غريمتى بقلم_زيزي_الشاوي الفصل_الاول حصريه وجديده على مدونة النجم المتوهج

 جوازة الهنا الفصل الاول بقلم الكاتبه صباح صابر حصريه وجديده على مدونة النجم المتوهج 

جوازة الهنا الفصل الاول بقلم الكاتبه صباح صابر حصريه وجديده على مدونة النجم المتوهج 

_ أساسًا مش بحبك عشان أوافق أتجوز من واحد بتاع بنات شبهك

ودمج.... لسه هتكمل تفاجئت من رده فعله حط رجل على رجل على المكتب

زين : دمج يا أم كعب كوبية إنتِ مفكرة نفسك مين لتكوني مفكرة نفسك جورجينا وهموت عليكي إنتِ وحشة أساسًا

أيات وهي بتعدل النظارة: أنا أحلى منها، إنت تطول تموت عليا ده أنا الشباب بتترمي تحت رجلي

_ أكيد عشان ريحتك، الدبانة بتتلم على الريحة الوحشة

أيات لسه هترد انفتح الباب ودخل ابن عمها الصغير

إياد وهو بيحاول كتم ضحكته: متخافيش مسمعتش حاجة

أيات : إنت سمعت منك لله يا زين ربنا ينتقم منك ولا أقولك يارب تتقلب قرد وتقعد تنطط

مسك زين الملف اللي كان قدامه ورماه على أيات... اطلعي بره يا بت إنتِ

خرجت ولسه هتروح على المكتب وقفت ثواني وبعدها رجعت المكتب تاني

_ بنت لما أتبتك يا زين

وقع إياد على الأرض من الضحك

زين قام ولسه يجري وراها، خرجت أيات بسرعة وراحت على مكتبها دخلت وقعدت، بعد دقائق وصلت رسالة على تليفونها ابتسمت ابتسامة خفيفة وهي بتقرأ الرسالة

"وحشتيني يا حبيبتي عارف إني أثرت معاكي بس غصب عني"

ردت بمسدج: "بجد يا آدم"

... "طبعًا يا نور عيني، أرن عليكي ونبقى نتكلم"

... "ماشي يا حبيبي"

... "خلي بالك من نفسك"

... "حاضر"

استووووب هنا نتعرف على أبطال روايتنا

زين شاب طويل ذو لحية بسيطة بنية، أبيض اللون وشعره بني ناعم وعيونه لونها عسلي، وعضل ووسيم جدًا، بيحب يعيش حياته، يحب يرتبط ويخون، كل شيء متاح عنده، بيدير الشركة مع أخوه ووالده

أيات بنت قصيرة بتلبس نظارة، ببشرة بيضاء اللون وشعر بني ناعم وعيونها لونها بنية، وبتحب القراءة، مهندسة ومرتبطة بآدم وبتحبه جدًا، متعرفين على بعض من وهما في الجامعة، عايشة حياتها وبتشتغل عشان تصرف على نفسها، مقيمة في بيت العائلة مع عائلة زين .

ملحوظة.. زين وأيات مخطوبين ليهم شهرين وفرحهم آخر الشهر

بس مافيش أي حد فيهم مقتنع بالجوازة دي والاتنين بيعاندوا بعض

نرجع لأحداثنا

قامت أيات ودخلت مكتب زين بعد ما خلصت شغل على الملف

_ اتفضل حضرتك الملف اللي طلبته

_ استني.... قال كده وهو بيكمل المكالمة

"وبعدين يا حبيبتي"

.......

_ أوكي نتقابل ونتكلم في الموضوع ده

......

_ ماشي يا حبيبتي سلام

بص لأيات بحدة... مش شايفني مشغول

_ عارفة والله إني قطعت قصة الحب العالمية

_ هي عالمية فعلًا وصلت لحدود لبنان، عاوزة إيه يا بتاعة

_ هكون عايزة إيه منك يعني، هو اللي يشوف وشك يعوز حاجة

_ يمكن تكوني عاوزة بوسة أو حضن مثلًا

بكسوف شديد: إنت بتقول إيه يا قليل الأدب يا وقح، امضي الملف يلا عاوزة أخرج

مضى زين الملف وخرجت أيات من المكتب بسرعة، قعدت على مكتبها وهي بتفتكر، سرحت.. لا يا أيات عيب إنتِ واحدة مرتبطة

جه صوت من وراها كان من أعز صحابها وكمان شريكتها في المكتب

سارة: بقى انهي بقا

_ مافيش غيره آدم

_ يا شيخة اتقي الله أمال زين اللي المفروض إنتِ وهو مخطوبين

سارة، زين ده كان وسيلة أقدر أوجع بها آدم

_ أممم وبعد ما وجعتي آدم ورجعتي له تاني، وقعتي نفسك في مصيبة

_ مصيبة إيه

_ جوازك من زين هتعملي فيه إيه؟!

