دكتوري الفصل الاول حصريه وجديده على مدونة النجم المتوهج
دكتوري الفصل الاول حصريه وجديده على مدونة النجم المتوهج
عمر دكتور بالجامعة عمرو36سنة رجل ثلاثينيني اختلط بعض الشيب مع شعره الأسود زاده جاذبية ووقار ذو عينين سوداون كبيرة وبشرة بيضاء ولحية متوسطة الطول وجسم رياضيي أنيق
غير متزوج كل اهتمامه في عمله يكره النساء والسبب نتعرف عليه من خلال أحداث القصة
أسيل فتاة تدرس تجارة واقتصاد عمرها19سنة ناعمة وهادية ذات جمال أخاذ شعرها بني فاتح إلي كتفيها وعيناها.شهل بشرتها حنطية فمها أشبه بحبات الفراولة تصنف إلى القصيرات جسمها ناعم ومتناسق تعيش مع أخيها وزوجته لأن اهلها متوفين منذ صغرها واخوها هو من اعتنى بها
أدهم اخوها لااسيل عمرو35سنة في شبه كبير بينو وبين أسيل بالملامح حنون كتير عليها وبحبها كتير بيعتبرها متل بنتو بيشتغل محامي احوالو المادية مرتاحة
سارة مرتو لاادهم متجوزة هيا وياه من سنتين تقريبا بس لسا ماعندهن ولاد عمرها28سنة جمالها اوربي يعني شقرا بعيون خضر وطولها حلو وجسمها كمان وأهم من هل أشياء كلها انو أخلاقها حلوة بتحب أسيل كتير وبتعاملها متل اختها الصغيرة مابتشغل شي ربة منزل
أريج رفيقة أسيل من الطفوله إلى الآن بنت عجوجة حلوة وطولها وسط مخطوبة وخطيبها بيشتغل طيار عايشة مع أمها وأبوها وهيا وحيدة الهن
سارة:لك يااسولة والله عيب عليكي كل يوم ع هل حالة بدك سنة لتفيقي هلق مابتلحقي
أسيل بصوت ناعس:لك سارة والله حرام عليكي بتفيقني قبل موعد دوامي بساعة ولسا بتقليلي مابتلحقي
سارة:قومي وبلا مياعة أنا رايحة جهز الفطور الله يطعمك وماتلحقيني بعد خمس دقائق ساعتها تسطفلي رح ببعتلك أدهم
اسيل:لا بوس إيدك كلشي ولا أدهم ها فقت
طلعت سارة من الغرفة واسيل رجعت نزلت تحت الحرام
اسيل:ولي شو هل برد رح نام بس خمس دقائق وأرجع فيق ع السريع
فاق عمر رتب تختو وفرشا سنانو وشرب قهوتو وبلش يحضر الفطور (عايش لحالو امو وأبوه ميتين وعندو أخت وحدة متجوزة برات البلد)
سارة:أدهم هي أسيل شكلها رجعت نامت شوف شغلك
ادهم:ههههه يالله
دخل أدهم على غرفة أسيل سحب الحرام من عليها فجأة
أسيل نازت
اسيل:ياااربي لك أخي والله حرام عليك لا لا
ادهم:كني كل فترة لازم أنا اعملك إعادة تدوير يالله صحصحي ها ها وهي خلصنا غسيل الوش شو بفرشيلك سنانك كمان
اسيل:لك والله حرام عليك عبيتني مي والدنيا كتير برد
ادهم:والله ماحد قلك ماتفيقي من نفيقك
أسيل:تفضل طلاع لبرى منشان بدل
ادهم:يالله لا تتاخري ها
طلع ادهم واسيل بلشت تلبس
خلص فطور وفجأة موبايلو بيرن
عمر؛ألو .....اهلين مين......أي أنا عمر ال******.......مين حضرتك.....أي وكيف فيني اخدمك. .....لا مابعرف شئ عن أختك كل إلي كان بيربطني فيها هل خطبة من سنة ووقت هربت مع عشيقها مابقى بتعنيلي وأنا شرحت هل شئ لااخواتك. ........أي الله معك
