رواية حبي الوحيد
البارت التالت والرابع
بعياط -انا موجوعه … حاسه ان دمي عباره عن نار بتغلي و اخدت مسكنات كتير الصبح ومفيش اي فايده
& اهدي متعيطيش انتي تستاهلي حد يحبك ..
-انت بتقول ايه ؟!!
( هي كانت موجوعه من الم السرطان بس هو افتكرها بتتكلم عن مازن )
-انا عايزه انام …
حطت راسها علي ترابيزه البار و نامت فخلال دقيقتين
كريم حاول يصحيها بس كانت نايمه بعمق
شالها و كان خارج بيها برا البار
اعترض طريقه شله من الشباب
¥ انت اناني علي فكره
} عايز تاخدها لوحدك ؟
كريم بصلهم بقرف
طلع من جيبه كارت
& انا ظابط علي فكره و اقدر اقبض عليكم بتهمه التحرش عادي جداا
¥ لا لا يا باشا احنا اسفين
بعدها كريم طلع برا البار و دخلها جوا عربيته
& مينفعش اخدك بيتي تاني اكيد اهلك هيقلقو عليكي جامد كفايه اني خليتهم يقلقو المره الفاتت
اتصل علي مازن و اخد منه نمره امنيه عشان يسألها علي عنوان ليل
+ الو مين معايا
& معلش انا عارف الوقت متأخر وان مينفعش اصلا اتصل فوقت زي دا بس صحبتك نايمه وانا مش عارف عنوانها فين و خايف ان اهلها يقلقو
ببرود + قصدك علي ليل ؟ هي معندهاش اهل اساسا
بصدمه & ازاي يعني !
+ عايشه وحدها ومامتها وباباها و جدتها متوفيين
& معندهاش اي قرايب ؟!!
+ كلهم مش بيسألو عليها ولا بيعبروها و بعدين انت بتسأل عن بيتها ليه ؟ عموما يعني شكلك معجب بيها .. بص انا هكون صريحه معاك هي اه ليل صحبتي وكل حاجه بس بصراحه يعني هي بنت مش كويسه .. طبعا عشان مفيش اهل يراقبو تصرفاتها ف هي بتستغل دا و بتكلم ولاد كتيير و تخرج معاهم و تبعتلهم صور مش كويسه ف ياريت تبعد عنها لانها متستاهلش بصراحه يعني
& تمام اسف عالاتصال فالوقت دا
وقفل المكالمه و هو مستغرب جداا .. ازاي واحده تقول علي صحبتها كدا ..
بص علي ليل ببرائه
& وانا اقول ازاي محدش اتصل عليكي خاالص المره الفاتت .. مستحيل يكون الكلام الي امنيه بتقوله دا صح ..
اخدها لبيته
ونيمها عالسرير و غطاها بس لاحظ انها بتعرق جامد مع انهم فالشتاا
حط ايده علي جبهتها
& يااه حرارتك عاليه اوي
كان طالع لشقه بسمه عشان تيجي تشوف ليل و تكتبلها دوا مثلا بس غير رأيه لان الوقت كان اتأخر جامد كانت الساعه ٢ بالليل
جهز ميه ساقعه و قماشه وبدأ يعملها كمادات
فجأه بدأت تعيط وهي نايمه وتتكلم (هلوسه يعني )
-لا يا تيته متسبنيش انا مليش غيرك لا خليكي معايا
كريم مسك ايدها عشان تهدي
-ايوا يا تيته خليكي ماسكه ايدي دايما ..
فضل يعملها كمادات لغايه ٧ الصبح
و لما حرارتها نزلت حمد ربنا و راح نام فالصاله
*الساعه ٩ الصبح*
ليل صحيت وهي مخضوضه
-ايه الي جابني هنا تاني !! قامت من عالسرير وهي متعصبه و خرجت الصاله
هزت كريم وهو نايم جاامد لدرجه انه صحي وهو مخضوض
-جبتني هنا تاني ليه !!!
& طيب مفيش صباح الخير حتي ؟!
-انت شكلك متحرش اصلا
& انا !! حرام عليكي انا مجتش جنبك اصلا
بسمه خبطت عالباب
ليل راحت تفتح
& كمان هتفتحي الباب فبيتي ؟😂
بسمه اتصدمت لما شافت ليل .. كانت جايبه فطار ل كريم كالعاده
€ ازيك ..
