اختلاج_روح لولي_سامي البارت الثاني والتالت

اختلاج_روح

لولي_سامي

البارت الثاني والتالت ( تجمع العقارب)

وصل والد ووالدة جودي إليها في وقت قياسي وعند إطلاق جرس الباب انطلقت جودي وفتحت الباب وكأنها كانت تجلس خلفه. فتحت الباب وارتمت بحضن والدتها واخذتها الام ودخلت بها واجلستها على الأريكة، أما والدها اغلق الباب ودخل يطمئن على حفيده حتى تهدأ ابنته في حضن والدتها،

ثم خرج لهم  وجد ابنته تبكي بانهيار تام حتى كادت لا تنطق بحرف واحد جلس بجوارها من الناحية الأخري ينظر للاسفل ويشبك يده أمامه وينتظر ابنته تأخذ وقتها بالبكاء حتى تهدأ بمفردها.  

اخذت تبكي ووالدتها تحاول تهدأتها لمعرفة الأمر  

سمية/ اهدي يا بنتي اهدي وفهمينا في ايه مينفعش كدة هتموتي نفسك من العياط واحنا مش فاهمين حاجه.

ظلت تبكي وهي محتضنة والدتها حتى هدأت قليلا، أعطتها والدتها كوب ماء، وربتت على ظهرها وأخذت تمسح على ذراعها قائله/ ها  يا حبيبتي احسن دلوقتي؟ 

أومأت جودي برأسها وهي تنتحب من كثرة البكاء.

تحدث والدها ومازال ينظر للاسفل متوقع أن تكون ابنته مبالغة بالموقف ولكن يعذرها ومنتظر سردها للموضوع وأخذ يسألها بكل هدوء/ها يا جودي ايه يا بنتي اللي حصل ووصلك لكدة؟

جودي بعدم تصديق/تخيل يا بابا انا اطلقت!

انطلقت شهقة مصحوبة بالصراخ من جوف والدتها وخبطت على صدرها/ يالهوي يا بنتي بتتكلمي جد؟ اااااااه  الواطي.

بينما والدها اعتدل لها ورفع رأسه إليها ليستوعب هل ما قالته صحيح أم أنها تبالغ في الموقف وقال لها/ انتي بتقولي ايه؟ انتي فاهمه انتي قولتي ايه؟ ولا قصدك علشان تحفزيني؟

ولكن جودي كانت تنظر له وعينيها تفيض من الدمع الكثير بدون صوت وهي تحرك راسها لتؤكد المعلومة التي أطلقتها 

جودي/ لا صحيح اللي قولته يا بابا انا اتطلقت.

وظلت تنظر لوالدها وهو ينظر لها بدون استيعاب للموقف ورؤية دموع ابنته تنهار امامه ومحاولة منه الهدوء حتى يتحكم في صراعاته الداخلية لأخذ ثار ابنته ولكن انتظر حتى يعلم جوانب الموقف.

سمية بعد كم من السباب /اااااه الواطي الخسيس انا قولتلك هو اللي عامل فيها كدة انا قولتلك مش مرتحاله. وأخذت تربت على كتف ابنتها وتقول لها/ يالا يا بت قومي لمي هدومك ولبسي ابنك وتعالي معانا، والنبي ومن نبي النبي نبي لنخليه يلف ويدور وما يطول ضفرك هو كان هيلاقي زيك فين؟

كل هذا وكانت جودي تنظر لوالدها وعيونها تترقرق بالدموع ولسان حالها تقول له انقذني انا لا احسن التصرف في هذا الموقف.

انتبه والدها لكلام والدتها وما تطلبه من ابنتها فكانها أشارت له بالحل. 

......................................

