سلسلة ظالم ومظلوم الجزء الاول بقلم الكاتبه مني عبد العزيز حصريه وجديده على مدونة النجم المتوهج للروايات والمعلومات
سلسلة ظالم ومظلوم الجزء الاول بقلم الكاتبه مني عبد العزيز حصريه وجديده على مدونة النجم المتوهج للروايات والمعلومات
سلسلة ظالم ومظلوم الجزء الاول بقلم الكاتبه مني عبد العزيز حصريه وجديده على مدونة النجم المتوهج للروايات والمعلومات
أنت ومالك لـ.
ظالم مظلوم منى عبدالعزيز« حق مظلوم»
ي يابه تعمل فيا كدا فلوسي وتعبي وشقايا وسنين غربة ايام قضتها وانا بجمع القرش على القرش كنت بواصل الليل بالنهار من شغله لشغله لحد ما تعبت والمرض هدني.
ـ مفيش غير الاسطوانه دي كل يوم مزهقتش منها دورلك على حجه تانيه ولو على الفلوس اثبت ان ليك فلوس عندي.
ـ لو على الاثبتات معايا كتير يابه كل قرش حولته ليك معايا ورقه يثبت التحويل واليوم والساعة والتاريخ، وتسجيلات بصوتك باعتهالي تقول فيها استلمت قد ايه وعملت بيهم ايه
.
ـ ورق بله واشرب مايته المال مالي والأرض ارضي والبيت بيتي اقعد اللي اقعده واطرد اللي أطرده، ومن غير كلام كتير بيتي يتعزرلك لم هدمتينك انت ومراتك وعيالك ولا اقولك اهو ينبني ثواب، وبالمرة مراتك تخدم مع الحريم بلقمتها، انزل المندرة اللي تحت، عشان اجهز الشقة لاخوك فرحه قرب و يدوب نلحق نوضبها ونشوف اللي ناقص.
ـ حتى شقتي يابه اللي شقيت وانا بجهزها وازاي يابا اقعد في المندرة انا وعيالي الاربعة احط عفشي فين وانايم عيالي فين بقي دا جزاتي.
ـ مين جال هتاخد عفش العفش هبيعه واكمل على سعره واجيب عفش زين لاخوك المهندس ومراته الدكتورة حاجه تليق بمقامهم مش مرتك بت المنجد اللي مش بتعرف الالف من كوز الدره.
.
ـ دا عفشي شرية بحر مالي وعفش مراتي اهلها شرينه ليها بمالهم لا انا ولا انت يابه لينا حق نتصرف فيه تبيعه ازاي واخويا ازاي يقبل على نفسه ياخد حاجه مش ليه.
ـ شوية الربابكية بتوع بت المنجد هرميهم في اقرب زباله اول ما اجهز الشقة ماهو مش معقول الدكتورة عزالها و وعفشها هيبقوا زي عزال بت المنجد.
ـ بت المنجد يابه هي اللي خدامك انت وامي واخواتي تسع سنين من يوم ما صممت تنزل من السفر وهي متمرمطه تحت رجليكم لا عمرها اشتكت ولا قصرت معاكم وقولي يابه مش عجب شقتي معندك شقه صالح وحمودة ليه ما خدتش شقه واحد فيهم على الاقل اجدد من شقتي ولا ابنيله شقه فوق شقتي.
ـ انت اجننت عاوزني اطلع بنات اعمامك وعماتك من شقاقهم والناس تاكل وشي.، وابني ليه والشقة موجودة وجاهزة ومتشطبه اخسر فلوس ليه .
ـ وانا ومراتي وعيالي عادي نطلع والناس مش هتاكل وشك، حرام يابه اعدل ولو مرة وحده بيني وبين اخواتي، حكمت عليا ابني ليهم شقق واجهزها على سنجة عشرة وادفع مهر وشبكة واحلي فرح لكل واحد فيهم ومقلتش حاجه، عملتلهم اللي معملتهوش لنفسي وفي الأخر اطرد من شقتي واترمي في الشارع انا وعيالي.
ـ وفيها اي معملتش اللي متعاملش دا حق اخواتك عليك وزي ما صرفت عليك وجوزتك فرض عليك تجهزهم ومتنساش انت ومالك لاخيك.
