إسكريبت كامل
كارما: مامي مامي
منه: نعم يا حبيبتي
كارما: لو حد قال كلمه واحده ممكن نفهم قصده منغير كلام كتير
منه: انا مش فاهمه انتي عاوزه ايه
كارما: يا مامي ركزي معايا
يعني ممكن نفهم كلمه منغير جمله
منه: بصي يا لمضه هانم لازم الكلمه دي تكون وسط جمله علشان تتفهم صح
لقيت زين دخل فجاءه
زين: لأ ممكن علي فكره
بصيتله بعصبيه: ازاي بقا
زين: يعني لو قولتلك بحبك او وحشتيني
هتفهمي المعني منغير جمله اهو
ابتسمت بس اتكلمت بجديه لاني مضايقه جداا من افعاله
__زيييييين
_ نعم ياعيون زين
ضحكت وقولتله: اعملك شاي ونشربه في البلكونه؟
_ احلي كوبايه شاي بالنعناع بتكون من إيدك اصلاً
انا وزين متجوزين من 5 سنين متجوزين عن حب وحبنا كبر اكتر بعد الجواز...انا بغير عليه جدا وبحبه يقعد معايا وقت اكبر وهو زي اي راجل بيحب يخرج مع صحابه كتير
ولما بزعل بكلمتين منه بنسي اي زعل
وربنا رزقنا ب كارما 4 سنين فرحه قلبي وحلت دنيتي كلها بوجدها
_لسه زعلانه؟
__ انا كنت قلقانه وخايفه عليك وانت عارف ان تفكيري بيوصل ل افكار تموت من الخوف
_ كل ده علشان كان عندي ضغط شغل وجيت الصبح بدل ما اجي بليل والفون كان فاصل؟؟؟
__ هو انت متوقع اني فكرت في كده
ده انا عملت مشاكل وكوارث وانا قاعده
_كوارث!!!!
__ايوه يا استاذ...ده انت حتي محاولتش تكلمني من اي تليفون بدل ما تسيبني قلقانه عليك كده
__ انتي صح...حقك عليا، لو حصلت تاني هكلمك من اي تليفون عندي
مجرد ما بيعترف بغلطه المشلكه بتتنهي وبيعتذر وهو عارف انه كده بيعلي في نظري مش بيقل ابدااا
"المكابره في الغلط بتزود الغلط"
منه: بصي يا كوكي بابا مش عاوز يصحي
كارما: نرش عليه مايه؟؟؟
منه: لأ دي عملنها امبارح انهارده هنعمل حاجه تانيه...
ادخلي اقعدي عليه وزقيه لحد ما يصحي
كارما: بااابي بااابي قوم
هو مش بيرد لييه؟؟
منه: قربي من دونه اووي
كارما: موووووووووووت
_بسم الله الرحمن الرحيم فيه إيه
منه بضحك: هي قصدها تقولك توت بس طلعت موت
زين بضحك: والله محدش هيموتني غيركم
__ انت اللي نومك تقيل يا زين نعمل ايه؟
_ والله انتي قلب زين
يلا حضري الفطار وانا هجهز بسرعه
كنت بقول زمان مستحيل اصحي بدري واحضر فطار... بس بقيت اصحي عادي ومفيش ثابت علي مبدأ
بحب اشوف ضحكته الصبح بحب اعمله كل حاجه بنفسي.....
_ عاوزين حاجه اجبها وانا جاي
كارما: شكولاته وشيبسي
_من عنيا يا حبيبتي
وبدء يعدل قميصه وبيمشي ناحيه الباب
منه: خلاص كده سألت بنتك وهتمشي!!!
انا شفافه يعني... ااااه بنتك اخدت مكاني
زين بضحك: والله مكنتش هنزل انا قولت الفت انتباهك علشان انتي مشغوله ب لم السفره وقولتليش اي حاجه قبل ما انزل
__ مفيش اي حاجه تشغلني عنك
شكلك حلو اووي بالقميص الأسود
وعدلتله اللياقه وانا مبسوطه أنه مقدر اي حاجه بعمله حتي لو كلمه....
بصلي بحب: هجبلك شكولاته ومانجا
منه بضحك: ده انت كده معفي من النكد اسبوع كامل
_ مبتعرفيش تنكدي اصلا
الأيام بتعدي اخف واحلي بالحنيه والتفاهم والمشاكل بتخلص لما بنسمع بعض ومنعملش تراكمات......الكلمه الحلوه بتنهي اي خناقه
زين: الو يا ميمو
__ اتأخرت ليه؟
زين: عندي شغل كتير... اتعشي انتي وكارما
__ هستناك
زين: لأ انا هاكل في الشغل.. باي يا حبيبتي
اكتر حاجه بتضايقني انه ياكل في الشغل بس بعذره لأن ده غصب عنه
____________________________
كارما: بابي مش بيلعب معايا ليه
منه: هو عنده شغل... تيجي نلعب معاه قبل ما ينام؟
كارما: اااه اااه
روحت عملت فشار كتيير وقعدنا انا وهي قدامه ناكل واحده ونرمي عليه واحده
زين: انتو بتحدفوه علشان تأكلوني ولا بترخمو!!!!