-ابن خالتك دا متحرش .. يومين ورا بعض بصحي فبيته
€ …
& متدافعي عني يا بسمه عالاقل 😂
€ هي بتعمل اي هنا ؟
& نامت امبارح فالبار ومعرفتش اوصل لبيتها ف جبتها هنا
بزعيق € مقولتليش ليه كنت جيت قعدت معاها بدل متفضلو وحدكم فالشقه !!!
بزعيق & طيب وطي صوتك انا مسمحلكيش يا بسمه تعلي صوتك عليا مش معني اني بهزر معاكي و بعتبرك اختي يبقا تزوديها و تعلي صوتك عليا
بصدمه € اختك ؟!! انت اعمي والله و غبي كمان ..
-اهدو يجماعه متتخانقوش بسببي
€ لو سمحتي ياريت تخرجي من بيته
-كدا كدا كنت خارجه اساسا
و خرجت ليل من الشقه وقفلت الباب وراها
€ ياريت مشوفهاش تاني جمبك
& انا مش طفل يا بسمه عشان تقوليلي اعمل اي ومعملش ايه
بسمه مشيت وسابته
اما ليل راحت بيتها
وفضلت نايمه طوول اليوم
عدي يومين من غير اي احداث
٪ افتحي يا ليل
-نعم يا عمو مش اديتلك الايجار بتاع الشهر دا ؟
٪ انا هبيع الشقه ف ياريت تفضيها فظرف يومين
بصدمه -نعم !! تبيعها ازاي وفيه عقد ايجار اساسا
٪ المحكمه عندك اهي عايزه ترفعي قضيه براحتك المهم تفضي الشقه فظرف يومين انا خسران وانا بأجرلك بالسعر دا اساسا
-بس احنا مأجرين الشقه دي بقالنا ٢٠ سنه و انا مش هقدر ادفع ايجار شقه تانيه عشان هيكون غالي و فلوسي مش كافيه اني أاجر
٪ مليش دعوه بالكلام دا .. الشقه تفضي فخلال يومين والا هرمي هدومك فالشارع
ومشي وسابها
دخلت الشقه و فضلت تعيط
-حتي الشقه الي مصبراني علي حياتي دي هياخدوها مني .. فيه ذكريات فكل مكان فالشقه مع تيته هقدر اسيبها ازاي وهروح فين … انا اساسا عايشه علي معاش جدتي الي هو ٤٠٠ جنيه فالشهر .. الشقه ايجارها قديم وكنت بدفع ٢٠ جنيه كل شهر و باقي الفلوس بالعافيه بيكفوني لاخر الشهر .. الشقق التانيه ايجارها الف عالاقل هجيب الفلوس دي منين و صحتي متسمحليش اشتغل اصلا ..
اليومين عدو بسرعه او ممكن عدو بسرعه لان ليل كانت بتنام اغلب اليوم
٪ افتحي يا ليل والا هضطر اكسر الباب انا اديتك مهله يومين وانتي الي مستغلتهمش
ليل فتحت الباب
-انا معنديش مكان اروح فيه .. يعتبر مليش غير صحبتي آيه فالدنيا دي و هي شقتهم ضيقه جدا و علطول فمشاكل بسبب كدا و اكيد مش هروح اقولهم اني هفضل عندهم يومين
بزعيق ٪ مليش دعوه بالكلام دا انتي بتحكيلي قصه حياتك ليه ؟!!
ليل قفلت الباب و دخلت حضرت شنطه متوسطه و حطت بس فيها هدومها .. هما كانو مأجرين الشقه بالاثاث ف مكنش ليها فالشقه غير هدومها
٪ ايوا كدا خليكي عاقله
-انا مش مسامحاك علي الي عملته فيا و ان شاء الله يتردلك ف اولادك .. انت بترمي بنت ملهاش حد فالشارع فوقت زي دا
صاحب الشقه مردش عليها
ليل اخدت شنطتها ومشيت
كانت بتمشي فالشارع مش عارفه تروح فين .. الوقت كان متأخر اساسا ( ١ بالليل )
كانت خايفه من الناس السكرانين جدا و نظراتهم ليها وكمان البرد كان شديد
فضلت عالحال دا ساعتين بعدها قررت تروح لبيت كريم ..
& ايوا لحظه يا بسمه
اول لما فتح الباب اتصدم
& ليل ؟!!
