 |
الحب و الخيانه
من البارت السادس حتي العاشر
الاء_منيب
اسماء بصدمه من المنظر : حور اانت مين وعاوز ايه مننا
مجهول: بصي انا مش مجرم بس لو صوتو هيبقي مجرم دلوقتي حالاا رقبت صحبتك ف ايدي عاوزك تسكتي خالص فاهمه
اسماء بخوف : طيب انت دخلت هنا ازاي
مجهول : ايه الغباء دا دخلت من بلكونة المطبخ اكيد
اسماء : طيب سيبها واحنا مش هنعمل حاجه
مجهول بصلهم بشك وبص ع حور اللي كانت دموعها نازله بصمت
مجهول : هسيبها بس لو عملتو اي حركه هتموتو
حور واسماء : حاضر حاضر
المجهول ساب حور وحور جريت ع اسماء دخلت ف حضنها
اسماء : ينفع تقول لينا لما انت مش مجرم بتتهجم علينا ليه
مجهول : انا هحكيلك حكايتي كلها
اسماء : أحكي
حور : طيب اتفضل نقعد ف الصاله بدل واقفتنا ف المطبخ
مجهول : طيب يالا
طلعو قاعدو ف الصاله واسماء وحور بصين ليه اوي
مجهول : انتو مالكو بتبصو كدا ليه
حور : مستنينك تتكلم
مجهول : انا حازم خريج كليه حقوق كنت بدرب عند محامي كبير ومعروف ومن اسبوع وانا بشتغل ع قاضيه عشان يطلع هو يترافع عنها وانا كنت لسه تحت التدريب ومينفش اطلع اترافع انا المهم لقيت أن الراجل دا بيضر البلد ويستاهل السجن وإن الراجل اللي رافع عليه القاضيه علي حق عشان شحنة ضاره زي كدا مينفعش تدخل البلد روحت للمحامي اللي بشتغل عندو وعرضت عليه أن الراجل دا لازم يتسجن والمحامي قالي ان احنا مع اللي بيدي فلوس اكتر وأننا ملناش دعوة واني اسكت ف مقابل مبلغ كبير وڤيلا وابقي خلصت مرحله تدريبي واطلع اترافع انا طبعا رفضت دي حيات ناس ممكن تدمر المحامي هددني وقال هيدخلني السجن لو مبقتش معاهم وانا صممت ع اني ارفض و المحامي اتصل ع الباشا طبعا وهما لبسوني ف قضيه وانا دلوقتي بهرب من البوليس وعاوز اثبت برأتي والباشا بعت رجالتو تدور عليا ووصلو لمكاني
وانا كنت مستخبي ف اوضه صغيرة ع سطح العمارة اللي جمبكو وانا بهرب منهم لقيت البلكونه بتاعت المطبخ مفتوحه ونطيت فيها ع طول وانتي شوفتيني ي انسه حور واسف ع اللي عملتو بس لو كنتي صرختي كان زمانهم مسكوني ف انتي اللي خلتيني اعمل كدا وبس دي حكايتي
اسماء وحور كانو متنحين من كلامو
حازم : احم انا خلصت كلامي
حور وقد انتبهت ع حالها : طيب مهو مينفعش تقعد معانا هنا احنا بنات يعني وانا بابا لو جيه هيعمل مني بطاطس
اسماء بصت لحور وخبتطها خبطه خفيفه ف كتفها
اسماء : احم اسفه ي استاذ جازم ع كلام حور الاهبل بس هو فعلا لسه في ناس كدا
حازم : كلام انسه حور صح وايوة ي انسه اسماء في ناس كدا وكتير كمان
اسماء وحور : طيب هتعمل ايه انت دلوقتي
حازم بص للاتنين وقال : همشي بس اتاكد أنهم مشيو من المنطقه
اسماء : طيب انت هتمشي تروح فين
حازم : ارض الله واسعه
حور : طيب ماما ممكن تساعدنا ع فكرة ف موضوعك
وفاجاة الباب خبط
حور واسماء بصو للباب بتوتر
حور : هو حد شافك وانت بتنط هنا
حازم : معرفش
حور :طيب تعالا معايا اخبيك واسماء تفتح الباب
دخل حازم مع حور جوا واسماء راحت تفتح الباب
حازم : هتخبيني فين
حور : في الحمام يالا
حازم بشك : انتي هتدخلي معايا
حور : هدخل اخبيك وهقف عند الباب عشان لو دخلو يفتشو
حازم : طيب انا مش مسؤال
حور بتوتر : قصدك ايه انت لو فكرت ف حاجه اصلا انا هصوت وهخليهم يدخلو يخدكوك اصلاا
حازم بمزاح : بهزر ي اختي والله
دخلو الحمام واسماء راحت تفتح الباب
اسماء : افندم مين انت
واحد من حرس الباشا : لو سمحت في واحد احنا شوفنا وهو بينطت ف البلكونه بتاعتكو ينفع نتأكد بس
اسماء : لا مفيش حد واحنا بنتين لوحدنا ومينفعش تدخل
الحارس : انا اسف بس لازم ادخل
وزق اسماء ودخل يدور في المطبخ والشقه وجيه يفتح الحمام لقا مقفول من جوا
اسماء : ايه انت مبتفهمش م قولتلك احنا بنتين
حور من جوا الحمام : في حاجه ي اسماء
اسماء :لا ي حبيبتي مفيش حاجه
الحارس : انا اسف ع الازعاج انا همشي واسف مرة كمان
اسماء : اتفضل
مشي الحارس وطلعو حور وحازم من الحمام
حور: هيييييح متقفشناش الحمد لله
حازم : انا بجد مش عارف اشكركو ازاي
اسماء : لا عادي مفيش حاجه
حور : طيب يالا ي اسماء نتوضي عشان صلاة الجمعه هتبدا
اسماء :يالا ي حور
حازم : هو ينفع ادخل اتوضا
حور : اه طبعا ادخل انت وانا هجيب ليك لبس من عند بابا
حازم : شكرا بجد يانسه حور
اكتفت حور بابتسامه وراحت تجيب لي لبس من عند باباها
_______________________________________
عند فهد و ليل
في طريقه للجامع شاف فهد ست كبيرة ع باب الله فهد ساب اخو و والده ومشي نحيت الست دي
فهد: اتفضلي ي امي واعطا لها مبلغ من المال
فرحت الست جدا وفضلت تدعيلو
الست الكبيرة بفرح : ربنا يكرمك ي ابني يارب ويحفظك
فهد : طيب ينفع ي امي تروحي ع بيتك وتقوليلي عنوانك فين
الست الكبيرة :حاضر ي ابني عنواني (*********)
فهد : تمام ي امي روحي انتي وانا هيبقي اجي اذوريك
الست بفرح : تنور يابني
فهد : عن اذنك ي امي
مشي فهد ورجع لاخو و والده وكان والده فاخور جدا من تربيت ابنو وكملو الطريق ووصلوا الجامع
فهد وقد قام الصلاة ب الناس ف الجامع وبدأت صلاة الجمعة
