 |
فصلوها للعشگ
قصه جديده (ام البنات)
البارت الاول
اني اسمي ورد عمري18 صف سادس ادبي مستوايه الدراسي وسط انجح بدراجات وسط اجتماعيه الطالبات والمدرسات كلهم يعرفوني وهم من عائله معروفه اني من ناحية النسب ومن ناحية الماده الحمد الله ميسورين الحال نسافر ونطلع ونتونس ونلبس احسن نلبس بس مثل هوي عوائل نمر بضروف صعبه شكلي حنطاوي فاتح يكلون بيضه بس اني اشوف نفسي مو بيضه كولش فاكول حنطاوي شعري طويل كولش وسرح كولش عيوني صفر وكبار ملامحي عاديه مرتبه وعدي رصعات وجسمي رشيقه وكولش حلو معالم انثويه عدي بسببه جنت ما اطلع هواي حيدر ميقبل وهسه تعرفون منو حيدر... راح اعرفكم بعائلتي عدي3اخوه واحنه 2بنات علي اخويه الجبير 28مخلص معهد ومزوج بت عمي جان يحبه من هوه وصغير كولش وعده بنيه ولد وكاعد بيت وحده طبيعته مو من نوع يحجي هواي ويسولف اكثر وكته ساكت اخويه الوسط عكسه عصبي بشكل ونخاف نكسرله حجايه كلبه كولش طيب ونفسه هم طيبه وميعز شي على احد وشهم واخو خيته بس عيبه عصبيته الي ميسيطر عليه حفظو اسمه زين لان هو سبب بلي صارلي اسمه حيدر وعمره26ويحب بت خالي وخريج هندسه مدني وراه اجيت اني الجبيره من البنات وريه محمد 14سنه طالب واحبه كولش صديقي وراه مريم اختي الصغيره عمره 12سنه مراح احجي هواي عن مريم ومحمد لان جانو صغار بوكته فمجان الهم دور فعال😜....وامي ربت بيت ناجحه درجه اولى اطيب اكل وانضف بيت حريصه ونادره بشكل معتنيه بينه كلنه ومن اخلاق واحترام واحتشام مو لان امي بس الكل يحبه ويحلف براسه ابويه يا ابويه اعز واحد عدي وهو عده اعز وحده اني يموت عليه ومدللني بشكل الي اريد يصير وممنوع احد يحجي عليه اويدخل بيه من اخوني ميقبل من جان حيدر يتعارك ويايه ما اكول لبابا لان تصير مشكله وثنينهم احبهم اسكت لان ادري بي يحبني ...نرجع للقصه
جنت نهاية السنه صف سادس قبل العطله مال40يوم اجتي نوره بت خالي وصديقتي بنفص الدرسه كلتلي اياد يحبج ويريدج وعينه عليج اياد الي هوه اخوه ابن خالي ادري بي يحبني مبين عينه عليه بكل مكان يدور واني معجبه بي بس جنت ملتهيه بدراستي وما اكدر احب او اسوي علاقه ما اريد اخذل ابويه والثقه الي بينه المهم كتله خلي اكمل سادس وربج يسهل التهيت دراسه وامتحانات بدت اخر يوم من الامتحانات بعد الهلاك ممصدكه اريد اخلص امتحان واطلع تعبانه ونعسانه بشكل رجعت كتله ماما راح انام لا احد يكعدني فدوه عفتهم وطبيت بدلت ونمت محسيت ال هوسه وصياح وعياط نزلت اركض والكي امي تبجي وعمامي وابويه البيت مكلوب ظليت اعيط شكو شكو محد يحجي لزمتني مرت علي كلتلي حيدر متعارك وي ولد والولد ميت
حيدر :جنت داسوق بسيارتي كسر عليه واحد صيحت عليه طبيعتي عصبي ما اتحمل شو هذا كام يفشر كتله اذا رجال اطبق طبك اول منزلت ركضت ضربته بوكس والثاني الثالث تكوم بلكاع نكعد بي ماكو صار لونه ازرك ركضنه بيه للمستشفى وره نص ساعه كالو الولد مات اني ضليت مصدوم شنو مات من بوكس موطبيعتي انهز بقيت واكف واخذوني سجن وافكر باهلي شحال اني وابويه اجوي اهل الولد صياح وهوسه وعياط عليه بقيت ساكت لان شيكولون حقهم ابنهم مات بسببي
الاب:صارت سالفت عشاير واحنه عائله وعشيره معروفه واهل الولد المات هم عشيره ومعروفه ردنه نصفي الفصل على فلوس ونطلع حيدر لان طلع الولد هو بي مرض قلب ومن متعارك وي ابني متازمه حالته ومتوفي بس مقبلو كالو كالو راح من عدنه زلمه وحده بوحده باي طريقه جبناهم مقبلو كالو الدم بدم واحد من الكباريه طرف محايد كال عدي حل ويكف هاي الطلابه بدون دم تفصلوهم بمبلغ من الفلوس...احنه كلنه سهله الي يطلبونه...وشغله لخ تطوهم فصليه بنيتكم ...واذا رفضتو ابنكم يبقه مسجون واذا طلع ينكتل واذا صارت فض الفصل على هذا اتفاقنه نتنازل عن الولد ويطلع....اني صفنت البنيه ماكو غير ورد بنيتي الي اغل وحده بخلفتي اختنكت والدنياصغرت بعيني ولو ما العيبه ابجي وما اكدر اصرف باي شي كالو الي راح ياخذه هم شيخ اخو الولد الي مات كتلهم اطونه كم يوم ونرجعلكم خبر طبيت للبيت وحجيتلهم الي صار ونزلت ورد تريد تفتهم السالفه لان شافتنه شي تبجي وشي مهمومه.....
يتبع
البارت الثاني من هنا 👇👇👇👇
تعليقات
إرسال تعليق