جميع الروايات كامله

رواية أحبتني رغم إعاقتي

  الجزء الأول 

من البارت الأول حتي الثاني عشر والأخييييييييير

•نبدأ حكايتنا بقا اعرفكم بنفسي أنا أسمي مهند عندي 30 سنة عملت حادثة بالعربية وقاعد علي كرسي متحرك بقالي أربع سنين وانا بشتغل من البيت شغل حر شغال من الكمبيوتر بتاعي بعمل حاجة اسمها مونتاج الإعلانات بقا شركات أي وبكسب كويس انا بدأت الشغل دا من وقت ما عملت الحادثة عشان مكنش في أي مكان هيرضي يشغلني وأنا قاعد علي كرسي متحرك وحاولت فعلا أروح لكذا مكان أشتغل بشهادتي منا متخرج من كليه تجارة فكل المحاولات فشلت وانا يأست فترة بعدها كدا بس اتعلمت المونتاج وبدأت اشتغل بيه أونلاين العميل يبعتلي الشغل الي عايز يعمله ويبعتلي جزء من الفلوس وبعد ما خلصله الشغل ببعته وهو يبعتلي بقيت الفلوس وكل دا اونلاين وانا اصلا عايش لوحدي محبتش اشيل أهلي مسؤليتي ولا بحب حد يحسسني اني عاجز فقررت إني اعتمد علي نفسي واعيش لوحدي واعتمد علي نفسي في كل حاجة ودلوقتي بقيت اعمل طب هقولكوا بقا بالمرة إيه الي خلاني اسيب أهلي واعيش لوحدي كنت في يوم بقول لاخوي محمود خدني لحد الحمام عادي يعني زي ما بطلب من اي حد في البيت علي طول لقيته بيقولي يا عم قرفتنا كل يوم شيلوني اكلوني زهقتنا منك اعتمد علي نفسك بقا اي والله انا وقتها حسيت اني عاجز فعلا ومش قادر اتحرك وقتها حسيت اني ناقصني حاجة وقتها دخلت الاوضه بتاعتي وقعدت اعيط اوي انا كنت بسمع كلام كتير اوي إني قاعد علي كرسي وحد يقولك يا مشلول وكلام كتير اوي بس كنت بعدي الكلام دا واقول عادي بس كنت برضوا بزعل في نفسي بس مبقولش لحد ولا ببين بس لما الي يقولك كدا حد منك حد من دمك بيبقا الموضوع مختلف ووقتها ماما قعدت تزعق لاخويا ودخلت الاوضه تقولي معلش يا مهند متزعلش منه هو كدا علي طول مبيفهمش قولتلها انا مش زعلان منه انا زعلان علي نفسي ومن انهاردة يا ماما مش هقرفكوا تاني ولا هشيلكوا همي تاني انا هسبلكوا البيت وامشي خالص وتاني يوم خدت هدومي ومشيت ورنيت علي واحد صاحبي أقعد عنده لحد اما اشوف مكان اقعد فيه وقعدت عندة تلت شهور هو كان قاعد لوحدة اصلا وبعد كدا لقيت بيت كدا قعدت فيه لحد دلوقتي المهم يعني انا كنت بروح نادي ما يعني بروح أقعد فيه وكان ليا صحاب هناك بقعد معاهم وانا كنت بحب كرة السله فكنت بسلي نفسي هناك وفي يوم عادي وانا قاعد في الناس بشرب القهوة لقيت وحدة صاحبتي جايه تسلم عليا وتقعد معايا عادي زي كل يوم ولقيت معاها وحدة تقول للقمر قوم وانا اقعد مكانك انا أول ما شوفتها شدتني بطريقه عمري محسيت الاحساس دا قبل كدا مع إني قابلت وشوفت بنات كتير أوي وعلي فكرة مش الي شدني ليها شكلها خالص حاجة تانيه كدا مش عارف اوصفها ودا كله وصحبتي بتسلم عليا فصحبتي بقا بتعرفنا علي بعض بتقولي شهد صاحبتي وبتقولها مهند صاحبي واقرب حد ليا واجدع وأطيب قلب ممكن تشوفيه وانا بسلم عليا فضلت ماسك ايديها دقيقة كدا لحد لما صاحبتي لقتها خبطتني في جمبي انا اصلا كنت سرحان في عالم تاني وقعدنا مع بعض نص ساعة كدا وانا طول منا قاعد مشيلتش عيني من عليها وسرحان بقا ولا سامع اي كلام من الي بيتقال وكل شويه صحبتي اسمها ضحي تقولي مالك سرحان في ايه انت بتحب يبني وكل شويه اضربها من تحت الترابيزة عشان تسكت وتقوم تمشي وتسبنا لوحدنا وهيا غبيه مبتفهمش لحد ما شهد صاحبتها جالها تلفون وقالي معلش بقا يا جماعة لازم امشي دلوقت عشان بابا جه بره ومستنيني وسلمت عليا قولتلها هتجي تاني قالتلي انشاء الله ومشيت انا بقا مسكت صحبتي قولتلها انتي مبتفهميش يا بت قاعد اغمزلك من بدري عشان تقومي وتسبينا لوحدنا وأنتي قاعدة زي الهبله قالتلي ايه يا حبيب شكلك وقعت وحبيتها قولتلها مش حكايه حبيت عجبتني بس عادي وانا اصلا في دماغي بتخيل نفسي في الكوشه انا وهيا قالتلي أبعد عن دي بالذات قولتلها بتعض يعني ولا إيه قالتلي لا يا سكر بس دي ملهاش سكة تخش منها دي وحدة كانت عايشه برة مصر اصلا ولسه جايه وابوها رجل أعمال كبير شوف وحدة تانيه غيرها دي عايزة واحد من الي بيركبوا عربيات دول وشعره اصفر وعينه خضرة وانت يا حبيبي شحات اصلا انت بتلم اشتراك النادي بالعافيه وانت قاعد علي كرسي كمان قولتلها خلاص يا ضحي كفايا متكمليش عشان منخسرش بعض قالتلي والله ما قصدي انا اسفة والله قولتلها خلاص مفيش حاجة انا ماشي انا دلوقت عايزة حاجة قالتلي طب استني اوصلك لحد التاكسي قولتلها انا هعرف لوحدي خليكي انتي يتبع.....

لو عايزين اكملها قولوا في كومنت ولو مش عايزين اوقفها عادي؟؟

البارت الثاني ( احبتني رغم اعاقتي) 

وبعد ما سبت صحبتي ومشيت وانا اصلا دماغي مشغوله في الكلام الي قالته صحبتي وقاعد افكر طب شهد دي ممكن تحبني ممكن تفكر فيا اصلا ولا عشان انا قاعد علي كرسي متحرك مش هعرف احب واتحب مش هلاقي حد يحبني من غير ما يبص لعجزي وطلعت من النادي ولسه بعدي الشارع لقيت عربيه جايه من الشارع الجابني وانا اصلا الي كنت غلطان عشان مكنتش مركز وانا بعدي الشارع وخبطتني بس الحمد لله ربنا ستر محصلش حاجة كبيرة يدوب بس اتخبط بجمب العربيه كانت جروح بسيطه يعني ولقيت صاحبتي ضحي جاي تجري عليا تقولي مش قولتلك اوصلك تعالي نروح اي مستشفى وخدتني في العربيه بتاعتها وروحنا المستشفي وطلع الموضوع بسيط يعني وسمعت ضحي صحبتي بتكلم شهد فشهد بتقولها انتي فين روحتي ولا لسه قالتلها لا انا مع مهند في المستشفي في عربيه خبطته واحنا شويه كدا وماشيين قالتلها مستشفى اي انا هجيلك دلوقتي عشان كنت عايزاكي في موضوع وكمان أطمن علي مهند خلصت ضحي المكالمه قالتلي افرح يا عم حبيبه القلب جايه اهي تطمن عليك شكلها هتحبك ولا ايه قولتلها اسكتي يا بومة دي جايه ليكي انتي وبعد شويه واحنا ماشيين لقتها جايه بتقولي الف سلامة خضتني عليك قولت في دماغي خضيتك اي دنتي لسه شايفاني انهاردة قولتلها الله يسلمك تعبتني نفسك ليه بس مفيش حاجة الموضوع بسيط لقيت البت البومة صحبتي بتبصلي وبتقولي يا كداب انت عينك لمعت وقومت من علي السرير أول ما عرفت انها جايه قولتلها يخرب بيتك يشيخة يلا بقا يا جماعه عشان نمشي عايز اتوه في الموضوع وخلاص طالعين من المستشفى وهيا قالت هشغل العربيه عقبال ما تطلعوا بره قولت لصحبتي مش هركب معاكي قولي اي حاجة عشان اركب في العربية بتاعتها اتصرفي قالتلي اعمل ايه يعني قولتلها قولي اي حاجة قالتلي اتنيل بقا اسكت انا اشوف هعمل ايه وعملت نفسها بتشغل العربيه بتاعتها ومش راضيه تشتغل قالتلها معلش بقا يا شهد وصليه لحد البيت معلش عشان عربيتي عطلت قالت اكيد يعني تعالي يا مهند العربيه تنور قولتلها والله مش عايز اتعبك معايا بس كفايا انك جيتي لحد هنا تطمني عليا والبومه التانيه قاعدة تضحك قومت ضربها بإيدي عشان تسكت قولتلها تعالي ساعديني عشان أركب يلا وركبت بقا العربيه والطريق يجي ساعة كدا انا اول نص ساعة قاعد ساكت مش عارف أتكلم اقول إيه ومكسوف برضوا بعد ما زهقت وانا عايز افتح معاها موضوع بأي شكل قولتلها هو انتي كنتي عايشه بره مصر بتعملي ايه قالتلي بابا عنده شركة مقاولات في السويد وانا قاعدة معاه هناك انا وماما وبننزل مصر علي طول مش بنقعد هناك علي طول يعني عشان دراستي هنا اصلا وانا بحب مصر أكتر قالتلي هو انا ممكن اسألك سؤال بس متزعلش مني سؤال فضولي شويه قولتلها اسألي أي حاجة وانا هجاوب قالتلي هو الي حصلك دا حصل إزاي قولتلها علي الكرسي يعني قالت اه قولتلها دي قصة طويله اوي لو فاضيه أحكيلك قالتلي قول يا عم احنا ورانا ايه قولتلها اقولك بقا من اربع سنين كدا كنت عند صحابي عادي بعد ما خلصنا الشغل وانا مش مرتبط فكنت بروح أقعد معاهم بسلي وقتي يعني وبعد ما قعدنا لحد الفجر وخلاص همشي فكنت انا وواحد من صحابي ساكنين جمب بعض وهو كان عندة عربيه صغيرة كدا علي قدة فركبنا فيها احنا الإتنين وكنا ماشيين علي الطريق وكنا اصلا نايمين علي نفسنا كمان ولقيت بقا واحنا ماشيين عربيه جايه من ورانا بسرعة رهيبه خبطنتا فالعربيه اتقلبت بينا اربع مرات صاحبي الي كان معايا مات وانا كنت هموت معاه بس هو الي كان سايق وانا كنت قاعد جمبه ومفوقتش غير وانا في المستشفي والدكتور بيقول مش هيعرف يمشي علي رجليه تاني 