مردناش عليه وعملنا نفسنا مركزين مع المسرحيه اللي شغاله
منه بصوت واطي: يلا ارمي عليه بسرعه
كارما بترمي وتبصلي بسرعه
منه: بتحبيني قد اي يا كوكي
كارما: بحبك قد الدنيا كلها يا مامي
ضحكت وحضنتها: حبيبتي اللي بتجبر بخاطري وبتقعد معاياااااااا مش زي ناس
لقيته قفل الاب توب وقرب علينا
زين: طب وبتحبي بابي قد أيه
بصتلها وهزيت بدماغي متتكلمش ف هي مردتش
زين: انا بابي حبيبك وبجبلك الشكولاته وبخرجك يا كوكي
كارما: هتعلب وتقعد معانا؟
زين بضحك: اتعلمتي من امك المقايضه
قوليلي بتحبيني قد ايه وهقعد معاكي
منه بضحك: تربيتي
كارما: بحبك قد البحر الكبير
زين بضحك: كده بقا هسهر معاكم للصبح
قعدنا وجبت لحاف واتغطينا وكلنا الفشار واحنا بنتفرج علي المسرحيه ونمنا مكانا
________________________________
منه: إيه يا زين مش هتيجي برضو
زين: في اجمتاع كمان ساعه ف هقعد اتغدي هنا وامري لله
منه: ماشي يا حبيبي ربنا يعينك
كنت زهقانه جدا وعاوزه اخرج ف قررت اروحله ونتغدا في معطم وبعد كده اروح عند ماما
منه: بصي يا كوكي هوديكي طنط رانيا هروح مشوار واجبلك حاجه حلوه وانا جايه اتفقنا؟
كارما:اتفقنا
لبست بسرعه علشان الحق اوصل بسرعه واحسن حاجه ان مكتب الهندسه بتاعه مش بعيد اوي
وصلت ودخلت براحه عشان اعمله مفاجأة
بس استغربت لما لاقيته قاعد مع واحده وبيضحكو، شلت أي افكار وحشه وقولت يمكن مستنين يبدئو الاجتماع
بس سمعتها بتقول
#انا مبسوطه اوي اننا هنتغدي مع بعض
زين: بصراحه القعده معاكي بتكون مختلفه
لقيتها بتضحك بدلع وفاضلي ثانيه وادخل اقطع شعرها اللي فرحانه بيه ده
بس معملتش كده ومشيت مش عارفه فكرت كده ازاي بس معرفتش اواجه ف روحت البيت بسرعه
منه: نادي كارما انا مقدرتش اروح ف قولت ابقا انزل في وقت تاني
رانيا: انتي زعلانه من حاجه
عينك حمرا كده ليه
ساعات بنكون ساكتين لحد ما بنسمع كلمه
"مالك" ومبنقدرش نمسك نفسنا
حكتلها اللي شوفته في المكتب
رانيا: الخا*ين، هو ناقصه ايه علشان يبص برا
منه: بس هما كانو قاعدين بطريقه عاديه
رانيا: طيب كذب عليكي ليه وقالك انه في اجتماع
منه بدموع: مش عارفه
رانيا: لازم تقوليله إنك عرفتيه علي حقيته وشوفتيهم مع بعض وسبيه
منه: طب افرضي مقالش الحقيقه برضو
رانيا: تسبيله البيت وتمشي علشان يعرف قيمتك...متخليش قلبك يعمي عقلك
منه: تمام...معلش صدعتك مشكلتي انا هروح شقتي دلوقتي علشان اهدا شويه
دخلت الشقه وكارما نامت وانا في جمله واحده في دماغي
"متخليش قلبك يعمي عقلك"
انا قلبي واجعني وبيقول اني لازم اوجه واسيبله البيت علشان يعرف قيمتي......
