القائمة الرئيسية

الصفحات

الأخبار[LastPost]

 


بنات الأسد

البارت 21/22/23


     💥💥💥💥💥💥💥💥💥                                       


جيسي واقفه هناك ولقت فهد جي ومعاه آوس ونوران ونور ونورين ووقفوا جنبها وماحدش اتكلم واللي قطع الكلام ده 

نورين : متزعليش مني يا جيسي بس انا اتصدمت عمري ما توقعت حد منا يحصل فيه كدا طول عمرنا الاميرات الاربعه والفرسان هتبقي صعبه اوي لما الاقي اميرتي هتروح مني 

جيسي بابتسامه حزن : مش زعلانه بس المرض بتاعي مش بايدي 

فهد : أنا آسف على اللي عملته 

جيسي حضنته : عمر ما الفهد يتأسف لحد 

فهد بدموع : بس انتي مش اي حد انتي اميره الفهد جيسي مافيش علاج 

جيسي اتنهدت : فيه عمليه جراحيه وممكن تنجح بس فيه اضرار اني اعيش بذاكره اطفال او افقدها نهائي و الحالتين اصعب من بعض عندي صعب ان الاميره اللي الكبير بيخاف منها قبل الصغير تبقي بمخ اطفال 

نوران : اعمليها يا جيسي اعمليها الامبراطورة محتاجه الاميره جنبها انتي قويه وهتقومي منها واحنا مش هنسكت اكبر الدكاتره في العالم هيعملوها 

نور : ارجوكي يا جيسي 

جيسي سكتت بتردد ولقت اوس علي وشك العياط وهي حضنته وهو حضنها جامد : اوعي تسبيني يا جيسي أنا من غيرك ولا حاجه 

جيسي : ازاي بقي يا دنجوان 

آوس بعياط : الدنجوان عايز الاميره جنبه ارجوكي يا جيسي ارجوكي 

جيسي : عمر ما ابن الوجداني يترجا حد حتي لو أنا هعملها يا اوس عشان في يوم ماحدش يلومني اني سبتكم مع اني كنت مستعده اقضي اللي باقي ليا في حضنكم بس طالما انتوا عايزين كدا أنا موافقه 

فهد : هتقومي منها انتي بنت اسد 

وحضنها والكل حضنوا بعض 

جيسي بضحك : انا ماكنتش اعرف انكم بتحبوني اوي كدا 

نورين ضربتها في كتفها : لا اديكي عرفتي 

جيسي بضحك: مش هتتغير ابدا هههههههههههه 

الكل ضحك وبعد كدا قعدوا سوا في الأرض 

جيسي : يا شباب  

نوران بملل : نعم عايزه ايه 

جيسي : أنا جعانه 

آوس بغيظ : وربنا ما هسيبك بقي اسد يتصل بيا و يهزق الكل والكل عرف انك اكيد هنا وبعد العياط ده يا جدعان أنا جعانه 

جيسي بضحك: الله جوعت ومش كلت علي الفطار كويس كنت حزينه 

نور : انتي هتقولي ليا برضوا بس تصدقي أنا كمان جعانه  

جيسي ضحكت والكل ركب العربيات وراحوا القصر وأما الباقي كانوا قاعدين علي نار و يتفاجوا من دخول السته وآوس شايل جيسي علي ضهره والباقي بيضحك 

سيف بصدمه. : هما دول اللي كانوا زعلانين الصبح !! 

ياسين بصدمه : تقريبا اه أو لا مش عارف 

جيهان بسخرية : تربيه اسد السته عايزين ايه 

اسد رفع حاجبه باستغراب  : ماله بقي تربيه اسد 

جيهان بخوف مصطنع : ولا حاجه ولا حاجه هو انا أقدر برضوا اقول حاجه 

اسد بس ليها بابتسامه صفرا  وده جبلها شلل بس في نفس الوقت فرحانه أنه رجع  و كفايه رجع انتقادهم لبعض ثاني و حسن أن حياتها رجعت ثاني ب رجوعه 

جيسي بصوت عالي وهي لسه علي ظهر اوس : يا جيهان 

جيهان بضحك : نعم 

جيسي : عايزين ناكل 

أما السته دخلوا في هستريه ضحك وماحدش فاهم حاجه غيرهم 

جيهان بصدمه : نعم 

جيسي : ناكل يا جيهان 

نوران بضحك غير المعتاد عليها : عايزه تأكل يا جيجي 

آوس : احم جيسي عمري انزلي بقي 

جيسي : اطلع بيا اوضتي وابقي انزل يلا 

اوس : حاضر يا هانم  يلا 

اسد : عمري انتي تمام 

جيسي بعتت ليه بوسه في الهوا : أنا كويسه اسدي الحلو طالعه اغير و انزلك اوك 

اسد بابتسامه ساحره : اوك يا قمر 

أما جيسي سابت وجد واليف حتي اوس وطلعوا 

فهد  : أنا طالع  يا اسد 

اسد بتوعد : ماشي يا فهد اطلع 

فهد طلع بكل برود من غير ما يكلم حد وأما نوران طلعت تغير و اتبقي نور ونورين 

جيهان بخنق : مش عايزين تقولوا حاجه 

نورين باستغراب و بصت لنور : لا انتي عندك حاجه يا نور ؟ 

نور بابتسامه بارده : لا  مالك يا جيجي عايزه تقولي حاجه ؟ 

أما اسد بص ليهم بضحك مكتوم وهو والباقي 

جيهان بخنق : مش تعتزروا انكم خبيتوا عليا أن اسد عايش 

نور بغرور ورثه من ذلك الاسد  : هو مش رجع و معاكي وبعدين أنا مش بقول اسفه لحد حتي لو امي وقبل ما تتكلمي ده مش غرور ده ثقه ومش اي حد بنت اسد عز الدين اه والنبي اعملي غدا بقي عشان جعانه يلا اسدي أنا طالعه 

واسد بيبص لبنته بفخر واعتزاز و كل يوم بيتاكد من انه عرف يربي بناته 

نورين بإعجاب : عجباني البنت ديه !!  