انا كنت مصدوم وقتها إزاي مش همشي علي رجلي تاني وقعدت أتخيل حياتي وانا علي كرسي متحرك ومعرفتش أصدق الي انا فيه وكنت قاعد اعيط اوي وأول لما فوقت قولتلهم فين صاحبي عمل إيه مكنش في حد عايز يتكلم قولتلهم في ايه ساكتين ليه هما كانوا عرفين إن دا أقرب صاحب ليا فمكنوش عايزين يعرفوني أنه مات وكمان في الحاله الي انا فيها دي بس في الأخر عرفت انه مات حالتي بقت اسود كمان وكنت مدمر حرفيا وقتها لدرجة إني حاولت انتحر قالتلي طب والعربيه الي خبطتك عملت معاها إيه قولتلها الناس مسكتهم بس قعدنا بقا في المحاكم شويه لمدة سنة وفي الاخر كانوا ولاد ناس مهمين في البلد وعرفوا يخرجوهم من الموضوع ومعرفناش نعمل حاجة معاهم في الاخر ولقتني بدمع قالتلي انا اسفة والله مكنتش أعرف ان الكلام هيخليك تدمع كدا قولتلها والله اصل افتكرت صاحبي الي مات وقلة حيلتي إني أجيب حقة من الي عمل كدا يتبع....... 

رايكم في كومنت بقا يا قمرات ❤.. 

لو وصلت لحد هنا كومنت يعني عشان اعرف امنشن اكتب اي حاجة

البارت الثالث( احبتني رغم اعاقتي) 

وانا قاعد احكي معاها قالتلي الكلام نساني اسألك انت ساكن فين قولتلها انتي لسه فاكرها احنا عدينا عليه من بدري قالتلي خلاص تعالي بقا اما اعزمك في اي مطعم هنا ولا حاجة قولتلها لا معلش بقا اول مرة نخرج انتي الي تعزميني انا الي هعزمك في اي مكان قالتلي في مطعم هنا بيعمل سوشي يجنن وانا اصلا عمري مكلت السوشي دا اصلا ولا مقتنع بيه اصلا ولا بحبه بس لقتها بتحبه فمرضتش أقولها كدا فهيا سألتني بتقولي بتحبة قولتلها من أحلي الاكلات الي بحبها وروحنا المطعم فهيا بتسألني هتطلب أي فنا مش عارف حاجه اصلا ولا اعرفي الاصناف فقولتلها الي انتي هتاكلي منه انا هاكل منه قالتلي ماشي وناديت الجرسون وقالتله اسامي كدا مش عارف انطقها اصلا لدلوقتي فالاكل نزل علي الترابيزه والاسود كمان العصيان الي بناكل بيها دي كمان عذاب والله ممسكتهاش قبل كدا اصلا قولتلها مش بحب اكل بالعصيان دي انا هاكل بالشوكه وخليت الجرسون يجيب شوكة ولسه باكل أول وحدة لقيت طعمها وحش أوي والله سمك ني بس اكلت غصب عني بالعافية عشان تعرف اني بحب نفس الحاجات الي هيا بتحبها وقعدنا نحكي بقا واحنا بناكل فسألتني قالتلي هو انت مش متجوز مرتبط او فكرت ترتبط بحد هيا اول ما سألت كدا لقتني بدمع قالتلي انا اسفة تاني مرة والله معرفش انك هتزعل كدا قولتلها لا عادي مفيش حاجة بس هقولك انا حبيت في حياتي مرة وحدة كانت معايا في الجامعه كنا بنحب بعض أوي يعني من سنه أولي في الجامعه واحنا مع بعض وكنا خروجات بقا وعزومات وكنا متفقين اني هخلص الجيش واروح اتقدملها واخطبها وكنت قايلها كدا من أول معرفتها عشان تبقا عارفة انها ليا انا مش لحد تاني وكنت بقولها علي طول انتي حبي الأول والأخير وفعلا محبتش قبلها وبعدها دي لسه هشوف يعني قالتلي يعني في حد في حياتك دلوقتي قولتلها اه لسه عارفة انهاردة وحبيتها قالتلي مين سعيدة الحظ دي قولتلها هيا قاعدة معانا في المكان قالتي فين دي شاورلي عليها قولتلها لا خلاص مش دلوقتي هبقا أعرفك عليها بعدين هيا شكلك كدا بالظبط هتحبيها وحلوة زيك كدا لقتها ضحكت واتكسف قالتلي كمل بقا الموضوع الي كنا بنتكلم فيه كملت بقا وفعلا بعد ما خلصت الجيش ربنا كرمني وروحت اشتغلت علي طول في شركة كدا كانت لسه فاتحة وروحت اتقدمتلها وباباها وافق عليا وانا وهيا كنا فرحانين أوي عشان خلاص بقينا لبعض وكنت متفق اني هخطبها لمدة سنه وبعد كدا نتجوز جيت انا بقا في نفس السنه دي عملت الحادثة بتاعتي وهيا اول لما عرفت بالموضوع دا جت وكانت معايا ولما عرفت اني مش هعرف اتحرك علي رجلي تاني قولتلها هتعملي ايه دلوقتي بعد ما عرفتي كدا لاقتها ساكته وبتفكر ومردتش عليا وقتها وسابتني ومشيت وقالتلي بابا قالي مش هينفع فنا بقولك مش هينفع أكمل معاك يا مهند ربنا يرزقك بوحدة احسن مني انت ابن ناس ومحترم بس انا مش هينفع خلاص تعالي خد حاجتك الي ليك عندنا انا وقتها حسيت بكسرة نفس رهيبة معتقدش حد حس بيها قبل كدا وفضلت مكتأب لمدة تلت شهور مبطلعش من البيت اصلا وجاتلي حالة نفسية وكنت بتعالج عند دكتور انا لما هيا قالتلي كدا انا الحياة اسودت في وشي مبقتش عارف افكر يعني لما تكون بتحب وحدة وتيجي مرة وحدة تتخلي عنك وتبيعك مع أول حاجة حصلتلك وهيا كانت اقرب حد ليا أقرب من أهلي كمان وكانت عارفة عني كل حاجة المشكله انها كانت بتحبني يعني فضلنا اكتر من خمس سنين مع بعض وكنا بنفكر هنعمل ايه بعد ما نتحوز هنجيب كام طفل ونسميهم ايه كنا بنتخيل حياتنا هتبقا عامله ازاي مع بعض ومستقبلنا لما كل دا مرة وحدة يتهد قدام عينك حاجة مفيش إنسان يقدر يستحملها ومن بعدها بقا مفكرتش اروح أتقدم لوحده ولا أفكر احب اصلا عشان مش عايز احس بالاهانه أول الزل مرة تانيه ولحد دلوقتي محبتش تاني وبس يا ستي دي قصتي قالتلي ياااااه انت تعبان من جوه اوي انت إزاي استحملت كل دا انت جبل يبني والله قولتلها اصل انا هدمر نفسي ومستقبلي عشان وحدة ملهاش لازمة باعتني مع أول مشكله ليا في داهيه يتبع.. 

لو عايزين البارت الرابع كومنت علي الجزء دا

البارت الرابع ( احبتني رغم اعاقتي) 

