رواية حبي الوحيد
البارت الاول والتاني
بفرحه + يبنااات مازن كلمني لاول مره النهارده عالواتس و طلب رقم بابا و اتصل ب بابا و اخد منه معاد و بكرا
هيجي يتقدملي
بصدمه ~ نعم ! فرحتك تدل علي انك هتوافقي عليه .. هتوافقي عليه ازاي و انتي عارفه ان ليل بتحبه جداا بقالها ٤ سنين !!! انا وانتي اكتر اتنين عارفين قد ايه ليل بتحبه *ليل كانت ساكته ومش بتتكلم*
امنيه بصت علي ليل وبتمثل انها زعلانه
بزعل مصطنع + بجد يا ليل هتزعلي ؟! طب خلاص انا هرفضه .. مش هقبل اتجوز واحد صحبتي الانتيم بتحبه
-لا عادي مترفضهوش انا مش زعلانه .. بالتوفيق ليكي
وسابتهم ومشيت
اول لما اطمنت انها بعدت عنهم مسافه كبيره وقفت فالشارع و فضلت تعيط زي الاطفال .. مازن كان حب حياتها الاول و الاخير بس هو مكنش ملاحظها خاالص .. من فتره عملت اكونت فيك و سألته " بتحب حد ؟'
وهو رد عليها قالها ايوه .. وقتها هي افتكرت انه ممكن يكون بيحبها بس مش مبين بس شكله كان قصده علي صحبتها امنيه
قعدت عالرصيف وكملت عياط
كانت اكتر حاجه شاغله بالها و مسيطره علي تفكيرها ' هي وحشه عشان كدا هو ملاحظهاش ولا حبها ؟ طيب هو شاف ايه ف امنيه و مشافهوش فيها '
اتفاجأت بحد قاعد جمبها و بيديها منديل
= اتفضلي المنديل دا .. شكل فيه حاجه مضايقاكي جامد لدرجه انك ملاحظتيش اني قاعد جمبك بقالي ربع ساعه
الصوت مكنش غريب عليها .. بصت عليها واتفاجأت انه مازن
اخدت المنديل وقامت من عالرصيف ومشيت من غير متقول حاجه
بس مازن جري وراها وشدها من ايدها
-انت ازاي تلمس ايدي ؟!!
=مكنش قصدي والله كنت عايز اوقفك بس …
= انتي صاحبه امنيه صح ؟ هي اكيد حكتلكم اني رايح اتقدملها ابكرا ف ينفع معلش تطمنيني هل هتوافق او لا .. يعني كانت فرحانه وهي بتحكي ولا كانت بتحكي الموضوع بشكل عادي ولا ايه بالظبط .. انا اسف اني بطلب منك طلب زي دا وانتي زعلانه اصلا بس بجد الموضوع دا فارق معايا جداا .. انا بحبها بقالي سنه و مستني اليوم الي هتقدملها فيه بفارغ الصبر
ليل كانت بتتقطع من جواها وهي سامعه كلامه عن امنيه .. كان نفسها الكلام دا يكون عنها ..
-كانت فرحانه …
مازن بان عليه الفرح جدا
= بجد شكرا اوي ليكي مش هنسالك معروفك دا .. تحبي اوصلك عشان شكلك تعبانه ؟
-لا توصلني ايه انا هوقف تاكسي علي اول الشارع ..
= تمام شكراا جدا بجد
ليل سابته ومشيت خطوتين بس بعيد عنه
كانت حاسه الدنيا بتدور حواليها و بعد كدا الرؤيه بقت مشوشه و وقعت عالارض ( اغمي عليها )
مازن جري ناحيتها و شالها و وقف تاكسي و راح المستشفي
£ حضرتك قريبها ؟
= لا يا دكتور هي صاحبه خطيبتي
£ تمام .. عموما انا شاكك فحاجه بس هستني الاشعه والتحاليل عشان اتأكد ويارب يطلع الي بفكر فيه غلط
= قلقتني يا دكتور .. حضرتك شاكك ف ايه ؟!