__________________________
عند ياسمين واسر
اسر بيكلم ياسمين علي الفون
اسر :الو
ياسمين : ايه ي اسر
اسر : هنخرج انهاردة بليل ولا ايه
ياسمين : طبعا هي فيها كلام
والدت ياسمين : الناس برة ف الجامع بيصلو وانتو ايه كافرة مش هتقومو تصلو
اسر : اوووف هي امك مالها ع الصبح م تسبنا ف حالنا بقي
ياسمين : فكك منها المهم هستناك بليل ماشي
اسر : ماشي وابقي البسي حاجه شيك كدا
ياسمين : اسكت لسه جايبه حتت طقم ايه يجنن
اسر : خلاص هشوفو بليل ي جامد يالا سلام
ياسمين : سلام
_________________________________
في بيت حور بعد م خلصو صلاه
حور يالا ي اسماء بقي ننزل نروح لماما وبعد كدا ننزل نجيب لبس
اسماء : طيب بس حازم ازاي اكيد واقفين لسه بيرقبو المكان تحت
حور : اممم طيب هنعمل ايه
حازم : انا عندي حل
__________________
عند فهد وليل
بعد م خلصو الصلاه
ليل : لا دا انت ابدعت انهاردة ي فهد صوتك كان جامد
فهد : شكرا ايه رايك ي حج
الحج حسني : انا فاخور بيكو انتو الاتنين جداا انتو عملي الصالح ي ولاد
فهد وليل : ربنا يحفظك لينا يارب
وهما ف طرقهم شافو بنت جايه بتجري واستخبت ورا فهد ومسكت ف ضهرو
البنت لفهد : الحقني ارجوك هيقتلني
ليل وفهد للبنت : هو مين اللي هيقتلك
البنت : جوز امي
جوز امها وهو بيجري وراها وليل وقف ف وشو هو فهد
الراجل : وسع كدا انا البت بنت الكل* دي تبقي بنتي
البنت بخوف : كداب دا عاوز يقتلني والله
فهد للراجل : مفيش بنات وانت عاوز منها ايه
الراجل : بتتحامي ف الغريب ي بنت ال***
البنت بعياط : سبني ف حالي بقي ونبي
الراجل : تعالي ي حراميه هنا وحاول يشدها من ورا فهد
فهد وزق الراجل : ابعد عنها احسلك
الحج حسني : اقسم بالله انت لو ممشتش من هنا لهخدك ع القسم عدل
خاف الراجل من كلام الحج حسني ومشي
الحج حسني للبنت : تعالي هنا ي بنتي انتي اسمك ايه
البنت: اسمي نور
الحج حسني : طب تعالي ي نور البيت عندنا
نور : لا انا همشي
الحج حسني : تعالي ي بنتي متخافيش
نور وقد حست بالطمأنينة : حاضر ي عمو
وخدوها وروحو البيت وصلو البيت وهما دخلين اول م دخلو كوثر شافتهم وبصت للبنت ووقعت ف الأرض من الصدمه
ليل وفهد : ماماا............
يتبع ..............
الاء منيب
#الحب_الخيانه
البارت السابع
الحج حسني وفهد وليل وصلو البيت ومعاهم نور واول م دخلو كوثر شافتهم وبصت للبنت ووقعت في الأرض مغمي عليها
الحج حسني بخضه كبيرة:كوثر مالك وجري راح عليها
فهد وليل بخضه وخوف ع امهم :ماما مالك وجري عليها هما كمان و نور اتصدمت أن كوثر تبقي ام فهد وليل
نور وقد وقفت ف مكانها من الصدمه : طنط ك كوثر وقعدت تعيط والكل بص لنور بعدم فهم وميعرفوش ليه امهم وصلت الحاله دي لمي شافت نور
الحج حسني :انتو بتتفرجو ع ايه وهاتو الدكتورة بسرعه
فهد وليل انتبهوا من كلام والدهم وفاقو من الشرود اللي كانو في
فهد : انا هطلب الدكتورة بسرعه
ليل: وسع ي بابا انا هشيل ماما
الحج حسني بغيرة : لا انا اللي هشيلها ومحدش يشلها غير طول م انا عايش
رغم تقدم سن الحج حسني اللي انهو موتيم ويعشق كوثر ويغار عليها حتي من أولاده ومازالت كوثر رغم كبر سنها إلا أنها معشوقته وطفلته
بعد م الحج حسني شال كوثر ودخلها اوضتها وفهد بلغهم انو اتصل بالدكتورة وهي جايه ف الطريق
الحج حسني بحزن ع كوثر فضل جمبها لحد م الدكتورة تيجي
ليل بعصبيه وراح لنور
ليل : ينفع تقوليلي انتو تعرفو بعض منين وايه اللي وصل امي للحاله دي
بزعيق :بقولك قولي انطقي ساكته ليه
فهد سمع صوت اخو بيزعق جري ع مصدر الصوت وشافهم واقفين وليل ماسك نور من ايديها بيزعق فيها بعصبيه شديدة ونور عمالا تعيط لهستريا
فهد :اي ي عم انت حمار انت بتعمل ايه مش شايف حالتها هي كمان عملا ازاي استني لمي ماما تفوق وهي تحكلنا
ليل : وانا لسه مستني ماما تفوق انا عاوز اعرف دلوقتي
فهد بعصبيه:اصبر هي مش هتعرف تتكلم وهي ف الحاله دي
جرس الباب رن وكانت الدكتورة
______________________________
في بيت حور
حازم : انا عندي فكرة حلوة
اسماء وحور : طيب قول ساكت ليه
حازم : انتي تجبيلي عبايه من عند باباكي وتفكي الانبوبه بتاعت البوتجاز وانا البس واعمل اني بتاع أنابيب
اسماء : ي سلام وافرض بقي شافو وشك
حور :لا دي حلها عندي انا عندي مكياچ وهعرف اغير شكلك شويه
حازم: خلاص اتفقنا
حور : بس في مشكله
حازم و اسماء : ايه هي
حور : احنا غاز طبيعي مش أنابيب
حازم :اممم مشكله
اسماء : لا دي حالها عندي
حور :قولي ي فالحه
اسماء : احنا نشوف بتاع الانابيب اللي بيعدو تحت ونادي ع واحد منهم وهو يطلع بانبوبه مشيل منها البتاعه الصفرة اللي فوق دي وحازم ينزل بيها وبعد م يطلع من المنطقه نخالي الراجل ينزل ونادي الراجل فلوس عشان يسكت ايه رايكو
حور : تصدقي فكرة حلوة اووي لا عجبتني ي بت
حازم : ع خيرت الله يالا نجهز وتغيري شكلي زي م بتقولي
حور بحماس : يالاا
اسماء : استر يارب
حور بزعل مصطنع : اخس عليكي ي سما هزعل انا كدا
اسماء : لا متزعليش ي روحي يالا ابداي
حور :اشطااات
