 |
صبرت_بحبج_سنين
البارت الثاني والتالت والرابع
بقلمي ام البنات
ليصلكم باقي الروايه تابعونا من هنا 👇👇👇👇👇👇👇👇
تماره....طلعت بسرعه اخذت ماي السرى ردت اروح مخلتني بس بقيت بغير عالم كل شويه انتبه على نفسي صافنه واضحك ماعده سرى كل شويه تكلي شبيج...اني حروح بابا يكوم يحجي .....نزلت لكيت هاني بالمطبخ وي خاله كاعد سلمت وطلعت طلع ورايه
هاني....اوصلج
تماره.....اا شكراً اني اروح
هاني....روحي حبقه اباوعلج لحد متوصلين دنيا مغرب ميصير وحدج بقيت اباوع لحد مدخلت طبيت كعدت يم امي
الام....شبيك اصفن ماما
هاني....مابيه شي بس جوعان
الام....انت تحبها؟؟؟
هاني....ها ؟!منو قصدج؟
الام...تعرف شنو ومنو قصدي
هاني....حكيت راسي ...كتلها اي احبها
الام....خلي اخطبها الك لعد
هاني....خاف ميطونها
الام.....عوفها عليها اهلها خوش ناس وعشرت عمر ويحبونه بلكي اصير من قسمتك هم حلوه وهم مؤدب شفايتلي اصير جنتي
هاني....طرت بحجي امي كتلها الي اشوفينه بس خلي كم يوم اشوف نبضها...ردت اتاكد من حبها ردت تكولي هيه تحبني حتى اتقدم الها وره كم يوم وديت الهم نغصه امي دزتها دكيت الباب طلعتلي هيه اطيته الها
تماره...هسه اطيك الماعون انتضر
هاني...من رجعت ورادت اطب لزمت ايدها ...مرجعتيلي جواب
تماره.....عوفني عفيه لا احد يشوفنه
هاني....تماره اني احبج اموت عليج والله لا اشلعين كلبي كوليلي تحبيني لو لا اذا لا انسحب وبعد متشوفيني
تماره...متت من المستحه دنجت راسي وكتله احبك جريت ايدي ودخلت بسرعه وكلبي يريد يطلع من مكانه
هاني....رحت للبيت واني احس نفسي طاير طبيت للبيت كمت ادك على الكاونتر واغني
الام.....لازم حصلت الجواب
هاني....اي حصلته
الام.... لعد نروح نخطبها
سرى...طبيت اركص على دكت هاني .....احد يفهمني شنو السالفه
هاني.....كملي ركص لاتوكفي اموتج اذا وكفتي....سمعي هذا الخبر قررت ازوج كتلها واني ادك وهيه تركص
سرى....اااي راح اخلص منك بس منو المتعوسه الي تاخذك
هاني....شيخت البنات وكمرهم
سرى....اهووووو من هسه بدت رحمة الله كول منو وفضها نعرفه شايفينها
الام....شبيج نخطبله تماره
سرى....ياتماره😳 تماره صديقتي لا يمه خطيه بيش طالبتها....هيه عدها علم لعد شومكلتلي من شوكت هذا الحجي
هاني.....😂😂😂😂😂على كيفج راح تتخبلين الصدمه جانت قويه عليج.....لليل حجيت وي سرى كتلها خابري تماره اريد احجي وياها خاف ادك وابوها يرفع التلفون كوه قبلت
سرى.....الووو
تماره....الو هلو شلونج
سرى....باعي اني ما احجي وياج مخليتني مثل الثوله
تماره...وج شبيج شكو شصايره
سرى.....كلشي مصاير جانت عايزه بس بيوم العرس تعزموني
تماره.....ههههههه لا مزعلين كلبج طيب تعاي واني احجيلج كلشي
سرى....هاج هذا سطرني يرد يحجي وياج
هاني....الو ياهله من فدوه رحت لهذا الصوت بلاشي مدوختني نوب صوتج بتلفون يموت اووف......
