أحببت طباخة ) الحلقه الاولى والثانية بقلم داليا احمد كامله علي مدونة النجم المتوهج للروايات

(أحببت طباخة )

الحلقه الاولى والثانية

بقلم داليا احمد

مقدمة

مش عيب يكون عندك حلم الناس شايفينه مستحيل ..خليك عارف إن ليك رب على كل شئ قدير 

إحلم و ادعي في السماء بحلمك ...وإسعى ورا عشان تحققه 

سيبك من الأشخاص السلبين الى ممكن يقفو في وش حلمك 

متقلقش المستقبل بيد ربنا ..والماضي راح و مش هيرجع ...أما الجاي  😉..عيش كل لحظه فيه لأن ..العمر واحد مفيش غيره

و ده اللي هنعرفه في قصتنا بتحكي عن بنوتة عندها حلم الناس شايفينه تافه و ازاي تحققه قصته مجنونة و جديدة شوية و يا تري البنت دي هتقدر تحقق حلمها ده ولا لا

_______

الفصل الأول

في مكان راقي تقام فيه حفلة كبيرة اوي و فيه بنت زي القمر واقفة مبسوطة اوي بعدها شخص اتكلم و قال : انهاردة يوم تحفة جدا هنكرم احسن شيف و طباخة في مصر و مش بس في مصر لا دي في العالم كمان بنوتة صغيرة جدا بس قدرت بذكاءها و موهبتها تكون شيف كبيرة و عظيمة جدا رحبو معانا بالشيف ( شهد عبد الله )

الناس بتصفق و مبسوطة بيها جدا و شهد كانت لابسة فستان روعة و لونه ازرق و حاطة ميكب جميل و وصلت للشخص اللي بيقول اسمها 

بيقولها : اتفضلي يا شهد جائزة احسن شيف ( طباخة )في مصر

شهد : انا مش مصدقة نفسي ميرسي اوي بجد لحضرتك انا فرحانة اوي

_________

في مكان تاني بقا 

ملك (اخت شهد الصغيرة ) :شهد .....شهد قومي  ايه اللي وقعك من علي السرير كدا 

شهد :ااااااه ياني يا ضهري  ايه ده ايه في ايه وقعني كدا يا ملك

ملك :معرفش انا لقيتك وقعتي مرة واحدة و صحيتك تقومي

شهد بحزن :ليه يا ملك بتصحيني ليه حرام عليكي ليه

ملك :زعلانة عشان صحيتك من الحلم كنتي بتحلمي بايه بقا

شهد :ياااه يا ملك كان حتة حلم روعة بجد صحيتيني ليه نامي نامي بقا عشان وراكي مدرسة الصبح

ملك :طيب هنام

شهد نيمت ملك أختها و قامت من علي السرير

الله اكبر ،،، الله اكبر 

اذان الفجر فى اجمل مدينة فى الدنيا اسكندرية بلد جميلة ليها جمال خاص فيها كل حاجة مميزة بحرها و هواها فعلا هي عروسة البحر المتوسط

احداث قصتنا في منطقة عادية ممكن نقول ناس  حالتهم المادية متوسطة فى الدور الثالث

بعد ما شهد نيمت ملك أختها البلكونة بتتفتح وواقفة بطلتنا (شهد) بتبص على السما و شعرها مفرود و بيطير بتستمع بالهوا وهى بتدعى ربنا ربنا و بعدها دخلت الحمام اتوضت و صلت الفجر بعد ما خلصت صلاتها شهد عادتها كده انها تدعى و هى باصة للسما وتخلص شهد صلاة مامتها تدخل

نتعرف على بطلة الرواية

(شهد بنت مخلصة ثانوية عامة و داخلة كلية اعلام انجلش عندها 18 سنة ليها اخت اسمها ملك في أولى ابتدائي بابها وماتها ربوها على التواضع و الاعتماد على النفس بيحبوها جدا و بيعتبروها صاحبتهم بييثقوا فيها جدا وهى قد الثقة دى بتحب باباها و مامتها و ملك و شيماء صاحبتها الاقرب الي قلبها و كل الناس بتحبها جدا

شهد بتحب الطبخ و المطبخ جدا و نفسها تشتغل شيف لكن طبعا مجرد حلم مفيش حد هيوافق و هيتريقو عليها لأنها بنت و كمان داخلة كلية قمة لكن الطبخ عندها هواية بتعرف تعمل اكلات من جميع البلاد سوري و هندي و ايطالي و هكذا .....)