وصل آسر الي عمارة فتنة واتصل بها ليخبرها بوصوله.  انتظرها أسفل البناية لمدة خمس دقائق وهبطت فتنه ويالها حقا من فتنة أنها اسم على مسمى من لحظة ظهورها أمامه وكانه غُيب عن العالم. خرج آسر من سيارته واتجه يسلم عليها وامسك يدها وفي عيونه ولَه واِعجاب نظر لها من أعلاها لاسفلها معلقا/ ايه الجمال ده يا فتنه؟ هتفتنيني اكتر من كده ايه؟

#اختلاج_روح

#لولي_سامي

فتنه بدلع/بجد يا آسر انا حلوة في عينك ولا بتجاملني؟ 

آسر بافتنان/ بجد يا عيون آسر. انتي متعرفيش بتعملي فيا ايه لما بشوفك بس.

ابتسمت فتنه وقضمت شفتاها متصنعة الخجل/بس بقي يا آسر بتكسفني، يالا هتوديني فين؟

آسر وهو يمرر نظره على ملامحها/انتي تؤمري يا روحي المكان اللي عايزة تروحيه.

فتنه بتفكير/ مممممم طب بص، انت كنت حكتلي عن مكان حلو اوي روحته مع جودي اتعشيتوا فيه مرة نفسي اشوفه.

عند ذكر اسم طليقته تذكرها، فأغلق عينيه وأخذ تنهيده قوية ثم فتح عنيه و رد على فتنه/بلاش دلوقتي يا فتنه هبقي اوديكي له في وقت تاني. 

فتنه بغضب/ انت مالك متاثر ليه كدة يا آسر انت لسه بتحبها؟ لسه بتحبها ومبتحبنيش ؟

آسر /ليه بس يا بيبي بتقولي كدة، انا معاكي اهو، بصي سيبيلي نفسك هدلعك النهارده علشان عايزين نتفق هنعمل ايه الفترة الجايه.

ثم نظر على جسمها من أعلي لاسفل وقضم شفتيه وقال /ولا انتي مش مستعجله زي مانا هموت عليكي.

قضمت فتنة شفاها وقالت /مستعجلة طبعا زيك واكتر، يالا بينا.

اسر وهو يقترب من وجها وينظر بعينيها/ طب والنبي قبل ما  نمشي الشفه ده ملكيش دعوة بيها انا بس اللي أكلها.

خجلت فتنة واسرعت نحو السيارة ابتسم آسر ومشي خلفها كالمغيب ينظر لها بتمني واشتياق ثم ركبا السيارة وامسك يدها وقبل باطنها وأدار محرك السيارة وبدأوا في التحدث

أسر /ها يا حبيبتي ممكن اتقدملك امتي اديني جايلك خالص مخلص زي ما كنتي عايزة.

فتنة بضحكة مدوية/ تقدر تتقدملي من بكرة يا قلبي بس قولي بقي هتجبلي شقه فين؟

آسر/هنقضي شهر العسل في الجونة، وبعدها نرجع على شقتي ايه رايك؟ اكون جهزتها ووضبتها من كله.

فتنة بتكشير/ شقة ايه يا آسر اللي عايزني اقعد فيها. لاااا حبيبي انت تبيع ده وتجبلي واحدة جديدة ثم وضعت يدها على خده وقالت/ أنا مستاهلش شقة جديدة يا اسور.

اسر بابتلاع ريقه من لمسها له/ طبعا تستاهلي يا قلبي بس قصدي علشان اعرف اخدك الجونة ونستمتع شوية وبعدين انا هغير العفش وكل حاجه وقدام نشتري الشقه اللي انتي عايزاه.

فتنة بدلع /اخص عليك دانا مرضتش اضغط عليك واقولك عايزة فيلا تقوم تقولي هدخل في الشقه القديمة.

ثم استدارت بوجهها نحو النافذة فوضع اسر يده على فخذها واخد يربت عليه وقال /طب خلاص متزعليش انا مقدرش ازعلك اصلا هبيع ده واجبلك واحدة على ذوقك ايه رايك؟

استدارت نحوة وهي تقفز من الفرحة وطبعت قبله سريعة على خده /حبيبي يا اسور ربنا يخليك ليا هنستناك بكرة بقي انا وماما.