£ لما اتأكد هقولك عشان متقولش لاهلها وتقلقهم عالفاضي لو طلع شكي غلط و ياريت تتصل ب اهلها عشان يجو
= تمام ..
اتصل ب امنيه عشان يقولها تتصل ب اهل ليل
و فظرف ربع ساعه كانت امنيه و آيه فالمستشفي
و دخلو ل ليل فالاوضه
~ حمدلله علي سلامتك يا ليل .. متقلقيش ان شاء الله حاجه بسيطه
بزعيق + ليل هو انتي مثلتي انه اغمي عليكي عشان يشيلك ويجيبك المستشفي صح ؟! بتشحتي الاهتمام من خطيبي و جوزي المستقبلي يا ليل !!! وبعدين انتي لسا مش مستوعبه انه بيحبني انا مش انتي صح ؟!!
ليل قامت من عالسرير وهي مصدومه من كلام امنيه
-احنا اصحاب بقالنا اكتر من ٦ سنين يا امنيه .. هل تعرفي عني اني خطافه رجاله واني بعمل الحركات الرخيصه دي عشان حد يهتم بيا!!!
وفجأه ليل حست انها مش قادره تاخد نفسها ونبضها بيقل
بصريخ ~ دكتور بسرعه عايزين دكتور !!!!!
ليل اغمي عليها مره تانيه
و الدكتور قال هيستني التحاليل وكان باين عليه القلق جامد و طلب منهم يستنو برا الاوضه
~ انتي ازاي تقوليلها كدا !!! معقوله انتي امنيه صحبتنا الانتيم !!! احنا ازاي معرفنكيش علي حقيقتك طول السنين دي
+ عايزاني اشوفها بتحاول تخطف خطيبي و اسيبها عادي ؟! كان لازم افهمها و اقولها انه مش مهتم بيها ومش بيحبها وانه اختارني انا و بيحبني انا
~ انتي بجد بقيتي لا تطاقي يا امنيه ! امشي يا امنيه انتي بس بتخلي حالتها تزداد سوء وخلاص !
+ اساسا جيت عشان انبهها علي حوار خطيبي وعشان خطيبي يوصلني .. وانتي كمان متقلقيش عليها عالفاضي دي حركات بنات انا عرفاها
و راحت تكلم مازن و مشيو عشان يوصلها
آيه فضلت مستنيه قدام اوضه ليل لغايه لما تصحي
~ طمني يا دكتور علي صحبتي
£ احنا عايزينك تتصلي ب اهلها بشكل عاجل ..
بقلق وخوف ~ ليه يا دكتور فيه ايه !!!!
£ لما يجو اهلها هقولهم وهما لو عايزين يقولولك براحتهم
~ ليل يتيمه الام و الاب من وهي عندها ٣ سنين .. جدتها هي الي ربتها بس ماتت من ٥ سنين ومن وقتها ليل عايشه وحدها
£ ياريت حد يعيش معاها بعد كدا
~ هي مالها يدكتور قلقتني !!!
يتبع
هنزلها لو لقيت تفاعل كبير ومتابعة لصفحتى الشخصيه منى الصياد
البارت التاني
£ للاسف المريضه عندها سرطان دم بس الخبر الحلو انها لسا فالبدايه و ممكن يتعالج عادي بس اهم حاجه تلتزم بجبسات الكيماوي و الادويه
بصدمه ~ نعم !! سرطان دم ازاي يعني ؟!
£ ربنا معاكم ..
بعدها الدكتور مشي وساب آيه وهي مصدومه
قعدت عالارض و هي بتعيط و مش مصدقه
بعدها مسحت دموعها و دخلت عند ليل لما فاقت
-هو الدكتور مش راضي يقولي حاجه ليه ؟
~ ليل .. عايزه اقولك حاجه بس لازم اتهدي اتفقنا .. كل حاجه ليها حل و علاج
-اي حصل مثلا
آيه استجمعت شجاعتها
~ عندك سرطان دم
بفرحه - بجد ؟! طب الحمدلله اخيرا هروح لماما وبابا وتيته
آيه ضربت ليل بالقلم
~ حد يفرح لما يجيله خبر زي دا !!