الام ( امل) :صباح الفل يا شهد بحسبك لسه نايمة

(امل ست بيت اغلي ناس عندها شهد و ملك و باباهم بتهتم ببيتها وبناتها و بتحب شيماء زي بنتها برضو )

شهد تجرى عليها و تبوس راسها و ايدها

شهد :صباح الفل يا نبع الحنان يا ست الكل انام ايه يا امولة بس انا قمت من بدرى اتوضيت وصليت و هفطر كمان

امل :ربنا يتقبل منك يا حبيبتى هروح احضرلك الفطار

شهد :لا يا امولة خليكي هحضره انا صحيح هنروح انا و شيمو انهاردة عشان نقدم في الكلية

امل :ماشي يا حبيبتي ربنا معاكو يارب

شهد :و يخليكي ليا يا امي يارب عيب لما تحضريلي الفطار انتي ناسية قدرات بنتك ولا ايه عايزة الناس تقول بنت امل مبتعرفش تطبخ ولا ايه

امل بتضحك :لا طبعا ده كلو الا اكلك يا دودو هو فيه زيه

يدخل الاب (والد شهد ) (عبد الله  ) راجل محترم و طيب جدا و بيعرف الشخص اللي قدامه كويس و بيحب  امل و شهد و ملك جدا هما اغلي حاجة في حياته بيتشغل موظف في البنك محاسب 

عبد الله (بابا شهد  ) :وهو انتي فاكرة أنها بنتك لوحدك يعني

تبتسم شهد و تجري عليه و تحضنه

شهد :حبيبي يا بابا لا طبعا ده انت اللي في القلب يا حبيبي من وانا بيبي لسة قد كدا

امل :يا بكاشة انتي 👊

شهد بتضحك :حبايبي ربنا يخليكو  ليا يارب اما اتصل علي البت  شيمو اصحيها

امل :انتي مغلبة البت  دي معاكي والله

شهد :هروح  احضرلكو الفطار

تخرج شهد و تتصل  علي صاحبتها شيماء

(شهد متعودة تصحيها  كل يوم تصلي الفجر ) 

شيماء: بنوتة جميلة عينيها عسلي شعرها بني و طويل و بيضة و قصيرة صاحبة شهد من الطفولة بيحبو بعض جدا و هي صاحبتها بجد و بتخاف  عليها هما مش صحاب هما اخوات بجد و متربيين سوا و دخلو  كلية واحدة شيماء مستواها المادي اعلي من شهد باباها متوفي و عايشة مع مامتها و كريم اخوها الصغير في اولي ابتدائي و مامتها بتحبها جدا )

شيماء كنسلت علي شهد و شهد فهمت أنها صحيت و هتصلي و تكلمها

شهد دخلت المطبخ تحضر الفطار و في خلال ربع ساعة كان الفطار جاهز بتحضره علي السفرة و صحيت اختها ملك و ندهت مامتها و باباها يفطرو معاها و هما بيفطرو بيتكلمو

باباها :هتروحي انهاردة يا شهد الجامعة انتي و شيماء صح

شهد بسعادة :اه يا بابا هنروح نقدم ورقنا

باباها :تحبي اروح معاكي

شهد :لا يا بابا متتعبش نفسك حضرتك روح الشغل و انا لو في حاجة هكلم حضرتك اقولك

باباها :ماشي يا حبيبتي ربنا معاكي يارب و يوفقك في اللي جاي

مامتها :خلي بالك من نفسك يا حبيبتي و ربنا معاكي و يوقفلك ولاد الحلال يارب 

شهد :يارب يا امي ادعيلي

ملك :بابا انا عايزة اكبر زي شهد و اروح الجامعة 

شهد و مامتها و باباها بيضحكو

باباها :بس كدا حاضر يا حبيبتي كلها 12 سنة و تكوني زيها

شهد :ياريت انا ارجع طفلة زيك يا ملوكة

ملك :لا انا عايزة اكبر زيك ماليش دعوة

_____________

في مكان تاني

في فيلا و مكان راقي جدا و واضح من روعة المكان ان مستواهم المادي عالي في مدينة الإسكندرية  في فيلا شاهر الحناوي 

