الحلقه الجديده اهه يابنات بتأسف على عدم نزولها امبارح اتمنى تكونوا خلقتوا ليا اعذار وانا اسفه بجد وبتمنى تسامحونى يلا قرايه ممتعه عليكم ان شاء الله
عذاب الروح بقلمى ياسمين جمال
الحلقه الخامسه
دخل عمر المستشفى وصعد الى غرفه هناء بعد ان علم رقم الغرفه من الاستقبال ليفتح الباب
والقى نظرة على هناء وضيا
عمر بغضب :ضيا هى هناء عملت كدا علشان الزفت خالد مش كدا
ضيا:لا لا ياابيه هى عملت كدا علشان
عمر:خلاص ياضيا مش عايز اسمع صوتك واخرج هاتفه واتصل على مراد
عمر:مراد هات مأذون وتعالى على مستشفى ******
مراد:ليه فى ايه
عمر:اسمع الكلام وهات معاك معتز
مراد :ماشى حاضر
عمر:نص ساعه وتكونوا هنا
مراد:ماشى حاضر
كانت ضيا تستمع الى كلمات عمر بصدمه
ضيا:هو انت ناوى على ايه ياابيه
عمر:مش هى انتحرت وكانت هتموت كافرة علشان الزفت خالد خلاص انا بقى هوريها العذاب على اصوله
وخرج من الغرفه
فى الغرفه
هناء:هو اخوكى ناوى على ايه ياضيا الكلب كله من افكارك الهباب
ضيا:انا متوقعتش كدا خالص
هناء:منك لله طب شوفى هو ناوى على ايه
عمر:ناوى على اللى انتى عايزاه ياهانم مش هى دى الخطه بتاعتكم انكم تجبونى على ملى وشى واقعد امسك ايدك وابكى واقولك قومى ياحبيبتى انا بحبك انا اسف وكل ده علسان اتجوزك خلاص ادينى اهوه هتجوزك برافوا عليكم خطتكم نجحت
لينظروا له بصدمه
هناء:عمر انا
عمر:ولا كلمه المأذون جاى على الطريق هيسألك وطبعا انتى موافقه
هناء:بس انا مش موافقه ياعمر
اقترب منها عمر وهو فى قمة غضبه ومسك ايدها بقوة لتتألم هى وتحاول اخلاع يده ولكن باءت محاولاتها بالفشل
عمر:هتوافقى ياهناء برضاكى او غصبن عنك فاهمه المأذون لما يسألك هتقولى موافقه فاهمه
هناء بخوف ورعب من نظراته القاتله ونبرته الحاده:فاهمه
عمر:برافو عليكى وخرج من الغرفه
لتبكى هناء لتحتضنها ضيا
ضيا:معلش ياهناء سامحينى انا السبب فى كل ده
هناء:خلاص متلوميش نفسك ياضيا مهو لو كانوا بابا وماما عايشين مكنش حصل كل ده
ضيا:هناء متقوليش كدا انا مش اختك بردوا
هناء:لو كان عندى اخت مكنتش هتبقى زيك انتى روحى ياضيا
ضيا:هنكدب بقى امال عمر ايه بقى
هناء:عمر ده خلاص كرهته
ضيا:هههههههه بالسرعه دى طب اسكتى هو انتى هتعملى ايه
هناء:هو اخوكى هيسبلى فرصه ارفض كان يقتلنى
ضيا:ع فكرة كدا اللعب بقى اقوى وهتقدرى تشتغلى حلو اوى
هناء:والنبى احنا ف ايه ولا ف ايه وبعدين هو اخوكى ده عندوا قلب اساسا
عمر:مهو لو كان معندوش قلب كان زمانك دلوقت فى القبر ياهانم
هناء:بكرهك
عمر:نفس شعورى على فكره بقيت قرفان ابص ف وشك اصلا جاتك القرف
وخرج مرة اخرى
هناء:شايفه كلام اخوكى
ضيا:معلش هو زعلان منك بس هما يومين والامور هتبقى تمام
هناء:اسكتى ياضيا بالله عليكى ياشيخه
................
