 |
جرح الحياه
الفصل الثالث والرابع
بسم الله الرحمن الرحيم
قاعده على العربية وهي باصه قدامها وسرحانه سمعت صوته بيكلمها
فريد:ايس كريم؟!
بصاتله وابتسمت ابتسامه خفيفه ومدت ايديها اخدت منه الايس كريم
قعد جمبها وبص قدامه شويه وبعدين رجع بصالها تانيء:انتي كويسه يا فرح
بصاتله وابتسمت ورجعت بصيت قدامها تاني واتنهدت
فرح:هبقي كويسه ازاي بس وانا انهارده خسرت اعز صاحب ليا في الدنيا
كامل:تبقي بتكدبي على نفسك يا فرح
محمد عمره ما كان صاحبك انتي كنتي بتحبي محمد يا فرح
فرح:هتفرق ايه بقي
مهو راح وسابني لوحدي زيه زي غيره
فرح بصاتله:بقولك ايه يا كامل ممكن توديني المستشفى علشان انا اتاخرت علي الشغل
كامل:بس انتي تعبانه هتقدري تشتغلي وانتي تعبانه كده
فرح:وايه يعني مانا طول عمري بشتغل وانا تعبانه مجاتش من انهارده يعني
فرح ركبت العربية وفريد بصالها بحزن وركب العربيه ووصلها لحد المستشفى ووقف قدام المستشفى
فرح:يلا سلام
كامل:فرح
فرح بصاتله:نعم يا كامل في حاجه
كامل:معلش يا حبيبتي ممكن مفتاح الشقه بتاعتك علشان انا لسه شقتي بتجهز ومش عارف اقعد فين
فرح:طبعا يا حبيبي
فتحت شنطتها وخرجت المفتاح منها واديته ل كامل
مديت ايديها ليه بالمفتاح
اخده منها وابتسم: شكرا يا حبيبتي
فرح:العفو
فرح نزلت من العربية ودخلت المستشفى
كامل فضل باصص عليها وبعدين ساق عربيته ورجع على بيت فرح
سايق عربيته وسرحان بيفتكر ال حصل امبارح
فلاش باك
نايم على سريره باصص ل فوق وبيفكر فيها فجاه الباب خبط
قام يفتح الباب وهو مش عارف مين علي الباب فتح وشاف واحد اول مره يشوفه
محمد ب استغراب:اتفضل
حضرتك عايز حاجه
حازم وهو حاطط ايده الاتنين في جيب البنطلون: حضرتك البشمهندس محمد الهواري
محمد:ايوه انا اؤمرني
حازم:انا حازم السيوفي ابن عم فرح
محمد:ااه اهلا وسهلا
اتفضل حضرتك
حازم دخل ومحمد قفل الباب ووقف قدام حازم
محمد:اتفضل حضرتك اقعد واقف ليه
حازم قعد على الكرسي
محمد:تحب تشرب ايه
حازم:لا يا بشمهندس انا مش جاي علشان اكل ولا اشرب انا جاي علشان اعرض عليك شغل
محمد بعدم فهم:شغل ايه ال هيكون بيني وبين حضرتك وحضرتك تعرفني منين اصلا علشان تعرض عليا شغل
حازم:مش انت جار فرح حبيبتي وانا لازم اعرف كل حاجه عن الناس القريبة من خطيبتي
محمد:خطيبتك؟!
