رواية انتقام الضره الحلقه الاولي والثانية والاخيره بقلم هويدا زغلول حصريه وجديده

 رواية انتقام الضره الحلقه الاولي والثانيه والاخيره بقلم هويدا زغلول حصريه وجديده 

رواية انتقام الضره الحلقه الاولي والثانية والاخيره بقلم هويدا زغلول حصريه وجديده 

في قصر كبير في الصعيد وبالتحديد في سوهاج كان الكل متجمع والحاجه سنيه اخدت بنتها علي المطبخ وقالت ليها 

سنيه 

ايه يا بنت الفرحه اللي هتنط من عينيك دي اللي يشوفك كده يقول ان اختك اللي حامل مش ضرتك اللي حامل وانا اللي كنت فاكره ان هاجي الاقيك عماله تعيطي 

هاله 

وانا اعمل كده ليه بس ياما انت عارفه ان وهدان نفسه يشوف عيل منها وبجد الموضوع ده مفرحني قوي وبعدين انا كمان حامل والمفروض افرح ان ابني هيكون ليه اخ

سنيه 

صبرني يا رب قبل ما اقتل البنت دي يا بنت ما ينفعش الكلام اللي انتي بتقوليه ده بهيره ما ينفعش انها تكون حامل وانتي عارفه الكلام ده كويس اوي 

هاله 

الموضوع خلص بالنسبه ليا خلاص يا امي انا بحب وهدان جدا واي حاجه تفرحه اكيد هتفرحني بعد اذنك بقي علشان اخرج للناس برا 

وبعد ما الناس كلها مشيوا هاله واقف جنب بهيره وقالت ليها 

هاله 

يلا بينا عشان اطلعك اوضتك فوق علشان ترتاحي ومش عايزاك تعملي اي مجهود خالص انتي سامعه ولا لا وانا من هنا انا اللي هخدمك بعيوني 

بهيره 

والله يا هاله كان نفسي في الكلام اللي انت بتقولي عليه ده بس انت خلاص من النهارده مش هيكون ليكي لازمه في البيت ده انت عارفه ان انت كنت موجوده هنا علشان خاطر وهدان يكون ليه ابني وانا خلاص يا حبيبتي هخلف العيل اللي هو نفسه فيه 

هاله 

مش فاهمه كلامك يا بهيره 

بهيره

قطع لسانك اياك اسمعك بتقولي تاني بهيره دي انت سامعه ولا لا انا ستك بهيره وخلاص يا حبيبتي وجوزك هنا في الفيلا مش هيكون ليه لازمه 

في الوقت ده هاله دموعها نزلت وبعدها بصت لوهدان وقالت ليه 

هاله 

وانت موافق ايه وهدان على الكلام اللي بيتقال ده موافق ان انت تطلقني وانت عارف ان انا حامل معقول هتسيبني انا فكرت ان اكون خدامه ليكي علشان حملك ما يحصلوش حاجه وفي الاخر عايزه ترميني انا 

بهيره 

هو انا كنت عملت ايه يعني يا حبيبتي كل حاجه لازم ترجع لطبيعتها تاني ولا ايه يا وهدان ما تتكلم 

وهدان 

الكلام اللي قالته بهيره لازم يتنفذ يا هاله ومش هينفع ان احنا نكمل مع بعضينا انا بحب بهيره ومش عايز حد غيرها 

وهاله ما كانتش قادره تسيطر على دموعها في الوقت ده وبعدها قالت ليه 

هاله 

وانا ما عنديش مشكله خالص طالما انت مش عايزني اكمل معاك هنا في الفيلا ما عنديش مشكله وابنك انا هعرف اربيه كويس قوي بس اعمل حسابك انك مش هشوفه بعد ما خلفه انا اللي هكون اب ليه وام كمان 

بهيره 

هو انت يا بنت فاكراني غبيه ان انا اخلي واحده زيك تخلف ولا ايه انت هتنزلي العيل ده النهارده قبل ما وهدان يفكر أنه يطلقك 

وبعدها قالت بصوت عالي 

بهيره 

يا محروس انت يا زفت يا اللي اسمك محروس تعالى هنا 

وبعدها دخل محروس اللي كان بيشتغل عندهم وقال ليها 

محروس 

اؤمريني يا ست الكل محتاجه مني ايه 

بهيره 

تاخد البنت دي على مخزن جوه ما تخرجش منه اما  لما العيل اللي في بطنها ده ينزل وصحتها تبقى كويسه 

هاله

ارجوك يا بهيره اوعي تعملي في الكلام ده الله يخليكي خليلي العيل انت ما تعرفيش انا فرحت  ازاي لما عرفت ان انا حامل والله 

بهيره 

انت سامع الكلام ولا لا اتفضل خدها يلا واعمل الكلام اللي قلت لك عليه 

بعدها فعلا محروس اخذها وهي كانت عماله تعيط جامد ووهدان قرب منها وقال 

وهدان 

حرام عليكي يا بهيره اللي انت بتعمليه ده هي كان ذنبها ايه يعني 

بهيره 

جرى ايه يا حبيبي في ايه هو انت مش كان نفسك تكون اب و بس والحمد لله هكون اب اهو مش عايزه كلام كثير بقى 

وبعدها طلعت اوضتها فوق وبدأت تفتكر اللي كان حصل زمان 

          فلاش باك 

هاله كانت عماله تروقي الفيلا بتاعه بهيره لانها كانت بتشتغل عندها وبهيره قربت منها وقالت لها 

بهيره 

هو انت ايه يا بنت انت ليل ونهار كده بتروقي في البيت ما بتتعبيش ابدا اقعدي اتهدي شويه يابت 

هاله 

ما تعرفيش انا بحبك ازاي وببقى فرحانه وانا بخدمك بعيوني وانا مش تعبانه والله انا كويسه 

بهيره 

طب اقعدي يا هاله عشان انا عايزه اكلم معاكي في موضوع مهم بس عايزاك تفكري فيه كويس قوي قبل ما تقولي اه ولا لا انا عايزاك تتجوزي وهدان بيه 

واول ما هي قالت كده هاله اتصدمت وقالت لها 

هاله 

معقول الكلام الغريب اللي انتي بتقولي عليه ده عايزه تتجوزيني جوزك طب ازاي يعني 

بهيره 

انتي عارفه ان انا ما بخلفش وهو نفسه يكون اب وانا نفسه ان يكون فرحان ومتاكده كويسه قوي ان هو لو اتجوزك هيخلف منك 

هاله 

ومعقوله هتكوني مبسوطه يعني لما تجيبي لنفسك دره انا خايفه ان انت تتعبي بسبب الحمار ده 

بهيره 

لا اكيد مش هتعب وهكون مبسوطه طالما هيكون هو عنده عيان ها فكري في كلامي قولي موافقه انا هروح لامك واطلب ايدك منها 

هاله 

طبعا مبسوطه وموافقه كمان كفايه ان انا هعيش معاكي هنا في الفيلا 

بهيره 

معقوله انتي بتحبيني الحب اللي انا شايفاه في عيونك ده بجد انتي طيبه قوي يا هاله 

وبعدها فعلا راحت للام وافقوا على الكلام ده والام قعدت مع هاله وقالت لها 

الأم 

انا عايزه اعرف بالضبط ايه اللي بينك وبين وهدان ما تقنعنيش ان انت موافقه علشان خاطر اللي اسمها بهيره دي الست دي شيطانه وكل عارف بكده 

هاله 

وهدان كويس يعني ايه وطيب والف مين يتمنى ان يكون قريب منه بس برده بهيره كويسه مش وحشه زي ما انت فاكره 