ـ لابيك يابه مش اخيك انا وروحي وعمري فداك انت وامي لكن متظلمنيش انا صاحب عيه عاوز اموت وانا مطمن علي عيالي ومراتي واني سيبهم وسط اهلهم.
ـ عيان عيان مفيش على لسانك الكلمتين دول، ربنا ياخدك انت وعيالك عشان تحرم تمثل المرض قدمنا وانت قد الحيطة وكرشك قدامك شبرين.
ـ الله يسامحك يبه بقي بتدعي عليا انا وولدي وأنا اللي طول عمري سندك، كل دا عشان رجعت من السفر اعمل اي انا لو عليا مكنتش رجعت ولا سبت الشغل هم اللي رحلوني بعد ما تعبت وعلاجي عايز راحة دى جلسات يابا جلسات ومصاريف.
ـ يووووه مش هنخلص من الاسطوانه دى شفي ابنك يا سعديه، حافظ له كلمتين بنت المنجد محفظه همله وهو سابك الدور بس على مين اخواتك كشفوكم ولولي حريمهم جرجروا مراتك بالكلام كان خال علينا تمثيلك.
ـ ببكاء وبصوت مخنوق: أنا ساكته من الصبح وبقول متدخليش يابت مهما دول ابوه وامه واخواته احرار مع بعض غلطت فيا وفي ابويا الراجل اللي البلد كلها تشهد بأخلاقة ودينه معندكش انت ربعهم، لكن توصل للتبلي والظلم لا أنا استحالة اسكت.
شاورت على سلايفها الحريم وقالت: دول حسبي الله ونعم الوكيل فيهم ربنا ينتقم منهم ولو كتاب الله يخليك تصدق ما نطقت بحرف من الكذب اللي اتبلوني فيه ادي كتاب ربنا اهو احلفلك عليه.
ـ قالوا لحرامي احلف قال جالك الفرج وكلامك اللي قلتيه دا مش هعتبك عليه عتبي على النطع ابني اللي قاعد مبيتكلمش وراضي على ابوه يتغلط فيه.
صالح وحمودة: واحنا رحنا فين يابا لو هو نطع احنا رجالة ونأدبها ونعرفها ان ثابت العمدة خلف ڕجاله مش حريم زي ابوها المنجد.
ـ على قام وقف بصعوبه حط ايه على راسه حاسس ان دماغه هتنفجر وبصوت ضعيف اوي: عندك انت وياه شيفني اي عشان تمدوا ايدكم على مراتي وعزة جلال الله لو واحد فكر يرفع ايده على مراتي لادفنه في ارضه ولا هعتبره اخويا ولا بينا قرابه.
مشي خطوتين وقال لمراته يلا يا ام ثابت اطلعي لمي هدومك وهدوم العيال هنعمل اللي قال عليه ابويا بس مش نزلين المندرة هنمشي من الدار خالص.
ادير وبص لابوه واخواته وامه اللي قاعدة دموعها نزله ومش بتكلم مشي عندها باس اديها ورسها وهمس ليها: كلمة منك تقفي بيها جنبي وتشهدي بالحق كانت ريحتني وقلت في حد في الدار دى قلبه عليا وعنده ضمير انا هطلع من هنا ولأخر نفس ليا مش مسامح اي حد هنا مش هعمل زي العادة واقول اهم حاجه رضا أمي وأبويا، خلاص يمه حتي رضاكم مش عاوزة رضي منكم أنا رضيت ضميري وربنا شاهد.
ابوه بعصبية وزعيق: اسمع يا على اقسم بالله لو خرجت من باب البيت لو بصت رجلي وش وضهر ما انت معتبه مرة تانية ويوم ما اموت مالك مليم في ورثي.
على: وانا مش مسامح في كل قرش تعبت فيه وكل ثانية هعشها على وش الدنيا هدعي واتحسبن على كل واحد فيكم ظلمني ومن اللحظة دي حسبي الله ونعم الوكيل فيكم كلكم ويارب يخلف عليكم كل قرش اكلتوه من مالي بالخراب، وانت يابه حقي بعته بحق الله عنده ما بيضعش الحقوق.
