" اسكريبت "
طبيبة قلبي
بقالها فترة متغيرة بتكون اونلاين وابعت الرسالة ومتردش يااما تقفل اول مابتوصل الرسالة لو كلمتها فون بتنجز فى الكلام تتحجج باى حاجة " ماما بتنادى عليا مضطرة اقفل " وحاجات مندى مش عارف ليه متغيرة معايا معقول تكون بقت مش عايزانى طب ازاى دة يوم كتب كتابنا كانت فرحانة والفرحة باينة فى عينيها كانت بس بتضحك وماسكة فى ايدى مش مخليانى ابعد عنها طب ايه غيرها .
استناها قدام شغلها علشان يكلمها واول ملاقاها خارجة جرى نحيتها
= فيروز
بصتله واتفجأت من وجوده = حازم انت بتعمل ايه هنا !!
حازم = مستنى حضرتك علشان اعرف فى ايه
ردت عليه ببرود = تعرف ايه فى ايه ؟!
حازم بعصبية = اعرف الهانم مالها متغيرة ليه معايا ..
هربت بعنيها منه = مفيش بس مشغولة شوية
مسكها من كتافها وخلاها تبصله = فيروز فيه ايه مالك ..
فيروز بجرأة = انا بصراحة كدة عايزة انهى العلاقة دى
بصلها بصدمة مشدوه من اللى قالته قالها بصوت فاقد الحياة = تنهى علاقتنا !! طب ليه انا عملت حاجة تزعلك
فيروز بنبرة غريبة = انا مش عايز اكمل حاسة انى اتسرعت
حازم لسة مصدوم وموجوع من جواه حب حياته واللى بيحبها من صغره ومصدق بقت على اسمه جاية تقوله كدة وهى عارفة انه بيحبها قد ايه .. رد بغضب و بصوت كرامته ورجولته المجروحة من كلامها = وانا مش هطلق يافيروز ولازم اعرف سبب كلامك دة
فيروز ببرود = والله انا قولتلك انى مش عايزاك ومش عايزة اكمل .. على العموم انا مسافرة بكرة فياريت تفكر كويس انا هرجع بعد اسبوع او اكتر يريت تكون اخدت قرار .. بس انا هطلق منك يعنى هطلق
وسابته ومشيت وهو وراها وش احمر من الغضب رجولته وكرامته اتهانه ومن مين من روحه اللى عايش بيها من نور عينيه اللى بيشوف بيها كل حاجة حلوة من نبض قلبه اللى عايش بيه ازاى ازاى قدرت توجعه كدة ازاى قدرت تبعد عنه !!
روحت هى البيت قابلت امها قدامها امها سالتها لما شافتها باكية = في ايه يافيروز ياحبيبتى مالك
فيروز اترمت فى حضن مامتها = قابلته ياماما كان مستنينى عند شغلى وقولته .. قولته انى مش عايزاه .. صعب عليا ياماما وجع قلبى .. عارفة انه بيعشقنى مش بيحبنى بس غصب عنى
امها وهى بتطبطب عليها = بردو عملتى اللى فى دماغك
فيروز وهى بتبعد عن حضن مامتها = هو دة الصح ياماما .. لازم ابعد عنه انا قولته انى مسافرة وراجعة بعد اسبوع يكون فكر
امها بحنان = هتتسهل ياحبيبتى صدقينى بس قولى يارب
🖤🖤🖤🖤
= نعم يادكتور
_ بص يادكتور حازم بما انك تعتبر من اشطر دكاترة الجراحة وجراحة القلب بالذات و مستشفى ******* عندها نقص فى دكاترة الجراحة و طالبة عدد من دكاترة الجراحة ولو انت موافق حتروح هناك و الفترة دى فى عمليات كتيرة وحياة الناس امانة عندنا فانا اختارتك انت والدكتور مراد انكم تروحه وبردو انت لو مش موافق براحتك
حازم بابتسامة = دة الشرف ليا يادكتور انك تختارنى اروح وانا يشرفنى انى اروح اساعد هناك واكيد الدكتور مراد معندوش مانع
_ فعلا انا كلمته وهو مرحب وبما انكم خلاص موافقين هتسافرو بعد بكرة وبالتوفيق ان شاء الله
= ان شاء الله يادكتور ونقدر بعون الله نساعد فى شفاء عدد كبير منهم
🖤🖤🖤🖤🖤🖤🖤
= ماما انا بقول نمشى أخر الليل لانه حازم اكيد هياجى بدرى يلحقنى قبل ماسافر وهيصر انه يعرف انا مسافرة فين وليه
امها بحزن = ياحبيبتى حرام اللى بتعمليه فى نفسك وفيه دة .. انتى ليه معندكيش ايمان فى ربنا انه قادر يشفيكى ليه مقتنعة انك بعد الشر عليكى هتموتى مش كل اللى بيتعب بيموت مش جايز ربنا بيختبرك
