عشق_الحور
الحلقه_16/17/18
فرس_اعمى
يابابا انا ملييش اي لزمه في المشوار ده محمود ازاي ياسليم مانا قلتلك جوز اختك قال ايه يونس بمشاغبه عاوز تهرب ليه ياكبير سليم بغيض اهرب من ايه يازفت انت يونس باسما اسال نفسك يمكن يكون في حد هناك مش عاوز تشوفه ولا حاجه سليم بغيض حد مين متوضح كلامك يازفت انت
يونس يعني حد واحده دكتوره قمر كده وعنيها سودا مكحله يلهوي و...ضربه قويه عل ظهره جعلته يقع ارضا سليم بغضب انت اتهبلت يلا انت ازاي توصف واحده كده محمود باسما ودي بقي عيشه مش كده يايونس يونس اه احبك ياحوده وانت معايا عل الخط كلنا لها ياكبير هب سليم واقفا وقال بغضب انت زودتها اوي يايونس انا ماشي #سليم التف الا ابيه فقال محمود بجديه من امتي ببقي بكلمك وتسيبني وتمشي انا اسف يابابا #ممكن افهم انت مش عايز تيجي معانا ليه من امتى بتقف في وش الخير انت عارف يعني ايه عجلين يتوزعوا عل الفقرا سليم بحنق يابابا يعني جاسر الراوي مش عارف يطلع عجلين محمود لا عنده بدل الواحد عشره بس هو حط المسؤليه دي عل كتفك عشان عارف انك هتاخد احسن حاجه عنده طالما طالعه لله عشان انت بتفهم في الحجات دي سليم بسرعه ياسلام مش مبرر عل فكره مهو عنده الي بتفهم زفر بقوه واستغفر للمره الكم تقتحم تلك المتطفله افكاره تامله محمود للحظه وقال باسما وايه متكمل ادينك مبررك الي بترفض بيه ثواب زي دا بلع ريقه بصعوبه وزفر بضيق وعاهد نفسه انه لن ينظر لتلك العائشه لن يتيح لها اي فرصه سيختار العجول ويرحل ويمكنه نيل جزء من الثواب بذبحها وتوزيعها ولكن بعيد عنها #خلاص يابابا انا جاي خرجت خديجه من الغرفه يونس شوف كده بسمه خلصت ولا لسه انا لبست يحيي #تون اوبح رفع يونس الصغير بين ذراعيه وقال بحب ياحبيبي حرام عليك انت بتشلفط اسمي عل الاخر تعالي اما نشوف امك #بمه راحت بابا احتضنه يونس الا صدره #بعد الشر ربنا يخليها يارب احنا هنروح لحور يايحيي #حور هاي #نفسي افهم اشمعني حور الي بتنطق اسمها صح بسمه من خلفه #عشان سهل يايونس وواضح ان الواده عنده عقده في حرف السين بيسقطه كله #تصدقي صح يابسوم دا مشلفط اسم سليم عل الاخر بيخلبه منظف احواض ضحكت بسمه وتحركت خلف يونس علا صوت الصغير #ليم اوبح يون كخ سليم بعصبيه مش يلا بقي بسمه بهمس في اذن والدتها هو سليم ماله رفعت كتفيها وتحرك الجميع للخارج محمود جاسر بيه اتصل بيا وقال ان هما وصلو البيت ومستنينا هناك محدش يتكلم في موضوع حمل حور سمعني يايونس #اشمعني انا يعني
بسمه عشان انت الي مسحوب من لسانك ياخفيف وصلو للقصر ليترجل الجميع بسمه ماشاء الله لاقوه الابالله دا الواحد عايز عجله عشان يلف في القصر ده استقبلهم جاسر بابتسامه مرحبه ليدعوهم لداخل حيث زينب زينب منورين البيت ياجماعه خديجه دا نورك ليه بس تتعبي نفسك وتنزلي
زينب بمحبه وانا عندي اعز منكوا ياخديجه بسمه امال هي حور فين جاسر هي لسه تعبانه هدخل اجبها اهوه بسمه لا خليها مرتاحه جاسر باسما نزليه متخفيش البيت امان يازهره
ترجلت فتاه صغيره ووقفت امامه #نعم ياسيدي #شوفي الاستاذ يحيي سلمك سيبيه يلعب بس عينك عليه تمام
تناولت الفتاه الطفل وتحركت #في عنيا متخفيش تحرك جاسر لداخل يعلم ان الصغيره تتحرق شوقا لرؤيه عائلتها دخل الغرفه فقالت بلهفه اجم وبسمه اجت كلهم اجو بس حلوه اوي بسمه رمقته بنظره حارقه #طوعني بدل مااخزق عنيك وتبقي جاسر الاعور انفجر ضاحكا #تعرفي ان عيني تشوف واحده غيرك تعلقت بعنقه #لا بس انت بتغظني وانا بتغاظ عادي احتضن خصرها وهمس طب هو مش الدكتور قال اني العب بعروستي عادي ايه بقي قالت بحنق ايه انت عازم الناس عشان تلعب بالعروسه قرب وجهه منها #طب حاجه تصبرني قبلت شفتيه وهمست هي نزلت ولا لسه
#لا لسه وغيث وعلاء لسه محدش فيهم جه هي البت عيشه فين قالت باهتمام اوعى تقول بيدور عليها ابتسم يعني عينه لفت غصب عنه عشان بعد كده حسيت انه بيستغفر #انا موعتش عل ابويا بس من حكايات بابا وماما عنه عرفت انه هو الي ربي سليم والي استنتجته من كلامهم ان بابا كان متشدد بزياده بس سليم خريج ازهر ودارس علوم شرعيه عارف وهو بيدرس في الكليه كان بيدرس كمان في معهد اعداد الدعاه قال باعجاب نظرتي عمرها ماخيبت مهو الي يربي بنوته ولما يشوفها كبرت قدامه يمنع عينه انها تترفع تاني يبقي بيعرف ربنا اوي #داانت كنت متبعه بقي #طبعا مهو لو كان رفع عينه تاني مكنش هيشوف بيها تلمست وجهه وهمست بسعاده بتغير عليا #طبعا داانا بغير من يونس خطفت قبله من شفتيه وهمست يخرب بيت طعمتك وحلوتك دي بص ماما هتقوم بالواجب معاهم وانت تلعب بالعروسه
انفجر ضاحكا وانزلها #عدي ادامي يابت يلا امسكت يده لتهزها وقالت ماشي تعالي نزحلقهم ونلعب برحتنا قال بتحذير حور مش عايز تنطيط متنسيش الدكتوره قالت ايه تمام وبعدين انتي تعبانه #ماشي اعتنق كتفيها لتعتنق هي خصره ويخرجوا للجميع كان سليم يتحدث مع علاء الذي وصل لتوه علاء حمد لله عل السلامه ياحور نورتي البيت
حور ربنا يخليك يابو جاسر امال فين جاسر وامه علاء جاسر تعبان شويه فمعرفتش تيجي حدقه جاسر بنظره ولكنه هرب من نظراته وقال بسرعه بس انا عندي ليكي بقي مفاجاه هتخليكي تروقي عل طول زينب قول ياعلاء انا عماله افكر في المفجاه دي من امبارح علاء اصل جاسر قلي اتصل بواحد صاحبنا جاسر بحنق متنجز ياعلاء علاء مبروك ياحور مبروك يايونس انتوا نجحتوا يونس بجد والنبي حور جبت كام قول بسرعه قلبي هيقف يونس كدابه متصدقهاش وبلاش فضايح
علاء حور٨٩٪ ويونس ٤٩٪ حور قليل يونس طب احلف كده وحياه ابنك جاسر مبروك ياحور الف مبروك شكلك هتعمليها زي ماعيشه قالت امال هي فين ياامي زينب مش عارفه كانت هنا من شويه تلقيها راحت تصحي غيث نظره غضب عبرت عيون سليم قبل ان يخفض بصره جعلت جاسر يبتسم
#اقعدي ياحور عشان انتي تعبانه بسمه الف مبروك ياحور
