رواية عالمي الصغير الفصل 4
*شركة الاسيوطي *
ليدخل جبل بكل هيبته الي الشركة معه معتز ليقفون
الموظفين له باحترام ليحدث سكرتيرته وهو يدخل
الي مكتبه دون النظر لها
جبل / مدخليش حد علينا
سكرتيرة / حاضر يا فندم
ليدخل جبل مكتبه خلع سترته ليضعها خلف كرسيه
و جلس لكي يفحص بعض الاوراق
معتز / صحيح امبارح قولت لجدك علي تسليم
الشحنة و علي سفرية المانيا
ليحدثه جبل وهو يفحص الاوراق قائلا / اجل سفرية
المانيا
معتز ( بصدمة) / نعم ده اللي هو ازاي يعني مش
فاهم
ليرفع جبل نظره له قائلا / في ايه بقولك اجل السفر
بتكلم هندي انا
معتز / يا جبل مينفعش احنا متفقين مع الناس وفي
بضائع لازم تتسلم في معادها
جبل / تتأجل يا معتز و لو زنيت في الموضوع ده
هتتلغي مفهموم
معتز / الصبر من عندك يارب طب ممكن اعرف ليه
جبل (بغموض) / مش هقدر اسافر او ابعد عن مصر
الفترة دي
ليرن هاتف المكتب ليرد جبل قائلا / ايوة
السكرتيرة / جبل بيه استاذ اكرم هنا و عايز يدخل
لحضرتك
جبل / دخليه
معتز / مين ده
جبل / اكرم
ليدخل اكرم المكتب متوجه نحو جبل ليجلس امامه
اكرم /ازيك يا معتز
معتز / كويس
اكرام / ازيك يا جبل
جبل ( بجمود) / هنقضي القعدة سلامات ولا ايه
ادخل في الموضوع انا مشغول
حاول اكرم ظبط اعصابه قائلا / عندك حق وانا كمان
مشغول انا كنت جايلك عشان عايز نسبتي في شحنة
تبقي 50 %
جبل ( رافعا احدي حاجبيه) / نعم قولت ايه
اكرم ( بضيق) / جري ايه يا جبل بقولك عايز نسبتي
تبقي 50 %
جبل / و لما انت تبقي نسبتك 50 % انا نسبتي تبقي
قد ايه
اكرم / علي فكرة انا مطلبتش ان نسبتي تبقي زيك
بس علي الاقل تبقي كبيرة ايه المشكلة لما نسبتي
تكبر ما انت نسبتك 90 %
جبل ( بثقة) / نسبتي 90 % يا اكرم عشان انا اللي
بديلك البضاعة يعني انا اللي بديرها و عندي ناس
بتصنعها اعتقد بقي ده حقي اني اخد النسبة دي
اكرم ( بغيظ) / وانا بردو اللي بصرفلك البضاعة و
بعمل المستحيل عشان تدخل الجمارك يبقي من حقي
نسبتي تعلي مش بعد كل ده و اخد 20 % بس
جبل ( ببرود) / وانا بردو هفكرك ان لولا اني بديلك
بضائع كان زمانك واقف مكانك متحركتش و مكنتش
وصلت للي انت فيه دلوقتي
اكرم ( بغضب) / جبل انا لحد دلوقتي بتكلم بهدوء
بلاش تلعب معايا عشان زي ما قولت انا مش اكرم
بتاع زمان
ليخبط جبل علي مكتبه بقوة وهو يقف قائلا بصوت
جهوري / انت نسيت نفسك ولا ايه اياك ثم اياك
صوتك يعلي قدامي وانت اللي بلاش تتحدي
العاصفة عشان لو جت هدمر الكل اعتقد انت عارف
جبل الاسيوطي لو قلب علي الوش التاني ممكن
يعمل فيك ايه
معتز / جري ايه يا معتز اهدي انت هتتشاكل عشان
نسبة ما انت عارف جبل مبيكلش حق حد و بيقدر
تعب كل واحد شغال معاه
اكرم / وهو ده التقدير لا بجد شكرا
معتز / طب اقعد بس و نتكلم بهدوء و انت يا جبل
اهدي كده
ليجلس جبل مرة اخري وهو يحاول ان يتمالك
اعصابه
معتز / طبعا يا اكرم احنا عارفين انت بتتعب قد ايه