سكر الموبايل وهو معصب
عمر:الله يلعنك ويلعن أختك سميتلي بدني من الصبح لك الله يلعن كل جنس حوا
اتنهد وقام بلش يلبس
طلعت أسيل
سارة:يالله تعي فطري
اندق الباب
اسيل:هي أكيد أريج لأنها كمان بتجي قبل الشحادة وبنتها
فتحت الباب وكانت أريج
اريج:صباحو عسولة
اسيل:صباح الورد فوتي
اريج:لا امشي
اسيل:لك بكير لسا وبعدين أنا لسا مافطرت
اريج:بالجامعة بنفطر وأنا كمان مافطرت
اسيل:يالله أنا رايحة سلام
ادهم:مافطرتي وبعدين أنا بوصلكن
اريج:لا أخي مابدنا نعزبك ارتاح ريح حالك
ادهم:وليه أريج لاتخليني أجي اعملك اللازم أساسا فولة وانقسمت نصين انتي وياها أبصر شو في وراكن مصيبة هل مرة
اريج:الله يسامحك سمعانة سرسورة شو عم يحكي جوزك
سارة:هههههه أي والله ياادهم عم تظلمهن
اسيل:يالله سلام
طلعو من البيت
اريج:ليش وليه مبارح مانزلتي ع الجامعة
اسيل:مابعرف ماكان إلي خلق
أريج:ما الك خلق ولا لانو حبيب القلب مبارح ماكان عندو محاضرات
اسيل:ااااه على حبيب القلب ايمت بدو يحس فيني
اريج:لك بربي انتي وحدة مجنونة لك يعني بتحبيه صرلك من أول مادخلنا الجامعة يعني سنتين تقريبا وانتي بتعرفيه انو بيكره النسوان ومابيعطي وش ولا لبنت اساسا ما في ولا بنت بتقرب منو بسبب هل عقدة إلي دائما حاطها بين حواجبو
اسيل:خرسي لا تحكي عليه
اريج:والله والله وهي بكسر الهاء انتي وحدة غبية لك ياجدبة هو أكبر بكتير منك ولك ومو هون المشكلة المشكلة انو مابيعبر ولا بنت شكلو معقد ولا ليش لهلق مااتحوز
اسيل:لك والله مو بايدي والله بحبو بحبووو
أريج:أي انقلعي اعترفيلو بحبك وخلصينا انتي مارح تكني غير لينمسح فيكي الأراضي
اسيل:هه ضحكتيني قال روح اعترفلو قال حبيبتي مجرد ما إني شوفو بحس الكلام بيهرب مني لك يقبر قلبي على هل هيبة إلي عليه
اريج:أي خليكي هيك لك ياجدبة مابيكفي روحتي من ايدك عاصم كم مرة خطبك لك وحتى هلق بعد ماخطب لساتو بيحبك
اسيل:لك والله عاصم شب كل البنات بتتمناه بس أنا مافيي يادكتوري يا ماحدا
اريج:أي حدك ستين جهنم أساسا القط مابيحب غير خناقو
اسيل:خرسي ااااه شتقتلو صرلي يومين ماشفتو
اريج:ياااي وياريتو معبرك
اسيل:لك تضربي انتي ولي بتحكيلك شئ أي
اريج:أي تفضلي ها ليكو حبيب القلب عم يصف سيارتو
اسيل:امشي أمشي احسن ماندخل بعدو ويعصب علينا
دخلو على المدرج وبعد شوي دخل عمر
كان عم يشرحلن المحاضرة واسيل سرحانة فيه بس ما كانت تخلي حدا يشتلق عليها يعني بتسرق النظرات عليه كل شوي
خلص عمر وطلع
دق دق دق
عمر:اهلين بالدكتور أسعد والله وينك يازلمة صرلك أسبوع مو مبين
اسعد:اهلين فيك والله بتعرف انت عريس شو بدي أجي اعمل بوجوهكن
عمر:هههه سيدي الله يهنيك
اسعد:على قبالك
عمر:لا لا الله لا يقدر
أسعد:لك عمر يعني مو كل اصابيعك متل بعضن وصرلك أكتر من سنة ع هل حالة أنت لازم تكون بيت واسرة لك يازلمة شو ناطر ليصير عمرك40 وماتعود ولا وحدة بترضى فيك