حور ربنا يخليكي يابسوم تعالي اقعدي جنبي بقالي كتير مشوفتكيش هب سليم واقفا واقترب من جاسر معلش ياجاسر بيه انا مستعجل شويه ممكن بس حد يعرفني مكان الزريبه جاسر مستعجل ليه احنا هنتغدا سوا سليم بوجوم معلش اعذرني انا جاسر بتاكيد انا هبعت معاك حد تشوف الزريبه لكن مفيش اعذار اتفضل يادكتور يا عامر اقترب احد الرجال منه #مع الدكتور لزريبه والي يختاره تشحنه في عربيه ربع نقل عل بيت الحج محمود فاهم #امر ياباشا اتفضل يادكتور ترجل سليم خلف الرجل ترى من يكون المدعو غيث الذي ذهبت لتوقظه وكيف يوافق اخيها عل تلك المهزله الا اخلاقيه زفر بضيق وضرب الهواء بساقه الزريبه بالجانب الخلفي للبيت وقف الحارس وقال اتفضل يادكتور شوف الي يعجبك الزريبه بتعتنا كبيره ومليانه بخيرات ربنا
دخل سليم لداخل ليفاجيء بكميه المواشي امامه اختار عجلين بعد ان كشف عليهما وسحبهما العامل للخارج كان في سبيله للخروج الا انه استمع لهمهمه جانبيه همهمه جعلته يخرج بخطي سريعه ليسال العامل بغضب #ايه الي جنب الزريبه #دا الاسطبل يادكتور #طب ممكن ادخل اشوفه
#برحتك يادكتور انا هشحن العجول تحرك لداخل الاسطبل وتلك الهمهمه تخنقه #انا بحبك اوي ماالذي اغضبه وماذا تعني هي او اي اخرى من بنات حواء التي تتبعهم الفتنه اينما ذهبوا لعله الفضول في معرفه الغيث الاحمق تسمرت قدماه في الارض وهو يتابعها تربت عل عنق فرس بحنان وهي تهمس عارف انت الوحيد الي بحسه حاسس بيا خطوه غير مدروسه جعلته في مجال رؤيتها لتنتفض وتقول دكتور سليم حضرتك دخلت هنا ازاي دلو ماء بارد احد الحمقي سكبه فوق راسه ليخفض بصره ويفرك لحيته تنحنح بقوه انا اسف اصل كنت في الزريبه وقلت ابص عل الخيل اغمض عيناه واستغفر هاهو للمره الاولى يكذب لينتشله صوتها العذب من اضطرابه
#محصلش حاجه يادكتور انا ملحقتش اشكر حضرتك عشان حضرتك قدمتلي في الدراسات العليا حسنا اخرجته قليلا من حرجه يمكنه محادثتها كأي طالبه عنده مفيش تعب ولاحاجه يادكتوره قررتي مجال الدبلومه ولا لسه تنهدت بقوه #هعملها في رمد الخيول قالت جملتها لتعتنق عنق الفرس الابيض انها تعشق الخيل مثله ليس مثله اقترب ناحيه الفرس ليصهل وتبتعد هي لتربت عل عنقه وتهمس اهدي يا مرجان دا الدكتور سليم اخو حور ربت عل راس الفرس وقال بابتسامه للمره الاولى تراها عل وجهه بسمه تضيء عيناه التي تراها للمره الاولى بلونها الزيتي وتلك الغمزات الرائعه التي بالكاد تظهر خلف لحيته مسح راس الفرس وقال اسمك مرجان اسم حلو عاد لاقتطابته وعبوثه ماان ظبطها متلبسه بالنظر اليه خفض بصره وقال هو اعمى من امتى تنهدت بقوه من سنتين اجاله رمد عادي السايس اهمل بعدها بقي كده كل الي هو محتاجه عمليه تشيل التجمع الدموي الي ورا العين ابيه جابله اكبر البيطرين في البلد وكلهم قالو مفيش حل ومحدش وافق عل الجراحه ولما قلت لابيه قالي يعني انتي هتفهمي اكتر من اشهر البيطريين لما يخونه هذا البصر اللعين ليرفعه اليها لما راي لمعه الدموع بعيناها المكتحله الرائعه اقترب خطوه من الفرس وضع يده عل عنقه لترتطم بيد ناعمه صغيره تصيب شبكته العصبيه بصدمه يسحب يده وتسحب يدها يعتذر ويرتبك يجب ان يهرب من هنافقد ايقن ان فتنته ليست في جميع نساء الارض فتنته في تلك العائشه وحسب تحرك خطوه للخلف ليقول بتلعثم الجم لسانه ممكن اشوف الاشعه الي اتعملتله #هي عندي في البيت اتفضل حضرتك وانا هجيبهالك عل طول تحرك للخارج هو فقط مهتم بهذا الفرس المسكين اجمل قصص والروايات زكريا الجولحي
***********************************************
#ملتشحه_بالسواد
لمسه صغيره ناعمه كالورد عل وجهه ثم ثقل ضئيل بشده يتسلل فوقه جعله يفتح عيناه انه ببيته بمصر نعم عاد بالامس تحولت عيناه لهذا الكائن الصغير الجالس باريحيه شديده فوقه عيون خضراء متسعه وشعر اشقر ناعم ويبتسم منحه هذا الصغير بسمه حقيقيه اعتدل ليسنده وقال بابتسامه انت اسمك ايه اشار الا نفسه #يحيي #انا بقي غيث تعرف تقولها #غيت #امممم ماشي رفعه بين ذراعيه وقال باسما وتبقي مين بقي ياسي يحيي ودخلت هنا ازاي
#باب #لا منطقي ما اكيد دخلت من الباب قلي بقي انت بن مين بابا اسمه ايه #بابا فوق عند المككه اجلسه عل الطاوله وقال بتاثر ياحبيبي طب ماما فين #بمه اوه حور #كويس فهمت حور يعني انت من عيله حور احتضن الصغير نفسه
#ببتي #يانهار اسود عل دي لغه داانت محتاج مترجم يحيي حرام عليك يااخي التف غيث الا تلك المقتربه عيناها متعلقه بالصغير الذي يشبهها كثيرا وجهه ابيض وعيون خضراء متسعه وتلتحف بالسواد اقتربت ونزعت الصغير من امامه ليبكي ويستجد به #غيت بمه كخ #بالراحه عليه دا طفل مش فاهم حاجه التفتت اليه وكانها تفاجات اوتراه للمره الاولى نظره واحده وخفضت راسها #انا اسفه ماخدش بالي من حضرتك واسفه ان كان ازعجك مازعجنيش ولاحاجه بالعكس دااحنا بقينا اصحاب صح يايحيي #غيت اوبح قال جملته والقي نفسه عليه ليتلقي ضربه رقيقه عل يده #عيب يايحيي بطل بقي تضايق الناس دون تفكير اقترب لينتزع الصغير بلطف منها ويرفعه للاعلى فيضحك بقوه ثم يضعه عل ذراعه ويقول عل فكره انا مش مضايق ويحيي فعلا يتحب الي قدرت اترجمه من كلامه انك تقربي لحور صح كده
#حور اختي بنت عمي يعني ضحك استغرب ضحكته وكانها جديده عليه قال ايه العلاقه الملعبكه دي اختك بنت عمك ازاي يعني احمرار يغزو وجهها المطرق #هي بنت عمي لكن ولدي متجوز والدتها فاحنا اخوات وحضرتك للمره الثانيه يضحك منذ عشر سنوات لم يضحك من قلبه هكذا حتي نسي كيف يكون الضحك #هو انت بتضحك عل ايه #لا اصل انا ابن عم جاسر واخوه برضه رفعت وجهها وضحكت ضحكتها مختلفه اظهرت غمزات بخدودها وجهها يضيء #ودا ازاي بقي #هو بن عمي بس اخويا في الرضاعه #طب ممكن حضرتك تديني يحيي عشان امشي هو هيعمل دوشه والمدام بتاعة حضرتك اكيد نايمه قالت جملتها لتشير الا الصوره المعلقه نظر اليها وقال بمراره المدام بتاعة حضرتي مفيش حاجه تصحيها هي ماتت من عشر سنين #انا اسفه جدا مكنتش اعرف يعني حضرتك هنا لوحدك قطب #ايوه في ايه
في لحظه كانت عند الباب لتحدث يحيي تعالي هنا يايحيي
#هو ايه الي حصل عشان دا كله خرجت وقالت انا اسفه بس مينفعش افضل مع حضرتك في مكان لوحدنا هتيجي يايحيي ولاهبعتلك يونس #غيت #خلاص يامدام اتفضلي انت وهو هيفضل معايا متقلقيش هغير هدومي واحصلك
في لحظه كانت تغلق الباب ليهمهم #غريبه امك ياسي يحيي هاكلها انا اظن لا بس محترمه اوي ياد يايحيي تعالي بقي عشان اغير ونشوف ايه حكايه امك دي....