هي فرح اتخطبت امتي وانا معرفش
حازم:ليه هو حضرتك لازم تعرف كل حاجه عن فرح ولا ايه
محمد:طبعا
فرح دي اكتر من جاره ليا فرح دي كل حاجه ليا في حياتي
بس بردو حضرتك مقولتليش ايه الشغل ال حضرتك عايزني فيه
حازم حط رجل على على رجل:انا اسمع انك كاتب روايات وعندك روايات كتير كتابها
محمد:ودا ايه علاقته بموضوعنا مش فاهم
حازم:ازاي بقي
دا أساس موضوعنا
انت مش نفسك الناس كلها تقرأ روايتك وتبقي كاتب كبير
محمد:اي كاتب بيكون دا حلمه
حازم:وانا بقي عندي دار نشر ومستعد اتعقد معاك لمده خمس سنين ولو عجبك التعامل نقدر نجدد العقد بينا
محمد:والمقبل يا استاذ حازم
حازم: بصراحه كده وجودك جمب فرح مدايقني جدا
اصلي بصراحه بغير عليها اوي
محمد:ااه بتغير عليها
مش تقول كده من الاول يا حازم بيه
بص يا حازم بيه انا اصلا مش مصدق موضوع انك خطيبها وانكم بتحبوا بعض لان لو في حاجه زي كده فرح كانت قالتلي ومكانتش هتخبي عليا ولو علي عرضك ف انا اسف مش هقدر اوافق عليه لاني مش مستعد ابعد عن فرح لان ال بيني وبين فرح اكبر بكتير من ال بينك وبينها
حازم:من رائي بلاش تتسرع في ردك عليا علشان انت ممكن تخسر كتير اوي لو رفضت
محمد ب ابتسامه:مش مهم طالما فرح جمبي مش مهم عندي اي حاجه تانيه
حازم:حتي لو هتخسر داليدا اختك
محمد بصاله بصدمه والإبتسامة اختفت من على وشه:انت انت تعرف داليدا منين
حازم:مش هي بردو في اخر سنه في اعلام ولا انا بيتهيألي
ابقي خلي بالك منها يا محمد لان ولاد الحرام كتروا اوي اليومين دول
خد وقتك في التفكير وانا هستناك يا محمد
حازم سابه وخرج
محمد كان مصدوم وخايف علي اخته ومش عارف يعمل ايه
فلاش ان
ركن عربيته ونزل منها قدام قصر عيله الهواري ونزل شنطته من العربية بص على القصر واتنهد ومسك شنطته ودخل القصر خبط على الباب والخدامه فتحتله الباب
محمد:بابا موجود
سمع صوته من بعيد
سمير:مين يا عبير
بصاله وقرب منه شويه:انا يا بابا
سمير وهو حاطط أيده الاتنين ورا ضهره:خير ايه ال جابك هنا انا مش قولت متدخلش القصر دا غير وانت موافق على كل اؤمري
محمد:وانا موافق يا بابا بس انا عندي شرط واحد
سمير: وشرط ايه دا يا ابن جليله
محمد:زي ما انا وافقت اني اشتغل الشغل ال مبحبهوش انت كمان لازم توافق اني امارس هوايتي الوحيدة واكتب الروايات ال انا بحبها وانشرها كمان
قولت ايه يا بابا
سمير فضل باصصله وساكت
واقفه قدام السرير وهو نايم قدامها مسحت دموعها ال نزلت غصب عنها قربت منه وهزيته علشان يصحي من النوم
أروي:تامر
تامر قوم
رد بزعيق:عايزه ايه على الصبح بقي سبيني انام
أروي:قوم يا تامر عايزه اتكلم معاك شويه
تامر قام قعد على السرير:خير على الصبح عايزه ايه
اروي:انا عايزه اطلق انهارده يا تامر
وعايزه المؤخر بتاعي ال ٥٠ مليون جنيه
مشيت خطوتين وبعدين رجعت تاني
أروي:ااه صح نسيت اقولك
انا عملت تحليل حمل امبارح وطلعت حامل يا تامر
تامر بصدمه:حامل
قاعده في مكتبها ماسكه تلفونها وبتتفرج على صورها هي وهو بحزن
الباب خبط قفلت التلفون وحطيته قدامها واتنهدت ومسحت ب ايديها على وشها
فرح:ادخل
فتح الباب ودخل وقف قدامها واتكلم بحزن
هاني: دكتوره فرح دكتور صابر عايز حضرتك في مكتبه
فرح بصاتله:طيب روح انت يا هاني وانا جايه وراك
هاني: حاضر
هاني لف وكان هيخرج من المكتب بس فرح ندهت عليه
فرح:هاني
هاني بصالها:نعم
فرح:انت كويس
هاني ابتسملها وهز رأسه ب اه: الحمد لله
فرح:مش باين عليك خالص
اقعد يا هاني
هاني:مش هينفع يا دكتوره فرح
قاطعته:اقعد يا هاني بقولك
هاني: حاضر
قعد قدامها وفضل ساكت وباصص في الارض
فرح:مالك بقي
هاني:مفيش والله انا كويس
بصيت على ايده ولاقيته مش لابس الخاتم بتاعه
فرح:سيبت خطيبتك؟!
