الحلقه الخامسه
اميره في بيتنا
(اميره قلبي)
الجزأ التالت
داخل شقة يوسف
في غرفه يوسف
كانت أميره منسجمه في تحضير بعض الأشياء التي طلبها منها محمود وهي مركزه في الموضوع الذي طلبه منها محمود تذكرت شئ خطر في بالها
أميره وهي تكلم نفسها ٠٠ الله هو محمود إزاي عرف موضوع منال وطلاقها أنا ما قولتش لأهلي علي الموضوع
دخل يوسف وجدها تتحدث مع نفسها
يوسف بدهشه٠٠هو الجنان إشتغل ولا إيه آنتي بتكلمي نفسك
أميره ٠٠ ها إنت بتكلمني يا حبيبي
يوسف ٠٠ ما بلاش حبيبي دي بالنهار وغمز لها خليها باليل بس
اقتربت من كرسيه وجلست إمامه وبدلع ٠٠ مين حبيب ميرو
يوسف ببتسامه ٠٠مين
أميره وبدلع٠٠حبيب ميرو هو جوزي وقلبي وحياتي كلها
مسكها من ذراعها وشدها اليه
طيب تعالي نشوف الموضوع ده
ابتعدت عنه بهدوء
أميره بجدية ٠٠هو إنت بتحبني
يوسف بتنهيده ٠٠ والله بموت فيكي وبعشقك
أميره ٠٠ وضعت يدها حول وسطها
اثبت
بقلم زهرة الجيل
في شقه صالح
داخل غرفه أولاد صالح
عاصم بدهشه٠٠انتي بتقولي إيه يا منال آنتي أكيد مش في وعيك
منال ٠٠ فيها إيه ياعاصم كفاية إنها بتحبك وخد إللي يحبك
عاصم وهو رافع يده إلي الاعلي٠٠خدهاربنا هي وامها واختها
عمر٠٠وانا مؤيد لكلام منال خد إللي يحبك
عاصم بنظرات غضب ٠٠خدها ربنا يا بعيد
منال وهي تحاول إقناع عاصم
يا عاصم دي بنت عمك وإنت أولي بيها
عمر ٠٠ فعلا إنت أولي بيها
عاصم وهو يجز علي اسنانه٠٠اسكت إنت مش سماح حربايه زي أمها وكلكم مش بطقوها إيه إللي خلاكي تغيري رأيك دا آنتو ناقص عليكم تسمعوها
منال بتردد ٠٠لما فكرت في الموضوع قولت في الأول والاخر دي بنت عمنا
عاصم ٠٠ وإللي عملته هي وامها ونسيتي إللي عملته أختها مع يوسف كل ده اتنسا
منال ٠٠انا قولت إللي عندي عشان هي بتحبك وعايزاك
عاصم ٠٠ أنا أفضل طول عمري من غير جواز ولا أفكر مجرد تفكير في بنت جليله
منال بيأس٠٠فكر تآني عشان خاطري
عاصم بدهشه٠٠هو أي الموضوع وليه كأنك بتترجيني
منال ٠٠لا أبدا أنا بقولك فكر في الموضوع
عاصم ٠٠ مستحيل مستحيل مستحيل
منال بيأس ٠٠علي راحتك هروح أشوف الولاد
بقلم زهرة الجبل
داخل شقة حسن
دخل حسن وكان واضح عليه الارهاق
داليا ٠٠حمد الله علي السلامة
حسن بتعب ٠٠ الله يسلمك العيال فين
داليا ٠٠ تحت عند جدهم أي الشنطه دي
حسن ٠٠فلوس إيراد النهاردة هوديها البنك بكره
مسكت الشنطه بلهفه شكلها فلوس كتيره اوي
حسن٠٠حوالي ٣٠٠٠٠٠الف
داليا ياه وبتفكير٠٠بقولك لو معاك عشرة جنيه وخدت منها نص جنيه هتفرق معاك ولو خدتها منغير نتعرف هتحس بالنقص
حسن ٠٠يا حببتي انتي بتاخدي العشره كلها
اتكلمي علي طول من غير لف ودوران
داليا ٠٠ لو خدت ٣٠ ولا ٢٥ الف أكيد جدك مش هياخد باله صح