***********************************************
10 ملصقات لتصلك بقية الحلقات🌹🌹
لا تنسو الصلاة والسلام علي رسول الله
#عشق_الحور #الحلقه_السابعه_عشر
#جلسه_عائليه
عزه ياحبيبتي لازم تنزلي ترحبي بالضيوف دول في بيتك
جاسر بليز متضغطش عليا هز كتفه وتنهد بارتياح لا يازوزه انا مقدرش اضغط عليكي انا نفسي زهقان بس اعمل ايه انا حجزت حاجه سوليتير هتعجبك اوي هروح اجيبها بعد اسبوع اعتدلت عل الفراش وقالت بلهفه بجد يابيبي #طبعا يازوزه هو انا عندي اغلى منك انا نازل بقي ميصحش اسيبهم سلام #سلام ياجاسر تحرك جاسر للخارج وزفر بقوه مهمها انا مش فاهم انا كنت بحبك ازاي صبرك عليا ياعزه ان ماطلعت القديم والجديد عل جتتك مبقاش انا جاسر قال جملته ونزل للاسفل وجد عائشه تنزل الدرج مسرعه #تعالي هنا يابت انتي انتي فين من الصبح #كنت في الاسطبل ياابيه #امممم طب ايه الورق الي في ايدك ده #دي الاشعه والتحاليل بتاعه مرجان هوريها لسليم قصدي الدكتور سليم ابتسم اه قلتيلي سليم طب هاتي يااختي انا هديهاله وابعتي حد يصحي غيث
اعطته الملف وقالت باحباط انا كنت عاوزه اعرف رايه #ليه هو رايه مهم اوي كده #طبعا ياابيه دا معاه دكتوراه #اه يعني دكتور مرتين #لا يعني استاذ دكتور دا ليه ابحاث تحفه في الخيل وامراضها النادره اتنشر في كذا مجله اجنبيه
#داانتي متبعه بقي عائشه بارتباك #عادي يعني دا مجال تخصصي وعشان هكمل دراسات لدغ خدها الاحمر وقال ماشي ياست عيشه عدي ادامي تحركت امامه الا الداخل لتقابله عيون حوريته البندقيه التي تمتليء غيظ جعلته يبتسم رغما عنه كانت تجلس وبجوارها بسمه وخلفها تتحدث خديجه الا والدته تقدم ناحيه سليم وجلس بجواره لتجلس عائشه بجوار يونس ناوله الملف وقال خد يادكتور مش عارف احنا عزمينك عل الغدا ولا بنستغلك بصراحه سليم باسما لا ازاي متقلش كده يونس بالحاح ايه دا ياابله عيشه
عيناها معلقه عل الاوراق التي يقرائها بتركيز ولاباس من خطف نظره لعيناه الزيتيه الداكنه برموشها الطويله المراقبه ورؤيه بذور الحب شعور رائع يجعلك دوما تتذكر ما يعنيه الحب بحياتك ودون وعي يذهب بصرك حيث تكون لتصتدم النظرات فيعرف انها تراقب مثله ترك سليم الاوراق وقال بجديه كامله هي الاشعات دي كانت من اد ايه تقريبا عائشه بسرعه من حوالي سنه سليم هنبقى محتاجين اشعات وفحوصات جديده بس مبدئيا رايك صح علاجه الوحيد في الجراحه عائشه باختناق طفولي #شفت ياابيه صدقت جاسر موضحا ياحبيبتي دا حصان غيث وانت عارفه كويس اوي غيث متعلق بيه اد ايه مكنتش اقدر اتصرف فيه وهو مش موجود القرار ده غيث الي ياخده مش انا #وغيث موافق قرار ايه بقي جاسر بلهفه #غيث اعتنقه جاسر في حين قال غيث بمرح وهو يشير الا الطفل عل ذراعه #معلش يايحيي عمك جاسر عامل زي القطر مبيعرفش يفرمل تطلع جاسر لصغير عل ذراعه وقال باسما معلش يايحيي حقك عليا قال جملته وطبع قبله عل راسه ليبتعد الصغير ويحتضن غيث جاسر #تعالي اما اعرفك عل الجماعه الحج محمود والد حور والحجه خديجه والدتها ودا الدكتور سليم اخو حور الكبير ودي بسمه قاطعه مامة يحيي جاسر انتو اتعرفتوا غيث مقبلا يحيي اصل الاستاذ يحيي اجا صحاني من النوم تقدمت خديجه منه وقالت عنك ياابني معلش تعبناك غيث مفيش تعب ولاحاجه دا يحيي دا عسل واحنا صحاب صح يايحيي غيت اوبح ديجه كخ غيث سيبيه انا كمان مبسوط معاه عادت خديجه مكانها فاكمل جاسر ودا بقي يونس غيث جهاز الانذار تشارك الجميع في الضحك وقال يونس بتذمر كده برضه ياابله عيشه فضحتيني حور ضاحكه وانا الي بشغله
احاط جاسر كتفيها بذراعه وقال دي بقي حور رمقها غيث بنظره فضوليه بحته همس جاسر باذنه نزل عينك بدل ما اخرمهالك غيث الله اكبر ابو الهول نطق اقتربت عائشه وامسكت يده واجلسته وقالت برجاء انت وفقت ان انا اعالج مرجان صح ياغيث غيث باهتمام مرجان ماله جاسر وهو يجلس بجواره من حوالي سنتين اجتله حاله رمد عاديه كان البيطري الي عندنا بيعالجه بعد اسبوعين حسيت ان الحاله بتسوء مرجان ديما هايج بعت جبت اكبر بيطري في البلد طلب اشعه وفحوصات وللاسف مرجان اتعمي وكل الدكتاره قالوا مفيش امل الا عيشه قالت علاجه الوحيد في جراحه بس طبعا انا مستحيل اعرضه لحاجه زي دي وانت مش موجود بس سليم دلوقتي بيقول نفس الكلام الي قالته عيشه سليم استاذ ودكتور ولسه راجع من بره نظر غيث الا سليم التي تشتعل عيناه غضب لايفهمه يعني يادكتور شايف ان ممكن العمليه دي تخليه يشوف سليم باقتطابه ده هيعتمد عل التحاليل والفحصوات لان الحاله كان المفروض تتلحق عل طول عائشه بغيض شفت ياابيه دي نتيجه عدم ثقتك فيا بس غيث بيثق فيه صح ياغيث ربت عل كتفها وقال طبعا ياشوشو بثق فيكي جدا بس مش في عنين مرجان ياحبيبتي
هبت عائشه واقفه وقالت بغيض حتي انت ياغيث ماشي شوف مين بعد كده هيهتملك بيه جاسر ضاحكا طب خلاص ياعيشه متزعليش ابقي ساعدي الدكتور سليم في علاجه دا لو وافق طبعا هو فقط يريد الرحيل من هذا المكان قال بضيق ربنا يسهل الامر ان شاء الله عائشه بحماس #من بكره ان شاء الله هبدا في التحاليل و هجيبهم لحضرتك سليم بعصبيه ان شاء الله مال غيث عل اذن جاسر وهمس ماله دا هو كده طبيعي ابتسم جاسر وقال لا هفهمك بعدين معلش ياجماعه انا نسيت اعرفكوا غيث بن عمي واخويا وكما توقع جاسر كان السؤال من نصيب سليم #اخوك ازاي يعني ثم وكانه تدارك سؤاله قال انا اسف جاسر لامفيش داعي غيث اخونا من الرضاعه غيث ضاحكا اتحسبوا عليه اخوات اونطه عائشه اونطه في عينك انت تطول ولابلاش تطول دي انت جايب السقف خلقه غيث ناظرا ليحيي #عجبك كده يايحيي عيشه يحيي مزمجرا #عيته كخ قبل راسه وقال شوف يابني كل الناس عدوينك مفيش غيري انا نافع حبيبك تشارك الجميع بالضحك جلسه عائليه مميزه دافئه بدفيء اصحابها وحبهم لبعضهم اجتمعوا عل مائدة الطعام لتقول زينب جاسر هي عزه مش هتتغدي معانا جاسر تعبانه شويه ياامي مالت حور عل اذنه كداب ياحبيبي همس في اذنها انتي بس اللي بتفقسيني ياحبيبتي بسمه هاته حضرتك عشان تعرف تاكل