عمر:أي ورجاءا لا تذكرني فيها لك هي وحدة حقيرة قال شو وقت انقلعت باعتلي رسالة أنت ما في منك وسامحني بس أنا مابحبك وأهلي غصبوني عليك لك أنت متخيل الكم الهائل من الحقارة ضلينا سنة مخطوبين ماحلالها تكتشف أنها مابتحبني غير قبل العرس بأسبوع
اسعد:لك تسطفل حدها مئة جهنم هلق انت ليش أخدت هل موقف الرهيب من النسوان والله مامعك حق
عمر:أخي أنا هيك مبسوط ومرتاح وعايش ملك زماني
اسعد:أي تسطفل ياه
دق دق دق
عمر:تفضل
اسيل:مرحبا دكتور
عمر:اهلين تفضلي
اسيل:دكتور منشان البحث إلي طلبتو منا أنا عملتو ازا بتحب تشوفو
عمر:لا بس الكل بيخلصو ويقدمو قدميه مع رفقاتك
اسيل:حاضر عن ازنك
عمر:ازنك معك
اسعد:لك مو انتي اسيل*****
اسيل:أي أنا
اسعد:لك كيفو أدهم شو اخبارو أنا رفيقو اسعد****** ماتذكرتيني آخر مرة شفتك كنتي صف تاسع
اسيل:أي آي تذكرتك حضرتك دكتور هون
اسعد:أي بس مابداوم كتير لانه عندي دوام تاني بغير جامعة أي كيفو أدهم
اسيل"الحمد لله تمام
اسعد:ماتجوز
اسيل:أي صرلو سنة تقريبا
كان عم يسمع بصمت ومو عاطي ولا أي ردة فعل
اسعد:عطيني رقمو
اسيل:حاضر سجل عندك***********09
اسعد:يسلمو
اسيل:الله يسلمك عن ازنك
طلعت أسيل
عمر:شو ياه من وين بتعرفها
اسعد:مو سمعت كلشي بادنك أخوها كان رفيقي.هيا طالبة عندك
عمر:أي مااشبها شئ شاطرة وزكية ومؤدبة
اسعد:أي فعلا هيا هيك وحلووووة كمان
عمر:لك عيب عليك أخت رفيقك وبعدين حضرتك مو متجوز
اسعد:خرسنا
اريج:شوو ماقلك بحبك
اسيل:أريج كرمال الله مو ناقصة مسخرتك
أريج:خلص خلص تعي لناكلنا لقمة لعما رح موت من جوعي
اسيل:أمشي
قعدو بالكافتريا
وطلبو سندويشات
قعدو ياكلو
عاصم:صحتين يا صبايا
اريج:اهلين عاصم تفضل
عاصم:كيفكن
اسيل:الحمد لله كيفك أنت
عاصم بنظرات كلها حب
عاصم:الحمد لله انتي كيفك
اسيل:الحمد لله تمام
اريج:تفضل اقعد
عاصم:لا والله بس شفتكن حبيت سلم عليكن عن ازنكن
أريج:الله معك
اسيل:طيبن هل سندويشات
اريج:لك بربي أنك مابتفهمي مو حرام عليكي الشب رح يموت عليكي وانتي ولانك هون
اسيل:أي حاجتك بقا شو بدك ياني اعملو يعني خلص هو خاطب الله يسعدو مع خطيبتو لعما
اريج:يعدمني يا كي
اسيل:لك ايمت بدو يجي خطيبك وتتجوزي وأخلص منك
أريج:بالله شو ست أسيل بس ماني قاعدة على قلبك اطمني لسا مو مبينة
اسيل:حسبي الله ونعم الوكيل
خلصو أكل وحضرو باقي المحاضرات ورجعو كل وحدة على بيتها
اسيل:سوسو وينك أنا اجيت
سارة:اهلين اسول أنا بالمطبخ
اسيل:يميييي هي ملوخية
سارة:ههههه أي
اسيل:لك الله يخليلي ياكي يااحلا مرت أخ وأخت بالدنيا
سارة:كلهلشي منشان الملوخية يا مصلحجية
اسيل:ههههه الله يسامحك مااجه أخي
سارة:لا بس هلق ماتقولي إلا إجه روحي بدلي وغسلي وتعي
اسيل:ماشي
دخلت أسيل على غرفتها بدلت تيابها و قعدت ع التخت
