دكتوري الفصل الرابع حصريه وجديده على مدونة النجم المتوهج
دكتوري الفصل الرابع حصريه وجديده على مدونة النجم المتوهج
عمر:شو حلو الشعور بالرضى والراحة شو ارتحت وقت عرفت أنها بتبادلني نفس المشاعر بحبك ياطفلتي الشقية
بيمسك موبايلو وبيتصل فيها
وقت شافت اسمو على شاشة الموبايل بلش قلبها يرفرف ردت
اسيل:الو
عمر:احلا الو بسمعها بحياتي كيفها طفلتي المدللة
اسيل:الحمد لله كيفك أنت
عمر:مشتااااقلك أنا بكرى رح أجي واخطبك
اسيل؛شووو ليش كلهل سرعة
عمر:ليش لنتستنا
اسيل:منشان مانندم لانو كلشي صار بسرعة يعني منشان نتاكد من مشاعرنا
عمر:شو عم تحكي عن شب بعمر المراهقة انا رجل ناضج وبعرف كتير منيح شو طبيعة مشاعري لك عمري35سنة لسا عم تقلي لنتاكد من مشاعرنا تعي لهون ليكون انتي مانك متأكدة من مشاعرك
أسيل بسرعة:لا لا متأكدة
عمر ضحك من قلبو على عفويتها
اسيل"اييي حاج تضحك
عمر:قلتيلي متأكدة أي معك حق تخافي اني طير من إيدك لأني عريس مابتعوض
اسيل:تبا للتواضع حضرة الدكتور
عمر:هلق من الأخير بكرى رح أجي اخطبك ورح توافقي
اسيل:بس انت بتعرف وضعي ع القليلة لااتحسن
عمر:لا مابدي حدا غيري يحملك انا وقت حملك أدهم مبارح حسيت نار وشغلت بصدري
اسيل:ههههه هاد أخي
عمر:أي أنا بغار عليكي حتى من اخوكي
اسيل:هلق إلي عم يصير حقيقة مو خيال أنت متأكد
عمر:أي حقيقة
اسيل:يعني الدكتور عمر بجلالة قدرو بيحبني لا وكمان عم يتغزل فيني الله يرحم ايام العصبية والنشافة في التعامل
عمر:ههههه هلق بصراحة أنا كنت اخد على حالي وعد انو ما أعطي لا ولا وحدة من جنس حوا ريق حلو بس قلبتيلي كل موازيني انتي
اسيل:صحي شو السبب
عمر:شي يوم بحكيلك
اسيل:بدك شي أنا بدي سكر ونااام اليوم حاسستو شهر
عمر:أي والله يعني عملتي حادث ورحتي ع المشفى والحمد لله مانمتي فيها وبلشت قصة حب ههههه ولسا ماخلص اليوم
اسيل:هههه أي يالله سلام
عمر:مع السلامة ياعمري
سكرت أسيل وهيا حاسة حالها طايرة من الفرح
اسيل:يااااارب الحمد لله الحمد لله أنك استجيتلي دعائي وخليتو يحس بحبي
عمر:ههههه خمرت الحب اسقينيها
تاني يوم
فاقت أسيل وساعدتها أريج وسارة منشان تتجهز طبعا خبرتهن انو بدو يجي عمر يخطبها بس أدهم الوحيد إلي مامعو علم
عمر جهز حالو واخد بوكيه ورد واجا لعند اسيل
ادهم:أهلا وسهلا بالدكتور عمر
عمر:اهلين فيك استاز أدهم
ادهم:شو بتحب تشرب
عمر؛قبل مااشرب أنا إلي عند حضرتك طلب ويتمنى ماتردني
ادهم:ولو أنت ببيتي وأن شاء الله مابترجع خايب
عمر:أنا متل مابتعرف دكتور بالجامعة عمري35سنة أعزب أبي وأمي ميتين من زمان عندي أخت وحيدة متجوزة برات البلد
ادهم:ههههه طيب شو في بعد هل مقدمة بدك طالعلك هوية يعني
عمر:ههههه لا أنا بصراحة مابعرف شو بدي احكي أو من وين بدي بلش انا طالب ايد الآنسة أسيل على سنة الله ورسوله
أدهم انصدم لوهلة
أريج ماسكة ايدين أسيل وسارة عم تتسمع شو عم يحكو وتخبرهن