غيث ياستي هو انا اشتكتلك انا هاكله متخفيش بسمه هو مش هياكل هو هيبهدل الدنيا حور عادي يابسمه دا طفل وبعدين ابيه غيث واخد باله منه غيث بحنق ابيه ليه كده ياحور داحتي جوزك اكبر مني بشهر عائشه لا هي حور كده دي بتقول لعزه ياابله ضحك الجميع ليقول غيث طب بلاش ابيه دي لحسن بتعملي حساسيه جاسر بغيض هتفضل ترغي متبص قدامك بقي علاء معلش ياجماعه انا مضطر امشي بس عشان ابني تعبان شويه خديجه ربنا يطمنك عليه انسحب علاء ليتبادل غيث وجاسر النظرات كان غيث يطعم الصغير بضوضاء عاليه والغريب ان الفتي المشاغب كان ياكل باستمتاع يونس هو انت مينفعش تبقي تيجي تاكله عل طول دا بيطلع عيني وعين امه وامي وابويا عشان ياكل قبل غيث راسه وقال ليه بس دا حتي يحيي شطور خالص وبيسمع الكلام يونس باسما وهو ينظر لبسمه #دا يحيي غير ابنك طبعا ولكن بسمه كانت بعالم اخر عالم لم يعد يدل عليه الا ذلك الطفل الضاحك بين احضان رجل غريب يحيي لم يري اباه ولم يعلم اباه بوجوده لم ترى فرحه عيناه باول مولود لم يحضر ولادته تحمل فقط ذكرى لشهر واحد رحل قبل ان تعتاد عليه رحل قبل ان تعرف معني الزواج والحب انتشلها من افكارها صوت حور #بسمه انتي مش بتكلي خالص رفعت عيناها لحور ابتسمت بفتور انا اكلت ياحور عن اذنكوا
قالت جملتها لتخرج من غرفة الطعام زينب هي مالها ياخديجه خديجه هي كده متشغليش بالك تنهد محمود بمراره عل حال ابنته تبعها عيون سليم وغيثخديجه عن اذنك يابني يحيي هينام عشان اغسله رفعه غيث وقال باسما عنك ياامي ارتاحي انتي كملي اكلك تحرك غيث للخارج رغما عنه عيناه تبحث عن الملتشحه بالسواد ذات العيون الخضراء الدامعه راي جانب وجهها وتلك الدموع المتلئلئه عل خدها انها حزينه يشعر بها فهو يقاسي من نفس المراره يتجرعها يوميا يعيشها لعل اكثر انسان يستطيع ان يخفف عنك يكون غريب ولكن لديه نفس مأساتك سماه رحلت عن عالمه بجنينها قبل ان يراه وهي تلك البسمه الحزينه رحل عنها اخر ولكن ترك ذكراه حيه ترك لها يحيي لعلها لاتشعر بنفس وحدته القاتله ولكن شرودها ودموعها تثبت هذا كان يتاملها بشرود اخرجه منه جبرا صوت غراب اسود ينعق #ايه دا ياغيث انت اشتغلت بيبي سيتر ولا ايه التفتت صاحبة العيون الدامعه واقتربت خطوه فقال ببرود اه عقبال عندك ياعزه اهو
تتلاقي حاجه تشغلك بدل ماانتي عماله توزعي سمك عل الناس عزه بعصبيه انت ازاي تتكلم معايا بالطريقه دي بغضب برد عل كلامك ياست عزه عزه بتافف اووووف انت ايه الي رجعك قاطعها قاعد في بيتي ياعزه هانم وكلمه زياده الله في سماه الموضوع ماهيعدي #غيث ايه الي حصل التف الا جاسر الذي يقف بهيبته عاقد ذراعيه غيث بعصبيه لم مراتك ياجاسر وخليها تتكلم بطريقه عدله عزه وانا هتكلم معاك ليه اصلا جاسر عزه اتكلمي عدل اشاحت بيدها وتحركت للاعلي ليقول غيث دلعك فيها الي عمل فينا كده ياجاسر احتضن جاسر كتفه وقال خلاص بقي انا نفسي افهم انتوا مبطقوش بعض ليه غيث وهي دي تطاق داانت ليك الجنه ياحبيبي
جاسر خلاص بقي اهدي شويه روح نيم الواد ده وتعالي نلحق قبل ماعزه تضرب كرسي في الكلوب وتخليها دندره
حدق غيث بوجهه وقال جاسر بن الناس الكويسيين يقول كرسي في الكلوب ودندره انت اخلاقك فسدت ياجاسر
تنحنحه محرجه جعلت الرجلان يلتفتان لها بسمه بخجل وهي تنظر بالارض #احم احم معلش انا اسفه بس كنت عاوزه يحيي قرب بلمسه غير مقصوده وهو يناولها الفتي النائم لتسحب يدها الصغيره الناعمه بشده ويكاد الفتي يسقط منها ويشتعل وجهها لحظه مرتبكه متوتره جعلت شيء ما بداخله يتحرك شيء ساكن بداخله منذ رحلت سماه التي تظله بالعشق لم ينتبهه الاعندما نزعت الفتي وتحركت من امامه هامسه بارتباك #شكرا لحضرتك التف الا جاسر الذي يرفع احدي حاجبيه وعل وجهه ابتسامه سخيفه اشاح وجهه وقال
ايه في ايه اقترب منه وقال في ايه انت هز كتفيه مفيش حاجه هيكون في ايه يعني ربت عل كتفه قدمنا الليل طويل بس يلا احنا سيبين الضيوف لوحدهم هما خلصو وطلعوا الجنينه تحرك ليتحرك خلفه جاسر الذي توقفت عيناه عل عيون حوريته الدامعه وعزه تتحدث معها بعيدا عن الجميع اقترب ليستمع لجزء من الحوار #لا متخديش راحتك اوي ياشاطره دا مش بيتك انتي حته واحده جوزي اشتراها عشان تجيب بيبي مش اكتر متتعديش حدودك انتي واهلك اللوكل دول #عزه التفتت اليه لتقترب منه نفس الموقف يتكرر مره اخرى لقد حجمها وجود اهلها ان تتحدث ولكن هذه المره مختلفه بالامس القريب جاسر كان ملكها اما الان تابعت اقترابها منه لترفع ذراعيها وتتعلق بعنقه يمسك جاسر يديها وينزلها هامسا في اذنها ثم يبتعد لتصعد هي الا البيت يقترب منها لينحني ويرفعها بين ذراعيه ويهمس انتي واقفه ليه هاه #نزلني يامجنون تحرك ليريحها عل الاريكه بجوار والدتها ويقول فهميها ان مينفعش واقفه ومجهود وحرق دم عشان بنتك مبتسمعش الكلام خديجه جوزك بيتكلم صح ياحور شدت حور يده ليسقط جالسا بجوارها وقالت بغيض
يعني انا عملت ايه دلوقتي شفتني شوهت وشها مسحت بشعرها النجيله عضتها في..... ولابلاش انا مؤدبه صوت ضحكات غيث الواقف بالقرب منهم جعلتهم ينظروا اليه #يخرب عقلك ياحور انا بقالي سنين ماضحكتش كده الي يشوفك ميقلش كده خالص وقف جاسر بجواره ليوكزه بقوه
#والي يشوفها يقول ايه بقي غيث متاوها اه يعني بنوته كيوته وهاديه خديجه تصدق يابني مش انا الي مخلفاها كنت فاكره كده برضه بسمه مين دي ياماما الي هاديه انتي بتصدقي دي الروح الشريره لاولاد الدسوقي حور بقي كده يابسبوسه بالطرشي انا روح شريره طب اختفي بقي بدل ما اكل ابنك ده غيث ضاحكا لا كله الا يحيي حور بمكر لا بس انت اتعلقت بيه اوي ياابيه غيث بلاش ابيه دي وبعدين يحيي اصلا يتحب اوي حور اه كيوت وطيوب وعنيه ملونه
غيث مش بالشكل ياحور بس يحيي روحه طيبه حور باسما
زيي انا ويونس بالظبط واحنا صغيرين صح يابسمه نظرت بسمه عليها ثم عل الصغير النائم بين ذراعيها وقالت بسخريه
لا انت ويونس كنتوا ملايكه باجنحه هو كان في زيكوا اعوذ بالله سليم ضاحكا كانوا هادييييين بشاااااااكل فظيع دي ماما كانت بتربطهم من رجليهم في الكنبه عشان ميعملوش كوارس ولما مايتلقوش حاجه يعملوها يعقدوا يتخانقوا مع بعض تشاركوا جميعا بالضحك غيث انا وجاسر كنا كده واحنا صغيرين كنا بنعمل كوارسجاسر بحنق اسمها كنت بعمل كوارس غيث صراحه اه كنت اعمل الكارثه وهو الي يضرب اصل انا مكنتش بتضرب انا يتيم اجمل قصص والروايات زكريا الجولحي كان بابا يضربه ويقوله انت الكبير العاقل مش عارف ليه مكنش مقتنع انه اكبر مني بشهر واحد بس بس الحق جاسر كان طول عمره هادي محمود زي سليم انا محستش اني خلفت عيال الاماتولد جوز القرود دول يونس بحنق طب هي قرده انا زنبي ايه عائشه داانتو نسخه كاربون يايونس مقولتليش بقي نويين عل ايه في الدراسه يونس انا هدخل هندسه مجموعي يجبها مرتاح نظرت عائشه لحور وانتي ياحور نظرت حور الا جاسر بحيره جاسر ايه مش عارفه تقرري حور بهمس هو ينفع اكمل يعني عشان الحمل و..