هاني بص على ايده وبعدين هز راسه ب حزن ب اه وبعدين بص ل فرح
هاني:كنت بحبها اوي بس انهارده اكتشفت انها ميهمهاش غير الفلوس وانها بتخوني مع واحد انا اعرفه
كانت دايما تسألني عليه وانا كنت بجوابها زي الاهبل وانا مش فاهم حاجه
فرح: وعرفت دا ازاي
هاني:كنا بقالنا مده مبنكلمش بعض علشان انا زعلتها حاولت اكلمها كتير وروحتلها لحد عندها بس هي مكانتش بترضي تقابلني انهارده روحتلها الشغل وكانت ماسكه التلفون وبتبعت رسايل ل حد اخدت التلفون منها ولقيتهم عمالين يحبوا في بعض هما الاتنين
انا مش عارف هي عملت معايا كده ليه مع اني كنت بحبها وبحاول اسعدها طول الوقت بس هي مقدرتش دا وراحت لواحد تاني اغني مني
فرح ابتسمت:هو دا بقي ال مزعلك
هاني:هو حضرتك مش شايفه ان في حاجه تزعل في الموضوع
فرح هزيت رأسها ب لا:خالص
ال انت حكيته دا انا مريت ب اصعب منه بكتير اوي لدرجه انك عمرك ما تتخيل ال حصالي
تعرف يا هاني انا الشخص ال انا حبيته وكان جمبي طول الوقت وافتكرت انه عمره ما هيسبني ابدا بعد كل ال عرفه عني وعن ال حصالي في حياتي سابني ومشي انهارده
سابني ومشي يوم عيد ميلادي ال هو اصعب يوم في حياتي واكتر يوم انا بكرهه وكنت محتاجه الشخص دا جمبي
سابني ومشي وانا اصلا معرفش سابني ليه
هاني ب استغراب:في حد بيكره عيد ميلاده
فرح ابتسمت:انا
لان يوم عيد ميلادي هو اليوم ال فقدت فيه اعز حد ليا في الدنيا دي
زي انهارده اخويا مات بسبب اقرب الناس ليا
وانهارده بردو الشخص ال حبيته سابني واديني اهو قدامك مموتش من الحزن على اخويا ولا هموت من الحزن على حبيبي ال سابني
علشان كده بقولك متزعلش دي مش اول صدمه هتتعرضلها في حياتك ولا الأخيرة
بس ال انت تقدر عليه دلوقتي انك تثبت ل الانسانه ال باعتك علشان الفلوس دي انك احسن من الشخص ال سابتك علشانه
فرح:اشتغل ليل مع نهار لحد ما تبقي احسن الدكاتره هنا واحسن مني انا كمان ساعتها هيكون معاك فلوس اكتر منه وهي هتجيلك وتتمني انك تسامحها وساعتها بقي براحتك انت بقي عايز تسامحها أو لا براحتك
قامت وقفت:يلا بقي على شغلك انت أتأخرت على شغلك بما فيه الكفاية
هاني وقف: حاضر
شكرا
فرح:علي ايه يا هاني انا معملتش حاجه علشان تشكرني
يلا بقي على شغلك
هاني:عن اذنك
فرح ابتسمت:اتفضل
هاني خرج من المكتب وفرح خرجت وراه وراحت ل مكتب صابر
____
واقف قدامه وهو ساكت وماسك في ايد شنطته
محمد:قولت ايه يا بابا
موافق على شرطي ولا لا
سمير:وايه ال هيخليني ارفض وانت هتسمع كلامي وهتنزل الشغل معايا
موافق يا محمد
محمد ابتسم وقرب منه وحضنه
كانت نازله على السلم وهي ماسكه تلفونها وبتلعب فيه بصيت عليه
داليدا: صباح الخير يا ب
سكتت وبعدين اتكلمت ب فرحه:محمد
داليدا جريت عليه بسرعه وحضنته
محمد ضحك وحضنها:وحشتيني اوي
داليدا:وانت كمان اوي يا محمد كان نفسي اشوفك اوي
محمد:اديني جيت اهو وهفضل معاكي علطول
سمير:طبعا ما انتي شوفتي اخوكي مش هتصبحي عليا بقي
داليدا قربت منه:وانا اقدر انساك يا اغلي حد في حياتي بس
