رواية أوتار أحد من السيف الفصل العاشر بقلم زهرة الربيع حصريه وجديده على مدونة النجم المتوهج

رواية أوتار أحد من السيف الفصل العاشر بقلم زهرة الربيع حصريه وجديده على مدونة النجم المتوهج 

رواية أوتار أحد من السيف الفصل العاشر بقلم زهرة الربيع حصريه وجديده 

 انتفضت بصدمه ورعب لما فاقت وشافت خطاب في وشها بيقول بمكر ....يا مرحب يا بت الجبل شرفتينا

اوصاف كانت لسه دايخه من المخدر بس وقفت بالعافيه  وحاولت تقوى وقالت بغل... لازم اشرفكم ....مهي الدار دي معدومة الشرف

خطاب لسه هيرد نعمات قالت بسخريه.... الله الله الله شايفه المحروسه طالقه لسانها عليك من اولها يا عمده....عشنا وشفنا الغوازي بيتكلموا عن الشرف

اوصاف بصت لنعمات بطرف عينها وقالت... اكيد دي مرتك ...حاكم الطيبون للطيبات

نعمات قالت بغيظ...ايوه مرته لكون معجبتكيش يا غازيه

اوصاف قالت ...لاه معجبتنيش واصل...الغريب انك عجبتيه 

نعمات شهقت بردح ولسه هتتكلم فياض قاطعها وقال بخنقه ....استاذن انا يا عمده ....امانتك بقت عندك

ولسه هيمشي اوصاف قربت منه وقالت بغضب.... يا حسره ....اللي يشوفك يحسبك راجل

فياض الكلمه وجعته جدا لانه مقدر اللي عمله معاها كانت نظرة الخذلان في عيونها غريبه جدا زي ما تكون كانت واثقه فيه وخزلها حس باحساس غريب جدا لدرجه انه كان نفسه يعتذر لها بس ما اعرفش يقول ايه نزل عيونه في الارض وقال... بالاذن

ما قالش غيرها وطلع بسرعه 

خطاب بص لنعمات وقال بحزم ... خشي اوضتك يا نعمات

نعمات قالت بغضب..... ليه... عايز يخلالك الجو ويا السنيوره

خطاب زعق فيها وقال بغضب .....قلت لك خشي اوضتك

نعمات بصت لاوصاف بشر وتوعد وراحت على اوضتها

اول ما مشيت اوصاف ضحكت جامد وقالت وهي بتضحك ....والله هم يضحك وهم يحزن ...مرتك تبان غيرانه عليك ...اول مره اشوف حرمه تغار على حرمه زيها

هنا خطاب بصلها بغضب شديد وقرب منها مسكها من شعرها بقوه وقال.... اوعي تفكري هتحمل طولة لسانك كتير ..ولا تفكري انك ممكن تهربي مني تاني.... انتي خلاص يا حلوه بقيتي ملكي ...ومش هسيبك غير لما اخد كل اللي انا عايزه... ولو ركبتي دماغك كيف المره اللي فاتت ما حدش هيخسر غيرك لانك بقيتي في ارضي و محدش حتي يعرف مكانك

 ودفعها بغضب على الكنبه

 اوصاف بصت له بغضب شديد وقالت ....عمرك ما هتطول اللي في بالك حتى لو حبستني هنا عمري كله ....خليني هنه مفرقاش معايا احبسني مع الخدم ولا حتى  مع المواشي مهتستفادش واصل 

خطاب ابتسم بخبث وقرب منها وقال.... انا ولا هحبسك مع الخدم ولا  مع المواشي ....مش مقامك يا قمر مرت العمده تتكرم في احسن اوضه في الدار كله 

اوصاف اتسعت عينيها بصدمه شديده وقالت..ايه...مرت ايه 

خطاب ابتسم وبصلها بطريقه تقرف وقال .....هيبقى يوم ميتحكيش يوم ما تبقي حلالي وفي سريري 