جاسر ايه مش هتقدري وبعدين تقريبا هتولدي في الاجازه
حور يعني انت موافق جاسر طبعا صفقت بيديا كالاطفال وخطفت قبله من خده ربنا يخليك ليا يبقي هندسه يونس يووووه ورايا ورايا جاسر ودي حاجه كويسه عشان ابقي مطمن عليها جوا الكليه يبقي هاخد الاوراق واقدملكوا انتوا الاتنين مع بعض سليم لا خليك انا كده كده كل يوم في الجامعه لما ينزل التنسيق هقدملهم الاتنين جاسر تمام كدا انا مش ناسي هديه النجاح يايونس حور بحنق طفولي ياسلام اشمعني يونس بقي انا مجموعي اكتر منه تامل جاسر وجهها الطفولي الحانق ممتعه تلك الصغيره يونس بغيض انتي مالك يارزله مش كفايه المرمطه الي انا فيها من يوم مااتجوزتي
اشاحت بيدها هو انا جيت جنبك غيث بتساؤل مرمطه ايه يايونس يونس بغيض يعني واحده وبتحب جوزها انا مالي تصحيني من احلاها نومه واترزع قدام الباب خمس سعات في الطل واتصل تكنسل وقال ايه اصله مش بيرد عل التليفون وفي الاخر يبقي الباشا سايب تليفونه في المكتب مرمطه دي ولامش مرمطه حور انت الي بتحشر نفسك هو انا كنت اشتكتلك يابارد يونس ياريت بتشتكي كنت قفلت السكه في وشك ولاهعبرك سليم وجاسر بااااااااس جاسر ضاحكا خلاص بقي يايونس يونس والله انا مستحملك عشان خاطر الراجل ده بس حور ياشيخ اتلهي هو انت تعرف تعيش من غيري يونس لخديجه يعني مكنتيش عارفه تجيبي كل واحد فينا لوحده خديجه اعقل يالا فضحتنا بسمه لوعقل ميبقاش يونس #يونس بغيض مجنون انا بشد في شعري صح مافي مليون تؤم في البلد وعيشين فل اشمعني انا الي مربوط بالبتاعه دي تتخنق هي اعيط انا محمود ضاحكا دا وهما صغيرين كانوا اسوء من كده حور كانت مناعتها ضعيفه بس حموله ومبتتكلمش سليم ضاحكا تبقي هي الي تعبانه تقوم وتروح المدرسه ودا مشتح في السرير كان بيضرب ضرب ويحلف والله تعبان بس انا كويس محدش كان فاهم الحكايه دي الا لما حور دخلت تعمل اللوز خديجه اه يوميها اخدو مني حور واول مابدات العمليه راح دا مغمي عليه الدكتور يقولي مفهوش حاجه هو كويس بس مش فاهم مغمي عليه ليه
بسمه احلي حاجه بقي لما فاقت حور بقي يونس يصرخ من زوره لا وصوته مبحوح جاسر طب وحور حور كنت بتفرج عليه مهو كان بيتوجع بدالي غيث ضاحكا انت كارثه ياحور حقيقي ياجماعه انا مبسوط جدا اني اتعرفت بيكوا محمود احنا الي زدنا شرف يابني وبجد كان اليوم جميل وربنا يجعله عامر بحسكم يارب مش يلا بقي ياجماعه حور لسه تعبانه ولازم ترتاح يونس لا دي زي القرده اسالني انا غيث حلوه الحكايه دي ياجاسر مراتك تتعب تسال يونس سليم فعلا اليوم كان جميل بس يادوبك بقي نلحق نروح عشان ورانا شغل كتير غيث هو يحيي مش هيصحي عشان اسلم عليه
داعبت بسمه شعره الاشقر فقالت خديجه طالما نام دلوقتي يبقي مش هيصحي الانص الليل يومك طويل يابسمه تقدم سليم وحمل الفتي النائم وتحركوا جميعا للخارج تابعهم عيون غيث وعائشه حور.......
***********************************************
#مهموم
بس قلي ياابيه انت بتشتغل ايه #يابنتي بلاش ابيه دي ربنا يهديكي انا ياستي كنت بشتغل معاهم في الشركه قبل ماسافر جاسر مكانك محفوظ ياغيث غيث تمام انا عملت مبلغ كويس في الكام سنه الي عدو وهحطهم في المصنع عشان نجدد المكن ايه رايك #تمام ادخلي انت نامي شويه ياحور وانا هروح مع غيث المكتب ليا معاه شويه كلام
عائشه تعالي ياحور هوصلك واطلع انا كمان انام عشان عندي فحوصات وتحاليل كتير لمرجان الصبح ترجل جاسر وغيث الا المكتب جاسر #طمني ايه اخبارك جلس غيث عل المقعد
#اهوه عايش ياجاسر ايام وبتعدي بالطول بالعرض اهي بتعدي وخلاص ربت عل كتفه الي يشوفك وانت بتضحك وتهزر ميشوفش كميه الياس الي بتتكلم بيها دي تنهد بقوه #والناس ذنبها ايه اشيلها همومي الدنيا معدلهاش طعم ولا معني اهي ايام بنقضيها وخلاص ياجاسر راحت وخدت كل حاجه حلوه معاها جاسر انا عارف انت كنت بتحبها اد ايه بس مش معني كده انك توقف حياتك ياغيث لازم تفكر تتجوز يبقي جنبك واحده مش بقولك انسي سما لا بقولك متفضلش لوحدك زفر غيث بضيق وقال سيبك مني دلوقتي انا مش مرتاح لعزه #طب وايه الجديد ماانت طول عمرك مش مرتاحلها #لا الكلام الي قلته ماما وظهور بيان في الصوره بعد السنين دي بيقول ان في حاجه زفر بقوه بيان عايزه توصل لورق بيعها للبيت عن طريق عزه تمتم غيث بسباب وقال بغضب وانت عارف دا ولسه سيبها عل زمتك ازاي يعني #اهدي واسمعني انا ربطت الخيوط ببعض بس لسه معنديش دليل #انت لسه فاكر انك بتحبها مش كده زفر بقوه لا بس عايز لما اخرجها من حياتي مندمش لحظه اني ظلمتها عشان كده بحاول اقرب منها اليومين دول بس خايف
قطب من ايه #خايف عل حور انت مش متخيل كانت عامله ازاي لما قضيت مع عزه ليله واحده بس كانت بتموت بجد ولما نامت جتلها حمى من كتر ماضغطت عل اعصابها ابتسم غيث انت بتحبها هز راسه نفيا #بعشقها عمري ماتخيلت ان في حاجه كده في الدنيا عيله صغيره اوي بس بتنسيني الدنيا كلها بتشيل همومي في لحظه انا عشت مع حور الي معشتوش في عمري كله بس مرعوب وخصوصا بعد ماعرفت بموضوع الحمل دا قاطعه بسعاده هي حور حامل هز راسه موافقا وقال بس علاء ميعرفش عشان ايناس مراته صاحبه عزه وانا خايف بيان لو عرفت هتلوي دراعي بيها اخرج غيث علبه لفافات واشعل واحده جاسر انت بتدخن من امتى #من خمس سنين المهم دلوقتي انا عايزك تحكيلي عل موضوع عزه من اوله قص عليه كل شيء بدا من اعلان عزه وتصريحها بالزواج انتهاء بالهديه التي وعدها بها غيث #اسمع بقي انت هتصورلي كل الالماز الي عند عزه اسبوع واحد وهجيبلك صوره منه #قصدك ابدله بمضروب ازاي يعني ياغيث #جاسر الي عملته عزه مش قليل والله طلعت مظلومه وانا اشك ابقي رجعه لكن تبيعك بالفلوس يبقي هي الي تطلع خسرانه ياخويا فاهم اراح جاسر راسه للخلف وقال
مكنتش اتمني توصل لكده ايا كان عزه امانه عمي في رقابتي