-انا اطردت من بيتي ومعديش مكان اروحله و لا معايا فلوس اقعد ف فندق ف هل ينفع افضل عندك يومين بس لغايه لما اكون شفت شقه تانيه ؟ انا والله مكنتش عايزه اشوفك تاني ولا اطلب منك طلب زي دا بس انا خايفه من الناس الي فالشارع
& ادخلي طيب ادخلي شكلك بردانه جامد
قبل لما تدخل بسمه اتكلمت ( كانت نازله لشقه كريم عشان تديله طبق بسبوسه هي عملتها لانها كل لما بتعمل حاجه لازم تبعتله منها جزء ف سمعت الحوار كله)
€ تدخل فين ان شاء الله ؟!!
& فبيتي يا بسمه اظن انتي ملكيش دعوه ببيتي
بسمه بصت علي ليل
€ مش عيب عليكي تباتي فشقه راجل اعزب ؟؟!! للدرجه دي مثلا عاجزه ومعندكيش حد تروحيله ؟!! انتي شكل اهلك مربوكيش اصلا عشان تيجي فوقت زي دا و تستعطفي واحد اعزب عشان تباتي عنده
اتجمعت الدموع ف عين ليل و ضربت بسمه بالقلم
-انا مسمحلكيش تتكلمي عن اهلي كدا ! انا اهلي ربوني احسن تربيه .. انا اساسا غلطانه اني جيت هنا المفروض كنت ابات فالشارع احسن مهما كان الي هيحصلي
اخدت شنطتها و كانت ماشيه بس كريم مسكها من ايدها
بغضب & استني يا ليل انا صاحب الشقه دي وانا ليا الحق اختار مين يبات ومين ميباتش و انتي يا بسمه اطلعي شقتك دلوقتي احسن والله اوريكي وشي التاني الي عمرك مشفتيه !
€ انت بتزعقلي انا عشان دي ؟!!
& ادخلي يا ليل
-انا ماشيه مش هفضل ثانيه واحده هنا .. سيب ايدي
بسمه غارت جاامد لما شافت كريم ماسك ايد ليل
& مش هسيبها .. انتي معندكيش مكان تروحيه اي هتباتي فالشارع عشان خاطر واحده قالتلك كام كلمه وخلاص ؟!
بسمه بصلته ب ذهول
€ كريم .. الي انت بتتكلم عنها دي بنت خالتك الي كانت دايما واقفه جمبك فكل ظروف حياتك .. ازاي تتكلم عني كدا قدام واحده لسا عارفها من يومين
ليل فلتت ايدها من ايد كريم ومشيت بسرعه
& انا بجد مش مصدقك يا بسمه !! انتي ازاي بتتعاملي كدا مع بنت ملهاش حد فالدنيا دي دا انتي حتي ساعدتي ناس كتيير
€ عشان هي بتحاول تقرب منك يا كريم … المشكله انك غبي ومش فاهم حاجه خالص
& بسمه .. هو انتي ليه بترفضي كل العرسان مع انك اتخرجتي واشتغلتي و معندكيش حجه ترفضيهم عشانها
€ برفضهم عشانك .. كريم انا من سعت موعيت عالدنيا وانت قدامي .. كل طفولتنا كانت مع بعض و حتي لما الجامعه فرقتنا كنا نقعد كل يوم مع بعض و نحكي و نضحك و نهزر
& عشاني ؟!! يبنتي انا والله معتبرك زي اختي مش اكتر
€ زي اختك ؟!! انا بحبك يا كريم وانت جاي تقولي اني زي اختك ؟!
كريم سابها و راح ورا ليل
بسمه انهارت من العياط
كانت هي ف اخر الشارع وهو ف اوله .. جري لغايه لما وصلها
& استني انتي بتمشي بسرعه ليه !!
-عايز اي مني
& هتباتي فين
-الشمس قربت تطلع ف هتمشي فالشارع لغايه لما تطلع
& وبعدها هتروحي فين
-هشوف شقه أاجرها
& طيب تمام انا هاجي معاكي نشوف شقه تأجريها
-انا هروح وحدي
ليل بعدها حست بدوخه جامده ومكنتش قادره تسند طولها .. كريم مسكها من وسطها قبل لما تقع عالارض (كانت ف وعيها هي بس داخت )
مشهد سلو موشن .. كريم ماسكها من وسطها و باصص ف عينها وهي كمان باصه ف عينه
فضلو عالوضع دا دقيقه
-سبني يا كريم
&هاه
بعدت ايده عنها
-روح لبيتك الجو برد اساسا
& لا مش رايح
-هتفضل فالشارع يعني ؟!
