ثم لم يبقى احد بقلم الكاتب إسماعيل موسي حصريه وجديده وكامله جميع الفصول على مدونة النجم المتوهج

 ثم لم يبقى احد بقلم الكاتب إسماعيل موسي حصريه وجديده وكامله جميع الفصول على مدونة النجم المتوهج 

ثم لم يبقى احد بقلم الكاتب إسماعيل موسي حصريه وجديده وكامله جميع الفصول على مدونة النجم المتوهج 

لما بنتى صرخت فى نص الليل، مفكرتش اقوم ابص عليها.

عندى اربع بنات صغيرين.

 مش بيبطلو خناق وضرب فى بعضهم  ،كنت متأكد انها هتخبط على الباب وتشتكى من آيه او زهره او رحيق لأنى عرفت صوت بتول، بس الصرخه دى كانت غريبه شويه، إلى انا حافظه ان بعد الصرخه بيكون فيه عياط وصريخ، لكن دى كانت صرخه وحيده بعدها قفلت

مراتى قالت قوم شوف فيه ايه؟

استنيت دقيقه ولما بتول اتأخرت خرجت ابص عليها اشوف 

حصل معاها إيه.

الصاله كانت خاليه، أخواتها البنات إلى سبتهم بيلعبو دخلو غرفتهم ونامو  فقط بتول واقفه قدام الحمام فى ثبات

استغربت اوى وقربت من بتول اسألها فيه إيه ؟

بتول استدارت ناحيتى وهى مبتسمه ومشيت على غرفتها فى طريقه عسكريه.

قلت بتول على فكره الهزار دا مش حلو وانا هعقابك عليه لكن الصبح مش دلوقتى

_بتول دخلت غرفتها وقفلت الباب فى وشى

وانا راجع غرفتى فكرت ،بتول دايما بتحب تتكلم معايا على الفاضية والمليانة ،ثم لو كان مقلب المفروض كانت ضحكت وعملت مهرجان ؟

منعت عقلى يفكر اكتر من كده ودى كانت أكبر غلطه ارتكبتها فى حياتى...

نمت لأنى كنت مهدود من الشغل طول النهار والمناهده معاهم

بتول  بنتى عندها سبع سنين ،ترتيبها  التالته بين أخواتها

ونمت فعلآ ،قمت على صوت المنبه الساعه سته الصبح اروح الشغل.

مديت ايدى اقفل المنبه، مراتى بالعادة بتصحى قبلى تحضر الفطار  لما فتحت عنيه لقيتها لسه نايمه جنبى

مش بس كده ، بتول بنتى كانت داخل الغرفه واقفه جنب السرير، متيبسه ذى امبارح وعنيها بتبص على امها

خير يا بتول يا بنتى انتى ايه إلى جابك هنا ؟

وليه مش فى غرفتك مع اخواتك ؟

بتول قالت، انت قلت انك هتعاقبنى الصبح فأنا دخلت عندك عشان تعاقبنى.

انبسطت اوى من طاعة بتول وادبها إلى عمره ما حصل قبل كده وهزيت مراتى عشان تفوق تشوف بنتها القمر عملت ايه

لكن مراتى متحركتش من مكانها، هزتها اكتر وانا بنادى باسمها

مراتى هس ولا حركه ، بطريقه لا اراديه مسكت دراع مراتى مكنش فيه نبض، سحر ماتت.. سحر ماتت

البنات خرجو من غرفتهم مفزوعين وبتول فضلت واقفه فى مكانها من غير حركه او صوت. 

 مسكت التليفون وطلبت الإسعاف كنت عايز أنقذها مراتى بأي شكل لكن للأسف

مراتى ماتت من وقت طويل، ماتت الساعه واحده الفجر

ذى ما الطب الشرعى قال، ماتت بسكنه قلبيه ،الدكتور قال إنها شافت حاجه او تعرضت لموقف صعب جدا جاب أجلها

قعدت اقسم واحلف انها كانت نايمه لا شافت ولا اتكلمت

لكن الطبيب الشرعى كان مصر على كلامه، سكته قلبيه

قلت طيب والخربشه إلى جسمها كله ؟ والمكان المزرق فى رقبتها ذى ماتكون اتخنقت ؟

#ثم_لم_يبقى_احد

         

                        الثانيه 

طيب يا دكتور والخدوش إلى على جسمها ؟ الزرقه إلى فى رقبتها ايه سببها ؟ الطبيب الشرعى قال انا قلت إلى عندى مفيش أثر لأى اعتداء او شبهة جريمة قتل من حقلك تفرح يا استاذ صابر لأنك كنت هتبقى المشتبه الوحيد فى الحادثه.

كنت عارف ان مفيش جريمه انا كنت نايم جبنبها طول الليل

بس الخدوش والجروح إلى على جسمها كان أول مره اشوفها. 

دفنا مراتى وانا فى حاله صعبه جدا ،سابتلى اربع بنات صغيرين محتاجين متابعه  اكل ،شرب، غسيل، طبخ

ورغم انى بذلت كل جهدى فشلت معاهم ،بتول من يوم الحاله عايشه فى جانب مع نفسها، بتتكلم بالعافيه وعلى طول شارده ولما اتكلم معاها نادر لما ترد.

واخدت أخطر قرار فى عمرى انى اتجوز واحده تاخد بالها منهم ،جبت البنات وشرحت ليهم الظروف وان ماما ماتت

ولازم اجيب واحده ترعيهم، وحطيت قدامهم اكتر من اقتراح

اخت مراتى المطلقه ،وأحده من بنات عمتها، كنت عايز اشاركهم فى الأمر لكن فى كل مره توافق واحده ،التانيه ترفض، وطبعا بتول رفضت تقول رأيها القعده خلصت من غير نتيجه ومر اسبوع تانى شوفت فيه الويل.

