رواية ضرتي من الجن الحلقة الاولي حصريه وجديده وكامله جميع الفصول
رواية ضرتي من الجن الحلقة الاولي حصريه وجديده وكامله جميع الفصول
يختي عليها يختي عليها. اغنية ريا سكينة كلكم عرفنا وانا كمان اعرفها بس كنت بسمعها بس لغاية ما اللي يتخفي اسمه حضرها وقال راسها والف جذمة قديمة تتجوزني طيب ازاي اتجوز جنية وجنية شرشوحة جنية من المطرية. عايزين تعرفو حكاياتي يالا ندخل قصة
ضرتي من الجن
من تاليفي، ،
محمد منصور.
** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
سلامه تذكره كمسري طيب و يتيم الاب والام عنده 43 سنه. اقرع وقصير وكرشه مدلدل . عمل 20 جمعيه لغايه ماعرف يشطب شقته اللي ورثها في بيت ابوه وشطبها وراح كتب كتابه علي واحده علي قدر ضئيل من الجمال اسمها سعده اخت زميله في الشغل الاسطي طشطوشي الطخين سواق الاتوبيس اللي هو شغال عليه وسعده كانت مطلقه و سلامه عنده اخ كبير اسمه سيد وسيد ده في الخمسينات من عمره ومتجوز واحده عقربه اسمها نعيمه ونعيمه دي عندها شاب في العشرينات من عمره وهو. ميدو. ورغم انه لسه سنه صغير لكنها نفسها تفرح بي وتجوزوا قريب منها عشان كلامه الحلو ليها فطمعت في شقه سلامه وخصوصا ان سلامه شطبها تشطيب سوبر لوكس وبدات تزن علي جوزها يدي لسلامه 20000ج. ويسيب الشقه ويشوف له شقه تانيه لكن اخوه سيد مش عايز يفتحه في موضوع زي ده عشان هو شايف ان المبلغ قليل جدا ومش كده وبس هو كمان بيحبه اوي. ومش عاوزه يبعد عنه واهو في مشاكل وخناقات مع مراته ولو كان ينفع يبني دور تالت كان بنا ولكن اثاثات البيت ما تستحملش عشان بيت قديم جدا . ورغم كل ده سلامه بيحضر لفرحه ويجهز له وهو فرحان انه اخيرا هايتجوز لكنه مايعرفش انه فرحته هاتبقي فرحه عليها تراب عايزين تعرفو ايه اللي حصل يالا نفتح باب الحكايه ونخش ونشوف سلامه هايحصل له أيه.،،،،،،،
احنا دلوقتي في الاتوبيس اللي شغال في سلامه
وسلامه قاعد جنب طشطوشي الكسول جدا و اللي غاوي كتب سحر وجن وتحضير وكان طشطوشي في ايده كتاب اسمه. الجنيه العاشقه ( سارة) وعمال يقرا فيه وسلامه بيبص للكتاب وهو خايف من الصور اللي فيه وقال
مش كفايه بقي قرايه في الكتب دي. الاتوبيس بقي يمشي بالليل لوحده
طشطوشي وهو لسة بيقراء في الكتاب
انا مش هارتاح الا لما احضر الجنيه العاشقه. سارة
سلامه
انت مش هترتاح الا لما العفاريت بتوعك يلبسونا
طشطوشي
انت مالك ومالي انت بتبقي قاعد معايا وانا بحضرهم
سلامه
لا. بس انا خايف عليك يا اخي
طشطوشي
ماتخفش عليه انا كويس يا خويا
سلامه
طيب ممكن سؤال
طشطوشي وهو يقرا في الكتاب
قول
سلامه
انت لما تحضرها هاتستفيد ايه
طشطوشي باسنهزاء
ده سؤال برضو. يوم ما حضر سارة هامتلك الدنيا كلها بكل ما فيها من متع
سلامه وهو مش فاهم اللي قاله طشطوشي. يقول
هي دي الاجابه.
