القائمة الرئيسية

الصفحات

الأخبار[LastPost]

روبوت_مراتي البارت_الاول



 روبوت_مراتي

البارت_الاول 

لتصلكم باقي الروايه متابعه من هنا 👇👇👇👇👇👇👇

تابعو من هنا

معقوله صنع مراته روبوت بعد ما ماتت؟! 


= والله يابنتي ما بهزر ،ده بيقولوا عليه ات*ج*نن 


بتفكير وهي بتاكل قطمه من الساندويتش بتاعها : رجل اعمال شهير من عشقه في زوجته التي مات*ت منذ أشهر عديده قرر صنعها علي هيئه روبوت واليكم بعض التفاصيل ...


صاحبتها بشك : انتي بتفكري في ايه ياريم اوعي يكون اللي في دماغي صح !!


ريم وهي بتلف لصاحبتها وبتضحك بمك*ر : لا اللي في دماغك صح ،انتي متخيله اننا لو عملنا حاجه زي كده هيحصلنا ايه ،احنا هنطلع لفوق ،فوق اوي ،احنا هنبقي تريند ،الناس كلها 

هتتكلم علينا ،هنبقي حديث السوشيل ميديا !!


صاحبتها بسخريه : وضيفي عليهم هنتسجن ومش بعيد ناخد م*ؤبد ...


ريم ببرود ولا مبالاه : اهو علي الأقل نبقي عملنا انجاز في حياتنا يامي ،بدل ماحنا ملناش لازمه في الحياه كده ...


مي بنرفزه : انتي مجن*ونه ،انا استحاله  اعمل كده انا مش مستغنيه عن عمري انتي متعرفيش عز الحديدي ممكن يعمل فينا ايه ؟!...


ريم وهي بتبص لصاحبتها وبتحط رجل علي رجل ببرود : ميقدرش يعمل حاجه ...


مي بسخريه : هه مانتي متعرفهوش ياحبيبتي ، وبعدين تعالي هنا انتي ناويه علي ايه ؟!


ريم بمكر وابتسامه كلها امل انها هتبقي حديث السوشيل ميديا لو عملت اللي بتفكر فيه ...


ناويه علي كل خيررر ...


مي وهي بتاخد شنطتها وبتقوم عشان تمشي : اقابلك في الجنه بقي 


ريم بضيق : انتي هتمشي وتسيبني لوحدي ؟!


مي بتزمر : اومال عايزاني افضل معاكي ومع دماغك ال*سم ديه اللي هتودينا في داه*يه ...


ريم بإقناع : يابنتي استني بس ،هفهمك صدقيني لو عملنا اللي في دماغي هنتشهر اوي ...


مي بتوتر : و وهو ايه اللي في دماغك ؟! 


ريم بتفكير : ادخل بيته بأي شكل 


مي باستغراب : تدخلي بيته ليه ؟؟


ريم بضيق : يابنتي فتحي مخك معايا كده ،انا لازم ادخل بيته اصور الروبوت واصوره وهو بيتعامل معاه ،لازم الناس تعرف حياه الروبوتات عامله ازاي ،عندى فضول رهيب اعرف الروبوت ده قادر يعوض مراته ولا لا ،صدقيني لو قدرت اعمل كده هتبقي تريند ...


مي بأقتناع شويه : ط طب وهتدخلي بيته ازاي ؟! 


ريم وهي بتتنهد بتفكير : مش عارفه بس سيبيني افكر ..


مي بخوف : ربنا يستر ...

.................................................. 

الساعه ١٢ بليل وخاصه في فيله عز الحديدي دخل فيلته ،كانت هادئه والانوار مضلمه ،مفيش حد في الفيله غيره هو وروبوت مراته ،طرد كل الخدامين ،هو مش حمل كلام وهري فاضي ،هو متأكد أن الكل عايز يدخل بيته يصور الروبوت اللي صنع بأيده ،اللي بيعوضه نوعاً ما عن موتها ،مع أنه عارف ومتأكد أن لو الف روبوت شبه مراته مش هيقدر يعوضه !


رمي بجسمه علي الكنبه بتعب ،فك الجرافت بتاعته وهو بيتنهد بتعب .. 


فتح الفون بتاعه وضغط علي زرار ...


دقايق وسمع صوت رجل بتنزل علي السلم ،رفع رأسه يشوفها ،كانت لابسه فستان ابيض واسع شويه ،فارده شعرها علي ظهرها ،شعرها الطويل اللي بيعشقه ،بتبصله بجمود ،وبرود ...


قربت منه ،وهو قام وقف وحض*نها بأشتياق ...


وحشتيني اوي اوي ياهاجر ..


بادلته الحض*ن هي كمان ،ماهي متبرمجه تعمل كده ،هو اللي متحكم فيها ،مصنعها ازاي تعمل كده...