لحد ما فى مره جارتى مطلقه خبطت تسأل عن بناتى وكانت جايبه معاها اكل، اتحرجت منها وسمحت ليه تدخل تقعد مع البنات ،دخلت المطبخ اعمل شاى وببص فجأه لقيت بتول واقفه ورايا نفس الوقفه يوم ما دخلت غرفتنا، يوم وفاة والدتها، بتول قالت كلمه واحدة اتجوز دى وسابتنى ومشيت

قلت فى بالى كلام اطفال، مستحيل أخواتها إلى موفقوش على خالتهم وعماتهم هيرضو بواحدة غريبه ،عملت الشاى وقدمته للست ،البنات كانو قاعدين هادين على غير العاده

فرحت لأنهم توقفو عن الشغب فى وجود شخص غريب

قعدت ساكت، بتول بصتلى ورفعت حاجبها بطريقه غريبه

وقالت اتكلم قعدت اغمزلها بعينى عشان تفهم ومتحرجنيش لكن نفس البصه ونفس الطريقه اتكلم اتكلم اتكلم تحس انها اسطوانه وعلقت عند كوبليه بتكرره بأستمرار.

طبعا مفتحتش بقى والست اخدت قعدتها ومشيت

جبت بتول بالعافيه قدامى وقعدت اشرحلها ان إلى حصل دا غلط وميصحش وبعدين اخواتك استحاله يوافقو على وأحده غريبه تعيش معاهم وناديت على البنات وسألتهم اية رأيكم فى فلانه ؟

قالو لا طبعا مش عايزينها ،بتول وشها اتغير ودخلت غرفتها.

تانى يوم رجعت من الشغل لقيت البنات متجمعين فى الصاله

البيت كان هادى بطريقه غريبه، اول ما دخلت قالو بابا احنا عايزين نتكلم معاك فى موضوع، قولت خير ان شاء الله وقعدت ؟

قالو بصوت واحد معادا بتول طبعا ،إحنا عايزينك تتجوز جارتنا لأنها ست كويسه وهتعتنى بينا

قلت بلاش هزار انتو لسه امبارح رافضين الفكره دى

لكن تفاجأت بأصرارهم عايزين دى عايزين دى ارجوك وبنتى الصغيره عيطت

قلت تمام ادونى وقت افكر واشوف افاتح الست إزاى

بنتى الصغيره عيطت وعرفت انها عايزه تغير

اخدتها الحمام اغيرلها واتصدمت ،فيه خدوش على جسمها

خدوش جديده والبنت عملاها على نفسها

برضو يا زهره ؟  انتى كبرتى على الحجات دى، زهره قعدت تعيط واضطريت اصالحها ،زهره ؟ مين الى ضربك وعمل فيكى الخدوش دى اخواتك صح ؟

زهره قالت معرفش يا بابا

#ثم_لم_يبقى_احد 

                              ٣

استغربت موقف بناتى زهره ورحيق وحنين ،رفضهم التام وبعد كده موافقتهم الفجأئيه ،فكرت انهم اتفقو يعملو كده عشان مزعلش، وجوايا مكنتش ممكن اعمل حاجه تدايقهم

دول أمانة سابتها والدتهم فى رقبتى ،لكن بمضى اسبوع اكتشفت استحالة انى اقدر اواصل ،مش بس عشان تعب البنات وصداعهم لا، الخدوش إلى لاحظتها على جسمهم

وانا فى الشغل كان واضح ان البنات بيضربو بعض بعنف

اصل مش معقول كل جسمهم فيه خدوش معادا بتول ؟

اتكلمت من جارتى وشرحت ليها ظروفى كلها ،وأن بناتى اهم حاجه فى حياتى ولو اتجوزنا مش هسامح لو مدت ايديها عليهم ،الست كانت متفهمه وقالت كمان ان عندها شقه لو اتجوزنا ممكن نبيع شقتها ونحطها فى البنك وديعه تساعد فى المصاريف، كانت متعاونه جدا ودا شيء حبيته

ممعلمناش فرح ،المأذون كتب الكتاب بين أهل العماره وحور دخلت شقتنا..

بتول كانت فرحانه جدا ،باقى البنات كان فيه ترقب حذر

إلى هو منتظرين حور هتتعامل معاهم إزاى ،ومر اسبوع وانا بسأل كل بنت لوحدها، حور ضربتك ؟ زعقت فيكى ؟

وكان الرد لا، بتعاملنا كويس، اطمنت وقلت الحمد لله..

بعد اسبوع الشقه كلها اتغيرت، البنات كانو عايشين فى صمت لاحظت انهم بطلو يلعبو ويهزرو ويضحكو

حتى الخناقات بتاعتهم مع بعضهم والجرى ورا بعض وقفت خالص، سألت حور عنهم قالت كله تمام

وكنت بسأل نفسى دايما، اشمعنا حور الوحيده إلى مبتسمه ؟وباقى أخواتها واضح انهم زعلانين؟

استنيت حور تنزل وجبت البنات لكن بعيد عن بتول داخل غرفتى وسألتهم ان كان فيه حاجه بتحصل فى غيابى ؟

سكتو مده طويله وبعدها بصو لبعض وقالو لا

بس انا ابوهم حافظهم كنت عارف انهم مخبيين حاجه عليه

كلمتهم بلطف ،متخفوش انا ابوكم ،إى حاجه بتأذيكم هقضى عليها ،فجأه كلهم بصو ناحية باب الاوضه  المقفول

سألتهم فيه ايه ؟

محدش رد

مشيت فتحت باب الاوضه لقيت بتول واقفه هناك بتبص على الباب من بره

سألتنى سبتنى ليه وحدى واخدتهم عندك ؟

عيون بناتى كانت بتبص على بتول بطريقه غريبه كأنها مش اختهم، لومت نفسى لأنى عملت كده ،اخدت بتول فى حضنى واعتذرتلها وسبتهم يخروجو من الغرفه وهما ماشين لاحظت ان زهره بتعرج على رجلها

قلت زهره استنى تعالى هنا ؟

رجلك مالها ؟

متعوره يا بابا

طيب وايه الجرح إلى فى ايدك ده ؟

بصت زهره على بتول اتعورت وانا ماسكه السكينه يا بابا

قلت ازاى حور تسمح ليكى تمسكى السكين لم ترجع هتتكلم معاها..