اسيل:شو سارة شو حكا أدهم
سارة:لك ماحكا شئ لسا
اسيل:معقول يرفض
اريج:تفي من تمك ليش لحتى يرفض يعني بس يمكن اتفاجا
عمر:شو قلت استاز أدهم
ادهم:بصراحة حضرتك فاجئتني كتير يعني طلبك مفاجا وبتعرف وضع أسيل
عمر:أنا بعرف كلشي وأنا ازا كنت قبل ماتعمل الحادث بدي ياها عشرة بالمية هلق بدي ياها مية بالمية صدقني وبوعدك إني حطها بعيوني
ادهم:كلامك كتير اسعدني وانا بتشرف فيك كصهر بس ممكن تعطيني لبكرى منشان اسأل أسيل واخد رأيها
عمر"بصراحة لا هلق خود رأيها وبكرى بجيب الشيخ وبنكتب الكتاب
ادهم:😳😂 دكتور أنت عم تحكي جد
عمر:أي وياريت تسالها هلق وتردلي خبر وازا كان جوابها أي بكرى بنكتب الكتاب وبس تتحسن نعمل خطبة
أدهم رفع كتافو وقام لعند أسيل
سارة:أدهم أدهم جاي لهون أمشي اريج
طلعو سارة واريج من عند أسيل
ضلت أسيل لحالها والعرق عم يصب صب من جبينها
دخل أدهم لعندها
ادهم:اسولة حبيبتي بدي احكي معك بموضوع
اريج:كيفك دكتور
عمر:اهلين أريج كيفك انتي
اريج:الحمد لله شو نقول مبروك
عمر:لا استني ليطلع أدهم ويخبرني شو قالتلو أسيل
اريج:امممم ع أساس حضرتك مابتعرف شو رأيها بس رفيقتي وأنا بعرفها وقت تتوتر تصير حوبة يمكن تقول مابدي
عمر:الله لا يسمع منك لا تعصبيني أريج بتعرفيني وقت بعصب ما
اريج:لا دخيلك كلشي ولا تعصب أنا ماسدقت انو صار عندي واسطة منشان احسن اخد واعطي معك
عمر:ههههه هلق أسيل صارت واسطة
اسيل:متل مابدك أخي
ادهم:لامو متل مابدي هي حياتك والزلمة برا ناطر جوابك وهو مستعجل قال بكرى بدو يكتب الكتاب وبس تتحسني بتعملو خطبة
أسيل بلعت ريقها:مو..موافقة
ادهم:🤨🤨والله شكلكون مخططين لكلشي وأنا آخر من يعلم
اسيل:الله يسامحك
أبتسم أدهم وطلع
سارة واريج بالمطبخ
سارة:أي والله هلكنا ونحنا من مطرح لمطرح
اريج:ههههه أي والله أمشي لنشوف أسيل شو قالت لادهم
راحو لعند أسيل
ادهم:دكتور والله مابعرف شو بدي قلك أسيل مو موافقة
عمر توسعو عيونو:شو هي
ادهم: قالتلك انو مي موافقة قصدي احم يعني شو السبب
ادهم:ههههه ولسا بدكن تقنعوني انكن مو منسقين كلشي من قبل اهلييين بصهري مسند ضهري ههههه مبروك
عمر:يازلمة والله حليتلي ركبي الله يبارك فيك معناتو أنا بكرى بجيب الشيخ وبنكتب الكتاب
ادهم:على بركة الله شو نشرب القهوة بقا
عمر:أي
ادهم:عملولنا قهوة
سارة:يالله أنا رايحة اعمللون قهوة
اريج:مبروك ياعمري يالله شدي حيلك وتحسني ع السريع منشان نعمل اعرسنا مع بعض
اسيل:ههههه أي أن شاء الله أريج رح موت من كتر التوتر لك لا واخي كشفنا كانو
اريج:هههه أي وشو يعني يالله بدك شي قبل ماروح
اسيل:أي ساعديني لاادخل ع الحمام
حطت أريج الكرسي جنب التخت وساعدت أسيل لتقعد عليه اخدتها ع الحمام ورجعتها وطلعت
راحت أريج وبعدها راح عمر ودخلو أدهم وسارة لعند اسيل
سارة:وبدارنا رمانة حامضة ولافانة اويها ومابنعمل عرس ألا لتقومي اسولتنا بخير وسلامة وللليشش