ابوه بعصبية رفع ايده وضربه قلم على وشه وشاور لعيالة: اه ياكلب بتحسبن عليا وبتهددني وانتم يا ولاد الكلب سيبنه يتحسبن علينا وسكتين له اي خفتم منه.
حمودة وصالح في صوت واحد: نخاف من مين من خروف ماشي وراء بنت المنجد، انت بس يابه اشر واحنا ندفنه هنا مكانة.
فردوس مرات على بعصبية وهي شايفه على ماسك دماغه وجسمه بتنفض وصالح خلاص هيمد ايده صرخت: لالاااااااالا على تعبان حرام عليكم مش شايفين حالته اي قلوبكم حجر وعزة جلال الله لو واحد فيكم، لمسه لنهشه بسناني ثابت سعد صابرين تعالوا اسندوا ابوكم يلا بينا نطلع من البيت دا.
ـ اتجمع اخوات على وزقوا ولاده وحموده زقه جامد رجع لوره وصالح مسكه من لياقة هدومه وبشماته: فاكر لما قلتلك سفرني وقلتلي لاء مين هيساعد ابوك في الارض واستخسرت فيا السفر وسفرت رزق صاحبك، خلي رزق ينفعك وانا فضلت مسفرتش وانت سفرت سنين وشفت في الاخر انا اللي هأخد الفلوس والارض انا واخواتي، وانت مطرود من البيت من غير مليم وكأنك يا ابو زيد ما غزيت.
على ببتسامة بهته وبياخد نفسه بالعافيه بص في عين صالح وقال بصوت ضعيف: اشبع بالسحت اللي هينزل جوفك انت وعيالك باكل مال اليتامي .
انهي كلامه وبص لعياله وعنيه دمعت ووقع على الارض متحركش جريت عليه فردوس وصرخت علىىىىىىى.
وبهستريا وهي بتهزه: قوم يا على قوم خلينا نمشي من هنا ياما قلتلك ياعلى خد بالك من صحتك جسمك ليه حق عليك تقولي لسه اخواتي ناقصهم ياما مش هنزل ولا هرتاح الا لما احوزهم وعملهم احلي فرح واخلي شقق، شفت بنفسك اخواتك اللي ضيعت عمرك عشانهم مرحموش مرضك وموتوك يا علي، ياريتك سمعت كلامي لما قلتلك خليك في المستشفى وانا هصرف واعملك العمليه قلت ابويا استحالة يسبني مرمي في مستشفى حكومي وهيصمم اتعالج في اغلى واشهر مستشفي شفت بنفسك ابوك اكل مالك .
امه جريت عليه ونزلت على ركبها تهز فيه وتصرخ : سامحني يابني ظلمتك ورضيت بظلمك خفت من يمين ابوك عليا بالطلاق يارتني اتكلمت ووقفت في وشه وقلت الحق وكان طلقني وانت فضلت عايش.
وقفت فردوس بعد ما باست ايد على وراسه ونادت عيالها وشاورت على ابوهم المرمي على الارض وقالت.
ـ شوفي ابوكم مات قدام عيونكم ازاي رفعت اديها وشاورت على الكل وقالت بصوا في الوشوش دى كويس دول اللي موتوا حقكم وحقك ابوكم ودمة في اديهم عشان هيجي اليوم اللي هترجعوا هنا في ملك ابوكم وتاخدوا تار ابوكم منهم واولهم دا.
نهت كلامها وهي بتشاور على ابو على اللي واقف مصدوم وهو شايف ابنه مرمي على الارض مش بيتحرك لسه هيكلم شاورت ليه فردوس: ولا كلمة كفايه بقي واخد الدنيا بصدرك نازل نهب في حق ابنك الغلبان صاحب العيا لحد ما مات من قهرة وظلمك ليه انا ان كنت ساكت فسكته عشان الراجل اللي على زمته وقلت ان كان ابنه مرحمهوش واكل ماله غلطت في ابويا ونازل شتيمه انت وعيالك امهات عيون زيغه وبيستبيحوا عرض حريم اخوتهم ويتبصصوا عليهم كأن المنجد دا شتمه ولا عار يتخجل منه، انا بقولك اهو انا بنت المنجد هتجلي في يوم وتنزل على رجلي تبسها عشان اسامحك انا وعيالي، يارب بحق حرقة قلبي وقلب عيالي وقبل منا على الطيب الغلبان تمد في عمري لحد ما اشوفه روحه متعلقة لا بيموت ولا بيعيش مش بحس اللي بالوجع ووقتها هعرفك بنت المنجد هتبقي ايه هي وعيالها.
