رواية بنات عيسي الفصل الثالث بقلم شيماء الديب حصريه وجديده
مر الوقت ودخل الليل وراحت ام ابراهيم علي بيتها كالمعتاد ، وعيسي دخل اتوضا وراح علي اوضة زينه ،قرب منها وهي في نوم عميق وباسها من جبينها ،وبعدها دخل اوضته و فرش مصليته وبدأ يصلي صلاة العشاء زي مابيعمل كل ليله …
وام ابراهيم في طريقها لبيتها في الليل سمعت حد بيهمس بصوت واطي / بس بس ،انتي ياوليه ،بسس ياخالتي ام ابراهيم …استني …لفت ام ابراهيم تجاه الصوت لقيتها عزيزه ،ف وقتها ملامح ام ابراهيم اتغيرت وبان علي وشها الغضب …اي عاوزه ايه ومالك بتتهمسي زي الحراميه كده ليه …وبعدين اي خالتي دي انا مش خالة حد ،احسن تكوني مفكره نفسك لسه صغيره ونوغه
عزيزه بمسكنه / يعني هو انا غلطانه اني بحترمك في الشارع …وبعدين نفسي اعرف انتي بتكرهيني ليه كده 😔
ام ابراهيم بحده / انا لا بكرهك ولا بحبك …واخلصي وقوليلي بتنادي عليا ليه
عزيزه بمسكنه / ابدا اصل انا شوفت الحاج عيسي بيتكلم ف التليفون انهارده ومن بعدها الحال اتبدل غير الحال …ف كنت عاوزه اتطمن عليه مش اكتر
ام ابراهيم بحده / معرفش ،وبعدين انتي مالك وحاشره نفسك ليه في كل حاجه تخص الحاج عيسي يكونش حد عينك وصي عليه 😒
عزيزه بعيون ممتلئه بالدموع / يعني هو دا جزاتي اني بتطمن علي الراجل اللي اكل عيشنا من جيبه
ام ابراهيم بعصبيه / لأ وانتي الشهاده لله صاحبة واجب طول عمرك …ولسه بتلف وسيباها وماشيه راح مسكتها من دراعها بسرعه
عزيزه / استني بس …طب قوليلي انتم قعدتو اكتر من نص ساعه بتتكلمو ف الاوضه ،كنتم بتقولو ايه
ام ابراهيم زاد غضبها وسحبت دراعها من ايديها بحده / ابقي روحي اسألي الحاج عيسي …اوعي من وشي ، وكملت في طريقها لبيتها …
عزيزه بتبص عليها وهي ماشيه وبنظرات كلها خبث وابتسامه مزيفه / اصبري عليا ياام ابراهيم ،بكره يجي دورك بس لما افضالك ،خليني دلوقتي في المهم 😒
عيسي خلص صلاته وقعد علي مصليته قرأ الوٍرد القرآني بتاعه ولما خلص بص للسماء وهو بيبكي/ يارب انت تعلم مافي نفسي وانا لا اعلم مافي نفسك وانت علام الغيوب …يارب لو انت عارف ان الخير لبنتي انها تكون مع خالتها دلني وريح قلبي …يارب انا مش عاوز احس اني مقصر مع بنتي وابقي خالفت وصية زينب الله يرحمها وفي نفس الوقت مش عارف هعيش ازاي وهي بعيد عني ، اتنهد بهدوء ومسح وشه وقال …لا اله الا انت سبحانك اني كنت من الظالمين وبعدها نام
مرت الليله وتاني يوم من بدري عزيزه راحت علي بيت عيسي قبل ما ام ابراهيم توصل … دخلت المطبخ بسرعه وجهزت صنية فطار من كل ماتشتهي الانفس وراحت علي اوضة عيسي خبطت بهدوء عليه
عيسي بصوت نعسان / ايوه مين
عزيزه بصوت حنون ودافئ / انا ياسي عيسي ،انا عزيزه
عيسي قام فتح الباب / خير ياعزيزه في حاجه
عزيزه باابتسامه / صباح الخير ،انا حضرتلك الفطار بايديا عشان تاكل لقمه وترم عضمك قبل ماتروح شغلك
عيسي بااستغراب / بس انا مش بفطر الصبح …وبعدين ام ابراهيم فين
عزيزه بدلع / لا ميصحش ياسي عيسي لازم تاكل ،احسن انت هفتان وجسمك خس خالص …وكده مينفعش
عيسي بحده / انا قولتلك ام ابراهيم فين …فجأه كانت وصلت ام ابراهيم وسمعته وهو بيسأل عنها وراحت عليه بسرعه
ام ابراهيم بتبص عليها وعلي الصنيه اللي في ايديها بغثظ / انا جيت ياحاج عيسي ،صباح الخير يابني
عيسي ابتسملها / صباح الفل ياام ابراهيم …اعمليلي قهوتي عقبال مااخد دوش والبس لو سمحتي
أم ابراهيم باابتسامة رضا / عيوني ليك ياابو زينه ياغالي …وبصت لعزيزه بغضب وكملت كلامها / وانتي قدامي علي المطبخ 😡
عيسي دخل اوضته ومسك تليفونه واتصل علي نورا / صباح الخير ياام فارس ،بعتزر اني اتصلت بدري
نورا / يسعد صباحك ياعيسي اي الاخبار انا اساسا منمتش ومستنيه اتصالك بفارغ الصبر
عيسي / انا فكرت في كلامك يانورا واتأكدت انك معاكي حق ،وكمان اختك الغاليه جتلي في المنام وابتسمتلي ومشيت عرفت وقتها اني اخدت القرار الصح
نورا بفرحه / انت فرحتني اوي ياعيسي ،انا بكره الصبح باذن الله هبعت بيبي سيتر مخصوص تاخدها ،ومتشلش هم اي حاجه انا عاوزه زينه بس ومن غير شنطة هدوم كمان…واوعدك في اي وقت هتحتاجها هجيبهالك لحد البيت
عيسي ابتسم / انا عارف اني مش هتقصري يانورا …يلا في رعاية الله ياام فارس
عزيزة وصلت المطبخ وعيونها كلها غضب / انتي بتزقيني كده ليه ياوليه انتي
ام ابراهيم بحده / انتي مين عطاكي الاذن انك تدخلي المطبخ وتحضرلي لعيسي الفطار …هو انتي مش هتبطلي شغل المحلسه دا
عزيزه بغضب / وانتي مالك اصلا انا اعمل اللي انا عوزاه وانتي ملكيش حكم عليا
ام ابراهيم بكل ثبات انفعالي / انا هنا كلمتي اللي تمشي علي اللي ف البيت كله بعد الحاج عيسي ولو مش مصدقه روحي اسأليه
عزيزه بغضب / ااااااه قولي كده انا فهمت دلوقتي ،عشان كده كل شويه بتدخلي عنده الاوضه وبتقفلو علي نفسكم بالساعه …اومال عامله فيها الطاهره الشريفه ليه 😡
ام ابراهيم بغضب وبدون ماتشعر نزلت علي وشها بالقلللللللم 🙆♀️
رأيكم يااخواتي