& اها
-براحتك خليك بس ابعد عني انا هقعد علي رصيف وانت علي رصيف
& يا سلام
-ايوه يا اما تمشي
& حاضر خلاص انتي علي رصيف وانا علي رصيف
قعدو قدام بعض علي ارصفه مختلفه
هي كانت بتترعش من البرد لدرجه ان شنطه الهدوم جمبها ومش قادره تفتحها من كتر م هي حاسه ان ايدها متجمده
اتفاجأت بكريم بيحط الجاكيت بتاعه عليها
& انا مش بردان علي فكره ف خدي الجاكيت بتاعي
-لا انا كمان مش بردانه
& اومال بتترعشي ليه بقالك ساعه
-عادي
حط الجاكيت عليها و راح قعد مكانه
بعدها ليل لما دفيت نامت اما هو كان صاحي عشان خايف حد يعملها حاجه او يخطفها ف كان لازم يفضل صاحي و يراقبها
*الساعه ١٠ الصبح*
صحيت وكان كريم صاحي وباين عليه الارهاق
-انت لسا منمتش ؟!
& اه كنت خايف حد يعملك حاجه
ليل فرحت من جواها لان محدش اصلا كان بيهتم بيها يمكن مفيش غير صحبتها آيه
-بس محدش طلب منك تحرسني
& مش لازم تطلبي يعني .. اي حد فمكاني كان هيعمل كدا
-…
& تعالي يلا نروح نشوف شقه
ليل قامت وشالت الشنطه
& هاتي الشنطه انا هشيلهالك
-لا كفايه انك مرهق بسببي
& يبنتي عادي هي اول مره منامش يعني
و اخد منها الشنطه
& صحيح انتي معاكي كام ومتسيئيش الظن فسؤالي انا بس بسأل عشان نشوف شقه بالسعر الي معاكي
بخجل -معايا ١٠٠ جنيه
كريم وقف مكانه وهو مصدوم
& ١٠٠ ؟! مش هتقدري تلاقي اوضه حتي بالسعر دا يا ليل
-لا هلاقي عادي
& طيب هتقبلي اني أاجرلك شقه ؟
-لا طبعا
& خلاص يبقا كدا الحل الوحيد الي قدامك انك تيجي معايا البيت و تفضلي ف اوضتي
-بس انت بيتك اساسا اوضه و صاله وحمام ومطبخ لو انا هاخد اوضتك ف انت كدا هتنام كل يوم فالصاله
& يبنتي عاادي والله
-بس طيب قول كلام منطقي حتي
& يعني كلامك هو المنطقي ؟! حد يعوز يأجر شقه ب ١٠٠ ؟!
ليل حست ب احراج
-روح بيتك يا كريم و متورنيش وشك تاني هاا
& مش رايح
-انت غتت علي فكره
& ايوا كلهم بيقولولي كدا 😂 طيب تعالي اقعدي فالشقه عندي لغايه لما تلاقي شقه تأجريها ولا هتفضلي فالشارع وكل يوم وانا اضطر اراقبك كل يوم ومنامش 😂😂😂
-هاجي معاك بس هغير هدومي بعدها هنزل
& يبنتي دا انا شويه وهبوس رجلك عشان تقعدي عندي فالشقه بدل الشارع دا انت انسااانه غرييييبه
فعلا راحو الشقه وهي دخلت الاوضه وقفلت الباب
& اي دا مين جاي فالوقت دا (كانو فالضهر)
فتح الباب وكان مازن ( كان بيعيط )
مازن حضن كريم
& مالك يصاحبي
يتبع
البارت الرابع
كريم فتح الباب بس اتفاجئ ب مازن قدام الباب (كان بيعيط )
& مالك يصاحبي !!
= امنيه ..
& مالها ؟!
= اتبعتلي امبارح شاتات بين امنيه و شخص تاني .. كانت امنيه بتشتم فالشاتات عليا وبتقول اني واحد عبيط و ساذج و انها وافقت عليا بس عشان تغيظ صحبتها ليل و عشان الي بتحبه يغير عليها …
& نعم !!! هي فاكره مشاعرك لعبه يعني ؟!