مسكت عيالها وقالت يلا تعالوا اللي لينا في البيت دا مات اديرت بصت على جوزها مسحت دموعها واخدت عيالها اللي بيبكوا ومشيت في اليلد لحد ما وصلت بيت اهلها دخلت اول ما شافت امها رمت نفسها في حضن امها وبتبكي وبصوت ضعيف: مات يامه على مات قهروه وخذلوه واكلوا ماله وفوق كل دا طردونا من البيت اللي تعبنا انا وياه فيه، ياما قولتله مسمعش كلامي خالي قرشين على جنب بلاش تبعت لابوك كل تعبك يقول انت ومالك لابيك حسبي الله ونعم الوكيل فيهم.
امها طبطبت عليها: الصبر يا فردوس اطلبي الصبر يابنتي على الله يرحمه كات طيب وحنين واللي في ايده مش ليه، قومي يا بنتي اتوضي وصلي وخدي عيالك في خضنك بصي عليهم يكسروا الخاطر من كتر بكاهم.
بعدت عن حضن امها وقالت لولادها: اسمعوني كويس دي اخر دموع هتنزل من عنينا لولي انها بتنزل غصب عنا على الغالي كنت منعتها، بعد كدا الدموع اللي هتنزل هتنزل نن الفرحة، شفتوا بعنيكم اهل ابوكم بصلنا ازاي وبيقولوا ان بنت المنجد عيالها هيطلعوا اي انا بقلكم قدام جدتكم، شاهدة على كلامنا اللي شايف نفسه عيل مش هيقدر يحقق حلم ابوه فيه ويكون دكتور كبير ولامتعلم علام يشرفه في تربته يقول من دلوقتي عشان مضيعش عمري الجاي عليه.
امها بضيق من كلامها قربت من الاولاد اللي منهارين وقالت: حرام عليكي يافردوس عيالك يابنتي لسه صغار
ما يعرفوش حاجه في الدنيا دي خديهم في حضنك ضللي عليهم هوني عليهم موت ابوهم ووحده وحده فهميهم .
فردوس اخدت ولادها في حضنها وقالت: من الحرقة اللي جوايا يامه موت، على وعمايل اهله كسرت جوايا حاجات كتير … بعدت عيالها باديها وبصت فيهم وقالت … اوعكم تستعروا من، امكم بعد كلام جدكم اني بنت منجد عمر الشغل الحلال مكان عيب، العيب ان نتكبر على ارزاق ربنا وخلي في بابكم دايما مفيش حد احسن، من حد غير بدينه وتدينه، الشغل الشريف اللي يعف الناس من سؤال الغير عمرة مكان عيب انتم دلوقتي صغيرين بكرة تكبروا وتفهموا قصدي جدكم الله يرحمه ربنا انا وخلاتكم من تعبه وعرق جبينه مات وهو بيشتغل علمنا كلنا وقال سلاح في ايدكم لوالدنيا جات عليكم وانا بقلكم انا هنزل اشتغل واصرف عليكم.
ثابت ابنها الكبير عمرة اتناشر سنه * لاء ياماما انا كبرت وانا اللي هنزل اشتغل واصرف عليكي انتي واخواتي.
فردوس بصريخ: لاء انتم هتتعلموا الشغل دا متجبوش سيرته عوزنهم يشمتوا فيا ويقولوا بنت المنجد عيالها اللي قالت هيبقوا حاجه كبيره طلعوا من العلام وشغلين عشان مش لقين اللقمه لا لا والف لاء.
امها: لا انتي ولاهم هتشتغلوا معاشي من المرحوم على ايجار الدكاكين هيعيشونا مستورين وزي ما ابوكي كان عززكم انتي واخواتك وعلى، من بعده انا ربنا يقدرني واعزك انتي وعيالك ومقصرش معاكم.