جيهان : انتوا باردين تعرفوا كدا ؟ 

نورين هزت كتفيها بيأس و مسكت شنتطتها و طلعت كارثه دعوه و اداتها لاسد و هو بص ليه بهدوء و خدها من أيدها 

و هي رجعت بظهرها لورا و ابتسمت بهدوء :  : الدعوه ديه معموله مخصوص عشان شاكر التهامي بني قري سياحيه جديده و جه الشركه مخصوص لينا و اداني الدعوه بنفسه و اتمني نحضر  و اظن مافيش احسن من الوقت ده أن اسد وبناته يطلعوا للناس 

اسد بهدوء : اوك نورين اطلعي غيري وننزل نتكلم 

نورين اؤمت بهدوء وطلعت وعيون ياسين عليها وهنا ومحمود خدوا بالهم من ولادهم 

زين :  ه واحنا كمان جه لينا واحده هتروح يا سيف ؟؟ 

سيف : اكيد هروح وبعدين أنا اتخنقت من قعاد البيت 

اسد : هانت يا سيدي و هترجع بيتك بس هو بيتنا وحش قوي كدا 

سيف : مش القصد بس انا مش متعود اقعد في البيت الفتره ديه كلها وولادك منعين حد 

يخرج من القصر اصلا وهما بيخرجوا عادي مش عارف  ازاي 

نوران نزلت من علي السلم وكانت لابسه ده هوت شورت اسود و عليه توب اسود شال شبك طويل و حذاء رياضي ابيض                                                           


نوران ببساطه و حركت أيدها بلا مبالاه   : عشان رعد عمره ما يفكر يجي جنب القصر وهو عارف أن نورين فيه وعمره ما يفكر يجي جنبها 

سيف بكلام سمعه أبوه وأمه : ما بلاها ام الهدوم احسن ايه القرف ده 

وهنا ابتسمت بالابنها ومحمود اللي اتصدم أنه بيحب بنت اسد أما ياسين كان عايز يختفها لما قالت كدا علي رعد ونورين 

نوران قعدت جنب اسد :  اسد احنا لازم نلاقي حل لهوس رعد بنورين عشان لو طولنا ممكن يخطفها أو يقتل حد منا 

اسد : متقلقيش يا حبيبتي  أنا جيت وكل حاجه هترجع ذي الاول فين الباقي 

الكل نزل مره واحده واسد بص ليهم بضحك 

نوران بسخريه : يا ريتك كنت جبت سيره احسن  !! 

نور بغرور وراثه في العيله : أنا احلا من اي سيره  بنت الاسد وبنت الاسد مش بتتقدر بمال أو بحد وبعدين انا الثانيه عندي بخمس آلاف دولار وانتي عارفه كدا 

جيسي بغرور : انا مش هتكلم عن نفسي انا الكل بيتكلم عني وبس 

نوران ببرود : خلصتوا مدح ولا ايه ؟؟ 

نورين : كتله برود انتي بارده !! 

اسد ضحك هو والباقي 

اسد بجديه : الكل يجهز نفسه عشان رايحين الحفله واكيد رعد الحديدي موجود حتي فهد والكل هيحضر وانتي بالذات يا استاذ هتحضر مش ذي كل مره 

فهد قلب عيونه بملل : حاضر هو انا قولت حاجه 

اسد : تمام يلا بقي نتغدا 

الكل راح للغذاء و قعدوا مع بعض في جو نوعا ما هادي و بعد خلصوا الشباب طلعوا في التراس و خدوا القهوه هناك و البنات كل واحدة طلعت اوضتها ترتاح 


🔥🔥🔥🔥🔥🔥🔥🔥🔥🔥🔥🔥


في اليوم التالي كل واحد جهز نفسه لنقله ثانيه و بدايه العد التنازلي للنهايه 


نوران لبست فستان احمر عاري الظهر مزين بسلاسل طويل علي طوله و عاري الاكتاف ضيق من الخصر و بزيل طويل  و سابت شعرها العنان و زينت هي عيونها بالكحل الاسود لتبان عيونها الزرقاء صاحب اللامعة المرعبه للناس أما بالنسبه ليها تميز و ابتسمت بخبث و خطت أحمر الشفاه احمر غامق و بقت ذي الفراوله الشهيه للاكل و لبست حذاء باللون الاسود و كانت عامله ذي الاميره المتوجه و لبست تاج مرصع بالكريستال  مناسب لون الفستان فكانت فعلا إمبراطورة 


نورين لبست اخضر اللون من خامه الحرير صاحبه لمعه ساحره عاري الاكتاف و فتحه صدره صغيره سابت شعرها الحريري العنان  حطت احمر شفاه باللون الاحمر بدون لمعه و كانت جذابه بحق و ليست حذاء باللون الاسود بكعب رفيع عالي مما زادها طول و رشاقه 


                            

نور كالعاده مميزه و خارجه عن المألوف لبست فستان اسود عاري الاكتاف ضيف بشده من الخصر و ينزل باتساع مثل فساتين الخياليه لحوريات  البحر 

 حدد جمال جسمها و رشاقته  طويل لبست علي رقبتها سلاسل مختلفه الطول من اللون الذهبي في أيدها اساور ذهبيه رفيعه و لبست حذاء  باللون الاحمر فكانت  مختلفه ذي العاده بطاله  ساحره 

   


جيسي هادئه في أبسط الأمور عادتها   لبست فستان ازرق من خامه الحرير اللامعة طويل ضيق من الخصر عاري الاكتاف يظهر جمال و بيضا بشرتها الحريرية و عقد من الالماس عملت شعرها تسريحه هادئه و لمن مميزه و مسكت حقيبه يد باللون الفضي 