= انا حبيتها يا كريم .. اتمنييت تكون بتحبني ربع م بحبها بس طلعت بتستغلني ..
& طب اهدي بس تعالا اقعد و هجبلك عصير لمون
= فيه حاجه تاني اتبعتتلي مع الشاتات ..
& ايه هي ؟!
= شات بين ليل و حد تاني .. فالحقيقه هي شاتات كتير بتحكي فيهم ليل عن اد ايه هي بتحبني وفيهم شاتات من ٣ سنين .. شاتات بتوضح انها فعلا بتحبني و متابعه حياتي
&…
= انا ازاي كنت اعمي و مشفتش حب ليل ليا … اديت مشاعري لشخص غلط و سبت الشخص الصح .. وهي جميله اساسا و طيبه جدا .. انا كل لما افتكر اني وقفتها فالشارع وهي بتعيط بس عشان اسألها امنيه هتوافق عليا ولا لا قلبي بيوجعني .. اكيد كان موقف صعب عليها وقتها
كريم مكانش عارف يقول ايه .. كريم فعلا حب ليل جدا و اتعلق بيها وصاحبه دلوقتي بيحكيله عنها كأنها عاجباه
& بص انت دلوقتي خارج من علاقه مؤذيه ف متفكرش فالمواضيع دي دلوقتي استني كام شهر عشان تنسي عالاقل انت بس حابب ان يكون حد بيحبك مش اكتر انما انت مش بتحب ليل ولا حاجه
= يا كريم اكيد انا فعلا خرجت من علاقه شايفه بس انا حاسس بحاجه ناحيه ليل من سعت معرفت انها بتحبني .. هي بنت جميله و طيبه و كانت زميله كويسه وكل الجامعه بتشكر ف اخلاقها و طيبتها
& …
= شكرا يصاحبي انك سمعتني .. انا رايح دلوقتي هفسخ الخطوبه مع امنيه
&لا شكرا علي ايه انا معملتش حاجه
بعدها مازن مشي
كريم قعد عالكنبه ساند دراع علي ايد كرسي الكنبه و التاني حاطه علي وشه .. و بيقول ف سره ؛- مازن شكله بدأ يفكر ف ليل و لو اتقدملها هتوافق عليه لانها بتحبه ..
وقتها ليل خرجت من الاوضه
-انا فكرت فكلامك كويس وفعلا مش هينفع افضل فالشارع .. انا هبدأ اشتغل من بكرا ف ينفع بس افضل عندك اسبوع لغايه لما اقدر اطلب سلفه من مدير الشغل
& هتشتغلي ايه…؟
-اي وظيفه مش مهم
& تمام
-ساكت ليه ؟
& لا ولا حاجه مرهق بس
-عشان منمتش طول اليوم .. روح نام
& تمام
ليل استغربت ان كلامه بقا قليل بس كانت بتقول لنفسها انه اكيد بقا كدا عشان نعسان
كريم راح نام
*١٠ بالليل*
كريم قام من النوم و لبس كلاسيك و كان نازل الشارع
-رايح فين
& ..
-رايح فين بقولك ؟!
& رايح الشغل
-شغل ايه الي فالوقت دا
& انا شرطي علي فكره يعني و بقالي كذا يوم مرحتش الشغل ف اتصلو بيا قبل لما انام و قالولي اني لازم اشتغل مكثف عشان فيه حاجات كتير اتراكمت عليا
ليل ارتاحت انه اتكلم معاها و كمان بيقولها تفاصيل .. يعني كدا هو كان بيتكلم قليل عشان كان نعسان بس فنفس الوقت استغربت انه شرطي
-انت ظابط ؟!
& ايوه ..مستغربه ليه
-شكلك مش باين عليه خالص انك شرطي
& ايه كنتي متوقعه مثلا واحد باين علي ملامحه القسوه ؟!
-اه و ..
& و ايه
بخجل -يعني متوقعتش ان فيه شرطي يكون لطيف زيك وحلو كمان
& قلتي ايه ؟!