تدخل بنوتة جميلة عندها 18 سنة لاخوها تصحيه

ريماس :زياد ....يا زيااااد ....يوووه بقا اصحى 

زياد بيتمطع :اممممممم سيبني انام يا زفتة

ريماس :يا زياد قوم بقا هنتاخر

زياد مازال نايم و وضع المخدة  علي رأسه و نام تاني

ريماس :طيب انا عارفة ايه اللي هيصحيك 

ريماس فتحت الثلاجة أحضرت منها زجاجة مياه ثلج جدا و رشتها علي  زياد

زياد قام  من النوم مفزوع و بيتمطع 

زياد :الله يخربيتك يا شيخة ايه اللي عملتيه ده 

ريماس بتضحك :انا عملت ايه يعني ده يا دوب رشيت عليك ماية بس و بعدين انت كسول مش بتصحي الا بكدا و كمان يا أبيه وفرت عليك غسيل وشك

زياد بعصبية :كدا طيب انا هعملك ازاي تعملي كدا تاني تعالي

و قام جري ورا ريماس و مسك دراعها جامد 

ريماس :خلاص ولله خلاص مش هعمل كدا تاني انا اسفة ولله اسفة سيب ايدي بتوجع ولله

زياد ساب ايديها 

زياد بنرفزة :حد يصحي حد كدا يا شيخة حرام عليكي 

ريماس بتضحك :اعملك ايه يعني انت  ناسي انك رايح تقدملي انهاردة في الجامعة كمان ساعتين

زياد :تقومي تصحيني بدري لسة ساعتين حرام عليكي

ريماس :عشان  تفطر يا بيبي و كمان مازن تحت بيفطر و قالي  اطلع اصحيك يلا بقا فوق كدا و انزل 

زياد :منك لله يا مازن الكلب بيفطر  تحت و باعتك ليا حاضر يا سوسو هقوم اطلعي عشان اغير هدومي 

ريماس :حاضر يا بيبي يلا انا نازلة و متتأخرش

نتعرف علي شخصيات الفيلا:

الاب شاهر :مهندس يمتلك شركة كبيرة و بيحب  شغله جدا و أولاده جدا

الام رباب :تمتلك اتيليه فساتين و مهتمة بالازياء  و الفاشون جدا و خروجات أصحابها و مش بتهتم ب زياد و ريماس نهائي ولا تعرف عنهم شيء

زياد :شاب عنده 25 سنة متخرج من كلية هندسة بيتشغل مدير في شركة باباه نشيط في شغله جدا و بيحب ريماس جدا و بيخاف عليها

و هو عنده عضلات و وسيم عينيه لونها أزرق و عنده دقن خفيفة

ريماس :18 سنة اخت زياد الصغيرة بتحبه جدا و دلوعة و دمها خفيف و بتحب الناس جدا و متواضعة عيونها بني و شعرها بني و طويل و بيضة

دادة فاطمة :مربية زياد و ريماس و بيحبوها كأنها مامتهم الحقيقة و هي طيبة جدا و حنينة عليهم اكتر من والدتهم

__________

قام زياد من السرير و دخل الحمام اخد شاور و غير هدومه و نزل يفطر معاهم

زياد :صباح الخير يا بابا صباح الخير يا ماما 

مازن(ابن خالة زياد و قده في السن متخرج من كلية اعلام بيتشغل مخرج في التليفزيون  باباه و مامته متوفيين و عايش في الفيلا لوحده)

مازن :صباح الخير يا معلم 

شاهر :صباح الخير أخبار الشغل ايه يا زياد

رباب بنرفزة :شاهر فى مكتب تتكلموا فيه بخصوص الشغل لكن دلوقتى احنا بنفطر 

شاهر :خلاص خلاص انا قايم

رباب :لا كمل اكلك الاول

زياد :بابا انا هتأخر  انهاردة علي الشركة عشان هوصل ريماس و اروح اقدملها في الجامعة

شاهر :ماشي يا حبيبي

ريماس :بابا فين العربية اللي وعدتني بيها لما اروح الجامعة

رباب :انتي لسة صغيرة  عربية ايه دلوقتي

شاهر :حاضر يا حبيبتي هجبهالك قريب

و غمزلها بعينيه

ريماس قامت باست باباها و حضنته 

ريماس :يخليك ليا يا بابتي يا حبيبي يا اسطا

رباب :ايه الطريقة السواقين اللي بتتكلمي بيها دي

مازن و زياد كاتمين ضحكتهم

ريماس :حاضر يا ماما مش هتكلم كدا تاني

رباب :اسمي مامي مش ماما

ريماس :حاضر يا امة قصدي يا مامي

زياد بص ل مازن: هقوم  البس عشان تودينا  الجامعة عشان عربيتي عند الميكانيكي هجبها وانا راجع كمل فطارك لحد ما انزل

