الظرف المفقود الحلقه السابعه حصريه وجديده

الظرف المفقود الحلقه السابعه حصريه وجديده 

......👀 وفــي_اللـيــل.....

والكل كان راقد.

طلع شخص لابس أسود يمشي في ممر غرف النوم  بهدوء.

و نزل للصالة.

وقف قدام صورة الأم.

ابتسم.😏😏 وقال بصوت واطي:

"قـرّب الوقت..."

طلع مفتاح من جيبه...

لكن قبل ما يستعمله...

سمع صوت خطوات جاية.

دس المفتاح بسرعة.

ولما تلفـت...

انصدم.😲😲

كان فيه شخص واقف قدامه...

ويعرفه. كوييييس 😯😯😯😯

_ مؤيد:- إنت 😲😲😲 إنت اللي تلعب بينا الوقت هذا كله ..

_ ضرار:- لالالالا رد بالك تفهمني غلط أني ماليش علاقة بشيء ؛ أني خنبت المفتاح من نوح بش نبي نتأكد بإن أمي ماخلت شيء مهم في الخزنة اللي في المكتب ،، إنت تعرف أمي موصية ماحد يشوف ولا يمس شيء غير نوح ..

و نوح واخد راحته كأن الحوش ملكه و مشاركنا الرزق ..

أني نبي نعرف الخزنة شن فيها ..

_ مؤيد:- أمممم تبي تعرف .

 باه ياسي ضرار و لو أني توا قلتلهم كلهم إني شفتك لابس أسود في أسود بالغش والإختفاء و ماشي بتفتح خزنة أمك وتفتشها ؛ ياترى بيصدقوا نيتك صافية غر مجرد فضول .. ولا زعمة أصابع الإتهام كلها بتتجه ليك إنتً..

وهني قرب ضرار لي مؤيد و قاله بخبث..

_ وإنتَ شن نزلك من دارك في وقت زي هذا ..

_ أني نراقب فيكم كلكم و عارف كوييييس ، إن مافي حد فيكم بريء ..

_ ضرار:- بما فينا مرتك ..

_ مؤيد :- مرتي ماكنتش سبب في موت حد ..

_ إنت تحسابني أني اللي قتلت ميسا..

_ 😏😏 أني مانقصدش ميسا..

وهما في خلال جدالهم مع بعض في شخص ثالت نازل يتسحب من فوق ..

هما لبدو (( إتخبوا)) و الشخص الثالت نازل يتسحب لي باب الكوجينة  .. 

كانت عايدة خشت للكوجينة وهيا في إيدها تلفون تتكلم ..

_ عايدة:- ميتة بالشر ماكليت شيء اليوم حوش كبير عريض كل واحد مداير بالعناد علي الثاني الثلاجة فاضية ..

وصوت صاحبتها طالع من السبيكر ..

_ يابنتي أطلبي عشي و ريحي روحك ..

_ توا بنطلب بعد نص الليل..

وهي قاعدة تهدرز هما تسحبوا و هربوا كل واحد لمكانه ..

........     وفي الصبــــح ....... ... ...

_ عليا:- صباح الخير مؤيد نوض خيرك راقد لي توا ..

_ باهي ديريلنا فطور مابين ماشطبت أموري ..

نزلت عليا للكوجينة بش تجهز الفطور لقت قدامها عايدة و ضياء..

_ عليا :- صباح الخير .

_ الزوز مع بعض:- صباح النور..

_ فطرتوا و لا نحسبكم ..

_ ضياء:- اللي بيدير الخير ماينشدش  .

_ عايدة:- أني البارح قريب متت من الجوع عبيت بروحي من الصبح بكري مشيت عبيت الثلاجة و عبيت بطني ،، 😒 أه و مش تمشي كلها في بطن راجلك أيوة اللي يبي ياكل يصرف..

_ عليا :- تحشمي حني من أمتى هكي اللي يبي ياكل يصرف ..