رايكم في كومنت يا قمرات بقا تعبتوني😂

وبعد ما حكينا شويه مع بعض وفضفت معاها قولتلها بقي انتي بتعملي ايه في حياتك يعني بتدرسي ولا بتشتغلي ولا بتعملي ايه في دنيتك قالتلي انا مخلصة بيزنس وشغاله مع بابا في الشركة بتاعته الي موجودة في مصر انا الي مسكاها شغاله فيها بقالي تلت سنين ومش عشان بابا صاحب الشركه بقيت المديرة لا انا اشتغلت في الأول زي اي موظف في الشركة وفضلت شغاله كويس وبحقق نتايج كويسه لحد ما بقيت المديرة قالتلي طب انت عارف العربيه بتاعتي الي راكنه برا دي الي تحسها معفنه شويه دي انا بحبها اوي عشان انا بحوش عشان اجبها بقالي اكتر من سنه ونص لحد ما جبتها مع أن بابا قالي روحي اختاري أحسن عربيه وملكيش دعوة بالفلوس بس انا رفضت مش بحب كدا عايزة كل حاجة بمجهودي قولتلها انتي هبله يا بنتي لقتها بصت كدا قولتلها اسف مش قصدي يعني يعني في حد يلاقي الدلع ويقول لا انتي غاويه مرمطة وتعب عيشي في خير باباكي عيشي حياتك سافري اخرجي شوفي الدنيا قالتلي لا انا بحب اعتمد علي نفسي واكسب الفلوس بتعبي ومجهودي قولتلها انتي كدا هبله وعبيطة فضحكت قولتلها مش ممكن باباكي دا يتبناني يعتبرني واحد من عياله وخلاص قالتلي بضحك ياريت اصل انا معنديش اخوات غيري اصلا تنور عيليتنا قولتلها اسألك بقي زي منتي هرياني اساله من الصبح قالتلي اسأل قولتلها انتي حبيتي كام مرة في حياتك بقا غيري يعني فضحكت قالتلي انا حبيت مرة وحدة كان واحد عرفته في كدا كان من برا مصر مش من هنا وسبنا بعض عشان عرفت انه كان عايز يتجوزني عشان فلوس بابا وبعد كدا محبتش تاني وانشغلت في الشركة ومستقبلي وكنت وقتها صغيرة ومش عارفة حاجة عشان كدا كان عايز يضحك عليا بس شوفته بيخوني وسهران مع وحدة تانيه ولما سالته مين دي قالي عادي يعني صحبتي متبقيش قافله كدا هنا مش زي عندكوا فنا قولت مش مكمله معاه بعد كدا الاقيه داخل عليا بوحدة بيتي ويقولي عادي فسبته ونزلت مصر علي طول ومن وقتها لحد دلوقتي محبتش حد تاني وبس يا عم قالتلي يلا بقا عشان اوصلك انتي شكلك لسه تعبان وعايز ترتاح فناديت الجرسون عشان الحساب قولتلها عيب بقا مش قولت انا الي هعزمك عايزة تصغريني كدا واحنا لسه بنتكلم ونهزر لقيت واحد كدا لابس بدله وجاي يزعق وقام ماسك شهد من ايديها وبيقولها مين دا يا هانم قاعد معاه ليه مصحبالي واحد وبتخرجي معاه من ورانا وياريته واحد عدل دا قاعد علي كرسي مشلول يا هبله مش شايفة ولا انتي اتعميتي يعني وهيا بتقوله انت مش فاهم حاجة اسكت وبتقولي اسفه والله يا مهند وكان لسه بيمد ايده عشان يضربها بالقلم قمت مسكتها قولتله انت عايز تضربها مش عيب عليك يا اخي تضرب وحده وانا اصلا معرفش مين دا قالي انت مال اهلك انت وقام زقني ووقعت من علي الكرسي كل الي قاله والي فات كوم واني وقعت من علي الكرسي كوم تاني وجت عشان تسندني تقومني قولتلها متلمسنيش سيبيني وامشي معاه ملكيش دعوه بيا انا هتصرف متخافيش عليا انا هبقا كويس روحي انتي وبقولها بستهزاء كدا قالتلي مش عارفة اقولك ايه بس اسفة تاني والله قولتلها قولي مع السلامة يلا روحي معاه عشان ميقلقش عليكي يلا قال طب اوصلك حتي لحد البيت ملكش دعوه بيه قولتلها أمشي دلوقتي من قدامي ومشيت هيا وهو والناس الي في المكان شايفين دا كله بقا وسامعين وجم يشيلوني من علي الأرض ويقعدوني علي الكرسي انا وقتها حسيت اني عاجز مش قادر اعمل حاجة حسيت بقلة القيمة من واحد ملوش لازمة اصلا عمل معايا كدا وخرجت لقتها وقفه بالعربيه بتاعتها بتبص عليا فنا روحت ركبت تاكسي ومشيت روحت البيت كان بليل الكلام دا ولقتها بترن عليا فنا مش عارف ارد ولا لا يتبع.......

البارت الخامس ( احبتني رغم اعاقتي) 

كومنت بقا حلو كدا 

وبعد ما رنت عليا هيا كانت خايفة اصلا تقول هيرد مش هيرد كانت متوترة اوي وقتها طلعت في البلكونة ورنت عليا انا مكنتش عايز ارد عشان كل الي حصلي دا بعد ما كرامتي اتهانت عيزاني ارد عليها بس انا برضو كنت عايز أعرف مين دا وبيعمل معاها كد ليه في الآخر رديت عليها عملت نفسي بقا زعلان قولتلها عايزة ايه دلوقت هتبعتيلي بلطجيه يضربوني في البيت ولا ايه قالتلي والله انا مش عارفة اقولك ايه كلمه آسفه مش كفايا علي الي حصلك عشاني انا اسفة يا مهند والله انا معرفش مين الي عرف الشخص دا مكاني اصلا مش عارفه هو بيراقبني ولا ايه قولتلها قوليلي بقا مين دا عايز اعرف اخوكي ولا مين قالتلي لا دا واحد كدا مشارك بابا في شغل وعندة مصانع وكدا وهو عايز يرتبط بيا وانا مش موافقه بس بابا موافق عليه وكل شويه يخليني اخرج معاه ويجبلي كل الشغل بتاعي معاه عشان ابقا قريبه منه وانا اصلا مش بحبه ولا طيقاه اصلا عيل بارد ودمه يلطش دا الي مسميه ظلم الإسم معاه إسمه أمير دا بذمتك شكل واحد أمير قولتلها الصراحة لا قالتلي أعملك إيه بقا عشان اصالحك منتا لازم متبقاش زعلان مني وخصوصا كمان بعد الموقف الي عملته عشان دا لما أمير كان عايز يضربني بالقلم علي وشي بس انت مسكت ايده كبرت في نظري أوي يا مهند ومش عايزاك تزعلي مني او تشيل في نفسك حتي قولتلها انتي مكنتيش حاسه بالي انا حسيته لما وقعت علي الأرض ومش عارف أقوم تاني والناس هيا الي قومتني وقولت مش هكلمك تاتي خالص هقطع معاكي خالص اما انا لسه عارفك وحصلي كدا امال كمان شويه هيحصلي إيه الطيب أحسن قالتلي أوعدك مفيش حاجة تانيه هتحصلك انت تعرف أول لما رجعت وقولت لبابا علي الي حصل جاب أمير دا وقعد يزعقله وكان هيضربه وكان بيفض الشراكة الي بينهم بس انا الي قولتله بلاش الشغل ملوش علاقة وكان متغاظ مني أوي بص يا مهند مش أنت رايح النادي بكرة قولتلها لا بكرة مبروحش النادي بكرة بروح انا وصاحبتي ضحي عشان كورس العلاج بتاعي جمب النادي كدا قالتلي علاج إيه مش الدكتور قال إنك آسفه يعني مش هتعرف تمشي تاني علي رجلك قولتلها عارف بس انا مفقدتش الأمل إني ارجع أمشي تاني علي رجلي وواثق أن ربنا هيجبر بخاطري وانشاء الله هرجع أمشي تاني علي رجلي واعيش حياتي زي بقيت الناس انا دلوقتي مش زعلان علي الي انا فيه انا بحمد ربنا كل يوم في ناس تانيه مش بتتحرك خالص قالتلي طب ينفع اجي معاك لو معندكش مانع يعني قولتلها لا معنديش مانع خالص قالتلي وضحي قولتلها انا هكلمها أقولها متجيش بقا عشان انتي جايه معايا قالتلي طب هتروح بكرة أمتي عشان أجيلك عند البيت اخدك قولتلها علي السعة عشرة الصبح كدا قالتلي ماشي اتفقنا يا هوندا قولتلها هوندا مين يا بنتي انا اسمي مهند قالتلي بدلعك اهو زعلان كمان قولتلها لا أزعل إزاي دا أحلي دلع سمعته في حياتي قالتلي هقفل بقا عشان بابا شكله بينادي عليا سلام بقا هكلمك الصبح ماشي قولتلها سلام وقومت كلمت البت ضحي احكيلها وقولتلها بقا علي كل الي حصل قولتلها دي بتدلعني يا بت قالتلي ياعم الصناره شكلها غمزت ولا إيه قولتلها معتقدش يعني ممكن تكون بتجبر بخاطري يعني مش لازم حب يعني بدري أوي علي موضوع الحب دا قالتلي اسكت انت انا عارفها هيا مش بتاخد علي حد بسرعة كدا قولتلها اه صحيح أنتي مش هتيجي معايا بكره عند الدكتور نامي بقا ياعم مريحك اهو هاخد شهد معايا قالتلي يا واطي بعتني علي طول كدا أبقي خليها بقا تنفعك يخويا خدها معاك كل مرة أنت اصلا بتمرمطني معاك اصلا ابقي شوف بقا هيا هتستحمل معاك إزاي يا حبيب قولتلها ملكيش دعوه انتي قالتلي غور ياض روح كلم الهانم بتاعتك ونمت وصحيت تاني يوم علي المكالمة بتاعت شهد وانا كنت لسه نايم قالتلي ايه عم لسه نايم لحد دلوقت يلا عشان معاد الجلسه بتاعتك عند الدكتور قولتلها خمس دقايق وهنزلك حالا هاخد دش علي السريع وأنزل علي طول مش هغيب عليكي قالتلي ومالوا يا عم مهند اتأخر براحتك منا لازم استحملك عشان انا الي عايزة اصالحك قولتلها ماشي يسطا نازل اهو يلا سلام وخلصت ونزلت وهركب العربيه قولتلها انتي مالك واقفه حاطة ايدك في جمبك ليه تعالي ساعديني شيلي الكرسي حطيه في شنطة العربيه فينك يا ضحي كانت من غير ما اتكلم قالتلي يا عم خلاص اهو شيلته اسكت بقا وركبنا العربيه ومشينا قولتلها شغلي اي حاجة كدا احنا مش قعدين في عزا قالتلي بتحب تسمع مين قولتلها انا مش بسمع اغاني اصلا بس اي حاجة وخلاص لاقتها مشغله اغاني إنجليزي وانا مش فاهم حاجة اصلا بس بسمع وخلاص أمري لله قالتلي إيه رأيك في الاغنيه دي قولتلها جميله خالص أحلي أغنيه بحبها وانا مش فاهم اي حاجة اصلا 😂 

 البارت السادس ( احبتني رغم اعاقتي) 