وقفت فردوس ومسحت دموعها: معاشك يدوب بيقضي علاجك وكهرباء وماية، والدكاكين ورث بيتوزع علينا انا واخواتي … سكتت وخدت نفس طويل أنا هفتح دكان المرحوم ابويا بس مش منجد وبس لا هفتح جنبه خياطة، على ما يجهز وابيع غوايشي وغوايش صابرين تكون العدة خلصت واقدر اخرج واطلع براحتي.
ثابت: احنا هنساعدك ياماما … قاطعته بعصبية وقالت: قلتلكم انتم للعلام وبس عاوزاكم تاكلوا الكتب أكل فاهمين عوزاكم تتعلموا وبس لكن الشغل لاء.
امها: عيالك متفوقين مفهاش حاجه لما ينزلوا الشغل معاكي منها يساعدوكي ومنها يعتمدوا على نفسهم ويعرفوا قيمة القرش واياﻤ الامتحانات ما ينزلوش الشغل.
ـ ايام الاجازة هنزلهم معايا الشغل وهعلمهم الصنعه واشربها ليهم زي ما المرحوم ابويا علمنا انا واخواتي، ومن هنا لحد االاجازة مش عاوزه الكتاب يسيب اديهم ويذكروا مش أي مذكرة لاء دول ياكلوا الكتاب أكل.
ـ امها: لله الامر من قبل ومن بعد ادخلي يا بتي خدي عيالك وريحي جوه على ما احضرلكم لقمة تكلوها.
ـ انا مليش نفس يامه وكلي العيال من لقمة عشاء ليلة امبارح مدقوش الأكل وانا هريح في الأوضة جنبكم ولو عنيا راحت في النوم سبوني أنام وارتاح.
ـ دخلت الاوضه وقفت وراء الباب تبكي وكتمة صوت، شهقاتها وتكلم نفسها: وغلوتك يا على لاخد حقك وحقي وحق عيالي منهم واحد واحد واولهم الابليس صالح ومراته وربنا يدني طولت العمر واتاكتك ليهم على رواقة وانت يا شايب لادوقك المر كسات ولا اخليك في سوق الرجالة متسواش قرش براني.
مشيت ناحيه السراحه وفكت حجابها وفكت شعرها وبصت، لملامحها ولون الكحل اللي سايح على وشها بسبب الدموع عامل خاطين وقالت: قريب اوي يا ثابت هخلي حياتك انت وعيالك كلها سواد وحيات كل دمعة بكتها عنيا لتبكي بدلها الف دمعه وانت، شايف عيالك اللي شادد حيلك بيهم بقضوا على بعض عشان بنت المنجد ووقتها هقف قدام منك واحط ﻋيني في عينك واقولك شوفت عزوتك اللي قضيت على الغلبان وقهرته عشانهم واخدت ماله، اهم قضوا على بعض وانت واقف محتار تاخد عزاء فمين ولا مين.
راحت قعدت على السرير ونامت على مخدتها ومسحت دمعها وقالت: دي اخر دمعه هتنزل من عنيا لكن قلبي هيفضل يبكي بحرقة على فراقك يا غالي.
غمضت عنيها ونامت وتاني يوم الصبح صحيت بدري لبست عبايتها وحجابها واخدت علبه قطيفة من الدولاب فتحتها وقالت: زي اللي قلبي كان حاسس ياعلى والحمد لله انك هوتني المرة دي وجبت ليا انا وصابرين الكام غويشة وسلسلة دول وخواتم العيال يمين ما اتولدوا وجبتهم هنا عند امي ومحدش خد خبر بيهم والا كانوا نهبوهم زي ما نهبوا شقاك.
فتحت العلبة وخرجت الغوايش لبستهم في اديها واخدت سلسلة ولبشتها وقفلت العلبه وقالت! سامحيني ياصابرين اخدت هدية ابوكي بس ان شاء الله ربنا يفرجها عليا هجيبك، احلى واغلى منهم مع ان غلاوتهم مش في تمنهم غلوتهم لانهم من، ريحتڪ ياعلى.
مشيت ناحية الباب وقبل ما تفتحه رجعت عند علبه الدهب وقلعت غوشتين وقالت: الغوشتين دول هخليهم هنا للزمن معدتش حاجه مضمونه لعل وعسي احتاجهم او يفضلوا لصابرين مع سلسلتها وكفاية اللي معايا يمشوا الحال.