صباح الخير يا احلي بابا في الدنيا
سلمت عليه وباسته
سمير: صباح النور يا حبيبتي
محمد:اومال ماما فين
سمير:بتصلي في اوضتها
محمد:طيب انا هطلعلها
محمد طلع ل مامته وفتح الباب وفضل واقف باصص ل مامته وهي بتصلي لحد ما خلصت
شيماء: السلام عليكم ورحمه الله
السلام عليكم ورحمه الله
محمد:حرما يا امي
شيماء بصاتله وهي مش مصدقه نفسها
شيماء: ابني
محمد راح ساندها علشان تقف وباس ايديها: وحشتيني اوي يا امي
شيماء حضنته وفضلت تعيط
محمد:بتعيطي ليه بس يا امي دلوقتي
شيماء: وحشتني اوي يا حبيبي
٥ سنين يا محمد مشوفكش فيهم وحشتني اوي يا حبيبي
محمد:وانتي كمان وحشتيني اوي يا امي
متخافيش انا رجعت وهفضل جمبك علطول ومش هسيبك ابدا
شيماء:ادخل يا حبيبي اوضتك وغير هدومك وانا هعملك احلي اكل يا حبيبي
محمد ابتسم:حاضر
محمد خرج من اوضتها ودخل اوضته لقي داليدا قاعده فيها
محمد:ايه ال مقعدك هنا
داليدا: وحشتني ونفسي اقعد معاك شويه يا محمد فيها حاجه دي
محمد:لا طبعا مفيهاش وانا كمان نفسي أقعد معاكي بس انتي عندك جامعه
ولا انا غلطانه
داليدا:مش هروح وهقعد معاك عادي جدا
محمد:لا لما ترجعي نقعد مع بعض انا اصلا جاي علشانك انتي
داليدا: علشاني انا
ليه
محمد:لما ترجعي هحكيلك كل حاجه يلا بقي بدل ما اقول ل ابوكي كل حاجه
داليدا:اوف حاضر يا محمد
سلام
محمد: سلام يا حبيبتي
محمد فضل باصص عليها ومبتسم لحد ما خرجت من
الاوضه وقفلت الباب وراها
الابتسامه اختفت من على وشه واتنهد بحزن ورمي نفسه على السرير وبص لفوق
وفضل يفكر في فرح
-----
خبطت على الباب
رد عليها من جوا المكتب:ادخل
فتحت الباب ودخلت
فرح: صباح الخير يا دكتور صابر
صابر: صباح النور يا فرح اقعدي انا عايز اتكلم معاكي شويه
فرح قعدت:تحت امرك يا دكتور صابر
صابر:تعرفي الفنان مدحت غانم يا فرح
فرح: ايوه طبعا اعرفه يا دكتور
صابر:مدير اعماله جالي انهارده وشرحلي حالته وقالي انه تعبان اوي واداني التقرير بتاع حالته
مد ايده بالتقرير وفرح اخدته منه وبصيت فيه
فرح بعد ما قريته:دا ورم نادر ونسبه النجاح فيه قليلة جدا ومش اي دكتور يقدر يعمل العمليه دي
صابر: استاذ مدحت سمع عنك وعرف انك دكتوره شاطره جدا وهو ال طلب أن انتي ال تعملي العملية دي
فرح بصدمه:انا
ايوه بس دي عملية صعبه اوي وانا مش هقدر اتحمل المسؤلية دي
صابر:بس انا ال اعرفه عنك انك تقدري تعملي الاصعب منها
فرح: ايوه بس العملية دي نسبه نجاحها قليله جدا
صابر: بلاش تتسرعي في الرد يا دكتوره فرح خدي وقتك في التفكير وبعدين ردي عليا انا واثق انك هتقدري تعمليها
الباب خبط
صابر:ادخل
هاني فتح الباب
هاني: دكتوره فرح طلبين حضرتك ضروري تحت
صابر:روحي شوفي شغلك يا دكتوره فرح وفكري براحتك وبليل قوليلي قرارك
فرح هزيت رأسها ب ماشي
فرح:بعد اذنك
صابر:اتفضلي
فرح خرجت من المكتب وهاني خرج وراها
فرح:عايزني في ايه يا هاني
هاني: في استاذ واقف تحت بيقول انه خطيب حضرتك وعايز يقابلك ضروري
فرح:خطيبي انا؟!
