القائمة الرئيسية

الصفحات

الأخبار[LastPost]

اسڪريبت مرادي كامل علي مدونة النجم المتوهج للروايات

 


اسڪريبت مرادي كامل


ــ سحرتني ولا سحرتلي 

ــ افندم 

ــ عيونڪ 

ــ مالها عيوني 

ــ سحرتني ولا سحرتلي 

ــ لا انا هعرفڪ دلوقتي هى عملت ايه

ــ اه ياريت 

ــ الحقونااااااااي.... متحرش ي نااااس 


وهوب لقيت المترو اتقلب و النااس نازلة طحن فيه و بعدها لقيت المترو وقف عندالمحطه بتاعتي اخدت بعضي وجريت 


ايمان: يلهوووي يا ياسمين 


ياسمين:  اه والله يبنتي زي ما بقولك كده 


ايمان: والله حرام عليكي مش دا كنتى بتقولي انك بتكراشي عليه بقالڪ 3 شهور ولما جه يكلمك تعملى فيه كدا 


ياسمين: بكراش ايه بس دا انا حبيته بس ما هو طلع قليل الادب 


ايمان: يبنتي قليل الادب ايه هو لحق يقل ادبه اصلا


ياسمين: كنتى عايزاني اعمل ايه يعني 


ايمان: تستني عليه تشوفيه كان هيقول ايه مش يمكن كان هيقولك بحبك 


 ياسمين بحزن :احييه  يعني كان هيقولي بحبك وانا عملت فيه كده

 ‏

 ‏ايمان: منك لله يا مفتريه وبعدين دا كان بيسبلك كل يوم وردة على الكرسي قبل ما تركبي يبقى كان بيحبك ولا لأ


ياسمين: ما المشكله اني حبيته 

 ‏

__________


عمرو: مش عايز تحكيلي برضو ايه اللى بهدلك كده 


مراد وهو ماسك كيس تلج وحاطه على عينه: ما قولتلك وقعت من على السلم 


عمرو: لا ما انا مش مصدقك دا حد طاحنك مش وقعه سلم دي 


مراد: عنيا لسه وارمه صح 


عمرو: وارمه بس دا مزرقه يبني... هااا تحرش ولا حرامية


مراد بعصبية: تحرش ايه يا عمرو انت تعرف عني كدا 


عمرو: صراحة لأ... طيب ايه اللي عمل فيك كدا


مراد: تحرش 


عمرو: اييييه؟ 


حكاله مراد اللى حصل وعمرو فطسان ضحك 


عمرو: يلهوي يا مراد بقا بنت اللى تعمل فيك كده 


مراد: تخيل يا عمرو بقالى 3 شهور من يوم ما شفتها بركب المترو عشان خاطرها وراكن عربيتي وفي الاخر تعمل فيا كده 


عمرو بضحك:  معلش يا صحبي تعيش وتاخد غيرها 


حدفه مراد بالمخدة: بطل ضحك يا زفت 


عمرو: هي دي اللي شفتها يوم ما عربيتك عطلت وروحت بالمترو


مراد: ايوة هي 


عمرو: ومن يومها وانت بتركب المترو عشان تشوفها وبتسبلها وردة على الكرسي قبل ما تركب و بتركب على قصادها عشان تعرف تشوفها كويس 


مراد: ايوة


عمرو بضحك: تستاهل عشان تبقى تسيب عربيتك وتركب المترو 


مراد: امشي من وشي يا مراد 


_______________


" بعد مرور أسبوعين "


ياسمين: الو 


ايمان: الو... ايه يبنتي مجتيش الشغل ليه 


ياسمين: مرحتش لتيته من زمان اوي و بتقولي عاملالك مفجأة بس انا عارفه بتقول كده عشان اروح


