الفصل 16/17 والاخير
متاهة حب
بس انا هاخد منك كل حاجه عايزها .. هاخد منك تمن قهرتى و حبى الى مقدرتهوش
- يا مازن ابعد بقا فوق
بس هو كان بيقرب اكتر و اكتر
ندى استجمعت شجاعتها و ضربته بالقلم و بعدها ضربته برجلها ف بطنه ف اتراجع ل ورا من الالم
ندى بعد م ضربته فتحت الباب بسرعه وجريت .. وهى فالممر كان ادهم بيجرى ناحيه الاوضه بعد م شاف مازن وهو بيقرب منها فالكاميرات .. اول لما شافته حضنته
÷ انتى كويسه !!
- ايوه متقلقش .. المره دى عرفت ادافع عن نفسى
÷ انا هروح اربيه الكلب دا
- لا استنى يا ادهم ... مازن ساعدنى كتير زمان وانا عارفه ان اكيد حالته النفسيه وحشه و دا الى خلاه يعمل الى عمله بس هو طيب ... سيبه هو هيهدى مع نفسه بعد ميفوق من الى حصله فحياته
÷ و دا يغفرله انه حاول يقرب منك !!
- عندك حق بس صدقنى هو لما يفوق من الى حصله فحياته متأكده انه هيندم جدا
ادهم مكنش قدامه غير انه يوافق على رغبتها
اخدها هى و يونس و راحو للفندق
*اليوم الى بعدو*
ندى راحت المستشفى و راحت لاوضتها
- ايوا اتفضل
اتصدمت لما الباب اتفتح و شافت كريم قاعد على كرسى متحرك
- كريم !!
~ ينفع ادخل ؟
- عايز تقول اى
~ اسمحيلى بس ادخل وهتعرفى هقول اى
- تمام بس قدامك خمس دقايق بس
~ انا عايزك تسامحينى .. ربنا عاقبنى على الى عملته فيكى بسنين السجن و خسارتى للكليه ومستقبلى ... ارجوكى سامحينى انا مش هقدر على اى عقاب تانى من ربنا
فلاش باك
كريم خرج من السجن بعد ٣ سنين .. خرج و هو مقرر يبدأ حياه جديده و ينسى الى حصل بس الناس كانو عائق قدام رغبته فالنسيان ... حاول يرجع للكليه بس رفضو رفض تام .. قال مش مشكله هشوف اى شغل و ابنى مستقبلى من الاول .. بس كل مكان يروح فيه كانو يرفضوه بسبب ان عنده سابقه .. اكتر من ٥٠ وظيفه اتقدم ليها و اترفض فيهم كلهم وقتها ادرك ان قدامه حياه قاسيه مليانه ذل .. كان خلاص فقد الامل انه يلاقى شغل وكان بيعيط وهو ماشى فالشارع و فجأه ... خبطته عربيه ماشيه بسرعه .. صاحب العربيه هرب و مطلبش اسعاف حتى .. واحد من الناس الى فالشارع شافه بعد الحادثه بنص ساعه و طلبله الاسعاف ( الحادثه حصلت قبل الفجر بساعه ف مفيش حد كان فالشارع)
فاق بعدها بيوم بس اتفاجئ انه مش قادر يحرك ايده ولا رجله
$ ها يا بطل اخبارك اى
~ الحمدلله يا دكتور بس .. انا مش عارف احرك ايدى ولا رجلى من سعت م فقت .. دا من تأثير العمليه صح
الدكتور اتنهد
$ للاسف انت اتصابت ب شلل رباعى .. الحادثه ادت لاصابتك فالنخاع الشوكى و كمان وصولك متأخر للمستشفى زاد الوضع سوء
~ يعنى اى !!! مش هقدر احرك غير راسى !!
$ للاسف
بصراخ ~ لا لا انت اكيد بتكدب عليا لا انا مش هقدر اعيش حياتى كدا
و انهار وهو بيعيط
$ كل حاجه قضاء و قدر .. الحادثه كانت قويه و كويس انك لسا عايش
بصراخ وعياط ~ عايش !! انت بتسمى وضعى دا بالحياه اصلا !! الموت كان ارحملى والله .. انا مش عايز اعيش ارجوك ساعدنى انا مش هقدر اعيش كدا
$ ربنا يصبرك 🥺😔
ومشى و سابه
سنه كامله و كريم فالمستشفى كل يوم بيعيط و ينهار بس مفيش قدامه يعمل حاجه .. دا حتى مش قادر يشرب ولا ياكل ولا يعمل اى حاجه لوحده
لما خلاص ادرك الواقع و اتقبله قرر يتصل ب مصطفى
~ ازيك يا مصطفى ...
= انت كمان ليك عين تتصل بيا !!
