 |
أنجبيه بالخطأ
البارت العاااااااشروالحادي عشر
صالح : مش متعودين ناخد رأي الحريم في حاجة ، بس انا عندي فضول أعرف رأيك ايه 🤔🤔
رهف : موافقة
مروان بيبصلها باستغراب وبينه وبين نفسه : مكنتش أتخيل إن دي تكون إجابتك !
رهف بينها وبين نفسها : ياترى ناويلي على ايه يامروان !
ماجدة باستغراب : موافقة بجد ؟
رهف : اه موافقة بجد
صالح : طيب دا كلام جميل ، جهزي نفسك بقا عشان اليومين الجايين هيبقوا متعبين اوي عليكي
رهف بتقوم تلف عشان تخرج : تمام عن اذنكم
صالح : مش هتسلمي على خطيبك قبل ما تدخل ؟؟!
وقفت رهف زي ما هي مديالهم ضهرها للحظات .. لفت وشها للجنب اليمين من غير ماتبصله
رهف : عن إذنك يامروان
دخلت على إيمان وهي نايمة ، قعدت جنبها
رهف : ليه كدا ياايمان ، انا محتاجالك أوي في الوقت الصعب دا .. ليه كنتي عايزة تضحي بكل حاجة وتسيبيني كدا
إيمان بتفتح عينيها : عشانك انا ممكن اضحي بالعالم كله يارهف
رهف بفرحة : ايمان انتي فوقتي .. انتي كويسة ؟؟؟
إيمان بتتعدل : قولتلك قبل كدا إنك بنتي قبل ما تكوني أختي ، ومينفعش أشوف أختي هتتأذي واقف اتفرج ، كنت لازم اتصرف
رهف بتحضنها جامد وبتعيط : انا محتاجالك اوووووي ياايمان ، محتاجالك اوي
إيمان بتحضنها : اهدي اهدي ياحبيبتي بس
رهف : اهدي ايه بس ياايمان انا هتجنن ، ازاي دا حصل ازاااااي !!!!!
دا انا محدش لمسني
🔥🔥🔥🔥🔥🔥🔥🔥🔥🔥🔥
مروان : ماشي ياجماعة ادينا اتطمنا علي رهف وايمان الحمدلله هستأذنكم انا بقا عشان ورايا حاجات قد كدا محتاجة تتعمل ، وورايا شغل كمان مأجله بقالي كام يوم
صالح : ماشي يامروان ربنا معاك .. خليك فاكر هيروحوا بكرا بإذن الله يفرشوا
مروان : ينوروا في اي وقت
مروان خرج على برا ، نزل وقفل الباب وراه .. نزل صالح وراه يصلي العشاء
🔥🔥🔥🔥🔥🔥🔥🔥🔥🔥🔥
إيمان : بقولك ايه يارهف ، مش اللي حصل دا حصل من شهر ونص 🤔
ارجعي بالذاكرة كدا من نفس الشهر ونص
رهف : ايه اللي حصل يعني من شهر ونص
إيمان : يومها كنتي في جلسة الليزر .. رجعتي منها شكلك تعبان ونايمة على نفسك كدا ، سألتك مالك ؟
قولتيلي انك ركبتي ميكروباص تقريباً وكان فيه شخصين ، السواق قدام وواحد راكب ورا .. وبعد نص الطريق محسيتيش بنفسك وصحيتي وانتي في آخر الطريق عند البيت
رهف : ايوة وبعدين يعني
إيمان : مش ممكن يومها يكونوا عملوا فيكي حاجة ؟؟
رهف : عملوا فيا ايه ياايمان ايه الهطل دا
ما اي حد بينام في المواصلات عادي يعني وبعدين لو حصل حاجة كان زماني حسيت أو حتى شوفت علامة غريبة .. لكن انا رجعت طبيعية جدااا
إيمان : انا مش مرتاحة
رهف : ولا انا ياايمان ، انا حاسة إن الموضوع أكبر مني ومنك ومن مروان كمان
الموضوع متخططله بطريقة غريبة تحسسني إني اتعملي عمل يخلق الطفل دا في بطني لوحده كدا
إيمان : بصي هو انا صحيح مش فاهمه اي حاجة في الحوار دا بس الاكيد في الموضوع ده كله ان الايام الجايه احنا هنعرف كل حاجه
اهم حاجه دلوقتي احنا بكره لازم نروح نفرش الشقه .. جهزي نفسك
فتح حازم الباب ودخل
حازم : يااهلا يااهلا بالحبايب
رهف وإيمان وشهم جاب ألوان من الخوف ..