وحيد:تفتكرى سارة عملت كدا ياناديه
ناديه:انا عارفه بنتى كويس اوى ياحميد سارة مستحيل تعمل كدا سارة انا وانت مربينها كويس اوى
حميد :كنت خايف متفهمنيش وتقومى فينا كلنا وخفت تكونى صدقتى
ناديه:هو انا غبيه للدرجادى ياحميد اولا مستحيل اصدق كدا على بنتى ايوة فى امهات كتير متخلفه وجاهله وبتصدق اى كلمه على بنتها بس بردوا فى امهات واثقه وعارفه بنتها كوويس اوى عارف ياحميد الجهل مع ولادنا مش باللى ميعرفش يكتب ولا اللى واخد كليه لا الحكايه حكايه فهم طالما الواحده واثقه وفاهمه وحاسه يعيالها سواءً كانت فهى نجحت بس للأسف بحزن على اللى متعلمين وجاهلين ومش بيكونوا اصدقاء لعيالهم انا بفسر ده بقول يمكن اللى متعلم علشان درس قبل كدا فحاسس ان اللى بيعمله ابنه حاجه سهله فى ناس كتير مش مدركه ان كل حاجه اتغيرت اللبس والتعليم المناهج بتصعب والتعامل مع الناس كل مبنتقدم كل مبيتغير انا بيجيلى حالات كتير ببقى مشفقه على الاولاد دول ياحميد ومستحيل ابقى ام جاهله زى امهاتهم ابدا
حميد:معلش ياحبيبتى بس تفتكرى سارة فين
ناديه:مش عارفه هى فعلا هربت ولا حجاج حابسها وعايز يشوف ردة فعلنا لو وافقناه ممكن يقولنا مكانها
حميد :يارب ياناديه
ناديه:سايرة فى الكلام ياحميد لازم نعرف سارة فين
حميد:ماشى ياناديه
ناديه:لازم تتقمس الشخصيه ياحميد
حميد :ههههه حاضر يارب تمثيلى يعجبك ونلاقى سارة
ناديه" ان شاء الله هنلاجوها(هنلاقوها)بس مش لازم نغلط ياحميد حجاج انت عارفه
حميد :ان شاء الله خير
.................
دخل عمر الغرفه ومعه المأذون ومراد ومعتز
عمر:اتفضل ابدأ فى كتب الكتاب
المأذون :مين العروسه
عمر:دى ياشيخنا
الشيخ :موافقه يابنتى
هناء:ايوة
الشيخ :متأكده يابنتى موافقه على الزواج من هذا الشاب
هناء:ايوة موافقه
الشيخ:متأكده
هناء:ايوة
الشيخ :على بركة الله وبعد دقائق
الشيخ:بارك الله لكما وعليكما وجمع بينكم فى خير
مراد :الف مبروك ياعمر عايزك ترفع راسنا
لتخجل هناء وضيا ويضعوا وجههم فى الارض
عمر:متلم نفسك ياعم
مراد :هو انا قلت حاجه غلط
عمر:مش ملاحظ ان فى بنات موجودة
مراد :غين دول دى مدام والتانيه انسه
عمر:مراد اطلع برا
مراد :طالع متزوقش ياعم
ليخرج مراد ووعندما لف عمر وجهه ليدخل ليجد معتز يقف بطريقه مضحكه
عمر وهو يضحك:وانت واقف عندك بتعمل ايه
معتز:هو انا اتكلمت
عمر:لا والله غور اطلع برا
معتز:اهوه نتكبر بقى علشان اتجوزنا بقى استنى يامراد دا الواد بقى زى الديك الشركسى
مرادوقد اضهر وجهه فقط :تعالى ياخويا منا شايف ليجرى معتز ومراد عندما تحرك عمر ناحيتهم
كانت هناء وضيا يضحكون على منظرهم
ليدخل عمر ليجدهم يضحكون
عمر:عجبتكم اوى يلا علشان نروح
ضيا:وهناء
عمر:ضيا هو انتى غبيه
ضيا :ليه ياابيه
عمر:كل ده وبتسألى خمس دقايق واللاقيكم فى العربيه وتركهم وخرج
هناء:يعنى هو قفش الحكايه وبتسألى يااذكى اخواتك
ضيا :ههههه اما انا اذكى اخواتى يبقى عمر عامل ازاى
هناء:يبقى حمار يختى
عمر:هوريكى الحمار ده هيعمل فيكى ايه
هنلء:عمر اسمعنى
عمر:ولا كلمه حسابك تقل معايا اوى ياهناء وانتى عارفانى كويس اوى لما بقلب
هناء:طب
عمر:يلا امشوا قدامى
ليخرجوا من الغرفه وبعد نصف ساعه وصلوا الفيلا ليصعد كل منهم الى غرفته
...........
بعد مرور يومان لم يحدث بهم اى جديد بين ابطالنا ومازال مروان لم يظهر (اوعوا تنسوه دا مهم جدا مروان ده بطلى انا ده وانتوا شوفتوه قبل كدا 😉😉واتعرفتو عليه ف😑😑)
...........
فيلا على
على :محمد تعالى ورايا المكتب
محمد :حاضر يابابا
فى غرفه المكتب
على :اقعد يامحمد
محمد:خير
على :انا سبتك تفكر براحتك هاه ايه قرارك
محمد بتهرب:فى ايه يابابا
على :محمد انت فاهمنى كويس اوى
محمد :ماشى يابابا موافق بس بشرط
على :ايه
محمد:ولا كأننا متجوزين كل واحد ف اوضته وملهوش دعوة بالتانى
على :اى اوامر تانى
محمد :بابا متزعلش بس
على بحزم :اى اوامر تانى
محمد:لا
على :خلاص اتفضل
محمد :بابا متزعلش بس انا مش هقدر اعمل كدا سبنى براحتى ولو القدر ليه رأى تانى هيحصل
على ببشاشه:ماشى يامحمد ربنا يصلح الحال روح انت الشغل ونادملى انعام
محمد :حاضر بابا هى سارة تعرف
على :لا
محمد :ماشى وخرج وبعد دقائق جاءت انعام
انعام :ايوا ياعلى فى ايه
على :روحى كلمى سارة وحاولى معاها بكل الطرق وانتى عارفه هتقولى ايه وقوليلها ان الجواز على الورق بس وان كل واحد ف اوضته وملهوش دعوة بالتانى وده شرط محمد يعنى متخفش
انعام :ماشى هطلعلها حالا
على :وتخبرينى ضرورى
انعام :حاضر
...............