~ استنى متقفلش .. انا جالى شلل رباعى و مش هقدر اعيش وحدى .. لازم تساعدنى
= و اساعدك ليه !! انت تستاهل كل الى حصلك شوف بقا حد يهتم بيك انا مش فاضيلك
وقفل المكالمه
قرر يستخدم الورث الى ورثه من باباه ف انه يدفع تكاليف المستشفى و كمان يوظف ممرضه تهتم بيه
كان اشبه بالعاجز الوحيد الى مش بيقدر يعمل اى حاجه لوحده وفنفس الوقت مفيش حد معاه بيساعده .. طيب لما يخلص الورث هيصرف منين 😢
عاش اسوء سنين حياته وهو كل يوم بيندم على الى عمله ف ندى
قرر يدور عليها عشان يخليها تسامحه يمكن ربنا يشفيه او عالاقل متحصلش اى مصيبه تانيه ليه
بس معرفش يلاقيها
حط ورثه فالبنك وكل شهر بيجيله مبلغ بيكفى اكل وشرب ومرتب الممرضه .. هو كدا كدا مش عايز غير اكل و شرب ومرتب الممرضه وخلاص هيعيش باقى حياته بالشكل دا
باك
~ انا اول لما عرفت انك هنا جيت عشان تسامحينى ... ابوس ايدك سامحينى انا بتعذب بقالى ٤ سنين والله
- وانت عارف انك تستاهل الى حصلك
~ ايوه استاهل بس انا مش قادر استحمل تانى .. انا عذبتك سنه واحده فحياتك او اقل كمان انما انا اتعذبت ٣ سنين سجن و ٤ سنين شلل و الله اعلم كمان هل هخف او لا .. استجابتى للعلاج ضعيفه جدا و شكلى هفضل كدا طول عمرى
- مش هسامحك يا كريم
بعياط ~ ابوس ايدك سامحينى انا مش حمل مصايب تانيه ارجوكى و حياه اغلى حاجه عندك لتسامحينى
- ماشى هحاول اسامحك .. ياريت تتفضل برا عشان معنديش وقت ورايا شغل كتير
~ تمام .. عن اذنك
ندى فتحتله الباب و الممرضه كانت مستنياه عشان تزقه بالكرسى المتحرك
بعد لما كريم مشى ادهم دخل الاوضه
÷ مين الى كان قاعد على كرسى متحرك دا ؟! انا نبهت عليهم ميدخلوش شحاتين هنا
-...
÷ ندى انتى بتعيطى !!
قرب منها وحضنها
÷ بتعيطى ليه اى حصل
- ربنا جابلى حقى يا ادهم
وحكتله الى حصل لكريم
- بس مش عارفه انا ليه زعلانه ليه .. هو صعب عليا اوى يا ادهم ...
÷ دا واحد ميستاهلش انك تزعلى عليه ولا يصعب عليكى .. هو يستاهل كل الى حصله وياريت كل مغتصب تكون نهايته كدا
وقتها مازن دخل الاوضه
÷ انت بتعمل اى هنا !!
# انا كنت جاى اعتذر ل ندى على الى عملته امبارح ... انا والله مكنتش ف وعيي .. كنت متأثر باللى حصلى و كانت حالتى وحشه
- ولا يهمك يا مازن ... انا بشكرك فعلا انك ساعدتنى زمان بس مش معنى انك ساعدتنى يبقا لازم اردلك جميلك ب انى اتجوزك .. فهمتنى ؟ انا محستش ناحيتك ب اى حاجه يا مازن ومكنتش فحاله تسمحلى انى احب اى حد اصلا .. كنت ناويه اكمل باقى حياتى لوحدى اصلا لولا انى قابلت ادهم
- ولا يهمك يا مازن ... انا بشكرك فعلا انك ساعدتنى زمان بس مش معنى انك ساعدتنى يبقا لازم اردلك جميلك ب انى اتجوزك .. فهمتنى ؟ انا محستش ناحيتك ب اى حاجه يا مازن ومكنتش فحاله تسمحلى انى احب اى حد اصلا .. كنت ناويه اكمل باقى حياتى لوحدى اصلا لولا انى قابلت ادهم
# مش مشكله انا فاهم الكلام دا و فاهم ان مش لازم يكون الحب متبادل .. انا قررت هطلق مراتى و هرفع قضيه نسب عالطفل و هشوف واحده كويسه وبنت ناس اقدر اثق فيها و بالمناسبه انا مش هقدر اشتغل فالمستشفى هنا ...
و طلع ورقه من جيبه و حطها عالمكتب
# دى استقالتى ..
- مع انك كنت دكتور شاطر يا مازن و كون انك تمشى من المستشفى دا فيه خساره كبيره لينا بس انا هحترم قرارك .. اتمنى تكون سعيد فحياتك
# انتى كمان .. باى
- باى 👋
و خرج من الاوضه
- شفت قلتلك مازن انسان طيب و اكيد مكنش ف وعيه
÷ كويس انه قدم استقالته .. مش هستحمل اشوف حد بيحبك موجود جمبك فالمستشفى
ندى قامت من مكانها و قربت من ادهم وبصت ف عينه
- بتغير عليا ؟
÷ يعنى عشان انتى مامت ابنى وكدا ف لازم اغير
ندى ضربته على دراعه
- مامت ابنك بس ؟!
ادهم قرب منها وبص ف عينها
÷ وحبيبتى و قلبى و صاحبتى و مامت ميرا كمان
- ميرا مين
÷ بنتنا الى هتيجى الدنيا بعد ٩ شهور
ندى بعدت عنه
- مش احنا متفقين ان مفيش عيال تانى غير بعد سنتين عالاقل ؟
÷ عادى فيها اى لو الاتفاقات اتغيرت
- وبعدين هتسميها ميرا ليه
فلاش باك
- هى مين ميرا دى الى عملالك لاف على صورتك عالفيس و كاتبه كومنت بتقول فيه وحشتنى
÷ عادى زميلتى .. دكتوره الفسيولوجى
- و زميلتك هتكتبلك ليه وحشتنى !!