فيروز بحزن ودموع = انا مؤمنة بربنا ياماما ونعم بالله طبعا بس انا لما عايزة ابعده عنى علشان عارفة انه بيحبنى وبيموت فيا ولو عرف انى تعبانة هيزعل وهيتعب اوى ولو حصلى حاجة هينهار ياماما هينهار وانا مش هقدر اشوفه وهو حزين وتعبان فاسلم حل انه يحس انى كرهته فيكرهنى لما يحس انى بعته
امها وهى تضمها باحضانها = انشاء الله كل دة يعدى وتخفى وتفرحه انتى وهو مع بعض
🖤🖤🖤🖤🖤
سافرت فيروز ووالدتها الساعة ١٢ بالليل ووصله تانى يوم الصبح وزى مافيروز قالت تانى يوم من النجمة راح حازم عند بيتها ولقاهم سافروا زعل جامد واتوجع وهيتجنن يعرف ايه فيه ليه بتعمل كدة اتخنق ورجع البيت قعد مامته وقالها انه مسافر علشان رايح مستشفى ****** يساعد الدكاترة اللى هناك وحضرتله والدته الشنطة وتانى يوم سافر هو ومراد صاحبه واللى مراد لما لمح صاحبه مضايق حاول انه يفرفشه طول الطريق = تتوقع ياد المستشفى دى فيها دكاترة مزز كدة ولا زي شيوخ الغفر اللى كانوا معانا
ضحك حازم على هزار مراد = الله يخربيتك هو احنا لسة الحقنا شكلهم هيرمحوا ورانا من اول ساعة
مراد بضحك = فعلا ونبقى بوظنا سمعت الدكاترة
حازم بضحك = وابوك يالهوى على اللى هيعملوا مقلكش
مراد بضحك = يعم انت مش عارف صاحبك بتاع كلام بس .. " بعدين قال " نفسى بقى يابنى الاقى اللى تخطف قلبى واللى احبها بجنون
حازم بشرود = الحب بيتعب صاحبه ياصاحبى ويوجعه جامد وااه كمان لما تتوجع من اللى بتحبه
مراد بقلق = حازم فيه ايه انت فى حاجة حصلة بينك وبين فيروز ؟!
حازم بتنهيدة = والله ماعارف ودة هو اللى تعبنى انى مش عارف فيه ايه
🖤🖤🖤🖤🖤🖤🖤
فيروز بعد موصلت المستشفى عملولها شوية كشوفات واشعات وعلاجات والنهاردة الدكاترة بلغوها بأنها حالتها متأخرة ولازم تعمل اللى عملية اتصدمت فيروز هى ايوة عارفة انها عندها القلب وبتتعالج بس لما جات كانت فاكرة انها جاية تعمل شوية كشوفات بس عميلة ولا عملية خطيرة كمان اترعبت وخافت بس طبعا علشان والدتها حاولت تبين انه عادى وامها بكت وخافت عليها ودعت ربنا انه يشفيهالها
وصل حازم ومراد المستشفى وراحوا لمدير المستشفى اللى رحب بيهم جامد وقالهم انه فى عدد من العمليات هيقوموا بيها خلال الفترة اللى هيقعدوها وخرجوا من عنده واتعرفوا على شوية دكاترة وعملوا جولة فى المستشفى حازم هو ومراد وهمن معدين فى الطرقات فى صوت كان خارج من اوضة حازم اتسمر مكانه وقال جواه = دة صوت فيروز ايوة هى اللى بتنشد دة صوتها
كانت فيروز قاعدة فى الوضة هى وبعض ناس اتعرف عليهم هناك وعرفوا انها بتحب الاناشيد الدينة وبتحب تنشدها فطلبوا منها تنشدلهم وقالت الانشودة الجميلة اوى = الله الله الله على نور رسول الله ... الله الله الله على نور رسول الله .. امتى اشوف عينيييه واحضن ايده بايدي .. امتى اشوف عينيييه واحضن ايده بايدي وقوله بحبك سيدي وليلاتى بحيااا معااااااك .. الله الله الله الى نور رسول الله ... الله الله الله على نور رسول الله .. سيدنا النبى حنين .. سهل كدة ولين .. سيدنا النبى حنيين سهل كدة ولين .. بيِّن يازين بيِّن
حسن رسوول الله ... الله الله على نور رسول الله ... الله الله على نور رسول الله
حازم بدون وعى فتح باب الاوضة ودخل كانت فيروز مندمجة فى الانشودة
بس تعبت فحطت يدها على قلبها وبصت ناحيته كانت الصدمة بالنسبة لحازم لما شافها وطبعا المحلول اللى فى ايديها وانها لابسة لبس المستشفى مش محتاج يخمن هى هنا ليه اتصدم همس بس ب_ فيروز !!