حسن٠٠تاني يا داليا الموضوع الاول لسه معداش عليه وقت
داليا ٠٠ ياحبيبي دا تعبك وحقك
حسن ٠٠كدا جدي هياخد باله
داليا ٠٠ ياحبيبي دي حاجه بسيطه جدا
ولا جدك ولا أبوك هيخدو بالهم
حسن بيأس ٠٠ربنا يستر
بقلم زهرة الجبل
داخل شقة يوسف
أميره وضعت يدها في وسطها ٠اثبت
يوسف ببتسامه ٠٠واثبت إزاي يا أميره قلبي
أميره بجدية ٠٠ ممكن تنام علي السرير
يوسف بلؤم٠٠وغمز لها دلوقتي
أميره ٠٠ لا مش إللي في دماغك خالص
وساعدت يوسف على التسطح علي السرير
مسكها من ذراعها ٠٠ طيب نخليه إللي في دماغي
أميره ابتعدت عنه ٠٠ ثواني بس يا جو شويه كده و رجعالك وبعد حوالي ربع ساعه كان يوسف منتظرها ودخلت أميره وهي تحمل صندوق في يدها
يوسف بتساؤل٠٠ايه ده
أميره هقولك ٠٠بس قولي الأول بتحبنى قد إيه
يوسف بغضب٠٠ايه السؤال ده
أميره ٠٠ ممكن تجاوبني
يوسف ٠٠حبك في قلبي ملوش قدر
أميره احم٠٠هنشوف دلوقتي
شوف بقا دا موس ودا مشرط وداشاش ودا معقم مطهر وحاجات تانيه دلوقتي هتعرفها
يوسف بدهشه٠٠وليه ده كله
وسمعوا خبط علي الباب
أميره ٠٠مش وقت إللي جاي خالص
يوسف ٠٠ خلاص سيبك منه
أميره ٠٠ لا ممكن تكون منال وإحنا لازم نكون جمبها لحد ما أزمتها تعدي
لبست الاسدال وذهبت تفتح الباب ووبعد دقائق
عاصم ٠٠ إزيك يا جو
يوسف ٠٠ الحمد لله تمام إيه لاحظ يوسف تغير ملامح عاصم. اي مالك
عاصم ٠٠ لا مفيش ونظر إلي أميره إيه أخبارك ياميرو واخبار المذاكرة لو محتاجة حاجه
أميره ٠٠ الحمد لله كله تمام لو احتجت حاجه هقولك
عاصم ٠٠ وأي اخبار عيلتك كلهم كويسين
أميره ٠٠تمام الحمد لله
ورن تليفون اميره
أميره ٠٠ عن اذنكم هرد علي التليفون وخرجت أميره إلي غرفه اخري
يوسف ٠٠ مالك لابس شراب مقلوب في وشك ليه
عاصم ٠٠ علي فكره العيله دي عملنا عمل
يوسف ٠٠عيله مين
عاصم ٠٠ هو إنت بتحب أميره اوي
يوسف ببتسامه ٠٠ مجرد ما بسمع إسمها بحس قلبي هيتقلع من بين ضلوعه
حاسس إن كل حته في البيت مبسوطة عشان اميره موجوه وبتنفس فيه أميره بقت ليا الحياة وبقت أميره قلبي تؤمر وأنا انفذ تنهي وأنا امتنع
عاصم ٠٠ أي دا يا يوسف أنا أول مره أشوفك بالحالة دي هو الحب بيعمل كده
يوسف٠٠لما تحب هتحس بكل كلمه قولتها
عاصم ٠٠ حاسس والله وحاسس بكل كلمه قولتها وأنا كمان ليا أميره قلبي وآحده دخلت واتربعت ومش مخليانى أنام ليل ولا نهار
يوسف ببتسامه ٠٠ زي كل مرة
عاصم ٠٠ لا لا لا والله دي حاجه مختلفه خالص دي حب حقيقي مش شايف غيرها بتخيلها قدامي أنا وقعت يا شقيقي ومحدش سمي عليا
يوسف ببتسامه ٠٠ كل مره بتقول كده
عاصم ٠٠ ياجماعه صدقوني أنا بحب أنا بحب بجد ومستحيل تكون لغيري
دخلت أميره وكان واضح عليها الفرح الشديد
يوسف ٠٠اي الموضوع