جيهان لبست فستان مختلف عن بناتها ده لكبر عمرها رغم أنه مش ظاهر عليها و لكنها حبت تحترم سنها رغم كدا و غيرت الاسود لألوان بعد سنين بسبب عوده اسدها و كمان لانه اختاره بنفسه  لبست فستان لامع من اللون البرونزي الرائع طويل محتشم رفعت شعرها تسريحه راقيه و هادئه و ارتدت اساور يد ( اكسسوار ) مع حلي من الالماس 


                                           


و نزلوا سوا و كانوا فعلا ملكات متوجه علي عرش الجمال و اسد ابتسم لما شافهم الاربعه و كان في انتظارهم أما الباقي كانوا قاعدين برا  و راح في اتجاه جيهان بخطوات هادئه  و هي بصت عليه بابتسامه خجوله رغم سنوات جوازهم الا انها لسه بتتكسف منه  و جيسي بصت ليهم و غمزت بمرح و الثلاثه ضحكوا و مشيوا بهدوء و اسد ماخدش باله منهم من الأساس لانه كان كل تركيزه علي تلك الاميره الهاربه من حكايه خياليه 

و هي بصت ليه بابتسامه ساحره جميله مهما كبر جميل في عيونها و قلبها طول عمرها كان بالنسبه ليها حلمها المستحيل بس المستحيل اتحقق و رجع ليها ثاني و هو قرب منها بخطوات هادئه و مسك أيدها و باسها برقه و شدها لحضنه 

و مسك وسطها بايده و ابتسم : طالعه بتجني

ذي العاده 

جيهان بابتسامه هادئه : انت طالع جميل برضوا ! 

ضحك و باسها جنب شفافيها و بص في عيونها : جاهزه !! 


بان علي وشها التوتر و هو مسك أيده بقوه : انت جنبك خلاص اللي فات حصل دلوقتي أنا رجعت ثاني و كل حاجه هترجع لأصلها و لا مش واثقه في اسد 

جيهان بابتسامه : أنا سلمت حياتي لاسد ازاي مش هثق فيه 

اسد ابتسم : أنا قدها .. 


🔥🔥🔥🔥🔥🔥🔥🔥🔥🔥🔥🔥


البنات دخلوا لمكان تجمع الكل و سيف في الوقت ده كان بيتكلم في تليفونه و سمع صوت صفاره جايه من اتجاه اوس بص بلا مبالاه اللي أن عيونه وقعت عليها و اثبت عيونها بالمعه الغريبه كل ما يبص فيها تجذبه بدون اراده هي متاكد انها هي و ابتسم بهدوء 


أما هي دخلت و عيونها وقعت عليها بدون اراده لفت واقف بشموخ ذي العاده غرور و تكبر انفه الاستيقراطي عيونه الزيتونيه الممزوجة باكثر من لون حلته السوداء و حاطط أيده بغرور في جيب بدلته الثمينة و ساعته الفضيه مزينه أيده 


قطع كلام العيون بينهم صوت زين مع سيف و هو حمم بجديه و خد تليفونه و خرج بعيد عنهم و هي ابتسمت بهدوء 

اوس بغمزه : ايه الحلاوه ديه ! 

جيسي بابتسامه واسعه : حلوه اوسي 

اوس راح في اتجاها و مسك وسطها بايده : انتي طول عمرك حلوه يا قلب اوس انتي 

فهد بابتسامه : حلوه الاخضر ده تجديد !! 

نورين بابتسامه مغروره  : المميز للمميز يا فهد بيه و لا ايه ؟؟ 

اوس  : مغروره ! 

نور بضحكه : بس قمر ! 

اوس بغمزه : ايوا يا عم الأسود انت                                     


اسد من وراه : اتلم يا حيوان !! 

اوس حمم باحراج و الباقي ضحك و خرجوا من بعض و ركبوا  العربيات كالتالي: 

اوس و جيسي و وجد و أليف مع بعض 

اسد و جيهان و بناته الثلاثه مع بعض 

فهد و رافت و شمس مع بعض 

محمود و هنا و ادهم و اسيا من بعض 

و سيف و ياسين و كشماء و زين مع بعض 


 ووصلوا الحفله وكانت بدأت بقالها وقت و دخلوا بداخله اسطوريه و ارتفع اصوات الالعاب الناريه باحتفال بوصول بنات الاسد و السلطان و اخواته  والكل عرف أن الحفله الحقيقه بدأت بوجود اكبر رجال الأعمال علي مستوي العالم  


و يخرج من العربيه أليف و وجد و تظهر اخيرا الاميره جيسي الوجداني و الذئب اوس 


و في اقل من ثانيه يخرج رافت و شمس و الفهد 


محمود و هنا و الفرعون ادهم الجارحي و الدنجوان ياسين الجارحي و اسيا المجدي 


و اخيرا و ليس اخيرا السلطان سيف الجارحي و في أيده كشماء لفت الأنظار هو اخواته برجولتهم الطاغيه 


و من هنا يخرج الاسد و مراته جيهان فاضل و بنات الاسد أصحاب الامبراطوريه  حاله من الزهول ! الفزع !  الصدمه !  هو رجوع الاسد ارتفع الاصوات الهامسه و بينما نوران بصت لاخواتها و ابتسموا بخبث جمالهم صدم الكل و ارتفاع أصوات الكاميرات و التصوير حاله من الهيجان سادت في الجو بمجرد دخولهم 

و يجي  الحراس  عليهم و يشكلوا درع حامي ليهم من الصحافه 


 ويدخلوا وسط زهول الكل أن اسد عايش ويجي شاكر صاحب الحفله ورعد اللي بقي مش عارف ينطق أن اسد موجود 

شاكر بصدمه :  مستحيل !  اسد ؟ 

اسد ضحك :  ازيك يا شاكر ليك واحشه ؟؟ 

شاكر بصدمه : بس ازاي انت موت 

نورين بزعل مصطنع  : ليه كدا بس يا اونكل شاكر ما بابي قدامك اهو بعد الشر عليه من الموت 


 

شاكر هو لسه مش مستوعب و ماسك أيده في قبضه بخوف و بلع ريقه بصعوبه و اتكلم بصوت مهزوز من هول الصدمه  : علي العموم منورين اهلا ببنات اسد منورين اهلا يا اميره 

جيسي  : شكرا ليك يا شاكر بيه مبروك ! 

