دار الايتام
من البارت الاول حتي الخامس
بقلم أميره أسامه
في صباح يوم غريب
صحيت تمارا وزهره على صوت صراخ عشق
تمارا... عشق عشق قومي
زهره.. هزتها بعنف عشان تصحي عشق قومي
عشق صحيت وعلى وشها حبات عرق اشهد ان لا إله إلا الله
تمارا... الله يخربيتك ياشيخه كل يوم تصحينا على الرعب ده ايه في ايه.
عشق كابوس ياتمارا كويس أنكم صحتوني.
تمارا الله يخربيت تمارا عاليوم اللي شافتك فيه تمارا يابنتي انا هقطع الخلف بسببك قريب.
زهره.حلمتي بأيه ياعشق.
تمارا...لا والنبي بلاش تقول احسن دي احلامها مبتقعش الارض بلاش احسن يتفسر انتي مش شايفه شكلها عامل ازاي اكيد حلم زي وشها.
زهره. ضحكت طب ياريت يكون زي وشها دي عشق قمر.
عشق..لتمار ماشي ياكلبه البحر لولا ان الكابوس مأثر عليا كنت روقتك بس انا مش فيقالك.
تمارا.حلمتي بأيه يا اخرت صبري.
عشق..والله ما عارفه حلم غريب وملغبط وطول الحلم بجري وخايفه ومش لاقيه مكان اروحله وكلاب بتجري ورانا.
تمارا.. قطعت كلامها ورانا ايه يعني احنا معاكي
مش بقولك يازهره انها بومه خدتينا معاكي ليه يابعيده
عشق انتو لازقين في حياتي اصلا انا بروح مكان من غيركم
تمارا الله يرضي عنك لما تروحي بعد كده في اي مكان خدينا بس اي حلم سبينا ياستي انا اللي بقولك
زهره.سيبك منها كملي
عشق.انا مش فاكره الحلم بس طول الحلم احنا التلاته بنجري وخايفين وأبله حنان واقفه مكشره وماسكه في ايدها حبل زي بتاع المشنقه وواقفه بيه عالباب بتاع الدار عشان مندخلش وفنفس الوقت خايفين نمشي عشان الكلاب
تمار...اللهم صلي عالنبي حنان بوز الاخس فالحلم وماسكه حبل مشنقه وكلاب لا كده بان خلاص صباحك الفل
عشق.. ربنا يستر
فاللحظه دي خبط الباب.
عشق..ادخل
دخلت داده من اللي بيشتغلوا فالدار.
فاطمه.. صباح الخير يابنات.
البنات...صباح الخير يامس فاطمه.
فاطمه..ابله حنان عيزاكم فالمكتب
بصوا البنات لبعض
عشق..بارتباك في حاجه
فاطمه.. معنديش خبر هي قالت انها عيزاكم
عشق...طيب هنغير ونيجي
فاطمه.. طيب بسرعه عشان الساعه الوقت 8والفطار كمان ساعه.
تمارا..ماشي يامس فاطمه.
خرجت فاطمه وسابتهم.
تمارا..استر يارب كده بانت يا بومه
عشق..تفتكروا عيزانا ليه.
تمارا..هو عموما مش خير هي دي يجي من وراها خير ابدا
زهره..انا خايفه
تمارا..مين دي يابت اللي تخوفك وانا موجوده هتعمل ايه يعني طب خليها كده تيجي جنبك والله اموتها.
عشق..الطيب احسن تعالوا يلا نغير ونصلي ركعتين الصبح ونروحلها.
زهره... يلا واهو بالمره ندعي..
غيروا البنات لبسهم وصلوا فرضهم خرجوا وراحوا على مكتب حنان.
بعد دقايق وصلو ادام باب المكتب.
عشق. وقفت عشان تخبط لكن متردده.
زهره...والنبي ماتخبطي حاسه ان في مصيبه فاصله بينا وبين الباب ده.
تمارا..اوعي كده انتي وهي هي موته ولا اكتر خبطت تمارا
جالهم صوت حنان من جوه ادخل
فتحت تمارا الباب ودخلوا
صباح الخير يا ابله حنان.
حنان..وهي باصه في الورق ولابسه نضارتها من غير ما تبصلهم صباح الخير وشاورتلهم بأيدها أعدوا
اعدو البنات عالكنبه اللي فالمكتب ادامها..
رفعت. حنان عينها ليهم وعدلت النضاره بصباعها.
عشق. خير يا ابله حنان.. مس فاطمه قالت ان حضرتك عيزانا.
حنان..ايوه عندي ليكم خبر
بصوا البنات لبعض.
تمارا..خير يا ابله حنان.
حنان...اخر الاسبوع جايلنا كذا طفل جداد اتسلموا للقسم امبارح طبعا بيخلصو اجراءاتهم وطبعا انتو عارفين بيتحولو علي دار مؤقته لحد ما يتأكدو فالقسم ان ملهمش اهل ولا في حد مبلغ عن اختافئهم او خطفهم وبعدها بيجوا عندنا وهما خلاص اتأكدو انهم ملهمش اهل ولا حتى حد مبلغ عنهم زيكم كده يعني
تمارا وعشق بصولها بغضب وزهره عينها اتملت دموع
حنان..المهم هما خمس بنات 4 سنهم من خمس لسبع سنين و بنت مولوده كانت في كيس زباله بنت حرام يعني ابتسمت بسخريه.
اما عشق فاللحظه دي كانت هتنهار مسكت نفسها عشان متبينش ضعفها ادامها.
تمارا.. بجمود...ايوه مفهمناش يعني ده خبر يخصنا احنا في ايه..
حنان..يخصكم انكم عارفين ان الدار مليانه وللاسف معندناش مكان يقدر ياخدهم غير الاوضه بتاعتكم.
عشق..ايوه يعني احنا نروح انهي اوضه.
حنان..لا ماهو مفيش ليكم مكان معانا للاسف.
تمارا...بغضب بسيط يعني ايه مش فاهمه ايه هنام فالطرقه اللي بين الاوض.
حنان.. وطي صوتك يابت انتي انتوا خلاص ملكوش مكان فالدار معانا وخلال ساعه لازم تخرجوا من هنا انتوا كبرتوا خلاص كلها شهور بسيطه وكل واحده فيكم هتم 21سنه وهتبقو مسؤولين عن نفسكم خلاص منتوش قٌصر.
عشق...بس اللي اعرفه يا ابله حنان ان المفروض ان اي بنت تحب تخرج وقت ماتتم 21سنه هي حره ولو معندهاش مكان تروحه بتطوع للخدمه فالدار.
حنان...والله المفروض ده انا اللي اقوله مش انتي وبعدين انا جبت موافقه خلاص بأنكم تخرجوا من الدار عشان نقدر نبلغ الدار التانيه اننا جاهزيين لاستلام الاطفال وانتوا هنا اكبر تلاته مظنش ينفع نمشي حد غيركم واحمدوا ربنا ان انهرده اول يوم في اجازه نصف السنه..يعني ادامكم حوالي اسبوعين تلاته تدبروا حالكم لحد الترم التاني مايبدأ.
تمارا.. هو القرار ده جه فجأه
حنان..لا بقاله حوالي اسبوع بس انا مرضتش اشغلكم عشان الامتحانات قولت مع اول يوم اجازه افرحكم بالخبر
تمارا...بتريقه لا فيكي الخير والله.
حنان..اتعدلي ياتمارا بدل ما اقلب عالوش التاني.
تمارا...بصوت مرتفع قامت وقفت هو ايه اللي اتعدل انتي عارفه انتي بتقولي ايه انتي عيزانا نخرج من الدار وتقولي خبر حلو طب نخرج نروح فين انتي عارفه اننا ملناش حد هو عادي كده اللي يكبر يترمي فالشارع ويبات عالارصفه.
حنان..خبطت عالمكتب بغضب وطي صوتك والزمي ادبك.
تمارا...انتي خليتي فيها ادب طب يا شيخه اعتبرينا بناتك جايه في يوم وليله تقوليلنا ملكوش مكان ولازم نمشي انتي معندكيش قلب
حنان..كلمه تانيه وهتشوفي انا ممكن اعمل فيكي ايه.
عشق...هو انتي ازاي كده ليه بتكرهينا بالشكل ده طول عمرك بتسممينا بكلامك ومفيش في بوئك غير ولاد حرام ولاد حرام هو احنا اخترنا نبقي ولاد حرام. بس اقولك حاجه انا مش مضايقه منك إذا كان ابويا وامي محنوش عليا ورموني فالشارع انتي هيبقى في فقلبك رحمه.
حنان..انا سكتلكم كتير ومعنديش وقت ليكم ادامكم ساعه بالكتير تكونو طلعتو فضيتو الاوضه عشان الدادات يطلعو ينضفوها ويجهزوها للاطفال الجديده
تمارا...بقوه ساعه مش هتنفع استحملينا شويه ساعتين ونكون خلصنا عشان نلم كتبنا وكل حاجتنا
حنان.. ماشي ياست تمارا الساعه الوقت 8ونص عشره ونص تكونو علي باب الدار واه صحيح ده ظرف لكل بنت فيكم دي تبرعات جات اول امبارح عشان الدراسه وبما انكم مش هتكونو معانا الترم الجاي فاده مبلغ بسيط لكل واحده فيكم الفين جنيه يعني تقدروا تسندو بيهم نفسكم لحد ما تلاقو مكان يلمكم.. عشان بس تعرفو ان قلبي طيب
عشق.. بغضب مش عايزين حاجه شكرا كتر خيرك.
حنان.. براحتكم وقبل ما ترجع ايدها كانت تمارا شدتهم منها
تمارا..هاتي الفلوس.
حنان...جدعه مش زي صاحبتك
عشق.. يلا يا بنات..
زهره.. اخيرا اتكلمت استنوا احنا هنروح فين يا ابله حنان طيب ادينا فرصه كام يوم
حنان... انا مش فاضيه للكلام الفارغ ده يارب نخلص
سحبتها تمار وعشق من ايدها وخرجو راحوا على اوضتهم
فضلت عشق وتمارا ماشيين بكل قوه وثبات...لحد ما وصلو اوضتهم دخلوا وقفلوا الباب
وفاللحظه دي انهارت عشق وتمارا وزهره
خدتهم عشق في حضنها
وبعد فتره بسيطه بعد ما خرجوا كل شحنه الحزن والغضب خرجتهم عشق براحه من حضنها يلا بنات مفيش وقت حضروا شنطكم بسرعه
تمارا..استني بس ياعشق هنروح فين احنا ملناش حد منعرفش مخلوق بره احنا قضينا فالمكان ده عشرين سنه والدراسه كانت مدارس تابعه للدار ويعتبر لما خرجنا شويه كان فالجامعه ومكناش بنروح ديما ومش بنحتك بأي حد احنا حتي مفيش اوضه تلمنا
عشق..بثبات اللي ليه رب مبيغلبش يا تمارا واحنا عمرنا ماعملنا حاجه وحشه وحياتنا اللي اتفرضت علينا ملناش ذنب فيها عمرنا مأذينا حد اكيد ربنا مش هيتخلي عننا مش يمكن ربنا مخبيلنا حاجه احسن وبعدين هيحصل ايه اوحش من اللي حصلنا طول حياتنا أهل رمونا مديره بتعذب وتضرب وتكرهنا من غير سبب بنسمع اسوء الكلام هيحصل ايه اكتر من كده
زهره.. هيحصل اننا هننام عالرصيف عالاقل هنا كنا بنام في مكان حتى لو كان بيحصل فينا ايه بس فالاخر بنتلم في اوضه مع بعض
عشق..ماهو احنا هنفضل مع بعض سواء هنا او بره وهنام فين دي بقى بعد ما نخرج ربنا هيدلنا صدقوني
تمارا..اكيد ربنا مش هيسيبنا بس انتي ليه بتتكلمي بثقه كده كأننا خارجين عالجنه عشق احنا فاصل بيننا وبين المجهول باب لو خرجنا منعرفش هنلاقي ايه ورا الباب ده
عشق...اللي بيسيبها علي ربنا عمره ما بيتخذل يا تمارا وانا ثقتي فالله كبيره...يلا قوموا حضروا شنطكم بسرعه
تمارا..طيب خدي انتي وهي كل واحده فيكم الظرف بتاعها
عشق..بغضب انتي خدتيهم منها ليه
تمارا..كنتي عيزاني اعمل ايه أينعم انا مش عايزه حاجه من وشها بس عالاقل يكون معانا حاجه نصرف منها الايام الجايه وده مبلغ هينفعنا كل واحده الفين يعني دول 6الاف جنيه مش كفايه ان مفيش مكان ده يمكن تكون المره الوحيده اللي عملت فيها خير وكملت بضحك والله تلاقيها مش في وعيها اخلصو بسرعه احسن تفتكر وترجع في كلامها
زهره.. مسحت دموعها تمارا عندها حق اكيد الفلوس هنحتاجها
تمارا..يلا خدو الفلوس وابوس راسك ياعشق حاولي متحلميش تاني ولو حبيتي تحلمي متاخدنيش انا والبت الغلبانه دي معاكي
عشق..بضحك مش هنام تاني ياستي خلي الفلوس معاكي
تمارا..لا كل واحده تاخد الظرف وتشيله عشان لو حاجه وقعت ولا ضاعت يبقي مش كلهم مع بعض
عشق..تمام خدت منها الظرف وخدت زهره هي كمان الظرف وابتدوا يحضروا الشنط وبعد وقت مر كانوا جهزوا شنطهم وقفوا على باب الاوضه يبصو عليها بحزن الاوضه اللي فيها ذكرياتهم كلها...
