عذاب الروح
ياسمين جمال
الحلقه الرابعه
فى قصر جاسم الخلانى
دخل عمر وهناء وضيا الفيلا
ترك عمر ايد هناء لتجرى عليها ضيا وتحتضنها
ضيا :فى ايه ياابيه عمر لكل ده
عمر :اسألى الست هانم واقفه تضحك مع زميلها
هناء:اهوه قلت زميلى وفيها ايه يعنى واحد وقفنى وسألنى عن حاجه وبعدين قال حاجه تضحك فضحكنا
عمر :بردوا متضحكوش مع حد
هناء:بطل انانيه بقى ياخى
لينظر لها الاثنان بصدمه
عمر :انانيه مسمية خوفى عليكم انانيه ماشى اعملوا اللى يريحك بس متجيش بكرا وتبكى وتركهم وغادر المنزل
ضيا :ليه كدا ياهناء جرحتيه جامد
هناء:معرفش مش عايزة اتكلم وتركتها وصعدت
ركب عمر عربيته وفضل يتجول بيها فى الشوارع وهو فى قمة غضبه وبترن فى ودنه كلمه انانيه كل ثانيه لحد ملقى نفسه واقف قدام شقه مراد ليصعد له
........................
حميد :انت بتقول ايه ياخوى بتى مستحيل تعمل كدا فين بتى ياحجاج
حجاج بخبث :دى الحقيقه ياخوى بتك دى كانت زى بتى ومرت ولدى بالظبط ياخوى بس بتك غلطت وحطت راسنا فى الطين انا قولت للحريم يقولوا انها سافرت كام يوم عبالت منلاقوها
حميد :لو طلع الكلام صوح هدبحها بأيديا
ناديه :لو هى عملت كدا صوح يبقى تستاهل القتل ياحميد
حميد وهو ينظر لها بحسرة:اكيد ياناديه بس اللاقيها
مسالم :انا هدور عليها من تانى ياعمى لحد ملاقيها واجبهالك وانت تعمل اللى يريحك
حميد :تسلم ياولد اخوى وتركهم وصعد غرفته ووراءه ناديه
.......................
مراد :مالك ياعم متتكلم
عمر : سبنى دلوقت يامراد
مراد :اسيبك ازاى انت مش شايف وشك عامل ازاى
عمر :حبى ليهم وخوفى عليهم طلع شايفينه انانيه منى
مراد :قصدك ضيا وهناء فهمنى طيب حصل ايه لكل ده
حكى له عمر كل شئ
مراد :وانت انفعلت كدا ليه
عمر:خايف عليها ده دكتور فى المستشفى وهو منهم يامراد عارف يعنى ايه منهم اكيد بيعمل كدا علشان ينتقم منها هما كانوا ناويين يدبسوها فى قتل ضيا ودلوقت بعتولها الزفت ده
مراد :طب هو ده اللى ضايقك بس مفيش حاجه تانى كدا ولا كدا
عمر :لا يامراد مفيش
مراد :بس هو انت رد فعلك طبيعى لانك عارف انه وحش بس هى متعرفش كدا وهى غلطت لما قلتلك انانى وبعدين فكك ياعمى تعالى نلعب يمكن اغلبك المرادى مزاجك معكر وهفوز عليك بسهوله
عمر:ههههه مش هنولهالك
مراد :طب يلا قوم
عمر:يلا بينا
.........................
الساعه الثانيه فجرا
وصل عمر الفيلا وكاد يصعد السلم حتى جاءه صوتها من الخلف
هناء:عمر انا اسفه مكنش قصدى
عمر ولم يلفت وشه لها :روحى نامى وصعد سريعا تاركها تبكى خلفه لتظهر ضيا من خلف الكرسى
ضيا :خلاص ياهناء متبكيش
هناء:مشفتوهوش مرديش يبصلى حتى ومرديش يكلمنى
ضيا :معلش هى الكلمه جرحته جامد ياهناء استنى لبكرا يكون هدى شويه وبعدين مش هو قالك روحى نامى يلا نروح ننام
..................