الأم 

عايزكي تحطي عينك في وسط راسك يا بنتي الست دي مش سهله والله ولو هي بتعمل كده بتعمل كده علشان مصلحتها لحد ما تاخد العيل بس وبعد كده هترميكي 

هنا في الوقت ده سكتت وبعدها اتجوزت وهدان يوم الفرح كانت موجوده معاه في اوضه النوم وقال ليها

وهدان

ما تعرفيش انا فرحانه قد ايه ان انا اتجوزتك والله انا كنت بشوفك هنا في الفيلا كنت بتجنن عليكي بس ما كنتش عارف اطلع اللي في قلبي 

هاله 

معقوله الكلام ده لي انا يا وهدان انت ما تعرفش انا كمان كنت بحبك ازاي بس كنت دايما شايفاك حاجه كبيره قوي ما اقدرش اقرب منها 

وهدان 

خلاص يا حبيبتي وانتي بقيتي معايا اهو ومش عايزكي تكوني فلقانه من اي حاجه طول مانا معاكي 

وبعدها فعلا وهدان كان بيحب هاله اوي لحد ما بهيره بقت حامل 

            باك 

وتاني يوم كان وهدان موجود في المخزن وقال لمحروس 

وهدان 

بقولك اي يا محروس اطلع برا دلوقتي مش عايزك تدخل الا لما اقول ليك 

محروس 

انا اسف يا سعاده البيه بس الست بهيره قالت لي ان انا ما اتحركش من هنا 

وهدان 

اسمع الكلام اللي انا بقول لك عليه انت سامع ولا لا 

محروس 

اللي تؤمر بيه يا كبير حاضر هعمله 

وبعدها خرج وهو راح وهو واقف جنب هاله وقالت ليه 

هاله 

لو سمحت انا مش عايزه اشوف وشك ثاني انت سامع ولا لا 

وهدان 

سامحيني يا هاله بالله عليكي والله العظيم انا غصب عني انا كل حاجه كتبتها باسمها 

هاله 

ولا فارق معايا الكلام اللي انت بتقول عليه ده انا كل اللي فارق معايا حبي ليك اللي انت ضيعته في ثانيه ومش باقي عليا ولا على عشرتي 

وهدان 

اصبري عليا بس شويه والله وانا هصلح كل حاجه اتعكت بس ارجوكي مش عايز حبي في قلبك يقل 

هاله 

مش لو كان موجود اصلا انا دلوقتي ما فيش اي حاجه ليك في قلبي غير كل كره وزي ما هتموت ابني بايدك انا كمان هيجي عليا اليومين هموتك انت وبهيره فيه

وهدان 

عمري ما كنت اتصور اللي انت بتكرهيني بالطريقه دي 

هاله 

انا عمري ما كرهتك ربنا يعلم الحب اللي كان جويا بس دلوقتي اتحول كل الانتقام وانا مش هسيبك الا لما انتقم منك 

في الوقت ده وهدان سامعه وخرج بره وهي قاعده الارض وفتله تعيط 

وعدى يومين ودخل محروس عند بهيره 

محروس 

خلاص يا ست هانم اللي انت عايزاه حصل والحمل نزل وهي قاعده بتموت جوه 

بهيره

انت متاكد من الكلام اللي انت بتقول عليه ده عفارم عليك يا محروس اي فلوس انت عايزها هتكون موجوده عندك انا بحب رجالتي واللي بيسمعوا كلامي 

محروس 

اللي تؤمري بيه يا ست الكل هيحصل تحبي نمشيها دلوقتي ولا نصبر شويه لما تبقى كويسه 

بهيره 

لا خليها دلوقتي عشان ما تفكرش تروح وتعمل اي حاجه تضرنا 

محروس 

اللي تؤمري بيه يا ست الكل انا اعمله بعد اذنك بقى 

وبعدها سبها وخرج ودخل وهدان وكان معاه الورق بتاعه 

بهيره 

ايه يا حبيبي الورق اللي في ايدك ده ايه في حاجه تانيه عايز تكتبها باسمي 

وهدان 

انا سمعت كل كلامك وخليت الحاجه باسمك عشان ما حدش من اخواتي يورث معاكي بس دلوقتي خلاص هيكون ليا ابني منك وجه  الوقت بقى اللي ترجعي بيه الحق لاصحابه 

بهيره 

اكيد يا حبيبي انا مش هعمل كده انا مش عبيطه علشان ارجع لك كل حاجه باسمك وساعتها تطلقني وترميني في الشارع 

وهدان 

انت اكيد بتهزري والكلام اللي انت بتقوليه ده مش هيكون حقيقي ما تخلينيش اعمل حاجات اندم عليها يا بهيره 

بهيره 

اعمل اللي انت عايز تعمله وهدان هتعمل ايه يعني هتموتني الحاجات هتكون باسم اخواتي وانت هترجع شحات 

وهدان 

صدق ان انا غلطانه ان انا سمعت كلامك زمان بس مش هسكت على اللي حصل فيا ده انا مش لعبه في ايديكي علشان تعملي فيا كده 

بهيره 

 جرا ايه يا حبيبي في ايه انا واحده بحافظ على جوزي وبحافظ على بيتي ايه المشكله يعني انا واحده بحبك ومش عايزه اطلق منك واثقه ومتاكده كويس قوي ان انت لو خدت كل حاجه ثاني باسمك هتطلقني

وهدان

ولو فضل الحال كده هقتلك مش هطلقك وبس وبكره هتندمي على كل حاجه انت عملتيها 

بعدها سبها وخرج بره وهي بدات تفتكر اللي حصل زمان 

              فلاش باك 

وهدان كان قاعد مع اخواته الرجاله وسيد اخوه قال ليه 

سيد 

يعني ايه كلام الفارغ اللي بتقول عليه ده يعني ايه مش هتديني الارض هو انت ناوي تخلي الحاجات دي كلها عندك تعمل بيها ايه انت وانا عندك عيل وانا عندك حاجه 

وهدان 

الكلام الفارغ اللي انت بتقول عليه ده هو انت بتعايرني ولا ايه ان انا ما عنديش عيال 

سيد 

لا بس انا عايزه اعرفك كلمتين بس ان كل حاجه بس الورث ده كله هيكون لينا واحنا اللي هنقدر ناخد الحاجه بعد موتك 

وهدان 

خلاص يا سيدي لما ابقى اموت بقى باخد كل الفلوس اللي انت عايزها 

سيد 

تمام ماشي خلي فلوسك بقي معاك وهي كده كده هتكون ليا في الاخر 

وبعدها مشي ونزلت بهيره  

بهيره 

انا مش فاهمه اخواتك دول ايه ازاي يعملوا كده معاك  كده انا عايزه اقولك حاجه  لو موافق عليها تمام مش موافق برحتك 

وهدان 

اتكلمي علي طول يا بهيره فيه اي 

بهبره 

تكتب كل حاجه باسمي لحد ربنا ما يكرمنا بس ونشوف موضوع الخلفه وبعد كده هرجع لك كل حاجه 

وهدان 

بقولك اي انا مش فايق للكلام ده  دلوقتي بعدين نبقى نشوف الحوار ده 

بهيره 

اكيد يا حبيبي انا هخاف علي مصلحتك يعني مش هعمل حاجه تضرك وقت ما تقولي اني ارجع لك الحاجه تاني باسمك انا هعمل كده بس كل اللي شغلني دلوقتي اخواتك 

وهدان 

س افكر في الموضوع ده وبعد كده نبقى نشوف هنعمل ايه 

وبعدها مشي وبعد شويه  وفعلا بعدها بشويه كتب الحاجه ب اسمها 

     باك 

وتاني يوم راحت ام هاله الفيلا وكانت واقفه معاه بهيره 

الام 

انا عايزه اعرف بنتي فين ازاي يعني مش موجوده هتا 

بهيره 

بقولك اي يا ست انتي صوتك ميعلاش هنا انتي سامعه ولا لا بنتك قالت إنها مش عايزه تعيش نعملها  ايه يعني 

