح: ومين قالك ان احنا هانقوله هموت واقابل هشام الجخ نفسي اشوفه واقابله 


مصطفي: ويونس ؟!!


روح: مش هيلاحظ غيابنا ..


مصطفي: بتحبيه كل الحب ده 


روح: بعشقه ونفسي اقابله واقعد معاه 


باب الاوضه اتفتح فجأة ..


يونس بعصبيه: هوا مين اللي انتي عاشجاه ونفسك تقابليه يا عايبه.


روح: يادي النيله 😭 ...يتبع 


ولسه اللي جاي تقيل مع كاتبه الجيل😎


تفاعل حلو وهانزل كل يوم زي ما احنا❤️


#صعيدي_علمني_الأدب😂 

#بقلم_حنين_عادل 

#كاتبه_الجيل 😎

#صعيدي_علمني_الأدب😂 

#البارت_الرابع 


يونس بعصبيه: هوا مين اللي انتي عاشجاه ونفسك تقابليه يا عايبه؟!!


روح: يادي النيله 😭 .


مصطفي: مفيش حاچ...


يونس بعصبيه: ما اسمعش صوتك واصل ..


روح: طبعا ان حلفتلك ان اللي سمعته ده غلط مش هتصدق .


يونس: مين اللي عاتحبيه وعاشجاه ونفسك تقابليه ده


مصطفي: يا خوي


يونس: جلتلك اخرس..


روح: بصراحه يا يونس كده ...


يونس: بصراحه ايه ؟!!


روح: مش قادره اقول ..


مصطفي باستغراب: ايه 


بص ليه يونس نظره خرسته..


يونس بعصبيه: فيه ايه ؟!!


روح بدموع: انا بحب واحد اوي بعشقه بس بابا غصب عليا اني اتجوز ابن عمي اللي هوا انت ورفضه مع ان كان عارف اني بحبه جدا وهوا بيحبني وهوا شاب كويس اوي اوي عشان كده اتفقت انا ومصطفي انه يهربني عشان اروح ليه واقابله 😢


كلامها نزل علي يونس زي الصاعقه ...


روح بعدت تحسبا لاي عنف ..


مصطفي ماكانش فاهم حاجه وواقف مصدوم


بيبص يونس لمصطفي بغضب: بقا كده عاتهرب بت عمك وتچيب لينا العار


مصطفي: ايوه هوا مين ده اللي عايهربها هوا فين ؟!!


بيقرب يونس عليه بعصبيه وبيجري مصطفي من قدامه 


يونس: حسابك معايا بعدين يا كلب ..


روح: احم ..انا اسفه اني فكرت التفكير ده بس انا بعش...


يونس بهدوء : اسمه ايه ؟!


روح: احم ..اسمه هشام 


يونس بعصبيه: اسمه هشام بس اكده مافيش ليه اب ماعندهوش عيله


روح: لا ازاي هوا حد بيجي من غير عيله اسمه هشام الج..

الجحراوي ..


يونس: الجحراوي ؟!!


روح: ايوه عيلته بتحب المانجا 


يونس : مانجا ؟! بيشتغل ايه وعرفتيه فين ؟!!


روح: بيشتغل ..بيشتغل شاعر ..


يونس: كيف عايشتغل شاعر ..


روح: ده شاعر مشهور لمس قلبي بكلماته الرقيقه وكاتبلي ديوان شعر اد ايه مرهف وحساس ..


يونس: وعرفتيه منين 


روح بتوتر: في الجامعه .


بيبصلها يونس بصه طويله مش بتفهم معناها وبيخرج 


روح: ايه ده انا قلت عايقتلني ويتاويني في ايه انا اتعديت ولا ايه😂


صوت حد بيضرب ...


بتطلع روح من اوضه مصطفي وبتنزل تحت عالصوت ..