-لا مقلتش حاجه
& تمام انا خارج
خرج من الشقه وهو مش عارف يزعل ولا يفرح .. يفرح انها قالت عليه لطيف وحلو ولا يزعل عشان عارف انها بتحب مازن و ان مازن كمان بدأ يعجب بيها
راح الشغل و بدأ يشوف شغله المتراكم عليه وقرر انه هيشتغل اغلب الوقت لغايه لما ليل تمشي من بيته عشان ميتعاملش معاها و بالتالي ميتعلقش بيها بس الي ميعرفهوش انه هو اصلا اتعلق بيها وخلص الموضوع
*الساعه ٢ بالليل *
دخل مركز الشرطه واحد مضروب رصاصه ف رجله وبيمشي بالعافيه
بصراخ و عياط ¥ ارجوكم حد يساعد اخويا ارجوكم هيموتوه
كريم سمع صوته و خرج من اوضته و راح ناحيه الراجل دا
وكل العساكر راحو ناحيته بردو
& اهدي بس وقولي حصل ايه
بعياط ¥ بلطجيه يباشا اعترضو طريقي انا و اخويا و ضربوني بالنار ف رجلي و بيعذبو اخويا حاليا
& طيب وهما ليه عملو معاكم كدا وليه مفيش حد من السكان اتدخل !!
بعياط ¥ يباشا هما بلطجيه معروفين فالمنطقه و الناس كلها بتخاف منهم حتي الشرطه
& نعم ؟! شرطه ايه دي الي تخاف من بلطجيه ..
بزعيق & يا ساامح تعالي هنا
€ ايوه يباشا
& اي الي هو بيقوله دا ازاي فيه بلطجيه خطيرين بالشكل دا وانا معرفش حاجه عن الموضوع
€ اصل اصل
بزعيق & اتكلم !!
€ الباشا والدك ( باباه كان قاضي معروف و الناس بتخاف منه ومش بتعصيله اي امر بس كريم مش بيكلمه ) نبه علينا كلنا اننا منقولش حاجه عن البلطجيه دول قدامك عشان هما خطيرين وهو خايف عليك ..
بعصبيه و زعيق & تاني بابا بيتدخل فشغلي !!
& خدو عنوان المكان الي فيه اخوه و يلا نروح
مشي و راح ناحيه باب مركز الشرطه بس ولا شرطي اتحرك وراه
بزعيق & محدش جه ورايا ليه مش بقول يلا نروح ولا فاكريني بعزم عليكم !!!
€ احنا عندنا ولاد يباشا و مش عايزينهم يتيتمو
بزعيق و عصبيه & مش انتو عارفين خطوره الوظيفه من قبل لما تدخلوها !! لما انتو تخافو يبقا الشعب هيعمل ايه !!!
بس كلامه بردو مأثرش فيهم
بزعيق & طب خلاص انا رايح وحدي خليكم جبناء كدا
راح ناحيه الراجل الجريح و اخد منه العنوان
اخد عربيته و مشي
راح للمكان الي الراجل قاله عليه
وفعلا شاف رجاله كتير رابطين راجل فالشجره و بيضربو بيه لدرجه ان الراجل بقا كله دم
نزل من العربيه وهو متعصب جامد
بعصبيه و زعيق & انتو بتعملو ايه ؟!!! سيبوه دلوقتي حالا
الرجاله كلهم ضحكو
بعصبيه و زعيق & بتضحكو علي ايه ؟!!
£ الشرطه بعتتلنا راجل واحد بس المره دي يا زعيم
$ انت مضحي بحياتك ولا ايه
¥ يخساره شكله وسيم خساره يموت
كل دا و الزعيم متكلمش بعدها خرج عن صمته واتكلم
@ انت ابن القاضي بشير صح
الرجاله كلهم بصو لكريم بتركيز
£ وانا اقول ليه بشبه عليه
@ تعرف ان يشير دا اكتر واحد بكرهه فالدنيا ؟!
بزعيق &بتحكيلي قصه حياتك ليه دلوقتي !! انا بقولكم سيبو الراجل فحاله بدل م اقبض عليكم كلكم دلوقتي
الرجاله ضحكو جامد
£ دا بيقول هيقبض علينا 😂😂
@ نفس عصبيه و غباء بشير بالظبط ، حلو اوي انك وقعت تحت ايدي عشان انتقم من بشير
مسك موبايله واتصل ب بشير و بشير رد بسرعه لان العساكر بلغوه ان كريم راح للبلطجيه ف كان قلقان جدا عليه
@ ابنك تحت ايدي دلوقتي يا بشير .. انت ضيعتلي حياتي و سجنتني ٢٠ سنه رغم اني كنت برئ وقتها و خلتني اتحول لشخص مؤذي و قاسي
~ احنا نتفاهم احسن ..