_ زمان أم العيلة و بو العيلة عايشين عابين بي العيلة و رادين بالهم توا خلاص كل واحد بيدي عابي بي روحه .. " يالا سلام " 

_ ضياء :- وين ماشية ..

_ عندي ستين ألف حاجة ؛ أول حاجة بنمشي للجامعة بنبدا نعطي في المحاضرات من بداية الإسبوع الجاي..

_ عليا :- ربي يعاون ..

_ سلمك هي باي ..

_ ضياء :- ردي بالك علي السيارة ..

_ باااهي ..

..... في دار ضرار وهو يتكلم في التلفون ......

_ قتلك أصبر عليا شوية أني في المشاكل من ساسي لي راسي البنت اللي نقتلت عندنا و الوصية اللي إختفت فجأة... و ال .

وخش عليه مؤيد..

_ ضرار:- شوية بس ..

وشاف لي مؤيد و قاله ..

_ شني خاش هاد لا أحم لا تستور..

_ مازال ماكنلناش كلامنا ..

رد مرة ثانية علي التلفون و قال للي معاه تو نكلمك بعدين و سكر ..

و إنتبه لي مؤيد و قال ..

_ خير إن شاء الله شن اللي مازال ماكملش بينا 

_ نبو نتفاهموا ؛ 

_ علي شني ..

_ نتفاهموا مع بعض في النهاية أني ولد عمتك ..

_ هههه باه ياولد عمتي تبيني نتفاهم معاك ضد خوتي ..

_ إني عارف ماحد يهمك لا خوتك ولا حتى أمك إللي توفت بسببك ..

_ إنتَ شن تقول ..

_ أني عارف إن أمك ماكانش فيها شيء قبل ماتتفاجيء بالعملة اللي درتها وتواجهك بيها ..

وعارف إنك في هذاك اليوم هددتها بسر خطير أني مانعرفاش و هني هيا أنجلطت و عارف سر أخطر من هكي..

_ شن هو السر الخطير اللي نعرفه ..

_ عارف إن ماثمرتش فيك التربية اللي ربتهالك و كبراتك و رداتك راجل و إنت اللي قتلتها ..

_ 😲😲😲 لالا مستحيل أني مانقتلش أمي ..

_ بلا تمثيل زايد هيا كانت حاسبة روحها أمك و رباتك في حضنها من و إنت عمرك شهور لما تزوجت بوك لكن سبحان الله إنت بعد ماكبرت وليت عليها زي الثعبان 🐍 اللي قعد كل يوم يقيس في طوله علي طول صاحبه بش يعرف أمتى ينقض عليه و فعلاً أول ماكبرت إلتويت عليها ..

_ أول حاجة أني ماقتلتهاش..

_ قتلتها شفت بعيني لما نحيت الجهاز و نحيت الإندار بتاع التمريض ..

_ أاااه شفتني و باهي خيرك ماأنقضتش مرت خالك ..

_ إنت قلتها شن حالك يامرت خالي ؛ لكن إنت أمك اللي رباتك و عاملاتك زي خوتك الثلاتة ..

_ بإختصار إنت شن تبي بالضبط ..

_ أني نبي الأرض و العمارة و الشركة اللي زورت عقود بيعهم و بصمتها عليهم و هي علي فراش الموت..

_ مسسستحيل وكان توقف علي راسك و أعلى مافي خيلك أركبه ..

وهني فتحت عليا عليهم باب الدار وهيا مصدومة 😲 😲 😲.. و وجهت كلامها لي مؤيد..

_ إنت شن تقول عقود شني اللي تزورت 😯😯😯😯😯😯😯😯😯..

_  ضرار :- إنتِ شن جابك هني ..

_ جاية بنادي عليك تفطر و اني في الممر نسمع في صوت نقاشكم العالي ؛؛ جاوبني عقود شني اللي زورتها... " إنتَ اللي خنبت الظرف من المكتب ..

_ ضرار:- أقسم بالله العظيم مامسيت حاجة ..

_ أمالا مني ،..

