 |
الحب و الخيانه
من البارت الحادي عشر حتي البارت الرابع عشر
بقلم آلاء منيب
فهد : انا لازم احدد مشاعري إذا كانت اعجاب أو حب
ليل بيدخل لفهد بيشوفو سرحان
ليل : اوووف هو أنا كل م اشوفك تكون سرحان
فهد فاق من سرحانو
فهد : اي ي بني داخل كدا لي في ايه
ليل : الصراحه انا مش عاوز اتجوز نور انا وابوك مصمم يجوزهالي
فهد : انا شايف انها مناسبه ليك
ليل : مناسبه ايه ي عم انت دا انا مش عاوز اشوفها
فهد : هتحبها ي ليل
ليل : شكلك حصل لعقلك حاجه المهم انت هتعمل ايه
فهد : في ايه
ليل : ي ابني ركز معايا هتعمل ايه ف بنت عمك انت هتخطبها
فهد : مش عارف واسكت عشان انا ف دوامه ومش عارف اعمل ايه
ليل : طيب هقوم انا بقي اجهز للمشروع الجديد
فهد : صحيح سمعت انك هتبني برج
ليل : أيوة في رجل اعمال واحد أرض وعاوز يبني عليها برج واحنا لسه مش عارفين إذا كانت تصلح أننا نبنيها ولا لا
فهد : طيب وانت هتعرف ازاي
ليل : ي ابني انا مهندس مدني يعني اكيد عارف شغلي كويس وبعدين هنزل بكرة ادرس الموقع كويس وافحص التربه
فهد : ربنا يعينك ي اخويا طب م تاخد نور معاك بكرة واهو تتعرفو ع بعض
ليل : انت اهبل ي ابني اخدها معايا الشغل
فهد : اه تخدها ولي لا اهي فرصه تتعرفو علي بعض
ليل : طيب هخدها وامري لله هنزل اقول لها بقي
فهد : اقفل الباب وراك
ليل : ماشي ي عم
طلع ليل من الاوضه بتاعت فهد وكان نازل ع السلم
شاف نور قاعدة لوحدها ومسكا قلم وكراسه رسم كبيرة ليل قرب منها وهي مكنتش حسه بي ليل وقف وراها ومتابعها في صمت وشايف قد ايه رسمتها جميله وبعد وقت قرر ليل يقطع الصمت وقال
ليل : احم رسمتك جميله
نور بابتسامه : شكرا
ليل : جبتي الكراسه دي منين
نور : خرجت انا وطنط كوثر انهاردة وجبتلي حاجات
ليل : اه تمام طيب جهزي نفسك بكرة عشان هخدك معايا الشغل هنزل ادرس موقع وهخدك معايا
نور باستغراب : ماشي هقول لطنط كوثر اجي معاك
ليل :ماشي
نور بتفكير وخوف ظاهر ع ملامحها البريئة وليل ركز معاها
ليل : هو في حاجه ي نور
نور : انا بس خايفه لزوج ماما يشوفني ويعمل مشكله
ليل : متخافيش طول م انتي معايا
نور باستغراب : ايه
ليل بتوتر : اقصد يعني انتي هتبقي معايا ف فمش هيقدر يقرب ليكي وبعدين هو هيشوفك فين يعني
نور : تمام ماشي
________________________________
عند حور
بعد م خلصت فطار هي وباباها
حور : بابا ينفع اروح اشوف اسماء صحبتي
والد حور : ماشي ي روحي بس متتاخريش
حور : حاضر عاوز حاجه اجبها وانا جايا
والد حور : لا ي حبيبتي بس متتاخريش ومتقفليش التلفون
حور : بس كدا من عنيا ي قمر ومتنساش تاخد الادويه بتاعتك ماشي
والد حور : ماشي امشي بقي عشان تلحقي تيجي بدري
حور : هقوم البس وامشي
والد حور : عاوزة فلوس
حور : لا معايا ي بابا
والد حور : خلاص ماشي
دخلت حور لبست ونزلت تروح لاسماء
____________________________
عند اسماء
مرات عمها : قومي ي اختي يالا روقي البيت قبل م خالتك تيجي
اسماء : حاضر
مرات عمها : عاوز البيت نظيف
اسماء : طيب م تخالي بنتك اللي نايمه دي تقوم تساعدني
مرات عمها : لا ي اختي بنتي تعبانه
اسماء : هي علي طول تعبانه
مرات عمها : ملكيش دعوة بيها
نانسي بنت عم اسماء واكبر من اسماء بسنتين طلعت علي صوتهم
نانسي : ايه ايه في ايه ي ماما مالك بتزعقي ليه علي الصبح
والدتها وتدعي رحاب : البت بتزعق وعوزاكي تروقي معاها
نانسي : اروق مين ي اسماء اومال انتي هنا بتعملي ايه ولا انتي عاوزة تاكلي وتنامي ببلاش
اسماء بكسرة وحزن : عندك حق
نانسي : شاطرة هدخل اوضتي ومش عاوزة صوت فاهمه
اسماء :.......