الأم 

لا انا عارفه بنتي كويس اوي بنتي كانت فرحانه بحملها وحملك انتي كمان وهي لا يمكن تفكر انها تمشي 

بهيره 

بقولك اي انا مش عايزه كلام كتير قولتك بنتك سابت البيت ومشيت

سنيه 

سابت البيت وراحت فين يعني يا ست بهيرة انتي اكيد عملتي في بتي حاجه مش كده برضو قوليلي هي فينها 

بهيرة 

ما انا قولت انها سابت البيت وغارت ومنعرفش عنها اي حاجة خالص روحي دورى عليها في اي مصيبه ولا شوفيها هربت مع مين 

سنيه 

اخرسي قطع لسانك انا بنتي عمرها ما تعمل كده وانا عايزة اعرف هي فين ازاي يعني مش موجودة هنا ومش تفضلي  تقولي لي انها سابت البيت وخلاص كده من غير ما تقولي لي راحت فين ولا حصل لها ايه

بهيرة

بقولك ايه يا وليه انتي صوتك ما يعلاش عليا هنا انتي سامعة ولا لا وبنتك قالت انها مش عايزة تعيش هنا ومشيت بمزاجها وانا ماليش دعوة بيها بعد ما اختارت انها تسيب بيت جوزها

سنية

بنتي عمرها ما تعمل كده وانتي عارفة كويس انها كانت فرحانة بحملها وكانت بتقول لي ان وهدان هيكون اسعد واحد في الدنيا لما يشوف ابنه بين ايديه انتي عايزة تقنعيني انها فجأة سابت كل ده ومشيت

بهيرة

وانا هكدب عليكي ليه يا سنية ما هي لو كانت قاعدة هنا كانت هتكون قدامك دلوقتي روحي بقا دوري عليها في الحتة اللي انتي عايزاها بدل ما انتي جاية تعملي لي فيها كبيرة هنا جوه بيتي

سنية

لا يا بهيرة انتي عارفة كويس قوي ان بنتي كانت خايفة منك وكانت بتقول لي ان اول اما انتي هتعرفي انها حامل مش هتسيبيها في حالها وانا قلبي بيقول لي انك عملتي فيها حاجة وانا مش هسيبك غير لما اعرف بنتي فين

بهيرة

اخرسي بقى وهو انتي فاكرة نفسك هتدخلي هنا وتتهميني في بيتي وتخرجي كمان علي رجلك أمشي اطلعي بره من هنا يا وليه انتي قبل ما اخلي محروس يرميكي رمية الكلاب يلا غورى 

سنية

انا خارجة من هنا بس مش علشان خايفة منك انا خارجة علشان اعرف بنتي راحت فين ووالله لو حصل لها حاجة انا مش هسيبك انتي ولا وهدان وهجيب حقها مهما حصل

وبعدها خرجت سنية من الفيلا وهي عمالة تعيط وراحت عند بيت اخوها عسران وخبطت على الباب

عسران

في ايه مالك يا سنية داخلة عليا كده ليه ووشك كله دموع حصل ايه اتكلمي يلا 

سنية

بتي يا عسران بتي مش لاقياها وانا حاسة ان بهيرة عملت فيها حاجة انا كنت عارفة من الاول انها هتأذيها اول لما تعرف انها حامل وانا قولت لبنتي تبعد عنها بس هي كانت فاكرة ان قلبها طيب

عسران 

وهي يعني بهيرة هتعملي في بتك ايه يا سنيه هي بهيرة ايه مصلحتها في انها تأذي هاله بنتك مش فاهم انا 

سنيه 

ايوه اذت عشان بنتي حملت وبعدها هي لما حملت قررت تمشيها من طريقها وانا متأكدة انها عملت لها حاجه 

عسران

عشان كده كنتي بتحطي لبهيرة حبوب منع الحمل من زمان علشان تمنعيها من الخلفة وانا كنت مستغرب ليه الموضوع ده طول كده 

سنية

انت بتقول ايه يا عسران انت عرفت الحكاية دي منين مين اللي قالك الكلام ده وانا عمري ما اتكلمت فيه مع حد أبدا 

عسران

من سعدية يا سنيه البت اللي كانت شغالة عند بهيرة وهي اللي جات وقالت لي على كل حاجة وحكت لي انها كانت بتعمل اللي انتي قولتي لها عليه 

سنية

سعدية قالت لك ايه بالظبط يا عسران انا عايزة اعرف كل حاجة 

عسران

ماشي يا سنية وانا هحكيلك 

#فلاش باااك

كانت سعدية قاعدة مع عسران في مكان بعيد عن البيت وقالت له 

سعديه 

هو انت هتفضل تقابلني زي الحرامية كده يا عسران ليه بقا ان شاء الله هو انت مستعر مني يا راجل ولا إيه 

عسران 

الموضوع مش كده يا سعديه وبعدين يا بت انتي عارفه أني بحبك قوي بس انا مستني بس اتكلم مع اختي سنيه في الحوار ده 

سعديه 

طيب علي فكرة بقا اختك لوعرفت انك انت عايز تتجوزني هتوافق علطول 

عسران 

وليه بقا يا حلوة اختي هتوافق علطول ليه يعني متأكدة كده 

سعدية

طيب اسمع انا عايزة اقولك على حاجة يا عسران بس اوعى الكلام ده يطلع لحد علشان  لو بهيرة عرفت اني قولت لك ممكن توديني في داهية

عسران

قولي لي يا سعدية وما تخافيش انا مش هاقول لحد علي اي حاجه انتي هتقوليها 

سعدية

اختك سنيه كانت بتخليني احط حبوب منع الحمل في الاكل والشرب بتاع الست بهيرة وانا بصراحة كنت بعمل اللي هي بتقولي عليا علشان خاطر انا مكنتش عايزة اللي إسمها بهيرة دي تخلف 

عسران

ازاي الكلام ده يا سعدية وانتي كنتي بتعملي كده من زمان ولا ايه يعني وسنيه كانت بتخليكي تعملي كده ليه 

سعدية

معرفش هي كانت بتطلب مني كده وانا كنت بسمع كلامها وخلاص يا عسران 

عسران

لا يا سعدية انا عايزك تبطلي تديها الحبوب دي وتسبيها تخلف عشان انا عايزها تخلف انتي سامعه ولا لأ 

سعدية

حاضر يا عسران انا هعمل اللي انت عايزه ومش هحط لها حاجة تاني من النهارده

وبعدها فعلا سعدية بطلت تحط الحبوب لبهيرة 

#باك

سنية

انا مش فارق معايا دلوقتي غير بتي يا عسران انا عايزة هالة ترجع لي وعايزاك تقف معايا وتدور عليها قبل ما يحصل لها حاجة

عسران

خلاص متقلقيش انا هدور عليها يا سنية ومش هسيب الموضوع يعدي كده وهروح بنفسي للفيلا واشوف هالة راحت فين وهعرف بهيرة مخبياها ولا فينها 

سنية

طيب خدني معاك يا عسران انا مش هقدر افضل قاعدة هنا وانا مش عارفة بتي فين وقلبي حاسس ان ورا اختفائها مصيبة كبيرة

عسران 

لا يا سنيه انا عايزك تروحي البيت دلوقتي وانا هتصرف في الحوار ده وملكيش دعوه باللي انا هعمله بقا 

سنيه 

طيب يعني بجد يا عسران هتعمل حاجة وترجع لي بنتي 

عسران 

ايوه يا سنيه يا ختي وبعدين هاله دي بنت اختي وانا مش هسيبها تتأذي ابدا يلا روحي انتي 