وخرجوا كانت حنان واقفلهم تحت ومعاها دادات ومس فاطمه وقفوا الدادات ودعوهم وهما بيعيطوا محدش يقدر يتكلم مع حنان الظالمه
حنان بخبث..هتوحشونا يابنات بصولها البنات بكرهه سلموا على الجميع وخرجوا قفلت حنان وراهم الباب
وقفو على الطريق
تمارا...هنروح فين
زهره..باصه وساكته
عشق..مركزه في الطريق وباصه على العربيات وهي ماشيه بسرعه عنيها بتبص شمال ويمين وقفت تاكسي وقالتله.
دار الايتام
البارت التاني
في مكان تاني وصل ليل الشركه ركن عربيته ونزل بكل هيبه وخطوات ثابته دخل الشركه قام الموظفين بأحترام يلقوا عليه تحيه الصباح وسط انبهار واعجاب وحقد وحسد.
اما ليل فاكمل طريقه بكل غرور وثبات وهيبه إلى ان وصل مكتبه
مسك ليل تليفون مكتبه شاهي ابعتيلي القهوه بتاعتي وبلغي مستر ادم ومستر جاسر ومستر نوح والمدير التنفيذي ان في إجتماع بعد نص ساعه
شاهي ..تمام يا افندم حالا بس مستر ادم ومستر نوح موصلوش
ليل..طيب اقفلي وانا هشوفهم
قفل معاها ليل وكلم ادم.
أدم...ايوه يابوص
ليل...انت فين.
ادم...انا تحت بركن العربيه
ليل...مش ملاحظ انك متأخر انت والزفت نوح
أدم..هو اللي مأخرني على فكره عربيته عطلت وجبته معايا اهو
ليل..طيب تعالولي عالمكتب وهاتو جاسر معاكم.
ادم..تمام.
قفل ليل...وثواني وخبطت شاهي السكرتيره حطت القهوه وخرجت من غير اي كلام.
دقايق بسيطه كان الشباب بيخبطوا ودخلوا
جاسر..صباحو يابوص
ليل.صباح الخير بص لنوح عربيتك مالها يانوح.
نوح...معرفش والله مش راضيه تدور واتصلت بالتوكيل
ليل..دي لسه بعد بكره هتكمل شهر هي لحقت
نوح...والله ما اعرف مالها تقريبا كده مش حباني
ادم..والله بتفهم العربيه دي وهو في حد بيطيقك
نوح...شكرا ياذوق
جاسر....مالك يا ليل شكلك مش فايق
ليل..وهو بيمرر كفه على وشه مش عارف مصدع ومش فالمود
نوح..بغمزه السهره شكلها كانت جامده
ليل... إتلم يالا.
نوح...حط ايده على بوئه
ليل....مهره منكده عليا كمان
جاسر..ليه مالها
ليل... مش عارف مش راضيه تاكل بقالها يومين قلقان عليها لانها قربت تولد.
جاسر..وفين الدكتور
ليل..موجود بس مبيفهمش بيحاول يقنعني انه عادي عشان قربت تولد ميبقاش ليها نفس للاكل وانا مش عارف لان هي اول مره هتولد مش عارف ده بيحصل ولا لا.
نوح.مش فاهم محسسني ليه انها مراتك
ليل.انت بتقول فيها والله لو مراتي مكنت هبقي قلقان كده بس دي مهره يالا
ادم...ياعم هي اكيد زي ما قالك كده.
ليل..هنشوف المهم عندنا اجتماع بعد عشر دقايق عايز ورق المناقصتين اللي ماسكهم يا ادم انت وجاسر
جاسر..انا جاهز ادم..وانا كمان
ليل..تمام يلا روحو حضروهم ونتقابل بعد عشر دقايق
مر وقت بسيط دخل ليل لاوضه الاجتماعات وكان الجميع في انتظاره ابتدوا الاجتماع وبعد مده الاجتماع خلص...
ليل..مسك التليفون الو
حاج محمد..ايوه يا ليل يا ابني
ليل..معلش ياراجل ياطيب هتعبك معايا عايزك في اوضه الاجتماعات.
حاج محمد..تعبك راحه يا ابني حالا جاي
حاج محمد.موظف في مجموعه السيوفي من وقت ما كانت شركه صغيره من ايام ما كان والد ليل عايش كان ديما معاه وبيعتبره مش مجرد موظف عنده كان قريب منه جدا وكان ديما لما بيبقي مضايق يروح يأعد معاه في اي قهوه بسيطه ليل اتولد على ايده ومن يومها وليل بيعتبره شخص من العيله وميقدرش يبعده عنه.
ثواني وخبط الحاج محمد ودخل
ليل..تعالى ياراجل ياطيب اعد
الحاج محمد...خير يا ابني
ليل..خير طبعا الورق ده عايزك تاخده تروح بيه لعمي فالفرع التاني بتاع الشركه وتاخد امضته معلش هتعبك معايا وشاور على جاسر معلش عشان البيه ابنه عنده معاد مع خطيبته مش هينفع يروح
الحاج محمد.. بس كده ده انا عيوني ليك ولجاسر باشا.
جاسر..والنبي انت اللي باشا ياراجل ياطيب.
الحاج..محمد طيب هقوم انا بقي عشان الحق
ليل.. استني بس رايح فين خد دي كمان معاك وصلها لعمي
الحاج محمد ايه الشنطه دي
ليل..دي فيها خمسه مليون جنيه ادهملو وهو عارف الباقي.
الحاج محمد بتوتر طب ما بلاش انا يا ليل يا ابني هركب ازاي مواصلات بالمبلغ ده اخاف يتسرق مني ولا يجرالي حاجه محدش ضامن عمره.
ليل.اولا بعد الشر عنك وفي داهيه الفلوس المهم انت ثانيا بقي هبعت معاك السواق بتاع الشركه يوصلك لحد هناك ويرجعك تاني.
الحاج..محمد طيب يا ليل يا ابني تأمرني بأي حاجه تاني يا ابن الغالي.
ليل بابتسامه حنونه..الامر لله يا راجل يا طيب عايز سلامتك لما تخلص ابقى ارجعلي تاني في ورق عايزك تقدمه بعد بكره بما ان بكره الجمعه اجازه عايز افهمك تعمل ايه عشان تروح تظبط كل حاجه قبل ما تيجي عالشركه فا لازم افهمك انهرده.
الحاج محمد.. تمام مسافه السكه وراجع.
خرج عم محمد وراح كل واحد فيهم علي مكتبه يشوفو شغلهم
...........
بعد ما وقفت عشق التاكسي وقالتله الحسين؟؟
السواق..أركبوا
طلبت منه عشق يفتح شنطه العربيه عشان يحطوا الشنط
تمارا..الحسين ليه انتي عارفه حد هناك
عشق..لا معرفش
زهره..امال رايحين هناك ليه
عشق..مش عارفه بس انا زرته مره واحده في حياتي المسجد ده مريح جدا وبحبه اوي ومن فتره حلمت اننا روحناه مع بعض احنا التلاته وصراحه كده بما اننا خرجنا خلاص فا ده اول مكان جه في بالي ونفسي نروحه سوا
تمارا..انا عمري ماروحته
زهره..ولا انا
تمارا...بس بردو مش كنا اجلناه لحد ما نشوف هنعمل ايه
عشق...مش هنخسر حاجه تعالو نروح واهو بالمره نصلي الضهر فيه وبعد كده نشوف
بعد مرور ساعه ونص من زحام الشوارع واشارات المرور وصلو اخيرا
دفعوا الفلوس للسواق وخدو الشنط ونزلو.
تمارا وزهره وعشق وقفو بره ادام المسجد بأبتسامه جميله يتأملو المسجد
تمارا...الله المسجد جميل اوي ومريح
عشق..فعلا مريح اوي انا جيت مره واحده بس بجد من وقتها وانا نفسي اجي تاني
زهره.. فعلا شكله والروح اللي فالمكان جميله اوي.
عشق... طيب تعالو يلا ندخل
تمارا... الضهر اذن وخلص من شويه ياخساره لولا الزحمه كنا صلينا فيه.
عشق..احنا فيها ندخل نرتاح شويه ونستني العصر
تمارا... انا خايفه بس الوقت يعدي من غير مانشوف اي مكان نأعد فيه
عشق.. تعالو بس ندخل ونصلي و لما نخرج نحاول نشوف سمسار في المكان هنا يمكن يكون في اوضه او شقه صغيره نأجرها
زهره..المكان هنا كل الشقق فيه شكلها قديمه والي ساكنين فالمكان الجميل ده ميتهيأليش يسبوه.
تمارا.. فعلا ياعشق البيوت القديمه دي كانت بتراب الفلوس وصحابها مش هيسبوها دي تعتبر تمليك
عشق..يا ستي اهو نجرب مش هنخسر حاجه يمكن نلاقي حد عنده شقق حتى لو في مكان ابعد شويه اهو ناخدها فتره بسيطه لحد ما نظبط حالنا نشوڤ شغل حاجه تقدر تساعدنا.
تمارا...طيب يلا ندخل
دخلو البنات وكل واحده فيهم ماسكه شنطتها اتوضو وصلو ركعتين
عشق..وهي ساجده وبتدعي ودموعها نازله علي سجاد المسجد يارب اقف معانا احنا ملناش غيرك يارب تعبنا من البهدله احنا راضين بكل حاجه في حياتنا حصلت بس يارب احمينا من اي حاجه وحشه احنا ملناش ضهر انت ضهرنا وسندنا احمينا من المجهول وابعد عننا شر البني ادمين يارب احنا خرجنا وملناش لا اهل ولا مكان ولا بيت انت ملجأنا الوحيد يارب دبرلنا حالنا فأنت خير المدبرين بعد مرور الوقت صلوا العصر.
زهره...بقولكم ايه انا جعانه اوي احنا مفطرناش.
تمارا.انا كمان جعانه
عشق.. يلا نخرج نشوف الاول سمسار وبعد كده نشوف اي مكان نجيب منه اكل
تمارا..تمام
خرجوا البنات من المسجد
عشق..تعالو نشوف فالقهوه اللي هناك دي اي حد من اللي شغالين نسأله اذا كان يعرف سمسار
راحو وراها وقفو قريبين من القهوه
عشق..لصبي القهوه لوسمحت
صبي القهوه.أمريني يا حلوه شاي قهوه حاجه ساقعه شيشه.
عشق....لا لا انا بس كنت عايزه اسأل حضرتك سؤال.
صبي القهوه..اتفضلي يا ابله
عشق..متعرفش اي سمسار هنا.
صبي القهوه باستغراب سمسار اعرف
عشق..طيب ممكن تقولي الاقيه ازاي
صبي.القهوه طب الاول انتي عايزه ايه يعني محل ولا ايه.
عشق.. لا محل ايه انا بدور على شقه انا وصحابي اصلنا من محافظه تانيه يعني وبندرس هنا فالقاهره فا كنا عايزين نشوف شقه.
صبي القهوه.. بصي هو صعب تقرببا في المكان هنا مفيش شقق بس مش هنخسر حاجه هكلمه واشوفه فين يمكن تلاقي.
عشق..شكرا جدا
بعد حوالي عشر دقايق كان وصل السمسار.
وبعد ما عشق سألته وفهمته انها عيزاها للسكن.
السمسار.بصي هو هنا صعب بس عندي شقتين في خان الخليلي هنا قريب لو تحبو تشوفوهم هما 3 اوض وصاله
عشق..لو في اصغر من كده يبقي ياريت خصوصا زي ما قولت لحضرتك احنا مش محتاجين غير ان يكون في مكان ننام فيه ونذاكر فيه
السمسار..تعالو بس شوفوهم يمكن يعجبوكم.
عشق.. طيب ممكن نسيب الشنط في اي مكان بدل ما نفضل ماشيين بيهم.
السمسار..طبعا استني.
السمسار....بندق.بندق
بندق... ايوه يا عم سيد.
السمسار.. معلش خد الشنط من الانسات لحد ما افرجهم عالشقق
بندق.. طيب تمام بس متتأخروش والنبي مش عايز كلام من صاحب القهوه
السمسار.. مسافه السكه
خدهم السمسار.وابتدي يفرجهم على اول شقه كانت كبيره اوي ومن بيوت زمان الواسعه
زهره.الله دي حلوه اوي خبطتها تمارا في كتفها
تمارا..دي بكام يا ريس فالشهر
السمسار.. دي ب3 ونص بس.
تمارا...اللي هو ايه يعني 350تقصد
السمسار... 350ايه يا ابله اقصد 3500.
تمارا.. لا دي غاليه اوي
السمسار..طب تعالو اوريكم التانيه.
خدهم وراهم الشقه التانيه.
وكانت تقريبا قريبه من الشقه الاولي بس اقل حاجه بسيطه.
عشق..دي بكام يا حاج سيد
السمسار.. دي عامله 3000
عشق.. هو كل الاسعار كده.
السمسار.. تقريبا مش هتلاقي اصلا اقل من كده المكان هنا غالي ده ان لقيتي هنا اصلا
تمارا.. طيب معندكش شقق تانيه حتى لو في مكان تاني.
السمسار.. للاسف لا انا معنديش غير الشقتين دول والباقي اللي عندي محلات
عشق.. طيب شكرا لحضرتك واسفين تعبناك.
السمسار.. تعبكم راحه عموما دورو براحتكم ولو ملاقتوش اكيد انتو عارفين هتلاقوني ازاي
تمارا..ماشي ياحاج شكرا
نزلو البنات بخيبه امل وراحو خدو الشنط وفضلو يدورو ويسألو
.........