÷ عشان بقالنا ٥ شهور اجازه بسبب كورونا مثلا ؟!
- اعملها بلوك يا ادهم ومتعصبنيش
÷ هعمل لزميلتى بلوك ليه ؟!
- طب ماشى خلاص براحتك
قامت من مكانها و اخدت يونس و بتحضر شنطته
÷ انتى رايحه فين !!
- رايحه اقعد ف فندق عشان تبقا تتكلم مع زميلتك و تخونى براحتك من غير متخاف انى اكشفك
÷ يبنتييي .. بهزر والله بهزر .. دى بنت خالتى والله
- كمان بنت خالتك !!
ادهم بيلطم على وشه😂
÷ و اختى فالرضاعه
- متقول كدا من الاول
÷ هو انتى سبتيلى فرصه ؟! وبعدين لحظه كدا ..
قرب منها و بص فعينها
÷ انتى بتغيرى ؟!
- لا طبعا هغير من اى
بخبث ÷ طب خلاص على فكره انا بكدب وهى مش اختى فالرضاعه ولا حاجه قلتلك كدا بس عشان تهدى ومتسبيش البيت
ندى مسكت يونس و اخدت شنطته
÷ يبنتى استنى والله اختى فالرضاعه😂😂 طب بذمتك انتى كدا مش بتغيرى عليا ؟!
- ايش يضمنى انك مش بتكدب وانها فعلا اختك فالرضاعه
فتح باب الشقه
÷ يااا سمر تعالى بسرعه
سمر فتحت باب شقتها و راحت عندهم
▪︎ نعم يا ادهم فيه حاجه ؟
÷ ميرا بنت خالتنا و اختنا فالرضاعه صح
▪︎ اها .. بتسأل ليه ؟!
÷ عشان ندى مش مصدقانى
▪︎ عيب عليكى يا ندى من امتى ادهم بيكدب عليكى
÷ هى كدا شاكه فيا من سعت الكرش الى طلعلها بعد العمليه القيصريه
ندى ضربته على دراعه
- اذا كنت انا بحاول اخفى الكرش تروح تقول لاختك عليه !!
÷ شفتى بقا يا سمر انا بتعذب ازاى 😂😂
- والله يعنى لو بتتعذب طلقنى
مسك فخدودها
÷ اطلق القمر دا ازاى بس قوليلى و بعدين يبنتى ماله الكرش يعنى .. تحبى ابطل جيم شهر و يكون عندى كرش زيك ونتسابق مين كرشه هيكون اكبر ؟😂😂
بصتله بصه طفوليه
- يعنى شكلى مش وحش بالكرش ؟
÷ اموت انا فالبصه دى 😂😂 يعم والله شكلك قمر فكل حالاتك
ندى بعدت عنه
- فيه واحد فالدنيا دى كلها يقول لمراته يعم ؟!
÷ طب خلاص .. يمراتى .. يحبيبتى ... يقلبى .. يروحى
- متبطل محن بقا
÷ يعنى لا كدا عاجب ولا كدا !!
باك
÷ لا ابدا كنت بطمن بس انك لسا فاكره الموقف دا 😂
- ايوه لسا فاكراه ومش هسمى بنتنا ميرا لعلمك يعنى 😒
÷ ماشى خلاص متبصليش البصه دى 😂😂
- صحيح .. الشاب الى لما دخلت عندى الاوضه ف اول يوم ليا فالمستشفى كان مصطفى .. الى حكيتلك عنه زمان
÷ بجد !! طيب ليه مقولتليش كنت اديتهولك علقه عشان الى عمله فيكى زمان
- لا دا بقا سيبهولى انا الى هنتقم منه بنفسى
يتبع..... خلاص هانت قربنا نخلص روايتنا ✋😑💔
تحياتى لكم 😘
الفصل 17 الاخير
- صحيح .. الشاب الى كان موجود لما دخلت عندى الاوضه ف اول يوم ليا فالمستشفى كان مصطفى .. الى حكيتلك عنه زمان
÷ بجد !! مقولتليش ليه كنت اديتهولك علقه عشان الى عمله فيكى زمان
- لا دا بقا سيبهولى انا الى هنتقم منه بنفسى
÷ طب انا خايف دلوقتى 😂😂 متجوز واحده دماغها توزن بلد يا ناااس
- عشان تعرف بس لو زعلتنى فيوم هعمل فيك اى 😂
÷ انا اقدر ازعلك بردو؟ و بعدين انا متشوق اشوف هتعملى اى ف مصطفى
روحو البيت
*اليوم الى بعدو*
- لو سمحتى قولى لدكتور مصطفى يجيلى ضرورى
$ حاضر يا دكتوره
*بعد خمس دقايق*
فتح الباب من غير ميخبط
= عايزه اى ؟!