لكن عقلي بيقول اني اخليه يعرف قيمتي وانا موجوده في بيتي واعرف هو كذب ليه منغير ما يقول عليا بشك وبغير زياده
فكرت مع نفسي بصوت عالي: انا مينفعش اسيب بيتي واهرب من المشكله ولا ينفع اقوله انت بتخو*ني علشان كان قاعد معاها بس.... انا هسمع ل عقلي واتعامل بحكمه
زين: مسااااء الخير
منه بإبتسامة: مساء النور
زين: هدخل اغير ونتعشي مع بعض
منه: لا يا حبيبي انا أكلت هحضرلك انت تاكل
استغرب شويه وبعد كده قالي اعملي سندوتش ونسكافيه علشان عنده شغل
_____________________________
تاني يوم قومت قبله وحضرتله الفطار بهدوء علشان كارما تفضل نايمه
__: زين يا زين الساعه 8
_ صباح الخير
__ صباح النور
_فين كارما؟
__ انا وهي نايمن متأخر امبارح
انا حضرتلك الفطار وهروح انام معاها شويه
لبس وفطر ودخل الاوضه
_انا نازل...عاوزه حاجه
__لأ عاوزه سلامتك
كان مستغرب تصرفاتي بس ساكت لأن الهدوء ده مش طبعي وبكره الروتين وبحب اعمل حاجات مختلفه.... السكوت اوحش حاجه بين اي اتنين
متصلتش بيه اسأله هيجي ولا لأ علشان النار متاكلش في قلبي زياده
بس فرحت انه جه في معاده وكان طبيعي جدا
كارما: مامي احنا هنسمع طنط اللي في التليفون؟
منه: اه يا كوكي تعالي نعمل عصير ونروح نسمعها
هي قصدها علي الكورس الاون لاين اللي بدءت اخده عن التربيه والتعاملات بحاول اشغل تفكيري علشان متعبش واعيط زياده
سكوته تعبني اووي حتي مش بيسأل....
قعدنا انا وهي حاطين السامعات وبنسمع الكورس وهو قاعد ع الاب توب وانا بتجاهله تماما
زين: احم انتو بتتفرجو علي ايه؟
اتكلمت بهدوء: ده كورس جديد باخده
_امممم...انتي روحتي عند مامتك؟
__ لأ....بتسأل ليه
_ بطمن عليها عادي
متكلمتش تاني وهو فضل باصصلي ومستني افتح معاه موضوع ك العاده
_منه
مش عارفه ليه اتخضيت... يمكن علشان قليل اوي لما بيقول اسمي!!!
__نعم
_انتي تعبانه او فيكي حاجه
__ لأ انا كويسه
_ انا مستغرب هدوئك ف حبيت اطمن عليكي
اقوله إيه؟؟؟ اقوله انك واجع قلبي ولا اقوله كسرت ثقه السنين؟ ولا خلفت وعد انك مش هتخبي عليا حاجه؟؟؟
دخلت نمت وانا بفكر يا ترا هيفتكر عيد جوازنا بكرا؟؟؟ هو مش ممكن ينسي بجد؟
طول اليوم مكلمنيش... وحشني وهو معايا!!
وحشني كلامنا وهزارنا وحياتنا
اتكلمت مع نفسي بصوت عالي يمكن اهدا شويه لأن محدش هيحس بيا غيري:
هو ممكن ينسي اهم يوم في حياتي؟
طيب اتغير ليه؟ خاني ليه؟ انا قصرت معاه في حاجه؟ ليه كدب عليا؟؟
زين: علشان غبي
انا محستش انه جه واقف قدام الاوضه كمان!! بصيتله بدموع ومتكلمتش
زين: والله انا غبي علشان اخلي ملكه زيك تقول انا قصرت معاه في ايه
__ بتخوني يازين؟
منغير كدب لو سمحت
زين: والله ولعظيم محصلش
_ اومال مين اللي كنت قاعد معاها وليه قولت انك في إجتماع
زين: علشان متزعليش...علشان متغريش
منه: يعني ايه مش فاهمه
زين: يعني دي واحده كانت بتفق معايا اجهزلها تصميم ڤيلا واصرت اننا نتغدا مع بعض...ف قولتك اننا في اجتماع علشان متزعليش ولا تتضايقي لأن ده حقك
منه: برضو كان لازم تقولي
وبعدين انا سمعتك بتقولها القعده معاكي حلوه يا استاذ
حاول يكتم ضحكه وقال: والله بجاملها يا حبيبتي يعنى اقولها انا مش طايقك
منه بغيره: اه قولها مش طايقك
زين بضحك: المره الجايه مش هتكلم خالص
منه: بس انت كنت ساكت ومش مستغرب؟
زين: كنت مستغرب
وكنت ساكت علشان براجع مواقفي معاكي وبشوف زعلتك في إيه علشان متقوليش لو مهتم كنت عرفت لوحدك
" ندمت لاني سكت علشان لو كنت سألته مكنتش هشك فيه ولا هتعب نفسي، السكوت فعلا بيزود المشاكل"
منه بضحك: لأ مكنتش هقولك كده علي فكره
ليقته قام وطلع علبه في خاتم شكله اووي
زين: كل سنه وانتي منوره حياتي
كل سنه وانتي للحياه حياه
منه: إيه ده انت فاكر يوم جوازنا
زين بهزار: انتي عاوزني انسي علشان انام علي السلم ولا اية
منه: لأ برضو زعلانه، انت وجعت قلبي
زين: والله انتي وحشتي قلبي وانا مقدرش علي زعلك
"يغمُر قَلبي بحنانِه كأنه يقول لي لا يوجد سواكِ هُنا❤"
ننتظر تفاعلكم على القصه لاستمرار نشر القصص الكاملة ولاتنس المتابعه كي يصلك الجديد
تعليقات
إرسال تعليق