مرت كذا ساعه رجع عم محمد الشركه طلع لمكتب ليل خبط كان الشباب كلهم جوه
ليل..تعالى ياعم محمد اعد
الحاج محمد..اتفضل يا ابني الورق وامضة سراج باشا عليها
ليل.. تمام بس دي بقى خليها معاك وبعد بكرة تطلع تقدم الورق ده فالشهر العقاري ومعاها الورقتين دول كمان وطبعا الباقي انت عارفه
الحاج.. محمد طبعا اتفضل دي ورقه بأمضة سراج باشا انه استلم الفلوس
ضحكو الشباب بصوت مرتفع ليل. مضيت عمي يجي جاسر يشوف ابوه وهو بيمضي على الاستلام🤣
ادم..مش هتبطل ياراجل ياطيب الحركه دي انا عايز اعرف ازاي بتقدر تقنع سراج باشا.
حاج محمد الحق حق يا ابني انا ادتله الفلوس هو بقي يدني ورقه انه استلم وبعدين اطلعو انتو بس منها هو عارف دماغي وده نظامنا من قبل ما انتو تتولدوا
نوح....والله انت عسل ياحاج محمد ده احنا لو روحنا لعمي بفلوس وقولناله امضي هيقطعنا.
الحاج محمد..ده انتو بقى يا نوح باشا.
نوح...والله انت اللي باشا بس اقولك انت صح.
الحاج محمد ده حق يا ابني وده مبلغ مش بسيط ولو حصل اي حاجه انا هتدبس فيه وطبعا محيلتيش اقل من ربعه يادوب المبلغ اللي معايا لجهاز نور.
ليل..نور جهازها محفوظ ياراجل ياطيب هي بس تخلص دراستها ويجي العريس وكل اللي هتشاور عليه هيجي انا في مقام اخوها ولا ايه
الحاج محمد ودموعه في عينه ربنا يخليك ليا يارب ياليل يابني وطبعا انت في مقام اخوها مش انت بس كلكم والله
ادم.. هي في سنه كام صحيح الوقت ياحاج محمد
الحاج محمد..نور الوقت في تالته جامعه بتدرس حقوق القاهره.
ادم...ماشاء الله ربنا يخليهالك وتفرح بيها وتبقي اكبر محاميه فالبلد
الحاج محمد يارب يا ادم يا ابني...فاللحظه دي رن تليفونه
الحاج.محمد..اهي بتتصل جبنا في سيره القط جه ينط. الو
نور... الو ايه بس ياحج محمد انت فين كده..
الحاج محمد.انا فالشركه يانور في حاجه ولا ايه.
نور... في اني ميته من الجوع. وعملتلك صينتين مكرونه بشاميل انما ايه يستاهلو بوئك لو مجتش صدقني هاكلهم انا ميته من الجوع ومش قادره اقاوم الريحه.
الحاج...محمد بضحك صنيتين مكرونه ليه انتي عازمه الشارع هو في غيري انا وانتي.
نور...لا ما انت هتاكل حته صغيره وانا هقوم بالباقي متقلقش.
الحاج..محمد بضحك يابت الاكل ده بيروح فين انتي حتى رفيعه.
نور.بمشاكسه قل اعوذ برب الفلق انت هتحسدني ولا ايه يا سي بابا وبعدين انهرده الخميس وانت بكره اجازه يعني السهره صباحي ومتقلقش هيخلصو
الحاج محمد..طيب ياستي يلا روحي بقي وانا هاجي.
نور...استني بس اروح فين هو سلق بيض.
الحاج محمد..عايزه ايه تاني يا اخرت صبري..
نور... بكره اجازه وانهرده سهره يعني افلام ومسرحيات وسهره صباحي.
الحاج محمد. والمطلوب.
نور.... شويه حجات بسيطه تجبلنا شويه فاكهه وتعدي علي اي مقله تجبلنا شويه تسالي وشويه شبسي وشوكلاتات يعني دلعنا كده مش كفايه دلعتك وعملتلك صنيتين مكرونه
الحاج محمد بضحك..يعني عشان بكره اجازه وعشان حضرتك عملتيلي صنيتين مكرونه عيزاني ادلعك واروح اجبلك فاكهه وتسالي من المقله وشويه شوكلاتات وشيبسي مااجبلك السوبر ماركت احسن اقولك ماتدلعنيش تاني وانا بكره ياستي نازل الشغل انا متنازل عن اجازتي ماشي يا ليل يا ابني اعمل حسابك اني جاي بكره.
نور... يانهار اسود انت بتتكلم ادام ليل
الحاج محمد ايوه وفضيحتك بقت بجلاجل.
نور.. خلاص ياعم مش عايزه حاجه
الحاج محمد بضحك ماشي ياستي هجبلك كل اللي انتي عيزاه يلا بقي بلاش رغي
نور.. بضحك سلام
الحاج محمد سلام هتجنني البت دي
ليل. بابتسامه ربنا يخليهالك ويخليك ليها يارب.
الحاج محمد..طيب انا خلصت شغل هتحتاجني تاني ولا اروح انا
ليل.. استني عايزك يا حاج محمد وبص لنوح وادم استنوني بره ياشباب شويه
ادم ونوح فهموا تمام بعد اذنكم
الحاج محمد لليل..خير يا ليل يا ابني.
طلع ليل من الخزنه ظرف اتفضل ياراجل ياطيب
الحاج محمد ايه ده
ليل.. ده مبلغ بسيط كده
الحاج محمد ..ليه كده ياليل يا ابني انت خيرك مغرقني وانا مش محتاج والله.
ليل... خير ايه بس ياراجل ياطيب انت مش عارف انت بالنسبالي ايه دي حاجه بسيطه عشان اي حاجه نور تحتاجها وكمل بابتسامه وهاتلها كل اللي هي نڤسها فيه بدل ما تيجي تاكلنا.
ضحك..حاج محمد ربنا يخليك ليا يا ابني يا اصيل يا ابن الغالي هروح انا بقي احسن على قولتك تيجي تاكلنا الطفسه دي
ليل بضحك اتفضل ياراجل يا طيب وابعتلها سلامي
الحاج محمد. تسلم يا ابني بعد اذنك
خرج محمد ودخل الشباب
ادم.. ايه مش ناوي نمشي بقى
نوح.. احنا مش هنسهر ولا ايه.
ليل.. هنسهر يلا نروح نغير بس وبعد كده نكلم جاسر يجيلنا على المكان بتاعنا.
نوح.. قشطه يلا بينا
بعد مرور وقت طويل كانت الساعه 9بليل
اعدو البنات على الرصيف
تمارا .ااه مش قادره رجلي تعبتني من اللف مش قادره
زهره.. وانا هموت مش قادره رجلي ورمت من كتر اللف
تمارا. هنعمل ايه ياست عشق هنبات فالشارع ولا ايه
عشق..بتعب انا كمان تعبت بس اديكم شايفين مش لاقين حاجه وكل اللي لقيناه غالي اوي ده تقريبا الشقه هتاخد نص فلوسنا في شهر واحد
تمارا..طب والعمل
زهره.. بدموع الوقت اتأخر وشويه وهنلاقي الشارع هدي اكتر والناس هتقل هنعمل ايه
تمارا...منك لله ياحنان الكلب كان هيحصل ايه لو قالتلنا وسابتنا كام يوم نخرج وندور على شقه ونرجع لحد ما نلاقي مكان ونسبلها الدار
عشق..اللي حصل حصل خلاص
زهره..ابتدت تعيط
خدتها عشق في حضنها ممكن بلاش عياط
زهره... انتي حاسه بالمصيبه اللي احنا فيها احنا هنبات فالشارع وياعالم هيحصلنا ايه
عشق.. ابتدت دموعها تنزل ان شاء الله ربنا مش هيخذلنا ربنا كريم اوي اكيد مش هيسبنا نتبهدل فالشارع كده
تمارا..ابتدت هي كمان تعيط خدتهم عشق في حضنها ورفعت وشها للسما وهي بتعيط يارب انت عالم بحالنا الوقت مر وبقينا بليل يارب انجدنا من الشارع وبهدلته انت احن علينا من اي حد دلنا يارب وأقف معانا احنا ملناش حد غيرك
وفاللحظه دي وكأن ابواب السما اتفتحت وربنا سمع نداها
ظهر طوق النجاه
اسف يابنتي انا ممكن اساعدكم.
عشق. وتمارا وزهره بفزع انتبهوا للصوت.
عشق.. مين حضرتك
انا اسف.. سمعتكم غصب عني والله مش قاصد اني اسمعكم بس دموعكم وكلامكم ودعاكي يابنتي خلاني اقف غصب عني واسمعكم
عشق..حضرتك مين
انا اسمي حاج محمد ولو تقبلو انكم تيجو معايا بيتي لحد ما تتصرفو انا تحت امركم.
تمارا.. بغضب نيجي معاك فين انت فاكرنا ايه.
عشق.. شكرا لحضرتك ومسكت شنطتها يلا يابنات.
الحاج محمد استنو يا بنات وبص لعشق انتي دعيتي ربنا واظن انه استجاب انا باجي من شغلي ديما بدري بس انهرده اتأخرت ويمكن يكون اللي اخرني هو ربنا عشان اشوفكم واقابلكم واساعدكم انا ساكن هنا في خان الخليلي هي شقه بسيطه بس اكيد احسن من الشارع وعشان اطمنكم انا اعد فيها مع بنتي هي تقريبا نفس سنكم
وقفو البنات واثار الدموع لسه على وشهم فضلو يبصو لبعض وهما ساكتين.
كمل الحاج محمد اسمها نور
مراتي متوفيه ومحيلتيش فالدنيا غيرها ورن تليفونه فاللحظه دي اهي جت عالسيره وفتح الاسبيكر ورد عليها ادامهم الو
نور...ايوه يا سي بابا ايه اللي اخرك كل ده والله ادامك خمس دقايق لو مجتش هاكل المكرونه كلها لوحدي واخلص بقى في فيلم هيبتدي يلا عشان السهره هتحلو ياحاج محمد انا مصدقت انك بكره اجازه.
حاج محمد خلاص يانور انا داخل عالبيت
نور..اوعي تكون نسيت الفاكه والحجات الحلوه
حاج محمد بضحك لا ياستي منستش جبتلك كل اللي طلبتيه يانور وجايبلك كمان معايا مفجأه.
نور... والنبي بجد ايه هي
الحاج محمد لما اجيلك هتعرفي يلا اقفلي بقى
نور.. ماشي ياسي بابا اما نشوف اخرتها معاك
قفل الحاج محمد وبصلهم بابتسامه كلها طيبه وحنيه اطمنتو انا فتحت الخط مخصوص عشان تتأكدو بنفسكم.
فضلو البنات يبصو لبعض.
عشق.. بس يعني حضرتك متعرفناش مش يمكن نسببلك اذي
الحاج محمد.اللي بيعمل خير يابنتي عمر ما ربنا بيخذله وانتو باين عليكم انكم مش وش اذيه يلا بينا بقي
عشق بابتسامه بصت للبنات هزتلهم دماغها ورجعت بصت تاني لحاج محمد. يلا بينا
دار الايتام
البارت الثالث
مشيو البنات ورا حاج محمد وكل واحده فيهم جواها توتر وقلق من الموقف لكن كان جواهم حاجه بتقولهم انه راجل غلبان وباين على وشه السماحه والطيبه
وإنه رساله من ربنا ليهم.
بعد وقت بسيط وصلو تحت البيت
الحاج محمد تعالو يابنات معلش البيت مش اد المقام
عشق...متقولش كده بالعكس ده شكله مريح
طلعو وراه كان ساكن فالدور الاول
طلع المفاتيح وفتح.
حاج محمد يانور يانور انتي فين يابنتي.
جه صوت نور من بعيد انا هنا يابابا فالمطبخ استنى جايه
الحاج. محمد طب تعالي شوفي المفجأه
فضلو البنات يبصو للشقه على اد ماهي بسيطه بس فيها كميه راحه متتوصفش من بيوت زمان الجميله سقفها عالي وبحري وليها ريحه خاصه ريحه تعبر عن اصاله المكان والجو الشعبي الجميل بتاع زمان وفي وسط ماهما بيبصو عالبيت
جت نور وهي لابسه بچامه بيتي مريحه ورافعه شعرها وربطاه بأيشارب عشان ميتبهدلش ولابسه مريله مطبخ وماسكه في ايدها جوانتي بتاع فرن والايد التانيه سكينه كان شكلها يموت من الضحك.
نور... خرجت من المطبخ لقت والدها واقف وجنبه 3 بنات ومعاهم شنط وقفت تنحت
نور... اتجوزت ياحاج محمد ويوم ماتتجوز تتجوز 3
كتمو البنات ضحكهم
الحاج محمد..اتجوزت ايه يا اخرت صبري انا متجوزتش من يوم المرحومه امك هاجي الوقت واعملها ويوم ما اعملها اتجوز بنات اد بنتي اقول عليكي ايه كسفاني طول عمرك معلش يابنات بكره تتعودوا عليها.
نور....بكره الموضوع شكله مطول طب ايه لسه في مرحله تعارف
الحاج محمد..يابنتي اسكتي بقى وانا هفهمك ابلعي ريقك بس وتعالي سلمي
نور...مين دول
الحاج محمد..انا لسه هتعرف عليهم ياستي وعلى اساميهم معاكي.
نور... كمان جايب بنات متعرفش اساميهم لا ياحاج انت بقيت خطر عالأمن الوطني
ضربها حاج محمد على دماغها يابت اسكتي شويه
حاج محمد..معلش يابنات امسحوها فيا هي لسانها متبري منها بس مفيش اطيب من قلبها بكره تحبوها
نور...اه والله ده انا بلسم بس بردو انتو مين
عشق.بضحك انتي شكلك مشكله.
تمارا..انا اسمي تمارا
زهره..وانا زهره
عشق... وانا عشق.
نور..ايه ده بجد اسمك عشق الله حلو اوي
عشق...انتي اللي جميله يانور
نور... قربت من والدها وبصوت واطي بس مسموع للبنات
وبطريقه كوميديه ايوه ياحاج بس بردو دول مين انا صراحة ربنا مش مطمنالك.