فى الصباح
فيلا على الشافعى
على :هى سارة مش بتنزل ليه ياانعام
انعام :رجلها مش بتقدر تدوس عليها ياحبة عينى وكمان بتخاف من اى حد ماعدا هنا بتحس معاها بالامان
محمد :وهى هنا هتوقف حالها علشان البرنسيسه لحد امتى
على :محمد اتكلم كويس
محمد :انا ماشى
على :تعالى عايزك فى موضوع فى المكتب وترك السفرة وتوجه الى غرفه المكتب وتبعه محمد
......
هنا:سارة افردى رجلك علشان ادهنلك الكريم
سارة:لا بيوجعنى جامد
هنا:معلش علشان تروقى وهحطلك قليل مش هيحرق
سارة :لا بتكدبى عليا انا عارفه
هنا:انادملك محمد اخويا يحطهولك والله
سارة برعب :لا لا خلاص اهوه رغم عدم رؤيتها له او حتى سماع صوته
هنا:ايوة كدا اتعدلى واخذت تضع الكريم كانت سارة تتألم وتبكى من الالم
هنا:سارة مش هتقوليلى مين عمل فيكى كدا وليه
سارة :معلش ياهنا نفسيتى تعبانه ومش قادرة
هنا :سارة لازم تحكى علشان تقدرى تنسى وتعيشى
سارة :ماشى هحكيلك
........................
محمد :نعم يابابا فى ايه
على :فى موضوع عايزه منك بس توعدنى انك تسمعنى للأخر وتفكر فيه
محمد :فى ايه قلقتنى
على :اوعدنى يابنى وريحنى
محمد :اوعدك يابابا اتفضل
على :بس يابنى سارة دى خريجه كليه طب وهى متخرجه جديد من سنه تقريبا وجاتلها حاله اغتصاب هى كشفت عليها والمهم عرفت ان اللى اغتصبها ابن عمها حجاج اسمه مسالم اغتصب البنت دى ورماها على الطريق العام وهى خدت التحاليل وشجعت البنت انها ترفع دعوة تاخد حقها عمها عرف وحاولو يخلوها متشهدش مع البنت دى هى رفضت راحوا هددوها وبردوا رفضت راحوا خدوها وعذبوها زى منت شايف كانوا بيلسعوها بالنار وبيضربها بالكرباج وبلاوى كل ده علشان ترجع عن اللى ف دماغها وفى الاخر هددوها بأنهم هيعملوا معاها زى معملو فى البنت وحبسوها حوالى شهر بيعذبوها كل انواع العذاب لسع وكهربا وجلد يعنى مش عارف اقولك ايه بس تعذيبهم زاد لما عرفوا ان ابوها كتب كل الاملاك بأسمها فالعذاب بقى علشان ورثها وعدم شهادتها مع البنت دى المهم هى لقت ان وقت الجلسه قرب ولو مرحتش بالتحليل الاصلى هيطلع منها والبنت هتتظلم وهما هددوها وقالولها انهم هيعملوا فيها زى البنت دى هى عملت نفسها خافت وقالتلهم ماشى هتنازل عن ورثى ومش هشهد وقالتلهم ع نسخه التحليل اللى يثبت ادانته وراحوا خدوه وحرقوه وهى طلعوها وقالولها المحامى هيجهز الورق ولازم تمضيه وإلا يغتصبوها المهم هى قالتلهم ماشى وطلعت وراحت اتصلت بالبنت وقالتلها متخافيش انا معايا نسخه تانى وهشهد معاكى وهتاخدى حقك
البنت دى من فرحتها قالت لأمها وامها للاسف اتصلت بمسالم وقالتله ع خطه سارة هو طبعا هاج وطلعلها الاوضه وجرها على العزبه واغتصبها وفضل يضرب فيها وهى قدرت تهرب منه وانت عارف الباقى
محمد وملامحه مصدومه غاضبه :وانت عرفت منين يابابا وانا مالى بالموضوع
على :عرفت من البنت اللى اغتصبها مسالم وباقى الحكايه من واحد من غفر قصرهم
محمد :مش فاهم حاجه