تماره.....هاني حجه ويايه بموضوع الزواج كتله اخلص الخامس يالله مبقه بس شهرين ونكمل علمود سادس اهلي يقبلون واقتنع وبقينه اني وهاني علاقه لحد ما اجه خطبني واهلي وافقو بدون اي شروط حتى على الدراسه محجو وافقو وحددو موعد قرايت الفاتحه قبلها بيومين طب علينه ابن خالي وابن عمي امي وابويه ولد عم وماخذين خوات اسمه علي عصبي وعيونه دم متنه خوف شكو شصاير
علي....اريد احجي وي عمي ....عمي ليش تطي تماره للغريب اني اوله واريدها والي تريده اني حاضر
الاب....اطيها الك بطن عيني بس ما اكدر اجبرها على شي وهيه نخطبت واتفقنه على كلشي والجمعه الخطوبه ميصير عيب علينه نخربها
علي.....مو عيب مابيها شي ردولهم خبر ماكو قسمه اكو يزوجون ويطلكون وهيه بعدها حتى ممخطوبه
الاب.....اشوف تماره مو بكيفي هاي حياتها
تماره....طلع علي وحجالي بابا الي صار تخبلت وكتله لا ماريده اني ما ازوج غير هاني وصارت الخطوبه وقرينه الفاتحه بيومها بليل اجه علي وشكله مينوصف تعرفو على علي وبعدين نكمل
علي....اني ابن خالها وابن عمها لتماره مواليد 1978 طولي 190طويل وضخم حيل عضلات عدي بديت العب حديد من جان عمري17وبقيت لان ردت ادخل مسابقات بس مصارت وبقيت معتني بنفسي خريج اداب عربي تماره حبي الاول والاخير اعشقاها مو بس احبها من اول ماكمت اراهق ومن جانت طفله من نلعب اخاف عليها وكل ماننجمع ونلتم ما اشوف غيرها اراقبها من بعيد اخاف عليها من كلشي حتى من كرايبي ما اخلي احد يقربها هيه حلو كولش واخاف عليها منو ينعجب بيها ادكله طابع واكله احبه محد ياخذها غيري وينسحب من سمعت نخطبت الدنيا طلعت من عيني تمنيت الموت ولا تروح لغيري تخبلت هواي لمحت الها بحبي وبتصرفاتي ابد منتبهت الي وكمت ما احجي ماريد االهيها عن دراستها رحت حاجيتهم تمنيت بس يقدرون حبي كلشي مستعداسويلها اني عدي خير من الله ابويه مات وعافلي كلشي ماعدي احد بس اخ واحد ومسافر واختي مزوجه بستها قريب علينه بس اني وامي مستعد اسويلها الي تريده حبها تملكني لدرجه كرهت نفسي لان حبيتها هيج نخطبت طلعت روحي رحتلها للبيت ومهمني لاعمي ولاخالتي بس طلعت لزمتها من ايدها واني منهار
تماره.....لزمني من ايدي بعصبيه
علي.....لج باعي لو اخر يوم بعمرج متصيرين لغيري
تماره......لو تبقه اخر رجال بدنيا ما ازوجك متستحي تحجي هيج ويايه واني مخطوبه
علي....لاتحجين هيج بصياح
تماره.....عوف ايدي تخبلت متكلي منين طلعتلي انت
علي.....طول عمري كدامج بس انتي مشايفتني
تماره.....شايفتك بس اخ مو اكثر
علي......مو اخوج اني مو اخوج كمت اضغط على ايدها بدون ما احس على نفسي
تماره......خفت منه وسكتت عيني بعينه وعيوني مدمعه وخايفه منه هو كوووولش ولازم ايدي حيل امي وابويه طلعو للسوك وحدي بالبيت شويه ورخه ايده نزلت دموع من عينه
علي.....وج خلصت العمر كله احبج بقيت انتضرج تكبرين حتى اتقدملج خلص عمري واني اراقبج اعرف شنو الي تحبينه وشنو الي تكرهين اعرف شنو الي يضوجج وشنو الي يفرحج اعرف دمعتج فرح لو حزن مثل ما هسه اشوف بعيونج غيري حبيب حبيتج حب ماله حد وروحي مستعد اطيها ماريد منج شي بس تحبيني
تماره.....علي روح حباب هذا الشي مو بيدي مثل ما انته حبيتني اني حبيت هاني
علي....صرت اعصاب من كالت حبيت هاني خليت ايدي على حلكها ودفعتها على الحايط حسج ما اسمعه كافي ...كامت تنزل دموعها عفتها وداريد اطلع نداريت عليها ....على الاقل احترمي مشاعري احترمي حبي الج لا اذكرينه بحب وغزل كدامي اني احبج وشاريج يابت عمي بس مدام كلبج مو الي الله يسعدج هاي حياتج واختيارج اتمنه يحبج ربع حبي الج اتمنه يستاهلج ويقدرج ...عفتها وطلعت وقررت ادوس على كلبي ما اكول انساها لان ادري مراح انساها بس راح ادوس على كلبي كرامتي متسمحلي انذل الحب الي بي ذله مينراد
تماره....طلع علي واني كعدت بالكاع ابجي مدري ابجي من الخوف والهبطه مدري ابجي عليه وعلى حبه مو سهله واحد يحب تالي حبيبه يروح لغيره وهو كاعد يتفرج ....قررت ما اكول لا اي احد على الي صار لان امي مقتنعه ب علي اكثر تكلي يحبج من زمان لاتكسرين بي .......بقينه اني وهاني نجهز خطوبتنه استمرت كم شهر وقررنه نزوج قبل امتحانات السادس علمود العطله تماره....كاعدين بيت اهله كتله حباب هاني اكمل امتحانات ونزوج
هاني....لج ما اصبر والله
تماره....خاف ارسب
هاني.....لازم متردين تجين يمي ....عظيت شفتي كومي اريدج بشغله اخذتها وصعدنه لغرفتي حضنتها بلهفه وشوك
تماره....متت باحضانه وحنانه احبه من احس بلهفته عليه اسمع نفسه يرجف كمت اون من قوت الحضنه مالته كام يتماده بالبوسه والحضن دفعته وردت انزل لزم ايدي
هاني.....تره ما اصبر شهر
تماره.....الي تريده يصير نزلت وره شويه نزل هوه
اروح وي ماما من اصير لمات بيت جدي اشوف علي من بعيد يسلم عليه واشوف بعينه حصره وقهر حاولت ابتعد عنه بس حسيته تغير جان يضحك ويشاقه هواي صار انسان بارد وقاسي اغلب الوكت ساكت
علي....من يوم الي صار بعد كرهت الدنيا كلها وقررت ما ازوج بعد كمت ما احس بطعم فرح ولاضحك حسيت كرامتي نكسرت مو بس كلبي من اشوفها ساعات اتمنه احضنها واخليها بحضني وساعات اتمنه اخنكها بس اتعوذ من الشيطان ...