نفس الليله واحنا نايمين زهره صرخت، قمت مفزوع جريت على غرفتها، أخواتها قامو كمان على الصراخ

مالك يا زهره؟

خايفه يا بابا، خايفه اوى ممكن انام معاك؟

بصيت على حور إلى واقفه على الباب وقلت، انتى كبرتى يا زهره ميصحش كده ،خايفه يا بابا خايفه اوى ؟

اخدت زهره تنام معانا وكنت مطبق ورديتين بعد المغرب

حور اتصلت بيا خايفه مزعوره الحقنى

جريت على البيت ذى المجنون عايز اسابق التاكسى إلى انا راكب فيه

لقيت زهره نايمه على الأرض ميته، صرخت وصرخت

حضنتها وانا ببكى ،زهره قومى ،قومى يا حبيتى مش هسيبك تنامى لوحدك مره تانيه بس قومى ؟

انا بحبك اوى يا زهره روحى فيكى، قومى يا بنتى من فضلك

الدكتور وصل ومعرفش يحدد سبب للوفاه غير وفاه طبييعه

لكن سألنى وسط الكلام ان كانت زهره بتتعرض لاعتدأت جسديه او تعذيب ،قلت لا طبعا محصلش، قال طيب انصحك تهتم ببناتك اكتر ،الخدوش ماليه جسم البنت

ومثانتها مليانه ميه احتمال يكون شخص عاقبها ورفض تعمل حمام ،لكن الوفاه طبييعه

#ثم_لم_يبقى_احد

٤

مش قادر أصدق ان زهرة بنتى ماتت حتى وهى ملفوفه فى الكفن منتظر فى إى لحظه تقوم وتنادى عليه بابا بابا

دفنا زهره وانا فى حالة ذهول، مش قادر اتكلم ولا ابص فى عيون بناتى ،قاعد فى الصاله كئيب مكسور فاقد الإرادة

سعاد مراتى وبنتى زهره ماتو فى ظرف شهر ،كنت عارف انه مش وقت مناسب لكن وجع قلبي على زهره خلانى انفجر

جبت حور مراتى ،الطبيب الشرعى قال ان زهره منعت تدخل الحمام، انتى كنتى بتعاقبيها ؟

همست حور وهى بتبكى يعنى ماتت عشان كده ؟

قلت لا، لكن عايز اعرف الحقيقه نبرتى كانت غاضبه مش قادر اتمالك اعصابى.

حور بصت على غرفة الأطفال إلى كانت مقفولة والأطفال قاعدين فيها ، كنت حاسس انها عايزه تقول حاجه

لكن باب الغرفه انفتح وخرجت منه حنين  ورحيق ووراهم بتول ماشين فى صف واحد..

همست حور وهى بتبص على الأرض ،الأطفال لما تلعب بتنسى نفسها، انا مليش ذنب وتقدر تسأل بناتك هيقولو الحقيقه.

بس انا مكنتش مدرك الوضع، بناتى مفيش فى ملامحهم إى رد فعل، كأنهم مفقدوش اختهم من كام ساعه، قلت هما مجرد اطفال واكيد مش عارفين ايه إلى بيحصل.

وقفت بناتى قدامى وحور موجوده ،كنت عارف انه موقف بايخ جدا بس كنت عايز ضميرى وعقلى ويرتاح قبل ما اتجنن

قلت ،مش عايزكم تخافو ،قولو الحقيقه ،خالتكم حور

كانت بتعاقب زهره ؟ بتضربها ؟

البنات بصو على بعض وفى الاخير النظره وصلت بتول

وقالو فى صوت واحد لا يا بابا محصلش

رحيق بعدها قالت هى زهره خلاص مشيت يا بابا ؟

مش هترجع تانى ؟

شديت رحيق لحضنى وقعدت اعيط ،اختكم راحت عند امها هتعتنى بيها متقلوقوش

حنين  من غير مقدمات قال، واحنا كمان هنروح عندها

صرخت بعد الشر عليكم ،انا ابوكم موجود هنا عشانكم

رحيق بكت ،حنين  عيطت وبتول رفعت حاجبها وهى بتبص على حور مراتى بوجه غاضب.

طلبت من حور مراتى تدخل غرفتها بسرعه، حور ما صدقت كأنها بتهرب

قربت من بتول كان نفسى امسك اى خيط، انتى كنتى بتبصى لخالتك حور بغيظ هى زعلتك فى حاجه ؟

شفتيها بتضرب زهره مثلآ ؟

بتول قالت لا مشفتش حاجه ،خالتى حور مطيعه جدا

احنا مبسوطين منها كلنا..

قعدت النهار بطوله فى البيت مش قادر اخرج ولا اروح الشغل

مكنتش طايق نفسى او حور مراتى جوايا كنت بتهمها انها سبب موت بنتى، اصل مش معقول تموت كده من غير سبب

يوم ما ماتت وانا رايح الشغل واخدها فى حضنى ،ضميتها اوى وبوست خدودها ودماغها ،اه يازهره والدك بيموت من بعدك..