بهدوء - وانا هزعل ليه مثلا ؟ هل ليه اهل يزعلو عليا لما اموت ؟ هل عندي حد يهتم اذا كنت عايشه او لا .. اذا كانت صحبتي القريبه مني طعنتني فضهري و هتتخطب للانسان الوحيد الي حبيته .. هزعل ليه بقا اني هموت
آيه بدأت تعيط بهستيريه
~ انا هزعل عليكي يا ليل … انا بقالي ساعتين بعيط لدرجه اني حاسه دموعي خلصو وانتي جايه تقوليلي مين مهتم ب امرك ؟!
ببرود - كلها يومين وهتنسيني متقلقيش مفيش حد بيموت من الزعل
آيه راحت ناحيه ليل و بدأت تهزها جامد
~ يا ليل فوقي بقا اي الكلام الي بتقوليه دا !!
ببرود - كلام ايه ؟
آيه مستحملتش برود اعصاب ليل اكتر من كدا و خرجت من الاوضه
اما ليل مسكت موبايلها .. فتحت الجاليري و بدأت تمسح صور مازن واحده ورا التانيه و تعمله بلوك من الانستا و الفيس عشان متشفهوش تاني
-كان لازم اعرف من الاول ان الموضوع مش هيتم اساسا امتي حصلت اي حاجه عايزاها
و اتفاجئت بدخول آيه الاوضه تاني
~ انتي هتتعالجي من بكرا .. بكرا هتبدأي اول جلسه ليكي
-بس انا مش عايزه اتعالج
~ لا هتتعالجي يا ليل انا مش باخد رأيك انا بقولك بس ان هتبدأي بكرا الجلسات
-والقرار بيرجع للمريضه و المريضه بتقول مش هتتعالج
بعياط ~ يا ليل بقا حرام عليكي اتعالجي بقا
-بقولك مش عايزه!! كان اخر امل ليا فالدنيا دي هو مازن .. من سعت لما تيته ماتت و بقيت عايشه وحدي وانا كل يوم ببص فصورته قبل لما انام و احكيله عن الي مضايقني او الي حصل فيومي .. انا عندي درج كامل فيه كشاكيل كاتبه فيها رسايل ليه علي اساس اننا ممكن نتجوز فيوم و اوريهاله .. كل يوم رساله لمده ٤ سنين
-عارفه انا حاسه ب ايه دلوقتي ؟ حاسه ان روحي بتتسحب مني .. توعديني تهتمتي بجنازتي و تدعيلي كتير ؟
بعياط هستيري ~ جنازه ايه الي بتتكلمي عليها يا ليل انتي هتتعالجي وهتبقي كويسه
ليل قامت من مكانها و فكت ابره المحلول من ايدها
-انا مروحه البيت
~ طب استني اوصلك عالاقل الوقت اتأخر !!
-لا هروح وحدي وانتي خلي بالك من نفسك وانتي مروحه .. باي
خرجت من المستشفي وهي شايفه قدامها بالعافيه .. الساعه كانت ٣ الفجر و الشوارع فاضيه
$ القمر ماشي لوحده ليه ؟
اتجاهلته وكملت فطريقها .. باين عليه سكران اساسا
مسكها من ايدها جامد
$ انتي مش سامعاني ولا ايه ؟!!
-سيب ايدي انت بتوجعني !!!
بس مكنش عندها القوه انها تخليه يفلت ايدها
بدأ يقرب منها تدريجيا
ضربته بالقلم
$ انتي بتضربيني انا بالقلم !!
رفع ايده فالهوا عشان يردلها القلم
غمضت عينها من الخوف
بس لما فتحتها كان فيه دراع ماسك ايد الراجل الي كان بيحاول يضربها
& مش عيب عليك تمد ايدك علي بنت ؟!!
$ وانت مالك بيا اساسا
الشات الي بيدافع عنها ضرب الراجل المتحرش بوكسات كتير لغايه لما وقع عالارض وهو فاقد الوعي
& انتي كويسه ؟
-اه شكرا لحضرتك .