حاج محمد يابنتي اسكتي بقى بصي ياستي انا كنت بجبلك الحاجه اللي طلبتيها وانا ماشي لقيت البنات واقفين بيتكلمو مع بعض وشكلهم باين عليهم انهم تايهين وفجأه لقتهم ابتدو يعيطو وصراحه حاجه قالتلي استنى اشوف حكايتهم واعرف مالهم يمكن اقدر اساعدهم ومن كلامهم عرفت انهم مش عارفين يروحو فين
نور.. يعني انتو تايهين
عشق. بأبتسامه لا يانور مش تايهين دي حكايه طويله عندك وقت تسمعيها
نور... ايه ده حكايه وطويله اموت انا فالرغي اه طبعا عندي وقت خصوصا ان انهرده الخميس اهو تبقي حكايتكم بدل الفيلم بتاع السهره.
بصلها حاج محمد
نور...ايه ده اوعو تزعلو انا بهزر والله
تمارا..بابتسامه لا ياستي مش زعلانين
الحاج محمد..طيب الاول يا اخرت صبري خدي البنات انا هدخل الاوضه بتاعتي وانتي دخليهم الاوضه بتاعتك لو حابين ياخدوا حمام واضح انهم من صباحية ربنا بره وبعد كده حضريلنا الاكل عشان يبقى عيش وملح وبعد كده نبقي ناعد ونحكي
نور... طيب تمام يلا بقي ياحاج على اوضتك واول ما نخلص نبقى ننادي عليك
حاج محمد .ماشي يابنتي بعد اذنكم يابنات البيت بيتكم.
دخل الحاج محمد وخدتهم نور على اوضتها
البنات كانو محروجين.
نور... لا بقولكم ايه اللي فهمتو من بابا ان تقريبا هتأعدو معانا انهرده فانفك كده وبلاش الاحراج ده ده انا مصدقت الاقي حد يسأل عننا او يزورنا
عشق...ليه محدش بيزوركم
نور... لا خالص ماما اتوفت وانا صغيره واصلا اهل بابا وماما من محافظه تانيه وبابا وماما بعد ما اتجوزو جم عاالقاهره كنا بنروح فالاجازات وبعد ما ماما ماتت تقريبا بنروح كل فين وفين بابا ديما مشغول عشان الشغل وانا فالجامعه مفيش وقت خالص
ومليش اصحاب وزي مانتو شايفين مليش غير بابا
تمارا..ربنا يخليهولك
نور... طب يلا بقي لو حابين تاخدو شاور انتو معاكم هدوم ولا تاخدو من عندي احنا تقريبا نفس المقاس
عشق..لا احنا معانا تسلمي يانور
نور.. طب يلا طلعو هدومكم وتعالو واحده واحده كده تاخد دش عشان ناكل احسن انا واقعه من الجوع
تمارا....طب اكسبوا فيا ثواب وادخل انا الاول
نور.. طب تعالي يلا لحد ما هما يظبطو هدومهم
طلعت تمارا بچامه نوم و الاسدال بتاعها عشان تلبسه فوق الهدوم ودخلتها نور.
وفضلو البنات واحده ورا التانيه لحد ما اخيرا خلصوا
نور. يلا ياحاج محمد الاكل جاهز
خرج والدها انا كمان جاهز ياست نور وميت من الجوع يلا يابنات اتفضلو هي فين عشق صحيح
نور..بتصلي يابابا البنات صلو وخرجو وهي بتصلي وجايه ورانا
حاج محمد ربنا يباركلكم يابنات
خرجت عشق.
حاج محمد تقبل الله يابنتي
عشق.منا ومنكم
حاج محمد..تعالي يلا يابنتي اعدي كلي
انا مش عايز كسوف اعتبرو البيت بيتكم اينعم الاكل اكيد هتلاقوه بعافيه شويه بس يلا هنعمل ايه بقى
نور..نعم يا سي بابا تصدق انت شكلك كده هتقطع بعيشك معايا ودي اول واخر مره هعمل اكل وهسيبك تجوع بعد كده
عشق...ربنا يخليك ياحاج محمد وطبعا تسلم ايدك يانور والله الاكل ريحته جميله.
زهره...اه والله وبصراحه انا واقعه من الجوع احنا مفطرناش
نور...مفطرتوش دي الساعه 10ليه كل ده
تمارا.. لا ناكل الاول عشان نعرف نحكي ده انتي غلبتيني يانور فالرغي
نور... الله الله طب يلا ناكل
ابتدو البنات ياكلوا كانو مكسوفين بس مع تهريج نور اللي حست انها تعرفهم من زمان ومع طيبه الحاج محمد ابتدو ياكلو وكانو بياكلو كأنهم بقالهم زمن مكالوش حاجه.
وبعد وقت بسيط خلصو قامت نور تشيل والبنات ساعدوها عملتلهم تمارا شاي...وابتدت نور تغسل الفاكهه وتحطها في اطباق وحطت في طبق لب وخدت كل حاجه جابها الحاج محمد وبقت ترص الحاجه بره عالتربيزه واعدو كلهم مع بعض.
عشق....بص ياحاج محمد فالبدايه كده من حقك علينا انك تعرف حكايتنا بعد اللي عملته معانا.
الحاج محمد..بصي يابنتي الاول كده لو مش حابه تحكي حاجه دي حاجه ترجعلك طبعا واللي عملته معاكو ده واجب واي حد في مكاني كان عمل زي ماعملت ماهو استحاله يعني تنامو فالشارع
عشق... لا خالص معندناش مشكله اننا نعرفك حكايتنا ثانيا وده الاهم حضرتك عملت معانا معروف هيفضل في رقبتنا لحد مانموت
الحاج محمد..يابنتي متقوليش كده انا معملتش حاجه.
عشق.. احنا كان بينا وبين النوم فالشارع خطوه وانت رحمتنا من البهدله
فالبدايه احب اقولك اننا والله العظيم مفيش من ورانا اي قلق او أذى ليك او لبنتك احنا اغلب واضعف كتير من اننا نأذي حد انا هحكيلك حكايتنا
انا اسمي عشق ودي تمارا ودي زهره
منعرفش ولا اسم ثنائي ولا ثلاثي بأختصار احنا ملناش حد ولا اهل ولا ام ولا اب احنا جينا الدنيا لقينا نفسنا بنتربى في ملجأ لحد سن معين مكناش نعرف يعني ايه ماما يعني ايه بابا فتحنا عينا ملقيناش غير بعض ولا حتى نعرف مين ودانا الملجأ مكنش معانا اي حاجه من ريحة اهلنا عشان نقدر لما نكبر نحاول نوصلهم وكملت بدموع وزهره وتمارا دموعهم نازله بصمت..وسط تأثر واستغراب الحاج محمد ونور باختصار احنا ضحيه اب وام ضحك على عقلهم الشيطان في لحظه ضعف وجينا نتيجه غلطه
غلطه مقدرش يواجه الاب ويحارب عشانا ونيجي راسنا مرفوعه اب مش راجل مقدرش يصلح غلطته عشان لما نيجي يبقى هو ضهرنا وسندنا اتخلي عننا ببساطه وشاف ان اللي عمله غلطه وبكل جبروت خلانا احنا اللي ندفع تمن غلطته طول عمرنا وغلطه ام مستهتره اتخلت عن شرفها في لحظه ضعف لحد حبته وكانت فكراه راجل ام متعرفش ربنا متعرفش يعني ايه امومه ولقب ام ده حرام يكون ليها انا اللي عرفته اني وصلت الملجأ وانا جوه كيس زباله من غير هدوم امي اتخلت عني واول ماولدتني رمتني مهانش عليها تلبسني مهانش عليها تحسسني بالامان وتاخدني في حضنها لاول واخر مره مهنش عليها تشبعني من لبنها قبل ما ترميني مكنش عندها وقت كان كل همها تخلص مني اول ماتولدني وكأني عار وفضيحه بتخلص منها طيب لما انا عار وفضيحه ليه عملتي كده من الاول ليه جبتيني الدنيا وحملتيني غلطه وذنب انا مليش دعوه بيهم وكملت بانهيار انا مكنتش اتمني ابدا اتكلم كده عن امي وابويا اللي انا اصلا معرفهمش انا كان نفسي بس اعيش احس بحبهم ويحسو بحبي كان نفسي اكون بنت طبيعيه عندي ام واب واخوات كان نفسي في حضن امي اوي كان نفسي اجرب احساس الدفا والحضن والبيت والعيله كان نفسي اجرب احساس اني اتعب واصحي الاقي امي اعده جمبي كان نفسي اجرب احساس اني اعمل غلطه واجري استخبي في حضن ابويا بس هما حرموني من ده وخلوني احس ان مهما يحصل حلو في حياتي هيفضل عندي نقص في فقدانهم مكنتش اتمني احس اني بكرههم بس غصب عني انا ملاقتش منهم حنيه عشان يلاقو مني حنيه عليهم وياريت خلصت على كده لما وصلت الدار طبعا مديره الدار هي اللي سمتنا اي طفل بيجي الدار من غير اي هويه كانت هي اللي بتسميه كانت ست طيبه فضلت موجوده لحد ما تمينا سبع سنين وللاسف اتوفت وسابتنا بعد ما اتعلقنا بيها بس الظاهر ان الدنيا كانت مصممه تيجي علينا اكتر من كده ومسكت الدار المديره الجديده اسمها حنان وللاسف اسمها ملوش علاقه بيها ورتنا ذل وقهر وعذاب مفيش حد فالدنيا يستحمله كانت بتشتمنا وبتضربنا بتعنفنا بالكلام رغم اننا كنا هاديين جدا وعمر ما حد فينا عمل تصرف يخليها تكرهنا الكره ده كله طول عمرها مفيش على لسانها غير كلمه بنت حرام وكأن احنا اللي اختارنا نكون كده احنا الحمدلله طول فتره الدراسه كنا شاطريين جدا انا بدرس طب بيطري جامعه القاهره وتمارا وزهره في تجاره جامعه القاهره يعني احنا مش وحشين بس هي طول عمرها بتكرهنا من غير سبب وطبعا اللي بحكيه ده ميجيش ذره في عذاب سنين عشناها معاها لحد انهرده الصبح من غير اي مقدمات قررت انها تمشينا عشان احنا اكبر ناس فالدار وفي خمس اطفال رايحين الدار ومفيش مكان غير اوضتنا مدتناش فرصه نعترض ولما سألنا قالت خلاص انتو المفروض قربتو على 21 سنه مع ان ده مش قانوني المفروض نفضل لحد مانتمهم واللي حابه تخرج تخرج واللي مش حابه او مش عندها مكان تروحه بتطوع انها تخدم فالدار عالاقل تبقى اتطمنت ان ليها مكان تعيش فيه بس للاسف الست دي كانت واصله وتقدر تعمل اي حاجه وقدرت تاخد موافقه بأنها تخرجنا وفي خلال ساعتين كنا لمينا حاجتنا ورمتنا بره الدار الحسنه الوحيده اللي عملتها انها ادت لكل واحده فينا ظرف فيه الفين جنيه عشان نقدر نمشي نفسنا بيهم او بمعنى اصح هي خدت تبرعات على حسنا للدراسه في الترم الجاي فرمتلنا مبلغ وخلصت مننا خرجنا ومكنش عندنا فكره ايه اللي ممكن يحصلنا كان اللي فاصل بين حياتنا القديمه فالدار وحياتنا الجديده هو باب الدار خرجنا جينا عالحسين كنت دايما اشوفه في احلامي اننا بنيجي نزوره انا والبنات ولاني مكنتش عارفه نروح فين حبيت ان ده يكون اول مكان نروحه وبعد كده ربنا يحلها وفعلا عملت كده وخرجنا من المسجد فضلنا ندور على اي شقه بسيطه تلمنا لحد مانحاول نشوف شغل ونقدر نقف على رجلينا بس للاسف الشقق كلها غاليه جدا اقل شقه شوفناها كانت ب3الاف جنيه فالشهر واحنا كل اللي معانا 6 الاف يعني ايجار شهرين لفينا كتير لحد ما فقدنا الامل واعدنا عالرصيف والباقي حضرتك عارفه.
انا بس طالبه من حضرتك طلب بسيط نفضل مع حضرتك يومين تلاته بالكتير ومن بكره الصبح هننزل نلف على اي شقه حتى لو في مكان تاني خالص تكون اقل هننقل فيها على طول ونبتدي ندور على شغل لو مش موافق مش هنزعل والله ومن بكره الصبح هنمشي بس هطلب منك طلب نسيب بس شنطنا لان التحرك بيهم صعب الشنط مليانه كتب وكل اوراق دراستنا وهدومنا وللاسف تقيله اوي وهتعيق حركتنا في اننا ندور بسرعه على مكان
عشق وهي بتمسح دموعها انا خلصت كلام واختصرتلك على اد ما قدرت حكايتنا
حاج محمد باصصلهم بعين بتلمع من الدموع وحاسس انه فاقد الكلام انا مش عارف اقولك ايه يابنتي اللي حكتيه ده مفيش بشر يقدر يستحمله انا مش عارف اتأسفلكم عن اللي حصلكم من اهلكم ولا على اللي حصلكم في الدار انتو اتحملتو كتير بس عايز اقولكم حاجه بسيطه ربنا عمره ما كان ظالم ومتعرفوش ايه حكمته من انكم تعيشو الحياه اللي عشتوها دي بس انتو بنات زي الفل محترمين عارفين ربنا بتدرسو في كليات محترمه واللي حصلكم مأثرش على اخلاقكم بالعكس عايز اقولكم ان في عيال مع اهلهم وللاسف ميعرفوش حاجه عن التربيه بس انتو مختلفين حلويين محترمين متربيين متعلمين وكمل بضحك تبقو طماعين لو عايزين اكتر من كده بصو بقي اللي حصل في حياتكم ده لازم يكون درس ليكم وميأثرش عليكم لازم تبقو اقوى توصلو لحلمكم وتقفو على رجليكم وتنجحو متفكروش فالماضي متفكروش فالجانب الوحش في حياتكم لان التفكير فالماضي بيدمر الحياه اعتبرو يوم خروجكم من الدار انهرده هو يوم ميلادكم لحياه جديده وبخصوص الكلام العبيط اللي قولتيه ياعشق يابنتي ده كأني مسمعتهوش انتو هتفضلو معانا انا كان عندي بنت وانهرده ربنا كرمني وبقوا اربعه من انهرده اعتبروني ابوكم زي نور لو توافقو يعني هيبقي شرف ليا يبقي عندي بنات زي الفل زيكم كده.
