غيرة اختي البارت الأول بقلم جمانه السعيدي حصريه وجديده
غيرة اختي البارت الأول بقلم جمانه السعيدي حصريه وجديده
غاده مواليد ٩٠ حنطاويه طولي ١٧٠ شكلي حلو
شعري اسود سرح واصل نص ضهري
احنا من سكنة بغداد منطقه شعبيه
عندي اخ اكبر مني حسين
واخت ازغر مني هبه
امي ربت بيت وابوي رجال موضف امورنا مستوره ولله الحمد
بلبدايه اريد احجيلكم قصه صارت وياي من جنت زغيره
لان هاي القصه أثرت عليه من كبرت
عدنا جوارين بينا وبينهم بيوت ثنيين
عدهم ولد كلش وكح ما ينجرع
لازم الشارع اي واحد يفوت يضربه
اي واحد يلعب يخرب لعبته
اذا واحد عنده طوبه ياخذها اذا ثنيين يلعبون دعبل
ياخذ الدعابل منهم
اذا واحد يزعجه بلشارع يضربه بدون خوف
جهال الشارع كلها تشكي منه ومحد يقبل يلعب وياا
لان خبيث وكح وما تتوقع شراح يسوي اذا ضاج
اذا جماعه يلعبون ويطلع للشارع يبطلون لعب
لازم يخبث عليهم
مااعرف من شنو مخلوق عجيب شكد وكح وما يخاف من اي واحد
طبعا الجوارين كل يوم يعاتبون اهله بسبب المشاكل
الي يسويها
بس مايبطل ابد ساكن الشارع ٢٤ ساعه
طبعا هو ضخم حجمه اكبر من عمره
اي واحد يلزمه يفعصه فعص
اني طلعت علي اسم بلشارع ابو صماخ
كلها كامت تصيح علي ابو صماخ
بس انت سبع خلص نفسك منه اذا سمع واحد يصيح على ابو صماخ
اني واخوي حسين من نطلع نلعب ونشوفه نبتعد عنه
محد يقبل يلعب ويا من الشارع
جمانه السعيدي
الحد مايوم طلعنا نلعب
عدنا دعابل طلعنا نلعب العصر بيهن
طلع من بيتهم واجا علينا احنا مامنتبهين علي
مانحس اله واكف على راسنا
مرتضى....اللعب وياكم
حسين....لا اني ماللعب وياك نلعب اني وغاده
مرتضى...اني كلت اللعب لو اخرب الملعب
حسين.....غاده جمعي الدعابل خل ندخل للبيت
مرتضى...ذني الدعابل اليه
غاده...دنك مرتضى يجمع الدعابل واني اجمع اسرع منه
اخذ اتلاثه
راسا حسين ضربه وكاله عوفهن مالاتي
رفع راسه ودفع حسين
واحد لزم الثاني يضرب بي اني من شفت مرتضى
يضرب حسين لان ضخم حسين أنعم منه
اخذتني الغيره
ضربت مرتضى من ورا على ضهره
مااهتم الضربتي رجع ضرب حسين وكع حسين بلكاع
دنك مرتضى يريد يضرب حسين
اني اريد ابعده عن اخوي
نزلت بجامته وعضيته من طيزه حيل
صاح ااخ اشتعلو اهلج
معليكم طيزه مالح بس اني جنت اريد اساعد حسين
خوما اعوفه يضرب اخوي واسكت
غاده....عوف اخوي ابو صماخ
التفت عليه ضربني وكعت بلكاع ورفع بجامته
حسين استغل الفرصه ورجع ضربه
طلعت اختي هبه شافتنا نتعارك
ثنيبنه نضرب بي وما نكدر علي مااعرف شياكل
حيل مطي
راحت هبه صاحت ابوي
طلع ابوي وخلص حسين من ايده
ابوي بعد حسين عنه
ابوي...... ليش عمي ليش هيج
واني مستمره اضرب بي من ضهره
بكل قوتي
التفت عليه ضربني وكعني بلكاع
ابوي زمخ علي ليش تضربها
مرتضى...هيه جاي تضربني وعضتني من طيزي
المهم ابوي دخلنا للبيت وتوعد مرتضى يشتكي
الابو
جمانه السعيدي
ابوي...ليش تتعاركون ويااا
غاده....هذا ابو طماخ هو الي بدا العركه جاي نلعب واجانا
لو تلعبوني وياكم لو اخرب اللعب
ردنا نجمع الدعابل وندخل للبيت
يريد ياخذهن منا تعاركنا ويااا
ابوي...ادخلو البيت عيب تتعاركون