ومشيت سنيه ورجعت بيتها وعند بهيرة خدت بعضها وراحت المخزناللي فيه هاله وقالت لها بصوت كله غضب 

بهيرة

اسمعي يا بت انتي انا هسيبك تمشي من هنا وتغوري في داهية بس لو فتحتي بوقك بكلمة واحدة ولا قولتي لحد على اللي حصل هنا مش هتعرفي انا ممكن اعمل فيكي ايه وزي ما انا قتلت ابنك ممكن اقتلك انتي كمان او اخليكي تندمي على اليوم اللي وقفتي فيه قصادي انتي سامعة الكلام ده ولا لا

هالة

حاضر يا بهيرة انا مش هتكلم والله ما هقول لحد حاجة بس والنبي سيبيني امشي من هنا انا تعبت ومش عايزة غير اني اروح لأمي ومش هقرب من طريقك تاني

بهيرة

لا انتي فاكرة نفسك خارجة كده وخلاص ولا ايه انتي كنتي عايزة تاخدي كل حاجة مني وكنت فاكرة ان الحمل ده هيخلي وهدان يفضل شايفك ويبعد عني بس انا وريتك مين اللي تقدر تتحكم بجد وكلمتها هي اللي تتسمع

هالة

انا عمري ما كنت عايزة اخد منك حاجة يا بهيرة انا كنت عايزة اعيش مع وهدان بالحلال زي ما انتي اللي طلبتي مني من الاول وانا صدقتك واعتبرتك زي اختي ومكنتش متخيلة في يوم انك هتعملي فيا كل ده

بهيرة

اختك ايه يا بت انتي صدقتي نفسك ولا ايه انتي كنتي مجرد وسيلة علشان وهدان يفرح بعيل وبعد ما خلص دورك كان لازم تختفي من حياتنا وانا مش هسمح لك ترجعي تاني مهما حصل

هالة

خلاص فهمت كل حاجة ومش هقول كلمة واحدة عنك بس بالله عليكي سبيني امشي بقا انا مش عايزة منك حاجة ولا عايزة من وهدان ولا حتى عايزة اشوفكم تاني 

بهيرة

خلاص يا حبيبتي روحي لأمك وقولي لها انك كنتي سافرتي ولا حصل لك اللي حصل انما لو سمعت انك حكيتي لها اللي حصل معاكي هنا  هتندمي ندم عمرك وانتي عارفة اني مش بهدد وبس 

هالة

حاضر يا بهيرة خلاص والله مش هتكلم بس متزعقيش فيا كفاية اللي انا شوفته واللي حصلي انا مش مستحملة أكتر من كده

بهيرة

قومي يلا قدامي وانا هخلي محروس يفتح لك الباب بس اوعي تفتكري ان خروچك ده معناه ان الموضوع انتهى لا اياكي حاولتي تقربي من وهدان عشان ساعتها هتعرفي ان اللي فات كان أهون بكتير من اللي هعمله فيكي 

هالة

قولت لك انا مش عايزة اشوف وشكم تاني سبيني في حالي بقا 

وبعدها خرجت هالة من المكان ومشيت وفضلت تعيط وهي ماشيه لحد لما وصلت لبيت امها واول لما شافتها سنيه اتصدمت ووقفت مكانها وهي مش مصدقة عينيها

سنية

هالة بنتي حبيبتي انتي كنتي فين يا ضنايا ومين اللي مبهدلك كده ايه اللي حصل لك يا  وليه شكلك عامل كده انتي كنتي فين كل الأيام اللي فاتت

جريت هاله على أمها وحضنتها وفضلت تعيط جامد وسنية فضلت تمسح على شعرها وهي 

سنية

اهدي يا بنتي اهدي وقوليلي بس انتي كنتي فين ومين اللي عمل فيكي كده ده انا كنت هموت من الخوف عليكي وكنت حاسة ان بهيرة عملت فيكي حاجة

هالة

انا معرفش انا كنت فين  ياما والله معرفش انا كنت مخطوفة بس معرفش مين اللي كان خاطفني ولا ليه خدوني انا كنت في مكان معرفش فيه حد

سنية

أكيد الزفتة اللي اسمها بهيرة هي اللي ورا اللي حصل لك انا عارفة الست دي من زمان وعارفة انها مش هتسيبك في حالك وانا المرة دي هوديها في داهية ومش هسكت لها

هالة

لا لا ياما مش هي الله يخليكي بلاش بهيرة هي معملتش حاجة وسبيها المهم اني رجعت لك اهو وانا مش عايزة مشاكل ولا عايزة حد يعرف حاجة عن اللي حصل لي

سنية

ازاي مش هي يا هالة اومال هيكون مين وانتي كنتي مختفية ومحدش عارف مكانك انتي خايفة منها ولا ايه قوليلي بصراحة

هالة

انا مش خايفة يا ياما ولا حاجه بس انا عايزة مش عايزة ندخل في مشاكل معاها ولا مع وهدان انا خلاص تعبت من كل حاجة 

سنية

حاضر يا حبيبتي انا مش هضغط عليكي دلوقتي بس اوعديني لو حصل لك حاجة تانية هتقوليلي ومش هتخبي عني حاجة

هالة

اوعدك يا ياما بس خليني ارتاح شوية في حضنك

وعند عسران راح عند بهيرة في فيلتها من قبل ما يعرف ان هاله رجعت البيت عند امها  ودخل عند بهيرة وهو باين على وشه الغضب

عسران

انا جاي اسألك سؤال واحد يا بهيرة هاله بنت اختي هالة فين عشان اختفت واحنا منعرفش عنها حاجه أبدا ياريت تقوليلي من غير لف ولا دوران

بهيرة

انا معرفش بنت اختك فين يا عسران وسنية جات هنا وسألتني عليها وانا قولت لها اني مشوفتهاش ومش عارفة عنها حاجة

عسران

يعني انتي عايزة تفهميني انك متعرفيش حاجة عنها ابدا وان اختفائها ده حصل من غير ما يكون ليكي دخل فيه وانتي اصلا الوحيدة اللي ليكي مصلحه في ان هاله تختفي كده 

بهيرة

ايوه معرفش عنها حاجة وروح لاختك اسألها يمكن تكون هالة رجعت عندها وانا مش عايزة كلام كتير عشان انا مصدقت ارتحت منكم ومش كل شوية حد ييجي يسألني عن بنت اختك

عسران

انا مش هرتاح غير لما اعرف الحقيقة يا بهيرة وانتي عارفة اني مش هسيب الموضوع يعدي بالساهل ولو انتي ليكي يد في اختفاء هالة مش هيحصل كويس 

بهيرة

انت بتهددني في بيتي يا عسران ولا ايه امشي اطلع برة واياك تيجي هنا تاني  انت سامع ولا لأ 

عسران

ماشي يا بهيرة انا هخرج دلوقتي لكن خدي بالك انا مش هسكت لك برضو لو عرفت ان بنت اختي في خطر 

بهيرة

خلصنا بقى يا عسران واتفضل اطلع بره

وخرج عسران من الفيلا وهو مش مقتنع بكلامها خالص وراح علي بيت اخته

#انتقام الصوره

#الحلقه الاخيره 

#بقلم هويدا زغلول 

وبعدها وهدان قرر يروح لهالة البيت عند  أمها عشان يشوفها ولما وصل خبط على الباب وفتحت له سنية وأول ما شافته اتغير وشها وبصت له بغضب

سنية

خير يا وهدان بيه انت جاي هنا ليه بعد كل اللي عملتوه في بنتي مش كفاية اللي حصل لها ولا لسه جاي تكمل عليها وفاكر انك تقدر تدخل بيتنا وكأن مفيش حاجة حصلت