تمارا..طبعا يشرفنا انت احسن حد قابلناه في حياتنا بس مش هينفع نفضل هنا احنا مش عايزين نكون ضيوف تقيله و حمل على حضرتك بس زي ما عشق قالت لو بس تستحملنا يومين لحد ما نلاقي مكان.
الحاج محمد حمل ايه يابنتي بس احنا كلنا هنا فالدنيا ضيوف على ارض الله وكلنا حمل عليه هو بس اللي بيقسم الارزاق وانا ربنا رزقني ببنت واحده و بعد العمر ده كله رزقني بتلاته كمان اقوله لا
ابقي عبيط لو رفضت رزقه ده بصوا يابنات انا ربنا مرزقنيش غير بنور ومراتي اتوفت من سنين وملناش حد اهلي واهل مراتي كلهم فالبلد وكل واحد ملهي في حياته وتقريبا الدنيا خدتنا لحد ما بقاش حد بيسأل عالتاني يعني انا ونور ملناش حد وانتو كمان ملكوش حد يعني من النهرده انتو عيلتنا واحنا عيلتكم ومن انهرده انتو ولادي زي نور ونور اختكم عالاقل لو جرالي حاجه نور تلاقي حد واقف جمبها وابقى مطمن اني سايبها مع حد
عشق.بدموع بعد الشر على حضرتك ربنا يديك طولة العمر ويخليك ليها
حاج محمد انتو هتفضلو هنا معانا وهتكملو دراستكم وتشتغلو وتعملو اللي نفسكم فيه وهسلمكم بأيدي لللعرسان وربنا يقدرني واقدر اسعدكم واحققلكم جزء من اللي اتحرمتو منه اتفقنا يابنات
عشق..بابتسامه وجع اتفقنا بس بشرط
حاج محمد اشرطي زي ماانتي عايزه يا ست البنات
قامت عشق وقف وراحت على اوضت نور دقايق وخرجت
عشق..اتفضل.
حاج محمد ايه ده يابنتي.
عشق... دول الفلوس اللي خدناهم من الدار دول 6الاف بتوعنا احنا التلاته هما ناقصين فلوس التاكسي اللي ركبناه بس.
حاج محمد انتي بتشتميني يابنتي.
عشق.. اعدت جمبه العفو متقولش كده بس كمان احنا مش هينفع نأعد ونبقي حمل عليك اهو حاجه تساعد حضرتك لحد ما نلاقي شغل والفلوس اللي هتيجي من الشغل هنساهم مع حضرتك في البيت انتو كنتو اتنين فالبيت الوقت احنا خمسه وده حمل على حضرتك
تمارا..عشق عندها حق ودي حاجه بسيطه صدقنا احنا مش محتاجين الفلوس وادام حضرتك هتعتبرنا زي نور يبقي لازم تاخدهم
حاج محمد.عيب يابنتي متقوليش كده خير ربنا كتير شيلي فلوسكم يابنتي وانا ادام هعتبركم زي نور يبقى من اللحظه دي انا المسؤول عنكم وصدقيني ربنا مبيديش حد فوق طاقته وانا ربنا هيعيني عليكم انتو الاربعه وحتى لو ربنا كرمكم بشغل فلوس شغلكم هتشيلوها بطريقتكم عشان تأمنو مستقبلكم وتقدرو تتسندو على قرش ينفعكم.
وعشان اطمنكم انا ربنا بعتلي رزقكم قبل ما تيجو انهرده كنت فاكر انه رزق نور عشان الحجات اللي طلبتها مع انها كانت مستوره بس الوقت عرفت الفلوس اللي جاتلي من الشغل انهرده جات ليه انتو وشكم حلو ورزقكم واسع ورزقكم جالي ووصلني قبل ما اشوفكم عرفتو بقى ان ربنا بيدي كل واحد علي اد طاقته
عشق.. بحب انت ازاي كده بجد على رغم البساطه اللي انتو فيها بس ربنا غانيكم بقلب انا في حياتي مشوفتش زيه هو انا ممكن اطلب من حضرتك حاجه ياحاج محمد.
حاج محمد..طبعا بابنتي بس من غير حاج محمد دي احنا اتفقنا انكم ولادي يبقي انا من انهرده بابا
عشق.. انت احلى بابا فالدنيا
حاج محمد ايوه كده بقي اطلبي.
عشق..بارتباك واحراج هو انا ممكن احضنك
حاج محمد بدموع طبعا يابنتي وخدها في حضنه وقربت منه تمارا وزهره ونور
نور...انهرده احلى حاجه حصلت في حياتي انا مبسوطه اوي
خلص يومهم دخلوا عشان يناموا فضلو يتكلمو شويه واخيرا نامو ولاول مره.. ينامو براحه من سنين من غير وجع وحزن وتعب من غير تفكير من غير قهر اخيرا حسو بدفا وحب وعيله بجد.
في صباح يوم جديد
وعلى صوت العصافير ودوشه الشارع وصوت البياعين وريحه عربيه الفول وريحه الخان الجميله
سمعو خبط عالباب.
حاج محمد يلا ياولاد الفطار جاهز.
صحيو البنات ولبسو اسدالاتهم وخرجو الاربعه
نور.. ايه الفطار الحلو ده
تمارا...تعبت نفسك ليه كنت صحينا احنا نحضره
حاج محمد انتو شكلكم كان تعبان سبتكم تنامو براحتكم ونزلت صليت الجمعه وجبتلكم احلى فطار تعالو دوقو الفول ده من احلى عربيه فول في خان الخليلي كلها
نور..طبعا انتو هتدوقو احلى فول من عربيه عم زغلول بكره تدمنوها انا بستني يوم الجمعه مخصوص عشان افطر من ايد بابا
حاج محمد..يلا اغسلو وشكم على ما اجهزلكم احلى شاي بلبن
عشق.. لا خلي حضرتك انا هعمل الشاي
نور بمرح..استني متقطعيش برزقك ده حج محمد عليه احلى كوبايه شاي بلبن
عشق...طيب اجي اساعدك
حاج محمد لا ياستي انا هعمله بنفسي يلا بس اغسلو وشكم عشان الفول ميبردش.
البنات حاضر
...........
اما عند ليل كان الوضع مختلف فا بعد سهره امبارح وبعد شرب كتير كان نايم زي القتيل
دخلت عليه والدته.
سهام..ليل ليل يلا ياحبيبي اصحي الساعه 1يلا قوم كل ده نوم وراحت تفتح الستاير دخل الضوء على عيون ليل ضايقته حط المخده على وشه
ليل ..ماما سبيني انام انا نايم متأخر
سهام مانت نايم متأخر عشان السهر لوش الفجر انا مش عارفه ليه بتعمل كده عاجبك منظرك ده ياليل كل ليله سهر
ليل قام وهو مضايق انا صحيت يا امي خلاص
سهام...هتفضل كده لحد امته ياليل
ليل..انا زي الفل يا امي في ايه بس
سهام.. زي الفل فين بس كل ليله سهر وشرب وترجع بالمنظر ده
ليل...عيزاني اعمل ايه يا امي
سهام.. عيزاك مرتاح ياليل عيزاك تبطل سهر وشرب عيزاك تفوق لنفسك عيزاك تشوف حياتك وتعيشها صح
ليل.ياامي انا زي الفل والله انتي بس بطلي قلق عليا
سهام ..طول مانا عايشه هفضل قلقانه عليك انت ابني حبيبي واول فرحتي نفسي اشوفك مرتاح ياليل نفسي اشوفك متجوز وعندك اولاد عايزه اشوفك مبسوط واطمن عليك قبل ما اموت
ليل.. وهو بيبوس ايدها بعد الشر عليكي يا امي متقوليش كده حاضر يا امي هفرحك واعملك اللي انتي عيزاه
سهام..امته بس ياليل
ليل..سبيها بظروفها يا امي بس اوعدك اني هفرحك قريب
سهام.. يارب ربنا يطمني عليك انت واخواتك.
ليل.. هما فين صحيح
سهام.. دخلت صحتهم ونزلو عشان نفطر يلا قوم عشان نفطر سوا انا مبصدق تيجي الاجازه مبقتش اتلم عليكم غير يوم الجمعه واعمل حسابك انت والجزم اللي تحت دول محدش فيكم هيتنقل انهرده من البيت هتفضلو معايا
ليل..حاضر ياست الكل انتي تؤمري اعدين معاكي بس يارب متزهقيش
سهام..لا مش هزهق
ليل.. ربنا يخليكي لينا يارب
سهام. يلا قوم خد شاور ودقيقتين بالظبط تكون تحت
ليل.. حاضر ياحبيبتي هنزل وراكي على طول
سهام...ماشي ياحبيبي
خرجت سهام واعد ليل على طرف السرير وسرح في الماضي
دار الايتام
البارت الرابع
فلاش باك.
ليل.بصوت نايم الو
ريما بدموع ايوه ياليل
ليل اول ما سمع صوتها اتنفض من على السرير
ريما حبيبتي انتي بتعيطي
ريما.عايزه اشوفك ياليل بسرعه.
ليل..حالا هكون عندك انتي فين.
ريما....انا في الكافيه اللي بنروحه دايما
ليل..ساعه بالكتير واكون عندك
قفل. ليل معاها التليفون وقلبه هيقف من القلق على حب عمره لبس بسرعه ونزل جري ركب عربيته وساق بأقصي سرعه وصل الكافيه في وقت قياسي دخل بسرعه واول ما دخل اتفاجأ بريما واقفه في وسط الكافيه وحواليها كل صحابه وصحابها بيصفرو ويصقفوا
جريت عليه ريما حضنته حبيبي happy birth day
ليل حرام عليكي وقعتي قلبي يامجنونه.
ريما..بحبك ياقلب المجنونه
شالها ليل وهي جوه حضنه وسط صياح صحابهم.
ليل بحبك يا احلي ريما في حياتي
ريما وانا بحبك ياروح ريما
باااك.
فضل ليل يمرر ايده على وشه بسرعه بغضب.
قام دخل خد شاور بارد عشان يطفي النار اللي جواه.
اما في الاسفل.
ادم لسهام امال فين ليل ياماما.
سهام..صحيته وجاي ورايا اهو
نوح..والله يعني احنا تفضلي واقفه على راسنا وعند ليل باشا تنزلي وتسبيه براحته.
سهام.بس ياولد وطي صوتك المزعج ده شويه وبعدين انتو مش ناويين تخفو سهر شويه بجد انا تعبت منكم
نوح ليل ابنك هو اللي بيحرضنا وبعدين ما حضرتك اللي كنتي دايما تقوليلنا خدو ليل واسهرو اقنعوه يخرج من اللي هو فيه الوقت مضايقه
سهام...ايوه كنت بقولكم كده لما كان ليل نفسيا تعبان بس الوقت السهر زاد عن حده وبقي تقريبا يوميا ده غير الشرب ليل مكنش بيشرب حتى السيجاره مكنش بيسيب فرض الوقت السيجاره والكاس مبيفارقوش ايده. والصلاه قطعها واتحول من شخص لشخص بزمتكم ده ليل اللي كنا نعرفه لما طلبت منكم تحاولو تخرجوه من اللي كان فيه كنت عيزاه يرجع زي الاول ليل كان بيحب الحياه بيحب يضحك ويهزر اتغير بقي قاسي رغم ان مفيش احن منه دايما سرحان وفي دنيا تانيه نظرته بقت تخوف ليل اتغير للاسوء انا نفسي يرجع زي الاول.
ادم...ليل زي ماهو ياماما بس اللي حصله وجعه وللاسف مش هيرجع زي الاول إلا لو حب واتجوز ولقى حد يغيره
سهام..انا نفسي اشوفه مبسوط ويلاقي شريكة حياته ويحب ويتجوز ويجيب اولاد
نوح..هيرجع يا ماما تاني وهيرجع احسن من الاول بس هو لسه الموضوع مأثر فيه انتي عارفه هو كان بيحبها اد ايه الكل كان عارف حكايه ليل وريما واللي حصل صعب
سهام..ربنا يسامحها عاللي عملته في ابني ويطمني عليه
ادم..يارب
نوح..هو ليل باشا ناوي يتأخر انا جوعت.
ليل. من بعيد وادي ليل وصل ياسيدي صباح الخير.
الجميع صباح الفل وابتدوا يفطروا
بعد مرور عده ساعات
كان جاسر اعد في اوضته اتصل على هايدي
هايدي. ايوه ياجاسر
جاسر..ايه ياقلبي فينك مش ظاهره ليه.
هايدي.بلا مبالاه موجوده بس مشغوله شويه.
جاسر..مشغوله بايه غيري
هايدي..ابدا كنت بتفرج علي كوليكشن لبس جديد نزل بس في حجات غاليه اوي.
