فلاحة عايز تجيب واحدة من الريف تعيش معانا
هنا يا جدي ليه ثم انت ناسي أسد دا بيکرة الستات مبالك بقى إنك هتجيب واحدة هنا وتعيش معانا لا وكمان فلاحة دا انت ناوي على موتها.......
الجد ببرود : خلصت كلامك اسمع كويس يا مازن اللي أنا بقوله هو اللي هيمشي في القصر دا وهي هتيجي تعيش هنا لحد لما تخلص دراستها ومالكش دعوة بأسد أنا هتصرف معاه المهم اطلب أنت من صباح تجهز ليها أوضة فاهم
مازن بتهنيدة :
حاضر اللي تشوفه يا جدي، سلام وتترك المكان
الجد : يا ترى بقيت عاملة إزاي دلوقتي يا همسة
واقفة قدام قصر كبير وبكل ملل عمالة تبص عليه.
_ قال هعيش في الجنة أنا علشان يبعتوني هنا أوووف وبعدين بقي أدخل ولا لأه أنا مش هخل أحسن وجات تمشي
_ همسة
لتلتفت له تلك الفتاة : همسة أهلا جاسم باشا
جاسم بابتسامة : أهلا ببنت الغالي، تعالى بابا مستنيكي جوه
همسة : وأنا مش مستنياه.. أقصدي متحسما جداً أشوفه.
جاسم بضحك: طب تعالى خشي.
ودخلت همسة لتجد شخص كبير قاعد والهيبة باينة عليه.
الجد : إنتي همسة صح؟
همسة : لأ، آمال مين يعني؟
الجد بضحك: شكلك كدا متمردة، أنا اسمي أحمد الجارحي، كبير عيلة الجارحي
همسة: معاك همسة يا باشا، نورت مصر كلها.
_ أووو، هي دي الريفية هاي
همسة بصت ليها من فوق لتحت وسكتت
إنتي قليلة الأدب إيه النظرة دي هو أنا بشحت منك اتوقع إيه من فلاحة زيك
همسة ببرود: بصي يا شاطرة وحضرتك يا أحمد باشا انا أصلاً جاية بضرب الجزم على دماغي مكنتش عايزة أجي تعتبريها بتحجج علشان خناقة، اللي تفكري فيه أنا مليش فيه، بس تقل أدبك عليا دا اللي ليا فيه، أنا لحد دلوقتي ماسكة أعصابي بالعافية ومش راضية أتهور وأزعل حد، فبلاش تنكشي فيا علشان متروحيش تشكي لباباكِ وعيب لما ترجعي للببرونة تاني!
_ إنتي واحدة قليلة الأدب!
لم تكمل كلامها حتى وجدت همسة مسكاها من شعرها جامد وحاطة رأسها في الأرض.
همسة بپرود: ما قولنا بلاش غلط يا شاطرة، إنتي مش حمل كف من الريفية دي، لمي لسانك دا أحسن ما أقصه، فاهمة؟
_ فااهمة، بس سيبي شعري آآآه
تركتها همسة لتنظر لها تلك الفتاة بإعجاب
ووواو إنتي جامدة وشخصيتك حاجة سبيشيل كدا
همسة بسخرية: هو إيه أصله دا؟ إنتي حصل لعقلك حاجة
الجد بهدوء: همسة، منه، خلاص أنا موجود
همسة: وأنا ماشية، أنا كان مالي بوجع الدماغ دا سلام عليكم وجات تمشي اتخبطت بشخص
همسة ببرود : اسفة وجات تمشي لاقت اللي مسك إيدها جامد
انتي عارفة القميص اللي وسختيه دا حقه كام
منه بخوف : يالهوي دا أسد
همسة ببرود : اخلص، حقه كام يا عم أنت
أسد بغضب: لو بيعتي نفسك مستحيل تجيبي حقه
همسة: بقى كدا تمام قوي ومسكت المية اللي كانت على الترابيزة وكبتها عليه
لينصدم الكل
همسة بسخرية: كدا بقى لو بعته ميجيش مية جنيه وزقته إيده ومشت
أسد عيونه كانت حمرا بشدة وعروقه كانت بارزة
أسد بصوت هز أركان القصر : ميييييييين ديييييييييي؟!
وراح للجد
أسد بغضب : مين دي؟
الجد بهدوء : بنت عمك الله يرحمه
منه بصدمة: عمي عمي مين بابا أنت عندك أخ تاني؟!
الجد: دي حكاية طويلة، المهم همسة لازم ترجع، مازن روح وراها بسرعة.
أسد بغضب جهنمي: مفيش حد رايح وراها!
الجد بهدوء: مازن اللي قولته يتنفذ.
أسد بغضب أكبر: آسف يا جدي بس كلامك مش هيتنفذ، البنت دي مكانها مش هنا ولو كانت متربية مكنتش.. وأهلها مش..
طخخخخخخ!
نظر لها بعيون كلها غضب وشرارة.
همسة بغضب: أخرس! أنا متربية كويس يا عم أنت، أوك تجيب سيرة لأهلي على لسانك بدل ما أقطعه ليك وأرميه! أوعى تفكر علشان نفوذك وفلوسك أنا أخاف! لأ، أنا اللي يجيب سيرة أهلي على لسانه بالسوء أنا أوريه الويل وسواده!