فى الصعيد
حميد :ازاى يعنى مش لاقيينها ياحجاج احنا لازم نلاقيها واغسل عارى بأيدى
حجاج :اهدى ياخوى
مسالم :صدقنى ياعمى بدور عليها بس ملهاش اصر واصل
حميد :لو مش عارف تجيب بنت عمك انا هجيبها بطريقتى
نظر مسالم الى حجاج ليتكلم حجاج بسرعه
حجاج :خلاص ياخوى هدى حالك وبعدين مامسالم بيعمل اللى عليه وزياده وبعدين مصر كبيرة ومحافظاتها كتير واهوه عندور فى كل المحافظات اللى حدانا
حميد :هتكون راحت فين بس يعنى انت يامسالم متعرفش الواد المصراوى ده من اى محافظه
مسالم :لاه ياعمى معرفش
حميد بتمثيل :نفسى اجيبها اهنه وادبحها وتشفى نارى
حجاج :ان شاء الله ياخوى نارك تهدى لما نجيب مقصوفة الرقبه دى
مسالم بشر:ان شاء الله هجبهالك لحد عندك ياعمى وتشفى نارك
حميد :عايزك تجبهالى يامسالم عمك ناره قايدة جواه
حجاج :اهدى بس ياحميد مش كده اهم حاجه عندينا صحتك خد عمك على اوضته يامسالم وتعالالى عايزك
.............
فى فيلا الخلانى
عمر :ضيا روحى قوليلها تيجى تفطر
ضيا :بس هى قالتلى مش هفطر
عمر :يعنى هى هتفضل كدا لحد امتى ليها يومين مش بتنزل تاكل معانا
ضيا:دى مش بتاكل خالص ياابيه
عمر:كمان طب انا طالعلها
ضيا :ههههههه لما اروح اتفرج
فى الأعلى عند غرفه هناء
دق عمر الباب
هناء:ادخلى ياداده ليدخل عمر الغرفه
هناء:حطى الاكل يادادة وانزلى كلى انتى
عمر:ممكن اعرف مش بتنزلى ليه
لتنصدم هناء من صوته وتلتفت اليه
هناء:انت بتعمل ايه هنا اطلع برا
عمر :مش طالع
هناء:هصرخ والم عليك الخدم
عمر:عادى واحد وفى اوضه مراته
هناء:متقولش مراتك دى تانى فاهم
ليقترب منها عمر وهى ترجع للخلف حتى اصطدمت بالدولاب
هناءوقد شعرت بأنفاسه الحارة عل وجهها :ع عمر ابع ابعد
عمر وقد اقترب من اذنها :ولو مبعدتش
هناء:لا رد
ليقبل عمر عنقها بحنان
هناء:عمر
عمر من بين قبلاته :روح عمر
هناء:ابعد ميصحش كدا ليبتعد عنها عمر قليلا ظنت انه تركها ولكن تفاجأت به يلف يده حول خصرها وجذبها له حتى التصقت تماما ثم قبلها لتتجاوب هناء معه بعد فترة ولم يدروا كم من الوقت قد مر ليبتعد عنها بسبب احتياجهم للتنفس
عمر :يلا البسى بسرعه وانزلى ومتفكريش مرة تتحدينى ياشاطرة علشان خلاص عرفت ديتك ايه وتركها وخرج لتختبأ ضيا سريعا
عمر :اطلعى شوفتك واياكى تعمليها تانى ياضيا خمس دقايق وتكونوا تحت على السفرة وحسابك معايا بعدين اتعلمتى الكدب اوى اليومين دول ولازم اربيكم من الاول ونزل
ضيا :يالهوى شافنى ازاى ده اه لو عندى ٥%من ذكاءه كان زمانى فى حته تانيه خاااالص يلا قدر ونصيب نعمل ايه
.................
نزلت انعام من الاعلى وتوجهت نحو غرفه المكتب ليسمح لها على بالدخول
على :هاه قالتلك ايه
انعام بحزن :قالتلى انها ............
عذاب الروح
ياسمين جمال
......... ........................😎😎😎😎😎😎😎
رأيكم وتوقعاتكم
هل سارة هتوافق ولا هترفض؟
وعمر عمل كدا ليه ياترى ؟
هل الروايه عجبتكم ولا لا ؟
متنسوش تعلقوا على الالبوم علشان يوصل لكل البنات وبقول تانى انا بنزل الفصول برا الالبوم وجواه يعنى الحلقات هتلاقوها فى الالبوم بردوا بس بلا تفاعل 😂😂😂😂😂اصل احنا شعب بنحب اللى برا دايما حتى الكاس عطناه للى برا سبحان الله شعب اصيل ادعوا معايا ييجوا ياخدوا الكاس يلاقوه صدى وحالته تقرف 😂😂😂😎😎😎