- مفيش صباح الخير حتى ؟ بعدين اى عايزه اى دى .. هكون عايزه اى من دكتور شغال فالمستشفى بتاعتى غير انى هكلمه فالشغل
= نعم ماله الشغل
- انا شايفه انك مش قايم بوظيفتك كويس .. فكرنى كدا انت متخرج من امتى ؟! تقريبا متخرج بقالك ٨ او ٩ سنين ومع ذلك لسا معملتش ماجستير ولا دكتوراه و انا عايزه اطور المستشفى ف للاسف هضطر اطردك واشوف حد احسن منك
= نعم !! انا اكتسبت خبره فالسنين دى و بقيت احسن من الى اخد دكتوراه ... و عمر م مريض اشتكى منى
- انا قولت الى عندى .. ياريت تمشى من دلوقتى عشان الدكتور الجديد جاى فالطريق
= كمان كلمتى واحد قبل م امشى !! للدرجه دى شايفه انى فاشل فوظيفتى ؟!
- الله اعلم فاشل ولا لا بس انا عايزه اطباء طموحين فالمستشفى عندى و انت للاسف يعنى مش بتتقدم وعايز تفضل كدا دايما
= يعنى تضيعيلى ٧ سنين من حياتى و انا بدور عليكى و كمان تطردينى من المستشفى الى شغال فيها بقالى ٩ سنين
- والله يعنى لو مش عاجبك كلامى وعايز تكمل فالمستشفى هنا يبقا تشتغل شيفت مضاعف يعنى من الفجر للضهر و بعد كدا من العصر ل ١٢ بالليل
= نعم !! ليه ان شاء الله اشتغل الوقت دا كله
- دا الى عندى .. وبعدين لو انت اتطردت من هنا مفيش مستشفى هترضى تشغلك وانت متخرج بقالك ٩ سنين و لسا مأخدتش الماجستير
= وطبعا المرتب هيزيد للضعف فالحاله دى
- تؤ تؤ متحلمش بزياده جنيه فالمرتب .. هما الفين جنيه هتاخدهم فالشهر وتحمد ربنا عليهم
= نعم !! الفين ! اعمل اى بيهم الالفين دول انا كنت باخد ٤٠٠٠ و كمان بشتغل نص الوقت الى عايزه تخلينى اشتغله
- زى مقولتلك دا الى عندى و لو مش عاجبك الباب يفوت جمل
= بس دا ظلم !!
- والى عملته فيا زمان مكنش ظلم !! بعدين انا لسا معملتش حاجه .. اصبر بس
= عايزه تنتقمى منى ليه ! مش خلاص لقيتى الى يحبك وتحبيه و نسيتينى ؟!
قرب منها جامد
= ولا شكلك لسا فاكرانى و دمك محروق انى قدامك دايما
ندى بصت ف عينه بكل ثقه
- انا بس كل الى فاكراه انك انسان مقرف و مكنتش
تستاهل ربع جرام حب حتى
بس مصطفى بص ف عينها بثقه اكبر
= المقرف دا انتى كنتى هتبوسى رجله عشان يصدقك
- و نفس الانسان ال بتتكلم عنه دا هو الى مجبور يشتغل فالمستشفى بتاعتى بالمرتب والساعات الى انا احددها ومش مسموحله يعترض
= و نفس الانسان الى بتتكلمى عنه دا لسا منتقمش منك على الى عملتيه فيه
- انت بجد موهوم اوى .. فوق بقا قلتلك انى مش ندى الى كنت تعرفها زمان
= مفيش حد بيغير نفسه كليا .. مثلا .. لسا لمعه عينك موجوده و انتى بتكلمينى و مثلا
قرب منها اكتر
= لسا جميله زى م انتى
ندى بعدت عنه و قعدت عالكرسى بتاعها
بعصبيه - شكلك نسيت انى مديرتك هنا
= منستش بس كمان منستش انى كنت بحبك ولسا بحبك .. دى المره التانيه فحياتى الى اعوز انتقم فيها منك و معرفش ... فاكره وقت م اتجوزتينى و انتى بتحبى اخويا و قررت انتقم وقتها ومعرفتش ؟! انا دلوقتى فنفس الموقف .. لا عارف انتقم ولا عارف اكرهك اصلا
- دى مشكلتك مش مشكلتى
= انا عارف انك كمان منستنيش حتى لو انكرتى من هنا للصبح .. نظرات العيون مش بتكدب و على فكره مش هتعرفى تنتقمى منى لانك لسا بتحبينى
بتحدى - الى شايفه فعينى دا كره و حقد ليك .. مش حب ابدا
= يا ترى جوزك هيعمل اى لما يعرف انك لسا بتحبينى و انك اخدتيه سلم عشان توصلى للمكانه الى انتى فيها دلوقتى
بعصبيه و زعيق - امشى اطلع برا !!
= طيب انا بس عندى فضول لحاجه .. هو يونس دا ابنه بجد ولا ابن حد تانى و دبستيه فيه
ندى قامت من مكانها ومسكت مصطفى من دراعه جامد وخرجته برا الاوضه
- انسان مقرف !!