عند فياض بره كان رايح جاي وهيتجنن وهو بيقول ....لا لا لا شكلها ما بيقولش انها موافقه...... كيف يضحك عليا كده ....كيف يستغفلني..... بس انا الغلطان كان لازمن اسألها.... كيف سمعت كلامه ومسالتهاش...ياترى جايبها ليه...البت كانت مرعوبه ..الخوف في عنيها 

وحاول يهدى شويه وطلع تليفونه عمل مكالمه وقال ....الو ايوه يا عقبه .....انا رجعت ....في السرايا دلوك

وسمعه شويه وقال باستعجال.... الله يسلمك يا اخوي...اسمعني انا محتاجك ضروري .....عايز اتحدت وياك في موضوع محدش هيفيدني فيه غيرك

وسمعه تاني وقال.... لا دلوك ما اقدرش اجيلك وياي شغل ...تعالى لي انت على السرايا...هقابلك في الجنينه زي العاده

قال كده وقفل معاه وفضل مستنيه وهو مش قادر ينسى نظرات اوصاف اللي حسسته زي ما يكون حبسها بايديه

فوق عند غفران كانت مرعوبه جدا بترتجف لما دياب كسر الباب وقرب منها وهو بيقول بهمس مرعب ....نازله قدام اهلي ...والمحامي الغريب ..والخدم كلهم....تقولي انك ما ريدانيش  وابتسم بذهول شديد وقال.... انتي ما ريدانيش انا

... انا دياب الخطاب واحده زيك تنزل تقل مني قدام الناس... لا و بتترجي ابوي كمان وتبوسي على يده عشان يخلصك مني ....طب شوفي دلوك مين هيخلصك مني

بقلم...زهرة الربيع

رغم انها كانت بترتعش من الخوف لكن بلعت ريقها وقالت بقوه مصطنعه.....ما حدش عرف حاجه جديده... كلهم عارفين اني مغصوبه عليك.... ارحمني وارحم حالك ...اعتقني لوجه الله وعيش عمرك مع واحده عايزاك ما توجعش قلبي وتوجع روحك على الفاضي كفاياك يا دياب

دياب قرب منها قوي ومسك شعرها بقى يلفه على ايديه بطريقه مريبه ونظرات ما تبشرش ابدا وقال....و مين قال لك اني مش هتجوز..... انا هتجوز و هجيب لك ضره تعرفك يعني ايه  مره ...ويعني ايه واحده متجوزه 

وشد شعرها بقوه لما كان هيقلعوا من مكانه وقال بجنون.... هجيبلك واحده تقهرك كيف ما قهراني وتحرق قلبك كيف ماحارقه قلبي يا غفران

غفران بقت تتألم من مسكته وقالت ببكا...هملني يا دياب اوعى تضربني تاني انا معملتش حاجه غلط...انا كرهاك ..كرهاك يا اخي هيه عافيه 

دياب مسكها من فكها بقوه وقال بغضب..اه عافيه يا غفران..عافيه ..لانك مش وش زوق واصل

غفران بصتلو بحده وقالت بغل واندفاع...الزوق للي عندهم زوق ...مش للي يتشطر على حرمه لجل يفرد صدره ويقول انا راجل وهو ميفرقش عنها

هنا دياب ضربها قلم قوي جدا وقعت على الارض وبقى يقرب عليها بطريقه رعبتها

غفران اترعبت وحست انو هيعمل فيها زي المره اللي فاتت نزلت دموعها و  بقت تزحف على الارض وهيه بتقول برعب وصراخ...... يا عمي ....الحقني يا عمي .... يا مرت عمي  الحقوني ولدكم هيموتني

تحت كانت اوصاف مصدومه من اللي سمعته من خطاب  وقالت..... سريرك ....سريرك مخلع كيف صاحبه...انت اتهفيت في عقلك ولا ايه يا راجل يا خرفان انت ...تتجوز مين ده انا قد عيالك واصغر

خطاب ابتسم بسخريه وقال..... وفيها ايه ....ياما حصلت هي اول مره ولا احنا اول ناس.... الا بقى اذا كنتي  مش راضيه وعايز تمشي من هنه وترجعي لاهلك ..دي هيبقى فيها كلام تاني بينا 

اوصاف كتفت ايديها وقالت بعند.... بعينك مش هيحصل

خطاب اتنرفز جدا وقال بغضب.... يبقى تطلعي على اوضتك  وتستني فرحك يا عروسه و.....