#وهي باعت الامانه دي يبقي منبقاش عليها هب جاسر واقفا وازاح احد الصور ليفتح الحزانه المخبئه خلفها اخرج بعض الاوراق وقال دي الاوراق بتاعه البيت والارض ودا تنازل بيان ودا تنازل عمي مراد انا مينفعش اودي الاوراق دي المصنع خليهم معاك عشان هبدا اسيب مفاتيحي عند عزه تناول الاوراق وقال بتفكير هعينهم في خزنه بيتي بس معني كده انك هتروح لعزه #لازم اطلع اقولها كلمتين حلويين بعد الكلام الزفت الي قالته لحور هب واقفا وقال بغيض انت عايز تجنني ياجدع انت يعني عزه قالت كلام وحش لحور فانت هتطلع تصالح عزه #يااخي افهم انا سمعت عزه وطردتها تقريبا خفي غيث الاوراق بملابسه واتجه للخارج اغلق جاسر الخزانه وكان في سبيله للخروج عندما انفتح الباب لتطل عزه منه جلس خلف المكتب #اهلا ياحبيتي غريبه نادر اوي لما بتيجي المكتب التفت لترتفع عل طرف المكتب وقالت وحشتني قلت اجيلك انا غلطانه يعني ربت عل خدها #لا ابدا ياحبيبتي بس استغربت مش اكتر وعل العموم انا كنت طالعلك عشان اقولك متزعليش عشان الي قلتهولك في الجنينه بس انتي عارفه انها كان ممكن ترد ومنظري هيبقي وحش قدام اهلها تلمست شفتيه واقتربت هامسه عل فكره انت وحشتني مووووت ياحبيبي نظر في عيناها وقال غريبه داانا كنت لسه معاكي اول امبارح مش طبعك يعني قبله عل شفتيه ومحاوله اثاره فاشله تقوم بها عزه لم يمنعها ولكن لم تحرك به شيء ابعدها قليلا وهب واقفا ربت عل خدها حبيبتي احنا في المكتب تلمست بشره صدره الساخنه اوكيه يلا نطلع اوضتنا ابتسامه زائفه #طيب ياحبيبتي اطلعي انتي وانا شويه وهحصلك هخلص بس الشغل الي عندي طبعت قبله عل خده #اوكيه ياحبي هستناك متتاخرش عليا قالت جملتها وانصرفت ترى الا ما تخطط بهذا القرب الغير منطقي والغريب ان جسده يتمرد عليه والا هي كيف سيتصرف مع حمقائه الصغيره ذهبت عيناه لشباك الذي يتركه مفتوح لتصتدم عيناه بعيون بنيه لدقيقه ثم تغلق النافذه وتسدل الستائر بوجهه الصغيره تعطيه رساله انها رات ماحدث الصغيره ستبكي مره اخري لن يضمن رد فعلها هذه المره اسرع للغرفه ليجدها جالسه عل الفراش تدفن راسها بين ذراعيها #مش هعمل حاجه ياجاسر اطلعلها تجمد للحظه ثم جثا عل ركبتيه امامها ليرفع يديها ويرى دموعها التي شقت الطريق عل وجهها #تاني ياحور احنا مش اتفقنا اعتدلت جالسه لتمسح دموعها بظاهر يديها وقالت مفيش حاجه انا كويسه جدا اتفضل روحلها مسحت خده وقالت بغضب بس يكون في علمك لوجتلي بعد كده باي حاجه تخصها مش هيحصل طيب فاهم وقف امامها وقال طب ممكن تهدي شويه بانفاس متسارعه قالت انا هاديه جدا وهاخد انيس في حضني وانام قالت جملتها لتحتضن بطنها وتتمدد عل الفراش جلس بجوارها وداعب شعرها #يعني هتاخدي انيس وتسيبي عشق قالت بغيض مفيش عشق هما انيس ويونس قال بمشاغبه مش عايز يونس انا رجعيه انا عايز عشق قالت برجاء بص انا تعبانه اوي وعاوزه انام بجد خدني في حضنك خمس دقايق لحد مانام تمدد بجوارها ليشدها بين ذراعيه متجوز طفله هنيمها كمان احتضنت خصره #ان كان عجبك
طبع قبله في مفرق شعرها #عجبني اوي خليكي عارفه ومتاكده انا مش عاوز غيرك ياحور انتي وبس همهمت بنعاس
#انا بحبك اوي يارب خفف عني الوجع ده احتضنها بقوه ليدفنها عل صدره صغيرته تتالم لمجرد اقتراب عزه منه عقله منشغل من سبب اقتراب عزه ترى ماذا تريد تاكد من نومها ليرفع عليها الاغطيه وينسحب ببطء ليصعد للاعلى....
***********************************************
10 ملصقات لتصلك بقية الحلقات🌹🌹
لا تنسو الصلاة والسلام عل رسول الله🌹🌹
#عشق_الحور #الحلقه_الثامنه_عشر
#الحب_يداوي_الجروح
حرباء متلونه اعتقد يوما انه يهيم بها عشقا اي نوع من العشق كان يربطه بها كعادتها تقترب بنعومه لمحاوله اغواء جسد متمرد يطالب بوصال صغيره ناعسه بالاسفل تملك اثارثه بنظره همسه لمسه #اووووف في ايه ياجاسر مالك
انتبه لعزه التي لاحظت جموده مفيش حاجه ياعزه بس تعبان بقالي يومين منمتش قالت بضيق كنت بتقعد مطبق بالاسبوع وعادي يعني كلاماتها اثارت غضبه برغم انه يعلم انها محقه
#في ايه ياعزه من امتى يعني القرب المفاجيء ده قالت بضيق في ايه انت معتش حاجه عجباك اقرب مش عجبك ابعد مش عجبك انت عاوز ايه زفر بضيق وتمدد عل الفراش
#مش عاوز حاجه ياعزه قلتلك مرهق وتعبان وانتي الي مش عاوزه تقدري ده مررت يدها عل صدره لتهمس خلاص ياحبيبي خد حمام سخن وغير هدومك وتعالي تحرك ليخرج احد منامته القطنيه ويتجه ناحيه الحمام اغلق الباب وزفر بقوه اوووف داانا ولاعيل صغير بيهرب من الواجب يارب اطلع والاقيكي نايمه ياعزه واخلص بقي خرج بعد قليل لم يتحكم بزفره الضيق التي انطلقت منه فور رؤيتها اقتربت منه لتقول انت معنتش بتحبني ياجاسر تحرك ليجلس عل طرف الفراش #ايه الي بتقوليه ده ياعزه عشان بقولك تعبان يبقي مش بحبك جلست بجواره #لا مش عشان كده انا عارفه ياحبيبي انك مش بتلاقي راحتك الا معايا اعتدل في مواجهتها عزه ستكشف اوراقها قال بحذر طبعا بحبك ياعزه ايه الي خلاكي تقولي كده داعبت سترته وقالت عشان نسيت الحاجه الي طلبتها منك قطب حاجه ايه مش قلتلك الهديه
وضعت اصابعها عل شفتيه وهمست توء انا اقصد الجنينه الشرقيه حبيبي قالي انه هيكتبها باسمي قال بتفكير قلتيلي الجنينه الشرقيه هو انتي متعرفيش ياعزه ان الجنينه الشرقيه بتاعه ماما قالت بصدمه اييه ازاي يعني الجنينه الشرقيه كانت بتاعة بابا وهو... ابتسم سكتي ليه كملي هو بعها لبابا وهو كتبها باسم ماما يا عزه بس طبعا مامتك متعرفش الحكايه دي قالت بعصبيه بس انت قلت هتفكر يعني كنت بتاخدني عل اد عقلي ربت عل خدها ليه بس يازوزه ابعدت يده بقوه وقالت بغضب متحطش ايدك عليا انت فاهم انت بتلعب عليا ياجاسر بعد كل الي استحملته معاك والسنين دي بتستغفلني #انا مش فاهمك ياعزه استحملتي ايه وبستغفلك ازاي يعني عقدت ذراعيها وقالت بغضب ايوه استحملت انت واحد مبتفكرش غير في السرير وبس صفعه قويه طرحتها عل الفراش قرب وجهه منها وقال بغضب فوقي ياعزه انتي اتعديتي كل الحدود اوعي تكوني فاكره اني مش فاهم ولانايم عل وداني انا مش عبيط يابنت عمي ويمكن هو ده الي مخليني باقي عليكي لحد دلوقتي وان كان عل علاقه السرير متلزمنيش ياعزه مش عاوزها قال جملته وترك الغرفه وانصرف صافعا الباب خلفه بقوه لينزل مسرعا غير مبالي بمن حوله يريد فقط استنشاق الهواء ترجل للحديقه ليرى بيت غيث مازال مضيء هو مختنق كلمات عزه تتردد في اذنه هل من الممكن ان يكون هكذا بالفعل رجل تحركه رغباته ليفرغها وحسب هل هذا ما يجمعه بحور اغمض عيناه بقوه وخر جالسا عل الارض الصغيره كادت تموت بين ذراعيه في اول لقاء بينهما هل تراه هكذا ايضا كيف حكمت عزه وطعنته وهو كان يكبت رغبته دوما تلك الرغبه التي اخرجتها الصغيره من محبسها لتنساب بسلاسه سؤال يلح هل تراه الصغيره هكذا رجل يسعي خلف شهواته ولكن لو انه هكذا كيف اكتفي بعزه لسنوات برغم انها لم تكفي احتياجاته الرجوليه يوما كان يرتضي بما يراه حب بينهما الصغيره اثبتت هذا رغبته بها شغفه المجنون معها كانت هي الاولى ان تقول هذا مهلا لقد قالتها عند الساقيه حلالك الي بترتاح معاها كلا الصغيره كانت تتحدث عن الحب وليس شيء اخر