نانسي : اخرسيتي ليه احسن برضو
نانسي سابت اسماء ومامتها ودخلت الاوضه تاني
اسماء في سرها : يارب ي خالتو تيجي تخديني من هنا انا مش عاوزة اقعد معاهم تاني
اسماء راحت روقت البيت وبعد فترة خلصت ترويق لقت الباب بيخبطت
اسماء : اكيد دي خالتو
راحت تفتح الباب لقت حور
اسماء بفرحه : اخيرا سالتي عليا
حور : اسفه والله بس بابا كان تعبان وكنت قاعده معا
اسماء : طيب تعالي ندخل الأوضه بتاعتي
حور وهي دخلا
مرات عم اسماء رحاب : اهلا ومين دي اختي كمان
اسماء : دي حور صحبتي ي مرات عمي
رحاب بتكبر : اول مرة اشوفلك صحاب نضيفه
اسماء : كويس انك شوفتي
وخدت حور ودخلوا الاوضه حور لاسماء
حور : يلهوي انتي ازاي عايشه معاها
اسماء : الحمد لله اهو خالتو جايه انهاردة وعمي بيقولي لو كانت جايبه عريس وافقي وانا الصراحه هوافق اهو ياخدني من هنا
حور : لا طبعا مهو مش اي واحد كدا والسلام هتتجوزي لازم يكون عارف ربنا
اسماء : ي ستي لما نشوف خالتو هتقول ايه
حور : علي رايك
وبعد فترة واسماء وحور قاعدين يتكلمو مع بعض الباب خبطت
اسماء : ادخل
نانسي بقرف : خالتك جت بره وعاوزة تشوفك
اسماء بفرحه :بجد طيب انا جايه
حور :طيب ي حبيتي انا همسي بقي
اسماء : لا بالله خليكي معايا شويه
حور : ي بنتي عشان تعرفي تقعدي مع خالتك
اسماء : لا ي حور خليكي شويه تعالي اعرفك ع خالتو هتحبيها والله
حور : ماشي يالا
وطلعو البنات يشوفو خالت اسماء
خالت اسماء وتدعي فاطمه
فاطمه : تعالي ي بنت الغاليه وحشاني وحدتها ف حضنها
اسماء : انتي وحشاني اكتر ي خالتو
فاطمه : عملا ايه ي روحي وحشاني
اسماء : كويسه ي خالتو الحمد لله
فاطمه : اقعدي ي اسماء عاوزاكي
اسماء : حاضر ي خالتو
فاطمه : مش تقوليلي مين القمر دي
اسماء : دي حور صحبتي
فاطمه : الله واكبر اسم ع مسمي
حور بكثوف : شكرا ي طنط
فاطمه : علي ايه ي حبيبتي دي حقيقه
حور بابتسامه : شكرا
فاطمه بجديه : بصي بقي ي اسماء أنا عاوزاكي ف موضوع مهم
اسماء : اتفضلي قولي ي خالتو
فاطمه : ...........
يتبع ......