ووصلنا خلاص عند الدكتور وكان في سلم عند الدكتور قالتلي هتطلع إزاي قولتلها في مكان اهو يا هبله جنب السلم بنطلع من عليه قولتلها هتعرفي تزوقيني لحد فوق ولا هتنهجي قالتلي عيب عليك يسطا انا بروح الجيم قولتلها امال مش باين عليكي ليه هههه مش شايف ملامح الجيم حتي عليكي قالتلي اسكت انت بس ملكش دعوة وهيا بتطلعني بتقولي الموضوع صعب فعلا ايه دا انا تعبت قولتلها أنزل ازق الكرسي معاكي هههه قالتلي خليك في حالك بعد ازنك امال يبني مين الي كان بيطلع كل مرة قولتلها فينك يا ضحي كانت تزقني بصباع واحد مش انتي قالتلي والله اسيبك وامشي قولتلها اخلصي بقا هنتأخر علي الدكتور وطلعت للدكتور شافتها قالتلي دي دكتور ست مش راجل قولتلها ومش اي ست دي أحلي دكتورة قالتلي بطل قلة أدب دي الدكتورة بتاعتك فالتمريض الي قاعدة بره قالتلي ايه يا عم مهند الدكتورة مستنياك ايه الي اخرك قولتلها منها لله الي كانت السبب هههه قامت شهد ضربتني في جمبي قالتلي انا السبب برضو مش انت الي كنت نايم يا مفتري و قالتلي انت بقا مصاحب كل البنات الي هنا وانا الي كنت مفكراك طيب قولتلها امال ايه يا بنتي انا واد مز وقمور مش باين عليا يعني دخلنا بقا للدكتورة اسمها شيماء قالتلي ايه ياعم هفضل مستنياك كتير كدا قولتلها معلش بقا المرة دي وجت جمبي كدا عند ودني قالتلي مين المزة الي معاك دي وحدة جديدة يلا يا عم بارك الله لكم وبارك عليكم قولتلها اسكتي انا لسه عارفها خلي الموضوع يمشي علت صوتها بقا قالتلي يلا بقا كدا قوم من علي الكرسي لوحدك عشان أشوف حالتك وصلت لفين في تحسن ولا لا ولسه بقوم وقفت خمس ثواني كدا ومعرفتش كنت هقع لقيت شهد جريت سندتني قالتلي حاسب كنت هتقع اقعد علي الكرسي تعالي الدكتورة شيماء قالتلي لا دي شكلها بتحبك بقا وقعدنا نعمل شويه تمارين كدا علي رجلي وشويه مساج شويه علاج طبيعي كدا لمدة تلت ساعات لحد ما تعبت خلاص قولت لشهد شكلك زهقتي كفايا كدا يا دكتور بقا عشان شهد زهقت كدا وعايزة تضربني اصلا بتقول انا ايه الي خلاني اجي معاك قالت لا والله دا كداب وخلصنا ومشيت واحنا نازلين من عند السلم الكرسي جري من ايديها قولتلها منك لله مش هتخليني اعرف اتحرك تاني خالص انتي متجيش معايا تاني البت ضحي ارحم منك قالتلي الحق عليا يعني يا مهند قولتلها انتي زعلتي ولا إيه انا بهزر معاكي قالتلي لا خلاص مش زعلانه قولتلها لا لازم اصالحك برضوا قالتلي و هتصالحني إزاي قولتلها هأكلك أحلي طبق كشري في حياتك هتدعيلي بعدها قالتلي مش بحبه قولتلها جربي بس المرة دي وملكيش دعوة وقوليلي رأيك بعدها وروحنا بقا المحل قولتها ملكيش دعوة بالشكل هو تحسيه معفن شويه بس بيعمل احلي كشري خليكي في الجوهر قولت للراجل عم محمد عايزين طبقين هنا من ابو عشرين وزود الدقه قالتلي انت صارف ومكلف بقا من ابو عشرين مرة وحدة قولتلها امال ايه يا بنتي مفيش حاجة تغلي عليكي انتي تعبتي معايا انهارده والراجل نزلنا الكشري قالتلي هو شكله عامل كدا ليه قولتلها ماله يا بنتي كشري زي اي كشري وقومت حاتطلها شطة لسه بتاخد أول معلقة قعدت تقولي عايزة ميه حراق اوي الكشري دا قولتلها كملي بس للأخر دا طعمه حلو أوي قالتلي لا مش هقدر أكمل انتي بتاكل كدا إزاي انا كنت خلصت أصلا نص الطبق وهيا لسه في المعلقه الأولي وبعد ما خلصنا قولتلها تعالي بقا عشان اصلح الي حصلك في بوقك دا هنروح نشرب عصير قصب بقا قالتلي انت شكلك عايز تموتني انهاردة قولتلها ملكيش دعوة اسمعي كلامي وأنتي ساكته قالتلي ماشي يا عم هوندا لما نشوف اخر الموضوع ايه قولتلها يلا بقا وروحنا شربنا شويه عصير قصب قولتلها ايه رأيك بقا قالتلي يعني حلو شويه قالتلي انا بعد اليوم دا اروح اعمل غسيل معدة بعد الي حصل في بطني دا قولتلها لسه الحلو جاي قالتي لا كفايا كدا انهاردة يوم تاني مش قادرة والله قولتلها مش مشكلة نخليها بكرة مثلا ههههه قالتلي بعد انهاردة دا تديني شهر عشان ارجع لطبيعتي قولتلها ماشي يلا بقا نروح واحنا راكبين في العربيه ومروحين قالتلي تعرف يا مهند انهاردة من احلي الأيام في حياتي رغم كل الي حصلي فيه دا قولتلها وانا كمان والله من أجمل الأيام الي عدت عليا وقعدنا نتكلم بقا شويه لحد ما وصلنا البيت قولتلها متشكر ليكي يا شهد علي التعب الي تعبتيه معايا انهارده قالتلي علي ايه يعني انا اصلا قاعدة فاضيه مبعملش حاجة قولتلها أشوفك بقا بكرة في النادي هكلمك بليل اوك قالتلي ماشي سلام ونزلت من العربيه وهيا مشيت وانا لسه طالع البيت لقيت عربيه سودة جايه من بعيد بسرعة ووقفت عندي ونزل منها اتنين كدا بودي جردات وقاموا شلوني حطوني في العربيه وانا مش عارف اعمل ايه انا علي كرسي متحرك لو اتحركت هقع وواحد منهم حط المسدس في جمبي قالي صوتك ميطلع عشان متموتش وانا في العربيه بقولهم وخدني ليه انا عملت ايه فلقت نفس الشخص الي زقني قبل كدا في المطعم الي هو بيحب شهد قالي هتعرف دلوقتي واخدينك ليه يتبع...... 

خش علي الاكونت هتلاقي باقي نفسه هتلاقي باقي الاجزاء لحد اخر جزء نزل واعمل كومنت عليه

البارت السابع ( احبتني رغم اعاقتي) 

وبعد ما ركبت العربيه وانا مكنش ليا اي ردة فعل اصل مش هعرف اعمل حاجة انا واحد عاجز وبعد ما ركبت وعرفت إن الي خاطفني يبقا نفس الشخص الي بيحب شهد وعايز يتجوزها الي هو أمير انا قولت في دماغي خلاص كدا بقا هيموتني ولا هيعمل فيا حاجة بس قولت هيحصل إيه أكتر من إني قاعد علي كرسي يلا بقا مش فارقة المهم أول لما ركبت حطو بتاعه سودة كدا علي عيني زي الأفلام والله بالظبط قولتلهم يا جماعة منا شوفتكم وعارفكم لازمتها إيه البتاعة دي لقيت واحد منهم خبطني بالمسدس علي رأسي براحة وقالي مش عايز أسمع صوتك لحد مانوصل قولتلهم ما تشغلوا اغنيه كدا حاجة نتسلي عقبال مانوصل هههه منا بهزر بقا مش باقي علي حاجة اصلا ماعلينا وصلنا كدا لمكان بعيد مشينا كتير بالعربيه مكان كدا زي مصنع قديم أو مخزن ونزلوني من العربيه ولقتهم بيقولوا الننوس وصل يا ريس قولتلهم انا الننوس صح هههه قالهم شيلوا البتاعه الي علي عينه دي عايزين نتكلم مع بعض شويه وشالوها قولتلهم إيه جو الأفلام الاكشن دا يا جماعة مكبرين الموضوع علي إيه فبصيت قدامي لقيت واحد كدا لابس بدله وشكله راجل مهم فقولتله انت بقا رئيس العصابه التافه دي قالي بص يلا انا بابا شهد قولتله حبيبي يا عمي والله قالي بص ياض انت ملكش دعوه بشهد خالص من دلوقتي متقربلهاش ولا ليك دعوه بيها خالص عايزك تشيلها من دماغك خالص عشان المره دي احنا بنكلم براحة المره الجايه هيبقا فيها موتك قولتله انا بحبها وعايز اتجوزها قالي سيبك يبني من الكلام التافه دا قالي تجوز مين ياض أنت انتي مش شايف هيا فين وبنت مين وانت فين احنا ندوس عليك برجلينا وانت مش شايف شكلك يبني انت مشلول يا حبيبي مش شايف نفسك مش عارف هيا بتحبك علي إيه علي مالك ولا جمالك قولتله الحب عمره مكان بالشكل ولا بالفلوس الحب بالقلب الحب دا الي انت متعرفش عنه حاجة قالي تأخد كام يلا وتبعد عن بنتي ميه ألف كويس متين يا عم قولتله هو الإنسان رخيص أوي كدا عندك مش كل حاجة تقدر تشتريها بالفلوس قالي انت شكلك كدا مش عايز تسمع الكلام عايزكم تقنعوه ولقيت البودي جردات جاين عليا قولتلهم براحة يا شباب انتوا شايفين اهو مش بتحرك مش هقاوم حتي وعينكم ما تشوف إلا النور بالبوكس بقا في وشي وبالاقلام وانا كل قلم بنضربه مكنتش بحس بألم القلم علي وشي كان القلم دا بيوجعني من جوا حاسس اني عاجز بحس بقلة القيمة وازاي احنا رخاص أوي كدا قال ارموه هنا لحد الصبح وبعد كدا رجعوه مكان مخدتوه تاني ولا عايز حد يعرف حاجة من الي حصلت ومش عايز شهد تحس بحاجة يا أمير ومهند شطورة ومش هيتكلم عشان عارف لواتكلم هيحصل إيه ونمت في المخزن دا من كتر الضرب تعبت ونمت وصحوني الصبح قالولي قوم يروح أمك انت لسه نايم يلا يا خويا عشان المدرسه هتبدأ قوم يلا أمير الي كان بيتكلم قال للبودي جارد شيلوه وحطوه في العربيه اما نرجعه تاني وهما شايلني قولتلهم معلش بقا يا رجاله تعبتكوا معايا نردهالكوا في الأفراح كدا وخدوني ورجعوني قدام البيت وسابوني وانا جسمي متكسر ومش قادر من كتر الضرب قولت لعمي سعيد البواب بتاع العمارة تعالي يا عم سعيد طلعني الشقة انا واكل ضرب لحد مشبعت هتقف تتفرج عليا يلا يا حاج وخدني طلعني الشقة بيقولي مين الي عمل فيك كدا يا استاذ مهند قولتله لا مفيش حاجة ومش عايز حد من العمارة يعرف حاجة عشان مش ناس تيجي وزيارات بقا انا تعبان لوحدي قالي حاضر الي انت عايزة وروحت فاتح التلفون وكلمت ضحي صحبتي علي طول قالتلي في ايه يا بني بكلمك من إمبارح تلفونك مقفول كنت فين قلقتني عليك انتي فيك حاجة مال صوتك تعبان كدا ليه قولتلها تعاليلي دلوقتي علي البيت عندي عايز أتكلم معاكي او نخرج في اي مكان قالتلي ماشي هركب تاكسي واجي علي طول مسافه السكة وجتلي علي البيت عشان مقدرتش أخرج كنت متكسر خالص يعني أول لما دخلت اتخضت قالتلي إيه الي حصلك دا ومين الي عمل فيك كدا اتكلم اخلص قولتلها براحة عليا شويه يا ضحي انا مش قادر قولتلها انزلي بس هاتي شاش وقطن عشان نعمل الجروح دي قالتلي لا احنا لازم نروح المستشفي ليكون في حاجة عايزة خياطة ولا حاجة ولازم نعمل محضر كمان في الي عمل فيك كدا انطق اخلص قولتلها روحي هاتي بس الي قولتلك عليه مش عايز نقاش كتير ونزلت علي الصيدليه وجابت الحاجات ورجعت قالتلي تعال بقا اما انضفلك الجروح دي قولتلها بس براحة ولسه بتحط المطهر وبتضغط بالقطنه قولتلها يا غبيه لسه بقولك براحة هضربك والله قالتلي احكي بقا مين الي عمل فيك كدا قولتلها بس احلفي انك مش هتقولي لحد يا ضحي بالله عليكي وبالذات شهد أوعي تعرف حاجة قالتلي وشهد مالها بالي عمل فيك كدا قولتلها يختي الي عمل فيا كدا باباها قالتلي وباباها يعمل فيك كدا ليه ابن التتتتتتتتتتتتتت قولتلها قالي لازم أبعد عن شهد خالص ومقربلهاش تاني وقالي لو عرفت إنك شوفتها تاني هتموت قالتلي يخربيت الحب يا عم الي يعمل في صاحبه كدا سيبها يا مهند ابعد عنها كفايا الي حصلك لحد كدا قولتلها مش عارف يا ضحي بحبها من اول يوم شوفتها مش عايزة تطلع من دماغي واحنا بنتكلم الباب خبط قولتلها روحي افتحي شوفي مين فتحت لقت شهد الي علي الباب يتبع........ 