و جبل هيقدرك ولا ايه يا جبل
نظر جبل الي معتز ليفهم مغزي كلامه ليوجه حديثه
الي اكرم قائلا / و انا موافق ان نسبتك تبقي 50 %
اكرم ( بشك) / موافق متاكد
جبل / طبعا متاكد انا كلمتي واحدة
معتز / مبسوط يا سيدي
اكرم / طبعا
جبل ( بغموض) / و طبعا انت معزوم علي الحفلة
اللي هعملها في ڤيلتي كمان يومين
لينظر معتز له بإستغراب فهو لم يعرف بموضوع
الحفلة شيئا
اكرم / حفلة ايه
جبل / حفلة بمناسبة رجوع عمتي من السفر
اكرم / حمدلله علي سلامتها
جبل ( بإبتسامة مزيفة) / الله يسلمك
ليقف اكرم قائلا / طيب استأذن انا بقي
جبل / اتفضل
ليخرج اكرم من المكتب وهو سعيد
........................................................................
* ڤيلا الاسيوطي *
كانت جالسة جنة في الصالون مع والدتها تشاهد
الكارتون ليدخل عليهم الجد و نور
الجد / مساء الخير يا ولاد
اميرة / مساء النور يا بابا
نور ( بلطف) / ازيك يا جنة
لتبعد جنة نظرها عن التلفزيون و تنظر لها قائلة /
انتي مين
نور ( بصدمة مصطنعة) / ياااا انتي متعرفنيش انا
اسمي نور
جنة ( بإبتسامة) / ازيك يا نور
اميرة / جنة دي نور اخت جبل طيبة و هتحبيها
عندما استمعت الي اسم جبل عبثت ملامحها قائلة /
ماما مث جبل ده الراجل الوحث اللي زعقلي
اميرة / جنة احنا قولنا ايه كل اللي هنا كويس مفيش
حد كويس
لتقوم نور من مكانها متوجه نحو جنة قائلة / جوجو
ايه رايك نتمشي في الجنينة و احكيلك قصة حلوة
اوي
لتنظر لها جنة بتردد لتتحدث اميرة قائلة / قومي
يا جنة روحي معاها
لتقوم جنة معاه لتضع نور يدها علي كتفها قائلة
بمزح / يلا يا جوجو شكلنا هنبقي اصحاب
لتبتسم جنة عليها عندما شعرت انها طيبة عكس
اخيها
......................................................................
معتز / انا مش فاهم اي حاجة خااالص
جبل ( بسخرية) / وانت من امتي بتفهم يا معتز
معتز / هنقل ادبنا اهو يابني فهمني انت هتعمل حفلة
ليه و متقوليش عشان عمتي جات من السفر و
الحركات دي هااا انا معتز يعني فاهمك كويس انت
ناوي علي ايه
ليبتسم جبل بخبث قائلا / انت فاكر انا وافقت علي
نسبة اكرم ليه عشان بحبه ولا عشان خايف منه لا
طبعا بس ده طعم عشان اعرف اغدر بيه كويس
معتز ( بعدم فهم) / تغدر بيه ازاي
ليرجع جبل ظهره علي الكرسي ليتذكر ما حدث
Flash back
* غرفة جبل *
توجه جبل نحو سريره لكي ينام ليوقفه صوت رنين
هاتفه ليمسك هاتفه ليبتسم بسعادة عندما راي الاسم
جبل / لسه فاكر يا واطي
شخص ( بضحك) / ايه يابني الناس بتقول الو مش
واطي
جبل / ما هو لما صاحبي مشوفوش 5سنين و نادر
لما بيتصل بيا و لما بتتصل بتبقي مصايب ارغي يا
يوسف مصيبة ايه جديدة انهاردة
يوسف ( بضحك) / اسكت هموت من الضحك و
بعدين انت شكلك شايل مني اوي ده انا چو حبيبك
جبل / انجز عايز ايه
يوسف / انا مش قولتلك تهدي اللعب شوية الدنيا
بدأت تتقلب عليك