حازم : طول الوقت كنت عمال اقوله ، ياحج صالح .. ياحج صالح انت مدلع العيال دي زيادة عن اللازم لحد ما هيركبونا ، يقولي ابدا
كفاية تحكم فيهم لحد كدا عشان ميتخنقوش
لحد ما ييجي اليوم اللي توقفوه مكسور الضهر
بناته الاتنين واحدة فيهم عاملة عملتها عشان تجيبلنا العار والتانية بتحاول تنتحر عشان بردو تجيبلنا العار
رهف بتقوم تقف : حازم خلي بالك من كلامك عار ايه دا اللي نجيبه
بيمسكها من رقابتها : انتي تحطي لسااااانك دا جوا بوووقك ومتنطقيييش انتي فاااهمة
فضحتينا وجرستينا وخليني شكلنا قدام نفسنا زباااالة وبعد كل دا جاية بتبجحي كماااان
إيمان : ااااايه اللي بتعمله دا ياحازم البت هتموت في ايييييدك 😱😱
حازم : بتستغفليني يابنت أبويا !! بتستغفلي حاااااازم اللي بيتهزله شنبات
أسماء داخلة بتجري وبتشده من ضهره
أسماء : ايه اللي بتعمله دا ياحازم انت اتجننت هتموت أختك 😱😱
زقها بعزم ما فيه وقعت في حضن إيمان
حازم : تاني مرة متدخليش في حاجة متخصكيش ولا في طريقة تربيتي لاخواتي فااااهمة
أسماء بتعيط وإيمان بتطبطب عليها
إيمان : يااخي حرام عليك بقا انت اااايه مبترحمش
رهف بتقعد ع السرير و بتحط ايديها على رقابتها بتتوجع من آثار المسكة
حازم : انا هسكت بس عشان لو الحج طلع في أي وقت ميزعلش إني بزعق في وجوده .. بس وعزة جلالة الله انا على تكة وهطيح في الكلللل
وبالذات انتو التلاتة
سابهم وخرج على برا
🔥🔥🔥🔥🔥🔥🔥🔥🔥🔥🔥
*في شقة زياد *
زياد بتأكد إن امه نامت .. بيغطيها وبيبوس راسها .. خرج من الاوضة على الريسبشن وقعد
طلع التليفون واتصل بحد
زياد : ايوة .. جهزت اللي قولتلك عليه ؟
🔥🔥🔥🔥🔥🔥🔥🔥🔥🔥🔥
*نختصر الأحداث وندخل على يوم الفرح الصبح*
*في بيت رهف *
حازم وماجدة وصالح قاعدين يفطروا
صالح : رهف مشيت ولا لسة ؟
ماجدة : اه ياحج مشيت وإيمان وأسماء راحوا معاها الفندق ، الكوافيرة هتوصلهم الساعة ٢ بالظبط
صالح بيبص لحازم : انا مش عايز ولا غلطة تحصل النهاردة ، الفرح دا هيحضروا ناس كبيرة ومهمة وكل اهالينا المهمين في البلد ولازم كل حاجة تمشي مسطرررة
حازم : متقلقش يابا انا مجهز لكل حاجة
ماجدة : ربنا يعدي اليوم دا علي خير يارب وافرح ببنتي وهي عروسة منورة كوشتها كدا
حازم : هتفرحي ياامي متقلقيش .. بس للأسف هتبقي فرحة ناقصة زيها
صالح : حاااازم ، اتكلم عدل على اختك
الباب بيخبط .. قامت ماجدة تفتح الباب
ماجدة : زياد .. تعالي ياحبيبي اتفضل
دخل زياد الشقة : سلام عليكم
صالح : سلام ورحمة الله وبركاته تعالي يابني حماتك بتحبك
زياد : لا ياعمي الله يخليك تسلم
حازم قاعد باصص في الطبق اللي قدامه ورافع حواجبه
زياد : انا بس جيت اباركلكم واعتذرلكم اني مش هقدر اجي فرح رهف النهاردة
ماجدة : لييييه يابني بس