خرجت من الاوضة بشويش وراحت اوضه ولدتها لقتها صاحية بتصلي دخلت وقغلت وراها وقفت لحد ما انها خلصت صلاة: أمه خلي بالك من العيال لحد مرجع هنزل السوق بسرعة هبيع الدهب عند رحيم الصايغ اشتري لبس للعيال وكام حاجه للبيت وارجع قبل ما يصحوا بإذن الله .
ـ امها: انا مش هقولك خسارة ولا متبعيهمش لان محلتيش اللي يخليكي متمديش ايدك عليهم، بس هقولك اجلي كل حاجه كام يوم جوزك ملوش كام ساعة مدفون بلاش الناس تتكلم بيكي وبينا ويصدقوا كلام اهله لم ملقوكيش ليلة امبارح في عزاه.
ـ يقولوا اللي يقلوه بعد على ما راح مفيش حاجه فارقة معايا ، انا لوله الحوجه ومصاريف العيال واكلهم وشربهم مكنتش هوبت عتبة الباب غير بانتهاء عدتي 4شهور وعشرايام.
ـ يبقي تخرجي وترجعي محدش يعرف انتي نين ادخلي اوضة نوم اخواتك في الدولاب لبس ونقاب جنة اختك على سريري البسيهم وبلاش رحيم مشوار بمشوار انزلي المركز لاي صايغ.
ـ لبست فردوس النقاب ونزلت المركز باعت الدهب واشترت لبس لعيالها وطلبات للبيت وهي خرجه من محل قماش خبطتت في حد رفعت عنيها تعتزر شهقت من اللي شفته وقالت: رباب معقولة خرجتي امته.
رباب بصت ليها باستغراب وقالت: انتي مين وتعرفيني منين واي خرحتي دي.
قربت منها فردوس ونزلت الاكياس اللي في اديها وخضنتها وهي بتقول: مش عرفاني يا رباب انا فردوس نسيتي صحبتك من ابتدائي للثانوي في تخته واحده مدرسة محمد فريد وابله تهاني واستاذ سيد الشازلي.
رباب بشهقه بعدت عن حضنها بصت في عنيها اللي بينين من النقاب: فردوس مسعود معقولة انتي بس من أمته لبستي النقاب وملها عنيكي ورمه كدا ليه وكلها دموع.
فردوس بكسرة: دي حكاية طويله ان شاء الله لما نتفابل مرة تانية هحكيهالك بس دلوقتي شكلك مشغوله وانا يدوب اللحق اروح قبل الموقف ما يزحم باهل البلد.
رباب: فردوس هو انتي اطلقتي من على ولا ايه.
ـ لاء بتسألي ليه السؤال دا.
ـ اصل يعني غريبة يبقي عزاء على شغال في البلد وممرش على دفنته غير سواد الليل وانتي هنا في السوق بتسوقي وشيله ومحمله أكياس اشگال والوان.
ـ دموعها نزلت وبقهر قالت: قلتلك حكاية طويلة وعاوزة، وقت وانا مقدرش اتاخر زي ما انتي قلتي عزاء على شغال ولوحد من اهل البلد اخد باله مش هيسكت وهيجرسوني.
ـ تعالي نقعد نتكلم في اي مكان بعيد عن السوق وبعدها اوصلك في سكتي كدا كدا انا رجعه البلد بتاكسي وتضمني محدش يعرفك.
ـ وطت شالت كياس مع فردوس ومشيوا لحد ما دخلوا كافتريا قعدت رباب وشاورت لفردوس تقعد وقالت: تشربي اي ومن غير منهده هتشربي يعني هتشربي.
شاورت للجرسون وقالت له عصير اتنين ليمون فرش.
رباب بعد ما مشي الجرسون: ها يا فردوس احكي انا سمعاكي في اي.
ـ الاول عاوزة اقولك حاجه مهمه عشان ابقي صريحة معاكي، انا صحيح اتفجأة بيكي لما اتخبطنا عند باب محل القماش بتاع ولدك، بس انا فؤ الاول كنت جاية مخصوص اسال عليكي ودي مش اول مرة جيت من فترة سألت عليكي قالولي انك سفرتي دوله عربية بعد ما خرجتي من، السجن.
ـ رباب بستغراب: مدامك عارفه اني في الحبس كنتي بتسألي ليه وبردة اي حكايتك.