شاكر : الله يبارك فيكي اتفضلوا 


الكل يدخل وبنات اسد تروح ماعدا نورين لرعد والكل متابع ملكات الجمال دول وسيف اللي حاسس بقلق من نحيه نوران لرعد علي نوران وادهم علي نور بس هما سامعين اللي بيحصل 

نوران بسخرية وخبث : اهلا رعد يا رب تكون مفاجاتنا عجبتك اصلا الصراحه احنا بنحب المفاجات ! 

رعد بزهول : ازاي ؟؟ 

وبص ليهم بغضب : وربنا في سماه يا نوران لضيع لندمك هاي اليوم اللي فكرتي تقفي فيه في وشي !! 

نور بضحك سخريه : اتعدل يا رعد وانت بتتكلم معانا وفوق لنفسك احنا الاسياد وعمر ما الكلاب تاذي الاسياد 

رعد كان لسه هيرفع أيده ونسي الناس نور مسكتها بسرعه قبل ماحد ياخد باله 

نور بفحيح : وحيات ***  لخليك تشحت ومش تلاقي اللقمه  وخلي بالك الناس بتبص علينا يا روح ***  و وحيات ايدك اللي فكرت تترفع علي بنت اسد لقطعها ووعد مني وعد  

رعد بغضب : هموتك يا نور !! 

نور : وانا مستنيه يا ***  ده لو قدرت  وبكرا نشوف مين اللي أبوه خلف رجاله مش اسم في البطاقه وانت مش قد لعب بنت الاسد ده انا كنت بتعلم ازاي اضرب نار وانت كانت امك بتاكلك اوعي يغرك الوش البرئ ده لا ده انا اللي سماني عقرب عشان أنا هادئه وبسم اللي قدامي بسمي اتبسط الكام يوم دول عشان انت لعبت مع اللي مش بيرحم وداست علي رجله بكعب جزمتها وهو تاؤه بصوت عالي والناس خدت بالها أما نور بصت ليه بسخرية : لا رجل فعلا 

ومشيت بكل غرور انثى وثقه وراحت جنب اسد  اللي ابتسم بثقه  علي اللي عملته و حرك رأسه بموافقه 

نوران : أنا بقي  مش هتكلم شوف واعرف الامبراطورة هتعمل ايه و خبطت علي كتفه جامد ومشيت بغرور وثقه ووقفت جنب اسد من الناحيه التانيه 

وسيف وادهم والكل معجبين بالشجاعه بتاعتهم و بعد شويه يجي رعد عليهم وجيهان تخاف وتمسك ايد اسد جامد وهو يمسكها و كأنه بيقولها انا جنبك 

رعد بسخريه : حمد لله علي سلامتك يا اسد كنت مختفي فين 

اسد ببرود : كنت في الجحيم عشان لما اجي اخلص منك ذي ما خلصت من ابوك 

رعد : وانا مستني  

جيسي بسخريه : بقولك يا رعد !! 

رعد بص ليها وهي قربت منه ووقفت قدامه 

جيسي : هو انتي متعرفش أن كتر التهديد بيقلق من صاحبه اللي عايز يعمل حاجه بيعملها بس خليك في علمك لو حصل لحد فيهم حاجه تبقي جبت بنفسك جحيم الدنيا والآخرة وربنا ما يوريك غضب بنت الوجداني 

واكملت بسخريه : الخساره اللي عملتها ليك عوضتها ولا لسه 

رعد بغضب : لا ده انتي حسابك غير الكل علي اللي عملتيه 

جيسي ببرود : لما تبقي رجل وتقدر تقف قدامي ابقي اعملها 

رعد : ما انا هوريكي الرجل بس كله حاجه بوقته حلو يا بنت اليف 

ومد أيده لنورين عشان يرقص معاها لقي الخمسه وقفوا ليه 

جيسي : مش بقولك لما تبقي رجل وانت مش قد بنت الاسد 

نوران ببرود : انسي نورين عشان هتفتح جهنم عليك 

نور : بطل تبص لحد اعلي منك 

فهد بسخريه : هو في حد يعاتب علي واحد ابو تاجر مخدرات وأمه الله ما اغذيك يا شيطان برضوا الله يجحمها مصطرح ما راحت بقي عند ربنا 

آوس : مش محتاج تقول يا فهد ده مصر كلها عارفه خبرات أمه 

رعد بص ليهم بغضب الجحيم ومشي وهو بيلعن وبيسب فيهم وحلف ليهم بالموت 

أما بعد ما خرج اسد بص ليهم

اسد : انتوا السته ليكم كلام علي اللي حصل والكلام الاخير ده 

فهد : اوك يا اسد بقولك ايه يا اميرتي 

جيسي بضحك : نعم 

فهد : ما تسيبك من الجو النكد ده ترقصي معايا 

جيسي بضحك : اكيد 

وهو خد أيدها وراحوا يرقصوا سوا 


يتبع 


رد فعل الصحافه والاعلام بعد ما اسد وبناته ظهروا 


رعد الحديدي هيعمل معاهم ايه بعد الكلام ده

بنات_الأسد 

الفصل_الثاني_والعشرون 


       🌸🌸🌸🌸🌸🌸🌸🌸🌸🌸                                       


في الحفله 

الكل قاعد وجيسي بترقص مع فهد 

آوس : نورين !! 

نورين بصت ليه : نعم ؟ 

آوس : ترقصي معايا ! 

نورين : لا مش عايزه !! 