بس قطع كلامه لما سمعوا صوت غفران بتصرخ وبتنادي عليهم تاني بصوت اعلى سمعوه هو واوصاف

خطاب غمض عينيه بضيق وحاول يرجع يكمل كلامه وقال.... كنا بنقول ايه

اوصاف قالت بذهول .....بتقول ايه وهباب ايه مين دي اللي بتصرخ..... انت حابس واحده غيري فوق

خطاب اتنهد وقال....ليه حد قالك عليا شيخ منصر... دي مرت ولدي ....ملناش صالح  هي وجوزها على طول كده 

اوصاف بصتله بغضب وقالت..... ملناش صالح كيف .... ما هو اكيد جوزها مجنون كيف ابوه ولا هتستناه يموتها 

واتبعت الصوت وجريت على السلم

خطاب اتصدم لما جريت  وراح وراها وهو بيحاول يوقفها بس سبقته وراحت على اوضه دياب

حتى فياض كان مستني عقبه قدام السرايا و سمع صراخ غفران اتخض ودخل البيت فورا  كان عايز يطلب من خطاب يطلع يشوفها بس ما لقاهوش وكان صراخ غفران عالي جدا فطلع فورا على اوضتها بدون اي تفكير

عند غفران كانت مرعوبه من دياب وجريت بسرعه تفتح باب الاوضه عشان تهرب بس دياب لحقها وشدها من شعرها ودفعها تاني على الارض وقال بغضب ....ما تقفلي خشمك يا بت فضحتينا...  عايزه تطلعي تفرجي علينا باقي الخلق ...خلاص يا اختي مهلمسك قال يعني قوي بتخافي و..... 

 بس قطع كلامه لما سمع خبط شديد على الباب وصوت يعرفه جدا بيقول .... افتح يا ود الخطاب .... افتح هجيب لك النيابه 

دياب  اتصدم جدا بصوتها وقال بدهشه..... اوصاف 

بس هز راسه بذهول وقال..... اوصف كيف..... انا خرفت ولا ايه 

وراح على الباب فتح بسرعه واتصدم بشده لما لقاها في وشه نطق بالعافيه وقال.... اوصاف انتي بتعملي ايه هنه

اوصاف كمان اتسعت عيونها  بذهول شديد و بصت له بصدمه ما تتوصفش ورجعت بصت لخطاب و قالت بالعافيه .....ده ...ده ولدك 

 خطاب ابتسم بسخريه وقال.... اه ولدي..... ايه تعرفوا بعض ولا ايه

 دياب قال باستغراب شديد..... ايوه اعرفها ....بس ايه اللي جابها هنه

اوصاف لسه هترد سمعت انين خفيف افتكرت اللي جايه ليه دفعت دياب ودخلت الاوضه لقت غفران واقعه على الارض جريت عليها وهي بتقول بذهول.....اسم الله عليكي.... سلامتك ....سلامتك قومي معايا 

غفران التفتت لها وهي مش حاسه بالدنيا ومش شايفه وشها بوضوح وغابت عن الوعي على كتفها

اوصاف قالت بخوف عليها ....يا مري ....انت عملت فيها ايه ....وقومي يا خيتي ردي عليا

دياب اتنهد بخنقه وقال....هعملها ايه يعني...  همليها هي هتقوم لحالها ....يلا يا ابوي خدها وانزلوا وانا جاي وراكم

وبص لغفران وقال بغضب .....وانتي كمان قومي بلاش كهن حريم هو حتة كف اللي خدتيه 

غفران مردتش واوصاف بقت تبعدلها شعرها وهيه بتقول بغضب....  وتضربها اساسا ليه يا سبع الرجال و....