طشطوشي
اه. هي دي
سلامه
معلش ممكن تجاوب علي سؤالي بالعربي
طشطوشي بنرفزه
غبي. لكن هافهمك. الجنيه العاشقه لو حبتك هتخليك كل ليله وانت في حضنها. هاتشوف كل اللي حلمت بيهم وهما في حضنك وكمان هتصرف عليك وانت قاعد في بيتك يعني حريم اشكال والوان. وفلوس كمان
سلامه
ااااااه. انت عايز تحضرها بقي عشان تصرف عليك. طيب ماتجوز رقاصه وبرضو هاتصرف عليك
طشطوشي
رقاصه. اقول لك جنيه تقول لي رقاصه يا متخلف . بس عموما انت رايك بالنسبه لي زي عدمه. وانا برضو مش هرتاح الا لما احضرها
سلامه وهو ينظر في الكتاب
ودي بقي هاتحضر ازاي
طشطوشي
لازم شمع مغربي. وبخور مغربي. وتعويذه مغربيه. وشوربه كوارع
سلامه باستغراب
شوربه كوارع ليه . انت هاتحضر جاموسه
طشطوشي بعصبيه
هي المقادير كده
سلامه
طيب. ربنا يوفقك. انا ماشي بقي عشان ابدا اجازتي واوعي تنسي بكره الحنه. ماتكسلش عن حنه اختك. حاكم انا عرفك تموت في الانتخه
طشطوشي
جاي لك يا عريس.،،،،،،
وجاءت ليله الحنه والكل فرحان وسلامه يرقص فرحا ويدخل الي بيته لكي يذهب الي الحمام. وهو خارج من الحمام يسمع موبيله يرن فيخرج الموبيل فيجد طشطوشي يتصل به فيرد قائلا
ماجايتش ليه.،،،،
ولكن طشطوشي وهو خائف يقاطعه قائلا
الحقني يا سلامه.
ويغلق الخط فيقول سلامه وهو مخضوض
الو. طشطوشي
ولا يرد طشطوشي فيتصل به سلامه مره اخري ولكنه لايرد فيخرج سلامه من بيته مسرعا ويتجه ناحيه شقه طشطوشي ويوصل الي الشقه ويجد باب الشقه مفتوح فيدخل الي الشقه خائفا ويقول
طشطوشي
فيسمع صوت طشطوشي من حجره نومه وهو يقول
الحقني يا سلامه
فيتجه سلامه الي مصدر الصوت ويفتح الباب فيجد طشطوشي معلق في مروحه السقف والمروحه كانت شغاله وهو يلف مع كل لفه لها فيتعجب سلامه من المنظر ويقول
ايه اللي طلعك فوق كده. انت للدرجه دي حران
طشطوشي
حران ايه بس اقفل المروحه دي ونزلني
فيذهب سلامه مسرعا ناحيه زر المروحه ويفصل عنها الكهرباء فتقف المروحه تدريجيا فيجد سلامه. طشطوشي يرتدي جلباب ابيض مقطع فيقول له
انت لسه بتلبس الجلبيه المنتنه دي
طشطوشي
يا اخي ساعدني ونزلني الاول
فينظر سلامه حوالين منه حتي يجد سلم فيقف فوق السلم ويساعد طشطوشي في النزول ويقول
مين اللي عمل فيك كده
فيسمع صرخه طشطوشي جايه من اوضه تانيه فينظر ناحيه الصرخه باستغراب ثم ينظر امامه فيجد في يده الجلبيه المقطعه بس. ومافيهاش طشطوشي فيترك الجلبيه خائفا وينزل علي السلم وهو مفزوع ويذهب مسرعا الي الاوضه الثانيه فيجد طشطوشي معلق في المروحه السقف الاخري وهو شبه عاريا لا يرتدي الا شورط مقطع ايضا فيتعجب سلامه بشده ويقول له طشطوشي
انت هاتفضل تتفرج عليه كده. نزلني يا حمار
سلامه وهو ينظر للشورط يقول
طشطوشي . انا لو نزلتك المره دي وروحت جيبتك من مروحه الصاله هاشوف مكان الحسنه فخليك متعلق احسن
طشطوشي وهو يلف في المروحه
نزلني يا سلامه وبطل رغي
فيفصل سلامه الكهرباء عن المروحه ويحضر السلم وينزل طشطوشي ويجلس طشطوشي علي الكنبه وهو دايخ فيسحب سلامه كرسي ويجلس امامه ويقول له
ادي اخره العفاريت والكتب بتاعتهم اللي انت عمال تقرها
فينظر له طشطوشي ومش قادر يتكلم من الخضه فيكمل سلامه قائلا
بتبصلي ليه. اكيد عفريت شافك بالجلبيه الجربانه دي والشورط المقرح ده. عينيه وجعته من شكلهم حلف ليطلع لك من تحت الارض يربيك ويرجع تاني
طشطوشي بصعوبه
هي فعلا طلعت لي من تحت الارض لكن مارجعتش تاني
سلامه خائفا يقول
انت بتقول ايه. هي مين اللي طلعت لك
طشطوشي،
الجنيه العاشقه
سلامه وهو يبلع ريقه بالعافيه يقول
تقصد سارة.