اسيل:لك ااه ايمت بدو يحس فيني ياااااربي دخيلك حنن قلبو علي
وصل على بيتو وبلش يطبخ
عمر:أي وبعدين لك عمر والله كلام أسعد مزبوط يعني أنا لاايمت بدي ضل هيك وبلكي قررت ارتبط بوحدة وطلعت متل هديك الكلبة
اتنهد وكمل طبخ
مجتمعين ع السفرة
ادهم:يسلم دياتك حبيبتي الاكل بيجنن
سارة:صحة حبيبي
اسيل:لك شو بيجنن مابيجنن بيشللل
سارة:هههه صحة ياالبي
اسيل:على قلوبك أي أخي قبل ماانسا
ادهم:شو قولي
اسيل:اليوم بالجامعة شفت دكتور وصار يحكي معي
أدهم:نعم🤨
اسيل:طول بالك لاترفع حواجبك ولا تتزلن قال كان رفيقك وبيعرفني كمان قلي آخر مرة شفتك كنتي صف تاسع وبعدين متجوز شفت بايدو محبس المهم اسمو اسعد***** أي وطلب مني رقمك وعطيتو ياه
أدهم:ايييي ع الزمن لك كنا أنا وياه من الروح للروح بس سافر هو واهلو ومابقى عرفت عنو شي سبحان الله
شبعو وضبت اسيل السفرة وبلشت تجلي
سارة:لك أسيل مين طلب منك أنك تجلي
اسيل:ماحدا المنيحة مابدها سوال
سارة:يسلملي المزوق أنا
خلصت الجلي ودخلت على غرفتها
قاعد بغرفتو على اللابتوب سكرو ومسك سيجارة وصار يدخن
&يتذكر&
عمر"لك أنا شو عامل بحياتي لاالله يبعتلي هيك قمر بحياتي
أمل:هههه خلص حبيبي
عمر:الله لا يفرقنا
امل:مابيرفقنا غير الموت
عمر:هه الله يلعنك وحدة واطية دمرتيلي حياتي بسببك صرت معقد من النسوان
قاعدة بغرفتها
عم تتصفح بالموبايل بصفحتو ع الفيس
اسيل:ايييي ليش مو منزل صور لاالو كلها عبارات عن الدراسة اف ياه
سكتت شوي
أسيل:جاي على بالي اسمع صوتو بس بشوي بدي اتحجج مو ناقصني يبهدلني اممممم فكري يااسولة فكري أي آي لقيتها بطلب منو انو يعطيني دروس تقوية لمادتو لأني ضعيفة فيها أي آي والله فكرة حلوة وازا وافق بصير كل يوم بشوفو بس مو أنا إلي لازم أحكي معو رح خلي أدهم يحاكيه
طلعت لعند أدهم كان هو وسارة قاعدين بالصالون
اسيل:أدهم
ادهم:نعم
اسيل:بصراحة أنا ضعيفة كتير بمادة عندي بالجامعة ومابعرف ازا دكتور هل جامعة بيقبل يعطيني دروس منشان أقوى شوي فيها ممكن تحكيلي معو
ادهم:طبعا بحكيلك معو أي شئ بيفيدك بدراستك أنا بعملو
اسيل:يخليلي ياك
ادهم:ع التليفون مابيمشي الحال أنا بكرى بنزل معك ع الجامعة منو بدفعلك الرسوم ومنو بحكي معو
اسيل:لك الله مايحرمني منك
ادهم:هيك ع الناشف
اسيل:قربت وباستو
ادهم:أي هلق صار فيني قول ولا منك
سارة:ههههه الله يخليكون لبعض
اسيل:ويخليلنا ياكي سوسو يالله عن ازنكن
سارة:قعدي شربي شاي معنا
اسيل:لا مابدي ازعجكون😉
ادهم:يالله وليه من هون فصعونة
اسيل:وبلكي مااقتنع أساسا من غبائي مادتو اكتر مادة شاطرة فيها أنا يييي معليش بدي دروس للتقوية
عمر:اففف وبعدين مع هل ملل هاد شو بدي اعمل طقت روحي مابشعها الوحدة والله وشكلك يا دكتور بدك تقضي عمرك فيها
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
إرسال تعليق