جاسر..وجبتي حاجه
هايدي.لا بقولك الاسعار اوڤر اوي وكمان الشحن بتاعهم من لندن كتير والكرديت بتاعتي قربت تخلص مش هتقضي الاوردر
جاسر...ولا يهمك ياقلبي اطلبي اللي انتي عيزاه وانا هبعتلك رقم الڤيزا بتاعتي اسحبي منها اللي انتي عيزاه.
هايدي..بفرحه بجد انت احلى جاسر فالدنيا
جاسر...بقي هو ده اللي كان مزعلك مش انا قولتلك اي وقت تحتاجي حاجه تقوليلي
هايدي...ما انت كنت لسه جايبلي حجات كتير من اسبوعين مرضتش اقولك.
جاسر..انتي عبيطه انتي لو عايزه كل يوم تقوليلي ملكيش دعوه بالفلوس خالص انتي كلها كام شهر وهتبقي مراتي فاهمه.
هايدي.حاضر ياروحي يلا بقي اقفل عشان احجز الحاجه اللي كانت عجباني
جاسر.ماشي ياقلبي طيب هشوفك انهرده
هايدي..مش عارفه احتمال اخرج مع اصحابي
جاسر..بضيق هو مفيش غير اصحابك ياهايدي انتي مش عارفه ان انهرده اجازتي وبعدين انا مبقتش عارف اتلم عليكي ويوم مابشوفك بتبقي بالكتير نص ساعه وتسبيني وتروحي لاصحابك
هايدي.يوه بقى ياجاسر انت عارف اني انا واصحابي ديما بنتجمع.
جاسر...طيب وانا مليش مكان في حساباتك ياهايدي.
هايدي.. ياحبيبي ليه بتقول كده بس عموما هعوضهالك يلا بقى متبقاش رخم فك.
جاسر..ماشي ياهايدي مفيش حاجه
هايدي.. يلا بسرعه ابعت رقم الڤيزا
جاسر..حاضر باي
قفل جاسر بعتلها رقم الڤيزا كان مضايق منها.
رن..تليفونه
جاسر..ايوه ياليل
ليل.. فينك طبعا مع ست الحسن والجمال.
جاسر...لا فالبيت
ليل.. مش قولت هتخرج معاها
جاسر..لاهي خارجه مع اصحابها
ليل..طب ايه مش جاي
جاسر...مش عارف مليش مزاج اعمل اي حاجه
ليل ..لا قوم يلا ناعد مع بعض شويه
جاسر... ماشي هظبط نفسي وأجيلكم
ليل...تمام هستناك
جاسر يلا سلام
ليل. سلام
ادم...ايه جاي
ليل...اه جاي بس شكله مش مظبوط
ادم..ليه متخانق مع هايدي ولا ايه
ليل.. شكله كده انا حذرته كتير بس هو مبيسمعش الكلام.
ادم...انت ليه بتكرهها ياليل
ليل..انا لا بكرهها ولا بحبها بس هي مش هتنفع جاسر هو بيحبها وهي كل اللي عيزاه فلوس وهو مش مصدق
نوح .هي محتاجه فلوس ماابوها عنده فلوس اد كده
ليل..ميضرش الاشكال دي معروفه مبتشبعش
ادم..ليل عنده حق بصراحه انا مش برتحلها الاول كنت بقول بتحب جاسر وبتدلع عليه بس هي كل همها الفلوس وبس وطول ماهي معاها فلوس مبتسألش فيه اهم حاجه اصحابها والخروج والفلوس .
ليل...عموما هو حر انا نصحته كتير انا بس قلقان عليه مش اكتر هقوم اشوف مهره لحد مايجي
نوح..قوم يا اخويا لمراتك
ليل..بلاش مهره عشان متلعبش في عداد عمرك
نوح. عايز تموت اخوك عشان حتت فرسه.
ليل...اه خاف على نفسك بقى عشان مهره خط احمر
ادم...دي مهره دي حبيبتنا
نوح...خواف
ادم... طبعا
سابهم ليل وراح الاسطبل
اول ما مهره لمحت ليل فضلت تعمل صوت يدل على فرحتها و تجري
دخل ليل جوه الاسطبل وابتسم على فرحتها
ليل...بس يامهره براحه قرب منها وفضل يطبطب على راسها وهي تتمسح فيه وتلف حواليه وترجع تحط راسها عليه
ليل..مش قولتلك متجريش كتير عايزه البيبي يجراله حاجه ينفع كده انتي عارفه انك بتوحشيني بشوفك كل يوم بس ديما وحشاني
ليل..مبحسش براحه غير لما بكون معاكي يامهره عارفه ان انتي الوحيده اللي تعرفي كل حاجه عني
انا تعبان اوي يامهره مش عارف ارتاح ولا عارف اشيل الوجع اللي جوايا انتي عارفه اني رميت كل حاجه بتفكرني بيها حرقت الصور محيت اي حاجه شاركتني فيها حتى لو كان مجرد مكان بنروحه مع بعض انتي عارفه انها كانت بتغير منك يمكن عشان كانت عارفه اني بحبك اوي كنت بضايق منك لما بتخوفيها بصوتك كنت بخاف تأذيها مكنتش عارف انك عارفه وحاسه باللي انا مش حاسس بيه وقتها انا قسيت عليكي بس اناعارف انك مسمحاني
فلاش باك
ليل...تعالي ياخوافه قربي منها هتفضلي واقفه ورا السور كده.
ريما..لاخليني كده احسن انت مش شايف بتبصلي ازاي دي ناقص تنط تموتني.
ليل..متقدرش وبعدين انتي بعيده تعالي قربي منها وهتبقو اصحاب
ريما..لا ياعم الله الغني انا مش مستغنيه عن روحي
ليل... والله مهره دي طيبه ولو قربتي منها هتحبيها زي مابحبها وبعدين مهره دي اغلي حاجه في حياتي وعايزك انتي وهي تبقو اصحاب
ريما..والله اغلى حاجه في حياتك امال انا ايه بقى ان شاء الله
ليل..انتي مفيش حاجه اغلى منك ومينفعش تقارني نفسك بيها بس مهره دي غاليه عندي مهره هديه من بابا ولما جاتلي كانت صغنونه جدا و يادوب لسه بتمشي ومن يومها وانا وهي صحاب انا ربيت خيل كتير بس مهره غير علاقتي بيها مش مجرد علاقه واحد بيربي حيوان انا بعتبر انها صاحبتي اختي امي
ريما.. والله مقولتش بنتك يعني
ليل..بضحك ولا تزعلي ياستي بنتي وبعدين تعالي هنا انتي غيرانه ولا ايه
ريما...انا لا طبعا هغير من مهره
ليل...لا والله انتي شايفه كده
ريما..بصراحه بقى اه انا مش بحبها
ليل.. ليه كده بس هي بتحبك على فكره.
ريما..بتحبني ايه دي بتغيظني عشان هي معاك جوه وانا لا
ليل..بضحك حرام عليكي دي هتموت و تدخلي يلا تعالي بقي قرب ليل منها فتح الباب ومسكها من ايدها مسكتك
ريما.. لا ياليل والنبي سيبني انا خايفه
ليل..خايفه وانا معاكي
ريما...لا بس
ليل.. مفيش بس يلا تعالي وانا هعلمك تركبي خيل
خدها ليل جوه وفضلت مهره ترفع رجلها اللي ادام وهي بتعمل صوت وريما ماسكه في ضهر ليل من الخوف
ليل..مهره اهدي مسك ايد ريما حطها على راس مهره تلمسها
وبعد مده.. شفتي بقى اهي هديت اهي...يلا تعالي اركبي...
ريما..لا انا خايفه اقع..
ليل.. متخافيش...انا مش هسبها همسكها...
ريما.. طيب هاتلي كرسي انا مش هطولها...
شالها ليل....حطها عالحصان....ومسك اللجام...وفضل يمشي بيها براحه جوه الاسطبل
ليل..اهو ياستي شوفتي بقى انها جميله
ريما...يعني
ليل.. انا هسيب اللجام وامشي جمبك براحه ماشي
ريما..انا خايفه تجري
ليل..لا مش هتجري متخافيش ساب اللجام وفضل ماشي براحه جمبها
وفجأه..فضلت مهره تجري بسرعه جوه الاسطبل بطريقه ترعب وتعمل صوت وترفع رجلها وريما من فوق بتصرخ وماسكه فالسرج جامد عشان متقعش
ليل بيجري بخوف مش قادر يسيطر عليها ولا عارف حصلها ايه بعد ما كانت هديت وفجأه مهره وقفت بعد الجري ورفعت رجلها جامد ووقعت من عليها ريما على دراعها جري عليها ليل وشالها بسرعه وداها المستشفي وعرف انه كسر وبعد ما خرجت وروحها رجع وهو كله غضب دخل عالاسطبل ومسك الكرباج وفضل يضرب فيها وسط تألم مهره وبعد ما ضربها وخرج كل شحنة الغضب فيها خرج من الاسطبل
فضلت مهره بعدها حوالي 3ايام نايمه فالاسطبل رافضه تاكل وتشرب وحزينه وكل اللي يدخلها مترضاش تقوم واخيرا فاليوم الرابع دخلها ليل حاول يأكلها كانت رافضه ومستسلمه للنوم ولما كشف عليها الدكتور قال انها مصابه باكتئاب حاد
باااك.
ليل. اسف يا احلى مهره اسف اني مفهمتش غير متأخر
فاللحظه دي رن تليفون ليل
ليل.ايوه يانوح
نوح...الواد جاسر جه
ليل.. طيب اقفل انا جاي
في مكان تاني.
نور...بس اخيرا ظبطنا الاوضه
عشڨ..اسفين يانور جينا لغبطنالك الدنيا
نور.. بس ياعبيطه متقوليش كده انتو خلاص اعدين معانا على طول يعني لازم ترصو هدومكم مينفعش تفضل كده فالشنط
تمارا.. انا هخرج اعمل لبابا شاي حرام احنا سايبينه بقالنا كتير
عشق...ايوه صح
نور..طب احنا خلصنا تعالو ناعد معاه شويه قبل ما ينام عشان شغله
عشق..يلا
خرجو البنات اعدو مع الحاج محمد وعملتلهم تمارا شاي
حاج محمد...تسلم ايدك ياتمارا الشاي مظبوط
تمارا.. بالف هنا
حاج محمد ناويين على ايه يابنات
عشق..انا بقول ننزل بكره بأمر الله ندور على شغل.
حاج محمد..مش بدري موضوع الشغل ده يابنات انا بقول تركزو في دراستكم احسن
زهره...مش هينفع يابابا لازم نشوف شغل جمب دراستنا عالاقل يبقي في فلوس بتدخل عشان محدش عارف ممكن يحصل ايه
تمارا..زهره عندها حق وبعدين احنا مش ورانا اي حاجه عالاقل نتسلى ونحاول نحط رجلنا على حاجه قبل الدراسه.
حاج محمد ايوه يابنات بس انتو لسه بتدرسو واي مكان هتقدمو فيه هيبقى طالب شهاده وخبره
تمارا...طيب والخبره هتيجي منين غير لو اشتغلنا وبعدين اكيد مش هنشتغل في شركه ولا بنك يعني احنا نشوف اي محل طالب بنات نبيع او مندوبين اي حاجه يعني
نور... بقولكم ايه في محل هنا قريب من البيت طالب بنت تشتغل
حاج محمد محل ايه ده ياسوسه
نور..محل الهدوم اللي عنده اللبس الهاند ميد بتاع حاج صابر اللي ماسكه ابنه
عشق.. طيب كويس ياريت اي واحده فينا تشتغل فيه ونبقي خلصنا بسرعه.
حاج محمد طيب تمام انا ممكن اكلمه المهم يابنات في حاجه عايز اقولكم عليها بس متفهمونيش غلط
عشق... طبعا اتفضل يابابا
حاج محمد اي حد هيشوفكم الفتره الجايه حتي لو مين هقولهم ان انتو قرايبينا وجايين تدرسو هنا وهتأعدو معانا مش عايز اي حد يعرف حكايتكم مش عشان حاجه لا سمح الله بس مش عايز حد يضايقكم او يحس انكم ملكمش حد الناس مبترحمش يابنات ومش كل الناس زي بعض واللي بيحس بس ان اللي ادامه ملهوش ضهر بينهش فيه لكن طول ما ليكم ضهر الناس هتخاف تقربلكم وهتعملكم حساب
زهره..عندك حق يابابا
تمارا..تمام
حاج محمد مش عايزكم تفهموني غلط انا والله خايف عليكم
عشق..حضرتك عندك حق وعارفين انك خايف علينا واكيد مش زعلانين بالعكس انا فعلا بفكر فالموضوع ده خصوصا ان احنا هنبتدي ننزل ونتحرك والناس هتشوفنا كتير
حاج محمد..طيب الحمد لله انكم فهمتوني انا بكره بأمر الله هكلم الحاج صابر او ابنه وان شاء الله الشغل يكون من حظ حد فيكم.
تمارا.. يارب بس هو عموما لو نفع ياريت تبقي زهره.
زهره..نعم اشمعني انا
تمارا..عشان زي ما نور قالت الشغل في محل قريب من البيت يعني عالناصيه خطوتين تكوني فالبيت واللي رايح جاي مننا هيبقى شايفك خصوصا انها يابابا خيبه ودايما عايزه حد معاها انا نفسي تبقى جريئه شويه فا دي فرصه انها تبتدي تتعامل وتنزل وفنفس الوقت مش هتبعد
عشق..عندها حق يازهره.