روحوا كملوا لحد البارت العاشر عندي علي الحساب دا نفسة لسه منزلوش في الجروب وطلب صغير كومنت علي البارت العاشر وشكرا ليكوا جدا...

البارت الثامن ( احبتني رغم اعاقتي)  

وبعد ما ضحي فتحت الباب ولقت شهد هيا الي علي الباب زعقتلها واتخانقت معاها بتقولها انتي إيه الي جابك هنا انتي مش شايفه الي عملتوه في مهند مش كفايا الي حصل من ورا دماغك ليه يعني عملتوا فيه كدا كان عملك إيه عشان تعملي فيه كدا وقاعد كمان علي كرسي متحرك مفيش في قلوبكم رحمة الناس عندكم رخيصة كدا قولتلها يا ضحي كفايا كدا اتفضلي يا شهد ادخلي مينفعش تقفي علي الباب كدا ضحي قالتلي براحتك بقا يا مهند اعمل الي انت عايزه انا خايفه عليك مع انها صحبتي بس بحبك انت أكتر انت لسه باقي عليها ليه يعني لتكون عملالك عمل وانا معرفش قولتلها اسكتي يا ضحي شويه انا فيا الي مكفيني مش ناقص كلام قولتلها عايزه ايه يا شهد مش كفايا لحد كدا كفايا الي حصلي عايزة يعمل فيا ايه المرة الجاية يموتني بقا وخلاص قالتلي انا والله يا مهند والله مكنتش اعرف إن هيحصلك كدا ولو كنت عرفت إن بابا هيعمل كدا مكنتش هخليه يعمل حاجة ولا يجي جمبك خالص انا حبيتك يا مهند من اول مرة شوفتك فيها ومش هقف ساكته وانا شايفة حد بيأذيك قولتلها ومين الي اذاني كمان دا باباكي مش حد غريب متخافيش قولتلها وانتي إيه الي عرفك ان حصلي كدا وإن باباكي كمان هو الي عمل فيا كدا قالتلي سمعت بابا الصبح وهو بيكلم أمير عنك وإن هو روحك عند البيت ولا لا فلبست وجتلك علي طول مرضتش أقول لبابا إني عرفت حاجة اصلا وجتلك علي طول عشان نشوف هنعمل إيه قولتلها هنعمل إيه يعني هنروح نلم شويه عيال ونروح نضربه ولا هنعمل إيه يعني بصي يا بنت الناس انا مش قد باباكي انا واحد ماشي في حالي ومش عايز مشاكل واديكي شايفة انا وضعي إيه قاعد علي كرسي لتكوني مش شايفه ولا حاجة واحنا ناس غلابه مش قدكم انتي متعرفيش انتي بنت مين انتي بنت الشيمي باشا الي عنده أكبر شركة مقاولات ومصانع في مصر وبره مصر كمان ومترشح في مجلس الشعب وعندة علاقات وممكن بمكالمة تلفون أروح انا ورا الشمس خليني في حالي كدا كفايا الي انا فيه انا بحبك بس مفيش حل تاني غير اننا نبعد يا شهد انتي تستاهلي حد احسن مني بكتير أوي تخرجي معاه يشيلك يفسحك تسافروا مع بعض تعيشي حياتك يا بنتي مش تجوزي واحد انتي الي تشيليه وتحركيه قولتلها انتي ممكن تكوني بتجبري بخاطري مثلا عشان اعاقتي عادي لو سبتيني مش هزعل قالتلي يا مهند عمر حبي ليك مكان جبر خاطر انا حبيتك بجد حبيتك من قلبي من غير ما اشوف انت بتمشي ولا مش بتمشي مش فارق معايا انتي تيجي تتقدملي وملكش دعوة وانا هوافق عليك قولتلها انتي هبله صح انتي عبيطة يا بت اتقدم إيه انتي مش شايفة منظري المتخرشم دا روحي البسي نضاره وتعالي قالتلي مليش دعوة خلاص نمشي انا وانت نروح اي مكان نسافر برا مصر انا معايا فلوس كتير وبعد كدا نتجوز ادام بابا مش هيوافق عليك اتصرف بقا معرفش قولتلها طب روحي دلوقتي ونتكلم بعدين لما الموضوع يهدي من باباكي ناحيتي وعقبال ما اخف شويه من الي حصلي دا مش شويه قالتلي ماشي يا مهند هصدقك ومستنياك تكلمني عشان نقعد مع بعض نتكلم قولتلها حاضر في اسرع وقت ومشيت لقيت بقا ضحي بتقولي انت هترجعلها تاني بعد الي عملته فيك انت معندش دم مستغني عن حياتك يعني في ايه يا مهند لو انت مستغني عن نفسك انا لا سيبك منها يا عم قولتلها بس انا بحبها يا ضحي مش عايزة تطلع من دماغي خالص مش عارف اعمل ايه قالتلي منا قدامك اهو احلي منها وبحبك هيا احسن مني في ايه قالتلي مش قصدي كدا يعني قصدي في بنات كتير احلي منها سيبك من البت دي وشوف حد تاني البنات كتير انما انت كدا بتضيع نفسك يا مهند وانا مش هقف ساكته وانت بتضيع نفسك كدا هوقفك بأي طريقة ومش هتروح تقابلها تاني وهيا كانت بتتكلم مش كلام عادي وكانت زعلانه اني هرجع لشهد تاني والكلام مش كلام حد بينصح صاحبه حسيت إن زي ما يكون دي مراتي وانا رايح اتجوز عليها بس قولت عادي يعني خايفة عليا وقولتلها اهدي بس يا ضحي براحة عليا قالتلي خلاص يا مهند انا ماشيه وقامت قولتلها اقعدي بس متزعليش خشي كدا علي المطبخ اعملي حاجة ناكلها الواحد جعان قالتلي أكل إيه يبني انت معندكش دم مبتحسش ياض ليك نفس تاكل وانت في حالتك والموقف الي انت فيه دا قولتلها اخلصي يلا يا بت علي الطبخ ههههه ودخلت وعملت الأكل وخلصنا أكل وهيا مشيت وصحيت تاني يوم العصر علي صوت التلفون بيرن وصوت غريب كدا بيقولي ابعد عن شهد احسنلك عشان موتك قرب لسه بقول مين بيتكلم لقته قفل السكة في وشي انا اتخضيت وخوفت وكلمت شهد علي طول لقيت تلفونها مقفول بكلمها علي الواتس مفيش بردوا كلمت ضحي قولتلها هيا شهد معاكي قالتلي لا في حاجة قولتلها في رقم غريب كدا رن عليا وقالي ابعد عن شهد وبس تعاليلي دلوقت يا ضحي وجت البيت قولتلها امال شهد راحت فين أكيد حد خطفها أو يمكن عمل فيها حاجة انا خايف عليها قوي يا ضحي قالتلي اهدي بس هتلاقيها في مكان بس وقافله التلفون بتاعها شويه كدا ورن عليها تاني وإحنا بنتكلم لقيت تلفون ضحي رن رقم غريب قولتلها ردي يا بنتي قالتلي هقوم ارد في البلكونه تقريبا ماما قولتلها ماشي بسرعة بقا وسمعتها بتتكلم براحة وخلصت وجت قالتلي انا لازم أمشي دلوقتي معلش بقا يا مهند مشوار بسرعة وجايه تاني مش هغيب قولتلها ماشي فنا من القعدة زهقت قولت أنزل اتمشي شويه في الشارع ولسه نازل لقيت مين بقا نفس العربيه الي خطفتني قبل كدا ونزل منها تامر و عبدالرحمن دول الاتنين البودي جارد بتوع المرة الي فاتت منا عرفت اساميهم محنا بقينا صحاب بقا ههههه قولتلهم وحشتكوا بالسرعة دي ملحقتش اغيب عنكوا حبتوني بالسرعة دي براحة عليا عشان جسمي متكسر زودتوا الضرب المرة الي فاتت ينفع يعني هههه ودخلوني العربيه ولسه بيحطوا البتاعة السودة دي قولتلهم في ايه يا جماعة احنا بقينا أهل خلاص بتخونوني ملهاش لازمة يعني ههههه تامر قالي اسكت بقا يبني صدعتنا منك لله يتبع....... 