ـ اخدت نفس انا هحكيلك ليه كنت بسأل عليكي عشان تعبت ومفيش حد قدامي غير انتي يارباب.
ـ فردوس بنحيب وصوت شهقاتها: على مات قدام عنيا وشفته بعيني وقدام ولادي، وانا عاوزاكي تساعدني اخد حقه من اللي كان السبب.
هزت راسها رباب وشاورت لها تحكي فردوس حكت ليها كل حاجه حصلت لحد ما على مات ومشيت وسابت البيت.
ـ رباب بحزن: لا حول ولاقوة الابالله في كدا اب يقهر ابنه بالشكل دا واخواته اي ماية اللي بيجري في عرقهم مصعبش عليهم اخوهم واي الحقد اللي في قلوبهم ده عشان مسفرهمش يعملوا كدا كانوا هيعملوا اي بالسفر وهو كان منغنغهم دا انا الكام مرة زرت فيهم البلد كنت بسمع عن العز اللي هم بقوا فيه والاراضي اللي بيشتروها، قوليلي عاوزني اساعدك في اي من كلامك وانك تجي محل ابويا تسألي عني يكد ان في دماغك خطة.
ـ الاول كنت بسأل عليكي لانك وحشاني وكنت عاوزة اطمن عليكي انك كويسه بعد ما عرفت انه اتقبض عليكي مع جوزك واعترف عليكي وهرب هو، حاولت اروح أشهد واقولهم انك كتير اشتكيتي منه والضرب اللي اضربتيه بس معرفتش وجيت لابوڪي وحكتله كل حاجه كنتي بتحكيلي عليها:قالي: انه عارف بس الحكومة مبتخدش بالكلام دا عندهم ادله وبرهين وبصمتها على البضاعة ادعلها يابنتي ربنا يظهر الحق.
ـ ايوا ايوا ابويا قالي ان في وحدة صحبتك جات وحكت كل حاجه كانت بتحصل ليكي، تعرفي يا فردوس ابويا بسبب الزفت اللي كان بيخده نسي اسمك وانا قلبي قلي انه انتي، قوليلي خطتك اي وانا عشان معروفك اللي عملتيه وخلتي اهلي يصدقوا اني بريئه هساعدك وانا مغمضه.
ـ فردوس لاء يا رباب انا عوزاكي تساعديني مش رد جميل ولا فكرت في كدا انا عوزاكي تساعديني خدمة منك وبنفس الوقت هتستفيدي.
ـ استفيد شكلك مرتبه الخطة ودرساها كويس أوي فهمني وحده وحده وانا ااقلب الموضوع في دماعي واقولك رايي.
فردوس الاول نقراء الفاتحة على اللي يخون ويخلف يمين ربنا اللي هنحلف عليه انا وانتي.
ـ مش اعرف الاول الموضوع ايه وبعدين احلف وياستي اقسملك لو موفقتش على كلامك ما هيخرج مني حرف لاي بنأدم وكل حرف هتقوليه في بير ملهوش قرار وانتي عارفه الكلام دا من واحنا عيال صغيرين.
ـ ودا العشم بردة يا رباب بصي يا ستي انا منمتش دقيقه وانا بفكر اخد حقي منه ازاي هو وعياله التلاته ومنه لخد ما رتبت كل حاجه في دماغي ورسمت لكل واحد خطة وازاي هوقعه فيها اللي وقف معايا ابوهم، لازم في نفس وقت عياله هو كمان لازم يكون معهم عشان الخطة تنجح ثابت ابو على راجل كلمة تجيبه وكلمة توديه، ضميرة بيوجعه كم دقيقه وكلمتين يريحوه ينسي ضميره ويكمل اللي بيعمله، عوزاكي تضربي الحديد وهو سخن هو دلوقتي صعبان عليه على واكيد مراته هتفضل تلومه ووقتها هيحتاج حد يطبطب عليه ويقف جنبه فهيجري على صالح وحمودة او اخته انا بقي عوزاكي انتي اللي تطبطبي عليه وتشغليه تخليه مسستغناش عنك ويطلب يجوزك وقتها بقي تشرطي عليه وتقولي خايفه من عيالك انهم ما يأثروش عليك وبعد ما علقتني بيك تسبني ولو اتجوتك ميبهدلونيش ويرموني بره بيتك، وقتها هيعمل اي حاجه عشان توفقي هنا بقي تقوليلي له هفكر وارد عليك وتقفلي تليفونك يومين تلاته مش هيستحمل هيجيلك راكع وقتها تشرطي وتطلبي يكتبلك ارض باسمك او البيت
قبل كتب الكتاب عشان يتصمني حقك اهم حاجه كل دا يتم رسمي في الشهر العقاري عشان تضمني ما يعملش اي نقص بعدين، تطلعي من الشهر العقاري معدش يلمح طيفك وحلال عليكي البيت او الارض اللي هتكتب باسمك.