مصطفي: واللهي ما حوصل 


يونس: بقا عايز تهربها يا واكل ناسك


مصطفي: عليا الطلاق ما حصل دي كانت بتجول عن...


روح: وليك عين تتكلم اخص عليك يا مصطفي ده بدل ما تعقلني وتفهمني طب انا بنت وبمشي ورا عواطف 


مصطفي: عواطف ولا سلوي


روح: هههههه حلوه


يونس: وليك عين تهزر 


وبيكمل ضرب ...


يونس بيبصلها وبيبص علي هدومها اللي كانت عباره عن قميص طويل بس مجسم ومبين ادق تفاصيل جسمها


يونس: يلا علي اوضتك 


روح طلعت بعصبيه وهيا بتتكلم: هوا طايح في البيت كله كده ليه دا انت رخم بصحيح 


يونس: سامعك وهاجيلك 


روح: سامعك وهاجيلك ابو تقل دم امك 


بتدخل روح الاوضه وبتقفلها وبتضحك ..


روح: ان ماوريتك النجوم في عز الضهر ما بقاش روح علي جثتي الجوازة دي تتم ..


قعدت علي السرير وهيا بتضحك ضحكه انتصار 


روح: معلش بقا يا مصطفي هتبقي من ضحايا الحرب من هنا ورايح .


.........................

في المكتب ..


بدر: ايه يا يونس يا ولدي كنت عاوزني في ايه ؟!


يونس: ما اقدرش اتجوز بتك يا عمي.


بدر: ليه يا ولدي كفي الله الشر مش كنت وافجت 


يونس: ما اقدرش اتجوز ست قلبها مع غيري ماهاعرفش اعيش معاها وهيا بتفكر في راجل غيري.


بدر بعصبيه: مين اللي جالك كده بتي ما تعرفش رجاله يا يونس .


يونس: هيا يا عمي قالتلي عاتعشقه وعاتحبه وكانت بتتفج مع مصطفي يهربها عشان تروحله .


بدر: هيا جالتلك كده


يونس: لما انت عارف يا عمي انها عاتحبه ليه ماوفجتش عليه


بدر: اوافق علي ايه


يونس: عليه لما اتقدملها ..


بدر: كان اسمه ايه ؟!


يونس: عاتقول هشام الجحراوي وعايشتغل شاعر وفرفور


بدر: هههههههههه


يونس باستغراب:  عاتضحك يا عمي


بدر: خودها نصيحه بنتي لما بتكذب بيبان عليها 


يونس: يعني ايه ؟!


بدر: مافيش حد اتقدملي بالاسم ده دي بتطفشك باي طريقه .


يونس بعصبيه: يعني عاتضحك عليا 


بدر: ولسه هتاخد من ده كتير قوي دي عنيده زي امها اللي يرحمها واللي في دماغها في دماغها وراسها ناشفه


يونس: تنكسر يا عمي ماعندناش حريم كده واصل .


بدر : مش بتيجي بالعند صدقني اضحك عليها تاخد نن عنيها من جوه


يونس : ماشي يا عمي ربنا يقدم اللي فيه الخير.

...........................

في اوضه مصطفي ..


جايب تلج وبيحطه علي وشه 


مصطفي: بقا اكده يا روح اخد علقه ماخدهاش حمار بمطلع بسببك يونس يبهدلني اكده ماشي ..


طق ..طق ..حد بيخبط عالباب. .


مصطفي: ادخل ..


روح : يلا انا جاهزة لسه نص ساعه عالحفله


مصطفي: يعني ماعندكيش نظر شوفي خلقتي اللي اتشوهت بسببك دي كده بتلبسيني مع يونس وتخلعي 


روح: اسفه يا مصطفي بس يرضيك بردة اتجوز يونس غصب عني اهو يمكن كده يسبني في حالي 


مصطفي: فاكراه مش عايعرف انك بتتضحكي عليه اياك


روح: لأه عايعرف بس وقتيها هاكون جهزت ليه خوطه جديده ههههههه


مصطفي: الصعيدي طالع منيكي زي العسل


روح: انت اللي عسل اجهز بقا والنبي يا مصطفي الساعه ١٢


مصطفي: حاضر ربنا يستر ..