قعدت اولع سجاير فى الشرفه لحد ما نص الليل عدى

مراتى حور طلعت من غرفتها وسألتنى مش هتنام ؟

قلت لا مش هنام.

والوقت خدنى تقريبآ الساعه بالليل وأحده  من البنات صرخت، جريت على غرفتهم ،فتحت الباب وولعت النور

لقيت رحيق قاعده فوق السرير مرعوبه  حاضنه ركبها بين إيديها.

مالك يا حبيبتى بتصرخى ليه ؟

قعدت جنب رحيق ،جسمها كله كان بيرتعش، قربتها منى وقعدت اطبطب عليها مالك يا روحى؟

__خايفه يا بابا، خايفه اوى

ايه إلى حصل ؟ حلم مزعج ؟ كابوس ؟ شفتى حاجه خوفتك ؟

بابا ؟ همست رحيق واترمت فى حضنى وقعدت تعيط

قلت _زعلانه على اختك صح؟

رحيق وشها غرق فى حضنى من الدموع، انا بخاف يابابا من الحمام، بخاف الباب يتقفل عليه من بره

قلت مين بيقفل الحمام من بره يا رحيق ؟

اخواتك صح ؟

رفعت رحيق وشها ،انا بحبك اوى يا بابا وكنت بحب ماما اوى

ماما كانت حلوة.

وخالتك حور مش حلوة صح ؟ الشك كان لسه بيلعب جوايا

كنت عايز اى اجابه، بتضربك ؟ بتحبسك ؟

قولى متخفيش

#ثم_لم_يبقى_احد

الخامسه 

اخدت رحيق فى حضنى ،البنات صحيو من النوم

حنين مزعوره وبتول فى عنيها نظرة غريبة ،شفت الاحمرار فى عيون بتول وحزنت ،انتى كمان كنتى بتعيطى على اختك يا بتول ؟

ها يا رحيق قولى حد مزعلك فى حاجه ؟مفيش يابابا مفيش

وقعدت تعيط فى حضنى ،خليك نايم معانا النهرده بلاش تسبنا وحدنا.

قلت حاضر هنام معاكم مش هتحرك من هنا، انا مليش غيركم

نمت جنب رحيق وطفيت النور بس نايم صاحى مش قادر اغمض عنيه، سمعت خطوات حور مراتى رايحه الحمام وراجعه على غرفتها، وبعد نص ساعه خطوات حور تانى ورجعت غرفتها كل دا وانا مش قادر انام

لكن المره التالته مقدرتش استحمل لما سمعت خطوات حور خرجت من الغرفه اسأل ان كان فيه حاجه

الصاله كانت فاضيه مشفتش حاجه ونور الحمام والمطبخ كان فاضى

قلت امال مين الى كان بيمشى فى الصاله ؟

فتحت باب غرفة النوم لقيت حور مراتى نايمه فى سابع نومه

قلت لا بقا انت كده دماغك بتروح منك، قفلت الباب بشويش

ورجعت غرفة الأطفال ويدوبك فردت طولى وسمعت صوت جامد فى المطبخ صوت حاجه بتتكسر.

قمت مفزوع ولعت النور متوقع اشوف حور او قطه او اى حاجه المطبخ كان فاضى الأطباق كلها متكسرة

وانا واقف فى المطبخ حور خرجت من غرفتها، شافتنى مستغرب ومصدوم

اول ما شوفتها قلت الأطباق كلها اتكسرت من غير سبب

البنات نايمين فى غرفتهم. حور قربت منى ذى إلى هيقول حاجه ،باب غرفة البنات انفتح،خرجت منه بتول رايحه الحمام ،لا سألت فيه ايه ؟ او بتعملو ايه ؟

مجرد انها بصت علينا وكملت طريقها عادى…

كملت نوم فى غرفة البنات ودماغى عماله تودى وتجيب

رحيق غرقانه فى حضنى وحنين بعد شويه جات نامت وسطينا.

الصبح صحيت من النوم الساعه سته، حور مش ذى المرحوم مراتى سعاد، حور بتصحى متأخر وانا مش برضى ازعجها

كفايه عليها شغل البيت ودوشة البنات

فتحت الباب ولسه بفوق، لقيت بتول واقف قدام الباب بتبحلق فى الشباك إلى باصص على الشارع

بصيت فى الساعه اتأكد لتكون راحت عليه نومه، الساعه كانت سته الصبح.

بتول حبيبتى مالك ؟

ليه صاحيه بدرى وبتعملى ايه عندك ؟

ولأول مره من يوم وفاة سعاد مراتى بتول بنتى تبتسم

بابا انا مقدرتش انام الليل كله _

ليه يا روح بابا جرى ايه؟ انا كنت نايم فى غرفتكم ومفيش حاجه حصلت

الصوت يا بابا، الصوت المزعج إلى جاى من الشارع مخلنيش اعرف انام

ممكن يا بابا تطلب منه يمشى بعيد عن هنا؟

قلت وانا مش فاهم حاجه، تقصدى مين يا بنتى؟

همست بتول بنبره بعشقها، الراجل البياع تحت شقتنا فى الشارع مش بيبطل زن الليل كله وانا مش بقدر انام من الدوشه.