حاج محمد..خلاص بكره باذن الله انا هتكلم معاه ولو تمام هخليكي تنزليلي عشان يشوفك ويفهمك الشغل
زهره.طيب تمام
نور...وطبعا لو عشق وتمارا اشتغلو في مكان ابعد متقلقيش انا دايما طالعه نازله اشتري حجات هعدي عليكي كل شويه
زهره..ماشي ربنا يستر
تمارا..مش بقولكم خوافه
فضلو يضحكو ويهزرو
حاج محمد..اقوم بقى انا يابنات استأذنكم هنام عشان عندي مشوار الصبح للشهر العقاري وبعد كده هروح عالشركه
عشق..صحيح حضرتك بتشتغل فين
الحاج محمد انا ياستي بشتغل في شركه السيوفي للحديد والصلب شغال فيها من اكتر من 30سنه كنت لسه شاب مع عزام السيوفي ولحد الوقت شغال فيها يعني بقالي عمر بس الوقت شغال مع ابنه لان عزام باشا اتوفي والوقت اللي ماسك الشركه ليل ابنه بس ميفرقش عن والده وتقدري كده تقولي انه في مقام ابني ليل اتولد على ايدي
تمارا.. اوباا بتشتغل في شركه السيوفي مره واحده
نور.. انتي تعرفيها
تمارا..اه سمعت عنها كتير وكنت بشوف اعلاناتها دايما فالتلفزيون السيوفي للحديد والصلب
انت طلعت جامد يابابا
حاج محمد بضحك اي خدمه
عشق..انا كمان شوفت اعلاناتها بس مش متابعه اوي يعني بس ابنه اسمه غريب اوي اول مره اسمع عن راجل اسمه ليل.
الحاج محمد..اهو اسمه ده بقى ليه حكايه ابقى احكيهالكم بعدين يلا تصبحو على خير هتسهروني
البنات..بابتسامه وانت من اهله يابابا.
عدت ايام....والحال كان مفيهوش جديد..غير ان زهره اشتغلت فالمحل بتاع الهدوم وبعدها فضلت عشق وتمارا طول الوقت برا البيت بيدورو على شغل ويرجعو مقتوليين من كتر التدوير والتعب وينامو ويقومو يخرجو من بدري يدوروا واخيرا عشق لقت شغل في عياده دكتور بيطري عرفته انها بتدرس طب بيطري ووافق انها تشتغل معاه بس المشكله انه كان ابعد من البيت بتاع حاج محمد بس وافقت لان الشغل كان عاجبها واعتبرته انه زي تدريب ليها وكملت تمارا تدوير ولف لوحدها
وتعبت من كتر التدوير وكل مره محاولتها في انها تلاقي شغل تفشل
وقفت تمارا سندت على السور بتاع كرنيش النيل تشم هوا وترتاح شويه طلعت تليفونها اللي اشترته وكلمت عشق.
عشق...ايه ياقلبي فرحيني وقولي انك لقيتي شغل
تمار..لاخالص ياعشق انا تعبت وفقدت الامل مش لاقيه واتهديت من كتر اللف حاسه اني دايخه ورجلي مش شيلاني من كتر اللف
عشق..معلش ياتمارا ان شاء الله ربنا هيفرحك وهتلاقي شغل معلش هتتعبي شويه لحد ماتلاقي حاجه مناسبه المهم متفقديش الامل
تمارا..ادعيلي
عشق... بدعيلك والله متقلقيش هتلاقي شغل قريب وبعدين احنا كنا فين وبقينا فين زهره الحمد لله اشتغلت وبقت احسن كتير عن الاول وابتدت تفك وتتجرأ وانا بقالي اسبوع في شغلي وان شاء الله انتي هتحصلينا
تمارا..يارب ياعشق انتي هتخلصي امته.
عشق..الساعه لسه 6ونص انا بمشي 8وهاجي على طول عشان متأخرش انتي هتعملي ايه
تمارا..لا انا هروح انا من 9 الصبح بلف على رجلي مش قادره خلاص
عشق.. خلاص يلا روحي وانا شويه وهاجي وراكي ابقي عدي عالبت زهره شوفيها
تمارا..ماشي ياروحي خلي بالك من نفسك يلا سلام
عشق..سلام ياحبيبتي
قفلت تمارا وبصت عالنيل قبل ما تمشي وقررت تروح جالها تليفون من نور
تمارا..ايوه يانونه
نور..انتي فين يابت انتي كل ده سايبيني لوحدي
تمارا. اعمل ايه طيب بشوف شغل
نور..ولقيتي ياختي
تمارا..زي مانا على حطت ايدك ولا لقيت ولا شكلي هلاقي
نور...ولا تزعلي نفسك هتلاقي ان شاء الله متقلقيش المهم يلا تعالي بقى انتي نازله من بدري ده انا محضرالكم انهرده عشوه انما ايه عملتلكم شاورما وبطاطس وسلطات ولا ابو مازن السوري في زمانه
تمارا..الله الله جوعتيني والله انا حاسه بهبوط بس المهم ايه الرضا ده.
نور...انتي ناسيه ان انهرده الخميس يعني سهره بكره بابا اجازه وكمان عشق زهره ياعيني اللي شغاله بس بكره يعتبر عندها نص يوم
تمارا. اه قولتيلي طيب حيث كده بقى انا جايه حالا اهو وبتعدي الشارع وهي بتتكلم مع نور وبتهزر وفجأه صوت فرامل عربيه عمل صدى صوت عالي في الشارع وخبط تمارا وقعت عالارض بعد صرخه طلعت منها ومن نور اللي سمعت فرامل العربيه وصوت تمارا.
وقعت تمارا..فاقده الوعي وقفت العربيه واتفتح الباب فجأه
دار الايتام
البارت الخامس..
نزلت هايدي من عربيتها بفزع جريت على تمارا بعد ما الناس اتلمت
احد الماره بغضب مش تخلي بالك
هايدي..والله هي اللي طلعت ادامي مره واحده
احد من الماره اسعاف بسرعه
هايدي..هاتها العربيه انا هوديها المستشفي
ساعدوها الناس وركبوها بسرعه وادو لهايدي شنطت وتليفون تمارا
ركبت عربيتها وساقت بسرعه على المستشفي.
واتصلت بجاسركان لسه فالشركه اعد مع ليل ونوح وادم وعم محمد
حاج محمد اتفضل بقي ياليل يا ابني الورق ده معايا من الصبح
ليل عملت ايه صحيح انهرده طول اليوم مشغول وكان في كذا اجتماع مفضتش خالص
حاج محمد.كله تمام سجلت الورق خلاص في اي حاجه تانيه عايزها مني
ليل... تسلملي يا راجل ياطيب انا بس كنت عايزك بكره تروح لعمي الشركه في ورق مهم عايزك تجيبه منه
حاج محمد عيني حاضر اجيبه الصبح قبل ما اجي ولا عايزه امته
ليل. لا انا محتاجه الصبح ضروري عشان نوح هيخلص بكره صفقه واحتمال يسافر
حاج محمد ماشي يا ابني
فاللحظه دي رن تليفون جاسر وعم محمد مع بعض
ابتسمو لبعض
نوح بضحك ايه السنترال اللي احنا اعدين فيه ده
حاج محمد هستأذنكم ارد على اخره صبري
جاسر وانا هرد على هايدي
حاج محمد ايوه يانور
جاسر ايوه ياهايدي
حاج محمد ايه بتقولي ايه
جاسر ايه انتي كويسه طيب
ليل وادم ونوح بيبصو لبعض باستغراب
جاسر طيب انتي فين انا جايلك حالا
حاج محمد طيب اقفلي يانور اقفلي وانا هاجي
نوح.بتهريج هو غريبه ان يجي تليفون في نفس الوقت ماشي صدفه بس يجي فالاتصال مصيبه دي استحاله تكون صدفه
ليل.بصله بغضب
نوح.سكت يابوص
ليل في حاجه ولا ايه
جاسر انا لازم امشي الوقت هايدي عملت حادثه
ليل.هي كويسه
جاسر...اه كويسه بس خبطت حد انا مش فاهم منها هروحلها بسرعه
ليل..هبقي اكلمك
جاسر..ماشي يلا سلام
حاج..محمد معلش يا ليل يا ابني انا كمان لازم امشي
ليل في ايه يا حاج محمد
حاج محمد والله ما انا عارف بس نور بتقول ان تمارا كانت بتكلمها وفجأه صوتت وسمعت صوت فرامل ربنا يستر ومتكنش عملت حادثه
ليل..تمارا مين
حاج محمد بتوتر ملحوظ جدا
دي دي واحده قريبتنا يعني موضوع طويل
ليل طيب مش محتاج حاجه
حاج محمد لا شكرا يا ابني بعد اذنكم
خرج بسرعه من المكتب
اما نوح فا فضل مركز عالباب ورجع بصلهم هو في ايه
ادم..انا لا عارف ولا فاهم
نوح..هو انا ليه حاسس بحاجه غريبه يعني يجيلهم تليفون مع بعض وفجأه اللاتنين يجلهم خبر مش حلو وجاسر بيقول هايدي عملت حادثه وعم محمد يقول قريبته عملت حادثه وبعدين غريب رد فعل حاج محمد اوي هو ليه ارتبك واتلغبط كده ومين تمارا قريبته دي احنا طول عمرنا عارفين ان حاج محمد ملوش حد غير بنته وتقريبا محدش بيجيله
ادم.انا كمان مستغرب ولا ايه ياليل
ليل بشرود مش عارف هي الصدفه مش حاجه غريبه اوي بالنسبالي عادي بتحصل يعني ممكن فعلا تكون صدفه بس اللي لفت نظري فعلا ان حاج محمد ليه قرايب وبيجوله وقلقان عليهم كده انا اعرف حاج محمد من يوم ما اتولدت واول مره من 32سنه اعرف انه ليه قرايب انا عارف انهم فالبلد بتاعتهم بس تقريبا منقطعين عن بعض نهائي اول مره اعرف ان ليه حد وبيجي وبيزورهم وارتباكه لوحده من سؤالي ليه خلاني مستغرب اكتر.
ادم..فعلا عندك حق رد فعله غريب
نوح..يعني انا صح عم محمد طلع جاسوس وجاسر شكله معاه.
ليل. يا ابني تفكيرك علي طول تفكير عصابات كده انا ولا شاغلني الصدفه دي عشان هي اكيد صدفه بس انا بتكلم علي نقطه قرايبه وارتباكه حاسس ان في حاجه غير كده او في مشكله عند بنته فهمتني ياللي تموت فالمصايب
ادم...وهو بيشاور لليل طب قابل بقي ياعم اهو حاج محمد نسي شنطته بتاعت الشغل والورق اللي كان هيوديه لعمك
ليل.الله كملت وبص لنوح
نوح...ايه بتبصلي كده ليه اوعي تقولي خد الورق وديه الصبح لعمك
ليل..لا والله مش هقولك كده
نوح..امال
ليل...انت زي الشاطر كده هتروح الوقت لحاج محمد تديله شنطته وتديله الورق
نوح..نعمم اشمعني انا
ليل...ماهو ياحضرتك تروح الوقت يا تروح زي الشاطر الصبح بدري تديه لعمك.
نوح..طب ادم يروح.
ليل...ادم وجاسر من الصبح وهما معايا في اجتماعات وشغل بره حضرتك انهرده باشا.
نوح..حرام عليك يا ليل عايزني اروح الخان وسط الزحمه بام العربيه اللي مبصوصلي فيها دي
ليل..بضحك ليه ماهي ماشيه تمام.
نوح..اهي عنيكم دي اللي هتجبني ورا...
ليل...طب يلا اتكل انت روح علي طول عشان الوقت ميتأخرش عن كده
نوح...استني صحيح اروح فين هو مش قال لبنته انه رايحلها عشان يروح لقريبته يعني هو اكيد مش فالبيت
ليل... لا هتلاقيه فالبيت اكيد انا اصلا مش مقتنع بحوار قريبته ده اكيد في حاجه غلط يمكن بنته عندها مشكله يمكن اي حاجه بس حوار انه ليه واحده قريبته ده لا
نوح...طيب يا سيدي هات ام الشنطه والورق ده يارب نخلص
ليل... انجز عشان لسانك ده متزعلش عليه
نوح...لا وعلي ايه يلا سلام
ادم..وليل سلام
وصلت هايدي اخيرا المستشفي. ساعدوها بسرعه الممرضين ودخلوها الطوارئ عشان يتم الكشف عليها
فضلت هايدي واقفه بره
مر وقت بسيط وكل ده تمارا مخرجتش وصل جاسر لهايدي
جاسر..هايدي
هايدي.جريت عليه الحقني ياجاسر
جاسر..متخافيش انتي كويسه
هايدي.ايوه انا كويسه بس البنت اللي خبطتها خايفه يكون جرالها حاجه دي مش بتفوق
جاسر..هو اي اللي حصل
هايدي..انا سايقه فجأه لقتها طلعت ادامي وملحقتش افاديها بس خبطت فيها هي مش خبطه جامده والله انا متأكده بس هي مغم عليها من ساعتها
جاسر طيب اهدي ياحبيبي ان شاء الله الوقت الدكتور يطمنا
اما عند حاج محمد وصل البيت
حاج محمد نور يانور
نور ايوه يابابا
حاج محمد ايه يابنتي مجتش
نور بدموع لا يابابا وبحاول اكلمها موبايلها مقفول
حاج محمد خبط ايده في بعض طيب هي لما كلمتك مقالتلكيش هي فين
فاللحظه دي كانت طلعت زهره
زهره السلام عليكم في ايه واقفين كده ليه عالباب مالك يانور بتعيطي ليه في حاجه حصلت
نور..تمارا يازهره
زهره بخوف.مالها تمارا
نور...حكتلها اللي حصل
زهره..ايه انتي بتقولي ايه
حاج محمد يابنتي اهدي ان شاء الله محصلش حاجه اتفائلو خير
زهره دي تليفونها مقفول
نور...انا جربت كتير وللاسف مقفول
زهره..الكلام ده حصل من امته
نور..من ساعه تقريبا
حاج محمد طيب قالتلك كانت فين يابنتي عشان اروح ادور عليها فالمكان او اسأل اي حد
نور... مقالتش يابابا بس واضح انها مكنتش بعيد اوي
حاج محمد طيب انا رايح ادور عليها
زهره..انا جايه معاك.