وهدان

انا جاي أطمن علي هالة يا سنية وعايز اشوفها ضروري ومش جاي علشان اعمل مشكلة انا بس عايز اطمن عليها

سنية

وتشوفها ليه مش كفاية اللي عملتوه وبعدين على فكرة انا عارفة ان انتم اللي عملتوا فيها كده ولو فاكر ان هالة ضحكت عليا بكلمتين وقالت انها ما تعرفش مين اللي كانوا خاطفينها تبقى غلطان

وهدان

خلاص بقى يا سنية خلصنا من الموال ده وخليني اشوفها واطمن عليها وبعدها انا همشي من غير وجع دماغ 

سنية

ماشي استنا هنا وانا هنادي لك بس ياريت تكون جاي عشان تطمن عليها فعلا مش تزود عليها اللي هي فيه 

وبعدها دخلت سنية عند هالة ولقتها قاعدة على السرير 

سنية

يا هالة وهدان جه بره وعايز يشوفك انتي عايزة تقابليه ولا لا تنا ممكن اخليه يمشي

هالة

لا لا خليه يا ياما انا هاجي اشوفو هو جاي وعايز ايه

وبعدها هاله خرجت ووقفت قدام واهدان وهو مش عارف يبدأ كلامه ازاي

هالة

خير يا وهدان ايه اللي جابك عايز مني ايه تاني 

وهدان

انا جيت عشان اطمن عليكي يا هاله واشوفك عامله ايه دلوقتي 

هاله 

اطمن اديني لسه عايشه ولو كان ابني راح مني اعتقد اني كنت مت بجد 

واهدان 

بعد الشر عليكي وانا ما قدرتش اقتل ابننا يا هالة وخليت محروس يحافظ عليكي وبدل ما يعمل اللي بهيرة طلبته منه خليته يروح يقول لها انه هو اللي عمل كده وان الحمل نزل عشان تسيبك 

هالة

كتر خيرك يا وهدان المهم ان خلاص الموضوع انتهى وانا اصلا مش عايزة افتكر اي حاجة ويا ريت بقى تسيبني في حالي 

وهدان

طب انا عايز اقعد معاكي شوية يا هالة انتي وحشاني قوي وعايز اتكلم معاكي حتى لو هتسمعيني بس ومش هتردي عليا

هالة

وانا مش عايزة اتكلم معاك وسيبني في حالي الله يخليك كفاية اللي جرى لي وكفاية الوجع اللي شوفته بسببك بعد الحب اللي انا حبيتهولك سبتني لمراتك تعمل فيا اللي هي عايزاه 

وهدان

والله يا هاله انا كمان بحبك اوي واوعدك اني هرجع كل حاجه زي ما كانت وانتي هترجعي مراتي وهنربي ابننا سوا مش عايزك تزعلي مني ارجوكي يا هالة انا عارف اني غلطت في حقك بس صدقيني انا هصلح كل ده 

هالة

خلاص يا وهدان اللي حصل حصل ومفيش كلام هيغير اللي فات وانا مش هستني منك وعود تاني 

وهدان

لا أرجوكي صدقيني وانا والله بوعدك اني هخلص كل ده وهرجعك تاني وهنعيش مع بعض 

هالة

اعمل اللي تعمله يا وهدان وانا مش هستني اي وعد تاني وهسيب الايام هي اللي تثبت لي صدق كلامك 

وهدان

والله انا بتكلم بجد وبقولك من دلوقتي انا مش هسمح لبهيرة أنها تفضل متحكمة في حياتي أكتر من كده وهتشوفي 

هالة

خلاص بقى يا وهدان اعمل اللي انت عايزة بس ارجوك انا مش عايزة وجع تاني 

وهدان

مفيش وجع تاني خلاص انا عايزك خلي بالك من نفسك ومن اللي في بطنك وانا هاجي لك تاني ومش هسيبك مهما حصل

وبعدها خرج وهدان من عندها وافتكر اليوم اللي اتفق فيه مع محروس

#فلاش باك

وهدان

بقولك ايه يا محروس انا عايزك في موضوع مهم ومش عايز الكلام ده يطلع لحد مهما حصل

محروس

خير يا بيه اؤمرني وانا تحت أمرك واللي حضرتك هتقوله هيكون بيني وبينك

وهدان

خد الفلوس دي كلها ليك انت بس وانا عايزك تعمل حاجة مهمة هطلبها منك من غير بهيرة ما تعرف 

محروس

ايه ده يا وهدان بيه معقوله كل الفلوس دي ليا ده تؤمرني وانت عارف اني خدامك وعمري ما هرفض لك طلب

وهدان

انا عايزك تروح لبهيرة وتقول لها انك نفذت اللي هي طلبته وانك خليت هالة تنزل الحمل وخليها تصدق ان العيل اللي في بطن هاله  نزل خلاص 

محروس

ايوه يا بيه بس ده لو بهيرة هانم عرفت اني بضحك عليها جنابك عارف كويس هي ممكن تعمل فيا ايه

وهدان

بهيرة مش هتعرف حاجة انت بس نفذ اللي انا بقول لك عليه وخد الفلوس دي وهديك فلوس تاني وماتقلقش من حاجة

محروس

وانا خدامك يا بيه وهعمل لك كل اللي انت عايزه حاضر انا هروح لبهيرة هانم وهقول لها اني خلصت على العيل اللي في بطن الست هالة

وهدان

برافو عليك يا محروس وافتكر ان حياة هالة أمانة في رقبتك ومش عايز يحصل لها أي أذى

                   #باك

وبعدها عسران راح عند اخته سنية علشان يطمن على هالة ولما دخل البيت لقاها 

عسران

الحمد لله اني لقيتك موجودة يا هالة واطمنت عليكي بس قوليلي ايه اللي حصل لك كنتي فين كل الفترة دي

هالة

مافيش يا خالي اللي حصل حصل وانا رجعت اهو وفي بيتنا ومش عايزة حد يفتح معايا في المواضيع دي تاني ولا يفكرني باللي حصل لي

عسران

بس يا بنتي احنا خايفين عليكي وعايزين نعرف ايه اللي حصلك علشان نقدر نحميكي

هالة

انا فاهمة يا خالي بس انا دلوقتي لازم ادخل استريح عن اذنكم 

وبعدها سابتهم ودخلت اوضتها وقفلت الباب وعسران قال لسنيه 

عسران

هي بنتك مالها يا سنية مش طايقة نفسها ليه كده وبعدين هي كانت فين 

سنية

ما اعرفش يا عسران هي من ساعة ما رجعت وهي ساكتة ومش عايزة تحكي أي حاجة وكل ما اسألها تقولي سيبيني انسى اللي حصل

عسران

ماشي يا سنية ربنا يصلح حالها ويهديها وان شاء الله الأيام الجاية تكشف لنا كل اللي مستخبي

وعند بهيرة في الفيلا كانت قاعدة لوحدها  وبعد شوية دخلت الدكتورة اللي كانت كشفه عندها ومعاها التحاليل وبهيرة قالت لها باستغراب

بهيرة

خير يا دكتورة في حاجة ولا ايه انتي جاية ليه دلوقتي 

الدكتورة

انا كنت جاية لحضرتك يا بهيرة هانم علشان موضوع مهم قوي ومش حبيت اتأخر في اني ابلغك بيه 

بهيرة

في ايه وايه الموضوع المهم اللي انتي جاية لي فيه انتي قلقتيني كده اتكلمي وقولي في ايه

الدكتورة

دلوقتي التحاليل اللي كانت معمولة لحضرتك عندنا اتبدلت مع تحاليل حد تاني وانا للأسف اكتشفت الغلط بعد ما النتيجة اتسجلت والتحاليل اللي معاكي دي مش بتاعتك يعني انتي مش حامل ولا حاجه 