بياع ؟ تحت شقتنا ؟

يابنتى انا مسمعتش حاجه ومفيش بياع قاعد تحت العماره؟

لا فيه همست بتول بنبره ثابته

قلت حاضر وانا نازل هشوف الموضوع ده، كنت فرحان ان بتول نطقت واتكلمت اخيرآ

نزلت الشارع وفعلا لقيت راجل فارش الرصيف بيبيع كتب قديمه ،لكن الراجل كان قاعد ساكت مهموم مش مطلع إى صوت خالص، كان واضح ان هموم الدنيا ومشاكلها مأثره عليه جامد ،رميت السلام والراجل رد بالعافيه مقدرتش اقوله يمشى لأنه صعب عليه وبعدين معملش حاجه غلط.

روحت الشغل وانا حاسس ببادرة آمل ،ولما خلصت رجعت على البيت بسرعه وانا معدى رميت السلام على الراجل وطلعت شقتى

فتحت الباب ودهشت، حور قاعده على الكنبه، البنات كل واحده فيهم قاعده على كرسى فى صمت

قلت بتول انا جبتلك الحجات إلى بتحبيها، وطلعت شيكولاته واندومى وحلويات

بتول بصتلى بصه صعبه اوى ،ذى ما يكون واحد عدوك بيبصلك بغضب وحقد

البنت مردتش ومشيت على غرفتها وانا مستغرب

مخدتش بالى ان رحيق بتعيط ولما بتول اختفت صوت رحيق طلع ،صوت يقطع القلب

جريت على رحيق وانا مذعور وخايف ،فيه ايه يا بنتى مالك؟

رحيق بصت على حور مراتى بخوف وقالت مفيش حاجه يا بابا مفيش انا تعبانه اوى

حاسه بوجع ؟ اوديكى لدكتور طيب ؟

خبطه طلعت من غرفة البنات ،خبطه عنيفه كأن بتول بتضرب حاجه بقوة جوه الغرفه

رحيق جسمها ارتعش اوى كأنها فى نوبة صرع فضلت حاضنها لحد ما هديت وغرقت قميصى بالدموع

انا هبقى كويسه يا بابا مش هروح لدكتور، خلى بالك من نفسك يا بابا انا بحبك اوى اوى ومش عايزه يحصلك حاجه.

قلت متخفيش هيحصلى ايه يعنى ؟

هيحصلك ذى الى حصل لماما يا بابا

يابنتى الاعمار بيد الله سبحانه وتعالى مفيش حاجه هتحصل غير بارادته

الضرب ذاد فى غرفة بتول لدرجه مقدرتش اتحملها

إزاى بنت صغيره بتضرب بالطريقه دى ؟

بتول إلى بتعمليه دا غلط صرخت وانا بفتح الباب بانفعال

مش مدرك للى حصل ،لكن بتول كانت قاعده على السرير وباب خزانة الملابس بيتقفل بقوة

المسافه بين بتول وضلفة الباب بتقول استحاله بتول تقدر تعمل كده وترجع مكانها إلا لو كانت صاحبة قدرات خارقه

وقفت مبلم

بتول انتى الى عملتى كده ؟ سألت رغمآ عنى

بتول إبتسمت لكن المره دى ابتسامه صعبه مريضه عنيفه ساخرة ،معملتش حاجه.

لما لفيت اخرج من الغرفه لقيت البنات ورايا رحيق وحنين

حور فضلت قاعده فى الصاله ساكته

حبيت اطمن البنات لكن صوت بتول وصل من ورايا بنبره محذرة 

قلتلك خليه يمشى من تحت العماره

#ثم_لم_يبقى_احد

                       السابعه 

           قبل الأخيرة

دخل شقته وهو يحمل رحيق بين يديه لم يصرخ لم يشتم فرحيق تلفظ انفاسها الاخيره والعقاب سيحدث 

أمام عينَي والدها، كانت رحيق الصغيرة تستلقي على صدره، جسدها الهزيل يرتجف بين يديه كزهرة ضعيفة أمام الريح.

 كان قلبه ينبض بسرعة، يحاول أن يملأ كل ثانية بحبٍ ودفء، لكن الزمن كان أقوى.

نظر إليها، عينيها نصف مغلقتين، شفاهها الصغيرة تتحرك كأنها تحاول أن تقول شيئًا لم يُسمع.

قبض على يدها الناعمة بين يديه، يضغطها بلطف كما لو كان يحاول أن يرسل لها كل ما لم يستطع قوله طوال حياتها القصيرة: “أنا هنا… أنا معك… كل شيء سيكون على ما يرام.” صوت أنفاسها أصبح متقطعًا، ثم خفت تدريجيًا، وأحس والدها كأن جزءًا منه يغادر معه.

الدموع انهمرت على وجنتيه دون تحكم، لكنه لم يتحرك، لم يتركها، ظل يحضنها ويهمس باسمها، وكأن هذه الهمسات وحدها يمكن أن تُبقيها على قيد الحياة.

 وعندما أغمضت عينيها نهائيًا، شعر كأن العالم كله توقف للحظة، كأن كل شيء من حوله أصبح صامتًا، وكان هناك فقط هذا الصمت المريع، ودفء حضنها الذي لن يعود.

وقفت حور مراته مذهوله عنيها بتخر دموع ،حنين التصقت به كأنها هى التى ماتت ،بتول اكتفت بالمراقبه من بعيد

قالتلى انها هتمشى ،هتروح عند والدتها صرخ بحزن مكتوم

كانت عارفه انها هتموت، ثم رفع وجهه ولمح طيف حور مراته إلى بتكبى مقدرش يمسك نفسه

ترك رحيق على الأرض ونهض، بتكبى يا بنت الكل_ب

امسك حور من شعرها، كنتى بتعذيبها ؟

بنت صغيره بتحبيسها فى الحمام وتلسعيها بالنار ؟

دى مجرد طفله عملتلك ايه ؟ لم يتوقف عن ضرب حور التى كانت تقسم انها ما فعلت شيء.