#الاء_منيب
اسفه علي التاخير بس كنت تعبانه شويه
الحب والخيانه
البارت الثاني عشر
#الاء_منيب
فاطمه : بصي ي بنت الغاليه انا جوزي سافر وسابني وعيالي اتجوزو وانا عايشه لوحدي ايه رايك تيجي تعيشي معايا
اسماء : بجد ي خالتو هتخديني معاكي
فاطمه : ايوة ي عين خالتو ايه رايك
اسماء بفرحه : طبعا موافقه ي خالتو هتخديني امته
مرات عمها رحاب : شوفي البت هو احنا بنبخل عليكي بحاجه ي مقصوفة الرقبه انتي
فاطمه بديق : هاخد بنت اختي معايا ي رحاب اظن دلوقتي جوزك ملوش حجه لما جيت اخدها قبل كدا قالي أن عيالي لسه متجوزوش واني عندي ولاد وتاني مرة قال جوزك يعني كدا اخد بنت اختي وملكوش حجه
رحاب : خوديها ياختي اهي عندك
فاطمه : ادخلي ي اسماء هاتي لبسك ي ضنايا
اسماء : حاضر ي خالتو تعالي معايا ي حور
حور دخلت هي وفاطمه يجهزو اللبس اللي فاطمه هتخدو معاها
حور : هو أنا كدا مش هشوفك ي اسماء
اسماء : لا هتشوفيني وهتجيلي دا خالتو فاطمه بيتها قريب من بيتكو اووووي يعني هيتبقي تيجي ونروح الدروس سوا والمدرسة كمان
حور بفرحه :بجد ي اسماء
اسماء : اه والله بجد بس خلاص كدا انا خلصت هدومي
حور : انتي بتهزري ايه دول
اسماء : ايه
حور : انتي بتهزري ايه هما دول الهدوم اللي عندك
اسماء : أيوة
حور : أيوة ايه دول حبه صغيرين
اسماء بحزن: مرات عمي مكنتش بتجبلي هدوم انا اللي كنت بحوش وبجيب من مصروفي
حور: طيب خلاص انا اسفه انشاء الله خالتك هتعوضك
اسماء : باذن الله هدخل اغير لبسي عشان امشي
فجاه بيسمعو صوت عم اسماء بيزعق برا
عم اسماء : انتي عاوزة تخدي بنت اخويا مني
فاطمه : أيوة هخدها تقعد معايا
عم اسماء : لا بنت اخويا هتفضل قاعده معايا هو أنا قصرت ف حاجه معاها
فاطمه : انا هخدها معايا وخلاص
عم اسماء : وانا قولت لا
فاطمه : خلاص احنا نشوف اسماء عاوزة تقعد معاك ولا تيجي معايا
اسماء طلعت من الاوضه بتاعتها هي وحور وفي أيدها شنطة اللبس بتاعها
اسماء : يالا ي خالتو انا جهزت
عم اسماء بحده : انتي بتقولي اي ادخلي ع اوضتك ومتطلعيش منها انتي فاهمه
اسماء : مش فاهمه ي عمي وانا عاوزة اروح ومع خالتو كفايه بقي زول وضرب لحد كدا عايشه عندكو زي الخدامه بمسح واغسل واطبخ و الاخر بتشتم واضرب شايف ي عمي الشنطه اللي ف ايدي دي هي دي شنطة هدومي هي دي الهدوم اللي عندي مراتك مكنتش بتجبلي هدوم لما كانت نانسي بترمي هدومها مراتك كانت تدهالي انا مش شحاته ي عمي وكنت برميها انا كمان ولما كنت ببقي عاوزة هدوم بحوش من مصروفي و اجيب كنت بروح للمدرسه مشي عشان اعرف احوش واجيب لبس عشان مرات حضرتك كانت بتديني مصروفي ع قد المواصلات بس ولما الجزمه بتاعتي تتقطع واجي اقول ليها كانت بتضربني وبعدين انت مش قولتلي امبارح لو خالتك جيبالك عريس وافقي عشان انت مش حمل مصاريف اهي جايه تخدني وانا عاوزة اروح معاها واكملت بدموع انا بكرة البيت دا ي عمي بكرة اووي يالا ي خالتو نمشي ومسكت ايد حور وفتحت الباب وقالت أنا هستناكي تحت ي خالتي
نزلت اسماء وحور تحت
فاطمه لعم اسماء
فاطمه : لو كنت اعرف انكو بتعملو في بنت اختي كدا كنت رفعت عليكو قضيه خدتها غصب
خدت فاطمه شنطتها وفتحت الباب ولسه هتنزل
رحاب بصويت:.......