                      


آوس شد أيدها بضحك : يلا بقي 

وخدها وراح يرقصوا 

نور : وربنا أنا يومي اتقفل بعد ما شوفت رعد اوف بجد  

نوران  :  معاكي حق مش عارف مش بيشوف نفسه عامل ازاي  

ويقطع كلامهم شخص اول لما نوران ونور يشوفوه يكتموا ضحكهم علي اللي هيحصل 

ماجي وهي يتحضن اسد : اسد بجد مش مصدقه انت عايش بجد 

اسد بيحاول يبعدها عنه وجيهان قامت شدتها من دراعها و بعدتها عنه  

سيف مال عليها : هو في ايه 

نوران بصت ليه من غير ما تاخد بالها و تتصدم من وشه القريب منها ثانيه كمان و كانت هتبقي قريبه من شفايفه هو ابتسم بخبث و عيونه علي شفافيها اللي بتدعوك لتقبيلها و هي زقت كتفه بحده   ووالقت عليه نظره ناريه بعد ما لاحظت نظراته و اكيد فهمت و هي ابتسم بهدوء علي رد فعلها و نور اتكلمت بصوت خافت و همست بالقرب منه  : بص ماجي ديه كانت بتحب اسد  وتقريبا مازالت وعرفت انها بعد موته جالها انهيار عصبي ودخلت المستشفى وقعدت تتعالج ومش اتجوزت عشان هي لسه بتحبه ومش معاها اولاد 

ادهم : طب ايه المشكله ؟ 

نور بسخرية : ديه جيجي هتولع فيها عشان حضنته بس شوف كدا 

وبصوت ليهم لقوا جيهان بتبص ليها بحقد وماجد بتبص ليها نفس البصه واسد عشان يقلق توتر الموقف : ازيك يا ماجي عامله ايه ؟ 

ماجي بصتله و اتكلمت بعشق : بقيت كويسه بعد ماشوفتك انت مش متخيل أنا كنت عامله ازاي بعد ما عرفت بموتك بس ازاي ظهرت كدا بعد ٦ سنين 

نوران بابتسامه مصطنعه و قررت تدخل في الموضوع خصوصا انها شايفه غضب جيهان و أنها علي وشك الانفجار  : شوفتي القدر ازيك ماجي ؟ 

ماجي بابتسامه هادئه و بصت في عيونها اللي  بتشبه عيون اسد   : تمام نوران ولا اقول إمبراطورة ولا اميرتي 

نوران بابتسامه مصطنعه بارده  : الامبراطوره احسن وانا اميره اسد وجيهان وبس عشان أنا بنت جيهان 

ماجي بصت ليها باحراج و فهمت اقصد ايه بكلامها  و راحت تحضن اسد ثاني عشان تودعه لقت نور أما نوران مسكت جيهان ايد جيهان و ضغطت عليها كأنها بتقولها اهدي 

نور حضنتها هي : هاي ماجي !  

ماجي بضيق : تمام 

نور باستفزاز : هو انتي مش ملاحظه انك عايزه تحضني بابي  قدامنا طب مش واخده بالك أنه  معاه ثلاث بنات قدك في الطول و حضنه ده ملك لمراته وبناته بس وانت مش متوصيه حضنتيه مره وسكتنا خلاص بقي الله يا ماجي 

ماجي  : علي فكره انا اعرفه قبلها و حتي لو مافيش نصيب اسد غالي عندي 

نوران سابت جيهان :  خدي حقك !!  

وقعدت وسيف بص ليها بعدم فهم  و رفع حاجبه باستغراب وهي مسكت كوبايه العصير و شربت منها ببرود 

وجد بقلق : ليه سبتيها ممكن تغلط وانتي عارفه أو تضربها و الصحافه موجوده و عيونهم علينا احنا 

نوران  : ما هي اللي مش محترمه  مش فاهمه  أن مراته قاعده أو بناته 

اسد مسك جيهان وخدها في حضنه : ماجي الوقت ده عدا عليه زمن أنا بعشق جيهان وانتي عارف وانا رجعت ليها وبس و انسي بقي واحنا كبرنا علي الكلام ده وانا معايا ولادي دلوقتي اتبسط اني شوفتك بجد من قلبي و اطمنت عليكي و بتمني اشوف ثاني 

ماجي بحزن : وانا اكتر يا اسد وذي ما قولت ليك قبل كدا عمري ما افكر اذئ جيهان عشان سعادتك  معاها وانا بحبك وكفايه اشوفك مبسوط عن اذنكم 

و مشيت بهدوء و برا الحفله و نور ضحكت و غمزت اسد 

نور : يا معجباتك يا  اسد حتي وانت عندك عيال قدهم في الطول بيجولك 

وغمزت ليه : جامد انتي اسدي 

اسد ضحك جامد وجيهان سمعت الكلام اللي خلي الدم يفور و الباقي يكتم ضحكه 

بنت : شايفه المز اللي هناك ده يخرب بيت عيونه الزرقاء قمر 

بنت ٢ : ولا غمزته يا خرابي عسل لا أنا لازم اروح أكلمه 

بنت : استني يا مجنونه تروحي فين تلاقي مراته اللي قاعده جنبه 

بنت ٢ : لا مش مرات شكلها باين كدا هروح اشوف مالكيش انتي دعوه 


                                      


                        


في الوقت ده نوران  كانت قاعده جنب اسد و بصت لاسد بصدمه و جيهان و الباقي كاتم ضحكه 

نوران بصدمه و استغرب ازاي مش عارفه هي مين : مراته !!  


وجه نورين وجيسي وفهد وآوس وسمعوا الكلام الاخير بتاع البنت وفي نفس الوقت جات البنت ونور دخلت في هستريه ضحك وماحدش عارف يسكتها 

البنت : هاي أنا جاكي وانت ؟ 

اسد بابتسامه هادئه : حبيبتي روحي مكانك  

جاكي : ليه حتي نتعرف ! 

نور بضحك : هههههههههههه ما هو للاسف هههههههههههه مش هينفع هههههههههههه 

فهد حط أيده علي بوقها عشان تسكت 

جاكي : ليه بس ؟؟ 

نوران بابتسامه واسعه  : أصله يبقي بابي !  