مازن :لا انا شبعت ريمو ممكن تجيبيلي قهوة انا هقعد برة في الجنينة

ريماس :حاضر

زياد طلع فوق اوضته يغير هدومه و مامته بتتفرج علي أحدث صيحات الموضة في المجلات و باباه خرج يروح الشركة

و ريماس حضرت القهوة و طلعتها ل مازن في الحديقة

_________

ريماس :اتفضل يا مازن القهوة

مازن :ميرسي يا ريمو تعبتك معايا

ريماس :اخبار شغلك ايه 

مازن :تمام الحمد لله

و بيشرب القهوة و بيكمل كلامه :خلاص كبرتي يا ريمو و هتدخلي جامعة بقا 

ريماس بتضحك :و هنطلق بقا يا عم

مازن :أيوة بقا عارفة لو عملتي حاجة في الجامعة ولا كلمتي حد هعرف مش معني ان احنا مش معاكي ان اخبارك مش هتوصلنا

ريماس :متخافش مش هعمل حاجة هفضل زي ما انا

مازن موبايله رن في اللحظة دي

مازن :ثواني هرد  علي الفون يا ريمو

مازن :ايه يا رانيا 

(رانيا معدة البرامج اللي بيخرجها مازن )

رانيا :سوري يا مستر مازن اتصلت بيك بدري بس الأستاذة مي اللي هتقدم البرنامج الجديد عايزة تستضيف بنتين بدل 3 بتقول عشان وقت البرنامج و كدا 

مازن بعصبية :هي مالها هي انا اختارت البنات و خلاص هي مالهاش دعوة ولا هي عايزة تتكلم كتير وخلاص انا اصلا مش برتاحلها المذيعة دي

رانيا :طب حضرتك اقولها انك مش موافق

مازن :قوليلها احنا جبنا البنات و اتفقنا معاهم هي بقا مالهاش دعوة يلا هكلمك بعدين يا رانيا

رانيا :سلام يا مستر مازن 

و قفل معاها

ريماس :عسولة اوي رانيا دي 

مازن بصلها باستغراب :اه جدعة و هي اللي شايلة حاجات كتير عني

ريماس :اممممممم هي مرتبطة علي كدا

مازن باستغراب :لا لسة بتسالي ليه 

ريماس بتوتر :ها.... لا ولا حاجة عادي

__________

في منزل شهد

شهد :ماما ... بابا انا نازلة رايحة ل شيماء اشوفها لبست ولا لسة

باباها :ماشي يا حبيبتي

امل :طيب يا حبيبتي خدتي ورقك كلو

شهد :اه يا ماما سلام دلوقتي اراكي ظهرا 

شهد باست ايدين باباها و مامتها و خرجت

و قفلت باب الشقة و نزلت جري علي العمارة اللي قصادها بالتحديد في الدور الثالث و دي بقا شقة صاحبتها و حبيبتها شيماء 

___________

في منزل شيماء 

شيماء :امي يا امي يا ماما يا حاجة يا ست الكل يا امة

وفاء بعصبية :اييييييييه صدعتي امك و اللي جابوها

شيماء :بتزعقيلي ليه ده انا حتي داخلة كلية حلوة

وفاء :يعني انتي داخلاها ليا ما هو ليكي يا بنت الموكوسة

شيماء :ماشي يا موكوسة قصدي يا ماما

وفاء :عايزة ايه

شيماء :عايزة اخرج

وفاء :مفيش خروج

شيماء :شهد عايزة تخرج معايا بعد ما نروح نقدم في الكلية

وفاء :طالما شهد معاكي اخرجي 

شيماء :ماما هو انتي امي انا ولا امها هي

وفاء :امكو انتو الاتنين دي اكتر من اختك اصلا لازم أحبها و بثق فيها زيك ده انا اللي مربياها

شيماء :انتي مش امي انتي اكيد امها و متبنياني

وفاء :طيب روحي البسي عشان متتاخريش و بطلي تنتيش في البطاطس

شيماء :حاضر هلبس و اجي اكل

وفاء :اومال لما تخرجي هتعملي ايه 

شيماء  بتضحك:هاكل برضو

وفاء :يارب صبرني بتاكل و مبيبنش عليها ده انتي قربتي تختفي يا بت

شيماء:يا نبع الحنان يا ست الكل انا بخبي عشان الحسد بس

جرس الشقة بيرن 

ترن ترن ترن

شيماء :افتحي الباب يا ماما 

مامتها (وفاء ) :انا في المطبخ افتحي انتي

شيماء بتبص لاخوها الصغير (كريم ) في أولي ابتداءي

شيماء :وانت يا قرد ما تفتح

كريم :هو كل حاجة كريم كريم اووف

شيماء بتفتح الباب و تظهر شيماء و هي عاملة زي ابلة نظيرة و رابطة طرحة علي شعرها و هدومها مش متظبطة شكلها كوميدي جدا 