وانتي غاده مو عيب تتعاركين ويا الولد
غاده....شلون اعوفه يضرب حسين
المهم ابوي راح اشتكى على مرتضى يم ابو
جان ابو يكول اني اريد اجيكم
بنتك عاضته من طيزه ومطلعه الدم
ابوي...هو الي جاي عليهم ويريد يخرب لعبهم
شافته يضرب اخوها عضته حتى ادافع عن اخوها
بقا ابوي يشتكي من مرتضى وابو مرتضى يشتكي مني
خلصت هاي المشكله بصلح بين ابوي وابو مرتضى
غاده...خلصت هاي المشكله من بعدها
وين مااشوفه اصيحله ابو صماخ هيج عناد بي
اصيح ابو صماخ وانهزم منه
وهو يصيحلي الدبه قنينة غاز مااعرف ليش هيج يسمني رغم اني مو سمينه
واحلى منه
من بعدها بس يطلع للشارع اني وحسين وهبه ندخل للبيت
قبل الجهال تلعب بلشارع كل الوقت
مو مثل هسه الجهال صار بيهم توحد بسبب التليفونات
المهم بعد سنه من هاي العركه انتقلو بيت ابو مرتضى
من هذا الشارع
اشترو بيت بغير منطقه ونتقلو
وهنا مرتضى كان عمره عشر سنوات
واني وحسين ازغر منه
طول عمره صاحب مشاكل ويا جهال الجيران
وماكو واحد ما ضربه مرتضى
بحيث من شالو الجهال كلها فرحت خلصنا
من مرتضى ابو صماخ ارتاحينا من مشاكله
كان مسبب قلق بلشارع ما ينجرع يدور على العرك
دواره
جمانه السعيدي
من بعد ما انتقلو ما شفنا ابد
ولاحتى بلصدفه همزين خلصنا منه
كبرنا اني وصلت الصف سادس اعدادي وهبه بلرابع
وحسين دخل جامعه
حسين بلجامعه تعرف على ولد اسمه زيد
الولد حلو وشخصيه ومرتب
بدا هذا الولد يتردد علينا للبيت لو يجي هو وحسين
يشوفون لعبه لو يطلعون سوه يتونسون
لو سفره
المهم زيد صار واحد من عائلتنا هلكد ما يجينا للبيت
حسين دائما يحجي بي فرحان بهاي الصداقه
اصدقاء الدرجه يتشاركون حتى بلملابس والأكل
اسرارهم وحده
نتيجة تردده على بيتنا اني انعجبت بي
شكله حلو ومرتب
ابقى انتظر يمتى يجينا حتى افتحله الباب
واشوفه على اساس صدفه
بس مو صدفه ابد اني معجبه بي
وهو فهم اني معجبه بي لان ماكو صدفه هيج تتكرر كل يوم كل ما يجي اني الي افتح الباب
من افتحله الباب يبتسم ويكول شلونج غاده
اول مره سلم عليه ماصدكت نفسي
بقيت صافنه علي
اسمي شكد حلو طالع من من حلكه
خاصتا وهو يكول غاده وياها ابتسامه اطير العقل
اول مره اعرف اسمي هلكد حلو
بلبدايه مجرد نظرات وسلام عادي
بس عندي عبالك ملكت الدنيا ومابيها
من يدخل للبيت اركض احضر عصير لو كيك
اخبص نفسي اخذ الصينيه واوكف بلباب
اصيح حسين
بس حتى يعرف اني الي جبتله الضيافه
مشاعري مخربطه حب على إعجاب على اهتمام
جنت احس بي مهتم بيه مثل مااني مهتمه بي
ماكدر اخفي مشاعري
محتاجه احجي وافضفض الاي احد
قررت احجي الهبه وخاصه هبه انتهبت عليه
كلما يجي زيد احوالي تتخربط
جمانه السعيدي
هبه....شعندج كلما يجي زيد تحيربن شتسوين
غاده....عادي غير ضيف
هبه....كل يوم يجونا ضيوف من اقاربنا لو عمامي
ما تركضين هيج
غاده...الصراحه احبه
هبه...عرفتج تركضين عبالك مخبله لو شفتي
شحبيتي منه
غاده....ما تشوفينه شكد حلووو
هبه...ميله الحلا اصلا انتي ما عندج ذوق
غاده...معجبه بي احبه
هبه...امداج ومده ذوقج
غاده... انتي ما شايفته شلون يضحك من يشوفني
هبه...يضحك عليج اثكلي شويه