أميره ٠٠ أنا مبسوطة وفرحانه جدا
يوسف ٠٠يارب دايما بس أي الموضوع
أميره بفرح٠٠ولاء هتنخطب الاسبوع الجاي
في منزل حسين
رحاب ببكاء ٠٠ يعني اهرب معاه عشان تستريحو
رحمه ٠٠يختي خلاص مانتو ليكو مده طويلة مخطوبين وربنا كرمكم وكتبتو الكتاب واصبروا كمان شويه مجاتش علي كام يوم علي الفرح
رحاب ببكاء ٠٠ابوكي كل شويه يأجل الفرح ومن غير سبب اتفقنا علي أجازه نص السنة واهو الاجازة هتخلص وقال الاجازة الكبيره وبردو من غير سبب مقنع
رحمه ٠٠ وإنتي ليه مستعجله علي إلهم كلها شهر ونخلص من زنك ولا أي يا لولو
ولاء٠٠٠٠٠٠٠٠٠٠٠٠
رحاب ٠٠ سرحانه أكيد في العريس اشمعنا وافق علي خطوبه ولاء
رحمه٠٠ولاء قرايه فاتحه يعني مش فرح وهيصه
ولاء٠٠٠٠٠٠٠٠٠
رحمه ٠٠مش هتسمعينا صوتك ولا إيه
ولاء بحزن٠٠خلوني ساكته احسن
رحمه ٠٠ والله إحنا اتحسدنا ما كنا مبسوطين لولا عمكم الله يسامحه هو إللي وصلنا لكدا
ولاء٠٠خلاص بقا أنا فيا إللي مكفيني وسابتهم وخرجت
رحاب٠٠الله مالها دي وايه إللي فيها
رحمه ٠٠ شكل العريس مش داخل دماغها
رحاب ٠٠وليه مش قالت لا وبعدين العريس مفيهوش غلطه شكل الموضوع فيه ان
رحمه ولا إن ولا كان قومي نامي وخليني أنام هي هتهدا وتيجى تنام ونظرت رحاب إلي رحمه نظره حيره
داخل غرفه محمود ٠٠
محمود ٠٠ خلاص يا منال اهدي عشان تعرفي تتصرفي
منال وهي تبكي ٠٠دي بتهددني وعاصم مستحيل يقبل يتجوزها ولا ينسي إللي عملته هي وامها واختها دا غير نسمه من يوم ما سمعتني وأنا بكلمك وهي معاملتها معايا بقت زفت والكل ملاحظ تغيرها
محمود ٠٠انسي نسمه وخلينا في بنت عمك واختك مهما حصل بينكم مستحيل تاذيكي
منال٠٠الكل فاهم غلط فاهمين إني بحبك وبتحبني وأنا واحدة متجوزة وأنا غلطانه من الأول إني كلمتك
محمود ٠٠لا آنتي غلطانه ولا أنا غلطان آنتي عشان بتحبي أميره كنتي بتسألي عليها وأنا كنت بطمنك
منال ٠٠ ياريت الكل يفهم إن مفيش حاجه
محمود بجدية ٠٠ هو كان مفيش
منال ٠٠ تقصد اية بكان مفيش
محمود ٠٠ اقصد مكنش فيه بس دلوقتي فيه في الأول كنت بكلمك علي أساس إنك أخت عزيزه وعمري ما نسيت إنك علي زمه راجل وكنت عامل حد في التعامل والكلام
منال ٠٠ تقصد اية
محمود ٠٠ اقصد إللي فهمتيه أنا بحبك يا منال وأنا عمري ما كنت هقولك الكلام ده لو كنتي استقريتي في جوازك بس بقوله عشان عارف كلها كام يوم وتخلصي منه
بقلم زهرة الجبل
داخل شقة يوسف
أميره بفرح٠٠ولاء هتتخطب الاسبوع إللي جاي
صدم عاصم صدمه حياته وكأنها أطلقت رصاصه اصابت قلبه
عاصم بصدمه ٠٠ولاء مين
أميره ٠٠ ولاء أختي
عاصم بعصبيه ٠٠مش هيحصل مش هيحصل والله أروح فيها أبو زعبل وبصوت عالي ولاء ليا أنا أنا وبس آنتو فاهمين وسابهم وخرج وهو في قمه غضبه.