_______________________________
عند فهد وليل
الدكتورة كشفت ع مامتهم وطلعت طمنتهم أنها اتغرضت لصدمه بسيطه وشويه وهتفوق وان الحج حسني قاعد جنبها مش راضي يسبها
ليل وفهد : هديو شويه بعد م اطمنو ع مامتهم لكن نور فضلت تعيط ودا خالي ليل و فهد يشكو اكتر
فهد بهدوء : هو أنا ينفع اعرف انتي بتعيطي ليه
نور بعياط : لمي طنط كوثر تفوق هتقولكو وانا همشي
ليل بعطبيه : تمشي ليه اكيد ف حاجه انتي عملتيها ف امي عشان كدا وصلت للحاله
نور بعياط : انا معملتش حاجه والله والله م عملت حاجه
فهد : خلاص ي ليل اسكت ماما هتفوق وتحكلنا هيا
ليل :ماشي بس لو طلعت عملا فيها حاجه وربنا م هسيبها ف حالها وهحطها ف السجن
فهد : اللي تشوفو ي ليل
نور : والله م عملت حاجه
فهد بهدوء : اهدي متزعليش منو هو احنا بس خايفين ع امنا وبعدين ليل ظابط يعني اي حاجه بتتعمل بيفضل يقول هحطك ف السجن ف متقلقيش
نور بعياط وقد اكتفت بهز رأسها وصمتت
__________________________
عند حور
خلصت حور مكياچ لحازم وقالت لاسماء تدخل تشوفو وتقول رأيها
اسماء بصدمه :يخرب عقلك انتي غيرتي شكلو ازاي كدا
حازم بصدمه هو الآخر : انا مش عارف نفسي تسلم ايدك ي شيخه
حور بغرور مصطنع : دي اقل حاجه عندي اصلااا
اسماء : لا عاااش صحيح انا لقيت واحد بتاع أنابيب ونديت عليه واتفقت معا كمان وهو قاعد برة بقالو نص ساعه
حور : طيب يالا بينا
حازم : انا هنزل انا بالانبوبه وانتو كمان نص ساعه هتلقوني واقف ف اول الشارع ماشي
حور واسماء : ماشي
طلع حازم لبتاع الأنابيب وخد الانبوبه ونزل وهو نازل واحد من حوراس الباشا وقفو
الحارس : انت كنت ف الدور الكلم
حازم وبعد م حاول يغير صوتو : كنت ف الدور الخامس ي بيه في حاجه
الحارس الشقه اللي كنت فيها كان فيها بنتين بس ولا كان معاهم راجل
حازم : لا ي بيه كانو بنتين بس لوحدهم
الحارس : طب امشي يالا
حازم : ماشي ي بيه
نزل حازم وركب عربيه الأنابيب وطلعو برة المنطقه ونزل حازم ف اول الشارع يستني البنات
_____________________
نرجع لبيت فهد وليل
كوثر بدأت تفوق واول م فاقت فضلت تنده ع نور
نور اول م سمعت صوت كوثر جريت وطلعت الاوضه شافت كوثر وهي قاعده ع السرير جريت ع حضنها وقعدت تعيط اووي والكل مش فاهم ايه اللي بيحصل
كوثر بعد م نور هديت شويه وهي ف حضنها بصت ل حسني وقالت دي نور ي حسني بنت حنان جارتنا ايام م انت كنت مسافر
حسني بصدمه : كبرتي ي نور والله مش مصدق اني شايفك وقام خدها بالحضن هو كمان
فهد وليل : طيب احنا مش فاهمين حاجه ممكن تفهمونا المسلسل الهندي دا ع الأقل نشاركو يعني
كوثر بصت ليل: مش فاكر نور ي كوثر دا انتو كنتو ناقر ونقير وانتو صغيرين وكنت بتغير عليها لمي تلعب مع فهد
ليل بصدمه : لا مفيش الكلام دا انا مش فاكر حاجه زي دي
فهد : أيوة ي عم لعبت معاك يالاااا
ليل بعصبيه : بس ي حيوان
فهد : احم انا امشي احسن
مشي فهد دخلت اوضتو كان حمزة صحبو عمال يرن ع الفون
فهد : الوو
حمزة : انت مبتردش ليه ي عم انت قلقتني عليك
فهد : خلاص ي عمهم مفيش حاجه كلو تمام الله
حمزة : طيب ي اخويا بقولك ايه احنا هنخرج بليل معانا ف الخروجه دي
فهد : اشطا ماشي معاكو
حمزة : طب سلام واشوفك بليل
فهد : خلاص ماشي سلام يسطاا
_______________________
عند حور
بعد نص ساعه نزلت حور واسماء الحراس شافوهم وهما نزلين وتاكدو أن محدش عندهم فعلا ومشيو
حازم شاف حور و اسماء جايين وتأكد أن محدش ماشي وراهم ووقف تاكسي وركبوا وطلعو ع بيت مامتهم
عند مامت حور وتدعي زينب
زينب : حور حبيبتي وحشتني خالص انا عارفه اني مقصرة معاكي ي روحي انا اسفه
حور والحزن بأن عيونها : عادي ولا يهمك انتي عاملا ايه ايه
زينب: أما الحمد لله ي روحي اذيك ي اسماء عملا ايه
اسماء :الحمد لله ي طنط اخبارك انتي ايه
زينب : بخير ي حبيتي مش تعرفوني مين دا ي بنات
حور : دا حازم ي ماما وهو هيحكيلك قصتو وجايين ليكي تشوفلنا حل
زينب : طيب اتفضل ي حازم احكي
حازم حكي لها كل حاجه وقال انو جاي ليها تساعدو يستخبي ف مكان لحد م يعرف يثبت براتو ويثبت أن الراجل التاني عاوز يضر البلد
زينب : طيب انا هوديك بيت اهلي القديم البيت دا محدش ساكن في ولا حد يعرف ان البيت دا موجود اصلا
حازم : تمام وشكرا جدا ليكي
زينب : لا مفيش شكر بينا
حور : طيب احنا هننزل انا واسماء نجيب حاجات باي
زينب : طيب محتاجه فلوس
حور : لا ي ماما معايا
زينب : لا استني خدي دول يمكن تحتاجي فلوس اهم معاكي
حور : خلاص ي ماما اللي تشوفي يالا ي اسماء
اسماء: يالا يعد اذنكو سلام ي طنط
زينب : سلام ي حبيبتي وخالي بالكو من نفسكو
حور واسماء : حاضر
ونزل حور واسماء يجيبو لبس
___________________________
عند فهد بعد م اليل دخل واستاذن من والدو انو هينزل يخرج من صحابو ووالدو وافق
راح فهد وقابل حمزة وبقيت صحابو وتقفو هيروحي يقعدوا ع الكورنيش
وكانت حور واسماء ماشين من قدام الكورنيش وفاجاه حور جريت مرة واحده شدت انتباه الكل من الصدمه اللي حصلت بعد كدا
اسماء بصدمه : حووور ...........