وكملت فطريقها بس هو مشي وراها
وقفت فنص الشارع
-بتمشي ورايا ليه ؟!
& عشان اضمن ان مفيش حد تاني هيتعرضلك
-وانت ولي امري مثلا ؟!
حست بدوخه و زغلله فعينها و حطت ايدها علي جبهتها
بخوف & انتي كويسه ؟!!
بضعف- اه كويسه ولو سمحت سبني فحالي
بمجرد مكملت جملتها وقعت عالارض
بس الشاب مسكها قبل لما تتخبط راسها عالارض
و اخدها لبيته
& ها طمنيني يا بسمه
€ تقريبا فيه حاجه مش مظبوطه يعني مثلا عندها مرض او حاجه لان باين عليها الارهاق و التعب و فنفس الوقت فيه اثر لمحلول لابره ف ايدها كأنها لسا خارجه من المستشفي من كام ساعه
& يبنتي مش انتي دكتوره ؟! متقولي مالها ولا دخلناكي طب عالفاضي 😂😂
بسمه ضربته علي دراعه
€ انا غلطانه اني صاحيه من النوم مخصوص عشان اكشف علي واحده معرفهاش .. هي مين دي انت بدأت تخطف البنات ولا ايه 😂
بضحك & ليه شايفاني مجرم قدامك مثلا ؟!
€ الله اعلم مش يمكن مجرم وانا معرفش ؟!
&بت انتي روحي يلا لشقتك احسن بكرا اشتكيكي لخالتي
€ عادي هقولها انك انت الي ضايقتني وبعدين لحظه كدا انت عايزني اطلع لشقتي و اسيبك هنا مع البنت لوحدك فالشقه ؟
& ايه يبت الدماغ الشمال الي عندك دي .. انتي بنت خاله مش جدعه علي فكره
بسمه قعدت عالسرير
€ طب انا اهو قعدت عالسرير وناويه ابات ايه رأيك بقا
& يا سلام تباتي ايه
قرب منها
& مش خايفه مني ؟!
€ و اخاف ليه يعني دا انت حتي كيوت
بعد عنها وهو بيضحك
& كيوت ؟! علي اخر الزمن حضره النايب كريم بقا كيوت
€ ششش يلا بقا اطلع من الاوضه عشان هنام
& هتنامي جمب البنت الغريبه ؟! مش خايفه تقوم تقتلك بالليل 😂😂
€ يلا برا يلا يبقا نام فالمطبخ
& طب اديني فرصه اعترض حتي !
خرجته برا الاوضه وقفلت الباب وبصت علي ليل
€ وانتي بقا اي حكايتك …
وبدأت تمعن النظر فملامحها
€ المشكله انك حلوه ..
ونامت جمب ليل
*الصبح*
ليل قامت وهي مخضوضه
-انا فين !!
كانت بسمه صاحيه قبلها و بترتب الاوضه
€ اغمي عليكي امبارح فالشارع وحظك انك كنتي قدام ابن خالتي لو حد غيره كان زمانك دلوقتي ف خبر كان
-انتي مين و ابن خاله مين !
وقتها كريم دخل عليهم الاوضه
& يلا تعالو حضرت الفطار
-انت !!
& العفو العفو
-انت ازاي تجبني بيتك
& طب مش تشكريني الاول حتي ؟! وبعدين هعرف عنوان بيتك منين شايفاه مكتوب علي جبهتك مثلا ؟! مكنش حتي معاكي بطاقه
-انت كمان فتشت فحاجتي ؟!
& كنت بحاول اوصل لرقم او عنوان لاهلك عشان اطمنهم عليكي بس حتي الموبايل قافلاه بكلمه السر
-تمام عموما شكرا يعني
وسابتهم و راحت ناحيه باب الشقه
& طب تعالي افطري حتي !
خرجت من الشقه و قفلت الباب وراها
€ اول مره يعني تحضر فطار فاخر زي دا
& مش عندنا ضيوف يبنتي ! قلت ابدع شويه 😂
€ طبعا الابداع دا عشان هي حلوه
& النكد هيبدأ الصح ؟😂😂
اكلو و بعدها بسمه طلعت لشقتها
& انا حتي معرفتش اسمها !