ادهم:لللسششش
اسيل:هههههه الله يخليلي ياكن
سارة:والله عريسك معبي مركزو هيبة مشالله عليه
ادهم:أي والله بتشبهو قصة النملة والفيل
سارة:لا ولوو أنت كمان مو لهلدرجة يعني مو ضخم كتير جسمو حلو متل جسمك تقريبا بس أسيل ناعمة شوية بكرى ع الخطبة والجيزة بتصح
ادهم:أي أختي كانو الموضوع إلي عم نحكي فيه مابيخصك شاركينا
اسيل:شو بدي احكي
ادهم:والله عرق هل حيا بدك تطققيه
سارة:هههه والله ونعم الأخ عم ينصح اختو تصير قليلة حيا
ادهم:أي لكن منشان ماتعزبو لصهري😂😉
اسيل:خلص اخيي شو صايرلك اليوم
سارة:أي والله بيكفي تطالع هل درر تعا خلينا نطلع منشان ترتاح أسيل وساعدني بتحضير الغدا ابنك هلكني
ادهم:أمرك مولاتي
طلعو أدهم وسارة من عند أسيل
ببيبلش موبايلها يدق مكالمة فيديو ع الوتساب بيكون عمر
فتحت الخط
عمر:لك ريتو يقبرني هل وشو الحلو
اسيل:.......☺️
'
عمر:دخيلووو إلي خدود بيصرو بدن أكل وقت بيحمرو
اسيل:.......
عمر:اييي وبعدين بدي اسمع صوتك حياتي
اسيل:ماني متعودة ع كل هل حكي الحلو هاد مابعرف شو بدي جاوب
عمر:لا هيك بدنا نزعل من بعض من هون وهيك بدك تتعودي بوعدك رح يكون حكي وعيشتك معي كلها حلو بحلو ياحلوة😉😉
اسيل:ههههه
عمر:تقبرني هل ضحكة بس ماحكيت شي بيضحك
اسيل:ههههه ماتخيلت أنك بتعرف تغمز
عمر:😉😉أنا إلي بعرف
اسيل:والله شكلي أنا إلي مابعرف عنك كتير شغلات
عمر:الأيام جاية ان شاء الله وبنقعد مع بعض ونتعرف على بعض ومنشان الدروس بصير بجي ع البيت وبتابعلك كلشي عم ناخدو بالجامعة
اسيل:أن شاء الله
عمر:وبكرى كتب كتابنا شو بدك جبلك بهل مناسبة تدللي
اسيل:سلامتك
عمر:الله يسلملي ياكي
اسيل:أنا بحبك كتير والله
عمر؛وأنا بعشقك كتير ولله
اسيل:يعني مارح تتركني ولا تمل مني
عمر:حدا بيترك روحو أو يمل منها
اسيل:مابتتخيل أنا اديش مبسوطة ياريت لو الله سبحانه وتعالى يكملها معي وبرجع بمشي
عمر:أن شاء الله حبيبتي بعد يومين رح تبلشي بالعلاج وأن شاء الله باقل من شهر بتكوني رجعتي متل قبل واحسن
اسيل:أن شاء الله
عمر:ايييه مابدك تحكيلي من ايمت وانتي بتحبيني😌
اسيل:بالله شو شايفتك من هلق شفت حالك علي
عمر:لك أنا عندك ومعك بنسى حالي مو بشوفو
اسيل:امممم ونسيم
عمر:ههههه دخيلو أنا مانسيتها يا روحي والله وقت شفتها كانت عم بلش حبك ولو بعرف أنك بتحبيني وقلبك شاغل من الغيرة كنت ماحكيت معها ولا كلمة
اسيل:أي اشتعلت ومشي الحال
عمر:على فكرة وحدة بوحدة بنفس اليوم والوقت اجا عاصم وأنا كمان قلبي كان رح ينفجر وشربت كل الباكيت
اسيل:هههه معناتو اتصافينا
عمر:أي
اسيل:يالله عم يندهولي ع الغدا أكيد رح يجي أدهم يطالعني
عمر:صحة وهنا على قلبك ياقلبي مع السلامة
سكرو موبايلتهن ودخل أدهم اجا ليحملها
اسيل:خلص أخي دفشني أو أنا بحرك الكرسي مافي داعي تعزب حالك
أدهم مارد وحملها
ادهم:لك شو هل رسميات هاي
اسيل:الله لا يحرمني منك يااحن أخ بالكون