روح: يلا ..


مصطفي: طب ممكن عشان اغير خلجاتي 


روح: ايوه حاضر اسفه طالعه بس اتسحب ماتعملش صوت واصل 


مصطفي: حاضر هههههههه


بتتسحب روح بتلاقي ابوها طالع عالسلم بتطلع تجري علي اوضتها وتتغطي ..


ابوها بيدخل يفتح الباب و يبوسها ويغطيها كويس ويخرج ..


بتتنفس روح بارتياح وبتقوم تعدل شعرها قدام المرايه بتلاقي خبطه خفيفه بتفهم انه مصطفي ..


بتفتح الباب وبتطلع ..


مصطفي: تعالي من الباب الوراني 


روح: يلا ..


بتتسحب هيا ومصطفي من الباب الوراني بيلاقوا يونس قاعد في الجنينه الخلفيه وماسك عود وبيعزف عليه ..


روح بصدمه: ده بجد ولا فوتوشوب ..


مصطفي: ههههه لاه چد الچد دي الحاجه اللي بتهديه لما يكون متضايق


روح: واللهي دا انا قلت علي عضلاته دي عامله اوضه سودة لما يضايق يفرغ شحناته فيها ..


مصطفي: لاه العود بيريحه والتأمل ..


روح: واللهي ده طلع حكايه يلا بقا هنخرج ازاي .


مصطفي: هوا بيبقي مقفل عينه اتسحبي بدون اي صوت واصل ماتوديناش في داهيه ارجوكي انا مش هاتحمل علقه تانيه ..


روح بقلق: حاضر. .


نزلوا علي رجليهم واتسحبوا لحد ما طلعوا ..


مصطفي: مش عانعرف نركب العربيه 


روح: طب هانعمل ايه يا كبير


مصطفي: نتمشي شويه لما نبعد عن البيت الكبير وعاكلم صاحبي يجي لنا بعربيته


روح: تمام يلا..


اتمشت هيا وهوا ..


مصطفي: مافيش فايده لما يونس يشوفك بخلجاتك دي دلوك عايعمل ايه 


روح: صدقني دي احسن حاجه عندي ..


كانت روح لابسه بلوزة طويله و بنطلون جينز وسايبه شعرها سايب..


كلم مصطفي صاحبه واجي بالعربيه ..


مصطفي: ابو الصحاب معلش تعبتك


..: تعبك راحه يا صاحبي


وبيبص ل روح باعجاب ..


ركبوا معاه وكان طول الطريق بيبص لروح في المرايه وهيا واخدة بالها بس بتطنشه ..


وصلوا مكان الحفله ونزلت روح وكانت مجهزة وحجزه التذاكر اونلاين ...


دخلوا وشافت هشام الجخ عالمسرح وكانت بتطنط من الفرحه ..


كان بيقول ...


ايوه بغير ..ايوه بغير


لا انا نقصان ولا ضعفان ولا مسطول ولا سكران 


ولا زايغ من عيني الضي ولاحد احسن مني في شي بس بغير ..


واللي قالولك غيرة الراجل قله ثقه او قله فهم خلق حمير


غيرة الراجل نار في مراجل نار بتنور ما بتحرقش.  


بتقاطعه روح ..


روح: استاذ هشام استاذ هشام ارجوك وبتقرب من المسرح..


بياخد باله منها وبيمد لها ايده وبتطلع عالمسرح ...


بتحضنه من الفرحه ..والكاميرات بتصور وبتتصور معاه ..


بيديلها المكرفون ..


روح: انا بحبك اوي اوي اوي بجد وكانت امنيه حياتي اني اقابلك ..


