الظرف المفقود الحلقه السادسه حصريه وجديده
اختفى الظرف...
وقعدت عليا تشبح للسرير وهي مش مصدقة.
_ عليا:- بالله شفتوه؟! كان قدامنا!
ضرار جرى للممر.
_ ضرار:- منو؟! منو كان واقف هني؟!
لكن الممر كان فاضي.
نوح وقف مكانه... ما جراش. كان يشبح للأرض.
انحنى... ولقى أثر خفيف لعفسة حذاء 👞 علي البركي..
_ نوح:- ما حد يتحرك من مكانه و ينزل.
الكل تلفتوله.
_ نوح:- الشخص هذا كان هني من قبل ما نوصلوا.
رفع مؤيد حواجبه.
_ مؤيد:- يعني كان مستنيكم؟
نوح ما ردش... لكن كلام مؤيد خلاه يفكر.
........................ ...................
........... في مركز الشرطة..........
المحقق سكر ملف الرسائل.
_ المحقق:- قلتلي كانت تبتز فيك... لكن على شنو؟
تنهد ضياء.
_ ضياء:- ميساء كانت تعرف سر... ولو طلع، العيلة كلها بتتفكك.
_ المحقق:- شن السر؟
قبل ما يجاوب...
خش شرطي بسرعة.
_ الشرطي:- سيدي... وصل تقرير البصمات.
فتح المحقق التقرير.
وشبح ثواني.
_ المحقق:- مستحيل...
_ ضياء:- شن صار؟
رفع المحقق الورقة.
_ المحقق:- البصمة اللي لقيناها على باب دار الخزين ..
لا هي بصمتك... ولا بصمة أي واحد من أفراد العيلة.
..................................................
....... ... في الفيــلا ..........
العيلة كلها بدوا يقلبوا في دار نوم المرحومة من جديد.
عليا فتحت الدولاب.
عايدة تحت السرير.
ضرار يفتش الأدراج.
أما مؤيد...
فكان واقف ساكت.
يشبح لكل واحد فيهم.
وفجأة قال:
_ مؤيد:- حد لاحظ إن كل مرة يطلع فيها الظرف... يكون نوح أول واحد يوصل؟
وفجأة عم الهدوء و الكل إنتبه لكلامه
وتحولت الأنظار كلها لنوح.
_ ضرار:- تقصد شنو؟
ابتسم مؤيد ابتسامة خفيفة.
_ مؤيد:- ما قصدتش حاجة... مجرد ملاحظة.
لكن الكلمة هذي...
زرعت أول شك حقيقي في قلوبهم.
نوح حس إن الكل بدي يشبحله بطريقة مختلفة.
وفي اللحظة هذي...
رن تلفونه
نفس الرقم الخاص.
رد بسرعة.
لكن هالمرة...
ما كانش فيه كلام.
كان فيه صوت مفتاح...
يدور داخل قفل.
وبعدها...
انقطع الخط.
......👀 #وفــي_اللـيــل.....
والكل كان راقد.
طلع شخص لابس أسود يمشي في ممر غرف النوم بهدوء.
و نزل للصالة.
وقف قدام صورة الأم.
ابتسم.😏😏 وقال بصوت واطي:
"قـرّب الوقت..."
طلع مفتاح من جيبه...
لكن قبل ما يستعمله...
سمع صوت خطوات جاية.
دس المفتاح بسرعة.
ولما تلفـت...
انصدم.😲😲
كان فيه شخص واقف قدامه...
ويعرفه. كوييييس 😯😯😯😯
يتبـــــع...
تعليقات
إرسال تعليق