_______________________
عند فهد
فهد قاعد سرحان وبيفكر في حور
فهد : لا بقي انا هبحث عن الاكونت بتاعها بس هي اسمها حور ايه طيب اوووف يعني هو أنا غبي م كنت قولتلها اسمك حور ايه يعني سالتها عن سنها وفي سنه كام ونسيت اسال عن اسم ابوها أنا غبي اووي يعني وبعدين بقي اعمل
فهد بتفكير : بس لقيتها وقالها بصوت عالي ومامتو كانت راحه المطبخ وسمعتو
كوثر والده فهد : لقيت ايه ي فهد
فهد بتوتر: هااا لا ي ماما دا انا كنت بس
كوثر فهمت أن ابنها كان بيفكر في بنت من التوتر بتاعه
كوثر : هي حلوة وكلت عقلك لدرجه
فهد بتوهان : حلوة بس دي حلوة اوووي اوووي
كوثر بخبث : عيب ي ولد انا امك برضو يعني تحترم نفسك قدامي بس قولي هي ف سنة كام واكمت بضحك تلقيها قدك ماشي معاها من امته يالاا
فهد بتوتر : ايه اللي بتقولي دا ي ماما علي فكرة مش اللي في دماغك خالص اصلاا وبعدين امشي مع مين انا بتاع الكلام دا برضو دي دي اكله كلتها اه اكله بس كان طعمها حلو بس
كوثر بضحك : خالك لما حب مراتو في الاول كان بيعمل حركاتك دي
فهد : قصدك ايه ي ماما انا مبحبش انا
كوثر : عليا انا ي واد الكلام دا عمتاً ابوك قالي انو هيخطبلك بنت عمك لو بتحب واحده قولي ولو لقيتها بنت كويسه ومحترمه هقول لابوك عشان انا مش عاوزة بنت عمك دي خالص ومش موافقه عليها اصلاا
فهد بصوت واطي : مش لما اقولها هي الاول
كوثر : بتقول حاجه ي حبيبي
فهد : لا ي ست الكل مقولتش حاجه
كوثر : طيب وقت ما تكون عاوز تحكيلي انا موجودة
ومشيت دخلت المطبخ
فهد رجع سرح تاني في حور وفاجاه سمع صوت جمبو
.........: ع فكرة احنا ممكن نبقي صحاب وتحكيلي انا
فهد بانتباه للصوت : نور انتي فهمتني غلط علي فكرة أنا مبفكرش ف بنات انا
نور : اول مرة اشوفك بتكدب ي فهد بس انت عارف هي محظوظه اووي علي فكرة
فهد : ازاي مش فاهم
نور : يعني سرحان علي طول يبقي اكيد بتفكر فيها ولما جيت اقولك احكيلي عنها عينك لمعت يبقي بتحبها اووي واتمني تعرفني عليها قريب
فهد : اقولك ايه بس ي نور هي ملاك نازل من السما بتدخل القلب علي طول قلبها حنين لدرجه كبيرة اول مرة شوفتها كانت هضحي بحياتها عشان طفل صغير عينها لو بصيتي ليها بدخلك في عالم تاني تحبي تفضلي في بتنهيده سحرتني بضحكتها اللي تدخلك دنيا تانيه
نور بابتسامه: لا دا انت حكايتك طويله انا هقعد وتحكيلي بقي دا انت بتقول فيها شعر ي راجل
فهد بضحكه خفيفه : ولا طويله ولا حاجه وبعدين دي عاوزة قصائد مش شعر دي لوحدها فرحه بتدخل القلب
فجأة ليل داخل من الباب وبيزعق
ليل يزعق: فهد
يتبع.......