_ متخافيش هلاقي حل

رجعت كل واحدة لشغلها وبعد انتهاء الشيفت رجعت البيت أيات، وزين راح يقابل البنت اللي مرتبط بيها، طلعت فوق غيرت لبسها، قلعت النظارة وبان جمالها الرقيق الجذاب، موبايلها رن برقم آدم، مسكت التليفون بسرعة وبدأوا كلام، آدم حكلها على اللي حصل معاه في الشغل وهي شاركته المشكلة اللي حصلت معاها هي وزين

آدم بضيق: زين شخص مغرور وشايف نفسه، إنتِ أحلى واحدة في العالم كله

_ بجد يا آدم يعني أنا أتحب

_ طبعًا يا حبيبتي تتحبي، أنا بحبك فيكي عيوبك قبل مميزاتك، واللي 

يحبك يحب كل حاجة فيكي وخليكي واثقة إنك أجمل بنت في العالم

_ ربنا يخليك ليا يا آدم، أنا عمري ما أندم على اختياري ليك بس هنعمل إيه في موضوع الجواز ده

_ متخافيش يا روحي، بكرة أجي أتقدملك وبإذن الله عمك يوافق، دي تاني مرة أجي بس لو قعدت أحاول مليون مرة برضه مش هستغنى عنك

_ بحبك يا حبيبي

_ أنا أقفل يا روحي الوقت اتأخر وإنتِ عندك شغل بكرة، عاوزة حاجة

_ لا عاوزة سلامتك سلام

قفلت معاه وقامت بصت في المراية.. آدم عنده حق، دخلت وأخدت شاور، لبست بيجامة حمراء وسرحت شعرها وسايباه، وحطيت السكين كير بتاعها وروج ورشت برفيوم ريحته تجنن وقاعدة على السرير وشغلت فيلم

أيات لنفسها: الفيلم ده ناقص حاجة

بصيت في ساعة التليفون الساعة 4 الفجر، زمان كل اللي في البيت ناموا، قامت ونزلت تحت في المطبخ وقفت وعملت فشار وبعدها خرجت، لسه هتطلع اتفاجئت لما سمعت صوت الباب وهو بيتقفل، سابت الفشار وراحت عشان تشوف مين لقيت زين

أيات: ما لسه بدري يا بيه

زين بصلها وبدأ إنه يقرب من أيات ...... إنتِ حلوة أوي

قال كده وقرب من رقبتها ولسه يقبلها..

بعدته أيات عنها بسرعة: إنت اتجننت يا زين

قالت كده ولسه هتطلع على فوق، زين مسك إيدها

_ رايحة على فين

_ أوعى إيدك كده إنت اتجننت ولا إيه، متلمسنيش تاني

بس زين بدأ إنه يقرب أكتر وأكتر، بس مرة واحدة زقته أيات بكل قوتها وطلعت على فوق بسرعة، دخلت غرفتها وقفلت الباب بالمفتاح، قعدت على السرير وهي بتفتكر قربه منها، بلعت ريقها بخوف

وقالت لنفسها: أنا لازم أمشي من البيت ده، زين اتجنن

عند زين تحت خرج إياد من غرفته ولقى أخوه واقع على السجادة، ساعده إنه يقوم ووقفه ودخله على غرفته، دخل الغرفة ونام على السرير

في صباح يوم جديد صحيت أيات وجهزت، وقفت وهي بتكلم نفسها

_ هو أنا إزاي هنزل وزين يشوفني بعد اللي حصل امبارح

بلعت ريقها ونزلت على تحت

أيات: صباح الخير

الجميع: صباح النور

نزل زين.... صباح الخير

والد زين واللي يُدعى يحيى

_ صفقة شركة P&G عملتوا فيها إيه

زين: اسأل البشمهندسة أيات هي اللي ماسكة الصفقة

_ كله ماشي كويس يا عمي

_ أممم طب كويس، حاولي إنك تلمي الدنيا عشان فرحك إنتِ وزين

زين: الموضوع ده تاني

يحيى بزعيق: أنا ساكت على الهبل والاستعباط اللي إنتوا بتعملوه، كل واحد فيكم عايش حياته وكأنكم مش مخطوبين، تقدروا تقولولي فين الدبل بتاعتكم، مافيش لحظة ما بينكم حسيت إنكم مخطوبين أو قريبين من بعض، أنا قرفت منكم، والاستهبال بتاعكم ده مش هيستمر كتير، لازم تعرفوا إنكم هتتجوزوا في معادكم

أيات: بس يا عمي..