حاج محمد لا خليكي هنا مع نور يمكن ترجع وعشان عشق كمان
زهره... لاانا جايه يعني جايه مش هقدر اعد وانا قلقانه عليها
نور انا كمان هاجي معاكم
حاج محمد لا طبعا انتي هتفضلي هنا عشان لو حد رجع يلا يازهره يابنتي
نزلت زهره وحاج محمد. وكلمت زهره عشق وهي منهاره تقولها
عشق.. بخوف بس حاولت تكون هاديه عشان تطمن زهره متخافيش يازهره ان شاء الله خير انا خرجت من الشغل وهبقي معاكم عالتليفون جيالكم
زهره متتأخريش.
عشق..حاضر يلا سلام انا جيالكم حالا
حاج محمد ليه يابنتي قلقتيها وهي فالشارع كده
زهره..انا خايفه علي تمارا يابابا
حاج محمد والله قلبي بيقولي انها كويسه
زهره يارب
مر وقت وخرج الدكتور من عند تمارا
جاسر وهايدي جريوا عليه
جاسر. خير يادكتور
الدكتور...خير اطمنو الحمد لله الحاله بسيطه
عندها شرخ في ايدها بسيط عملنلها جبيره وتقدر تفكها بعد اسبوعين تكون اتحسنت
جاسر طيب هي فاقت
الدكتور فاقت بس كان عندها ضيق تنفس حطناها علي جهاز الاكسچين وان شاء الله نص ساعه او ساعه بالكتير تقدر تروح
جاسر. يعني مفيش اي حاجه خطر
الدكتور..لا خالص اطمنو
جاسر..طيب نقدر نطمن عليها
الدكتور..ايوه طبعا اتفضلو
خبط جاسر براحه ودخل كانت تمارا نايمه علي السرير ولسه مش فايقه اوي حاسه بصداع وجسمها واجعها من الوقعه وايدها فيها الم وكانو فكنلها الطرحه بعد ما دخلت عشان ضيق التنفس كان شعرها مكشوف كان مفرود علي المخده بطريقه مغريه ورغم ان عيونها باين عليها التعب لكن لونها العسلي كان محتفظ بجاذبيته
دخل جاسر وهايدي تمارا مكانتش واخده بالها وفدنيا تانيه
جاسر..وقف بلم من الجمال اللي ادامه
وقطع شروده وشرود تمارا هايدي
هايدي انتي كويسه
رفعت تمارا عيونها ليهم واول ما لمحت جاسر اتخضت وقامت بلهفه تاخد طرحتها من فوق المخده بسرعه وحطتها بطريقه عشوائيه خلت شكلها احلي واجمل شعرها نازل من جمب الطرحه وهي بتحاول تداريه.
كل ده تحت زهول جاسر
تمارا..انا انا كويسه انتو مين
جاسر.. اسف اننا دخلنا كده بس انا خبطت قبل ما ندخل
تمارا حصل خير انا مكنتش سامعه
هايدي بسماجه ما انتي كويسه اهو وبتتكلمي امال وقعتي قلبي ليه وعطلتيني عالفاضي
تمارا.. بصتلها باستغراب
انتي اللي خبطتيني ولا الاستاذ
هايدي.. انا اللي خبطك بس دي غلطتك انتي اللي ظهرتي ادامي من غير ما تبصي وكنتي بتتكلمي فالموبايل شكلك لسه متعلمه المشي جديد وبعدين لو حياتك مش مهمه عندك يبقي عالاقل متأذيش حد انا بسبب اهمالك كان ممكن اروح في داهيه
جاسر..اضايق من طريقه هايدي هاايدي خلاص
هايدي هو ايه اللي خلاص هي اللي غلطانه مش انا وهي ادامك اهي بسبع ارواح مخدتش منها غير رعب وعطله وبس
جاسر..قولتلك خلاص
تمارا..بجرأه انتي تعرفي طول عمري اسمع عن كلمه بجح عمري ماعرفت معناها غير الوقت انتي فعلا بجحه يعني انتي اللي خبطاني وكسرتي دراعي وكمان زعلانه عشان عطلت سعادتك عن مشوارك.
هايدي انتي قليله الادب
تمارا..انا مش هرد عليكي عشان انا لو رديت ردي مش هيعجبك ومش بعيد اخليهم يجبولك سرير جمبي هنا من اللي هعمله فيكي
كل ده بيحصل تحت نظرات جاسر اللي واقف ساكت ومتابع ومعجب بطريقه تمارا رغم مظهرها اللي باين عليه البساطه إلا انها جريئه
هايدي..انتي اتجننتي مش عارفه بتكلمي مين
تمارا..لا مش عارفه ومحبش اني اعرف
هايدي..مش عارفه عشان جاهله وبعدين الاشكال اللي زيك هتعرف اللي زيي انا ازاي انتي مش شايفه منظرك عامل ازاي
جاسر...بغضب هايدي قولتلك خلاص
تمارا..سبها يا استاذ بس هي واضح انها هي اللي مش شايفه بتتكلم مع مين وبعدين منظري ومنظرك ايه اكيد مفيش مقارنه وميشرفنيش اني اتحط مع واحده زيك في مقارنه منظري ده اللي مش عاجبك عاجبني جدا كفايه اني مش بغضب ربنا وساتره نفسي دوريلك علي مرايه ياشاطره وشوفي جسمك اللي باين من كل مكان
هايدي..انتي واحده مش محترمه وديني انا هوريكي انا هعمل فيكي ايه
تمارا..بابتسامه اعلى مافي خيلك اركبيه.
جاسر..بغضب وتحول خوف تمارا وهايدي انا قولت خلاااااص خلصت
هايدي..فعلا خلصت انا ماشيه
جاسر..راحه فين
هايدي... راحه لصحابي اللي اتأخرت عليهم بسبب البتاعه دي
جاسر.. احسن بردو يلا روحي
هايدي. متقلقيش هخلص سهرتي وافوقلك انا هوريكي مقامك وادت لجاسر موبايلها وشنطتها اتفضلل بتوعها
تمارا بسخريه ماشي منتظراكي يلا روحي عشان تلحقي نمرتك
كتم جاسر ضحكته
هايدي بغضب زباله
تمارا... ببرود من بعض ما عندكم
مشيت هايدي وفضل جاسر باصص لتمارا بغموض
تمارا..ايه بتبصلي كده ليه على فكره بقي هي اللي مستفزه
جاسر.. ياراجل لا وانتي الشهاده لله ملاك
تمارا..طبعا لازم تدافعلها مش اختك ولا قريبتك
جاسر..دي خطيبتي
تمارا..حتي لو خطيبتك هي اللي غلطت وصدقني انا كلمه زياده كنت هخليك تترحم عليها بس احترمت وجودك.
فضل جاسر يضحك
تمارا..هو انت بتضحك على ايه
جاسر..علي احترمت وجودك دي حلوه عجبتني طب انا راضي زمتك انتي احترمتي وجودي امال لو ماحترمتيش وجودي كنتي عملتي فيها ايه
تمارا..والله العظيم احترمت وجودك وكان فاضلي ثواني واقوم اقتلها
جاسر..خلاص ياستي قلبك ابيض اهي مشيت خلاص
تمارا...ممكن سؤال
جاسر...اتفضلي
تمارا...هو انا ليه حاسه انك مش مضايق اني روقتلك خطيبتك
جاسر.. بضحك لا مين قال كده بس يعني عادي انتي مخبوطه بالعربيه فاكفايه عليكي التعب
تمارا...اممم ماشي
ممكن تديني شنطتي وموبايلي.
جاسر...اتفضلي
تمارا... هو انا المفروض امشي امته
جاسر..لو قادره تقومي ممكن الوقت لو حبيتي
تمارا..ايوه ياريت عشان بابا واخواتي زمانهم قلقانين عليا
جاسر... طب اتفضلي معايا انا ممكن اوصلك
تمارا لا لا انا همشي لوحدي انا كويسه
جاسر..مش هينفع تروحي لوحدك
تمارا لا شكرا انا كويسه
جاسر.برفعه حاجب اسمعي الكلام مش هينفع تروحي لوحدك
تمارا بعند قولت لحضرتك شكرا مبركبش مع حد غريب ممكن بس تناديلي الممرضه او الدكتور عشان اعرف حساب المستشفي
جاسر.الحساب اتدفع خلاص
تمارا...هو ايه اللي ادفع انا محدش يدفعلي حاجه انت تدفعلي بتاع ايه اصلا
بصلها جاسر بصدمه من لسانها
تمارا. عرفني الحساب كام من فضلك.
جاسر...ششش ايه انتي اتسحبتي من لسانك وانتي صغيره وبعدين ادفعلك حساب بتاع ايه لان الغلطه من خطيبتي مش غلطتك ومتجادليش كتير عشان مش هاخد حساب حاجه ويلا عشان متتأخريش على اهلك
تمارا..شكرا.
جاسر...العفو مش هوصلك برده.
تمارا..بغضب قولت لا
جاسر...طب يلا حتي اوقفلك تاكسي..واظن دي مفهاش حاجه
تمارا..ماشي
خرج.جاسر وتمارا وقفلها تاكسي شكرته ومشي التاكسي وفضل جاسر باصص بغموض عليها
اما عند نور فضلت راحه جايه فالشقه من كتر القلق وكل شويه تكلم والدها و عشق و زهره
وفجأه الباب خبط
نور كانت لابسه فستان بيتي قصير باللون الروز ورافعه شعرها ذيل حصان كان شكلها جميل وجذاب اول ماسمعت الباب جريت بسرعه ومن غير ماتسأل مين جريت فتحت
واول ما فتحت وقفت كأنها اتكهربت لما شافت نوح ادامها ومن صدمتها معرفتش تتكلم ولا حتي جريت تلبس
نور بتحب نوح جدا بس عارفه ان ده حلم مستحيل توصله هو عارفها وشافها كذا مره بس نور متابعه كل حاجه تخصه وكل حاجه والدها بيحكيهالها هي مش بتشوفه غير صدفه كل مده كبيره بس بتحبه جداا
نوح..انا اسف يا انسه نور اني جيت من غير معاد
نور...ساكته
نوح....انتي كويسه
نور...ساكته
نوح..بقلق هو في ايه فين عم محمد
نور...لسه ساكته
نوح...بمرح طب هو في حد اتقتل جوه
نور...ساكته
نوح...نووووور
فاقت نور علي صوته عاااااااااااا وصوتت وطلعت تجري على اوضتها وسط زهول نوح
ثواني وخرجت بسرعه وهي لابسه الاسدال بتاعها وباين عليها الاحراج ووشها محمر ومش عارفه تقول ايه
نوح.هو في ايه وفين عم محمد
نور..بابا مش هنا راح لتمارا
نوح...تمارا مين
نور..قريبتنا هو حضرتك جاي بنفسك ليه هو في حاجه
نوح..انا مش عارف اه صح وخبط علي جبهته اصل عم محمد نسي شنطتي
نور باستغراب شنطتك
نوح...بضحك اقصد شنطته لغبطيني عم محمد نسي شنطته والورق اللي المفروض يوديه الشركه التانيه الصبح
نور.. وهي بتضحك عليه انا اسفه اني لغبطتك
نوح..وهو مبتسم على ضحكتها ياستي ولا يهمك المهم اديهم لعم محمد لما يجي ضروري
نور..حاضر
نوح..بعد اذنك
نور..اتفضل
نوح..اداها ضهره وخد خطوه ووقف وبصلها تاني وقرب تاني عندها
نور..في حاجه تاني
نوح..مره تانيه متفتحيش من غير ماتعرفي مين اللي بره عشان متخرجيش بالمنظر ده تاني
نور. اتصدمت نور وسكتت
نوح..ماشي
نور....هزتله دماغها من غير ولا كلمه
ابتسم نوح يلا ادخلي واقفلي
اول ما خلص جملته كانت نور قفلت في وشه.
نوح..يابنت المجنونه
نزل نوح روح
عدي حوالي نص ساعه
وصلت تمارا البيت
نور..مين
تمارا..بتعب افتحي يانور انا تمارا
نور....تمارا ايه ده يانهار اسود ايه اللي حصلك انتي كويسه
تمارا دخليني بس
دخلت تمارا واعدت بتعب فين بابا وعشق وزهره
نور..بيدورو عليكي استني اكلمهم.
تمارا...اه والنبي احسن موبايلي فصل ولا باظ مش عارفه
كلمتهم نور طمنتهم وقفلت معاهم بعد ما قالولها انهم راجعين حالا
نور...ايه اللي حصلك
تمارا..لا استني عليا لما يجو مش قادره احكي ميت مره.
عدى وقت ورجع الحاج محمد وعشق وزهره اللي اول ما شافوها جريو عليها وفضلو يعيطو
تمارا.. بس بقي في ايه انا كويسه والله
حاج محمد نشفتي دمي يا بنتي ايه اللي حصل
حكتلهم تمارا كل اللي حصل
عشق..الحمد لله انها جت على اد كده
حاج محمد الحمد لله يابنتي طب حاسه بأي حاجه
تمارا..لا والله انا احسن كتير
زهره.كنت هتجنن عليكي
تمارا خدتها في حضنها ولله انا بخير بس تليفوني فصل وللاسف مش حافظه اي رقم كنت كلمتكم
حاج محمد الحمدلله يابنتي انك بخير
تعليقات
إرسال تعليق