كان حضنها فيه بروده ،فيه جمود ،كالعاده ،عكس هاجر الحقيقيه ،اللي كانت أول ما يدخل من باب الفيله تجري عليه تح*ضنه لفتره عشان واحشها ،تتدلل عليه زي الاطفال لما يتأخر شويه ،هاجر اللي كانت تعمل كل حاجه بدون حساب أو برود ،اللي حض*نها كان كله دفئ وامان ...


بعد عنها وهو بيتنهد بحزن : مش هتقوليلي انت كمان وحشتني ..


هاجر بسرعه : وحشتني 


عز قعد علي الكنبه وش*دها تقعد جنبه وهو بيقول بهدوء: احكيلي كنتي بتعملي ايه ؟!


هاجر : بعمل ايه في ايه ؟!


عز وهو بيتنهد : كنتي بتعملي ايه طول اليوم ...


هاجر : مكنتش بعمل 


عز بضيق : ياهاجر انتي ليه مش بتحكيلي يومك زي زمان ،ليه مش بتحكيلي اي حاجه ،اومال انا عاملك ليه ،مش عشان تعوضيني عن هاجر ...


هاجر بخوف : انت ليه بتزعق ياعز ..


عز وهو بيقوم من جنبها وبيضغط علي الزرار مره تانيه عشان يعطلها : ارجعي للعالم بتاعك ياهاجر ...


اتنهد،بعصبيه شديده وهو بيهبد الكنبه بأيده وبيقول بغيظ وغضب : اتغيرتي ليه ياهااااجر ليييه ...


باب الفيله خبط ،مسح عز علي وشه بضيق وهو بيقوم يفتح الباب ...


عز بضيق : عايز ايه ياسامح؟


سامح بتوتر : ا انا اسف يباشا اني ازعجتك ب بس في حاجه حصلت لازم أبلغك بيها ...


عز بضيق : حاجه ايه اخلص 


سامح : ف في واحده واقعه قدام الفيله فاقده الوعي خالص واحنا مش عارفين نتصرف ...


عز باستغراب : واحده مين ؟!


سامح : معرفش يباشا 


عز : تعالي معايا لما نشوف آخرتها ..


وصل عز ومعاه سامح قدام باب الفيله ،كانت ريم عامله نفسها فاقده الوعي بالفعل عشان تقدر تدخل الفيله وتحقق في الموضوع اللي هيغير حياتها للابد ...


عز وقف يبصلها بشرود ،بيراقب تفاصيلها ،ريم جميله بشكل يخطف القلب والعقل،وشها الابيض اللي في نمش ،رموشها الطويله اللي مغطيه عينيها ،خدودها الحمراء طبيعي ،شعرها الاسود الطويل اللي يشبه شعر هاجر حبيبته الي حد ما،براءتها اللي باينه في وشها ...


قعد علي ركبته الاتنين قدامها وهي حست بيه ،شمت ريحه البرفيوم بتاعته اللي خلت قلبها يدق بين ضلوعها لاول مره ....


حركت رأسها وهي بتهمهم بكلام مش مفهوم : لا لااااا ياعمي ل لا مش عايزه اتجوزه لا الله يخليك ده اكبر مني ..


عز وهو بيبلع ريقه بتوتر وبي*ض*ربها علي خدها بخفه : يا انسه ،يا انسه انتي كويسه .. 


ريم وهي بتمثل بأتقان : لا لااااا الحقوني ،هي*موت*ني عشان هربت ،هيم*وتن*ي ...


عز : يا انسه 


ريم فتحت عينيها ببطئ ،عينيها البني اللي لو بصيت فيها تحس ان القهوه اتصبت في عينيها ...


ريم بدموع مصطنعه : ا انت مين 


عز بتوتر : ا احم ا أنا ،انتي اللي مين انتي كويسه 


ريم وهي بتقوم وبتبص حواليها بخوف : ل لا ا انا خايفه ...


عز بتساؤل: خايفه من ايه ؟!


ريم بخوف ودموع : ع عمي عايز يجوزني لواحد اكبر من ابويا عشان الفلوس ،ا انا هربت منه ب بس خايفه اوي ،خ خايفه يعرف مكاني ساعتها مش هيرحمني ....


عز وهو بيبصلها بشفقه: متخافيش محدش هيقدر يقربلك ..


ريم باستغراب وفرحه في نفس الوقت من جواها بس قالت بدموع : م مش فاهمه ..


عز وهو بيحط أيده في جيبه وبجمود : انتي هتشتغلي عندي 


ريم بتوتر : ا اشتغل ايه 


عز وهو بيبصلها وبيق*رب وشه من وشها وبيتكلم بحذر : خدامه بس ورحمه مراتي ،لو في كلمه خرجت برا الفيله مش هرحمك ...


ريم وهي بتهز رأسها وحست بخوف من جواها،انها ورطت نفسها في المصيبه ديه : ح حاضر 

يتبع 

إيمان_شلبي

البارت الثاني من هنا 👇👇👇


من هنا

تعليقات

CLOSE ADS
CLOSE ADS
close