ايمان: روحيلها عشان متزعلش وانا هشيل الشغل مكانك متقلقيش 


ياسمين: تسلميلي  يا مونة 


ايمان: اي خدمه.. عدي الجمايل بقاا


ياسمين: اتنيلي طيب...انا بقالي اسبوعين مش بشوفه 


ايمان: هو مين 


ياسمين: المترو


ايمان: اااه... لا ما انتي انسيه بقا عشان مش هتشوفي وشه تاني 


ياسمين: بس انا واثقة اني هشوفه تاني 


ايمان: حبيبتي انتي لو شفتيه تاني المفروض تهربي اصلا 


ياسمين: انا غبية طيرته من ايدي 


ايمان: سوووو يحبيبيتي انتي طول عمرك غبيه 


ياسمين: اسكتي طيب.. انا خلصت لبس وماشيه 


ايمان: طيب خلي بالك من نفسك 


ياسمين: حاضر وانتى كمان.. باي 


_______________


مراد: كمان معلقة يا تيتة عشان خاطري 


صفية: لا يبني خلاص معتش قادره 


مراد: طيب اخر معلقة عشان خاطر مووو حبيبك 


صفيه: اخر واحدة 


مراد بابتسامة: اخر واحدة 


صفية: تسلم ايديك يبني.. نفس الشوربة اللي امك الله يرحمها كانت بتعملها 


مراد:الله يرحمها 


فجأة الباب بيخبط 


صفيه: يا ترى مين 


مراد: هروح افتح 


بيفتح مراد الباب وبيشوف ياسمين قدامه 


مراد و ياسمين في صوت واحد: انت/ي اللى جابك هنا


ياسمين بزعيق: انت اللي ايه جابك هنا وفين تيتا


بتزقه وبتدخل: يا تيتاااااا


صفيه: ايه يا ياسمين بتزعقي ليه 


ياسمين بتحضنها وبتبوس ايديها: انتي كويسة؟ 


صفيه: انا كويسة مالك خايفه كدا ليه 


ياسمين بتشاور على مراد : مين دا و ايه اللى جابك عندك يا تيتا


صفيه: ما هي دي المفاجأة 


ياسمين: مفاجأة ايه 


صفيه بتشدها وبتاخدها البلكونه وبتشاورلها على الشقه اللى قصادهم: مراد يعقوب ابو الخير


ياسمين بتبصلهم: بتهزروا صح؟  


صفية: هي دي المفاجأة اللى قولتلك عليها مراد رجع 


ياسمين: ا.. انت مراد


مراد بابتسامة: لا انا المتحرش اللى خليتي الناس طحنته في المترو


ياسمين بضحك: ميبقاش قلبك اسود بقا يا موو مكنتش اعرف انه انت


صفية: مترو ايه انتوا اتقابلتوا قبل كده 


مراد: اول م نزلت مصر اشتريت عربية وكدا بعدها عطلت مني ف يوم وقلت اركب المترو شفتها هناك و فضلت3 شهور راكن عربيتي و بروح ف المترو عشان اشوفهاا


صفية: وكنت عارف انه هي ياسمين 


مراد: لا 


ياسمين: احم... طيب بما انك صديق طفولتي وكدا فاكر السلام بتاعنا ولا نسيته 


مراد: و دي حاجه تتنسي


بيسلموا على بعض بطريقة مضحكة 


ياسمين: عيونك كانت عسلي وانت صغير قلبت اسود ازاي 


مراد: عشان كبرت وكدا وانتى كنتى طويلة بقيتي اوزعة امتى 


ياسمين: نتلم شويه لو سمحت ايه اوزعة دي 


صفية: ياااه ياعيال فات 15 سنه وانتوا لسه مجانين سبحان الله


بيضحكوا كلهم وبيقضوا اليوم سوا 


ياسمين: انا لازم امشي بقا 


صفية: باتي معايا النهارده يا ياسوو


مراد بيرفع ايده : ينفع ابات انا كمان 


صفية بتشد ودنه وبتضحك: لسه شقي زي ما انت 


ياسمين: بالعكس يا صفصف دا اتغير كتير اوي 


مراد: انتي شايفه كدا 


ياسمين: ايوه 


صفية: انا هكلم امك اقولها انك هتباتي معايا النهارده 


ياسمين: اشطاااا 


مراد: ياسمين ممكن ننزل نتمشى في الجنينة شوية 


صفية  : روحي معاه عبال م اكلم امك.. اوعى تستفرد بالبت ياااض


مراد بضحك : لا يا صفصف متقلقيش


"في الجنينة" 


ياسمين: الجنينة دي فيها كل ذكرياتنا


مراد: اتغيرتي اوي يا ياسمين 


ياسمين: وانت كمان اتغيرت اوي شكلك  و طبعك كل حاجه متغيرة


مراد: دول 15 سنه برضو مش شويه 


ياسمين: صح.. الزمن بيغير كل حاجه 


مراد: مش كان نفسك تكوني محامية بقيتي محاسبة ازاي


ياسمين: التنسيق جابني تجارة


مراد: اهم حاجه تكوني حابة المجال اللى انتي فيه 


ياسمين: نزلت مصر ليه يعني دكتور زيك عايش بقاله 15 سنه في امريكا ايه اللي رجعك فجأة كدا


مراد: عشانك


ياسمين: هاااا؟! 