صالح : ايه الكلام دا يا زياد
زياد : معلش ياعمي ، امي جالها جلطة وشبه مبتتحركش ولازم اكون معاها
قام حازم وقف : الف سلامة عليها ، جاتلها منين دي
زياد : ولاد الحرام مبيسيبوش لولاد الحلال فرصة يعيشوا بقا هنعمل ايه
صالح : ألف ألف سلامة عليها يابني ربنا يقومهالك بالسلامة
ماجدة : ياحبيبتي يااحلام لا دا انا اخلص حوار فرح رهف دا واطلعلها والله
زياد : طول عمركم ولاد أصول ياجماعة والله .. يلا انا آسف مرة تانية بقا
عن اذنكم
🔥🔥🔥🔥🔥🔥🔥🔥🔥🔥🔥
*في الفندق *
رهف قاعدة على السرير عينيها مدمعة
إيمان : مالك يارهف ياحبيبتي وشك مصفر ومغرب ليه كدا دا انتي حتي عروسة والمفروض تكوني مبسوطة
رهف : أكون مبسوطة لما أكون عروسة طبيعية ياايمان ، مش عروسة داخلة على حياة عارفة إنها هتجيب أجلي من أول شهر
أسماء : ليه ياحبيبتي بتقولي كدا بس دا حتي مروان بيحبك
رهف : مروان بيحبني ، بس مروان راجل
والراجل لما الشك بيدخل قلبه بيتحول لحجر يااسماء
أسماء بتنزل عينيها في الأرض : عندك حق ، انا اكتر واحدة عايشة المعاناة دي .. بس مش معني كدا إن مروان زي بقيت الرجالة يارهف
إيمان : اوعي تيأسي يارهف ولا ترفعي الراية البيضا ، أنا متأكدة إن الحوار دا كبير وفيه حد وراه ومسير الحقيقة هتبان ووقتها مروان هيعمل ااااي حاجة عشان يرضيكي ويسعدك
أسماء : اهي الميك اب ارتيست جت .. يلا بقا بسرعة عشان نلحق الفوتو سيشن
🔥🔥🔥🔥🔥🔥🔥🔥🔥🔥🔥
*في بيت ابو مروان*
مروان واقف قدام المراية يجهز
جاد داخل عليه : ربنا يحرصك يابني ويحميك ويتم فرحتك على خير .. تعالى عاوزك في كلمتين قبل ما تكمل لبس
رجع قعد جنبه على السرير
مروان : معاك ياحج
جاد : بص يابني ، انت النهاردة هتبدأ حياة جديدة في شقة جديدة مع بني ادمة أول مرة ربنا يجمعك بيها تحت سقف واحد
بما إن الوضع كله على بعضه جديد ، لازم تجدد نيتك كمان وتصفيها ناحية مراتك
مش بقولك سيب حقك كراجل لا ، بس قبل ما تحكم عليها بأي حُكم .. حَكم قلبك وعقلك وروحك اللي حاسة بيها
واوعدني من دلوقتي أنك هتنفذ الكلام دا
مروان : اوعدك ازاي بس يابابا وانا مش عارف هي خانتني ولا لا ولو خانتني هيبقى مع مين وهل انا صح ولا غلط أصلا في اللي انا رايح أعمله عشان استر عليها دا
جاد : يابني ، يابني متنساش إنك ليك أخت في الغربة لوحدها مش عارفين الدنيا عاملة فيها ايه
أي نعم هي كسرتنا كلنا لما مشيت بدماغها وسافرت بس في الآخر هي لحمنا ودمنا واللي منقبلوش علي بناتنا يابني منرضاهوش على بنات الناس
ادي لنفسك ولرهف فرصة تدافع عن نفسها وتقولك الكلام اللي انت مش عارفه
مروان بعد تفكير لثواني
مروان : حاضر يابابا .. انا هحضر النهاردة فرحي زي أي عريس مبسوط بعروسته وهديها فرصة تشرحلي موقفها لحد ما يحصل موقف يثبتلي برائتها او ...