غاده...خوش ولد وحلو ومحبوب وصديق حسين
يعني مابي اي عيب
اني متاكده يحبني
هبه.....هسه هو نمونه خابصه نفسج علي
غاده...الكلب ومايريد واني اريده
هبه.. اخذي حلال عليج انتي ما تشوفين
بس زيد
اشفتي منه طالب وياخذ مصرف من اهله
غاده... انتظره لمن يتخرج
هبه.. انتي شفتهمتي ايجوز ما يحبج
غاده...لا اني متاكده يحبتي انتي ما شفتي ضحكته
اذا شافني
غاده....ماكدرت هبه اتأثر على مشاعري اني احبه ومتاكده هو يحبني
اطورت العلاقه بينا مو بس سلام
لا كم كلمه ويا السلام
كنت سعيده بشكل ما ينوصف وخاصه من اسمع حسين
يمدح بي كدام اهلي
لو يحجي عنه اطير من السعاده
من بعد شهرين من معرفته بحسين
ودخلوا البيتنا كل مره اسمع حسين يكول زيد راح يجي
البس احلى ثوب عندي
وارتب شكلي وابقى واكفه قريب الباب حتى افتحله الباب
واشوفه
اسمع منه كم كلمه حلوه
لحد ما فتحتله الباب مره انطاني ورقه
بيها رقم تليفونه بس اني ماعندي تليفون
انتظرته من اجانا مره ثانيه
بس فتحت الباب سام عليه وكال ليش ما اتصلتي
غاده...ماعندي تليفون
زيد.. اريد اشوفج شوفي اي وقت تكدربن
ونتفق
طبعا الكلام بينا ما يجاوز دقيقتين
وكلامنا بصوت ناصي حيل
لان بس افتح الباب بجون يشوفون منو بلباب
ألمره الي بعدها جنت طالعه اشتري منظفات من
الماركت القريب على بيتنا
وتصادفنا اني ويااا
بس شفته ماكدرت اخفي ابتسامتي
زيد...شلونج غاده
غاده...تمام انت شلونك
زيد..وين رايحه
غاده..اشتري منظفات
زيد...اجي وياج اريد احجي وياج
غاده...لا عفيه ماريد اي احد يشوفنا
خاف اهلي يعرفون
زيد...اريد احجي وياج شلون
غاده...ارمش عليك من تليفون امي واتصل بليل
زيد...تمام
بليل من نامت امي اخذت تليفونها تليفون امي صرصور
ودائما مابي رصيد
رمشت علي مرتين رن عليه
هبه...ويا منو تحجين
غاده...ويا زيد
هبه....هسه اذا سمعج اي احد تصير مشكله
غاده...اوكفي بلباب حبابه كلمتين وبس
زيد...ويا منو تحجين
غاده...اختي هبه
زيد...ليش خايفه هيج
غاده...اذا واحد من اهلي عرف تصير مصيبه
زيد....وشلون راح نحجي اذا انتي هيج خايفه
غاده....من يصير عندي وقت واذا طلعو من البيت
ارمش عليك
هبه....اجا حسين اجا حسين
غاده....اجا حسين بيباي
غاده....اجا هنا للغرفه
هبه...اضحك عليج
غاده....حرام عليج طول النهار انتظر حتى احجي وياا
ليش هيج شكد خبيثه
هبه....خل يولي ما يستاهل
غاده...راح ارمش علي بلكي يتصل عليه
هبه...بكيفج اني راح انام
غاده...خمس دقايق خاف اهلي يكعدون
اوكفي بلباب
هبه...لا ولله اشتغل عندج حارس مالي شغل راح انام
غاده...كتبت الزيد هبه تضحك عليه مااجا احد بعدك كاعد لو نمت
زيد....كاعد
غاده...ضجت مني
زيد....اي لان جبانه
غاده....شنو جبانه اذا كعدو اهلي ولزموني يموتوني
زيد....انتي لا تقبلين اطلعين وياي
ولا تقبلين نحجي مكالمه هذا شنو من حب
غاده....اذا تحبني اخطبني ونحجي براحتنا
زيد...وين اخطبج بعدني طالب اخذ مصرف من اهلي
بعد هواي على الزواج
غاده....بس خطبه حتى نطلع براحتنا
زيد..حتى خطبه مااكدر بعد وكت
غاده....تمام براحتك تصبح على خير
زيد...وانتي من اهل الخير
انتظرونا........
تعليقات
إرسال تعليق