شهد اتصدمت: خير اللهم أجعله خير حرام عليكي يا شيخة ليه بتعملي فيا كدا خضتيني

شيماء بنرفزة :حد يصحي حد الفجر حرام عليكي 

شهد بتضحك :الحق عليا بصحيكي تصلي يا كسولة عشان تدخلي الجنة

شيماء :هو اللي يعرفك يطول جنة ...كان نفسي انام منك لله يا شيخة يخرييت معرفتك 

شهد :بتقولي ايه

شيماء :شيبسي و كراتيه

شهد بتضحك :مش هقول ايه تاني... ادخلي البسي طيب علي كل اشوف فوفا (مامت شيماء ) 

شهد :يا فوفا انتي فين

وفاء :انا في المطبخ يا دودو  تعالي

شهد :حبيب قلبي القمر بتاعنا وحشتيني 

وفاء بتضحك :يلا يا بكاشة...عاملة ايه

شهد :الحمدلله.....انتي اخبارك ايه يا فوفا

وفاء :الحمدلله ادخلي يا دودو

دخلت شهد المطبخ

وفاء :مبروك يا دودو أخيرا هشوفكو في كلية واحدة ولله و كبرته

شهد :الله يبارك فيكي يا فوفا دي بركات دعواتك انتي و امي ولله 

بعد ربع ساعة كانت شيماء جهزت  و خرجت ليهم و كانت وفاء بتحضر الاكل هي و شهد علي السفرة و ندهت شهد علي كريم ياكل

شهد :انتي لحقتي تلبسي 

شيماء :اومال بطيئة زيك

شهد :انا برضو يا بت اللي بطيئة 

وفاء :نسيت اعملك حاجة تشربيها يا دودو

شهد :لا شكرا يا طنط انا هقوم اعمل لنفسي 

شيماء :وانا اقول البت دي بقت مؤدبة ازاي

وفاء :زي السكر في الشاي

شيماء :بس يا فوفا متخليناش نخسر بعض انتي قاعدة ليه اصلا

وفاء :يعني اقوم يرضيكي يا دودو

شهد :انا جاية عشان فوفا اصلا

كريم :بس بقا اسكتو عايز اكل 

كلهم ضحكو و بدؤ ياكلو

وفاء :واد يا كريم انزل هاتلي قبل ما تنزل طلبات من السوبر ماركت

كريم :ايدك علي 5 جنيه تمن المشوار

وفاء :5 جنيه ليه يا يلا ايه تكون انت كمان بتغلي مع الدولار

كلهم ضحكو و نزل كريم يشتري الطلبات

و بعدها الجرس بيرن 

وفاء :قومي افتحي يا شهد انتي اقرب عشان بنت الموكوسة دي مش هتفتح 

شيماء :لا استني انا هقوم افتح

وفاء :صبرني يا ربي 

فتحت شيماء الباب

شافت إبراهيم 

تعالو نتعرف علي إبراهيم 

(إبراهيم ده بيشتغل محاسب في بنك خريج تجارة انجلش عنده 25 سنة و وسيم جدا عيونه عسلي و شعره بني )

ابراهيم :صباح الخير

شيماء واقفة متنحة مش عارفة ترد من الفرحة

شيماء:مساء الخير 

إبراهيم بيضحك :بقولك صباح الخير تقولي مساء الخير

شيماء اتكسفت :اهو اي بتنجان وخلاص 

إبراهيم كان جايب بوكيه ورد احمر

إبراهيم :الورد ده ليكي اتفضليه بمناسبة نجاحك و انك هتدخلي الجامعة خلاص

شيماء :ها ... ليا انا بجد 

وفاء :مين اللي حماته بتحبه ده  ... مين يا شوشو 

إبراهيم بصوت واطي :هي فعلا بتحبني اوي 

شيماء :ها .... ده ده إبراهيم يا ماما 

وفاء :اتفضل يا هيما

إبراهيم دخل الشقة :ازيك يا طنط

وفاء :ازيك يا حبيبي اتفضل  اقعد 

ابراهيم :صباح الخير ازيك يا شهد

شهد :ازيك يا إبراهيم اخبارك ايه

إبراهيم بص لشيماء و ضحك :تمام عشان شوفتكو

وفاء :عشان شوفت مين بالظبط 

إبراهيم :ها...عشان شوفتكو كلكو ولله يا طنط

وفاء :مبحبش طنط دي ..قولي يا فوفا

ابراهيم :ماشي يا فوفا.... انا قولت اجي ادي  ل شيماء بوكيه الورد ده بمناسبة دخولها الجامعة خلاص

