 |
تكمله اسكريبت الجزء التاني
يعني ايه؟
_يعني لازم تاجي اليومين دول.
_تمام.
لبست ورحت عملتله القهوه بعصبيه وودتهاله وهو حتي مبصليش وانا اصلا مش عايزاه يبصلي.
_ف اجتماع النهاره الساعه ٨.
_تمام اعملي حسابك انتي هتحضريه.
_بس م…
_انا خلصت كلامي تقدري تتفضلي.
هتأخر ع الميعاد اللي بابا محدده لدخول البيت وهنخانق.
روحت البيت غيرت لبسي ورجعت تاني
ركبت العربيه وكان سايق بسرعه ، كويس عشان نوصل بسرعه واروح البيت بدري.
دخلنا الكافيه اللي هيبقي فيه الاجتماع وقعدنا.
_يوسف احنا سمعنا انك اتجوزت مبروك.
_الله يبارك فيك.
_هي مجتش معاك ليه؟
_عادي محبتش تطلع.
وحياه امك امال انا مين شبح مش شايفني .
_دي المساعده الجديده.
_ايوه.
_سلم عليا وسألني عن اسمي واتكلم ف شويه كلام فاضي.
_انت لسه زي زمان ولا مراتك والجواز غيروك.
_محدش قدر يغيرني.
اسكريبت الجزء التاني
_طيب بص ع البنت اللي ع الترابيزه دي.
دا بيبص بجد.
_حلوه.
_عرفت ان دي هتعجبك انت زوئك مختلف ومش اي حد بيعجبك.
_اتكلمت…اسفه اني هقاطع كلامكم بس مش المفروض تحترموا الست اللي انتوا متجوزينها حتي لو مش عجباكم.
_ضحك …المساعده بتاعتك تبع حقوق المرأه والمساواه.
_مش بصدق حاجه اسمها المساواه بس بصدق حاجه اسمها الاحترام ودا المفروض يبقي موجود انك تحترم وجودها ف حياتك ولو مش موافق عليها طلعها من حياتك من غير متأذيها.
_انتي ترضي جوزك ياجي ف يوم يطلقك ويقولك انا طلقتك عشان حسيت انك مش اللي انا عيزها اكيد مش هتقبلي وهتقلبي الدنيا.
_ايوه هزعل حتي لو عارفه انه فعلاً محبنيش بس ف حاجه اسمها العشره والذكريات هزعل عشانهم ايوه بس دا هيبقي احسن مايجرح مشاعري كأنثي لما اعرف انه خاني مع واحده .
_انتي متجوزه؟
_ايوة.
_اكيد جوزك بيحبك عشان الثقه اللي بتتكلمي بيها او انتي واثقه ان مافيش واحده هتاخدو منك.
_خالص هو وسيم ويتحب يعني ممكن ف لحظه واحده تعجب بيه وهو يرد الاعجاب زي يوسف بيه دلوقتي متجوز بس مقدرش انه متجوز او نسي اصلا ، انا جوزي مش بيحبني وهنطلق المهم انه يقدرني لحد اخر يوم انا مراته فيه مش عايزه منه اكتر من كدا ومعايا زكريات كتير حلوه بس النصيب.
يوسف : انتي بتحبيه ؟ لو بتحبيه مش هيبقي سهل انك تسبيه وانك تتقبلي الفراق؟
اتوترت من سؤاله عشان بجد مش عارفه.
_مقدرش اقول بكره هو من احسن الناس اللي سابت زكري متتنسيش حتي لو جالي زهيمر وكبرت هفتكر زكرياتنا واضحك هيبقي صعب اني ابعد عنه بس احنا متجوزين صالونات منعرفش بعض ودي اكتر حاجه مخلياني عايزه اطلق لازم احب الاول وبعدين اتجوز.
_الحب بياجي بعد الجواز.
_مصدقتش ومش عايزه أصدق عشان مش حب هو تعود .
يوسف :بعد الفراق والفراغ اللي هتحسي بيه هتفهمي ان الحب بعد الجواز عادي.
_انت حبيت بعد ما اتجوزت ولا قبل الجواز.
يوسف : ا…
_اسف ع السؤال عشان هو سؤال للشخص الغلط عشان انت لو حبيتها بعد او قبل الجواز مكنتش البنت دي هتعجبك.
يوسف : عندك الحق السؤال غلط.
لقيته بيبص ليها تاني وهي بصتله وابتسمت هو ركز ف الاجتماع اللي بدأ والبنت كل شويه تبصله وهو بصلها ولقيتها بتغمزله بنت البجحه .