فيسمع صوت ضحكه انثويه لعوبه تاتي من خلف منه فيقول سلامه
اللي انا سمعته ده رن موبيلك. صح
طشطوشي
لا. دي ضحكه ساره
سلامه وهو مرعوب
هي واقفه ورايا
طشطوشي
أه.
فيلطم سلامه علي وجهه ويقول
الله يخرب بيت امك . قبل دخلتي بيوم اشوف عفريته انت عايزني اقطع الخلف ليه بس. ليه عايز شكلي يبقي وحش قدام اختك
فتخرج له سارة من الحائط اللي امامه وهي فتاة في الثامنه من عمرها. شعرها طويل جدا ولونه دهبي شبه شعر لابنزر الشخصيه الكرتونيه الشهيره وتنظر له وتقول
هي مين دي اللي عفريته
فينظر لها سلامه بخوف شديد. ويقول
سلاما قولا من ربا رحيم. انت حضرت لابنزر ولا ايه
ولكن سارة تلف شعرها حوالين منه وتقول بصوت أنثوي لانثي مكتمله النضج
انت مالك قمور اوي ليه كده. وفيك شبه من امير كراره
طشطوشي غاضبا
الاقرع الطخين ابو كرش ده ماينفعش يكون غير امير خراره
سارة لطشطوشي بغضب شديد
أسكت انت. انا مش ضيقاك في حد يحضر الجنيه العاشقه بلبس الشحاتين ده. عارف انا لو سمعت صوتك تاني هاسخطك كلبه بلدي وهاخلي كل كلاب الشارع يشوفوك هيفاء شوف بقي كميه التحرش بيك هاتبقي قد ايه
طشطوشي برجاء
لا. ابوس ايدك بلاش. انا بكسل اقوم اقف. يبقي اكيد مش هاعرف اجري
ثم تنظر سارة الي سلامه الذي كان يقرأ قران ليحرقها وتقول له
وانت بقي. بطل تقرا قران عشان تحرقني انا من الجن المسلم ومش مؤذيه. والقران مابيحرقنيش.
سلامه
لا. والله. اومال اللي يحب يخلص منك يعمل ايه. يستني الشحن يخلص
سارة
انا عمري ما ظهرت لحد الا وحبني
سلامه
بس انا مش هاحبك
ويجري سلامه ناحيه باب الشقه فتنظر سارة الي السجاده فترتفع لفوق حتي تقترب من السقف وعليها سلامه فيقفز سلامه من فوق السجاده وهو في الهواء يقف مكانه فينظر للارض باستغراب شديد ويقول لنفسه
هو في ايه. انا مش بوصل للارض ليه
طشطوشي
يمكن. الكهرباء قطعت
فتقف سارة امامه وتنظر له وهو معلق في الهواء وتقول
عايز تهرب مني ليه انا بحبك وعيزاك تحبني
طشطوشي
بتحبي مين يا أبله . انا اللي حضرتك حبيني انا
فتنظر له ساره فيقول طشطوشي خائفا منها
انا اسف. تحبي تخشي تريحي جوه انتي وهو
سلامه
اريح فين انا متجوز وفرحي بكره. سيبني امشي يا ست انتي
ساره
انا بحبك وهاتجوزك وهاكون ليك في صوره اي حد انت حبيته واتمنيت تكون في حضنه
وبدات تتشكل له في صوره لنبيله عبيد. وهياتم. ودينا الرقاصه. ونرمين الفقي. وصافيناز. واحمد عز.
طشطوشي مستغربا
ايه اللي جاب احمد عز في الالبوم ده
سلامه
بحبه يا جدع
طشطوشي
اخص عليك يا وسخ. انت فاكر نفسك زينه عشان يخدك في حضنه
سلامه
لا. انت فهمت ايه. بحبه كممثل مش اكتر
ثم ينظر الي سارة ويقول
وانتي بقي نزليني وخليني امشي من هنا
سارة
هاسيبك تمشي بس لما تتجوزني
سلامه
انا متجوز. اصلا ودخلتي بكره
سارة
وماله اتجوزني علي مراتك انا راضيه اكون الزوجه التانيه
سلامه ضاحكا
يعني مراتي من حظها يوم ما يبقي ليها ضره تكون من الجن
ساره
سلامه. انا حبيتك وطالما حبيت انسي لازم اتجوزه. ده قانون القبيله بتاعتنا والا هاتنحرق انت وكل اللي تعرفهم
سلامه خائفا
اتحرق. طيب نزليني عشان اتجوزك
فتنظر لسلامه فينزل علي الارض وسلامه ينظر لها وينظر لطشطوشي ويفكر ازاي يخلص من المصيبه دي، ،،،،،،
يارب تكون الحلقة عجبتكم. مستني رايكم.
تعليقات
إرسال تعليق