@ مفيش تفاهم يا بشير .. انت ضيعتلي حياتي وانا هاخد منك ابنك الوحيد دلوقتي
بزعيق وعصبيه ~ قلتلك سيب ابني يمشي دلوقتي و نتفاهم بكرا ف المكان الي تحدده
@ وانا قلتلك مفيش تفاهم .. هتصل بيك فيديو دلوقتي رد عليا
فعلا قفل المكالمه و اتصل ب بشير مكالمه فيديو و بشير رد
@ بص بقا علي ابنك للمره الاخيره
كريم بعدها ضحك ضحكه عاليه
& انت قاعد بتتكلم عني كأني طفل مثلا قدامك ؟! انت عارف انا مين اصلا ؟! انا كريم الي المجرمين والحراميه بيخافو بس يسمعو اسمي
@ وانا كمان سمعت عنك كويس بس انت متعرفش رجالتي .. كل واحد من رجالتي فنفس كفائتك و انت راجل واحد وهما ٣٠ ف مين بقا الي هينتصر ف رأيك
بزعيق و خوف ~ يا عدلي سيب كريم فحاله وانا هجيلك بكرا واعمل فيا الي انت عايزه بس سيب ابني
@ ياه عشت وشفتك مذلول و خايف يا بشير
كريم اتحرك بسرعه ناحيه الزعيم الي كان مشغول فالضحك علي بشير و خوفه و ضربه قلم شديد لدرجه ان انف الزعيم نزفت
كلهم بصو لبعض مش مصدقين
اما الزعيم ف اتعصب جامد جامد
@ انت ازاي تلمسني اصلا ؟!!!!
& قلتلك متستهونش بيا
الزعيم بص للرجاله بصه مرعبه و ادي الموبايل لواحد من رجالته عشان يصور لان الزعيم قرر يضرب كريم بنفسه
فعلا واحد فيهم اخد الموبايل
اما بشير ف كان شويه وهيعيط لان كانت اغبي حاجه ممكن كريم يعملها هي انه يضرب الزعيم
الرجاله عملو دايره حوالين كريم الي مكنش عارف يركز علي مين ولا مين فيهم
اتنين قربو منهم و ضربهم و وقعهم عالارض و اتنين بعدهم نفس الكلام وقعهم عالارض و ضربهم و اتنين تاني و اتنين تاني و تاني وتاني لغايه لما قواه انهارت .. مبقاش عنده القوه انه يضرب حد تاني
وقتها الزعيم شاورلهم ف كلهم قربو منه مره واحده
هو ضرب تلاته منهم بس فيه اتنين مسكوه كل واحد من دراع ومقدرش يفلت منهم
و واحد قرب من كريم ضربه علي بطنه بقوه والباقيين كل واحد بيضربه حسب مزاجه
@ ايوا كدا امسكهولي كويس عشان اعرف اتفنن فتعذيبه و اه نسيت اقولكم يا رجاله .. سيبو الراجل الي كنا بنعذبه يمشي احنا عندنا تسليه احلي النهارده
اما بشير فكان منهار وهو شايف ابنه بيتضرب قدامه و هو مش قادر يتصرف ولا يعمل حاجه
الزعيم قرب من كريم و ضربه قلم قوي جدا واصلا الزعيم كان تخين وضخم ف اتخيلو بقا قوه الضربه
@ كنت بتقولي ان المجرمين بيخافو منك صح ؟! احب اصححلك معلومه ان احنا غير كل المجرمين انت اخرك تتعامل مع مجرم ضعيف او حرامي انما احنا انت متقدرش علينا
كريم بعدها ضحك بصوت عالي
& انت الي ضعيف و مخلي رجالتك يمسكوني عشان تعرف تضربني .. قلت ل ٢٩ واحد من رجالتك يضربوني فنفس الوقت وفالاخر تقولي ضعيف ؟!
الزعيم اتعصب
@ انا ضعيف ؟! طيب سيبوه يرجاله خلينا ١ ضد ١ و نشوف اي حجته
الرجاله سابوه و كريم وقع عالارض .. حاول يقوم بس مقدرش هو اخد ضربات كتير و حاسس ان جسمه متكسر
@ مش قادر تقوم ؟!😂😂
كريم اصر انه يتغلب علي كل الالم ويقوم من مكانه وفعلا نجح
@ سقفوله يولاد اخيرا قام 😂
& انا مسمحلكش انك تستهزء بيا بالشكل دا !!