قامت دخلت الحمام اكيد عشان تجدد الميك آب الاوڤر اللي هي حطاه .
_بعد اذنكوا هروح الحمام.
دخلت وهي كانت واقف بتجدد الميك اب.
_لاحظت انه عاجبك.
_بصتلي …انتي بتكلميني؟
_بصيت حواليا…تقريباً مفيش حد غيرك هنا صح.
_ايوه عجبني انتي بقي مين؟
_المساعده بتاعته.
_بجد.
_والله وهو ف اجتماع شغل بس انا لاحظت اعجابك بيه.
_فعلا هو حلو.
_متجوز.
_امم بجد.
_ايوه.
_بيحبها؟
_بيموت فيها كدا الناس تقوله هي عاديه يقول دي اجمل واحده ف الدنيا .
_شكلها سحراله بس انا ممكن افك السحر دا.
_بجد إزاي؟
_اكيد معاكي رقمه وعنوانه .
_ايوه هتعملي ايه؟
_هاتي عنوانه وهتشوقي بنفسك هخلي مراته تسيبله البيت وتطلق وانا هروح مكانها.
_مسكتها من شعرها …انا بقي مراته تصدقي دي.
_اااه انتي مجنونه.
_لو شفتك بتبصيله هبوظلك عينك الحلوه دي فاهمه.
زقيتها اتخبطت جامد سبتها بسرعه وطلعت .
_هي البنت بتعيط ليه ؟ فرصتك تروح تتعرف عليها.
يوسف : قرب مني…ايه اللي حصلها انتي كنتي معاها ف الحمام.
_خناقه بنات انتوا فاهمين بقي.
_خانقت مع مين وليه توصلها للحاله دي البنت شعرها متبهدل؟.
_عصبتني مكنش اقصدي اوصلها للحاله دي بس اللي حصل بقي.
_انتي اللي عملتي كدا؟
يوسف: فريده انتي كويسه هي عملتلك حاجه؟
استغربت يوسف بصراحه.
_لا هي عصبتني عادي يعني ومعملتش حاجه.
_اللي هيطلق واحده زيك اكيد هيخسر.
_طبيعي هيخسر كتير.
_هيخسر كتر اوي يعني شخصيه قويه وذوق وجمال ورقه و…
يوسف : قالتلك متجوزه انت مش فاهم انت المفروض تتكلم ازاي؟
_هتطلق.
يوسف : مش هتطلق ولو اطلقت هي معايا افهم دا.
_اهدي يعني ولا هي عجبت…
_اوباااا.
كانت خبطه جامده والله.
يوسف : دي مراتي.
مسك ايدي وكان ضاغط عليها وطلعنا .
_ممكن تسيب ايدي.
_امشي ي فريده وانتي ساكته.
_سيب ايدي ي يوسف.
ساب ايدي كانت وجعاني اوي مكان الجرح بتاع امبارح.
_اركبي.
_امشي انت ي يوسف.
_اركبي يلا.
_لا.
_مينفعش تمشي لوحدك هوصلك احنا طريقنا واحد.
_طريقنا عمره مكان واحد ي يوسف ومش هيكون .
_اركبي اوصلك ف طريقك المختلف.
ركبت العربيه عشان بجد الوقت متأخر.
_انت رايح فين؟
_طريق اسرع.
_يوسف متعملش اللي ف دماغك ووصلني عند بابا مش عندك.
_…
_يوسف انت كمان مش عايزني ولو عايزني فادا عشان حقك ف الشركه.
_بكره هتطلقي.
_وهتتنازل عن حقك؟
_المهم راحتك انتي انا مش مهم .
_اقدر اقول انك اتغيرت او بتضحك عليا.
_تقدري تقولي اني تعبت من وضعنا مع بعض ومبقاش فارق عندي حاجه غير راحتك بس.
معرفتش انام من تفكيري فيه البعد صعب بجد بس القرب اصعب هو عايز حقه ف الشركه مش عايزني انا المفروض اخلي دا ف دماغي عشان وسواس اني بحبه دا يمشي.
_صباح الخير.
_…
مردش عليا.
_القهوه.
_تقدري تمشي مريم رجعت.
_مريم؟
_بصلي…عندك مانع.
_لا بس استغربت عشان هي قبلت عرض شغل احسن.
_رجعت تاني لما عرفت انك هتمشي من الشغل.
_من الشغل بس ولا من حياتك كلها.
_بتقولي ايه مسمعتش؟
_بقول والله بنت كويس بدور ع مصلحتها.
_فعلاً
_امشي انا بقي.
_ايوه اتفضلي.
_تمام انا ماشيه اهو همشي ماشي انا ماشيه خالص .