..
ليل راحت بيتها و قفلت الباب بالمفتاح
قررت انها هتقضي اخر شهور ليها وحدها مش عايزه تشوف حد ولا عايزه تخرج الشارع
قعدت عالسرير و فتحت اللاب عشان تقفل الفيس بتاعها
بس اتفاجأت ببوست منزلاه امنيه
' خطوبتي النهارده يبنات هتشرفوني '
بصت عالبوست بسخريه و قفلت اللاب
قررت انها هتروح الخطوبه عشان مش عايزه تبين ان امنيه انتصرت عليها وانها هانتها و اخدت منها الي بتحبه .. لازم تبان قويه كالعاده
لبست فستان اوف وايت و نزلت
*فالخطوبه*
لما ليل دخلت المكان الكل بص عليها بذهول
كانت كأنها هي العروسه
اول لما امنيه شافتها راحت ناحيتها و مثلت كأنها بتسلم عليها و تحضنها بس هي عملت كدا عشان تقولها حاجه ف ودانها
+ انتي جايه عشان تخطفي الاجواء مني صح ؟!! طول عمرك كدا يا ليل بتحبي كل الناس تركز عليكي .. اخرجي برا يا ليل انا مش عايزاكي فخطوبتي
و بعدت عنها و ر احت جمب خطيبها
اما ليل ف اتجاهلتها تماما كأنها مسمعتش حاجه
قعدت فمكان هادي وهي ماسكه الموبايل
& اي دا انتي تاني ؟!
-انت بتمشي ورايا ولا ايه !!!
& انا !! والله صدفه
-اه طبعا صدفه اني اشوفك مرتين فنفس اليوم
& يبنتي والله صدفه .. مازن صاحبي الانتيم اساسا بس مش بنشوف بعض كتير عشان مشغولين كل واحد فحياته
-طب ايه متروح تقف جمب صاحبك وتسبني فحالي
& قاعده وحدك ليه
-عادي بحب اقعد وحدي
& حاسس كأنك هتعيطي
-متهيألك بس .. امشي لو سمحت وسبني فحالي
& طب انتي بتعرقي جامد .. انتي كويسه ؟!
-اه كويسه
كانت فاتحه موبايلها بتقلب فالفيس
سحب موبايلها منها
& متسيبك بقا من البتاع دا
-هات الموبايل بهدوء ..
& ولو مجبتهوش هتعملي ايه
حست بغثيان و جريت ناحيه الحمام
كريم انتهز الفرصه و قلب فالموبايل علي اساس ممكن يلاقي حاجه تدله علي اسم البنت الي خطفت قلبه من اول مره شافها فيها
فتح الجاليري بس كان فاضي مفهوش اي صوره
& ايه دا معقول فيه حد فالدنيا دي معندهوش اي صوره فموبايله !!
ضغط علي خانه الصور المحذوفه ف جاله اخر ٦٠ صوره حذفتهم … كلهم كانو صور مازن
بص بذهول
وقتها ليل خرجت من الحمام وسحبت منه الموبايل
-حد قالك قبل كدا انك غتت و بارد ؟!
& لا ..
-ايه القط اكل لسانك ولا ايه بقيت هادي
& انتي صاحبه العروسه ؟
-اه كنت صحبتها
& و دلوقتي ؟
-ملكش دعوه انت بتتدخل ليه فحياه الناس
وقتها اشتغلت اغنيه الرقص السلو و كل واحده بترقص مع جوزها او خطيبها
امنيه كانت بترقص مع مازن و هي باصه علي ليل كأنها بتغيظها وبتضحك وهما بيرقصو
اما كريم ف كان باصص علي ليل الي كان كل تركيزها علي امنيه و مازن
فنفسه & ليه القدر بيعمل معايا كدا .. لاول مره فحياتي بنت تلفت نظري و اكتشف انها بتحب صاحبي الانتيم
قاطع تفكيره كلام ليل
-تيجي نرقص ؟
بذهول & نعم !!