_ من غير بس، أنا عاوز أطمن عليكي يا أيات قبل ما أموت

_ بعد الشر عليك يا عمي

قام زين بكل برود: ربنا يخليك لينا يا بابا بس أهم حاجة رأي أيات

أيات لنفسها..... بتلبسني يا زبالة

قامت أيات... أنا رايحة الشركة اتأخرت على البصمة

خرجت بسرعة، ركبت عربيتها واتجهت على الشركة، دخلت المكتب شافت سارة

_ صباح الخير يا سرسورة

_ صباح الورد، عاملة إيه

_ اسكتي يا سارة إنتِ عارفة إيه اللي حصل امبارح

_ لا مش عارفة يا أعقل أخواتك

حكتلها على كل اللي حصل....

_ زين عمل كده، ده أكيد اتجنن

_ أنا قولت كده برضه، ربنا يهديه

_ طب هتعملي إيه مع عمك

_ هعمل إيه يعني

_ توفقي تتجوزي زين

_ لا طبعًا أنا بحب آدم وعمري ما أفكر أتجوز حد غير آدم

_ ماشي يا أيات بس لو جينا لمين الأفضل فيهم هنلاقي زين

_ تعرفي تسكتي، ده بتاع بنات

_ وعلى أساس إن آدم مش بتاع بنات

_ بس بيحبني، سيبك مني إنتِ عاملة إيه

مر اليوم وبعد انتهاء اليوم دخل زين مكتب أيات

_ خلي الملفات دي معاكي، خديهم البيت عشان رايح مشوار

_ مشوار إيه

_ مشوار مع حبيبتي ماشي خلي بالك عليها

_ ابقي سيبهم في الغرفة بتاعتي

_ حاضر يا باشا

نزل زين وأيات أخدت شنطتها ونزلت على تحت، ركبت العربية ولسه هتتحرك العربية مبطلتش، حاولت بس مفيش فايدة، خرجت من العربية

_ أعمل إيه أنا دلوقتي

خرجت من الجراج وقفت ولقيت زين لسه خارج بالعربية، جريت بسرعة ووقفت قدام العربية

زين وقف العربية في آخر لحظة، خرج راسه من الشباك

_ إيه يا إنسانة برأس حمار، متفتحي عينك

_ ده إنت بسبب الزفت اللي بتشربه كنت هتموتني

_ بت هتلبسيني مصيبة، الله يخرب بيتك، شفتيني بشرب إمتى

_ وأنا مالي، هي بتتقال كده

_ ابعدي بدل ما أخبطك وأرتاح منك

_ ما دي أكبر مشكلة لأني لو موتني مش هسيبك وهطلعلك في الحلم

_ عاوزة إيه

_ العربية بتاعتي عطلت، أبوس إيدك مش هعرف أروح وسارة مشيت

ومش معايا رصيد أطلب أوبر

زين خرج إيده من الشباك...... بوسي

_ نعم يا دلعتي

_ خلاص خليكي بايتة هنا

ولسه هيتحرك، لا خلاص حقك عليا حاضر

فتح العربية وركبت بصتله: إيه رأيك نتفق اتفاق

_ إيه

_ أبوس إيدك أول ما أوصل

_ ربنا ينتقم منك، ضيعتي عليا مشوار مهم

_ عارفة والله معلش حقك عليا

بعد مرور وقت وصلوا البيت، دخلوا هما الاتنين واتتفاجئت بآدم قاعد مع عمها، ابتسمت وقلبها كان بيرقص من كتر الفرحة

زين: مين ده

قال كده وهو بيقرب منهم

_ مساء الخير

_ مساء النور يا زين، ده البشمهندس آدم

_ أهلًا وسهلًا

قربت أيات بابتسامة... مساء الخير

يحيى: أديها أيات جات، أستاذ آدم كان عاوز يسمع منك كلام إنتِ يا أيات

زين باستغراب: كلام إيه

_ البشمهندس آدم جاي يتقدم لأيات ومش مقتنع إنها مخطوبة

وش زين اتشد من شدة الغضب، هو عمره ما حب أيات بس عمره ما يسمح إن حد يقلل من كرامته أو من احترامه ورجولته

زين: إنت اتجننت؟ إنت إزاي تستجرأ تيجي تطلب إيد واحدة مخطوبة وهتتجوز

آدم: أنا مش مجنون، أيات مش بتحبك بتحبني أنا، وأنا لو مكانك وعارف إن خطيبتي بتحب وتعشق شخص تاني هسيبها على طول

زين، الدم غلي في عروقه: أنا خطيبتي مش كده، أنا عارف أيات محترمة إزاي

بس أيات عارضته بكلامها بسرعة

أنا حقيقي بحب آدم ومش بحبك

تابع رواية جوازة الهنا

بقلمي

بحبكم كتيرررره،اعرف رايكم في الرواية، هنزل بارت كل يوم، هي مش كبيرة هي صغنونة.. 

متنسوش تصلوا على النبي

الفصل الثاني من هنا