او ادانتها
جاد : ربنا معاك يابني
مروان بزعل : كان نفسي اخواتي يكونوا موجودين النهاردة
جاد : اخواتك كل واحد بقا له حياة يابني ، متستناش حاجة من حد وانا جنبك اهو .. يلا اسيبك بقا تخلص لبس بسرعة عشان تلحق تروح تاخد عروستك
مروان : استني الباب بيخبط هروح أشوف مين
راح مروان وبيفتح الباب
كريم داخل يحضنه : عريسناااااااا 😍😍 عريسنا اللي هنرقص النهاردة على حسه لما ندغدغ الدنيا
مروان : حبيبي ياكيمو ، تعبتك نفسك ليه كدا يابني وجاي من وش الصبح
كريم : تعبت نفسي ايه ياض ياعبيط انت وانا لو متعبتش في فرح أخويا هتعب امتي يعني 😍😍❤️❤️
جاد : أصيل ياكريم والله ، ربنا يخليكم لبعض يابني
كريم : ويخليك لينا ياعمي ويطولنا في عمرك
مروان : اومال فين بسمة مجتش معاك ليه ، هتيجي على القاعة علي طول ؟
كريم : لا مش هتيجي للأسف
مروان : ايه دا ازاي ؟!!
كريم : حوار كدا ، ماعلينا بقا يلا يابرنس عشان ورانا مليووون حاجة وانا عايز اخليك طالع للناس بتبرق النهاردة يلااااا 😍😍😍😍
🔥🔥🔥🔥🔥🔥🔥🔥🔥🔥🔥
*بدأ الفرح *
رهف خارجة من اوضتها في الفندق بالفستان الابيض المنفوش ، مع الميك اب الملائكي اللي مطلعها شبه الأميرات واللي محليها اكتر ماهي حلوة .. وقفت قدام صالح
باس دماغها .. مسك ايديها ونزل بيها على القاعة ووراهم إيمان وأسماء وماجدة
*في القاعة *
قاعة كبيرة وفخمة ، مليانة أضواء وديكورات في كل مكان .. على الاستيدچ واقف مروان بالبدلة
نزل صالح وفي ايده رهف .. بدأت الناس تسقف وتهيص
دخلوا القاعة على أغنية طلي بالابيض .. اتقدم مروان خطوات بطيئة في إتجاهم .. اخد رهف من ايد صالح
مسك ايديها على كوبليه *واميرك ماسك ايديكي وقلوب الكل حواليكي *
باس دماغها وايديها .. مسك وشها وقال
مروان : مبروك علينا ياحياتي ❤️❤️❤️
بدأ صوت التسقيف يعلى والزغاريط تزيد ، رهف بصاله وعينيها مليانة علمات استفهام
"دا لا يمكن يكون مروان ؟!"
وفجأة ..