نور ضحكت اكتر وفهد شدها من أيدها وخرج برا الحفله عشان الناس ابتدت تاخد بالها 

جاكي بصدمه و بصت لاسد مره و نوران مره مش مصدقه اللي سمعته بابها ازاي ده شاب هي شايفه شاب مش اب ابدا : هو انتي بتتكلمي بجد ؟؟ 

جيهان بعصبية : بصي يا بنت  شايفه الترابيزه اللي هناك ديه لفي وروحي ليها بدل ما اخليهم يخرجوكي علي إسعاف فاهمه ولا لا وراحه تعاكسي جوزي قدامي 

جاكي بصت ليها بخوف و لاحظ أنها مش باين علي وشها الخير ابدا و قررت تنقذ نفسها  : عن اذنكم !! 

ومشيت بسرعه 

نوران بابتسامه سخريه  : أحنا لو قعدنا اكتر من كدا مش بعيد نروح بثلاث عرايس لاسد النهارده 

جيهان بحده : نوران اخرسي !!  أنا عايزه امشي .. 

اسد  : احنا لسه واصلين يا جيهان !! 

جيهان بتصميم و مش مستعده تقعد دقيقه واحده ثاني  : أنا عايزه امشي دلوقتي حالا يا اسد !  

اسد بملل من غيرتها اللي مش جديده : اوك 

والكل خرج بعد ما باركوا لشاكر لقوا نور مدمعه من الضحك وفهد بيضحك معاها في العربيه والكل بص ليهم بضحك وركبوا وروحوا القصر ونور بتضحك كأنها سكرانه و هي سانده علي فهد التي ماسكه خوف من أنها تقع و حرك رأسه بيأس منها و ضحك 

اسد ضحك : يا بنتي كفايه 

نور بضحك هستيري : هههههههههههه مش هههههههههههه قادره البنت جايه هههههههههههه تكلمك وانت بابي  هههههههههههه يعني ابويا اتعاكس  قدامي هههههههههههه هههههههههههه 

الكل ضحك علي سكر البيت بتاعهم 

فهد بضحك : هههههههههههه خلاص يا نور 

نور قعدت علي الكرسي وبتضحك وجيهان بصت ليهم بياس وغضب وطلعت 

اسد بحنان وضحك : نوري يلا عشان تنامي 

نور بضحك : هههههههههههه كنت هتتجوز علي هههههههههههه جيهان 

نوران بزهول : هي البت سكرت ولا ايه ديه شربت عصير 

جيسي بضحك : شكله كان فيه حاجه  

اسد شال نور وهي بتضحك وطلع بيها اوضتها وبعد شويه نامت من كتر الضحك واسد نزل ليهم وهو بيضحك 

نوران بضحك : هههههههههههه كان يوم مايعلم بيه الا ربنا شكلك هتنام علي الكنبه النهارده يا اسد اوضتي مكانك برضوا لو اطردت 

اسد بسخرية : لا وانتي الصادقه 

فهد بضحك : ماشي يا بوب  ربنا يكون في عونك يا اخي علي اللي جيهان هتعمله الحمد لله اني مش متجوز بخرج وبسهر وبرجع براحتي من غير ولا رايح فين ولاجاي منين 

اسد بسخرية : خدني أنا مثل اعلي كنت بقول مش هتجوز ولا هخلف واتجوزت اهو وخلفت 

نوران : مالها بقي الخلفه يا  اسد مخلف تلات قمرات عايز ايه اكتر من كدا الله 

اسد باسها من راسها : انتي اميرتي برضوا وبعدين هو في احلا من الجواز برضوا 

آوس : لا يا رجل 

نوران بغمزه : بس اتعاكست النهارده من البنت طب احترم عيالك ياشيخ ده انت مش باين عليك سن يارجل أنا طالعه انام ومن قلبي ربنا معاك 

نورين : خديني معاكي يا ليدي وراحت لاسد و مسكت أيده : مقدما كنت مز يا اسد و خساره انك تتعبي في اكياس 

اسد بزعيق : غوري يا جيسي  من هنا 

نورين طلعت جري علي اوضتها والكل بيضحك 

جيسي : يلا تصبحوا علي خير وبصت لاسد كنت صغير علي النكد والهم يلا اهو كله كاس وكتوب علي المتجوزين

وطلعت علي اوضتها 

فهد : وانا كمان طالع انام ربنا معاك يا اسد يا ابني 

اسد بزهول : هو في ايه يا عيال هو انا رايح حرب 

آوس : انيل من الحرب ربنا معاك بقي كنت طول عمرك زينه الشباب خدني معاك يا فهد 

وطلع هو وفهد سوا واسد ضرب كف علي كف من المجانين دول وكل واحد خد مراته وطلع نام واسد دخل الاوضه لقي جيهان لابسه اسود كله هدومها و باين علي ملامحها الغضب 

اسد بسخرية : هو يوم ما يعلم بيه الا ربنا  أنا عارف  وباين من أوله ايه المنظر ده !!؛ 

اسد ببراءه : ايه ده يا عمري لسه مش نمتي كل ده 

جيهان بغضب : لا كنت مستنياك 

اسد قعد جنبها وبص ليه بعيون اللى بتسحرها : اممم وانا كلي بتاعك يا عمري 

جيهان بتوتر : بطل تبص ليا كدا لو سمحت 

اسد قرب اكتر و اتكلم بابتسامه هادئه  : مالي ما انا ببص كويس اهو 

جيهان بتوتر اخفته بغضب : عجبك اللي حصل و اللي عملته ده لو حتي مش محترم سنك احترم بناتك ينفع البنت تشوفك تقول علي بنت مراتك 

اسد بخبث : اممم وايه كمان 

جيهان بتوتر : وووو 

اسد بحب صادق : أنا كل دول مش يفرقوا معايا عشان انتي ملكتي قلبي من زمان اوي انتي عشق اسد وعمر ما واحده تقدر تاخد مكانك واكبر دليل علي كدا أن أنا حتي وانا فاقد الذاكره كنت بحلم بواحده بحبها وهي انتي لما فوقت فهمت يعني حتي وانا مش واعي انت في قلبي وعمر اللي في القلب يروح فاهمه وانتي مش في قلبى لا انتي دخلتي قلبي وقفلتي عليه بالمفتاح 