-طب خلاص شكلك مش عايز
& لا لا طبعا عايز بس اتفاجأت متوقعتش يعني انك تقولي كدا
-طب خلاص اعتبرني مقلتش حاجه
& لا خلاص الكلام الي بيتقال مينفعش يتسحب
و فعلا بدأو يرقصو
& اول مره ترقصي مع حد صح ؟
بذهول - عرفت ازاي !!
& من توترك 😂😂 خايفه موت انك تدوسي علي رجلي واحنا بنرقص
-احم احم هو انا مكشوفه للدرجادي
& لا متقلقيش محدش هيلاحظ
-انت طبعا مش اول مره ترقص
& اه دايما بسمه بتزن عليا نرقص لما نروح اي مناسبه ف برقص معاها عشان ارتاح من زنها
-بتحبك علي فكره
& هي مين ؟!
-بسمه
& يا سلام وعرفتي ازاي ..
-باين من عينها الي مش بتتشال من عليك دي حتي كانت غيرانه مني جامد
& لا بسمه زي اختي ومتربيين مع بعض من واحنا صغيرين ف اكيد بيتهيألك
-لو مش بتحبها صارحها بدل متفضل مستنياك عالفاضي و تهدر مشاعرها و وقتها عالفاضي
كريم قرب منها جامد لدرجه انها حاسه بدفا نفسه علي وشها
& انتي بقا بتحبي حد ؟
-لء
و زقته جامد و دا لفت نظر الناس
مازن اتدخل
= ايه يا صاحبي انت كنت بتضايقها ولا ايه
كريم اتحرج جامد
& لا انا .. انا
الكل باصص علي كريم الي اتفضح قدامهم ( ظهر قدامهم بمظهر المتحرش )
اما ليل خرجت من الحفله جري
كريم راح وراها
بزعيق & ليه احرجتيني كدا!! كان ممكن تقوليلي ابعد وانا كنت هبعد !! لكن انتي كدا خليتي منظري قدام اصحابي و زمايلي زي الزفت ! هل انا عملتلك حاجه !!! دا انتي حتي الي عرضتي علينا نرقص !! انا فعلا غلطان اني وافقت
ليل كانت باصه عالارض
بزعيق & ارفعي وشك وانا بكلمك !!!
رفعت وشها بس كان كله دموع
-انا … انا حاسه اني مش قادره اتنفس .. مش .. قادره
& طب اهدي اهدي .. خدي معايا شهيق و بعدها زفير .. شهيق و بعدها زفير
& دلوقتي احسن ؟!
-اه ..
ومشيت وسابته
هو مشي وراها للمره المليون😂😂
دخلت ديسكو
كريم واقف عند الباب وهو مستغرب جدا
& البت اتجننت ولا ايه !!
دخل وراها
شافها قاعده عند البار و بتطلب من الويتر انه يجبلها احسن مشروب عنده
& نعم !! انتي كمان هتشربي !! بتهزري صح ؟!
-انا مش قلتلك تسبني فحالي !!
& يبنتي انتي ملكيش اهل يسألو عليكي !!! ازاي تدخلي ديسكو فالوقت دا و كمان عايزه تشربي
اخدت الزجاجه من الويتر و شربت نصها مره واحده
& طب براحه طيب براحه!!
بدأت تعيط
-بردو الالم لسا موجود ..
& انتي بتتكلمي عن ايه !!
-انا موجوعه .. حاسه اني بموت .. حاسه كأن دمي دا عباره عن نار و اخدت مسكنات الصبح و معملوش اي فايده
& طب اهدي بس متعيطيش .. صدقيني انتي تستاهلي حد يحبك
-انت بتقول ايه ؟!
(هي كان قصدها انها موجوعه بسبب الم السرطان بس هو افتكرها موجوعه عشان مازن وكدا )
-انا عايزه انام ..
نامت علي ترابيزه البار
يتبع
10 تعليقات ولايك ومتابعه لصفحتى الشخصيه
تعليقات
إرسال تعليق