يتبع .........
الاء منيب
الحب و الخيانه
البارت الثامن
#الاء_منيب
حور واسماء كانو ماشين ع الكورنيش وفاجاه حور جريت كان في طفل صغير وسط العربيات وعربيه كبيرة كانت هتخبطو وحور جريت تنقذو اسماء شافت حور بتجري نحيت العربيه صرخت باسمها
اسماء : حووووور
فهد وصحابو بصو لمصدر الصوت وفهد جري عشان يلحق حور والطفل فهد شد حور والطفل وحور بقت ف حضنو وتلاقت العيون حور بتركيز في عيوني البني الجميله وفهد مركز ف عيونها اللي سحرتو ونسيو أن هما وسط عربيات وسرحو هما الاتنين
اسماء جريت ع حور وشدتها من حضن فهد وحضنتها وفضلت تشكر ربنا أن حور بخير ومحصلش حاجه سابت حور وقالت
اسماء : شكرا بجد لحضرتك لولاك مكنتش اعرف ايه اللي كان ممكن يحصل ليها
فهد : حصل خير والحمد لله اني قدرت انقذهم
حور بخجل : شكرا بجد ليك
فهد بجده وحاول يخفي إعجابه : لا شكر ولا حاجه أنا معملتش حاجه
حور وقد انتبهت للطفل : حبيبي انت كنت بتعيط وماشي وسط العربيات ليه مش خايف لو كان حصلك حاجه مامتك كانت هتعمل ايه
الطفل بعياط : ماما سابتني ومشيت وقبل م تمشي قالت اني شكلي وحش عشان كدا سبتني
حور وفهد واسماء بصدمه من كلام الطفل وزعلو عليه جدا
حور : حبيبي هي بتكدب عليك انت قمر كفايه عيونك الخضرا انت قمر ي حبيبي والله
الطفل بعياط اكتر : لا انا وحش محدش بيلعب معايا وماما قالتلي أن بابا اول م شافني وانا وحش مات وسابنا واني وشي وحش خالص عشان كدا محدش بيحبني
حور بعياط من كلام الطفل : حبيبي انت قمر اووي والله هما اللي بيغيرو منك
حور : وبعدين انت عينك خضره وجميله وايه يعني لما تكون اسمر شويه علي فكرة السمرا نص الجمال يعني قمرين وشعرك اسود وجميل طب اقولك ع سر خطير
الطفل وقد توقف عن البكاء وانتبه لحديثها: قولي ومش هقول لحد
حور : شايف القمر اللي ف السما دا حلو ازاي
الطفل : أيوة شايفو وشكلو جميل اووي
حور : اهو القمر دا لما تقرب منو شكلو مش حلو ومش دا شكلو الحقيقي
الطفل بذهول : ازاي
حور :عادي زي الناس يعني رغم انو مش هو اللي عامل النور دا لكن انت شيفو جميل ومنور لكن هو بيعكس نور الشمس ف عشان كدا احنا شيفينو حلو
الطفل : يعني القمر شكلو وحش
حور : القمر بيعكس النور عشان احنا نشوف ف احنا بنشوف شكلو حلو يعني مش شرط شكلك يكون حلو عشان الناس تحبك المهم انت من جوا تكون حلو وكدا الناس هتحبك ومش هتبص للشكل وحاجه كمان ي صغنن انت حب نفسك عشان نفسك وملكش دعوة بالناس اللي تقول انك وحش عشان انت حلو وجميل خالص وهما اللي غيرانين منك اصلاا
الطفل : يعني انتي شيفاني حلو ومش هتسبيني
حور : لا مش هسيبك خالص مالص
الطفل : وعد
حور بدموع : وعد بس هو انت اسمك ايه
الطفل بفرحه : اسمي يوسف
حور : اسمك جميل اوووي اوووي ي يوسف
كل الحوار دا فهد متبعو بصمت واعجابو بيها ذاد جدا
قامت حور ومسكت ايد يوسف وقالت لاسماء يالا نمشي
فهد وقد تدخل
فهد : هو انتي ي انسه هتخدي يوسف معاكي.
حور : اكيد في مانع
فهد : لا يعني لو ينفع اخدو انا يفضل معايا
حور : لا شكرا لحضرتك يوسف هيفضل معايا أنا
يوسف : طيب م أفضل معاكو انتو الاتنين واعيش معاكو
حور بخجل : مينفعش ي يوسف انا و الاستاذ دا منعرفش بعض
فهد : اسمي فهد
حور : تشرفت ي استاذ فهد عن اذنك ومشيت هي واسماء ويوسف
بعد م مشيو فهد فضل واقف ومركز عليها وهي مشيا وسرح فيها وتذكر عينيها و افتكرها وهي ف حضنو
حمزة : لا اله الا الله مالو دا وفضل يحرك يدو قدام عين فهد لكن فهد كان ف عالم تاني
بعد م حور واسماء مشيو
اسماء : حور
حور:...........