جيهان بحزن وغضب : يعني عمرك ما تحب غيري وبعدين انت مش باين عليك سن وانا كبرت عليك 

اسد بخبث : مين اللي قال كدا ده انتي لسه شباب حتي اكتر من ولادك وقطع لسان اللي بيقول عليكي انك كبرتي ده انتي عسل اهو وعايزه طريقه أثبت بيها 

جيهان بعدم فهم : ازاي يعني ؟؟ 

اسد بخبث : تعالي وانا اقولك ازاي 

( سكتت شهرزاد عن الكلام غير المباح) 


🔥🔥🔥🔥🔥🔥🔥🔥🔥🔥🔥⁦🔥


أسد هديه لو سمحت 😂😂 


رعد الحديدي هيعمل ايه في بنات اسد وخصوصا نوران ونور و جيسي 


بنات الاسد والاميره هيبقوا كلام الصحافه ازاي في البارت الجاي تعرفوا

#بنات_الأسد 

#الفصل_الثالث_والعشرون


💐💐💐💐💐💐💐💐💐💐💐


في الصباح الباكر 


                      


الكل صحي و بنات اسد وجيسي في التمارين ودخلوا القصر 

نوران : صباح الخير يا عريس و غمزت ليه وهو ضحك  

نور : صباح الخير اسدي 

اسد : صباح الخير يا نور 

نور بضحك : طب أنا طالعه اغير وطلعت ونورين دخلت 

نورين : مسا يا معلم 

اسد بسخرية من اسلوبها و تتنهد بيأس منها  : اهلا يا اختي 

جيسي : صباحك سكر سكري 

اسد : صباحك عسل عسلي 

اوس بغمزه : هو الصباح ده علي اسد ولا ايه 

نوران ببرود : اه عندك مانع 

سيف بصوت واطي سمعه اسد : جاتك القرف في برودك و حلوتك امها كانت نحله عشان تخلف العسل ده 

اسد ضحك جامد والكل بص ليه باستغراب 

اسد مال علي سيف : لا علي شان بنت اسد حلوه و مالكش دعوه بمراتي يلا 

سيف بإخراج : هو حضرتك سمعت 

اسد مسك فنجان القهوه و غمز ليه 

نوران : أنا طالع اغير وانزل 

نور نزلت من علي السلم وراحت للسفره وكانت لابسه ده ساولبت باللون الابيض وسابت شعرها ولبست حلق دهبي واكسسوارات ونظاره رفعتها علي شعرها 


                      


نور وهي بتقعد  وأدت اللاب توب بتاعها لاسد : بص اسدي الاخبار ؟؟ 

اسد مسك اللاب توب و شاف الخبر الرئيس في أغلب الجرائد  أما الكل سامع خبر صحفي ...  

( صدمه للجميع ظهور اسد بعد انطلاق خبر وفاته و اختفائه ست سنوات فما هو السبب وراء اختفائه وايضا ظهور الجبابره بنات اسد عز الدين و سحروا الجميع بجمالهم وايضا الاميره جيسي الوجداني اميره تركيا صاحبه شركات علمدار و ظهورهم بشكل  ملائكي و  حظفت الأنظار فما هو سبب اخفاء اسد عز الدين هذا الجمال ) 

جيسي : اممم ذي ما كنت متوقعه احنا بقينا كلام الصحافه كدا مافيش حل غير أن احنا نعمل لقاء خاص ومع الصحافه عشان يسكتوا 

نور هزت كتفها بخفه  : كنتي متوقعه ايه احنا ولا مره طلعنا في مقابله أو عملنا لقاء صحفي حتي انتي و لا مره عملتي في تركيا مع انك عايشه هناك نص عمرك 

نورين : رعد الحديدي مش هيسكت !!:

نوران  : قصدك عليكي ده حالف بموتي أنا وجيسي ونور يعني من غير مفر  هيحاول يموت حد فينا عشان يكسر جيهان بينا 

اسد : ماهو ده بقي اللي هيحصل مافيش خروج ولا حتى للشركه انتوا الاربعه 

جيسي : بس ازاي يا اسد أنا مضطره اسافر تركيا عندي شغل كتير هناك وانت عارف انا مش بحب اسيب تركيا كتير 

نوران : وانا مضطره اسافر امريكا أنا ماسكه

فرع الشركه اللي هناك وانت اكيد مش ناسي 

نور : في مشاكل في فرع الشركات بتاعتي في بلغاريا و ماحدش هيعرف يحلها غيري عشان نظام حمايه ثلاثي الابعاد الاصليه فيه مشاكل 

نورين : لازم اسافر فرنسا عشان فيه مؤتمر هناك وعندي مشاريع لازم تتسلم 

اسد بزعيق لاول مره عليهم : مافيش سافر تاني وبعدين مش ملاحظين انكم مهملين حياتكم اوي وكل واحده فيكم شغل شغل أنا كنت بقول ليكم اهتموا بشغلكم لكن مش للدرجه ايه الهوس اللي بالشغل ده انا كنت في عمركم وكان معايا انتوا الثلاثه وان شاء الله بقي ناوين تبصوا لحياتكم امتي وانتوا عندكم أربعين سنة 

فهد : اسد طب !!  