#الاء_منيب
اسفه على التاخير والله بس بجد انا اليومين دول تعبانه جدا وانشاء الله علي اخر النهار هنزل بارت جديد
الحب والخيانه
البارت الثالث عشر
#الاء_منيب
ليل بزعيق : فهد
فهد ونور بخضة من صوت ليل
فهد : نعم ي ليل مالك
ليل : تعالي عاوزك فوق لوحدينا
نور بصت ف عين ليل وليل ركز في عينيها والتفت فجاه لفهد وقال
ليل : هو انا مش قولتك انا عاوزك
فهد : حاضر يالاا
طلعو فوق في أوضه ليل
ليل : كنتو بتتكلمو في ايه وبتضحكو
فهد باستغراب : لما كنا بنتكلم انا ونور
ليل : اه انت ونور اومال هتكلم امي
فهد باستغراب : عادي بنتكلم في موضوع عادي يعني
ليل بعصبيه : يعني ايه موضوع عادي
فهد : انت بتغير ي ليل
ليل بتوتر : وهغير لي
فهد :يعني مش ممكن تكون حبيتها
ليل : انت اهبل يالا
فهد : وفيها ايه يعني لو حبيتها ما انت غيران عليها اهو
ليل : لا دا انت بقيت مجنون رسمي بقي انا ليل المنشاوي اغير علي بت زي دي انت اتهبلت ي فهد
...........: ومالها بقي البت دي البنت اللي انت بتستقل بيها دي شافت واتحملت اللي عمر ما حد فيكو يقدر يعيشو لو كنت مكان البنت دي كنت زمانك موت نفسك وخلصت
ليل بصدمه : انتي فهمتي غلطت
_______________________________
عند ياسمين
ياسمين قاعده ف اوضتها بتعيطت من ضرب باباها لها وبتفكر تعمل ايه عشان تكلم اسر بعد ما ابوها خد منها التلفون فجأة مامتها فتحت الباب ودخلت قعدت معاها وقالت
والدة ياسمين : خدي ي اختي في رقم عمال يبعتلك رسايل
ياسمين بتعب : رسايل ايه دي
والدة ياسمين : خدي ي اختي شوفي بعينك وانتي تعرفي
اخدت ياسمين التلفون وفتحت شافت الرسايل واتصدمت من اللي شافتو
_______________________"
في بيت عم اسماء
مرات عمها بصويت : الحقوني بنتي بنتي
عم اسماء : مالها نانسي قولي
رحاب لقيتها وقعه ع الأرض ومش راضيه تفوق
فاطمه بصت ليهم وقالت
فاطمه : ربنا يقومها ليكو بالسلامه ونزلت تحت خدت اسماء وحور استأذنت عشان تمشي لكن خالت اسماء أصرت انها هتوصلها لحد بيتها بما أن البيت قريب منها حور وافقت ومشيت مع أسماء وهما مروحين فاطمه قطعت الصمت وقالت
فاطمه : مش نانسي بنت عمك أغمي عليها
اسماء بخوف: بجد مالها ي خالتو
فاطمه ابتسمت ع كلام بنت اختها البريئه : كلامك زي امك ي اسماء الله يرحمها كان مهما يحصل فيها مكنتش بتعرف تكره ابدا كان قلبها حنين زي قلبك
اسماء بدموع : ممكن تحكيلي علي ماما شويه ي خالتو
فاطمه بدموع هي الآخرة : لمي نروح ي بنت الغاليه
حور : هو أنا مش عاوزة اعيطت بس لو انتو فضلتو تعيطتو هعيطت معاكو ومحدش هيعرف يسكتني خالص وهلم الشارع اهي اهي اهي
فاطمه واسماء ضحكو ع تعبير وش حور ومهي بتقلد انها بتعيطت
فاطمه : تعرفي انك دمك خفيف والله لو كان عندي ولد مكنتش هسيبك الا لما اجوزك لي ي قمر انتي
حور بكثوف : مرسي ي طنط
اسماء بضحك :يلهوي ي حور بقيتي شبه الطماطم
حور : بس ي بت اسكتي
اسماء بضحك اكتر : حاضر حاضر هسكت
حور بعصبيه مزيفه : هضربك ي اسماء
فاطمه بضحك : بطلو بقي اللي يشوفكو يقول عيال صغيرة مش انسات كبار لا
حور بعصبيه : كبار مين ي طنط انا عندي 18 سنة لسه
فاطمه : أيوة أيوة
حور : خلاص انا وصلت دا بيتي
فاطمه : خلاص ماشي انزلي ي حبيبتي وخدي بالك من نفسك
حور : شكرا ي طنط.