هاني:ايوه خطيب حضرتك اسمه حازم
فرح بعصبية:هو جاه لحد هنا
فرح مشيت بعصبية
يتبع......
رنا_سليمان
#جرح_الحياه
الفصل الرابع
بسم الله الرحمن الرحيم
كان قاعد على الكرسي وحاطط رجل على رجل وماسك تلفونه
بص جمبه لاقاها جايه عليها ومتعصبه
ابتسم وقام وقف وحط ايده في جيبه
قربت عليه بعصبية وبدات تتكلم
فرح:ممكن افهم حضرتك بتعمل ايه هنا
رد عليها يا ابتسامه
حازم:وحشتيني يا حبيبتي و قولت اجي اشوفك
فرح:تيجي تشوفني بمناسبه ايه أن شاء الله
حازم:خطيبتي وجيت علشان اشوفك فيها حاجه دي
فرح: متقوليش خطيبتك انا قولتلك مليون مرة انا عمري ما هتجوز واحد زيك ابعد عني يا حازم احسنلك
حازم:مقدرش يا حبيبتي ابعد عنك
فرح:انت ايه يا اخي مبتفهمش حرام عليك ارحمني شويه انا مش عايزه اشوف وشك تاني مش كفايه اللي حصلي من وراك
كان واقف بعيد وباصص عليهم
شويه وقرب منهم
هاني:دكتور فرح
فرح بصتله
هاني: ممكن حضرتك تيجي اوضه ٢٠٥
فرح هزيت راسها ب حاضر ورجعت بصيت ل حازم تاني
فرح:لاخر مره يا حازم بقولك ابعد عني لاني المرة الجاية مش هقولهالك ب الكلام وبس بس هعرف ازاي اخليك تبعد عني كويس اوي
سابته ومشيت
مشي وراها وبعدوا عنه شويه
هاني:انا اسف يا دكتورة فرح انا اضطريت اني اقول ل حضرتك انهم عايزينك علشان حسيت ان حضرتك مدايقه من الشخص ال كان واقف مع حضرتك دا
فرح:يعني مفيش حد عايزني
هاني هز راسه ب اه
فرح اتنهدت:ماشي يا هاني
قرب منهم وهو شايل جاكيت البدله ورا ضهره: صباح الخير
بصله من فوق لتحت وبعدين رجع بص ل فرح
هاني:بعد اذنك يا دكتوره فرح
سابهم ومشي وفرح فضلت باصه عليه
تامر:ماله دا على الصبح
رجع بص ل فرح
تامر:بس انتي طالعه زي القمر انهارده
بصتله:افندم؟!
تامر:بقولك انتي زي القمر انهارده ايه مسمعتنيش ولا ايه
فرح:دكتور تامر
انا قولتهالك قبل كده وهقولهالك تاني
انا جايه المكان دا علشان اشتغل وبس
والحركات اللي انت بتعملها مع البنات هنا وبتضحك عليهم بيها انا اخر واحده تقدر تعمل معاها الحركات دي لاني فاهماك كويس اوي
ف احسنلك بلاش تقرب مني علشان متزعلش من ردة فعلي
تامر:هو انتي فاكره نفسك مين يا بت انتي
فوقي يا حبيبتي ل انتي حتة دكتوره لا راحت ولا جات انا اقدر امشيكي في اي وقت على فكره
فوقي لنفسك يا ماما
فرح:مهو علشان انا حتة دكتوره لا راحت ولا جات ومليش اي لازمه هنا وفاشله بقولك بلاش تقرب مني علشان متبقاش فاشل زي لا قدر الله
عن اذنك يا دكتور
سابته ومشيت
وهي ماشي شافت هاني قاعد على كرسي منزل راسه في الارض ومشبك ايديه الاتنين في بعض