اسماء: حور
حور: .............
اسماء : حوووووور وراحت خبطاها ع رأسها
حور وقد فاقت من سرحانها
حور بخضه : ايه ايه ف ايه عملنا حادثه
اسماء بضحك : لا مفيش أصل شوفت واحده سرحانه
سرحانه ف ايه ي حور
حور : مش سرحانه ف حاجه أنا بس بفكر ف يوسف وعاوزة اشوف ردت فعلو لمي يشوفو
اسماء : اهاااا يعني مش استاذ فهد
حور : ابقي هبله لو فكرت في حتي ولا ف اسمو انا عمري م ابقي غبيه واكسر قلبي مرتين
اسماء : حبيبتي صوابعك مش زي بعضها
حور بغضب : اسماء قفلي ع الموضوع دا ومينفعش يتفتح تاني خالص اصلااا تمام
اسماء بزعل : اللي تشوفي ي حور
حور : اسماء انا اسفه مكنش قصدي
اسماء : عادي ولا يهمك وصلنا المحل يالا ندخل نشوف لبس
___________________________
في بيت ياسمين
والدت ياسمين : قولتلك مش هتنزلي بالقرف اللي انتي لبسا دا
ياسمين : ماما لو سمحت اسر زمانو جاي وعارف اني هلبس كدا ف عن اذنك بقي
والدت ياسمين : بقولك ايه مفيش نزول باللبس دا دا بتوع البنات الصيع
ياسمين : وانا بقي عاجبني اللبس دا وهنزل بي وبعدين انا هخرج مع خطيبي
والدت ياسمين بتعب : خلاص روحي ف داهيه لما نشوف الخروف بتاعك دا هيعمل ايه لما يشوفك كدا
ياسمين : طيب سلام بقي لما انزل استنا عشان زمانو جاي
نزلت ياسمين تحت عند بوابات العمارة تستنا اسر
اسر بعد م وصل
اسر بتصفيرة اعجاب : ايه الحلاوة دي والجمداان دا هو في كدا
ياسمين بغرور : اقل حاجه ي روحي
اسر : شكل السهر هتبقي عنب انهاردة
ياسمين : هدلعك اخر دلع وضحكت ضحكه مايصه
ومشي اسر بالعربيه
_______________________________
عند حور
حور وقد خرجت من البروفا وهي لابسا لبس واسع ولبسا الحجاب
حور : ايه رايك ي اسماء
اسماء بنبهار : ماشاء الله تبارك الله ايه الجمال دا بجد تحفه اووي اووي فيكي ي روحي
حور بدموع : كنتي فين ي اسماء من زمان ثم التفتت ليوسف ايه رايك ي چوو
يوسف : شكلك حلو اوووي وحبيت اسم چوو اوي ابقي قولي ليا ع طول
حور : اشطا ماشي ي چور ثم التفتت لاسماء مرة أخري اسماء انا شكلي حلو اووي أما هروح كدا وكمان جبت هدوم كتير تعالي نحاسب
اسماء بفضول : طيب عاوزة اشوف الباقي
حور : تؤ مفاجاه
اسماء : خلاص ماشي
راحت حور واسماء ويوسف معاهم حاسبو وطلعو من المحل وفاجاه حور وقفت قدام محل كاچول اطفال وقالت
حور : يالا ي اسماء ندخل نشوف لبس لاستاذ يوسف
يوسف بفرح : بجد هتجيبي ليا انا لبس
حور :أيوة ومجبش ليه
يوسف : طيب ينفع اطلب طلب
حور وقد نزلت لمستوا : اطلب اللي انت عاوزو
يوسف : عاوز اروح لتيته ام بابا
حور : طيب هي تيته قاعده فين
يوسف : لمي كانت بتيجي تشوفني كانت بتقولي أنها ساكنه ف شارع اسمو( *******)
حور بفرحه ؛ طيب دا احنا قريبين منو خالص ندخل دلوقتي نشتري ليك لبس وبعدين نروح ل جدتك ماشي
يوسف بفرحه : ماشي حور انا بحبك اووي
حور : وانا بحبك اووي اووي ي چوو
دخلو حور واسماء ويوسف المحل وحور واسماء اختاروا كذا طقم ليوسف وحبهم اووي
________________________
عند فهد واصحابو
فهد بسرحان : يترا هشوفها تاني
حمزة: ع فكرة أنا عارف عنوان بيتها
فهد : بتتكلم جد هو فين
حمزة : لا اله الا الله مالك مدلوق كدا ليه اثبت كداا انت فهد اللي بنات الجامعه كلمهم نفسهم بس انك تتكلم معاهم
فهد : مش عارف خطفت قلبي وسحرتني مرة واحده عينيها فيها حاجه غريبه تشد الواحد ليها مع رغم أنها قصيرة وازعه لكن قمر اووي
*"""""""""""""""""""*
استووووب نوصف بقي حور
حور : حور بنت جميله اووي مش بيضه لكن خمريه عينها بني وشعرها اسود وطول وهي قصيرة ودمها خفيف وتتحب اول م تشوفها
___________________________
عند حور بعد م خلصو ومشيو وراحو يودو يوسف بيت جدتو
دخلو الشارع وسألوه ع بيت جدت يوسف وفي واحد وصلهم قدام البيت
يوسف بفرحه : هيه هيه هشوف نيته اخيررر وحشتني اووي
حور : طيب يالا عشان ندخل نشوفها
اسماء : عارف ي يوسف انا متحمسه اووي اشوف تيته
يوسف :تيته هتحبك اوووي اصلا انا متاكد
اسماء : طب يالا ندخلو
حور واسماء خبطو ع بابا البيت وفتحت ليهم ست كبيرة ف السن بابتسامه صافيه ع وشها وفرحت اكتر اول م شافت حفيدها
الجدة : حبيب قلب نيته وحشتني اووي وبصت لحور واسماء وقالت ليهم اتفضلو
دخلت حور و اسماء البيت :كان عبارة عن بيت صغير مليان بهجه وفرح ودفا والجده كانت حنينه اووي معاهم وهو دا اللي البنتين مفتقدنهم الحنيه ف الاتنين اتحرمو منها فعلا
دخلو البنتين وقعدو ع كنبه صغيرة ف الصاله والجده ابتسمت ليهم ابتسامه صافيه
قعدت حور وحكت للجده كل حاجه حصلت والجده تأثرت اووي وزعلت ع حفيدها من اللي عملتو في أمو
وشكرت البنات جدا ع اللي عملوا مع حفيدهم ومشيو البنات لكن قبل م يمشو الجده صممت أنهم يجو عندها تاني ف اي وقت وحور وعدتها أنها هتيجي تاني هي واسماء
مشيت حور واسماء وروحو كل واحدة ع بيتها
حور اول م فتحت الباب اتصدمت
حور بصدمه :...........