اسماء : هبقي اجي ليكي بكرة باي
حور : باي
نزلت حور من العربيه وطلعت بيتها
________________________
في بيت حور
حور : بابا ي باااباااااا ي حاج
حور ملقتش صوت ف قلقت اكتر جريت ع اوضيت باباها ملقتوش ف الاوضه خافت عليه اكتر طلعت تلفونها ورنت عليه لقتو مقفول
حور قاعدت علي الارض بتعيطت وفجاه سمعت حاجه بتقع ف اوضتها جريت ع الاوضه لقت باباها نايم ع سريرها وتلفونو واقع علي الارض جمبو جريت علي باباها بفرحه وحضنتو و هو نايم صحي باباها شافها حضنا وبتعيطت ف قلق عليها
والد حور : مالك ي روحي بتعيطي لي
حور بدموع : جيت ملقتكيش ف اوضتك رنيت عليك لقيت تلفونك مقفول ولما سمعت حاجه بتقع ف الاوضه جريت لقيتك نايم هنا
والد حور : لا ي روحي متقلقيش انا جمبك وكان فرحان باهتمام حور بي اووي
وفجأة مسك حور من الطرحه بتاعتها وبتحديد من عند ودانها : انا ي بت مش قولتلك متتاخريش اتاخرتي لي
حور : اه ي حج بتوجع اصل اسماء خالتها جت خدتها تعيش معاها وانا كنت معاها يعني بساعدها
والد حور : ماشي ي حور المهم جهزي نفسك عشان هتروحي تقعدي عند مامتك يومين
حور باستغراب : لي ي بابا
والد حور : هنزل الشغل بكرة وهبات يومين بره البيت ومينفعش اسيبك لوحد
حور : حاضر ي بابا بس توعدني لو لقيت نفسك تعبت ترجع علي البيت علي طول وارن عليا تقولي
والد حور بابتسامه : حاضر ي روحي يالا بقي هقوم انام انا في اوضتي وانتي نامي عشان تصحي بدري
حور : حاضر ي بابا
_____________________________
عند اسماء وبتحديد في بيت خالتها
فاطمه : بصي يا اسماء دي اوضتك وفيها كل حاجه انتي عاوزاها ادخلي غيري عقبال م احطت الاكل ع السفر ماشي
اسماء : ماشي ي خالتو ودخلت اسماء الاوضه و تفاجت من جمال الاوضه
دخلت غيرت هدومها وطلعت قاعده مع خالتها علي السفرة
فاطمه : ها يا اسماء الاوضه عجبتك
اسماء بفرحه : اوي اوي ي خالتو حلوة اووي
فاطمه : الحمد لله كنت خايفه لتكون وحشه
اسماء : لا خالص بالعكس ي خالتو
فاطمه : طيب قولي ي عين خالتو الدروس بتاعتك امته
اسماء : بكرة عليا ف السنتر اربع دروس بعد المدرسه
فاطمه : طيب هاتي رقمك عشان اطمن عليكي
اسماء بصت للارض بحزن : أنا معيش تلفون ي خالتو ولما كنت بحتاج التلفون كنت باخد بتاع عمي
فاطمه : ولا يهمك ي روحي ننزل بكرة نجبلك احلي تلفون ولحد بكرة هديكي تلفوني القديم
اسماء بفرحه : بجد ي خالتو
فاطمه : بجد ي عين خالتو
يالا خلصي اكلك وادخلي نامي بقي
اسماء : حاضر
____________________
في المستشفي بعد ما عم اسماء ومراتو رحاب خدو بنتهم علي المستشفي والدكتور دخل يكشف عليها
طلع بعد وقت وقال بحزن
الدكتور : للاسف ........
يتبع.......