ادهم:ولا منك حبيبتي
سارة:اي وا أنا هيك رح بلش غار
ادهم:لا وعلى شو هلق بحملك أنا اختصاص عتالة هون
اسيل:ههههههههههه
سارة/ادهم:تدوم الضحكة
اسيل:بحبكون أنا
أدهم:أنا كوني قبل مااكون محامي فأنا اخوكي برايي كتب الكتاب بالمحكمة احسن أو ازبط
سارة:دخيلك انت بدك كلشي ع القانون لا خليهن يكتبو عند الشيخ وبعدين يثبتو بالمحكمة أنا بحب أجواء الشيخ وزوجتك موكلتي وهل حكي هاد
ادهم:أي لا طالما انتي بتحبي خلصنا ماضل شئ لااحكيه وانتي رأيك متل العروس ولا بيختلف عنها
اسيل تضحك وتحكي:لا رايي من رأيها
ادهم:أي وأنا رأيي انو الأكل برد
تغدو وسهرو ونامو
تاني يوم
عمر لبس واتانق طلع اتفق مع شيخ بعد ساعة وراح عزم أسعد ورفيق تاني لاالو منشان يكون الشهود
موبايلو عم بيرن اختو عم تتصل فيه
عمر:اهلين راما. .....الحمدلله كيفك انتي .......أي مو قلتلك من مبارحة اليوم كتب كتابي..........طبعا متاكد شو شايفتيني ولد صغير.........راما ازا بتريدي احترمي انو انا اخوكي الكبير ........لك رح تمشي رح تمشي أن شاء الله...........الله يبارك فيكي مع السلامة
سكر الموبايل
عمر:اووف ياه شقد بتنق قال متأكد هههههه كنت بدي قلها طابس لشوشتي بس منشان هيبتي قدامها ماتطير
عند اسيل سارة واريج عم يشوفو شغلهن😂
أدهم عزم كم واحد من معارفهن الرجال طبعا كتب الكتاب للرجال
بعد ساعة بيوصل الشيخ والمعازيم وعمر لعند بيت أسيل
اريج:ها وهي خلصنا شو رأيك ساره
سارة:مشالله عليها قمر قمر الله يعطيكي العافية
اسيل:وبالنسبة لرايي ولا مو مهم
اريج:ههههه لا طبعا مهم ياعمري
سارة:تعي اريج خلينا نعبيلن الضيافة بالصحون
طلعو واسيل ضلت لحالها
الشيخ:مين وكيل العروس
ادهم:أنا شيخي أنا اخوها
الشيخ:مابيصير بدي اسمع منها
ادهم:أي طبعا تفضل معي
دخلو لعند أسيل أدهم والشيخ
الشيخ يابنتي موافقة أنك تتزوجي عمر ابن**** من دون أي ضغوطات من حدا وانتي بكامل ارادتك
اسيل:أي موافقة
الشيخ:طيب تفضل لنكمل
أدهم ماشي ورا الشيخ التفت لعند أسيل
أدهم عم يحاول تقليدها :ماصدقت أي موافقة أنا بفرجيكي😒😂
اسيل:ههههه الله لا يحرمني منك ياادهم
كتب الشيخ الكتاب وراحو الناس وضل بس عمر عندهن
عمر:أحم وين اسيل
ادهم:ليك لاتبلش بقا شغل الزل الإزعاج يعني ازا كتبت كتابك عليها لا تنبحت مهما كان بيضل صعب علي اعرف أختي مع حدا أو حدا عم يسأل عليها
عمر/سارة:😳😳😳
ادهم:أحم زودتها مو
سارة:لا حبيبي بس عمر بدو يقوم يضربك شوي تانية
أدهم يتصنع الخوف:غرفة أسيل أول غرفة ع إيدك اليمين
عمر:ههههه ماشي شكرا
دق الباب
اسيل:تفضل
دخل عمر كانت متل الأميرة قاعدة ع التخت فاردة شعرها ولابسة فستان زهر ناعم وقت شافتو اتلبكت وبلشت تفرك ايديها ببعض
عمر عم يمشي باتجاهها
قعد جنبها
عمر:مبرووك علي انتي
أسيل بصوت ادوبو مسموع:الله يبارك فيك
عمر:ههههه يعني عم تباركيلي ع حالك ما في مبروك علي انت
اسيل:........