يتبع ...............
الاء منيب
الحب و الخيانه
البارت التاسع
#الاء_منيب
حور بصدمه :بابا مالك وجريت ع باباها اللي كان واقع ف الأرض وكان باين عليه التعب الشديد دخلت المطبخ بسرعه جابت مايه وراحت تفوق باباها اول م فاق وشاف حور قالها
والدها بتعب : كنتي فين ي بنتي جيت ملقتكيش ف البيت وقلقت عليكي اووي
حور : هقولك كنت فين ي بابا والله بس قوم ادخلك اوضتك واطلب الدكتور
والدها : حاضر ي حور
ساعدت حور باباها ودخلتو الاوضه بتاعتو واتصلت بالدكتور يجي يكشف عليه ويطمنها وبعد نص ساعه الدكتور وصل وحور فتحت لي الباب ووصلتو لاوضيت باباها وبدأ الدكتور يكشف ع والدها
__________________________________
عند فهد
بعد م وصل البيت واتلغبط ودخل اوضيت ليل
فهد ف نفسو : عينها سحرتني اوووي ومبقتش عارف اشوف غيرها
ليل : ي ابني ي ابني دي اوضتي انت بتعمل ايه هنا
فهد فاق من سرحانو : اي ي عم حد يزعق كدا ايه دا
ليل : لا ونبي انت اللي مكنتش معايا خالص
فهد : اطلع برة
ليل : انت ف اوضتي ي حيوان اطلع انت برة
فهد : ايه دا بجد خلاص خلاص متزعق هطلع برة
ليل : اقفل الباب وراك ياااض
فهد طلع وساب الباب مفتوح وقبل م يطلع طلع لسانه ل ليل
ليل بتعصب : خد ي حيوان هنا
وطلع يجري ورا ف البيت وهب خبط ف نور
ليل : انتي هبله ازاي تقفي قصادي كدا
نور : انت اللي هبل وانت اللي جيت جري وخبطت فيا وانا واقفه
ليل بتعصب شديد : انت بتشتمني وبتعالي صوتك عليا ي بت انتي
نور بشجاعه : أيوة عشان انت اللي غلطان مش انا
ليل بصوت عالي هز البيت : انتي ازاي تتكلمي معايا كدا انتي نسيتي نفسك
......:مين اللي نسيت نفسها ي ليل انت فاكر لمي تعلي صوتك عليها وانت اللي غلطان احنا هنسكت وازاي تعلي صوتك عليها انت اتجننت
ليل بديق : ي حج والله ما كان قصدي هي اللي خبطت فيا وانا ماشي ورا فهد
نور : انت كداب والله ي عمو هو اللي خبط فيا وانا مكلمتوش ولو كان قال انا اسف كنت هسكت
ليل : وانا بقي ملقتش اللي انتي واعتزر لها
الحج حسني : احترم نفسك ي ليل وانت ي فهد قول اللي شوفتو
فهد بجديه : ي حج ليل كان بيجري ورايا عادي وفجأة خبط ف نور وانا شايف ان ليل هو اللي غلطان وكان اعتزر احسن
الحج حسني : اعتزر لنور ي ليل
ليل بصدمه : انت بتقول ايه ي حج انا اعتزر لها
الحج حسني : انا مش هكرر كلامي مرتين اعتزر حالا
ليل بجز ع أسنانه : اسف ي نور
نور : عادي ولا يهمك محصلش حاجه وكان احسن لو كنت اعتزرت من الاول
ليل بنفخ : طيب
وبص لفهد بصت توعد
فهد : طب ي جماعه تصبحو علي خير عاوزين حاجه
الحج حسني : استني ي فهد انا عاوزك انت ليل
ليل وفهد بصوت لبعض باستغراب وراحو ورا والدهم
في اوضه المكتب
الحج حسني: انتو كبرتو دلوقتي ولازم تتحملو المسؤوليه
ليل باستغراب : وايه لازمته الكلام دا ي حج
الحج حسني : يعني انك هتتجوز نور ي ليل
ليل : انت بتقول ايه ي حج دي لو اخر واحده استحاله اتجوزها ولا احبها حتي
الحج حسني هتكسر كلامي ي ليل
ليل : لا ي حج بس انا مبحبهاش
فهد ادخل
فهد : طيب انا مالي ي حج ليل وهو اللي هيتجوز انا بقي عاوزني ليه
الحج حسني : ما انت كمان هتخطب بنت عمك
______________________________________
في بيت حور
الدكتور طلع من عند والدها وبلغها ان ولدها مريض بمرض القلب
حور بصدمه وحزن: طيب ي دكتور اعمل ايه
الدكتور : انا هكتبلك ع ادويه ياخدها بانتظام ف وقتها
حور بحزن : تمام ي دكتور
الدكتور : لو تعب ف اي وقت رني عليا
حور : شكرا لحضرتك
ووصلت الدكتور لحد الباب ودخلت لباباها الاوضه بتعتو
حور : ايه ي حج خضتني عليك الله م انت مفيش فيك حاجه اهو وحلو
والد حور بتعب : تعالي ي حور عاوزك ف موضوع مهم
حور بجديه : اتفضل ي حج قول عاوزني ف ايه
والد حور : انا عارف اني مريض بالقلب واني ممكن ف اي لحظه اموت
حور بدموع : بابا ارجوك متقولش كدا ربنا يحفظك ليا طول العمر
والد حور : انا عارف اني زعلتك كتير وكنت بعاملك وحش وبأسي عليكي وكمان اهملتك بس مكنتش واخد بالي اني بظلمك كدا ي حور كنت فاكر اني لما اشتغل واديكي فلوس كتير انتي بتبقي فرحانه ومتحسيش انك ناقصه حاجه
حور : ياريتك ي بابا مكنتش ادتني فلوس وكنت قعدت معايا انت واخدت بالك مني
والد حور : عشان كدا عاوز ابقي سرك ي بنتي وسامحيني ي حور ف اهمالي فيكي ولو عاوزة تسبيني وتروحي تعيشي مع مامتك انا موافق واكمل بحزن اللي ريحك ي حور اعملي