@ انا اساسا لو لمستك هتقع من الالم ف بطل بقا شغل انك قوي ومش مأثر فيك حاجه
وفعلا الزعيم كان عنده حق هو اساسا وقف بالعافيه
@ شايف يا بشير ابنك شبهك ازاي ؟!
بعصبيه & متشبهنيش بيه ..
~ يا زعيم سيب ابني و انا اوعدك هعملك الي عايزه والله
@ سامعين يولاد حضره القاضي وهو بيتوسل ليا ؟😂😂
كريم راح ناحيه الموبايل
بزعيق وعصبيه & بطل بقا تقل من نفسك !!!
~ انا ميهمنيش حاجه غيرك انت ..
& وانا مش عايز منك حاجه
@ خلو المشاكل العائليه دي بعدين 😂
كريم طلع المسدس من جيبه
& انا هقتلك دلوقتي و اخلص الناس منك
الزعيم قرب منه
@ اقتلني 😂
كريم ضرب رصاصه ف رجل الزعيم
الزعيم وقع عالارض من الالم ( مكنش متوقع ان كريم فعلا هيتجرأ و يضرب عليه بالنار )
نص الرجاله راحو حوالين الزعيم والنص التاني عملو دايره حوالين كريم
بزعيق و عصبيه @ اقتلوه !!!
اتنين مسكو كريم الي قواه انهارت ويكاد يفقد الوعي و الباقي بيضربو فيه
ربع ساعه بيضربو فيه لغايه لما وقع عالارض
اما الزعيم فكان طلع الرصاصه من رجله فالربع ساعه دي ( بسكينه متسخنه بنار اه مستغربوش هو مكنش عنده قلب و طلع الرصاصه بنفسه )
الرجاله سندو الزعيم الي راح ناحيه كريم الي مرمي عالارض
@ هاتولي حزام
واحد منهم اداله حزام
@ حد يخلعله التيشرت المتقطع دا
و فعلا خلعهوله و بقا عاري الصدر
كريم كان ف وعيه وقتها بس مكنش قادر يحرك صباعه حتي
الزعيم بعدها بدأ يضرب فكريم بالحزام لغايه لما ايده وجعته
@ خلاص كدا يرجاله سيبوه لكلاب الشارع كل واحد علي بيته
وفعلا كانو ماشيين بعدها الزعيم وقف فمكانه
@ استنو صح انا نسيت حاجه
و طلع مسدسه و ضرب علي رجل كريم الي كان هيموت من الالم
@ يلا بقا يا بشير تصبح علي خير
اما بشير ف اغمي عليه من الي حصل ف ابنه
الزعيم والرجاله مشيو وسابو كريم
كريم بعدها حاول يستجمع اي قوه عنده عشان يمسك موبايله يتصل بس مفيش اي قوه عنده
فضل ساعه كامله يحاول يمسك موبايله ويتصل لغايه لما نجح
كان اخر رقم اتصل بيه هو ليل ف اتصل
ليل استغربت من مكالمه كريم ليها فالوقت دا ( كانت ٤ الفجر)
بس ردت
-ايوا يكريم
بصوت ضعيف و متقطع & انا .. انا ..
بخوف - مال صوتك يا كريم انت كويس ؟!
& ش…ار..ع..الو..ا..دي
و اغمي عليه بعدها
هي فضلت تنادي عليه بس خلاص هو اغمي عليه ومش سامع حاجه
قلقت و خرجت بسرعه الشارع .. مهتمتش ان الوقت اتأخر ولا انها خرجت بلبس البيت
ركبت تاكسي و راحت للشارع الي هو قالها عليه و كان كريم مرمي فنص الطريق
جريت عليه وهي خايفه جدا و بتعيط
بعياط -كريم انت كويس ؟!
بس مكنش بيرد عليها
حاولت تسنده
كانت الارضه مليانه دم و بنطلونه كمان
بصت علي علامات الضرب بالحزام علي صدره و رجله الي فيها ثقب ( مكان دخول الرصاصه)
بعياط - اي الي حصلك ؟!
بسرعه سندته لغايه التاكسي و ركبت و راحت البيت لان المستشفي كانت بعيده جدا ( مسافه نص ساعه ) وهو كان بيفقد دم كتير
يتبع
تفتكرو ايه هيحصل
حبى_الوحيد
إرسال تعليق