فيروز قامت وقفت لما شافته بس كان باين التعب على وشها وعيونها نزلت دموع وبصاله بصدمة مش عارفة تعمل ايه فضله باصين لبعض من غير كلام الكلام تاه منهم مراد شاور للبنات الل كانوا مع فيروز بأنهم يسبوهم لوحدهم وخرجوا كلهم حتى مراد اللى اتصدم من وجودها .. فاق حازم من صدمته وقرب ليها وقالها بصدمة وخوف = انتى .. انتى تعب انة ؟!
فيروز سكتت وبكت
حازم بحزن ودموع ظهرت فى عيونه = ليه ليه مقلتليش .. ليه
فيروز بدموع وصوتها مش عرفة راح فين بصاله وبتبكى بس مسك كتافها = علشان كدة بعدتى .. ليه كنتى فاكرة انى هبعد عنك يبقى مش واثقة فى حبى .. ولا عملتى زي بتوع السيما اللى اول محد فيهم بتعب يبعد عن التانى
فيروز بصوت مخنوق = لا واثقة فى حبك وواثقة انك بتعشقنى .، ولا معملتش زي بتوع السيما انا كدبت علشان عارفة انك بتعشقنى وهتنهار لما تعرف انى تعبانة وممكن اروح منك مش هقدر اشوف دة فى عينيك مش هقدر ..
"بكت جامد وهو حضنها وبكى معاها" حازم بصوت مخنوق وهو لسة حضنها = هتخفى والله هتخفى .. انا واثق انه ربنا مش هيأزينى فيكى ربنا عالم انك كل حاجة ليا يستحيل انه يعذبنى كدة .. والله ربنا هيخففك ويشفيك ليا ..
فيروز بتبكى بس الحضن دة كانت محتجاه اول معرفت انها مريضة بالقلب كانت محتاجة ساعتها حضنه
فضله حضنين بعض مدة طويلة حازم بعد عنها شوية وقالها ومسح دموعها فيروز قالتله = انت هنا ليه
حازم بصوت ضعيف = جاى اعمل عمليات للناس اللى هنا فى عمليات كتيرة الشهر دة وانا من ضمن الدكاترة اللى هتقوم بالعمليات
فيروز بصدمة = يعنى انت هتعملى العملية بتاعتى
حازم بعيون متسعة = انت من ضمنهم ..
فيروز = ايوة
حازم بصدمة = انا مش هقدر اعملهالك لا مش هقدر صدقينى مش هقدر
فيروز = لا انت هتعملهالى انا واثقة انك تقدر
حازم برفض = مش هقدر والله مش هقدر فى اوضة العملية هتكون حياتك بين ايديا اخاف مقدرش احافظ عليها لا لا
فيروز مسكت وشه باديها = لا هتقدر هتقدر حياتى بين ايديك انت يبقى هتعمل كل حاجة علشان تحميها يبقى هتقدر يعنى هتبقى مطمن وواحد غيرك حياتى بين ايده
حازم بدموع شدها ليه وحضنها = مش هقدر اعملها ولا هقدر اخلى حد غيرة يعملها هبقى قاعد على نار مش عارف اعمل ايه مش عارف
فيروز ببكاء = لا انت اللى هتعملهالى انا واثقة انك تقدر
ضمها ليه قوى من غير ميتكلم
عدت ايام وكان فيها حازم بيعمل لفيروز كل حاجة اكلها وشربها وعلاجها والوقت اللى بيكونوا محتاجينه فى عملية بيسبيها مع والدتها واول مايخرج من اوضة العمليات بيفضل مع نفسه ويتخيل انه اللى عمله العملية كان فيروز محتار مش عارف يعمل ايه هيبقى متوتر وهى بيعملها العملية ويخاف انه يفشل ويبقى موتها بايده ولو حد غيره عملها مش هيبقى واثق فاى دكتور غيره يعملها دة هو مش واثق فى نفسه هيثق فى حد غيره يعملها رحلها وقعد معاها وكان فى دنيا تانية خلاص عمليتها بكرة هيعمل ايه
فيروز شافته كدة قدامها وانه فى عالم تانى فهمت هو بيفكر فى ايه فقالت بثقة = هتعملها انت .. وهتقدر وانشاء الله هتنجح .. ولو منجحتش يبقى دة قضاء ربنا متخفش ولا تحمل نفسك الذنب انا عارفة انك خايف انه العملية تفشل وتكون انت السبب
حازم بخوف وقلق = بعد الشر عليكى ..انا مش عارف .. خايف اوى اول مرة اخاف كدة وانا هعمل عملية دة انا مخفتش وانا بعمل اول عملية ليا الخوف دة