تماره.....قرب العرس وجهزت كلشي بعد بس البدله داروح اشوفها خابرت سرى اسال على هاني طلعت تبجي شبيج سرى شكو
سرى....الحكيلنه هاني سوه حادث وبالمستشفى
تماره .....طلعت اركض بدون وعي رحت لبيتهم اخذونه ورحنه للمستشفى وبقيت على راسه لحد ما صحه ...
هاني....اااخ اخ
تماره....شيوجعك حبيبي بيك شي
هاني....شكو وين اني
تماره.....نكلب بيك الماطور وسويت حادث الله لطف بحالنه وطلعت منها اجلنه العرس شهر لان هاني مجبر رجله والحوض عده فطر الضربه كولش قويه بس الله ستر اني هم استغليتها كملت امتحانات واجه موعد العرس وسوينه عرس بالقاعه وعزمنه الدنيا كلها بس الي صدمني علي اجه للعرس بس جان كولش جامد وبارد بتصرفاته وي الكل والكل يباوع عليه من كرايبنه لان يدرون بي يحبني كعد شويه واجه بارك النه من لزم ايدي وباركلي كتله مجنت مجبور على الجيه مردتك تنحط بهيج موقف
حيدر....شماتي هوواي ماريد يشمتون بيه اكثر لاتخافين عليه كلبي كنكسر مراح يتأثر بشي بعد
تماره......اسفه على كلشي بدر مني
علي....هنا المشكله مبدر منج شي ....ضغطت على ايدها انتي بت عمي واني حزام ضهرج باي وكت وضرف تلكيني عون وسند لاتترددين ابد الله يسعدج ويهنيج ديري بالج على نفسج ونداريت على هاني هاي امانه صوته وحافض عليها
#صبرت_بحبك_سنين
بارت3 بقلمي ام البنات
خلص العرس وهاني طاير من الفرحه واني بين فرحتي بهاني وبين قهري على علي صعب الحب من طرف واحد تحب واحد محاس بيك .....زفونه للغرفه اني ميته مستحه اشوف هاني عركان ومخبوص يالله بدلي وتعاي
تماره....ليش مستعجل عفيه اخاف
هاني....لا ممستعجل على راحتج سبحي وبدلي بين ميصعد العشه حتى نتعشه لان جوعان .....
تماره....سبحت وبدلت لبست سيت نوم وعليه روب ستن هاني بقه فاك حلكه
هاني.....من شنو الله خالقه جنج الكمر تعاي نتعشه حبي
تماره....كعدنه نتعشه وهاني عينه موكعت مني كملنه اكل وجرني للفراش بس حسيته مو طبيعي شويه وكام مني وهو عصبي
تماره....هاني شبيك حبيبي
هاني .....مابيه بس تعبان
تماره.....اي عادي اني هم تعبانه خلي نام
هاني.....احسن .......
تماره....حسيت بهاني حيل تعبان ومثل الي فشل من موقفه رجال بيوم عرسه كلشي ماكو صعبه عليه ...بقيت امسد على راسه لحد مغفه ....