مراد:ياااه  المرجيحه لسه مكانها زي ماهي... ايه رأيك تركبي وازق بيكي زي زمان


ياسمين بضحك: اشطااا


بتقعد على المرجيحه وبيزقها مراد وبيغني 


"سحرتني ولا سحرتلي.. دي عيون مش محتاجة تسحرلي" 


بتقاطعه ياسمين: تاني يا مراد... شكل وحشتك علقه المترو


مراد: انا جسمي كله متكسر لحد دلوقتي 


ياسمين: زق جاااامد


بيزقها مراد وهي بتضحك


مراد: تعرفي 


ياسمين: اييه


مراد: انا بحبك


بتوقع ياسمين من على المرجحيه وبيجري مراد عليها


مراد: انتي كويسه 


ياسمين بإحرااج: كويسه 


مراد قرب منها جامد


بتزقه ياسمين: وسع ي اخ عشان النفس 


ببقرب مراد تاني وبيبص في عيونها: بحبك 


بتقوم ياسمين تجري وبتقع على وشها 


بيضحك مراد وبيجري يقومها وهى بتسيبه وبتطلع تجري عند جدتها بتقفل الباب وبتحط ايديها على قلبها 


صفية: نقول مبروك 


ياسمين: تيته انتي لسه صاحيه 


صفية بضحك : طيب مبروك 


ياسمين: هو ايه 


صفية:  بيحبك و شكلك انتي كمان بتحبيه


ياسمين: لا انا مش بحب مراد


صفية بضحك : وانا مجبتش سيرة مراد 


ياسمين: يا تيتة بقا


________________


تاني يوم بتصحى ياسمين و بتلاقي رقم غريب باعتلها على الواتساب بتفتح المسدچ وبتلاقي محتواها"صباح الخير يا ڪل الخير♥"


ياسمين: ايدا مين دا على الصبح 


بتبعتله مسدچ وبتقول مين 


بيرد عليا "مرادڪ" 


ياسمين بتحك شعرها : مرادي؟ 


"بعدها بتستوعب انه مراد  وبتضحك" 


بيبعتلها مسدج 

"ابتسامتك حلوه اوى "


بتبص ياسمين حواليها: هو عرف منين اني ابتسمت


مراد: "متبصيش حواليكي اكيد مش معاكي في الاوضه يعني" 


ياسمين: "بقولك ايه جو الافلام ده مش بياكل معايا انت مهكر الفون ولا ايه" 


مراد: "تؤ... مهكر قلبك" 


بيعدي اسبوعين وهما بيتكلموا وبيتقابلوا عند صفية علطول 


-----------


بيرن موبايل ياسمين وبتكون ايمان 


ياسمين: يا ايمااااان الحقيني كويس انك اتصلتي


ايمان: ايه يبنتي في ايه 


ياسمين: مش بيرد عليه من امبارح 


ايمان: اوبااااا دا انتى واقعه اوي


ياسمين: ايمان بطلي رخامه بقا


ايمان: حبتيه يا موكوسه


ياسمين: اتنيلي دا انا حبيته من اول اسبوع في المترو


ايمان: طيب الراجل عمال يقولك بحبك وانتي كل مره مش بتديه رد اكيد هيطفش


ياسمين: يعني هو كده طفش


ايمان: ممكن.. جايز.. مش اكيد


ياسمين: لو كلمنى تانى هعترفله اني كمان بحبه 


ايمان: لو كلمك بقا


ياسمين: ثواني في حد بيرن 


بتبص ياسمين بتلاقيه مراد


ياسمين بفرحه : اديه كلمنى اهو يا ايمان بيرن دلوقتي


ايمان بضحك: طيب ردي اجري


مش بتستنى ياسمين رد ايمان اصلا وبتكون قفلت


مراد: وحشتيني 


ياسمين بعصبيه : وحشتك لا والله بجد... امال مش بترد عليا ليه من امبارح وسايبني قلقانه


مراد: يعني كنتي قلقانه عليا


ياسمين: احم.. لا قصدي 


بيضحك مراد


ياسمين: متضحكش


مراد: والله يا قلبي كنت في المستشفى من امبارح كنت مسحول طول اليوم عمليات ومعرفتش اكلمك 