واتجها الي ملهي ليلي يقضون سهرتهم به وصلوا الي المكان المنشود ودخلا بسرعة وعند سماع الموسيقي الصاخبة قفزت فتنة فرحا واطلقت عدة صرخات تدل على السعادة وآسر بجانبها مأخوذ بهذا الجنون ونسي كل ما دار بينه وبين زوجته منذ قليل كما نسي التزاماته نحوها ونحو ابنه حتى ولو طلقها.

.........................................

منذ قليل دخل احمد الملهي وجد زملاءه يلتفون حول مائدة عليها مشروبات محرمه ومع كل شخص منهم فتاته 

احمد /ازيك يا بأف منك له؟

معتز / ابو حميد فينك؟ جاي وايدك فاضية يعني مش عادتك! تاخد اللي معايا وازاح الفتاه التي معه قليلا اتجاه احمد 

احمد بضحكة /لا خلهالك مليش مزاج النهارده.

معتز /ايه ده اعتزلت ولا ايه ده الملعب ملعبك يا باشا.

احمد بضحكة عالية/عيب عليك اعتزل ازاي يعني أنا بس عايز صنف جديد تعبت من المستهلك.

#اختلاج_روح

#لولي_سامي

معتز/اوباااا يبقى في صيده جديده ثم أزاح الفتاة وقال لها/ روحي يا بيبي هزيلك شويه عقبال ما افضالك عايزك مفرهدة. ضحكا هو وأحمد بعلو صوتهم ثم أكمل/ علشان اكمل عليكي يا قمر.

وغمز لها بعنيه وهو يتفحص جسدها من أعلاه لمخمصه مكملا/ واحتمال مبقاش لوحدي.

ووكز احمد بقدمه قامت الفتاة ثم ألقت له قبله بالهواء وقالت له /اوكي يا موزو متتأخرش، لحسن انا قلبي ضعيف. واطلقت ضحكة واتجهت نحو الاستيدج بترقص.

استدار لاحمد وقال له / ها ايه الحوار الكلام على مين؟

احمد بتنهيدة / مش عارف اقولك ايه بس هي حوار مش جديد هو قديم شويتين بس كانت معصلجة معايا.

معتز بعدم تصديق/لا متقولش ومين ده اللي تعصلج معاك!

احمد ينظر له بطرف عينه/ غشيم، وهتفضل غشيم انا اصلا ملعبتش علشان تعصلج انا بسد عليها طرق وبعدين ادخل العب براحتي وتكون الزبونة استوت. 

معتز/لا لاعيب ومحترف يا ابني، طب وليه كل ده ما كنت تشوف معاها سكة.

احمد/ علشان ده مش عايزها سكة وخلاص ده عايزها للمستقبل عايزها دايمة.

معتز /لا متقولش حبيت وهتستقر وتعتزل والكلام ده!

احمد /يعني مش كفايه غشيم وغبي كمان هفهمك واكسب فيك ثواب بالرغم اللي زيك خسارة فيهم تفهمهم حاجه، اللي زي دي يا غبي تاخدها علشان تعملك بيت وعيلة وتحافظ عليك وتحبك وتثق فيك وتسامحك لو اكتشفت انك بتخونها يعني واثق من جوة وخاربها برة. 

وضحكا كلاهما ضحكة عالية ثم التفت احمد للقادمة من مدخل الملهي وهي تقفز من السعادة وخلفها من هو مفتتن بها فأشار لهم ثم قال لمعتز/ بس عرفت الليلة فين نفسي انفتحت خلاص يا معلم.

نظر معتز مكان ما يشير له احمد/ بس ده معاها آسر هتوزعه ازاي؟

احمد /بسيطة نروحه بدري لمراته، بس لحسن داخلين علينا.