وفاء :ربنا يخليك يا حببيي كلفت نفسك ليه

شهد بصت لشيماء و غمزتلها و ضحكو

شهد :طيب اقعد افطر معانا بقا

ابراهيم :لا متشكر انا جيت اشوفكم و ماشي 

وفاء :لا اقعد يا هيما تلاقيك لسة مكلتش

ابراهيم :مش هتعزمي عليا يا شيمو

شيماء متنحة شهد قرصتها من ايديها

شيماء :اااه ها ..... اه اه افطر معانا

_______

في فيلا زياد الحناوي

زياد انتهى من تغيير الملابس وخرج من اوضته و نزل ل ريماس و مازن في حديقة  الفيلا 

وهو واقف معاهم تليفونه رن بعد عنهم و رد على الفون

زياد :أيوة يا ميار

ميار (ميار دي بنت صاحبة مامته بتحبه جدا لكن زياد مش بيحبها و مامته عايزة تجوزهاله و هي تافهة شوية زي مامته كدا هي عندها 25 سنة متخرجة من كلية السن)

ميار :ده رد برضو يا زيزو

زياد بعصبية :قولتلك اسمي زياد مش زيزو

ميار :كدا برضو يا زياد يعني الحق عليا اني بدلعك 

زياد ببرود :ميار بصي لغاية دلوقتي مفيش اي حاجة رسمية بيني و بينك عشان تتكلمي معايا كدا وانا بصراحة مش فاضي للتفاهة و الدلع ده 

ميار :طيب خلاص يا زياد انا اسفة و غلطانة اني اتصلت بيك

زياد :ميار انتي مش صغيرة وعارفة طبيعة شغلي و اني مش فاضي للهبل ده

ميار :طيب يا زياد فهمت خلاص 

زياد :ماشي سلام دلوقتي

بعدها مشي زياد ناحية ريماس و مازن

زياد :يلا عشان منتاخرش

___________

عند شيماء و شهد خلصو فطار و كريم راح المدرسة و ابراهيم نزل شغله و شهد و شيماء نزلو يركبو عشان يروحو الجامعة

________

مازن أتحرك بالعربية و زياد و ريماس ركبو معاه و هما في الطريق 

زياد بعصبية:حاااااسب يا مازن حاسب 

مازن اتصدم لما شاف .................

يتبع ياريت نتفاعل مع القصه عشان اكمل علي طول يارب تعجبكم 👌😍

الفصل الثاني : رواية (أحببت طباخة  )

زياد بعصبية:حااااااااسب يا مازن حاسب 

مازن اتصدم و داس فرامل بسرعة و نزل هو و زياد و ريماس يشوفو البنت حصلها حاجة ولا لا 

مازن بخوف و توتر:ميار انتي ايه اللي خلاكي تمشي كدا هنا انتي كويسة

ميار :اه انا كويسة بس اتخضيت و وقعت

ريماس :يا بنتي خدي بالك الحمد لله ربنا ستر قومي طيب معانا نروح للدكتور لو في حاجة وجعتك

ميار:لا مفيش حاجة الحمد لله انا وقعت بس من الخوف و الخضة 

زياد بعصبية و نرفزة: يعني انتي ايه اللي مخليكي تمشي هنا انا مش فاهم بجد

ميار بعياط :حرام عليك ده بدل ما تقولي سلامتك

مازن:خلاص بقا يا زياد احنا في ايه ولا في ايه صحيح يا ميار انتي ماشية هنا ليه

ميار :كنت رايحة النادي

زياد:ولله كنت متاكد أنها حاجة تافهة يلا يا بني هنتأخر

ريماس :استني بس يا أبيه نطمن عليها يا ميرو انتي كويسة بجد

زياد بص ريماس بصة معناها تركب و تسكت 

و بص ل ميار:شوفي كنتي هتعملي ايه ولا رايحة فين و هنبقي نطمن عليكي بعدين يلا يا مازن عشان متاخرش