ياسمين: يعني معرفتش ترد بمسدچ تطمني


مراد: حقك عليا انا اسف ياقلبي 


ياسمين: ايه قلبي اللى كل شويه تقولها دى كمان


مراد:ملكيش في الرومانسيه.. بقولك ايه اطلعي ف البلكونه كدا 


ياسمين: لييه 


مراد: اطلعي بس 


بتطلع ياسمين البلكونه وبتشوفه بيشاورلها


مراد: البسي وانزلي مستنيكي


ياسمين: ليه


مراد: هنخرج شويه 


ياسمين: فين 


مراد: مفاجأة تعالي بس 


بتلبس ياسمين وبتنزل 


ياسمين: على فين العزم انشاء الله 


مراد: مفاجأة 


بيركبوا وبياخدها الملاهي 


ياسمين: بتهزر صح


مراد بحزن : معجبتكيش


ياسمين بضحك: معجبنيش ايه دا هموت واجي من زمان 


مراد: يشيخه وقعتى قلبي


بتشده ياسمين من ايده وبيدخلوا بيقطعوا التذاكر وبيدخلوا بيت الرعب.. بيكون المكان ضلمه و مرعب جدا، وياسمين مش بتبطل صريخ


مراد: مادام جبانه بتدخلي ليه 


ياسمين: عشان انا غبيه 


بيظهر قدامهم مجسم مخيف و ياسمين بتصرخ وبتستخبي في حضن مراد بتتلاقى عنيهم وبيسرحوا 


مراد: مش ناوية تنزلي ولا ايه 


ياسمين: هااا


مراد: اللعبه خلصت يلا 


بتبعد عنه ياسمين بإحراج وبينزلوا


ياسمين: عايزة غزل بنات


مراد: طيب ما انا اتغزل فيكي عادي 


ياسمين: متستهبلش 


مراد: يبنتي انتي مش رومانسيه خالص 


ياسمين: كنت جوزى ولا خطيبي عشان ابقى رومانسيه معاك


مراد بيقرب منها: ابقى حبيبك وجوزك المستقبلي


بتضربه ياسمين ف رجله وبتطلع تجري 


بيقضوا اليوم مع بعض وبعدها بيعدوا على صفيه


مراد: يا صفصف


صفية: ايه يا قلب صفصف


مراد: انا طالب ايد ياسمين 


بتكون ياسمين بتشرب عصير واول ما بتسمعه بتشرق 


وبعدها الباب بيخبط بتجري ياسمين تفتح وهي بتكح وبتلاقي شاب واقف و في ايده بوكيه ورد


ياسمين: مين حضرتك 


بيبصلها بابتسامه: لسه زي ما انتي قمر يا ياسمينا 


ياسمين: نعم؟... مين حضرتك 


_انتي مش عارفاني.. بس حقك برضو دول 15 سنة


ياسمين: 15 سنه ايه انت مين 


بيبصلها بحزن: انا مراد يا ياسمين 


ياسمين بعدم فهم: م... مراد مين 


_ بيتكلم بحزن: مراد يعقوب ابو الخير.. شكلك نسيتيني


بتبصله ياسمين بصدمة 


بيجي مراد وهو بيتكلم: مين على الباب يا ياسمين 


وبيتصدم لما بيشوف اللي على الباب و..... 


#يتبع

#بقلمـ_نيرة_وائل

 #مرادي

 ‏

رأيڪم في كومنت 🤎

#اسڪريبت_مرادي🤎🖇

#البارت_التاني_والاخير

 بيجي مراد وهو بيتكلم: مين على الباب يا ياسمين 


وبيتصدم لما بيشوف اللي على الباب ولحظات من الصمت بين التلاته 


 وبعدها بيتكلم اللي على الباب: سليم انت بتعمل ايه هنا 


بتبص ياسمين لمراد اللي مش بيرد: سليم مين؟... انت بتقول ايه يجدع انت


مفيش رد من مراد


ياسمين بعصبية: يا مراد انت ساكت ليه 


_سليم انت بتعمل ايه هنا وايه اللي وصلك ب ياسمين 


ياسمين بعصبية : انت بتقول ايه مين سليم


سليم "مراد"  : ياسمين انا هفهمك كل حاجه 


ياسمين: تفهمني ايه يعني هو كلامه صح 


مراد: سليم انت منتحل شخصيتي؟ 


ياسمين بعصبيه: مين فيكم مراد ابو الخير


بيرد سليم"مراد": هو مراد ابوالخير صديق طفولتك وانا مراد العوام وشهرتي سليم... صديق مراد في امريكا اتقابلنا في الجامعه من 10 سنين 