الشرطه هتتصرف معاكى انت طالق وبالتلاته يا حور

امام الشرطه اتهم حور بقتل ابنته مع سبق الاصرار والترصد

طالب ان تعدم ان تشنق ،لكن النيابه كان لها رأى أخر

الطب الشرعى اثبت ان الوفاه لا علاقه لها التعذيب بل قصور فى أداء الوظائف الاساسيه ،رغم ذلك حكم على حور بتهمة التعذيب بعد أن وجدت بصماتها على جسد رحيق وفى كى ذلك كانت حور تقسم انها لم تفعل شىء.

وقد كان له هموم أخرى ،صمت حنين وغرابة بتول، حنين إلى كانت بتلتصق بيه فى كل مكان داخل الشقه

رفضت انها تنام فى غرفتها او مع بتول وبعد الصدمات دى كلها قرر يسيب الشغل وينتبه لبناته ،كان محمل نفسه سبب موت رحيق وزهره من قبلها

ذنب مقدرش يتعايش معاه بسهول ،ذنب انهكه من الداخل وافقده الوعى مؤقتا مخلهش يلحظ ان حنين كمان رغم انه موجود فى الشقه على طول ومش بينزل غير لما يجيب اكل

فى خدوش فى جسمها وبتخاف من الضلمه، لأن بتول كانت شغلاة اكتر كان حاسس ان الصدمه النفسيه التى تعرضت ليها مأثره على سلوكها وقرر يعرضها على طبيب نفسى قبل ما تضيع هى كمان،.

رفضت بتول ترد على أسألة الطبيب النفسى رغم محاولاته الكتيره

الدكتور قال ان بتول محتاجة جلسات او مستشفى نفسى

وكان هيكتب التحويل لكن حنين صرخة فى الاستقبال واضطر الراجل يسيب بتول مع الدكتور فى غرفة الكشف

ولما رجع الدكتور غير رأيه

قال ان بتول مش محتاجه جلسات او مستشفى وان إلى بتمر بيه امر شائع هتتحسن منه مع الوقت.

وهما راجعين الشقه بتول وقفة على السلم تبص على الراجل إلى فارش الرصيف تحت العماره بيبيع كتب

نظره والدها اخد باله منها كويس لأنها مش نظرة طفل عاديه

نظرة حقد دفين وغضب

هو عملك حاجه؟

سألها والدها فى دهشه

بتول قالت ميقدرش يعملى حاجه ،ودى كانت تانى حاجه غريبه يلاحظها والدها.

طلعو الشقه ،ساب البنات وبسرعه نزل على الشارع

رمى السلام على الراجل وطلب يقعد معاه شويه

_همس بخجل بص يا شيخ الموضوع يبان غريب شويه

لكن بنتى بتول من مدة اشتكت انك بتعمل صوت مزعج

وانها مش بتقدر تنام من الصوت ده وانا متأكد انك مش بتعمل صوت ولا حاجه انت على طول صامت وفى حالك

الراجل رفع ايده وقال انا مش بعمل صوت والكلام إلى لسانى على طول بقراء قرأن فى سرى مش بعمل إى حاجه تانيه

صمت والد البنات مش قادر يعرف دا معناه ايه

طيب وانا طالع ببنتى انت قلت ربنا يجيرك فى مصيبتك

إزاى عرفت انها هتموت ؟

بصى يا ابنى انا راجل كبير فى السن واعذرنى فى الكلام ده

لكن انت شفت الموت بيطوف حوالين شقتك من اول يوم وصلت هنا، من قبل ما بنتك تموت.

سبته وانا ماشى ،قلت فى سرى هو انت فاكر نفسك ولى من أولياء الصالحين ؟ انا غلطان انى نزلتك، ما انت عاصرت بنتى بتموت ومراتى بتموت فى ظرف شهر يعنى مش عايزه فكاكه

لكن شعور داخلى قالى رغم سخريتى منه انه راجل طيب

اول ما طلعت وفتحت باب الشقه  استقبتلنى بتول بنفس الوش، عملت ايه مع الراجل خلاص مشى؟

قلت وايه عرفك انى كنت مع الراجل؟

إبتسمت بتول، اصلك يابابا شفتنى ببص ليه بغل

فأنا فكرت انك اخيرا هتتخلص منه ويمشى من تحت العماره

من معرفتى ببتول مش ذكيه للدرجه دى

كمان حنين كانت لازقه فى الكنبه بطريقه غريبه وهى عماله تبص ليه.

خير يا حنين فيه ايه مالك؟

بصوت طفولى قالت حينن رجلى وجعانى يا بابا

رجلك ؟

جريت على حنين بسرعه وكشفت رجلها ،كان فيه جروح سطحيه ،ذى خربشه وفى اخر رجلها جرح عميق شويه

نفس الاصابات إلى كانت فى رحيق

حنين انتى عورتى نفسك بالسكينه ؟

بتول لعبت معاكى وعورتك ؟

قالت حنين لا بتول كانت فى غرفتها بتتكلم

              الثامنه والاخيره

تكرار المصائب يعلمك ما ينتظرك، حتى قبل أن تتدهور حالتها

عرف الرجل انه سيفقد حنين، نظرة عينيها، ومسكة يدها المرتعشه كأن الماضى يعيد نفسه.

ركض على المشفى دون انتظار حتى قبل أن تشتكى حنين

وعندما قال الأطباء انها سليمه وضمدو جراحها

صرخ كذب كل ذلك كذب.

بنتى إلى قبلها قلتو كده وماتت بين ايديا انا هدفع كل الفلوس المطلوبه وهخليها فى المستشفى، مش هخرجها

تحت الحاحه حجزت حنين فى المستشفى.