ميار اتصلت علي رودينا صاحبتها تشوفها فين لأنها كانت مستنياها بعيد عن الفيلا بتاعتها و يروحو النادي سوا

اما زياد ركب العربية مع مازن و ريماس و في طريقهم للجامعة

__________

في مكان تاني

 شيماء و شهد ركبو تاكسي و في طريقهم للجامعة

_________

مازن وصل ريماس و زياد و طلع بالعربية لأنه كان عنده تصوير حلقة برنامج بدري

زياد وصل عند شئون الطلبة قبل شيماء و شهد 

و دخل عند مبني شئون الطلبة و دفع المصاريف و خلص الورق و كان فاضل حاجات بسيطة ريماس بتعملها في الوقت ده موبايله رن خرج برة يرد كان باباه

زياد :شاهر باشا ازيك 

شاهر :ايه يا زياد خلصت و دفعت المصاريف لاختك 

زياد :اه يا بابا فاضل كام حاجة كدا ريمو بتملاهم

شاهر :ماشي يا حبيبي انا كلمت عصام الميكانيكي هيجيبلك العربية قدام الجامعة حاسبه و روح اختك و تعالي علي الشركة عشان في حاجات عايزة تخلص انهاردة

زياد :حاضر يا بابا هتصل علي عصام اشوفه فين 

زياد قفل مع باباه

_________

في نفس الوقت كانت شهد و شيماء دخلو الجامعة

شهد :واااو ايه المكان الروعة ده يا بت يا شيمو ما تيجي ناخد صورة سيلفي هنا

شيماء بتضحك:هتفضحينا احنا مش في المدرسة على فكرة ..بس اشطا مفيش مانع يلا

اخدو صورة سيلفي و بعد كدا بيدورو علي مبني شئون الطلبة

شهد :بقولك هندفع فين المصاريف و نقدم فين ولا هنيل ايه هنا

شيماء :وانا اعرف منين زيي زيك ....ايه ده بصي يا دودي

شهد:في ايه

شيماء:شايفة الواد المز ده يخربيت جمال عيونه

شهد:عيب يا بت تعاكسيه انا اصلا مش ربيتك

هو فين بسرعة انجزي

شيماء بتضحك:اللي يشوفك بتكلمي كدا يقول انك هتضربيني

شهد:طب بطلي هزار بقا و شوفي هننيل ايه

شيماء:بصي اسألي الواد ده اللي بيكلم في الفون

شهد:وانا مالي .... ما تسألي انتي

شيماء :طيب تعالي انا هساله انا

شهد و شيماء مشيو ناحية زياد وهو كان لسة قافل مع عصام شيماء زقت شهد عنده تسأله و شيماء وقفت بعيد عنها

شهد في سرها :يا بنت الجزمة يا شوشو واطية ولله ..... ايه ده ده الواد اللي عينيه ملونة

شهد بصت ل زياد :احم احم ...صباح الخير لو سمحت أقدم ورقي فين و ادفع المصاريف ازاي

زياد:ها

شهد:ها ايه بقولك ادفع المصاريف ازاي و فين

زياد:معلش مش واخد بالي مصاريف ايه

شهد في سرها :ايه الواد الاهبل ده

زياد:ااااه قصدك مصاريف الجامعة

شهد :أيوة مصاريف الجامعة اومال يعني مصاريف الرحلة

زياد ضحك اوي:ايه اللماضة دي ..... طيب بصي شايفة المبني اللي هناك ده اخر الدور هتلاقي شئون الطلبة