فتنة بصوت عالي بسبب الموسيقى العاليه/هااااي يا شباب اخباركم ايه؟

آسر/ ازيكم يا شباب ايه متجمعين النهارده يعني؟

احمد /هاي تونة ازيك يا آسر احنا هنا كل يوم انت اللي متجوز بقي وملتزم.

وضحكوا ثلاثتهم ثم أكمل احمد/ تعالوا اقعدوا

فتنة/ لا انا مش جاية اقعد.

ثم أدارت يداها حول عنق آسر وقالت/ أنا جاية احتفل مع اسور بخطوبتنا يعني عايزة ارقص للصبح تعالي نرقص يا بيبي. 

آسر/يالا يا قمر. 

ذهبا على الاستيدج يتراقصون ويضع آسر يده على خصرها ويحاول النزول والصعود قليلا على جسدها باستمتاع وهي لم ترفض بل كانت في غاية السعادة.

معتز وهو يبدو عليه الاستغراب/ انت سمعت اللي سمعته بتقولك خطوبتنا هو مش ده جوز جودي وده فتنة اللي انت هارسها!

احمد بابتسامة خبيثة/وماله الف مبروك يا جدع خليه يهرس شويه.

معتز/طب ايه الليلة انضربت كدة؟

احمد/مين قال دانا لازم احتفل، أهني وابارك كمان.

معتز/انت هتجنني، هروح اشوف البت بتاعتي لحسن تفرهد مني.

وغمز له بعينه مكملا/ ولو عايز لفة ابقي تعالي انت عارف مكاني.

احمد وهو يقضم شفتاه/ لا وحياتك دانا النهارده هفرهد اللي ميتفرهدش. روح انت روح وسيبني اتفرج دا اللعب احلو اوي. وضحك ضحكته الرجولية المعتادة 

اختلاج_روح

لولي_سامي

بشكر كل اللي دعمني إذا كان جروب أو فانز وكل اللي تفاعل مع البارت السابق حتى لو بكلمة أو ملصق بجد فرحتني جدا تفاعلكم مع البارت واتمني باقي الرواية تعجبكم .

يا تري ايه الحل اللي والد جودي لقاه؟

وتفتكروا احمد يقصد مين هنا🤔🤔🤔؟

اختلاج_روح

لولي_سامي

البارت الثالث( عودة بالزمن)

قبل بداية البارت احب انوه عن مواعيد الرواية علشان اتسالت عنها بالتعليقات كتير أن شاء الله هتكون ثلاث ايام بالاسبوع (السبت والاثنين والاربعاء) الا إذا بعد الشر حصل حاجه استدعت تأجيلها وان شاء الله مش هيكون في حاجة وباكد تاني الرواية قيد الكتابة علشان اللي بيطلب نزولها كاملة . ونقول بسم الله ونبدأ البارت

................................................

انتبه والد جودي لما تقوله والدتها وأخذ يضيق عينيه ثم قال 

اشرف باستفسار/قوليلي يا بنتي ايه اللي وصل الموضوع لكدة؟ انتي قصرتي في ايه مع جوزك وقولي كل حاجه بصراحة علشان على أساسها اعرف اتصرف .

سمية بعصبية/تتصرف في أي يا حاج بتقولك اتطلقت يعني مبقاش فيها تصرف ده تقوم تلم هدومها وفي بيتنا نتكلم ونشوف نربيه ازاي؟ هو فاكر نفسه ايه؟ بكرة يتمني ترابها يالا يا بت قومي معايا. 