أسد شدها ليه لتصطدم بصدره.
أسد بغضب شديد: إنتي قد الكف كدا؟
همسة بغضب: لو عايز التاني قول، مش هبخل عليك!
أسد شدها أكتر ليه وبصوت كفحيح الأفعى:
أسد: عارفة ليه الكل بيخاف من أسد الجارحي؟
همسة بسخرية: ليه يعني؟
أسد بشر: علشان أنا الكابوس المرعب لأي حد يفكر يتحداني!
همسة بسخرية: الحقني هقع من كتر الخوف! ولا أتهز فيها شعر يا عم الأسد أنت، وكابوس مرعب على نفسك مش عليا!
نظر أسد ليها نظرة كلها توعد وغضب، وزقها ورجع لبروده.
أسد بپرود: كتب كتابي أنا والبنت دي النهارده بالليل.
الكل وقف مصدوم وخايف على همسة من أسد.
همسة بپرود: تعيش وتتجوز غيرها، أنا جيت أخود تليفوني وخودته، ويلا سلام. وجات تمشي لاقت اللي بيشدها ليه!
أسد بتوعد: طلوع مفيش!
همسة بپرود: دا عند الست الوالدة مش عندي أنا!
أسد وكأنه خلاص فقد أعصابه بعد ما همسة فكرته بأمه.
همسة زقت أسد ووصلت لباب القصر ولسه هتطلع لاقت اللي بيشيلها ويطلعها على فوق.
منه بخوف: أنا خايفة عليها أوي!
الجد بخوف: مكنش لازم أجيبها هنا!
مازن بحزن: مانا قولت ليك يا جدي بلاش، حضرتك اللي أصريت.
جاسم بخوف: مش وقت عتاب، هو البنت ممكن تروح فيها!
منه بدموع وخوف: طب طب هنعمل إيه؟
عند أسد وهمسة، دخل بيها الجناح بتاعه ودخل أوضته ووقعها على الأرض، همسة قامت بغضب.
همسة بغضب: أنت شكلك متعرفش معنى الرباية أصلا! إيه اللي أنت هببته دا؟ ابعد خليني أطلع!
أسد عيونه كانت بتطق شرارة وشيطانه بدأ يوسوس ليه، بدأ يقرب من همسة وهو بيفك أزرار القميص بتاعه وهمسة بترجع لورا.
همسة بغضب: ابعد يا حيوان أنت، إيه فاكر نفسك عايش في غابه! ابعد! وكانت بتداري خوفها وقلقها.
همسة وقعت على السرير وأسد قرب منها.
همسة بغضب: ورب العرش العظيم لو قربت كمان يا أخينا أنت لكون مموتة نفسي! وراحت مسكت سكين وحطتها على رقبتها.
أسد بپرود: كتب كتابي بالليل جهزي نفسك.
همسة بنفس برود أسد: وأنا قولت تعيش وتتجوز غيرها، مش هعيد كلامي تاني.
أسد بپرود: ولا أنا، بالليل هنشوف كلام مين اللي هيتنفذ، يا إنتي اسمك إيه؟
همسة بسخرية: وأنت مالك؟
أسد بغيظ: أنا بكلمك بهدوء بلاش أتعصب!
همسة: ولا يطلع معاك حاجة، اسمي مش هيفرق في حاجة، مش هتخترع الذرة لو عرفته يعني
أسد بصلها بغيظ وسابها وطلع بس قفل الباب عليها من برا ونزل بس قفل قميصه من تاني
أسد جاسم الجارحي: مقدم في المخابرات، عيونه زرقاء وشعره أسود وكثيف جسمه رياضي وشكله جذاب، عنده ماضي صعب جداً، بيكره أمه لدرجة كبيرة وبسببها بيكره كل البنات، عنده تلاتين سنة
همسة عاصم أحمد الجارحي: تدرس في كلية الهندسة، عيونها رصاصي، شعرها أسود وطويل، أحمممم بنت كيوت خالص بس لما بتتعصب أجرى يا مجدي! أهلها ماتوا لما كان عمرها خمس سنين، اتربت وكبرت عند خالها
نزل أسد تحت والكل كان واقف وقلقان وخايف على همسة نزل وراح يشرب مية وقعد قدام الشاشة بكل برود
أسد بپرود : مازن اتصل بالمأذون وجهز كل حاجة واضح
مازن : واضح تمام
أحمد بغضب: وأنا مش هسمحلك تأذي حفيدتي يا أسد وجواز مفيش جواز
أسد بهدوء: القرار خلاص اتتاخد وهيتنفذ يا جدي، ومفيش أي مخلوق هيقدر يمنع الجواز دا
جاسم: بس يا أسد
أسد بپرود: جاسم باشا وحتى أنت يا جدي، يا تقعدوا وتفرحوا بالجواز دا يا مسمعش أي اعتراض لأني مش هتراجع.
الجد بغضب : آآآآآآآسد
أسد بهدوء : أعصابك.......
صلي على النبي في التعليقات وسيب لايك وتعليق وهرد عليك ❤️
تعليقات
إرسال تعليق