بيطلع الفون عشان يتصل بصاحبه .. جاتله رسالة واتس اب من رقم غريب
"انا معاك ان الاسهل انك تصدق انها بريئه عشان تمارس حياتك الطبيعيه كعريس يوم فرحه .. بس بصفتي فاعل خير قولت ماينفعش اسكت على المهزله دي
كنت بتدور على دليل يدين مراتك ويثبتلك إنها بتخونك عشان ضميرك ميأنبكش .. وادى الدليل"
*وبعدها صورة *
قام من جنب رهف خرج من القاعة على الجنينة .. فتح الصورة 🔥🔥
ياترى الصورة فيها ايه ؟ ياترى مروان هيتصرف ازاي بعد ما يشوفها ؟ ياترى مين الشخص المجهول اللي بيعمل كل دا ؟
🔥🔥البارت 11 🔥🔥
❤️ أنجبته بالخطأ ❤️
"انا معاك ان الاسهل انك تصدق انها بريئه عشان تمارس حياتك الطبيعيه كعريس يوم فرحه .. بس بصفتي فاعل خير قولت ماينفعش اسكت على المهزله دي
كنت بتدور على دليل يدين مراتك ويثبتلك إنها بتخونك عشان ضميرك ميأنبكش .. وادى الدليل"
*وبعدها صورة *
خرج مروان من القاعة على الجنينة .. فتح الصورة
*رهف نايمة على سرير جنب شخص نايم بردو
رهف ملامحها واضحة جداً ، ولكن الشخص اللي جنبها وشه متبكسل *
شاف مروان الصورة .. عينيه زغللت واحمرت ، عروق وشه ورقابته كلها ظهرت
رفع وشه وعيونه مدمعة والشر بينط منها
وبعد خمس دقايق
حازم داخل على مروان : في ايه يامروان سايب اختي وواقف برا لوحدك كدا ليه بإذن الله ؟؟
مروان : لا عادي مفيش كنت بشم هوا بس عشان القاعة مكتومة
حازم : طيب كنت عايز اقولك على حاجة بخصوص الفرح
*على بُعد ١٠ متر *
زياد واقف ورا حيطة سور الجنينة ، موجه مسدس كاتم للصوت في إتجاه حازم ..
زياد : بتتسبب في شلل امي انا ؟
النهاردة هتكون نهايتك يا حازم ياعناني
عمّر المسدس وحط ايده ع الزناد وضرب
بس للأسف مش دايما اللي بينجح اللي بنخططله
طلعت أسماء في وش الطلقة عشان تحمي حازم
الطلقة جت في كتفها ..
قوة الدفع رجعتها لورا ووقعتها في الأرض .. والغريب إن مروان وحازم مازالوا بيتكلموا بعيد ومش دريانين باللي بيحصل
زياد برق والمسدس وقع من ايده .. جري بسرعة على أسماء
شالها وجري بيها خرج من الجنينة
🔥🔥🔥🔥🔥🔥🔥🔥🔥🔥🔥
مروان : ماشي ياحازم خلصانة .. انا هدخل أكمل الفرح بقا
سابه ودخل على القاعة .. وقف حازم يبص يمين وشمال
حازم : أسماء قالتلي انا جاية وراك .. ايه اللي اخرها كل دا ؟!!!
*جوا القاعة *
رهف قاعدة على الكوشة دماغها عمالة تودي وتجيب .. إيمان قاعدة جنبها ماسكة ايديها
إيمان : رهف ياحبيبتي .. كللللل الفرح دا انتي الملكة بتاعته ، كل دا معمول عشانك انتي
وكمان انتي شايفة مروان فرحان ومبسوط بيكي قد ايه .. وحياتي عندك اضحكي بقا وابتسمي كدا 😍😍
رهف بتبتسم : ربنا يخليكي ليا يارب .. انتي ونعم الأخت والضهر اقسم بالله
بتحضنها .. شافت مروان داخل من باب القاعة ، ابتسمت لما شافتها
قامت إيمان من جنبها عشان تقعد مروان
مروان قعد جنب رهف وبصلها
رهف : كنت فين كدا
مروان : اووووه .. أول مرة توجهيلي كلام بعد أسبوع سكوت