خرجت من الاوضه وراحت ناحيه الاستقبال
- الدكتور مصطفى هيشتغل شيفت مضاعف من انهارده .. من الفجر للضهر بعد كدا من العصر ل ١٢ بالليل
£ تمام
راحت بعدها تشوف الدكاتره فالمستشفى عشان تتأكد انهم بيشتغلو ومش بيضيعو وقت وخلاص
وهى معديه من جمب اوضه مصطفى سمعت صوت عياط جامد من عنده ف وقفت ورا الباب عشان تسمع بيقولو اى (كان الباب مقفول)
= اهدى بس ... الاجهاض عمليه سهله والله ومفيش حاجه هتحصلك
بزعيق و عياط + عمليه سهله !! انت الى عملت فيا كدا لعلمك يعنى .. استغليت انى بكره جوزى و تعذيبه ليا و دخلت عليا بدور الحنين و الطيب
= وانا الى ضربتك على ايدك !! انتى الى جيتى بعدها بسنتين تقولى انك بتحبينى .. انا كنت بساعدك عشان انتى اخت الانسانه الوحيده الى حبتها و انتى الى قلتى انك بتحبينى و بعدها بدأتى تقربى منى
+ ايوه انا بحبك و مش مكسوفه انى اقولك كدا !! فاكر لما اتقدمتلها و انا وافقت اتخطب لكريم ؟ انا موافقتش عشان هى تضطر تتجوزك لا بالعكس انا وافقت عشان احرق قلبها و اخليها تحس نفس الى حسيته و كنت فاكره وقتها ان لما اعمل كدا هى هتسيبك وهتروح لكريم بس العكس هو الى حصل ... ندى كانت انانيه اوى معايا و اخدت الشخص الى كنت بحبه .. كانت لما بتحكيلى عن كريم ف مره ورتنى صورتك وقالتلى دا اخوه .. وقتها عجبتنى وعرفت من الفيس انت شغال ف انهى مستشفى و كنت باجى كل يوم عشان اشوفك من غير متنتبه ... حبيت تعاملك مع الناس وطيبتك .. بس هى وافقت عليك مع انها مش بتحبك .. مفكرتش فيا لما قلتلها انك من النوع الى بحبه و انى شكلى هحبك .. جريت ورا مصلحتها وخلاص .. طول حياتها كدا بتاخد كل حاجه عايزاها و انا مباخدش حاجه مع انى احلى منها .. حتى بابا كان بيهتم بيها اكتر منى و بيحبها اكتر منى .. مره لما كنا ف اعدادى كان فيه واحد ف ثانوى معجبه بيه .. وكنت بحكيلها عنه بس فيوم بقا استناها بعد الدرس و اعترفلها بحبه .. شفتهم وقتها وهما واقفين مع بعض و واجهتها بعدين بس هى انكرت .. كانت بتشفق عليا !
= انا فعلا كنت بساعدك بعد لما ندى اختفت ك اخ و صديق ومكنش قصدى اى حاجه تانيه .. مش عارف يمكن انت ترجمتى تصرفاتى غلط بس انا محبتش غير اختك بس ..مش كل حاجه عايزينها بتحصل يا مريم .. انتى اتخطبتى بعدها و كان باين عليكى سعيده و بعد الجواز اكتشفتى انه انسان مخادع ف بدأتى تبصى على حياه اختك كان شكلها ازاى معايا بعيدا عن مشكله كريم .. انتى محبتنيش يا مريم انتى بس كان نفسك تتحبى وتعيشى حياه سعيده
مريم زادت فالعياط
+ يعنى كنت بتكدب لما قلتلى انك بتحبنى ؟!!!
= انا مقولتش غير مره واحده بس و كنت مكتئب وقتها .. انتى جيتى قولتيلى ففتره صعبه بالنسبالى و انا ضعفت .. بصى احنا مش هنفضل نلوم بعض خلاص الى حصل حصل المهم عايزين نتصرف فالجنين دا
بعياط و زعيق + انا مش هجهضه يا مصطفى .. انا خلاص اتطلقت من جوزى و انت تعالا اتقدملى و هتحبنى مع الوقت .. ندى اتجوزت و خلاص مش هترجعو لبعض ابدا
= عارف اننا مش هنرجع لبعض بس مستحيل اتجوزك ... هئتمنك على شرفى ازاى بعدين .. مش يمكن تحبى حد تانى و تضعفى و تغلطى معاه تانى ؟
مريم ضربته بالقلم
+ انت رخيص و خسيس
= والله يعنى بصى فالمرايه عشان تعرفى مين فينا الى رخيص .. مش انتى الى سلمتيلى نفسك ؟! يبقا مين فينا الرخيص
+ انا هقول لندى على كل حاجه .. هقولها انك مكنتش بتستناها وانت مخلص لاا انت ضحكت عليا والله اعلم ضحكت على كام واحده تانيه
مصطفى شدها من شعرها
= بت انتى !! هتدخليلى ف جو ضحكت عليكى و مضحكتش عليكى !! مقولت ضعفت وقتها وكانت غلطه .. وبعدين انتى الى قولتى حاجه انا هروح لطليقك اقوله على الى حصل بينا و اخليه يرفع قضيه اثبات نسب لباقى عيالك عشان يتأكد انهم عياله
بعياط و زعيق + انا بكرهك بكرهك !!
وخرجت من الاوضه وهى بتعيط بس اتفاجئت ف ندى واقفه قدام الباب
بعياط + ن....ندى
- انتى ازاى كدا ؟!! اى كل الحقد الى شايلاهولى دا و قدامى بتمثلى انك بتحبينى جدا .. انا اول لما عرفت انك فمشكله ساعدتك رغم الكلام الى قولتهولى زمان ... فعلا زعلت عليكى انك متجوزه واحد زى دا بس تصدقى .. هو الى المفروض يزعل انه كان متجوز واحده خاينه و حقيره زيك .. مفكرتيش ف اولادك طيب !!