ياسمين بصدمه : يعني ايه.. يعني انت كنت بتكدب عليا كل ده 


"بصوا يجماعه البطل زي ما هو اسمه مراد بس مش مراد ابو االخير صديق طفولتها و ليه اسم شهرة وهو سليم وهو كان منتحل شخصية صاحبه" 


مراد"سليم ": ياسمين انا هفهمك كل حاجه والله 


ياسمين زقته  بعصبية: تفهمنى ايه... انت كداب كدبت عليا فى كل حاجه.. و بعدين انت تعرف عنى كل المعلومات دى منين.. تعرف طفولتي انا ومراد ازاي


بيرد مراد" الحقيقي":  عشان انا كنت بحكيله كل تفصيلة عنك... وهو عارف اني كنت هاجي اتقدملك لما انزل مصر "بيبص لسليم بعصبية" انت كنت عارف اني بحبها.. انت استغليت كل اللى كنت بحكيهولك عشان تقرب منها صح 


سليم: انا مكنتش اعرف انو هي... انا حبيتها من قبل ما اعرف انها ياسمين اللي كنت بتحكيلي عنها


ياسمين بزعيق : اطلعوا برا انتوا الاتنين 


سليم: ياسمين انا حبيتك والله.. انا عملت كل ده عشان بحبك 


بتكون صفية واقفه بيجري عليها سليم: انتي عارفه اني بحبها فهميها 


بتضربه صفيه بالقلم: اطلع برا بيتي و اياك اشوفك بتحاول تقرب من حفيدتي تاني 


 بيطلع مراد من البيت وبيبص لياسمين كأنه بيترجاها تسامحه ، بتقفل ياسمين الباب في وشهم وسليم بيمشي


مراد: رايح فين "وبيكمل بسخريه" يا صاحبي 


بيمشي سليم ومش بيرد عليه 


_____________


بتكون ياسمين قاعدة على رجل جدتها وبتعيط


ياسمين: طلع كداب... كدب عليا عشان يكسب حبي عمل زي محمود يا تيتا 


صفية: سليم مش زي محمود يا ياسمين 


ياسمين: لا يا تيتة كلهم كدابين.. كلهم زي بعض.. هو عمل زي محمود لما كدب عليا و قال ان مراتة ميتة وطلع مطلق وعنده بنت وانا رجعت سامحته وفي الآخر خاني.. خاني وكدب عليا تاني وانا صدقته لحد ما حصل اللي حصل 


فلاش بااااك


ايمان: ياسمين محمود اتأخر اوي 


ياسمين بقلق: مش عارفه ومش بيرد على تليفوني انا خايفه يكون جراله حاجه 


موبايل ياسمين بيرن برقم غريب


ياسمين: الووو


= ازيك يا ياسمين 


ياسمين: الحمدلله.. مين معايا 


= مستنية محمود عشان تجيبوا فستان كتب الكتاب صح


ياسمين: انتي مين وعرفتي منين 


=خطيبك بيخونك في شقتك الجديده يا عروسه 


ياسمين مش بترد


=لو مش مصدقاني روحي شوفيه بنفسك و اه احب اعرفك بنفسي انا شهد طليقته 


بترمي ياسمين الموبايل وبتطلع تجري 


ايمان: ياسمين في ايه... ياسمين استنيني انتى رايحه فين 


بتطلع ايمان تجري وراها وبيركبوا تاكسي وبيروحوا على الشقه 


ايمان: ياسمين انتي جايه هنا ليه 


ياسمين: ايمان خليكي هنا وانا جايه متنزليش من العربيه لو سمحتي 


ايمان: طيب بس عرفيني انتى جايه هنا ليه 


بتسيبها ياسمين وبتمشي و بتطلع العماره لحد ما بتوصل للشقه بيكون معاها نسخه من المفتاح، بتفتح الشقه براحه وبتدخل وهي بتتمنى تكون اللى كلمتها بتكدب عليا لحد ما بتسمع صوت جاى من اوضه النوم و بيكون الباب مفتوح منه شويه وبتشوف خطيبها مع واحده في السرير 

بتحط ايديها على بوقها عشان تكتم صوت عياطها و بتجري بس بتوقع المزهريه وبتتكسر ف بتعمل صوت بيطلع محمود يجري 