رهف : قولت النهاردة فرحنا بقا وليلة العمر مبتتكررش مرتين .. ولا انت ايه رأيك ؟
مروان بيبتسم : رأيي هتعرفيه بعد الفرح ياحبيبتي 😉
أغنيتنا اشتغلت .. يلا نقوم نرقص سلوه
مسك ايديها وراح بيها مكان رقصة السلوه .. بدأوا يرقصوا والناس عاملين دايرة حواليهم وواقفين مبهورين بشكلهم اللي مبيتكررش كتير إن مخدة تشيل اتنين حلوين بالطريقة دي
مروان حاطط ايده على وسط رهف .. باصص في عينيها
محدش يقدر يفسر نظرته ليها غير اللي خلقه وبس .. نظرتها ليه نظرة واحدة محتاجة تحس بالأمان ضروري جداً
إيمان واقفة بتبص عليهم وعينيها مدمعة من السعادة .. كريم جه وقف جنبها
كريم : واضح إنك بتحبيها اوي
إيمان : بحبها اكتر ما اي اخت ممكن تحب اختها أو اي ام ممكن تحب بنتها .. رهف دي نصي التاني
نصي التاني اللي لحد اللحظة دي مش عارفة هعيش من غيره ازاي وانا في بيت لوحدي وهي في بيت لوحدها 💔
كريم : لا انتي هتكوني لوحدك ولا هي هتكون لوحدها
هي معاها جوزها وحبيبها .. وانتي كمان
بكرا تتجوزي ويبقي معاكي جوزك وشريك حياتك وحبيبتك بإذن الله
إيمان بتبتصله : بمناسبة النص التاني بقا
فين بسمة مشوفتهاش من أول الفرح ؟!
كريم : بسمة مجتش للأسف
إيمان : ايه دا ليه كدا
كريم : نصيب بقا هنعمل ايه .. بعدين هحكيلك
المهم .. الفستان البيبي بلو دا مخليكي قاطعة عيش كل البنات في الفرخ 😍😍😍😂😂❤️❤️
إيمان بتضحك بكسوف : ياعم متبالغش 😂😂 وبعدين بلاش الكلام دا بقا لا اتصلك ببسمة تيجي تظبطك دلوقتي 😂😂😂😂😂
كريم بدأت ملامحه تتغير بعد ما كان بيضحك
كريم : يلا هسيبك بقا تتفرجي على أختك وانا هخرج الجنينة شوية
إيمان : تمام خد راحتك
🔥🔥🔥🔥🔥🔥🔥🔥🔥🔥🔥
زياد شايل أسماء بيجري بيها وهي سايحة في دمها .. دخل بيها مخزن
نزلها على الأرض
زياد بتوتر : يانهار اسود ومنيل يانهار اسود .. ااااايه اللي طلعك في وشي انتي ليييييه
أعمل ايه انا دلوقتي ياربي
أسماء بتتوجع : إبني .. إبني
زياد جري بسرعة جاب ازازة ماية وبدأ يشربها
أسماء بتمسك ايده : الحقني يازياد .. إبني هيموت
قعد يبص حواليه بسرعة يدور على اي أدوات توقف النزيف
بيبص عليها بكسوف : أسماء انا لازم أشوف الجرح
أسماء عرقانة وعمالة تنهج وتتوجع ومش سمعاه
بدأ يشيل الفستان من على كتفها بالراحة عشان يشوف الجرح .. اتطمن لما اكتشف إن الطلقة كانت سطحية
زياد : الحمدلله الطلقة لطشت بس خرجت في ساعتها
جاب قماشة وبدأ يلف كتفها جامد عشان يوقف النزيف
🔥🔥🔥🔥🔥🔥🔥🔥🔥🔥🔥
رهف ومروان قاعدين على الكوشة
رهف عمالة تبص لمروان من تحت لتحت .. مش قادرة تفسر تصرفاته المتناقدة
مروان بيبصلها : زي القمر كالعادة ياحبيبتي
رهف : من بعض ما عندكم ياحبيبي ❤️❤️
وفجأة بيتلفتوا هما الاتنين .. دينا داخلة عليهم
لابسة فستان قصير وكالعادة ميك أب اوڤر
رهف ملامحها اتغيرت اول ما شافتها .. لفت وشها وبصت لمروان
مروان : دينا !