بعياط + ندى والله هو الى استغل ضعفى .. مصطفى انسان مش كويس والله ... دلوقتى حامل و عايز يخلينى اجهضه
مصطفى اتدخل فالحوار
= اختك يا ندى بتكرهك اصلا من زمان و هى الى سلمتنى نفسها والله انا مأجبرتهاش على حاجه .. و اى راجل ف موقفى كان هيضعف
بزعيق - بس بقا متقولش راجل !! انت هتصلح غلطتك و هتتجوزها وابقا طلقها بعدها لو عايز
= مش هتجوز حد و بعدين لحظه كدا .. هو مش انتى الى هتخلينى اشتغل شيفت اضافى و بنص المرتب كمان ؟!
- متفتكرش انك هتمسكنى من ايدى الى بتوجعنى .. مريم مش هتجهض الطفل و لما يتولد هنرفع قضيه اثبات نسب ليك
بتحدى = متستعبطيش يا ندى انا عارف انك مش هتفضحى نفسك و اختك .. متمثليش انك قويه و انتى اصلا شويه وهتبوسى رجلى عشان اتجوز اختك
ومشى و سابهم
بزعيق - تعالى ورايا ف اوضتى ..
*فالاوضه*
بزعيق - اى الى عملتيه دا !!! ازاى تعملى كدا اصلا ؟!! ازاى تخونى جوزك و ازاى تزنى .. مفكرتيش ف اولادك ولا عقاب ربنا ؟! اهو الباشا ماسكنى من ايدى الى بتوجعنى فعلا .. كان ممكن وقتها تقوليلى على حقيقه مشاعرك ليه و انا والله كنت هسيبه حتى لو كنت هجرحه وقتها .. انتى لما كنتى بتتكلمى عنه انا افتكرته شخص عجبك شكله وخلاص مفكرتش انك تكونى بتحبيه
بعياط و زعيق + بطلى بقا تلومينى على حاجه انتى السبب فيها !! طول عمرك انتى المثاليه و انا الى وحشه .. انتى السبب ف الى انا فيه دلوقتى .. اتجوزت واحد مش بحبه بس عشان اجبر نفسى انى انسى مصطفى .. كنت فاكره ان جوزى هيكون حنين عليا وهيخلينى انسى مصطفى بس بالعكس دا خلانى الجأ لمصطفى بنفسى وكمان اعترفله بحبى
- وانا الى اخترتلك جوزك مثلا !! انتى الى صممتى تتجوزيه رغم انه كان مستعر منى و مرضيش يتجوزك غير لما قلتله يعتبرنى ميته
مريم كانت بتعيط
- احنا مش هنفضل نتناقش مين فينا الى غلطان اكتر .. لازم نشوف حل للمصيبه دى
بعياط+ انا مش عايزه اجهض الطفل ..
- لازم تجهضيه .. هيفضل يهددنا انه يرفع قضيه او يروح يقول لجوزك .. ولو جوزك بقا عرف و رفع قضيه زنا هيكسبها و هياخد عيالك منك
بعياط + كله الا عيالى ..
- انا هتفق مع اشطر دكتور هنا انه يعملك العمليه ف اخر الاسبوع ف اجهزى
بزعيق و عياط + وانا قلتلك مش عايزه اجهضه !!
مريم بعدها خرجت من الاوضه و سابت ندى
بمجرد م خرجت مصطفى دخلها الاوضه
= بصى انا هشتغل ٥ ساعات بس فاليوم وهاخد ٨٠٠٠ فالشهر
- ف احلامك الكلام دا
= والله يعنى انا مش باخد رأيك او بطلب منك .. انا بؤمرك
- اعلى م ف خيلك اركبه اعمل الى عايزه . مش هتقدر تهددنى
مصطفى فتح موبايله و طلع صوره .. كانت صوره ليه هو ومريم
= طب خلاص بقا انا هروح لطليق مريم اوريله الصوره الجميله دى و هو بقا يقتلها او يرفع قضيه زنا و ياخد العيال براحته بقا
- انت حقير والله و ب وشين شويه طيب و شويه شرير
= مش هتسألينى عايز اى مقابل انى مفتنش على اختك و ادمرلها حياتها
- عايز اى !
= تكونى متطلقه من ادهم فخلال يومين وتسيبى ابنك معاه و لما تخلص شهور العده هجيب المأذون ونتجوز
وسابها ومشى
ندى قعدت عالكرسى بتاعها وهى بتفكر .. قدامها يا اما تختار حياتها او حياه اختها .. واحده من الاتنين هتتدمر
وقتها ادهم دخل الاوضه
÷ مراتى الحلوه انتقمت ازاى 😂
بس ندى كانت شارده
ادهم باسها على خدها
ف فاقت من شرودها
- اى دا انت هنا من امتى
÷ من ٣ دقايق مثلا .. طب اى مش نروح البيت ؟ عايز اكل من ايدك انهارده زهقت من اكل المطاعم .. تعالى نسهر سهره عائليه انا وانتى ويونس
- سيبنى لوحدى شويه يا ادهم
÷ مالك شكلك متضايقه جامد
بزعيق - قلتلك سيبنى لوحدى شويه يا ادهم
÷ لا مش هسيبك .. احكيلى اى مضايقك
- انا عايزه اتطلق يا ادهم
بذهول ÷ نعم !!