صبح الصبح
تماره.....فزيت لكيت هاني كاعد .....صباح الخير حبي حضنته حيللل معقوله انت يمي هسه وصبحت بوجهك ممصدكه
هاني.....كعدت من وكت ومحضر حجي هواي احجي وي تماره من كعدت وحضنتني حسيت اطتني قوه وجرائه حتى احجي كل الي عدي ....تماره عدي حجي مهم وياج
تماره.....كول حبي اسمعك
هاني.....اني احبج حيل ومن خطبتج غايتي اسعدج جنت من اشوفج اصير عدي رغبه قويه كوه اسيطر على نفسي بيوم الي احضنج بالخطوبه لو ابوسج للصبح ما انام اتخيلج بحضني وابقه الوب بقيت ادعي الوكت يمشي حتى اصيرين الي
تماره....صدكني نفس شعوري
هاني....اذا تحبيني خليني اكمل للاخير لاتقاطعيني
تماره.....صار حبي كمل
هاني.....من صار الحادث جانت الضربه قويه على المنطقه الحساسه وتاثرت بالحادث بس الدكتور كال هذا وضع طبيعي فتره ويرجع كلشي طبيعي بس استمر على العلاج والعلاج يتعب نفسيتك ويوترك بس يجيب نتيجه وبقيت مستمر ورحت افحص كلي مجرد حاله نفسيه مابيك شي روح ازوج وشيل الاوهام من بالك فرحت وكلت اي خلص الحمد الله بس البارحه عرفة ماكو نتيجه من الدوم وهذا مو وهم هاي حقيقه
تماره....يحجي واني مصدومه....هاني ليش مكتلي
هاني....اني اسف جان لازم اكولج حتى اشوفين حياتج بس الدكتور كلي مابيك شي وبس اشوف زوجتك راح يتغير كلشي بيك وانتي اكبر رجال يدوخ بجمالج مشلت هم
تماره.....شلون اعوفك اني اعتب عليك ليش مكتلي حتى اوكف وياك واتحمل وياك ليش اشيل الهم وحدك
هاني.....اذا تردين ترجعين لا اهلج وتطلكين وتعيشين حياتج صح مستعد اطلكج بس ابقه طول عمري احبج
تماره.....ليش اطلكني شنو ذنبي وشنو ذنبك هذا حادث الله كتبه علينه قدر ربك هذا ليش نطلك اني كلبي متعلك بيك شلون تفكر بيه هيج اني حبيتك الك شمعرفني بنومه شنو حتى اطلك علمودها
هاني.....تماره لاتستعجلين مو بس نومه فهمي الموضوع اذا مطبت عمرج مراح اصيرين ام ليش اضيعين نفسج وادفنين شبابج ويه واحد عاجز
تماره....العاجز هو الي ميكدر يسعد حبيبته العاجز هو الي يقصر على مرته العاجز الي يتقاوه على مرته ويضربها العاجز الي كاعد بالبيت عاطل هذا العاجز انت رجال كامل مكمل ما اقبل منك هذا الحجي اكو علاج وراح تتعالج ونبقه ايد بايد ومحد يدري هذا سرنه احنه وحدنه
هاني....حضنتها وكمت ابجي ممجبوره تتحملين هيج وضع عوفيني ما افيدج
تماره....ما اكدر صدكني موبيدي كلبي ميكدر على فراكك ....مسحت دموعه ولزمت ايده كوم حبيبي خلي نغسل ونبدل حتى نرجع للبيت اهلنه ينتضرونه وكلشي تمام مدام احنه سوه ....رجعنه للبيت والكل فرح بينه والي سالونه نكلهم كلشي تمام تم الموضوع .....بقه هذا السر بينه محد يدري بي وبيوم الي رجعنه اجتي امي اشوفني كلتلي علي البارحه بليل متخربط وناقلينه للمستشفى صاعد ضغطه وطك خشمه دم متت قهر عليه وقررت بعد ما اخليه يشوفني احاول ابتعد بلكي ينساني
علي....بقيت الليل كله كاعد ميت من القهر اشرب جكاير واتخيل شلون يلزمها ويحضنها ابجي واكول شلون راحت مني شلون صارت الغيري شنو ذنبي لان حبيتها ربي ريحني موتني مدام مصارت الي اخذ امانتك وريحني ما اتحمل اصيرلغيري وليزمها غيري شلون اشوف بحضنها جهال مو مني خلصت العمر كله اتخيل حياتي وياها شلون تروح مني محسيت ال امي فوك راسي يم بعدك منايم باوعت عليها عاطت يم شبي خشمك يصب دم بعد محسيت ال اني بالمستشفى ارتفاع بضغط الدم
تماره....وره سنه ونص هاني بقه يتعالج وماكو اي نتيجه واعاصابه تعبت من الادويه قررنه نترك الدوه ونعوفه على الله
هاني.....تماره شلون شسوي تعبت
تماره....اخذها مني وعوف كلشي ربك يحلها
هاني....شنو ذنبج تحملتي الحجي لان عبالهم متخلفين شنو ذنبج تنحرمين احساسج بالانوثه احساس الامومه
تماره....ليش انت جان الك ذنب ونحرمت من احساس الابوه ممليت من هذا الموضوع يوميه تكلي عوفيني وشوفي حياتج ليش متفهم حياتي وياك وبس ما اكدر اتخيل احد ثاني بحياتي غيرك احبك الك وبس راح نسمع اشكال الحجي لازم نتعلم مندير بال