محمود: مين هنا 


وبيلمح خيال ياسمين اللى بتكون مشيت بيجري محمود وراها وهو بينادي عليها  ، بتجري ياسمين على الاسانسير لكن بيكون في حد ف بتنزل على السلم ووراها محمود اللى بيمسك دراعها  


ياسمين بعصبية وعياط: ابعد ايديك القذرة دي عني 


محمود: ياسمين اهدي والله هفهمك

ياسمين: تفهمنى ايه انا شفتك وانت حاضنها ونايمين في السرير انت نازل من غير تيشرت يا محمود... تفهمنى ايه؟؟ 


بتزق ايده وهو بيشدها و بتحصل بينهم مشاجرة بتنتهى بوقوع ياسمين من على السلم 


بااااك


صفيه بتملس على شعرها وبتبطب عليها: محدش يستاهلك منهم يحبيبتي


ياسمين بعياط : ليه كل اللي بيدخلوا حياتي بيبقوا كدابين وخاينين... انا ليه حظي في الدنيا وحش كدا يا تيتا


صفيه: ربنا هيعوضك بالاحسن منهم يابنتي


ياسمين: انا معتش عايزة حد انا اكتفيت خلاص 


-------------------


عمرو"صاحب سليم ": يا سليم انت ازاي تعمل حاجه زي دي 


سليم: عشان بحبها يا عمرو كنت عايز اوصلها بأي طريقه ولما شقتي السباكه باظت فيها و جيت شقه مراد اللى كان عاطيني مفتاحها لقيتها نازله من عند جدتها فضلت ماشي وراها لحد ما عرفت انها ياسمين اللي كان بيحكيلي عليها وجدتها لما شافتنى في البلكونه فكرتني مراد وانا ساعتها استغليت الوضع عشان اقرب من ياسمين 


عمرو: انت كدا في نظرها كداب وخاين 


سليم: انا محسبتهاش كنت عايز اقرب منها بأي طريقه وخلاص 


عمرو: انت غلطان يا صاحبي بس المفروض دلوقتي تروح لمراد تصالحه وتشرحله كل حاجه و تسيب ياسمين يومين تهدى بعدين تكلمها


سليم: مش عارف اواجه مراد ازاي وخايف ياسمين تسيبني


عمرو: اياً كان اللي هيحصل بقا لازم تستحمل نتيجة غلطك 


-----------------

" بعد يومين" 


بيخبط باب شقه مراد وبيروح يفتح وبيلاقيه سليم بيقفل الباب في وشه بس سليم بيحط رجله قدام الباب عشان ميتقفلش وبيدخل


مراد: عايز ايه يا سليم 


سليم: عايز اتكلم معاك 


مراد: انسى ان كان ليك صاحب 


سليم: خليني اشرحلك اللي حصل 


مراد بيخبط ايده في الحيطة بعصبيه: تشرحلي ايه... انت استغلتني و انتحلت شخصيتي عشان تقرب من البنت اللى قولتلك انى هنزل مصر مخصوص عشان اتجوزها


سليم: يامراد اسمعني 


بيمسكه سليم من ياقه قميصه: اسمع ايه... انت واحد خاااين واناني دا انا اديتك مفتاح بيتي كنت بشاركك كل حاجه عمري ما عملت معاك حاجه وحشه ليه تعمل فيا كده ليييييه 


سليم: انا شفتها وحبيتها من قبل ما اعرف انها ياسمين 


مراد: ولما عرفت مسبتهاش ليه وبعدت


سليم: عشان حبيتها يا مراد 


بيضربه مراد بوكس في وشه وبيوقعه في الأرض 


مراد: امشي من هنا يا سليم 


سليم: مش همشي.. اضربني اعمل فيا اللى انت عايزه بس سامحنى 


مراد بيروح يقومه بعصبيه وبيضر'به و مفيش اي رد فعل من سليم وسايب مراد يضر'به ويطلع غيظه و مش بيدافع عن نفسه 


سليم: هديت كده يا صاحبي 


مراد: امشي يا سليم ومتورنيش وشك تاني  


سليم: مش ذنبي اني حبيتها... انا معترف اني غلطان بس حبي ليها عماني ومكنتش عارف اعمل ايه كان كل هدفي اقرب منها وبس... محسبتهاش يا مراد 