لو كانت طلعت من قلبك مكنتش عرفت تجرحك تاني التف ليري الصغيره تقف خلفه كلماتها اصابته بالصميم انها محقه لما مازالت كلمات عزه تؤثر به لكن لوتعلم انه فقط اراد معرفه رايها هي وحسب انه لا تعنيه كلمات عزه بقدر مايهمه كيف تراه هي تنهد بقوه #انتي ايه الي صحاكي جلست بجواره لتضم ساقيها اليها وتحتضنها بذراعيها سمعت صوت خطوتك وانت نازل عل السلم رمقها بنظره سريعه ونظر امامه #بلاش كدب ياحور #ماشي سمعت صوت رزع الباب #انتي كنتي نايمه #لا منمتش انا مش بعرف انام بعيد عن حضنك اول ماقمت صحيت هو ليه الحب اناني وطماع كده اعتدل في مواجهتها #مش فاهم قصدك ايه هزت كتفيها وقالت انا اول ماحبيتك كنت بقول ان كفايه عليا اوي انك تشوفني ولو لشويه صغيرين بعد كده بقيت اتمني يبقي ليا حته في قلبك اي حاجه من مشاعرك حتي لوكانت حب صاحب حب بنتك حب علاقه قاطعها وهو انتي شايفه علاقه السرير حب تنهدت #هو انت ينفع تقرب من واحده من غير ماتحس نحيتها بحاجه اكيد لا القرب حب عشان انت اول جوازنا مش كنت شايفني لكن لما بقالي مشاعر جواك لمستني بس الطمع وحش اوي ليه دلوقتي بقيت طمعانه في قلبك كله مش مستحمله تفكر في غيري تلمس غيري حتي الجرح مش مستحمله ان كلامها لسه بيجرحك ليه الحب طماع اناني الصغيره بحكمه لايعرف كيف تخرج منها تعطيه ابجديه كل شيء ان تحركه المشاعر تترجم حيرته واضطرابه تداوي جروحه دوما بيدها الشافيه امسك يدها وقال بانفعال عشان الحب يعني واحد يسلمك قلبه راضي ويتوجهك ملكه عليه ولما تملكي قلب انسان يبقي بتملكي حياته كلها الحب ميجرحش الحب يداوي يحط امل ويزرع ورد انا اتعلمت الحب منك انتي قبل كفيها المستكينه واكمل عشان محدش غيرك يستحق قلبي ياحور انتي فهمتي غلط انا مجرحنيش كلامها اد ماجرحني انك تكوني شيفاني زيها وترجمي مشاعري غلط انتي صحيتي جوايا حجات كانت مدفونه من زمان حجات محستهاش غير معاكي انتي وبس خفت تفسري قربي منك زيها اني مفكرش غير في علاقه وبس احتضنت وجهه بكفيها الصغيره وهمست
انا حبيت قلب جاسر الي كان مليان بواحده غيري حبيت جاسر الاب الي طبطب عليا واخدني في حضنه داوي قهرتي اول يوم حبيت جاسر الاخ الكبير الي كان بيقعد يذكرلي حبيت جاسر العيل الصغير الي كان بيفرح لما نسرق الاكل من المطبخ وكنت بحلم بجاسر الزوج ولما شفته عشقته اكتر عشان هو الي بيكملني الحب مش رهبنه ومش علاقه سرير وبس هو كل حاجه واي حاجه كلمه حلوه تخفف الوجع ضحكه تطلع من القلب تشيل الهم طبطبه في وقت ضيقه الحب هو الجاسر بتاعي وبس صغيره تمنحك كل شيء لتفقد معها كل شيء حتي انفاسك المختلطه بانفاسها الدافئه لقد عشق حتي انفاسها القرب حب مشاعر دفيء قلبه يصرخ بعشقها وعقله عل وشك الانسحاب بالكليه وهو يسحق الصغيره المتاوهه بجسده للارض يشتاق والقرب يزيده شوق جنون شغف ثم قطرات مياه ضربت وجهيهما بقوه جعلته يفتح عيناه ويعتدل ليفرك جبهته ويزفر بقوه نظر حوله لقد فتح احدهم رشاشات الماء التي تسقي الارض تطلع حوله ليري بيت غيث مازال مضاء ولكن بابه مفتوح هو من فعلها اذن يمكنه شكره في الصباح هب واقفا ليرفع الصغيره المبتله بين زراعيه وينطلق ركضا للغرفه دخل غيث بيته وهو يضرب كفيه #الواد جاسر ضرب لا دا لسع حور هبلته ارتمي عل الاريكه وانفجر ضاحكا #يخرب عقلك ياجاسر في الجنينه كويس ان انا الي شفته بدل ماكانت بقت فضيحه بجد تمدد عل الاريكه وهمس وحشتني اوي ياسما عارفه الوحده هتقتلني انا مخنوق اوي شفتي الواد يحيي مش عارف انا حبيته اوي ليه كدا عارفه حسيت وهو معايا اني وخدك في حضني امه كمان مكسوره زي حلاتي عينيها عل طول مدمعه بسمه حزينه اراح راسه للاعلى وعاودته دموعها عندما اطلق عليها هذا اللقب قبل نزول الغراب المحلق لقد اثرت به دموعها لمعه عيونها الخضراء لمسه غير مقصوده اثرت به نفض راسه وفتح عيناه لتطالعه صورته مع سما عمري ماهفكر في غيرك هتفضلي جوا قلبي وعنيا ياسما ترددت كلمات جاسر في اذنه #لازم تتجوز ياغيث مش لازم واحده تحبها
كيف يفعل هذا لن ينكر ان الصغير احيا بداخله حلمه بدسته اطفال يعشق الصغار بشده ان تلك المسه حركت شيء ما بداخله شيء لم يتحرك بداخله سوي لسما فقط انه فقط يحتاج لمن يخرجه من تلك الوحده الجاسمه عل صدره تلك الوحده التي ملئها طفل اشقر بعيون خضراء تشبه عيون والدته وبسمه حزينه للحظات تمني دفن حزنها عل صدره دون سبب..... اجمل قصص والروايات زكريا الجولحي
***********************************************
#عيون_الغزال
عبرت ممر الكليه بسرعه سعيده بشده تحمل بيدها نتيجه فوحصات مرجان التي اجرتها لتوها والتي تؤكد ان حالته
ملائمه للجراحه فتحت الاوراق لتلقي نظره اخيره عل التقرير فارتطمت بقوه باحدهم انحنت عل الارض تلملم الاوراق دون رفع عيناها حتي #معلش ان اسفه جدا من اين تظهر تلك العائشه في كل اماكنه نظره عل الاوراق المنثوره ثم اليد البيضاء التي تجمعها بترتيب يتردد نفس السؤال لما هي بالذات تحمل فتنته لقد اصبح موقن انها طريقه لدخول الجحيم عند هذا الحد توقف تفكيره وبدا يتمتم بالاستغفار اعتدلت واقفه لتقول بسرعه انا اسفه للمره التانيه كادت ان ترحل ولكن تحرك لسانه الذي يستحق القطع #جيتي ازاي
عادت مره اخري للوقوف امامه ولكن تلك المره كانت تنظر له
#دكتور سليم كنت بدور عل حضرتك انا عملت فحوصات مرجان اتفضل رمق الاوراق ولاباس لنظره واحده فقط لعيون مكتحله وقال بالسرعه دي تناول الاوراق فقالت بحماس انا هنا من سبعه الصبح اخدت اذن ودخلت المعمل وعملت التحاليل عمليه زي دي هتبقي محتاجه تجهيزات هنعملها فين
لما راقته صيغه الجمع لايدري ولكنه ابتسم وتطلع للاوراق
#داانتي حددتي ان العمليه هتتعمل قالت بغيض استشفه من نبره صوتها حتي انت يادكتور عل العموم النتايج مع حضرتك
كان ينظر الا النتائج بانبهار انها مجتهده بالفعل اغلق الملف
#تمام يادكتوره يبقي هندي فيتامين أ لمده اسبوع وهنعمل اشعه قبل العمليه لمعان سعاده يمليء عيناها #انا مش عارفه اشكرك ازاي يادكتور انا هبلغ جاسر وغيث بس برضه هنعملها فين #في العياده بتعتي #انت عندك عياده هنا #ايوه ورا البيت بتعنا وفيها تجهيزات كامله للجراحه جيبها من بره
قالت بترقب #يعني حضرتك بتعمل فيها عمليات لوحدك
#لء لما بيبقي عندي عمليه باخد شويه متدربين من الفرقه الخامسه قالت بحذر والمتخرجين ملهموش نصيب #لما حد بيطلب بسيبه يحضر دا علم يادكتوره وربنا بيكتب بيه ثواب