هاني....بقيت طول عمري رافع راسي ومحسيت بنقص من وره تماره قويه خلتني اثقه بنفسي بدلالها وحبها ابد مخلتني احس بيه عيب علاقتنه كولش حلوه شقانه وحبنه كلشي كامل ماعده العله الي بيه ومره نزلت سمعت امي تحجي وي تماره
الام....خاله خلي اخذج للدكتوره هاي اليمنه يكلون خوش دكتوره
تماره....خاله تعبت من الابر والادويه خلي ارتاح فتره واروح
الام.....شترتاحين يمه راح يصير سنتين مزوجين وماكو جهال ميصير
تماره....الله كريم خاله يجي هاني واشوفه شيكول عفتها وصعدت حتى لاتلح بالموضوع
هاني...دخلت على امي يمه اريدج بحجايه تعاي بغرفتج....يمه سمعت الي حجيتي وي تماره هسه
الام.....لا ازعلون مني احب تماره حيل واتمنه يصير عدك ولد وافرح بجهالك هذاك اخوك ليهسه قافل على الزواج
هاني...يمه سمعين زين الحجي بينه هذا اني السبب اني الي ما اخلف مو تماره
الام....يم شتحجي اسم الله عليك
هاني.....اذا تردين روحي وي تماره للدكتوره وانتي تفتهمين كلشي
الام.....ابني اكو علاج لكلشي
هاني...يمه اني مو ما بس ما اخلف اني عاجز وخلف الله عليها قابله بيه
الام....يمه ليش اسم الله عليك مابيك شي
هاني.....جان مابيه شي بس من صار الحادث مال ماطور تاذيت وصرت عاجز وصار سنتين اركض بدكاتره وماكو نتيجه وكتلها عوفيني وشوفي حياتج بس هيه مقبلت وبقت مصره مافد يوم حسستني بضعفي تحترمني وتقدرني كل ما اباوع عليها اكول هاي دعوت امي الي يمه عينج عليها وداريها هاي بتج ولو اني بمكانها وهيه عقيمه مجان خليتوني ازوج عليها او اطلكها
الام.....لا والله يمه المره تتحمل بس الرجال ميوفي
هاني.....يعني حاسه بيه
الام.....عمت عيني عليك يمه متهنيت بشبابك
هاني.....ليش تحسسيني بعجزي صار سنتين تماره تعرف ما فد يوم حسستني بنقص بكل وكت تضحك وتسولف ولاتحجي ومن احجي بالموضوع اسكتني اريدج مثلها وما اريد اي بشر يعرف لا ابويه ولا حيدر ولا اي احد
الام.....لا يمه ينكص لساني اذا حجيت وجني ما سمعت شي
هاني....اني كتلج حتى بعد لا اضغطين على تماره بروحت الدكتوره تره هيه معايزه ادري بيج يوميه اسالينها على الحمل بس ما فد يوم اجت شكتلي عينج عليها يمه هاي فقير واصيله لاتخلين احد يغثها بحجايه
الام.....يمه هاي مثل سرى بنتي وعزيزه بمعزتك واكثر
تماره.....صار سقوط بغداد ...... دخلت الكليه وي سرى هاني شجعني على هذا الشي وهسه مرحله ثالثه رحت
بالعطله كولش نتونس باليل كل يوم نسهر بغرفتنه نلعب بلاي اني وسرى وهاني وحيدر واخيراً قنعناه يزوج
كمنه نحضر بعرس حيدر فرحانين نمشي ونركص بس بالبيت كلشي مسوينه لان جان الوضع تعبان بدايت السقوط زوجنه حيدر وزفيناه للفندق ثاني يوم دخلو تلكيناهم هلاهل وفرح مرته حبابه خوش بنيه وهاني ذبحلهم ذبيحه وره زواجهم ب3اشهر مرت حيدر صارت حامل وخاله طارت من الفرح واني كولش فرحت الهم
هاني....من كالو مرت حيدر حامل ضجت وخفت لا تماره تتاثر وانقهر بس شفتها شلون فرحانه وركضت حضنتها وبوستها كاعدين كلنه بالمطبخ حضنتها من وره وبستها حيل رجعت هيه رفعت راسها وباستني شاورتني احبك حيل امي كامت تبجي من شافتنه
حيدر....شبيج يمه ليش تبجين
الام.....فرحانه بيك يمه
حيدر...غمزت الها تسكت خاف هاني وتماره ينقهرون بس همه حيل فرحانين النه اطيب كلب شفته بحياتي هذوله الثنين
هاني....ادري امي كاعده تبجي علمودي مو لان فرحانه لحيدر بس اني تعلمت
تماره.....مشت السنين وخلصنه كليه وسرى ازوجة وعافتني صار على زواجنه5سنين تعلمنه على وضعنه اني وهاني مندمانه ابد احبه مدللني يباوع على حلكي يوكلني بايده كلشي اريد يسوي مافد يوم غثني بحجايه مياكل اذا اني ما اكول حنين عليه حنيه مشفتها عد امي حيدر صار عده ولد ثنين
الفاقد عزيز لايقره هذا الجزء 😔#صبرت_بحبج_سنين
بارت4
تماره.....علي بقه عينه عليه بكل مكان ويحاول يجنبني زواج مقبل يزوج اني اسوي نفسي مو يمي السالفه...