مراد: كان في مليون طريقه تانيه تقرب منها غير دي 


سليم: انا غبي... مكنتش عارف انا بعمل ايه كنت عايز اوصلها وبس محسبتهاش والله 


مراد بيديله ضهره : بتحبها


سليم : عشقتها والله 


بيغمض مراد عنيه بألم: روح قولها الكلام ده ويارب تسامحك يا صاحبي


سليم بياخده بالحضن: يعني انت سامحتنى


مراد: سامحتك دي محتاجه وقت شويه بس متشلش همي ورحلها 

-----------


بتطلع ياسمين من الشغل و بتركب المترو وبتلاقي وردة الكرسي اللى رايحه تركب عليه  بتبص عليها وبعدين بتلاحظ ان مراد راكب على الكرسي اللى وراها ولابس كاب بتشد الكاب من على وشه وبترميله الورده  وبتبدل مكانها مع بنت تانيه 


بعد وقت بيوقف المترو عند المحطه وبتنزل ياسمين وبيجري مراد وراها وهي مش بترضي توقف لحد ما بيحصلها وبيمسك دراعها


مراد: ياسمين ارجوكي اسمعيني 


بتزق ايده بعصبية: اسمع ايه... هتقول ايه عندك ايه تقوله اصلا... كدبه جديدة صح


مراد: انا عملت كده عشان بحبك 


ياسمين بعصبية: اللي قبلك كدب برضو عشان بيحبني وانا كنت مغفله  و سامحته ومش هكرر الغلط تاني معاك


مراد: مين اللي قبلي


ياسمين: ابعد عني يا مراد... اه صحيح اقولك يا سليم ولا يا مراد بتحب اسم ايه اكتر 


مراد: اديني فرصة اشرحلك


ياسمين: تشرح ايه... انت كدبت عليا وخونت صاحبك اللي خلاك تخون صاحبك وتستغله يخليك تعمل معايا نفس الحاجه.. انا مش عايزه اسمعك ولا اسمع كدبك اكتر من كدا ارجوك كفايه 


مراد: انا كنت هقولك والله 


ياسمين بصبية: كنت هتقولي امتى... امتى يا مراد 


بتوقف تاكسي وبتسيبه وبتمشي 


بيعدي كام يوم وبيحاول يوصلها بس مش بيعرف بقت بتطلب اوبر ومش بتروح بالمترو وغيرت كل ارقامها

------------


"بعد اسبوع "


بتكون ياسمين طالعه من الشغل وطالبه اوبر بتركب العربيه 


بيتكلم السواق: علفكرة حضرتك اتأخرتي انا بقالى ربع ساعة مستني 


بتبصله ياسمين: مراد؟ 


بتشد الكاب اللى لبسه و بتلاقيه مراد 


ياسمين: لا انت زودتها اوى علفكره 


مراد: اعملك ايه ما انتى اللى بتتهربي مني 


ياسمين بعصبية : وقف العربيه يا مراد 


مراد: ياسمين انا بحبك 


ياسمين: لو موقفتش العربيه دلوقتي هرمي نفسي 


بتيجي تفتح باب العربيه بتلاقيه مقفول


ياسمين: ايه شغل العيال ده بقا


بيشغل مراد اغاني وبيعلي الصوت 


ياسمين بتروح جمب ودنه وبتصرخ: ياااا مراااااااااااااااد


مراد: يخربيتك ايه دااااا... انا اتطرشت 


ياسمين: تستاهل 


بيقضوا طول الطريق خناق لحد ما بيوصلوا بيت صفيه 


مراد: قبل ما تنزلي عايزك تعرفي اني بحبك ومش هعرف اكمل من غيرك سامحيني عشان مليش غيرك يا ياسمينا


بتنزل من غير ما بترد عليه وبتروح لجدتها وبتحكيلها على اللي حصل 


صفيه: الواد بيحبك وجه حكالي كل حاجه.. سامحيه يا ياسمين 


ياسمين: انتى ياتيته اللى بتقولي كده.. ما انتى عارفه لما سامحت زمان حصلي ايه 


صفيه: بس دا بيحبك بجد مش زي اللي قبله 


"بعد وقت بتنزل ياسمين من عند جدتها وبتروح تقعد على المرجيحه اللي في الجنينه وبتفتكر لما مراد قالها انه بيحبها فجأة بيقطع افكارها حد بيهز المرجيحه" 


ياسمين: مراد 


بيرد: هو مراد برضو بس مش اللي اتخيلتيه


بتبصله ياسمين: انت 


"بيكون مراد ابو الخير انا عارفه ان الحوار يخبل بس معلش استحملوا افكاري😅😂🤎" 