حور بدموع : انا مقدرش اسيبك ي بابا وعارفه انك اكيد مكنش قصدك تعاملني كدا
والد حور : غصب عني ي بنتي واسف
حور : انا مش زعلانه منك ي بابا
"حقيقي لو كل أب حاول يقعد مع بنتو لو نص ساعه ف اليوم يتكلمو ويصاحبها ويبقي سرها مفيش بنت هتفكر تدور ع الاهتمام من حد تاني البنات مبيغلطوش ولا بيكلمو كدا هما بس بيشوفو الاهتمام من حد ف بيحبو دا وممكن من أجل الاهتمام تعمل ايه حاجه صاحبو بناتكو واهتمو بيهم اخرجوا سوا وقت فراغك اتكلم معاها ف حاجه هي عملتها ف يومها واهم حاجه اجبرو بخاطرهم جبر الخواطر دا صعب اووي "
والد حور : تيجي نفتح صفحه جديده واحاول اصلح علاقتي معاكي وابقي الصاحب ليكي
حور بفرحه : بجد ي بابا انا موافقه
والد حور : طيب انا عاوزك ف موضوع تاني مهم
____________________________
في بيت اسماء
مرات عمها : اهلا بالست هانم اللي ملهاش كبير
اسماء : عاوزة ايه ي مرات عمي
مرات عمها : اتكلمي عدل احسلك ولا وحشك الضرب ي بت
اسماء : هو في ايه انا اتكلمت
مرات عمها :انتي بيتا بره البيت خشي ي اختي اغسلي المواعين ونضفي الشقه
اسماء : طب م بنتك عندك معملتهمش هي ليه
مرات عمها : خشي اعملي من سكات واللي هنزل فيكي ضرب
اسماء :حاضر ي مرات عمي
بعد م خلصت شغل البيت عمها قال ليها انو عاوزها ف موضوع
عمها : تعالي ي اسماء عاوزك ف موضوع مهم
اسماء : حاضر ي عمي
عمها ويدعي السيد : سيبي اللي ف ايدك وتعالي ي اسماء
اسماء : نعم ي عمي حضرتك عاوزني ف ايه
السيد : بصي ي اسماء انتي كبرتي ومصاريفك زادت ي بنتي وانا عندي عيال برضو ومحتاجين مصاريف
اسماء بحزن : كمل ي عمي
السيد : خالتك كلمتني انهاردة وهتيجي تشوفك بكرة عشان بتقول عندها خبر ليكي حلو واتمني انو يكون عريس
اسماء : ماشي ي عمي لو عريس هوافق عشان متقلش عليك اكتر من كدا
السيد بتمثيل : والله ي بنتي انتي عارفه انا معزش عنك حاجه وانتي اغلي حاجه عندي عارفه ولا لا
اسماء بسخريه : عارفه ي عمي تصبح خير
____________________________________
عند ياسمين
ياسمين روحت البيت ودخلت في حاله صدمه
والده ياسمين : بضربها بالقلم انتي ...........
يتبع ..
#الاء_منيب
الحب و الخيانه
البارت العاشر
والدة ياسمين : ضربتها بالقلم مرة واحدة
ياسمين بصدمه : ماما انتي بتضربيني ليه
والدة ياسمين بزعيق : انتي راجعه وش الفجر وريحتك معفنه ومش عاوزة تضربي دا انا هحبسك كمان
ياسمين بغضب : انا دلوقتي كبرت ومسؤاله عن حياتي وبعدين انا مكنتش لوحدي كان معايا اسر خطيبي
والدة ياسمين : والله م حد مضيعك اللي سي زفت اسر اعملي حسابك ان ابوكي جايلك بكرة وهيشوف حسابو معاكي انا مليش دعوه بيكي فاهمه ومن هنا لحد م يجي مش هتخرجي من البيت فاهمه
ياسمين بعصبيه :فاهمه
____________________________________
عند فهد
فهد : ازاي ي بابا عاوز تجوزني بنت عمي دي بالنسبالي اختي
الحج حسني : انا مقولتش جواز انا قولت خطوبه وانت هتتعرف عليها الفترة دي
فهد : بس لو انا محبتهاش
الحج حسني : لو هي عاوزة تنفصل عندك تنفصل
فهد بصدمه : طيب لو انا اللي عاوز
الحج حسني :لا انت عاوز تصغرني قدام اخويا وتكسفني معا
فهد بديق :ي حج انا مبحبهاش وكمان بقالي 4 سنين مشوفتهاش خالص
الحج حسني : هتيجي كمان اسبوعين تقعد معانا هنا في البيت شويه
فهد : حاضر ي حج اللي تشوفو ينفع اطلع اوضتي
الحج حسني : اطلعو انتو الاتنينوكلامي هو اللي هيمشي ي ليل انت و فهد
ليل بديق : اللي تشوفو ي حج
____________________________
عند حور
حور : خير ي بابا موضوع ايه
والد حور : بصي ي بنتي انا مضمنش انا هعيش قد ايه
حور بدموع : بابا بالله م تقول كدا
والد حور : اسمعيني ي بنتي انا لو حصلي حاجه قبل م انتي تتجوزي يبقي بعد م اتجوز عمك هيجوزك ابنو واهو دول أهلك ي بنتي
حور : بس ي بابا انت عارف اني مبحبش ابن عمي وبعدين العيله كلها عارفه انو بتاع بنات واخلاقو يعني مش كويسه
والد حور : ي بنتي الشاب بيبقي حاجه قبل الجواز وحاجه تانيه بعد الجواز
حور بحزن: ربنا يقدم اللي في الخير ي بابا
والد حور : مش عاوزك تزعلي مني ي بنتي
حور : ربنا يديمك ف حياتي ي بابا ويحفظك ليا طول العمر
والد حور : يارب ي حبيبتي
حور : تصبح على خير ي بابا
والد حور : وانتي من اهل الخير ي روحي
_____________________________
عند حازم