وره ايام
تماره ......نايمه الضهر تحلمت كاعده امشي بصحراء وحدي واباوع من بعيد شفت ماما وهاني وبابا يمشون قبلي وسريع اركض وراهم محد يسمعني بابا وهاني واحد لازم الثاني ويسولفون ويضحكون وامي تركض وراهم واني كمت ما اكدر امشي اصيح عليهم ميسمعون كعدت وشفتهم راحو بقيت بنص التراب وحدي شويه كمت اسمع هاني يصيح فزيت طلع ديكعني من النوم
هاني.....تماره تماره كعدي
تماره....شكو صاير شي
هاني.......لا بس خابر ابوج يريد اخذه للدكتور وامج مريضه فد مره يكول تعاي يمها
تماره....يمه شبيها
هاني....لاتخافين مابيها بس ضغطها صاعد يكول منايمه صار يومين وابوج علمود رجله تدرين بي كوه يمشي
تماره....بدلت وطلعت اركض هنا كمت البس ربطه لان هاني ميقبل الوضع صار يخوف والي ممحجبه كامو يكتلونها من الخوف كمت اخلي ربطه على راسي ....طلعت لكيت بابا بالباب واكف باسني كلي عينج على امج فد مره مريضه واذا هاني قبل باتي عدنه اليوم ولو انتي متفاركين رجلج
تماره.....لا بابا عادي هو يبات يمنه قابل شكو
هاني....احنه نبقه يمكم عمو عادي
تماره....راحو وهاني من ديطلع رجع عليه
هاني..... ابوج خايف على امج كولش ديري بالج عليها بستها من خدها اروح فدوه لهذا الجمال وج وين اضمج
تماره.....ضمني بكلبك حبيبي دير بالك على بابا كوه يمشي
هاني.....ديري بالج على نفسج ولا اطلعين اخاف عليج اذا ردتي شي خابري حيدر
تماره.....ماشي لايضل بالك حبيبي ....طبيت يم امي ها ماما شلون شلون صرتي
الام....توته حبيبي شلونج ماما
تماره....الحمد الله زينه عذريني البارحه مجيتج جان عدنه خطار اليوم ابات يمج
الام....اي ابقي يمي مشتاقتلج....ابوج راح
تماره....اي هو وهاني ميتاخرون ...راح اسويلج نومي بصره حتى ينزل ضغطج شويه .......ماما كعدي شربي شويه نومي
الام.....اي ماما كعدت
تماره.....بين مشربين راح انضف البيت .....رحت انضف احتاجيت منضفات ...ماما شو كلشي ماعدج منضفات لازاهي لا عملاق
الام....والله ماما مخلصه ترحين اجيبين
تماره.....لا هاني ميقبل هسه ادزه على حيدر يجبلي ....الو حيدر محتاجه اغراض من الاسواق وهاني ميقبل اطلع يخاف
حيدر...زين يسوي لو طالعه اني اموتج...كولي شتردين اني اجيبهم
بس العصر لان هسه طالع
تماره.....وصيت حيدر جابلي اغراض المحتاجتهم
حيدر....لعد هاني مرجع
تماره.....لا خابرته كال عدهم فحوصات يطولون
حيدر......محتاجه شي بعد
تماره....لا سلامتك بعدني احجي وياه دك تلفوني هاني اوكف حيدر هذا هاني خلي يطمن انت يمي الووو
-الووو
تماره....الووو منو الووو
-اختي انتي شتعودين لصاحب هذا الرقم
تماره....اني مرته شكو شصاير بي شي
- صار انفجار بالغدير وصاحب التلفون مدري اصوب مدري مات دينقلوهم للمستشفى تعالو
تماره.....اني جمدت واباوع على حيدر
حيدر....شبيج تماره جريت التلفون الو الو منو انت شكو
-اخي صاحب هذا التلفون استشهد هو والرجال الي وياه تلكونهم بطب العدلي بس خفت على البنيه محجيت
حيدر.....نكسر جناحي نهد حيلي راح اخوي راح حزام ضهري ما اصدك كعدت بالكاع يم تماره اباوع بعيونها متحجي بس عيونها جامد بيهن دمع وفاكه حلكها حضنتها وكمت ابجي لج هاني مات ماااات
تماره....لا لا اسم الله عليه اسم الله عليه لاتكول هيج هسه يجي راح وي بابا للدكتور
حيدر....يادكتور لج ماتو ثنينهم راحو وكمت ادكعلى راسي تماره كامت اصرخ
تماره.....لاااااااا لاااااااا لك بابا لاااااا هاني الحكلي هاااااني لا عفيه لا ما اصدك حيدر شتحجي انت هاني لا عفيه لاتكولها