اشرف بهدوء وتروي/استهدي بالله يا حاجه مينفعش الكلام ده نسمع بنتنا الاول وبعدين نشوف هتعمل ايه ؟ مش يمكن تكون غلطانة؟ 

شهقت سميحة /غلطانة...غلطانة يقوم يطلقها! ليه يعني ملهاش أهل يقولهم بنتكم غلطت ولو لاقناها غلطت نعرفها غلطها؟ 

اشرف /طب ممكن تهدي شوية علشان اسمعها يا حاجة. ووجه نظره لابنته/ ما تنطقي يا بنتي عملتي ايه ؟ولا ايه اللي وصل الموضوع بينكم للدرجة ده ؟

جودي بابتسامة سخرية /معملتش حاجه غير اني حاولت ابعد جوزي عن العقربة اللي لفت حواليه ومكنتش متخيلة أن الموضوع هيوصل لكدة.

اشرف باستفسار/ عقربة ايه فهميني من الاول ينوبك ثواب مش تجيبي من الاخر.

جودي باسترجاع/من فترة حسيت جوزي متغير اه طبيعة شغله يتاخر بس لا ده بقي بيتأخر بزيادة . وعلى طول سرحان كان دايما بيسأل عليا أو على ابنه أو يتصل حتى لو مرة في اليوم فجأة مبقاش يسأل خالص ولما اسأله يقولي مشغول وحسي بيا والكلام ده بدأت اعذره واسيبه براحته وبعدين لاحظت مكالمات كتير بتجيله حتى في عز النوم يقوم يرد على الفون بره ويرجع تاني يتسحب علشان ميحسسنيش أنه قام من جنبي وفضل كدة فترة وانا بحاول اكدب احساسي واقول اسر عاقل وبيحبني وبيحب بيته وابنه لحد ما في مرة بالصدفة ابنه طلب منه الفون يلعب بيه ادهوله ودخل الحمام ياخد شاور وانا كنت بالمطبخ بجهز الغدا والولد جه يلعب جنبي وبعدين اللعبة راحت منه اداني الفون علشان اجبهاله وانا بدور في الفون على اللعبة لاقيت رسالة ظهرت قدامي مكتوب فيها انت فين يا بيبي وقلوب حمراء انا اتخضيت وشكي اتاكد أن في حاجة أديت الفون لابني وعقلي مشوش مش عارفه اسأله ولا اراقبه من بعيد وفعلا بدأت اراقبه واروحله الشغل مفاجأة ولما روحت له في مرو لاقيت واحدة في مكتبة عرفني عليها انها عميلة وعايزة رسم هندسي للفيلا بتاعتها وبقي كل لما اروحله الاقيها معاه طبعا كانت بتحصل خناقة لما نروح بس في مرة وانا عنده مقدرتش امسك نفسي لما سمعتها قبل ما ادخل وشوفتها ...لما شوفتها.. ووضعت يدها على وجهها وبدأت في البكاء وكأنها تري المنظر مرة اخري وقالت/ شفتها قاعدة على رجله وكانوا واجهشت بالبكاء

اختلاج_روح

Flash Back 

فتنة وهي تجلس على قدم اسر وتضع يدها حول عنقه وتنظر لعينيه /ها يا بيبي هتيجي تطلبني امتي ماما بتسال كل شوية

اشرف بتيهه من جرأتها ونظر على شفتيها وقال / الوقت اللي تؤمري بيه يا حبي ثم التهم شفتاها وكأنهم فاكهته المحببه ويداه تتحسس مفاتنها وهنا دخلت جودي عند استماع اهاتهم 

جودي بدهشه وقد جحظت عينيها وتسمرت مكانها لبضع ثواني مما رأته ثم انطلقت بسؤالها صارخة/ انتوااااا بتعملوا ايييه؟ معقول انت يا اسر انت تعمل كدة وظلت تصرخ

انتفض كل من اسر وفتنة وانطلقت فتنة تغلق باب المكتب وأسر أخذ جودي يهدأها /بس يا جودي ايه اللي بتعمليه ده احنا في الشركة متعليش صوتك. 