عمر:طالعة بتجنني يسلملي الزهر إلي حياكل منك شقفة
اسيل:عيونك الحلوين وأنت كمان طالع حلو
عمر عم يبعدلها شعرها لورا ادنها
عمر:بتعرفي شو جاي ع بالي
أسيل عم تحاول ترجع لورا لتبعد شوي وتخلي مسافة بينها وبينو بس ماحسنت من اجريها
عمر:شبك خايفة
اسيل:ل.لا مو مو خايفة
عمر:ههههه لا بصراحة واضح أنك مو خايفة
اسيل:بعد ليجي أدهم
عمر:بالله شو أنا آخر شئ بدي ابتلا بادهم تتذكري وقت كان في مشهد رومنسي وكنتي سرحانة فيه وعاجبك وعم تبتسمي😉
أسيل بلعت ريقها وعرفت شو ناوي
اسيل:بس هنا كانو متزوجين
عمر:أي ونحنا كمان هلق انكتب كتابنا يعني صرتي مرتي
اسيل:.......
رفعلها وشها باصبعتو وغرقو ببحر عيون بعضهن لثواني قرب منها وطبع بوسة كانت كفيلة أنها تعوض أسيل عن سنتين العذاب إلي عاشتن وهيا تعاني من حب عمر وكفيلة كمان أنها تنسي عمر كلشي كان مخططلو من قبل منشان النسوان
عمر اخد أسيل بحضنو
عمر:بدي تبقي دائما بحضني
اسيل:وأنا كمان مابدي تبعد عني أو تتركني
عمر:أي نجي للجد بكرى رح نرجع نستكمل دروسنا
أسيل بعدت عن حضنو
اسيل:بس أنا لسا ماارتحت وبعدين بكرى رح روح منشان الجلسات
عمر:أولا ليكك مرتاحة وعين الله عليكي تانيا الجلسات بعد بكرى ثالثا مو ازا صرتي خطيبتي وعرفتي إني بحبك وعم تدللك تستقوي ومابقى تسمعي كلمتي هلق مستعد أرجع متل قبل وأكتر
أسيل برمت بوزها وماعجبها الحكي
اسيل:لا خلص موافقة
عمر:أي وا هيك بدي ياكي مطيعة لك بدي اكلك بلكي أشبع منك اناا
أسيل إجت لتحكي انفتح الباب ودخل أدهم
ادهم:أحم كيفكن شو عم تعملو أي طولتو اشتقنالكن
عمر بابتسامة مصطنعة:والله ونحنا كمان اساسا كنت عم قلها لااسيل تعي لنطلع لعند أدهم وسارة ما أسيل
اسيل:آه أي آي مزبوط
ادهم:يالله ماصار شئ ليكني اجيت تعي أسيل لااحملك منشان نطلع ع الصالون
سبقو عمر لا مابيصير عنك
ادهم:لا شو هل حكي أنا بحملها
عمر:ولو يعني صارت حلالي وبصراحة مابحب حدا يقرب على شئ ملكي
ادهم:هه أنا اخوها شبك نسيان كانو
اسيل:خلص لا تتخانقو لا أنت ولا هو بروح ع الكرسي
عمر:لا أنا بدي احملك ياحياتي
أدهم:لا مابيصير أنا يعني انا
بتدخل سارة
سارة:شبكن على شو مختلفين
حكولها القصة
سارة:واضحة
أبتسم أدهم
سارة:طبعا عمر
أبتسم عمر وادهم بزق عليها بالهوى
سارة:يالله حبيبي تعا بدي احكي معك بموضوع وأنت عمر جيب أسيل والحقونا
سحبت أدهم وطلعت
عمر:شكلنا من هون لنتزوج رح تخسري اخوكي
اسيل:بعيد الشر أدهم كتير متعلق فيني وهيك ولا هو قلبو طيب وبعدين هو عم يمزح
عمر:طبعا بعرف
قرب وحملها وحاوطت بايديها رقبتو
عمر:بحبك
اسيل:وأنا كمان
عمر:مبسوطة
اسيل:أي كتير
عمر:ايمت بدي احملك وندخل على غرفتنا
اسيل:شو رأيك تمشي احسن مايعمللنا أدهم كبسة
أبتسم وطلعو من الغرفة
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
إرسال تعليق