- لو سمحت طلقنى
÷ انتى بتهزرى صح
- لا
÷ طيب انا عملت اى وحش معاكى ؟ قوليلى عشان اصلح الى عملته
- معملتش حاجه يا ادهم انا الى زهقت وعايزه اتطلق
الدموع ظهرت ف عيون ادهم
÷ زهقتى منى ؟
- يا ادهم بتعيط ليه دلوقتى
÷ يمكن عشان الانسانه الى بحبها عايزه تتطلق وبتقول انها زهقت منى ؟
- لو سمحت يا ادهم متصعبش عليا الموضوع اكتر
÷ انا بحبك والله بحبك و اسف لو عملت اى حاجه ضايقتك .. بالله عليكى قوليلى اى الى عملته وضايقك و انا والله هصلحه
بزعيق - يا ادهم افهم بقا انا زهقت منك ومبقتش عايزاك
ادهم كان بيعيط زى الاطفال
وخرج من الاوضه
اما ندى ف مقدرتش تمسك نفسها اكتر من كدا وعيطت جامد .. هى مش هتقدر تكون انانيه و تدمر حياته اختها مقابل ان حياتها هى تكون سعيده
*اخر اليوم*
كانت خلاص خارجه من الاوضه ورايحه البيت بس مصطفى دخل الاوضه
= من كام ساعه كدا شفت ادهم وهو بيحاول يخفى دموعه وهو خارج من عندك .. حرام صعب عليا 😂
وضحك ضحكه غريبه
- انت مش طبيعى يا مصطفى .. والله بتفكرنى ب اخوك .. انت بقيت مش طبيعى زيه بالظبط و يمكن اكتر
= انجزى .. هتخليه يطلقك امتى
بصتله ب استحقار بعدها مشيت
مكنتش عارفه تروح لبيت باباها ولا تروح لبيتها .. هى مش هتقدر تواجه ادهم تانى و فنفس الوقت عارفه انه مش هيطلقها بالسهوله دى
قررت تروح بيتها
فتحت باب الشقه بالراحه بس ادهم كانت مستنيها فالصاله
- ليه لسا صاحى
÷ بسترجع كل الى عملته معاكى فالفتره الاخيره عشان اعرف انا غلطت ف اى ..
ندى راحت ناحيته وحضنته
- معملتش حاجه والله يا ادهم بس ...
÷ بس اى ... مش قادر اتخيل انى هرجع لبيت انتى مش موجوده فيه .. طيب و يونس مفكرتيش فيه ؟!
- يونس هيفضل معاك
÷ يونس محتاج مامته وباباه معاه .. مش هيقدر يعيش من غيرك ..
- يا ادهم متصعبش الموضوع لو سمحت . ارجوك طلقنى بكرا
÷ مش هقدر ... لازم تقوليلى السبب الاول
بزعيق - قولتلك انى زهقت منك يا ادهم بتستفزنى وتسألنى عن السبب خمسين مره ليه !!
ادهم راح لاوضه يونس و نام جمب يونس وهو بيعيط...
- طيب نايم ليه جمب يونس
÷ يعنى عايزه اطلقك وممانعه انام جمب يونس
- عندك حق ..
راحت اوضتهم وهى منهاره
فكرت طول الليل و قررت انها مش هتقدر تبعد عن ادهم .. هتبعد ازاى عن الانسان الى عمره م اذاها و كمان هى بتحبه جدا .. هتقوله وهو يفكر معاها فحل
* الصبح*
صحيت على صوت الدولاب وهو بيتفتح
- ادهم .. صاحى بدرى كدا ليه لسا فاضل ساعتين على وقت الشغل
÷ ...
- مخاصمنى يا ادهم ؟
÷ رايح الشغل يا ندى .. مقدرتش انام اساسا ف هروح الشغل احسن
- عايزه اتكلم معاك فحاجه مهمه
÷ مش هطلقك يا ندى
- لا موضوع تانى
قعد عالسرير
÷ اى هو
ندى حكتله الى حصل مع مصطفى
÷ نعم !! بيهددك ب اختك !
- ايوه .. هيدمرلها حياتها لو متطلقتش منك
÷ دا اكيد اتجنن .. انا هروح اتصرف معاه
- الضرب مش هيفيد بحاجه يا ادهم هو ممكن يعند و يروح لطليق مريم
÷ عايزانى اسكت يعنى !!!
- لا عايزه نفكر فحل بهدوء
÷ تمام ..
*بعد ساعه*
- انا خايفه يا ادهم خطتنا متنفعش
÷ هتنفع اهدى بس
اتصل ب طليق مريم
₩ ايوه مين معايا
÷ انا ادهم فاكرنى ؟!
بخوف ₩ اه طبعا فاكرك يا باشا .. اؤمر
÷هقدملك فرصه تغير حياتك
بفرحه ₩ بجد يا باشا !!