 مني من مصلحته ماتكونش في وصية  

وهو مزور عقود بيع و واخد الرزق كله ليه .. علاش : علاش الطمع حني مش خواتك مش من حقنا الرزق ..

_ توا إنت تبي تقنعيني إن قلبك علي العيلة ..

   لو توا نقولك تعالي نقسموا تبيعهم كلهم ..

_ مؤيد:- أيييوة نقسموا ياوليد خالي ..

_ عليا:- إنت الثاني شن تقول ..

_ أسكتي إنتِ ؛ علي تبي إدافعي ؟! 

علي الطايش اللي كل مرة مع وحدة و يصرف هني و هني ، . .

ولا علي هذيكا الأنانية اللي تراجي أمتى تاخد ورثتها و تغبر من البلاد مرة وحدة ..

فيقي علي روحك يا عبيطة إنتِ نية و درويشة فالحة غر في اللسان الطويل لكن عقلك صغير و غبية ..

_ أني مش غبية الرزق في لو ينقسم بما يرضي الله كل واحد يطلع راضي ..

_ مؤيد:- أمممم باهي خلاص أسكتي ..

و تلفت لي ضرار و قاله ..

_ مؤيد :- مازال ماكملناش كلامنا ..

و شد عليا من كتافها و جبدها و قالها هي تعالي بش يطلع بيها ..

و في اللحظات هاذي كان في شخص مجهول يسمع 👂 في كل شيء من وراء الباب و أول ماحس بإن الحديث إنتهي هرب ..

و طلعوا الزوز من دار ضرار وخشوا لي دارهم ..

وضرار قام التلفون و كلم مرته و قاللها ..

_ ها صباح النور شن درتي مع بوك ..

ردت عليه..

_ مازال ..

_ شني اللي مازال أمالا لاش باعتك أني في رحلة إستجمام 😡😡 ماتنفعي لي شي ..

وسكر عليها التلفون ..

و تحت في الصالة كان قدام  الباب ضابط التحقيق يضرب في الجرس و فتحله ضياء..

إستقبله و خش و بدي المحقق في السؤال..

_ أمالا وين العيلة ..

_ ضياء:- موجودين ..

وكيف كمل كلمته و نزلو مؤيد و عليا و ضرار..

شبحلهم المحقق و لما تجمعوا مع بعض قال ..

_ ناقصين زوز ..

_ ضياء:- مني الزوز ناقصة أختي عايدة بس ..

_ أختك عايدة و مرت خوك مش حتى هيا مع العيلة كلكم أهل الحوش هذا في دائرة الإتهام ..

_ ضرار:- إن شاء الله خير..

فطيمة قالت أقوال جديدة ..

_ ضرار :- شن هيا الأقوال الجديدة ..

_ قالت إن المرحومة الوالدة كاتبة حاجة في وصيتها لي ميسا ..

_ عليا :- و علاش بتكتب كذابة ..

_ حني سألناها السؤال هذا "علاش بتكتب و كيف عرفت أصلاً إنها كاتبة حاجة ..

قالت إن الوالدة كانت تعتبر في فطيمة اخت مش مجرد مدبرة منزل و كانت تحب ميسا .

وهي اللي تصرف حتى علي تعليمها وتهتم بيها..

وفي يوم قالتلها إنها مش ناسية ميسا و حاسبتها زيها زي صغارها الأربعة..

وبعد ما توفت ظرف الوصية إختفي و في الليل بنتها إنقتلت ..

_ عليا :- معليش سامحني بنقول حاجة توا أمي شن بتورتها الرزق كله أكيد موصيتلها بمبلغ بسيط ..

تو معقولة بنقتلوها علي حاجة تافهة و حني رزقنا ماشاء الله..

_ المحقق هي وجهة نظر ؛ لكن هذا لو ماكانتش متزوجة من واحد من رجالة الحوش  .. وحامل منه ..

الكل جاته صدمة و مش مصدقين ..

هني سألت  عليا 😲😲 كيف من متزوجة ..

_ المحقق 🕵 اللي متزوجاته ميسا هو .....

يتبــــــع ...