دينا : الف الف الف مبروووك ياحبايبي 😍😍
دخلت على رهف حضنتها وباستها من هنا ومن هنا
دينا : مبروك ياعروووسة 😍😘
سلمت على مروان ومسكت ايده بايديها التانية : الف مليون مبرووك ياعريس .. قمر كالعادة 😍🙈
رهف قاعدة الغيرة على مروان هتحرقها
رهف : نورتينا
دينا : بنورك ياروحي .. الهدية دي حاجة بسيطة كدا تليق بيكي ، هسيبها مع إيمان أختك تبقي توديهالك بقا
رهف بتبسم : تسلمي ياحبيبتي
🔥🔥🔥🔥🔥🔥🔥🔥🔥🔥🔥🔥
على باب القاعة .. واقف شخص اللي ظاهر منه جزء من بدلته السودا
*بعد خمس دقايق *
بدأ يتحرك خطوات بطيئة إتجاه القاعة .. ظهر جسمه كله
شاب طويل .. كاريزما ووسيم ، بدلة سودا فخمة جداً
ريحة البرفيوم بتاعه شمها كل شخص عدى من جنبه
فضل باصص في إتجاه رهف ومروان حوالي ١٠ دقايق .. لف وشه ومشي تاني
جاد شافه وهو بيلف برق واتصدم
جاد : تامر !!!
جري بسرعة جاد خرج من القاعة يبص يمين وشمال .. اختفي تماماً
جاد : معقول كان بيتهيألي ؟؟
لا انا متأكد إني شوفته .. طب ازاي !!
🔥🔥🔥🔥🔥🔥🔥🔥🔥🔥🔥
أسماء نايمة .. زياد بيجسها حس ان حرارتها عالية
راح بسرعة جاب ازازة ماية وقماش من جنبه وبدأ يعملها كمادات .. وبين الوقت والتاني تفتح عينيها تشوفه وهو قاعد تغمض عينيها تاني من التعب
🔥🔥🔥🔥🔥🔥🔥🔥🔥🔥🔥
في جنينة القاعة
إيمان واقفة بتعيط من زعلها إن رهف خلاص هتسيبها وتمشي .. مسحت دموعها وبتلف عشان تدخل القاعة
لقت في وشها شاب واضح إنه صايع
الشاب : والنبي فيه قمر يعيط بردو
إيمان بتلف عشان تمشي من غير ما ترد عليه
الشاب بيقرب عليها : لا لا رايحة فين دا انتي شكلك محتاجة احتواء ، وانا موجود ياقلبي
إيمان : احتواء ااايه ماتحترم نفسك ياجدع انت وتشوف انت رايح فين
الشاب : اوبااااااا .. دا القطة طلعت بتخربش اهي 😉 وانا اموت لي في الخرابيش بقا
ولسة هيقرب عليها جه من ورا كريم شده وضربه بالبونيه .. لسة هيقاوم ويضربه هو كمان راح كريم واكله بالنص وبدأ يضرب فيها وهو في الأرض يمين وشمال لحد ما الأمن جه يجري وخدوه راموه برا القاعة خالص
كريم بيبص لايمان : ايمان انتي كويسة ؟
إيمان بتاخد نفسها : اااه الحمدلله أحسن كتير
انا كنت مرعوبة يعملي حاجة
كريم : يعملك حاجة ايه واحنا موجودين كلنا كدا دا انا كنت قتلته .. المهم انتي كويسة دلوقتي يعني ؟
إيمان : الحمدلله أحسن كتير .. شكراً ياكريم ، كل مرة بتيجي تنقذني في الوقت المناسب
كريم : الشكر لله على ايه بس انتي زي اختي بالظبط .. يلا تعالي ندخل القاعة بقا متقفيش لوحدك تاني
*جوا القاعة *
حازم واقف يدور على أسماء يمين وشمال في كل مكان مش لاقيلها أثر
🔥🔥🔥🔥🔥🔥🔥🔥🔥🔥🔥