_عارف انك ماشيه مع الف سلامه ان شاء الله تلاقي شغل احسن .
_ي رب.
مشيت هو ليه مقاليش متمشيش انا بحبك ، ها صح هو اصلا مبيحبنيش هو بيحب شغله والناس اللي ف شغله ، اهم حاجه الناس اللي ف شغله طبعاً.
قعدت يومين لا اكيد يعني كنت مبسوطه اكيد مش قاعده قافله عليا الاوضه وبعيط زي الهبله لا طبعاً دا اللي بيعمل كدا العيال التوته وانا عيله اوي.
التيلفون رن كان هو اكيد هيقولي ع موضوع الطلاق رديت بس الوقت متأخر اه صح اكيد كان مع السنيوره ف الشغل.
_الو.
_…
_الو.
_الصوت كان بعيد شويه…انا جي دلوقتي استنيني.
_جاي فين؟
_مريم خلي بالك .
_مريم مين؟!
_اطلعي ف الاوضه اللي فيها الحمام.
_اوضتي لا والله هقتلكم.
_حاضر ي حببتي.
_والله هقتلك ي يوسف رد عليا ي زفت رد .
الصوت بعد هو راح فين فضلت انده بس محدش رد قفلت والله اكيد مش بعيط وقلبي كويس هيوجعني ليه يعني.
لبست ورحت ع بيتي واوضتي وجوزي اطمن عليهم لا مش غيره انا بس بطمن ع اوضتي.
فتحت الباب بالمفتاح اللي معايا كان نور البيت كله مطفي فا فتحت فلاش التيلفون وطلعت فوق براحه ووقفت قدام الاوضه وانا بتنهد بجد مش قادره افتح الباب فكرت ارجع بس لا عشان اثبت لنفسي انه مش بيحبني فتحت الباب ودخلت براحه كان النور بردو مطفي ومش شايفه حاجه.
اتحركت براحه عشان اوصل لكبس النور واول ما نور ت النور لقيته واقف قدامي.
_ااااه بسم الله الرحمن الرحيم.
_بتعملي ايه هنا؟
_انا.
_ايوه انتي.
_انا اا كنت هاخد حجاتي.
_دلوقتي الساعه ١١ بليل.
_ايوه هو ف حد ف البيت.
_حد مين؟
_ولا حاجه ابعد كدا عشان اخد حجاتي وامشي.
قرب مني
_يوسف.
_نعم.
_بقولك ابعد انت بتفهم ازاي؟
_جيتي ليه دلوقتي؟
_عشان اخد حجاتي.
_تمام خدي حجاتك.
بعد عني وانا بدأت الم حجاتي مكنتش بدور هي موجوده ولا لأ انا كنت بلم حجاتي.
_هطلقني امتي؟
_قولي ع الوقت اللي هيريحك.
_بهمس…بعد الأبد.
_ايه؟
_وقت ما انت حابب تخلص مني.
_مينفعش قولي انتي.
_ليه؟ عشان هطلقني دلوقتي حالاً صح.
_لا.
_عشان تتجوز مريم وانت ضميرك مرتاح.
_بطلي هبل شويه.
_حاضر.
_ومش هطلقك.
_بصتله…ليه؟
_عادي؟
_كنت ممكن اقول بتحبني بس عارفه ان مريم موجوده هنا.
_بحبك.
_وهي بتحبك وانت بتحبها …وايه؟
_بحبك.
_زي المره اللي فاتت.
_بجد.
_ومريم.
_كانت اسهل طريقه اخليكي ترجعي بيها اني اخليكي تغيري وكدا هنعرف نتكلم شويه
_ايه؟يعني هي مش موجوده.
_لا.
_طيب عديني كدا انا هروح.
_هنتكلم شويه .
_هنتكلم ف ايه؟
_مش انا قولتلك اني بحبك.
_يعني.
_يعني ايه؟
_يعني اعمل ايه؟
_انتي دماغك فيها خرا بقولك بحبك ومش هطلقك.
_وانت دماغك فيها زفت .
اتعصبنا احنا الاتنين وزعقنا
_انا دماغي فيها زفت .
_يعني انا اللي دماغي فيها خرا.
_ايوة فيها خرا.
_عشان مقولتش اني بحبك.
_ايوه.
_طيب مش هقول.
_والله دماغك فيها كمان زفت.
_انا دماغي فيها زفت.
_ايوه.
_طلقني ي يوسف حالاً
_بحبك.
_وانا كمان بحبك بس متغيرش الموضوع طلقني.
تمت
الجزء الاول
تعليقات
إرسال تعليق