 بس قطعت كلامها بذهول لما لقت دم على ايدها بصت على وش غفران لقت جبينها اللي كان خيطهولها الدكتور اتفتح وبينزف لانها اتخبطت في الحيطه لما دفعها ...وكان الدم نازل على هدومها ضربت على خدها وقالت .... يا خرابي البت مجروحه وبتنزف

بقلم...زهرة الربيع

دياب اتصدم اول ما قالت كده كان فاكرها وقعت على الارض بس جري عليها وهو بيقول.... انتي بتقولي ايه ....مجروحه كيف.... دي كانت واقعه على الارض و....

بس اتصدم الدم اللي كان نزل على هدوم غفران وكان الجرح مفتوح جامد قال بصدمه شديده ....غفران.... غفران ردي عليا ردي عليا لو سمعاني ..غفرااان

وبقى يحاول يهزها ويكلمها بس اوصاف شدتها منه وقالت بغضب.... هات حاجه نربط لها بيها دماغها بسرعه 

دياب هز راسه بسرعه وخوف وشق شمله من بتوعه ربط لها دماغها وشالها حطها على السرير

وبقى يحاول يفوقها هو بيقول بخوف..... انا يدوبك زقيتها على الارض عشان ما تفتحش الباب...مكنتش عايزها تنزل بس ...مقصديش يا غفران والله ما قصدي

اوصاف ابتسمت بسخريه وقالت..... ما تخافش كده..... الدم وقف كلها شويه وتقفوق..... ما تعملش روحك خايف عليا....لان خوفك باين على حالها

 وبصت عليها بشفقه على دراعها المكسور ووشها المتورم ودماغها المربوطه

دياب نزل عيونه بكسوف وابوه نادى عليه وقال بغضب..... تعالى وياي...... يلا انزل وياي انا قلت لك ما تطلعش بس مبتسمعش الحديت واصل يلا

دياب لسه هيرد اتصدم بفياض اللي وقف عند الباب وقال بخوف......ايه  الصوت اللي سمعته ده يا دياب ....غفران صح انت عملت ايه ...

بس قبل ما يكمل جات عيونه على غفران اللي كانت نايمه ومتبهدله جدا واتصدم بدراعها المكسور ودماغها المفتوحه والدم على هدومها اتسعت عيونه بذهول وكان هيقع من طوله ومسك في الباب بقوه  لما حسن انه داخ من المنظر

دياب احتدت عنيه بغضب ميتوصفش واتقدم عليه وقال بشراسه..... كيف تتجرأ وتطلع لحد اوض النوم كمان.... مشيه من قدامي حالا يا ابوي....بدل ما يمين بالله اقطع رقبته دلوك 

خطاب لسه هيتكلم اتصدمو لما فياض مسك دياب من رقبته قال...انت عملت فيها ايه...انطق عملت فيها ايه

دياب بصلو بغضب وقال بتحدي ....متقلقش ....ليلة امبارح كانت قويه حبتين ....استعفيت عليها ذياده وهيه كيف البسكوته 

فياض حس بدماغه هتنفجر من الغضب وفقد وعيه وفي ثواني طلع الخنجر  اللي كان في جيبه وضربه بيها في جنبه بقوه

دياب شهق واتسعت عنيه بصدمه والم ووقع على الارض قدامهم كلهم وما كانش حد مستوعب اللي حصل ووووو

استوووووب واللي جاي كانتلوب😂 تفاعل قوي قوي قوي يلا علشان نكمل بسررررعه ونشوف اللي بعده🏃‍♀️🏃‍♀️🏃‍♀️

بداية الرواية من هنا

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

جميع الروايات كامله من هنا 👇 ❤️ 👇 

روايات كامله وحصريه

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇 

روايات كامله وحديثه

❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