كومنت بليز وتتوقعوا مين الي بيعمل كل دا وايه الي هيحصل؟؟؟

البارت التاسع ( احبتي رغم اعاقتي) 

وبعد ما خدوني في العربيه وحطو البتاعة السودة علي عيني قولتلهم والله عيب يا جماعة الي بتعملوه معاي دا إحنا أهل ودا مش أول ولا اخر تعامل بينا الجايات كتير يا جماعة متقلقوش انتوا عرفتو المكان كل لما تبقو فاضين تعالوا خدوني انا كمان فاضي والله هههه أمال فين ريس العصابه دي فين الأستاذ أمير قالي مستنيك هناك اسكت بقا قولتلهم وتاعبين الراجل ليه معاكم بس انتوا قايمين بالواجب قالي دحنا هنعمل عليك حفلة انهارده وهتشوف ليلة زي الفل قولتلهم وعملين ليا كمان حفله ليه كدا بس تعبكوا معاي ملوش لزوم التكاليف دي بس نردهالكو في المصايب إنشاء الله كنت بتكلم مع تامر قولتله بس انت يا تموره المرة الي فاتت شكلك كنت تعبان مكنش فيك صحة كدا وانت بتضربني شكلك كنت جعان لا المرة دي عايزك تشد حيلك كدا اتعلم من عبده اهو حمار بيضرب مبيهموش حاجة قالي يبني اسكت بقا انا صدعت من رغي أهلك دا إيه أم الشغلانه دي يا رب مش ورانا غيرك زهقتنا قولتله أهدي بس يا تموره هنكفر بالله كل الشغل متعب هتعمل إيه يبني استحمل بس انا مش بتعبك خالص من أول قلم علي وشي بيغم عليا أصلا مريحك أهو في احسن من كدا بقا ههههه ووصلنا المخزن خلاص ولقيت أمير هناك مستنيني قولتله في إيه يا عم أمير أنت مش وراك غيري انا تعبت والله قالي فين شهد ياض انت بدل مطلع روح اهلك وهدفنك مكانك قولتله والله ما أعرف هيا فين أنا كنت نازل أدور عليها وكلمتها تلفونها مقفول مش بترد عليا والله ما أعرف راحت فين يمكن عند أي حد من صحابها هو مفيش غير انا يعني قال مفيش قدامنا غيرك دلوقتي انت الي ليك مصلحة إنك تعمل كدا تخبيها عندك وشويه وتضحك عليها وتجوزها وتاخد كل فلوسها بطل شغل الشحاتين دا قولنالك خد قرشين واخلع من الموضوع الحب والكلام دا مش هنضحك علي بعض يا مهند يا حبيبي وقال للبودي جارد اطلعوا انتوا بره دلوقتي وسيبوني معاه لوحدنا قولتله هتعمل إيه يا أمير يا حبيبي عيب هههه قالي بص بقا شهد دي بتاعتي ومش هتروح لحد غيري فمش عايزك تتعب نفسك علي الفاضي عشان مش هتطول ضفرها ولا فلوسها حتي متفكرش إني بحب شهد وعايز اتجوزها عشان بموت في التراب الي بتمشي عليه لا خالص انا هتجوزها قول إنشاء الله هتجوزها عشان فلوس باباها بس مش عشان حاجة تانيه خالص عشان أكبر الشغل بتاعي مش عشان سواد عيونها انا عايز مصلحتي وبس مليش انا في جو الرومانسيه بتاعك دا انا أهم حاجة عندي الفلوس بحبها أكتر من اي حد وشهد دي بالنسبالي بنك فلوس اخد منه ميخلصش فمتحاولش تقرب منها ها سمعت عشان وقتها مش هسيبك عايش في الدنيا دا بعد يعني متقولي هيا قاعدة فين دلوقتي قولتله انت مش عايز تفهم ليه معرفش عنها حاجة روح شوف هيا فين قبل ما الي خطفها يعمل فيها حاجة انا مش عارف انت إزاي معفن كدا عايز تجوزها عشان فلوس باباها وانا علي فكرة بحبها وهفضل أحبها لحد لما اموت وجو التهديد دا عشان ابعد عنها مش هياكل معايا انا مش فارق معايا حاجة في الدنيا أعمل الي انت عايزة انما إني ابعد عن شهد انسا الموضوع دا وهيا بتحبني وهتتجوزني ومش بطيق أهلك خالص فبعد انت وملكش دعوه بيها قام ضربني بالقلم علي وشي لا لا مش هتاثر وازعل منا اتعودت خلاص بس بجد برغم كل الكلام الهزار دا انا كان قلبي بيتقطع من جوه ومش عارف أعمل حاجة ونادي علي تامر عبدالرحمن البودي جارد قالهم تعالوا شوفوا ابن الجزمة دا مش عايز يتكلم لسه انا رايح مشوار ارجع الاقيه متكلم بكل حاجة فاهمين قولتله من غير متوصيهم هما متوصيين عليا من غير حاجة متقلقش ولقتهم داخلين عليا الاتنين قولتلهم براحة كدا بس هتضربوا وتعملوا الي نفسك فيه بس براحة شويه بلاش الهمجيه دي بس انتوا اساليب التعذيب عندكوا قديمة شويه في التجديد يا جماعة خشوا علي النت وشوفوا التعذيب عامل إزاي عايزين تطور مش هينفع كدا كل مرة ضرب فين زي الافلام كدا كهربه وتغرقوني في الميه لا يا جماعة انا مش موافق انضرب ولسه هكمل الكلمه لقيت تامر ضربني في وشي ابن الجزمة هههه وقعدوا بقا يضربوا فيا من كل ناحيه لحد لما تعبت واتعورت جامد في وشي وسناني وقعت هيا كمان وبعد شويه لقيت أمير جاي قالهم خلاص سيبوه مش عايزين من اهله حاجة رجعوه تاني عند بيته قولتله ياه مش عارف أعمل إيه في قلبك الحنين دا قالي قلب مين يلا احنا لاقين شهد خلاص رجعت عرفنا مش انت الي مخبيها انت أتفه من كدا قولتلهم عادي يا جماعة مش مشكله ولا يهمكم خالص مكنتش علقة موت دي يعني يلا بقا روحوني البيت مش قادر ورجعت البيت وأول حاجة عملتها كلمت شهد لقتها منهارة من العياط وخايفة اوي باين في صوتها قولتلها كنتي فين قلقتيني عليكي وتلفونك مقفول ليه إيه الي حصلك قالتلي معرفش يا مهند انا كنت في مكان وبتمشي لقيت عربيه جت خطفتني ومشيت مش عارفة مين دول اصلا بس وصلوني مكان كدا وكانت عيني متغميه وسمعت وحدة بتتكلم وبتقولي ابعدي عن مهند احسنلك عشان متموتيش وصوتها كان شبة صوت ضحي شويه كدا قولتلها انتي مين قالتلي ملكيش دعوه اعملي الي قولتلك عليه ومش عارفة بعد كدا جالها مكالمه تلفون وبعدها قالتلهم سيبوها بسرعة وبس قولتلها طب انتي كويسه مفكيش اي حاجة قالتلي لا انا الحمد لله كويسه قولتلها اقفلي دلوقتي هكلمك بعدين وقفلت وكلمت ضحي بصوت عالي قولتلها تعاليلي علي البيت دلوقت بسرعه يتبع........ 

رايكم ايه وتوقعاتكوا ايه الي هيحصل؟؟؟؟

البارت العاشر ( احبتني رغم اعاقتي)  