وكملت ...


واحنا صعايده ما بنستحملش 

شمسنا حاميه وعرقنا حامي و طبعنا حامي 

واللي تخلي صعيدي يحبها يبقي يا غلبها..


بيصقفولها كلهم بتحضنه تاني والكل بيضحك وبتنزل وهيا مبسوطه وبتكمل الحفله وبتقول معاه ...


لحد ما الحفله خلصت الساعه 2 ونص ..


وصاحب مصطفي مامشاش وفضل متابعها بابتسامه


مصطفي: من ساعتين فاتوا بجولك يلا اتأخرنا جوي


روح: حرام عليك يا مصطفي ده مرة مش هتتكرر كنت عايزني امشي .


مصطفي: اكده مبسوطه ..


روح: جدا جدا ..


بيطلع مصطفي وروح وبيركبوا وبيركب صاحبه 


بعد نص ساعه بيوصلوا للبيت ..


بتنزل روح من العربيه وبتلاحظ صاحب مصطفي باصصلها اوي ..


روح: في حاجه.


..لاه مافيش  


بتدخل تتسحب هيا ومصطفي. .


مصطفي: ياسلام لو يونس شافنا دلوك هايجتلنا ربنا يعديها علي خير..


روح: يونس فاته في سابع نومه ده شكله من المثقفين اللي بيناموا بدري


مصطفي: اتبسطتي


روح: انت بتسأل دا انا هموت من الفرحه بجد شكرا يا مصطفي لو اخويا مش هاتعمل كده


مصطفي: عدي الجمايل 


روح: ههههه ماشي اعيش واردهملك يا برو


دخلوا البيت من الباب الوراني راح مصطفي اوضته ..


وروح دخلت اوضتها وقفلت الباب وبتفتح النور انصدمت ..


روح : يوو يونس 😢


كان يونس قاعد عالكرسي ومتعصب جدا


يونس بعصبيه: كنتي فين يا هانم....يتبع 


ولسه اللي جاي تقيل مع كاتبه الجيل😎


تفاعلوا حلو بقا عشان اكمل .. ..😂


#صعيدي_علمني_الأدب😂 

#بقلم_حنين_عادل 

#كاتبه_الجيل 😎

#صعيدي_علمني_الأدب😂 

#البارت_الخامس 


يونس بعصبيه: كنتي فين يا ست هانم مالسه بدري


روح داخت كده وراحت قعدت علي السرير ..


روح: مغص رهيب 


يونس: ايه؟!!


روح: كنت تعبانه قوي ومصطفي ربنا يباركله جه معايا للدكتورة لولاه كنت مت اصل انا بيجيلي مغص كلوي بيبهدلني ..


يونس: وفين العلاج ؟!


طلعت من شنطتها علاج 😈


يونس: وانتي دلوك مليحه


روح بتكتم ضحكتها : مليحه ياولد عمي 


يونس باستغراب: ماشي


روح: ممكن تتكلم معايا زي مابكلمك حاسه ان ده لايق عليك اكتر..


بيبصلها يونس برفعة حاجب وبيطلع ..


روح: هيروح عند مصطفي و ده من نظرة بيعترف بكل حاجه ..


بتطلع وراه .. بتلاقيه بيخبط علي اوضه مصطفي..


بيفتح مصطفي الباب وبيتاوب قال ايه كان نايم ..


روح: بطل تمثيل يا اهبل هاينفخنا 


مصطفي: في حاجه يا خوي ..اصلي كنت نا...

بقلم حنين عادل

روح راحت بسرعه ..


روح: مصطفي ..انا جايه اسئلك هيا الاعاده اه واخد بالك بتاعت الدكتورة اللي روحنالها امتي ؟!!


مصطفي:ايه ..الدكتورة .. اه ..اه ..بعد سبوع ..


يونس: اسمها ايه الدكتورة دي عاد


مصطفي: اسمها ..هش..