الراجل إلى فارش الرصيف ساب فرشته ،مسك سبحته وطلع على شقة الراجل، كان عارف انه خرج بس مكنش يعرف ان بتول جوه.

اول ما وضع ايده على باب الشقه شعر بالشر المقيم جواها

شر كبير جدا

تمتم الرجل اللهم احفظنا من كل سوء، الشقه مسكونه

أراد أن يفتح الباب ويطهر الشقه.

ثم شعر بوجوده وعرف انه لم يسمح له بالدخول او التطهير

عرف انه داخل الشقه، استحوز عليها وعرف ان كل المصائب من خلاله.

وقبل أن يفعل شيء سمع سرينة الشرطه إلى حضرت فجأه

تبحث عنه، الشرطه اخدت كتبه بعد بلاغ وصلها من تعطيله لحرم الشارع ولما نزل البوكس كان أخد كل كتبه ومشى.

قال الرجل الحمد لله ثم جلس على الرصيف مكان كتبه ينتظر عودة صاحب الشقه.

فى المشفى كان الأطباء مندهشين ،بعد ساعات من دخول حنين المشفى حالتها بدأت تسوء دون سبب واضح

نقلوها العنايه المركزه وبعد شويه فقدت الوعى لكن قلبها لازال يعمل ،انهار الراجل فى الاستراحه، شاف كل حياته بتدمر قدامه، بناته بيروحو وأحده ورا التانيه من غير سبب

مقدرش يستحمل حصله انهيار عصبى وهو كمان اتحجز فى المستشفى فاقد للوعى، بنته ماتت وهو لسه فى الغيبوبه وبعد يومين لما استعاد وعيه بلغوة بالخبر بنته ماتت ومحتفظين بيها فى تلاجة المستشفى ولازم يطلع تصريح دفن ويخرجها ،عمل كل حاجه وهو فى حالة ذهان، مفتكرش انه سايب بنت صغيره وحيده داخل الشقه من اكتر من يومين، الصدمه افقدته كل تركيزه ،على بال ما خلص اجرأت الدفن تذكر بتول.

قبل الدفنه راح على الشقه واخد بتول معاه، بتول إلى فضلت يومين بمفردها داخل الشقه وهى طفله محاولتش تخرج منها او تتصل بيه.

عند المقابر بتول وقفت بعيد وكان واضح انها منزعجه من الادعيه وصوت التلاوة والذكر لدرجة انها بعدت لمكان متسمعش فيه إى حاجه.

انتهت الدفنه، البيت إلى كان كبير وعامر بالضحك والشغب بقى فاضى ،الشقه كانت صامته ذى القبر

وفى كل ركن كان الموت بيحوم حواليهم ،والد بتول فضل اكتر من يوم مش قادر يخرج من غرفته، صدمه نفسيه وتعب جسدى حل بيه، ذكرياتة مع بناته كانت بتقتله كان هيجنن ان كل واحده فيهم كانت عارفه انها هتموت من قبل ما تموت

وهو مكنش قادر يعمل حاجة

ايه فايدته فى الحياه اذا كان مش قادر يساعد اطفالة ؟

ولا حاجه، بتول اشتكت من الجوع ولما نزل الراجل وقفه تحت العماره..

أستنى يا آبنى لحظه فى كلمتين عايز اقلك عليهم

البقيه فى حياتك وربنا يصبرك،

فين كتبك وفرشك ؟

الراجل قال متشغلش بالك الشرطه حضرت هنا واخدت كل حاجه ،فيه شخص قدم بلاغ فى القسم انى مستغل الشارع وبعطل الماره ،بس انا عايزك عشان حاجه تانيه.

بيتك يا بنى، شقتك، ساكن فيها شر كبير وهو إلى أذى مراتك وبناتك ولو ملحقتش نفسك هيأذيك انت كمان

رد والد بتول بحزن ،من فضلك انا مش ناقص، لو عايز قرشين اتفضل خد كل إلى فى جيبى وسبنى امشى

استغفر الله العظيم يا ولدى انا قلت انبهك ومن أكتر من يومين منتظرك هنا

لو مش مصدقنى جرب تشغل القرأن فى الشقه وانت هتشوف هيحصل ايه.

الراجل اختفى ووالد بتول اشترى الاكل ورجع الشقه

محدش كلام الراجل على محمل الجد، لكن فعلا من مده طويله مسعمش قرأن غير فى المقابر

مفيش قرأن فى الشقه وبعدين مين الى قدم بلاغ فى الراجل فى قسم الشرطه ؟

الراجل ده حتى لو كان فاكر نفسه طيب او شيخ لكنه فى حاله مش بيأذى إى شخص

سأل فى العماره جيرانه الاتنين مين قدم بلاغ

وعرف انه محدش منهم قدم بلاغ، الموضوع كبر فى دماغه وراح قسم الشرطه يسأل عن اسم مقدم البلاغ

من حسن حظه امين الشرطه إلى تلقى البلاغ كان موجود

وقال الاسم بتول سيد محمد احمد

بتول؟ دا اسم بنتى

لكنها طفله، انتو بتاخدو بلاغات من اطفال ؟

امين الشرطه قال ازاى ؟ الصوت إلى كان بيكلمنى كان كبير مش صوت طفله وانا متأكد من كده.