فيروز بابتسامة = انسى انه انا حبيبتك وانا تحت ايديك متفكرش غير انك دكتور ساعتها
حازم وهو يأخذ نفس عميق = ربنا يعديها على خير وميحرمنيش منك ابدا
🖤🖤🖤
جيه يوم العملية وحازم الليل كله كان بيصلى ويدعى انه العملية تنجح ويلهمه الثبات والقوة وميورهوش شر فى فيروز ابدا وفيروز بردو فضلت الليل بتصلى وتدعى
قبل متدخل العميلة كان حازم متوتر شوية وبيدعى ف سره مراد جيه وقف جنبه وحط ايده على كتفه ان شاء الله هتعدى وانا هكون معاك فى اوضة العملية متخفش
حازم بتنهيدة = خايف عليها اوى
مراد = اقوى ياصاحبى علشانها اول مرة تكون ضعيف كدة صفى ذهنك خالص انشاء الله هتعدى بس قول يارب
حازم بصوت خارج من قلبه قبل بوقه = يارب 🙏
فيروز مش خايفة اوى كانت ممكن تكون مرعوبة من انها اول مرة تعمل عملية بس كل متفتكر انه حازم هو اللى هيعملها خوفها يروح هى فى ايدى أمينة ازاى بس تخاف وهى بين ايد حبيبها
قاطع تفكيرها حازم اللى راحلها علشان يخفف توترها مهى اول مرة تعمل عملية = مستعدة يااميرتى !!
فيروز بابتسامة = مستعدة انى اكون بين ايديك وانت تكون سبب فى علاجى
حازم حضنها = خلاص الممرضات هياجوا يجهزوكى للعملية دلوقتى
فيروز = حازم اوعدنى انه لو حصلى حاجة متحملش نفسك ذنب علشان خاطرى
حازم = بلاش كلام من دة يافيروز انت متخوفينى كدة و بتوترينى عليكى
فيروز برجاء = علشان خاطرى اوعدنى
حازم = انشاء الله العملية هتنجح وهتبقى احسن
دخلوا الممرضات علشان يجهزوها للعملية وهو سابها علشان كمان يجهز الممرضات دخولها اوضة العمليات بعد ماخدت البنج دخل حازم بعدها وقلبه انقبض لما شافها فى اوضة العمليات وهى ساكنة كدة اتنهد ودخل بعض الممرضين والدكتور مراد واتنين تانين معاهم مسك حازم المشرط وقلبه خلاص هيقف هدى اعصابه وبعدها توكل على الله وابتدى يعملها العملية كان بيتعامل بطريقة غريبة معاها اللى معاه لحظوها كان كل شوية يبص على وشها خايف انها تتوجع واثناء العملية قلبها وقف فجأة حازم اتسمر مكانه مراد زقه ووقف هو ينقذ فيروز وهو بيزعق بصوت عالى فى حازم علشان يفووق = حازم فوووق .. فووق ياخى
حازم شاف الدكاترة ومراد بيحاولوا ينقذوها معقول هو موتها بإيده عند هنا وزق مراد وابتدى هو اللى ينقذ قلبها ورجع يدق تانى ساعتها اتنهد وخلص باقى العملية اللى الحمد لله نجحت بعدها سجد لربنا شكره ودموعه نزلوا وقام باس راسها وحضنها جامد وبكى فى حضنها = كنتى هتروحى منى .. مكنتش حسامح نفسى ابدااا
بعدها خروجها وبعد اسبوع خرجت من المستشفى وبعدها بكام شهر عملوا فرحهم وكانوا فرحانين اوى وبعدها حازم اخدها وسافروا شهر عسل كان حازم بيعمل اى حاجة علشان يشوف ابتسامتها اللى بتنور حياته
وبعد مرور سنتين ربنا كرمهم ببنوتة قمر حازم سماها " تبارك " وكان بيحبها جدا لدرجة انه فيروز بقت تغير منها بس كان رده على غيرتها = انا بحبها لأنها بنتى وبحبها اكتر علشان هى منك انتى وبعشقها علشان شبهك ونسخ تانية منك فلازم اعشقها علشان بمووت ف امهااا 🤗 " ياخراشى 😂😂 احم احم عيب كدة😌الاسكريبت خلص 🙃
طبيب قلبى .. بقلمى "ZAHRAA_SABER"
تمت بحمد الله 🙏❤
توتة توتة خلصت الحدووتة 💃😂😂
يارب تكون عجبتكم
متنسوش بئا تتفاعلوا واعملوا كومنت انا قولتلك اهو قبل متمشى ☻ 😂😂❤
سلام عليكوا 👋😂