حازم : معقول اكون بحب اسماء ولا دا اعجاب طيب لو انا بحبها هعرف اعترف بحبي لها لالا انت بتقول ايه ي حازم مينفعش اقول ليها اللي لما اتاكد وبعدين افرض يكون ف حياتها حد لازم تتأكد قبل ماخد خطوة واندم عليها الاحسن اني اقوم اكلم امي اطمن عليها
حازم بعد م اشتري تلفون جديد
حازم : الو
والده حازم ببكاء: الو
حازم بخضه : مالك ي امي في ايه
والدة حازم : مفيش حاجه يابني انت وحشتني اوي ي حازم هترجع امته بقي ي ابني
حازم : وانتي وحشتيني اكتر ي امي والله هرجع قريب انشاء الله لما الحقيقه تظهر ويعرفو اني برئ
والدة حازم : هتظهر ي ابني انشاء الله بدعيلك ي ابني علي طول والله
حازم : عارف ي امي
والدة حازم : طمني ي ابني عليك عامل ايه عايش ازاي والدنيا عملا معاك ايه ي ضنايا
حازم : الحمد لله ي امي كل تمام وهحكيلك كل حاجه حازم حكي لامه كل اللي حصل لحد م ام حور خالتو يقعد ف بيت اهلها القديم
والدة حازم بفرحه واطمئنان علي ابنها : الحمد لله ي ابني ربنا موقفلك ولاد الحلال ربنا يوفقك ويكرمهم يارب
حازم : يارب ي امي انا هقفل معاكي انا بقي
والدة حازم : في حفظ الله ي حبيبي وخالي بالك من نفسك
حازم : حاضر ي امي وهكلمك تاني اطمن عليكي
بعد م حازم قفل مع والدة شال الخط من التلفون وكسروا
__________________________________
في صباح يوم جديد
عند حور
صحيت وصلت فرضها وراحه لوالدها تصحي
نور : بابا بابا
والد حور : صحيت ي روح بابا
حور : صباح الخير
والد حور : صباح النور
حور : هنزل اجيب فطار واجي اجهزو عقبال متقوم تتوضي وتصلي وتقرا قران شويه
والد حور : ماشي ي بنتي متتاخريش
حور : حاضر ي بابا
ونزلت حور تجيب فطار
كانت حور مشيا وهب خبطت ف واحد طويل
حور : انا انا اسفه مخدتش بالي وكانت حور بصي ف الأرض بتشوف الحاجات اللي وقعت منها
......: ولا يهمك ي انسه حور
حور باستغراب : انا عارفه الصوت دا وبصت لفوق لقتو فهد
حور : فهد انا اسفه بس انت بتعمل ايه هنا
فهد : كنت جاي اجيب فطار
حور : انت من الشارع هنا انا اول مرة اشوفك
فهد : لا ي ستي انا من شارع ***
حور : اه بس دا بعدنا بشارعين ايه اللي جابك هنا
فهد : اصل الصراحه مبحبش المطعم اللي هناك ف باجي اجيب من هنا كل يوم
حور بابتسامه : طيب يالا نجيب فطار
فهد بفرحه في نفسه : انا بجد مش مصدق اني شوفتها تاني حاسس اني بحلم
حور في نفسها : اجمد ي بت هو اه مز وكل حاجه بس اجمدي هتفضحينا اللي يخربيتك
حور : لازم اسكت بقي
فهد باستغراب : انتي بتكلمي نفسك
حور : هاا لا اصلي هو اصل انا كنت بفكر بس الحاجات اللي نزلا احبها
فهد : اه تمام وصلنا هتجيبي ايه
حور : لا شكرا انا هقف اجيب
فهد : حور هتجيبي ايه وانجزي قولي
حور : هجيب فول وفلافل ومخلل
فهد : تمام
حور : اتفضل عاوزة ب 7
فهد : خالي فلوسك معاكي ي حور عيب
حور بنرفزة : لا بقي انت قولت هتجيب وانا قولتلك ماشي لكن متاخدش الفلوس لا بقي كدا كتير
فهد : طب هو ينفع راجل ياخد فلوس من ست
حور : بصت ليه شويه وبعدين سكتت
فهد : الحمد لله انك سكتي
حور اكتفت ببصه
فهد ضحك علي بصتها
حور ف نفسها : ي عم ارحمني بقي بضحكتك القمر دي
فهد : مشي راح يجيب الاكل
بعد شويه
فهد : ها ي ست خدي دي شنطتك
حور بابتسامه : شكرا ي عم
ومشيو سوا
فهد : صحيح انتي في سنه كام
حور : قول انا شكلي يدي كام سنه
فهد بص ليها شويه وبعدين ضحك وقال : تانيه اعدادي
حور بغضب طفولي : لا ع فكره انا عندي 18 سنه
فهد بضحك ع شكلها : ازاي انتي شكلك صغير اووي
حور بغضب طفولي : انا قصيرة مش صغيره
فهد بضحك جامد : خلاص صدقتك بس انتي قصيرة اووي
حور بضحكه : الكل بيقولي كدا بس انا حبا شكلي كدا
فهد بتوهان في ضحكتها : ضحكتك حلوة اووي وبتخطف القلب
حور بخجل : احم انا وصلت البيت عاوز حاجه
وطلعت جري ع البيت
فهد : ايه اللي انا قولتو دا كان لازم اقول لها كدا يعني بس ايه قمر حتي وهي مكسوفه وشبه الطماطم كدا
حور بعد م سابت فهد وجريت ع البيت يلهوي قلبي بيدق جامد كدا ليه يالا تلاقي عشان كنت بحري بس أو حاجه لمي اطلع فوق افطر انا وبابا
_____________________
عند فهد
فهد : كانت قمر اوي وعينها البني اللي فيها لمعه غريبه تشد الواحد وابتسامتها اللي كفيله تدخلك عالم تاني
"وقعت في حبك منذو أن تلاقت الأعين وادخلتيني بعالمك الخاص ف أصبحت اراكي واتخيلك فهل هذا هو الحب ام مجرد اعجاب وهل لو كان الحب فهذا من اجمل ما في الكون "
يتبع.....
#الاء_منيب
من البارت الحادي عشر حتي البارت الرابع عشر من هنا 👇
تعليقات
إرسال تعليق