÷ هبعتلك بعد ساعتين ٢٠٠ الف على حسابك فالبنك و تسافر برا مصر خالص و تروح تشتغل ف اى دوله تانيه. ابعتلى رقم حسابك عالواتس
₩ بتتكلم جد !!! بجد مش عارف اشكرك ازاى
÷ سافر ف اقرب وقت
₩حاضر يا باشا
÷ بس كدا فاضل انك تمثلى انك بتحاولى معايا انى اطلقك و انك هتنفذى لمصطفى الى هو عايزه .. عايزين نكسب وقت لغايه لما الزفت دا يخلص اجراءات سفره وانا هتابعهم معاه عشان يخلصهم بسرعه و هجيبله موبايل جديد و اخد الى معاه و ارميه عشان مصطفى ميعرفش يوصله ابدا
- تمام ..
لبسو بعدها و راحو المستشفى
= مقولتليش يعنى امبارح امتى هيطلقك
- قريب جدا .. انا بحاول معاه اهو
= تمام .. قدامك اسبوع
ندى بعدها خرجت من المستشفى و راحت لمريم
- انتى بجد مش هتنزلى الطفل ؟!
+ ايوه
- و هتكتبيه ب اسم مين !!
+ هشوف واحد اتفق معاه نتجوز عالورق و لكتب الطفل ب اسمه بعدها يطلقنى
- و دا هتجيبيه منين
+ عادى اقدر اجيبه بسهوله المهم بس انتى تدفعيله مقابل الى هيعمله دا
- تمام ..
خرجت من عندها وهى مقرره انها مش هتشوف وشها تانى
بعتتلها فلوس عالبنك
عدى اسبوع و ادهم بيتابع مع عاطف اجراءات سفره و فعلا خلصها و وسافر اول لما خلص الاسبوع
ادهم بعدها طمن ندى و فرحو جدا و اتفسحو هو وهى و يونس
÷ يونس
× نعم يا بابى
÷ قول لمامتك انى بحبها قد البحر وسمكاته
يونس بص ل ندى 😉
ندى ضربته على دراعه
- انت هتخلى ابننا نسخه منك ولا ايه ؟!😂
÷ اى دا انتى مش عايزه نسخه منى ؟!
- لا طبعا عايزه جدا كمان
÷ طب اشمعنا انتى عايزه نسخه منى ومش راضيه تجيبيلى نسخه منك
× ايوه يا مامى انا عايز اخت
- بعدين بعدين
*اليوم الى بعدو*
ادهم وندى راحو المستشفى وهما ماسكين ايد بعض
مصطفى شافهم واتعصب جامد
كان مستنى فرصه انها تكون وحدها من غير اهدهم عشان يدخلها و يهددها
بس ادهم مسابهاش لحظه
و اتصل بالاستقبال عشان يقولو ل مصطفى يروح اوضه ندى
= نعم يا دكتوره
- ادهم عارفك يا مصطفى ف بطل تمثل .. بالمناسبه انا و ادهم مش هنتطلق و اعمل الى عايزه
بعصبيه و زعيق = دا انا هخلى حياه اختك جحيم
- لا استنى صح نسيت اقولك ان عاطف سافر امبارح و مش هتعرف توصله خاالص
وقتها ادهم قرب من مصطفى
÷ انت يا حلو ازاى بتزعق لمراتى بالشكل دا !! و بعدين هو انت مش هتعقل بقا و تتصرف تصرفات ناس عاقلين ! اى شغل التهديدات الى بتعمله دا !
= ...
ادهم مسك مصطفى من قميصه و ضربه جامد ف وشه
وبعدها خبطه فالحيطه
÷ خلينى بس اشوفك جمب مراتى تانى !!
مصطفى كان لسا واقف بيستوعب الى قالوه
ادهم ضربه ف بطنه ب ركبته
÷ يلا اطلع برا خلص كلامنا معاك !! بالمناسبه انت مطرود من المستشفى و اوعدك محدش هيرضى يشغلك فالمستشفى بتاعته
مصطفى مشى وهو باصص فالارض .. خرج من المستشفى خالص
- انت جواك روح بلطجى والله😂😂
÷ عجبتك صح
- جدا
÷ طيب ايي هنعمل اى فموضوع اخت يونس
- انت الى طلعت الفكره فدماغه صح!! اعترف
÷ على حسب هتزعقيلى و لا لا
ندى ضحكت
الموضوع عدى و ندى مشافتش مريم تانى بعدها .. قررت تبعد عنها خالص .. مريم ولدت الطفل و كتبته ب اسم الراجل الى دفعتله فلوس عشان يرضى يكتبه ب اسمه ... و مصطفى محدش شافه تانى بعد اليوم الى اتطرد فيه من المستشفى
و بعد لما مريم ولدت .. ندى اكتشفت انها حامل .. و جابت بنوته زى القمر سمتها مليكه
وعاشت هى و ادهم ف امان وسلام من غير اى مشاكل تانيه ❤
" عندما تكون غارق في مستنقع من البؤس و العذاب ويحيط بك الظلام من كل جانب ، ف تظن أنها حتماً النهاية ولكن ينجيك الله برحمته و تمتد يد لك لتنتشلك إلي النور و تمسك بيدك نحو طريق الأمل و الحب و السعادة❤"
وبكده خلصت الروايه ♥️
النهاية ......
اتمنى تكونوا استمتعتم معايا بالروايه وانتظروا الروايه القادمه اجمد واشد روايات هاتلاقوها عندى باذن الله 😉🥰🥰
بحبكوووووا ف الله
تحياتى 👋🙋
تعليقات
إرسال تعليق