روح: هانم ..اسمها هانم ..


يونس بيبصلهم بنظرة غموض  وبيمشي.  


روح: اهو الحمد لله مااتضربتش المرة دي فتح مخك بقا ..


مصطفي: شكل نهايتي علي يدك جيب العواقب سليمه يارب..


روح: تصبح علي خير يا درش


مصطفي: وانتي من اهله .


بتدخل اوضتها وبتضحك ..


روح: كويس اني خدت علاجي القديم معايا سواء عمي او بابا او الرخم ده قابلني تبقي حجه عال العال ..


مسكت تليفونها وهيا بتضحك ..


قلبت في صورها هيا والهويس بفرحه.


غيرت هدومها وقعدت علي السرير ...


روح: اول يوم في بلد جديدة حصل فيه احداث كتير وكان احلاهم الحدث اللي قبل الاخير اني قابلت الجخ والاخير اني ضحكت عليه هههههههه ولسه ولسه...

بقلم حنين عادل

............................

في الصباح ...


بيصحي يونس من النوم بياخد شاور وبيلبس لبس كاجوال ...


طق ..طق ..حد بيخبط عالباب ..


يونس: ادخل


صفيه: القهوة والجورنال يا بيه


يونس: حطيهم يا صفيه


بتحطهم عالترابيزة وبتمشي ..


بيقعد بيشرب في قهوته اللي متعود عليها اول ما بيصحي من النوم وبعدها بيفطر


بيمسك الجورنال وبيقلب فيه ..بيخلص قهوته وبينزل وهوا في ايده الجورنال ..

...........................

في اوضه روح 


بدر: اصحي يا روح ..


روح: يووه يا بابا سبني شويه بقا والنبي وانا من امتي بصحي دلوقتي 


بدر: لاه كل حاجه اتغيرت هنا اتعودي عالصحيان بدري


روح: طب خمسه وهاصحي يا كبير


بدر: انا قلت اصحي بدل ما اصحيكي بطريقتي 


روح : خلاص خلاص ميه لأ والنبي 


بتقوم تجري من علي السرير..


بدر: خودي دش ويلا عشان نفطر وبينزل. 


روح بملل: ماشي...


بتدخل تاخد دوش وبتطلع بتبص في تليفونها ..


روح: بقا كده انا روح النمر اصحي الساعه ٧ مش حرام ايه اللي وصلتني الحياه ليه ده 


لبست بنطلون ضيق وبلوزه كاب ووقفت قدام المرايه تسرح شعرها..


روح: ببص لروحي فجأه لقتني لقتني احلويت فجأه ومليت من المفاجأه ما انا عارفه اني حلوه ..ههههه ايه اللي انا بقوله ده يلا يا يونس عايزني اتحشم ولبسي مايع ماشي يا نمر قال ايه مفكرني هاسمع الكلام ده لما تشوف حلمه ودنك مش هاتجوزك برده


رفعت شعرها ديل حصان ونزلت مش بتحط ميكب بشرتها بيضاء جدا وعنيها خضرا ورموشها ثقيله فا مش محتاجه 


مسكت روج وحطت درجه فاقعه جدا ..


بصت لنفسها: قمر ..مغروره اه بس بحبني 


ابتسمت بنصر ونزلت ..

...................

علي السفره..


يونس قاعد وبيقرأ في الجورنال علي ما الفطار يتحط.


بيشوف صوره روح وهيا حاضنه هشام الجخ في نفس الوقت اللي كانت نازله فيه علي السلم بمنظرها  ده 


كان الخبر في الجورنال ..

(استاذ هشام استاذ هشام ارجوك ..قالتها فتاه من عشاق الهويس هشام الجخ مد لها يده وساعدها بالصعود احتضنته بشده من فرحتها واكملت معه قصيدته المعروفه ايوه بغير في حفل امس بسوهاج )


بيخبط علي السفره بعصبيه وبيقوم ..