بهيرة

انتي بتقولي ايه انتي مجنونة ولا ايه انتي عقلك خف ولا إيه يا دكتورة ازاي يعني التحاليل اللي معايا مش بتاعتي وانتي بنفسك قولتيلي اني حامل

الدكتورة

يا بهيرة هانم اهدي وانا جايه اكلمك بالراحة واقول لك على اللي حصل وفعلا التحاليل اللي معاكي مش بتاعتك والبنت اللي في المعمل هي اللي غلطت في النتيجة من غير قصد

بهيرة

انا ما يهمنيش البنت اللي غلطت ولا المعمل كله انا دلوقتي اللي يهمني ان انا اكون ام وانتي جايه بتقوليلي بعد كل الفرحة اللي عشتها اني مش حامل ازاي الكلام ده يحصل وانا كنت مصدقة ان جوايا طفل

الدكتورة

انا مقدرة صدمتك والله وعشان كده جيت لك بنفسي وانا بقول لك الحقيقة علشان ما تفضليش واهمه نفسك انك حامل وانتي في الحقيقة مش حامل

بهيرة

خلاص يبقى انا لازم ابقى حامل وانتي اللي تجيبي لي طفل

الدكتورة

أجيب لك طفل يعني ايه يا بهيرة هانم انا مش فاهمة حضرتك عايزة مني اعمل ايه

بهيرة

يعني انا عايزاكي تتصرفي وتجيبي لي عيل وانا هعمل نفسي حامل ولو ما نفذتيش اللي انا بطلبه منك انتي ما تعرفيش انا هعمل فيكي ايه انا ممكن اخليكي تندمي انك جيتي لي هنا

الدكتورة

ارجوكي يا بهيرة هانم انا ما بتهددش ولا ليا علاقة بأي حاجة غير التحاليل وانا عملت اللي عليا وجيت اقول لك الحقيقة

بهيرة

وانا ما بهددش يا دكتورة انا بنفذ على طول وانتي تعملي اللي انا بقول لك عليه وتجيبي لي عيل ضروري انتي سامعه ولا لأ 

الدكتورة

ايوه بس اجيبه لك منين يا هانم انا مش فاهمة حضرتك انتي فاكراني ايه بالظبط 

بهيرة

بصي انا ما اعرفش الكلام اللي انتي بتقولي عليه ده انتي بس عليكي تتصرفي وتجيبي لي عيل وانا يكون عندي طفل والموضوع ده ما يخرجش من البيت ده ولا حد يعرف حاجه 

الدكتورة

خلاص انا هشوف انا هقدر اعمل ايه بس ارجوكي سيبيني امشي دلوقتي

بهيرة

اتفضلي امشي بس خليكي فاكرة اني مستنية منك حل ومش عايزة اسمع كلمة معرفش تاني

وبعدها الدكتورة سابت الفيلا ومشيت وفضلت بهيرة قاعدة مكانها وهي متضايقة ومش مصدقة اللي سمعته وفضلت تكلم نفسها

بهيرة

انا هعمل ايه دلوقتي يعني وهقول لوهدان ايه انا كنت فاكرة ان كل حاجة خلصت وان الحمل هيخليني اضمنه دلوقتي هتصرف ازاي انا مش عارفة اعمل ايه

وبعد شوية دخل وهدان الفيلا ولما شافها قاعدة لوحدها وبتتكلم مع نفسها قرب منها باستغراب

وهدان

في ايه يا بهيرة مالك بتكلمي نفسك كده ليه من ساعة ما دخلت وانتي عماله بتكلمي نفسك في إيه 

بهيرة

لا لا مافيش يا وهدان وبعدين هو انت كنت فين كده بقى لك من الصبح يعني بقى لي فترة مش شايفاك انت فين يا حبيبي

وهدان

هكون فين يعني وبعدين ما انتي عارفة اني كنت في الشونة بشوف الشغل وبتابع الاشغال بتاعتي يعني هكون فين يعني

بهيرة

اه طيب يا حبيبي على العموم انا طالعة استريح اصل الحمل تاعبني قوي وحاسة ان جسمي كله مهدود

وهدان

الف سلامة عليكي يا حبيبتي روحي استريحي يا بهيرة وماتتعبيش نفسك

بهيرة

حاضر يا وهدان تصبح على خير 

وبعدها طلعت بهيرة اوضتها ووهدان قاعد لوحده وكان عقله مشغول بهالة وفضل يفكر فيها ومش قادر ينساها وعدت الأيام وفي يوم وبهيرة راحت للدكتورة 

بهيرة

هاا يا دكتورة شوفتي لي حل ولا لسه ما شوفتيش ما هو انا مش هفضل مستنية كده كتير انا عايزة حل للموضوع ده بسرعة

الدكتورة

انتي عايزة مني ايه يا بهيرة هانم يعني انا قولت لك اللي حصل وبلغتك انك مش حامل ومش عارفة اعمل لك اكتر من كده

بهيرة

انا عايزاكي تشوفي لي حل في موضوع العيل ده وتجيبي لي طفل صغير وانا اللي هكون امه ومحدش يعرف حاجه انتي سامعه كلامي ولا لا

الدكتورة

طيب ما انتي عندك الخدامة بتاعتك حامل وبتجي تتابع هنا وانتي ممكن تتفقي معاها وتاخدي منها الطفل اللي في بطنها وتربيه انتي

بهيرة باستغراب 

الخدامة بتاعتي مين دي انتي بتتكلمي عن مين بالظبط يا دكتورة 

الدكتورة

الخدامة بتاعتك اللي اسمها هالة ما هي بتيجي تتابع هنا عندي في المستشفى وانا اللي بكشف عليها بنفسي وهي كمان حامل في الشهر الرابع 

بهيرة

انتي بتقولي ايه يعني هالة لسه حامل

الدكتورة

ايوه هالة حامل وبتجي هنا علشان تتابع الحمل عندي في المستشفى

بهيرة

طيب اسمعي يا دكتورة انا عايزاكي لما هالة تيجي لك هنا تتصلي بيا فورا وتعرفيني انها جات لك ومش عايزاها تحس بأي حاجة

الدكتورة

طيب ليه يعني هي مش شغالة عندك برضو وبتروح لك الفيلا عشان تشوف شغلها 

بهيرة

لا مش عندي اصلها ماشية بقالها فترة وانا مش عايزة حد يعرف حاجه وانتي لازم تعرفيني اول لما تيجي هنا

الدكتورة

ماشي يا بهيرة هانم وانا هعملك اللي انتي عايزاه لما نشوف اخرتها إيه 

بهيرة

تمام يبقا تنفذي اللي انا طلبته منك ولو ما نفذتيش انتي عارفة كويس انا ممكن اعمل ايه

الدكتورة

خلاص من غير ما تهدديني تاني انا هعمل اللي عليا وهبلغك اول لما هالة تيجي عندي

وبعد كام يوم هالة راحت المستشفى علشان تكشف وتطمن على حملها ودخلت عند الدكتورة وقالت لها 

هالة

ازيك يا دكتورة انا كنت جاية لك النهارده عشان اطمن على الحمل أصل انا الفترة دي تعبانة شوية ومحتاجة اعرف كل حاجة كويسة ولا إيه 