على :انا بعت واحد من رجالتى قلتله يشوف ايه حكايتها وانا خليت هنا تصورها وعطتنى الصورة وبعتهاله هو عرفها وقالى دى الدكتورة سارة بنت حميد بيه قلتله تعرف حكايتها قالى لا بس هى اختفت بعد حاله اغتصاب بنت عندنا ف البلد قلتله طب هاتلى عنوان البنت دى وعطانى عنوانها بعت رفعت المحامى وراحلها وعرف منها الحكايه وباقيها عرفها من غفر من بيت حجاج وعطاه قرشين وحكاله ان فى الليله دى ان مسالم كان واخد سارة والغضب مالى عنيه هو اتبعهم بس من مسافه بعيده جدا وجاله تليفون ورد عليه وبعدين قرب من العزبه لقى مسالم واقف مع واحد تانى وبيتخانقوا راح دخل الاوضه لقى سارة مغمى عليها وباين عليها انها مغتصبه الراجل ده شالها ووداها مكان تانى بعيد وسابها وجاب هدوم وحطها جمبها ومشى ورجع مكانه علشان لو مسالم عرف هيقتله وبعدين معرفش حاجه عنها بس هو حطلها هدوم كويسه ازاى اتقطعت تانى ومين الشاب التانى اللى كان مع مسالم وياترى مين اللى اغتصبها منهم ولا الاتنين هما اللى اغتصبوها
محمد :وووو وانا مالى يابابا
على :علشان تتجوزها
لينصدم محمد من كلام والده ::انت بتقول ايه يابابا انت عارف كويس اوى انى
على مقاطعا لكلامه :محمد اهدى واسمعنى للاخر
محمد :يعنى هتقول ايه
على :يابنى مش هقلك ادخل عليها انت اتجوزها وبعد سنه او كام شهر طلقها علشان تعرف تشوف حياتها
محمد :مش هقدر يابابا مش هقدر
على :ليه
محمد:اهوه كدا وخلاص وكاد يخرج من الغرفه
على :يابنى عارف ان المفروض واحد منهم هو اللى يصلح غلطه بس هنقول ايه انا معنديش غيرك اطلب منه الطلب ده انت وعدتنى انك هتفكر فى اللى هقوله فكر يابنى بقلبك وعقلك وهتوصل للقرار الصح
محمد :حاضر وتركه وصعد الى غرفته دون الرد على امه المناديه له
دخلت انعام الغرفه
انعام :فى ايه ياعلى
على :اقعدى وهحكيلك
.................................
ضيا :صباح الخير ياابيه عمر
عمر :صباح النور ياضيا
ضيا :مش هتدخل تفطر معانا
عمر :لا هفطر ف الشغل
ضيا :طب هناء تروح ال
عمر :تروح المكان اللى هى عوزاه براحتها حررتها من انانيتى وتركها وخرج من الفيلا
كانت هناء تسمع لحديثهم لتنزل دموعها
ضيا :بتبكى ليه دلوقت مش ده اللى كونتى عايزاه
هناء:بس مش بالطريقه دى
ضيا :احسن علشان تفكرى ميت مره قبل متتكلمى
هناء:اخوكى ده صعب اوى
ضيا :على فكرة عمر مفيش اطيب منه
هناء:معاكى انتى بس ياختى
ضيا :هههههه غيرانه منى ياجميل ههههههههههه
هناء:هغير ليه يابت
ضيا :طب اقطع دراعى من هنا لهنا لو مكنتوا انتو الاتنين بتحبوا بعض بس بتكابروا وكل واحد يحسب حبه ده حب اخوى
هناء:بس انا مش بحب عمر
ضيا :ايوة ايوة على ايدى طب ليه عملتى اللى عملتيه فى البت اياها لما اتدلعت عليه
هناء:علشان معجبنيش اسلوبها وهى أخلاقها مش كويسه لعمر
ضيا بنصف عين :عليا انا طب سيبك من دى خلينا فى خطيبة عمر ليه خلتينى اساعدك نطفشها
هناء:علشان بت ملزقه كدا ومش طقتها
ضيا :هناء متعملهاش عليا انا انا عارفه كل حاجه وبشوق نظراتك ليه وكمان لما يجيب اسم بنت على لسانه بتتحولى ٣٦٠ درجه
هناء:معرفش ياضيا معرفش اذا كنت بحبه ولا لا ولو كنت بحبه بحاول انساه وانشغل عنه علشان معلقش نفسى بحاجه مش ليا