مروان قاعد متوتر .. دماغه عمالة تعمل فلاش باك على الصورة اللي شافها .. يرجع تاني لموقف الفرح اللي هو فيه يتوتر اكتر
دينا قاعدة علي الترابيزة وعينيها على مروان على الكوشة متشالتش ورهف قاعدة شايفة
رهف بتأنجچ مروان : ها مش هنقوم نرقص الرقصة الأخيرة بقا
مروان : ...... بعد تفكير لثواني
فكرة حلوة .. يلا بينا
مسك ايديها قومها ونزل بيها على الاستيدچ .. بدأوا يرقصوا
عيون رهف بدأت تبتسم من تاني "رغم كل حاجة حصلت .. أخيراً بقيت ليا يا مروان ❤️❤️"
مروان باصصلها ومبتسم
حازم بعيد عمالة يلف في القاعة يدور على أسماء
ماجدة بتوقفه : ايه ياحازم مالك في ايه .. ومراتك فين ؟
حازم : مش لاقيها يا امي وقالب الدنيا عليها من بدري .. ما اعرفش راحت فين دي كمان
🔥🔥🔥🔥🔥🔥🔥🔥🔥🔥🔥
خرج تامر على برا .. فتح باب عربيته الفخمة
دخل العربية وقفل الباب وراه .. طلب رقم
تامر : الو .. جهزت البوكس اللي قولتلك عليه ؟
= اه ياباشا جهزته ووديته على العنوان اللي قولتلي عليه كمان
تامر : تمام .. انا مش عايز أي غلطة
يلا سلام
لسة هيتلفت .. دينا خارجة من القاعة
تامر : آنسة دينا ؟؟
دينا وقفت وبصلته
دينا : بتندهلي انا ؟؟
تامر : اه انتي .. اتفضلي معايا لو سمحتي كنت عاوزك في كلمتين
دينا لفت تركب معاه العربية
🔥🔥🔥🔥🔥🔥🔥🔥🔥🔥🔥🔥
*في القاعة *
خلصوا رقصة السلوه .. سلموا على المعازيم
وقفت رهف تسلم على أهلها واحد واحد .. بدأت تعيط من صعوبة الموقف
حضنت امها جامد اوي .. باست ايد ابوها
حضنت ايمان وبدأوا الاتنين يعيطوا
وقفت تبص لحازم من بعيد .. وقف متردد ومش عاوز يبصلها شوية
وفجأة راح ناحيتها .. اخدها بالحضن جامد
باس دماغها
حازم : ربنا يسعدك يارهف .. ربنا يسعدك
🔥🔥🔥🔥🔥🔥🔥🔥🔥🔥🔥🔥
مروان مسك ايد رهف وخرج بيها على برا عشان يركبوا العربية ويروحوا
جه السواق يركب قدام عشان يوصلهم
مروان : لا لا انا اللي هسوق
صالح : تسوق ايه يابني ! انت عريس ومينفعش تسوق
مروان : معلش ياعمي .. رهف بقت مراتي ومن حقي أعمل اللي انا عايزه بقا انشاله نطير 😂😂
يلا تعالي يارهف اركبي جنبي
ركب على كرسي الدريكسيون .. رهف رفعت الفستان وركبت جنبه .. شاورت لاهلها سلام 👋
قفلت باب العربية .. دور مروان العربية وبدأ يسوق
رهف : هنروح على البيت ولا هتفسحني شوية 😍
مروان : ودي تيجي بردو ؟ هفسحك طبعاً ياقلبي
بص قدامه .. برق وعينيه احمرت جاااامد .. طلع على الكوبري وداس بنزين على اعللللللى حاجة لدرجة إن العربية بقت طايرة مش ماشية
رهف بخوف : مرواااان في ايه انت معلي السرعة اوووووي يامروان هنمووووووت
تفتكروا مصيرهم هيكون ايه 🤔🤔
تفاعلواااا عشان اللي جاي كله دماااار 😍😍🔥🔥🔥🔥
تعليقات
إرسال تعليق