شهد في سرها: يخربيت جمال ضحكتك

شهد :احم بجد تسلم 

شهد سابته و راحت ل شيماء 

______

زياد : تسلم ايه تسلم دي

ريماس راحت ناحيته

ريماس:مالك يا أبيه بتكلم نفسك كدا ليه

زياد:ها لا ولا حاجة ... خلصتي

ريماس:اه يا أبيه خلصت يلا روحني  عشان متتاخرش علي شغلك

زياد تليفونه رن و كان عصام :ايه يا عم عصام وصلت ولا لسة

عصام :أيوة يا باشمهندس انا وصلت برة الجامعة

زياد :طيب انا طالعلك اهو ...سلام 

زياد بص ل ريماس :يلا يا ريمو عشان عصام وصل

بعدين افتكر (شهد ) وقال ف سره و ابتسم : ايه البت دي جميلة و في نفس الوقت لمضة

و بعدها خرج برة الجامعة يشوف عصام

______

عند شيماء و شهد

وصلو شئون الطلبة دفعو المصاريف و خلصو الورق

و هما خارجين من باب الجامعة بيتكلمو

شيماء :بت هنخرج فين انهاردة

شهد :مش عارفة بقولك ما تيجي منخرجش انهاردة و اعزمك عندي ع الغدا

شيماء :واااو الشيف شهد عازماني لا ده احنا نلغي الخروجة بقا

شهد بتضحك :الشيف شهد مرة واحدة

شيماء:أيوة يا بت  شيف دي قليلة عليكي اصلا

شهد :تعالي هنا بقا انتي ايه اللي عملتيه جوا الجامعة ده انتي اتجننتي رايحة تخليني انا اللي اسأل الواد ما انتي واطية اصلا

شيماء بتضحك :اومال يعني اسأل انا

لازم احط التاتش بتاعي برضو

شهد:طيب ياختي يلا نركب تاكسي و نروح البيت

شيماء :يلا بينا

_________

عند ميار في النادي راحت قابلت رودينا

رودينا: Good Morning Mayar

ميار :Good Morning Rody

رودينا:مالك 

ميار:زياد (وحكتلها اللي حصل الصبح )

رودينا :نفسي افهم عاجبك ايه في اللي اسمه زياد ده و ازاي اصلا راضية بطريقته السخيفة دي لما هو كدا من دلوقتي اومال بعد الجواز هتعملي ايه 

ميار بحزن:بحبه يا رودي بحبه غصب عني

رودينا :طب اهدي انتي مش شايفة بيعاملك ازاي يعني ده حتي بدل ما يطمن عليكي ايه ده ميار انتي لازم تخليه يتغير معاكي و يعاملك حلو

ميار:طيب قوليلي اعمل ايه انا تعبت ده غير ماما دي كمان عايزاني أقرب منه وخلاص هي اللي خلتني احبه و اتعلق بيه هي و مامته

زياد مش بيحبني ولا هيحبني شكله و احتمال نتجوز بس مش هنحب بعض

رودينا :طيب بصي حاولي تتكلمي معاه شوفيه بيحب ايه اعمليله surprise (مفاجأة  ) كدا يعني اهتمي بيه  لكن مش تكونؤ مدلوقة

ميار :انا تعبت ولله بهتم بيه و كل حاجة و هو أسلوبه سخيف زي ما هو بقولك تعالي نتمشي شوية في النادي

رودينا :يلا

__________

اما مازن وصل الأستوديو التصوير لأنه عنده تصوير برنامج جديد

رانيا(معدة البرنامج ) راحت ناحية مازن

رانيا :مستر مازن ازيك 

مازن:تمام يا روكا انتي اخبارك ايه

رانيا:تمام الحمدلله .... حضرتك الأستاذة مي (المذيعة ) وصلت و بتظبط الميكب و ربع ساعة و هتكون لايف ع الهوا

مازن:تمام يا روكا اللوكيشن (المكان التصوير ) جاهز

رانيا:اه كل حاجة تمام يا مستر مازن

مازن:مش عارف من غيرك كنت هعمل ايه يا رانيا بجد

رانيا: حضرتك متقولش كدا المهم ان كلو تمام زي ما حضرتك قولت كل  حاجة جاهزة و البنات كمان وصلو و بيظبطو الميكب

مازن :تمام

رانيا :اه نسيت اقول لحضرتك ان صاحب القناة اخد إجازة عشان مسافر لندن و ابنه هيجي مكانه

مازن:امممممم ماشي هو ابنه هيجي امتي متعرفيش

رانيا:تقريبا من بكرة

في الوقت ده المذيعة مي ايجت و كانت ظبطت الميكب و جاهزة

مي (المذيعة ): هاي مازن ازيك

مازن:تمام يلا عشان 5 دقايق و نكون ع الهوا

مي:ايه رايك في الميكب و الطقم ده

مازن:أي واحدة بتحط ميكب بتكون حلوة

مي:ولله ..... اه فعلا

مازن(مش بيطيقها اصلا )

مازن :يلا يا اساتذة كلو في المكان بتاعه فاضل دقيقتين و نطلع ع الهوا

يلا 54321

اكشن

يبدأ البرنامج و المذيعة تتكلم 

__________

اما شهد و شيماء رجعو البيت

عند شهد في البيت و هي داخلة اتصدمت لما شافت وسمعت.............

يتبع......... تفاعلكم يجعلني استمر 😍👇

لو عجبتكم هكمل النهاردة اسمع رائكم 💓