الدكتورة

اهلا يا هالة من عنيا هكشف عليكي طيب اديني بس الملف بتاعك واستني هنا دقيقة واحدة

هالة

حاضر يا دكتورة بس متتأخريش عليا

الدكتورة

طيب ثانية واحدة انا جاية لك حالا

وخرجت الدكتورة بسرعة من الاوضه ومسكَت تليفونها واتصلت ببهيرة

الدكتورة

هالة وصلت يا بهيرة هانم وهي موجودة عندي دلوقتي

بهيرة

خليها مكانها ومتقوليلهاش حاجة انا جاية حالا

الدكتورة

بس خلي بالك يا بهيرة انا مش عايزة يحصل لها حاجة عشان دي مسؤلية 

بهيرة

انتي مالكيش دعوة انتي بس اعملي اللي اتفقنا عليه

وبعدها خرجت بهيرة من الفيلا وخدت معاها اتنين من رجالتها وراحت المستشفى ولما وصلت خلت الرجاله تخطف هالة وبعدها أخدتها لمكان بعيد وحبستها تاني 

هالة

انتي عايزة مني ايه يا بهيرة وليه جبتيني هنا انا كنت عند الدكتورة علشان اكشف على حملي

بهيرة

هو انتي مش المفروض ان الحمل ده نزل يا هالة ولا ايه وازاي حامل لسه 

هالة

الحمل ما نزلش ولا حاجة ومحروس ما عملش حاجة انتي كنتي فاكرة ان كلامه كان حقيقي هو ضحك عليكي 

بهيرة

بقى كده يا حيوانة انتي خليتي محروس ايتفق معاكي عليا 

هالة

والله مافي واحده حيوانه غيرك وانتي كمان واحدة واطية وما عندكيش اصل انا عملت لك ايه علشان تعملي فيا كل ده

بهيرة

بقا انا ما عنديش اصل طب انا هوريكي يعني ايه الكلام اللي انتي قولتيه وهخليكي تعرفي ان اللي بدأته معاكي لسه ما خلصش

هالة

حرام عليكي انتي بتعملي فيا كده ليه منك لله وربنا ينتقم منك على كل اللي بتعمليه فيا

بهيرة

انا هوريكي بقى انا هعمل فيكي ايه انتي هتفضلي هنا لحد ما تخلفي العيل اللي في بطنك ده ومش هتشوفيه بعد كده ولا هتعرفي هو راح فين

هالة

لا يا بهيرة حرام عليكي سيبيني امشي انا مش عايزة منك حاجة ولا حتى وهدان انا عايزة ابني وبس

بهيرة

العيل ده هو اللي انا نفسي فيه وهتجيبيه لي سواء عجبك الكلام او لا وانتي هتفضلي هنا ومحدش هيعرف مكانك ولا هيوصل لك لحد ما تخلفي

هالة

انتي ظالمة وربنا مش هيسيبك ومهما عملتي فيا الحق هيظهر في يوم من الأيام

بهيرة

خليكي فاكرة كلامك ده وانتي قاعدة هنا لوحدك

وبعدها سابت بهيرة  ومشيت وقفلت عليها المكان وهالة فضلت قاعدة وهي بتعيط 

هالة

يا رب انا ماليش غيرك يا رب رجعني لأمي واحفظ ابني من كل شر وخلي الحقيقة تظهر قبل ما يكون فات الأوان

بعد يومين من خروج هالة من البيت كانت سنية قلقانه عليها  

سنية

يا ترى بنتي راحت فين بس من يوم ما خرجت عشان تروح تكشف عند الدكتورة وهي ما رجعتش أنا لحد دلوقتي وأنا قلبي مش مطاوعني وحاسة إن في حاجة حصلت لها

وبعدها خرجت سنية بسرعة وراحت على المستشفى عشان تسأل على هالة وراحت للدكتورة اللي كانت هالة  بتكشف عندها

سنية

لو سمحتي يا دكتورة أنا جاية أسأل على هالة بنتي هي كانت عندك هنا من يومين عشان تكشف وأنا من ساعتها مش عارفة هي راحت فين ولا رجعت البيت

الدكتورة

أيوه فعلا هالة كانت عندي فعلا وكشفت وخلصت الكشف وبعدها أخدت بعضها ومشيت وأنا معرفش هي راحت فين بعد ما خرجت من عندي

سنية

يلهوي يعني هي راحت فين يا دكتورة دي ما رجعتش لحد دلوقتي وأنا أمها وقلبي واكلني عليها ومش عارفة أدور عليها فين ولا أجيب بنتي منين

الدكتورة

والله يا ست سنية أنا ما أعرفش هي راحت فين هي خرجت من المستشفى لوحدها وأنا شفتها وهي ماشية من عندي دوري عليها في أي مكان تاني يمكن تكون راحت عند حد من قرايبها 

وخرجت سنية من المستشفى وهي حاطة إيدها على قلبها ودموعها نازلة ومش عارفة تعمل إيه وبعدها قررت تروح على وهدان يمكن هو الوحيد اللي يقدر يساعدها ويدور على هالة

سنية

الحقني يا وهدان بيه أنا مش عارفة أعمل إيه هالة راحت تكشف في المستشفى وبعد كده اختفت ولما رحت أسأل عليها قالوا لي إنها مشيت وأنا بقى لي يومين مستنية بنتي ترجع ومش عارفة عنها أي حاجة

وهدان

يعني إيه يا سنية هالة ما رجعتش البيت من يوم ما راحت المستشفى

سنية

أيوه يا وهدان بيه بنتي بقى لها يومين بره وأنا مش عارفة عنها حاجة الله يخليك دور لي عليها وهاتها لي أنا قلبي واكلني عليها وحاسة إن بنتي في خطر

وهدان

طيب طيب اهدي يا سنية وأنا هدور عليها بنفسي وهشوف راحت فين ومش هسيب الموضوع ده غير لما أعرف هاله فين

وبعدها وهدان راح المستشفى وهو غضبان ودخل على الدكتورة وسألها عن هالة

وهدان

هاله فين يا دكتورة ولو ما قلتليش الحقيقة انا هطربق المستشفى دي على دماغك دلوقتي حالا 

الدكتورة

 هو في إيه يا وهدان بيه هو حضرتك داخل عليا كده ليه وبعدين أنا ما أعرفش إنت بتتكلم عن إيه وليه داخل عليا بالطريقة دي

وهدان

بتكلم عن هالة اللي جت تكشف عندك هنا من يومين وبعدها خرجت وما رجعتش بيتها وأنا عايز أعرف هي خرجت من هنا راحت فين 

الدكتورة

وأنا قولت إنها فعلا جت عندي وكشفت وبعد كده مشيت وأنا ما أعرفش راحت فين ولا عندي أي معلومة تانية عنها

وهدان

طيب اسمعيني كويس أنا لو عرفت إن ليكي يد في اختفاء هالة أو إنك مخبية عني أي حاجة أنا مش هرحمك وساعتها متلوميش غير نفسك 

وبعدها سابها ومشي والدكتورة فضلت واقفة مكانها مستغربة من تهديده

الدكتورة

هو إيه الناس دي مفيش عندهم غير التهديد ولا إيه يا ساتر يا رب أنا مالي ومال الحكاية دي كلها

وبعدها لما خرج من عندها ومسكت التليفون واتصلت ببهيرة 

الدكتورة

الو ايوه يا بهيرة هانم عايزة اقولك ان وهدان بيه جه عندي النهارده وسألني عن هالة وكان عايز يعرف هي خرجت من المستشفى راحت فين وأنا خفت جدا من كلامه وحسيت إنه شاكك في حاجة

بهيرة

انتي بتقولي إيه بقا وهدان راح لك وسألك على هالة أوعي تكوني قولتي له حاجة أو فتحتي بوقك بكلمة واحدة

الدكتورة

لا طبعا أنا مش مجنونة عشان أقول له بس هو هددني وقال لي إنه لو عرف إن لي يد في اختفائها هيطربق الدنيا على دماغي وأنا بصراحة خايفة ومش عارفة أعمل إيه