وبعد ما قفلت مع ضحي المكالمة ومستنيها بقا تيجي فقولت اتسلي أروح اعمل شويه أكل كدا الواحد جعان من كتر الضرب الي خدته قولت لا اكلمها تاني وقولتلها هاتي أكل معاكي وأنتي جايه انا مش قادر اعمل أكل وجعان ولقتها جايه كمان شويه فتحتلها الباب قولتلها اتفضلي خشي يا هانم هاتي بس الاكل دا الأول عشان ميحصلوش حاجة اهم منك الأكل دا ههه قولتلها متعرفيش إن شهد كانت مخطوفه قالتلي وأنا هعرف منين يعني وهيا بتتكلم اصلا صوتها فيه قلق وخايفة زي ما تكون بتأكدلي إن هيا الي عملت كدا قولتلها لا والله ومتعرفيش برضو مين الي عمل فيها كدا قالتلي ايه دا مخدتش بالي مين الي عمل فيك كدا مش لسه مضروب من يومين قولتلها لا دي الجرعة التانيه منا بحب انضرب مرتين كل أسبوع قولتلها انتي هتهزري انا عارف إنك انتي الي عملتي كدا من غير متكدبي عليا قالتلي وانا هعمل كدا ليه يعني يا مهند إيه مصلحتي في كدا يعني هستفاد إيه لما اخطفها ممكن متكنش اتخطفت اصلا وهيا الي عمله الحوار دا كله اصلا مصدقها أوي أنت وبتكدبني انا وحدة لسه عارفها مكملتش معاها شهر حتي وبتصدقها عني قولتلها يا ضحي سيبك من الكلام دا مش هيخش عليا انا حافظك أكتر من نفسك وعارف إنك بتغيري عليا أوي وكمان شهد قالت انها سمعت حد بيكلمها لما اتخطفت شبه صوتك قالتلي اه يا مهند انا الي عملت كدا وانا الي خطفتها عشان حسيتك إن في حد هياخدك مني وهتسيبني انا عملت كدا وخطفتها وقولتلها تبعد عنك ومتعرفكش تاني عشان انا بحبك أيوه يا مهند بحبك من زمان قولتلها منا متنيل قدامك من زمان جاي تقولي لما حبيت وحدة تانيه قالتلي عشان كنت ضامنه إنك ليا لوحدي ومفيش حد هياخدك مني لما حسيت إن في وحدة قربت منك زعلت وغيرت عليك وكنت بغلي من جوايا في كل مرة كنت بشوفك معاه وانتوا بتضحكوا وبتهزروا ومفكرتش وانا بخطفها بقا مش عارفه بقا انا عملت كدا وخلاص والي حصل حصل وهيا زي القردة في البيت اهي قولتلها طب وسبتيها ليه قالتلي حد من الناس الي اعرفهم قالي إن الشيمي باشا خدك تاني عنده فخوفت يعمل فيك حاجة فقولت اسيبها تمشي عشان هو يعرف إنك مش أنت الي عملت كدا ويسيبك قولتلها هو فعلا معملش حاجة زي منتي شايفة كدا كان وخدني ندردش شويه مع بعض قولتلها انتي غبيه يا ضحي أنت متعرفيش إنك لما تخطفي شهد انا أولا هنزل الف عليها في الشوارع أشوفها فين وهقلق عليها ثانيا بقا باباها الشيمي باشا انا أول حد هيشك فيه إني انا الي مخبيها عندي انتي مبتفكريش متعرفيش إنك كدا بتأذيني مش عارف بتفكري إزاي والله قالتلي خلاص بقا يا مهند الغيرة عمتني والله معرفتش أفكر قولتلها مش خلاص يا ضحي اهو باباها كدا مش هيخليها تطلع من البيت تاني مش هيخليها تشوف الشارع ومش هعرف اقابلها تاني فرحت انا كدا بيكي قالتلي احسن يا رب متطلع تاني من البيت مش عارف بتحبها علي إيه دي ملهاش شكل اصلا ومغرورة ومحسساني إن مفيش منها إتنين دي رفيعة ومعصعصة قولتلها خليني قاعد كدا وشي في وشك فرحانه إنتي دلوقتي قالتلي اه فرحانه ومالو وشي دنا قمر قولتلها شوفي يا ضحي انتي معايا علي طول وشي في وشك كل يوم بعتبرك اختي عمري مفكرت فيكي كحبيبه او انك تكوني مراتي انتي الف واحد يتمناكي انتي جميله وزي العسل وبتشتغلي شغلانة كويسه وانتي اتقدملك ناس كويسه كتير فكري كدا في حد منهم حاولي تحبيه كدا هتعرفي والله قالتلي

يعني انا متحبش يعني وحشة للدرجادي إيه الي فيا وحش وانا هغيره عشان خاطرك شعري شكله مش عاجبك اغيرلك لونه هعملك أي حاجة بس سيبك من شهد ومتبعدش عني وهيا بقا بتتكلم بتعيط قولتلها طب اهدي يا ضحي كدا وبطلي عياط ومسحتلها دموعها قولتلها هعملك الي إنتي عايزاه بس اهدي كدا قولتلها روحي هاتي بس الأكل الي انتي جايباه دا الأول انا جعان يا بت قالتلي انت يبني معندكش دم والله همك علي بطنك علي طول كدا في ولقيت شهد بتكلمني واحنا قاعدين قالتلي خد رد علي تلفونك حبيبه القلب بترن رديت لقيت شهد بتعيط هيا كمان قولتلها فيه اي انتي كمان بتعيطي ليه دلوقتي قالتلي أمير قاعد مع باباي دلوقتي وسمعتة وهو بيقول أنه عايز يخطبني كدا في الأول وبعد كدا هنتجوز بيقول عشان يبعدني عنك قولتلها وبابا قاله إيه قالتلي قاله ماشي يبني انا مش معترض وموافقة في الرأي انا هكلم شهد واقولها وهيا مش هترفضك يعني هتعصي أوامري يعني وانا هكلمك كدا وابلغك تجيب أهلك امتي قولتلها وباباكي مش خد رأيك قالتلي جه قالي أمير هيجي كمان يومين يطلب إيدك مني وانا موافق عليه شاب ميترفضش ابن ناس وعندة شركة قولتله مش عايزة اتجوزه مش بحبة زعقلي وقالي هتجوزيه غصب عنك تنزلي تشتري فستان جديد وكلامي خلص ومش هتطلعي من البيت اليومين دول غير بالبودي جارد ...... 

 البارت الحادي عشر ( احبتني رغم اعاقتي )  

واحنا بنتكلم في التلفون فقولتلها طب انتي هتعملي إيه دلوقتي بعد الي باباكي قالهولك دا قالتلي انت بتسألني انا هعمل إيه امال انا بتكلم معاك ليه عشان تسألني هعمل إيه في ايه يا مهند انا مستحيل اتجوز أمير دا معرفش بقا شوفلك حل عشان لو متصرفتش انا ممكن اعمل حاجة في نفسي قولتلها أهدي كدا بس دلوقتي ما المشكله يا شهد إن باباكي استحاله يوافق عليا اصلا الاحتمال دا مش موجود اصلا ومش هعرف اخدك ونمشي في مكان بعيد مثلا عشان باباكي مش سهل يعني هيعرف مكانا وهيجبنا بسهوله ووقتها مش عارف بقا هيعمل فيا إيه وانا بتكلم معاها كل لما ابص علي ضحي الاقيها الفرحة هتطلع من عنيها عشان شايفة الموضوع مش راضي يمشي قومت خبطها برجلي قولتلها اسكتي بقا لقيت شهد بتقولي اسكت بقا قولتلها مش بكلمك انتي والله قالتلي امال بتكلم مين في حد معاك بالبيت شكلها الاستاذة ضحي دا صوتها الي جمبك دا انا عرفاه قالتلي انت لسه عايز تعرفها بعد الي هيا عملته شكلك كدا بتحبها روح يا حبيبي اتجوزها معنديش مشكله وانا أتجوز أمير عادي قولتلها والله العظيم مش كدا خالص انتي مش فاهمة الموضوع اصلا قالتلي امال دا اسميه إيه يمكن قاعدين بتشربوا الشاي مع بعض ولا تكونش بتحكيلك حدوته قبل النوم قول متكسفش مني انا زي اختك قولتلها والله مش كدا خالص هبقا افهمك بعدين مش دلوقتي قولتلها والله انا بحبك يا شهد ومش هستغني عنك ولا هقدر ابعد عنك ومش عايز اقولكم بقا ضحي كان شكلها عامل إزاي وانا بقول كدا كانت عايزة تقوم تضربني والله وهيا قاعدة تأكل المفجوعة سابت الاكل وركزت معايا انا قولت لشهد منا مش هعرف اجي اخدك من بيتك انتي شايفة الحرس الي محوطين الفيلا بتاعتكوا ومش هعرف أقرب منه وزي منتي عارفة إن البودي جارد عافين شكلي كويس دول حافظينه يعني لو شافوني حولين الفيلا هيمسكوني وباباكي هيعمل فيا الي بيعمله كل مرة قالتلي كل مرة إيه مش هيا مرة وحدة قولتلها هو مقولتلكيش قالتلي قولتي إيه مش انا لسه واخد علقة محترمة من البتاع الي إسمه أمير دا قالتلي امتي الكلام دا قولتلها لما ضحي زي منتي بتقولي ضحي خطفتك أو مين بقا معرفش باباكي فكرني انا الي مخبيكي عندي فخدوني تاني وعينك ما تشوف إلا النور خدت شويه ضرب مبقتش قادر أقوم من مكاني اصلا جسمي كله متكسر وجروح في كل مكان في جسمي قالتلي انا هكلم بابا اشوفة بيعمل فيك كدا ليه قولتلها والنبي اسكتي ولا انتي ناقصة يزعق معاكي او يعملك حاجة او يجيبني تاني أوعي تكلميه او يعرف إني بكلمك اصلا كفايا الي احنا فيه خلينا ساكتين احسن انا يا بنتي مش قد باباكي قولتلها طب انتي تعرفي تخرجي نتقابل حتي نتكلم نشوف هنعمل إيه قولتلها اتصرفي كدا وحاولي تخرجي من غير الحراسه الي معاكي دي قالتلي بكرة بابا رايح الشركة الصبح وممكن اعرف اخرج من غير ما البودي جارد يشوفوني مش عارفة بكرة الصبح هكلمك لو عرفت أخرج قولتلها ماشي اتفقنا 

سلام يا حبيبتي وقفلت لقيت ضحي جايه تمسكني وتقولي حبيبتك مين ياض انت حبيبي انا لوحدي مش لحد تاني وانا كلمت باباي وقولتله إنك جاي تتقدملي كمان يومين عايزاك تظبط نفسك كدا وهننزل انا وانت مع بعض نجيبلك كدا طقم كدا حلو بدل الي عندك دول عشان يبقا شكلك حلو كدا قدام بابا وهات علبه جاتوه وانت جاي معاك قولتلها انتي بتتكلمي بجد ولا بتهزري يا ضحي قالتلي لا بتكلم جد والله قولتلها انتي هبله يا بت انتي انتي غبيه وعبيطة كمان إيه الي انتي عملتيه دا بتعملي كدا من غير متعرفيني شكلك اتهبلتي والله مش مصدق إنك عملتي كدا وكمان مقولتليش قالتلي يعني لو كنت قولتلك كنت هتوافق تيجي قولتلها لا مش كدا مش بالطريقة دي انتي كدا يعني بتدبسيني إيه رأيك بقا مش رايح وابقي وريني هتقولي إيه بقا لباباكي شوفيله اي واحد ماشي في الشارع وخليه يتقدملك بقا انما انا مش هاجي يا ضحي وابقي وريني هتعملي إيه قالتلي ماشي بقا يا مهند شوف الي هيحصلك بقا قابل بقا يا عم الحبيب قولتلها يلا يا بت امشي روحي وسيبي الأكل دا يلا ومشيت وفي الناحيه التانيه ضحي راحت عند بيت شهد وراحت عند الفيلا وقالتلهم عايزة اقابل الشيمي باشا عشان عايزاه في موضوع مهم ودخلت قعدت في الجنينه مستنياه فشهد كانت واقفة في البلكونه فشافت ضحي قاعدة في الجنينه استغربت قالت إيه الي جابها دي هنا ولا حتي معرفاني فنزلت بتقولها انتي إيه الي جابك هنا يتبع....

