الظرف المفقود الحلقه الثامنه حصريه وجديده

الظرف المفقود الحلقه الثامنه حصريه وجديده 

الكل جاته صدمة و مش مصدقين الكلام اللي قاله المحقق  ..

هني سألت  عليا 😲😲 كيف ميسا كانت متزوجة من متزوجة ..

_ المحقق 🕵 اللي متزوجاته ميسا هو .....

ضرار .

الكل إنصدم و مش مصدقين اللي سمعوه..

وفجأة ضرار بدي يعيط ..

_ ضرار:- لالالالالا  شوية بس أني ماقتلتهاش إنتوا فاهمين غلط ..

وتلفت لي عليا.. عليا ردي بالك تصدقيهم في حد يبي يورطني..

_ عليا:- من بيورطك معقولة مسيب بنت العيلة و ماشي تتزوج وحدة زي ميسا ..

_ المحقق :- و خيرها ميسا مش بنادمة..

_ لا مش بنادمة ميسا هاذي ..

وهني مؤيد شدها بالقوة و سكتها سكتت فجأة..

_ المحقق :- كملي خيرك سكتي خيرها ميسا ..

_ عليا :- يعني  في النهاية بنت الشغالة بتاعنا ..

تلفت المحقق لي ضرار من فضلك تفضل معاي نكملوا إجراءات التحقيق ..

طلع المحقق و هو قابض علي ضرار ..

و كلهم واقفين يتفرجوا 

وبعد مامشوا الشرطة خشت عايدة لقتهم مقعمزين مع بعض في الصالة و قفت عليهم تسأل..

_ عايدة :- خيركم مقعمزين هكي شن في..

_ عليا :- رفعوا ضرار ..

_ علاش ..

متهم بقتل ميسا..

_ كيف ..

رد مؤيد و هو مسترخي علي الصالون بشماتة..

_ مؤيد:- تصوري طلع متزوج ميسا بالسر ..

_ كيف يتزوجها بالسر ؛ وهيا عادي تتزوج بالسر وين أماليها ..

_ مؤيد:- عادي هي فايتة السن القانونية ..

إنتبهت عايدة لي ضياء ساكت و ماتكلمش مقعمز مصدوم بس ..

_ عايدة:- ضياء خيرك مسبوه ..

_ مافي شي..

وناض ركب لي داره ..

_ عايدة:- اللي قاعد يصير مش طبيعي وصية تختفي ميسا تنقتل في حوشنا ؛ فجأة يطلع الظرف فجأة علي سرير أمي في دارها و مكتوب فيه عبارة غريبة و نسمعوا صوت و خطوات و يختفي الظرف ؛ تي وين عايشين حني ..

_ عليا:- و لا إنتِ ماخضرتيش الصورة اللي فيها راجل غريب و قالك دوروا وراه ..

_ عايدة:- باهي كيف ساكتين بلغوا الشرطة يحلوا هاللغز راهو المواضيع لازم تكون مربوطة ببعض ..

_ علياء:- تي خيرك ساكت تحرك دير حاجة شن براني إنت ..

_ مؤيد:- شن تبيني ندير خلي الأمور تمشي علي طبيعتها ..

عايدة خلت عليا و مؤيد يتناقرو و ركبت لي دارها ..

وخشت لي دارها و إتصلت بي نوح ..

_ أيوة نوح إنت وين ..

_ نوح :- عندي شوية أشغال لكن جاي بإذن الله. 

_ عايدة :- قبضوا علي ضرار قالو كان متزوج ميسا ..

_ عارف تو نشوف الموضوع..

سكرت عايدة لكن قررت ماتعتمد علي حد و تبحث بروحها علي السر ..

مشت خدت الصورة بتاع الراجل الغريب من عليا و خشت بيها لي دارها و قعدت تتأمل فيها ..

........ في دار نوم عليا و مؤيد .........

_ عليا :- إنت علاش سكتني قدام الضابط ..

_ شن بتقوليله..

_ نقوله هلبة حاجات نعرفها علي ميسا ..

_ مادخلناش ..

_ كيف مادخلناش هذا خوي .

_ خوك تزوجها شن بتغيري في الموضع..

_ هاذي وحدة لعوب ..

_ مايغير شيء في الموضوع خوك متزوجها و هما بيحققوا معاه علاش كان داس الموضوع..

شبحتله عليا بغضب و مشت و خلاته ..

خشت عليا علي ضياء في داره لقاته مقعمز و متعصب ..

_ خيرك شن في..

_ شيء ..

_ بدس عليا تكلم شن في ..

_ قتلك مافي شيء..

_ أني عارفة كل شيء ؛ نبي نعرف علاش متكدر يعني إنت كنت تحبها ماهو عارفاتك و عارفة مغامراتك..

_ لا كنت نحبها لاشي أصلاً كان عندي حق لما كنت فايتها لكن توصل بيها تتزوج خوي ..

_ أكيد في حاجة غلط ..

وهما يهدرزو عايدة طلعت من دارها تجري وخدت مفاتيح السيارة و ركبت ومشت بيها ..

..........  و في مركز الشرطة ...........

_ المحقق :- علاش دسيت علينا زواجك من ميسا

_ أني صح قريت عليها الفاتحة لكن مادخلتش عليها قرينا فاتحة بس أني مانعرفش إنها حامل هذا علاش لما سمعت بيها حامل خفت نقول إني قاري فاتحتها .. لكن و الله ماليا علاقة بيها أكثر من هكي ..

_ باهي شن اللي خلاك تقرا فاحتها ؛ تحبها مثلاً من باب أولى تجي من الباب و تخطبها بطريقة طبيعية بعدين تقرا فاتحتها قدام الكل ..

_ إنت عارف هي شن في النهاية بنت الخدامة ..

_ مش مبرر الحب و الزواج مايفرقش..

_ إلا عندنا في عيلتنا اللي تشوف فيهم كلهم مظاهر و إنت شفت أختي شن قالت عليها ..

.........................ــــــــ......................

عايدة أدور من مكان لمكان و تبحت علي شني 

.....................................................

نوح مشي يحضر التحقيق مع ضرار و في النهاية مافيش شي ضده و لا أي دليل إنه قتل ميسا و لما خدو البصامات طلع نظيف ..

روحوا للحوش و لقوا الكل قاعدين يراجوا علي نار ..

كانت مرت ضرار مقعمزة و ضياء و مؤيد و عليا ..

إستقبلوهم و قعدوا يتكلموا مــع بعض ..

وفجأة خشت عايدة عليهم من برا و قفت في وسطهم وقالتلهم  بصوت عالي ..

من فيكم كان يعرف إن أمي كانت متزوجة قبل بوي ..

الكل إنصدم و قعدوا يشبحوا لي بعض ..

ضحك مؤيد و قال و مش بعيد تطلع..

يتبــــــع ...