#طب مينبوكش ثواب وتخليني احضر عمليه قبل عمليه مرجان حسنا لقد اغفل اهم تفصيله ان جميع من يحضر معه من الشباب وانه لم يسمح لاي انثي بالدخول لعيادته تنحنح بقوه #اصل ااا كل الي بيحضروا معايا بيبقوا ذكور تمتمت بكلمات لم يسمع منها شيء #بتقولي حاجه يادكتوره قالت بغيض اه بقول حضرتك مثال رائع للعنصريه المستبده هل سبته لتو حسنا يجب ان يرعد ويبرق لما تلك الابتسامه البلهاء المرتسمه عل وجهه #الله يكرمك زفرت بقوه #اي خدمه يعني حضرتك دلوقتي في المشرحه بتشرح عل رجل حمار مثلا بتلم حوليك شباب الدفعه والبنات الا الجحيم ياامراه هي قادره ان تستخرج منه ضحكه عاليه لوراه احد تلامذته الان سيظنه فقد عقله جيد ان الطلاب قليلون الان فالدراسه لم تبدا بعد استغفر وتمالك ضحكاته العابثه #لا طبعا بشرح للشباب واسيبهم يتعاملو قالت بحنق ماشاء الله عليك لا برافو يادكتور يعني حضرتك بتبعد نفسك عن الفتنه وترمي فيها دفعه بحالها قطب بين عيناه #مش فاهم تقصدي ايه عقدت ذراعيها وقالت بتحدي الجمه طبعا حضرتك فاكر كويس ان الكليه دي عمليه وان العلاقه بين بناتها وشبابها المفروض بتبقي عاديه في التعامل لانهم بيتعاملو مع بعض في العملي #ايوه انا عارف دا كويس جدا عشان كده قاطعته
#عشان كده حضرتك بتشجع زياده الاختلاط ده يعني بدل ماواحده تسال زميلتها بتضطر تسال زميلها الي الدكتور بيشرحله ولومفهمتش من واحد تضطر تسال التاني الي حضر المحاضره ودول شباب في سن بعض يعني بدل مانحجم احنا
الاختلاط بتفتحه حضرتك عل البحري عشان سعادتك خايف عل نفسك وطبعا حضرتك متعرفش الشباب دا بيوصل المعلومه كامله ولا لا ولو بيوصلها بيوصلها زي ماانت شرحتها ولا زي ماهو فهمها اتقي الله يادكتور دا سيدنا عثمان حرق المصاحف الي فيها كلام ربنا عشان يوحد نطق الآيات وحضرتك بتوصل المعلومه لفئه وهتنزل عليها الامتحان وانت مش ضامن المعلومه دي وصلت للكل ولا لا انها محقه في كل ماقالته وتذكر زمجره الفتيات في محاضره التشريح انها المرة الاولى التي يرى بها امراه محقه بالكليه ورغم حرجه الا انه لم يستطيع تحجيم اعجابه بها #اللهم اجعلنا من المتقين عندك حق فعلا انا ماختش بالي من النقطه دي بس ان شاء الله هتلقلها حل قالت بسرعه مش عارفه ليه حاسه انك هتقول اعتذر عن دروس التشريح خالص هي التي تجبر نظرة ان يتمعن فيها ورغما عنه ابتسم فهذا هو قراره بالفعل #وايه المشكله مش كده افضل قالت بتحدي افضل في ايه انا سمعت شباب بيتكلموا في المعمل عن طريقه شرح حضرتك السلسه السهله جدآ يبقي تمنع علمك عشان البنات يبقي معلش حضرتك فاهم الدين غلط قطب وقال بغضب انتي زودتيها اوي اشاحت بيدها #انت الي خلتها خل يادكتور معلم الامه كان بيقعد مع النساء ويعلمهم ومقلش دول فتنه لازم الواحد يستخبي ويتجنبها ديننا مش كده ديننا سمح للاختلاط في حدوده واهم حدوده طلب العلم والا كان حرم العلم عل النساء تلك العائشه تحاصره هو مقتنع برأيه ولن تزحزحه عنه ولكن المنطق البحت في حديثها هو ما يجذبه نقاشها العملي البحت #بس الافضل ان احنا نبعد عن الفتنه ونتجنب الشبهات #امممم نبعد عن الفتنه حور قلتلي ان حضرتك دارس علوم شرعيه فاكيد عارف حكايه الراهب الي واحده وصلته للكفر #اديكي قلتيها واحده وصلته للكفر
#طب تفتكر الراهب دا لوكان بيعبد ربنا وملتزم برضه بس بيتعامل مع الناس عادي بيشوف نساء وبيتعامل معاهم عادي كان هيقع بالبساطه دي حدقها ببلاهه فاكملت #اكيد لا عارف ليه لانه كان هيقدر ببساطه يفهم الي قدامه ويفرق بين عمل الخير والاغواء بس لانه معزول قدام النيه الطيبه من غير مايعمل حذره ان في نفوس مريضه عشان ببساطه ميعرفش وعل فكره يادكتور رفعت ساعه يدها وقالت بابتسامه حضرتك بقالك ساعتين واقف بتتكلم معايا عادي جدا والحكايه لافيها فتنه ولاشبهه والله الغني عن التعليم تحت ايدك خلي علمك محصور عل الرجاله وبس عن اذنك قالت جملتها لتنصرف من امامه تابعها حتي اختفت في الممر ودخل مكتبه ليدفن راسه بين ذراعيه عمه زرع بداخله التدين منذ كان صغير حذره كثيرا من فتنه النساء ومايراه اولي به الحذر والبعد لقد عاش لاربع اعوام بباريس حافظ فيهم عل دينه ولم يخالط اي فتاه ولكن هي عائشه الف خط احمر تتعداه وتخترقه من دون ان يملك رد واحد مقنع كان يجب ان يدافع عن معتقده الراسخ بداخله كجبل عتيد هزته هي بكلمات بسيطه عجز عن الرد عنها هل بالغ في رسم الحدود بينه وبين الجنس الاخر بالتاكيد نعم فهو لايتعامل باريحيه الامع محارمه فقط حتي حور عندما رأها شبت وضعها خلف دائره المحذور برغم انه مازال يشعر انها ويونس اطفاله الصغار علج الرغم انها ظلت تتحدث مطولا يشهد لها بالاحترام الكامل مخطئه هي بوصفها انها تحدثت معه ببساطه بعيدا عن الفتنه اه لو تعلم انها فتنته هو دون غيرها من النساء انها تستحوذ عل تفكيره بطريقه اربكته هو شخصيا للتعامل معها انها الانثي الوحيده التي حركت رجولته نحوها وانها اصبحت ترافق احلامه ليكشف ماستر منها عند هذا الحد اعتدل وهمس بضيق استغفر الله العظيم ابعدي عن دماغي بقي انا كده ومش هتغير رنين هاتفه باسم جاسر جعله يزفر بضيق #السلام عليكم ورحمه الله وبركاته
#وعليكم السلام ورحمه الله ازيك يادكتور #الحمد لله تمام
#انا مش عاوز اعطلك كنت بس عاوز اسالك عل قرارك في موضوع مرجان لان عيشه قلتلي انها هتخلص الفحصوات وتشوف رايك وانا حابب اعرفه وهي مش بترد عل التليفون
عائشه مره اخرى انها تحاوطه من كل اتجاه #ممكن يكون مفيش شبكه ولاحاجه هي ورتني التحاليل وكده العمليه هتبقي عل اول الاسبوع الجاي وخلال الاسبوع دا هنحضره للعمليه #هي عيشه هتحضر معاك العمليه فعلا بس هي معندهاش خبره #الخبره بتيجي مع التجربه وهي فعلا مجتهده ومخرجه الفحوصات بدقه وااااا ممكن تبقي تحضر كام عمليه الاسبوع ده عشان تدرب #تمام طالما انت شايف كدا انا بثق في رايك الدكتور عبد الحميد كان كلمني كتير انها تدرب عنده بس بصراحه انا الي اترددت قلت كفايه عليها الزريبه والاسطبل عشان متبقاش مضغوطه زي ايام الكليه بس واضح ان هي الي غاويه شقي ومذاكره الا يمكن ان يقطع لسانه المتسرع هذا #انا عندي تلت عمليات الاسبوع ده منهم اتنين لخيل ممكن تيجي تدرب في العياده بتعتي ابعد الهاتف وهمس بغيض ايه الهبل ده #دكتور سليم انت معايا
وضع الهاتف عل اذنه #ايوه انا معاك الدكتور عبدالحميد دكتور ممتاز#والله انا هبقي مطمن عليها عندك اكتر بس قلي عل المواعيد وانا هبعت معاها غيث ويبقي يستناها #في عمليه النهارده الساعه سته بليل #اوكيه يادكتور سليم عن اذنك اغلق سليم الهاتف والقاه عل المكتب #هو انا ببعد ولا بدبس نفسي بزياده يارب ابعد عني الفتنه.....
***********************************************
10 ملصقات لتصلك بقية الحلقات🌹🌹
لا تنسو الصلاة والسلام عل رسول الله🌹🌹
تعليقات
إرسال تعليق