بدر: في ايه يا ولدي 


شاكر: ايه يا يونس ؟!


بيديهم الجورنال ..


روح وقفت مكانها بتفكير: معقول عرف ؟!!


بيقرب ناحيتها بعصبيه وهيا بتبعد عنه ..


روح: ف..في ايه؟!


يونس: كنتي عند الدكتوره ها..


روح: ايوه واسأل مصطفي؟!


يونس بعصبيه:مابحبش الكدابين بتحضني راجل غريب قدام الملأ ولا هامك وايه اللي انتي عاملاه في روحك ده انا قلت ايه كلامي ما عايتسمعش ليه ..


روح: وانت مالك اعمل اللي اعمل بقا ايه القرف ده 


يونس بعصبيه : انا قرف النمر قرف ..


بيمسكها من شعرها بعصبيه ...


روح: باباااااا الحقني يا بابا 


لسه هايمشي بدر بيمسك شاكر ايده.


شاكر: سيبه يا بدر بتك غلطها كتر جوي


بيمشي يونس وهوا ماسكها من شعرها وبيطلعها فوق ..


روح: ااه يا غبي شعرررري 


يونس بعصبيه:انا هاربيكي علي طولت لسانك ديي 


بيدخلها اوضه عتمه..وبيزقها ..بتقع علي الارض


بتقوم وبتنفض هدومها..


روح: هوا ده اخرك يعني هاتحبسني هههههه دا انت غلبان بقا وغبي اوي ..

بقلم حنين عادل

طااااخ ..قلم نزل علي وشها خلاها تدوخ..


روح: انت ايه اللي عملته ده 


يونس بعصبيه : انا لسه ماعملتش حاجه ..


روح: طب وريني كده يا شبح هات اخرك .

.......................


بدر: هايئذيها يا شاكر انت ماشوفت وشه كان كيف..


شاكر: بتك يا خوي ساقت فيها ولازم تتربي من اول وجديد ويكون ليها ظابط ورابط 


بدر: لا مايئذيهاش يا خوي انا ماحيلتيش غيرها ..


شاكر: ما هوا جلعك الماسخ ده وطيبتك اللي عملت فيها اكده 

...........................


يونس: بلاش تستفزي النمر احسنلك 


روح: انت ناسي ان انا نمر ولا ايه انا مبخافش منك يا يونس يا نمر مش بخاف واعمل اللي تعمله ومش هاتجوزك وهاعمل اللي في دماغي .


يونس: ايوه يبقي لازم اخليكي تخافي مني يا روح 


روح بتوتر: قصدك ايه؟!!


يونس: ولازم انتي اللي تترجيني اتجوزك وانا اللي هارفضك ومش هاخليكي تنفعي لحد غيري. 


روح بتوتر: قصدك ايه 


يونس: قصدي انتي كبيره كفايه انك تعرفيه يا روح النمر 


بيقرب منها وهيا بترجع بتوتر لورا..


روح: انت هاتعمل ايه يا مجنون يا باااابااا يا باااابا ..


يونس: مش هايسمعك ماتخافيش لو صوتي ولميتي الدنيا الاوضه عازله للصوت  .


بيزنقها في الحيطه...


روح ببكاء : ابعد عنييي يا باااااابااااا...يتبع


ولسه اللي جاي تقيل مع كاتبه الجيل😎


ممنوع نقل الروايه بدون ذكر اسم الكاتبه والغلاف ..واي حد يلاقيها مسروقه يبلغ بلييز عشان ما اوقفهاش عشان دول بيسرقوا مجهودي ...


تفاعلوا تفاعل يشجعني اكمل ليكم وتوقعاتكم للي جاي مع ان انا محدش يتوقعني😎


#صعيدي_علمني_الأدب😂 

#بقلم_حنين_عادل 

#كاتبه_الجيل 😎

تعليقات

close