جودي بصوت عالي /في الشركة دلوقتي عرفت انك في الشركة وكنت بتعمل ايه من شوية في الشركة 

وضع اسر يد على فمها والاخري خلف رأسها حتى يتحكم برأسها واخذ ينظر لها بمتسع عينيه /شششششش فتنة روحي انتي وهنتكلم بعدين واقفلي الباب وراكي

#لولي_سامي

انطلقت فتنة تخرج من المكتب وجدت حشد من الموظفين يتجمعون أمام المكتب ينظرون لها نظرات مخزية خرجت من بينهم ولم تبالي لأحد .

وأسر بالمكتب مازال يضع يده على فمها وينظر لها وهي تحرك راسها يمينا ويسارا لا تعرف هل لعدم تصديق الموقف ام لرفضها كل ما سيقوله حتى نطق هو /كل اللي عملتيه ده حسابه عسير، لينا بيت نتحاسب فيه يا هانم هشيل ايدي لو صوتي ولا عملتي شوشرة اكتر من كدة انتي حرة

ثم سحب يده من على فمها وهو ينظر لها نفس النظرة المرعبة لم تراها منه من قبل ثم استقام وجمع ملتزماته من مفاتيح السيارة والتليفون الخاص به وقال لها /قدامي هننزل من الشركة على البيت مسمعش نفس لحد ما نوصل للبيت وبالفعل خرجا من المكتب وجد كل من بالشركة يتجمع أمام باب مكتبه نظر لهم غاضبا ثم قال لهم بصوت عالي/ كل واحد يتفضل على مكتبة بسرررررعة .

وانطلق يخرج من الشركة بخطوات أشبه بالركض وهو يسحب زوجته كالشاه وهي مستسلمة له لم تستوعب ما وصل له زوجها وقرة عينها.

ركبا السيارة وكل منهم على حاله ولكن شتان فهو حاله كان عبارة عن ترتيب افكاره وردودة وتوقعات ردها.

#اختلاج_روح

وهي حالها عدم التصديق ومحاولة الخروج من الكابوس فهي كانت تظن أنها بكابوس وعليها أن تستيقظ منه فكانت جاحظة العينين في حالة من التيهه حتى فاقت من شرودها على صوته يقول لها وهو ينظر امامه /اتفضلي اطلعي الشقه هركن العربية وجاي

نظرت له ثم أومأت برأسها وخرجت من السيارة وصعدت لشقتة جارتها اخذت ابنها منها وجدته نايم فتوجهت الي شفتها وارقدته بسريره وجلست تنتظر زوجها لربما كل ما حدث ليس حقيقيا حتى وجدته يدخل من باب الشقه الذي اغلقه بكل هدوء فتنهدت واحست انها حقا استيقظت من كابوسها ولكن أخطات عندما راته ينظر لها وهو يضيق عينيه ويقول لها /ها ارتحتي دلوقتي بعد ما فضحتيني ؟ تفتكري أنا كدة هبعد عنها؟ تبقي غلطانة. اللي عملتيه ده ملوش غير حل واحد وهو اني اتجوزها وبسرعة كمان بس بدل ما كنت هتجوزها في السر دلوقتي اضطرتيني اتجوزها في العلن والكل لازم يعرف .

استقامت جودي من على سرير ابنها ووقفت أمامه تنظر له وبصوت مهزوز تقول/قولي اللي شوفته ده مكنش حقيقي قولي اني كنت في كابوس مش ممكن اسر اللي حبيته يعمل كدة

اسر بكل هدوء / انا عملت ايه انا استعملت حقي اعتقد من حقي اتجوز لما احتاج ده.

جودي بعدم تصديق وعدم استيعاب بكلماته/لما تحتاج !لما تحتاج ايه ؟ مانت متجوز .

ضحك اسر وذهب يجلس على الأريكة بالصالة ووضع قدم فوق الأخري وقال/اعتقد انا اللي احدد إذا كنت محتاج ده ولا لأ.انا محتاج حد يعوضني عن المحروم منه.