ضيا :هناء انا عارفه انك مش بطيقى خالد ده بقدرة قادر كدا واقفين تضحكوا مش عليا انا انا سبتك امبارح واقول يابت هتيجى تقولك وانتى استعبتى وقلتى يابت عدت عليها
هناء بغيز :عايزة تعرفى ايه
ضيا:انتى شوفتى عمر علشان كدا عملتى كدا صح
هناء بتلعثم :لا مش كدا
ضيا :طب عينك ف عينى كدا
هناء:ايوة خلاص استريحتى كدا
ضيا وقد وضعت يدها على كتفى هناء من الخلف :وعملتى كدا ليه
هناءوهى تبتسم فرحا:علشان اشوف ردة فعله ايه
ضيا:الله الله
هناء:تفتكرى ردة فعله دى لانه بيحبنى ولا خوف
ضيا:من وجهة نظرى عمر اخويا صعب تحددى بس ان شاء الله بيحبك يابت
هناء بهيام: ياااارب
لم ينتبهو لهذه الابتسامه الجذابه التى ارتسمت على وجه عمر خلفهم
عمر فى سره :بقى بتحبينى ياهناء وبتعملى فيا كدا اما وريتك )ثم رسم على وجهه العبوس والغضب عكس مابداخله
عمر:مالكم فى ايه
ليلتفتوا مصدومين
ضيا:عمر هو انت هنا من ميتا
عمر:لسه حالا
هناء:رجعت ليه
عمر موجها كلامه الى ضيا ولم يعير هناء اهتمام :ضيا روحى هاتيلى الموبايل من الاوضه بسرعه علشان اتأخرت
ضيا :حاضر وصعدت سريعا
هناء:عمر انا هروح المس
عمر:سبق وقلت لضيا ليكى مطلق الحريه وحررتك من انااااانيييتى
هناء وقد تجمعت الدموع فى عينيها :انا اسفه ياعمر مكنش قصدى والله دا وقت غضب
عمر:احيانًا الكلام اللى فى القلب بيتقال وقت الغضب
هناء:عمر سامحنى بقى وبلاش قسوة قلبك دى انا عارفه انك مسامحنى بس عايز تعلمنى درس وانا اتعلمته والله
لتأتى ضيا ومعها الهاتف ليأخذه منها عمر ويغادر
ضيا:مالك بتبكى ليه
هناء:مفيش
......................
فى فيلا الشافعى
انعام :ليه كدا ياعلى البت طيبه ليه تعذبها مع ابنك ابنك قفل قلبه وهيعذبها
على :هتشوفى بعدين ياانعام طيبتها دى هتوقعه فى شوشته وهتشوفى بكرا هيملوا علينا البيت عيال
انعام :يارب البت حلوة وطيبه واخلاق
على :بس يارب سارة تصبر عليه وتتحمله
انعام :قول بس يارب هما الاتنين يرضو
على :محمد هيقبل
انعام :واثق كدا ليه
على :هتشوفى
انعام :طالما كدا يبقى عايزين نقنع سارة
على :ان شاء الله خير بس متفتحيش معاها سيرة غير لما محمد يوافق
.....................
سامر :انتوا ياناس يالى هنا عايز مايه هموت من العطش واخذ يصرخ بأعلى صوته ليدخل له رجل ومعه زجاجه ماء واسقاه منها
سامر:متتصل بمعلمك وتقوله انى عايزه
الرجل: اتلم واتكلم كويس وتركه وخرج
.......................
رن هاتف عمر ليرد سريعا
عمر :ضيا مالك فى ايه
ضيا :الحقنى ياعمر
عمر:اهدى طيب وبطلى عياط
ضيا :هناء
عمر :مالها هناء
ضيا :حاولت تنتحر علشان زعلان منها
عمر :انتى بتقولى ايه طب هى كويسه وعملت ايه ف نفسها
ضيا: قطعت وريد ايدها وانا انقذتها فى اخر لحظه واتصلت بالأسعاف ورحنا مستشفى *******
عمر :اهدى وانا جاى حالا واغلق معها الخط وغادر سريعا
.................................
رأيكم وتوقعاتكم يابنات تصبحون على خير وبوضح تانى انا بنزل الحلقه جوا وبرا الالبوم يعنى هتلاقوا الحلقات فى الالبوم بس ابقى ادخلوا على الالبوم واتفاعلوا علشان يظهر للبنات ومش مشكله الحلقات اللى جواه