رجع البيت سأل بنته عن البلاغ ،بتول قالت إنها معلمتش حاجه لكن لما مسك تليفون البيت لقى اتصال طالع منه على قسم الشرطه، كمان العلامات بدأت تظهر على جسمه

نفس الجروح والخدوش إلى صابت بناته من غير تفكير

شغل القرأن فى قناة المجد وبعد دقيقه بداء يلاحظ إلى كان غايب عنه

بتول قعدت تعيط ،الجو داخل الشقه اصبح  بارد جدا

ريحة عفونه والاثاث تحرك مره وأحده

والد بتول قعد يقول استغفر الله العظيم ،أعوذ بالله من الشيطان الرجيم، كل ده وبتول بتصرخ وعنيها حمره لحد ما قفل القرأن لحظتها بتول بطلت تبكى.

نزل جرى على الشارع يدور على الراجل إلى كان فارس الرصيف رغم انه كان متأكد انه مش هيلاقية

قعد يلف فى الشوارع لحد ما لقيه قاعد على ناصية شارع وقدامه مجموعة كتب وسبح ومصافح

قعد جنبه من غير كلام وقعد يبكى، يبكى بحرقه ويشهق

انا عايز انتقم منه، إى ان كان إلى فى الشقه عايز احرقه وانتقم لبناتى ،انت لازم تساعدني

الراجل نصحه يشوف شيخ مشهور ،لكن والد بتول أصر ان الراجل ده هو الى يرجع معاه الشقه.

دخل الراجل الشقه وبص على بتول وهمس أعوذ بالله من الشيطان الرجيم

بداء يقراء قرأن وبعد دقايق الكيان ظهر على لسان بتول

عملت كل دا ليه يا ملعون؟

كانو اطفال مرتكبوش إى ذنب

بعد شويه الصوت قال بعمل إلى انا موجود عشانه وانصحك تمشى من هنا لأن البيت كله هيفضى، مش هيفضل إى شخص فيه.

بصيت على الراجل بعيون مكسوره وقلب مدمى وقلت لازم تخرجه مهما كان التمن ان عايزه يتحرق

الراجل قال كله بأمر الله، مفيش اى حاجه تقدر تقف أمام مشيئة الله سبحانه وتعالى

الشيطان والجان كلها أشياء ضعيفه آمام قدرته وفضلنا قاعدين فى مناهده طويله بين الراجل والكيان كر وفر

قبل نهاية الجلسه الراجل همس بصوت مهزوز انا عرفتك يا لعين انت قندير خادم ابليس المفضل ،احد أمراء الشيطان العلويين

الشيطان ضحك طالما عرفت أسمى يبقى عارف انى لا يمكن ارحل من غير تمن ؟

الراجل تردد كأنه كان قراء عنه او سمع عنه او قابله شخصيا

بصلى الراجل بصة غريبه وقال عايزنى اكمل ؟

قلت ايوه كمل

قال لازم تعرف انى هخرجه وهيمشى لكن مقدرش اعرف هنخسر ايه

قلت انا مستعد ادفع التمن مهما كان المهم تقضى عليه وتشفى غليلى

الوضع احتدم ،شفت حجات عمرى ما كنت هصدقها لولا مهما سمعت او قرأت عنها، شفت الكرسى بيتحرك لوحده

شفت الشباك بينفتح ويترزع وشفت معدة بنتى بتول ببتعوج وتنتفخ كأن فى شيء جواها كل ده والكيان بيسخر ويضحك

لكن الراجل كان عرف اسمه وواصل الضغط عليه

لحد ما كل حاجه سكنت وظهر بهيئته قدام الحمام

ذى اول مره تلبس فيها بنتى بتول وخلاها تتحكم فى أفعال حور جارتى وتخليها تعمل إلى هو عايزه مع بناتى

الراجل قال رجعت مكانك الأول يا مطرود من رحمة الله

اخرج منها  اترك البيت فى سلام ،صرخت لا مش عايزه يخرج عايزه يتحرق ويبقى رماد

الراجل قالى بلاش __

قلت لا، دى الحاجه الوحيده إلى معاها ممكن احس انى ارتحت

وعرفت من نظرة الراجل التمن هيكون ايه ،وقلت انا مستعد ادفع التمن لكن قاتل بناتى لازم يتحرق

لما بدأت الحاله عرفت الكيان كان يقصد ايه لما قال مش هخرج من غير تمن وعرفت بصة الراجل المشفقه عليه

عشان قندير يتحرق لازم انا كمان اروح قصاده حاجه قصاد حاجه ،وسمعت صراخ الكيان لأول مره هخرج وخلاص مش لازم خسائر

قلت بصوت عالى لا مش هتخرج

انا هدفع التمن

مره تانيه الكيان قال هتسيب بنتك لمين يا مجنون؟

قلت بنتى ليها ربنا بعدى

ومن غير تردد صرخت فى الراجل نفذ…

شهقت بتول لما انتهى كل شيء، كأنها كانت فى رحله خارج العالم ولسه راجعه غريبه

سألت عن والدتها وأخواتها البنات ووالدها ،الراجل رغم فقره اخد بتول معاه ،مكنش عنده عيال واعتبرها بنته

اتعلمت ودخلت جامعه واتخرجت منها فى قسم الترجمه

كنت فى الرابعه والعشرين لما الشركه قررت انى امسك مكتبها فى لندن..

وكان والدى مريض، اقصد الراجل إلى ربانى لأنه قبل سفرى حكالى القصه كلها

انا الوحيده التى تبقت من ثم لم يبقى أحد، انا الانسانه إلى نجت بعدما تسببت فى مقتل كل اسرتها

اقف الأن على محطة القطار المتجه من لندن إلى فرنسا احمل فى يدى حقيبتى وداخل صدرى قصه لا يعرفها احد غيرى والرجل الذى مات بعدما ربانى.

انتهت

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

جميع الروايات كامله من هنا 👇 ❤️ 👇 

روايات كامله وحصريه

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇 

روايات كامله وحديثه

❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