قربت منه
ساندت على الحيطه وهي حاطه ايديها في جيبها
فرح:هو صح
رفع رأسه من الارض وبصلها ب حزن وهز رأسه ب ااه
قعدت على الكرسي ال جمبه وبصيت قدامها واتكلمت بهزار
فرح :شكلنا كده انهارده مورناش شغل غيرك صح ولا ايه
ابتسم ابتسامه كلها حزن وبصلها
هاني:ممكن اطلب من حضرتك طلب
فرح:عارفاه وموافقه عليه
عارفه انه صعب انك تشتغل مع الشخص ال اخد منك حبيبتك
انا هطلب من دكتور صابر انك تكون المساعد بتاعي انا وهناء تاخد مكانك
بس لعلمك احنا عندنا عمليه كبيرة اوي وصعبه قدها ولا هتكسفني من اولها كده
هاني:اوعدك اني مش هخليكي تندمي انك هتخليني المساعد بتاعك
ابتسمت
فرح:اما نشوف
قامت من مكانها
فرح:تعال معايا
هاني: على فين
فرح:هنروح ل دكتور صابر علشان اقوله انك من انهارده هتكون المساعد بتاعي
ولا انت غيرت رأيك بقي
قام وقف
هاني:لا طبعا مغيرتش رأيي يلا بينا
ضحكت
فرح:يلا بينا
راحوا على مكتب صابر
في قصر الهواري كانوا قاعدين بياكلوا على السفره
شيماء كانت بتحط الاكل قدام محمد
محمد: براحه يا ماما كل دا ليه بس
شيماء:كل يا حبيبي صحه وعافيه
انت شكلك خاسس اوي
محمد:خاسس ايه بس يا ماما
سمير:كل يا محمد وانت ساكت امك مش هتسيبك تقوم غير لما تخلص الاكل ال قدامك دا كله
محمد: باكل اهو والله يا بابا بس دا كتير اوي
شيماء:ولا كتير ولا حاجه يا حبيبي لسه فاضل الحلو كمان
محمد:كمان حلو انتي شكلك عايزني ابقي ١٠٠ كيلو ولا ايه يا ماما
الباب خبط وعبير راحت تفتح
سمير:اهي اختك جات اهي
عبير فتحت الباب ولقيت هدير قدامها
هدير: مساء الخير
هدير دخلت
اتكلم بصوت واطي
سمير:ايه ال جابها دي
هدير قربت منهم
هدير:ازيك يا عمو
ازيك يا طنط عاملين ايه
شيماء:ازيك يا حبيبتي
سمير:تعالي اقعدي يا هدير
هدير: حاضر يا عمو
ازيك يا محمد عامل ايه
ابتسملها ومردش عليها
سمير:طيب عن اذنكم بقي علشان عايز اتكلم مع محمد شويه
تعالي معايا يا محمد
محمد:حاضر يا بابا
قام وراه ودخل معاه مكتبه وقفل الباب
سمير:اقعد يا محمد
محمد: حاضر يا بابا
قعد قدامه
سمير:قولي يا محمد فرح عامله ايه
محمد:فرح؟!
هو حضرتك تعرف فرح منين يا بابا
سمير ضحك: العصفوره قالتلي
محمد:العصفو!
داليدا
سمير:انا ال كنت بقولها تجيلك وتعرف اخبارك والفلوس ال كانت بتقولك دي من امك انا اللي كنت ببعتهالك بس كنت بخليها تقولك من امك علشان تاخدها يا محمد
قولي بقي
اخبار فرح ايه
هنروح نتقدملها امتي
محمد بحزن:ما خلاص بقي يا بابا مهي راحت مني وهتتخطب خلاص
سمير:هتتخطب؟!
ايوه بس اخوها مقاليش كده
محمد بصدمه:اخوها؟!