جبل ( بجمود) / ايه اللي حصل لكل ده و بعدين من
امتي انا بخاف من حد
يوسف/ انا عارف ان مفيش حد هيقدر عليك بس
بردو انا خايف عليك انت و معتز يابني انتوا اخواتي
و بعدين الزفت اللي اسمه اكرم ناوي يغدر بيك
جبل ( بسخرية) / انا كنت شاكك فيه من زمان اللي
زي ده هيفضل واطي طول عمره
يوسف / طيب بص انا نازل مصر الاسبوع الجاي
عشان افضل جنبك
جبل / اخيرا هنتزل ايوة كده عايزين نرجع لقوتنا
احنا الثلاثة ترجع بالسلامة
يوسف / انشاء الله المهم خد بالك من نفسك
جبل / حاضر يا سيدي متخافش
يوسف/ يلا سلام
Back
معتز ( بصدمة) / يا نهار اسود يعني احنا هنموت
ليبحث جبل عن شئ ليلاحظه معتز قائلا / انت
بدور علي ايه
جبل ( بغضب) / بدور علي حاجة اخبطك بيها نموت
ايه انت متخلف و بعدين انت نسيت احنا ايه
معتز / ايوة فاهم بس
جبل / انا مصدوم منك اللي يشوفك دلوقتي
ميشوفكش ساعة الشغل
معتز ( بثقة) / طبعا يابني ساعة الشغل بقلب شرس
و عندك حق احنا مبنخفش
ليبتسم جبل عليه قائلا / طيب يلا نمشي
معتز( بحماس) / يلا
.......................................................................
نور / بصي يا جوجو كان في ولد و بنت اخوات
بيحبوا بعض جدا اخوها الكبير كان علي طول
بيحميها و واقف في ضهرها لما البنت دي حد
يضايقها في المدرسة اخوها بيروح يضربه و علي
طول بيحبلها شكولاتات كتير و عصير فراولة كتير
عشان بتحبهم يبقي كده الاخ ده طيب ولا شرير
جنة ( بدموع تلمع في عينيها ) / طيب
لاحظت نور دموع جنة لتنتفض من مكانها خوفا
عليها قائلة / مالك يا جنة بتعيطي ليه انتي تعبانة
هزت جنة راسها بالنفي
نور / طب مالك
لتقوم جنة من مكانها لتجري سريعا الي الداخل
متوجها الي غرفتها
.......................................................................
* في مكان مجهول *
كان يجلس رجل بكل ثقة واضعا رجل علي الاخري
عينيه لا توحي بالخير امامه رجل ظاهر عليه اثار
الضرب ظل يترجاه خوفا منه فهو يعلم انه لا يرحم
احد
الرجل ( بخوف) / ابوس ايدك يا باشا سيبني انا
عبد المأمور بس
شخص ( بجمود) / انت عارف اللي بيلعب معايا
بيحصله ايه ما بالك صرصار زيك هعمل فيك ايه
الرجل ( بفزع) / لا لا انا اسف والله انا مليش اكرم
بيه اللي قالي اعمل كده سيبني ارجوك انا عندي
عيال
شخص / ما انا عارف كل ده بس لما اموتك سيدك
هيترعب انا متأكد من ده و كمان هيفكر الف مرة
قبل ما بيعمل حاجة تانية و انت هتبقي عبرة لاي
حد يفكر يلعب معايا
ليصوب سلاحه عليه و بدون رحمة انطلقت رصاصة
لتستقر في قلبه ليقع جثة هامدة
شخص( بإستحقار) / اخفوا الكلب ده
احد رجالته / تمام يا باشا
ليقوم رجالته بأخذه خارج المكان حتي يخفوا جثته
شخص ( بجدية) / اسمع كويس ابعت كل شهر
فلوس لعياله و مراته هما ملهمش زنب
الرجل / تمام يا بوص
.................................................................. .. .