حيدر التمو علينها الناس عفتهم ورحنه للطب العدلي نتاكد كمنه ندور بين الجثث لمحت ساعة هاني وخرت الغطه عليه هوه ويمه ابو تماره وكعت وحيل ماضل عدي ....وك خوي كووووم كوم الحكلي خويه حاجيني هاني المن عفتني مكسور ضهري حزام ضهري انت خويه حاجيني متت بحصرتك وك عمي اكعد شكل البتك ياناس ياعالم شكللها بيا وجه ارجعلها شكلها ابوج ورجلج راحو شلون وين صايره هاي الله واكبر الله واكبر على كل ظالم يارب عينه على هاي المصيبه لل11اطونه الجثث اخذناهم ورحنه ما احجيلكم حال تماره امي ابويه امها مينوصف مأسات صعبه كولش بس تماره المسكينه لا عدها اخ لا بقاله اب زوج وامها مريضه ...كعدت بين التوابيت مثل المخبله
تماره.....بابا حاجيني بابا حبيبي وينك هاني ياروحي شلون شلون تعوفني شلون ما اصدك منو الي بعد من بعد عينكم هاني منو يخاف عليه من الشارع والطلعه منو يمسح دمعتي منو يضحكني من اضوج المن اشكي همي يالله حبيبي انت من عز نومتك تكعد اذا سمعتني ابجي وينك هسه متكعد كوم شوف دموعي بابا حاجيني مو اني حبيبتك وحيدتك شلون تعوفني لوحدي لا اب ولا اخ ياروحي يابابا يا حبيبي يا بابا فدوه اروحلك بس جوابني بس كلي ها .....هااااني حاجيني انت عاد واحد منكم يجاوبني جاووووبوني كمت الطم حيل بدون وعي نار بلكبي اريد ابردها ماكو
حيدر....كافيه حبيبتي لا اسوين هيج بنفسج
تماره.....وك حيدر راحو راحو عزاز الكلب راحو وعافوني منو الي
حيدر....اني موجود اطيج عيوني لج انتي بتي واختي لا اسوين هيج اني هم مكسور كلبي اخوي راح مني بس هذا امر الله ترحميلهم
تماره.....لا لا لا لاعفيه لاتكولها ما اكدر اكول الله يرحمه متطلع مني والله كلبي ميطيني
حيدر....شلنه التوابيت وطلعنه وامي تركض وره التابوت هيه وسرى ويلطمون تماره ادفع بلكل ال اروح وياهم للدفنه
حيدر....ماكو مترحين
تماره.....لو تموتوني اروح ارووووح
حيدر....هاني ميقبل يخاف عليج
تماره.....لا مو اني رايحه وياه ميحجي
حيدر....لا ميقبل الي كلي متطلع لاكسرين كلمته ....اشرت لاهلها يدخلونها لان كامت متعرف شتحجي وجلبت ال تروح للدفنه
علي.....كل يوم يمر عليه بعيد عن تماره احقد عليها وعلى هاني اكثر اتعوذ من الشيطان واسكت بس كلبي بي حقد عافتني واختارته وفرحت من مصار عدهم جهال مو معناتها اني شرير بس اني حبيت من كل كلبي حبيتها لدرجة الانانيه ردته بس الي وردت كلشي حلو يخص حبيبتي يبقه الي تمنيت تنسعد بس ويايه يصير عدها اطفال بس مني ....من مات عمي وهاني نقهرت حيل عليها حالها ميسر عدو لا حبيب افتهمت حبها مستحيل ينسي ومستحيل بيوم تحب غيره افتهمت لو اموت مراح تكدر تحبني بيوم من الايام لازم اوكف وياها وبنفس الوكت ابتعد حتى لا اجرحها
اشرلي حيدر ادخلها تخربطت شلتها ودخلتها جوه والناس ملتمه عليهم كملت ايام الفاتحه وكمنه منروح بس امي تروح لان تماره وعمتي لزمو عده
حيدر.....بالي كله يم تماره بس لازمه عده ما اكدر اشوفها ادز سرى وهند وامي حالتها فد مره
تماره.....بقينه اني وامي لازمين عده وحدنه بالبيت البيت ياكل بينه امي صحتها بنازل من مات ابويه كله نايم لاتحجي ولا تاكل خالتي ام علي كامت تبات يمنه لحد مخلصنه العده ولزمت احتياط 10ايام وراها بسبوع امي تخربطت فد مره خابرت حيدر الحكلي امي فد مره ماعدي احد ركضنه بيها للمستشفى
حيدر.....لاتخافين كولي يالله ماكو شي
تماره....حيدر خايفه على امي شلون
حيدر....لاتخافين
الممرضه....امج تريدج
تماره....ها ماما رايده شي
الام،...اريد ام علي
تماره.....هسه اخابرها ....الو خاله لحكيلي اني بلمستشفى وامي تريدج متخربطه
ام علي .....لاتخافين ماما هسه اجيج ....علي كوم خالتك بالمستشفى وهاي المسكينه وحدها
علي....دخلنه للمستشفى شفت تماره واني مشايفها من يوم الفاتحه متغيره وذبلانه وضعفانه كولش ضجت من شفت حيدر حماها موجود....تماره ليش مخابرتيني اني اجي
تماره.....حيدر اخويه وهو اقرب عليه مجيت انت بالي ....ضجت منه بيا حال اني وهذا يسال دخلت خالتي وطلعت صاحتني
ام علي....تعالو تريدكم الحجيه