ايوه يا بابا بس اخوها ميت من زمان
سمير:هو مين دا ال ميت يا محمد
انت شكلك متعرفش فرح خالص
___
واقفه قدام مكتب المحامي رأفت محمود دخلت عند السكرتيره ووقفت قدامها
اروي:لو سمحتي استاذ رأفت موجود
هنا السكرتيره: ايوه يا فندم موجود اقوله مين
اروي:قوليله مدام اروي طاهر
هنا:تحت امرك يا فندم اتفضلي استريحي لحد ما اقول ل المتر
اروي:ميرسي
هنا دخلت ل رأفت وبعد شويه خرجت ودخلت اروي
قام من علي مكتبه وقرب منها
مدت ايديها ليه علشان تسلم عليه مسك ايديها وباسها
رأفت:اهلا اهلا ب مدام اروي
المكتب نور بيكي
اروي:ميرسي جدا يا متر
رأفت:اتفضلي استريحي
قعدت وحطيت رجل على رجل
اتكلم وهو قاعد على الكرسي بتاعه
رأفت:اؤمريني
اروي:انا عايزه ارفع قضيه خلع على جوزي
دكتور تامر صابر
اتكلم بصدمه
رأفت:قضيه خلع
اروي:مالك يا متر مستغرب كده ليه اول مرة تتعامل مع واحده عايزه تخلع جوزها ولا ايه
رأفت:لا ابدا يا مدام اروي بس
اروي:مفيش بس يا متر
انا جيتلك علشان انا واثقه انك هتقدر تكسب القضيه دي انا لو كان عندي شك ولو ل واحد في المية انك مش هتقدر تكسبها مكنتش هفكر اني اجيلك اصلا
فضل ساكت ومتكلمش
اروي:قولت ايه يا متر موافق ولا لا
رأفت: بصراحه يا مدام اروي حضرتك بتطلبي منك حاجه صعبة
دكتور تامر مش سهل وممكن يدمرني لو ساعدت حضرتك
طب هو حضرتك مقعدتش تتكلمي معاه انكم تحلوا الموضوع مع بعض من غير القضية دي
أروي: مبقاش ينفع يا استاذ رأفت
لاسف انا كنت فاكره حضرتك اشجع من كده وتقدر تساعدني بس للاسف طلعت فاهمه غلط
علي العموم دا الكارت بتاعي
حطيته على المكتب وقامت وقفت
اروي:لو غيرت رايك في اي وقت اتصل بيا وبلغني
وانا واثقه انك هتغير رأي
قام وقف قدامها
رأفت:وانا هرد على حضرتك في اقرب وقت
طيب حضرتك اتفضلي اشربي حاجه
اروي: ميرسي
انا ورايا معاد مهم لازم اروحه
باي
سابته وخرجت برا المكتب
____
كانوا ماشيين جمب بعض ورايحين على مكتبه
تلفونها رن
طلعته من جيب البلطو وبصيت فيه اول ما شافت الاسم ابتسمت وبصتله
فرح: هاني معلش اسبقني انت وانا هخلص التلفون دا وهاجي وراك
هاني: حاضر يا دكتورة فرح
سابها ومشي
رجعت بصيت للتلفون تاني
فرح:مكنتش اعرف انك هتتصلي بالسرعه دي يا اروي هانم
ردت على التلفون
فرح:الو
اروي:دكتورة فرح فريد معايا
فرح: ايوة انا مين معايا؟!
اروي:انا مدام اروي فؤاد مرات الدكتور تامر صابر
عملت نفسها مستغربه
فرح: أهلا وسهلا يا مدام اروي
هو حضرتك تعرفيني منين وجيبتي رقمي منين
أروي:دا موضوع كبير جدا يا دكتوره فرح
انا طالبة من حضرتك اني اقابلك انهارده بليل الساعه ٨ ونص في الكافية اللي جمب المستشفى
فرح: حاضر بس هو في حاجه يا مدام اروي
اروي:انا مش هعرف اقول ل حضرتك اي حاجه دلوقتي اول ما اشوفك بليل هقولك على كل حاجه
فرح:تمام يا مدام اروي الساعه ٨ ونص بالدقيقة هكون عند حضرتك
مع السلامه
ابتسمت وقفلت تلفونها وحطيتها في جيبها وراحت ناحيه مكتب صابر
وهي ماشيه خبطت في واحد
فرح:انا اسفه ج
اول ما شافته اتصدمت وفضلت ساكته
.....:ولا يهمك
عن اذنك
سابها ومشي
فضلت باصه عليه بصدمه ومش مصدقه
فرح:فارس؟!
.....يتبع.....
رنا_سليمان
اتمني اعرف رايكم
يا ريت محدش ينشر الروايه في حته من غير ما ياخد رأيي الاول 🌚♥️
الاول والتاني 👇👇👇👇👇👇👇
تعليقات
إرسال تعليق