نظرت أميره إلي يوسف بدهشه وحيره
أميره بزهول٠٠اي إللي سمعته ده
يوسف ٠٠ ببتسامه عاصم بيحب ولاء
أميره بدهشه٠٠من أمتي وإزاي وليه
يوسف ٠٠شكله بيحبها من زمان
أميره ٠٠ هو إنت كنت تعرف
يوسف٠٠كنت حاسس من طريقة كلامه وسؤاله عليها كل شويه ومن شويه كلمني إنه بيحب وحده وبيحبها بجد
أميره ٠٠ وليه مقلتليش عشان احذرها منه
يوسف بدهشه٠٠تحظريها منه ازاي
أميره ٠٠ يوسف إنت عارف عاصم مش بتاع حب وولاء أختي مش لعبه يلعب بيها شويه ويروح لغيرها والحمد لله إنها هتتخطب الاسبوع إللي جاي
يوسف بصوت عالي ٠٠اميره إللي بتتكلمي عنه ده أخويا
أميره بصوت اعلي ٠٠وولاء دي أختي ومش هسمح لحد يلعب بيها
يوسف ٠٠وطي صوتك لما تتكلمي معايا ووبعدين الموضوع خلص واختك هتتخطب وكفاية علينا وحده هبله في البيت
أميره ٠٠وحده هبله إللي هي أنا تقصد
يوسف نظر إلي الناحية التانيه ولم يرد عليها
أميره ٠٠اتكلم قول إنا هبله وامتلات عيونها بالدموع هبله ليه أي فيا مش عاجبك وحاولت التمالك وبجديه
خلاص يا يوسف أنا بقا هريحك من الهبله إللي جوزوهالك أنا هتصل ب محمود ييجي ياخدني ومش هتشوف وشي تآني و أسرعت إلي الغرفه الاخري
(داخل شقه جليله )
جليله بتساؤل :: ودا هيعمل اي يعني
بسمه :: يووووووه هيعمل كتير قوي
جليله :: دي حاجه قديما وعدا عليها سنين
واكيد بت حسين مش هتهتم لحاجه زي كدا
بسمه بلؤم:: لو بتحبه هتهتم
سماح ::واحنا هنخسر اي جربي يمكن يعمل حاجه
بسمه ::لما تشوفه بت حسين اكيد هتتغاظ وهتعمل مشكله حتي لو بسيطه
وكمان عندي شويه حاجات هضفهم علي الموضوع
سماح ::دا الاعب هيحلو قوي
جليله ::هي منال مفيش جديد معاها
سماح ::هكلمها الصبح اشوف اخر الاخبار
جليله ::لحد دلوقتي مش مصدقه منال تعمل كدا احنا لازم نستغل الموضوع دا
سماح ::امه والنبي سبيلي الموضوع دا بالذات خليها تساعدني في جوازي من. عاصم
بسمه ::ببتسامه شر وانا خليلي يوسف ولا حسيت اللي واكله عقله
جليله بلوي بوز لما نشوف هتعملوا اي
سماح بلؤم ::دا انا ناويه اخربها علي الكل طالما محدش واقف معانا ومحدش بيحبنا
يا تري عاصم فعلا بيحب.و لاء ولا زيها زي اللي قبلها
واميرة. هتتصل بمحمود عشان يخدها
واي الشئ اللي بسمه ناويه تلعب بيه وهل هتنجح فيما نوت
زهره الجبل
تعليقات
إرسال تعليق