#الاء_منيب
الحب و الخيانه
البارت الرابع عشر
#الاء_منيب
بعد م الدكتور كشف علي نانسي وطلع بعد وقت وقال
الدكتور :للاسف حالتها متأخرة اووي
عم اسماء بعدم فهم : حالت ايه يا دكتور بنتي مالها
رحاب بخوف : بنتي مالها ي دكتور
الدكتور : البنت عندها الكانسر وفي مرحله متأخرة ولازم نبدا بالكيماوي بسرعه
عم اسماء ويدعي السيد
السيد بصدمه : يعني ايه انا بنتي كانت كويسه
الدكتور : للاسف احنا كشفنا وطلع عندها كدا
السيد بكسرة : طيب هتبدا العلاج امته يا دكتور
رحاب بدمع : ينفع ادخل لبنتي يا دكتور
الدكتور : هتبدا من دلوقتي تاخد علاج كيماوي
وممكن تدخلوا ليها
رحاب والسيد دخلو لبنتهم لقوها نايمه علي السرير
________________________
صباح يوم جديد
حور صحيت من النوم وصلت فرضها وجهزت عشان تنزل تجيب فطار
حور : هتعوز حاجه ي بابا
والدها : لا ي حبيبتي سلام ومتتاخريش
حور : حاضر
نزلت تحت ولقت فهد واقف قدام بيتها
حور باستغراب : فهد بتعمل ايه هنا
فهد بابتسامه : الناس تقول صباح الخير مش انت بتعمل ايه هنا
حور بخجل : صباح الخير بس انت بتعمل ايه هنا بجد
فهد : امم الصراحه جاي اجيب فطار معاكي زي امبارح
حور : لي
فهد : اقولك علي سر
حور بفضول : قول ووعد مش هقول لحد
فهد ضحك علي برائتها : اصل الفطار كان حلو اووي لما جبتو امبارح معاكي
حور : يسلام
فهد : وحيات عبد السلام
حور بزهول : اي دا فهد انت طلعت بتهزر زينا كدا عادي
فهد باستغراب : أيوة وفيها ايه
حور : اصلي كنت فكراك معقد ونكدي كدا عشان كنت بشوفك غامض
فهد بضحك : ي شيخه لا انا بهزر عادي
حور بضحك هي الاخره : دا انت طلعت حكايه
فهد : حور هو باباكي اسمو ايه
حور : اشمعنا بتسال يعني
فهد : لا عادي بسال
حور : أيوة بتسال لي برضو
فهد : خلاص مش عاوز اعرف
حور : اسمي حور حسن
فهد بابتسامه : طيب ما كان من الاول
حور بابتسامه : بس عاوزة اعرف لي برضو
فهد : هتعرفي بليل يلا وصلنا اهو اجيب زي امبارح
حور بتفكير: امم لا انا هدخل السوبر ماركت عقبال م تجيب الفطار بتاعك
فهد : اي دا انتي مش هتجيبي
حور : لا انا جايه السوبر ماركت
فهد : طيب تعالي ندخل السوبر ماركت وبعدين اجيب فطار
حور : لا هنتاخر اقف انت هات فطار و انا هدخل السوبر ماركت
فهد : ي بنتي ندخل نجيب حاجاتك وبعدين انا هجيب الفطار
حور : لا ي فهد مينفعش تدخل معايا روح انت هات حاجتك وانا هدخل اجيب حاجتي
فهد : ماشي ي ام دماغ ناشفه
حور عملت أنها دخلا السوبر ماركت لحد م فهد دفع الفلوس بتاعت الكاشير ودخل يجيب خرجت حور وراحت عند الكاشير ودفعت ودخلت تجيب هي كمان فطار
فهد باستغراب : انتي جيتي لي مش قولتلي هتروحي السوبر ماركت
حور بضحك : عشان متدفعليش زي امبارح وكل واحد يجيب لنفسو
فهد بزعل مصتنع : ماشي ي حور
حور : هو انا اسفه بس والله انا مش بحب حد يدفعلي
فهد : خلاص ولا يهمك مش زعلان
حور بابتسامه : طب يالا
فهد : يالا
_________________________________
عند اسماء
فاطمه : ي بنتي يالاا قومي افطري
اسماء بنوم : ي خالتو سبيني شوي
فاطمه : قومي ي بت حور برة مستنياكي
اسماء بخضه : بجد ي خالتو وقامت تجري