البارت الثاني عشر والأخير ( احبتني رغم اعاقتي) 

وبعد ما شهد نزلت من البلكونه عشان تشوف ضحي جايه جايه عندهم ليه فنزلت بتقولها انتي إيه الي جابك هنا مش كفايا الي عملتيه معايا قالتلها هو انا عملتلك إيه قالتلها انا عارفة إنك انتي الي خطفتيني عشان عيزاني أبعد عن مهند اوعي تفكري جو الصحوبيه دا دخل عليا انا عمري معتبرتك صحبتي علي طول كنت بشوفك بتغيري مني عشان فلوس بابا حتي الراجل الي حبيته وحبني عايزة تفرقي بينا وتخديه مني مش عارفة إيه الغيرة دي بطلي حقد علي الناس شويه إنتي مريضة يا ضحي 

عايزة كل حاجة ليكي لوحدك ومهند مش بيحبك اصلا انتي ليه مش عايزه تفهمي كدا عايزة تخليه يحبك بالعافيه انتي إزاي كدا مهند بيحبني وهنتجوز بعض قريب وإنتي مش موجودة في دماغة اصلا إنتي مجرد صديقة مقربه منه بس ودلوقتي مبقتيش مقربه كمان كنت مجرد وحدة بتساعدة بس شويه دلوقتي خلاص انا بقيت موجودة في حياته شكرا ليكي لحد 

كدا مستغنين عن خدماتك تشكري لحد كدا عايزة أجر الايام الي انتي قعدتيها معاه اخش اجبلك فلوس قد إيه اطلبي ولا تكوني 

مكسوفه مني لا يا حبيبتي انا زي اختك متتكسفيش مني ضحي بقا قالتلها انا عمري مهغير منك انتي اصلا انتي حياتك ملهاش أي لازمة هغير من جمالك الي مش عارفة مهند زي ما انتي بتقولي بيحبك علي إيه في شكلك دا تقريبا كان اعمي لما شافك اصلا ومهند بيحبني انا اصلا من زمان من قبل منتي تظهري في حياته اصلا واحنا الإتنين بنحب بعض بس انتي دخلتي حياتنا وبوظتيها منك لله قالتلها نسيت اقولك مهند جاي كمان يومين يتقدملي وبابا مستنيه وهننزل انا وهو بكرة نتشري هدوم جديدة متجي معانا كدا تشوفي الفستان الي هجيبه وانتي أول حد اعزمة متنسيش بقا بعد بكرة إنشاء الله معلش نسيت إن أمير جاي يتقدملك إنتي كمان الواحد بقا بينسي كتير اليومين دول يا بت يا شهد قالتلها شهد انتي كدابه علي فكرة ومهند مش هيفكر حتي يتقدملك إنتي وحدة قليله الادب اصلا امشي اطلعي برة بيتي وعلي فكرة نسيت أقولك مهند بيقول عليكي بومة ومسكوا في خناق بعض وصوتهم بقا عالي فبابا شهد الشيمي باشا سمع الخناقة ونزل قال في إيه مين دي يا شهد الي جايه تتخانق معاكي في بيتك قالتله دي وحدة كانت صحبتي قليله الادب مش محترمة ونده علي الحرس قالهم تعالوا ارموا البت دي بره الفيلا فالحرس وهو بيشد ضحي يطلعها بره قالتله بنتك هتهرب مع مهند الي بتحبه وتجوزه وانا كنت جايه اقولك واعرفك بدل منت مش عارف حاجة كدا قالهم خلاص سيبوها تعالي يا بنتي إيه الي أنتي بتقوليه دا انتي متاكدة من الكلام دا قالتله اه وهو جاي يتقدملي بعد بكرة في نفس اليوم الي أمير جاي فيه يتقدم ومش عارفة بقا هيا مفهماك إيه قال لشهد صح الكلام الي البت دي بتقوله قالتله دي كدابه يا بابا قال لضحي امشي اطلعي برة بيتي يا بت انتي قالتله بس خليك فاكر إني جيت وقولتلك ومشيت ضحي وشهد علي طول كلمت مهند قالتله إيه الي جاب ضحي عندي البيت انهاردة وإيه الكلام الي قالته دا قولتلها قالت إيه بنت الهبله دي بتقول انك رايح تتقدملها بعد بكرة قالها والله ما رايح اتقدم ولا نيله دي هيا الي اتفقت مع باباها وقالتله إن هروح اطلب اديها وبعد كدا جت تقولي طب اعملها إيه دي بقا قالتلي يعني انت مش بتحبها قولتلها والله يا شهد انا مش بحب غيرك انتي وبس ضحي دي زي اختي مش أكتر والله انا محبتش حد غيرك وعايزين نشوف هنعمل إيه قبل ما الزفت الي إسمه أمير دا يجي يتقدملك عايزين نشوف حل منا مش هسيبك تضيعي من إيدي انا مصدقت لقيت حد أحبه ويحبني مش عايز اضيعة من ايدي بعد ما لقيته قولتلها طب وهتعملي إيه مع أمير قالتلي ملكش دعوة انت أنا مظبتة كل حاجه انا عايزاك بس تلم الحاجة الي ليك في بيتك عشان هاجي اخدك بعد بكرة الصبح ونتجوز قولتلها انتي هبله هتخرجي إزاي اصلا من البيت قالتلي انا هتصرف ملكش فيه اجهز انت بس قالتلي سلام بقا دلوقت عشان بابا جاي عليا وقفلت وانا قاعد افكر بقا في حاجات كتير في دماغي طب البت ضحي دي هعمل معاها ايه هروح ازاي مثلا هخلع منها إزاي طب شهد ناويه علي إيه طب لو باباها عرف انها ناويه تهرب مثلا هيعمل ايه طب لو عرفت تهرب حتي باباها لو عرف يمسكنا هيعمل فينا إيه ودماغي خلاص هتنفجر من التفكير واليوم دا فات اليوم الي بعدة بقا الي هو قبل اليوم الي هيحصل فيه كل المصايب دي صحيت كدا علي الضهر لقيت الي بيخبط علي الباب بفتح لقيت الزفته ضحي قولتلها إنتي إيه الي جابك بس قالتلي عشان ننزل نشتري الفستان بتاعي ونجبلك بدله كدا ولا حاجة قولتلها يا بت إنتي لسه معتقدة إني هاجي اتقدملك انتي هبله وعبيطه والله قالتلي اه هتيجي بكرة وتطلبني من بابا إيه رايك بقا خلص بقا غير هدومك عشان ننزل متبقاش بارد كدا يلا عايزين نلحق نلف علي المحلات عايزين نلحق اليوم من أوله والفرحة في عينيها زي الطفلة الصغيرة 

وانا مش عارف اعمل معاها إيه بس فنزلت معاها وخلاص وقعدنا نلف وكل شويه تفرجني علي فستان ليها أقولها قمر عليكي تقولي بجد يا مهند هيبقي شكلي حلو بكرة قولتلها أكيد يا حبيبتي وجبت انا كمان بدله وروحت جيت بقا تاني يوم اليوم الي انا رايح اتقدم فيه لضحي ونفس اليوم الي انا وشهد هنتجوز فيه ونهرب صحيت انا كدا قبل المغرب جمعت كل حاجاتي الي في الشقة عشان اخدها لقيت بعد المغرب بشويه شهد بتكلمني تقولي انا تحت البيت أهو انا خليت البواب يطلع يساعدك عشان تنزل ولقيته جاي بيقولي خلاص يا أستاذ مهند هتمشي خلاص وتسيبنا هتوحشني قولتله يا عم ارحم أمي ابعد انا من ساعت مقعدت في العمارة دي وانا كل يوم بنضرب أبعد يا اخي ونزلت ركبت العربيه لقيت اتنين رجاله ركبين بقولها مين دول قالتلي اركب بس هفهمك في الطريق وركبت قالتلي احنا دلوقتي هنطلع علي المأذون نتحوز ودول الشهود وبعد كدا انا حاجزة طيارة لكندا علي الساعة تسعة بليل هنطلع علي هناك علي طول ونعيش حياتنا انا معايا فلوس كتير متخفش ولقتها جيبالي باسبور قولتلها إيه دا انا معنديش باسبور اصلا قالتلي انا عملتلك واحد عشان عارفة إنك مش عندك وروحنا عند المأذون واتجوزنا وكل شويه ضحي ترن عليا وانا مش برد عليا وهيا يعيني مستنياني هيا وأهلها عشان اجي اتقدم بس انا مش هروح وحاولت افهمها كدا كتير بس هيا مش عايزة تفهم وروحنا عشان نركب الطيارة وعافنا خلاص فالشيمي باشا عرف بس عرف متأخر كانت الطيارة طلعت خلاص والي عرفته بقا بعدها بفترة إني ضحي بقت مجنونه ودخلت مصحة عشان تتعالج من الصدمة الي حصلتلهادي بس انا مكنش في ايدي حاجة اعملها وانا بعد ما قعدت بقا هناك روحت لاحسن دكاترة ورجعت أمشي علي رجلي تاني وقضينا بيقت حياتنا في كندا مرجعناش مصر تاني وكدا تكون خلصت قصتنا يا حلوين رايكم في النهايه والقصة الجديدة كمان يوم سلااااااااااام بحبكم أوي ❤❤.........

ليصلكم جديد موقعنا فور نشره اشترك معنا من هنا 👇👇👇👇👇👇👇👇👇👇👇👇

اشتراك

تعديل المقال