قس
ـ رباب يالهوي على دماغك من امته يا بت يا دوسة دماغك سم بالشكل دا طول عمرك غلبانه وبتكملي عشاكي نوم من كتر ما انتي ملكيش في التفكير.
ـكتر الاسيه تعلم الجفا وتخلي الطيب يتحول وانا شوفت تسع سنين زول وقهر ومكايد مفيش حد يقدر يستحملهم وكنت صابرة ومستحمله عشان بحب على وعمري ما شفت منه غير كل خير لكن بعد موته كل القديم والجديد ظهر قدامي وفضلت طول الليل افكر وارتب ها قولتي اي هتساعدني.
ـ اديني رقم تليفونه وملكيش دعوه بالباقي وانتي كمان اديني رقمك عشان اعرفك كل حاجه بتحصل اول بأول.
ـ معني كلامك انك وفقتي تساعدني يبقي نقراء الفاتحة وبعدين التليفون مش هينفع في الاول لانه يا هيخلي صالح او حمودة يردوا مش هيكون فايق انتي هتروحي البيت تعزيه بس بقي بعد العشاء بشويه ملاح عشان تضمني كل عياله راحوا بيوتهم والوقت دا على اساس جايه تعزيني وبما انك متعرفيش اني مش في البيت فالوقت عادي تزوري صحبتك وتعزيها ماهو حريم اللي موجودين عشان العزاء، وبطرقتك بقي تسحبي رقم تليفونه والاحلي تديه رقمك على اساس لما ارجع يتصل عليكي تجي تعزني، وصدقيني كلمتين منك توسيه بيهم وتقوليله انك خاسه بوجعته وحزنه هتلقيه قلب عيل ياما شفت صالح ومراته بيعنلوا معه كدا وبعدها بيبقي خاتم في صباعهم.
ـ تمام كل اللي قولتيه سهل اوي مش هيأخد في ايدي غلوة، عياله بقي هتعملي فيهم اي من كلامك انك ناويه عليهم التلاته مره وحده.
ـ هتجوز المهندس واقهر ابوه لما يشفني دخله عليهم عروسة بعد كام شهر وبفستان ابيض وحمودة وصالح هيقضوا على بعض عشان مين اللي يفوز بيا وكل واحد فيهم مستعد لاشارة من صباعي، ياما شفتهم وهم بيرقبوني وساعات كنت اصحي من نومي على صوت خطوتهم في الشقة لولي بنام انا والعيال كانوا بهدلوني لو كنت لوحدي نظراتهم ليا ياكد كدا غير على حكالي ان ايام خطوبتي صالح طلب منه كتير ما يتقدمش ليا وفضل يقنعه وعلى صمم لاننا كنا بنحب بعض، وحمودة عينه زايغه ودا اخره ضحكة ومكلمتين خلوين وهيقع على بوزة ياما اتخانق هو ومراته بسبب عمايله السودة.
ـ المهندس تخليه يجوزك ازاي وحسب كلامك خاطب دكتورة وفرحه قرب.
ـ دا بقي زي ابوه بالظبط وابوه ممشيه زى العيل الصغير هو اللي خطبله وهو اللي طول عمره مشيه يمين يمين شمال شمال، وسهل اوي العب عليه اهم حاجه ابوه ينشغل عنه.
ـ تمام كدا اتفقنا يلا يدوب اللحق اوصلك البلد وارجع اجهز نفسي عشان اعزيكي كويس.
ـ في الاول هاتي رقم تليفونك عشان نتواصل واهم حاجه يا رباب
تابعووووني
إرسال تعليق