* ڤيلا الاسيوطي *
لتدخل نور الڤيلا بعد ان تركتها جنة لتراها اميرة
ولكن لم تري جنة معاه
اميرة / اومال جنة فين يا نور
نور ( بإرتباك) / جنة طلعت اوضتها يا عمته
اميرة ( بخوف) / ليه هي كويسة ايه اللي حصل
الجد / اهدي يا اميرة اكيد عايزة تنام
نور / متخافيش يا طنط هي كويسة
ليدخل جبل و معه معتز الي الڤيلا ليستمع الي كلام
نور
جبل / مين دي اللي كويسة في ايه
الجد / مفيش بس جنة كانت مع نور في جنينة و
نور دخلت بعد كده من غيرها عمتك بقي خايفة
ليكون فيها حاجة
معتز / متخافيش يا طنط هي اكيد كويسة انا هطلع
اشوفها
جبل / لا خليك انت انا اللي هطلع
معتز / بس يا جبل لو شافتك هتخاف منك
نور / فعلا دي لما عرفت اني اختك خافت مني شوية
نظر لهم ثم صعد الي الاعلي بدون كلام ليتوجه نحو
غرفة جنة فتح الباب ليراها جالسة علي السرير
تبكي رفعت جنة راسها عندما شعرت بأحد في الغرفة
لتنتفض عند رايته
جنة ( بخوف و بكاء) / انا معملتش حاجة متزعقليش
لتضم رجليها نحو صدرها بخوف اقترب منها جبل
بهدوء لترجع للخلف ثم جلس امامها علي السرير
جبل / اهدي انا مش هزعقلك كنتي بتعيطي ليه
لتتحدث جنة سريعا خوفا منه قائلة / لالا انا
معملتش حاجة خالث متزعقليش
جبل ( بغضب) / انا قولت مش هزعقلك في ايه
لتنتفض جنة من صوته لتخفي وجهها بيدها وهي
تبكي
حاول جبل ان يتمالك اعصابه ليمسك يدها ليبعدها
عن وجهها قائلا / هشش خلاص اهدي انا مش
هعملك حاجة
نظرت له بشك ليفهم جبل نظراتها قائلا / صدقيني
معتش هزعقلك تاني بس انتي متعيطيش و تسمعي
الكلام ماشي
جنة ( ببراءة) / ماثي
جبل / كويس قوليلي بقي كنتي بتعيطي ليه
جنة / اصل نور كانت بتقولي قصة
جبل / وبعدين
جنة / كانت بتقول ان كان في اخ بيحمي اخته و لما
حد يزعلها في المدرسة بيروح و يضربه و يجبلها
شكولاتات كتير
جبل ( ليضيق عينيه) / طب و عيطي ليه بقي
لتتحدث وهي تفرك يديها قائلة/ اصل انا لما كنت
بروح المدرسة كان البنات بيضربوني و يتريقوا عليا
و مفيث حد بيروح يضربهم و مفيث حد كان
بيكلمني خالث
لتنفجر في البكاء ليقوم بإحتضانها لكي تهدأ قائلا
طيب متعيطيش خلاص اهدي
ليقوم بمسح دموعها ليكمل / كلهم وحشين عشان
عملوا كده في جنة
جنة / اه وحثين بص روح اضربهم مث انت صاحبي
خلاث
ليبتسم جبل علي براءتها قائلا / طبعا بقينا اصحاب
جنة / خلاث اضربهم كلهم
ليمسك جبل خدودها قائلا / حاضر هضربهم كلهم
يلا بقي نامي عشان بكرة هنروح مشوار
جنة / فين فين
جبل / دي مفاجاة بكرة هتعرفي يلا تصبحي علي
خير
جنة ( بإبتسامة) / ماثي انا هنام باي
ليقوم جبل بتغطيتها ثم خرج من غرفتها ليتجه نحو
غرفته
Amal_Tarek
تعليقات
إرسال تعليق