اسد قاطعه بحزم : انت بالذات تسكت انت عندك ٣٠ ومش متجوز ولو حتي خاطب  وبتطلع المهمات اللي فيها موتك كان مافيش حد غيرك شغال في المخابرات ولا ايه أنا لاول مره بتأكد اني ماعرفتش اربي حد فيكم الهانم نوران الامبراطورة وبص ليها لقاها ساكته و تبص ليه بهدوء 

اسد بسخرية : كانت البنت المرحه اللي مش بتبطل تضحك و تهزر بقت بارده و قاسيه ومن غير قلب حتي علي أقرب الناس ليها أنا عمري ماربيت حد فيكم أنه يبقي كدا كتر سافرك برا والمشاكل غيرتك بس عارفه انا بندم اني مسكت حد فيكم الشغل من صغره 

أما نور هانم اللي كانت خجوله بقي مش بيفرق معاها اللي قدامها ازاي كان كبير ولا صغير كان مافيش غيركم في الدنيا ربنا مديكم قوه وجبروت بتطلعوه علي خلقه و نورين هانم اللي كانت العقله الهادئه بقت شبه الشياطين في العصبيه وماحدش بيعرف يتفاهم معاه والكل بيخاف منها ايه الجبروت اللي انتوا فيه ده وإذا كان غلطت في تربيتكم من الاول أنا هصلحها و سابهم ومشي ودخل المكتب و قفله بعصبيه صوته رد في البيت كله 

نوران بابتسامه حزينه  : ياريت نرجع ذي ماكنا بس للاسف الوقت عدا من زمان جدا وانا عمري ما ابقي ضعيفه ذي زمان أنا كل يوم هبقي جبروت و قاسيه عن الاول عشان الخوف حاجه مهمه عشان عدوك يفكر الف مره قبل ما يجي جنبك وانا الامبراطورة وهفضل طول عمري اللي الكل بيحلف بجبروتها والقسوه بتاعتها 

وقامت بكل برود وغرور وطلعت اوضتها 

نور بسخرية : نرجع ذي ماكنا أنا عمري ما ارجع ذي ماكنت غير بموت رعد الحديدي و انا مش اتسميت عقرب من فراغ لا ده بسبب خبثي وسمي اللي بسم بيه الكبير وماحدش يقدر يقول حاجه الوقت عدا من زمان يا جيهان للاسف 

وقامت بغرورها والثقه وطلعت هي كمان 

أما نورين قامت من غير ما تتكلم مع حد وراحت اوضه الجيم وقعدت تتدرب بعنف وقسوه هناك وماحدش يقدر يروح ليها دلوقتي أما جيسي جالها تليفون وقامت ترد عليه وفهد خد عربيته وخرج من القصر من غير حراسه وآوس راح اسطبل الخيل وركب حصانه وماحدش فارق معاه نفسه واللي عماهم الانتقام من رعد الحديدي و بس لو فيها موت حد فيهم و كلام اسد بيتردد في دوغ كل واحد فيهم كانه المنبه ليهم 


                      


وجيهان و وجد و شمس بيصبوا علي اولادهم بحزن و حسره من اللي حصل ليهم ورافت و اليف شايلين الذنب أما سيف بص ليهم بحزن هو والباقي وماحدش عارف يقول ليهم ايه 


                      


🔥🔥🔥🔥🔥🔥🔥🔥🔥🔥🔥🔥


                      


في اوضه جيسي 


                      


جيسي كانت قاعده في التراس الخاص بأوضتها و الهوا بيلعب في شعرها و يدخل وجد و اليف ليها ووجد تقف جنبها 

وجد بحزن : جيسي  انتي زعلانه مني ؟؟ 

جيسي بصت ليها ببرود ولفت وشها الجهه الثانيه لإنهاء اي كلام 

وجد كملت بحزن : جيسي أنا عارفه انك زعلانه بس انا اسفه لما عرفت انك تعبانه ..  

جيسي قاطعته بهدوء وهي لسه علي وضعها  : اه لما عرفتي اني تعبانه خلتيني احس كاني موت حد عارفه انا طول عمري كنت بعتبرك امي اللي بتقف جنبي لما بحتاج ليها بس طلعت غلطانه في أول موقف حصل انتي اتخليتي عني أنا عارفه اني هموت قريب علي فكره ومافيش عمليات هتنفع وده اللي متاكده منه كنت عايزه اقضي اللي باقي ليا في حضنكم بس طلعت غلطانه اوي أنا مش عندي لا اب ولا ام وانا طول عمري لوحدي مش جديده عليا 

وجد بدموع : أنا

جيسى قاطعتها بحده و زعقت و الدموع بدأت تلمع في عيونها  : كنت مستنيه تقفي جنبي وتقولي ليا أنا جنبك و معاكي بس انتي مش عملتي كدا انتي خدعتيني ذي فكتوريا بالظبط بس الفرق انها كانت واضحه دايما معايا وأنها بتكرهني وعايزه موتي أما أنا انخدعت فيكي بجد 

واكلمت وهي مش قادره تاخد نفسها و دماغها وجعتها و عايزه تخبط راسها ومسكت راسها بايدها 

وجد بلهفه : مالك يا جيسي ردي عليا جيسي !!! 

جيسي بصراخ  وماسكه دماغها جامد : بموت دماغي دماغي 

أليف : جيسي اهدي يا عمري اهدي 

جيسي : دماغي بسررررعه الدوا في الدرج 

اليف راح بسرعه ولقي العلبه فاضيه 

والكل سمع صوت جيسي وراحوا ليها واسد وفهد جريوا عليها : 

اسد بحنان : اهدي يا جيسي عمري 

وجد بعياط : جيسي 

جيسي بصراخ و عياط هستيري  : مش قادره يا اسد دماغي دماغي 

و لقوا مره واحده بتنزف من منخيرها واغمي 

فهد : بسرعه يا اسد بتنزف 

أما قلب زين و اليف وقع في الأرض واسد شال جيسي وركب فيها ونور ساقت العربيه 


                      


يتبع 


                      


اللي اللقاء في الحلقه القادمه 


                      


جيسي هتموت ولا لا 


                      


رعد هيعمل ايه فيهم ولما يعرف بمرض جيسي 


                      


فهد هيسامح ابوه و جيسي هتسامح وجد 


                      


اسد هيرجع عياله ذي ماكانوا الاول ولا لا 

عايزه تفاعل حلو كدا عشان انزل فصل كمان بليل

تعليقات

CLOSE ADS
CLOSE ADS
close