=سامحيه يا ياسمين 


ياسمين: حتى انت يا مراد بتقول كده.. دا انت كمان اتأذيت منه


مراد: بس انا سامحته.. بعدين هو بيحبك 


ياسمين: بس كداب 


مراد: بس برضو بيحبك هو بطبعه متهور دا صاحبي وانا عارفه حبه عماه ومفكرش .. اديله فرصه تانيه 


ياسمين: خايفه 


مراد: حقك بس هو عمره ما هيخذلك.. سامحيه 


بتسكت ياسمين 


مراد: فكري كويس عشان متخسريش حد بيحبك بجد


"ياسمين مش مكبرة الموضوع ولا حاجه... هي اتجرحت قبل كدا فمن الصعب انها تثق في الناس وتسامح بسهولة... الجروح القديمه بتفضل معلمة جوانا وبتتجدد مع كل موقف مشابه ليها" 


----------


"بعد مرور اسبوع" 


"عند ياسمين "


ايمان: ياسمين هو عمل كل ده عشان بيحبك و بقاله فترة بيجري وراكي وبيترجاكي تسامحيه


ياسمين: ما محمود كان كدب عشان بيحبني برضو وفي الاخر كانت ايه النهايه 


ايمان: بس مراد مش زي محمود... مراد بيحبك بجد يا ياسمين وانتي عارفه ده كويس 


بيرن موبايل ياسمين وبتكون صفية


ياسمين: الو... ازيك يا تيتة


صفية: الحقيني يا ايمان انا تعبانه اووي 


ياسمين بخوف :مالك يا تيتة في ايه 


صفية: م.. مش عارفه ق قلبي بيوجعني تعاليلي بسرعه 


ياسمين بخوف: ح حاضر انا جايه اهو علطول 


------


بعد وقت بتكون ياسمين وصلت شقه جدتها وبتخبط كتير بس محدش بيرد 


ياسمين بعياط: يا تيتة... ياتيتة افتحى ونبي 


بتدور على المفتاح فى شنطتها مش بتلاقيه بتفتكر ان فى مفتاح تحت المشايه بتاخده وهى بتفتح الباب بخوف وبتتمنى ان جدتها تكون كويسه 


بتفتح الباب واول ما بتدخل بتتصدم لما بتشوف البيت متزين و كله بلالين 


بتدخل وهي بتنادي على جدتها بس محدش بيرد بتلاقي البلكونه مفتوحه  واول ما بتدخل بتلاقيها كلها ورد و بتشوف مراد"مراد البطل يجمااعه😅" واقف في الركن اول ما بتشوفه بتمشي بس بيمسك دراعها وبيركع على رجليه وبيطلعلها خاتم 


مراد: تقبلي تتجوزيني 


ياسمين: لا واثق من نفسك اوي.. طيب قول تقبلي تسامحيني الاول


بترد صفيه من بلكونه شقه مراد اللى على قصادهم: سامحيه يا ياسمين بقا


ياسمين بتبص بتلاقي صفيه وايمان ومراد ابوالخير واقفين في البلكونه 


ياسمين: بقا انتوا كلكوا بتغفلوني حتى انتي يا ايمان 


ايمان: معلش يا ياسمين بس صراحه الواد صعب عليا برضو سامحيه بقا 


مراد: اسمعي كلامهم سامحيني بقا 


ياسمين: يعني اسامحه يجمااعه


بيردوا كلهم: ساامحيه 


ياسمين: لا 


وبتسبيه وبتمشي بيطلع يجري وراها وبيحضنها من ضهرها


مراد: انا بحبك و محبتش غيرك وعايز اكمل حياتي معاكي... انسي كل اللي فات وخلينا نبدأ من جديد 


بتلف ياسمين وبيفكر انها هتضربه بس بيلاقيها حضنته وبتضحك 


ياسمين: موافقه


بيشيلها مراد وبيلف بيها وبيصرخ يجمااااعه قالت موافقه و كلهم بيصقفوا في البلكونه التانيه 


بينزلها وبيبص في عيونها: مش هتقوليلي برضو سحرتني ولا سحرتلي🤎


ياسمين: تااني يا مرادي 


مراد: يااا ايه 


ياسمين بابتسامة: يا مرادي♥


#تمت

#بقلمـ_نيرة_وائل

#مرادي

تعليقات

CLOSE ADS
CLOSE ADS
close