فاطمه بزهول : يعني ي جزمه صحيتي جري عشان صحبتك وقولك قومي تقوليلي سبيني شويه
اسماء : يعني هو حور مجتش ي خالتو
فاطمه بتريقه : لا مجتش يلا عشان نفطر وتروحي دروسك
اسماء : يالا دا انا بقالي كتير مرحتش انا وحور
فاطمه : طيب تعالي يالا وبقي اتصلي علي حور
اسماء : ماشي جايه وراكي
فاطمه طلعت من الاوضه راحت تجهز الفطار و اسماء جهزت وصلت فرضها وطلعت بخالتها
اسماء : يا سلام علي الروائح
فاطمه : بالهنا ي روحي
اسماء : عارفه ي خالتو انا اول مرة من ساعت ما بابا وماما اتوفو انام مرتاحه كدا
فاطمه : يجعلك مرتاحه طول العمر ي بنتي
___________________________
عند ياسمين
ياسمين قاعدة في اوضتها تفكر في اللي شافتو
ياسمين : وبعدين اهلي لو كانو شافو الصور دي كان زماني مقتوله كويس أن محدش عارف الباسورد
بس لقتها انا لما اسر يجي هوريلو الصور دي وبعدين اللي في الصور انا وهو يعني وهو هيتصارف اهم حاجه اهلي مش يشوفوها تلفون ياسمين رن وكان رقم غريب
ياسمين : الوو
مجهول : الوو اكيد شوفتي الصور ولسه معايا تاني بس ي حلوة بقي لازم اقولك انك لو مدفعتيش المبلغ هنشر الصور دي مش هوريها لأهلك بس
ياسمين بخوف : لا لا تنشرها ايه انت عاوز كام وانا هخالي خطيبي يدفعلك
مجهول : لا منا عاوز كتير قولي لخطيبك عاوز مليون جنية
ياسمين بتبريق : م مليون جنيه هقولو ماشي
مجهول : سلام ي حلوة
وقفل الفون في وشها
___________________________
حور وصلت البيت وفهد مشي ووصل هو كمان بيتو واول ما دخل البيت اتصدم من اللي شافتو
فهد بصدمه : ايه دا بجد
ليل بضحك : أيوة بجد يالا سلام بقي
كان نور وليل لابسين زي بعض وليل واخد نور وخارجين
ليل : ماما انا هاخد نور الشركه معايا وبعدين هنتغدا بره
كوثر بزهول : دا بجد
ليل: أيوة بجد هو في ايه
كوثر : ماشي ي قلب امك خد بالك من بنتي
نور بفرحه : قصدك انا ي طنط
كوثر : ايوة انتي يا قلبي
نور بدموع : انا مسمعتش الكلمه دي من زمان
كوثر بدموع هي الآخرة : خلاص ينفع تقوليلي ماما علي طول
نور بدموع : حاضر
ليل : طيب يالا عشان منتاخرش ولا نقعد وتفضلي تعيطي
كوثر : اتلم يا واد ويالا امشو عشان متتاخروش
مشي نور وليل وفهد طلع جري علي اوضتو
انا كدا اعرف ابحث عن الاكونت بتاعها براحتي
بحث ولقي الاكونت بتاعها ودخل اتفرج علي صورها
وكل صورة كانت احلي من التانيه وقرر يبعت طلب صداقه
________________________
عند حور
حور : بالهنا ي بابا
والد حور : تسلمي ي قلب بابا يالا قومي اجهزي عشان دروسك وبعدها تروحي لمامتك
حور : ماشي وفجاه فون حور رن برقم غريب
حور : الوو
اسماء : الوو انا اسماء ي حور
حور : رقم مين دا ي اسماء
اسماء : دا رقم خالتو بكلمك عشان اقولك البسي وهعدي عليكي دلوقتي
حور : خلاص ماشي سلام
اسماء : سلام
بعد وقت جت اسماء ومشيت حور واسماء راحو الدرس بس حد وقفهم كانت الصدمه
.......: حور
يتبع ......
#الاء_منيب
اسفه جداا علي التاخير وبإذن الله بكرة الصبح بارت جديد وبعتزر مرة كمان بس كنت مشغوله الفترة اللي الفاتت جدا واتمنى البارت يعجبكو و شجعوني بجد الفترة دي
البارت الخامس عشر هنا 👇👇
بداية الروايه من هنا 👇👇👇
تعليقات
إرسال تعليق