#لولي_سامي

ذهبت جودي تقف أمامه تحاول اثناءه عن ما برأسه / وهي ده اللي هتتجوزها علشان تعوضك عن اللي محروم منه معايا! معايا انا يا اسر ؟ده مبتحبكش لا يمكن تكون بتحبك .ده بتستغلك وبتضحك عليك .

استقام اسر أمامها وبابتسامه خفيفة /ليه شايفاني عيل صغير هتضحك عليا

جودي تمسك يده / لا شيفاها متمرسة وعارفه هي بتعمل ايه ،

اسر فوق لنفسك علشان خاطري وعلشان خاطر ابنك احنا بنحب بعض من زمان واتجوزنا واستحملنا الحلو والوحش مع بعض مش ممكن تكون نسيت حبنا .

أفلت اسر يده من يدها واستدار ليعطيها ظهره وكأنه يهرب من نظرات عينيها التي تحاصره / والله انتي بمجيتك ليا المكتب واللي عملتيه ملوش غير حل من اتنين يا تقبلي اتجوزها وانتي معايا يا تتطلقي وهتجوزها برضه.

ذهبت جودي لتقف أمامه غير مصدقة لما نطق/ مش ممكن اللي بتقوله ده .مش ممكن انت عايز تتجوز عليا ؟ 

انا لا يمكن اقبل بكدة انت فاهم لا يمكن اقبل.

اسر بكل هدوء وكأنه اتخذ قراره/خلاص براحتك انا خيرتك وشكلك اخترتي 

انتي طالق

Come back

وارتمت جودي بحضن والدها بعد أن سردت كله كل ما حدث واوضحت أن خطأها كما أوضحه اسر لها أنها عندما صعقت من منظرهم بأحضان بعضهم غضبت وثارت وكأن هذا ليس بحقها واخذ والدها يربت على ظهرها وهو بداخله جحيم لهذا الأسر الذي يضحي بكل نعم الحياة من اجل ساقطة أجل أنها ساقطة لا يوجد من تفعل كل هذا قبل الزواج حتى ولو روحها بيدي من تحب.

وأخذت والدتها تسب وتلعن بهذا الأسر وكيف ستذيقه من العذاب حتى يتسني له رؤية ابنه وزوجته حتى نطق والدها 

/ اسكتي يا حاجه الله يرضي عنك موقف زي ده محتاج اللي يهدي مش اللي يشعلل.

سمية/اهدي ايه وإشعلل ايه مسمعتش يا حاج اديك كنت عايز تعرف مين الغلطان عرفت دلوقتي مين الغلطان؟ انا لا يمكن اسكت عن حق بنتي، هو فاكرها ايه ياخدها شوية ولما يزهق ويشوف غيرها يرميها؟

اشرف وهو يحتضن ابنته/ لا حول ولا قوة الا بالله العلي العظيم مين قال بس هنسيب حق بنتنا بس برضو الراجل معذور لقي اللي تلف عليه وهو مطمئن من ناحية بنتك أنها موجودة وملو ايده اتعامل بطريقة المباح متروك والممنوع مرغوب واحنا هنعامله بنفس الطريقة ولازم نرده ردا جميلا أن شاء الله حتى يقضي الله أمرا كان مفعولا استهدي بالله يا بنتي وقومي اغسلي وشك وفوقي كدة وتعالي هقولك هنعمل ايه.

سمية / هي لسه فيها عمايل يا حاج ده

قاطعها اشرف / حااااجة ينوبك ثواب قومي اعملي لبنتك كوباية لموناته تروق بيها دمها وسندوتشين وتعالي هنتكلم 

..............................

ولحد هنا ونقف واسالكم ايه رايكم في كلام الحاج اشرف ؟

وتفتكروا هيحل المعضلة ده ازاي ؟؟

هيصغر بنته ولا هيعززها؟؟

بداية الروايه من هنا 👇👇👇

من هنا