ام تماره.....حيدر انت كفيت وفيت وطول عمرك معتبرها اختك من بعد عيني عينك عليها حتى لو تزوج
تماره.....ماما ما اتحمل افقد احد الله يخليج
ام تماره.....سمعيني ماما اذا اموت ارتاح بس بالي يمج اريد تنفذين وصيتي
تماره.....يوم والله اموت بدونكم منو الي بعد عايشه بحسج اني
ام تماره...علي ادري بعدك تحب تماره وعمرك مراح تحب غيرها وصيتي الكم انتو الثنين اذا تردوني ارتاح تزوجون
تماره....شتحجين انتي ماما شتكولين
حيدر....عرفة ام تماره جاي تودع الدكتور كلي مطول وضعها موزين كلياتها منتهيات وكلبها تعبان كولش من حجت على زواج تماره حقها تماره كامت تبجي وتحجي على امها لزمتها من جتافها....تماره سمعي امج للاخير تندمين بعدين ولا كلمه سمعيها انتي وساكته
علي....روحي طلعت بدي الزمه املخه مخلي ايده عليها بس مو وكتها هسه
ام تماره.....علي يحبج وانتي تدرين وافقي عليه وازوجي حتى اني اطمن شميكون حيدر حماج ويبقه غريب وماعدج احد عذريني ما خلفتلج اخ يعينج بهيج يوم بس هذا امر الله ام علي بتي امانه عدكم زوجيها ابنج حتى لو بس على الورق هو يعرف يداريها يحبها ويخاف عليها
تماره....اسمع امي وابجي بدي اعيط امي تموت كدامي ما اكدر اسوي شي
ام تماره....تماره بروح ابوج وروح عزيز كلبج هاني وصيتي لاتكسرينها
حيدر....شاورتها تماره ريحيها كوليلها اي خطيه متاذيه
تماره....هزيت راسي باي والدموع تنززل
حيدر....طلعونه كالو المريضه ترتاح كعدنه بصالة الانتضار
علي....جبت عصير للكاعدين ولتماره خفت عليها حيل ذبلانه وهسه فرفحت من البجي اطيته الها
تماره...ماريد منو كلك اجيبلي
حيدر....اخذته من علي اعذرها ....لج بلا ترعن هاج اشربي فوكاها خايف عليج
تماره.....منو كله يخاف عليه لو اجته فرصه حتى يزوجني
علي ...سمعتها وصرت اعصاب هيه كاعده على الكرسي كعدت وي مستواها باوعت بعيونها ....والله لو ما الخاله والي انتي بيها جان عرفت اصرف وياج ولاعبالج ميت عليج لا هذاك اول وزمن اول تحول عفتها وطلعت بره لحكني حيدر
حيدر...اعذرها هسه هيه حاقد على الدنيا كلها الي شافته مو شويه ومو هين ابوها وزوجها وهسه امها تموت كدامها وهيه متكدر اسوي شي والمصيبه ماعدها لا اخ ولا اخت محد الها وتحس بزواجها راح تخون هاني هيه نفسها تعبانه من روحها وتفكيرها الدنيا طالعه من عينه الي شافته مو شويه تحملها
علي....واني شمسويلها عفتها براحتها
حيدر....علي صح اعتبرها بنتي واختي بس ابقه غريب انت عونها وسندها بهاي اللدنيا ماعدها احد غيرك عينك عليها وخاف الله بيها ......دنحجي وسمعنه العيطه ماتت ام تماره وتماره نهارت وتخبلت تاذت حيل
تماره.....حتى انتي حتى انتي ماما حتى انتي عفتيني ليش تعوفوني اني شمسويه المن عفتوني للذل للضيم للقهر للحصره شسوي هسه اني وين اروح المن اشكي
حيدر....لا اله الا الله الك بيها غايه ربي ....الله يكون بعونج....تماره خلصت الفاتحه بيت اهلها والاربعين هم كملتها راحت يمنه كامت ادور ريحت هاني
تماره.....حيدر ولك حتى الريحه راحت من الهدوم شسوي حيدر حاجيني وين اطي وجهي
حيدر....تماره تكسر الكلب البيت صار بس نوح وبجي وقهر تعبت نفسيتنه كلنه علي كل كم يوم جاي هو وامه يتوسلون بيها وماكو اخر شي صار عصبي
علي....انت ابن اصول وتعرف بالاصول ميصير تبقه عدكم تجي بيت عمها انتو هسه غربه عنها حتى حرام
حيدر.....ادري حرام بس هاي عاطفه مو بيدنه مو بيدي اعتبرها اختي وبنتي ما اكدر اشوفها تبجي واسكت
علي....والحل شلون
حيدر....طبق وصيت المرحومه
علي.....وهاي شيقنعها
حيدر..... اني احجي وياها......كعدت احجي وي تماره وهيه قافل على الموضوع لاتقبل تزوجها ولاتقبل تروح عدهم والناس كامو يحجون عليها اني ما ارضاها
بداية الروايه من أولها هنا 👇
تعليقات
إرسال تعليق