بهيرة

معلش يا دكتورة أنا هتصرف وما تحطيش الكلام ده في دماغك هو أصلا كده كده مش هيعرف يوصل لهالة ومحدش يعرف مكانها غيرنا

الدكتورة

ربنا يستر يا بهيرة هانم أنا خايفة قوي من اللي ممكن يحصل لو وهدان بيه عرف الحقيقة

بهيرة

ما تخافيش من حاجة وخليكي هادية ولو كلمك تاني قولي له نفس الكلام اللي قلتيه قبل كده وأنا هتصرف في الباقي

 وبعدها عدت الأيام  وهالة لسه محبوسه وكانت حالتها بتضعف يوم بعد يوم وأمها لسه بتدور عليها وبعد شهور طويلة وهالة لسه محدش عارف عنها حاجة لحد ما في يوم بهيرة كانت قاعدة في البيت وتليفونها رن ولما ردت سمعت صوت الممرضة اللي كانت سايباها مع هالة

الممرضة

الووو ايوه يا بهي ة هانم الحقيني المدام اللي هنا تعبانة اوي وأنا قولت أبلغك ان حالتها بقت صعبة جدا ولازم تتنقل المستشفى حالا عشان تولد فيها 

بهيرة

لا لا مستشفي ايه أنا مش هولدها في المستشفى وأنا هجيب لها الدكتورة تولدها في المخزن اللي هي محبوسة فيه عندك انتي بس خلي بالك منها لحد لما اجيب الدكتورة 

الممرضة

إزاي يا بهيرة هانم ده لازم تروح المستشفى دي تعبانة جدا وحالتها خطر وممكن يحصل لها حاجة هي والطفل

بهيرة

أنا مش عايزة أسمع الكلام ده خليكي معاها وأنا هجيب لها الدكتورة وأجي 

وقفلت بهيرة التليفون وخرجت بسرعة من البيت وهي مش عارفة إن وهدان كان قريب وسمع كلامها كله وفهم إن هالة عندها وركب عربيته وفضل ماشي وراها من غير ما تحس

وبهيرة دخلت على الدكتورة وخدتها معاها وبعدها خرجوا وراحوا المخزن اللي هالة كانت موجودة فيه ووهدان فضل وراهم لحد ما عرف المكان

أول ما الدكتورة شافت هالة اتخضت من حالتها

الدكتورة

يا خبر ابيض دي يا بهيرة هانم حالتها صعبة جدا ولازم تتنقل المستشفى حالا دي قربت تولد ومينفعش أبدا نولدها هنا في المكان ده عشان عايزة مكان يكون في تجهيزات 

بهيرة

وانا هجيب لك هنا كل اللي إنتي عايزاه بس تولديها هنا أنا مش عايزة حد يعرف مكانها

الدكتورة

أولدها هنا إزاي دي حالتها خطيرة وممكن يحصل لها مضاعفات وتموت وهي والطفل محتاجين مستشفى وتجهيز كامل

بهيرة

تموت ولا تغور في داهية المهم عندي إن الطفل يطلع عايش وأنا عايزة الطفل وخلاص

الدكتورة

طيب عشان خاطر سلامتها وسلامة ابنها لازم تروح المستشفى دي مش حاجة نقدر نتهاون فيها

بهيرة

اسمعي الكلام يا دكتورة ونفذي اللي أنا بقول لك عليه ومفيش كلمة تانية

وفجأة الباب اتفتح ودخل وهدان ومعاه رجالته وهو باصص لبهيرة بغضب شديد

وهدان

إيه اللي إنتي عاملاه ده يا بهيرة معقولة إنتي اللي خطفاها يا حيوانة وحابسها هنا كل المدة دي انتي ايه مش بني ادمه ولا إيه 

بهيرة

إنت عايز إيه يا وهدان وإيه اللي جابك هنا

وهدان

إيه اللي جابني هنا اللي جابني هنا إن اللي إنتي عاملاه ده مش حرام عليكي اللي إنتي عاملاه فيها ده وإنتي يا دكتورة إزاي تطاوعيها على كده

الدكتورة

والله يا وهدان بيه هي مهدداني وقالت لي لو ما نفذتش كلامها مش هتسيبني في حالي وأنا كنت خايفة منها

وهدان

طب إنتي بقى هتقدري تعترفي بكل اللي حصل قدام الحكومة عشان أنا هجيب الحكومة دلوقتي وهوديكم في ستين داهية

بهيرة

إنت هتوديني في داهية يا وهدان

وهدان

أيوه عشان أنا عرفت إنك مش حامل وعرفت إنك كنتي بتضحكي عليا وشوفت تقرير التحليل وعرفت إن كل اللي قلتيه لي كان كدب

بهيرة

ابعد عني يا وهدان وسيبني في اللي أنا بعمله

وهدان

أسيبك إزاي وإنتي مخبية هاله والحكومة علي وصول بس قبل ماتتسجني إنتي هتمضي هنا على التنازل ده دلوقتي حالا والا هوديكي في ستين داهية إنتي والدكتورة دي

بهيرة

يعني لو مضيت لك دلوقتي هتسيبني

وهدان

امضي يا بهيرة أمضي انتي ليكيعين تتكلمي 

واضطرت بهيرة تمضي الورق وهي مرعوبة وبعد ما خلصت وهدان قرب من هالة ولما شاف مش قادرة تتكلم جري عليها

وهدان

هالة إنتي كويسة ردي عليا أنا جيت أخدك ومش هسيبك هنا يا حبيبتي 

هالة

أنا تعبانة قوي يا وهدان ومش قادرة اخد نفسي أنا حاسة إني هموت 

وهدان

بعد الشر عليكي ياحبيبتي هتروحي المستشفى دلوقتي وأنا هفضل جنبك ومش هسيبك لحظة واحدة

وشالها وخرج بيها بسرعة والعربية وراح للمستشفى وبعدها اتصل بالحكومة ووصلت وقبضت على بهيرة والدكتورة وبعد التحقيقات ظهرت جرائم تانية كانت بهيرة بتخبيها عن وهدان وظهر إنها كانت بتتاجر في المخدرات من وراه وبعدها دخل السجن

وهالة فدخلت المستشفى وبعد وقت وبعدها ولدت وفضل وهدان جنبها لحد ما سمع صوت الطفل وبعد ما هالة فاقت لقت وهدان قاعد جنبها والطفل نايم قريب منها

هالة

إنت لسه هنا يا وهدان وقاعد جنبي 

وهدان

أيوه لسه هنا وهفضل جنبك علطول ومهما حصل مش هسيبك تاني أنا آسف على كل لحظة خوف عدت عليكي وإنتي لوحدك وأنا ما كنتش عارف أوصلك

هالة

أنا كنت فاكرة إني مش هشوفك تاني وكنت خايفة على ابني بس أول ما سمعت صوتك حسيت إني في امان وانت معايا 

وهدان

وأنا لما لقيتك عرفت إن كل حاجة في الدنيا تهون قصاد إنك ترجعي لي سالمة أنا مش عايز منك غير إنك تنسي اللي فات وتبدأي معايا من جديد وإحنا ومعانا ابننا

هالة

طيب اوعدني يا وهدان إنك مهما حصل ما تسيبنيش لوحدي تاني أبدا 

وهدان

أوعدك يا هالة ومن النهارده إنتي وابننا مسؤوليتي ومحدش هيقدر يبعدني عنكم مهما حصل

هالة 

ربنا يخليك ليا يا وهدان يا حبيبي 

ودخلت امها وزرغت لما شافت هاله كويسه وبعدها خرجوا من المستشفى علي بيت وهدان وعاشت معاه في سعاده 

وبكده تكون خلصت قصتنا